| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
6. ஏளகலோமஸிக்கா²பத³வண்ணனா
6. Eḷakalomasikkhāpadavaṇṇanā
571. ஏளலோமஸிக்கா²பதே³ பன ஆஸும்பீ⁴தி எத்த² ‘‘அஸும்பீ⁴’’தி பட²ந்தி. கிலந்தாதி இமினா கிலந்ததாய தே ஓனமித்வா பாதேதுங் ந ஸக்கொந்தீதி த³ஸ்ஸேதி. அத்³தா⁴னமக்³க³ப்படிபன்னஸ்ஸாதி இத³ங் வத்து²மத்ததீ³பனவஸேன பாளியங் வுத்தங். யத்த² கத்த²சி பன த⁴ம்மேன லபி⁴த்வா க³ண்ஹிதுங் வட்டதியேவ. தியோஜனபரமந்தி ச க³ஹிதட்டா²னதோ தியோஜனப்பமாணங் தே³ஸந்தி ஏவமத்தோ² க³ஹேதப்³போ³.
571. Eḷalomasikkhāpade pana āsumbhīti ettha ‘‘asumbhī’’ti paṭhanti. Kilantāti iminā kilantatāya te onamitvā pātetuṃ na sakkontīti dasseti. Addhānamaggappaṭipannassāti idaṃ vatthumattadīpanavasena pāḷiyaṃ vuttaṃ. Yattha katthaci pana dhammena labhitvā gaṇhituṃ vaṭṭatiyeva. Tiyojanaparamanti ca gahitaṭṭhānato tiyojanappamāṇaṃ desanti evamattho gahetabbo.
572. ஸஹத்தா²தி கரணத்தே² நிஸ்ஸக்கவசனந்தி ஆஹ ‘‘ஸஹத்தே²னா’’தி. அஸந்தே ஹாரகேதி பாளியங் பி⁴க்கு²னோ அனுரூபதாத³ஸ்ஸனத்த²ங் வுத்தங், ந பன ஹாரகே விஜ்ஜமானே தியோஜனப்³ப⁴ந்தரே ஸஹத்தா² ஹரந்தஸ்ஸ ஆபத்தித³ஸ்ஸனத்த²ங். தியோஜனதோ ப³ஹி ப³ஹிதியோஜனந்தி ஆஹ ‘‘தியோஜனதோ ப³ஹி பாதேதீ’’தி. தேன ஹரிதேபி ஆபத்தியேவாதி ஸஉஸ்ஸாஹத்தா அனாணத்தியா ஹடத்தா ச. ஸதிபி ஹி ஸஉஸ்ஸாஹபா⁴வே ஆணத்தியா சே ஹரதி, அனாபத்தி ‘‘அஞ்ஞங் ஹராபேதீ’’தி வசனதோ. அஞ்ஞோ ஹரிஸ்ஸதீதி அதி⁴ப்பாயாபா⁴வதோ ‘‘ஸுத்³த⁴சித்தேன ட²பித’’ந்தி வுத்தங். ஸஉஸ்ஸாஹத்தாதி தியோஜனாதிக்கமனே ஸஉஸ்ஸாஹத்தா. இத³ஞ்ச ‘‘அஞ்ஞோ ஹரிஸ்ஸதீ’’தி அஸுத்³த⁴சித்தேன ட²பிதங் ஸந்தா⁴ய வுத்தங், அசித்தகத்தாதி இத³ங் பன ஸுத்³த⁴சித்தேன ட²பிதங் ஸந்தா⁴ய. அனாபத்தி பாளியா ந ஸமேதீதி ‘‘தியோஜனங் ஹரதீ’’திஆதி³பாளியா, விஸேஸதோ ‘‘அஞ்ஞங் ஹராபேதீ’’தி பாளியா ச ந ஸமேதி.
572.Sahatthāti karaṇatthe nissakkavacananti āha ‘‘sahatthenā’’ti. Asante hāraketi pāḷiyaṃ bhikkhuno anurūpatādassanatthaṃ vuttaṃ, na pana hārake vijjamāne tiyojanabbhantare sahatthā harantassa āpattidassanatthaṃ. Tiyojanato bahi bahitiyojananti āha ‘‘tiyojanato bahi pātetī’’ti. Tena haritepi āpattiyevāti saussāhattā anāṇattiyā haṭattā ca. Satipi hi saussāhabhāve āṇattiyā ce harati, anāpatti ‘‘aññaṃ harāpetī’’ti vacanato. Añño harissatīti adhippāyābhāvato ‘‘suddhacittena ṭhapita’’nti vuttaṃ. Saussāhattāti tiyojanātikkamane saussāhattā. Idañca ‘‘añño harissatī’’ti asuddhacittena ṭhapitaṃ sandhāya vuttaṃ, acittakattāti idaṃ pana suddhacittena ṭhapitaṃ sandhāya. Anāpatti pāḷiyā na sametīti ‘‘tiyojanaṃ haratī’’tiādipāḷiyā, visesato ‘‘aññaṃ harāpetī’’ti pāḷiyā ca na sameti.
ஸசே ஸாமிகங் ஜானாபெத்வா ட²பேதி, ஆணத்தியா ஹராபேதி நாமாதி ஆஹ ‘‘ஸாமிகஸ்ஸ அஜானந்தஸ்ஸேவா’’தி. அக³ச்ச²ந்தேபீதி க³மனங் உபச்சி²ந்தி³த்வா டி²தயானேபி. ஹெட்டா² வா க³ச்ச²ந்தோதி பூ⁴மியங் க³ச்ச²ந்தோ. அஞ்ஞங் ஹராபேதீதி எத்த² அஞ்ஞ-க்³க³ஹணேன ஸாமஞ்ஞதோ திரச்சா²னக³தாபி ஸங்க³ஹிதாதி ஆஹ – ‘‘அஞ்ஞங் ஹராபேதீதி வசனதோ அனாபத்தீ’’தி. ஸுங்ககா⁴தே ஆபத்தி ஹோதீதி அஞ்ஞங் ஹராபெந்தஸ்ஸ ஆபத்தி. தத்த² அனாபத்தீதி அஞ்ஞவிஹிதஸ்ஸ தெ²ய்யசித்தாபா⁴வதோ அனாபத்தி.
Sace sāmikaṃ jānāpetvā ṭhapeti, āṇattiyā harāpeti nāmāti āha ‘‘sāmikassa ajānantassevā’’ti. Agacchantepīti gamanaṃ upacchinditvā ṭhitayānepi. Heṭṭhā vā gacchantoti bhūmiyaṃ gacchanto. Aññaṃ harāpetīti ettha añña-ggahaṇena sāmaññato tiracchānagatāpi saṅgahitāti āha – ‘‘aññaṃ harāpetīti vacanato anāpattī’’ti. Suṅkaghāte āpatti hotīti aññaṃ harāpentassa āpatti. Tattha anāpattīti aññavihitassa theyyacittābhāvato anāpatti.
575. ‘‘தங் ஹரந்தஸ்ஸாதி புன தியோஜனங் ஹரந்தஸ்ஸா’’தி மஹாக³ண்டி²பதே³ வுத்தங். தங் பன மாதிகாட்ட²கதா²யங் அங்கே³ஸு ‘‘பட²மப்படிலாபோ⁴ ஸதி இமினா வசனேன ந ஸமேதி. ‘‘பட²மப்படிலாபோ⁴’’தி ஹி இத³ங் து³தியப்படிலாபோ⁴ ஆபத்தியா அங்க³ங் ந ஹோதீதி தீ³பேதி, தஸ்மா பாளியங் அட்ட²கதா²யஞ்ச விஸேஸாபா⁴வதோ அச்சி²ன்னங் படிலபி⁴த்வா ஹரந்தஸ்ஸ புன தியோஜனாதிக்கமேபி அனாபத்தி வுத்தாதி அம்ஹாகங் க²ந்தி. அஞ்ஞதா² அச்சி²ன்னங் படிலபி⁴த்வா புன தியோஜனங் ஹரதீதி வதெ³ய்ய. வீமங்ஸித்வா யுத்ததரங் க³ஹேதப்³ப³ங். அனாபத்தி கதப⁴ண்ட³ந்தி எத்த² ‘‘கம்ப³லகோஜவாதி³கதப⁴ண்ட³ம்பி. பகதிசீவரே லக்³க³லோமானி ஆபத்திங் ஜனெந்தியேவா’’தி வத³ந்தி. தனுகபத்தத்த²விகந்தரே அக⁴ட்டனத்த²ங் பக்கி²பந்தி. பக்கி²த்தந்தி கண்ணச்சி²த்³தே³ பக்கி²த்தங். நிதா⁴னமுக²ங் நாமாதி இமினா கதப⁴ண்ட³ஸங்க்²யங் ந க³ச்ச²தீதி த³ஸ்ஸேதி. ஏளகலோமானங் அகதப⁴ண்ட³தா, பட²மப்படிலாபோ⁴, அத்தனா ஆதா³ய வா அஞ்ஞஸ்ஸ அஜானந்தஸ்ஸ யானே பக்கி²பித்வா வா தியோஜனாதிக்கமனங், ஆஹரணபச்சாஹரணங், அவாஸாதி⁴ப்பாயதாதி இமானெத்த² பஞ்ச அங்கா³னி.
575.‘‘Taṃ harantassāti puna tiyojanaṃ harantassā’’ti mahāgaṇṭhipade vuttaṃ. Taṃ pana mātikāṭṭhakathāyaṃ aṅgesu ‘‘paṭhamappaṭilābho sati iminā vacanena na sameti. ‘‘Paṭhamappaṭilābho’’ti hi idaṃ dutiyappaṭilābho āpattiyā aṅgaṃ na hotīti dīpeti, tasmā pāḷiyaṃ aṭṭhakathāyañca visesābhāvato acchinnaṃ paṭilabhitvā harantassa puna tiyojanātikkamepi anāpatti vuttāti amhākaṃ khanti. Aññathā acchinnaṃ paṭilabhitvā puna tiyojanaṃ haratīti vadeyya. Vīmaṃsitvā yuttataraṃ gahetabbaṃ. Anāpatti katabhaṇḍanti ettha ‘‘kambalakojavādikatabhaṇḍampi. Pakaticīvare laggalomāni āpattiṃ janentiyevā’’ti vadanti. Tanukapattatthavikantare aghaṭṭanatthaṃ pakkhipanti. Pakkhittanti kaṇṇacchidde pakkhittaṃ. Nidhānamukhaṃ nāmāti iminā katabhaṇḍasaṅkhyaṃ na gacchatīti dasseti. Eḷakalomānaṃ akatabhaṇḍatā, paṭhamappaṭilābho, attanā ādāya vā aññassa ajānantassa yāne pakkhipitvā vā tiyojanātikkamanaṃ, āharaṇapaccāharaṇaṃ, avāsādhippāyatāti imānettha pañca aṅgāni.
ஏளகலோமஸிக்கா²பத³வண்ணனா நிட்டி²தா.
Eḷakalomasikkhāpadavaṇṇanā niṭṭhitā.
576. ஏளகலோமதோ⁴வாபனஸிக்கா²பத³ங் உத்தானத்த²மேவ.
576. Eḷakalomadhovāpanasikkhāpadaṃ uttānatthameva.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga
6. ஏளகலோமஸிக்கா²பத³ங் • 6. Eḷakalomasikkhāpadaṃ
7. ஏளகலோமதோ⁴வாபனஸிக்கா²பத³ங் • 7. Eḷakalomadhovāpanasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā
6. ஏளகலோமஸிக்கா²பத³வண்ணனா • 6. Eḷakalomasikkhāpadavaṇṇanā
7. ஏளகலோமதோ⁴வாபனஸிக்கா²பத³வண்ணனா • 7. Eḷakalomadhovāpanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. ஏளகலோமஸிக்கா²பத³வண்ணனா • 6. Eḷakalomasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. ஏளகலோமஸிக்கா²பத³வண்ணனா • 6. Eḷakalomasikkhāpadavaṇṇanā
