| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. зн̣иж̇ан̇гхасуд̇д̇аван̣н̣анаа
10. Eṇijaṅghasuttavaṇṇanā
30. д̣̇асамз зн̣иж̇ан̇гханд̇и зн̣имиг̇асса вияа суваддид̇аж̇ан̇гхам̣. гисанд̇и ат̇уулам̣ самасарийрам̣. ат̇а ваа аад̇абзна милаад̇ам̣ маалааг̇анд̇хавилзбанзхи анубаб̣руухид̇асарийранд̇иби ад̇т̇о. вийранд̇и вийрияаванд̇ам̣. аббаахааранд̇и бхож̇анз мад̇д̇ан̃н̃уд̇ааяа мид̇аахаарам̣, вигаалабхож̇анабадигкзбавасзна ваа барид̇д̇аахаарам̣. алолубанд̇и жад̇уусу бажжаязсу лолуббавирахид̇ам̣. расад̇ан̣хаабадигкзбо ваа зса. сийхам̣взгажарам̣ нааг̇анд̇и згажарам̣ сийхам̣ вияа, згажарам̣ нааг̇ам̣ вияа. г̇ан̣аваасино хи бамад̇д̇аа хонд̇и, згажараа аббамад̇д̇аа, д̇асмаа згажараава г̇ахид̇аад̇и. бавзд̣̇ид̇аад̇и багаасид̇аа гат̇ид̇аа. зд̇т̇аад̇и зд̇асмим̣ наамаруубз. бан̃жагаамаг̇ун̣авасзна хи руубам̣ г̇ахид̇ам̣, манзна наамам̣, убхаязхи бана авинибхуд̇д̇ад̇хаммз г̇ахзд̇ваа бан̃жагканд̇хаад̣̇ивасзнабзд̇т̇а бхуммам̣ яож̇зд̇аб̣б̣анд̇и. д̣̇асамам̣.
30. Dasame eṇijaṅghanti eṇimigassa viya suvaṭṭitajaṅghaṃ. Kisanti athūlaṃ samasarīraṃ. Atha vā ātapena milātaṃ mālāgandhavilepanehi anupabrūhitasarīrantipi attho. Vīranti vīriyavantaṃ. Appāhāranti bhojane mattaññutāya mitāhāraṃ, vikālabhojanapaṭikkhepavasena vā parittāhāraṃ. Alolupanti catūsu paccayesu loluppavirahitaṃ. Rasataṇhāpaṭikkhepo vā esa. Sīhaṃvekacaraṃ nāganti ekacaraṃ sīhaṃ viya, ekacaraṃ nāgaṃ viya. Gaṇavāsino hi pamattā honti, ekacarā appamattā, tasmā ekacarāva gahitāti. Paveditāti pakāsitā kathitā. Etthāti etasmiṃ nāmarūpe. Pañcakāmaguṇavasena hi rūpaṃ gahitaṃ, manena nāmaṃ, ubhayehi pana avinibhuttadhamme gahetvā pañcakkhandhādivasenapettha bhummaṃ yojetabbanti. Dasamaṃ.
сад̇д̇иваг̇г̇о д̇ад̇ияо.
Sattivaggo tatiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. зн̣иж̇ан̇гхасуд̇д̇ам̣ • 10. Eṇijaṅghasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. зн̣иж̇ан̇гхасуд̇д̇аван̣н̣анаа • 10. Eṇijaṅghasuttavaṇṇanā
