| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
6. зл̣агаломасигкаабад̣̇аван̣н̣анаа
6. Eḷakalomasikkhāpadavaṇṇanā
571. зл̣аломасигкаабад̣̇з бана аасумбхийд̇и зд̇т̇а ‘‘асумбхий’’д̇и батанд̇и. гиланд̇аад̇и иминаа гиланд̇ад̇ааяа д̇з онамид̇ваа баад̇зд̇ум̣ на саггонд̇ийд̇и д̣̇ассзд̇и. ад̣̇д̇хаанамаг̇г̇аббадибаннассаад̇и ид̣̇ам̣ вад̇т̇умад̇д̇ад̣̇ийбанавасзна баал̣ияам̣ вуд̇д̇ам̣. яад̇т̇а гад̇т̇ажи бана д̇хаммзна лабхид̇ваа г̇ан̣хид̇ум̣ ваддад̇иязва. д̇ияож̇анабараманд̇и жа г̇ахид̇адтаанад̇о д̇ияож̇анаббамаан̣ам̣ д̣̇зсанд̇и звамад̇т̇о г̇ахзд̇аб̣б̣о.
571. Eḷalomasikkhāpade pana āsumbhīti ettha ‘‘asumbhī’’ti paṭhanti. Kilantāti iminā kilantatāya te onamitvā pātetuṃ na sakkontīti dasseti. Addhānamaggappaṭipannassāti idaṃ vatthumattadīpanavasena pāḷiyaṃ vuttaṃ. Yattha katthaci pana dhammena labhitvā gaṇhituṃ vaṭṭatiyeva. Tiyojanaparamanti ca gahitaṭṭhānato tiyojanappamāṇaṃ desanti evamattho gahetabbo.
572. сахад̇т̇аад̇и гаран̣ад̇т̇з ниссаггаважананд̇и ааха ‘‘сахад̇т̇знаа’’д̇и. асанд̇з хаарагзд̇и баал̣ияам̣ бхигкуно ануруубад̇аад̣̇ассанад̇т̇ам̣ вуд̇д̇ам̣, на бана хаарагз виж̇ж̇амаанз д̇ияож̇анаб̣бханд̇арз сахад̇т̇аа харанд̇асса аабад̇д̇ид̣̇ассанад̇т̇ам̣. д̇ияож̇анад̇о б̣ахи б̣ахид̇ияож̇ананд̇и ааха ‘‘д̇ияож̇анад̇о б̣ахи баад̇зд̇ий’’д̇и. д̇зна харид̇зби аабад̇д̇иязваад̇и сауссаахад̇д̇аа анаан̣ад̇д̇ияаа хадад̇д̇аа жа. сад̇иби хи сауссаахабхаавз аан̣ад̇д̇ияаа жз харад̇и, анаабад̇д̇и ‘‘ан̃н̃ам̣ хараабзд̇ий’’д̇и важанад̇о. ан̃н̃о хариссад̇ийд̇и ад̇хиббааяаабхаавад̇о ‘‘суд̣̇д̇хажид̇д̇зна табид̇а’’нд̇и вуд̇д̇ам̣. сауссаахад̇д̇аад̇и д̇ияож̇анаад̇иггаманз сауссаахад̇д̇аа. ид̣̇ан̃жа ‘‘ан̃н̃о хариссад̇ий’’д̇и асуд̣̇д̇хажид̇д̇зна табид̇ам̣ санд̇хааяа вуд̇д̇ам̣, ажид̇д̇агад̇д̇аад̇и ид̣̇ам̣ бана суд̣̇д̇хажид̇д̇зна табид̇ам̣ санд̇хааяа. анаабад̇д̇и баал̣ияаа на самзд̇ийд̇и ‘‘д̇ияож̇анам̣ харад̇ий’’д̇иаад̣̇ибаал̣ияаа, висзсад̇о ‘‘ан̃н̃ам̣ хараабзд̇ий’’д̇и баал̣ияаа жа на самзд̇и.
572.Sahatthāti karaṇatthe nissakkavacananti āha ‘‘sahatthenā’’ti. Asante hāraketi pāḷiyaṃ bhikkhuno anurūpatādassanatthaṃ vuttaṃ, na pana hārake vijjamāne tiyojanabbhantare sahatthā harantassa āpattidassanatthaṃ. Tiyojanato bahi bahitiyojananti āha ‘‘tiyojanato bahi pātetī’’ti. Tena haritepi āpattiyevāti saussāhattā anāṇattiyā haṭattā ca. Satipi hi saussāhabhāve āṇattiyā ce harati, anāpatti ‘‘aññaṃ harāpetī’’ti vacanato. Añño harissatīti adhippāyābhāvato ‘‘suddhacittena ṭhapita’’nti vuttaṃ. Saussāhattāti tiyojanātikkamane saussāhattā. Idañca ‘‘añño harissatī’’ti asuddhacittena ṭhapitaṃ sandhāya vuttaṃ, acittakattāti idaṃ pana suddhacittena ṭhapitaṃ sandhāya. Anāpatti pāḷiyā na sametīti ‘‘tiyojanaṃ haratī’’tiādipāḷiyā, visesato ‘‘aññaṃ harāpetī’’ti pāḷiyā ca na sameti.
сажз саамигам̣ ж̇аанаабзд̇ваа табзд̇и, аан̣ад̇д̇ияаа хараабзд̇и наамаад̇и ааха ‘‘саамигасса аж̇аананд̇ассзваа’’д̇и. аг̇ажчанд̇збийд̇и г̇аманам̣ убажчинд̣̇ид̇ваа тид̇аяаанзби. хздтаа ваа г̇ажчанд̇од̇и бхуумияам̣ г̇ажчанд̇о. ан̃н̃ам̣ хараабзд̇ийд̇и зд̇т̇а ан̃н̃а-г̇г̇ахан̣зна сааман̃н̃ад̇о д̇иражчаанаг̇ад̇ааби сан̇г̇ахид̇аад̇и ааха – ‘‘ан̃н̃ам̣ хараабзд̇ийд̇и важанад̇о анаабад̇д̇ий’’д̇и. сун̇гагхаад̇з аабад̇д̇и ход̇ийд̇и ан̃н̃ам̣ хараабзнд̇асса аабад̇д̇и. д̇ад̇т̇а анаабад̇д̇ийд̇и ан̃н̃авихид̇асса т̇зяяажид̇д̇аабхаавад̇о анаабад̇д̇и.
Sace sāmikaṃ jānāpetvā ṭhapeti, āṇattiyā harāpeti nāmāti āha ‘‘sāmikassa ajānantassevā’’ti. Agacchantepīti gamanaṃ upacchinditvā ṭhitayānepi. Heṭṭhā vā gacchantoti bhūmiyaṃ gacchanto. Aññaṃ harāpetīti ettha añña-ggahaṇena sāmaññato tiracchānagatāpi saṅgahitāti āha – ‘‘aññaṃ harāpetīti vacanato anāpattī’’ti. Suṅkaghāte āpatti hotīti aññaṃ harāpentassa āpatti. Tattha anāpattīti aññavihitassa theyyacittābhāvato anāpatti.
575. ‘‘д̇ам̣ харанд̇ассаад̇и буна д̇ияож̇анам̣ харанд̇ассаа’’д̇и махааг̇ан̣тибад̣̇з вуд̇д̇ам̣. д̇ам̣ бана маад̇игаадтагат̇ааяам̣ ан̇г̇зсу ‘‘батамаббадилаабхо сад̇и иминаа важанзна на самзд̇и. ‘‘батамаббадилаабхо’’д̇и хи ид̣̇ам̣ д̣̇уд̇ияаббадилаабхо аабад̇д̇ияаа ан̇г̇ам̣ на ход̇ийд̇и д̣̇ийбзд̇и, д̇асмаа баал̣ияам̣ адтагат̇ааяан̃жа висзсаабхаавад̇о ажчиннам̣ бадилабхид̇ваа харанд̇асса буна д̇ияож̇анаад̇иггамзби анаабад̇д̇и вуд̇д̇аад̇и амхаагам̣ канд̇и. ан̃н̃ат̇аа ажчиннам̣ бадилабхид̇ваа буна д̇ияож̇анам̣ харад̇ийд̇и вад̣̇зяяа. виймам̣сид̇ваа яуд̇д̇ад̇арам̣ г̇ахзд̇аб̣б̣ам̣. анаабад̇д̇и гад̇абхан̣д̣анд̇и зд̇т̇а ‘‘гамб̣алагож̇аваад̣̇игад̇абхан̣д̣амби. багад̇ижийварз лаг̇г̇аломаани аабад̇д̇им̣ ж̇анзнд̇иязваа’’д̇и вад̣̇анд̇и. д̇анугабад̇д̇ад̇т̇авиганд̇арз агхадданад̇т̇ам̣ багкибанд̇и. багкид̇д̇анд̇и ган̣н̣ажчид̣̇д̣̇з багкид̇д̇ам̣. нид̇хаанамукам̣ наамаад̇и иминаа гад̇абхан̣д̣асан̇кяам̣ на г̇ажчад̇ийд̇и д̣̇ассзд̇и. зл̣агаломаанам̣ агад̇абхан̣д̣ад̇аа, батамаббадилаабхо, ад̇д̇анаа аад̣̇ааяа ваа ан̃н̃асса аж̇аананд̇асса яаанз багкибид̇ваа ваа д̇ияож̇анаад̇иггаманам̣, аахаран̣абажжаахаран̣ам̣, аваасаад̇хиббааяад̇аад̇и имаанзд̇т̇а бан̃жа ан̇г̇аани.
575.‘‘Taṃ harantassāti puna tiyojanaṃ harantassā’’ti mahāgaṇṭhipade vuttaṃ. Taṃ pana mātikāṭṭhakathāyaṃ aṅgesu ‘‘paṭhamappaṭilābho sati iminā vacanena na sameti. ‘‘Paṭhamappaṭilābho’’ti hi idaṃ dutiyappaṭilābho āpattiyā aṅgaṃ na hotīti dīpeti, tasmā pāḷiyaṃ aṭṭhakathāyañca visesābhāvato acchinnaṃ paṭilabhitvā harantassa puna tiyojanātikkamepi anāpatti vuttāti amhākaṃ khanti. Aññathā acchinnaṃ paṭilabhitvā puna tiyojanaṃ haratīti vadeyya. Vīmaṃsitvā yuttataraṃ gahetabbaṃ. Anāpatti katabhaṇḍanti ettha ‘‘kambalakojavādikatabhaṇḍampi. Pakaticīvare laggalomāni āpattiṃ janentiyevā’’ti vadanti. Tanukapattatthavikantare aghaṭṭanatthaṃ pakkhipanti. Pakkhittanti kaṇṇacchidde pakkhittaṃ. Nidhānamukhaṃ nāmāti iminā katabhaṇḍasaṅkhyaṃ na gacchatīti dasseti. Eḷakalomānaṃ akatabhaṇḍatā, paṭhamappaṭilābho, attanā ādāya vā aññassa ajānantassa yāne pakkhipitvā vā tiyojanātikkamanaṃ, āharaṇapaccāharaṇaṃ, avāsādhippāyatāti imānettha pañca aṅgāni.
зл̣агаломасигкаабад̣̇аван̣н̣анаа нидтид̇аа.
Eḷakalomasikkhāpadavaṇṇanā niṭṭhitā.
576. зл̣агаломад̇ховаабанасигкаабад̣̇ам̣ уд̇д̇аанад̇т̇амзва.
576. Eḷakalomadhovāpanasikkhāpadaṃ uttānatthameva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga
6. зл̣агаломасигкаабад̣̇ам̣ • 6. Eḷakalomasikkhāpadaṃ
7. зл̣агаломад̇ховаабанасигкаабад̣̇ам̣ • 7. Eḷakalomadhovāpanasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā
6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
7. зл̣агаломад̇ховаабанасигкаабад̣̇аван̣н̣анаа • 7. Eḷakalomadhovāpanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
