| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
згуд̇д̇ариганаяо
Ekuttarikanayo
згуд̇д̇ариганаяо згагаваараван̣н̣анаа
Ekuttarikanayo ekakavāravaṇṇanā
321. звам̣ канд̇хагабужчааяа ван̣н̣анам̣ гад̇ваа ид̣̇аани згуд̇д̇ариганаяасса д̇ам̣ гаронд̇о ааха ‘‘аабад̇д̇и…бз… наяз’’д̇и. д̇ад̇т̇а згуд̇д̇ариганаяз звам̣ винижчаяо взд̣̇ид̇аб̣б̣од̇и яож̇анаа. ‘‘ча аабад̇д̇исамудтаанааний’’д̇и иминаа самудтаанаани аабад̇д̇им̣ гаронд̇ийд̇и ад̇т̇зна аабад̇д̇игараа наамаад̇и д̣̇ассзд̇и. зд̇зсанд̇и чаннам̣ аабад̇д̇исамудтаанаанам̣. хийд̇и яасмаа, аабаж̇ж̇ад̇ийд̇и самб̣анд̇хо. сигкаабад̣̇з жаад̇и маад̇игаасигкаабад̣̇з жа. лахугаа аабад̇д̇ийд̇и зд̇т̇а аббасааваж̇ж̇ад̇д̇аа на лахугаа наама ход̇и, лахугзна бана винаяагаммзнаад̇и ааха ‘‘лахугзна винаяагаммзна висуж̇жханад̇о’’д̇и. бан̃жавид̇хаад̇и т̇уллажжаяаад̣̇ивасзна бан̃жабагаараа. гзнажийд̇и лахугзна ваа г̇аругзна ваа гзнажи аагаарзна. сам̣виж̇ж̇ад̇и г̇ихибхаавад̇о авасзсо саман̣абхааво зд̇иссаад̇и саавасзсаа, бадибагкавасзна анавасзсаа. д̣̇вз аабад̇д̇игканд̇хаад̇и баарааж̇игасан̇гхаад̣̇исзсавасзна д̣̇вз аабад̇д̇игканд̇хаа.
321. Evaṃ khandhakapucchāya vaṇṇanaṃ katvā idāni ekuttarikanayassa taṃ karonto āha ‘‘āpatti…pe… naye’’ti. Tattha ekuttarikanaye evaṃ vinicchayo veditabboti yojanā. ‘‘Cha āpattisamuṭṭhānānī’’ti iminā samuṭṭhānāni āpattiṃ karontīti atthena āpattikarā nāmāti dasseti. Etesanti channaṃ āpattisamuṭṭhānānaṃ. Hīti yasmā, āpajjatīti sambandho. Sikkhāpade cāti mātikāsikkhāpade ca. Lahukā āpattīti ettha appasāvajjattā na lahukā nāma hoti, lahukena pana vinayakammenāti āha ‘‘lahukena vinayakammena visujjhanato’’ti. Pañcavidhāti thullaccayādivasena pañcapakārā. Kenacīti lahukena vā garukena vā kenaci ākārena. Saṃvijjati gihibhāvato avaseso samaṇabhāvo etissāti sāvasesā, paṭipakkhavasena anavasesā. Dve āpattikkhandhāti pārājikasaṅghādisesavasena dve āpattikkhandhā.
‘‘гаронд̇ий’’д̇и иминаа анд̇арааяигаад̇и зд̇т̇а н̣игабажжаяасса ад̇т̇ам̣ д̣̇ассзд̇и. анд̇арааяигаа аабад̇д̇ияо саб̣б̣ат̇аа анд̇арааяигаа хонд̇ийд̇и ааха ‘‘анд̇арааяигам̣ аабаннассаабий’’д̇иаад̣̇и. д̣̇зсзд̇ваа суд̣̇д̇хибад̇д̇ассаад̇и самб̣анд̇хо. логаваж̇ж̇аад̇и логзхи важ̇ж̇зд̇аб̣б̣аа. бан̣н̣ад̇д̇иваж̇ж̇аад̇и бхаг̇авад̇о бан̣н̣ад̇д̇ияаа важ̇ж̇зд̇аб̣б̣аа. яанд̇и яам̣ аабад̇д̇им̣ аабаж̇ж̇ад̇ийд̇и самб̣анд̇хо. гаронд̇од̇и гирияамаанад̇о. зд̇т̇а хи маанасад̣̇д̣̇асса анд̇аад̣̇зсо. иминаа гаран̣ам̣ гирияанд̇и бхаавад̇т̇ам̣ д̣̇ассзд̇и. аабаж̇ж̇ад̇ийд̇и буг̇г̇ало аабаж̇ж̇ад̇и. саа аабад̇д̇и гирияад̇о самудтид̇аа наамаад̇и яож̇анаа. гаа аабад̇д̇и вияаад̇и ааха ‘‘баарааж̇игаабад̇д̇и вияаа’’д̇и. зсзва наяо ананд̇араваагязсуби.
‘‘Karontī’’ti iminā antarāyikāti ettha ṇikapaccayassa atthaṃ dasseti. Antarāyikā āpattiyo sabbathā antarāyikā hontīti āha ‘‘antarāyikaṃ āpannassāpī’’tiādi. Desetvā suddhipattassāti sambandho. Lokavajjāti lokehi vajjetabbā. Paṇṇattivajjāti bhagavato paṇṇattiyā vajjetabbā. Yanti yaṃ āpattiṃ āpajjatīti sambandho. Karontoti kiriyamānato. Ettha hi mānasaddassa antādeso. Iminā karaṇaṃ kiriyanti bhāvatthaṃ dasseti. Āpajjatīti puggalo āpajjati. Sā āpatti kiriyato samuṭṭhitā nāmāti yojanā. Kā āpatti viyāti āha ‘‘pārājikāpatti viyā’’ti. Eseva nayo anantaravākyesupi.
буб̣б̣аабад̇д̇ийд̇и зд̇т̇а буб̣б̣асад̣̇д̣̇о батамад̇т̇од̇и ааха ‘‘батамам̣ аабаннаабад̇д̇ий’’д̇и. ‘‘аабаннаа’’д̇и бад̣̇зна маж̇жхзлобам̣ д̣̇ассзд̇и. бажчаа аабаннаабад̇д̇ийд̇и вад̇д̇абхзд̣̇ад̣̇уггадаабад̇д̇и. муулависуд̣̇д̇хияаад̇и муулз гааяажи аабад̇д̇ияаа амиссад̇д̇аа висуд̣̇д̇хияаа аабад̇д̇ияаа. гурунд̣̇ияам̣ вуд̇д̇анд̇и самб̣анд̇хо. ид̣̇амбийд̇и гурунд̣̇ияам̣ вуд̇д̇аважанамби. бисад̣̇д̣̇зна буримам̣ махааадтагат̇ааважанам̣ абзгкад̇и. згзна барияааязнаад̇и згзна гааран̣зна.
Pubbāpattīti ettha pubbasaddo paṭhamatthoti āha ‘‘paṭhamaṃ āpannāpattī’’ti. ‘‘Āpannā’’ti padena majjhelopaṃ dasseti. Pacchā āpannāpattīti vattabhedadukkaṭāpatti. Mūlavisuddhiyāti mūle kāyaci āpattiyā amissattā visuddhiyā āpattiyā. Kurundiyaṃ vuttanti sambandho. Idampīti kurundiyaṃ vuttavacanampi. Pisaddena purimaṃ mahāaṭṭhakathāvacanaṃ apekkhati. Ekena pariyāyenāti ekena kāraṇena.
яаад̇и аабад̇д̇и, д̣̇зсид̇аа ход̇ийд̇и самб̣анд̇хо. аяам̣ д̣̇зсид̇аа г̇ан̣ануубигаа наамаад̇и яож̇анаа. яаа д̣̇зсид̇аа ход̇и, аяам̣ аг̇ан̣ануубигаа наамаад̇и яож̇анаа. сауссаахзнзваад̇и бунаби аабаж̇ж̇иссаамийд̇и саха уссаахзнзва. хийд̇и сажжам̣, яасмаа ваа. ‘‘г̇ан̣анам̣ на убзд̇ий’’д̇и иминаа г̇ан̣анам̣ на убаг̇ажчад̇ийд̇и аг̇ан̣ануубигаад̇и важанад̇т̇ам̣ д̣̇ассзд̇и. адтамз вад̇т̇усмим̣ бууран̣зд̇и самб̣анд̇хо. ид̣̇ам̣ баал̣ияам̣ адтавад̇т̇угабууран̣авасзна бхигкунийнам̣ ааг̇ад̇ад̇д̇аа бхигкунияо санд̇хааяа вуд̇д̇ам̣. бхигкуунамби д̣̇уд̇ияабаарааж̇игадтаанз лаб̣бхад̇иязва.
Yāti āpatti, desitā hotīti sambandho. Ayaṃ desitā gaṇanūpikā nāmāti yojanā. Yā desitā hoti, ayaṃ agaṇanūpikā nāmāti yojanā. Saussāhenevāti punapi āpajjissāmīti saha ussāheneva. Hīti saccaṃ, yasmā vā. ‘‘Gaṇanaṃ na upetī’’ti iminā gaṇanaṃ na upagacchatīti agaṇanūpikāti vacanatthaṃ dasseti. Aṭṭhame vatthusmiṃ pūraṇeti sambandho. Idaṃ pāḷiyaṃ aṭṭhavatthukapūraṇavasena bhikkhunīnaṃ āgatattā bhikkhuniyo sandhāya vuttaṃ. Bhikkhūnampi dutiyapārājikaṭṭhāne labbhatiyeva.
т̇уллаваж̇ж̇аад̇и зд̇т̇а т̇уллам̣ важ̇ж̇ам̣ зд̇иссаад̇и т̇уллаваж̇ж̇аад̇и д̣̇ассзнд̇о ааха ‘‘т̇уллад̣̇осз бан̃н̃ад̇д̇аа’’д̇и. яаа жа д̇хаммигасса бадиссавасса асажжаабанз аабад̇д̇и ад̇т̇и, саа жа г̇ихибадисам̣яуд̇д̇аад̇и яож̇анаа. бан̃жаананд̇арияагаммаабад̇д̇ийд̇и бан̃жахи аананд̇арияагаммзхи аабаннаа баарааж̇игаабад̇д̇и. суд̣̇иннад̇т̇зраад̣̇ийд̇и аад̣̇исад̣̇д̣̇зна д̇ханияад̇т̇зраад̣̇аяо сан̇г̇ан̣хаад̇и. аад̣̇игаммигод̇и аад̣̇игаммам̣ гаронд̇о, д̇асмим̣ нияуд̇д̇о ваа. маггадисаман̣аад̣̇ийд̇и аад̣̇исад̣̇д̣̇зна важ̇ж̇ибуд̇д̇агаад̣̇аяо сан̇г̇ан̣хаад̇и. яо гад̣̇аажи гарахажи аабад̇д̇им̣ аабаж̇ж̇ад̇и, со ад̇хижжаабад̇д̇иго наамаад̇и яож̇анаа. барад̇оби зсзва наяо.
Thullavajjāti ettha thullaṃ vajjaṃ etissāti thullavajjāti dassento āha ‘‘thulladose paññattā’’ti. Yā ca dhammikassa paṭissavassa asaccāpane āpatti atthi, sā ca gihipaṭisaṃyuttāti yojanā. Pañcānantariyakammāpattīti pañcahi ānantariyakammehi āpannā pārājikāpatti. Sudinnattherādīti ādisaddena dhaniyattherādayo saṅgaṇhāti. Ādikammikoti ādikammaṃ karonto, tasmiṃ niyutto vā. Makkaṭisamaṇādīti ādisaddena vajjiputtakādayo saṅgaṇhāti. Yo kadāci karahaci āpattiṃ āpajjati, so adhiccāpattiko nāmāti yojanā. Paratopi eseva nayo.
‘‘жод̣̇зд̇ий’’д̇и иминаа жод̣̇зд̇ийд̇и жод̣̇агод̇и важанад̇т̇ам̣ д̣̇ассзд̇и. ‘‘жод̣̇ид̇о’’д̇и иминаа жод̣̇ид̇аб̣б̣од̇и жуд̣̇ид̇о, соязва жуд̣̇ид̇агод̇и важанад̇т̇ам̣ д̣̇ассзд̇и. бан̃жад̣̇асасууд̇и баад̇имогкадтабанагканд̇хагз вуд̇д̇зсу бан̃жад̣̇асад̇хаммзсу. д̇знаад̇и ад̇хаммажод̣̇агзна, жод̣̇ид̇од̇и самб̣анд̇хо. баад̇имогкадтабанагканд̇хагз (жуул̣ава. 401) вуд̇д̇з сажжз жа агуббз жа ад̇идтанд̇оби ад̇хаммажуд̣̇ид̇агоязва наама, со бана д̇хаммажод̣̇агзна жод̣̇ид̇зязва губбанд̇о ад̇хаммажуд̣̇ид̇аго наама, ад̇хаммажод̣̇агзна жод̣̇ид̇з бана губбанд̇оби ад̇хаммажуд̣̇ид̇аго наама на ход̇и, д̇асмаа ид̇ха на вуд̇д̇о. ‘‘саманнааг̇ад̇о’’д̇и иминаа нияад̇аа зд̇асса санд̇ийд̇и нияад̇од̇и важанад̇т̇ам̣ д̣̇ассзд̇и.
‘‘Codetī’’ti iminā codetīti codakoti vacanatthaṃ dasseti. ‘‘Codito’’ti iminā coditabboti cudito, soyeva cuditakoti vacanatthaṃ dasseti. Pañcadasasūti pātimokkhaṭṭhapanakkhandhake vuttesu pañcadasadhammesu. Tenāti adhammacodakena, coditoti sambandho. Pātimokkhaṭṭhapanakkhandhake (cūḷava. 401) vutte sacce ca akuppe ca atiṭṭhantopi adhammacuditakoyeva nāma, so pana dhammacodakena coditeyeva kuppanto adhammacuditako nāma, adhammacodakena codite pana kuppantopi adhammacuditako nāma na hoti, tasmā idha na vutto. ‘‘Samannāgato’’ti iminā niyatā etassa santīti niyatoti vacanatthaṃ dasseti.
аабаж̇ж̇ид̇ум̣ бхаб̣б̣аад̇и бхаб̣б̣аабад̇д̇игаа. гзнажи гаммзна агад̇оби анугкид̇д̇агоязва наама, со бана угкид̇д̇агод̇и сан̇гаабхаавад̇о ид̇ха на вуд̇д̇о. аяанд̇и д̇аж̇ж̇анийяаад̣̇игаммагад̇о бхигку. хийд̇и яасмаа, на гобзд̇ийд̇и самб̣анд̇хо. лин̇г̇ад̣̇ан̣д̣агаммасам̣ваасанаасанаахийд̇и лин̇г̇анаасанзна жа д̣̇ан̣д̣агамманаасанзна жа сам̣ваасанаасанзна жа. язнаад̇и бхигкунаа. сод̇и наанаасам̣ваасаго. д̣̇виннам̣ наанаасам̣ваасагаанам̣ висзсо хздтаа (баажи. адта. 428) вуд̇д̇оязва. табанам̣ ж̇аанид̇аб̣б̣анд̇и зд̇т̇а гим̣ табанам̣ наамаад̇и ааха ‘‘баад̇имогкадтабана’’нд̇и.
Āpajjituṃ bhabbāti bhabbāpattikā. Kenaci kammena akatopi anukkhittakoyeva nāma, so pana ukkhittakoti saṅkābhāvato idha na vutto. Ayanti tajjanīyādikammakato bhikkhu. Hīti yasmā, na kopetīti sambandho. Liṅgadaṇḍakammasaṃvāsanāsanāhīti liṅganāsanena ca daṇḍakammanāsanena ca saṃvāsanāsanena ca. Yenāti bhikkhunā. Soti nānāsaṃvāsako. Dvinnaṃ nānāsaṃvāsakānaṃ viseso heṭṭhā (pāci. aṭṭha. 428) vuttoyeva. Ṭhapanaṃ jānitabbanti ettha kiṃ ṭhapanaṃ nāmāti āha ‘‘pātimokkhaṭṭhapana’’nti.
ид̇и згагаваараван̣н̣анааяа яож̇анаа самад̇д̇аа.
Iti ekakavāravaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. згагавааро • 1. Ekakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / згагаваараван̣н̣анаа • Ekakavāravaṇṇanā
