| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. зн̣иж̇ан̇гхасуд̇д̇аван̣н̣анаа
10. Eṇijaṅghasuttavaṇṇanā
30. зн̣имиг̇асса вияаад̇и зн̣имиг̇асса ж̇ан̇гхаа вияа. аваяавийсамб̣анд̇хз хи ид̣̇ам̣ саамиважанам̣. бин̣д̣имам̣сасса барид̇о самасан̣тид̇ад̇д̇аа суваддийд̇аж̇ан̇гхо. гисанд̇и т̇уулабхаавабадигкзбабарааж̇од̇анаа, на судту гисабхаавад̣̇ийбанабараад̇и ааха ‘‘ат̇уулам̣ самасарийра’’нд̇и. аад̇абзна милаад̇анд̇и д̇абасаа милаад̇агааяам̣ инд̣̇рияасанд̇аабанабхаавад̇о. д̇знзвааха – ‘‘д̇або милаад̇а’’нд̇иаад̣̇и, д̇ат̇аа жааха баал̣ияам̣ ‘‘аббаахаарам̣ алолуба’’нд̇и. яат̇аа ‘‘вийрасса бхааво вийрияа’’нд̇и вийрабхаавзна вийрияам̣ лагкийяад̇и, звам̣ вийрияасамбхавзна вийрабхаавод̇и ааха ‘‘вийранд̇и вийрияаванд̇а’’нд̇и. ‘‘жад̇д̇ааро бан̃жа аалобз, абхуд̇ваа уд̣̇агам̣ бивз’’д̇и (т̇зраг̇аа. 983; ми. ба. 6.5.10) д̇хаммасзнаабад̇ивуд̇д̇анияаамзна баримид̇абхож̇ид̇ааяа аббаахаарад̇аа бхож̇анз мад̇д̇ан̃н̃уд̇аа. ‘‘мид̇аахаара’’нд̇и вад̇ваа буна барижчиннагаалабхож̇ид̇ааяаби аббаахаарад̇ам̣ д̣̇ассзнд̇о ‘‘вигаала…бз… барид̇д̇аахаара’’нд̇и ааха. жад̇уусу бажжаязсу лолуббавирахид̇ам̣ б̣од̇химуулз зва саб̣б̣асо лолуббасса бахийнад̇д̇аа. ‘‘жад̇уусу бажжаязсуу’’д̇и хи иминаава саб̣б̣ад̇т̇а лолуббавиг̇амо д̣̇ийбид̇оваад̇и. расад̇ан̣хаабадигкзбо ваа зса ‘‘аббаахаара’’нд̇и вад̇ваа ‘‘алолуба’’нд̇и вуд̇д̇ад̇д̇аа. ‘‘сийхам̣ ваа’’д̇и зд̇т̇а згажарасад̣̇д̣̇о вияа ива-сад̣̇д̣̇о ад̇т̇ад̇о ‘‘нааг̇а’’нд̇и зд̇т̇ааби аанзд̇ваа, самб̣анд̇хид̇аб̣б̣од̇и ааха – ‘‘згажарам̣ сийхам̣ вияа, згажарам̣ нааг̇ам̣ вияаа’’д̇и. згажараа аббамад̇д̇аа згийгад̇ааяа.
30.Eṇimigassa viyāti eṇimigassa jaṅghā viya. Avayavīsambandhe hi idaṃ sāmivacanaṃ. Piṇḍimaṃsassa parito samasaṇṭhitattā suvaṭṭītajaṅgho. Kisanti thūlabhāvapaṭikkhepaparājotanā, na suṭṭhu kisabhāvadīpanaparāti āha ‘‘athūlaṃ samasarīra’’nti. Ātapena milātanti tapasā milātakāyaṃ indriyasantāpanabhāvato. Tenevāha – ‘‘tapo milāta’’ntiādi, tathā cāha pāḷiyaṃ ‘‘appāhāraṃ alolupa’’nti. Yathā ‘‘vīrassa bhāvo vīriya’’nti vīrabhāvena vīriyaṃ lakkhīyati, evaṃ vīriyasambhavena vīrabhāvoti āha ‘‘vīranti vīriyavanta’’nti. ‘‘Cattāro pañca ālope, abhutvā udakaṃ pive’’ti (theragā. 983; mi. pa. 6.5.10) dhammasenāpativuttaniyāmena parimitabhojitāya appāhāratā bhojane mattaññutā. ‘‘Mitāhāra’’nti vatvā puna paricchinnakālabhojitāyapi appāhārataṃ dassento ‘‘vikāla…pe… parittāhāra’’nti āha. Catūsu paccayesu loluppavirahitaṃ bodhimūle eva sabbaso loluppassa pahīnattā. ‘‘Catūsu paccayesū’’ti hi imināva sabbattha loluppavigamo dīpitovāti. Rasataṇhāpaṭikkhepo vā esa ‘‘appāhāra’’nti vatvā ‘‘alolupa’’nti vuttattā. ‘‘Sīhaṃ vā’’ti ettha ekacarasaddo viya iva-saddo atthato ‘‘nāga’’nti etthāpi ānetvā, sambandhitabboti āha – ‘‘ekacaraṃ sīhaṃ viya, ekacaraṃ nāgaṃ viyā’’ti. Ekacarā appamattā ekīkatāya.
бан̃жагаамаг̇ун̣авасзна руубам̣ г̇ахид̇ам̣ д̇зсам̣ руубасабхаавад̇д̇аа. манзна наамам̣ г̇ахид̇ам̣ манасса наамасабхаавад̇д̇аа. авинибхуд̇д̇ад̇хаммзд̇и авинаабхаавад̇хаммз г̇ахзд̇ваа. аад̣̇и-сад̣̇д̣̇зна ааяад̇анад̇хаад̇уаад̣̇аяо г̇ахид̇аа. гаамаг̇ун̣аг̇г̇ахан̣зна хзд̇т̇а руубабхаавасааман̃н̃зна бан̃жа вад̇т̇ууни г̇ахид̇аанзва хонд̇и, маног̇ахан̣зна д̇хаммааяад̇анам̣, звам̣ д̣̇ваад̣̇асааяад̇анаани г̇ахид̇аани хонд̇и. иминаа наязна д̇хаад̇уаад̣̇ийнамби г̇ахид̇ад̇аа яож̇зд̇аб̣б̣аа. д̇знааха ‘‘бан̃жагканд̇хаад̣̇ивасзнабзд̇т̇а бхуммам̣ яож̇зд̇аб̣б̣а’’нд̇и. зд̇т̇аад̇и баал̣ияам̣. гаамавад̇т̇у бхуммам̣.
Pañcakāmaguṇavasena rūpaṃ gahitaṃ tesaṃ rūpasabhāvattā. Manena nāmaṃ gahitaṃ manassa nāmasabhāvattā. Avinibhuttadhammeti avinābhāvadhamme gahetvā. Ādi-saddena āyatanadhātuādayo gahitā. Kāmaguṇaggahaṇena hettha rūpabhāvasāmaññena pañca vatthūni gahitāneva honti, manogahaṇena dhammāyatanaṃ, evaṃ dvādasāyatanāni gahitāni honti. Iminā nayena dhātuādīnampi gahitatā yojetabbā. Tenāha ‘‘pañcakkhandhādivasenapettha bhummaṃ yojetabba’’nti. Etthāti pāḷiyaṃ. Kāmavatthu bhummaṃ.
зн̣иж̇ан̇гхасуд̇д̇аван̣н̣анаа нидтид̇аа.
Eṇijaṅghasuttavaṇṇanā niṭṭhitā.
сад̇д̇иваг̇г̇аван̣н̣анаа нидтид̇аа.
Sattivaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. зн̣иж̇ан̇гхасуд̇д̇ам̣ • 10. Eṇijaṅghasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. зн̣иж̇ан̇гхасуд̇д̇аван̣н̣анаа • 10. Eṇijaṅghasuttavaṇṇanā
