| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
зл̣агаломасамудтаанаван̣н̣анаа
Eḷakalomasamuṭṭhānavaṇṇanā
263. зл̣агаломаа д̣̇вз сзяяаад̇и зл̣агаломасигкаабад̣̇ан̃жзва д̣̇вз жа сахасзяяасигкаабад̣̇аани. аахажжа бин̣д̣абхож̇ананд̇и аахажжабаад̣̇агасигкаабад̣̇ан̃жа аавасат̇абин̣д̣абхож̇анасигкаабад̣̇ан̃жа. г̇ан̣авигааласаннид̇хийд̇и г̇ан̣абхож̇анавигаалабхож̇анасаннид̇хигаарагасигкаабад̣̇ад̇д̇аяам̣ . д̣̇анд̇абонзна жзлагаад̇и д̣̇анд̇абонасигкаабад̣̇ан̃жа ажзлагасигкаабад̣̇ан̃жа. уяяуд̇д̇ам̣ сзнам̣ уяяод̇хийд̇и ‘‘уяяуд̇д̇ам̣ сзнам̣ д̣̇ассанааяа г̇ажчзяяа, сзнааяа васзяяа, уяяод̇хигам̣ ваа…бз… анийгад̣̇ассанам̣ ваа г̇ажчзяяаа’’д̇и вуд̇д̇асигкаабад̣̇ад̇д̇аяам̣. сураа орзна нхааяанаад̇и сураабаанасигкаабад̣̇ан̃жа орзнад̣̇д̇хамаасанахаанасигкаабад̣̇ан̃жа. д̣̇уб̣б̣ан̣н̣з д̣̇вз д̣̇зсанигаад̇и ‘‘д̇ин̣н̣ам̣ д̣̇уб̣б̣ан̣н̣агаран̣аана’’нд̇и вуд̇д̇асигкаабад̣̇ан̃жа вуд̇д̇аавасзсабаадид̣̇зсанийяад̣̇ваяан̃жа. ласун̣убад̇идтз нажжанаад̇и ласун̣асигкаабад̣̇ам̣, ‘‘бхигкусса бхун̃ж̇анд̇асса баанийязна ваа вид̇хуубанзна ваа убад̇идтзяяаа’’д̇и вуд̇д̇асигкаабад̣̇ам̣, ‘‘нажжам̣ ваа г̇ийд̇ам̣ ваа ваад̣̇ид̇ам̣ ваа д̣̇ассанааяа г̇ажчзяяаа’’д̇и вуд̇д̇асигкаабад̣̇ан̃жа. ид̇о барам̣ баал̣им̣ вираж̇жхид̇ваа ликанд̇и. яат̇аа бана ад̇т̇ам̣ ван̣н̣аяиссаама; звамзд̇т̇а ануггамо взд̣̇ид̇аб̣б̣о.
263.Eḷakalomādve seyyāti eḷakalomasikkhāpadañceva dve ca sahaseyyasikkhāpadāni. Āhacca piṇḍabhojananti āhaccapādakasikkhāpadañca āvasathapiṇḍabhojanasikkhāpadañca. Gaṇavikālasannidhīti gaṇabhojanavikālabhojanasannidhikārakasikkhāpadattayaṃ . Dantaponena celakāti dantaponasikkhāpadañca acelakasikkhāpadañca. Uyyuttaṃ senaṃ uyyodhīti ‘‘uyyuttaṃ senaṃ dassanāya gaccheyya, senāya vaseyya, uyyodhikaṃ vā…pe… anīkadassanaṃ vā gaccheyyā’’ti vuttasikkhāpadattayaṃ. Surā orena nhāyanāti surāpānasikkhāpadañca orenaddhamāsanahānasikkhāpadañca. Dubbaṇṇe dve desanikāti ‘‘tiṇṇaṃ dubbaṇṇakaraṇāna’’nti vuttasikkhāpadañca vuttāvasesapāṭidesanīyadvayañca. Lasuṇupatiṭṭhe naccanāti lasuṇasikkhāpadaṃ, ‘‘bhikkhussa bhuñjantassa pānīyena vā vidhūpanena vā upatiṭṭheyyā’’ti vuttasikkhāpadaṃ, ‘‘naccaṃ vā gītaṃ vā vāditaṃ vā dassanāya gaccheyyā’’ti vuttasikkhāpadañca. Ito paraṃ pāḷiṃ virajjhitvā likhanti. Yathā pana atthaṃ vaṇṇayissāma; evamettha anukkamo veditabbo.
нхаанамад̇т̇аран̣ам̣ сзяяаад̇и ‘‘наг̇г̇аа нахааязяяа, згад̇т̇аран̣абаавуран̣аа д̇уваддзяяум̣, згаман̃жз д̇уваддзяяу’’нд̇и вуд̇д̇асигкаабад̣̇ад̇д̇аяам̣. анд̇орадтз д̇ат̇аа б̣ахийд̇и ‘‘анд̇орадтз саасан̇гасаммад̇з, д̇ирорадтз саасан̇гасаммад̇з’’д̇и вуд̇д̇асигкаабад̣̇ад̣̇ваяам̣. анд̇овассам̣ жид̇д̇ааг̇ааранд̇и ‘‘анд̇овассам̣ жааригам̣ баггамзяяа, рааж̇ааг̇аарам̣ ваа жид̇д̇ааг̇аарам̣ ваа…бз… богкаран̣им̣ ваа д̣̇ассанааяа г̇ажчзяяаа’’д̇и жа вуд̇д̇асигкаабад̣̇ад̣̇ваяам̣. аасанд̣̇им̣ суд̇д̇аганд̇анаад̇и ‘‘аасанд̣̇им̣ ваа баллан̇гам̣ ваа барибхун̃ж̇зяяа, суд̇д̇ам̣ ганд̇зяяаа’’д̇и вуд̇д̇асигкаабад̣̇ад̣̇ваяам̣.
Nhānamattharaṇaṃseyyāti ‘‘naggā nahāyeyya, ekattharaṇapāvuraṇā tuvaṭṭeyyuṃ, ekamañce tuvaṭṭeyyu’’nti vuttasikkhāpadattayaṃ. Antoraṭṭhe tathā bahīti ‘‘antoraṭṭhe sāsaṅkasammate, tiroraṭṭhe sāsaṅkasammate’’ti vuttasikkhāpadadvayaṃ. Antovassaṃ cittāgāranti ‘‘antovassaṃ cārikaṃ pakkameyya, rājāgāraṃ vā cittāgāraṃ vā…pe… pokkharaṇiṃ vā dassanāya gaccheyyā’’ti ca vuttasikkhāpadadvayaṃ. Āsandiṃ suttakantanāti ‘‘āsandiṃ vā pallaṅkaṃ vā paribhuñjeyya, suttaṃ kanteyyā’’ti vuttasikkhāpadadvayaṃ.
взяяааважжам̣ сахад̇т̇аа жаад̇и ‘‘г̇ихивзяяааважжам̣ гарзяяа, аг̇ааригасса ваа бариб̣б̣ааж̇агасса ваа бариб̣б̣ааж̇игааяа ваа сахад̇т̇аа каад̣̇анийяам̣ ваа бхож̇анийяам̣ ваа д̣̇ад̣̇зяяаа’’д̇и вуд̇д̇асигкаабад̣̇ад̣̇ваяам̣. абхигкугааваасзна жаад̇и ‘‘абхигкугз ааваасз вассам̣ васзяяаа’’д̇и ид̣̇амзд̇ам̣ санд̇хааяа вуд̇д̇ам̣. чад̇д̇ам̣ яаанан̃жа сан̇гхаан̣инд̇и ‘‘чад̇д̇убааханам̣ д̇хаарзяяа, яаанзна яааязяяа, сан̇гхаан̣им̣ д̇хаарзяяаа’’д̇и вуд̇д̇асигкаабад̣̇ад̇д̇аяам̣. алан̇гаараг̇анд̇хаваасид̇анд̇и ‘‘ид̇т̇аалан̇гаарам̣ д̇хаарзяяа, г̇анд̇хажун̣н̣агзна нахааязяяа, ваасид̇агзна бин̃н̃аагзна нахааязяяаа’’д̇и вуд̇д̇асигкаабад̣̇ад̇д̇аяам̣. бхигкунийд̇иаад̣̇инаа ‘‘бхигкунияаа уммад̣̇д̣̇аабзяяаа’’д̇иаад̣̇ийни жад̇д̇аари сигкаабад̣̇аани вуд̇д̇аани. асан̇гажжигаа аабад̇д̇ийд̇и ‘‘асан̇гажжигаа г̇аамам̣ бависзяяа баажид̇д̇ияа’’нд̇и звам̣ вуд̇д̇ааабад̇д̇и жа. жад̇д̇аарийсаа жад̇уд̇д̇арийд̇и зд̇аани саб̣б̣ааниби жад̇ужад̇д̇аалийса сигкаабад̣̇аани вуд̇д̇аани.
Veyyāvaccaṃ sahatthā cāti ‘‘gihiveyyāvaccaṃ kareyya, agārikassa vā paribbājakassa vā paribbājikāya vā sahatthā khādanīyaṃ vā bhojanīyaṃ vā dadeyyā’’ti vuttasikkhāpadadvayaṃ. Abhikkhukāvāsena cāti ‘‘abhikkhuke āvāse vassaṃ vaseyyā’’ti idametaṃ sandhāya vuttaṃ. Chattaṃ yānañca saṅghāṇinti ‘‘chattupāhanaṃ dhāreyya, yānena yāyeyya, saṅghāṇiṃ dhāreyyā’’ti vuttasikkhāpadattayaṃ. Alaṅkāragandhavāsitanti ‘‘itthālaṅkāraṃ dhāreyya, gandhacuṇṇakena nahāyeyya, vāsitakena piññākena nahāyeyyā’’ti vuttasikkhāpadattayaṃ. Bhikkhunītiādinā ‘‘bhikkhuniyā ummaddāpeyyā’’tiādīni cattāri sikkhāpadāni vuttāni. Asaṅkaccikā āpattīti ‘‘asaṅkaccikā gāmaṃ paviseyya pācittiya’’nti evaṃ vuttaāpatti ca. Cattārīsā catuttarīti etāni sabbānipi catucattālīsa sikkhāpadāni vuttāni.
гааязна на ваажаажид̇д̇зна, гааяажид̇д̇зна на ваажад̇од̇и гааязна жзва гааяажид̇д̇зна жа самудтаханд̇и; на ваажаажид̇д̇зна на ваажад̇од̇и ад̇т̇о. д̣̇висамудтаанигаа саб̣б̣з, самаа зл̣агаломигаад̇и ид̣̇ам̣ уд̇д̇аанад̇т̇амзва.
Kāyena na vācācittena, kāyacittena na vācatoti kāyena ceva kāyacittena ca samuṭṭhahanti; na vācācittena na vācatoti attho. Dvisamuṭṭhānikā sabbe, samā eḷakalomikāti idaṃ uttānatthameva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 6. зл̣агаломасамудтаанам̣ • 6. Eḷakalomasamuṭṭhānaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / зл̣агаломасамудтаанаван̣н̣анаа • Eḷakalomasamuṭṭhānavaṇṇanā
