| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਏਕੁਤ੍ਤਰਿਕਨਯੋ
Ekuttarikanayo
ਏਕੁਤ੍ਤਰਿਕਨਯੋ ਏਕਕવਾਰવਣ੍ਣਨਾ
Ekuttarikanayo ekakavāravaṇṇanā
੩੨੧. ਏવਂ ਖਨ੍ਧਕਪੁਚ੍ਛਾਯ વਣ੍ਣਨਂ ਕਤ੍વਾ ਇਦਾਨਿ ਏਕੁਤ੍ਤਰਿਕਨਯਸ੍ਸ ਤਂ ਕਰੋਨ੍ਤੋ ਆਹ ‘‘ਆਪਤ੍ਤਿ…ਪੇ॰… ਨਯੇ’’ਤਿ। ਤਤ੍ਥ ਏਕੁਤ੍ਤਰਿਕਨਯੇ ਏવਂ વਿਨਿਚ੍ਛਯੋ વੇਦਿਤਬ੍ਬੋਤਿ ਯੋਜਨਾ। ‘‘ਛ ਆਪਤ੍ਤਿਸਮੁਟ੍ਠਾਨਾਨੀ’’ਤਿ ਇਮਿਨਾ ਸਮੁਟ੍ਠਾਨਾਨਿ ਆਪਤ੍ਤਿਂ ਕਰੋਨ੍ਤੀਤਿ ਅਤ੍ਥੇਨ ਆਪਤ੍ਤਿਕਰਾ ਨਾਮਾਤਿ ਦਸ੍ਸੇਤਿ। ਏਤੇਸਨ੍ਤਿ ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ। ਹੀਤਿ ਯਸ੍ਮਾ, ਆਪਜ੍ਜਤੀਤਿ ਸਮ੍ਬਨ੍ਧੋ। ਸਿਕ੍ਖਾਪਦੇ ਚਾਤਿ ਮਾਤਿਕਾਸਿਕ੍ਖਾਪਦੇ ਚ। ਲਹੁਕਾ ਆਪਤ੍ਤੀਤਿ ਏਤ੍ਥ ਅਪ੍ਪਸਾવਜ੍ਜਤ੍ਤਾ ਨ ਲਹੁਕਾ ਨਾਮ ਹੋਤਿ, ਲਹੁਕੇਨ ਪਨ વਿਨਯਕਮ੍ਮੇਨਾਤਿ ਆਹ ‘‘ਲਹੁਕੇਨ વਿਨਯਕਮ੍ਮੇਨ વਿਸੁਜ੍ਝਨਤੋ’’ਤਿ। ਪਞ੍ਚવਿਧਾਤਿ ਥੁਲ੍ਲਚ੍ਚਯਾਦਿવਸੇਨ ਪਞ੍ਚਪਕਾਰਾ। ਕੇਨਚੀਤਿ ਲਹੁਕੇਨ વਾ ਗਰੁਕੇਨ વਾ ਕੇਨਚਿ ਆਕਾਰੇਨ। ਸਂવਿਜ੍ਜਤਿ ਗਿਹਿਭਾવਤੋ ਅવਸੇਸੋ ਸਮਣਭਾવੋ ਏਤਿਸ੍ਸਾਤਿ ਸਾવਸੇਸਾ, ਪਟਿਪਕ੍ਖવਸੇਨ ਅਨવਸੇਸਾ। ਦ੍વੇ ਆਪਤ੍ਤਿਕ੍ਖਨ੍ਧਾਤਿ ਪਾਰਾਜਿਕਸਙ੍ਘਾਦਿਸੇਸવਸੇਨ ਦ੍વੇ ਆਪਤ੍ਤਿਕ੍ਖਨ੍ਧਾ।
321. Evaṃ khandhakapucchāya vaṇṇanaṃ katvā idāni ekuttarikanayassa taṃ karonto āha ‘‘āpatti…pe… naye’’ti. Tattha ekuttarikanaye evaṃ vinicchayo veditabboti yojanā. ‘‘Cha āpattisamuṭṭhānānī’’ti iminā samuṭṭhānāni āpattiṃ karontīti atthena āpattikarā nāmāti dasseti. Etesanti channaṃ āpattisamuṭṭhānānaṃ. Hīti yasmā, āpajjatīti sambandho. Sikkhāpade cāti mātikāsikkhāpade ca. Lahukā āpattīti ettha appasāvajjattā na lahukā nāma hoti, lahukena pana vinayakammenāti āha ‘‘lahukena vinayakammena visujjhanato’’ti. Pañcavidhāti thullaccayādivasena pañcapakārā. Kenacīti lahukena vā garukena vā kenaci ākārena. Saṃvijjati gihibhāvato avaseso samaṇabhāvo etissāti sāvasesā, paṭipakkhavasena anavasesā. Dve āpattikkhandhāti pārājikasaṅghādisesavasena dve āpattikkhandhā.
‘‘ਕਰੋਨ੍ਤੀ’’ਤਿ ਇਮਿਨਾ ਅਨ੍ਤਰਾਯਿਕਾਤਿ ਏਤ੍ਥ ਣਿਕਪਚ੍ਚਯਸ੍ਸ ਅਤ੍ਥਂ ਦਸ੍ਸੇਤਿ। ਅਨ੍ਤਰਾਯਿਕਾ ਆਪਤ੍ਤਿਯੋ ਸਬ੍ਬਥਾ ਅਨ੍ਤਰਾਯਿਕਾ ਹੋਨ੍ਤੀਤਿ ਆਹ ‘‘ਅਨ੍ਤਰਾਯਿਕਂ ਆਪਨ੍ਨਸ੍ਸਾਪੀ’’ਤਿਆਦਿ। ਦੇਸੇਤ੍વਾ ਸੁਦ੍ਧਿਪਤ੍ਤਸ੍ਸਾਤਿ ਸਮ੍ਬਨ੍ਧੋ। ਲੋਕવਜ੍ਜਾਤਿ ਲੋਕੇਹਿ વਜ੍ਜੇਤਬ੍ਬਾ। ਪਣ੍ਣਤ੍ਤਿવਜ੍ਜਾਤਿ ਭਗવਤੋ ਪਣ੍ਣਤ੍ਤਿਯਾ વਜ੍ਜੇਤਬ੍ਬਾ। ਯਨ੍ਤਿ ਯਂ ਆਪਤ੍ਤਿਂ ਆਪਜ੍ਜਤੀਤਿ ਸਮ੍ਬਨ੍ਧੋ। ਕਰੋਨ੍ਤੋਤਿ ਕਿਰਿਯਮਾਨਤੋ। ਏਤ੍ਥ ਹਿ ਮਾਨਸਦ੍ਦਸ੍ਸ ਅਨ੍ਤਾਦੇਸੋ। ਇਮਿਨਾ ਕਰਣਂ ਕਿਰਿਯਨ੍ਤਿ ਭਾવਤ੍ਥਂ ਦਸ੍ਸੇਤਿ। ਆਪਜ੍ਜਤੀਤਿ ਪੁਗ੍ਗਲੋ ਆਪਜ੍ਜਤਿ। ਸਾ ਆਪਤ੍ਤਿ ਕਿਰਿਯਤੋ ਸਮੁਟ੍ਠਿਤਾ ਨਾਮਾਤਿ ਯੋਜਨਾ। ਕਾ ਆਪਤ੍ਤਿ વਿਯਾਤਿ ਆਹ ‘‘ਪਾਰਾਜਿਕਾਪਤ੍ਤਿ વਿਯਾ’’ਤਿ। ਏਸੇવ ਨਯੋ ਅਨਨ੍ਤਰવਾਕ੍ਯੇਸੁਪਿ।
‘‘Karontī’’ti iminā antarāyikāti ettha ṇikapaccayassa atthaṃ dasseti. Antarāyikā āpattiyo sabbathā antarāyikā hontīti āha ‘‘antarāyikaṃ āpannassāpī’’tiādi. Desetvā suddhipattassāti sambandho. Lokavajjāti lokehi vajjetabbā. Paṇṇattivajjāti bhagavato paṇṇattiyā vajjetabbā. Yanti yaṃ āpattiṃ āpajjatīti sambandho. Karontoti kiriyamānato. Ettha hi mānasaddassa antādeso. Iminā karaṇaṃ kiriyanti bhāvatthaṃ dasseti. Āpajjatīti puggalo āpajjati. Sā āpatti kiriyato samuṭṭhitā nāmāti yojanā. Kā āpatti viyāti āha ‘‘pārājikāpatti viyā’’ti. Eseva nayo anantaravākyesupi.
ਪੁਬ੍ਬਾਪਤ੍ਤੀਤਿ ਏਤ੍ਥ ਪੁਬ੍ਬਸਦ੍ਦੋ ਪਠਮਤ੍ਥੋਤਿ ਆਹ ‘‘ਪਠਮਂ ਆਪਨ੍ਨਾਪਤ੍ਤੀ’’ਤਿ। ‘‘ਆਪਨ੍ਨਾ’’ਤਿ ਪਦੇਨ ਮਜ੍ਝੇਲੋਪਂ ਦਸ੍ਸੇਤਿ। ਪਚ੍ਛਾ ਆਪਨ੍ਨਾਪਤ੍ਤੀਤਿ વਤ੍ਤਭੇਦਦੁਕ੍ਕਟਾਪਤ੍ਤਿ। ਮੂਲવਿਸੁਦ੍ਧਿਯਾਤਿ ਮੂਲੇ ਕਾਯਚਿ ਆਪਤ੍ਤਿਯਾ ਅਮਿਸ੍ਸਤ੍ਤਾ વਿਸੁਦ੍ਧਿਯਾ ਆਪਤ੍ਤਿਯਾ। ਕੁਰੁਨ੍ਦਿਯਂ વੁਤ੍ਤਨ੍ਤਿ ਸਮ੍ਬਨ੍ਧੋ। ਇਦਮ੍ਪੀਤਿ ਕੁਰੁਨ੍ਦਿਯਂ વੁਤ੍ਤવਚਨਮ੍ਪਿ। ਪਿਸਦ੍ਦੇਨ ਪੁਰਿਮਂ ਮਹਾਅਟ੍ਠਕਥਾવਚਨਂ ਅਪੇਕ੍ਖਤਿ। ਏਕੇਨ ਪਰਿਯਾਯੇਨਾਤਿ ਏਕੇਨ ਕਾਰਣੇਨ।
Pubbāpattīti ettha pubbasaddo paṭhamatthoti āha ‘‘paṭhamaṃ āpannāpattī’’ti. ‘‘Āpannā’’ti padena majjhelopaṃ dasseti. Pacchā āpannāpattīti vattabhedadukkaṭāpatti. Mūlavisuddhiyāti mūle kāyaci āpattiyā amissattā visuddhiyā āpattiyā. Kurundiyaṃ vuttanti sambandho. Idampīti kurundiyaṃ vuttavacanampi. Pisaddena purimaṃ mahāaṭṭhakathāvacanaṃ apekkhati. Ekena pariyāyenāti ekena kāraṇena.
ਯਾਤਿ ਆਪਤ੍ਤਿ, ਦੇਸਿਤਾ ਹੋਤੀਤਿ ਸਮ੍ਬਨ੍ਧੋ। ਅਯਂ ਦੇਸਿਤਾ ਗਣਨੂਪਿਕਾ ਨਾਮਾਤਿ ਯੋਜਨਾ। ਯਾ ਦੇਸਿਤਾ ਹੋਤਿ, ਅਯਂ ਅਗਣਨੂਪਿਕਾ ਨਾਮਾਤਿ ਯੋਜਨਾ। ਸਉਸ੍ਸਾਹੇਨੇવਾਤਿ ਪੁਨਪਿ ਆਪਜ੍ਜਿਸ੍ਸਾਮੀਤਿ ਸਹ ਉਸ੍ਸਾਹੇਨੇવ। ਹੀਤਿ ਸਚ੍ਚਂ, ਯਸ੍ਮਾ વਾ। ‘‘ਗਣਨਂ ਨ ਉਪੇਤੀ’’ਤਿ ਇਮਿਨਾ ਗਣਨਂ ਨ ਉਪਗਚ੍ਛਤੀਤਿ ਅਗਣਨੂਪਿਕਾਤਿ વਚਨਤ੍ਥਂ ਦਸ੍ਸੇਤਿ। ਅਟ੍ਠਮੇ વਤ੍ਥੁਸ੍ਮਿਂ ਪੂਰਣੇਤਿ ਸਮ੍ਬਨ੍ਧੋ। ਇਦਂ ਪਾਲ਼ਿਯਂ ਅਟ੍ਠવਤ੍ਥੁਕਪੂਰਣવਸੇਨ ਭਿਕ੍ਖੁਨੀਨਂ ਆਗਤਤ੍ਤਾ ਭਿਕ੍ਖੁਨਿਯੋ ਸਨ੍ਧਾਯ વੁਤ੍ਤਂ। ਭਿਕ੍ਖੂਨਮ੍ਪਿ ਦੁਤਿਯਪਾਰਾਜਿਕਟ੍ਠਾਨੇ ਲਬ੍ਭਤਿਯੇવ।
Yāti āpatti, desitā hotīti sambandho. Ayaṃ desitā gaṇanūpikā nāmāti yojanā. Yā desitā hoti, ayaṃ agaṇanūpikā nāmāti yojanā. Saussāhenevāti punapi āpajjissāmīti saha ussāheneva. Hīti saccaṃ, yasmā vā. ‘‘Gaṇanaṃ na upetī’’ti iminā gaṇanaṃ na upagacchatīti agaṇanūpikāti vacanatthaṃ dasseti. Aṭṭhame vatthusmiṃ pūraṇeti sambandho. Idaṃ pāḷiyaṃ aṭṭhavatthukapūraṇavasena bhikkhunīnaṃ āgatattā bhikkhuniyo sandhāya vuttaṃ. Bhikkhūnampi dutiyapārājikaṭṭhāne labbhatiyeva.
ਥੁਲ੍ਲવਜ੍ਜਾਤਿ ਏਤ੍ਥ ਥੁਲ੍ਲਂ વਜ੍ਜਂ ਏਤਿਸ੍ਸਾਤਿ ਥੁਲ੍ਲવਜ੍ਜਾਤਿ ਦਸ੍ਸੇਨ੍ਤੋ ਆਹ ‘‘ਥੁਲ੍ਲਦੋਸੇ ਪਞ੍ਞਤ੍ਤਾ’’ਤਿ। ਯਾ ਚ ਧਮ੍ਮਿਕਸ੍ਸ ਪਟਿਸ੍ਸવਸ੍ਸ ਅਸਚ੍ਚਾਪਨੇ ਆਪਤ੍ਤਿ ਅਤ੍ਥਿ, ਸਾ ਚ ਗਿਹਿਪਟਿਸਂਯੁਤ੍ਤਾਤਿ ਯੋਜਨਾ। ਪਞ੍ਚਾਨਨ੍ਤਰਿਯਕਮ੍ਮਾਪਤ੍ਤੀਤਿ ਪਞ੍ਚਹਿ ਆਨਨ੍ਤਰਿਯਕਮ੍ਮੇਹਿ ਆਪਨ੍ਨਾ ਪਾਰਾਜਿਕਾਪਤ੍ਤਿ। ਸੁਦਿਨ੍ਨਤ੍ਥੇਰਾਦੀਤਿ ਆਦਿਸਦ੍ਦੇਨ ਧਨਿਯਤ੍ਥੇਰਾਦਯੋ ਸਙ੍ਗਣ੍ਹਾਤਿ। ਆਦਿਕਮ੍ਮਿਕੋਤਿ ਆਦਿਕਮ੍ਮਂ ਕਰੋਨ੍ਤੋ, ਤਸ੍ਮਿਂ ਨਿਯੁਤ੍ਤੋ વਾ। ਮਕ੍ਕਟਿਸਮਣਾਦੀਤਿ ਆਦਿਸਦ੍ਦੇਨ વਜ੍ਜਿਪੁਤ੍ਤਕਾਦਯੋ ਸਙ੍ਗਣ੍ਹਾਤਿ। ਯੋ ਕਦਾਚਿ ਕਰਹਚਿ ਆਪਤ੍ਤਿਂ ਆਪਜ੍ਜਤਿ, ਸੋ ਅਧਿਚ੍ਚਾਪਤ੍ਤਿਕੋ ਨਾਮਾਤਿ ਯੋਜਨਾ। ਪਰਤੋਪਿ ਏਸੇવ ਨਯੋ।
Thullavajjāti ettha thullaṃ vajjaṃ etissāti thullavajjāti dassento āha ‘‘thulladose paññattā’’ti. Yā ca dhammikassa paṭissavassa asaccāpane āpatti atthi, sā ca gihipaṭisaṃyuttāti yojanā. Pañcānantariyakammāpattīti pañcahi ānantariyakammehi āpannā pārājikāpatti. Sudinnattherādīti ādisaddena dhaniyattherādayo saṅgaṇhāti. Ādikammikoti ādikammaṃ karonto, tasmiṃ niyutto vā. Makkaṭisamaṇādīti ādisaddena vajjiputtakādayo saṅgaṇhāti. Yo kadāci karahaci āpattiṃ āpajjati, so adhiccāpattiko nāmāti yojanā. Paratopi eseva nayo.
‘‘ਚੋਦੇਤੀ’’ਤਿ ਇਮਿਨਾ ਚੋਦੇਤੀਤਿ ਚੋਦਕੋਤਿ વਚਨਤ੍ਥਂ ਦਸ੍ਸੇਤਿ। ‘‘ਚੋਦਿਤੋ’’ਤਿ ਇਮਿਨਾ ਚੋਦਿਤਬ੍ਬੋਤਿ ਚੁਦਿਤੋ, ਸੋਯੇવ ਚੁਦਿਤਕੋਤਿ વਚਨਤ੍ਥਂ ਦਸ੍ਸੇਤਿ। ਪਞ੍ਚਦਸਸੂਤਿ ਪਾਤਿਮੋਕ੍ਖਟ੍ਠਪਨਕ੍ਖਨ੍ਧਕੇ વੁਤ੍ਤੇਸੁ ਪਞ੍ਚਦਸਧਮ੍ਮੇਸੁ। ਤੇਨਾਤਿ ਅਧਮ੍ਮਚੋਦਕੇਨ, ਚੋਦਿਤੋਤਿ ਸਮ੍ਬਨ੍ਧੋ। ਪਾਤਿਮੋਕ੍ਖਟ੍ਠਪਨਕ੍ਖਨ੍ਧਕੇ (ਚੂਲ਼વ॰ ੪੦੧) વੁਤ੍ਤੇ ਸਚ੍ਚੇ ਚ ਅਕੁਪ੍ਪੇ ਚ ਅਤਿਟ੍ਠਨ੍ਤੋਪਿ ਅਧਮ੍ਮਚੁਦਿਤਕੋਯੇવ ਨਾਮ, ਸੋ ਪਨ ਧਮ੍ਮਚੋਦਕੇਨ ਚੋਦਿਤੇਯੇવ ਕੁਪ੍ਪਨ੍ਤੋ ਅਧਮ੍ਮਚੁਦਿਤਕੋ ਨਾਮ, ਅਧਮ੍ਮਚੋਦਕੇਨ ਚੋਦਿਤੇ ਪਨ ਕੁਪ੍ਪਨ੍ਤੋਪਿ ਅਧਮ੍ਮਚੁਦਿਤਕੋ ਨਾਮ ਨ ਹੋਤਿ, ਤਸ੍ਮਾ ਇਧ ਨ વੁਤ੍ਤੋ। ‘‘ਸਮਨ੍ਨਾਗਤੋ’’ਤਿ ਇਮਿਨਾ ਨਿਯਤਾ ਏਤਸ੍ਸ ਸਨ੍ਤੀਤਿ ਨਿਯਤੋਤਿ વਚਨਤ੍ਥਂ ਦਸ੍ਸੇਤਿ।
‘‘Codetī’’ti iminā codetīti codakoti vacanatthaṃ dasseti. ‘‘Codito’’ti iminā coditabboti cudito, soyeva cuditakoti vacanatthaṃ dasseti. Pañcadasasūti pātimokkhaṭṭhapanakkhandhake vuttesu pañcadasadhammesu. Tenāti adhammacodakena, coditoti sambandho. Pātimokkhaṭṭhapanakkhandhake (cūḷava. 401) vutte sacce ca akuppe ca atiṭṭhantopi adhammacuditakoyeva nāma, so pana dhammacodakena coditeyeva kuppanto adhammacuditako nāma, adhammacodakena codite pana kuppantopi adhammacuditako nāma na hoti, tasmā idha na vutto. ‘‘Samannāgato’’ti iminā niyatā etassa santīti niyatoti vacanatthaṃ dasseti.
ਆਪਜ੍ਜਿਤੁਂ ਭਬ੍ਬਾਤਿ ਭਬ੍ਬਾਪਤ੍ਤਿਕਾ। ਕੇਨਚਿ ਕਮ੍ਮੇਨ ਅਕਤੋਪਿ ਅਨੁਕ੍ਖਿਤ੍ਤਕੋਯੇવ ਨਾਮ, ਸੋ ਪਨ ਉਕ੍ਖਿਤ੍ਤਕੋਤਿ ਸਙ੍ਕਾਭਾવਤੋ ਇਧ ਨ વੁਤ੍ਤੋ। ਅਯਨ੍ਤਿ ਤਜ੍ਜਨੀਯਾਦਿਕਮ੍ਮਕਤੋ ਭਿਕ੍ਖੁ। ਹੀਤਿ ਯਸ੍ਮਾ, ਨ ਕੋਪੇਤੀਤਿ ਸਮ੍ਬਨ੍ਧੋ। ਲਿਙ੍ਗਦਣ੍ਡਕਮ੍ਮਸਂવਾਸਨਾਸਨਾਹੀਤਿ ਲਿਙ੍ਗਨਾਸਨੇਨ ਚ ਦਣ੍ਡਕਮ੍ਮਨਾਸਨੇਨ ਚ ਸਂવਾਸਨਾਸਨੇਨ ਚ। ਯੇਨਾਤਿ ਭਿਕ੍ਖੁਨਾ। ਸੋਤਿ ਨਾਨਾਸਂવਾਸਕੋ। ਦ੍વਿਨ੍ਨਂ ਨਾਨਾਸਂવਾਸਕਾਨਂ વਿਸੇਸੋ ਹੇਟ੍ਠਾ (ਪਾਚਿ॰ ਅਟ੍ਠ॰ ੪੨੮) વੁਤ੍ਤੋਯੇવ। ਠਪਨਂ ਜਾਨਿਤਬ੍ਬਨ੍ਤਿ ਏਤ੍ਥ ਕਿਂ ਠਪਨਂ ਨਾਮਾਤਿ ਆਹ ‘‘ਪਾਤਿਮੋਕ੍ਖਟ੍ਠਪਨ’’ਨ੍ਤਿ।
Āpajjituṃ bhabbāti bhabbāpattikā. Kenaci kammena akatopi anukkhittakoyeva nāma, so pana ukkhittakoti saṅkābhāvato idha na vutto. Ayanti tajjanīyādikammakato bhikkhu. Hīti yasmā, na kopetīti sambandho. Liṅgadaṇḍakammasaṃvāsanāsanāhīti liṅganāsanena ca daṇḍakammanāsanena ca saṃvāsanāsanena ca. Yenāti bhikkhunā. Soti nānāsaṃvāsako. Dvinnaṃ nānāsaṃvāsakānaṃ viseso heṭṭhā (pāci. aṭṭha. 428) vuttoyeva. Ṭhapanaṃ jānitabbanti ettha kiṃ ṭhapanaṃ nāmāti āha ‘‘pātimokkhaṭṭhapana’’nti.
ਇਤਿ ਏਕਕવਾਰવਣ੍ਣਨਾਯ ਯੋਜਨਾ ਸਮਤ੍ਤਾ।
Iti ekakavāravaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਏਕਕવਾਰੋ • 1. Ekakavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਏਕਕવਾਰવਣ੍ਣਨਾ • Ekakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਏਕਕવਾਰવਣ੍ਣਨਾ • Ekakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਏਕਕવਾਰવਣ੍ਣਨਾ • Ekakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਏਕਕવਾਰવਣ੍ਣਨਾ • Ekakavāravaṇṇanā
