| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
6. ஏளகலோமஸிக்கா²பத³வண்ணனா
6. Eḷakalomasikkhāpadavaṇṇanā
572. ச²ட்டே² பாளியங் ‘‘அத்³தா⁴னமக்³க³ப்படிபன்னஸ்ஸா’’தி இத³ங் வத்து²வஸேன வுத்தங். நிவாஸட்டா²னே லத்³தா⁴னிபி தியோஜனதோ பரங் ஹரிதுங் ந வட்டதி ஏவ. அஸந்தே ஹாரகேதி அனுரூபதோ வுத்தங். ஸந்தேபி ஹாரகே ஹரதோ நத்தி² தோ³ஸோ. ஆபத்தியேவாதி அனாணத்தேன ஹடத்தா. பக்க²த்³வயஸ்ஸபி காரணமாஹ ‘‘ஸஉஸ்ஸாஹத்தா’’தி, அனுபரதக³மனிச்ச²த்தாதி அத்தோ². ஸுத்³த⁴சித்தபக்க²ஸ்ஸேவ காரணமாஹ ‘‘அசித்தகத்தா’’தி. ந ஸமேதீதி ‘‘அனாபத்தி, அஞ்ஞங் ஹராபேதீ’’தி எத்தகஸ்ஸேவ பரிஹரணே வுத்தத்தா. அக³ச்ச²ந்தேதி டி²தே. ஹெட்டா²தி பூ⁴மியா.
572. Chaṭṭhe pāḷiyaṃ ‘‘addhānamaggappaṭipannassā’’ti idaṃ vatthuvasena vuttaṃ. Nivāsaṭṭhāne laddhānipi tiyojanato paraṃ harituṃ na vaṭṭati eva. Asante hāraketi anurūpato vuttaṃ. Santepi hārake harato natthi doso. Āpattiyevāti anāṇattena haṭattā. Pakkhadvayassapi kāraṇamāha ‘‘saussāhattā’’ti, anuparatagamanicchattāti attho. Suddhacittapakkhasseva kāraṇamāha ‘‘acittakattā’’ti. Na sametīti ‘‘anāpatti, aññaṃ harāpetī’’ti ettakasseva pariharaṇe vuttattā. Agacchanteti ṭhite. Heṭṭhāti bhūmiyā.
575. தங் ஹரந்தஸ்ஸாதி பட²மங் படிலாப⁴ட்டா²னதோ பட்டா²ய தியோஜனதோ உத்³த⁴ங் ஹரந்தஸ்ஸாதி அத்தோ². ததா² ஹரந்தஸ்ஸ ஹி சோரேஹி அச்சி²ந்தி³த்வா புன தி³ன்னட்டா²னதோ தியோஜனங் ஹரிதுங் வட்டதி. கேசி பன ‘‘மாதிகாட்ட²கதா²யங் அங்கே³ஸு ‘பட²மப்படிலாபோ⁴’தி வுத்தத்தா து³தியபடிலாப⁴ட்டா²னதோ தியோஜனாதிக்கமேபி அனாபத்தீ’’தி வத³ந்தி, தங் ந யுத்தங், து³தியபடிலாப⁴ஸ்ஸாபி படிலாப⁴ட்டா²னே பவிஸனதோ வாஸத்தா²ய க³மனட்டா²னதோ புன க³மனே விய. காயப³ந்த⁴னாதீ³னந்தி த்³விபடலகாயப³ந்த⁴னாதீ³னங் அந்தரே பக்கி²த்தங் பஸிப்³ப³கே பக்கி²த்தஸதி³ஸங், ந கதப⁴ண்ட³ந்தி வுத்தங், ததா² நிதா⁴னமுக²ந்தி. அகதப⁴ண்ட³தா, பட²மப்படிலாபோ⁴, தியோஜனாதிக்கமனங், ஆஹரணபச்சாஹரணங், அவாஸாதி⁴ப்பாயதாதி இமானெத்த² பஞ்ச அங்கா³னி.
575.Taṃ harantassāti paṭhamaṃ paṭilābhaṭṭhānato paṭṭhāya tiyojanato uddhaṃ harantassāti attho. Tathā harantassa hi corehi acchinditvā puna dinnaṭṭhānato tiyojanaṃ harituṃ vaṭṭati. Keci pana ‘‘mātikāṭṭhakathāyaṃ aṅgesu ‘paṭhamappaṭilābho’ti vuttattā dutiyapaṭilābhaṭṭhānato tiyojanātikkamepi anāpattī’’ti vadanti, taṃ na yuttaṃ, dutiyapaṭilābhassāpi paṭilābhaṭṭhāne pavisanato vāsatthāya gamanaṭṭhānato puna gamane viya. Kāyabandhanādīnanti dvipaṭalakāyabandhanādīnaṃ antare pakkhittaṃ pasibbake pakkhittasadisaṃ, na katabhaṇḍanti vuttaṃ, tathā nidhānamukhanti. Akatabhaṇḍatā, paṭhamappaṭilābho, tiyojanātikkamanaṃ, āharaṇapaccāharaṇaṃ, avāsādhippāyatāti imānettha pañca aṅgāni.
ஏளகலோமஸிக்கா²பத³வண்ணனா நிட்டி²தா.
Eḷakalomasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஏளகலோமஸிக்கா²பத³ங் • 6. Eḷakalomasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 6. ஏளகலோமஸிக்கா²பத³வண்ணனா • 6. Eḷakalomasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 6. ஏளகலோமஸிக்கா²பத³வண்ணனா • 6. Eḷakalomasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. ஏளகலோமஸிக்கா²பத³வண்ணனா • 6. Eḷakalomasikkhāpadavaṇṇanā
