| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
6. зл̣агаломасигкаабад̣̇аван̣н̣анаа
6. Eḷakalomasikkhāpadavaṇṇanā
571. д̇зна самаязнаад̇и зл̣агаломасигкаабад̣̇ам̣. д̇ад̇т̇а уббан̣д̣зсунд̇и ‘‘гид̇д̇агзна, бханд̇з, гийд̇ааний’’д̇иаад̣̇ийни вад̣̇анд̇аа авахасим̣су. тид̇агова аасумбхийд̇и яат̇аа мануссаа аран̃н̃ад̇о маханд̇ам̣ д̣̇аарубхаарам̣ аанзд̇ваа гиланд̇аа тид̇агаава баад̇знд̇и, звам̣ баад̇зсийд̇и ад̇т̇о.
571.Tenasamayenāti eḷakalomasikkhāpadaṃ. Tattha uppaṇḍesunti ‘‘kittakena, bhante, kītānī’’tiādīni vadantā avahasiṃsu. Ṭhitakova āsumbhīti yathā manussā araññato mahantaṃ dārubhāraṃ ānetvā kilantā ṭhitakāva pātenti, evaṃ pātesīti attho.
572. сахад̇т̇аад̇и сахад̇т̇зна, ад̇д̇анаа харид̇аб̣б̣аанийд̇и вуд̇д̇ам̣ ход̇и. б̣ахид̇ияож̇анам̣ баад̇зд̇ийд̇и д̇ияож̇анад̇о б̣ахи баад̇зд̇и. ананд̇арааязна бад̇анагз хад̇т̇ад̇о муд̇д̇амад̇д̇з ломаг̇ан̣анааяа ниссаг̇г̇ияабаажид̇д̇ияаани. сажз б̣ахид̇ияож̇анз ругкз ваа т̇амбхз ваа бадихан̃н̃ид̇ваа буна анд̇о бад̇анд̇и, анаабад̇д̇и . бхуумияам̣ бад̇ид̇ваа тад̇ваа тад̇ваа ваддамаанаа зл̣агаломабхан̣д̣игаа буна анд̇о бависад̇и, аабад̇д̇иязва. анд̇о тад̇ваа хад̇т̇зна ваа баад̣̇зна ваа яадтияаа ваа ваддзд̇и тад̇ваа ваа атад̇ваа ваа ваддамаанаа бхан̣д̣игаа г̇ажчад̇у, аабад̇д̇иязва. ‘‘ан̃н̃о хариссад̇ий’’д̇и табзд̇и, д̇зна харид̇зби аабад̇д̇иязва. суд̣̇д̇хажид̇д̇зна табид̇ам̣ ваад̇о ваа ан̃н̃о ваа ад̇д̇ано д̇хаммад̇ааяа б̣ахи баад̇зд̇и, аабад̇д̇иязва. сауссаахад̇д̇аа ажид̇д̇агад̇д̇аа жа сигкаабад̣̇асса. гурунд̣̇ияаад̣̇ийсу бана ‘‘зд̇т̇а анаабад̇д̇ий’’д̇и вуд̇д̇аа, саа анаабад̇д̇и баал̣ияаа на самзд̇и. убхад̇обхан̣д̣игам̣ згааб̣ад̣̇д̇хам̣ гад̇ваа згам̣ бхан̣д̣игам̣ анд̇осиймааяа згам̣ б̣ахисиймааяа гаронд̇о табзд̇и, рагкад̇и д̇аава. згааб̣ад̣̇д̇хз гааж̇зби зсзва наяо. яад̣̇и бана аб̣анд̇хид̇ваа гааж̇агодияам̣ табид̇амад̇д̇амзва ход̇и, на рагкад̇и. згааб̣ад̣̇д̇хзби баривад̇д̇зд̇ваа табид̇з аабад̇д̇иязва.
572.Sahatthāti sahatthena, attanā haritabbānīti vuttaṃ hoti. Bahitiyojanaṃ pātetīti tiyojanato bahi pāteti. Anantarāyena patanake hatthato muttamatte lomagaṇanāya nissaggiyapācittiyāni. Sace bahitiyojane rukkhe vā thambhe vā paṭihaññitvā puna anto patanti, anāpatti . Bhūmiyaṃ patitvā ṭhatvā ṭhatvā vaṭṭamānā eḷakalomabhaṇḍikā puna anto pavisati, āpattiyeva. Anto ṭhatvā hatthena vā pādena vā yaṭṭhiyā vā vaṭṭeti ṭhatvā vā aṭhatvā vā vaṭṭamānā bhaṇḍikā gacchatu, āpattiyeva. ‘‘Añño harissatī’’ti ṭhapeti, tena haritepi āpattiyeva. Suddhacittena ṭhapitaṃ vāto vā añño vā attano dhammatāya bahi pāteti, āpattiyeva. Saussāhattā acittakattā ca sikkhāpadassa. Kurundiyādīsu pana ‘‘ettha anāpattī’’ti vuttā, sā anāpatti pāḷiyā na sameti. Ubhatobhaṇḍikaṃ ekābaddhaṃ katvā ekaṃ bhaṇḍikaṃ antosīmāya ekaṃ bahisīmāya karonto ṭhapeti, rakkhati tāva. Ekābaddhe kājepi eseva nayo. Yadi pana abandhitvā kājakoṭiyaṃ ṭhapitamattameva hoti, na rakkhati. Ekābaddhepi parivattetvā ṭhapite āpattiyeva.
ан̃н̃асса яаанз ваад̇и зд̇т̇а г̇ажчанд̇з яаанз ваа хад̇т̇ибидтиаад̣̇ийсу ваа саамигасса аж̇аананд̇ассзва хариссад̇ийд̇и табзд̇и, д̇асмим̣ д̇ияож̇анам̣ ад̇игганд̇з аабад̇д̇и. аг̇ажчанд̇зби зсзва наяо. сажз бана аг̇ажчанд̇з яаанз ваа хад̇т̇ибидтияаад̣̇ийсу ваа табзд̇ваа абхирухид̇ваа саарзд̇и, хздтаа ваа г̇ажчанд̇о жод̣̇зд̇и, баггосанд̇о ваа ануб̣анд̇хаабзд̇и, ‘‘ан̃н̃ам̣ хараабзд̇ий’’д̇и важанад̇о анаабад̇д̇и. гурунд̣̇ияаад̣̇ийсу бана ‘‘аабад̇д̇ий’’д̇и вуд̇д̇ам̣, д̇ам̣ ‘‘ан̃н̃ам̣ хараабзд̇ий’’д̇и иминаа на самзд̇и. ад̣̇иннаад̣̇аанз бана сун̇гагхаад̇з аабад̇д̇и ход̇и. яаа хи д̇ад̇т̇а аабад̇д̇и, саа ид̇ха анаабад̇д̇и. яаа ид̇ха аабад̇д̇и, саа д̇ад̇т̇а анаабад̇д̇и. д̇ам̣ таанам̣ бад̇ваа ан̃н̃авихид̇о ваа жораад̣̇ийхи ваа убад̣̇д̣̇уд̇о г̇ажчад̇и, аабад̇д̇иязва. саб̣б̣ад̇т̇а ломаг̇ан̣анааяа аабад̇д̇ибарижчзд̣̇о взд̣̇ид̇аб̣б̣о.
Aññassa yāne vāti ettha gacchante yāne vā hatthipiṭṭhiādīsu vā sāmikassa ajānantasseva harissatīti ṭhapeti, tasmiṃ tiyojanaṃ atikkante āpatti. Agacchantepi eseva nayo. Sace pana agacchante yāne vā hatthipiṭṭhiyādīsu vā ṭhapetvā abhiruhitvā sāreti, heṭṭhā vā gacchanto codeti, pakkosanto vā anubandhāpeti, ‘‘aññaṃ harāpetī’’ti vacanato anāpatti. Kurundiyādīsu pana ‘‘āpattī’’ti vuttaṃ, taṃ ‘‘aññaṃ harāpetī’’ti iminā na sameti. Adinnādāne pana suṅkaghāte āpatti hoti. Yā hi tattha āpatti, sā idha anāpatti. Yā idha āpatti, sā tattha anāpatti. Taṃ ṭhānaṃ patvā aññavihito vā corādīhi vā upadduto gacchati, āpattiyeva. Sabbattha lomagaṇanāya āpattiparicchedo veditabbo.
575. д̇ияож̇анам̣ ваасаад̇хиббааяо г̇анд̇ваа д̇ад̇о барам̣ харад̇ийд̇и яад̇т̇а г̇ад̇о, д̇ад̇т̇а уд̣̇д̣̇зсабарибужчаад̣̇ийнам̣ ваа бажжаяаад̣̇ийнам̣ ваа алаабхзна д̇ад̇о барам̣ ан̃н̃ад̇т̇а г̇ажчад̇и, д̇ад̇оби ан̃н̃ад̇т̇аад̇и звам̣ яож̇анасад̇амби харанд̇асса анаабад̇д̇и. ажчиннам̣ бадилабхид̇ваад̇и жораа ажчинд̣̇ид̇ваа нирад̇т̇агабхаавам̣ н̃ад̇ваа бадид̣̇знд̇и, д̇ам̣ харанд̇асса анаабад̇д̇и. ниссадтам̣ бадилабхид̇ваад̇и винаяагаммагад̇ам̣ бадилабхид̇ваад̇и ад̇т̇о.
575. Tiyojanaṃ vāsādhippāyo gantvā tato paraṃ haratīti yattha gato, tattha uddesaparipucchādīnaṃ vā paccayādīnaṃ vā alābhena tato paraṃ aññattha gacchati, tatopi aññatthāti evaṃ yojanasatampi harantassa anāpatti. Acchinnaṃ paṭilabhitvāti corā acchinditvā niratthakabhāvaṃ ñatvā paṭidenti, taṃ harantassa anāpatti. Nissaṭṭhaṃ paṭilabhitvāti vinayakammakataṃ paṭilabhitvāti attho.
гад̇абхан̣д̣анд̇и гад̇ам̣бхан̣д̣ам̣ гамб̣алагож̇авасант̇ад̇аад̣̇им̣ яам̣ гин̃жи анд̇амасо суд̇д̇агзна б̣ад̣̇д̇хамад̇д̇амби. яо бана д̇анугабад̇д̇ад̇т̇авиганд̇арз ваа ааяог̇аам̣саб̣ад̣̇д̇хагагааяаб̣анд̇ханаад̣̇ийнам̣ анд̇арзсу ваа бибпалигаад̣̇ийнам̣ маларагкан̣ад̇т̇ам̣ сибаадигааяа ваа анд̇амасо ваад̇ааб̣аад̇хиго ган̣н̣ажчид̣̇д̣̇зби ломаани багкибид̇ваа г̇ажчад̇и, аабад̇д̇иязва. суд̇д̇агзна бана б̣анд̇хид̇ваа багкид̇д̇ам̣ гад̇абхан̣д̣адтаанз д̇идтад̇и, взн̣им̣ гад̇ваа харад̇и, ид̣̇ам̣ нид̇хаанамукам̣ наама, аабад̇д̇иязваад̇и. сзсам̣ уд̇д̇аанад̇т̇амзва.
Katabhaṇḍanti kataṃbhaṇḍaṃ kambalakojavasanthatādiṃ yaṃ kiñci antamaso suttakena baddhamattampi. Yo pana tanukapattatthavikantare vā āyogaaṃsabaddhakakāyabandhanādīnaṃ antaresu vā pipphalikādīnaṃ malarakkhaṇatthaṃ sipāṭikāya vā antamaso vātābādhiko kaṇṇacchiddepi lomāni pakkhipitvā gacchati, āpattiyeva. Suttakena pana bandhitvā pakkhittaṃ katabhaṇḍaṭṭhāne tiṭṭhati, veṇiṃ katvā harati, idaṃ nidhānamukhaṃ nāma, āpattiyevāti. Sesaṃ uttānatthameva.
самудтаанаад̣̇ийсу ид̣̇ам̣ зл̣агаломасамудтаанам̣ наама, гааяад̇о жа гааяажид̇д̇ад̇о жа самудтаад̇и, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
Samuṭṭhānādīsu idaṃ eḷakalomasamuṭṭhānaṃ nāma, kāyato ca kāyacittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
зл̣агаломасигкаабад̣̇аван̣н̣анаа нидтид̇аа.
Eḷakalomasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. зл̣агаломасигкаабад̣̇ам̣ • 6. Eḷakalomasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
