| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. зрагад̇т̇зраг̇аат̇ааван̣н̣анаа
3. Erakattheragāthāvaṇṇanā
д̣̇угкаа гаамаа зрагаад̇и ааяасмад̇о зрагад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ д̣̇исваа басаннамаанасо сад̇т̇у гин̃жи д̣̇аад̇аб̣б̣аяуд̇д̇агам̣ алабханд̇о ‘‘ханд̣̇аахам̣ гааяасаарам̣ бун̃н̃ам̣ гариссаамий’’д̇и сад̇т̇у г̇аманамаг̇г̇ам̣ сод̇хзд̇ваа самам̣ агааси. сад̇т̇аа д̇зна д̇ат̇аагад̇ам̣ маг̇г̇ам̣ бадибаж̇ж̇и . со д̇ад̇т̇а бхаг̇аванд̇ам̣ д̣̇исваа басаннамаанасо ванд̣̇ид̇ваа ан̃ж̇алим̣ баг̇г̇аяха басаннажид̇д̇о яаава д̣̇ассанубажаарасамад̇иггамаа б̣уд̣̇д̇хаарамман̣ам̣ бийд̇им̣ авиж̇аханд̇о адтааси. со д̇зна бун̃н̃агаммзна д̣̇звалогз ниб̣б̣ад̇д̇о абараабарам̣ бун̃н̃аани гад̇ваа суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ самбхааванийяасса гудумб̣ияасса буд̇д̇о худ̇ваа ниб̣б̣ад̇д̇и, зрагод̇исса наамам̣ ахоси абхируубо д̣̇ассанийяо баасаад̣̇иго ид̇игад̇д̇аб̣б̣ад̇аасу барамзна взяяад̇д̇иязна саманнааг̇ад̇о. д̇асса маад̇аабид̇аро гулзна руубзна аажаарзна ваязна госаллзна жа анужчавигам̣ д̣̇ааригам̣ аанзд̇ваа виваахагаммам̣ агам̣су . со д̇ааяа сад̣̇д̇хим̣ сам̣ваасзна г̇зхз васанд̇о бажчимабхавигад̇д̇аа гзнажид̣̇зва сам̣взг̇авад̇т̇унаа сам̣саарз сам̣виг̇г̇амаанасо сад̇т̇у санд̇игам̣ г̇анд̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇и, д̇асса сад̇т̇аа гаммадтаанам̣ ад̣̇ааси. со гаммадтаанам̣ г̇ахзд̇ваа гад̇ибаяад̣̇ивасаад̇иггамзна угган̣таабхибхууд̇о вихааси. ат̇а сад̇т̇аа д̇асса жид̇д̇аббавад̇д̇им̣ н̃ад̇ваа оваад̣̇авасзна ‘‘д̣̇угкаа гаамаа зрагаа’’д̇и г̇аат̇ам̣ абхааси. со д̇ам̣ суд̇ваа ‘‘аяуд̇д̇ам̣ маяаа гад̇ам̣, яохам̣ зваруубасса сад̇т̇у санд̇игз гаммадтаанам̣ г̇ахзд̇ваа д̇ам̣ виссаж̇ж̇знд̇о мижчаавид̇аггаб̣ахуло вихааси’’нд̇и сам̣взг̇аж̇аад̇о вибассанааяа яуд̇д̇аббаяуд̇д̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.15.32-36) –
Dukkhā kāmā erakāti āyasmato erakattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto siddhatthassa bhagavato kāle kulagehe nibbattitvā viññutaṃ patto ekadivasaṃ satthāraṃ disvā pasannamānaso satthu kiñci dātabbayuttakaṃ alabhanto ‘‘handāhaṃ kāyasāraṃ puññaṃ karissāmī’’ti satthu gamanamaggaṃ sodhetvā samaṃ akāsi. Satthā tena tathākataṃ maggaṃ paṭipajji . So tattha bhagavantaṃ disvā pasannamānaso vanditvā añjaliṃ paggayha pasannacitto yāva dassanupacārasamatikkamā buddhārammaṇaṃ pītiṃ avijahanto aṭṭhāsi. So tena puññakammena devaloke nibbatto aparāparaṃ puññāni katvā sugatīsuyeva saṃsaranto imasmiṃ buddhuppāde sāvatthiyaṃ sambhāvanīyassa kuṭumbiyassa putto hutvā nibbatti, erakotissa nāmaṃ ahosi abhirūpo dassanīyo pāsādiko itikattabbatāsu paramena veyyattiyena samannāgato. Tassa mātāpitaro kulena rūpena ācārena vayena kosallena ca anucchavikaṃ dārikaṃ ānetvā vivāhakammaṃ akaṃsu . So tāya saddhiṃ saṃvāsena gehe vasanto pacchimabhavikattā kenacideva saṃvegavatthunā saṃsāre saṃviggamānaso satthu santikaṃ gantvā dhammaṃ sutvā paṭiladdhasaddho pabbaji, tassa satthā kammaṭṭhānaṃ adāsi. So kammaṭṭhānaṃ gahetvā katipayadivasātikkamena ukkaṇṭhābhibhūto vihāsi. Atha satthā tassa cittappavattiṃ ñatvā ovādavasena ‘‘dukkhā kāmā erakā’’ti gāthaṃ abhāsi. So taṃ sutvā ‘‘ayuttaṃ mayā kataṃ, yohaṃ evarūpassa satthu santike kammaṭṭhānaṃ gahetvā taṃ vissajjento micchāvitakkabahulo vihāsi’’nti saṃvegajāto vipassanāya yuttappayutto nacirasseva arahattaṃ pāpuṇi. Tena vuttaṃ apadāne (apa. thera 1.15.32-36) –
‘‘уд̇д̇арид̇ваана над̣̇игам̣, ванам̣ г̇ажчад̇и жагкумаа;
‘‘Uttaritvāna nadikaṃ, vanaṃ gacchati cakkhumā;
д̇амад̣̇д̣̇асаасим̣ самб̣уд̣̇д̇хам̣, сид̣̇д̇хад̇т̇ам̣ варалагкан̣ам̣.
Tamaddasāsiṃ sambuddhaṃ, siddhatthaṃ varalakkhaṇaṃ.
‘‘гуд̣̇аалабидагамаад̣̇ааяа , самам̣ гад̇ваана д̇ам̣ бат̇ам̣;
‘‘Kudālapiṭakamādāya , samaṃ katvāna taṃ pathaṃ;
сад̇т̇аарам̣ абхиваад̣̇зд̇ваа, сагам̣ жид̇д̇ам̣ басаад̣̇аяим̣.
Satthāraṃ abhivādetvā, sakaṃ cittaṃ pasādayiṃ.
‘‘жад̇уннавуд̇ид̇о габбз, яам̣ гаммамагарим̣ д̇ад̣̇аа;
‘‘Catunnavutito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, маг̇г̇ад̣̇аанассид̣̇ам̣ палам̣.
Duggatiṃ nābhijānāmi, maggadānassidaṃ phalaṃ.
‘‘сад̇д̇абан̃н̃аасагаббамхи, зго аасим̣ ж̇анаад̇хибо;
‘‘Sattapaññāsakappamhi, eko āsiṃ janādhipo;
наамзна суббаб̣уд̣̇д̇ход̇и, нааяаго со нариссаро.
Nāmena suppabuddhoti, nāyako so narissaro.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахаа бана худ̇ваа ан̃н̃ам̣ б̣яаагаронд̇о –
Arahā pana hutvā aññaṃ byākaronto –
93.
93.
‘‘д̣̇угкаа гаамаа зрага, на сукаа гаамаа зрага;
‘‘Dukkhā kāmā eraka, na sukhā kāmā eraka;
яо гаамз гаамаяад̇и, д̣̇угкам̣ со гаамаяад̇и зрага;
Yo kāme kāmayati, dukkhaṃ so kāmayati eraka;
яо гаамз на гаамаяад̇и, д̣̇угкам̣ со на гаамаяад̇и зрагаа’’д̇и. –
Yo kāme na kāmayati, dukkhaṃ so na kāmayati erakā’’ti. –
д̇амзва бхаг̇авад̇аа вуд̇д̇аг̇аат̇ам̣ бажжуд̣̇аахааси.
Tameva bhagavatā vuttagāthaṃ paccudāhāsi.
д̇ад̇т̇а д̣̇угкаа гаамаад̇и имз вад̇т̇угаамагилзсагаамаа д̣̇угкавад̇т̇уд̇ааяа вибарин̣аамад̣̇угкасам̣саарад̣̇угкасабхаавад̇о жа, д̣̇угкаа д̣̇угкамаа д̣̇угканиб̣б̣ад̇д̇игаа. вуд̇д̇ан̃хзд̇ам̣ – ‘‘аббассаад̣̇аа гаамаа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’’д̇иаад̣̇и (баажи. 417; ма. ни. 1.234). зрагаад̇и батамам̣ д̇аава бхаг̇аваа д̇ам̣ аалабад̇и, бажчаа бана т̇зро ад̇д̇аанам̣ наамзна гат̇зси. на сукаа гаамаад̇и гаамаа наамзд̇з ж̇аананд̇асса сукаа на хонд̇и, аж̇аананд̇асса бана сукад̇о убадтаханд̇и. яат̇ааха – ‘‘яо сукам̣ д̣̇угкад̇о ад̣̇д̣̇а, д̣̇угкамад̣̇д̣̇агки саллад̇о’’д̇иаад̣̇и (сам̣. ни. 4.253; ид̇иву. 53; т̇зраг̇аа. 986). яо гаамз гаамаяад̇и, д̣̇угкам̣ со гаамаяад̇ийд̇и яо сад̇д̇о гилзсагаамзна вад̇т̇угаамз гаамаяад̇и, д̇асса д̇ам̣ гааманам̣ самбад̇и сабарил̣аахад̇ааяа , ааяад̇им̣ абааяад̣̇угкахзд̇уд̇ааяа жа ваддад̣̇угкахзд̇уд̇ааяа жа д̣̇угкам̣. вад̇т̇угаамаа бана д̣̇угкасса вад̇т̇убхууд̇аа. ид̇и со д̣̇угкасабхаавам̣ д̣̇угканимид̇д̇ам̣ д̣̇угкавад̇т̇ун̃жа гаамаяад̇ийд̇и вуд̇д̇о. ид̇арам̣ бадибагкавасзна д̇амзвад̇т̇ам̣ н̃аабзд̇ум̣ вуд̇д̇ам̣, д̇асмаа д̇ассад̇т̇о вуд̇д̇авибарияааязна взд̣̇ид̇аб̣б̣о.
Tattha dukkhā kāmāti ime vatthukāmakilesakāmā dukkhavatthutāya vipariṇāmadukkhasaṃsāradukkhasabhāvato ca, dukkhā dukkhamā dukkhanibbattikā. Vuttañhetaṃ – ‘‘appassādā kāmā bahudukkhā bahupāyāsā, ādīnavo ettha bhiyyo’’tiādi (pāci. 417; ma. ni. 1.234). Erakāti paṭhamaṃ tāva bhagavā taṃ ālapati, pacchā pana thero attānaṃ nāmena kathesi. Na sukhā kāmāti kāmā nāmete jānantassa sukhā na honti, ajānantassa pana sukhato upaṭṭhahanti. Yathāha – ‘‘yo sukhaṃ dukkhato adda, dukkhamaddakkhi sallato’’tiādi (saṃ. ni. 4.253; itivu. 53; theragā. 986). Yo kāme kāmayati, dukkhaṃ so kāmayatīti yo satto kilesakāmena vatthukāme kāmayati, tassa taṃ kāmanaṃ sampati sapariḷāhatāya , āyatiṃ apāyadukkhahetutāya ca vaṭṭadukkhahetutāya ca dukkhaṃ. Vatthukāmā pana dukkhassa vatthubhūtā. Iti so dukkhasabhāvaṃ dukkhanimittaṃ dukkhavatthuñca kāmayatīti vutto. Itaraṃ paṭipakkhavasena tamevatthaṃ ñāpetuṃ vuttaṃ, tasmā tassattho vuttavipariyāyena veditabbo.
зрагад̇т̇зраг̇аат̇ааван̣н̣анаа нидтид̇аа.
Erakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. зрагад̇т̇зраг̇аат̇аа • 3. Erakattheragāthā
