| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
ஏளகலோமஸமுட்டா²னவண்ணனா
Eḷakalomasamuṭṭhānavaṇṇanā
263. ‘‘ஏளகலோமா’’தி இத³ங் ஏளகலோமஸமுட்டா²னங் நாம ஏகங் ஸமுட்டா²னஸீஸங். இதோதி யதா²வுத்ததோ. பாளிந்தி மாதிகாபாளிங். விரஜ்ஜி²த்வாதி புப்³பா³பரதோ விராதெ⁴த்வா. யதா²தி யேனாகாரேன . பனஸத்³தோ³ அனுக்³க³ஹத்தோ². கிஞ்சாபி லிக²ந்தி, பன ததா²பீதி யோஜனா. ஏவந்தி ததா²காரேன. அத்தா²னுக்கமோதி அத்த²ஸ்ஸ அனுக்கமோ.
263.‘‘Eḷakalomā’’ti idaṃ eḷakalomasamuṭṭhānaṃ nāma ekaṃ samuṭṭhānasīsaṃ. Itoti yathāvuttato. Pāḷinti mātikāpāḷiṃ. Virajjhitvāti pubbāparato virādhetvā. Yathāti yenākārena . Panasaddo anuggahattho. Kiñcāpi likhanti, pana tathāpīti yojanā. Evanti tathākārena. Atthānukkamoti atthassa anukkamo.
‘‘அபி⁴க்கு²காவா ஸேன சா’’தி ஏதங் வசனங் வுத்தந்தி ஸம்ப³ந்தோ⁴. ‘‘அபி⁴க்கு²கே ஆவாஸே வஸ்ஸங் வஸெய்யா’’தி (பாசி॰ 1047) இத³ங் வசனங் ஸந்தா⁴யாதி ஸம்ப³ந்தோ⁴. ‘‘பி⁴க்கு²னீ’’திஆதி³னா வுத்தானீதி ஸம்ப³ந்தோ⁴. ஆதி³ஸத்³தே³ன ‘‘ஸிக்க²மானா ச ஸாமணேரீ கி³ஹினியா’’தி பாட²ங் ஸங்க³ண்ஹாதி.
‘‘Abhikkhukāvā sena cā’’ti etaṃ vacanaṃ vuttanti sambandho. ‘‘Abhikkhuke āvāse vassaṃ vaseyyā’’ti (pāci. 1047) idaṃ vacanaṃ sandhāyāti sambandho. ‘‘Bhikkhunī’’tiādinā vuttānīti sambandho. Ādisaddena ‘‘sikkhamānā ca sāmaṇerī gihiniyā’’ti pāṭhaṃ saṅgaṇhāti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 6. ஏளகலோமஸமுட்டா²னங் • 6. Eḷakalomasamuṭṭhānaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / ஏளகலோமஸமுட்டா²னவண்ணனா • Eḷakalomasamuṭṭhānavaṇṇanā
