| Library / Tipiṭaka / திபிடக • Tipiṭaka / த்³வேமாதிகாபாளி • Dvemātikāpāḷi |
2. ஏளகலோமவக்³கோ³
2. Eḷakalomavaggo
1. கோஸியஸிக்கா²பத³வண்ணனா
1. Kosiyasikkhāpadavaṇṇanā
ஏளகலோமவக்³க³ஸ்ஸ பட²மே கோஸியமிஸ்ஸகந்தி ஏகேனாபி கோஸியங்ஸுனா அந்தமஸோ தஸ்ஸ கரணட்டா²னே வாதவேகே³ன நிபாதிதேனாபி மிஸ்ஸீகதங். ஸந்த²தந்தி ஸமே பூ⁴மிபா⁴கே³ கோஸியங்ஸூனி உபரூபரி ஸந்த²ரித்வா கஞ்ஜியாதீ³ஹி ஸிஞ்சித்வா கத்தப்³ப³தாலக்க²ணங். காராபெய்ய நிஸ்ஸக்³கி³யந்தி கரணகாராபனப்பயோகே³ஸு து³க்கடங், படிலாபே⁴ன நிஸ்ஸக்³கி³யங் ஹோதி. எத்த² ச ‘‘இத³ங் மே, ப⁴ந்தே, கோஸியமிஸ்ஸகங் ஸந்த²தங் காராபிதங் நிஸ்ஸக்³கி³ய’’ந்தி (பாரா॰ 544) இமினா நயேன நிஸ்ஸஜ்ஜனவிதா⁴னங் வேதி³தப்³ப³ங், இமஸ்ஸேவ வசனஸ்ஸ அனுஸாரேன இதோ பரங் ஸப்³ப³ஸந்த²தங் வேதி³தப்³ப³ங். ஸக்கா ஹி எத்தாவதா ஜானிதுந்தி ந தங் இதோ பரங் த³ஸ்ஸயிஸ்ஸாம.
Eḷakalomavaggassa paṭhame kosiyamissakanti ekenāpi kosiyaṃsunā antamaso tassa karaṇaṭṭhāne vātavegena nipātitenāpi missīkataṃ. Santhatanti same bhūmibhāge kosiyaṃsūni uparūpari santharitvā kañjiyādīhi siñcitvā kattabbatālakkhaṇaṃ. Kārāpeyya nissaggiyanti karaṇakārāpanappayogesu dukkaṭaṃ, paṭilābhena nissaggiyaṃ hoti. Ettha ca ‘‘idaṃ me, bhante, kosiyamissakaṃ santhataṃ kārāpitaṃ nissaggiya’’nti (pārā. 544) iminā nayena nissajjanavidhānaṃ veditabbaṃ, imasseva vacanassa anusārena ito paraṃ sabbasanthataṃ veditabbaṃ. Sakkā hi ettāvatā jānitunti na taṃ ito paraṃ dassayissāma.
ஆளவியங் ச²ப்³ப³க்³கி³யே ஆரப்³ப⁴ கோஸியமிஸ்ஸகங் ஸந்த²தங் காராபனவத்து²ஸ்மிங் பஞ்ஞத்தங், அஸாதா⁴ரணபஞ்ஞத்தி, அத்தனோ அத்தா²ய காராபனவஸேன ஸாணத்திகங், அத்தனா விப்பகதபஅயோஸாபனநயேன சதுக்கபாசித்தியங், அஞ்ஞஸ்ஸத்தா²ய கரணகாராபனேஸு அஞ்ஞேன கதங் படிலபி⁴த்வா பரிபு⁴ஞ்ஜனே ச து³க்கடங். விதானாதி³கரணே, உம்மத்தகாதீ³னஞ்ச அனாபத்தி. கோஸியமிஸ்ஸகபா⁴வோ, அத்தனோ அத்தா²ய ஸந்த²தஸ்ஸ கரணகாராபனங், படிலாபோ⁴ சாதி இமானெத்த² தீணி அங்கா³னி. ஸமுட்டா²னாதீ³னி தோ⁴வாபனஸிக்கா²பதே³ வுத்தனயேனேவாதி.
Āḷaviyaṃ chabbaggiye ārabbha kosiyamissakaṃ santhataṃ kārāpanavatthusmiṃ paññattaṃ, asādhāraṇapaññatti, attano atthāya kārāpanavasena sāṇattikaṃ, attanā vippakatapaayosāpananayena catukkapācittiyaṃ, aññassatthāya karaṇakārāpanesu aññena kataṃ paṭilabhitvā paribhuñjane ca dukkaṭaṃ. Vitānādikaraṇe, ummattakādīnañca anāpatti. Kosiyamissakabhāvo, attano atthāya santhatassa karaṇakārāpanaṃ, paṭilābho cāti imānettha tīṇi aṅgāni. Samuṭṭhānādīni dhovāpanasikkhāpade vuttanayenevāti.
கோஸியஸிக்கா²பத³வண்ணனா நிட்டி²தா.
Kosiyasikkhāpadavaṇṇanā niṭṭhitā.
2. ஸுத்³த⁴காளகஸிக்கா²பத³வண்ணனா
2. Suddhakāḷakasikkhāpadavaṇṇanā
து³தியே ஸுத்³த⁴காளகானந்தி ஸுத்³தா⁴னங் காளகானங் அஞ்ஞேஹி அமிஸ்ஸீகதானங். வேஸாலியங் ச²ப்³ப³க்³கி³யே ஆரப்³ப⁴ தாதி³ஸங் ஸந்த²தங் கரணவத்து²ஸ்மிங் பஞ்ஞத்தங், ஸேஸங் பட²மஸதி³ஸமேவாதி.
Dutiye suddhakāḷakānanti suddhānaṃ kāḷakānaṃ aññehi amissīkatānaṃ. Vesāliyaṃ chabbaggiye ārabbha tādisaṃ santhataṃ karaṇavatthusmiṃ paññattaṃ, sesaṃ paṭhamasadisamevāti.
ஸுத்³த⁴காளகஸிக்கா²பத³வண்ணனா நிட்டி²தா.
Suddhakāḷakasikkhāpadavaṇṇanā niṭṭhitā.
3. த்³வேபா⁴க³ஸிக்கா²பத³வண்ணனா
3. Dvebhāgasikkhāpadavaṇṇanā
ததியே த்³வே பா⁴கா³தி த்³வே கொட்டா²ஸா. ஆதா³தப்³பா³தி க³ஹேதப்³பா³. கோ³சரியானந்தி கபிலவண்ணானங். அயங் பனெத்த² வினிச்ச²யோ – யத்தகேஹி கத்துகாமோ ஹோதி, தேஸு துலயித்வா த்³வே கொட்டா²ஸா காளகானங் க³ஹேதப்³பா³, ஏகோ ஓதா³தானங், ஏகோ கோ³சரியானங். ஏகஸ்ஸாபி காளகலோமஸ்ஸ அதிரேகபா⁴வே நிஸ்ஸக்³கி³யங் ஹோதி, ஊனகங் வட்டதி.
Tatiye dve bhāgāti dve koṭṭhāsā. Ādātabbāti gahetabbā. Gocariyānanti kapilavaṇṇānaṃ. Ayaṃ panettha vinicchayo – yattakehi kattukāmo hoti, tesu tulayitvā dve koṭṭhāsā kāḷakānaṃ gahetabbā, eko odātānaṃ, eko gocariyānaṃ. Ekassāpi kāḷakalomassa atirekabhāve nissaggiyaṃ hoti, ūnakaṃ vaṭṭati.
ஸாவத்தி²யங் ச²ப்³ப³க்³கி³யே ஆரப்³ப⁴ தாதி³ஸங் ஸந்த²தங் கரணவத்து²ஸ்மிங் பஞ்ஞத்தங், கிரியாகிரியங், ஸேஸங் பட²மஸதி³ஸமேவாதி. இமானி பன தீணி நிஸ்ஸஜ்ஜித்வா படிலத்³தா⁴னிபி பரிபு⁴ஞ்ஜிதுங் ந வட்டந்தி.
Sāvatthiyaṃ chabbaggiye ārabbha tādisaṃ santhataṃ karaṇavatthusmiṃ paññattaṃ, kiriyākiriyaṃ, sesaṃ paṭhamasadisamevāti. Imāni pana tīṇi nissajjitvā paṭiladdhānipi paribhuñjituṃ na vaṭṭanti.
த்³வேபா⁴க³ஸிக்கா²பத³வண்ணனா நிட்டி²தா.
Dvebhāgasikkhāpadavaṇṇanā niṭṭhitā.
4. ச²ப்³ப³ஸ்ஸஸிக்கா²பத³வண்ணனா
4. Chabbassasikkhāpadavaṇṇanā
சதுத்தே² ஓரேன சே ச²ன்னங் வஸ்ஸானந்தி ச²ன்னங் வஸ்ஸானங் ஓரிமபா⁴கே³, அந்தோதி அத்தோ². அஞ்ஞத்ர பி⁴க்கு²ஸம்முதியாதி யங் ஸங்கோ⁴ கி³லானஸ்ஸ பி⁴க்கு²னோ ஸந்த²தஸம்முதிங் தே³தி, தங் ட²பெத்வா அலத்³த⁴ஸம்முதிகஸ்ஸ ச²ப்³ப³ஸ்ஸப்³ப⁴ந்தரே அஞ்ஞங் ஸந்த²தங் கரொந்தஸ்ஸ நிஸ்ஸக்³கி³யங் ஹோதி.
Catutthe orena ce channaṃ vassānanti channaṃ vassānaṃ orimabhāge, antoti attho. Aññatra bhikkhusammutiyāti yaṃ saṅgho gilānassa bhikkhuno santhatasammutiṃ deti, taṃ ṭhapetvā aladdhasammutikassa chabbassabbhantare aññaṃ santhataṃ karontassa nissaggiyaṃ hoti.
ஸாவத்தி²யங் ஸம்ப³ஹுலே பி⁴க்கூ² ஆரப்³ப⁴ அனுவஸ்ஸங் ஸந்த²தங் காராபனவத்து²ஸ்மிங் பஞ்ஞத்தங், ‘‘அஞ்ஞத்ர பி⁴க்கு²ஸம்முதியா’’தி அயமெத்த² அனுபஞ்ஞத்தி, ஸா யேன லத்³தா⁴ ஹோதி, தஸ்ஸ யாவ ரோகோ³ ந வூபஸம்மதி, வூபஸந்தோ வா புன குப்பதி, தாவ க³தக³தட்டா²னே அனுவஸ்ஸம்பி காதுங் வட்டதி, அஞ்ஞஸ்ஸத்தா²ய காரேதுங், கதஞ்ச படிலபி⁴த்வா பரிபு⁴ஞ்ஜிதும்பி வட்டதி, ஸேஸங் பட²மஸதி³ஸமேவாதி.
Sāvatthiyaṃ sambahule bhikkhū ārabbha anuvassaṃ santhataṃ kārāpanavatthusmiṃ paññattaṃ, ‘‘aññatra bhikkhusammutiyā’’ti ayamettha anupaññatti, sā yena laddhā hoti, tassa yāva rogo na vūpasammati, vūpasanto vā puna kuppati, tāva gatagataṭṭhāne anuvassampi kātuṃ vaṭṭati, aññassatthāya kāretuṃ, katañca paṭilabhitvā paribhuñjitumpi vaṭṭati, sesaṃ paṭhamasadisamevāti.
ச²ப்³ப³ஸ்ஸஸிக்கா²பத³வண்ணனா நிட்டி²தா.
Chabbassasikkhāpadavaṇṇanā niṭṭhitā.
5. நிஸீத³னஸிக்கா²பத³வண்ணனா
5. Nisīdanasikkhāpadavaṇṇanā
பஞ்சமே புராணஸந்த²தங் நாம யத்த² ஸகிம்பி நிஸின்னோ வா ஹோதி நிபன்னோ வா. ஸமந்தாதி ஏகபஸ்ஸதோ வட்டங் வா சதுரஸ்ஸங் வா சி²ந்தி³த்வா க³ஹிதட்டா²னங் யதா² வித³த்தி²மத்தங் ஹோதி, ஏவங் க³ஹேதப்³ப³ங். ஸந்த²ரந்தேன பன ஏகதே³ஸே வா ஸந்த²ரிதப்³ப³ங், விஜடெத்வா வா மிஸ்ஸகங் கத்வா ஸந்த²ரிதப்³ப³ங், ஏவங் தி²ரதரங் ஹோதி. அனாதா³ சேதி ஸதி புராணஸந்த²தே அக்³க³ஹெத்வா. அஸதி பன அக்³க³ஹெத்வாபி வட்டதி, அஞ்ஞஸ்ஸத்தா²ய காரேதுங், கதஞ்ச படிலபி⁴த்வா பரிபு⁴ஞ்ஜிதும்பி வட்டதி.
Pañcame purāṇasanthataṃ nāma yattha sakimpi nisinno vā hoti nipanno vā. Samantāti ekapassato vaṭṭaṃ vā caturassaṃ vā chinditvā gahitaṭṭhānaṃ yathā vidatthimattaṃ hoti, evaṃ gahetabbaṃ. Santharantena pana ekadese vā santharitabbaṃ, vijaṭetvā vā missakaṃ katvā santharitabbaṃ, evaṃ thirataraṃ hoti. Anādā ceti sati purāṇasanthate aggahetvā. Asati pana aggahetvāpi vaṭṭati, aññassatthāya kāretuṃ, katañca paṭilabhitvā paribhuñjitumpi vaṭṭati.
ஸாவத்தி²யங் ஸம்ப³ஹுலே பி⁴க்கூ² ஆரப்³ப⁴ ஸந்த²தவிஸ்ஸஜ்ஜனவத்து²ஸ்மிங் பஞ்ஞத்தங், ஸேஸங் ததியஸதி³ஸமேவாதி.
Sāvatthiyaṃ sambahule bhikkhū ārabbha santhatavissajjanavatthusmiṃ paññattaṃ, sesaṃ tatiyasadisamevāti.
நிஸீத³னஸிக்கா²பத³வண்ணனா நிட்டி²தா.
Nisīdanasikkhāpadavaṇṇanā niṭṭhitā.
6. ஏளகலோமஸிக்கா²பத³வண்ணனா
6. Eḷakalomasikkhāpadavaṇṇanā
ச²ட்டே² அத்³தா⁴னமக்³க³ப்படிபன்னஸ்ஸாதி அத்³தா⁴னஸங்கா²தங் தீ³க⁴மக்³க³ங் படிபன்னஸ்ஸ, ஸப்³ப³ஞ்சேதங் வத்து²மத்ததீ³பனமேவ, யத்த² கத்த²சி பன த⁴ம்மேன லபி⁴த்வா க³ண்ஹதோ தோ³ஸோ நத்தி². தியோஜனபரமந்தி க³ஹிதட்டா²னதோ தியோஜனப்பமாணங் தே³ஸங். ஸஹத்தா²தி ஸஹத்தே²ன, அத்தனா ஹரிதப்³பா³னீதி அத்தோ². அஸந்தே ஹாரகேதி அஸந்தேயேவ அஞ்ஞஸ்மிம்பி ஹாரகே. ஸசே பன அத்தி², தங் கா³ஹேதுங் வட்டதி. அத்தனா பன அந்தமஸோ வாதாபா³த⁴ப்படிகாரத்த²ங் ஸுத்தகேன அப³ந்தி⁴த்வா கண்ணச்சி²த்³தே³ பக்கி²த்தானிபி ஆதா³ய தியோஜனங் ஏகங் பாத³ங் அதிக்காமெந்தஸ்ஸ து³க்கடங், து³தியபாதா³திக்கமே நிஸ்ஸக்³கி³யங் பாசித்தியங்.
Chaṭṭhe addhānamaggappaṭipannassāti addhānasaṅkhātaṃ dīghamaggaṃ paṭipannassa, sabbañcetaṃ vatthumattadīpanameva, yattha katthaci pana dhammena labhitvā gaṇhato doso natthi. Tiyojanaparamanti gahitaṭṭhānato tiyojanappamāṇaṃ desaṃ. Sahatthāti sahatthena, attanā haritabbānīti attho. Asante hāraketi asanteyeva aññasmimpi hārake. Sace pana atthi, taṃ gāhetuṃ vaṭṭati. Attanā pana antamaso vātābādhappaṭikāratthaṃ suttakena abandhitvā kaṇṇacchidde pakkhittānipi ādāya tiyojanaṃ ekaṃ pādaṃ atikkāmentassa dukkaṭaṃ, dutiyapādātikkame nissaggiyaṃ pācittiyaṃ.
ஸாவத்தி²யங் அஞ்ஞதரங் பி⁴க்கு²ங் ஆரப்³ப⁴ தியோஜனாதிக்கமனவத்து²ஸ்மிங் பஞ்ஞத்தங், அஸாதா⁴ரணபஞ்ஞத்தி, அனாணத்திகங், திகபாசித்தியங், ஊனகதியோஜனே அதிரேகஸஞ்ஞினோ வேமதிகஸ்ஸ வா து³க்கடங். தியோஜனங் ஹரணபச்சாஹரணே, வாஸாதி⁴ப்பாயேன க³ந்த்வா ததோ பரங் ஹரணே, அச்சி²ன்னங் வா நிஸ்ஸட்ட²ங் வா படிலபி⁴த்வா ஹரணே, அஞ்ஞங் ஹராபனே, அந்தமஸோ ஸுத்தகேனபி ப³த்³த⁴கதப⁴ண்ட³ஹரணே, உம்மத்தகாதீ³னஞ்ச அனாபத்தி. ஏளகலோமானங் அகதப⁴ண்ட³தா, பட²மப்படிலாபோ⁴, அத்தனா ஆதா³ய வா அஞ்ஞஸ்ஸ அஜானந்தஸ்ஸ யானே பக்கி²பித்வா வா தியோஜனாதிக்கமனங், ஆஹரணபச்சாஹரணங், அவாஸாதி⁴ப்பாயதாதி இமானெத்த² பஞ்ச அங்கா³னி. ஏளகலோமஸமுட்டா²னங் , கிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், திசித்தங், திவேத³னந்தி.
Sāvatthiyaṃ aññataraṃ bhikkhuṃ ārabbha tiyojanātikkamanavatthusmiṃ paññattaṃ, asādhāraṇapaññatti, anāṇattikaṃ, tikapācittiyaṃ, ūnakatiyojane atirekasaññino vematikassa vā dukkaṭaṃ. Tiyojanaṃ haraṇapaccāharaṇe, vāsādhippāyena gantvā tato paraṃ haraṇe, acchinnaṃ vā nissaṭṭhaṃ vā paṭilabhitvā haraṇe, aññaṃ harāpane, antamaso suttakenapi baddhakatabhaṇḍaharaṇe, ummattakādīnañca anāpatti. Eḷakalomānaṃ akatabhaṇḍatā, paṭhamappaṭilābho, attanā ādāya vā aññassa ajānantassa yāne pakkhipitvā vā tiyojanātikkamanaṃ, āharaṇapaccāharaṇaṃ, avāsādhippāyatāti imānettha pañca aṅgāni. Eḷakalomasamuṭṭhānaṃ , kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ஏளகலோமஸிக்கா²பத³வண்ணனா நிட்டி²தா.
Eḷakalomasikkhāpadavaṇṇanā niṭṭhitā.
7. ஏளகலோமதோ⁴வாபனஸிக்கா²பத³வண்ணனா
7. Eḷakalomadhovāpanasikkhāpadavaṇṇanā
ஸத்தமே ஸக்கேஸு ச²ப்³ப³க்³கி³யே ஆரப்³ப⁴ ஏளகலோமதோ⁴வாபனவத்து²ஸ்மிங் பஞ்ஞத்தங். தத்த² புராணசீவரதோ⁴வாபனே வுத்தனயேனேவ ஸப்³போ³பி வினிச்ச²யோ வேதி³தப்³போ³.
Sattame sakkesu chabbaggiye ārabbha eḷakalomadhovāpanavatthusmiṃ paññattaṃ. Tattha purāṇacīvaradhovāpane vuttanayeneva sabbopi vinicchayo veditabbo.
ஏளகலோமதோ⁴வாபனஸிக்கா²பத³வண்ணனா நிட்டி²தா.
Eḷakalomadhovāpanasikkhāpadavaṇṇanā niṭṭhitā.
8. ஜாதரூபஸிக்கா²பத³வண்ணனா
8. Jātarūpasikkhāpadavaṇṇanā
அட்ட²மே ஜாதரூபரஜதந்தி ஸுவண்ணஞ்சேவ ரூபியஞ்ச, அபிச கஹாபணோ லோஹமாஸகதா³ருமாஸகஜதுமாஸகாத³யோபி யே வோஹாரங் க³ச்ச²ந்தி, ஸப்³பே³ தே இத⁴ ரஜதந்த்வேவ வுத்தா. உக்³க³ண்ஹெய்ய வாதி அத்தனோ அத்தா²ய தி³ய்யமானங் வா யத்த²கத்த²சி டி²தங் வா நிப்பரிக்³க³ஹிதங் தி³ஸ்வா ஸயங் க³ண்ஹெய்ய வா. உக்³க³ண்ஹாபெய்ய வாதி ததே³வ அஞ்ஞேன கா³ஹாபெய்ய வா. உபனிக்கி²த்தங் வா ஸாதி³யெய்யாதி ‘‘இத³ங் அய்யஸ்ஸ ஹோதூ’’தி ஏவங் ஸம்முகா² வா, ‘‘அஸுகஸ்மிங் நாம டா²னே மம ஹிரஞ்ஞஸுவண்ணங், தங் துய்ஹங் ஹோதூ’’தி ஏவங் பரம்முகா² டி²தங் வா கேவலங் வாசாய வா ஹத்த²முத்³தா³ய வா ‘‘துய்ஹ’’ந்தி வத்வா பரிச்சத்தங் யோ காயவாசாஹி அப்படிக்கி²பித்வா சித்தேன அதி⁴வாஸெய்ய, அயங் ‘‘ஸாதி³யெய்யா’’தி வுச்சதி. ஸசே பன சித்தேன ஸாதி³யதி, க³ண்ஹிதுகாமோ ஹோதி, காயேன வா வாசாய வா ‘‘நயித³ங் கப்பதீ’’தி படிக்கி²பதி, காயவாசாஹி அப்படிக்கி²பித்வா ஸுத்³த⁴சித்தோ ஹுத்வா ‘‘நயித³ங் அம்ஹாகங் கப்பதீ’’தி ந ஸாதி³யதி, வட்டதி. நிஸ்ஸக்³கி³யந்தி உக்³க³ஹணாதீ³ஸு யங்கிஞ்சி கரொந்தஸ்ஸ அக⁴னப³த்³தே⁴ஸு வத்தூ²ஸு வத்து²க³ணனாய நிஸ்ஸக்³கி³யங் பாசித்தியங். தங் நிஸ்ஸஜ்ஜந்தேன ‘‘அஹங், ப⁴ந்தே, ரூபியங் படிக்³க³ஹேஸிங், இத³ங் மே, ப⁴ந்தே, நிஸ்ஸக்³கி³யங், இமாஹங் ஸங்க⁴ஸ்ஸ நிஸ்ஸஜ்ஜாமீ’’தி (பாரா॰ 584) ஏவங் ஸங்க⁴மஜ்ஜே²யேவ நிஸ்ஸஜ்ஜிதப்³ப³ங். ஸசே தத்த² கோசி க³ஹட்டோ² ஆக³ச்ச²தி , ‘‘இத³ங் ஜானாஹீ’’தி வத்தப்³போ³. ‘‘இமினா கிங் ஆஹரிய்யதூ’’தி ப⁴ணந்தே பன ‘‘இத³ங் நாமா’’தி அவத்வா ‘‘ஸப்பிஆதீ³னி பி⁴க்கூ²னங் கப்பந்தீ’’தி ஏவங் கப்பியங் ஆசிக்கி²தப்³ப³ங். ஸசே ஸோ ஆஹரதி, ரூபியப்படிக்³கா³ஹகங் ட²பெத்வா ஸப்³பே³ஹி பா⁴ஜெத்வா பரிபு⁴ஞ்ஜிதப்³ப³ங். ரூபியப்படிக்³கா³ஹகஸ்ஸ பன யங் தப்பச்சயா உப்பன்னங், தங் அஞ்ஞேன லபி⁴த்வா தி³ய்யமானம்பி அந்தமஸோ ததோ நிப்³ப³த்தருக்க²ச்சா²யாபி பரிபு⁴ஞ்ஜிதுங் ந வட்டதி. ஸசே பன ஸோ கிஞ்சி ஆஹரிதுங் ந இச்ச²தி, ‘‘இமங் ச²ட்டேஹீ’’தி வத்தப்³போ³. ஸசே யத்த² கத்த²சி நிக்கி²பதி, க³ஹெத்வா வா க³ச்ச²தி, ந வாரேதப்³போ³. நோ சே ச²ட்டேதி, பஞ்சங்க³ஸமன்னாக³தோ பி⁴க்கு² ரூபியச²ட்டகோ ஸம்மன்னிதப்³போ³. தேன அனிமித்தங் கத்வாவ கூ³த²ங் விய ச²ட்டேதப்³ப³ங். ஸசே நிமித்தங் கரோதி, து³க்கடங் ஆபஜ்ஜதி.
Aṭṭhame jātarūparajatanti suvaṇṇañceva rūpiyañca, apica kahāpaṇo lohamāsakadārumāsakajatumāsakādayopi ye vohāraṃ gacchanti, sabbe te idha rajatantveva vuttā. Uggaṇheyya vāti attano atthāya diyyamānaṃ vā yatthakatthaci ṭhitaṃ vā nippariggahitaṃ disvā sayaṃ gaṇheyya vā. Uggaṇhāpeyya vāti tadeva aññena gāhāpeyya vā. Upanikkhittaṃ vā sādiyeyyāti ‘‘idaṃ ayyassa hotū’’ti evaṃ sammukhā vā, ‘‘asukasmiṃ nāma ṭhāne mama hiraññasuvaṇṇaṃ, taṃ tuyhaṃ hotū’’ti evaṃ parammukhā ṭhitaṃ vā kevalaṃ vācāya vā hatthamuddāya vā ‘‘tuyha’’nti vatvā pariccattaṃ yo kāyavācāhi appaṭikkhipitvā cittena adhivāseyya, ayaṃ ‘‘sādiyeyyā’’ti vuccati. Sace pana cittena sādiyati, gaṇhitukāmo hoti, kāyena vā vācāya vā ‘‘nayidaṃ kappatī’’ti paṭikkhipati, kāyavācāhi appaṭikkhipitvā suddhacitto hutvā ‘‘nayidaṃ amhākaṃ kappatī’’ti na sādiyati, vaṭṭati. Nissaggiyanti uggahaṇādīsu yaṃkiñci karontassa aghanabaddhesu vatthūsu vatthugaṇanāya nissaggiyaṃ pācittiyaṃ. Taṃ nissajjantena ‘‘ahaṃ, bhante, rūpiyaṃ paṭiggahesiṃ, idaṃ me, bhante, nissaggiyaṃ, imāhaṃ saṅghassa nissajjāmī’’ti (pārā. 584) evaṃ saṅghamajjheyeva nissajjitabbaṃ. Sace tattha koci gahaṭṭho āgacchati , ‘‘idaṃ jānāhī’’ti vattabbo. ‘‘Iminā kiṃ āhariyyatū’’ti bhaṇante pana ‘‘idaṃ nāmā’’ti avatvā ‘‘sappiādīni bhikkhūnaṃ kappantī’’ti evaṃ kappiyaṃ ācikkhitabbaṃ. Sace so āharati, rūpiyappaṭiggāhakaṃ ṭhapetvā sabbehi bhājetvā paribhuñjitabbaṃ. Rūpiyappaṭiggāhakassa pana yaṃ tappaccayā uppannaṃ, taṃ aññena labhitvā diyyamānampi antamaso tato nibbattarukkhacchāyāpi paribhuñjituṃ na vaṭṭati. Sace pana so kiñci āharituṃ na icchati, ‘‘imaṃ chaṭṭehī’’ti vattabbo. Sace yattha katthaci nikkhipati, gahetvā vā gacchati, na vāretabbo. No ce chaṭṭeti, pañcaṅgasamannāgato bhikkhu rūpiyachaṭṭako sammannitabbo. Tena animittaṃ katvāva gūthaṃ viya chaṭṭetabbaṃ. Sace nimittaṃ karoti, dukkaṭaṃ āpajjati.
ராஜக³ஹே உபனந்த³ங் ஆரப்³ப⁴ ரூபியப்படிக்³க³ஹணவத்து²ஸ்மிங் பஞ்ஞத்தங், ஸாதா⁴ரணபஞ்ஞத்தி, ஸாணத்திகங், திகபாசித்தியங், அரூபியே ரூபியஸஞ்ஞினோ வேமதிகஸ்ஸ வா, ஸங்க⁴சேதியாதீ³னங் அத்தா²ய க³ண்ஹந்தஸ்ஸ, முத்தாமணிஆதி³ப்படிக்³க³ஹணே ச து³க்கடங். ரதனஸிக்கா²பத³னயேன நிக்கி²பந்தஸ்ஸ, உம்மத்தகாதீ³னஞ்ச அனாபத்தி. ஜாதரூபரஜதபா⁴வோ, அத்துத்³தே³ஸிகதா, க³ஹணாதீ³ஸு அஞ்ஞதரபா⁴வோதி இமானெத்த² தீணி அங்கா³னி. ஸமுட்டா²னாதீ³ஸு ஸியா கிரியங் க³ஹணேன ஆபஜ்ஜனதோ, ஸியா அகிரியங் படிக்கே²பஸ்ஸ அகரணதோ, ஸேஸங் ஸஞ்சரித்தே வுத்தனயமேவாதி.
Rājagahe upanandaṃ ārabbha rūpiyappaṭiggahaṇavatthusmiṃ paññattaṃ, sādhāraṇapaññatti, sāṇattikaṃ, tikapācittiyaṃ, arūpiye rūpiyasaññino vematikassa vā, saṅghacetiyādīnaṃ atthāya gaṇhantassa, muttāmaṇiādippaṭiggahaṇe ca dukkaṭaṃ. Ratanasikkhāpadanayena nikkhipantassa, ummattakādīnañca anāpatti. Jātarūparajatabhāvo, attuddesikatā, gahaṇādīsu aññatarabhāvoti imānettha tīṇi aṅgāni. Samuṭṭhānādīsu siyā kiriyaṃ gahaṇena āpajjanato, siyā akiriyaṃ paṭikkhepassa akaraṇato, sesaṃ sañcaritte vuttanayamevāti.
ஜாதரூபஸிக்கா²பத³வண்ணனா நிட்டி²தா.
Jātarūpasikkhāpadavaṇṇanā niṭṭhitā.
9. ரூபியஸங்வோஹாரஸிக்கா²பத³வண்ணனா
9. Rūpiyasaṃvohārasikkhāpadavaṇṇanā
நவமே நானப்பகாரகந்தி கதாதி³வஸேன அனேகவித⁴ங். ரூபியஸங்வோஹாரந்தி ஜாதரூபரஜதபரிவத்தனங். புரிமஸிக்கா²பதே³ன ஹி நிஸ்ஸக்³கி³யவத்து²து³க்கடவத்தூ²னங் படிக்³க³ஹணங் வாரிதங், இமினா பரிவத்தனங். தஸ்மா து³க்கடவத்து²னா து³க்கடவத்து²கப்பியவத்தூ²னி, கப்பியவத்து²னா ச து³க்கடவத்து²ங் பரிவத்தெந்தஸ்ஸ து³க்கடங். நிஸ்ஸக்³கி³யவத்து²னா பன நிஸ்ஸக்³கி³யவத்து²ங் வா து³க்கடவத்து²ங் வா கப்பியவத்து²ங் வா, து³க்கடவத்து²கப்பியவத்தூ²ஹி ச நிஸ்ஸக்³கி³யவத்து²ங் பரிவத்தெந்தஸ்ஸ நிஸ்ஸக்³கி³யங் ஹோதி, தங் புரிமனயானுஸாரேனேவ ஸங்க⁴மஜ்ஜே² நிஸ்ஸஜ்ஜிதப்³ப³ங், நிஸ்ஸட்ட²வத்து²ஸ்மிஞ்ச தத்த² வுத்தனயேனேவ படிபஜ்ஜிதப்³ப³ங்.
Navame nānappakārakanti katādivasena anekavidhaṃ. Rūpiyasaṃvohāranti jātarūparajataparivattanaṃ. Purimasikkhāpadena hi nissaggiyavatthudukkaṭavatthūnaṃ paṭiggahaṇaṃ vāritaṃ, iminā parivattanaṃ. Tasmā dukkaṭavatthunā dukkaṭavatthukappiyavatthūni, kappiyavatthunā ca dukkaṭavatthuṃ parivattentassa dukkaṭaṃ. Nissaggiyavatthunā pana nissaggiyavatthuṃ vā dukkaṭavatthuṃ vā kappiyavatthuṃ vā, dukkaṭavatthukappiyavatthūhi ca nissaggiyavatthuṃ parivattentassa nissaggiyaṃ hoti, taṃ purimanayānusāreneva saṅghamajjhe nissajjitabbaṃ, nissaṭṭhavatthusmiñca tattha vuttanayeneva paṭipajjitabbaṃ.
ஸாவத்தி²யங் ச²ப்³ப³க்³கி³யே ஆரப்³ப⁴ ரூபியஸங்வோஹாரவத்து²ஸ்மிங் பஞ்ஞத்தங், ஸாதா⁴ரணபஞ்ஞத்தி, அனாணத்திகங், யங் அத்தனோ த⁴னேன பரிவத்தேதி, தஸ்ஸ வா த⁴னஸ்ஸ வா ரூபியபா⁴வோ சேவ, பரிவத்தனஞ்சாதி இமானெத்த² த்³வே அங்கா³னி. கிரியங், ஸேஸங் அனந்தரஸிக்கா²பதே³ வுத்தனயமேவாதி.
Sāvatthiyaṃ chabbaggiye ārabbha rūpiyasaṃvohāravatthusmiṃ paññattaṃ, sādhāraṇapaññatti, anāṇattikaṃ, yaṃ attano dhanena parivatteti, tassa vā dhanassa vā rūpiyabhāvo ceva, parivattanañcāti imānettha dve aṅgāni. Kiriyaṃ, sesaṃ anantarasikkhāpade vuttanayamevāti.
ரூபியஸங்வோஹாரஸிக்கா²பத³வண்ணனா நிட்டி²தா.
Rūpiyasaṃvohārasikkhāpadavaṇṇanā niṭṭhitā.
10. கயவிக்கயஸிக்கா²பத³வண்ணனா
10. Kayavikkayasikkhāpadavaṇṇanā
த³ஸமே நானப்பகாரகந்தி சீவராதீ³னங் கப்பியப⁴ண்டா³னங் வஸேன அனேகவித⁴ங். கயவிக்கயந்தி கயஞ்சேவ விக்கயஞ்ச. ‘‘இமினா இமங் தே³ஹி, இமங் ஆஹர, பரிவத்தேஹி, சேதாபேஹீ’’தி இமினா ஹி நயேன பரஸ்ஸ கப்பியப⁴ண்ட³ங் க³ண்ஹந்தோ கயங் ஸமாபஜ்ஜதி, அத்தனோ கப்பியப⁴ண்ட³ங் தெ³ந்தோ விக்கயங் ஸமாபஜ்ஜதி. தஸ்மா ட²பெத்வா பஞ்ச ஸஹத⁴ம்மிகே யங் ஏவங் அத்தனோ கப்பியப⁴ண்ட³ங் த³த்வா மாது ஸந்தகம்பி கப்பியப⁴ண்ட³ங் க³ண்ஹாதி, தங் நிஸ்ஸக்³கி³யங் ஹோதி. வுத்தலக்க²ணவஸேன ஸங்க⁴க³ணபுக்³க³லேஸு யஸ்ஸ கஸ்ஸசி நிஸ்ஸஜ்ஜிதப்³ப³ங், ‘‘இமங் பு⁴ஞ்ஜித்வா வா க³ஹெத்வா வா இத³ங் நாம ஆஹர வா கரோஹி வா’’தி ரஜனாதி³ங் ஆஹராபெத்வா வா த⁴மகரணாதி³பரிக்கா²ரங் பூ⁴மிஸோத⁴னாதி³ஞ்ச நவகம்மங் காரெத்வா வா ஸந்தங் வத்து² நிஸ்ஸஜ்ஜிதப்³ப³ங், அஸந்தே பாசித்தியங் தே³ஸேதப்³ப³மேவ.
Dasame nānappakārakanti cīvarādīnaṃ kappiyabhaṇḍānaṃ vasena anekavidhaṃ. Kayavikkayanti kayañceva vikkayañca. ‘‘Iminā imaṃ dehi, imaṃ āhara, parivattehi, cetāpehī’’ti iminā hi nayena parassa kappiyabhaṇḍaṃ gaṇhanto kayaṃ samāpajjati, attano kappiyabhaṇḍaṃ dento vikkayaṃ samāpajjati. Tasmā ṭhapetvā pañca sahadhammike yaṃ evaṃ attano kappiyabhaṇḍaṃ datvā mātu santakampi kappiyabhaṇḍaṃ gaṇhāti, taṃ nissaggiyaṃ hoti. Vuttalakkhaṇavasena saṅghagaṇapuggalesu yassa kassaci nissajjitabbaṃ, ‘‘imaṃ bhuñjitvā vā gahetvā vā idaṃ nāma āhara vā karohi vā’’ti rajanādiṃ āharāpetvā vā dhamakaraṇādiparikkhāraṃ bhūmisodhanādiñca navakammaṃ kāretvā vā santaṃ vatthu nissajjitabbaṃ, asante pācittiyaṃ desetabbameva.
ஸாவத்தி²யங் உபனந்த³ங் ஆரப்³ப⁴ கயவிக்கயவத்து²ஸ்மிங் பஞ்ஞத்தங், ‘‘இத³ங் கிங் அக்³க⁴தீ’’தி ஏவங் அக்³க⁴ங் புச்ச²ந்தஸ்ஸ, யஸ்ஸ ஹத்த²தோ ப⁴ண்ட³ங் க³ண்ஹிதுகாமோ ஹோதி, தங் ட²பெத்வா அஞ்ஞங் அந்தமஸோ தஸ்ஸேவ புத்தபா⁴துகம்பி கப்பியகாரகங் கத்வா ‘‘இமினா இத³ங் நாம க³ஹெத்வா தே³ஹீ’’தி ஆசிக்க²ந்தஸ்ஸ, ‘‘இத³ங் அம்ஹாகங் அத்தி², அம்ஹாகஞ்ச இமினா ச இமினா ச அத்தோ²’’தி ஏவங் வத்வா அத்தனோ த⁴னேன லத்³த⁴ங் க³ண்ஹந்தஸ்ஸ, ஸஹத⁴ம்மிகேஹி ஸத்³தி⁴ங் கயவிக்கயங் கரொந்தஸ்ஸ, உம்மத்தகாதீ³னஞ்ச அனாபத்தி. யங் அத்தனோ த⁴னேன பரிவத்தேதி, யேன ச பரிவத்தேதி, தேஸங் கப்பியவத்து²தா, அஸஹத⁴ம்மிகதா, கயவிக்கயாபஜ்ஜனஞ்சாதி இமானெத்த² தீணி அங்கா³னி. ஸேஸங் ரூபியஸங்வோஹாரே வுத்தனயமேவாதி.
Sāvatthiyaṃ upanandaṃ ārabbha kayavikkayavatthusmiṃ paññattaṃ, ‘‘idaṃ kiṃ agghatī’’ti evaṃ agghaṃ pucchantassa, yassa hatthato bhaṇḍaṃ gaṇhitukāmo hoti, taṃ ṭhapetvā aññaṃ antamaso tasseva puttabhātukampi kappiyakārakaṃ katvā ‘‘iminā idaṃ nāma gahetvā dehī’’ti ācikkhantassa, ‘‘idaṃ amhākaṃ atthi, amhākañca iminā ca iminā ca attho’’ti evaṃ vatvā attano dhanena laddhaṃ gaṇhantassa, sahadhammikehi saddhiṃ kayavikkayaṃ karontassa, ummattakādīnañca anāpatti. Yaṃ attano dhanena parivatteti, yena ca parivatteti, tesaṃ kappiyavatthutā, asahadhammikatā, kayavikkayāpajjanañcāti imānettha tīṇi aṅgāni. Sesaṃ rūpiyasaṃvohāre vuttanayamevāti.
கயவிக்கயஸிக்கா²பத³வண்ணனா நிட்டி²தா.
Kayavikkayasikkhāpadavaṇṇanā niṭṭhitā.
ஏளகலோமவக்³கோ³ து³தியோ.
Eḷakalomavaggo dutiyo.
