| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൧൦. ഏണിജങ്ഘസുത്തവണ്ണനാ
10. Eṇijaṅghasuttavaṇṇanā
൩൦. ദസമേ ഏണിജങ്ഘന്തി ഏണിമിഗസ്സ വിയ സുവട്ടിതജങ്ഘം. കിസന്തി അഥൂലം സമസരീരം. അഥ വാ ആതപേന മിലാതം മാലാഗന്ധവിലേപനേഹി അനുപബ്രൂഹിതസരീരന്തിപി അത്ഥോ. വീരന്തി വീരിയവന്തം. അപ്പാഹാരന്തി ഭോജനേ മത്തഞ്ഞുതായ മിതാഹാരം, വികാലഭോജനപടിക്ഖേപവസേന വാ പരിത്താഹാരം. അലോലുപന്തി ചതൂസു പച്ചയേസു ലോലുപ്പവിരഹിതം. രസതണ്ഹാപടിക്ഖേപോ വാ ഏസ. സീഹംവേകചരം നാഗന്തി ഏകചരം സീഹം വിയ, ഏകചരം നാഗം വിയ. ഗണവാസിനോ ഹി പമത്താ ഹോന്തി, ഏകചരാ അപ്പമത്താ, തസ്മാ ഏകചരാവ ഗഹിതാതി. പവേദിതാതി പകാസിതാ കഥിതാ. ഏത്ഥാതി ഏതസ്മിം നാമരൂപേ. പഞ്ചകാമഗുണവസേന ഹി രൂപം ഗഹിതം, മനേന നാമം, ഉഭയേഹി പന അവിനിഭുത്തധമ്മേ ഗഹേത്വാ പഞ്ചക്ഖന്ധാദിവസേനപേത്ഥ ഭുമ്മം യോജേതബ്ബന്തി. ദസമം.
30. Dasame eṇijaṅghanti eṇimigassa viya suvaṭṭitajaṅghaṃ. Kisanti athūlaṃ samasarīraṃ. Atha vā ātapena milātaṃ mālāgandhavilepanehi anupabrūhitasarīrantipi attho. Vīranti vīriyavantaṃ. Appāhāranti bhojane mattaññutāya mitāhāraṃ, vikālabhojanapaṭikkhepavasena vā parittāhāraṃ. Alolupanti catūsu paccayesu loluppavirahitaṃ. Rasataṇhāpaṭikkhepo vā esa. Sīhaṃvekacaraṃ nāganti ekacaraṃ sīhaṃ viya, ekacaraṃ nāgaṃ viya. Gaṇavāsino hi pamattā honti, ekacarā appamattā, tasmā ekacarāva gahitāti. Paveditāti pakāsitā kathitā. Etthāti etasmiṃ nāmarūpe. Pañcakāmaguṇavasena hi rūpaṃ gahitaṃ, manena nāmaṃ, ubhayehi pana avinibhuttadhamme gahetvā pañcakkhandhādivasenapettha bhummaṃ yojetabbanti. Dasamaṃ.
സത്തിവഗ്ഗോ തതിയോ.
Sattivaggo tatiyo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. ഏണിജങ്ഘസുത്തം • 10. Eṇijaṅghasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧൦. ഏണിജങ്ഘസുത്തവണ്ണനാ • 10. Eṇijaṅghasuttavaṇṇanā
