| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੦. ਏਣਿਜਙ੍ਘਸੁਤ੍ਤવਣ੍ਣਨਾ
10. Eṇijaṅghasuttavaṇṇanā
੩੦. ਦਸਮੇ ਏਣਿਜਙ੍ਘਨ੍ਤਿ ਏਣਿਮਿਗਸ੍ਸ વਿਯ ਸੁવਟ੍ਟਿਤਜਙ੍ਘਂ। ਕਿਸਨ੍ਤਿ ਅਥੂਲਂ ਸਮਸਰੀਰਂ। ਅਥ વਾ ਆਤਪੇਨ ਮਿਲਾਤਂ ਮਾਲਾਗਨ੍ਧવਿਲੇਪਨੇਹਿ ਅਨੁਪਬ੍ਰੂਹਿਤਸਰੀਰਨ੍ਤਿਪਿ ਅਤ੍ਥੋ। વੀਰਨ੍ਤਿ વੀਰਿਯવਨ੍ਤਂ। ਅਪ੍ਪਾਹਾਰਨ੍ਤਿ ਭੋਜਨੇ ਮਤ੍ਤਞ੍ਞੁਤਾਯ ਮਿਤਾਹਾਰਂ, વਿਕਾਲਭੋਜਨਪਟਿਕ੍ਖੇਪવਸੇਨ વਾ ਪਰਿਤ੍ਤਾਹਾਰਂ। ਅਲੋਲੁਪਨ੍ਤਿ ਚਤੂਸੁ ਪਚ੍ਚਯੇਸੁ ਲੋਲੁਪ੍ਪવਿਰਹਿਤਂ। ਰਸਤਣ੍ਹਾਪਟਿਕ੍ਖੇਪੋ વਾ ਏਸ। ਸੀਹਂવੇਕਚਰਂ ਨਾਗਨ੍ਤਿ ਏਕਚਰਂ ਸੀਹਂ વਿਯ, ਏਕਚਰਂ ਨਾਗਂ વਿਯ। ਗਣવਾਸਿਨੋ ਹਿ ਪਮਤ੍ਤਾ ਹੋਨ੍ਤਿ, ਏਕਚਰਾ ਅਪ੍ਪਮਤ੍ਤਾ, ਤਸ੍ਮਾ ਏਕਚਰਾવ ਗਹਿਤਾਤਿ। ਪવੇਦਿਤਾਤਿ ਪਕਾਸਿਤਾ ਕਥਿਤਾ। ਏਤ੍ਥਾਤਿ ਏਤਸ੍ਮਿਂ ਨਾਮਰੂਪੇ। ਪਞ੍ਚਕਾਮਗੁਣવਸੇਨ ਹਿ ਰੂਪਂ ਗਹਿਤਂ, ਮਨੇਨ ਨਾਮਂ, ਉਭਯੇਹਿ ਪਨ ਅવਿਨਿਭੁਤ੍ਤਧਮ੍ਮੇ ਗਹੇਤ੍વਾ ਪਞ੍ਚਕ੍ਖਨ੍ਧਾਦਿવਸੇਨਪੇਤ੍ਥ ਭੁਮ੍ਮਂ ਯੋਜੇਤਬ੍ਬਨ੍ਤਿ। ਦਸਮਂ।
30. Dasame eṇijaṅghanti eṇimigassa viya suvaṭṭitajaṅghaṃ. Kisanti athūlaṃ samasarīraṃ. Atha vā ātapena milātaṃ mālāgandhavilepanehi anupabrūhitasarīrantipi attho. Vīranti vīriyavantaṃ. Appāhāranti bhojane mattaññutāya mitāhāraṃ, vikālabhojanapaṭikkhepavasena vā parittāhāraṃ. Alolupanti catūsu paccayesu loluppavirahitaṃ. Rasataṇhāpaṭikkhepo vā esa. Sīhaṃvekacaraṃ nāganti ekacaraṃ sīhaṃ viya, ekacaraṃ nāgaṃ viya. Gaṇavāsino hi pamattā honti, ekacarā appamattā, tasmā ekacarāva gahitāti. Paveditāti pakāsitā kathitā. Etthāti etasmiṃ nāmarūpe. Pañcakāmaguṇavasena hi rūpaṃ gahitaṃ, manena nāmaṃ, ubhayehi pana avinibhuttadhamme gahetvā pañcakkhandhādivasenapettha bhummaṃ yojetabbanti. Dasamaṃ.
ਸਤ੍ਤਿવਗ੍ਗੋ ਤਤਿਯੋ।
Sattivaggo tatiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਏਣਿਜਙ੍ਘਸੁਤ੍ਤਂ • 10. Eṇijaṅghasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਏਣਿਜਙ੍ਘਸੁਤ੍ਤવਣ੍ਣਨਾ • 10. Eṇijaṅghasuttavaṇṇanā
