| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
එළකලොමසමුට්‌ඨානවණ්‌ණනා
Eḷakalomasamuṭṭhānavaṇṇanā
263. ‘‘එළකලොමා’’ති ඉදං එළකලොමසමුට්‌ඨානං නාම එකං සමුට්‌ඨානසීසං. ඉතොති යථාවුත්‌තතො. පාළින්‌ති මාතිකාපාළිං. විරජ්‌ඣිත්‌වාති පුබ්‌බාපරතො විරාධෙත්‌වා. යථාති යෙනාකාරෙන . පනසද්‌දො අනුග්‌ගහත්‌ථො. කිඤ්‌චාපි ලිඛන්‌ති, පන තථාපීති යොජනා. එවන්‌ති තථාකාරෙන. අත්‌ථානුක්‌කමොති අත්‌ථස්‌ස අනුක්‌කමො.
263.‘‘Eḷakalomā’’ti idaṃ eḷakalomasamuṭṭhānaṃ nāma ekaṃ samuṭṭhānasīsaṃ. Itoti yathāvuttato. Pāḷinti mātikāpāḷiṃ. Virajjhitvāti pubbāparato virādhetvā. Yathāti yenākārena . Panasaddo anuggahattho. Kiñcāpi likhanti, pana tathāpīti yojanā. Evanti tathākārena. Atthānukkamoti atthassa anukkamo.
‘‘අභික්‌ඛුකාවා සෙන චා’’ති එතං වචනං වුත්‌තන්‌ති සම්‌බන්‌ධො. ‘‘අභික්‌ඛුකෙ ආවාසෙ වස්‌සං වසෙය්‍යා’’ති (පාචි. 1047) ඉදං වචනං සන්‌ධායාති සම්‌බන්‌ධො. ‘‘භික්‌ඛුනී’’තිආදිනා වුත්‌තානීති සම්‌බන්‌ධො. ආදිසද්‌දෙන ‘‘සික්‌ඛමානා ච සාමණෙරී ගිහිනියා’’ති පාඨං සඞ්‌ගණ්‌හාති.
‘‘Abhikkhukāvā sena cā’’ti etaṃ vacanaṃ vuttanti sambandho. ‘‘Abhikkhuke āvāse vassaṃ vaseyyā’’ti (pāci. 1047) idaṃ vacanaṃ sandhāyāti sambandho. ‘‘Bhikkhunī’’tiādinā vuttānīti sambandho. Ādisaddena ‘‘sikkhamānā ca sāmaṇerī gihiniyā’’ti pāṭhaṃ saṅgaṇhāti.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 6. එළකලොමසමුට්‌ඨානං • 6. Eḷakalomasamuṭṭhānaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / එළකලොමසමුට්‌ඨානවණ්‌ණනා • Eḷakalomasamuṭṭhānavaṇṇanā
