| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
6. зсугаарийсуд̇д̇ам̣
6. Esukārīsuttaṃ
436. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко зсугаарий б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко зсугаарий б̣раахман̣о бхаг̇аванд̇ам̣ зд̇ад̣̇авожа – ‘‘б̣раахман̣аа, бхо г̇од̇ама, жад̇ассо баарижарияаа бан̃н̃абзнд̇и – б̣раахман̣асса баарижарияам̣ бан̃н̃абзнд̇и, кад̇д̇ияасса баарижарияам̣ бан̃н̃абзнд̇и, взссасса баарижарияам̣ бан̃н̃абзнд̇и, суд̣̇д̣̇асса баарижарияам̣ бан̃н̃абзнд̇и. д̇ад̇рид̣̇ам̣, бхо г̇од̇ама, б̣раахман̣аа б̣раахман̣асса баарижарияам̣ бан̃н̃абзнд̇и – ‘б̣раахман̣о ваа б̣раахман̣ам̣ барижарзяяа, кад̇д̇ияо ваа б̣раахман̣ам̣ барижарзяяа, взссо ваа б̣раахман̣ам̣ барижарзяяа, суд̣̇д̣̇о ваа б̣раахман̣ам̣ барижарзяяаа’д̇и. ид̣̇ам̣ ко, бхо г̇од̇ама, б̣раахман̣аа б̣раахман̣асса баарижарияам̣ бан̃н̃абзнд̇и. д̇ад̇рид̣̇ам̣, бхо г̇од̇ама, б̣раахман̣аа кад̇д̇ияасса баарижарияам̣ бан̃н̃абзнд̇и – ‘кад̇д̇ияо ваа кад̇д̇ияам̣ барижарзяяа, взссо ваа кад̇д̇ияам̣ барижарзяяа, суд̣̇д̣̇о ваа кад̇д̇ияам̣ барижарзяяаа’д̇и. ид̣̇ам̣ ко, бхо г̇од̇ама, б̣раахман̣аа кад̇д̇ияасса баарижарияам̣ бан̃н̃абзнд̇и. д̇ад̇рид̣̇ам̣, бхо г̇од̇ама, б̣раахман̣аа взссасса баарижарияам̣ бан̃н̃абзнд̇и – ‘взссо ваа взссам̣ барижарзяяа, суд̣̇д̣̇о ваа взссам̣ барижарзяяаа’д̇и. ид̣̇ам̣ ко, бхо г̇од̇ама, б̣раахман̣аа взссасса баарижарияам̣ бан̃н̃абзнд̇и . д̇ад̇рид̣̇ам̣, бхо г̇од̇ама, б̣раахман̣аа суд̣̇д̣̇асса баарижарияам̣ бан̃н̃абзнд̇и – ‘суд̣̇д̣̇ова суд̣̇д̣̇ам̣ барижарзяяа. го банан̃н̃о суд̣̇д̣̇ам̣ барижариссад̇ий’д̇и? ид̣̇ам̣ ко, бхо г̇од̇ама, б̣раахман̣аа суд̣̇д̣̇асса баарижарияам̣ бан̃н̃абзнд̇и. б̣раахман̣аа, бхо г̇од̇ама, имаа жад̇ассо баарижарияаа бан̃н̃абзнд̇и. ид̇ха бхавам̣ г̇од̇амо гимаахаа’’д̇и?
436. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho esukārī brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho esukārī brāhmaṇo bhagavantaṃ etadavoca – ‘‘brāhmaṇā, bho gotama, catasso pāricariyā paññapenti – brāhmaṇassa pāricariyaṃ paññapenti, khattiyassa pāricariyaṃ paññapenti, vessassa pāricariyaṃ paññapenti, suddassa pāricariyaṃ paññapenti. Tatridaṃ, bho gotama, brāhmaṇā brāhmaṇassa pāricariyaṃ paññapenti – ‘brāhmaṇo vā brāhmaṇaṃ paricareyya, khattiyo vā brāhmaṇaṃ paricareyya, vesso vā brāhmaṇaṃ paricareyya, suddo vā brāhmaṇaṃ paricareyyā’ti. Idaṃ kho, bho gotama, brāhmaṇā brāhmaṇassa pāricariyaṃ paññapenti. Tatridaṃ, bho gotama, brāhmaṇā khattiyassa pāricariyaṃ paññapenti – ‘khattiyo vā khattiyaṃ paricareyya, vesso vā khattiyaṃ paricareyya, suddo vā khattiyaṃ paricareyyā’ti. Idaṃ kho, bho gotama, brāhmaṇā khattiyassa pāricariyaṃ paññapenti. Tatridaṃ, bho gotama, brāhmaṇā vessassa pāricariyaṃ paññapenti – ‘vesso vā vessaṃ paricareyya, suddo vā vessaṃ paricareyyā’ti. Idaṃ kho, bho gotama, brāhmaṇā vessassa pāricariyaṃ paññapenti . Tatridaṃ, bho gotama, brāhmaṇā suddassa pāricariyaṃ paññapenti – ‘suddova suddaṃ paricareyya. Ko panañño suddaṃ paricarissatī’ti? Idaṃ kho, bho gotama, brāhmaṇā suddassa pāricariyaṃ paññapenti. Brāhmaṇā, bho gotama, imā catasso pāricariyā paññapenti. Idha bhavaṃ gotamo kimāhā’’ti?
437. ‘‘гим̣ бана, б̣раахман̣а, саб̣б̣о лого б̣раахман̣аанам̣ зд̇ад̣̇аб̣бхануж̇аанаад̇и – ‘имаа жад̇ассо баарижарияаа бан̃н̃абзнд̇уу’’’д̇и 1? ‘‘но хид̣̇ам̣, бхо г̇од̇ама’’. ‘‘сзяяат̇ааби, б̣раахман̣а, бурисо д̣̇алид̣̇д̣̇о 2 ассаго анаал̣хияо. д̇асса агаамасса б̣илам̣ олаг̇г̇зяяум̣ – ‘ид̣̇ам̣ д̇з, амбхо буриса, мам̣сам̣ каад̣̇ид̇аб̣б̣ам̣, муулан̃жа ануббад̣̇аад̇аб̣б̣а’нд̇и. звамзва ко, б̣раахман̣а, б̣раахман̣аа аббадин̃н̃ааяа д̇зсам̣ саман̣аб̣раахман̣аанам̣, ат̇а жа банимаа жад̇ассо баарижарияаа бан̃н̃абзнд̇и. наахам̣, б̣раахман̣а, ‘саб̣б̣ам̣ барижарид̇аб̣б̣а’нд̇и вад̣̇аами; наахам̣, б̣раахман̣а, ‘саб̣б̣ам̣ на барижарид̇аб̣б̣а’нд̇и вад̣̇аами. яам̣ хисса, б̣раахман̣а, барижарад̇о баарижарияаахзд̇у баабияо асса на сзяяо, наахам̣ д̇ам̣ ‘барижарид̇аб̣б̣а’нд̇и вад̣̇аами; яан̃жа кваасса, б̣раахман̣а, барижарад̇о баарижарияаахзд̇у сзяяо асса на баабияо д̇амахам̣ ‘барижарид̇аб̣б̣а’нд̇и вад̣̇аами. кад̇д̇ияам̣ жзби, б̣раахман̣а, звам̣ бужчзяяум̣ – ‘яам̣ ваа д̇з барижарад̇о баарижарияаахзд̇у баабияо асса на сзяяо, яам̣ ваа д̇з барижарад̇о баарижарияаахзд̇у сзяяо асса на баабияо; гамзд̇т̇а барижарзяяаасий’д̇и, кад̇д̇ияоби хи, б̣раахман̣а , саммаа б̣яаагарамаано звам̣ б̣яаагарзяяа – ‘яан̃хи мз барижарад̇о баарижарияаахзд̇у баабияо асса на сзяяо, наахам̣ д̇ам̣ барижарзяяам̣; яан̃жа ко мз барижарад̇о баарижарияаахзд̇у сзяяо асса на баабияо д̇амахам̣ барижарзяяа’нд̇и. б̣раахман̣ам̣ жзби, б̣раахман̣а…бз… взссам̣ жзби, б̣раахман̣а…бз… суд̣̇д̣̇ам̣ жзби, б̣раахман̣а, звам̣ бужчзяяум̣ – ‘яам̣ ваа д̇з барижарад̇о баарижарияаахзд̇у баабияо асса на сзяяо, яам̣ ваа д̇з барижарад̇о баарижарияаахзд̇у сзяяо асса на баабияо; гамзд̇т̇а барижарзяяаасий’д̇и, суд̣̇д̣̇оби хи, б̣раахман̣а, саммаа б̣яаагарамаано звам̣ б̣яаагарзяяа – ‘яан̃хи мз барижарад̇о баарижарияаахзд̇у баабияо асса на сзяяо, наахам̣ д̇ам̣ барижарзяяам̣; яан̃жа ко мз барижарад̇о баарижарияаахзд̇у сзяяо асса на баабияо д̇амахам̣ барижарзяяа’нд̇и. наахам̣, б̣раахман̣а, ‘ужжаагулийнад̇аа сзяяам̣со’д̇и вад̣̇аами, на банаахам̣, б̣раахман̣а, ‘ужжаагулийнад̇аа баабияам̣со’д̇и вад̣̇аами; наахам̣, б̣раахман̣а, ‘ул̣аараван̣н̣ад̇аа сзяяам̣со’д̇и вад̣̇аами, на банаахам̣, б̣раахман̣а, ‘ул̣аараван̣н̣ад̇аа баабияам̣со’д̇и вад̣̇аами; наахам̣, б̣раахман̣а, ‘ул̣аарабхог̇ад̇аа сзяяам̣со’д̇и вад̣̇аами, на банаахам̣, б̣раахман̣а, ‘ул̣аарабхог̇ад̇аа баабияам̣со’д̇и вад̣̇аами.
437. ‘‘Kiṃ pana, brāhmaṇa, sabbo loko brāhmaṇānaṃ etadabbhanujānāti – ‘imā catasso pāricariyā paññapentū’’’ti 3? ‘‘No hidaṃ, bho gotama’’. ‘‘Seyyathāpi, brāhmaṇa, puriso daliddo 4 assako anāḷhiyo. Tassa akāmassa bilaṃ olaggeyyuṃ – ‘idaṃ te, ambho purisa, maṃsaṃ khāditabbaṃ, mūlañca anuppadātabba’nti. Evameva kho, brāhmaṇa, brāhmaṇā appaṭiññāya tesaṃ samaṇabrāhmaṇānaṃ, atha ca panimā catasso pāricariyā paññapenti. Nāhaṃ, brāhmaṇa, ‘sabbaṃ paricaritabba’nti vadāmi; nāhaṃ, brāhmaṇa, ‘sabbaṃ na paricaritabba’nti vadāmi. Yaṃ hissa, brāhmaṇa, paricarato pāricariyāhetu pāpiyo assa na seyyo, nāhaṃ taṃ ‘paricaritabba’nti vadāmi; yañca khvāssa, brāhmaṇa, paricarato pāricariyāhetu seyyo assa na pāpiyo tamahaṃ ‘paricaritabba’nti vadāmi. Khattiyaṃ cepi, brāhmaṇa, evaṃ puccheyyuṃ – ‘yaṃ vā te paricarato pāricariyāhetu pāpiyo assa na seyyo, yaṃ vā te paricarato pāricariyāhetu seyyo assa na pāpiyo; kamettha paricareyyāsī’ti, khattiyopi hi, brāhmaṇa , sammā byākaramāno evaṃ byākareyya – ‘yañhi me paricarato pāricariyāhetu pāpiyo assa na seyyo, nāhaṃ taṃ paricareyyaṃ; yañca kho me paricarato pāricariyāhetu seyyo assa na pāpiyo tamahaṃ paricareyya’nti. Brāhmaṇaṃ cepi, brāhmaṇa…pe… vessaṃ cepi, brāhmaṇa…pe… suddaṃ cepi, brāhmaṇa, evaṃ puccheyyuṃ – ‘yaṃ vā te paricarato pāricariyāhetu pāpiyo assa na seyyo, yaṃ vā te paricarato pāricariyāhetu seyyo assa na pāpiyo; kamettha paricareyyāsī’ti, suddopi hi, brāhmaṇa, sammā byākaramāno evaṃ byākareyya – ‘yañhi me paricarato pāricariyāhetu pāpiyo assa na seyyo, nāhaṃ taṃ paricareyyaṃ; yañca kho me paricarato pāricariyāhetu seyyo assa na pāpiyo tamahaṃ paricareyya’nti. Nāhaṃ, brāhmaṇa, ‘uccākulīnatā seyyaṃso’ti vadāmi, na panāhaṃ, brāhmaṇa, ‘uccākulīnatā pāpiyaṃso’ti vadāmi; nāhaṃ, brāhmaṇa, ‘uḷāravaṇṇatā seyyaṃso’ti vadāmi, na panāhaṃ, brāhmaṇa, ‘uḷāravaṇṇatā pāpiyaṃso’ti vadāmi; nāhaṃ, brāhmaṇa, ‘uḷārabhogatā seyyaṃso’ti vadāmi, na panāhaṃ, brāhmaṇa, ‘uḷārabhogatā pāpiyaṃso’ti vadāmi.
438. ‘‘ужжаагулийноби хи, б̣раахман̣а, ид̇хзгажжо баан̣аад̇ибаад̇ий ход̇и, ад̣̇иннаад̣̇ааяий ход̇и, гаамзсумижчаажаарий ход̇и, мусааваад̣̇ий ход̇и, бисун̣ааваажо ход̇и, парусааваажо ход̇и, сампаббалаабий ход̇и, абхиж̇жхаалу ход̇и , б̣яаабаннажид̇д̇о ход̇и, мижчаад̣̇идти ход̇и. д̇асмаа ‘на ужжаагулийнад̇аа сзяяам̣со’д̇и вад̣̇аами. ужжаагулийноби хи, б̣раахман̣а, ид̇хзгажжо баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, гаамзсумижчаажаараа бадивирад̇о ход̇и, мусааваад̣̇аа бадивирад̇о ход̇и, бисун̣ааяа ваажааяа бадивирад̇о ход̇и, парусааяа ваажааяа бадивирад̇о ход̇и, сампаббалаабаа бадивирад̇о ход̇и, анабхиж̇жхаалу ход̇и, аб̣яаабаннажид̇д̇о ход̇и, саммаад̣̇идти ход̇и. д̇асмаа ‘на ужжаагулийнад̇аа баабияам̣со’д̇и вад̣̇аами.
438. ‘‘Uccākulīnopi hi, brāhmaṇa, idhekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇāvāco hoti, pharusāvāco hoti, samphappalāpī hoti, abhijjhālu hoti , byāpannacitto hoti, micchādiṭṭhi hoti. Tasmā ‘na uccākulīnatā seyyaṃso’ti vadāmi. Uccākulīnopi hi, brāhmaṇa, idhekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti. Tasmā ‘na uccākulīnatā pāpiyaṃso’ti vadāmi.
439. ‘‘ул̣аараван̣н̣оби хи, б̣раахман̣а…бз… ул̣аарабхог̇оби хи, б̣раахман̣а, ид̇хзгажжо баан̣аад̇ибаад̇ий ход̇и…бз… мижчаад̣̇идти ход̇и. д̇асмаа ‘на ул̣аарабхог̇ад̇аа сзяяам̣со’д̇и вад̣̇аами. ул̣аарабхог̇оби хи, б̣раахман̣а, ид̇хзгажжо баан̣аад̇ибаад̇аа бадивирад̇о ход̇и…бз… саммаад̣̇идти ход̇и. д̇асмаа ‘на ул̣аарабхог̇ад̇аа баабияам̣со’д̇и вад̣̇аами. наахам̣, б̣раахман̣а, ‘саб̣б̣ам̣ барижарид̇аб̣б̣а’нд̇и вад̣̇аами, на банаахам̣, б̣раахман̣а, ‘саб̣б̣ам̣ на барижарид̇аб̣б̣а’нд̇и вад̣̇аами. яам̣ хисса, б̣раахман̣а, барижарад̇о баарижарияаахзд̇у сад̣̇д̇хаа вад̣дхад̇и, сийлам̣ вад̣дхад̇и, суд̇ам̣ вад̣дхад̇и, жааг̇о вад̣дхад̇и, бан̃н̃аа вад̣дхад̇и, д̇амахам̣ ‘барижарид̇аб̣б̣а’нд̇и (вад̣̇аами. яам̣ хисса, б̣раахман̣а, барижарад̇о баарижарияаахзд̇у на сад̣̇д̇хаа вад̣дхад̇и, на сийлам̣ вад̣дхад̇и, на суд̇ам̣ вад̣дхад̇и, на жааг̇о вад̣дхад̇и, на бан̃н̃аа вад̣дхад̇и, наахам̣ д̇ам̣ ‘барижарид̇аб̣б̣а’нд̇и) 5 вад̣̇аамий’’д̇и.
439. ‘‘Uḷāravaṇṇopi hi, brāhmaṇa…pe… uḷārabhogopi hi, brāhmaṇa, idhekacco pāṇātipātī hoti…pe… micchādiṭṭhi hoti. Tasmā ‘na uḷārabhogatā seyyaṃso’ti vadāmi. Uḷārabhogopi hi, brāhmaṇa, idhekacco pāṇātipātā paṭivirato hoti…pe… sammādiṭṭhi hoti. Tasmā ‘na uḷārabhogatā pāpiyaṃso’ti vadāmi. Nāhaṃ, brāhmaṇa, ‘sabbaṃ paricaritabba’nti vadāmi, na panāhaṃ, brāhmaṇa, ‘sabbaṃ na paricaritabba’nti vadāmi. Yaṃ hissa, brāhmaṇa, paricarato pāricariyāhetu saddhā vaḍḍhati, sīlaṃ vaḍḍhati, sutaṃ vaḍḍhati, cāgo vaḍḍhati, paññā vaḍḍhati, tamahaṃ ‘paricaritabba’nti (vadāmi. Yaṃ hissa, brāhmaṇa, paricarato pāricariyāhetu na saddhā vaḍḍhati, na sīlaṃ vaḍḍhati, na sutaṃ vaḍḍhati, na cāgo vaḍḍhati, na paññā vaḍḍhati, nāhaṃ taṃ ‘paricaritabba’nti) 6 vadāmī’’ti.
440. звам̣ вуд̇д̇з, зсугаарий б̣раахман̣о бхаг̇аванд̇ам̣ зд̇ад̣̇авожа – ‘‘б̣раахман̣аа, бхо г̇од̇ама, жад̇д̇аари д̇ханаани бан̃н̃абзнд̇и – б̣раахман̣асса санд̇ханам̣ бан̃н̃абзнд̇и, кад̇д̇ияасса санд̇ханам̣ бан̃н̃абзнд̇и, взссасса санд̇ханам̣ бан̃н̃абзнд̇и, суд̣̇д̣̇асса санд̇ханам̣ бан̃н̃абзнд̇и. д̇ад̇рид̣̇ам̣, бхо г̇од̇ама, б̣раахман̣аа б̣раахман̣асса санд̇ханам̣ бан̃н̃абзнд̇и бхигкаажарияам̣; бхигкаажарияан̃жа бана б̣раахман̣о санд̇ханам̣ ад̇иман̃н̃амаано агижжагаарий ход̇и г̇обова ад̣̇иннам̣ аад̣̇ияамаанод̇и. ид̣̇ам̣ ко, бхо г̇од̇ама, б̣раахман̣аа б̣раахман̣асса санд̇ханам̣ бан̃н̃абзнд̇и. д̇ад̇рид̣̇ам̣, бхо г̇од̇ама, б̣раахман̣аа кад̇д̇ияасса санд̇ханам̣ бан̃н̃абзнд̇и д̇ханугалаабам̣; д̇ханугалаабан̃жа бана кад̇д̇ияо санд̇ханам̣ ад̇иман̃н̃амаано агижжагаарий ход̇и г̇обова ад̣̇иннам̣ аад̣̇ияамаанод̇и. ид̣̇ам̣ ко, бхо г̇од̇ама, б̣раахман̣аа кад̇д̇ияасса санд̇ханам̣ бан̃н̃абзнд̇и. д̇ад̇рид̣̇ам̣, бхо г̇од̇ама, б̣раахман̣аа взссасса санд̇ханам̣ бан̃н̃абзнд̇и гасиг̇орагкам̣; гасиг̇орагкан̃жа бана взссо санд̇ханам̣ ад̇иман̃н̃амаано агижжагаарий ход̇и г̇обова ад̣̇иннам̣ аад̣̇ияамаанод̇и. ид̣̇ам̣ ко, бхо г̇од̇ама, б̣раахман̣аа взссасса санд̇ханам̣ бан̃н̃абзнд̇и. д̇ад̇рид̣̇ам̣, бхо г̇од̇ама, б̣раахман̣аа суд̣̇д̣̇асса санд̇ханам̣ бан̃н̃абзнд̇и асид̇аб̣яаабхан̇г̇им̣; асид̇аб̣яаабхан̇г̇ин̃жа бана суд̣̇д̣̇о санд̇ханам̣ ад̇иман̃н̃амаано агижжагаарий ход̇и г̇обова ад̣̇иннам̣ аад̣̇ияамаанод̇и. ид̣̇ам̣ ко, бхо г̇од̇ама, б̣раахман̣аа суд̣̇д̣̇асса санд̇ханам̣ бан̃н̃абзнд̇и. б̣раахман̣аа, бхо г̇од̇ама, имаани жад̇д̇аари д̇ханаани бан̃н̃абзнд̇и. ид̇ха бхавам̣ г̇од̇амо гимаахаа’’д̇и?
440. Evaṃ vutte, esukārī brāhmaṇo bhagavantaṃ etadavoca – ‘‘brāhmaṇā, bho gotama, cattāri dhanāni paññapenti – brāhmaṇassa sandhanaṃ paññapenti, khattiyassa sandhanaṃ paññapenti, vessassa sandhanaṃ paññapenti, suddassa sandhanaṃ paññapenti. Tatridaṃ, bho gotama, brāhmaṇā brāhmaṇassa sandhanaṃ paññapenti bhikkhācariyaṃ; bhikkhācariyañca pana brāhmaṇo sandhanaṃ atimaññamāno akiccakārī hoti gopova adinnaṃ ādiyamānoti. Idaṃ kho, bho gotama, brāhmaṇā brāhmaṇassa sandhanaṃ paññapenti. Tatridaṃ, bho gotama, brāhmaṇā khattiyassa sandhanaṃ paññapenti dhanukalāpaṃ; dhanukalāpañca pana khattiyo sandhanaṃ atimaññamāno akiccakārī hoti gopova adinnaṃ ādiyamānoti. Idaṃ kho, bho gotama, brāhmaṇā khattiyassa sandhanaṃ paññapenti. Tatridaṃ, bho gotama, brāhmaṇā vessassa sandhanaṃ paññapenti kasigorakkhaṃ; kasigorakkhañca pana vesso sandhanaṃ atimaññamāno akiccakārī hoti gopova adinnaṃ ādiyamānoti. Idaṃ kho, bho gotama, brāhmaṇā vessassa sandhanaṃ paññapenti. Tatridaṃ, bho gotama, brāhmaṇā suddassa sandhanaṃ paññapenti asitabyābhaṅgiṃ; asitabyābhaṅgiñca pana suddo sandhanaṃ atimaññamāno akiccakārī hoti gopova adinnaṃ ādiyamānoti. Idaṃ kho, bho gotama, brāhmaṇā suddassa sandhanaṃ paññapenti. Brāhmaṇā, bho gotama, imāni cattāri dhanāni paññapenti. Idha bhavaṃ gotamo kimāhā’’ti?
441. ‘‘гим̣ бана, б̣раахман̣а, саб̣б̣о лого б̣раахман̣аанам̣ зд̇ад̣̇аб̣бхануж̇аанаад̇и – ‘имаани жад̇д̇аари д̇ханаани бан̃н̃абзнд̇уу’’’д̇и? ‘‘но хид̣̇ам̣, бхо г̇од̇ама’’. ‘‘сзяяат̇ааби, б̣раахман̣а, бурисо д̣̇алид̣̇д̣̇о ассаго анаал̣хияо. д̇асса агаамасса б̣илам̣ олаг̇г̇зяяум̣ – ‘ид̣̇ам̣ д̇з, амбхо буриса, мам̣сам̣ каад̣̇ид̇аб̣б̣ам̣, муулан̃жа ануббад̣̇аад̇аб̣б̣а’нд̇и. звамзва ко, б̣раахман̣а, б̣раахман̣аа аббадин̃н̃ааяа д̇зсам̣ саман̣аб̣раахман̣аанам̣, ат̇а жа банимаани жад̇д̇аари д̇ханаани бан̃н̃абзнд̇и. арияам̣ ко ахам̣, б̣раахман̣а, логуд̇д̇арам̣ д̇хаммам̣ бурисасса санд̇ханам̣ бан̃н̃абзми. бораан̣ам̣ ко банасса маад̇аабзд̇д̇игам̣ гулавам̣сам̣ ануссарад̇о яад̇т̇а яад̇т̇зва ад̇д̇абхаавасса абхиниб̣б̣ад̇д̇и ход̇и д̇зна д̇знзва сан̇кяам̣ г̇ажчад̇и. кад̇д̇ияагулз жз ад̇д̇абхаавасса абхиниб̣б̣ад̇д̇и ход̇и ‘кад̇д̇ияо’д̇взва сан̇кяам̣ г̇ажчад̇и; б̣раахман̣агулз жз ад̇д̇абхаавасса абхиниб̣б̣ад̇д̇и ход̇и ‘б̣раахман̣о’д̇взва сан̇кяам̣ г̇ажчад̇и; взссагулз жз ад̇д̇абхаавасса абхиниб̣б̣ад̇д̇и ход̇и ‘взссо’д̇взва сан̇кяам̣ г̇ажчад̇и; суд̣̇д̣̇агулз жз ад̇д̇абхаавасса абхиниб̣б̣ад̇д̇и ход̇и ‘суд̣̇д̣̇о’д̇взва сан̇кяам̣ г̇ажчад̇и. сзяяат̇ааби, б̣раахман̣а, яам̣яад̣̇зва бажжаяам̣ бадижжа аг̇г̇и ж̇алад̇и д̇зна д̇знзва сан̇кяам̣ г̇ажчад̇и. гадтан̃жз бадижжа аг̇г̇и ж̇алад̇и ‘гадтаг̇г̇и’д̇взва сан̇кяам̣ г̇ажчад̇и; сагалиган̃жз бадижжа аг̇г̇и ж̇алад̇и ‘сагалигаг̇г̇и’д̇взва сан̇кяам̣ г̇ажчад̇и; д̇ин̣ан̃жз бадижжа аг̇г̇и ж̇алад̇и ‘д̇ин̣аг̇г̇и’д̇взва сан̇кяам̣ г̇ажчад̇и; г̇омаяан̃жз бадижжа аг̇г̇и ж̇алад̇и ‘г̇омаяаг̇г̇и’д̇взва сан̇кяам̣ г̇ажчад̇и. звамзва ко ахам̣, б̣раахман̣а, арияам̣ логуд̇д̇арам̣ д̇хаммам̣ бурисасса санд̇ханам̣ бан̃н̃абзми. бораан̣ам̣ ко банасса маад̇аабзд̇д̇игам̣ гулавам̣сам̣ ануссарад̇о яад̇т̇а яад̇т̇зва ад̇д̇абхаавасса абхиниб̣б̣ад̇д̇и ход̇и д̇зна д̇знзва сан̇кяам̣ г̇ажчад̇и.
441. ‘‘Kiṃ pana, brāhmaṇa, sabbo loko brāhmaṇānaṃ etadabbhanujānāti – ‘imāni cattāri dhanāni paññapentū’’’ti? ‘‘No hidaṃ, bho gotama’’. ‘‘Seyyathāpi, brāhmaṇa, puriso daliddo assako anāḷhiyo. Tassa akāmassa bilaṃ olaggeyyuṃ – ‘idaṃ te, ambho purisa, maṃsaṃ khāditabbaṃ, mūlañca anuppadātabba’nti. Evameva kho, brāhmaṇa, brāhmaṇā appaṭiññāya tesaṃ samaṇabrāhmaṇānaṃ, atha ca panimāni cattāri dhanāni paññapenti. Ariyaṃ kho ahaṃ, brāhmaṇa, lokuttaraṃ dhammaṃ purisassa sandhanaṃ paññapemi. Porāṇaṃ kho panassa mātāpettikaṃ kulavaṃsaṃ anussarato yattha yattheva attabhāvassa abhinibbatti hoti tena teneva saṅkhyaṃ gacchati. Khattiyakule ce attabhāvassa abhinibbatti hoti ‘khattiyo’tveva saṅkhyaṃ gacchati; brāhmaṇakule ce attabhāvassa abhinibbatti hoti ‘brāhmaṇo’tveva saṅkhyaṃ gacchati; vessakule ce attabhāvassa abhinibbatti hoti ‘vesso’tveva saṅkhyaṃ gacchati; suddakule ce attabhāvassa abhinibbatti hoti ‘suddo’tveva saṅkhyaṃ gacchati. Seyyathāpi, brāhmaṇa, yaṃyadeva paccayaṃ paṭicca aggi jalati tena teneva saṅkhyaṃ gacchati. Kaṭṭhañce paṭicca aggi jalati ‘kaṭṭhaggi’tveva saṅkhyaṃ gacchati; sakalikañce paṭicca aggi jalati ‘sakalikaggi’tveva saṅkhyaṃ gacchati; tiṇañce paṭicca aggi jalati ‘tiṇaggi’tveva saṅkhyaṃ gacchati; gomayañce paṭicca aggi jalati ‘gomayaggi’tveva saṅkhyaṃ gacchati. Evameva kho ahaṃ, brāhmaṇa, ariyaṃ lokuttaraṃ dhammaṃ purisassa sandhanaṃ paññapemi. Porāṇaṃ kho panassa mātāpettikaṃ kulavaṃsaṃ anussarato yattha yattheva attabhāvassa abhinibbatti hoti tena teneva saṅkhyaṃ gacchati.
‘‘кад̇д̇ияагулз жз ад̇д̇абхаавасса абхиниб̣б̣ад̇д̇и ход̇и ‘кад̇д̇ияо’д̇взва сан̇кяам̣ г̇ажчад̇и; б̣раахман̣агулз жз ад̇д̇абхаавасса абхиниб̣б̣ад̇д̇и ход̇и ‘б̣раахман̣о’д̇взва сан̇кяам̣ г̇ажчад̇и; взссагулз жз ад̇д̇абхаавасса абхиниб̣б̣ад̇д̇и ход̇и ‘взссо’д̇взва сан̇кяам̣ г̇ажчад̇и; суд̣̇д̣̇агулз жз ад̇д̇абхаавасса абхиниб̣б̣ад̇д̇и ход̇и ‘суд̣̇д̣̇о’д̇взва сан̇кяам̣ г̇ажчад̇и.
‘‘Khattiyakule ce attabhāvassa abhinibbatti hoti ‘khattiyo’tveva saṅkhyaṃ gacchati; brāhmaṇakule ce attabhāvassa abhinibbatti hoti ‘brāhmaṇo’tveva saṅkhyaṃ gacchati; vessakule ce attabhāvassa abhinibbatti hoti ‘vesso’tveva saṅkhyaṃ gacchati; suddakule ce attabhāvassa abhinibbatti hoti ‘suddo’tveva saṅkhyaṃ gacchati.
‘‘кад̇д̇ияагулаа жзби, б̣раахман̣а, аг̇аарасмаа анаг̇аарияам̣ баб̣б̣аж̇ид̇о ход̇и, со жа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, аб̣рахмажарияаа бадивирад̇о ход̇и, мусааваад̣̇аа бадивирад̇о ход̇и, бисун̣ааяа ваажааяа бадивирад̇о ход̇и, парусааяа ваажааяа бадивирад̇о ход̇и, сампаббалаабаа бадивирад̇о ход̇и, анабхиж̇жхаалу ход̇и, аб̣яаабаннажид̇д̇о ход̇и, саммаад̣̇идти ход̇и, аараад̇хаго ход̇и н̃ааяам̣ д̇хаммам̣ гусалам̣.
‘‘Khattiyakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti, adinnādānā paṭivirato hoti, abrahmacariyā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti, ārādhako hoti ñāyaṃ dhammaṃ kusalaṃ.
‘‘б̣раахман̣агулаа жзби, б̣раахман̣а, аг̇аарасмаа анаг̇аарияам̣ баб̣б̣аж̇ид̇о ход̇и, со жа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма баан̣аад̇ибаад̇аа бадивирад̇о ход̇и…бз… саммаад̣̇идти ход̇и, аараад̇хаго ход̇и н̃ааяам̣ д̇хаммам̣ гусалам̣.
‘‘Brāhmaṇakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
‘‘взссагулаа жзби, б̣раахман̣а, аг̇аарасмаа анаг̇аарияам̣ баб̣б̣аж̇ид̇о ход̇и, со жа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма баан̣аад̇ибаад̇аа бадивирад̇о ход̇и…бз… саммаад̣̇идти ход̇и, аараад̇хаго ход̇и н̃ааяам̣ д̇хаммам̣ гусалам̣.
‘‘Vessakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
‘‘суд̣̇д̣̇агулаа жзби, б̣раахман̣а, аг̇аарасмаа анаг̇аарияам̣ баб̣б̣аж̇ид̇о ход̇и, со жа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма баан̣аад̇ибаад̇аа бадивирад̇о ход̇и…бз… саммаад̣̇идти ход̇и, аараад̇хаго ход̇и н̃ааяам̣ д̇хаммам̣ гусалам̣.
‘‘Suddakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
442. ‘‘д̇ам̣ гим̣ ман̃н̃аси, б̣раахман̣а, б̣раахман̣ова ну ко баход̇и асмим̣ бад̣̇зсз авзрам̣ аб̣яааб̣аж̇жхам̣ мзд̇д̇ажид̇д̇ам̣ бхаавзд̇ум̣, но кад̇д̇ияо но взссо но суд̣̇д̣̇о’’д̇и? ‘‘но хид̣̇ам̣, бхо г̇од̇ама. кад̇д̇ияоби хи, бхо г̇од̇ама, баход̇и асмим̣ бад̣̇зсз авзрам̣ аб̣яааб̣аж̇жхам̣ мзд̇д̇ажид̇д̇ам̣ бхаавзд̇ум̣; б̣раахман̣оби хи, бхо г̇од̇ама… взссоби хи, бхо г̇од̇ама… суд̣̇д̣̇оби хи, бхо г̇од̇ама… саб̣б̣зби хи, бхо г̇од̇ама, жад̇д̇ааро ван̣н̣аа бахонд̇и асмим̣ бад̣̇зсз авзрам̣ аб̣яааб̣аж̇жхам̣ мзд̇д̇ажид̇д̇ам̣ бхаавзд̇у’’нд̇и. ‘‘звамзва ко, б̣раахман̣а, кад̇д̇ияагулаа жзби аг̇аарасмаа анаг̇аарияам̣ баб̣б̣аж̇ид̇о ход̇и, со жа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма баан̣аад̇ибаад̇аа бадивирад̇о ход̇и…бз… саммаад̣̇идти ход̇и, аараад̇хаго ход̇и н̃ааяам̣ д̇хаммам̣ гусалам̣.
442. ‘‘Taṃ kiṃ maññasi, brāhmaṇa, brāhmaṇova nu kho pahoti asmiṃ padese averaṃ abyābajjhaṃ mettacittaṃ bhāvetuṃ, no khattiyo no vesso no suddo’’ti? ‘‘No hidaṃ, bho gotama. Khattiyopi hi, bho gotama, pahoti asmiṃ padese averaṃ abyābajjhaṃ mettacittaṃ bhāvetuṃ; brāhmaṇopi hi, bho gotama… vessopi hi, bho gotama… suddopi hi, bho gotama… sabbepi hi, bho gotama, cattāro vaṇṇā pahonti asmiṃ padese averaṃ abyābajjhaṃ mettacittaṃ bhāvetu’’nti. ‘‘Evameva kho, brāhmaṇa, khattiyakulā cepi agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
‘‘б̣раахман̣агулаа жзби, б̣раахман̣а… взссагулаа жзби, б̣раахман̣а… суд̣̇д̣̇агулаа жзби, б̣раахман̣а, аг̇аарасмаа анаг̇аарияам̣ баб̣б̣аж̇ид̇о ход̇и, со жа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма баан̣аад̇ибаад̇аа бадивирад̇о ход̇и…бз… саммаад̣̇идти ход̇и, аараад̇хаго ход̇и н̃ааяам̣ д̇хаммам̣ гусалам̣.
‘‘Brāhmaṇakulā cepi, brāhmaṇa… vessakulā cepi, brāhmaṇa… suddakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
443. ‘‘д̇ам̣ гим̣ ман̃н̃аси, б̣раахман̣а, б̣раахман̣ова ну ко баход̇и сод̇д̇исинааним̣ аад̣̇ааяа над̣̇им̣ г̇анд̇ваа раж̇ож̇аллам̣ баваахзд̇ум̣, но кад̇д̇ияо но взссо но суд̣̇д̣̇о’’д̇и? ‘‘но хид̣̇ам̣, бхо г̇од̇ама . кад̇д̇ияоби хи, бхо г̇од̇ама, баход̇и сод̇д̇исинааним̣ аад̣̇ааяа над̣̇им̣ г̇анд̇ваа раж̇ож̇аллам̣ баваахзд̇ум̣; б̣раахман̣оби хи, бхо г̇од̇ама… взссоби хи, бхо г̇од̇ама … суд̣̇д̣̇оби хи, бхо г̇од̇ама… саб̣б̣зби хи, бхо г̇од̇ама, жад̇д̇ааро ван̣н̣аа бахонд̇и сод̇д̇исинааним̣ аад̣̇ааяа над̣̇им̣ г̇анд̇ваа раж̇ож̇аллам̣ баваахзд̇у’’нд̇и. ‘‘звамзва ко, б̣раахман̣а, кад̇д̇ияагулаа жзби аг̇аарасмаа анаг̇аарияам̣ баб̣б̣аж̇ид̇о ход̇и, со жа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма баан̣аад̇ибаад̇аа бадивирад̇о ход̇и…бз… саммаад̣̇идти ход̇и, аараад̇хаго ход̇и н̃ааяам̣ д̇хаммам̣ гусалам̣.
443. ‘‘Taṃ kiṃ maññasi, brāhmaṇa, brāhmaṇova nu kho pahoti sottisināniṃ ādāya nadiṃ gantvā rajojallaṃ pavāhetuṃ, no khattiyo no vesso no suddo’’ti? ‘‘No hidaṃ, bho gotama . Khattiyopi hi, bho gotama, pahoti sottisināniṃ ādāya nadiṃ gantvā rajojallaṃ pavāhetuṃ; brāhmaṇopi hi, bho gotama… vessopi hi, bho gotama … suddopi hi, bho gotama… sabbepi hi, bho gotama, cattāro vaṇṇā pahonti sottisināniṃ ādāya nadiṃ gantvā rajojallaṃ pavāhetu’’nti. ‘‘Evameva kho, brāhmaṇa, khattiyakulā cepi agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
‘‘б̣раахман̣агулаа жзби, б̣раахман̣а… взссагулаа жзби, б̣раахман̣а… суд̣̇д̣̇агулаа жзби , б̣раахман̣а, аг̇аарасмаа анаг̇аарияам̣ баб̣б̣аж̇ид̇о ход̇и, со жа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма баан̣аад̇ибаад̇аа бадивирад̇о ход̇и…бз… саммаад̣̇идти ход̇и, аараад̇хаго ход̇и н̃ааяам̣ д̇хаммам̣ гусалам̣.
‘‘Brāhmaṇakulā cepi, brāhmaṇa… vessakulā cepi, brāhmaṇa… suddakulā cepi , brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
444. ‘‘д̇ам̣ гим̣ ман̃н̃аси, б̣раахман̣а, ид̇ха рааж̇аа кад̇д̇ияо муд̣̇д̇хаавасид̇д̇о наанааж̇ажжаанам̣ бурисаанам̣ бурисасад̇ам̣ саннибаад̇зяяа – ‘ааяанд̇у бхонд̇о яз д̇ад̇т̇а кад̇д̇ияагулаа б̣раахман̣агулаа рааж̇ан̃н̃агулаа уббаннаа саагасса ваа сааласса ваа салал̣асса ваа жанд̣̇анасса ваа бад̣̇умагасса ваа уд̇д̇арааран̣им̣ аад̣̇ааяа аг̇г̇им̣ абхиниб̣б̣ад̇д̇знд̇у, д̇зж̇о баад̇угаронд̇у; ааяанд̇у бана бхонд̇о яз д̇ад̇т̇а жан̣д̣аалагулаа нзсаад̣̇агулаа взнагулаа рат̇агаарагулаа буггусагулаа уббаннаа саабаанад̣̇он̣ияаа ваа суугарад̣̇он̣ияаа ваа раж̇агад̣̇он̣ияаа ваа зран̣д̣агадтасса ваа уд̇д̇арааран̣им̣ аад̣̇ааяа аг̇г̇им̣ абхиниб̣б̣ад̇д̇знд̇у, д̇зж̇о баад̇угаронд̇уу’’’д̇и?
444. ‘‘Taṃ kiṃ maññasi, brāhmaṇa, idha rājā khattiyo muddhāvasitto nānājaccānaṃ purisānaṃ purisasataṃ sannipāteyya – ‘āyantu bhonto ye tattha khattiyakulā brāhmaṇakulā rājaññakulā uppannā sākassa vā sālassa vā salaḷassa vā candanassa vā padumakassa vā uttarāraṇiṃ ādāya aggiṃ abhinibbattentu, tejo pātukarontu; āyantu pana bhonto ye tattha caṇḍālakulā nesādakulā venakulā rathakārakulā pukkusakulā uppannā sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya aggiṃ abhinibbattentu, tejo pātukarontū’’’ti?
‘‘д̇ам̣ гим̣ ман̃н̃аси, б̣раахман̣а, яо звам̣ ну ко со кад̇д̇ияагулаа б̣раахман̣агулаа рааж̇ан̃н̃агулаа уббаннзхи саагасса ваа сааласса ваа салал̣асса ваа жанд̣̇анасса ваа бад̣̇умагасса ваа уд̇д̇арааран̣им̣ аад̣̇ааяа аг̇г̇и абхиниб̣б̣ад̇д̇о д̇зж̇о баад̇угад̇о со зва ну кваасса аг̇г̇и ажжимаа жзва ван̣н̣аваа жа бабхассаро жа д̇зна жа саггаа аг̇г̇инаа аг̇г̇игаран̣ийяам̣ гаад̇ум̣; яо бана со жан̣д̣аалагулаа нзсаад̣̇агулаа взнагулаа рат̇агаарагулаа буггусагулаа уббаннзхи саабаанад̣̇он̣ияаа ваа суугарад̣̇он̣ияаа ваа раж̇агад̣̇он̣ияаа ваа зран̣д̣агадтасса ваа уд̇д̇арааран̣им̣ аад̣̇ааяа аг̇г̇и абхиниб̣б̣ад̇д̇о д̇зж̇о баад̇угад̇о сваасса аг̇г̇и на жзва ажжимаа на жа ван̣н̣аваа на жа бабхассаро на жа д̇зна саггаа аг̇г̇инаа аг̇г̇игаран̣ийяам̣ гаад̇у’’нд̇и? ‘‘но хид̣̇ам̣, бхо г̇од̇ама. яоби хи со, бхо г̇од̇ама, кад̇д̇ияагулаа б̣раахман̣агулаа рааж̇ан̃н̃агулаа уббаннзхи саагасса ваа сааласса ваа салал̣асса ваа жанд̣̇анасса ваа бад̣̇умагасса ваа уд̇д̇арааран̣им̣ аад̣̇ааяа аг̇г̇и абхиниб̣б̣ад̇д̇о д̇зж̇о баад̇угад̇о сваасса аг̇г̇и ажжимаа жзва ван̣н̣аваа жа бабхассаро жа д̇зна жа саггаа аг̇г̇инаа аг̇г̇игаран̣ийяам̣ гаад̇ум̣; яоби со жан̣д̣аалагулаа нзсаад̣̇агулаа взнагулаа рат̇агаарагулаа буггусагулаа уббаннзхи саабаанад̣̇он̣ияаа ваа суугарад̣̇он̣ияаа ваа раж̇агад̣̇он̣ияаа ваа зран̣д̣агадтасса ваа уд̇д̇арааран̣им̣ аад̣̇ааяа аг̇г̇и абхиниб̣б̣ад̇д̇о д̇зж̇о баад̇угад̇о сваасса аг̇г̇и ажжимаа жзва ван̣н̣аваа жа бабхассаро жа д̇зна жа саггаа аг̇г̇инаа аг̇г̇игаран̣ийяам̣ гаад̇ум̣. саб̣б̣оби хи, бхо г̇од̇ама, аг̇г̇и ажжимаа жзва ван̣н̣аваа жа бабхассаро жа саб̣б̣знаби саггаа аг̇г̇инаа аг̇г̇игаран̣ийяам̣ гаад̇у’’нд̇и.
‘‘Taṃ kiṃ maññasi, brāhmaṇa, yo evaṃ nu kho so khattiyakulā brāhmaṇakulā rājaññakulā uppannehi sākassa vā sālassa vā salaḷassa vā candanassa vā padumakassa vā uttarāraṇiṃ ādāya aggi abhinibbatto tejo pātukato so eva nu khvāssa aggi accimā ceva vaṇṇavā ca pabhassaro ca tena ca sakkā agginā aggikaraṇīyaṃ kātuṃ; yo pana so caṇḍālakulā nesādakulā venakulā rathakārakulā pukkusakulā uppannehi sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya aggi abhinibbatto tejo pātukato svāssa aggi na ceva accimā na ca vaṇṇavā na ca pabhassaro na ca tena sakkā agginā aggikaraṇīyaṃ kātu’’nti? ‘‘No hidaṃ, bho gotama. Yopi hi so, bho gotama, khattiyakulā brāhmaṇakulā rājaññakulā uppannehi sākassa vā sālassa vā salaḷassa vā candanassa vā padumakassa vā uttarāraṇiṃ ādāya aggi abhinibbatto tejo pātukato svāssa aggi accimā ceva vaṇṇavā ca pabhassaro ca tena ca sakkā agginā aggikaraṇīyaṃ kātuṃ; yopi so caṇḍālakulā nesādakulā venakulā rathakārakulā pukkusakulā uppannehi sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya aggi abhinibbatto tejo pātukato svāssa aggi accimā ceva vaṇṇavā ca pabhassaro ca tena ca sakkā agginā aggikaraṇīyaṃ kātuṃ. Sabbopi hi, bho gotama, aggi accimā ceva vaṇṇavā ca pabhassaro ca sabbenapi sakkā agginā aggikaraṇīyaṃ kātu’’nti.
‘‘звамзва ко, б̣раахман̣а, кад̇д̇ияагулаа жзби аг̇аарасмаа анаг̇аарияам̣ баб̣б̣аж̇ид̇о ход̇и, со жа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма баан̣аад̇ибаад̇аа бадивирад̇о ход̇и…бз… саммаад̣̇идти ход̇и, аараад̇хаго ход̇и н̃ааяам̣ д̇хаммам̣ гусалам̣. б̣раахман̣агулаа жзби, б̣раахман̣а… взссагулаа жзби, б̣раахман̣а… суд̣̇д̣̇агулаа жзби, б̣раахман̣а, аг̇аарасмаа анаг̇аарияам̣ баб̣б̣аж̇ид̇о ход̇и, со жа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, аб̣рахмажарияаа бадивирад̇о ход̇и, мусааваад̣̇аа бадивирад̇о ход̇и, бисун̣ааяа ваажааяа бадивирад̇о ход̇и, парусааяа ваажааяа бадивирад̇о ход̇и, сампаббалаабаа бадивирад̇о ход̇и, анабхиж̇жхаалу ход̇и, аб̣яаабаннажид̇д̇о ход̇и, саммаад̣̇идти ход̇и, аараад̇хаго ход̇и н̃ааяам̣ д̇хаммам̣ гусала’’нд̇и.
‘‘Evameva kho, brāhmaṇa, khattiyakulā cepi agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ. Brāhmaṇakulā cepi, brāhmaṇa… vessakulā cepi, brāhmaṇa… suddakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti, adinnādānā paṭivirato hoti, abrahmacariyā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti, ārādhako hoti ñāyaṃ dhammaṃ kusala’’nti.
звам̣ вуд̇д̇з, зсугаарий б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, esukārī brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
зсугаарийсуд̇д̇ам̣ нидтид̇ам̣ чадтам̣.
Esukārīsuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. зсугаарийсуд̇д̇аван̣н̣анаа • 6. Esukārīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. зсугаарийсуд̇д̇аван̣н̣анаа • 6. Esukārīsuttavaṇṇanā
