| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੬. ਏਲ਼ਕਲੋਮਸਿਕ੍ਖਾਪਦવਣ੍ਣਨਾ
6. Eḷakalomasikkhāpadavaṇṇanā
੫੭੧. ਏਲ਼ਲੋਮਸਿਕ੍ਖਾਪਦੇ ਪਨ ਆਸੁਮ੍ਭੀਤਿ ਏਤ੍ਥ ‘‘ਅਸੁਮ੍ਭੀ’’ਤਿ ਪਠਨ੍ਤਿ। ਕਿਲਨ੍ਤਾਤਿ ਇਮਿਨਾ ਕਿਲਨ੍ਤਤਾਯ ਤੇ ਓਨਮਿਤ੍વਾ ਪਾਤੇਤੁਂ ਨ ਸਕ੍ਕੋਨ੍ਤੀਤਿ ਦਸ੍ਸੇਤਿ। ਅਦ੍ਧਾਨਮਗ੍ਗਪ੍ਪਟਿਪਨ੍ਨਸ੍ਸਾਤਿ ਇਦਂ વਤ੍ਥੁਮਤ੍ਤਦੀਪਨવਸੇਨ ਪਾਲ਼ਿਯਂ વੁਤ੍ਤਂ। ਯਤ੍ਥ ਕਤ੍ਥਚਿ ਪਨ ਧਮ੍ਮੇਨ ਲਭਿਤ੍વਾ ਗਣ੍ਹਿਤੁਂ વਟ੍ਟਤਿਯੇવ। ਤਿਯੋਜਨਪਰਮਨ੍ਤਿ ਚ ਗਹਿਤਟ੍ਠਾਨਤੋ ਤਿਯੋਜਨਪ੍ਪਮਾਣਂ ਦੇਸਨ੍ਤਿ ਏવਮਤ੍ਥੋ ਗਹੇਤਬ੍ਬੋ।
571. Eḷalomasikkhāpade pana āsumbhīti ettha ‘‘asumbhī’’ti paṭhanti. Kilantāti iminā kilantatāya te onamitvā pātetuṃ na sakkontīti dasseti. Addhānamaggappaṭipannassāti idaṃ vatthumattadīpanavasena pāḷiyaṃ vuttaṃ. Yattha katthaci pana dhammena labhitvā gaṇhituṃ vaṭṭatiyeva. Tiyojanaparamanti ca gahitaṭṭhānato tiyojanappamāṇaṃ desanti evamattho gahetabbo.
੫੭੨. ਸਹਤ੍ਥਾਤਿ ਕਰਣਤ੍ਥੇ ਨਿਸ੍ਸਕ੍ਕવਚਨਨ੍ਤਿ ਆਹ ‘‘ਸਹਤ੍ਥੇਨਾ’’ਤਿ। ਅਸਨ੍ਤੇ ਹਾਰਕੇਤਿ ਪਾਲ਼ਿਯਂ ਭਿਕ੍ਖੁਨੋ ਅਨੁਰੂਪਤਾਦਸ੍ਸਨਤ੍ਥਂ વੁਤ੍ਤਂ, ਨ ਪਨ ਹਾਰਕੇ વਿਜ੍ਜਮਾਨੇ ਤਿਯੋਜਨਬ੍ਭਨ੍ਤਰੇ ਸਹਤ੍ਥਾ ਹਰਨ੍ਤਸ੍ਸ ਆਪਤ੍ਤਿਦਸ੍ਸਨਤ੍ਥਂ। ਤਿਯੋਜਨਤੋ ਬਹਿ ਬਹਿਤਿਯੋਜਨਨ੍ਤਿ ਆਹ ‘‘ਤਿਯੋਜਨਤੋ ਬਹਿ ਪਾਤੇਤੀ’’ਤਿ। ਤੇਨ ਹਰਿਤੇਪਿ ਆਪਤ੍ਤਿਯੇવਾਤਿ ਸਉਸ੍ਸਾਹਤ੍ਤਾ ਅਨਾਣਤ੍ਤਿਯਾ ਹਟਤ੍ਤਾ ਚ। ਸਤਿਪਿ ਹਿ ਸਉਸ੍ਸਾਹਭਾવੇ ਆਣਤ੍ਤਿਯਾ ਚੇ ਹਰਤਿ, ਅਨਾਪਤ੍ਤਿ ‘‘ਅਞ੍ਞਂ ਹਰਾਪੇਤੀ’’ਤਿ વਚਨਤੋ। ਅਞ੍ਞੋ ਹਰਿਸ੍ਸਤੀਤਿ ਅਧਿਪ੍ਪਾਯਾਭਾવਤੋ ‘‘ਸੁਦ੍ਧਚਿਤ੍ਤੇਨ ਠਪਿਤ’’ਨ੍ਤਿ વੁਤ੍ਤਂ। ਸਉਸ੍ਸਾਹਤ੍ਤਾਤਿ ਤਿਯੋਜਨਾਤਿਕ੍ਕਮਨੇ ਸਉਸ੍ਸਾਹਤ੍ਤਾ। ਇਦਞ੍ਚ ‘‘ਅਞ੍ਞੋ ਹਰਿਸ੍ਸਤੀ’’ਤਿ ਅਸੁਦ੍ਧਚਿਤ੍ਤੇਨ ਠਪਿਤਂ ਸਨ੍ਧਾਯ વੁਤ੍ਤਂ, ਅਚਿਤ੍ਤਕਤ੍ਤਾਤਿ ਇਦਂ ਪਨ ਸੁਦ੍ਧਚਿਤ੍ਤੇਨ ਠਪਿਤਂ ਸਨ੍ਧਾਯ। ਅਨਾਪਤ੍ਤਿ ਪਾਲ਼ਿਯਾ ਨ ਸਮੇਤੀਤਿ ‘‘ਤਿਯੋਜਨਂ ਹਰਤੀ’’ਤਿਆਦਿਪਾਲ਼ਿਯਾ, વਿਸੇਸਤੋ ‘‘ਅਞ੍ਞਂ ਹਰਾਪੇਤੀ’’ਤਿ ਪਾਲ਼ਿਯਾ ਚ ਨ ਸਮੇਤਿ।
572.Sahatthāti karaṇatthe nissakkavacananti āha ‘‘sahatthenā’’ti. Asante hāraketi pāḷiyaṃ bhikkhuno anurūpatādassanatthaṃ vuttaṃ, na pana hārake vijjamāne tiyojanabbhantare sahatthā harantassa āpattidassanatthaṃ. Tiyojanato bahi bahitiyojananti āha ‘‘tiyojanato bahi pātetī’’ti. Tena haritepi āpattiyevāti saussāhattā anāṇattiyā haṭattā ca. Satipi hi saussāhabhāve āṇattiyā ce harati, anāpatti ‘‘aññaṃ harāpetī’’ti vacanato. Añño harissatīti adhippāyābhāvato ‘‘suddhacittena ṭhapita’’nti vuttaṃ. Saussāhattāti tiyojanātikkamane saussāhattā. Idañca ‘‘añño harissatī’’ti asuddhacittena ṭhapitaṃ sandhāya vuttaṃ, acittakattāti idaṃ pana suddhacittena ṭhapitaṃ sandhāya. Anāpatti pāḷiyā na sametīti ‘‘tiyojanaṃ haratī’’tiādipāḷiyā, visesato ‘‘aññaṃ harāpetī’’ti pāḷiyā ca na sameti.
ਸਚੇ ਸਾਮਿਕਂ ਜਾਨਾਪੇਤ੍વਾ ਠਪੇਤਿ, ਆਣਤ੍ਤਿਯਾ ਹਰਾਪੇਤਿ ਨਾਮਾਤਿ ਆਹ ‘‘ਸਾਮਿਕਸ੍ਸ ਅਜਾਨਨ੍ਤਸ੍ਸੇવਾ’’ਤਿ। ਅਗਚ੍ਛਨ੍ਤੇਪੀਤਿ ਗਮਨਂ ਉਪਚ੍ਛਿਨ੍ਦਿਤ੍વਾ ਠਿਤਯਾਨੇਪਿ। ਹੇਟ੍ਠਾ વਾ ਗਚ੍ਛਨ੍ਤੋਤਿ ਭੂਮਿਯਂ ਗਚ੍ਛਨ੍ਤੋ। ਅਞ੍ਞਂ ਹਰਾਪੇਤੀਤਿ ਏਤ੍ਥ ਅਞ੍ਞ-ਗ੍ਗਹਣੇਨ ਸਾਮਞ੍ਞਤੋ ਤਿਰਚ੍ਛਾਨਗਤਾਪਿ ਸਙ੍ਗਹਿਤਾਤਿ ਆਹ – ‘‘ਅਞ੍ਞਂ ਹਰਾਪੇਤੀਤਿ વਚਨਤੋ ਅਨਾਪਤ੍ਤੀ’’ਤਿ। ਸੁਙ੍ਕਘਾਤੇ ਆਪਤ੍ਤਿ ਹੋਤੀਤਿ ਅਞ੍ਞਂ ਹਰਾਪੇਨ੍ਤਸ੍ਸ ਆਪਤ੍ਤਿ। ਤਤ੍ਥ ਅਨਾਪਤ੍ਤੀਤਿ ਅਞ੍ਞવਿਹਿਤਸ੍ਸ ਥੇਯ੍ਯਚਿਤ੍ਤਾਭਾવਤੋ ਅਨਾਪਤ੍ਤਿ।
Sace sāmikaṃ jānāpetvā ṭhapeti, āṇattiyā harāpeti nāmāti āha ‘‘sāmikassa ajānantassevā’’ti. Agacchantepīti gamanaṃ upacchinditvā ṭhitayānepi. Heṭṭhā vā gacchantoti bhūmiyaṃ gacchanto. Aññaṃ harāpetīti ettha añña-ggahaṇena sāmaññato tiracchānagatāpi saṅgahitāti āha – ‘‘aññaṃ harāpetīti vacanato anāpattī’’ti. Suṅkaghāte āpatti hotīti aññaṃ harāpentassa āpatti. Tattha anāpattīti aññavihitassa theyyacittābhāvato anāpatti.
੫੭੫. ‘‘ਤਂ ਹਰਨ੍ਤਸ੍ਸਾਤਿ ਪੁਨ ਤਿਯੋਜਨਂ ਹਰਨ੍ਤਸ੍ਸਾ’’ਤਿ ਮਹਾਗਣ੍ਠਿਪਦੇ વੁਤ੍ਤਂ। ਤਂ ਪਨ ਮਾਤਿਕਾਟ੍ਠਕਥਾਯਂ ਅਙ੍ਗੇਸੁ ‘‘ਪਠਮਪ੍ਪਟਿਲਾਭੋ ਸਤਿ ਇਮਿਨਾ વਚਨੇਨ ਨ ਸਮੇਤਿ। ‘‘ਪਠਮਪ੍ਪਟਿਲਾਭੋ’’ਤਿ ਹਿ ਇਦਂ ਦੁਤਿਯਪ੍ਪਟਿਲਾਭੋ ਆਪਤ੍ਤਿਯਾ ਅਙ੍ਗਂ ਨ ਹੋਤੀਤਿ ਦੀਪੇਤਿ, ਤਸ੍ਮਾ ਪਾਲ਼ਿਯਂ ਅਟ੍ਠਕਥਾਯਞ੍ਚ વਿਸੇਸਾਭਾવਤੋ ਅਚ੍ਛਿਨ੍ਨਂ ਪਟਿਲਭਿਤ੍વਾ ਹਰਨ੍ਤਸ੍ਸ ਪੁਨ ਤਿਯੋਜਨਾਤਿਕ੍ਕਮੇਪਿ ਅਨਾਪਤ੍ਤਿ વੁਤ੍ਤਾਤਿ ਅਮ੍ਹਾਕਂ ਖਨ੍ਤਿ। ਅਞ੍ਞਥਾ ਅਚ੍ਛਿਨ੍ਨਂ ਪਟਿਲਭਿਤ੍વਾ ਪੁਨ ਤਿਯੋਜਨਂ ਹਰਤੀਤਿ વਦੇਯ੍ਯ। વੀਮਂਸਿਤ੍વਾ ਯੁਤ੍ਤਤਰਂ ਗਹੇਤਬ੍ਬਂ। ਅਨਾਪਤ੍ਤਿ ਕਤਭਣ੍ਡਨ੍ਤਿ ਏਤ੍ਥ ‘‘ਕਮ੍ਬਲਕੋਜવਾਦਿਕਤਭਣ੍ਡਮ੍ਪਿ। ਪਕਤਿਚੀવਰੇ ਲਗ੍ਗਲੋਮਾਨਿ ਆਪਤ੍ਤਿਂ ਜਨੇਨ੍ਤਿਯੇવਾ’’ਤਿ વਦਨ੍ਤਿ। ਤਨੁਕਪਤ੍ਤਤ੍ਥવਿਕਨ੍ਤਰੇ ਅਘਟ੍ਟਨਤ੍ਥਂ ਪਕ੍ਖਿਪਨ੍ਤਿ। ਪਕ੍ਖਿਤ੍ਤਨ੍ਤਿ ਕਣ੍ਣਚ੍ਛਿਦ੍ਦੇ ਪਕ੍ਖਿਤ੍ਤਂ। ਨਿਧਾਨਮੁਖਂ ਨਾਮਾਤਿ ਇਮਿਨਾ ਕਤਭਣ੍ਡਸਙ੍ਖ੍ਯਂ ਨ ਗਚ੍ਛਤੀਤਿ ਦਸ੍ਸੇਤਿ। ਏਲ਼ਕਲੋਮਾਨਂ ਅਕਤਭਣ੍ਡਤਾ, ਪਠਮਪ੍ਪਟਿਲਾਭੋ, ਅਤ੍ਤਨਾ ਆਦਾਯ વਾ ਅਞ੍ਞਸ੍ਸ ਅਜਾਨਨ੍ਤਸ੍ਸ ਯਾਨੇ ਪਕ੍ਖਿਪਿਤ੍વਾ વਾ ਤਿਯੋਜਨਾਤਿਕ੍ਕਮਨਂ, ਆਹਰਣਪਚ੍ਚਾਹਰਣਂ, ਅવਾਸਾਧਿਪ੍ਪਾਯਤਾਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ।
575.‘‘Taṃ harantassāti puna tiyojanaṃ harantassā’’ti mahāgaṇṭhipade vuttaṃ. Taṃ pana mātikāṭṭhakathāyaṃ aṅgesu ‘‘paṭhamappaṭilābho sati iminā vacanena na sameti. ‘‘Paṭhamappaṭilābho’’ti hi idaṃ dutiyappaṭilābho āpattiyā aṅgaṃ na hotīti dīpeti, tasmā pāḷiyaṃ aṭṭhakathāyañca visesābhāvato acchinnaṃ paṭilabhitvā harantassa puna tiyojanātikkamepi anāpatti vuttāti amhākaṃ khanti. Aññathā acchinnaṃ paṭilabhitvā puna tiyojanaṃ haratīti vadeyya. Vīmaṃsitvā yuttataraṃ gahetabbaṃ. Anāpatti katabhaṇḍanti ettha ‘‘kambalakojavādikatabhaṇḍampi. Pakaticīvare laggalomāni āpattiṃ janentiyevā’’ti vadanti. Tanukapattatthavikantare aghaṭṭanatthaṃ pakkhipanti. Pakkhittanti kaṇṇacchidde pakkhittaṃ. Nidhānamukhaṃ nāmāti iminā katabhaṇḍasaṅkhyaṃ na gacchatīti dasseti. Eḷakalomānaṃ akatabhaṇḍatā, paṭhamappaṭilābho, attanā ādāya vā aññassa ajānantassa yāne pakkhipitvā vā tiyojanātikkamanaṃ, āharaṇapaccāharaṇaṃ, avāsādhippāyatāti imānettha pañca aṅgāni.
ਏਲ਼ਕਲੋਮਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Eḷakalomasikkhāpadavaṇṇanā niṭṭhitā.
੫੭੬. ਏਲ਼ਕਲੋਮਧੋવਾਪਨਸਿਕ੍ਖਾਪਦਂ ਉਤ੍ਤਾਨਤ੍ਥਮੇવ।
576. Eḷakalomadhovāpanasikkhāpadaṃ uttānatthameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga
੬. ਏਲ਼ਕਲੋਮਸਿਕ੍ਖਾਪਦਂ • 6. Eḷakalomasikkhāpadaṃ
੭. ਏਲ਼ਕਲੋਮਧੋવਾਪਨਸਿਕ੍ਖਾਪਦਂ • 7. Eḷakalomadhovāpanasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā
੬. ਏਲ਼ਕਲੋਮਸਿਕ੍ਖਾਪਦવਣ੍ਣਨਾ • 6. Eḷakalomasikkhāpadavaṇṇanā
੭. ਏਲ਼ਕਲੋਮਧੋવਾਪਨਸਿਕ੍ਖਾਪਦવਣ੍ਣਨਾ • 7. Eḷakalomadhovāpanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੬. ਏਲ਼ਕਲੋਮਸਿਕ੍ਖਾਪਦવਣ੍ਣਨਾ • 6. Eḷakalomasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਏਲ਼ਕਲੋਮਸਿਕ੍ਖਾਪਦવਣ੍ਣਨਾ • 6. Eḷakalomasikkhāpadavaṇṇanā
