| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
6. зл̣агаломасигкаабад̣̇аван̣н̣анаа
6. Eḷakalomasikkhāpadavaṇṇanā
572. чадтз баал̣ияам̣ ‘‘ад̣̇д̇хаанамаг̇г̇аббадибаннассаа’’д̇и ид̣̇ам̣ вад̇т̇увасзна вуд̇д̇ам̣. ниваасадтаанз лад̣̇д̇хааниби д̇ияож̇анад̇о барам̣ харид̇ум̣ на ваддад̇и зва. асанд̇з хаарагзд̇и ануруубад̇о вуд̇д̇ам̣. санд̇зби хаарагз харад̇о над̇т̇и д̣̇осо. аабад̇д̇иязваад̇и анаан̣ад̇д̇зна хадад̇д̇аа. багкад̣̇ваяассаби гааран̣амааха ‘‘сауссаахад̇д̇аа’’д̇и, анубарад̇аг̇аманижчад̇д̇аад̇и ад̇т̇о. суд̣̇д̇хажид̇д̇абагкассзва гааран̣амааха ‘‘ажид̇д̇агад̇д̇аа’’д̇и. на самзд̇ийд̇и ‘‘анаабад̇д̇и, ан̃н̃ам̣ хараабзд̇ий’’д̇и зд̇д̇агассзва барихаран̣з вуд̇д̇ад̇д̇аа. аг̇ажчанд̇зд̇и тид̇з. хздтаад̇и бхуумияаа.
572. Chaṭṭhe pāḷiyaṃ ‘‘addhānamaggappaṭipannassā’’ti idaṃ vatthuvasena vuttaṃ. Nivāsaṭṭhāne laddhānipi tiyojanato paraṃ harituṃ na vaṭṭati eva. Asante hāraketi anurūpato vuttaṃ. Santepi hārake harato natthi doso. Āpattiyevāti anāṇattena haṭattā. Pakkhadvayassapi kāraṇamāha ‘‘saussāhattā’’ti, anuparatagamanicchattāti attho. Suddhacittapakkhasseva kāraṇamāha ‘‘acittakattā’’ti. Na sametīti ‘‘anāpatti, aññaṃ harāpetī’’ti ettakasseva pariharaṇe vuttattā. Agacchanteti ṭhite. Heṭṭhāti bhūmiyā.
575. д̇ам̣ харанд̇ассаад̇и батамам̣ бадилаабхадтаанад̇о бадтааяа д̇ияож̇анад̇о уд̣̇д̇хам̣ харанд̇ассаад̇и ад̇т̇о. д̇ат̇аа харанд̇асса хи жорзхи ажчинд̣̇ид̇ваа буна д̣̇иннадтаанад̇о д̇ияож̇анам̣ харид̇ум̣ ваддад̇и. гзжи бана ‘‘маад̇игаадтагат̇ааяам̣ ан̇г̇зсу ‘батамаббадилаабхо’д̇и вуд̇д̇ад̇д̇аа д̣̇уд̇ияабадилаабхадтаанад̇о д̇ияож̇анаад̇иггамзби анаабад̇д̇ий’’д̇и вад̣̇анд̇и, д̇ам̣ на яуд̇д̇ам̣, д̣̇уд̇ияабадилаабхассааби бадилаабхадтаанз бависанад̇о ваасад̇т̇ааяа г̇аманадтаанад̇о буна г̇аманз вияа. гааяаб̣анд̇ханаад̣̇ийнанд̇и д̣̇вибадалагааяаб̣анд̇ханаад̣̇ийнам̣ анд̇арз багкид̇д̇ам̣ басиб̣б̣агз багкид̇д̇асад̣̇исам̣, на гад̇абхан̣д̣анд̇и вуд̇д̇ам̣, д̇ат̇аа нид̇хаанамуканд̇и. агад̇абхан̣д̣ад̇аа, батамаббадилаабхо, д̇ияож̇анаад̇иггаманам̣, аахаран̣абажжаахаран̣ам̣, аваасаад̇хиббааяад̇аад̇и имаанзд̇т̇а бан̃жа ан̇г̇аани.
575.Taṃ harantassāti paṭhamaṃ paṭilābhaṭṭhānato paṭṭhāya tiyojanato uddhaṃ harantassāti attho. Tathā harantassa hi corehi acchinditvā puna dinnaṭṭhānato tiyojanaṃ harituṃ vaṭṭati. Keci pana ‘‘mātikāṭṭhakathāyaṃ aṅgesu ‘paṭhamappaṭilābho’ti vuttattā dutiyapaṭilābhaṭṭhānato tiyojanātikkamepi anāpattī’’ti vadanti, taṃ na yuttaṃ, dutiyapaṭilābhassāpi paṭilābhaṭṭhāne pavisanato vāsatthāya gamanaṭṭhānato puna gamane viya. Kāyabandhanādīnanti dvipaṭalakāyabandhanādīnaṃ antare pakkhittaṃ pasibbake pakkhittasadisaṃ, na katabhaṇḍanti vuttaṃ, tathā nidhānamukhanti. Akatabhaṇḍatā, paṭhamappaṭilābho, tiyojanātikkamanaṃ, āharaṇapaccāharaṇaṃ, avāsādhippāyatāti imānettha pañca aṅgāni.
зл̣агаломасигкаабад̣̇аван̣н̣анаа нидтид̇аа.
Eḷakalomasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. зл̣агаломасигкаабад̣̇ам̣ • 6. Eḷakalomasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
