| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
згуд̇д̇ариганаяо навагаваараван̣н̣анаа
Ekuttarikanayo navakavāravaṇṇanā
329. навагзсу ажарийд̇иаад̣̇ийнийд̇и аад̣̇исад̣̇д̣̇зна ‘‘жарад̇и, жариссад̇ий’’д̇иаад̣̇ийни (д̣̇ий. ни. 3.340; адта. ни. 9.29-30) сан̇г̇ан̣хаад̇и. д̇ам̣ гуд̇зд̇т̇а лаб̣бхаад̇и зд̇т̇а д̇анд̇и анад̇т̇ажаран̣ам̣, гобагаран̣ам̣ ваа. гуд̇од̇и гзна гааран̣зна. зд̇т̇аад̇и зд̇асмим̣ анад̇т̇ажарагабуг̇г̇алз. лаб̣бхаад̇и лад̣̇д̇хаа, саггаа лад̣̇д̇хум̣ на лаб̣бхаа зваад̇и ад̇т̇о. наваннам̣ ваа бхигкуунам̣ гааран̣аад̇и яож̇анаа. д̇ан̣ханд̇и д̣̇вийсу зсанад̇ан̣хаазсид̇ад̇ан̣хаасу зсанад̇ан̣хам̣. бадижжаад̇и аараб̣бха. бариязсанаад̇и бунаббунам̣ зсанаа. лаабход̇и руубаад̣̇иаарамман̣алаабхо. винижчаяод̇и н̃аан̣ад̇ан̣хаад̣̇идтивид̇аггавасзна жад̇уб̣б̣ид̇хо винижчаяо. жад̇уб̣б̣ид̇хо хи д̇хаммо ‘‘зд̇д̇агам̣ маяхам̣ бхависсад̇ий’’д̇иаад̣̇инаа винижчинад̇и анзнаад̇и винижчаяод̇и вужжад̇и. чанд̣̇арааг̇од̇и б̣алаварааг̇о. аж̇жхосаананд̇и ‘‘ахам̣ мама’’нд̇и б̣алавасаннидтаанам̣, бариг̇г̇аход̇и д̇ан̣хаад̣̇идтивасзна барижчинд̣̇ид̇ваа г̇ахан̣ам̣. мажчарияанд̇и барзсам̣ саад̇хааран̣абхаавасса асаханад̇аа. аарагкаад̇и д̣̇ваарабид̣̇аханаман̃ж̇уусаг̇обанаад̣̇ивасзна аабхусо рагканам̣. аарагкаад̇хигаран̣анд̇и аарагкагааран̣аа, хзд̇вад̇т̇з жзд̇ам̣ бажжад̇д̇аважанам̣. д̣̇ан̣д̣аад̣̇аанаад̣̇ийсу баранисзд̇ханад̇т̇ам̣ д̣̇ан̣д̣асса аад̣̇аанам̣ д̣̇ан̣д̣аад̣̇аанам̣. д̇ат̇аа згад̇од̇хаараад̣̇ино сад̇т̇асса аад̣̇аанам̣ сад̇т̇аад̣̇аанам̣. галаход̇и гааяагалахоби ваажаагалахоби. виг̇г̇аход̇и вируд̣̇д̇хавасзна г̇ахан̣ам̣. виваад̣̇од̇и вируд̣̇д̇хавасзна вад̣̇анам̣. ‘‘д̇увам̣ д̇ува’’нд̇и анаад̣̇аравасзна вад̣̇анам̣ д̇увам̣д̇увам̣ ваад̣̇о, бзсун̃н̃авасзна вад̣̇анам̣ бзсун̃н̃аваад̣̇о, мусаавасзна вад̣̇анам̣ мусааваад̣̇о, д̣̇ан̣д̣аад̣̇аанан̃жа сад̇т̇аад̣̇аанан̃жа галахо жа виг̇г̇ахо жа виваад̣̇о жа д̇увам̣д̇увам̣ваад̣̇о жа бзсун̃н̃аваад̣̇о жа мусааваад̣̇о жа д̣̇ан̣д̣аад̣̇аана…бз… мусааваад̣̇аа. мусааваад̣̇аад̇и зд̇т̇а ваад̣̇асад̣̇д̣̇о ‘‘д̇увам̣ д̇ува’’нд̇и жа ‘‘бзсун̃н̃а’’нд̇и жа зд̇т̇ааби яож̇зд̇аб̣б̣о. ‘‘ахам̣ сзяяохамасмий’’д̇и бавад̇д̇амаанаад̣̇аяод̇и яож̇анаа. ад̇хидтид̇агаалад̇о бадтааяа на вигаббзд̇аб̣б̣аанийд̇и ад̇хидтаанавигаббанам̣ згад̇о на гаад̇аб̣б̣ам̣, ад̇хидтид̇з на вигаббзд̇аб̣б̣анд̇и ад̇хиббааяо. барин̣ад̇ам̣ лаабхам̣ барин̣аамзд̇ийд̇и самб̣анд̇хо.
329. Navakesu acarītiādīnīti ādisaddena ‘‘carati, carissatī’’tiādīni (dī. ni. 3.340; aṭṭha. ni. 9.29-30) saṅgaṇhāti. Taṃ kutettha labbhāti ettha tanti anatthacaraṇaṃ, kopakaraṇaṃ vā. Kutoti kena kāraṇena. Etthāti etasmiṃ anatthacarakapuggale. Labbhāti laddhā, sakkā laddhuṃ na labbhā evāti attho. Navannaṃ vā bhikkhūnaṃ kāraṇāti yojanā. Taṇhanti dvīsu esanataṇhāesitataṇhāsu esanataṇhaṃ. Paṭiccāti ārabbha. Pariyesanāti punappunaṃ esanā. Lābhoti rūpādiārammaṇalābho. Vinicchayoti ñāṇataṇhādiṭṭhivitakkavasena catubbidho vinicchayo. Catubbidho hi dhammo ‘‘ettakaṃ mayhaṃ bhavissatī’’tiādinā vinicchinati anenāti vinicchayoti vuccati. Chandarāgoti balavarāgo. Ajjhosānanti ‘‘ahaṃ mama’’nti balavasanniṭṭhānaṃ, pariggahoti taṇhādiṭṭhivasena paricchinditvā gahaṇaṃ. Macchariyanti paresaṃ sādhāraṇabhāvassa asahanatā. Ārakkhāti dvārapidahanamañjūsagopanādivasena ābhuso rakkhanaṃ. Ārakkhādhikaraṇanti ārakkhakāraṇā, hetvatthe cetaṃ paccattavacanaṃ. Daṇḍādānādīsu paranisedhanatthaṃ daṇḍassa ādānaṃ daṇḍādānaṃ. Tathā ekatodhārādino satthassa ādānaṃ satthādānaṃ. Kalahoti kāyakalahopi vācākalahopi. Viggahoti viruddhavasena gahaṇaṃ. Vivādoti viruddhavasena vadanaṃ. ‘‘Tuvaṃ tuva’’nti anādaravasena vadanaṃ tuvaṃtuvaṃ vādo, pesuññavasena vadanaṃ pesuññavādo, musāvasena vadanaṃ musāvādo, daṇḍādānañca satthādānañca kalaho ca viggaho ca vivādo ca tuvaṃtuvaṃvādo ca pesuññavādo ca musāvādo ca daṇḍādāna…pe… musāvādā. Musāvādāti ettha vādasaddo ‘‘tuvaṃ tuva’’nti ca ‘‘pesuñña’’nti ca etthāpi yojetabbo. ‘‘Ahaṃ seyyohamasmī’’ti pavattamānādayoti yojanā. Adhiṭṭhitakālato paṭṭhāya na vikappetabbānīti adhiṭṭhānavikappanaṃ ekato na kātabbaṃ, adhiṭṭhite na vikappetabbanti adhippāyo. Pariṇataṃ lābhaṃ pariṇāmetīti sambandho.
зд̇зсам̣язва д̣̇аанаананд̇и зд̇зсам̣язва ад̇хаммигаанам̣ д̣̇аанаанам̣. сан̇гхасса ниннанд̇и сан̇гхасса над̇ам̣, наамид̇ам̣ ваа лаабханд̇и самб̣анд̇хо. сан̇гхасса намад̇и, наамияад̇ийд̇и ваа ниннам̣. д̇зсам̣язваад̇и д̇зсам̣язва д̇ин̣н̣ам̣ д̇хаммигад̣̇аанаанам̣. д̇аяо д̇аяо д̣̇аанабадиг̇г̇ахабарибхог̇з самбин̣д̣зд̇ваа наваго г̇ахзд̇аб̣б̣о. д̇ад̇т̇зваад̇и самат̇агканд̇хагз зва. оваад̣̇аваг̇г̇ассаад̇и бхигкуноваад̣̇аваг̇г̇асса. д̇ад̇т̇зваад̇и оваад̣̇аваг̇г̇асса батамасигкаабад̣̇з зва. саб̣б̣ад̇т̇аад̇и саб̣б̣зсу навагзсу.
Etesaṃyevadānānanti etesaṃyeva adhammikānaṃ dānānaṃ. Saṅghassa ninnanti saṅghassa nataṃ, nāmitaṃ vā lābhanti sambandho. Saṅghassa namati, nāmiyatīti vā ninnaṃ. Tesaṃyevāti tesaṃyeva tiṇṇaṃ dhammikadānānaṃ. Tayo tayo dānapaṭiggahaparibhoge sampiṇḍetvā navako gahetabbo. Tatthevāti samathakkhandhake eva. Ovādavaggassāti bhikkhunovādavaggassa. Tatthevāti ovādavaggassa paṭhamasikkhāpade eva. Sabbatthāti sabbesu navakesu.
ид̇и навагаваараван̣н̣анааяа яож̇анаа самад̇д̇аа.
Iti navakavāravaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 9. навагавааро • 9. Navakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / навагаваараван̣н̣анаа • Navakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / навагаваараван̣н̣анаа • Navakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / навагаваараван̣н̣анаа • Navakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чаггаваараад̣̇иван̣н̣анаа • Chakkavārādivaṇṇanā
