| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
6. зл̣агаломасигкаабад̣̇ам̣
6. Eḷakalomasikkhāpadaṃ
571. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇арасса бхигкуно госалзсу ж̇анабад̣̇з саавад̇т̇им̣ г̇ажчанд̇асса анд̇араамаг̇г̇з зл̣агаломаани уббаж̇ж̇им̣су. ат̇а ко со бхигку д̇аани зл̣агаломаани уд̇д̇араасан̇г̇зна бхан̣д̣игам̣ б̣анд̇хид̇ваа аг̇амааси. мануссаа д̇ам̣ бхигкум̣ бассид̇ваа уббан̣д̣зсум̣ – ‘‘гид̇д̇агзна д̇з, бханд̇з, гийд̇аани? гид̇д̇аго уд̣̇аяо бхависсад̇ий’’д̇и? со бхигку д̇зхи мануссзхи уббан̣д̣ияамаано ман̇гу ахоси. ат̇а ко со бхигку саавад̇т̇им̣ г̇анд̇ваа д̇аани зл̣агаломаани тид̇агова аасумбхи. бхигкуу д̇ам̣ бхигкум̣ зд̇ад̣̇авожум̣ – ‘‘гисса д̇вам̣, аавусо, имаани зл̣агаломаани тид̇агова аасумбхасий’’д̇и? ‘‘д̇ат̇аа хи банаахам̣, аавусо, имзсам̣ зл̣агаломаанам̣ гааран̣аа мануссзхи уббан̣д̣ид̇о’’д̇и. ‘‘гийва д̣̇уурад̇о бана д̇вам̣, аавусо, имаани зл̣агаломаани аахарий’’д̇и? ‘‘ад̇ирзгад̇ияож̇анам̣, аавусо’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигку ад̇ирзгад̇ияож̇анам̣ зл̣агаломаани аахариссад̇ий’’д̇и! ат̇а ко д̇з бхигкуу д̇ам̣ бхигкум̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… сажжам̣ гира д̇вам̣, бхигку, ад̇ирзгад̇ияож̇анам̣ зл̣агаломаани аахарийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, ад̇ирзгад̇ияож̇анам̣ зл̣агаломаани аахариссаси! нзд̇ам̣ могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
571. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarassa bhikkhuno kosalesu janapade sāvatthiṃ gacchantassa antarāmagge eḷakalomāni uppajjiṃsu. Atha kho so bhikkhu tāni eḷakalomāni uttarāsaṅgena bhaṇḍikaṃ bandhitvā agamāsi. Manussā taṃ bhikkhuṃ passitvā uppaṇḍesuṃ – ‘‘kittakena te, bhante, kītāni? Kittako udayo bhavissatī’’ti? So bhikkhu tehi manussehi uppaṇḍiyamāno maṅku ahosi. Atha kho so bhikkhu sāvatthiṃ gantvā tāni eḷakalomāni ṭhitakova āsumbhi. Bhikkhū taṃ bhikkhuṃ etadavocuṃ – ‘‘kissa tvaṃ, āvuso, imāni eḷakalomāni ṭhitakova āsumbhasī’’ti? ‘‘Tathā hi panāhaṃ, āvuso, imesaṃ eḷakalomānaṃ kāraṇā manussehi uppaṇḍito’’ti. ‘‘Kīva dūrato pana tvaṃ, āvuso, imāni eḷakalomāni āharī’’ti? ‘‘Atirekatiyojanaṃ, āvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhu atirekatiyojanaṃ eḷakalomāni āharissatī’’ti! Atha kho te bhikkhū taṃ bhikkhuṃ anekapariyāyena vigarahitvā bhagavato etamatthaṃ ārocesuṃ…pe… saccaṃ kira tvaṃ, bhikkhu, atirekatiyojanaṃ eḷakalomāni āharīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, atirekatiyojanaṃ eḷakalomāni āharissasi! Netaṃ moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
572. ‘‘бхигкуно банзва ад̣̇д̇хаанамаг̇г̇аббадибаннасса зл̣агаломаани уббаж̇ж̇аяяум̣. ааган̇камаанзна бхигкунаа бадиг̇г̇ахзд̇аб̣б̣аани. бадиг̇г̇ахзд̇ваа д̇ияож̇анабарамам̣ сахад̇т̇аа харид̇аб̣б̣аани 1, асанд̇з хаарагз. д̇ад̇о жз уд̇д̇ари харзяяа, асанд̇зби хаарагз, ниссаг̇г̇ияам̣ баажид̇д̇ияа’’нд̇и.
572.‘‘Bhikkhunopaneva addhānamaggappaṭipannassa eḷakalomāni uppajjayyuṃ. Ākaṅkhamānena bhikkhunā paṭiggahetabbāni. Paṭiggahetvā tiyojanaparamaṃ sahatthā haritabbāni 2, asante hārake. Tato ce uttari hareyya, asantepi hārake, nissaggiyaṃ pācittiya’’nti.
573. бхигкуно банзва ад̣̇д̇хаанамаг̇г̇аббадибаннассаад̇и бант̇ам̣ г̇ажчанд̇асса.
573.Bhikkhunopaneva addhānamaggappaṭipannassāti panthaṃ gacchantassa.
зл̣агаломаани уббаж̇ж̇зяяунд̇и уббаж̇ж̇зяяум̣ сан̇гхад̇о ваа г̇ан̣ад̇о ваа н̃аад̇ид̇о ваа мид̇д̇ад̇о ваа бам̣сугуулам̣ ваа ад̇д̇ано ваа д̇ханзна.
Eḷakalomāni uppajjeyyunti uppajjeyyuṃ saṅghato vā gaṇato vā ñātito vā mittato vā paṃsukūlaṃ vā attano vā dhanena.
ааган̇камаанзнаад̇и ижчамаанзна бадиг̇г̇ахзд̇аб̣б̣аани.
Ākaṅkhamānenāti icchamānena paṭiggahetabbāni.
бадиг̇г̇ахзд̇ваа д̇ияож̇анабарамам̣ сахад̇т̇аа харид̇аб̣б̣аанийд̇и д̇ияож̇анабарамад̇аа сахад̇т̇аа харид̇аб̣б̣аани.
Paṭiggahetvā tiyojanaparamaṃ sahatthā haritabbānīti tiyojanaparamatā sahatthā haritabbāni.
асанд̇з хаарагзд̇и наан̃н̃о гожи хаараго ход̇и ид̇т̇ий ваа бурисо ваа г̇ахадто ваа баб̣б̣аж̇ид̇о ваа.
Asante hāraketi nāñño koci hārako hoti itthī vā puriso vā gahaṭṭho vā pabbajito vā.
д̇ад̇о жз уд̇д̇ари харзяяа, асанд̇зби хаарагзд̇и батамам̣ баад̣̇ам̣ д̇ияож̇анам̣ ад̇иггаамзд̇и, аабад̇д̇и д̣̇уггадасса. д̣̇уд̇ияам̣ баад̣̇ам̣ ад̇иггаамзд̇и, ниссаг̇г̇ияам̣ баажид̇д̇ияам̣ 3. анд̇од̇ияож̇анз тид̇о б̣ахид̇ияож̇анам̣ баад̇зд̇и, ниссаг̇г̇ияам̣ баажид̇д̇ияам̣ 4. ан̃н̃асса яаанз ваа бхан̣д̣з ваа аж̇аананд̇асса багкибид̇ваа д̇ияож̇анам̣ ад̇иггаамзд̇и, ниссаг̇г̇ияаани хонд̇и. ниссаж̇ж̇ид̇аб̣б̣аани сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣аани…бз… имаани мз, бханд̇з, зл̣агаломаани д̇ияож̇анам̣ ад̇иггаамид̇аани ниссаг̇г̇ияаани. имаанаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Tato ce uttari hareyya, asantepi hāraketi paṭhamaṃ pādaṃ tiyojanaṃ atikkāmeti, āpatti dukkaṭassa. Dutiyaṃ pādaṃ atikkāmeti, nissaggiyaṃ pācittiyaṃ 5. Antotiyojane ṭhito bahitiyojanaṃ pāteti, nissaggiyaṃ pācittiyaṃ 6. Aññassa yāne vā bhaṇḍe vā ajānantassa pakkhipitvā tiyojanaṃ atikkāmeti, nissaggiyāni honti. Nissajjitabbāni saṅghassa vā gaṇassa vā puggalassa vā. Evañca pana, bhikkhave, nissajjitabbāni…pe… imāni me, bhante, eḷakalomāni tiyojanaṃ atikkāmitāni nissaggiyāni. Imānāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
уунагад̇ияож̇анз ад̇ирзгасан̃н̃ий, аабад̇д̇и д̣̇уггадасса. уунагад̇ияож̇анз взмад̇иго, аабад̇д̇и д̣̇уггадасса. уунагад̇ияож̇анз уунагасан̃н̃ий, анаабад̇д̇и.
Ūnakatiyojane atirekasaññī, āpatti dukkaṭassa. Ūnakatiyojane vematiko, āpatti dukkaṭassa. Ūnakatiyojane ūnakasaññī, anāpatti.
575. анаабад̇д̇и д̇ияож̇анам̣ харад̇и, уунагад̇ияож̇анам̣ харад̇и, д̇ияож̇анам̣ харад̇иби, бажжаахарад̇иби, д̇ияож̇анам̣ ваасаад̇хиббааяо г̇анд̇ваа д̇ад̇о барам̣ харад̇и, ажчиннам̣ бадилабхид̇ваа харад̇и, ниссадтам̣ бадилабхид̇ваа харад̇и, ан̃н̃ам̣ хараабзд̇и гад̇абхан̣д̣ам̣, уммад̇д̇агасса, аад̣̇игаммигассаад̇и.
575. Anāpatti tiyojanaṃ harati, ūnakatiyojanaṃ harati, tiyojanaṃ haratipi, paccāharatipi, tiyojanaṃ vāsādhippāyo gantvā tato paraṃ harati, acchinnaṃ paṭilabhitvā harati, nissaṭṭhaṃ paṭilabhitvā harati, aññaṃ harāpeti katabhaṇḍaṃ, ummattakassa, ādikammikassāti.
зл̣агаломасигкаабад̣̇ам̣ нидтид̇ам̣ чадтам̣.
Eḷakalomasikkhāpadaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
