| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਏਕੁਤ੍ਤਰਿਕਨਯੋ ਦੁਕવਾਰવਣ੍ਣਨਾ
Ekuttarikanayo dukavāravaṇṇanā
੩੨੨. ਦੁਕੇਸੁ ਅਚਿਤ੍ਤਕਾ ਆਪਤ੍ਤੀਤਿ ਸਮ੍ਬਨ੍ਧੋ। ਭੂਤਾਰੋਚਨਾਪਤ੍ਤੀਤਿ ਪਾਚਿਤ੍ਤਿਯਾਪਤ੍ਤਿ। ਅਭੂਤਾਰੋਚਨਾਪਤ੍ਤੀਤਿ ਪਾਰਾਜਿਕਥੁਲ੍ਲਚ੍ਚਯਾਪਤ੍ਤਿ। ਪਦਸੋਧਮ੍ਮਾਦਿਕਾਤਿਆਦਿਸਦ੍ਦੇਨ ਉਤ੍ਤਰਿਛਪਞ੍ਚવਾਚਾ ਸਙ੍ਗਹਿਤਾ। ਮਞ੍ਚਪੀਠਾਦੀਨਨ੍ਤਿਆਦਿਸਦ੍ਦੇਨ ਭਿਸਿਆਦਯੋ ਸਙ੍ਗਣ੍ਹਾਤਿ। ਅਨਾਪੁਚ੍ਛਾਗਮਨਾਦੀਸੂਤਿ ਆਦਿਸਦ੍ਦੇਨ ਅਨੁਦ੍ਧਰਿਤ੍વਾ ਗਮਨਂ ਸਙ੍ਗਣ੍ਹਾਤਿ। ਸਪੁਗ੍ਗਲੋਤਿ ਸੋ ਅਤ੍ਤਸਙ੍ਖਾਤੋ ਪੁਗ੍ਗਲੋ ਸਪੁਗ੍ਗਲੋ। ਪਰਪੁਗ੍ਗਲੋਤਿ ਪਰੋ ਪੁਗ੍ਗਲੋ ਪਰਪੁਗ੍ਗਲੋ। ਗਰੁਕਨ੍ਤਿ ਸਙ੍ਘਾਦਿਸੇਸਂ। ਲਹੁਕਨ੍ਤਿ ਪਾਚਿਤ੍ਤਿਯਂ। ਪੁਨ ਗਰੁਕਨ੍ਤਿ ਪਾਰਾਜਿਕਂ। ਪੁਨ ਲਹੁਕਨ੍ਤਿ ਪਾਚਿਤ੍ਤਿਯਮੇવ।
322. Dukesu acittakā āpattīti sambandho. Bhūtārocanāpattīti pācittiyāpatti. Abhūtārocanāpattīti pārājikathullaccayāpatti. Padasodhammādikātiādisaddena uttarichapañcavācā saṅgahitā. Mañcapīṭhādīnantiādisaddena bhisiādayo saṅgaṇhāti. Anāpucchāgamanādīsūti ādisaddena anuddharitvā gamanaṃ saṅgaṇhāti. Sapuggaloti so attasaṅkhāto puggalo sapuggalo. Parapuggaloti paro puggalo parapuggalo. Garukanti saṅghādisesaṃ. Lahukanti pācittiyaṃ. Puna garukanti pārājikaṃ. Puna lahukanti pācittiyameva.
ਅਙ੍ਗੁਲਿਮਤ੍ਤਮ੍ਪੀਤਿ ਪਿਸਦ੍ਦੇਨ ਕੇਸਗ੍ਗਮਤ੍ਤਮ੍ਪੀਤਿ ਅਤ੍ਥਂ ਸਮ੍ਪਿਣ੍ਡੇਤਿ। ਤਨ੍ਤਿ ਮਞ੍ਚਪੀਠਂ। ਗਮਿਯੋ ਆਪਜ੍ਜਤਿ ਨਾਮਾਤਿ ਸਮ੍ਬਨ੍ਧੋ।
Aṅgulimattampīti pisaddena kesaggamattampīti atthaṃ sampiṇḍeti. Tanti mañcapīṭhaṃ. Gamiyo āpajjati nāmāti sambandho.
‘‘ਆਦਿਯਨ੍ਤੋ ਆਪਜ੍ਜਤਿ ਨਾਮਾ’’ਤਿਆਦਿਨਾ ਅਤ੍ਥਾਪਤ੍ਤਿ ਆਦਿਯਨ੍ਤੋ ਆਪਜ੍ਜਤੀਤਿ ਪਾਲ਼ਿਯਂ ਆਦਿਯਨ੍ਤੋ ਹੁਤ੍વਾ ਆਪਜ੍ਜਤਿ ਆਪਤ੍ਤਿ ਅਤ੍ਥੀਤਿ ਯੋਜਨਾਨਯਂ ਦਸ੍ਸੇਤਿ। ਏવਞ੍ਹਿ ਸਤਿ ‘‘ਆਪਜ੍ਜਤੀ’’ਤਿ ਆਖ੍ਯਾਤਪਦਂ ‘‘ਅਤ੍ਥੀ’’ਤਿ ਕਿਰਿਯਨ੍ਤਰਂ ਅਪੇਕ੍ਖਿਤ੍વਾ ਕਤ੍ਤਾ ਹੋਤੀਤਿ ਦਟ੍ਠਬ੍ਬਂ। ਅਥ વਾ ਆਦਿਯਨ੍ਤੋ ਪੁਗ੍ਗਲੋ ਯਂ ਆਪਤ੍ਤਿਂ ਆਪਜ੍ਜਤਿ, ਸਾ ਆਪਤ੍ਤਿ ਅਤ੍ਥੀਤਿ ਯੋਜਨਾ। ਏਸੇવ ਨਯੋ ਅਞ੍ਞੇਸੁਪਿ। ਮੂਗਬ੍ਬਤਾਦੀਨੀਤਿ ਆਦਿਸਦ੍ਦੇਨ ਗੋવਤਕੁਕ੍ਕੁਰવਤਾਦੀਨਿ ਸਙ੍ਗਣ੍ਹਾਤਿ। ਪਾਰਿવਾਸਿਕਾਦਯੋ ਆਪਜ੍ਜਨ੍ਤੀਤਿ ਸਮ੍ਬਨ੍ਧੋ। ਤਜ੍ਜਨੀਯਾਦਿਕਮ੍ਮਕਤਾ વਾ ਪੁਗ੍ਗਲਾਤਿ ਯੋਜਨਾ। ਅਸਮਾਦਿਯਨ੍ਤਾ ਆਪਜ੍ਜਨ੍ਤੀਤਿ ਅਸਮਾਦਿਯਨ੍ਤਾ ਹੁਤ੍વਾ ਆਪਜ੍ਜਨ੍ਤਿ। ਤੇਤਿ ਪੁਗ੍ਗਲੇ। ਕਰੋਨ੍ਤੋ ਆਪਜ੍ਜਤਿ ਨਾਮਾਤਿ ਕਰੋਨ੍ਤੋ ਹੁਤ੍વਾ ਆਪਜ੍ਜਤਿ ਨਾਮਾਤਿ ਯੋਜਨਾ। ਏવਂ ਦੇਨ੍ਤੋ ਆਪਜ੍ਜਤਿ ਨਾਮਾਤਿਆਦੀਸੁਪਿ।
‘‘Ādiyanto āpajjati nāmā’’tiādinā atthāpatti ādiyanto āpajjatīti pāḷiyaṃ ādiyanto hutvā āpajjati āpatti atthīti yojanānayaṃ dasseti. Evañhi sati ‘‘āpajjatī’’ti ākhyātapadaṃ ‘‘atthī’’ti kiriyantaraṃ apekkhitvā kattā hotīti daṭṭhabbaṃ. Atha vā ādiyanto puggalo yaṃ āpattiṃ āpajjati, sā āpatti atthīti yojanā. Eseva nayo aññesupi. Mūgabbatādīnīti ādisaddena govatakukkuravatādīni saṅgaṇhāti. Pārivāsikādayo āpajjantīti sambandho. Tajjanīyādikammakatā vā puggalāti yojanā. Asamādiyantāāpajjantīti asamādiyantā hutvā āpajjanti. Teti puggale. Karonto āpajjati nāmāti karonto hutvā āpajjati nāmāti yojanā. Evaṃ dento āpajjati nāmātiādīsupi.
ਏਕਰਤ੍ਤਛਾਰਤ੍ਤਸਤ੍ਤਾਹਦਸਾਹਮਾਸਾਤਿਕ੍ਕਮੇਸੂਤਿ ‘‘ਏਕਰਤ੍ਤਮ੍ਪਿ ਤਿਚੀવਰੇਨ વਿਪ੍ਪવਸੇਯ੍ਯਾ’’ਤਿ (ਪਾਰਾ॰ ੪੭੫-੪੭੬) ਚ ‘‘ਛਾਰਤ੍ਤਪਰਮਂ ਤੇਨ ਭਿਕ੍ਖੁਨਾ ਤੇਨ ਚੀવਰੇਨ વਿਪ੍ਪવਸਿਤਬ੍ਬ’’ਨ੍ਤਿ (ਪਾਰਾ॰ ੬੫੩) ਚ ‘‘ਸਤ੍ਤਾਹਪਰਮਂ ਸਨ੍ਨਿਧਿਕਾਰਕਂ ਪਰਿਭੁਞ੍ਜਿਤਬ੍ਬ’’ਨ੍ਤਿ (ਪਾਰਾ॰ ੬੨੨-੬੨੩) ਚ ‘‘ਦਸਾਹਪਰਮਂ ਅਤਿਰੇਕਚੀવਰਂ ਧਾਰੇਤਬ੍ਬ’’ਨ੍ਤਿ (ਪਾਰਾ॰ ੪੬੨-੪੬੩) ਚ ‘‘ਮਾਸਪਰਮਂ ਨਿਕ੍ਖਿਪਿਤਬ੍ਬ’’ਨ੍ਤਿ (ਪਾਰਾ॰ ੪੯੯-੫੦੦) ਚ વੁਤ੍ਤਕਾਲਾਤਿਕ੍ਕਮੇਸੁ।
Ekarattachārattasattāhadasāhamāsātikkamesūti ‘‘ekarattampi ticīvarena vippavaseyyā’’ti (pārā. 475-476) ca ‘‘chārattaparamaṃ tena bhikkhunā tena cīvarena vippavasitabba’’nti (pārā. 653) ca ‘‘sattāhaparamaṃ sannidhikārakaṃ paribhuñjitabba’’nti (pārā. 622-623) ca ‘‘dasāhaparamaṃ atirekacīvaraṃ dhāretabba’’nti (pārā. 462-463) ca ‘‘māsaparamaṃ nikkhipitabba’’nti (pārā. 499-500) ca vuttakālātikkamesu.
ਇਮਂ ਪਨ ਆਪਤ੍ਤਿਂ ਆਪਜ੍ਜਤਿ ਨਾਮਾਤਿ ਸਮ੍ਬਨ੍ਧੋ।
Imaṃ pana āpattiṃ āpajjati nāmāti sambandho.
ਯਸ੍ਮਿਂ ਪਕ੍ਖੇ ਨਿਸਿਨ੍ਨੋਤਿ ਯਸ੍ਮਿਂ ਪਕ੍ਖੇ ਸਯਂ ਨਿਸਿਨ੍ਨੋ। ਤੇਸਨ੍ਤਿ ਅਤ੍ਤਨੋ ਪਕ੍ਖੇ ਨਿਸਿਨ੍ਨਾਨਂ, ਨਾਨਾਸਂવਾਸਕਨ੍ਤਿ ਸਮ੍ਬਨ੍ਧੋ। ਯੇਸਨ੍ਤਿ ਸਕਪਕ੍ਖੇ ਨਿਸਿਨ੍ਨਾਨਂ। ਕਮ੍ਮਂ ਕੋਪੇਤੀਤਿ ਨਾਨਾਸਂવਾਸਕਤ੍ਤਾ ਕਮ੍ਮਂ ਕੋਪੇਤਿ। ਇਤਰੇਸਨ੍ਤਿ ਪਰਪਕ੍ਖੇ ਨਿਸਿਨ੍ਨਾਨਂ। ਹਤ੍ਥਪਾਸਂ ਅਨਾਗਤਤ੍ਤਾ ਕਮ੍ਮਂ ਕੋਪੇਤੀਤਿ ਯੋਜਨਾ। ‘‘ਏਸੇવ ਨਯੋ’’ਤਿ વੁਤ੍ਤવਚਨਂ વਿਤ੍ਥਾਰੇਨ੍ਤੋ ਆਹ ‘‘ਯੇਸਂ ਹੀ’’ਤਿਆਦਿ। ਯੇਸਨ੍ਤਿ ਸਕਪਕ੍ਖੇ વਾ ਪਰਪਕ੍ਖੇ વਾ ਨਿਸਿਨ੍ਨਾਨਂ ਯੇਸਂ ਭਿਕ੍ਖੂਨਂ। ਸੋਤਿ ਭਿਕ੍ਖੁ। ਆਪਜ੍ਜਿਤਬ੍ਬਤੋਤਿ ਆਪਜ੍ਜਿਤਬ੍ਬਭਾવਤੋ। ਇਮਿਨਾ ਪੁਗ੍ਗਲੇਨ ਛਹਿ ਸਮੁਟ੍ਠਾਨੇਹਿ ਆਪਜ੍ਜਿਤਬ੍ਬਾਤਿ ਆਪਤ੍ਤਿਯੋਤਿ વਚਨਤ੍ਥਂ ਦਸ੍ਸੇਤਿ। ਕਮ੍ਮੇਨ વਾ ਸਲਾਕਗ੍ਗਾਹੇਨ વਾਤਿ ਏਤ੍ਥ ਉਦ੍ਦੇਸੋ ਕਮ੍ਮੇ ਲਕ੍ਖਣਹਾਰਨਯੇਨ ਸਙ੍ਗਹਂ ਗਚ੍ਛਤਿ, વੋਹਾਰਾਨੁਸ੍ਸਾવਨਾ ਸਲਾਕਗ੍ਗਾਹੇਤਿ ਦਸ੍ਸੇਨ੍ਤੋ ਆਹ ‘‘ਉਦ੍ਦੇਸੋ ਚੇવ…ਪੇ॰… ਏਕ’’ਨ੍ਤਿ। ਪੁਬ੍ਬਭਾਗਾਤਿ ਸਙ੍ਘਭੇਦਸ੍ਸ ਪੁਬ੍ਬਭਾਗੇ ਪવਤ੍ਤਾ। ਪਮਾਣਨ੍ਤਿ ਸਙ੍ਘਭੇਦਸ੍ਸ ਕਾਰਣਂ।
Yasmiṃ pakkhe nisinnoti yasmiṃ pakkhe sayaṃ nisinno. Tesanti attano pakkhe nisinnānaṃ, nānāsaṃvāsakanti sambandho. Yesanti sakapakkhe nisinnānaṃ. Kammaṃ kopetīti nānāsaṃvāsakattā kammaṃ kopeti. Itaresanti parapakkhe nisinnānaṃ. Hatthapāsaṃ anāgatattā kammaṃ kopetīti yojanā. ‘‘Eseva nayo’’ti vuttavacanaṃ vitthārento āha ‘‘yesaṃ hī’’tiādi. Yesanti sakapakkhe vā parapakkhe vā nisinnānaṃ yesaṃ bhikkhūnaṃ. Soti bhikkhu. Āpajjitabbatoti āpajjitabbabhāvato. Iminā puggalena chahi samuṭṭhānehi āpajjitabbāti āpattiyoti vacanatthaṃ dasseti. Kammena vā salākaggāhena vāti ettha uddeso kamme lakkhaṇahāranayena saṅgahaṃ gacchati, vohārānussāvanā salākaggāheti dassento āha ‘‘uddeso ceva…pe… eka’’nti. Pubbabhāgāti saṅghabhedassa pubbabhāge pavattā. Pamāṇanti saṅghabhedassa kāraṇaṃ.
ਅਦ੍ਧਾਨਹੀਨੋ ਨਾਮਾਤਿ ਏਤ੍ਥ ਅਦ੍ਧਾਨਸਦ੍ਦੋ ਕਾਲਪਰਿਯਾਯੋਤਿ ਆਹ ‘‘ਊਨવੀਸਤਿવਸ੍ਸੋ’’ਤਿ। ਥੇਯ੍ਯਸਂવਾਸਕਾਦਯੋਤਿਆਦਿਸਦ੍ਦੇਨ ਤਿਤ੍ਥਿਯਪਕ੍ਕਨ੍ਤਕਭਿਕ੍ਖੁਨੀਦੂਸਕਪਞ੍ਚਾਨਨ੍ਤਰਿਯਾ ਸਙ੍ਗਹੇਤਬ੍ਬਾ। ਅਟ੍ਠ ਅਭਬ੍ਬਪੁਗ੍ਗਲਾ ਕਰਣਦੁਕ੍ਕਟਕਾ ਨਾਮ ਹੋਨ੍ਤੀਤਿ ਯੋਜਨਾ। ਏਤ੍ਥ ਕਤ੍ਤਬ੍ਬਨ੍ਤਿ ਕਰਣਂ, ਕਮ੍ਮਂ, ਦੁਟ੍ਠੁ ਕਤ੍ਤਬ੍ਬਨ੍ਤਿ ਦੁਕ੍ਕਟਂ, ਕਮ੍ਮਮੇવ। ਕਰਣਂ ਦੁਕ੍ਕਟਮੇਤਸ੍ਸਾਤਿ ਕਰਣਦੁਕ੍ਕਟਕੋ। વਿਸੇਸਨਪਰਨਿਪਾਤੋ ‘‘ਅਗ੍ਯਾਹਿਤੋ’’ਤਿਆਦੀਸੁ વਿਯ। ਤਦੇવਤ੍ਥਂ ਦਸ੍ਸੇਨ੍ਤੋ ਆਹ ‘‘ਦੁਕ੍ਕਟਕਿਰਿਯਾ’’ਤਿਆਦਿ। ਨੋ ਚ ਯਾਚਤੀਤਿ ਏਤ੍ਥ ਯਾਚਧਾਤੁਯਾ ਪਧਾਨਕਮ੍ਮਂ ਦਸ੍ਸੇਨ੍ਤੋ ਆਹ ‘‘ਉਪਸਮ੍ਪਦ’’ਨ੍ਤਿ, ‘‘ਸਙ੍ਘ’’ਨ੍ਤਿ ਅਪਧਾਨਕਮ੍ਮਮਾਨੇਤਬ੍ਬਂ। ਤੇਪਿਟਕੋਤਿ ਤਿਪਿਟਕਂ વਾਚੁਗ੍ਗਤવਸੇਨ ਧਾਰਕੋ। ਆਣਾਯਪੀਤਿ ਪਿਸਦ੍ਦੋ ‘‘ਮਤੇਨਪੀ’’ਤਿ ਅਤ੍ਥਂ ਸਮ੍ਪਿਣ੍ਡੇਤਿ। ਯਾਚਨ੍ਤਸ੍ਸੇવਾਤਿ ਨਿਸ੍ਸਯਂ ਆਚਰਿਯਂ ਯਾਚਨ੍ਤਸ੍ਸੇવ। ਯਂ વਤ੍ਥੁਂ ਅਜ੍ਝਾਚਰਨ੍ਤੋ ਆਪਤ੍ਤਿਂ ਆਪਜ੍ਜਤਿ, ਤਂ વਤ੍ਥੁ ਸਾਤਿਸਾਰਂ ਨਾਮਾਤਿ ਯੋਜਨਾ।
Addhānahīno nāmāti ettha addhānasaddo kālapariyāyoti āha ‘‘ūnavīsativasso’’ti. Theyyasaṃvāsakādayotiādisaddena titthiyapakkantakabhikkhunīdūsakapañcānantariyā saṅgahetabbā. Aṭṭha abhabbapuggalā karaṇadukkaṭakā nāma hontīti yojanā. Ettha kattabbanti karaṇaṃ, kammaṃ, duṭṭhu kattabbanti dukkaṭaṃ, kammameva. Karaṇaṃ dukkaṭametassāti karaṇadukkaṭako. Visesanaparanipāto ‘‘agyāhito’’tiādīsu viya. Tadevatthaṃ dassento āha ‘‘dukkaṭakiriyā’’tiādi. No ca yācatīti ettha yācadhātuyā padhānakammaṃ dassento āha ‘‘upasampada’’nti, ‘‘saṅgha’’nti apadhānakammamānetabbaṃ. Tepiṭakoti tipiṭakaṃ vācuggatavasena dhārako. Āṇāyapīti pisaddo ‘‘matenapī’’ti atthaṃ sampiṇḍeti. Yācantassevāti nissayaṃ ācariyaṃ yācantasseva. Yaṃ vatthuṃ ajjhācaranto āpattiṃ āpajjati, taṃ vatthu sātisāraṃ nāmāti yojanā.
ਉਪਘਾਤਿਕਾਤਿ ਏਤ੍ਥ ਉਪਹਨਨ੍ਤੀਤਿ ਉਪਘਾਤਾ, ਤੇਯੇવ ਉਪਘਾਤਿਕਾਤਿ ਦਸ੍ਸੇਨ੍ਤੋ ਆਹ ‘‘ਉਪਘਾਤਾ’’ਤਿ। ਤਤ੍ਥਾਤਿ ਦ੍વੀਸੁ ਉਪਘਾਤਿਕੇਸੁ। ਦ੍વੇ વੇਨਯਿਕਾਤਿ ਏਤ੍ਥ વਿਨਯੇਨ ਸਿਦ੍ਧਾ વੇਨਯਿਕਾਤਿ ਦਸ੍ਸੇਨ੍ਤੋ ਆਹ ‘‘વਿਨਯਸਿਦ੍ਧਾ’’ਤਿ। ‘‘ਦ੍વੇ ਅਤ੍ਥਾ’’ਤਿ ਇਮਿਨਾ ਣਿਕਸਦ੍ਦਸ੍ਸ ਸਰੂਪਂ ਦਸ੍ਸੇਤਿ । ਪਞ੍ਞਤ੍ਤਾਨੁਲੋਮਂ ਨਾਮ ਦਟ੍ਠਬ੍ਬਨ੍ਤਿ ਸਮ੍ਬਨ੍ਧੋ। ਪਚ੍ਚਯਘਾਤੋਤਿ ਪਚ੍ਚਯਸ੍ਸ ਘਾਤੋ। ਇਮਿਨਾ ਸੇਤੁਘਾਤੋਤਿ ਏਤ੍ਥ ਸੇਤੁਸਦ੍ਦੋ ਪਚ੍ਚਯવਾਚਕੋਤਿ ਦਸ੍ਸੇਤਿ। ਚਿਤ੍ਤਸ੍ਸਾਪੀਤਿ ਪਿਸਦ੍ਦੋ ਪਗੇવ ਕਾਯવਾਚਾਨਨ੍ਤਿ ਦਸ੍ਸੇਤਿ। ਇਤਿਪੀਤਿ ਪਿਸਦ੍ਦੋ ਦੁਤਿਯਤ੍ਥਸਮ੍ਪਿਣ੍ਡਨੋ। ‘‘ਪਮਾਣੇਨਾ’’ਤਿ ਇਮਿਨਾ ਮਤ੍ਤਕਾਰਿਤਾਤਿ ਏਤ੍ਥ ਮਤ੍ਤਸਦ੍ਦੋ ਪਮਾਣਤ੍ਥੋਤਿ ਦਸ੍ਸੇਤਿ। ‘‘ਕਰਣ’’ਨ੍ਤਿ ਇਮਿਨਾ ਕਾਰਿਤਾਤਿ ਤਦ੍ਧਿਤਭਾવਂ ਕਿਤਭਾવੇਨ ਦਸ੍ਸੇਤਿ ਸਭਾਗਤ੍ਤਾ। ਕਾਯਦ੍વਾਰਿਕਨ੍ਤਿ ਕਾਯਦ੍વਾਰੇ ਪવਤ੍ਤਂ ਆਪਤ੍ਤਿਂ। ਇਮਿਨਾ ਆਪਜ੍ਜਤੀਤਿ ਪਦਸ੍ਸ ਕਮ੍ਮਂ ਦਸ੍ਸੇਤਿ। ਕਾਯੇਨੇવ વੁਟ੍ਠਾਤੀਤਿ ਕਾਯਸਾਮਗ੍ਗਿਯਾ ਦਾਨਤ੍ਤਾ ਕਾਯੇਨੇવ વੁਟ੍ਠਾਤਿ। ਸੀਸਮਕ੍ਖਨਾਦੀਤਿ ਆਦਿਸਦ੍ਦੇਨ ਪਾਦਮਕ੍ਖਨਾਦਿਂ ਸਙ੍ਗਣ੍ਹਾਤਿ।
Upaghātikāti ettha upahanantīti upaghātā, teyeva upaghātikāti dassento āha ‘‘upaghātā’’ti. Tatthāti dvīsu upaghātikesu. Dve venayikāti ettha vinayena siddhā venayikāti dassento āha ‘‘vinayasiddhā’’ti. ‘‘Dve atthā’’ti iminā ṇikasaddassa sarūpaṃ dasseti . Paññattānulomaṃ nāma daṭṭhabbanti sambandho. Paccayaghātoti paccayassa ghāto. Iminā setughātoti ettha setusaddo paccayavācakoti dasseti. Cittassāpīti pisaddo pageva kāyavācānanti dasseti. Itipīti pisaddo dutiyatthasampiṇḍano. ‘‘Pamāṇenā’’ti iminā mattakāritāti ettha mattasaddo pamāṇatthoti dasseti. ‘‘Karaṇa’’nti iminā kāritāti taddhitabhāvaṃ kitabhāvena dasseti sabhāgattā. Kāyadvārikanti kāyadvāre pavattaṃ āpattiṃ. Iminā āpajjatīti padassa kammaṃ dasseti. Kāyeneva vuṭṭhātīti kāyasāmaggiyā dānattā kāyeneva vuṭṭhāti. Sīsamakkhanādīti ādisaddena pādamakkhanādiṃ saṅgaṇhāti.
ਤਨ੍ਤਿ ਭਾਰਂ। ‘‘ਨਿਤ੍ਥਰਿਤੁਂ વੀਰਿਯਂ ਆਰਭਤੀ’’ਤਿ ਇਮਿਨਾ વਹਨਾਕਾਰਂ ਦਸ੍ਸੇਤਿ। ਥੇਰੋ ਸਮਾਨੋਤਿ ਯੋਜਨਾ। ਨવਹਨਾਕਾਰਂ ਦਸ੍ਸੇਨ੍ਤੋ ਆਹ ‘‘ਅਨੁਜਾਨਾਮੀ’’ਤਿਆਦਿ। ‘‘ਕੁਕ੍ਕੁਚ੍ਚਾਯਿਤ੍વਾ ਕਰੋਤੀ’’ਤਿ ਇਮਿਨਾ ਕੁਕ੍ਕੁਚ੍ਚਸਦ੍ਦਸ੍ਸ ਨਾਮਧਾਤੁਂ ਦਸ੍ਸੇਤਿ। ‘‘ਦਿવਾ ਚ ਰਤ੍ਤੋ ਚਾ’’ਤਿ ਇਮਿਨਾ ਅਭਿਣ੍ਹਂ ਆਸવવਡ੍ਢਨਂ ਦਸ੍ਸੇਤਿ। ਤਤ੍ਥ ਤਤ੍ਥਾਤਿ ਤੇਸੁ ਤੇਸੁ વਿਭਙ੍ਗਕ੍ਖਨ੍ਧਕੇਸੁ।
Tanti bhāraṃ. ‘‘Nittharituṃ vīriyaṃ ārabhatī’’ti iminā vahanākāraṃ dasseti. Thero samānoti yojanā. Navahanākāraṃ dassento āha ‘‘anujānāmī’’tiādi. ‘‘Kukkuccāyitvā karotī’’ti iminā kukkuccasaddassa nāmadhātuṃ dasseti. ‘‘Divā ca ratto cā’’ti iminā abhiṇhaṃ āsavavaḍḍhanaṃ dasseti. Tattha tatthāti tesu tesu vibhaṅgakkhandhakesu.
ਇਤਿ ਦੁਕવਾਰવਣ੍ਣਨਾਯ ਯੋਜਨਾ ਸਮਤ੍ਤਾ।
Iti dukavāravaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੨. ਦੁਕવਾਰੋ • 2. Dukavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਦੁਕવਾਰવਣ੍ਣਨਾ • Dukavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦੁਕવਾਰવਣ੍ਣਨਾ • Dukavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਦੁਕવਾਰવਣ੍ਣਨਾ • Dukavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਦੁਕવਾਰવਣ੍ਣਨਾ • Dukavāravaṇṇanā
