| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༡༠. ཨེཎིཛངྒྷསུཏྟཝཎྞནཱ
10. Eṇijaṅghasuttavaṇṇanā
༣༠. དསམེ ཨེཎིཛངྒྷནྟི ཨེཎིམིགསྶ ཝིཡ སུཝཊྚིཏཛངྒྷཾ། ཀིསནྟི ཨཐཱུལཾ སམསརཱིརཾ། ཨཐ ཝཱ ཨཱཏཔེན མིལཱཏཾ མཱལཱགནྡྷཝིལེཔནེཧི ཨནུཔབྲཱུཧིཏསརཱིརནྟིཔི ཨཏྠོ། ཝཱིརནྟི ཝཱིརིཡཝནྟཾ། ཨཔྤཱཧཱརནྟི བྷོཛནེ མཏྟཉྙུཏཱཡ མིཏཱཧཱརཾ, ཝིཀཱལབྷོཛནཔཊིཀྑེཔཝསེན ཝཱ པརིཏྟཱཧཱརཾ། ཨལོལུཔནྟི ཙཏཱུསུ པཙྩཡེསུ ལོལུཔྤཝིརཧིཏཾ། རསཏཎྷཱཔཊིཀྑེཔོ ཝཱ ཨེས། སཱིཧཾཝེཀཙརཾ ནཱགནྟི ཨེཀཙརཾ སཱིཧཾ ཝིཡ, ཨེཀཙརཾ ནཱགཾ ཝིཡ། གཎཝཱསིནོ ཧི པམཏྟཱ ཧོནྟི, ཨེཀཙརཱ ཨཔྤམཏྟཱ, ཏསྨཱ ཨེཀཙརཱཝ གཧིཏཱཏི། པཝེདིཏཱཏི པཀཱསིཏཱ ཀཐིཏཱ། ཨེཏྠཱཏི ཨེཏསྨིཾ ནཱམརཱུཔེ། པཉྩཀཱམགུཎཝསེན ཧི རཱུཔཾ གཧིཏཾ, མནེན ནཱམཾ, ཨུབྷཡེཧི པན ཨཝིནིབྷུཏྟདྷམྨེ གཧེཏྭཱ པཉྩཀྑནྡྷཱདིཝསེནཔེཏྠ བྷུམྨཾ ཡོཛེཏབྦནྟི། དསམཾ།
30. Dasame eṇijaṅghanti eṇimigassa viya suvaṭṭitajaṅghaṃ. Kisanti athūlaṃ samasarīraṃ. Atha vā ātapena milātaṃ mālāgandhavilepanehi anupabrūhitasarīrantipi attho. Vīranti vīriyavantaṃ. Appāhāranti bhojane mattaññutāya mitāhāraṃ, vikālabhojanapaṭikkhepavasena vā parittāhāraṃ. Alolupanti catūsu paccayesu loluppavirahitaṃ. Rasataṇhāpaṭikkhepo vā esa. Sīhaṃvekacaraṃ nāganti ekacaraṃ sīhaṃ viya, ekacaraṃ nāgaṃ viya. Gaṇavāsino hi pamattā honti, ekacarā appamattā, tasmā ekacarāva gahitāti. Paveditāti pakāsitā kathitā. Etthāti etasmiṃ nāmarūpe. Pañcakāmaguṇavasena hi rūpaṃ gahitaṃ, manena nāmaṃ, ubhayehi pana avinibhuttadhamme gahetvā pañcakkhandhādivasenapettha bhummaṃ yojetabbanti. Dasamaṃ.
སཏྟིཝགྒོ ཏཏིཡོ།
Sattivaggo tatiyo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༠. ཨེཎིཛངྒྷསུཏྟཾ • 10. Eṇijaṅghasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༠. ཨེཎིཛངྒྷསུཏྟཝཎྞནཱ • 10. Eṇijaṅghasuttavaṇṇanā
