| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
ဧဠကလောမသမုဋ္ဌာနဝဏ္ဏနာ
Eḷakalomasamuṭṭhānavaṇṇanā
၂၆၃. ‘‘ဧဠကလောမာ’’တိ ဣဒံ ဧဠကလောမသမုဋ္ဌာနံ နာမ ဧကံ သမုဋ္ဌာနသီသံ။ ဣတောတိ ယထာဝုတ္တတော။ ပာဠိန္တိ မာတိကာပာဠိံ။ ဝိရဇ္ဈိတ္ဝာတိ ပုဗ္ဗာပရတော ဝိရာဓေတ္ဝာ။ ယထာတိ ယေနာကာရေန ။ ပနသဒ္ဒော အနုဂ္ဂဟတ္ထော။ ကိဉ္စာပိ လိခန္တိ, ပန တထာပီတိ ယောဇနာ။ ဧဝန္တိ တထာကာရေန။ အတ္ထာနုက္ကမောတိ အတ္ထသ္သ အနုက္ကမော။
263.‘‘Eḷakalomā’’ti idaṃ eḷakalomasamuṭṭhānaṃ nāma ekaṃ samuṭṭhānasīsaṃ. Itoti yathāvuttato. Pāḷinti mātikāpāḷiṃ. Virajjhitvāti pubbāparato virādhetvā. Yathāti yenākārena . Panasaddo anuggahattho. Kiñcāpi likhanti, pana tathāpīti yojanā. Evanti tathākārena. Atthānukkamoti atthassa anukkamo.
‘‘အဘိက္ခုကာဝာ သေန စာ’’တိ ဧတံ ဝစနံ ဝုတ္တန္တိ သမ္ဗန္ဓော။ ‘‘အဘိက္ခုကေ အာဝာသေ ဝသ္သံ ဝသေယ္ယာ’’တိ (ပာစိ. ၁၀၄၇) ဣဒံ ဝစနံ သန္ဓာယာတိ သမ္ဗန္ဓော။ ‘‘ဘိက္ခုနီ’’တိအာဒိနာ ဝုတ္တာနီတိ သမ္ဗန္ဓော။ အာဒိသဒ္ဒေန ‘‘သိက္ခမာနာ စ သာမဏေရီ ဂိဟိနိယာ’’တိ ပာဌံ သင္ဂဏ္ဟာတိ။
‘‘Abhikkhukāvā sena cā’’ti etaṃ vacanaṃ vuttanti sambandho. ‘‘Abhikkhuke āvāse vassaṃ vaseyyā’’ti (pāci. 1047) idaṃ vacanaṃ sandhāyāti sambandho. ‘‘Bhikkhunī’’tiādinā vuttānīti sambandho. Ādisaddena ‘‘sikkhamānā ca sāmaṇerī gihiniyā’’ti pāṭhaṃ saṅgaṇhāti.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၆. ဧဠကလောမသမုဋ္ဌာနံ • 6. Eḷakalomasamuṭṭhānaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ဧဠကလောမသမုဋ္ဌာနဝဏ္ဏနာ • Eḷakalomasamuṭṭhānavaṇṇanā
