| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੬. ਏਲ਼ਕਲੋਮਸਿਕ੍ਖਾਪਦવਣ੍ਣਨਾ
6. Eḷakalomasikkhāpadavaṇṇanā
੫੭੨. ਛਟ੍ਠੇ ਪਾਲ਼ਿਯਂ ‘‘ਅਦ੍ਧਾਨਮਗ੍ਗਪ੍ਪਟਿਪਨ੍ਨਸ੍ਸਾ’’ਤਿ ਇਦਂ વਤ੍ਥੁવਸੇਨ વੁਤ੍ਤਂ। ਨਿવਾਸਟ੍ਠਾਨੇ ਲਦ੍ਧਾਨਿਪਿ ਤਿਯੋਜਨਤੋ ਪਰਂ ਹਰਿਤੁਂ ਨ વਟ੍ਟਤਿ ਏવ। ਅਸਨ੍ਤੇ ਹਾਰਕੇਤਿ ਅਨੁਰੂਪਤੋ વੁਤ੍ਤਂ। ਸਨ੍ਤੇਪਿ ਹਾਰਕੇ ਹਰਤੋ ਨਤ੍ਥਿ ਦੋਸੋ। ਆਪਤ੍ਤਿਯੇવਾਤਿ ਅਨਾਣਤ੍ਤੇਨ ਹਟਤ੍ਤਾ। ਪਕ੍ਖਦ੍વਯਸ੍ਸਪਿ ਕਾਰਣਮਾਹ ‘‘ਸਉਸ੍ਸਾਹਤ੍ਤਾ’’ਤਿ, ਅਨੁਪਰਤਗਮਨਿਚ੍ਛਤ੍ਤਾਤਿ ਅਤ੍ਥੋ। ਸੁਦ੍ਧਚਿਤ੍ਤਪਕ੍ਖਸ੍ਸੇવ ਕਾਰਣਮਾਹ ‘‘ਅਚਿਤ੍ਤਕਤ੍ਤਾ’’ਤਿ। ਨ ਸਮੇਤੀਤਿ ‘‘ਅਨਾਪਤ੍ਤਿ, ਅਞ੍ਞਂ ਹਰਾਪੇਤੀ’’ਤਿ ਏਤ੍ਤਕਸ੍ਸੇવ ਪਰਿਹਰਣੇ વੁਤ੍ਤਤ੍ਤਾ। ਅਗਚ੍ਛਨ੍ਤੇਤਿ ਠਿਤੇ। ਹੇਟ੍ਠਾਤਿ ਭੂਮਿਯਾ।
572. Chaṭṭhe pāḷiyaṃ ‘‘addhānamaggappaṭipannassā’’ti idaṃ vatthuvasena vuttaṃ. Nivāsaṭṭhāne laddhānipi tiyojanato paraṃ harituṃ na vaṭṭati eva. Asante hāraketi anurūpato vuttaṃ. Santepi hārake harato natthi doso. Āpattiyevāti anāṇattena haṭattā. Pakkhadvayassapi kāraṇamāha ‘‘saussāhattā’’ti, anuparatagamanicchattāti attho. Suddhacittapakkhasseva kāraṇamāha ‘‘acittakattā’’ti. Na sametīti ‘‘anāpatti, aññaṃ harāpetī’’ti ettakasseva pariharaṇe vuttattā. Agacchanteti ṭhite. Heṭṭhāti bhūmiyā.
੫੭੫. ਤਂ ਹਰਨ੍ਤਸ੍ਸਾਤਿ ਪਠਮਂ ਪਟਿਲਾਭਟ੍ਠਾਨਤੋ ਪਟ੍ਠਾਯ ਤਿਯੋਜਨਤੋ ਉਦ੍ਧਂ ਹਰਨ੍ਤਸ੍ਸਾਤਿ ਅਤ੍ਥੋ। ਤਥਾ ਹਰਨ੍ਤਸ੍ਸ ਹਿ ਚੋਰੇਹਿ ਅਚ੍ਛਿਨ੍ਦਿਤ੍વਾ ਪੁਨ ਦਿਨ੍ਨਟ੍ਠਾਨਤੋ ਤਿਯੋਜਨਂ ਹਰਿਤੁਂ વਟ੍ਟਤਿ। ਕੇਚਿ ਪਨ ‘‘ਮਾਤਿਕਾਟ੍ਠਕਥਾਯਂ ਅਙ੍ਗੇਸੁ ‘ਪਠਮਪ੍ਪਟਿਲਾਭੋ’ਤਿ વੁਤ੍ਤਤ੍ਤਾ ਦੁਤਿਯਪਟਿਲਾਭਟ੍ਠਾਨਤੋ ਤਿਯੋਜਨਾਤਿਕ੍ਕਮੇਪਿ ਅਨਾਪਤ੍ਤੀ’’ਤਿ વਦਨ੍ਤਿ, ਤਂ ਨ ਯੁਤ੍ਤਂ, ਦੁਤਿਯਪਟਿਲਾਭਸ੍ਸਾਪਿ ਪਟਿਲਾਭਟ੍ਠਾਨੇ ਪવਿਸਨਤੋ વਾਸਤ੍ਥਾਯ ਗਮਨਟ੍ਠਾਨਤੋ ਪੁਨ ਗਮਨੇ વਿਯ। ਕਾਯਬਨ੍ਧਨਾਦੀਨਨ੍ਤਿ ਦ੍વਿਪਟਲਕਾਯਬਨ੍ਧਨਾਦੀਨਂ ਅਨ੍ਤਰੇ ਪਕ੍ਖਿਤ੍ਤਂ ਪਸਿਬ੍ਬਕੇ ਪਕ੍ਖਿਤ੍ਤਸਦਿਸਂ, ਨ ਕਤਭਣ੍ਡਨ੍ਤਿ વੁਤ੍ਤਂ, ਤਥਾ ਨਿਧਾਨਮੁਖਨ੍ਤਿ। ਅਕਤਭਣ੍ਡਤਾ, ਪਠਮਪ੍ਪਟਿਲਾਭੋ, ਤਿਯੋਜਨਾਤਿਕ੍ਕਮਨਂ, ਆਹਰਣਪਚ੍ਚਾਹਰਣਂ, ਅવਾਸਾਧਿਪ੍ਪਾਯਤਾਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ।
575.Taṃ harantassāti paṭhamaṃ paṭilābhaṭṭhānato paṭṭhāya tiyojanato uddhaṃ harantassāti attho. Tathā harantassa hi corehi acchinditvā puna dinnaṭṭhānato tiyojanaṃ harituṃ vaṭṭati. Keci pana ‘‘mātikāṭṭhakathāyaṃ aṅgesu ‘paṭhamappaṭilābho’ti vuttattā dutiyapaṭilābhaṭṭhānato tiyojanātikkamepi anāpattī’’ti vadanti, taṃ na yuttaṃ, dutiyapaṭilābhassāpi paṭilābhaṭṭhāne pavisanato vāsatthāya gamanaṭṭhānato puna gamane viya. Kāyabandhanādīnanti dvipaṭalakāyabandhanādīnaṃ antare pakkhittaṃ pasibbake pakkhittasadisaṃ, na katabhaṇḍanti vuttaṃ, tathā nidhānamukhanti. Akatabhaṇḍatā, paṭhamappaṭilābho, tiyojanātikkamanaṃ, āharaṇapaccāharaṇaṃ, avāsādhippāyatāti imānettha pañca aṅgāni.
ਏਲ਼ਕਲੋਮਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Eḷakalomasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੬. ਏਲ਼ਕਲੋਮਸਿਕ੍ਖਾਪਦਂ • 6. Eḷakalomasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੬. ਏਲ਼ਕਲੋਮਸਿਕ੍ਖਾਪਦવਣ੍ਣਨਾ • 6. Eḷakalomasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਏਲ਼ਕਲੋਮਸਿਕ੍ਖਾਪਦવਣ੍ਣਨਾ • 6. Eḷakalomasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੬. ਏਲ਼ਕਲੋਮਸਿਕ੍ਖਾਪਦવਣ੍ਣਨਾ • 6. Eḷakalomasikkhāpadavaṇṇanā
