| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
১০. এণিজঙ্ঘসুত্তৰণ্ণনা
10. Eṇijaṅghasuttavaṇṇanā
৩০. দসমে এণিজঙ্ঘন্তি এণিমিগস্স ৰিয সুৰট্টিতজঙ্ঘং। কিসন্তি অথূলং সমসরীরং। অথ ৰা আতপেন মিলাতং মালাগন্ধৰিলেপনেহি অনুপব্রূহিতসরীরন্তিপি অত্থো। ৰীরন্তি ৰীরিযৰন্তং। অপ্পাহারন্তি ভোজনে মত্তঞ্ঞুতায মিতাহারং, ৰিকালভোজনপটিক্খেপৰসেন ৰা পরিত্তাহারং। অলোলুপন্তি চতূসু পচ্চযেসু লোলুপ্পৰিরহিতং। রসতণ্হাপটিক্খেপো ৰা এস। সীহংৰেকচরং নাগন্তি একচরং সীহং ৰিয, একচরং নাগং ৰিয। গণৰাসিনো হি পমত্তা হোন্তি, একচরা অপ্পমত্তা, তস্মা একচরাৰ গহিতাতি। পৰেদিতাতি পকাসিতা কথিতা। এত্থাতি এতস্মিং নামরূপে। পঞ্চকামগুণৰসেন হি রূপং গহিতং, মনেন নামং, উভযেহি পন অৰিনিভুত্তধম্মে গহেত্ৰা পঞ্চক্খন্ধাদিৰসেনপেত্থ ভুম্মং যোজেতব্বন্তি। দসমং।
30. Dasame eṇijaṅghanti eṇimigassa viya suvaṭṭitajaṅghaṃ. Kisanti athūlaṃ samasarīraṃ. Atha vā ātapena milātaṃ mālāgandhavilepanehi anupabrūhitasarīrantipi attho. Vīranti vīriyavantaṃ. Appāhāranti bhojane mattaññutāya mitāhāraṃ, vikālabhojanapaṭikkhepavasena vā parittāhāraṃ. Alolupanti catūsu paccayesu loluppavirahitaṃ. Rasataṇhāpaṭikkhepo vā esa. Sīhaṃvekacaraṃ nāganti ekacaraṃ sīhaṃ viya, ekacaraṃ nāgaṃ viya. Gaṇavāsino hi pamattā honti, ekacarā appamattā, tasmā ekacarāva gahitāti. Paveditāti pakāsitā kathitā. Etthāti etasmiṃ nāmarūpe. Pañcakāmaguṇavasena hi rūpaṃ gahitaṃ, manena nāmaṃ, ubhayehi pana avinibhuttadhamme gahetvā pañcakkhandhādivasenapettha bhummaṃ yojetabbanti. Dasamaṃ.
সত্তিৰগ্গো ততিযো।
Sattivaggo tatiyo.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. এণিজঙ্ঘসুত্তং • 10. Eṇijaṅghasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১০. এণিজঙ্ঘসুত্তৰণ্ণনা • 10. Eṇijaṅghasuttavaṇṇanā
