| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
7. зл̣агаломад̇ховаабанасигкаабад̣̇аван̣н̣анаа
7. Eḷakalomadhovāpanasikkhāpadavaṇṇanā
581. гин̃жааби бураан̣ажийварад̇хованасигкаабад̣̇з жийварам̣ табзд̇ваа ‘‘ан̃н̃ам̣ баригкаарам̣ д̇ховаабзд̇ий’’д̇и (баараа. 507) анаабад̇д̇иваарз вуд̇д̇ам̣. имасса бана сигкаабад̣̇асса уббаннагаалад̇о бадтааяа зл̣агаломад̇ховаабанаад̣̇инаа аабад̇д̇ийд̇и згз. саа ваа анаабад̇д̇и муулаабад̇д̇ид̇о зва, на имамхаад̇и згз. зл̣агаломаанам̣ абаригкаарад̇д̇аа бхадтам̣ аг̇г̇ахан̣амзваад̇и згз. имасса анд̇иманаяасса ад̇т̇аббагаасанад̇т̇ам̣ ид̣̇ам̣ бан̃хаагаммам̣ – ‘‘д̇ховаабзд̇ий’’д̇и ид̣̇ам̣ раж̇аабанавиж̇адаабанаг̇г̇ахан̣зна ниббад̣̇зсаваажибад̣̇ам̣, уд̣̇ааху аг̇г̇ахан̣зна саббад̣̇зсаваажибад̣̇ам̣. гин̃жзд̇т̇а яад̣̇и ниббад̣̇зсаваажибад̣̇ам̣, саб̣б̣ад̇т̇а ид̣̇амзва вад̇д̇аб̣б̣ам̣, на ид̇араани. ат̇а саббад̣̇зсаваажибад̣̇ам̣, ‘‘авуд̇д̇аа д̇ховад̇и, абарибхуд̇д̇ам̣ д̇ховаабзд̇ий’’д̇и зд̇т̇а вирод̇хо. ‘‘авуд̇д̇аа раж̇ад̇и виж̇адзд̇и, ниссаг̇г̇ияа’’нд̇и анидтаббасан̇г̇ад̇од̇и? д̣̇зсанаавилаасамад̇д̇ам̣ бхаг̇авад̇о важанам̣, гад̇т̇ажи д̇игабад̣̇аважанам̣, гад̇т̇ажи згабад̣̇аважанам̣, ниббад̣̇зсабад̣̇амзва д̇з вад̣̇анд̇ийд̇и. сажз ‘‘гад̇абхан̣д̣ам̣ д̇ховаабзд̇ий’’д̇и зд̇т̇а бадивирод̇хо, ‘‘гад̇абхан̣д̣ам̣ виж̇адаабзд̇и, анаабад̇д̇ий’’д̇и анидтаббасан̇г̇ад̇о анаабад̇д̇и зваад̇и жз? на, агад̇абхан̣д̣асса суд̣̇д̇халомасса виж̇адаабанам̣ ид̇о ваа д̣̇аад̇аб̣б̣ам̣. уд̣̇агаад̣̇ид̇хованавасзна бин̣д̣зд̇ваа тид̇аанам̣ виж̇адаабанам̣ лаб̣бхад̇ийд̇и жз? бураан̣асант̇ад̇асса виж̇адаабанз анаабад̇д̇ияаа бхавид̇аб̣б̣ам̣, на жа д̇ам̣ яуд̇д̇ам̣ ‘‘абарибхуд̇д̇ам̣ д̇ховаабзд̇ий’’д̇и важанад̇о. д̇зна барибхуд̇д̇ам̣ д̇ховаабзд̇и раж̇аабзд̇и виж̇адаабзд̇и, ниссаг̇г̇ияамзваад̇и сид̣̇д̇хам̣ ход̇и, д̇ан̃жа барибхуд̇д̇ам̣ наама гад̇абхан̣д̣амзва ход̇и. на хи саггаа зл̣агаломаани барибхун̃ж̇ид̇ум̣, ан̃н̃ат̇аа ‘‘барибхуд̇д̇ам̣ д̇ховаабзд̇ий’’д̇и важанам̣ нирад̇т̇агам̣ ход̇и. на хи зд̇т̇а ‘‘бураан̣аани зл̣агаломаани д̇ховаабзяяа ваа’’д̇и важанам̣ ад̇т̇и бураан̣ажийварасигкаабад̣̇з вияа. д̇ад̇т̇а аад̣̇иннагаббавасзна, ид̇ха д̇ам̣ ликид̇ам̣. лзкад̣̇осод̇и жз? на, висзсахзд̇уно абхааваа, бураан̣ажийварасигкаабад̣̇з абарибхуд̇д̇ам̣ гад̇абхан̣д̣ам̣ наама, ‘‘гамб̣алагож̇авасант̇ад̇аад̣̇и’’нд̇и важанад̇о жа. гин̃жааби иминаа сад̣̇д̣̇зна аяамад̇т̇о сид̣̇д̇хо, ‘‘д̇ховаабзд̇ий’’д̇и ид̣̇ам̣ бана сияаа ниббад̣̇зсам̣. сияаа саббад̣̇зсам̣. д̇ан̃хи ‘‘авуд̇д̇аа д̇ховад̇ий’’д̇иаад̣̇ийсу ниббад̣̇зсам̣. ‘‘гад̇абхан̣д̣ам̣ д̇ховаабзд̇ий’’д̇и зд̇т̇а саббад̣̇зсам̣. ‘‘агад̇абхан̣д̣ам̣ д̇ховаабзд̇и раж̇аабзд̇и, анаабад̇д̇ий’’д̇и ‘‘виж̇адаабзд̇и, анаабад̇д̇ий’’д̇и важанаббамаан̣ад̇о анаабад̇д̇и зваад̇и жз? на, важанаббамаан̣ад̇о зва аабад̇д̇ийд̇и аабаж̇ж̇анад̇о. ‘‘абарибхуд̇д̇ам̣ д̇ховаабзд̇ий’’д̇и важанамзва хи д̇ам̣ абарибхуд̇д̇ам̣ сант̇ад̇ам̣ виж̇адаабзнд̇асса анаабад̇д̇ийд̇и д̣̇ийбзд̇и жз? сид̣̇д̇хам̣ барибхуд̇д̇ам̣ виж̇адаабзнд̇асса аабад̇д̇и зваад̇и.
581. Kiñcāpi purāṇacīvaradhovanasikkhāpade cīvaraṃ ṭhapetvā ‘‘aññaṃ parikkhāraṃ dhovāpetī’’ti (pārā. 507) anāpattivāre vuttaṃ. Imassa pana sikkhāpadassa uppannakālato paṭṭhāya eḷakalomadhovāpanādinā āpattīti eke. Sā vā anāpatti mūlāpattito eva, na imamhāti eke. Eḷakalomānaṃ aparikkhārattā bhaṭṭhaṃ aggahaṇamevāti eke. Imassa antimanayassa atthappakāsanatthaṃ idaṃ pañhākammaṃ – ‘‘dhovāpetī’’ti idaṃ rajāpanavijaṭāpanaggahaṇena nippadesavācipadaṃ, udāhu aggahaṇena sappadesavācipadaṃ. Kiñcettha yadi nippadesavācipadaṃ, sabbattha idameva vattabbaṃ, na itarāni. Atha sappadesavācipadaṃ, ‘‘avuttā dhovati, aparibhuttaṃ dhovāpetī’’ti ettha virodho. ‘‘Avuttā rajati vijaṭeti, nissaggiya’’nti aniṭṭhappasaṅgatoti? Desanāvilāsamattaṃ bhagavato vacanaṃ, katthaci tikapadavacanaṃ, katthaci ekapadavacanaṃ, nippadesapadameva te vadantīti. Sace ‘‘katabhaṇḍaṃ dhovāpetī’’ti ettha paṭivirodho, ‘‘katabhaṇḍaṃ vijaṭāpeti, anāpattī’’ti aniṭṭhappasaṅgato anāpatti evāti ce? Na, akatabhaṇḍassa suddhalomassa vijaṭāpanaṃ ito vā dātabbaṃ. Udakādidhovanavasena piṇḍetvā ṭhitānaṃ vijaṭāpanaṃ labbhatīti ce? Purāṇasanthatassa vijaṭāpane anāpattiyā bhavitabbaṃ, na ca taṃ yuttaṃ ‘‘aparibhuttaṃ dhovāpetī’’ti vacanato. Tena paribhuttaṃ dhovāpeti rajāpeti vijaṭāpeti, nissaggiyamevāti siddhaṃ hoti, tañca paribhuttaṃ nāma katabhaṇḍameva hoti. Na hi sakkā eḷakalomāni paribhuñjituṃ, aññathā ‘‘paribhuttaṃ dhovāpetī’’ti vacanaṃ niratthakaṃ hoti. Na hi ettha ‘‘purāṇāni eḷakalomāni dhovāpeyya vā’’ti vacanaṃ atthi purāṇacīvarasikkhāpade viya. Tattha ādinnakappavasena, idha taṃ likhitaṃ. Lekhadosoti ce? Na, visesahetuno abhāvā, purāṇacīvarasikkhāpade aparibhuttaṃ katabhaṇḍaṃ nāma, ‘‘kambalakojavasanthatādi’’nti vacanato ca. Kiñcāpi iminā saddena ayamattho siddho, ‘‘dhovāpetī’’ti idaṃ pana siyā nippadesaṃ. Siyā sappadesaṃ. Tañhi ‘‘avuttā dhovatī’’tiādīsu nippadesaṃ. ‘‘Katabhaṇḍaṃ dhovāpetī’’ti ettha sappadesaṃ. ‘‘Akatabhaṇḍaṃ dhovāpeti rajāpeti, anāpattī’’ti ‘‘vijaṭāpeti, anāpattī’’ti vacanappamāṇato anāpatti evāti ce? Na, vacanappamāṇato eva āpattīti āpajjanato. ‘‘Aparibhuttaṃ dhovāpetī’’ti vacanameva hi taṃ aparibhuttaṃ santhataṃ vijaṭāpentassa anāpattīti dīpeti ce? Siddhaṃ paribhuttaṃ vijaṭāpentassa āpatti evāti.
зл̣агаломад̇ховаабанасигкаабад̣̇аван̣н̣анаа нидтид̇аа.
Eḷakalomadhovāpanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. зл̣агаломад̇ховаабанасигкаабад̣̇ам̣ • 7. Eḷakalomadhovāpanasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. зл̣агаломад̇ховаабанасигкаабад̣̇аван̣н̣анаа • 7. Eḷakalomadhovāpanasikkhāpadavaṇṇanā
