| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
6. зл̣агаломасигкаабад̣̇аван̣н̣анаа
6. Eḷakalomasikkhāpadavaṇṇanā
572-3. ад̣̇д̇хаанамаг̇г̇аббадибаннассаад̇и иминаа багад̇ияаа д̣̇ийгхамаг̇г̇аббадибаннасса уббаннааниби д̇ияож̇анабарамамзва харид̇аб̣б̣аани, баг̇зва аббадибаннассаад̇и д̣̇ассзд̇и. ад̣̇д̇хаанамаг̇г̇аббадибаннасса ниссаг̇г̇ияанд̇и ваа самб̣анд̇хо. д̇знзва ваасаад̇хиббааяасса бадиббассад̣̇д̇хаг̇амануссаахад̇д̇аа ‘‘аббадибанно’’д̇и сан̇кяам̣ г̇ад̇асса анаабад̇д̇ийд̇и сид̣̇д̇хаа. имасмим̣ ад̇т̇авигаббз хи бхигкуно банзва зл̣агаломаани уббаж̇ж̇зяяум̣…бз… асанд̇зби хаарагз ад̣̇д̇хаанам̣ маг̇г̇аббадибаннасса ниссаг̇г̇ияам̣ баажид̇д̇ияанд̇и яож̇анаа взд̣̇ид̇аб̣б̣аа. ааган̇камаанзна бхигкунаа бадиг̇г̇ахзд̇аб̣б̣аанийд̇и ад̇д̇ано санд̇агаанам̣язва д̇ияож̇анаад̇иггамз аабад̇д̇им̣ д̣̇ассзд̇и. д̇зна анааган̇камаанзна барасанд̇агаани бадиг̇г̇ахид̇аани ад̇ирзгад̇ияож̇анам̣ харанд̇асса анаабад̇д̇и сид̣̇д̇хаа. аяамад̇т̇о ‘‘бхигкуно уббаж̇ж̇зяяу’’нд̇и иминаа, ‘‘ажчиннам̣ бадилабхид̇ваа’’д̇и иминаа жа д̣̇ийбид̇ова ход̇ийд̇и. бораан̣аг̇ан̣тибад̣̇з жа ‘‘ан̃н̃ам̣ бхигкум̣ хараабзнд̇о г̇ажчад̇и жз, д̣̇виннам̣ анаабад̇д̇ийд̇и вуд̇д̇ам̣, д̇асмаа д̣̇вз бхигкуу д̇ияож̇анабарамам̣ бад̇ваа ан̃н̃аман̃н̃асса бхан̣д̣ам̣ баривад̇д̇зд̇ваа жз харанд̇и, анаабад̇д̇ийд̇и сид̣̇д̇хам̣, д̇знзва анаабад̇д̇иваарз ‘‘ан̃н̃ам̣ хараабзд̇ий’’д̇и вуд̇д̇ам̣. гим̣ хараабзд̇и? ж̇аананд̇ам̣ аж̇аананд̇ам̣. гин̃жзд̇т̇а яад̣̇и ж̇аананд̇ам̣, ‘‘ан̃н̃о хариссад̇ийд̇и табзд̇и, д̇зна харид̇зби аабад̇д̇иязваа’’д̇и згам̣сад̇о на вад̇д̇аб̣б̣ам̣. ж̇аананд̇оби хи згажжо харад̇ийд̇и. д̇ад̇о адтагат̇ааяа вируж̇жхад̇и. ат̇а аж̇аананд̇ам̣, ‘‘ан̃н̃асса яаанз ваа бхан̣д̣з ваа аж̇аананд̇асса багкибид̇ваа д̇ияож̇анам̣ ад̇иггаамзд̇и, ниссаг̇г̇ияааний’’д̇и баал̣ияаа вируж̇жхад̇и, ат̇а убхоби згад̇о згам̣ бхан̣д̣ам̣ хараабзнд̇и, д̇амби ниссаг̇г̇ияам̣ сияаа. аниссаг̇г̇ияанд̇и яуд̇д̇ияаа вируж̇жхад̇и ‘‘д̇ияож̇анабарамам̣ сахад̇т̇аа харид̇аб̣б̣аани асанд̇з хаарагз’’д̇и ависзсзна жа баал̣и вуд̇д̇аа. хаарагоби сажзд̇ано ажзд̇анод̇и д̣̇увид̇хо. сажзд̇аноби зл̣агаломабхаавам̣ ваа ‘‘ахамид̣̇ам̣ хараамий’’д̇и ваа ‘‘мам̣ зса ид̣̇ам̣ хараабзд̇ий’’д̇и ваа ж̇аананааж̇аананавасзна д̣̇увид̇хо ход̇и. д̇ад̇т̇а ажзд̇ано наама хаараго над̣̇ийсод̇о ваа нааваа ваа ассаамигаяаанам̣ ваа ход̇и. сажзд̇ано баагадова. д̇ад̇т̇а ‘‘мам̣ зса ид̣̇ам̣ хараабзд̇ий’’д̇и зд̇д̇агам̣ ж̇аананд̇ам̣ мануссам̣ ваа д̇иражчаанаг̇ад̇ам̣ ваа ан̃н̃ам̣ хараабзд̇и, анаабад̇д̇ийд̇и ануг̇ан̣тибад̣̇анаяо. аяам̣ баал̣ияаа, адтагат̇ааяа жа згарасо винижчаяо, ‘‘асанд̇з хаарагз’’д̇и гин̃жааби ид̣̇ам̣ ависзсад̇о вуд̇д̇ам̣, ‘‘ан̃н̃асса яаанз ваа бхан̣д̣з ваа аж̇аананд̇ассаа’’д̇и важанад̇о бана сажзд̇анова хаараго д̇ад̇т̇а ад̇хиббзд̇од̇и бан̃н̃ааяад̇и, со жа зл̣агаломабхааван̃жа ‘‘ид̣̇ам̣ хараамий’’д̇и жа ж̇аананд̇о наад̇хиббзд̇о. д̇зна вуд̇д̇ам̣ ‘‘ан̃н̃о хариссад̇ийд̇и табзд̇и, д̇зна харид̇зби аабад̇д̇иязваа’’д̇иаад̣̇и. д̇ад̇т̇а хзд̇угад̇д̇уно абхаавад̇ова. баал̣ияан̃хи ‘‘ан̃н̃ам̣ хараабзд̇ий’’д̇и хзд̇угад̇д̇увасзна вуд̇д̇аа . ид̇арз д̣̇вз ж̇аананд̇аа ид̇ха самбхаванд̇и. ‘‘аж̇аананд̇асса багкибид̇ваа’’д̇и баал̣ияам̣ ‘‘зса хараабзд̇ий’’д̇и ваа ‘‘ид̣̇ам̣ таанам̣ ад̇иггамаабзд̇ий’’д̇и ваа ж̇аананд̇асса яаанз ваа бхан̣д̣з ваа багкибид̇ваа д̇ияож̇анам̣ ад̇иггамаабзд̇и, на ниссаг̇г̇ияаа хонд̇ийд̇и д̣̇ийбзд̇и.
572-3.Addhānamaggappaṭipannassāti iminā pakatiyā dīghamaggappaṭipannassa uppannānipi tiyojanaparamameva haritabbāni, pageva appaṭipannassāti dasseti. Addhānamaggappaṭipannassa nissaggiyanti vā sambandho. Teneva vāsādhippāyassa paṭippassaddhagamanussāhattā ‘‘appaṭipanno’’ti saṅkhyaṃ gatassa anāpattīti siddhā. Imasmiṃ atthavikappe hi bhikkhuno paneva eḷakalomāni uppajjeyyuṃ…pe… asantepi hārake addhānaṃ maggappaṭipannassa nissaggiyaṃ pācittiyanti yojanā veditabbā. Ākaṅkhamānena bhikkhunā paṭiggahetabbānīti attano santakānaṃyeva tiyojanātikkame āpattiṃ dasseti. Tena anākaṅkhamānena parasantakāni paṭiggahitāni atirekatiyojanaṃ harantassa anāpatti siddhā. Ayamattho ‘‘bhikkhuno uppajjeyyu’’nti iminā, ‘‘acchinnaṃ paṭilabhitvā’’ti iminā ca dīpitova hotīti. Porāṇagaṇṭhipade ca ‘‘aññaṃ bhikkhuṃ harāpento gacchati ce, dvinnaṃ anāpattīti vuttaṃ, tasmā dve bhikkhū tiyojanaparamaṃ patvā aññamaññassa bhaṇḍaṃ parivattetvā ce haranti, anāpattīti siddhaṃ, teneva anāpattivāre ‘‘aññaṃ harāpetī’’ti vuttaṃ. Kiṃ harāpeti? Jānantaṃ ajānantaṃ. Kiñcettha yadi jānantaṃ, ‘‘añño harissatīti ṭhapeti, tena haritepi āpattiyevā’’ti ekaṃsato na vattabbaṃ. Jānantopi hi ekacco haratīti. Tato aṭṭhakathāya virujjhati. Atha ajānantaṃ, ‘‘aññassa yāne vā bhaṇḍe vā ajānantassa pakkhipitvā tiyojanaṃ atikkāmeti, nissaggiyānī’’ti pāḷiyā virujjhati, atha ubhopi ekato ekaṃ bhaṇḍaṃ harāpenti, tampi nissaggiyaṃ siyā. Anissaggiyanti yuttiyā virujjhati ‘‘tiyojanaparamaṃ sahatthā haritabbāni asante hārake’’ti avisesena ca pāḷi vuttā. Hārakopi sacetano acetanoti duvidho. Sacetanopi eḷakalomabhāvaṃ vā ‘‘ahamidaṃ harāmī’’ti vā ‘‘maṃ esa idaṃ harāpetī’’ti vā jānanājānanavasena duvidho hoti. Tattha acetano nāma hārako nadīsoto vā nāvā vā assāmikayānaṃ vā hoti. Sacetano pākaṭova. Tattha ‘‘maṃ esa idaṃ harāpetī’’ti ettakaṃ jānantaṃ manussaṃ vā tiracchānagataṃ vā aññaṃ harāpeti, anāpattīti anugaṇṭhipadanayo. Ayaṃ pāḷiyā, aṭṭhakathāya ca ekaraso vinicchayo, ‘‘asante hārake’’ti kiñcāpi idaṃ avisesato vuttaṃ, ‘‘aññassa yāne vā bhaṇḍe vā ajānantassā’’ti vacanato pana sacetanova hārako tattha adhippetoti paññāyati, so ca eḷakalomabhāvañca ‘‘idaṃ harāmī’’ti ca jānanto nādhippeto. Tena vuttaṃ ‘‘añño harissatīti ṭhapeti, tena haritepi āpattiyevā’’tiādi. Tattha hetukattuno abhāvatova. Pāḷiyañhi ‘‘aññaṃ harāpetī’’ti hetukattuvasena vuttā . Itare dve jānantā idha sambhavanti. ‘‘Ajānantassa pakkhipitvā’’ti pāḷiyaṃ ‘‘esa harāpetī’’ti vā ‘‘idaṃ ṭhānaṃ atikkamāpetī’’ti vā jānantassa yāne vā bhaṇḍe vā pakkhipitvā tiyojanaṃ atikkamāpeti, na nissaggiyā hontīti dīpeti.
‘‘хараабзд̇ий’’д̇и ид̣̇ам̣ хзд̇угад̇д̇уважанад̇ам̣ саад̇хзд̇и, д̇асмаа адтагат̇ааяам̣ ‘‘саамигасса аж̇аананд̇ассзваа’’д̇и ид̣̇ам̣ ‘‘мам̣ зса хараабзд̇ий’’д̇и звам̣ аж̇аананд̇ам̣ санд̇хааяа вуд̇д̇ам̣. ‘‘саарзд̇и жод̣̇зд̇и ануб̣анд̇хаабзд̇ий’’д̇и ид̣̇ам̣ ‘‘мам̣ зса ид̣̇ам̣ таанам̣ ад̇иггамаабзд̇ий’’д̇и звам̣ ж̇аананд̇ам̣ санд̇хааяа вуд̇д̇ам̣. аж̇аананд̇оби сааран̣аад̣̇ийхи тид̇адтаанам̣ наад̇иггамад̇и, на ваа ануб̣анд̇хад̇и. ат̇а сааран̣аад̣̇ийхи анад̇иггамид̇ваа ад̇д̇ано ружияаа ад̇иггамад̇и аабад̇д̇и зва бхигкуно хзд̇угад̇д̇убхааваасамбхавад̇о.
‘‘Harāpetī’’ti idaṃ hetukattuvacanataṃ sādheti, tasmā aṭṭhakathāyaṃ ‘‘sāmikassa ajānantassevā’’ti idaṃ ‘‘maṃ esa harāpetī’’ti evaṃ ajānantaṃ sandhāya vuttaṃ. ‘‘Sāreti codeti anubandhāpetī’’ti idaṃ ‘‘maṃ esa idaṃ ṭhānaṃ atikkamāpetī’’ti evaṃ jānantaṃ sandhāya vuttaṃ. Ajānantopi sāraṇādīhi ṭhitaṭṭhānaṃ nātikkamati, na vā anubandhati. Atha sāraṇādīhi anatikkamitvā attano ruciyā atikkamati āpatti eva bhikkhuno hetukattubhāvāsambhavato.
ид̣̇аани яат̇аатид̇адтаанад̇о бадтааяа вагкаама, ‘‘асанд̇зби хаарагз’’д̇и хаарагаалаабхабажжаяааби саяам̣ харан̣ад̇о ниссаг̇г̇ияамзва, баг̇зва сад̇и хаарагзд̇и аяамзго ад̇т̇о. авад̇хааран̣ад̇т̇ам̣ аби-сад̣̇д̣̇ам̣ г̇ахзд̇ваа асанд̇з зва хаарагз ниссаг̇г̇ияам̣, сад̇и бана хаарагз на д̇зна хараабзнд̇асса ниссаг̇г̇ияанд̇и аяам̣ д̣̇уд̇ияо ад̇т̇о. ‘‘сан̇гхад̇о ваа…бз… ад̇д̇ано ваа д̇ханзнаа’’д̇и иминаа гин̃жааби ажид̇д̇агамид̣̇ам̣ сигкаабад̣̇ам̣, сан̇гхаад̣̇ид̇о бана ад̇д̇анаа ааган̇камаанзна бадиг̇г̇ахид̇ассзва зл̣агаломасса д̇ияож̇анаад̇иггамз аабад̇д̇и, на аж̇аанад̇о аббадиг̇г̇ахид̇асса жийвараад̣̇ийсу гуд̇ожи лаг̇г̇асса ад̇иггаманзд̇и д̣̇ийбзд̇и. ануг̇ан̣тибад̣̇з бана ‘‘гамб̣аласса убари нибаж̇ж̇ид̇ваа г̇ажчанд̇асса сажз згамби ломам̣ жийварз лаг̇г̇ам̣ ход̇и, аабад̇д̇и зва гамб̣алад̇о виж̇адид̇ад̇д̇аа’’д̇и вуд̇д̇ам̣, д̇ам̣ гамб̣аласса бадиг̇г̇ахид̇ад̇д̇аа ад̇д̇ано ижчааяа бадиг̇г̇ахид̇амзва ход̇ийд̇и яуд̇д̇ам̣. яасмаа ‘‘анаабад̇д̇и гад̇абхан̣д̣з’’д̇и вуд̇д̇ам̣, д̇асмаа д̇ам̣ анзгамби гад̇абхан̣д̣адтаанияамзва ход̇и. д̇ан̃хи анзна бадиг̇г̇ахид̇ам̣, на ломам̣. ат̇а ломамби аг̇г̇ахид̇амзва ход̇и, гад̇абхан̣д̣ам̣ д̣̇уббарихаарияаломавиниб̣бхог̇агад̇абхан̣д̣о нияамо. звам̣ санд̇з агад̇абхан̣д̣з д̇игабаажид̇д̇ияам̣, гад̇абхан̣д̣з д̇игад̣̇уггадан̃жа наяад̇о д̣̇ассзд̇аб̣б̣ам̣ бхавзяяа, ан̃н̃ат̇аа д̇игасса д̣̇ассид̇ад̇д̇аа. сауссаахад̇д̇аад̇и аббадиббассад̣̇д̇хаг̇аманад̇д̇аа. ажид̇д̇агад̇д̇аа жаад̇и бхигкуно уссаахаануруубам̣ ломаанам̣ д̇ияож̇анаад̇иггаманад̇о винааби баяог̇ажид̇д̇зна харан̣ажид̇д̇зна аабаж̇ж̇ад̇и зваад̇и ад̇хиббааяо. саа анаабад̇д̇и баал̣ияаа на самзд̇ийд̇и анд̇о бана баяог̇зна д̇ияож̇анабарамам̣ ад̇иггамид̇ад̇д̇аа анаабад̇д̇и. ‘‘д̇ияож̇анам̣ харад̇ий’’д̇и иминаа д̇ияож̇анам̣ бад̣̇асаа нзд̇угаамоби анд̇од̇ияож̇анз бад̣̇з бад̣̇з д̣̇уггадам̣ наабаж̇ж̇ад̇ийд̇и д̣̇ассзд̇и, д̇ам̣ яуд̇д̇ам̣ ‘‘д̇ияож̇анам̣ ваасаад̇хиббааяо г̇анд̇ваа д̇ад̇о барам̣ харад̇ий’д̇и важанассад̇т̇ид̇ааяаа’’д̇и вуд̇д̇ам̣. бунаби вуд̇д̇ам̣ ‘‘ан̃н̃ам̣ хараабзд̇ийд̇и ‘ид̣̇ам̣ хариссаамий’д̇и сауссаахамзва ан̃н̃ам̣ хараабзд̇ийд̇и ад̇т̇о. ид̇арат̇аа г̇ажчанд̇асса сийсз табзси, д̇асмим̣ аж̇аананд̇зби анаабад̇д̇и сияаа’’д̇и. сажз бана ‘‘аг̇ажчанд̇з яаанз ваа’’д̇иаад̣̇инаа наязна вуд̇д̇ад̇д̇аа харан̣аад̣̇ийхи ж̇анид̇ауссаахаанам̣ хад̇т̇иаад̣̇ийнам̣ ‘ид̣̇ам̣ гариссаамаа’д̇и ваа ‘хариссаамаа’д̇и ваа аабхог̇з ж̇анид̇з зва анаабад̇д̇и, на аж̇анид̇зд̇и убад̇иссад̇т̇зро аахаа’’д̇и жа вуд̇д̇ам̣. баривад̇д̇зд̇ваа табид̇зд̇и д̣̇виннамби б̣ахи нигкибид̇ад̇д̇аад̇и убад̇иссад̇т̇зро. б̣ахисиймааяа табид̇ам̣ бхан̣д̣игам̣ анд̇о анд̇осиймааяам̣ табид̇ам̣ б̣ахи гарод̇о анаабад̇д̇ийд̇и гзжи, на сунд̣̇арам̣ вияа.
Idāni yathāṭhitaṭṭhānato paṭṭhāya vakkhāma, ‘‘asantepi hārake’’ti hārakālābhapaccayāpi sayaṃ haraṇato nissaggiyameva, pageva sati hāraketi ayameko attho. Avadhāraṇatthaṃ api-saddaṃ gahetvā asante eva hārake nissaggiyaṃ, sati pana hārake na tena harāpentassa nissaggiyanti ayaṃ dutiyo attho. ‘‘Saṅghato vā…pe… attano vā dhanenā’’ti iminā kiñcāpi acittakamidaṃ sikkhāpadaṃ, saṅghādito pana attanā ākaṅkhamānena paṭiggahitasseva eḷakalomassa tiyojanātikkame āpatti, na ajānato appaṭiggahitassa cīvarādīsu kutoci laggassa atikkamaneti dīpeti. Anugaṇṭhipade pana ‘‘kambalassa upari nipajjitvā gacchantassa sace ekampi lomaṃ cīvare laggaṃ hoti, āpatti eva kambalato vijaṭitattā’’ti vuttaṃ, taṃ kambalassa paṭiggahitattā attano icchāya paṭiggahitameva hotīti yuttaṃ. Yasmā ‘‘anāpatti katabhaṇḍe’’ti vuttaṃ, tasmā taṃ anekampi katabhaṇḍaṭṭhāniyameva hoti. Tañhi anena paṭiggahitaṃ, na lomaṃ. Atha lomampi aggahitameva hoti, katabhaṇḍaṃ dupparihāriyalomavinibbhogakatabhaṇḍo niyamo. Evaṃ sante akatabhaṇḍe tikapācittiyaṃ, katabhaṇḍe tikadukkaṭañca nayato dassetabbaṃ bhaveyya, aññathā tikassa dassitattā. Saussāhattāti appaṭippassaddhagamanattā. Acittakattā cāti bhikkhuno ussāhānurūpaṃ lomānaṃ tiyojanātikkamanato vināpi payogacittena haraṇacittena āpajjati evāti adhippāyo. Sā anāpatti pāḷiyā na sametīti anto pana payogena tiyojanaparamaṃ atikkamitattā anāpatti. ‘‘Tiyojanaṃ haratī’’ti iminā tiyojanaṃ padasā netukāmopi antotiyojane pade pade dukkaṭaṃ nāpajjatīti dasseti, taṃ yuttaṃ ‘‘tiyojanaṃ vāsādhippāyo gantvā tato paraṃ haratī’ti vacanassatthitāyā’’ti vuttaṃ. Punapi vuttaṃ ‘‘aññaṃ harāpetīti ‘idaṃ harissāmī’ti saussāhameva aññaṃ harāpetīti attho. Itarathā gacchantassa sīse ṭhapesi, tasmiṃ ajānantepi anāpatti siyā’’ti. Sace pana ‘‘agacchante yāne vā’’tiādinā nayena vuttattā haraṇādīhi janitaussāhānaṃ hatthiādīnaṃ ‘idaṃ karissāmā’ti vā ‘harissāmā’ti vā ābhoge janite eva anāpatti, na ajaniteti upatissatthero āhā’’ti ca vuttaṃ. Parivattetvā ṭhapiteti dvinnampi bahi nikkhipitattāti upatissatthero. Bahisīmāya ṭhapitaṃ bhaṇḍikaṃ anto antosīmāyaṃ ṭhapitaṃ bahi karoto anāpattīti keci, na sundaraṃ viya.
575. бадилабхид̇ваа харад̇ийд̇и батамад̇ияож̇анад̇о барам̣ харад̇и, на д̣̇уд̇ияаад̣̇ид̇од̇и ад̇т̇о. гад̇абхан̣д̣з уббанногаасаабхааваа анаабад̇д̇и.
575.Paṭilabhitvā haratīti paṭhamatiyojanato paraṃ harati, na dutiyāditoti attho. Katabhaṇḍe uppannokāsābhāvā anāpatti.
зл̣агаломасигкаабад̣̇аван̣н̣анаа нидтид̇аа.
Eḷakalomasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. зл̣агаломасигкаабад̣̇ам̣ • 6. Eḷakalomasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
