| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
2. зл̣агаломаваг̇г̇о
2. Eḷakalomavaggo
1. госияасигкаабад̣̇аван̣н̣анаа
1. Kosiyasikkhāpadavaṇṇanā
зл̣агаломаваг̇г̇асса батамз госияамиссаганд̇и згзнааби госияам̣сунаа анд̇амасо д̇асса гаран̣адтаанз ваад̇авзг̇зна нибаад̇ид̇знааби миссийгад̇ам̣. сант̇ад̇анд̇и самз бхуумибхааг̇з госияам̣сууни убаруубари сант̇арид̇ваа ган̃ж̇ияаад̣̇ийхи син̃жид̇ваа гад̇д̇аб̣б̣ад̇аалагкан̣ам̣. гаараабзяяа ниссаг̇г̇ияанд̇и гаран̣агаараабанаббаяог̇зсу д̣̇уггадам̣, бадилаабхзна ниссаг̇г̇ияам̣ ход̇и. зд̇т̇а жа ‘‘ид̣̇ам̣ мз, бханд̇з, госияамиссагам̣ сант̇ад̇ам̣ гаараабид̇ам̣ ниссаг̇г̇ияа’’нд̇и (баараа. 544) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣, имассзва важанасса анусаарзна ид̇о барам̣ саб̣б̣асант̇ад̇ам̣ взд̣̇ид̇аб̣б̣ам̣. саггаа хи зд̇д̇аавад̇аа ж̇аанид̇унд̇и на д̇ам̣ ид̇о барам̣ д̣̇ассаяиссаама.
Eḷakalomavaggassa paṭhame kosiyamissakanti ekenāpi kosiyaṃsunā antamaso tassa karaṇaṭṭhāne vātavegena nipātitenāpi missīkataṃ. Santhatanti same bhūmibhāge kosiyaṃsūni uparūpari santharitvā kañjiyādīhi siñcitvā kattabbatālakkhaṇaṃ. Kārāpeyya nissaggiyanti karaṇakārāpanappayogesu dukkaṭaṃ, paṭilābhena nissaggiyaṃ hoti. Ettha ca ‘‘idaṃ me, bhante, kosiyamissakaṃ santhataṃ kārāpitaṃ nissaggiya’’nti (pārā. 544) iminā nayena nissajjanavidhānaṃ veditabbaṃ, imasseva vacanassa anusārena ito paraṃ sabbasanthataṃ veditabbaṃ. Sakkā hi ettāvatā jānitunti na taṃ ito paraṃ dassayissāma.
аал̣авияам̣ чаб̣б̣аг̇г̇ияз аараб̣бха госияамиссагам̣ сант̇ад̇ам̣ гаараабанавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, ад̇д̇ано ад̇т̇ааяа гаараабанавасзна саан̣ад̇д̇игам̣, ад̇д̇анаа виббагад̇абааяосаабананаязна жад̇уггабаажид̇д̇ияам̣, ан̃н̃ассад̇т̇ааяа гаран̣агаараабанзсу ан̃н̃зна гад̇ам̣ бадилабхид̇ваа барибхун̃ж̇анз жа д̣̇уггадам̣. вид̇аанаад̣̇игаран̣з, уммад̇д̇агаад̣̇ийнан̃жа анаабад̇д̇и. госияамиссагабхааво, ад̇д̇ано ад̇т̇ааяа сант̇ад̇асса гаран̣агаараабанам̣, бадилаабхо жаад̇и имаанзд̇т̇а д̇ийн̣и ан̇г̇аани. самудтаанаад̣̇ийни д̇ховаабанасигкаабад̣̇з вуд̇д̇анаязнзваад̇и.
Āḷaviyaṃ chabbaggiye ārabbha kosiyamissakaṃ santhataṃ kārāpanavatthusmiṃ paññattaṃ, asādhāraṇapaññatti, attano atthāya kārāpanavasena sāṇattikaṃ, attanā vippakatapaayosāpananayena catukkapācittiyaṃ, aññassatthāya karaṇakārāpanesu aññena kataṃ paṭilabhitvā paribhuñjane ca dukkaṭaṃ. Vitānādikaraṇe, ummattakādīnañca anāpatti. Kosiyamissakabhāvo, attano atthāya santhatassa karaṇakārāpanaṃ, paṭilābho cāti imānettha tīṇi aṅgāni. Samuṭṭhānādīni dhovāpanasikkhāpade vuttanayenevāti.
госияасигкаабад̣̇аван̣н̣анаа нидтид̇аа.
Kosiyasikkhāpadavaṇṇanā niṭṭhitā.
2. суд̣̇д̇хагаал̣агасигкаабад̣̇аван̣н̣анаа
2. Suddhakāḷakasikkhāpadavaṇṇanā
д̣̇уд̇ияз суд̣̇д̇хагаал̣агаананд̇и суд̣̇д̇хаанам̣ гаал̣агаанам̣ ан̃н̃зхи амиссийгад̇аанам̣. взсаалияам̣ чаб̣б̣аг̇г̇ияз аараб̣бха д̇аад̣̇исам̣ сант̇ад̇ам̣ гаран̣авад̇т̇усмим̣ бан̃н̃ад̇д̇ам̣, сзсам̣ батамасад̣̇исамзваад̇и.
Dutiye suddhakāḷakānanti suddhānaṃ kāḷakānaṃ aññehi amissīkatānaṃ. Vesāliyaṃ chabbaggiye ārabbha tādisaṃ santhataṃ karaṇavatthusmiṃ paññattaṃ, sesaṃ paṭhamasadisamevāti.
суд̣̇д̇хагаал̣агасигкаабад̣̇аван̣н̣анаа нидтид̇аа.
Suddhakāḷakasikkhāpadavaṇṇanā niṭṭhitā.
3. д̣̇взбхааг̇асигкаабад̣̇аван̣н̣анаа
3. Dvebhāgasikkhāpadavaṇṇanā
д̇ад̇ияз д̣̇вз бхааг̇аад̇и д̣̇вз годтаасаа. аад̣̇аад̇аб̣б̣аад̇и г̇ахзд̇аб̣б̣аа. г̇ожарияаананд̇и габилаван̣н̣аанам̣. аяам̣ банзд̇т̇а винижчаяо – яад̇д̇агзхи гад̇д̇угаамо ход̇и, д̇зсу д̇улаяид̇ваа д̣̇вз годтаасаа гаал̣агаанам̣ г̇ахзд̇аб̣б̣аа, зго од̣̇аад̇аанам̣, зго г̇ожарияаанам̣. згассааби гаал̣агаломасса ад̇ирзгабхаавз ниссаг̇г̇ияам̣ ход̇и, уунагам̣ ваддад̇и.
Tatiye dve bhāgāti dve koṭṭhāsā. Ādātabbāti gahetabbā. Gocariyānanti kapilavaṇṇānaṃ. Ayaṃ panettha vinicchayo – yattakehi kattukāmo hoti, tesu tulayitvā dve koṭṭhāsā kāḷakānaṃ gahetabbā, eko odātānaṃ, eko gocariyānaṃ. Ekassāpi kāḷakalomassa atirekabhāve nissaggiyaṃ hoti, ūnakaṃ vaṭṭati.
саавад̇т̇ияам̣ чаб̣б̣аг̇г̇ияз аараб̣бха д̇аад̣̇исам̣ сант̇ад̇ам̣ гаран̣авад̇т̇усмим̣ бан̃н̃ад̇д̇ам̣, гирияаагирияам̣, сзсам̣ батамасад̣̇исамзваад̇и. имаани бана д̇ийн̣и ниссаж̇ж̇ид̇ваа бадилад̣̇д̇хааниби барибхун̃ж̇ид̇ум̣ на вадданд̇и.
Sāvatthiyaṃ chabbaggiye ārabbha tādisaṃ santhataṃ karaṇavatthusmiṃ paññattaṃ, kiriyākiriyaṃ, sesaṃ paṭhamasadisamevāti. Imāni pana tīṇi nissajjitvā paṭiladdhānipi paribhuñjituṃ na vaṭṭanti.
д̣̇взбхааг̇асигкаабад̣̇аван̣н̣анаа нидтид̇аа.
Dvebhāgasikkhāpadavaṇṇanā niṭṭhitā.
4. чаб̣б̣ассасигкаабад̣̇аван̣н̣анаа
4. Chabbassasikkhāpadavaṇṇanā
жад̇уд̇т̇з орзна жз чаннам̣ вассаананд̇и чаннам̣ вассаанам̣ оримабхааг̇з, анд̇од̇и ад̇т̇о. ан̃н̃ад̇ра бхигкусаммуд̇ияаад̇и яам̣ сан̇гхо г̇илаанасса бхигкуно сант̇ад̇асаммуд̇им̣ д̣̇зд̇и, д̇ам̣ табзд̇ваа алад̣̇д̇хасаммуд̇игасса чаб̣б̣ассаб̣бханд̇арз ан̃н̃ам̣ сант̇ад̇ам̣ гаронд̇асса ниссаг̇г̇ияам̣ ход̇и.
Catutthe orena ce channaṃ vassānanti channaṃ vassānaṃ orimabhāge, antoti attho. Aññatra bhikkhusammutiyāti yaṃ saṅgho gilānassa bhikkhuno santhatasammutiṃ deti, taṃ ṭhapetvā aladdhasammutikassa chabbassabbhantare aññaṃ santhataṃ karontassa nissaggiyaṃ hoti.
саавад̇т̇ияам̣ самб̣ахулз бхигкуу аараб̣бха анувассам̣ сант̇ад̇ам̣ гаараабанавад̇т̇усмим̣ бан̃н̃ад̇д̇ам̣, ‘‘ан̃н̃ад̇ра бхигкусаммуд̇ияаа’’д̇и аяамзд̇т̇а анубан̃н̃ад̇д̇и, саа язна лад̣̇д̇хаа ход̇и, д̇асса яаава рог̇о на вуубасаммад̇и, вуубасанд̇о ваа буна губбад̇и, д̇аава г̇ад̇аг̇ад̇адтаанз анувассамби гаад̇ум̣ ваддад̇и, ан̃н̃ассад̇т̇ааяа гаарзд̇ум̣, гад̇ан̃жа бадилабхид̇ваа барибхун̃ж̇ид̇умби ваддад̇и, сзсам̣ батамасад̣̇исамзваад̇и.
Sāvatthiyaṃ sambahule bhikkhū ārabbha anuvassaṃ santhataṃ kārāpanavatthusmiṃ paññattaṃ, ‘‘aññatra bhikkhusammutiyā’’ti ayamettha anupaññatti, sā yena laddhā hoti, tassa yāva rogo na vūpasammati, vūpasanto vā puna kuppati, tāva gatagataṭṭhāne anuvassampi kātuṃ vaṭṭati, aññassatthāya kāretuṃ, katañca paṭilabhitvā paribhuñjitumpi vaṭṭati, sesaṃ paṭhamasadisamevāti.
чаб̣б̣ассасигкаабад̣̇аван̣н̣анаа нидтид̇аа.
Chabbassasikkhāpadavaṇṇanā niṭṭhitā.
5. нисийд̣̇анасигкаабад̣̇аван̣н̣анаа
5. Nisīdanasikkhāpadavaṇṇanā
бан̃жамз бураан̣асант̇ад̇ам̣ наама яад̇т̇а сагимби нисинно ваа ход̇и нибанно ваа. саманд̇аад̇и згабассад̇о ваддам̣ ваа жад̇урассам̣ ваа чинд̣̇ид̇ваа г̇ахид̇адтаанам̣ яат̇аа вид̣̇ад̇т̇имад̇д̇ам̣ ход̇и, звам̣ г̇ахзд̇аб̣б̣ам̣. сант̇аранд̇зна бана згад̣̇зсз ваа сант̇арид̇аб̣б̣ам̣, виж̇адзд̇ваа ваа миссагам̣ гад̇ваа сант̇арид̇аб̣б̣ам̣, звам̣ т̇ирад̇арам̣ ход̇и. анаад̣̇аа жзд̇и сад̇и бураан̣асант̇ад̇з аг̇г̇ахзд̇ваа. асад̇и бана аг̇г̇ахзд̇вааби ваддад̇и, ан̃н̃ассад̇т̇ааяа гаарзд̇ум̣, гад̇ан̃жа бадилабхид̇ваа барибхун̃ж̇ид̇умби ваддад̇и.
Pañcame purāṇasanthataṃ nāma yattha sakimpi nisinno vā hoti nipanno vā. Samantāti ekapassato vaṭṭaṃ vā caturassaṃ vā chinditvā gahitaṭṭhānaṃ yathā vidatthimattaṃ hoti, evaṃ gahetabbaṃ. Santharantena pana ekadese vā santharitabbaṃ, vijaṭetvā vā missakaṃ katvā santharitabbaṃ, evaṃ thirataraṃ hoti. Anādā ceti sati purāṇasanthate aggahetvā. Asati pana aggahetvāpi vaṭṭati, aññassatthāya kāretuṃ, katañca paṭilabhitvā paribhuñjitumpi vaṭṭati.
саавад̇т̇ияам̣ самб̣ахулз бхигкуу аараб̣бха сант̇ад̇ависсаж̇ж̇анавад̇т̇усмим̣ бан̃н̃ад̇д̇ам̣, сзсам̣ д̇ад̇ияасад̣̇исамзваад̇и.
Sāvatthiyaṃ sambahule bhikkhū ārabbha santhatavissajjanavatthusmiṃ paññattaṃ, sesaṃ tatiyasadisamevāti.
нисийд̣̇анасигкаабад̣̇аван̣н̣анаа нидтид̇аа.
Nisīdanasikkhāpadavaṇṇanā niṭṭhitā.
6. зл̣агаломасигкаабад̣̇аван̣н̣анаа
6. Eḷakalomasikkhāpadavaṇṇanā
чадтз ад̣̇д̇хаанамаг̇г̇аббадибаннассаад̇и ад̣̇д̇хаанасан̇каад̇ам̣ д̣̇ийгхамаг̇г̇ам̣ бадибаннасса, саб̣б̣ан̃жзд̇ам̣ вад̇т̇умад̇д̇ад̣̇ийбанамзва, яад̇т̇а гад̇т̇ажи бана д̇хаммзна лабхид̇ваа г̇ан̣хад̇о д̣̇осо над̇т̇и. д̇ияож̇анабараманд̇и г̇ахид̇адтаанад̇о д̇ияож̇анаббамаан̣ам̣ д̣̇зсам̣. сахад̇т̇аад̇и сахад̇т̇зна, ад̇д̇анаа харид̇аб̣б̣аанийд̇и ад̇т̇о. асанд̇з хаарагзд̇и асанд̇зязва ан̃н̃асмимби хаарагз. сажз бана ад̇т̇и, д̇ам̣ г̇аахзд̇ум̣ ваддад̇и. ад̇д̇анаа бана анд̇амасо ваад̇ааб̣аад̇хаббадигаарад̇т̇ам̣ суд̇д̇агзна аб̣анд̇хид̇ваа ган̣н̣ажчид̣̇д̣̇з багкид̇д̇ааниби аад̣̇ааяа д̇ияож̇анам̣ згам̣ баад̣̇ам̣ ад̇иггаамзнд̇асса д̣̇уггадам̣, д̣̇уд̇ияабаад̣̇аад̇иггамз ниссаг̇г̇ияам̣ баажид̇д̇ияам̣.
Chaṭṭhe addhānamaggappaṭipannassāti addhānasaṅkhātaṃ dīghamaggaṃ paṭipannassa, sabbañcetaṃ vatthumattadīpanameva, yattha katthaci pana dhammena labhitvā gaṇhato doso natthi. Tiyojanaparamanti gahitaṭṭhānato tiyojanappamāṇaṃ desaṃ. Sahatthāti sahatthena, attanā haritabbānīti attho. Asante hāraketi asanteyeva aññasmimpi hārake. Sace pana atthi, taṃ gāhetuṃ vaṭṭati. Attanā pana antamaso vātābādhappaṭikāratthaṃ suttakena abandhitvā kaṇṇacchidde pakkhittānipi ādāya tiyojanaṃ ekaṃ pādaṃ atikkāmentassa dukkaṭaṃ, dutiyapādātikkame nissaggiyaṃ pācittiyaṃ.
саавад̇т̇ияам̣ ан̃н̃ад̇арам̣ бхигкум̣ аараб̣бха д̇ияож̇анаад̇иггаманавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, уунагад̇ияож̇анз ад̇ирзгасан̃н̃ино взмад̇игасса ваа д̣̇уггадам̣. д̇ияож̇анам̣ харан̣абажжаахаран̣з, ваасаад̇хиббааязна г̇анд̇ваа д̇ад̇о барам̣ харан̣з, ажчиннам̣ ваа ниссадтам̣ ваа бадилабхид̇ваа харан̣з, ан̃н̃ам̣ хараабанз, анд̇амасо суд̇д̇агзнаби б̣ад̣̇д̇хагад̇абхан̣д̣ахаран̣з, уммад̇д̇агаад̣̇ийнан̃жа анаабад̇д̇и. зл̣агаломаанам̣ агад̇абхан̣д̣ад̇аа, батамаббадилаабхо, ад̇д̇анаа аад̣̇ааяа ваа ан̃н̃асса аж̇аананд̇асса яаанз багкибид̇ваа ваа д̇ияож̇анаад̇иггаманам̣, аахаран̣абажжаахаран̣ам̣, аваасаад̇хиббааяад̇аад̇и имаанзд̇т̇а бан̃жа ан̇г̇аани. зл̣агаломасамудтаанам̣ , гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
Sāvatthiyaṃ aññataraṃ bhikkhuṃ ārabbha tiyojanātikkamanavatthusmiṃ paññattaṃ, asādhāraṇapaññatti, anāṇattikaṃ, tikapācittiyaṃ, ūnakatiyojane atirekasaññino vematikassa vā dukkaṭaṃ. Tiyojanaṃ haraṇapaccāharaṇe, vāsādhippāyena gantvā tato paraṃ haraṇe, acchinnaṃ vā nissaṭṭhaṃ vā paṭilabhitvā haraṇe, aññaṃ harāpane, antamaso suttakenapi baddhakatabhaṇḍaharaṇe, ummattakādīnañca anāpatti. Eḷakalomānaṃ akatabhaṇḍatā, paṭhamappaṭilābho, attanā ādāya vā aññassa ajānantassa yāne pakkhipitvā vā tiyojanātikkamanaṃ, āharaṇapaccāharaṇaṃ, avāsādhippāyatāti imānettha pañca aṅgāni. Eḷakalomasamuṭṭhānaṃ , kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
зл̣агаломасигкаабад̣̇аван̣н̣анаа нидтид̇аа.
Eḷakalomasikkhāpadavaṇṇanā niṭṭhitā.
7. зл̣агаломад̇ховаабанасигкаабад̣̇аван̣н̣анаа
7. Eḷakalomadhovāpanasikkhāpadavaṇṇanā
сад̇д̇амз саггзсу чаб̣б̣аг̇г̇ияз аараб̣бха зл̣агаломад̇ховаабанавад̇т̇усмим̣ бан̃н̃ад̇д̇ам̣. д̇ад̇т̇а бураан̣ажийварад̇ховаабанз вуд̇д̇анаязнзва саб̣б̣оби винижчаяо взд̣̇ид̇аб̣б̣о.
Sattame sakkesu chabbaggiye ārabbha eḷakalomadhovāpanavatthusmiṃ paññattaṃ. Tattha purāṇacīvaradhovāpane vuttanayeneva sabbopi vinicchayo veditabbo.
зл̣агаломад̇ховаабанасигкаабад̣̇аван̣н̣анаа нидтид̇аа.
Eḷakalomadhovāpanasikkhāpadavaṇṇanā niṭṭhitā.
8. ж̇аад̇аруубасигкаабад̣̇аван̣н̣анаа
8. Jātarūpasikkhāpadavaṇṇanā
адтамз ж̇аад̇аруубараж̇ад̇анд̇и суван̣н̣ан̃жзва руубияан̃жа, абижа гахаабан̣о лохамаасагад̣̇аарумаасагаж̇ад̇умаасагаад̣̇аяоби яз вохаарам̣ г̇ажчанд̇и, саб̣б̣з д̇з ид̇ха раж̇ад̇анд̇взва вуд̇д̇аа. уг̇г̇ан̣хзяяа ваад̇и ад̇д̇ано ад̇т̇ааяа д̣̇ияяамаанам̣ ваа яад̇т̇агад̇т̇ажи тид̇ам̣ ваа ниббариг̇г̇ахид̇ам̣ д̣̇исваа саяам̣ г̇ан̣хзяяа ваа. уг̇г̇ан̣хаабзяяа ваад̇и д̇ад̣̇зва ан̃н̃зна г̇аахаабзяяа ваа. убанигкид̇д̇ам̣ ваа саад̣̇иязяяаад̇и ‘‘ид̣̇ам̣ аяяасса ход̇уу’’д̇и звам̣ саммукаа ваа, ‘‘асугасмим̣ наама таанз мама хиран̃н̃асуван̣н̣ам̣, д̇ам̣ д̇уяхам̣ ход̇уу’’д̇и звам̣ бараммукаа тид̇ам̣ ваа гзвалам̣ ваажааяа ваа хад̇т̇амуд̣̇д̣̇ааяа ваа ‘‘д̇уяха’’нд̇и вад̇ваа барижжад̇д̇ам̣ яо гааяаваажаахи аббадигкибид̇ваа жид̇д̇зна ад̇хиваасзяяа, аяам̣ ‘‘саад̣̇иязяяаа’’д̇и вужжад̇и. сажз бана жид̇д̇зна саад̣̇ияад̇и, г̇ан̣хид̇угаамо ход̇и, гааязна ваа ваажааяа ваа ‘‘наяид̣̇ам̣ габбад̇ий’’д̇и бадигкибад̇и, гааяаваажаахи аббадигкибид̇ваа суд̣̇д̇хажид̇д̇о худ̇ваа ‘‘наяид̣̇ам̣ амхаагам̣ габбад̇ий’’д̇и на саад̣̇ияад̇и, ваддад̇и. ниссаг̇г̇ияанд̇и уг̇г̇ахан̣аад̣̇ийсу яам̣гин̃жи гаронд̇асса агханаб̣ад̣̇д̇хзсу вад̇т̇уусу вад̇т̇уг̇ан̣анааяа ниссаг̇г̇ияам̣ баажид̇д̇ияам̣. д̇ам̣ ниссаж̇ж̇анд̇зна ‘‘ахам̣, бханд̇з, руубияам̣ бадиг̇г̇ахзсим̣, ид̣̇ам̣ мз, бханд̇з, ниссаг̇г̇ияам̣, имаахам̣ сан̇гхасса ниссаж̇ж̇аамий’’д̇и (баараа. 584) звам̣ сан̇гхамаж̇жхзязва ниссаж̇ж̇ид̇аб̣б̣ам̣. сажз д̇ад̇т̇а гожи г̇ахадто ааг̇ажчад̇и , ‘‘ид̣̇ам̣ ж̇аанаахий’’д̇и вад̇д̇аб̣б̣о. ‘‘иминаа гим̣ аахарияяад̇уу’’д̇и бхан̣анд̇з бана ‘‘ид̣̇ам̣ наамаа’’д̇и авад̇ваа ‘‘саббиаад̣̇ийни бхигкуунам̣ габбанд̇ий’’д̇и звам̣ габбияам̣ аажигкид̇аб̣б̣ам̣. сажз со аахарад̇и, руубияаббадиг̇г̇аахагам̣ табзд̇ваа саб̣б̣зхи бхааж̇зд̇ваа барибхун̃ж̇ид̇аб̣б̣ам̣. руубияаббадиг̇г̇аахагасса бана яам̣ д̇аббажжаяаа уббаннам̣, д̇ам̣ ан̃н̃зна лабхид̇ваа д̣̇ияяамаанамби анд̇амасо д̇ад̇о ниб̣б̣ад̇д̇аругкажчааяааби барибхун̃ж̇ид̇ум̣ на ваддад̇и. сажз бана со гин̃жи аахарид̇ум̣ на ижчад̇и, ‘‘имам̣ чаддзхий’’д̇и вад̇д̇аб̣б̣о. сажз яад̇т̇а гад̇т̇ажи нигкибад̇и, г̇ахзд̇ваа ваа г̇ажчад̇и, на ваарзд̇аб̣б̣о. но жз чаддзд̇и, бан̃жан̇г̇асаманнааг̇ад̇о бхигку руубияачаддаго самманнид̇аб̣б̣о. д̇зна анимид̇д̇ам̣ гад̇ваава г̇уут̇ам̣ вияа чаддзд̇аб̣б̣ам̣. сажз нимид̇д̇ам̣ гарод̇и, д̣̇уггадам̣ аабаж̇ж̇ад̇и.
Aṭṭhame jātarūparajatanti suvaṇṇañceva rūpiyañca, apica kahāpaṇo lohamāsakadārumāsakajatumāsakādayopi ye vohāraṃ gacchanti, sabbe te idha rajatantveva vuttā. Uggaṇheyya vāti attano atthāya diyyamānaṃ vā yatthakatthaci ṭhitaṃ vā nippariggahitaṃ disvā sayaṃ gaṇheyya vā. Uggaṇhāpeyya vāti tadeva aññena gāhāpeyya vā. Upanikkhittaṃ vā sādiyeyyāti ‘‘idaṃ ayyassa hotū’’ti evaṃ sammukhā vā, ‘‘asukasmiṃ nāma ṭhāne mama hiraññasuvaṇṇaṃ, taṃ tuyhaṃ hotū’’ti evaṃ parammukhā ṭhitaṃ vā kevalaṃ vācāya vā hatthamuddāya vā ‘‘tuyha’’nti vatvā pariccattaṃ yo kāyavācāhi appaṭikkhipitvā cittena adhivāseyya, ayaṃ ‘‘sādiyeyyā’’ti vuccati. Sace pana cittena sādiyati, gaṇhitukāmo hoti, kāyena vā vācāya vā ‘‘nayidaṃ kappatī’’ti paṭikkhipati, kāyavācāhi appaṭikkhipitvā suddhacitto hutvā ‘‘nayidaṃ amhākaṃ kappatī’’ti na sādiyati, vaṭṭati. Nissaggiyanti uggahaṇādīsu yaṃkiñci karontassa aghanabaddhesu vatthūsu vatthugaṇanāya nissaggiyaṃ pācittiyaṃ. Taṃ nissajjantena ‘‘ahaṃ, bhante, rūpiyaṃ paṭiggahesiṃ, idaṃ me, bhante, nissaggiyaṃ, imāhaṃ saṅghassa nissajjāmī’’ti (pārā. 584) evaṃ saṅghamajjheyeva nissajjitabbaṃ. Sace tattha koci gahaṭṭho āgacchati , ‘‘idaṃ jānāhī’’ti vattabbo. ‘‘Iminā kiṃ āhariyyatū’’ti bhaṇante pana ‘‘idaṃ nāmā’’ti avatvā ‘‘sappiādīni bhikkhūnaṃ kappantī’’ti evaṃ kappiyaṃ ācikkhitabbaṃ. Sace so āharati, rūpiyappaṭiggāhakaṃ ṭhapetvā sabbehi bhājetvā paribhuñjitabbaṃ. Rūpiyappaṭiggāhakassa pana yaṃ tappaccayā uppannaṃ, taṃ aññena labhitvā diyyamānampi antamaso tato nibbattarukkhacchāyāpi paribhuñjituṃ na vaṭṭati. Sace pana so kiñci āharituṃ na icchati, ‘‘imaṃ chaṭṭehī’’ti vattabbo. Sace yattha katthaci nikkhipati, gahetvā vā gacchati, na vāretabbo. No ce chaṭṭeti, pañcaṅgasamannāgato bhikkhu rūpiyachaṭṭako sammannitabbo. Tena animittaṃ katvāva gūthaṃ viya chaṭṭetabbaṃ. Sace nimittaṃ karoti, dukkaṭaṃ āpajjati.
рааж̇аг̇ахз убананд̣̇ам̣ аараб̣бха руубияаббадиг̇г̇ахан̣авад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, саан̣ад̇д̇игам̣, д̇игабаажид̇д̇ияам̣, аруубияз руубияасан̃н̃ино взмад̇игасса ваа, сан̇гхажзд̇ияаад̣̇ийнам̣ ад̇т̇ааяа г̇ан̣ханд̇асса, муд̇д̇ааман̣иаад̣̇иббадиг̇г̇ахан̣з жа д̣̇уггадам̣. рад̇анасигкаабад̣̇анаязна нигкибанд̇асса, уммад̇д̇агаад̣̇ийнан̃жа анаабад̇д̇и. ж̇аад̇аруубараж̇ад̇абхааво, ад̇д̇уд̣̇д̣̇зсигад̇аа, г̇ахан̣аад̣̇ийсу ан̃н̃ад̇арабхаавод̇и имаанзд̇т̇а д̇ийн̣и ан̇г̇аани. самудтаанаад̣̇ийсу сияаа гирияам̣ г̇ахан̣зна аабаж̇ж̇анад̇о, сияаа агирияам̣ бадигкзбасса агаран̣ад̇о, сзсам̣ сан̃жарид̇д̇з вуд̇д̇анаяамзваад̇и.
Rājagahe upanandaṃ ārabbha rūpiyappaṭiggahaṇavatthusmiṃ paññattaṃ, sādhāraṇapaññatti, sāṇattikaṃ, tikapācittiyaṃ, arūpiye rūpiyasaññino vematikassa vā, saṅghacetiyādīnaṃ atthāya gaṇhantassa, muttāmaṇiādippaṭiggahaṇe ca dukkaṭaṃ. Ratanasikkhāpadanayena nikkhipantassa, ummattakādīnañca anāpatti. Jātarūparajatabhāvo, attuddesikatā, gahaṇādīsu aññatarabhāvoti imānettha tīṇi aṅgāni. Samuṭṭhānādīsu siyā kiriyaṃ gahaṇena āpajjanato, siyā akiriyaṃ paṭikkhepassa akaraṇato, sesaṃ sañcaritte vuttanayamevāti.
ж̇аад̇аруубасигкаабад̣̇аван̣н̣анаа нидтид̇аа.
Jātarūpasikkhāpadavaṇṇanā niṭṭhitā.
9. руубияасам̣вохаарасигкаабад̣̇аван̣н̣анаа
9. Rūpiyasaṃvohārasikkhāpadavaṇṇanā
навамз наанаббагаараганд̇и гад̇аад̣̇ивасзна анзгавид̇хам̣. руубияасам̣вохааранд̇и ж̇аад̇аруубараж̇ад̇абаривад̇д̇анам̣. буримасигкаабад̣̇зна хи ниссаг̇г̇ияавад̇т̇уд̣̇уггадавад̇т̇уунам̣ бадиг̇г̇ахан̣ам̣ ваарид̇ам̣, иминаа баривад̇д̇анам̣. д̇асмаа д̣̇уггадавад̇т̇унаа д̣̇уггадавад̇т̇угаббияавад̇т̇ууни, габбияавад̇т̇унаа жа д̣̇уггадавад̇т̇ум̣ баривад̇д̇знд̇асса д̣̇уггадам̣. ниссаг̇г̇ияавад̇т̇унаа бана ниссаг̇г̇ияавад̇т̇ум̣ ваа д̣̇уггадавад̇т̇ум̣ ваа габбияавад̇т̇ум̣ ваа, д̣̇уггадавад̇т̇угаббияавад̇т̇уухи жа ниссаг̇г̇ияавад̇т̇ум̣ баривад̇д̇знд̇асса ниссаг̇г̇ияам̣ ход̇и, д̇ам̣ буриманаяаанусаарзнзва сан̇гхамаж̇жхз ниссаж̇ж̇ид̇аб̣б̣ам̣, ниссадтавад̇т̇усмин̃жа д̇ад̇т̇а вуд̇д̇анаязнзва бадибаж̇ж̇ид̇аб̣б̣ам̣.
Navame nānappakārakanti katādivasena anekavidhaṃ. Rūpiyasaṃvohāranti jātarūparajataparivattanaṃ. Purimasikkhāpadena hi nissaggiyavatthudukkaṭavatthūnaṃ paṭiggahaṇaṃ vāritaṃ, iminā parivattanaṃ. Tasmā dukkaṭavatthunā dukkaṭavatthukappiyavatthūni, kappiyavatthunā ca dukkaṭavatthuṃ parivattentassa dukkaṭaṃ. Nissaggiyavatthunā pana nissaggiyavatthuṃ vā dukkaṭavatthuṃ vā kappiyavatthuṃ vā, dukkaṭavatthukappiyavatthūhi ca nissaggiyavatthuṃ parivattentassa nissaggiyaṃ hoti, taṃ purimanayānusāreneva saṅghamajjhe nissajjitabbaṃ, nissaṭṭhavatthusmiñca tattha vuttanayeneva paṭipajjitabbaṃ.
саавад̇т̇ияам̣ чаб̣б̣аг̇г̇ияз аараб̣бха руубияасам̣вохааравад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, яам̣ ад̇д̇ано д̇ханзна баривад̇д̇зд̇и, д̇асса ваа д̇ханасса ваа руубияабхааво жзва, баривад̇д̇анан̃жаад̇и имаанзд̇т̇а д̣̇вз ан̇г̇аани. гирияам̣, сзсам̣ ананд̇арасигкаабад̣̇з вуд̇д̇анаяамзваад̇и.
Sāvatthiyaṃ chabbaggiye ārabbha rūpiyasaṃvohāravatthusmiṃ paññattaṃ, sādhāraṇapaññatti, anāṇattikaṃ, yaṃ attano dhanena parivatteti, tassa vā dhanassa vā rūpiyabhāvo ceva, parivattanañcāti imānettha dve aṅgāni. Kiriyaṃ, sesaṃ anantarasikkhāpade vuttanayamevāti.
руубияасам̣вохаарасигкаабад̣̇аван̣н̣анаа нидтид̇аа.
Rūpiyasaṃvohārasikkhāpadavaṇṇanā niṭṭhitā.
10. гаяавиггаяасигкаабад̣̇аван̣н̣анаа
10. Kayavikkayasikkhāpadavaṇṇanā
д̣̇асамз наанаббагаараганд̇и жийвараад̣̇ийнам̣ габбияабхан̣д̣аанам̣ васзна анзгавид̇хам̣. гаяавиггаяанд̇и гаяан̃жзва виггаяан̃жа. ‘‘иминаа имам̣ д̣̇зхи, имам̣ аахара, баривад̇д̇зхи, жзд̇аабзхий’’д̇и иминаа хи наязна барасса габбияабхан̣д̣ам̣ г̇ан̣ханд̇о гаяам̣ самаабаж̇ж̇ад̇и, ад̇д̇ано габбияабхан̣д̣ам̣ д̣̇знд̇о виггаяам̣ самаабаж̇ж̇ад̇и. д̇асмаа табзд̇ваа бан̃жа сахад̇хаммигз яам̣ звам̣ ад̇д̇ано габбияабхан̣д̣ам̣ д̣̇ад̇ваа маад̇у санд̇агамби габбияабхан̣д̣ам̣ г̇ан̣хаад̇и, д̇ам̣ ниссаг̇г̇ияам̣ ход̇и. вуд̇д̇алагкан̣авасзна сан̇гхаг̇ан̣абуг̇г̇алзсу яасса гассажи ниссаж̇ж̇ид̇аб̣б̣ам̣, ‘‘имам̣ бхун̃ж̇ид̇ваа ваа г̇ахзд̇ваа ваа ид̣̇ам̣ наама аахара ваа гарохи ваа’’д̇и раж̇анаад̣̇им̣ аахараабзд̇ваа ваа д̇хамагаран̣аад̣̇ибаригкаарам̣ бхуумисод̇ханаад̣̇ин̃жа навагаммам̣ гаарзд̇ваа ваа санд̇ам̣ вад̇т̇у ниссаж̇ж̇ид̇аб̣б̣ам̣, асанд̇з баажид̇д̇ияам̣ д̣̇зсзд̇аб̣б̣амзва.
Dasame nānappakārakanti cīvarādīnaṃ kappiyabhaṇḍānaṃ vasena anekavidhaṃ. Kayavikkayanti kayañceva vikkayañca. ‘‘Iminā imaṃ dehi, imaṃ āhara, parivattehi, cetāpehī’’ti iminā hi nayena parassa kappiyabhaṇḍaṃ gaṇhanto kayaṃ samāpajjati, attano kappiyabhaṇḍaṃ dento vikkayaṃ samāpajjati. Tasmā ṭhapetvā pañca sahadhammike yaṃ evaṃ attano kappiyabhaṇḍaṃ datvā mātu santakampi kappiyabhaṇḍaṃ gaṇhāti, taṃ nissaggiyaṃ hoti. Vuttalakkhaṇavasena saṅghagaṇapuggalesu yassa kassaci nissajjitabbaṃ, ‘‘imaṃ bhuñjitvā vā gahetvā vā idaṃ nāma āhara vā karohi vā’’ti rajanādiṃ āharāpetvā vā dhamakaraṇādiparikkhāraṃ bhūmisodhanādiñca navakammaṃ kāretvā vā santaṃ vatthu nissajjitabbaṃ, asante pācittiyaṃ desetabbameva.
саавад̇т̇ияам̣ убананд̣̇ам̣ аараб̣бха гаяавиггаяавад̇т̇усмим̣ бан̃н̃ад̇д̇ам̣, ‘‘ид̣̇ам̣ гим̣ аг̇гхад̇ий’’д̇и звам̣ аг̇гхам̣ бужчанд̇асса, яасса хад̇т̇ад̇о бхан̣д̣ам̣ г̇ан̣хид̇угаамо ход̇и, д̇ам̣ табзд̇ваа ан̃н̃ам̣ анд̇амасо д̇ассзва буд̇д̇абхаад̇угамби габбияагаарагам̣ гад̇ваа ‘‘иминаа ид̣̇ам̣ наама г̇ахзд̇ваа д̣̇зхий’’д̇и аажигканд̇асса, ‘‘ид̣̇ам̣ амхаагам̣ ад̇т̇и, амхааган̃жа иминаа жа иминаа жа ад̇т̇о’’д̇и звам̣ вад̇ваа ад̇д̇ано д̇ханзна лад̣̇д̇хам̣ г̇ан̣ханд̇асса, сахад̇хаммигзхи сад̣̇д̇хим̣ гаяавиггаяам̣ гаронд̇асса, уммад̇д̇агаад̣̇ийнан̃жа анаабад̇д̇и. яам̣ ад̇д̇ано д̇ханзна баривад̇д̇зд̇и, язна жа баривад̇д̇зд̇и, д̇зсам̣ габбияавад̇т̇уд̇аа, асахад̇хаммигад̇аа, гаяавиггаяаабаж̇ж̇анан̃жаад̇и имаанзд̇т̇а д̇ийн̣и ан̇г̇аани. сзсам̣ руубияасам̣вохаарз вуд̇д̇анаяамзваад̇и.
Sāvatthiyaṃ upanandaṃ ārabbha kayavikkayavatthusmiṃ paññattaṃ, ‘‘idaṃ kiṃ agghatī’’ti evaṃ agghaṃ pucchantassa, yassa hatthato bhaṇḍaṃ gaṇhitukāmo hoti, taṃ ṭhapetvā aññaṃ antamaso tasseva puttabhātukampi kappiyakārakaṃ katvā ‘‘iminā idaṃ nāma gahetvā dehī’’ti ācikkhantassa, ‘‘idaṃ amhākaṃ atthi, amhākañca iminā ca iminā ca attho’’ti evaṃ vatvā attano dhanena laddhaṃ gaṇhantassa, sahadhammikehi saddhiṃ kayavikkayaṃ karontassa, ummattakādīnañca anāpatti. Yaṃ attano dhanena parivatteti, yena ca parivatteti, tesaṃ kappiyavatthutā, asahadhammikatā, kayavikkayāpajjanañcāti imānettha tīṇi aṅgāni. Sesaṃ rūpiyasaṃvohāre vuttanayamevāti.
гаяавиггаяасигкаабад̣̇аван̣н̣анаа нидтид̇аа.
Kayavikkayasikkhāpadavaṇṇanā niṭṭhitā.
зл̣агаломаваг̇г̇о д̣̇уд̇ияо.
Eḷakalomavaggo dutiyo.
