| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਏਕੁਤ੍ਤਰਿਕਨਯੋ ਪਞ੍ਚਕવਾਰવਣ੍ਣਨਾ
Ekuttarikanayo pañcakavāravaṇṇanā
੩੨੫. ਪਞ੍ਚਕੇਸੁ ‘‘ਪਞ੍ਚ ਪੁਗ੍ਗਲਾ ਨਿਯਤਾ’’ਤਿ ਏਤਂ ਆਨਨ੍ਤਰਿਯਾਨਮੇવ ਗਹਣਨ੍ਤਿ ਯੋਜਨਾ। ਪਞ੍ਚ ਛੇਦਨ ਕਾ ਆਪਤ੍ਤਿਯੋ ਨਾਮ વੇਦਿਤਬ੍ਬਾਤਿ ਸਮ੍ਬਨ੍ਧੋ। ਯਾ વਿਕਪ੍ਪਨਾ વੁਤ੍ਤਾਤਿ ਯੋਜਨਾ। ਉਸ੍ਸਙ੍ਕਿਤੋਤਿ ਉਟ੍ਠਹਿਤ੍વਾ ਸਙ੍ਕਿਤੋ। ਪਰਿਸਙ੍ਕਿਤੋਤਿ ਪੁਨਪ੍ਪੁਨਂ ਸਙ੍ਕਿਤੋ। ਅਕੁਪ੍ਪੋ ਅਰਹਤ੍ਤਫਲਸਙ੍ਖਾਤੋ ਧਮ੍ਮੋ ਇਮਸ੍ਸਾਤਿ ਅਕੁਪ੍ਪਧਮ੍ਮੋ, ਖੀਣਾਸવੋ। ਖੀਣਾਸવੋ ਸਮਾਨੋਪਿ ਉਸ੍ਸਙ੍ਕਿਤੋ ਚੇવ ਪਰਿਸਙ੍ਕਿਤੋ ਚਾਤਿ ਯੋਜਨਾ। ਪਰਿਹਰਿਤਬ੍ਬਾਤਿ ਅਪਨੇਤਬ੍ਬਾ। ਹੀਤਿ ਸਚ੍ਚਂ, ਯਸ੍ਮਾ વਾ। ਏਤੇਸੂਤਿ ਅਗੋਚਰੇਸੁ। ਥੂਪਚੀવਰਨ੍ਤਿ ਏਤ੍ਥ ਥੂਪਂ ਪਰਿਕ੍ਖਿਪਿਤ੍વਾ ਕਤਂ ਚੀવਰਂ ਥੂਪਚੀવਰਨ੍ਤਿ ਦਸ੍ਸੇਨ੍ਤੋ ਆਹ ‘‘વਮ੍ਮਿਕ’’ਨ੍ਤਿਆਦਿ। વਮ੍ਮਿਕੋ ਹਿ ਥੂਪਯਤਿ ਉਦ੍ਧਂ ਆਰੋਹਤੀਤਿ ਥੂਪੋਤਿ વੁਚ੍ਚਤਿ । ਨ੍ਹਾਨਟ੍ਠਾਨੇਤਿ ਸਬ੍ਬੇਸਂ ਨ੍ਹਾਨਟ੍ਠਾਨੇ। ਤਞ੍ਹਿ ਉਦਕੇਨ ਕਾਯਂ ਅਭਿਸਿਞ੍ਚਤਿ ਏਤ੍ਥਾਤਿ ਅਭਿਸੇਕਨ੍ਤਿ વੁਚ੍ਚਤਿ। ਅਭਿਸੇਕੇ ਛਡ੍ਡਿਤਂ ਆਭਿਸੇਕਿਕਂ, ਚੀવਰਂ। ਤੇਨ વੁਤ੍ਤਂ ‘‘ਛਡ੍ਡਿਤਚੀવਰ’’ਨ੍ਤਿ। ਭਤਪਟਿਯਾਭਤਨ੍ਤਿ ਏਤ੍ਥ ਭਰਧਾਤੁਯਾ ਪੋਸਨਤ੍ਥਂ ਪਟਿਕ੍ਖਿਪਿਤ੍વਾ ਧਾਰਣਤ੍ਥਂ ਦਸ੍ਸੇਨ੍ਤੋ ਆਹ ‘‘ਸੁਸਾਨਂ ਨੇਤ੍વਾ ਪੁਨ ਆਨੀਤਕ’’ਨ੍ਤਿ। ਤਤ੍ਥ ‘‘ਸੁਸਾਨ’’ਨ੍ਤਿ ਇਮਿਨਾ ਕਮ੍ਮਂ ਦਸ੍ਸੇਤਿ, ‘‘ਪੁਨਾ’’ਤਿ ਇਮਿਨਾ ਪਟਿਸਦ੍ਦਸ੍ਸ ਅਤ੍ਥਂ ਦਸ੍ਸੇਤਿ। ਇਮੇਹਿ ਪਦੇਹਿ ਸੁਸਾਨਂ ਭਤਂ ਹੁਤ੍વਾ ਗੇਹਂ ਪਟਿਆਭਰਿਤਬ੍ਬਨ੍ਤਿ ਭਤਪਟਿਯਾਭਤਨ੍ਤਿ વਚਨਤ੍ਥਂ ਦਸ੍ਸੇਤਿ, ਯਕਾਰੋ ਪਦਸਨ੍ਧਿਕਰੋ। ਪਾਲ਼ਿਯਂ, ਅਟ੍ਠਕਥਾਯਞ੍ਚ ਪੋਤ੍ਥਕੇਸੁ ‘‘ਗਤਪਟਿਯਾਗਤ’’ਨ੍ਤਿ ਕਣ੍ਠਜਤਤਿਯਕ੍ਖਰੇਨ ਪਾਠੋ ਅਤ੍ਥਿ, ਸੋ ਅਸੁਨ੍ਦਰੋ।
325. Pañcakesu ‘‘pañca puggalā niyatā’’ti etaṃ ānantariyānameva gahaṇanti yojanā. Pañca chedana kā āpattiyo nāma veditabbāti sambandho. Yā vikappanā vuttāti yojanā. Ussaṅkitoti uṭṭhahitvā saṅkito. Parisaṅkitoti punappunaṃ saṅkito. Akuppo arahattaphalasaṅkhāto dhammo imassāti akuppadhammo, khīṇāsavo. Khīṇāsavo samānopi ussaṅkito ceva parisaṅkito cāti yojanā. Pariharitabbāti apanetabbā. Hīti saccaṃ, yasmā vā. Etesūti agocaresu. Thūpacīvaranti ettha thūpaṃ parikkhipitvā kataṃ cīvaraṃ thūpacīvaranti dassento āha ‘‘vammika’’ntiādi. Vammiko hi thūpayati uddhaṃ ārohatīti thūpoti vuccati . Nhānaṭṭhāneti sabbesaṃ nhānaṭṭhāne. Tañhi udakena kāyaṃ abhisiñcati etthāti abhisekanti vuccati. Abhiseke chaḍḍitaṃ ābhisekikaṃ, cīvaraṃ. Tena vuttaṃ ‘‘chaḍḍitacīvara’’nti. Bhatapaṭiyābhatanti ettha bharadhātuyā posanatthaṃ paṭikkhipitvā dhāraṇatthaṃ dassento āha ‘‘susānaṃ netvā puna ānītaka’’nti. Tattha ‘‘susāna’’nti iminā kammaṃ dasseti, ‘‘punā’’ti iminā paṭisaddassa atthaṃ dasseti. Imehi padehi susānaṃ bhataṃ hutvā gehaṃ paṭiābharitabbanti bhatapaṭiyābhatanti vacanatthaṃ dasseti, yakāro padasandhikaro. Pāḷiyaṃ, aṭṭhakathāyañca potthakesu ‘‘gatapaṭiyāgata’’nti kaṇṭhajatatiyakkharena pāṭho atthi, so asundaro.
ਕਾਯੋ ਪਠਮਂ, વਾਚਾ ਦੁਤਿਯਂ, ਕਾਯવਾਚਾ ਤਤਿਯਂ, ਇਦਂ ਸਨ੍ਧਾਯ ‘‘ਤਤਿਯੇਨਾ’’ਤਿ વੁਤ੍ਤਂ। ਤਤ੍ਥੇવਾਤਿ ਅਨ੍ਤਰਪੇਯ੍ਯਾਲੇ ਏવ।
Kāyo paṭhamaṃ, vācā dutiyaṃ, kāyavācā tatiyaṃ, idaṃ sandhāya ‘‘tatiyenā’’ti vuttaṃ. Tatthevāti antarapeyyāle eva.
ਅਦਿਨ੍ਨਨ੍ਤਿ ਏਤ੍ਥ ਅਕਾਰਸ੍ਸ ਨਕਾਰਿਯਭਾવਞ੍ਚ ਤਪਚ੍ਚਯਸ੍ਸ ਕਮ੍ਮવਾਚਕਭਾવਞ੍ਚ ਦਸ੍ਸੇਨ੍ਤੋ ਆਹ ‘‘ਅਞ੍ਞੇਨ ਨ ਦਿਨ੍ਨ’’ਨ੍ਤਿ। ਤਤ੍ਥ ‘‘ਅਞ੍ਞੇਨਾ’’ਤਿ ਇਮਿਨਾ ਤਪਚ੍ਚਯਸ੍ਸ ਕਮ੍ਮવਾਚਕਭਾવਂ ਦਸ੍ਸੇਤਿ, ਨਕਾਰੇਨ ਅਕਾਰਸ੍ਸ ਕਾਰਿਯਂ ਦਸ੍ਸੇਤਿ। ਕੇਨ ਕਾਰਣੇਨ ਅવਿਦਿਤਨ੍ਤਿ ਆਹ ‘‘ਪਟਿਗ੍ਗਣ੍ਹਾਮੀਤਿ ਚੇਤਨਾਯ ਅਭਾવੇਨਾ’’ਤਿ। ਅવਿਦਿਤਨ੍ਤਿ ਅਪਾਕਟਂ। ਨਟਸਮਜ੍ਜਾਦਿਦਾਨਨ੍ਤਿ ਨਟਸਮਜ੍ਜਾਦੀਨਂ ਸਬ੍ਬੇਸਂ ਦਾਨਂ। ਉਸਭવਿਸ੍ਸਜ੍ਜਨਨ੍ਤਿ ਉਸਭਸ੍ਸ વਿਸ੍ਸਜ੍ਜਨਂ। ਇਦਂ ਉਪਲਕ੍ਖਣવਸੇਨ વੁਤ੍ਤਂ। ਸਬ੍ਬਾਸਮ੍ਪਿ ਪਨ ਮਨੁਸ੍ਸਾਮਨੁਸ੍ਸਾਨਂ ਇਤ੍ਥੀਨਂ ਮੇਥੁਨਰਤਿવਸੇਨ ਪੁਰਿਸਾਨਂ ਦਾਨਮ੍ਪਿ ਗਹੇਤਬ੍ਬਂ। ਇਤ੍ਥਿਦਾਨਨ੍ਤਿ ਏਤ੍ਥਾਪਿ ਯਾਸਂ ਕਾਸਞ੍ਚਿ ਇਤ੍ਥੀਨਂ ਯੇਸਂ ਕੇਸਞ੍ਚਿ ਪੁਰਿਸਾਨਂ ਦਾਨਂ ਗਹੇਤਬ੍ਬਂ। ਪਟਿਭਾਨਚਿਤ੍ਤਕਮ੍ਮਦਾਨਨ੍ਤਿ ਮੇਥੁਨਸੇવਨਪਟਿਭਾਨਚਿਤ੍ਤਕਮ੍ਮਦਾਨਂ। ਲੋਕਸ੍ਸਾਤਿ ਲੋਕੇਨ। ਕਥੇਤੁਕਮ੍ਯਤਾਤਿ ਕਥੇਤੁਕਾਮਤਾ। ‘‘ਨ ਸੁਪ੍ਪਟਿવਿਨੋਦਯਾ’’ਤਿ ਇਮਿਨਾ ਦੁਕ੍ਖੇਨ ਪਟਿવਿਨੋਦੇਤਬ੍ਬਾਤਿ ਦੁਪ੍ਪਟਿવਿਨੋਦਯਾ, ਪਟਿવਿਨੋਦੇਤੁਂ ਨ ਸੁਕਰਾਤਿ ਦਸ੍ਸੇਤਿ। ਉਪਾਯੇਨਾਤਿ ਯੁਤ੍ਤਿਯਾ।
Adinnanti ettha akārassa nakāriyabhāvañca tapaccayassa kammavācakabhāvañca dassento āha ‘‘aññena na dinna’’nti. Tattha ‘‘aññenā’’ti iminā tapaccayassa kammavācakabhāvaṃ dasseti, nakārena akārassa kāriyaṃ dasseti. Kena kāraṇena aviditanti āha ‘‘paṭiggaṇhāmīti cetanāya abhāvenā’’ti. Aviditanti apākaṭaṃ. Naṭasamajjādidānanti naṭasamajjādīnaṃ sabbesaṃ dānaṃ. Usabhavissajjananti usabhassa vissajjanaṃ. Idaṃ upalakkhaṇavasena vuttaṃ. Sabbāsampi pana manussāmanussānaṃ itthīnaṃ methunarativasena purisānaṃ dānampi gahetabbaṃ. Itthidānanti etthāpi yāsaṃ kāsañci itthīnaṃ yesaṃ kesañci purisānaṃ dānaṃ gahetabbaṃ. Paṭibhānacittakammadānanti methunasevanapaṭibhānacittakammadānaṃ. Lokassāti lokena. Kathetukamyatāti kathetukāmatā. ‘‘Na suppaṭivinodayā’’ti iminā dukkhena paṭivinodetabbāti duppaṭivinodayā, paṭivinodetuṃ na sukarāti dasseti. Upāyenāti yuttiyā.
ਫੁਸ੍ਸਦੇવਤ੍ਥੇਰੋ ਅਟ੍ਠਾਸਿ ਕਿਰਾਤਿ ਸਮ੍ਬਨ੍ਧੋ। ਏਕਂਸਨ੍ਤਿ ਭੁਮ੍ਮਤ੍ਥੇ ਚੇਤਂ ਉਪਯੋਗવਚਨਂ। ਏਕਸ੍ਮਿਂ ਅਂਸੇਤਿ ਹਿ ਅਤ੍ਥੋ। ਬੁਦ੍ਧਾਰਮ੍ਮਣਨ੍ਤਿ ਬੁਦ੍ਧਗੁਣਾਰਮ੍ਮਣਂ। ਮਾਰੋਤਿ ਦੇવਪੁਤ੍ਤਮਾਰੋ, ਗਤੋਤਿ ਸਮ੍ਬਨ੍ਧੋ। ਗੋਮਯਨ੍ਤਿ ਗੋਮੀਲ਼੍ਹਂ। ਜਰਗ੍ਗવੋਤਿ ਜਰਗੋਣੋ। ਤਾਦਿਸਮੇવਾਤਿ ਗੋਮਯવਿਪ੍ਪਕਿਰਣਸਭਾવਮੇવ। વਿਪ੍ਪਕਾਰਨ੍ਤਿ વਿਸੇਸਪਕਾਰੇਨ ਕਰਣਂ। વਙ੍ਕਪਾਦਨ੍ਤਿ ਕੁਟਿਲਪਾਦਂ। ਪਰਿਕਸਨ੍ਤੋਤਿ ਪਰਿਚ੍ਛੇਦਂ ਕਤ੍વਾ વਿਲੇਖਨ੍ਤੋ। વਿਗਚ੍ਛਪੁਰਿਸੋਤਿ વਿਕਾਰਂ, વਿਰੂਪਂ વਾ ਗਤਪੁਰਿਸੋ। ‘‘વਿਭਚ੍ਛਪੁਰਿਸੋ’’ਤਿਪਿ ਪਾਠੋ, વਿਸੇਸੇਨ ਸੋਭਣਂ ਭਕ੍ਖਪੁਰਿਸੋਤਿ ਅਤ੍ਥੋ। ਅਯਮੇવ ਪਾਠੋ ਅਭਿਧਾਨਾਦੀਸੁ (ਅਭਿਧਾਨਪ੍ਪਦੀਪਿਕਾਯਂ ੧੦੨ ਗਾਥਾਯਂ) ਦਿਸ੍ਸਤਿ। ਸਮਨ੍ਤਾਤਿ ਕਟਅਨ੍ਧਕਾਰવਿਹਾਰਸ੍ਸ ਸਮਨ੍ਤਤੋ। ਮਾਰੋ ਸਿਯਾ ਨੁ ਖੋਤਿ ਯੋਜਨਾ। ਨ ਅਸਕ੍ਖਿਂ ਇਤਿ ਆਹਾਤਿ ਯੋਜਨਾ। ਦਿਟ੍ਠਪੁਬ੍ਬੋਤਿ ਪੁਬ੍ਬੇ ਦਿਟ੍ਠੋ। ਮਹਾਨੁਭਾવੋਤਿ ਦੇવਿਦ੍ਧਿਯਾ ਮਹਾਨੁਭਾવੋ। ਇਙ੍ਘਾਤਿ ਉਯ੍ਯੋਜਨਤ੍ਥੇ ਨਿਪਾਤੋ, ਉਯ੍ਯੋਜੇਮੀਤਿ ਅਤ੍ਥੋ। ਅਤ੍ਤਭਾવਨ੍ਤਿ ਤવ ਅਤ੍ਤਭਾવਂ। ਤਾਦਿਸਂ ਰੂਪਨ੍ਤਿ ਬੁਦ੍ਧਸ੍ਸ ਭਗવਤੋ ਅਤ੍ਤਭਾવਸਦਿਸਂ ਰੂਪਂ। ਤਂਸਰਿਕ੍ਖਕਨ੍ਤਿ ਤੇਨ ਰੂਪੇਨ ਸਦਿਸਂ। ਪਤਿਰੂਪਮੇવ ਸਦਿਸਟ੍ਠੇਨ ਪਤਿਰੂਪਕਂ, ਨ ਏਕਂਸਸਦਿਸਂ ਰੂਪਂ ਕਿਞ੍ਚਿ ਸਦਿਸਰੂਪਨ੍ਤਿ ਅਤ੍ਥੋ। ਸਕਤ੍ਤਭਾવਨ੍ਤਿ ਸਸ੍ਸ ਏਸੋ ਸਕੋ, ਸੋਯੇવ ਅਤ੍ਤਭਾવੋ ਸਕਤ੍ਤਭਾવੋ, ਤਂ। ਅਯਨ੍ਤਿ ਮਾਰੋ। ਕਥਨ੍ਤਿ ਕੇਨ ਕਾਰਣੇਨ ਭਗવਾ ਨ ਸੋਭਤਿ ਨੁ ਖੋ, ਸੋਭਤਿਯੇવਾਤਿ ਅਤ੍ਥੋ। ਤਦੇવ ਸਮਤ੍ਥੇਤੁਂ વੁਤ੍ਤਂ ‘‘ਸਬ੍ਬਸੋ વੀਤਰਾਗਦੋਸਮੋਹੋ’’ਤਿ। વਞ੍ਚਿਤੋਮ੍ਹੀਤਿ ਅਹਂ વਞ੍ਚਿਤੋ ਅਮ੍ਹਿ। ਕਿਂ ਅਤ੍ਥੀਤਿ ਕਿਂ ਨਾਮ ਅਤ੍ਥਿ, ਮਮ વਞ੍ਚਨਚਿਤ੍ਤਂ ਨਤ੍ਥੀਤਿ ਅਧਿਪ੍ਪਾਯੋ। ਦਹਰਭਿਕ੍ਖੁ ਪਟਿਲਭਤੀਤਿਆਦਿਨਾ ਸਮ੍ਬਨ੍ਧਿਤਬ੍ਬਂ।
Phussadevatthero aṭṭhāsi kirāti sambandho. Ekaṃsanti bhummatthe cetaṃ upayogavacanaṃ. Ekasmiṃ aṃseti hi attho. Buddhārammaṇanti buddhaguṇārammaṇaṃ. Māroti devaputtamāro, gatoti sambandho. Gomayanti gomīḷhaṃ. Jaraggavoti jaragoṇo. Tādisamevāti gomayavippakiraṇasabhāvameva. Vippakāranti visesapakārena karaṇaṃ. Vaṅkapādanti kuṭilapādaṃ. Parikasantoti paricchedaṃ katvā vilekhanto. Vigacchapurisoti vikāraṃ, virūpaṃ vā gatapuriso. ‘‘Vibhacchapuriso’’tipi pāṭho, visesena sobhaṇaṃ bhakkhapurisoti attho. Ayameva pāṭho abhidhānādīsu (abhidhānappadīpikāyaṃ 102 gāthāyaṃ) dissati. Samantāti kaṭaandhakāravihārassa samantato. Māro siyā nu khoti yojanā. Na asakkhiṃ iti āhāti yojanā. Diṭṭhapubboti pubbe diṭṭho. Mahānubhāvoti deviddhiyā mahānubhāvo. Iṅghāti uyyojanatthe nipāto, uyyojemīti attho. Attabhāvanti tava attabhāvaṃ. Tādisaṃ rūpanti buddhassa bhagavato attabhāvasadisaṃ rūpaṃ. Taṃsarikkhakanti tena rūpena sadisaṃ. Patirūpameva sadisaṭṭhena patirūpakaṃ, na ekaṃsasadisaṃ rūpaṃ kiñci sadisarūpanti attho. Sakattabhāvanti sassa eso sako, soyeva attabhāvo sakattabhāvo, taṃ. Ayanti māro. Kathanti kena kāraṇena bhagavā na sobhati nu kho, sobhatiyevāti attho. Tadeva samatthetuṃ vuttaṃ ‘‘sabbaso vītarāgadosamoho’’ti. Vañcitomhīti ahaṃ vañcito amhi. Kiṃ atthīti kiṃ nāma atthi, mama vañcanacittaṃ natthīti adhippāyo. Daharabhikkhu paṭilabhatītiādinā sambandhitabbaṃ.
ਦਹਰਭਿਕ੍ਖੁ ਅਟ੍ਠਾਸੀਤਿ ਸਮ੍ਬਨ੍ਧੋ। ਸਙ੍ਕਾਰਛਡ੍ਡਨਿਂ ਪਚ੍ਛਿਨ੍ਤਿ ਸਮ੍ਬਨ੍ਧੋ। ਸਙ੍ਕਾਰਂ ਛਡ੍ਡੇਤਿ ਇਮਾਯਾਤਿ ਸਙ੍ਕਾਰਛਡ੍ਡਨੀ। ਤਿਸ੍ਸਦਤ੍ਤਤ੍ਥੇਰੋ ਨਾਮ ਪੁਚ੍ਛੀਤਿ ਸਮ੍ਬਨ੍ਧੋ। ਨਾવਾਤੋਤਿ ਪੋਤਤੋ। ਪਞ੍ਹਾਸਹਸ੍ਸਨ੍ਤਿ ਸਮਥવਿਪਸ੍ਸਨਾਕਮ੍ਮਟ੍ਠਾਨੇਸੁ ਪੁਚ੍ਛਾਸਹਸ੍ਸਂ। ਪੁਚ੍ਛੀਤਿ ਦਹਰਂ ਪੁਚ੍ਛਿ। ਪਰਿਚ੍ਛਿਨ੍ਦੀਤਿ ਤਸ੍ਮਿਂ ਦਿવਸੇ ਕਾਤਬ੍ਬવਤ੍ਤਂ ਨਿਟ੍ਠਪੇਸੀਤਿ ਅਤ੍ਥੋ। ਯੋਨਕવਿਸਯਤੋਤਿ ਯੋਨਕਲੋਕਤੋ। ਅਟ੍ਠ ਕਪ੍ਪੇ ਅਨੁਸ੍ਸਰੀਤਿ ਚੇਤਿਯਙ੍ਗਣਂ ਦਿਸ੍વਾ ਚਿਤ੍ਤਸ੍ਸ ਪਸੀਦਨਤੋ ਪੁਬ੍ਬੇਨਿવਾਸਞਾਣੇਨ ਅਟ੍ਠ ਕਪ੍ਪੇ ਅਨੁਸ੍ਸਰਿ।
Daharabhikkhu aṭṭhāsīti sambandho. Saṅkārachaḍḍaniṃ pacchinti sambandho. Saṅkāraṃ chaḍḍeti imāyāti saṅkārachaḍḍanī. Tissadattatthero nāma pucchīti sambandho. Nāvātoti potato. Pañhāsahassanti samathavipassanākammaṭṭhānesu pucchāsahassaṃ. Pucchīti daharaṃ pucchi. Paricchindīti tasmiṃ divase kātabbavattaṃ niṭṭhapesīti attho. Yonakavisayatoti yonakalokato. Aṭṭha kappe anussarīti cetiyaṅgaṇaṃ disvā cittassa pasīdanato pubbenivāsañāṇena aṭṭha kappe anussari.
ਏਕੋ ਭਿਕ੍ਖੁ ਗਤੋਤਿ ਸਮ੍ਬਨ੍ਧੋ। ਦੇવਤਾ ਪੁਪ੍ਫਹਤ੍ਥਾ ਅਟ੍ਠਂਸੂਤਿ ਮਨੁਸ੍ਸવੇਸਂ ਗਹੇਤ੍વਾ ਅਟ੍ਠਂਸੁ। ਤੇਨ વੁਤ੍ਤਂ ‘‘ਕਤਰਗਾਮવਾਸਿਕਾਤ੍ਥਾ’’ਤਿ। ਤੁਮ੍ਹੇ ਕਤਰਸ੍ਮਿਂ ਗਾਮੇ વਸਨਸੀਲਾ ਅਤ੍ਥ ਭવਥਾਤਿ ਯੋਜਨਾ। ਇਧੇવਾਤਿ ਇਮਸ੍ਮਿਂਯੇવ ਠਾਨੇ। ਠਿਤਾਮ੍ਹਾਤਿ ਮਯਂ ਠਿਤਾ ਅਮ੍ਹਾਤਿ ਯੋਜਨਾ।
Eko bhikkhu gatoti sambandho. Devatā pupphahatthā aṭṭhaṃsūti manussavesaṃ gahetvā aṭṭhaṃsu. Tena vuttaṃ ‘‘kataragāmavāsikātthā’’ti. Tumhe katarasmiṃ gāme vasanasīlā attha bhavathāti yojanā. Idhevāti imasmiṃyeva ṭhāne. Ṭhitāmhāti mayaṃ ṭhitā amhāti yojanā.
ਅਯਂ ਕਥਾਤਿ ਅਯਂ વਕ੍ਖਮਾਨਕਥਾ। ਕਿਂ ਅਮਚ੍ਚਪੁਤ੍ਤੋ ਪਾਸਾਦਿਕੋ ਨੁ ਖੋਤਿ ਯੋਜਨਾ। ਨੇਤਿ ਅਮਚ੍ਚਪੁਤ੍ਤਅਭਯਤ੍ਥੇਰੇ। ਞਾਤਕਾ ਅਗਮਂਸੂਤਿ ਸਮ੍ਬਨ੍ਧੋ। ਥੇਰਮਾਤਾਪਿ ਪਹਿਣੀਤਿ ਸਮ੍ਬਨ੍ਧੋ। ਪਿਸਦ੍ਦੇਨ ਞਾਤਕੇ ਅਪੇਕ੍ਖਤਿ। ਪਹਿਣਾਕਾਰਂ ਦਸ੍ਸੇਨ੍ਤੋ ਆਹ ‘‘ਪੁਤ੍ਤੋ ਮੇ’’ਤਿਆਦਿ। ਅਮਚ੍ਚਪੁਤ੍ਤੋ ਆਰੂਲ਼੍ਹੋਤਿ ਸਮ੍ਬਨ੍ਧੋ। ਅਭਯਤ੍ਥੇਰੋ ਆਹਾਤਿ ਸਮ੍ਬਨ੍ਧੋ। ਤੇਨਾਤਿ ਅਮਚ੍ਚਪੁਤ੍ਤੇਨ। ਯੁਗਗ੍ਗਾਹਨ੍ਤਿ ਯੁਗਸ੍ਸ ਗਾਹਂ। ‘‘ਮਹਲ੍ਲਕਤ੍ਥੇਰਸ੍ਸ ਸਮ੍ਮਟ੍ਠਟ੍ਠਾਨੇ ਕਚવਰਂ ਛਡ੍ਡੇਤ੍વਾ’’ਤਿ વਚਨਂ ਆવਿ ਕਰੋਨ੍ਤੋ ਆਹ ‘‘ਅਤੀਤਤ੍ਤਭਾવੇ ਕਿਰਾ’’ਤਿਆਦਿ। ਅਮਚ੍ਚਪੁਤ੍ਤੋ ਛਡ੍ਡੇਸੀਤਿ ਸਮ੍ਬਨ੍ਧੋ।
Ayaṃ kathāti ayaṃ vakkhamānakathā. Kiṃ amaccaputto pāsādiko nu khoti yojanā. Neti amaccaputtaabhayatthere. Ñātakā agamaṃsūti sambandho. Theramātāpi pahiṇīti sambandho. Pisaddena ñātake apekkhati. Pahiṇākāraṃ dassento āha ‘‘putto me’’tiādi. Amaccaputto ārūḷhoti sambandho. Abhayatthero āhāti sambandho. Tenāti amaccaputtena. Yugaggāhanti yugassa gāhaṃ. ‘‘Mahallakattherassa sammaṭṭhaṭṭhāne kacavaraṃ chaḍḍetvā’’ti vacanaṃ āvi karonto āha ‘‘atītattabhāve kirā’’tiādi. Amaccaputto chaḍḍesīti sambandho.
ਤਨ੍ਤਿ ਸਮ੍ਮਜ੍ਜਨવਤ੍ਤਂ। ਤਤ੍ਰਾਤਿ ‘‘ਸਤ੍ਥੁਸਾਸਨਂ ਕਤਂ ਹੋਤੀ’’ਤਿવਚਨੇ। ਆਯਸ੍ਮਾ ਸਾਰਿਪੁਤ੍ਤੋ ਨਿਸੀਦਿ ਕਿਰਾਤਿ ਸਮ੍ਬਨ੍ਧੋ। ਭਗવਾ ਪਚ੍ਚਾਗਞ੍ਛੀਤਿ ਸਮ੍ਬਨ੍ਧੋ। ਪਾਦਾਨੀਤਿ ਪਾਦਸ੍ਸ ਅਕ੍ਕਮਨਟ੍ਠਾਨਾਨਿ, ਪਾਦਚੇਤਿਯਾਨੀਤਿ ਅਤ੍ਥੋ। ਥੇਰੋ ਨਿਸੀਦੀਤਿ ਸਮ੍ਬਨ੍ਧੋ। ਜਣ੍ਣੁਕੇਹਿ ਪਤਿਟ੍ਠਾਯ ‘‘ਪਾਦਚੇਤਿਯਂ વਨ੍ਦਿਤ੍વਾ’’ਤਿ ਪਾਠਸੇਸੋ ਅਜ੍ਝਾਹਰਿਤਬ੍ਬੋ। ਮੇ ਨਿਸਿਨ੍ਨਭਾવਂ ਮੇ ਸਤ੍ਥਾ ਅਞ੍ਞਾਸਿ વਤਾਤਿ ਯੋਜਨਾ। ਮੇਸਦ੍ਦੋ ਹਿ ਪੁਬ੍ਬਪਰਾਪੇਕ੍ਖੋ। ਚੋਦਨਨ੍ਤਿ ਦੋਸਾਰੋਪਨਂ। ਕਾਰੇਸ੍ਸਾਮੀਤਿ ਦਸਬਲਂ ਕਾਰੇਸ੍ਸਾਮਿ। ਭਗવਾ ਆਹਾਤਿ ਸਮ੍ਬਨ੍ਧੋ। ਗਤੋਸੀਤਿ ਤ੍વਂ ਗਤੋ ਅਸਿ, વਿਚਰਨ੍ਤਸ੍ਸ ਤੁਯ੍ਹਂ ਨ ਪਤਿਰੂਪਨ੍ਤਿ ਯੋਜਨਾ। ਤਤੋਤਿ ਚੋਦਨਕਾਲਤੋ।
Tanti sammajjanavattaṃ. Tatrāti ‘‘satthusāsanaṃ kataṃ hotī’’tivacane. Āyasmā sāriputto nisīdi kirāti sambandho. Bhagavā paccāgañchīti sambandho. Pādānīti pādassa akkamanaṭṭhānāni, pādacetiyānīti attho. Thero nisīdīti sambandho. Jaṇṇukehi patiṭṭhāya ‘‘pādacetiyaṃ vanditvā’’ti pāṭhaseso ajjhāharitabbo. Me nisinnabhāvaṃ me satthā aññāsi vatāti yojanā. Mesaddo hi pubbaparāpekkho. Codananti dosāropanaṃ. Kāressāmīti dasabalaṃ kāressāmi. Bhagavā āhāti sambandho. Gatosīti tvaṃ gato asi, vicarantassa tuyhaṃ na patirūpanti yojanā. Tatoti codanakālato.
ਏਤ੍ਤਕੋ વਿਨਿਚ੍ਛਯੋ ਉਪਲਬ੍ਭਤੀਤਿ ਸਮ੍ਬਨ੍ਧੋ। ਭਾਸਪਰਿਯਨ੍ਤਨ੍ਤਿ વਚਨਪਰਿਚ੍ਛੇਦਂ। ਅਯਨ੍ਤਿ ਕਥਾ। ਏਤ੍ਤਕਂ વਚਨਨ੍ਤਿ ਸਮ੍ਬਨ੍ਧੋ। ਗਯ੍ਹੂਪਗਨ੍ਤਿ ਗਹੇਤਬ੍ਬਭਾવਂ ਉਪਗਮਨਂ, ਗਣ੍ਹਿਤੁਂ ਖਮਨੀਯਨ੍ਤਿ ਅਤ੍ਥੋ। ਤਾਨੀਤਿ ਦ੍વੇ ਮੂਲਾਨਿ। ਪੁਨ ਤਾਨੀਤਿ ਸਮੁਦਯਭੂਤਾਨਿ ਛ ਆਪਤ੍ਤਿਸਮੁਟ੍ਠਾਨਾਨਿ। વਤ੍ਥੁਨ੍ਤਿ ਮੇਥੁਨਾਦਿવਤ੍ਥੁਂ। ਇਤਿਪੀਤਿ ਪਿਸਦ੍ਦੋ ਪਠਮਨਯਂ ਅਪੇਕ੍ਖਤਿ। ਏਤ੍ਥ ਪਠਮਨਯੇ ਮੂਲੇਨ ਸਮੁਦਯਸ੍ਸ ਪਾਯਤੋ ਅਭੇਦੋ ਹੋਤਿ, ਪਚ੍ਛਿਮਨਯੇ ਪਨ ਸਬ੍ਬਥਾ ਭੇਦੋ ਹੋਤਿ। ਤਸ੍ਮਾ ਪਚ੍ਛਿਮਨਯੋਯੇવ ਯੁਤ੍ਤਤਰੋਤਿ ਦਟ੍ਠਬ੍ਬੋ। ‘‘વੂਪਸਮ੍ਮਤੀ’’ਤਿ ਇਮਿਨਾ ‘‘ਨਿਰੁਜ੍ਝਤੀ’’ਤਿ ਪਦਸ੍ਸ ਸਮੁਚ੍ਛੇਦਨਿਰੋਧਂ ਦਸ੍ਸੇਤਿ। વੁਟ੍ਠਾਨੇਨਾਤਿ ਪਰਿવਾਸਾਦਿવਿਨਯਕਮ੍ਮੇਨ।
Ettako vinicchayo upalabbhatīti sambandho. Bhāsapariyantanti vacanaparicchedaṃ. Ayanti kathā. Ettakaṃ vacananti sambandho. Gayhūpaganti gahetabbabhāvaṃ upagamanaṃ, gaṇhituṃ khamanīyanti attho. Tānīti dve mūlāni. Puna tānīti samudayabhūtāni cha āpattisamuṭṭhānāni. Vatthunti methunādivatthuṃ. Itipīti pisaddo paṭhamanayaṃ apekkhati. Ettha paṭhamanaye mūlena samudayassa pāyato abhedo hoti, pacchimanaye pana sabbathā bhedo hoti. Tasmā pacchimanayoyeva yuttataroti daṭṭhabbo. ‘‘Vūpasammatī’’ti iminā ‘‘nirujjhatī’’ti padassa samucchedanirodhaṃ dasseti. Vuṭṭhānenāti parivāsādivinayakammena.
ਤੇਤ੍ਤਿਂਸਮੂਲਾਨਂ ਸਰੂਪਂ ਦਸ੍ਸੇਨ੍ਤੋ ਆਹ ‘‘વਿવਾਦਾਧਿਕਰਣਸ੍ਸ ਦ੍વਾਦਸ ਮੂਲਾਨੀ’’ਤਿਆਦਿ। ਏਕਂ ਮੂਲਨ੍ਤਿ ਸਮ੍ਬਨ੍ਧੋ। ਤਾਨੀਤਿ ਤੇਤ੍ਤਿਂਸ ਮੂਲਾਨਿ। ਪਰਤੋਤਿ ਪਰਸ੍ਮਿਂ। ‘‘ਅਟ੍ਠਾਰਸ ਭੇਦਕਰવਤ੍ਥੂਨੀ’’ਤਿਆਦਿਨਾ ਅਧਿਕਰਣਾਨਂ ਸਮੁਟ੍ਠਾਨਂ ਦਸ੍ਸੇਤਿ। ਚਤ੍ਤਾਰਿ ਸਙ੍ਘਕਿਚ੍ਚਾਨਿ ਨਿਸ੍ਸਾਯ ਉਪ੍ਪਜ੍ਜਤੀਤਿ ਯੋਜਨਾ। ਇਦਨ੍ਤਿ વਤ੍ਥੁ। ਸਤ੍ਤਨ੍ਨਂ ਨਿਦਾਨਨ੍ਤਿ ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਪਞ੍ਞਤ੍ਤਿਟ੍ਠਾਨਸਙ੍ਖਾਤਂ ਨਿਦਾਨਂ। ਏਤ੍ਥਾਤਿ ਠਾਨੇ। ਪਞ੍ਞਤ੍ਤਿਂ ਨ ਜਾਨਾਤੀਤਿ ਏਤ੍ਥ ‘‘ਅਨੁਪਞ੍ਞਤ੍ਤਿਂ ਨ ਜਾਨਾਤੀ’’ਤਿ વਕ੍ਖਮਾਨਤ੍ਤਾ ਪਠਮਪਞ੍ਞਤ੍ਤਿ ਗਹੇਤਬ੍ਬਾਤਿ ਆਹ ‘‘ਪਠਮਪਞ੍ਞਤ੍ਤਿਂ ਨ ਜਾਨਾਤੀ’’ਤਿ। ਅਨੁਪਞ੍ਞਤ੍ਤੀਤਿ ਏਤ੍ਥ ਅਨੁਸਦ੍ਦੋ ਨਉਪਚ੍ਛਿਨ੍ਨਤ੍ਥੋਤਿ ਆਹ ‘‘ਪੁਨਪ੍ਪੁਨਂ ਪਞ੍ਞਤ੍ਤਿਂ ਨ ਜਾਨਾਤੀ’’ਤਿ। ਪਚ੍ਛਾਤ੍ਥੋਪਿ ਯੁਜ੍ਜਤੇવ ਪਠਮਪਞ੍ਞਤ੍ਤਿਤੋ ਪਚ੍ਛਾ ਪਞ੍ਞਤ੍ਤਤ੍ਤਾ। ਅਨੁਸਨ੍ਧਿવਚਨਪਥਨ੍ਤਿ ਏਤ੍ਥ ਅਨੁਸਨ੍ਧੀਨਂ વਸੇਨ વਚਨਪਥਨ੍ਤਿ ਦਸ੍ਸੇਨ੍ਤੋ ਆਹ ‘‘ਕਥਾਨੁਸਨ੍ਧਿવਿਨਿਚ੍ਛਯਾਨੁਸਨ੍ਧਿવਸੇਨ વਤ੍ਥੁ’’ਨ੍ਤਿ। ਞਤ੍ਤਿਕਿਚ੍ਚਨ੍ਤਿ ਞਤ੍ਤਿਯਾ ਕਿਚ੍ਚਂ । ਇਮਿਨਾ ਞਤ੍ਤਿਯਾਤਿ ਏਤ੍ਥ ਸਾਮ੍ਯਤ੍ਥੇ ਸਾਮਿવਚਨਂ। ਕਰਧਾਤੁਸਮ੍ਬਨ੍ਧੇ ਕਰਣવਚਨਮ੍ਪਿ ਯੁਜ੍ਜਤੇવ। ਕਰਣਨ੍ਤਿ ਏਤ੍ਥ ਚ ਯੁਪਚ੍ਚਯਸ੍ਸ ਕਮ੍ਮਤ੍ਥਭਾવਞ੍ਚ ਦਸ੍ਸੇਤਿ। ਨ ਕੇવਲਂ ਞਤ੍ਤਿਕਮ੍ਮੇ ਏવ ਞਤ੍ਤਿਕਿਚ੍ਚਂ ਨ ਜਾਨਾਤਿ, ਅਥ ਖੋ ਞਤ੍ਤਿਦੁਤਿਯਞਤ੍ਤਿਚਤੁਤ੍ਥਕਮ੍ਮੇਸੁਪਿ ਨ ਜਾਨਾਤੀਤਿ ਦਸ੍ਸੇਨ੍ਤੋ ਆਹ ‘‘ਞਤ੍ਤਿਦੁਤਿਯਞਤ੍ਤਿਚਤੁਤ੍ਥਕਮ੍ਮੇਸੂ’’ਤਿਆਦਿ। ਪੁਬ੍ਬੇ ਠਪੇਤਬ੍ਬਾਤਿ ਞਤ੍ਤਿ ਨਾਮ ਕਮ੍ਮવਾਚਾਯ ਪੁਬ੍ਬੇ ਠਪੇਤਬ੍ਬਾਤਿ ਨ ਜਾਨਾਤਿ। ਇਮਿਨਾ ਨਪੁਬ੍ਬਕੁਸਲਭਾવਂ ਦਸ੍ਸੇਤਿ। ‘‘ਪਚ੍ਛਾ’’ਤਿ ਇਮਿਨਾ ਨਅਪਰਕੁਸਲਭਾવਂ ਦਸ੍ਸੇਤਿ। ਪਿਸਦ੍ਦੇਨ ਪਠਮਨਯਂ ਅਪੇਕ੍ਖਤਿ। ‘‘ਕਾਲਂ ਨ ਜਾਨਾਤੀ’’ਤਿ ਇਮਿਨਾ ਅਕਾਲਞ੍ਞੂਤਿ ਪਦਸ੍ਸ વਿਗ੍ਗਹવਾਕ੍ਯਂ ਦਸ੍ਸੇਤਿ। ਕਾਲਂ ਦਸ੍ਸੇਨ੍ਤੋ ਆਹ ‘‘ਅਨਜ੍ਝਿਟ੍ਠੋ’’ਤਿਆਦਿ।
Tettiṃsamūlānaṃ sarūpaṃ dassento āha ‘‘vivādādhikaraṇassa dvādasa mūlānī’’tiādi. Ekaṃ mūlanti sambandho. Tānīti tettiṃsa mūlāni. Paratoti parasmiṃ. ‘‘Aṭṭhārasa bhedakaravatthūnī’’tiādinā adhikaraṇānaṃ samuṭṭhānaṃ dasseti. Cattāri saṅghakiccāni nissāya uppajjatīti yojanā. Idanti vatthu. Sattannaṃ nidānanti sattannaṃ āpattikkhandhānaṃ paññattiṭṭhānasaṅkhātaṃ nidānaṃ. Etthāti ṭhāne. Paññattiṃ na jānātīti ettha ‘‘anupaññattiṃ na jānātī’’ti vakkhamānattā paṭhamapaññatti gahetabbāti āha ‘‘paṭhamapaññattiṃ na jānātī’’ti. Anupaññattīti ettha anusaddo naupacchinnatthoti āha ‘‘punappunaṃ paññattiṃ na jānātī’’ti. Pacchātthopi yujjateva paṭhamapaññattito pacchā paññattattā. Anusandhivacanapathanti ettha anusandhīnaṃ vasena vacanapathanti dassento āha ‘‘kathānusandhivinicchayānusandhivasena vatthu’’nti. Ñattikiccanti ñattiyā kiccaṃ . Iminā ñattiyāti ettha sāmyatthe sāmivacanaṃ. Karadhātusambandhe karaṇavacanampi yujjateva. Karaṇanti ettha ca yupaccayassa kammatthabhāvañca dasseti. Na kevalaṃ ñattikamme eva ñattikiccaṃ na jānāti, atha kho ñattidutiyañatticatutthakammesupi na jānātīti dassento āha ‘‘ñattidutiyañatticatutthakammesū’’tiādi. Pubbe ṭhapetabbāti ñatti nāma kammavācāya pubbe ṭhapetabbāti na jānāti. Iminā napubbakusalabhāvaṃ dasseti. ‘‘Pacchā’’ti iminā naaparakusalabhāvaṃ dasseti. Pisaddena paṭhamanayaṃ apekkhati. ‘‘Kālaṃ na jānātī’’ti iminā akālaññūti padassa viggahavākyaṃ dasseti. Kālaṃ dassento āha ‘‘anajjhiṭṭho’’tiādi.
‘‘ਧੁਤਙ੍ਗੇ ਆਨਿਸਂਸਂ ਅਜਾਨਿਤ੍વਾ’’ਤਿ ਇਮਿਨਾ ਮਨ੍ਦਮੋਮੂਹਾਨਂ ਫਲਂ ਦਸ੍ਸੇਤਿ। ਪਾਪਿਚ੍ਛੋਤਿ ਏਤ੍ਥ ਪਾਪਿਚ੍ਛੋ ਨਾਮ ਪਚ੍ਚਯਲਾਭਸ੍ਸ ਪਤ੍ਥਨਾਤਿ ਆਹ ‘‘ਪਚ੍ਚਯਲਾਭਂ ਪਤ੍ਥਯਮਾਨੋ’’ਤਿ। ਕਾਯવਿવੇਕੋ ਚ ਚਿਤ੍ਤવਿવੇਕੋ ਚ ਉਪਧਿવਿવੇਕੋ ਚ ਕਾਯਚਿਤ੍ਤਉਪਧਿવਿવੇਕਂ, ਸਮਾਹਾਰਦ੍વਨ੍ਦੋ, ਪੁਬ੍ਬਪਦੇਸੁ ਉਤ੍ਤਰਪਦਲੋਪੋ। ਏਤਸ੍ਸਾਤਿ ਆਰਞ੍ਞਿਕਸ੍ਸ। ਇਮਿਨਾ ਇਮਾਯ ਅਤ੍ਥੋ ਇਦਮਤ੍ਥੋ, ਸੋ ਏਤਸ੍ਸਤ੍ਥੀਤਿ ਇਦਮਤ੍ਥੀਤਿ વਚਨਤ੍ਥਂ ਦਸ੍ਸੇਤਿ। ਅਪ੍ਪਿਚ੍ਛਞ੍ਞੇવਾਤਿਆਦੀਸੁ ਏવਸਦ੍ਦਾਨਂ ਛਡ੍ਡੇਤਬ੍ਬਤ੍ਥਂ ਦਸ੍ਸੇਨ੍ਤੋ ਆਹ ‘‘ਨ ਅਞ੍ਞਂ ਕਿਞ੍ਚਿ ਲੋਕਾਮਿਸ’’ਨ੍ਤਿ।
‘‘Dhutaṅge ānisaṃsaṃ ajānitvā’’ti iminā mandamomūhānaṃ phalaṃ dasseti. Pāpicchoti ettha pāpiccho nāma paccayalābhassa patthanāti āha ‘‘paccayalābhaṃ patthayamāno’’ti. Kāyaviveko ca cittaviveko ca upadhiviveko ca kāyacittaupadhivivekaṃ, samāhāradvando, pubbapadesu uttarapadalopo. Etassāti āraññikassa. Iminā imāya attho idamattho, so etassatthīti idamatthīti vacanatthaṃ dasseti. Appicchaññevātiādīsu evasaddānaṃ chaḍḍetabbatthaṃ dassento āha ‘‘na aññaṃ kiñci lokāmisa’’nti.
ਨવવਿਧਨ੍ਤਿ ਦਿવਸવਸੇਨ ਤਿવਿਧਂ, ਤਥਾ ਕਤ੍ਤਬ੍ਬਾਕਾਰવਸੇਨ, ਤਥਾ ਕਾਰਕવਸੇਨਾਤਿ ਨવવਿਧਂ ਉਪੋਸਥਂ।
Navavidhanti divasavasena tividhaṃ, tathā kattabbākāravasena, tathā kārakavasenāti navavidhaṃ uposathaṃ.
ਕਾਯਦੁਚ੍ਚਰਿਤਾਦਿ ਯਸ੍ਮਾ ਨ ਪਸਾਦਂ ਸਂવਤ੍ਤੇਤਿ, ਨ ਪਸਾਦਾਯ વਾ ਸਂવਤ੍ਤਤਿ, ਤਸ੍ਮਾ ਅਪਾਸਾਦਿਕਨ੍ਤਿ વੁਚ੍ਚਤਿ। ਤੇਨ વੁਤ੍ਤਂ ‘‘ਅਪਾਸਾਦਿਕਨ੍ਤਿ ਕਾਯਦੁਚ੍ਚਰਿਤਾਦਿ ਅਕੁਸਲ’’ਨ੍ਤਿ। વੇਲਂ ਅਤਿਕ੍ਕਮ੍ਮਾਤਿ ਭੋਜਨਾਦਿਕਾਲਂ ਅਤਿਕ੍ਕਮਿਤ੍વਾ। ਇਮਿਨਾ ਅਤਿવੇਲਨ੍ਤਿ ਏਤ੍ਥ ਅਤਿਸਦ੍ਦਸ੍ਸ ਅਤਿਕ੍ਕਮਨਤ੍ਥਞ੍ਚ ‘‘ਅਤਿવੇਲ’’ਨ੍ਤਿ ਪਦਸ੍ਸ ‘‘વਿਹਰਤੋ’’ਤਿ ਪਦੇ ਕਿਰਿਯવਿਸੇਸਨਭਾવਞ੍ਚ ਦਸ੍ਸੇਤਿ। ਅਪ੍ਪਂ ਕਾਲਨ੍ਤਿ ਯੋਜਨਾ। ਅવਤਰਣਂ ਓਤਾਰੋਤਿ ਦਸ੍ਸੇਨ੍ਤੋ ਆਹ ‘‘ਓਤਰਣ’’ਨ੍ਤਿ। ਸਬ੍ਬਤ੍ਥਾਤਿ ਸਬ੍ਬੇਸੁ ਪਞ੍ਚਕੇਸੁ।
Kāyaduccaritādi yasmā na pasādaṃ saṃvatteti, na pasādāya vā saṃvattati, tasmā apāsādikanti vuccati. Tena vuttaṃ ‘‘apāsādikanti kāyaduccaritādi akusala’’nti. Velaṃ atikkammāti bhojanādikālaṃ atikkamitvā. Iminā ativelanti ettha atisaddassa atikkamanatthañca ‘‘ativela’’nti padassa ‘‘viharato’’ti pade kiriyavisesanabhāvañca dasseti. Appaṃ kālanti yojanā. Avataraṇaṃ otāroti dassento āha ‘‘otaraṇa’’nti. Sabbatthāti sabbesu pañcakesu.
ਇਤਿ ਪਞ੍ਚਕવਾਰવਣ੍ਣਨਾਯ ਯੋਜਨਾ ਸਮਤ੍ਤਾ।
Iti pañcakavāravaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੫. ਪਞ੍ਚਕવਾਰੋ • 5. Pañcakavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਪਞ੍ਚਕવਾਰવਣ੍ਣਨਾ • Pañcakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਞ੍ਚਕવਾਰવਣ੍ਣਨਾ • Pañcakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਞ੍ਚਕવਾਰવਣ੍ਣਨਾ • Pañcakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਞ੍ਚਕવਾਰવਣ੍ਣਨਾ • Pañcakavāravaṇṇanā
