| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
6. зл̣агаломасигкаабад̣̇аван̣н̣анаа
6. Eḷakalomasikkhāpadavaṇṇanā
ад̣̇д̇хаанамаг̇г̇аббадибаннассаад̇и ад̣̇д̇хаанамзва маг̇г̇о ад̣̇д̇хаанамаг̇г̇о, д̇ам̣ бадибаннассаад̇и ад̇т̇о. д̇знааха ‘‘ад̣̇д̇хаанасан̇каад̇а’’нд̇иаад̣̇и. ад̣̇д̇хаанасад̣̇д̣̇зна висзсид̇ад̇д̇аа бана ‘‘д̣̇ийгхамаг̇г̇а’’нд̇и вуд̇д̇ам̣. ад̣̇д̇хаанаг̇аманасамаяасса вибхан̇г̇з ‘‘ад̣̇д̇хаяож̇анам̣ г̇ажчиссаамийд̇и бхун̃ж̇ид̇аб̣б̣а’’нд̇иаад̣̇иважанад̇о (баажи. 218) ад̣̇д̇хаяож̇анамби ад̣̇д̇хаанамаг̇г̇о ход̇и. зл̣агаломаани жзд̇аани ад̣̇д̇хаанамаг̇г̇ад̇о ан̃н̃ад̇т̇а уббаннаани бадиг̇г̇ахзд̇ум̣ на вадданд̇и, яад̇о ‘‘ад̣̇д̇хаанамаг̇г̇аббадибаннассаа’’д̇иаад̣̇игам̣ вуд̇д̇анд̇и ануяог̇ам̣ санд̇хааяааха ‘‘саб̣б̣ан̃жзд̇а’’нд̇иаад̣̇и. д̇ад̇т̇а саб̣б̣ан̃жзд̇анд̇и ‘‘бхигкуно банзва ад̣̇д̇хаанамаг̇г̇аббадибаннасса зл̣агаломаани уббаж̇ж̇зяяу’’нд̇иаад̣̇игам̣ зд̇ам̣ саб̣б̣ам̣. вад̇т̇умад̇д̇ад̣̇ийбанамзваад̇и ‘‘д̇зна ко бана самаязна ан̃н̃ад̇арасса бхигкуно госалзсу ж̇анабад̣̇з саавад̇т̇им̣ г̇ажчанд̇асса анд̇араамаг̇г̇з зл̣агаломаани уббаж̇ж̇им̣суу’’д̇иаад̣̇игасса (баараа. 571) вад̇т̇умад̇д̇асса д̣̇ийбанамзва. яад̇т̇а гад̇т̇ажийд̇и ад̣̇д̇хаанад̇о ан̃н̃ад̇т̇ааби яад̇т̇а гад̇т̇ажи таанзсу. сахад̇т̇аад̇и гаран̣ад̇т̇з ниссаггаважананд̇и ааха ‘‘сахад̇т̇знаа’’д̇и. лагкан̣аважанан̃жзд̇ам̣, д̇асмаа язна гзнажи сарийрааваяавзнаад̇и ад̇т̇о д̣̇адтаб̣б̣о. д̇знааха ‘‘ад̇д̇анаа харид̇аб̣б̣аанийд̇и ад̇т̇о’’д̇и. асанд̇з хаарагзд̇и зд̇т̇а бад̣̇аанам̣ анд̇ог̇ад̇хаавад̇хааран̣ад̇о авад̇хааран̣ад̇т̇о лаб̣бхад̇ийд̇и ааха ‘‘асанд̇зязваа’’д̇иаад̣̇и.
Addhānamaggappaṭipannassāti addhānameva maggo addhānamaggo, taṃ paṭipannassāti attho. Tenāha ‘‘addhānasaṅkhāta’’ntiādi. Addhānasaddena visesitattā pana ‘‘dīghamagga’’nti vuttaṃ. Addhānagamanasamayassa vibhaṅge ‘‘addhayojanaṃ gacchissāmīti bhuñjitabba’’ntiādivacanato (pāci. 218) addhayojanampi addhānamaggo hoti. Eḷakalomāni cetāni addhānamaggato aññattha uppannāni paṭiggahetuṃ na vaṭṭanti, yato ‘‘addhānamaggappaṭipannassā’’tiādikaṃ vuttanti anuyogaṃ sandhāyāha ‘‘sabbañceta’’ntiādi. Tattha sabbañcetanti ‘‘bhikkhuno paneva addhānamaggappaṭipannassa eḷakalomāni uppajjeyyu’’ntiādikaṃ etaṃ sabbaṃ. Vatthumattadīpanamevāti ‘‘tena kho pana samayena aññatarassa bhikkhuno kosalesu janapade sāvatthiṃ gacchantassa antarāmagge eḷakalomāni uppajjiṃsū’’tiādikassa (pārā. 571) vatthumattassa dīpanameva. Yattha katthacīti addhānato aññatthāpi yattha katthaci ṭhānesu. Sahatthāti karaṇatthe nissakkavacananti āha ‘‘sahatthenā’’ti. Lakkhaṇavacanañcetaṃ, tasmā yena kenaci sarīrāvayavenāti attho daṭṭhabbo. Tenāha ‘‘attanā haritabbānīti attho’’ti. Asante hāraketi ettha padānaṃ antogadhāvadhāraṇato avadhāraṇattho labbhatīti āha ‘‘asanteyevā’’tiādi.
зд̇т̇а жа ‘‘имаани мз, бханд̇з, зл̣агаломаани д̇ияож̇анам̣ ад̇иггаамид̇аани ниссаг̇г̇ияааний’’д̇иаад̣̇инаа (баараа. 573) ниссаж̇ж̇анавид̇хаанам̣ взд̣̇ид̇аб̣б̣ам̣. д̇игабаажид̇д̇ияанд̇и ад̇ирзгад̇ияож̇анз ад̇ирзгад̇ияож̇анасан̃н̃ивзмад̇игауунагасан̃н̃ийнам̣ васзна д̇ийн̣и баажид̇д̇ияаани. ваасаад̇хиббааязна г̇анд̇ваа д̇ад̇о барам̣ харан̣зд̇и яад̇т̇а г̇ад̇о, д̇ад̇т̇а уд̣̇д̣̇зсабарибужчаад̣̇ийнам̣ ваа бажжаяаад̣̇ийнам̣ ваа алаабхзна д̇ад̇о барам̣ ан̃н̃ад̇т̇а харан̣з, д̇ад̇оби ан̃н̃ад̇т̇аад̇и звам̣ яож̇анасад̇амби харан̣з анаабад̇д̇и. ажчиннам̣ ваа ниссадтам̣ ваад̇и жорзхи ажчиннам̣ ваа винаяагаммагад̇ам̣ ваа. гад̇абхан̣д̣анд̇и гад̇ам̣ бхан̣д̣ам̣ гамб̣алагож̇авасант̇ад̇аад̣̇и яам̣ гин̃жи анд̇амасо суд̇д̇агзна б̣ад̣̇д̇хамад̇д̇амби. д̇знааха ‘‘анд̇амасо’’д̇иаад̣̇и. яо бана д̇анугабад̇д̇ад̇т̇авиганд̇арз (баараа. адта. 2.575) ваа ааяог̇аам̣саб̣ад̣̇д̇хагагааяаб̣анд̇ханаад̣̇ийнам̣ анд̇арзсу ваа бибпалигаад̣̇ийнам̣ маларагкан̣ад̇т̇ам̣ сибаадигааяам̣ ваа анд̇амасо ваад̇ааб̣аад̇хиго ган̣н̣ажчид̣̇д̣̇зби ломаани багкибид̇ваа г̇ажчад̇и , аабад̇д̇иязва. суд̇д̇агзна бана б̣анд̇хид̇ваа багкид̇д̇ам̣ гад̇абхан̣д̣адтаанз д̇идтад̇и, взн̣им̣ гад̇ваа харад̇и, ид̣̇ам̣ нид̇хаанамукам̣ наама, аабад̇д̇иязва.
Ettha ca ‘‘imāni me, bhante, eḷakalomāni tiyojanaṃ atikkāmitāni nissaggiyānī’’tiādinā (pārā. 573) nissajjanavidhānaṃ veditabbaṃ. Tikapācittiyanti atirekatiyojane atirekatiyojanasaññivematikaūnakasaññīnaṃ vasena tīṇi pācittiyāni. Vāsādhippāyena gantvā tato paraṃ haraṇeti yattha gato, tattha uddesaparipucchādīnaṃ vā paccayādīnaṃ vā alābhena tato paraṃ aññattha haraṇe, tatopi aññatthāti evaṃ yojanasatampi haraṇe anāpatti. Acchinnaṃ vā nissaṭṭhaṃ vāti corehi acchinnaṃ vā vinayakammakataṃ vā. Katabhaṇḍanti kataṃ bhaṇḍaṃ kambalakojavasanthatādi yaṃ kiñci antamaso suttakena baddhamattampi. Tenāha ‘‘antamaso’’tiādi. Yo pana tanukapattatthavikantare (pārā. aṭṭha. 2.575) vā āyogaaṃsabaddhakakāyabandhanādīnaṃ antaresu vā pipphalikādīnaṃ malarakkhaṇatthaṃ sipāṭikāyaṃ vā antamaso vātābādhiko kaṇṇacchiddepi lomāni pakkhipitvā gacchati , āpattiyeva. Suttakena pana bandhitvā pakkhittaṃ katabhaṇḍaṭṭhāne tiṭṭhati, veṇiṃ katvā harati, idaṃ nidhānamukhaṃ nāma, āpattiyeva.
батамаббадилаабход̇и ад̇д̇ано ад̇т̇ааяа зл̣агаломаанам̣ батамуббад̇д̇и. зд̇зна ажчиннаниссадтаббадилад̣̇д̇хаанам̣ бадигкзбо. ан̃н̃асса аж̇аананд̇асса яаанз багкибид̇ваад̇и (баараа. адта. 2.572) г̇ажчанд̇з рат̇аад̣̇игз ваа хад̇т̇ибидтиаад̣̇ийсу ваа саамигасса аж̇аананд̇ассзва ‘‘хариссад̇ий’’д̇и багкибид̇ваа. аг̇ажчанд̇зби зсзва наяо. сажз бана аг̇ажчанд̇з рат̇аад̣̇имхи ваа хад̇т̇ибидтиаад̣̇ийсу ваа табзд̇ваа аарохид̇ваа саарзд̇и, хздтаа ваа г̇ажчанд̇о жод̣̇зд̇и, баггосанд̇о ваа ануб̣анд̇хаабзд̇и, ‘‘ан̃н̃ам̣ хараабзд̇ий’’д̇и (баараа. 575) важанад̇о анаабад̇д̇и. зд̇т̇а жа ‘‘аж̇аананд̇асса яаанз’’д̇и иминаа ж̇аананд̇асса жз яаанз багкибад̇и, ан̃н̃ам̣ хараабзд̇и наамаад̇и д̣̇ассзд̇и. ахаран̣абажжаахаран̣анд̇и харан̣абажжаахаран̣аанамабхааво.
Paṭhamappaṭilābhoti attano atthāya eḷakalomānaṃ paṭhamuppatti. Etena acchinnanissaṭṭhappaṭiladdhānaṃ paṭikkhepo. Aññassa ajānantassa yāne pakkhipitvāti (pārā. aṭṭha. 2.572) gacchante rathādike vā hatthipiṭṭhiādīsu vā sāmikassa ajānantasseva ‘‘harissatī’’ti pakkhipitvā. Agacchantepi eseva nayo. Sace pana agacchante rathādimhi vā hatthipiṭṭhiādīsu vā ṭhapetvā ārohitvā sāreti, heṭṭhā vā gacchanto codeti, pakkosanto vā anubandhāpeti, ‘‘aññaṃ harāpetī’’ti (pārā. 575) vacanato anāpatti. Ettha ca ‘‘ajānantassa yāne’’ti iminā jānantassa ce yāne pakkhipati, aññaṃ harāpeti nāmāti dasseti. Aharaṇapaccāharaṇanti haraṇapaccāharaṇānamabhāvo.
зл̣агаломасигкаабад̣̇аван̣н̣анаа нидтид̇аа.
Eḷakalomasikkhāpadavaṇṇanā niṭṭhitā.
