| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
6. зл̣агаломасигкаабад̣̇аван̣н̣анаа
6. Eḷakalomasikkhāpadavaṇṇanā
‘‘ад̣̇д̇хаанамаг̇г̇аббадибаннассаа’’д̇и иминаа багад̇ияаа д̣̇ийгхамаг̇г̇ам̣ бадибаннасса уббаннааниби д̇ияож̇анабарамамзва харид̇аб̣б̣аани, баг̇зва аббадибаннассаад̇и д̣̇ассзд̇и. бадибаннасса жз, ад̣̇д̇хаанам̣ наама бадибаннасса агаамаа вассам̣вудтабхигкунияаа маг̇г̇аббадибад̇д̇и вияаад̇и д̣̇ассзд̇и. ад̣̇д̇хаанамаг̇г̇аббадибаннасса ниссаг̇г̇ияанд̇и ваа самб̣анд̇хо. д̇знзва ваасаад̇хиббааяасса бадиббассад̣̇д̇хаг̇амануссаахад̇д̇аа ‘‘аббадибанно’’д̇и сан̇кам̣ г̇ад̇асса анаабад̇д̇ийд̇и сид̣̇д̇хам̣. имасмим̣ бана ад̇т̇авигаббз ‘‘бхигкуно банзва зл̣агаломаани уббаж̇ж̇зяяум̣…бз… асанд̇зби хаарагз ад̣̇д̇хаанамаг̇г̇аббадибаннасса ниссаг̇г̇ияам̣ баажид̇д̇ияа’’нд̇и яож̇анаа взд̣̇ид̇аб̣б̣аа. яасмаа ваа зл̣агаломаанам̣ уббад̇д̇идтаанад̇о бадтааяа д̇ияож̇анабарамад̇аа ад̇хиббзд̇аа, маг̇г̇ам̣ аббадибаннасса жа д̇ияож̇анабарамад̇аа над̇т̇и, д̇асмаа ‘‘ад̣̇д̇хаанамаг̇г̇аббадибаннасса уббаж̇ж̇зяяу’’нд̇и вуд̇д̇ам̣. д̇зна ажчиннам̣ бадилабхид̇ваа харад̇о жа анаабад̇д̇ийд̇и сид̣̇д̇хам̣. бадилаабхо хи д̇зсам̣ уббад̇д̇и наамаад̇и.
‘‘Addhānamaggappaṭipannassā’’ti iminā pakatiyā dīghamaggaṃ paṭipannassa uppannānipi tiyojanaparamameva haritabbāni, pageva appaṭipannassāti dasseti. Paṭipannassa ce, addhānaṃ nāma paṭipannassa akāmā vassaṃvuṭṭhabhikkhuniyā maggappaṭipatti viyāti dasseti. Addhānamaggappaṭipannassa nissaggiyanti vā sambandho. Teneva vāsādhippāyassa paṭippassaddhagamanussāhattā ‘‘appaṭipanno’’ti saṅkhaṃ gatassa anāpattīti siddhaṃ. Imasmiṃ pana atthavikappe ‘‘bhikkhuno paneva eḷakalomāni uppajjeyyuṃ…pe… asantepi hārake addhānamaggappaṭipannassa nissaggiyaṃ pācittiya’’nti yojanā veditabbā. Yasmā vā eḷakalomānaṃ uppattiṭṭhānato paṭṭhāya tiyojanaparamatā adhippetā, maggaṃ appaṭipannassa ca tiyojanaparamatā natthi, tasmā ‘‘addhānamaggappaṭipannassa uppajjeyyu’’nti vuttaṃ. Tena acchinnaṃ paṭilabhitvā harato ca anāpattīti siddhaṃ. Paṭilābho hi tesaṃ uppatti nāmāti.
‘‘ааган̇камаанзна бхигкунаа бадиг̇г̇ахзд̇аб̣б̣ааний’’д̇и иминаа ад̇д̇анаа бадиг̇г̇ахид̇аанам̣язва д̇ияож̇анаад̇иггамз аабад̇д̇ийд̇и д̣̇ассзд̇и. д̇зна анааган̇камаанзна барасанд̇агаани бадиг̇г̇ахид̇аани харанд̇асса анаабад̇д̇ийд̇и сид̣̇д̇хам̣.
‘‘Ākaṅkhamānena bhikkhunā paṭiggahetabbānī’’ti iminā attanā paṭiggahitānaṃyeva tiyojanātikkame āpattīti dasseti. Tena anākaṅkhamānena parasantakāni paṭiggahitāni harantassa anāpattīti siddhaṃ.
ан̇г̇зсу ‘‘ад̇д̇ано санд̇агад̇аа’’д̇и над̇т̇и, аяамад̇т̇о ‘‘бхигкуно уббаж̇ж̇зяяу’’нд̇и иминаа, ‘‘ажчиннам̣ бадилабхид̇ваа’’д̇и иминаа жа д̣̇ийбид̇о ход̇ийд̇и взд̣̇ид̇аб̣б̣о. бораан̣аг̇ан̣тибад̣̇з жа ‘‘ан̃н̃ам̣ бхигкум̣ хараабзнд̇о г̇ажчад̇и жз, д̣̇виннамби анаабад̇д̇ий’’д̇и вуд̇д̇ам̣. д̇асмаа д̣̇вз бхигкуу д̇ияож̇анабарамам̣ бад̇ваа ан̃н̃аман̃н̃асса бхан̣д̣ам̣ баривад̇д̇зд̇ваа жз харанд̇и, анаабад̇д̇ийд̇и сид̣̇д̇хам̣.
Aṅgesu ‘‘attano santakatā’’ti natthi, ayamattho ‘‘bhikkhuno uppajjeyyu’’nti iminā, ‘‘acchinnaṃ paṭilabhitvā’’ti iminā ca dīpito hotīti veditabbo. Porāṇagaṇṭhipade ca ‘‘aññaṃ bhikkhuṃ harāpento gacchati ce, dvinnampi anāpattī’’ti vuttaṃ. Tasmā dve bhikkhū tiyojanaparamaṃ patvā aññamaññassa bhaṇḍaṃ parivattetvā ce haranti, anāpattīti siddhaṃ.
д̇ияож̇анабарамам̣ сахад̇т̇аа харид̇аб̣б̣аанийд̇и д̇ияож̇анабарамамзва ад̇д̇анаа харид̇аб̣б̣аани, д̇ам̣ гимад̇т̇анд̇и? сиймааяа зд̇абарамад̇о. вуд̇д̇ан̃хзд̇ам̣ ‘‘ануж̇аанаами, бхигкавз, д̇ияож̇анабарамам̣ сиймам̣ самманнид̇у’’нд̇и (махаава. 140). ваасаад̇хиббааязна, бажжааг̇аманаад̇хиббааязна ваа г̇ажчад̇о зд̇абарамад̇аа жа. вуд̇д̇ан̃хзд̇ам̣ ‘‘чаб̣б̣аг̇г̇ияаа бхигкуу ад̇имахад̇ияо сиймааяо самманнанд̇и…бз… бхигкуу убосат̇ам̣ ааг̇ажчанд̇аа уд̣̇д̣̇иссамаанзби баад̇имогкз ааг̇ажчанд̇и, уд̣̇д̣̇идтамад̇д̇зби ааг̇ажчанд̇и, анд̇арааби баривасанд̇ий’’д̇и (махаава. 140).
Tiyojanaparamaṃ sahatthā haritabbānīti tiyojanaparamameva attanā haritabbāni, taṃ kimatthanti? Sīmāya etaparamato. Vuttañhetaṃ ‘‘anujānāmi, bhikkhave, tiyojanaparamaṃ sīmaṃ sammannitu’’nti (mahāva. 140). Vāsādhippāyena, paccāgamanādhippāyena vā gacchato etaparamatā ca. Vuttañhetaṃ ‘‘chabbaggiyā bhikkhū atimahatiyo sīmāyo sammannanti…pe… bhikkhū uposathaṃ āgacchantā uddissamānepi pātimokkhe āgacchanti, uddiṭṭhamattepi āgacchanti, antarāpi parivasantī’’ti (mahāva. 140).
асанд̇з хаарагзд̇и аан̣ад̇д̇ияаа хаарагз асад̇и. гамб̣аласса убари нисийд̣̇ид̇ваа г̇ажчанд̇асса сажз згамби ломам̣ жийварз лаг̇г̇ам̣ ход̇и, д̇ияож̇анаад̇иггамз аабад̇д̇и зва гамб̣алад̇о виж̇адид̇ад̇д̇аад̇и ликид̇ам̣. д̇ам̣ гамб̣аласса бадиг̇г̇ахид̇ад̇д̇аа ад̇д̇ано ад̇т̇ааяа бадиг̇г̇ахид̇амзва ход̇ийд̇и яуд̇д̇ам̣.
Asantehāraketi āṇattiyā hārake asati. Kambalassa upari nisīditvā gacchantassa sace ekampi lomaṃ cīvare laggaṃ hoti, tiyojanātikkame āpatti eva kambalato vijaṭitattāti likhitaṃ. Taṃ kambalassa paṭiggahitattā attano atthāya paṭiggahitameva hotīti yuttaṃ.
зл̣агаломасигкаабад̣̇аван̣н̣анаа нидтид̇аа.
Eḷakalomasikkhāpadavaṇṇanā niṭṭhitā.
