| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya |
੬. ਏਸੁਕਾਰੀਸੁਤ੍ਤਂ
6. Esukārīsuttaṃ
੪੩੬. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਅਥ ਖੋ ਏਸੁਕਾਰੀ ਬ੍ਰਾਹ੍ਮਣੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਤਾ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਏਸੁਕਾਰੀ ਬ੍ਰਾਹ੍ਮਣੋ ਭਗવਨ੍ਤਂ ਏਤਦવੋਚ – ‘‘ਬ੍ਰਾਹ੍ਮਣਾ, ਭੋ ਗੋਤਮ, ਚਤਸ੍ਸੋ ਪਾਰਿਚਰਿਯਾ ਪਞ੍ਞਪੇਨ੍ਤਿ – ਬ੍ਰਾਹ੍ਮਣਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ, ਖਤ੍ਤਿਯਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ, વੇਸ੍ਸਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ, ਸੁਦ੍ਦਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ। ਤਤ੍ਰਿਦਂ, ਭੋ ਗੋਤਮ, ਬ੍ਰਾਹ੍ਮਣਾ ਬ੍ਰਾਹ੍ਮਣਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ – ‘ਬ੍ਰਾਹ੍ਮਣੋ વਾ ਬ੍ਰਾਹ੍ਮਣਂ ਪਰਿਚਰੇਯ੍ਯ, ਖਤ੍ਤਿਯੋ વਾ ਬ੍ਰਾਹ੍ਮਣਂ ਪਰਿਚਰੇਯ੍ਯ, વੇਸ੍ਸੋ વਾ ਬ੍ਰਾਹ੍ਮਣਂ ਪਰਿਚਰੇਯ੍ਯ, ਸੁਦ੍ਦੋ વਾ ਬ੍ਰਾਹ੍ਮਣਂ ਪਰਿਚਰੇਯ੍ਯਾ’ਤਿ। ਇਦਂ ਖੋ, ਭੋ ਗੋਤਮ, ਬ੍ਰਾਹ੍ਮਣਾ ਬ੍ਰਾਹ੍ਮਣਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ। ਤਤ੍ਰਿਦਂ, ਭੋ ਗੋਤਮ, ਬ੍ਰਾਹ੍ਮਣਾ ਖਤ੍ਤਿਯਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ – ‘ਖਤ੍ਤਿਯੋ વਾ ਖਤ੍ਤਿਯਂ ਪਰਿਚਰੇਯ੍ਯ, વੇਸ੍ਸੋ વਾ ਖਤ੍ਤਿਯਂ ਪਰਿਚਰੇਯ੍ਯ, ਸੁਦ੍ਦੋ વਾ ਖਤ੍ਤਿਯਂ ਪਰਿਚਰੇਯ੍ਯਾ’ਤਿ। ਇਦਂ ਖੋ, ਭੋ ਗੋਤਮ, ਬ੍ਰਾਹ੍ਮਣਾ ਖਤ੍ਤਿਯਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ। ਤਤ੍ਰਿਦਂ, ਭੋ ਗੋਤਮ, ਬ੍ਰਾਹ੍ਮਣਾ વੇਸ੍ਸਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ – ‘વੇਸ੍ਸੋ વਾ વੇਸ੍ਸਂ ਪਰਿਚਰੇਯ੍ਯ, ਸੁਦ੍ਦੋ વਾ વੇਸ੍ਸਂ ਪਰਿਚਰੇਯ੍ਯਾ’ਤਿ। ਇਦਂ ਖੋ, ਭੋ ਗੋਤਮ, ਬ੍ਰਾਹ੍ਮਣਾ વੇਸ੍ਸਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ । ਤਤ੍ਰਿਦਂ, ਭੋ ਗੋਤਮ, ਬ੍ਰਾਹ੍ਮਣਾ ਸੁਦ੍ਦਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ – ‘ਸੁਦ੍ਦੋવ ਸੁਦ੍ਦਂ ਪਰਿਚਰੇਯ੍ਯ। ਕੋ ਪਨਞ੍ਞੋ ਸੁਦ੍ਦਂ ਪਰਿਚਰਿਸ੍ਸਤੀ’ਤਿ? ਇਦਂ ਖੋ, ਭੋ ਗੋਤਮ, ਬ੍ਰਾਹ੍ਮਣਾ ਸੁਦ੍ਦਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ। ਬ੍ਰਾਹ੍ਮਣਾ, ਭੋ ਗੋਤਮ, ਇਮਾ ਚਤਸ੍ਸੋ ਪਾਰਿਚਰਿਯਾ ਪਞ੍ਞਪੇਨ੍ਤਿ। ਇਧ ਭવਂ ਗੋਤਮੋ ਕਿਮਾਹਾ’’ਤਿ?
436. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho esukārī brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho esukārī brāhmaṇo bhagavantaṃ etadavoca – ‘‘brāhmaṇā, bho gotama, catasso pāricariyā paññapenti – brāhmaṇassa pāricariyaṃ paññapenti, khattiyassa pāricariyaṃ paññapenti, vessassa pāricariyaṃ paññapenti, suddassa pāricariyaṃ paññapenti. Tatridaṃ, bho gotama, brāhmaṇā brāhmaṇassa pāricariyaṃ paññapenti – ‘brāhmaṇo vā brāhmaṇaṃ paricareyya, khattiyo vā brāhmaṇaṃ paricareyya, vesso vā brāhmaṇaṃ paricareyya, suddo vā brāhmaṇaṃ paricareyyā’ti. Idaṃ kho, bho gotama, brāhmaṇā brāhmaṇassa pāricariyaṃ paññapenti. Tatridaṃ, bho gotama, brāhmaṇā khattiyassa pāricariyaṃ paññapenti – ‘khattiyo vā khattiyaṃ paricareyya, vesso vā khattiyaṃ paricareyya, suddo vā khattiyaṃ paricareyyā’ti. Idaṃ kho, bho gotama, brāhmaṇā khattiyassa pāricariyaṃ paññapenti. Tatridaṃ, bho gotama, brāhmaṇā vessassa pāricariyaṃ paññapenti – ‘vesso vā vessaṃ paricareyya, suddo vā vessaṃ paricareyyā’ti. Idaṃ kho, bho gotama, brāhmaṇā vessassa pāricariyaṃ paññapenti . Tatridaṃ, bho gotama, brāhmaṇā suddassa pāricariyaṃ paññapenti – ‘suddova suddaṃ paricareyya. Ko panañño suddaṃ paricarissatī’ti? Idaṃ kho, bho gotama, brāhmaṇā suddassa pāricariyaṃ paññapenti. Brāhmaṇā, bho gotama, imā catasso pāricariyā paññapenti. Idha bhavaṃ gotamo kimāhā’’ti?
੪੩੭. ‘‘ਕਿਂ ਪਨ, ਬ੍ਰਾਹ੍ਮਣ, ਸਬ੍ਬੋ ਲੋਕੋ ਬ੍ਰਾਹ੍ਮਣਾਨਂ ਏਤਦਬ੍ਭਨੁਜਾਨਾਤਿ – ‘ਇਮਾ ਚਤਸ੍ਸੋ ਪਾਰਿਚਰਿਯਾ ਪਞ੍ਞਪੇਨ੍ਤੂ’’’ਤਿ 1? ‘‘ਨੋ ਹਿਦਂ, ਭੋ ਗੋਤਮ’’। ‘‘ਸੇਯ੍ਯਥਾਪਿ, ਬ੍ਰਾਹ੍ਮਣ, ਪੁਰਿਸੋ ਦਲਿਦ੍ਦੋ 2 ਅਸ੍ਸਕੋ ਅਨਾਲ਼੍ਹਿਯੋ। ਤਸ੍ਸ ਅਕਾਮਸ੍ਸ ਬਿਲਂ ਓਲਗ੍ਗੇਯ੍ਯੁਂ – ‘ਇਦਂ ਤੇ, ਅਮ੍ਭੋ ਪੁਰਿਸ, ਮਂਸਂ ਖਾਦਿਤਬ੍ਬਂ, ਮੂਲਞ੍ਚ ਅਨੁਪ੍ਪਦਾਤਬ੍ਬ’ਨ੍ਤਿ। ਏવਮੇવ ਖੋ, ਬ੍ਰਾਹ੍ਮਣ, ਬ੍ਰਾਹ੍ਮਣਾ ਅਪ੍ਪਟਿਞ੍ਞਾਯ ਤੇਸਂ ਸਮਣਬ੍ਰਾਹ੍ਮਣਾਨਂ, ਅਥ ਚ ਪਨਿਮਾ ਚਤਸ੍ਸੋ ਪਾਰਿਚਰਿਯਾ ਪਞ੍ਞਪੇਨ੍ਤਿ। ਨਾਹਂ, ਬ੍ਰਾਹ੍ਮਣ, ‘ਸਬ੍ਬਂ ਪਰਿਚਰਿਤਬ੍ਬ’ਨ੍ਤਿ વਦਾਮਿ; ਨਾਹਂ, ਬ੍ਰਾਹ੍ਮਣ, ‘ਸਬ੍ਬਂ ਨ ਪਰਿਚਰਿਤਬ੍ਬ’ਨ੍ਤਿ વਦਾਮਿ। ਯਂ ਹਿਸ੍ਸ, ਬ੍ਰਾਹ੍ਮਣ, ਪਰਿਚਰਤੋ ਪਾਰਿਚਰਿਯਾਹੇਤੁ ਪਾਪਿਯੋ ਅਸ੍ਸ ਨ ਸੇਯ੍ਯੋ, ਨਾਹਂ ਤਂ ‘ਪਰਿਚਰਿਤਬ੍ਬ’ਨ੍ਤਿ વਦਾਮਿ; ਯਞ੍ਚ ਖ੍વਾਸ੍ਸ, ਬ੍ਰਾਹ੍ਮਣ, ਪਰਿਚਰਤੋ ਪਾਰਿਚਰਿਯਾਹੇਤੁ ਸੇਯ੍ਯੋ ਅਸ੍ਸ ਨ ਪਾਪਿਯੋ ਤਮਹਂ ‘ਪਰਿਚਰਿਤਬ੍ਬ’ਨ੍ਤਿ વਦਾਮਿ। ਖਤ੍ਤਿਯਂ ਚੇਪਿ, ਬ੍ਰਾਹ੍ਮਣ, ਏવਂ ਪੁਚ੍ਛੇਯ੍ਯੁਂ – ‘ਯਂ વਾ ਤੇ ਪਰਿਚਰਤੋ ਪਾਰਿਚਰਿਯਾਹੇਤੁ ਪਾਪਿਯੋ ਅਸ੍ਸ ਨ ਸੇਯ੍ਯੋ, ਯਂ વਾ ਤੇ ਪਰਿਚਰਤੋ ਪਾਰਿਚਰਿਯਾਹੇਤੁ ਸੇਯ੍ਯੋ ਅਸ੍ਸ ਨ ਪਾਪਿਯੋ; ਕਮੇਤ੍ਥ ਪਰਿਚਰੇਯ੍ਯਾਸੀ’ਤਿ, ਖਤ੍ਤਿਯੋਪਿ ਹਿ, ਬ੍ਰਾਹ੍ਮਣ , ਸਮ੍ਮਾ ਬ੍ਯਾਕਰਮਾਨੋ ਏવਂ ਬ੍ਯਾਕਰੇਯ੍ਯ – ‘ਯਞ੍ਹਿ ਮੇ ਪਰਿਚਰਤੋ ਪਾਰਿਚਰਿਯਾਹੇਤੁ ਪਾਪਿਯੋ ਅਸ੍ਸ ਨ ਸੇਯ੍ਯੋ, ਨਾਹਂ ਤਂ ਪਰਿਚਰੇਯ੍ਯਂ; ਯਞ੍ਚ ਖੋ ਮੇ ਪਰਿਚਰਤੋ ਪਾਰਿਚਰਿਯਾਹੇਤੁ ਸੇਯ੍ਯੋ ਅਸ੍ਸ ਨ ਪਾਪਿਯੋ ਤਮਹਂ ਪਰਿਚਰੇਯ੍ਯ’ਨ੍ਤਿ। ਬ੍ਰਾਹ੍ਮਣਂ ਚੇਪਿ, ਬ੍ਰਾਹ੍ਮਣ…ਪੇ॰… વੇਸ੍ਸਂ ਚੇਪਿ, ਬ੍ਰਾਹ੍ਮਣ…ਪੇ॰… ਸੁਦ੍ਦਂ ਚੇਪਿ, ਬ੍ਰਾਹ੍ਮਣ, ਏવਂ ਪੁਚ੍ਛੇਯ੍ਯੁਂ – ‘ਯਂ વਾ ਤੇ ਪਰਿਚਰਤੋ ਪਾਰਿਚਰਿਯਾਹੇਤੁ ਪਾਪਿਯੋ ਅਸ੍ਸ ਨ ਸੇਯ੍ਯੋ, ਯਂ વਾ ਤੇ ਪਰਿਚਰਤੋ ਪਾਰਿਚਰਿਯਾਹੇਤੁ ਸੇਯ੍ਯੋ ਅਸ੍ਸ ਨ ਪਾਪਿਯੋ; ਕਮੇਤ੍ਥ ਪਰਿਚਰੇਯ੍ਯਾਸੀ’ਤਿ, ਸੁਦ੍ਦੋਪਿ ਹਿ, ਬ੍ਰਾਹ੍ਮਣ, ਸਮ੍ਮਾ ਬ੍ਯਾਕਰਮਾਨੋ ਏવਂ ਬ੍ਯਾਕਰੇਯ੍ਯ – ‘ਯਞ੍ਹਿ ਮੇ ਪਰਿਚਰਤੋ ਪਾਰਿਚਰਿਯਾਹੇਤੁ ਪਾਪਿਯੋ ਅਸ੍ਸ ਨ ਸੇਯ੍ਯੋ, ਨਾਹਂ ਤਂ ਪਰਿਚਰੇਯ੍ਯਂ; ਯਞ੍ਚ ਖੋ ਮੇ ਪਰਿਚਰਤੋ ਪਾਰਿਚਰਿਯਾਹੇਤੁ ਸੇਯ੍ਯੋ ਅਸ੍ਸ ਨ ਪਾਪਿਯੋ ਤਮਹਂ ਪਰਿਚਰੇਯ੍ਯ’ਨ੍ਤਿ। ਨਾਹਂ, ਬ੍ਰਾਹ੍ਮਣ, ‘ਉਚ੍ਚਾਕੁਲੀਨਤਾ ਸੇਯ੍ਯਂਸੋ’ਤਿ વਦਾਮਿ, ਨ ਪਨਾਹਂ, ਬ੍ਰਾਹ੍ਮਣ, ‘ਉਚ੍ਚਾਕੁਲੀਨਤਾ ਪਾਪਿਯਂਸੋ’ਤਿ વਦਾਮਿ; ਨਾਹਂ, ਬ੍ਰਾਹ੍ਮਣ, ‘ਉਲ਼ਾਰવਣ੍ਣਤਾ ਸੇਯ੍ਯਂਸੋ’ਤਿ વਦਾਮਿ, ਨ ਪਨਾਹਂ, ਬ੍ਰਾਹ੍ਮਣ, ‘ਉਲ਼ਾਰવਣ੍ਣਤਾ ਪਾਪਿਯਂਸੋ’ਤਿ વਦਾਮਿ; ਨਾਹਂ, ਬ੍ਰਾਹ੍ਮਣ, ‘ਉਲ਼ਾਰਭੋਗਤਾ ਸੇਯ੍ਯਂਸੋ’ਤਿ વਦਾਮਿ, ਨ ਪਨਾਹਂ, ਬ੍ਰਾਹ੍ਮਣ, ‘ਉਲ਼ਾਰਭੋਗਤਾ ਪਾਪਿਯਂਸੋ’ਤਿ વਦਾਮਿ।
437. ‘‘Kiṃ pana, brāhmaṇa, sabbo loko brāhmaṇānaṃ etadabbhanujānāti – ‘imā catasso pāricariyā paññapentū’’’ti 3? ‘‘No hidaṃ, bho gotama’’. ‘‘Seyyathāpi, brāhmaṇa, puriso daliddo 4 assako anāḷhiyo. Tassa akāmassa bilaṃ olaggeyyuṃ – ‘idaṃ te, ambho purisa, maṃsaṃ khāditabbaṃ, mūlañca anuppadātabba’nti. Evameva kho, brāhmaṇa, brāhmaṇā appaṭiññāya tesaṃ samaṇabrāhmaṇānaṃ, atha ca panimā catasso pāricariyā paññapenti. Nāhaṃ, brāhmaṇa, ‘sabbaṃ paricaritabba’nti vadāmi; nāhaṃ, brāhmaṇa, ‘sabbaṃ na paricaritabba’nti vadāmi. Yaṃ hissa, brāhmaṇa, paricarato pāricariyāhetu pāpiyo assa na seyyo, nāhaṃ taṃ ‘paricaritabba’nti vadāmi; yañca khvāssa, brāhmaṇa, paricarato pāricariyāhetu seyyo assa na pāpiyo tamahaṃ ‘paricaritabba’nti vadāmi. Khattiyaṃ cepi, brāhmaṇa, evaṃ puccheyyuṃ – ‘yaṃ vā te paricarato pāricariyāhetu pāpiyo assa na seyyo, yaṃ vā te paricarato pāricariyāhetu seyyo assa na pāpiyo; kamettha paricareyyāsī’ti, khattiyopi hi, brāhmaṇa , sammā byākaramāno evaṃ byākareyya – ‘yañhi me paricarato pāricariyāhetu pāpiyo assa na seyyo, nāhaṃ taṃ paricareyyaṃ; yañca kho me paricarato pāricariyāhetu seyyo assa na pāpiyo tamahaṃ paricareyya’nti. Brāhmaṇaṃ cepi, brāhmaṇa…pe… vessaṃ cepi, brāhmaṇa…pe… suddaṃ cepi, brāhmaṇa, evaṃ puccheyyuṃ – ‘yaṃ vā te paricarato pāricariyāhetu pāpiyo assa na seyyo, yaṃ vā te paricarato pāricariyāhetu seyyo assa na pāpiyo; kamettha paricareyyāsī’ti, suddopi hi, brāhmaṇa, sammā byākaramāno evaṃ byākareyya – ‘yañhi me paricarato pāricariyāhetu pāpiyo assa na seyyo, nāhaṃ taṃ paricareyyaṃ; yañca kho me paricarato pāricariyāhetu seyyo assa na pāpiyo tamahaṃ paricareyya’nti. Nāhaṃ, brāhmaṇa, ‘uccākulīnatā seyyaṃso’ti vadāmi, na panāhaṃ, brāhmaṇa, ‘uccākulīnatā pāpiyaṃso’ti vadāmi; nāhaṃ, brāhmaṇa, ‘uḷāravaṇṇatā seyyaṃso’ti vadāmi, na panāhaṃ, brāhmaṇa, ‘uḷāravaṇṇatā pāpiyaṃso’ti vadāmi; nāhaṃ, brāhmaṇa, ‘uḷārabhogatā seyyaṃso’ti vadāmi, na panāhaṃ, brāhmaṇa, ‘uḷārabhogatā pāpiyaṃso’ti vadāmi.
੪੩੮. ‘‘ਉਚ੍ਚਾਕੁਲੀਨੋਪਿ ਹਿ, ਬ੍ਰਾਹ੍ਮਣ, ਇਧੇਕਚ੍ਚੋ ਪਾਣਾਤਿਪਾਤੀ ਹੋਤਿ, ਅਦਿਨ੍ਨਾਦਾਯੀ ਹੋਤਿ, ਕਾਮੇਸੁਮਿਚ੍ਛਾਚਾਰੀ ਹੋਤਿ, ਮੁਸਾવਾਦੀ ਹੋਤਿ, ਪਿਸੁਣਾવਾਚੋ ਹੋਤਿ, ਫਰੁਸਾવਾਚੋ ਹੋਤਿ, ਸਮ੍ਫਪ੍ਪਲਾਪੀ ਹੋਤਿ, ਅਭਿਜ੍ਝਾਲੁ ਹੋਤਿ , ਬ੍ਯਾਪਨ੍ਨਚਿਤ੍ਤੋ ਹੋਤਿ, ਮਿਚ੍ਛਾਦਿਟ੍ਠਿ ਹੋਤਿ। ਤਸ੍ਮਾ ‘ਨ ਉਚ੍ਚਾਕੁਲੀਨਤਾ ਸੇਯ੍ਯਂਸੋ’ਤਿ વਦਾਮਿ। ਉਚ੍ਚਾਕੁਲੀਨੋਪਿ ਹਿ, ਬ੍ਰਾਹ੍ਮਣ, ਇਧੇਕਚ੍ਚੋ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ, ਅਦਿਨ੍ਨਾਦਾਨਾ ਪਟਿવਿਰਤੋ ਹੋਤਿ, ਕਾਮੇਸੁਮਿਚ੍ਛਾਚਾਰਾ ਪਟਿવਿਰਤੋ ਹੋਤਿ, ਮੁਸਾવਾਦਾ ਪਟਿવਿਰਤੋ ਹੋਤਿ, ਪਿਸੁਣਾਯ વਾਚਾਯ ਪਟਿવਿਰਤੋ ਹੋਤਿ, ਫਰੁਸਾਯ વਾਚਾਯ ਪਟਿવਿਰਤੋ ਹੋਤਿ, ਸਮ੍ਫਪ੍ਪਲਾਪਾ ਪਟਿવਿਰਤੋ ਹੋਤਿ, ਅਨਭਿਜ੍ਝਾਲੁ ਹੋਤਿ, ਅਬ੍ਯਾਪਨ੍ਨਚਿਤ੍ਤੋ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ। ਤਸ੍ਮਾ ‘ਨ ਉਚ੍ਚਾਕੁਲੀਨਤਾ ਪਾਪਿਯਂਸੋ’ਤਿ વਦਾਮਿ।
438. ‘‘Uccākulīnopi hi, brāhmaṇa, idhekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇāvāco hoti, pharusāvāco hoti, samphappalāpī hoti, abhijjhālu hoti , byāpannacitto hoti, micchādiṭṭhi hoti. Tasmā ‘na uccākulīnatā seyyaṃso’ti vadāmi. Uccākulīnopi hi, brāhmaṇa, idhekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti. Tasmā ‘na uccākulīnatā pāpiyaṃso’ti vadāmi.
੪੩੯. ‘‘ਉਲ਼ਾਰવਣ੍ਣੋਪਿ ਹਿ, ਬ੍ਰਾਹ੍ਮਣ…ਪੇ॰… ਉਲ਼ਾਰਭੋਗੋਪਿ ਹਿ, ਬ੍ਰਾਹ੍ਮਣ, ਇਧੇਕਚ੍ਚੋ ਪਾਣਾਤਿਪਾਤੀ ਹੋਤਿ…ਪੇ॰… ਮਿਚ੍ਛਾਦਿਟ੍ਠਿ ਹੋਤਿ। ਤਸ੍ਮਾ ‘ਨ ਉਲ਼ਾਰਭੋਗਤਾ ਸੇਯ੍ਯਂਸੋ’ਤਿ વਦਾਮਿ। ਉਲ਼ਾਰਭੋਗੋਪਿ ਹਿ, ਬ੍ਰਾਹ੍ਮਣ, ਇਧੇਕਚ੍ਚੋ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ…ਪੇ॰… ਸਮ੍ਮਾਦਿਟ੍ਠਿ ਹੋਤਿ। ਤਸ੍ਮਾ ‘ਨ ਉਲ਼ਾਰਭੋਗਤਾ ਪਾਪਿਯਂਸੋ’ਤਿ વਦਾਮਿ। ਨਾਹਂ, ਬ੍ਰਾਹ੍ਮਣ, ‘ਸਬ੍ਬਂ ਪਰਿਚਰਿਤਬ੍ਬ’ਨ੍ਤਿ વਦਾਮਿ, ਨ ਪਨਾਹਂ, ਬ੍ਰਾਹ੍ਮਣ, ‘ਸਬ੍ਬਂ ਨ ਪਰਿਚਰਿਤਬ੍ਬ’ਨ੍ਤਿ વਦਾਮਿ। ਯਂ ਹਿਸ੍ਸ, ਬ੍ਰਾਹ੍ਮਣ, ਪਰਿਚਰਤੋ ਪਾਰਿਚਰਿਯਾਹੇਤੁ ਸਦ੍ਧਾ વਡ੍ਢਤਿ, ਸੀਲਂ વਡ੍ਢਤਿ, ਸੁਤਂ વਡ੍ਢਤਿ, ਚਾਗੋ વਡ੍ਢਤਿ, ਪਞ੍ਞਾ વਡ੍ਢਤਿ, ਤਮਹਂ ‘ਪਰਿਚਰਿਤਬ੍ਬ’ਨ੍ਤਿ (વਦਾਮਿ। ਯਂ ਹਿਸ੍ਸ, ਬ੍ਰਾਹ੍ਮਣ, ਪਰਿਚਰਤੋ ਪਾਰਿਚਰਿਯਾਹੇਤੁ ਨ ਸਦ੍ਧਾ વਡ੍ਢਤਿ, ਨ ਸੀਲਂ વਡ੍ਢਤਿ, ਨ ਸੁਤਂ વਡ੍ਢਤਿ, ਨ ਚਾਗੋ વਡ੍ਢਤਿ, ਨ ਪਞ੍ਞਾ વਡ੍ਢਤਿ, ਨਾਹਂ ਤਂ ‘ਪਰਿਚਰਿਤਬ੍ਬ’ਨ੍ਤਿ) 5 વਦਾਮੀ’’ਤਿ।
439. ‘‘Uḷāravaṇṇopi hi, brāhmaṇa…pe… uḷārabhogopi hi, brāhmaṇa, idhekacco pāṇātipātī hoti…pe… micchādiṭṭhi hoti. Tasmā ‘na uḷārabhogatā seyyaṃso’ti vadāmi. Uḷārabhogopi hi, brāhmaṇa, idhekacco pāṇātipātā paṭivirato hoti…pe… sammādiṭṭhi hoti. Tasmā ‘na uḷārabhogatā pāpiyaṃso’ti vadāmi. Nāhaṃ, brāhmaṇa, ‘sabbaṃ paricaritabba’nti vadāmi, na panāhaṃ, brāhmaṇa, ‘sabbaṃ na paricaritabba’nti vadāmi. Yaṃ hissa, brāhmaṇa, paricarato pāricariyāhetu saddhā vaḍḍhati, sīlaṃ vaḍḍhati, sutaṃ vaḍḍhati, cāgo vaḍḍhati, paññā vaḍḍhati, tamahaṃ ‘paricaritabba’nti (vadāmi. Yaṃ hissa, brāhmaṇa, paricarato pāricariyāhetu na saddhā vaḍḍhati, na sīlaṃ vaḍḍhati, na sutaṃ vaḍḍhati, na cāgo vaḍḍhati, na paññā vaḍḍhati, nāhaṃ taṃ ‘paricaritabba’nti) 6 vadāmī’’ti.
੪੪੦. ਏવਂ વੁਤ੍ਤੇ, ਏਸੁਕਾਰੀ ਬ੍ਰਾਹ੍ਮਣੋ ਭਗવਨ੍ਤਂ ਏਤਦવੋਚ – ‘‘ਬ੍ਰਾਹ੍ਮਣਾ, ਭੋ ਗੋਤਮ, ਚਤ੍ਤਾਰਿ ਧਨਾਨਿ ਪਞ੍ਞਪੇਨ੍ਤਿ – ਬ੍ਰਾਹ੍ਮਣਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ, ਖਤ੍ਤਿਯਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ, વੇਸ੍ਸਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ, ਸੁਦ੍ਦਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ। ਤਤ੍ਰਿਦਂ, ਭੋ ਗੋਤਮ, ਬ੍ਰਾਹ੍ਮਣਾ ਬ੍ਰਾਹ੍ਮਣਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ ਭਿਕ੍ਖਾਚਰਿਯਂ; ਭਿਕ੍ਖਾਚਰਿਯਞ੍ਚ ਪਨ ਬ੍ਰਾਹ੍ਮਣੋ ਸਨ੍ਧਨਂ ਅਤਿਮਞ੍ਞਮਾਨੋ ਅਕਿਚ੍ਚਕਾਰੀ ਹੋਤਿ ਗੋਪੋવ ਅਦਿਨ੍ਨਂ ਆਦਿਯਮਾਨੋਤਿ। ਇਦਂ ਖੋ, ਭੋ ਗੋਤਮ, ਬ੍ਰਾਹ੍ਮਣਾ ਬ੍ਰਾਹ੍ਮਣਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ। ਤਤ੍ਰਿਦਂ, ਭੋ ਗੋਤਮ, ਬ੍ਰਾਹ੍ਮਣਾ ਖਤ੍ਤਿਯਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ ਧਨੁਕਲਾਪਂ; ਧਨੁਕਲਾਪਞ੍ਚ ਪਨ ਖਤ੍ਤਿਯੋ ਸਨ੍ਧਨਂ ਅਤਿਮਞ੍ਞਮਾਨੋ ਅਕਿਚ੍ਚਕਾਰੀ ਹੋਤਿ ਗੋਪੋવ ਅਦਿਨ੍ਨਂ ਆਦਿਯਮਾਨੋਤਿ। ਇਦਂ ਖੋ, ਭੋ ਗੋਤਮ, ਬ੍ਰਾਹ੍ਮਣਾ ਖਤ੍ਤਿਯਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ। ਤਤ੍ਰਿਦਂ, ਭੋ ਗੋਤਮ, ਬ੍ਰਾਹ੍ਮਣਾ વੇਸ੍ਸਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ ਕਸਿਗੋਰਕ੍ਖਂ; ਕਸਿਗੋਰਕ੍ਖਞ੍ਚ ਪਨ વੇਸ੍ਸੋ ਸਨ੍ਧਨਂ ਅਤਿਮਞ੍ਞਮਾਨੋ ਅਕਿਚ੍ਚਕਾਰੀ ਹੋਤਿ ਗੋਪੋવ ਅਦਿਨ੍ਨਂ ਆਦਿਯਮਾਨੋਤਿ। ਇਦਂ ਖੋ, ਭੋ ਗੋਤਮ, ਬ੍ਰਾਹ੍ਮਣਾ વੇਸ੍ਸਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ। ਤਤ੍ਰਿਦਂ, ਭੋ ਗੋਤਮ, ਬ੍ਰਾਹ੍ਮਣਾ ਸੁਦ੍ਦਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ ਅਸਿਤਬ੍ਯਾਭਙ੍ਗਿਂ; ਅਸਿਤਬ੍ਯਾਭਙ੍ਗਿਞ੍ਚ ਪਨ ਸੁਦ੍ਦੋ ਸਨ੍ਧਨਂ ਅਤਿਮਞ੍ਞਮਾਨੋ ਅਕਿਚ੍ਚਕਾਰੀ ਹੋਤਿ ਗੋਪੋવ ਅਦਿਨ੍ਨਂ ਆਦਿਯਮਾਨੋਤਿ। ਇਦਂ ਖੋ, ਭੋ ਗੋਤਮ, ਬ੍ਰਾਹ੍ਮਣਾ ਸੁਦ੍ਦਸ੍ਸ ਸਨ੍ਧਨਂ ਪਞ੍ਞਪੇਨ੍ਤਿ। ਬ੍ਰਾਹ੍ਮਣਾ, ਭੋ ਗੋਤਮ, ਇਮਾਨਿ ਚਤ੍ਤਾਰਿ ਧਨਾਨਿ ਪਞ੍ਞਪੇਨ੍ਤਿ। ਇਧ ਭવਂ ਗੋਤਮੋ ਕਿਮਾਹਾ’’ਤਿ?
440. Evaṃ vutte, esukārī brāhmaṇo bhagavantaṃ etadavoca – ‘‘brāhmaṇā, bho gotama, cattāri dhanāni paññapenti – brāhmaṇassa sandhanaṃ paññapenti, khattiyassa sandhanaṃ paññapenti, vessassa sandhanaṃ paññapenti, suddassa sandhanaṃ paññapenti. Tatridaṃ, bho gotama, brāhmaṇā brāhmaṇassa sandhanaṃ paññapenti bhikkhācariyaṃ; bhikkhācariyañca pana brāhmaṇo sandhanaṃ atimaññamāno akiccakārī hoti gopova adinnaṃ ādiyamānoti. Idaṃ kho, bho gotama, brāhmaṇā brāhmaṇassa sandhanaṃ paññapenti. Tatridaṃ, bho gotama, brāhmaṇā khattiyassa sandhanaṃ paññapenti dhanukalāpaṃ; dhanukalāpañca pana khattiyo sandhanaṃ atimaññamāno akiccakārī hoti gopova adinnaṃ ādiyamānoti. Idaṃ kho, bho gotama, brāhmaṇā khattiyassa sandhanaṃ paññapenti. Tatridaṃ, bho gotama, brāhmaṇā vessassa sandhanaṃ paññapenti kasigorakkhaṃ; kasigorakkhañca pana vesso sandhanaṃ atimaññamāno akiccakārī hoti gopova adinnaṃ ādiyamānoti. Idaṃ kho, bho gotama, brāhmaṇā vessassa sandhanaṃ paññapenti. Tatridaṃ, bho gotama, brāhmaṇā suddassa sandhanaṃ paññapenti asitabyābhaṅgiṃ; asitabyābhaṅgiñca pana suddo sandhanaṃ atimaññamāno akiccakārī hoti gopova adinnaṃ ādiyamānoti. Idaṃ kho, bho gotama, brāhmaṇā suddassa sandhanaṃ paññapenti. Brāhmaṇā, bho gotama, imāni cattāri dhanāni paññapenti. Idha bhavaṃ gotamo kimāhā’’ti?
੪੪੧. ‘‘ਕਿਂ ਪਨ, ਬ੍ਰਾਹ੍ਮਣ, ਸਬ੍ਬੋ ਲੋਕੋ ਬ੍ਰਾਹ੍ਮਣਾਨਂ ਏਤਦਬ੍ਭਨੁਜਾਨਾਤਿ – ‘ਇਮਾਨਿ ਚਤ੍ਤਾਰਿ ਧਨਾਨਿ ਪਞ੍ਞਪੇਨ੍ਤੂ’’’ਤਿ? ‘‘ਨੋ ਹਿਦਂ, ਭੋ ਗੋਤਮ’’। ‘‘ਸੇਯ੍ਯਥਾਪਿ, ਬ੍ਰਾਹ੍ਮਣ, ਪੁਰਿਸੋ ਦਲਿਦ੍ਦੋ ਅਸ੍ਸਕੋ ਅਨਾਲ਼੍ਹਿਯੋ। ਤਸ੍ਸ ਅਕਾਮਸ੍ਸ ਬਿਲਂ ਓਲਗ੍ਗੇਯ੍ਯੁਂ – ‘ਇਦਂ ਤੇ, ਅਮ੍ਭੋ ਪੁਰਿਸ, ਮਂਸਂ ਖਾਦਿਤਬ੍ਬਂ, ਮੂਲਞ੍ਚ ਅਨੁਪ੍ਪਦਾਤਬ੍ਬ’ਨ੍ਤਿ। ਏવਮੇવ ਖੋ, ਬ੍ਰਾਹ੍ਮਣ, ਬ੍ਰਾਹ੍ਮਣਾ ਅਪ੍ਪਟਿਞ੍ਞਾਯ ਤੇਸਂ ਸਮਣਬ੍ਰਾਹ੍ਮਣਾਨਂ, ਅਥ ਚ ਪਨਿਮਾਨਿ ਚਤ੍ਤਾਰਿ ਧਨਾਨਿ ਪਞ੍ਞਪੇਨ੍ਤਿ। ਅਰਿਯਂ ਖੋ ਅਹਂ, ਬ੍ਰਾਹ੍ਮਣ, ਲੋਕੁਤ੍ਤਰਂ ਧਮ੍ਮਂ ਪੁਰਿਸਸ੍ਸ ਸਨ੍ਧਨਂ ਪਞ੍ਞਪੇਮਿ। ਪੋਰਾਣਂ ਖੋ ਪਨਸ੍ਸ ਮਾਤਾਪੇਤ੍ਤਿਕਂ ਕੁਲવਂਸਂ ਅਨੁਸ੍ਸਰਤੋ ਯਤ੍ਥ ਯਤ੍ਥੇવ ਅਤ੍ਤਭਾવਸ੍ਸ ਅਭਿਨਿਬ੍ਬਤ੍ਤਿ ਹੋਤਿ ਤੇਨ ਤੇਨੇવ ਸਙ੍ਖ੍ਯਂ ਗਚ੍ਛਤਿ। ਖਤ੍ਤਿਯਕੁਲੇ ਚੇ ਅਤ੍ਤਭਾવਸ੍ਸ ਅਭਿਨਿਬ੍ਬਤ੍ਤਿ ਹੋਤਿ ‘ਖਤ੍ਤਿਯੋ’ਤ੍વੇવ ਸਙ੍ਖ੍ਯਂ ਗਚ੍ਛਤਿ; ਬ੍ਰਾਹ੍ਮਣਕੁਲੇ ਚੇ ਅਤ੍ਤਭਾવਸ੍ਸ ਅਭਿਨਿਬ੍ਬਤ੍ਤਿ ਹੋਤਿ ‘ਬ੍ਰਾਹ੍ਮਣੋ’ਤ੍વੇવ ਸਙ੍ਖ੍ਯਂ ਗਚ੍ਛਤਿ; વੇਸ੍ਸਕੁਲੇ ਚੇ ਅਤ੍ਤਭਾવਸ੍ਸ ਅਭਿਨਿਬ੍ਬਤ੍ਤਿ ਹੋਤਿ ‘વੇਸ੍ਸੋ’ਤ੍વੇવ ਸਙ੍ਖ੍ਯਂ ਗਚ੍ਛਤਿ; ਸੁਦ੍ਦਕੁਲੇ ਚੇ ਅਤ੍ਤਭਾવਸ੍ਸ ਅਭਿਨਿਬ੍ਬਤ੍ਤਿ ਹੋਤਿ ‘ਸੁਦ੍ਦੋ’ਤ੍વੇવ ਸਙ੍ਖ੍ਯਂ ਗਚ੍ਛਤਿ। ਸੇਯ੍ਯਥਾਪਿ, ਬ੍ਰਾਹ੍ਮਣ, ਯਂਯਦੇવ ਪਚ੍ਚਯਂ ਪਟਿਚ੍ਚ ਅਗ੍ਗਿ ਜਲਤਿ ਤੇਨ ਤੇਨੇવ ਸਙ੍ਖ੍ਯਂ ਗਚ੍ਛਤਿ। ਕਟ੍ਠਞ੍ਚੇ ਪਟਿਚ੍ਚ ਅਗ੍ਗਿ ਜਲਤਿ ‘ਕਟ੍ਠਗ੍ਗਿ’ਤ੍વੇવ ਸਙ੍ਖ੍ਯਂ ਗਚ੍ਛਤਿ; ਸਕਲਿਕਞ੍ਚੇ ਪਟਿਚ੍ਚ ਅਗ੍ਗਿ ਜਲਤਿ ‘ਸਕਲਿਕਗ੍ਗਿ’ਤ੍વੇવ ਸਙ੍ਖ੍ਯਂ ਗਚ੍ਛਤਿ; ਤਿਣਞ੍ਚੇ ਪਟਿਚ੍ਚ ਅਗ੍ਗਿ ਜਲਤਿ ‘ਤਿਣਗ੍ਗਿ’ਤ੍વੇવ ਸਙ੍ਖ੍ਯਂ ਗਚ੍ਛਤਿ; ਗੋਮਯਞ੍ਚੇ ਪਟਿਚ੍ਚ ਅਗ੍ਗਿ ਜਲਤਿ ‘ਗੋਮਯਗ੍ਗਿ’ਤ੍વੇવ ਸਙ੍ਖ੍ਯਂ ਗਚ੍ਛਤਿ। ਏવਮੇવ ਖੋ ਅਹਂ, ਬ੍ਰਾਹ੍ਮਣ, ਅਰਿਯਂ ਲੋਕੁਤ੍ਤਰਂ ਧਮ੍ਮਂ ਪੁਰਿਸਸ੍ਸ ਸਨ੍ਧਨਂ ਪਞ੍ਞਪੇਮਿ। ਪੋਰਾਣਂ ਖੋ ਪਨਸ੍ਸ ਮਾਤਾਪੇਤ੍ਤਿਕਂ ਕੁਲવਂਸਂ ਅਨੁਸ੍ਸਰਤੋ ਯਤ੍ਥ ਯਤ੍ਥੇવ ਅਤ੍ਤਭਾવਸ੍ਸ ਅਭਿਨਿਬ੍ਬਤ੍ਤਿ ਹੋਤਿ ਤੇਨ ਤੇਨੇવ ਸਙ੍ਖ੍ਯਂ ਗਚ੍ਛਤਿ।
441. ‘‘Kiṃ pana, brāhmaṇa, sabbo loko brāhmaṇānaṃ etadabbhanujānāti – ‘imāni cattāri dhanāni paññapentū’’’ti? ‘‘No hidaṃ, bho gotama’’. ‘‘Seyyathāpi, brāhmaṇa, puriso daliddo assako anāḷhiyo. Tassa akāmassa bilaṃ olaggeyyuṃ – ‘idaṃ te, ambho purisa, maṃsaṃ khāditabbaṃ, mūlañca anuppadātabba’nti. Evameva kho, brāhmaṇa, brāhmaṇā appaṭiññāya tesaṃ samaṇabrāhmaṇānaṃ, atha ca panimāni cattāri dhanāni paññapenti. Ariyaṃ kho ahaṃ, brāhmaṇa, lokuttaraṃ dhammaṃ purisassa sandhanaṃ paññapemi. Porāṇaṃ kho panassa mātāpettikaṃ kulavaṃsaṃ anussarato yattha yattheva attabhāvassa abhinibbatti hoti tena teneva saṅkhyaṃ gacchati. Khattiyakule ce attabhāvassa abhinibbatti hoti ‘khattiyo’tveva saṅkhyaṃ gacchati; brāhmaṇakule ce attabhāvassa abhinibbatti hoti ‘brāhmaṇo’tveva saṅkhyaṃ gacchati; vessakule ce attabhāvassa abhinibbatti hoti ‘vesso’tveva saṅkhyaṃ gacchati; suddakule ce attabhāvassa abhinibbatti hoti ‘suddo’tveva saṅkhyaṃ gacchati. Seyyathāpi, brāhmaṇa, yaṃyadeva paccayaṃ paṭicca aggi jalati tena teneva saṅkhyaṃ gacchati. Kaṭṭhañce paṭicca aggi jalati ‘kaṭṭhaggi’tveva saṅkhyaṃ gacchati; sakalikañce paṭicca aggi jalati ‘sakalikaggi’tveva saṅkhyaṃ gacchati; tiṇañce paṭicca aggi jalati ‘tiṇaggi’tveva saṅkhyaṃ gacchati; gomayañce paṭicca aggi jalati ‘gomayaggi’tveva saṅkhyaṃ gacchati. Evameva kho ahaṃ, brāhmaṇa, ariyaṃ lokuttaraṃ dhammaṃ purisassa sandhanaṃ paññapemi. Porāṇaṃ kho panassa mātāpettikaṃ kulavaṃsaṃ anussarato yattha yattheva attabhāvassa abhinibbatti hoti tena teneva saṅkhyaṃ gacchati.
‘‘ਖਤ੍ਤਿਯਕੁਲੇ ਚੇ ਅਤ੍ਤਭਾવਸ੍ਸ ਅਭਿਨਿਬ੍ਬਤ੍ਤਿ ਹੋਤਿ ‘ਖਤ੍ਤਿਯੋ’ਤ੍વੇવ ਸਙ੍ਖ੍ਯਂ ਗਚ੍ਛਤਿ; ਬ੍ਰਾਹ੍ਮਣਕੁਲੇ ਚੇ ਅਤ੍ਤਭਾવਸ੍ਸ ਅਭਿਨਿਬ੍ਬਤ੍ਤਿ ਹੋਤਿ ‘ਬ੍ਰਾਹ੍ਮਣੋ’ਤ੍વੇવ ਸਙ੍ਖ੍ਯਂ ਗਚ੍ਛਤਿ; વੇਸ੍ਸਕੁਲੇ ਚੇ ਅਤ੍ਤਭਾવਸ੍ਸ ਅਭਿਨਿਬ੍ਬਤ੍ਤਿ ਹੋਤਿ ‘વੇਸ੍ਸੋ’ਤ੍વੇવ ਸਙ੍ਖ੍ਯਂ ਗਚ੍ਛਤਿ; ਸੁਦ੍ਦਕੁਲੇ ਚੇ ਅਤ੍ਤਭਾવਸ੍ਸ ਅਭਿਨਿਬ੍ਬਤ੍ਤਿ ਹੋਤਿ ‘ਸੁਦ੍ਦੋ’ਤ੍વੇવ ਸਙ੍ਖ੍ਯਂ ਗਚ੍ਛਤਿ।
‘‘Khattiyakule ce attabhāvassa abhinibbatti hoti ‘khattiyo’tveva saṅkhyaṃ gacchati; brāhmaṇakule ce attabhāvassa abhinibbatti hoti ‘brāhmaṇo’tveva saṅkhyaṃ gacchati; vessakule ce attabhāvassa abhinibbatti hoti ‘vesso’tveva saṅkhyaṃ gacchati; suddakule ce attabhāvassa abhinibbatti hoti ‘suddo’tveva saṅkhyaṃ gacchati.
‘‘ਖਤ੍ਤਿਯਕੁਲਾ ਚੇਪਿ, ਬ੍ਰਾਹ੍ਮਣ, ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਹੋਤਿ, ਸੋ ਚ ਤਥਾਗਤਪ੍ਪવੇਦਿਤਂ ਧਮ੍ਮવਿਨਯਂ ਆਗਮ੍ਮ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ, ਅਦਿਨ੍ਨਾਦਾਨਾ ਪਟਿવਿਰਤੋ ਹੋਤਿ, ਅਬ੍ਰਹ੍ਮਚਰਿਯਾ ਪਟਿવਿਰਤੋ ਹੋਤਿ, ਮੁਸਾવਾਦਾ ਪਟਿવਿਰਤੋ ਹੋਤਿ, ਪਿਸੁਣਾਯ વਾਚਾਯ ਪਟਿવਿਰਤੋ ਹੋਤਿ, ਫਰੁਸਾਯ વਾਚਾਯ ਪਟਿવਿਰਤੋ ਹੋਤਿ, ਸਮ੍ਫਪ੍ਪਲਾਪਾ ਪਟਿવਿਰਤੋ ਹੋਤਿ, ਅਨਭਿਜ੍ਝਾਲੁ ਹੋਤਿ, ਅਬ੍ਯਾਪਨ੍ਨਚਿਤ੍ਤੋ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲਂ।
‘‘Khattiyakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti, adinnādānā paṭivirato hoti, abrahmacariyā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti, ārādhako hoti ñāyaṃ dhammaṃ kusalaṃ.
‘‘ਬ੍ਰਾਹ੍ਮਣਕੁਲਾ ਚੇਪਿ, ਬ੍ਰਾਹ੍ਮਣ, ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਹੋਤਿ, ਸੋ ਚ ਤਥਾਗਤਪ੍ਪવੇਦਿਤਂ ਧਮ੍ਮવਿਨਯਂ ਆਗਮ੍ਮ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ…ਪੇ॰… ਸਮ੍ਮਾਦਿਟ੍ਠਿ ਹੋਤਿ, ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲਂ।
‘‘Brāhmaṇakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
‘‘વੇਸ੍ਸਕੁਲਾ ਚੇਪਿ, ਬ੍ਰਾਹ੍ਮਣ, ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਹੋਤਿ, ਸੋ ਚ ਤਥਾਗਤਪ੍ਪવੇਦਿਤਂ ਧਮ੍ਮવਿਨਯਂ ਆਗਮ੍ਮ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ…ਪੇ॰… ਸਮ੍ਮਾਦਿਟ੍ਠਿ ਹੋਤਿ, ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲਂ।
‘‘Vessakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
‘‘ਸੁਦ੍ਦਕੁਲਾ ਚੇਪਿ, ਬ੍ਰਾਹ੍ਮਣ, ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਹੋਤਿ, ਸੋ ਚ ਤਥਾਗਤਪ੍ਪવੇਦਿਤਂ ਧਮ੍ਮવਿਨਯਂ ਆਗਮ੍ਮ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ…ਪੇ॰… ਸਮ੍ਮਾਦਿਟ੍ਠਿ ਹੋਤਿ, ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲਂ।
‘‘Suddakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
੪੪੨. ‘‘ਤਂ ਕਿਂ ਮਞ੍ਞਸਿ, ਬ੍ਰਾਹ੍ਮਣ, ਬ੍ਰਾਹ੍ਮਣੋવ ਨੁ ਖੋ ਪਹੋਤਿ ਅਸ੍ਮਿਂ ਪਦੇਸੇ ਅવੇਰਂ ਅਬ੍ਯਾਬਜ੍ਝਂ ਮੇਤ੍ਤਚਿਤ੍ਤਂ ਭਾવੇਤੁਂ, ਨੋ ਖਤ੍ਤਿਯੋ ਨੋ વੇਸ੍ਸੋ ਨੋ ਸੁਦ੍ਦੋ’’ਤਿ? ‘‘ਨੋ ਹਿਦਂ, ਭੋ ਗੋਤਮ। ਖਤ੍ਤਿਯੋਪਿ ਹਿ, ਭੋ ਗੋਤਮ, ਪਹੋਤਿ ਅਸ੍ਮਿਂ ਪਦੇਸੇ ਅવੇਰਂ ਅਬ੍ਯਾਬਜ੍ਝਂ ਮੇਤ੍ਤਚਿਤ੍ਤਂ ਭਾવੇਤੁਂ; ਬ੍ਰਾਹ੍ਮਣੋਪਿ ਹਿ, ਭੋ ਗੋਤਮ… વੇਸ੍ਸੋਪਿ ਹਿ, ਭੋ ਗੋਤਮ… ਸੁਦ੍ਦੋਪਿ ਹਿ, ਭੋ ਗੋਤਮ… ਸਬ੍ਬੇਪਿ ਹਿ, ਭੋ ਗੋਤਮ, ਚਤ੍ਤਾਰੋ વਣ੍ਣਾ ਪਹੋਨ੍ਤਿ ਅਸ੍ਮਿਂ ਪਦੇਸੇ ਅવੇਰਂ ਅਬ੍ਯਾਬਜ੍ਝਂ ਮੇਤ੍ਤਚਿਤ੍ਤਂ ਭਾવੇਤੁ’’ਨ੍ਤਿ। ‘‘ਏવਮੇવ ਖੋ, ਬ੍ਰਾਹ੍ਮਣ, ਖਤ੍ਤਿਯਕੁਲਾ ਚੇਪਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਹੋਤਿ, ਸੋ ਚ ਤਥਾਗਤਪ੍ਪવੇਦਿਤਂ ਧਮ੍ਮવਿਨਯਂ ਆਗਮ੍ਮ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ…ਪੇ॰… ਸਮ੍ਮਾਦਿਟ੍ਠਿ ਹੋਤਿ, ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲਂ।
442. ‘‘Taṃ kiṃ maññasi, brāhmaṇa, brāhmaṇova nu kho pahoti asmiṃ padese averaṃ abyābajjhaṃ mettacittaṃ bhāvetuṃ, no khattiyo no vesso no suddo’’ti? ‘‘No hidaṃ, bho gotama. Khattiyopi hi, bho gotama, pahoti asmiṃ padese averaṃ abyābajjhaṃ mettacittaṃ bhāvetuṃ; brāhmaṇopi hi, bho gotama… vessopi hi, bho gotama… suddopi hi, bho gotama… sabbepi hi, bho gotama, cattāro vaṇṇā pahonti asmiṃ padese averaṃ abyābajjhaṃ mettacittaṃ bhāvetu’’nti. ‘‘Evameva kho, brāhmaṇa, khattiyakulā cepi agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
‘‘ਬ੍ਰਾਹ੍ਮਣਕੁਲਾ ਚੇਪਿ, ਬ੍ਰਾਹ੍ਮਣ… વੇਸ੍ਸਕੁਲਾ ਚੇਪਿ, ਬ੍ਰਾਹ੍ਮਣ… ਸੁਦ੍ਦਕੁਲਾ ਚੇਪਿ, ਬ੍ਰਾਹ੍ਮਣ, ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਹੋਤਿ, ਸੋ ਚ ਤਥਾਗਤਪ੍ਪવੇਦਿਤਂ ਧਮ੍ਮવਿਨਯਂ ਆਗਮ੍ਮ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ…ਪੇ॰… ਸਮ੍ਮਾਦਿਟ੍ਠਿ ਹੋਤਿ, ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲਂ।
‘‘Brāhmaṇakulā cepi, brāhmaṇa… vessakulā cepi, brāhmaṇa… suddakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
੪੪੩. ‘‘ਤਂ ਕਿਂ ਮਞ੍ਞਸਿ, ਬ੍ਰਾਹ੍ਮਣ, ਬ੍ਰਾਹ੍ਮਣੋવ ਨੁ ਖੋ ਪਹੋਤਿ ਸੋਤ੍ਤਿਸਿਨਾਨਿਂ ਆਦਾਯ ਨਦਿਂ ਗਨ੍ਤ੍વਾ ਰਜੋਜਲ੍ਲਂ ਪવਾਹੇਤੁਂ, ਨੋ ਖਤ੍ਤਿਯੋ ਨੋ વੇਸ੍ਸੋ ਨੋ ਸੁਦ੍ਦੋ’’ਤਿ? ‘‘ਨੋ ਹਿਦਂ, ਭੋ ਗੋਤਮ । ਖਤ੍ਤਿਯੋਪਿ ਹਿ, ਭੋ ਗੋਤਮ, ਪਹੋਤਿ ਸੋਤ੍ਤਿਸਿਨਾਨਿਂ ਆਦਾਯ ਨਦਿਂ ਗਨ੍ਤ੍વਾ ਰਜੋਜਲ੍ਲਂ ਪવਾਹੇਤੁਂ; ਬ੍ਰਾਹ੍ਮਣੋਪਿ ਹਿ, ਭੋ ਗੋਤਮ… વੇਸ੍ਸੋਪਿ ਹਿ, ਭੋ ਗੋਤਮ … ਸੁਦ੍ਦੋਪਿ ਹਿ, ਭੋ ਗੋਤਮ… ਸਬ੍ਬੇਪਿ ਹਿ, ਭੋ ਗੋਤਮ, ਚਤ੍ਤਾਰੋ વਣ੍ਣਾ ਪਹੋਨ੍ਤਿ ਸੋਤ੍ਤਿਸਿਨਾਨਿਂ ਆਦਾਯ ਨਦਿਂ ਗਨ੍ਤ੍વਾ ਰਜੋਜਲ੍ਲਂ ਪવਾਹੇਤੁ’’ਨ੍ਤਿ। ‘‘ਏવਮੇવ ਖੋ, ਬ੍ਰਾਹ੍ਮਣ, ਖਤ੍ਤਿਯਕੁਲਾ ਚੇਪਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਹੋਤਿ, ਸੋ ਚ ਤਥਾਗਤਪ੍ਪવੇਦਿਤਂ ਧਮ੍ਮવਿਨਯਂ ਆਗਮ੍ਮ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ…ਪੇ॰… ਸਮ੍ਮਾਦਿਟ੍ਠਿ ਹੋਤਿ, ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲਂ।
443. ‘‘Taṃ kiṃ maññasi, brāhmaṇa, brāhmaṇova nu kho pahoti sottisināniṃ ādāya nadiṃ gantvā rajojallaṃ pavāhetuṃ, no khattiyo no vesso no suddo’’ti? ‘‘No hidaṃ, bho gotama . Khattiyopi hi, bho gotama, pahoti sottisināniṃ ādāya nadiṃ gantvā rajojallaṃ pavāhetuṃ; brāhmaṇopi hi, bho gotama… vessopi hi, bho gotama … suddopi hi, bho gotama… sabbepi hi, bho gotama, cattāro vaṇṇā pahonti sottisināniṃ ādāya nadiṃ gantvā rajojallaṃ pavāhetu’’nti. ‘‘Evameva kho, brāhmaṇa, khattiyakulā cepi agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
‘‘ਬ੍ਰਾਹ੍ਮਣਕੁਲਾ ਚੇਪਿ, ਬ੍ਰਾਹ੍ਮਣ… વੇਸ੍ਸਕੁਲਾ ਚੇਪਿ, ਬ੍ਰਾਹ੍ਮਣ… ਸੁਦ੍ਦਕੁਲਾ ਚੇਪਿ , ਬ੍ਰਾਹ੍ਮਣ, ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਹੋਤਿ, ਸੋ ਚ ਤਥਾਗਤਪ੍ਪવੇਦਿਤਂ ਧਮ੍ਮવਿਨਯਂ ਆਗਮ੍ਮ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ…ਪੇ॰… ਸਮ੍ਮਾਦਿਟ੍ਠਿ ਹੋਤਿ, ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲਂ।
‘‘Brāhmaṇakulā cepi, brāhmaṇa… vessakulā cepi, brāhmaṇa… suddakulā cepi , brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ.
੪੪੪. ‘‘ਤਂ ਕਿਂ ਮਞ੍ਞਸਿ, ਬ੍ਰਾਹ੍ਮਣ, ਇਧ ਰਾਜਾ ਖਤ੍ਤਿਯੋ ਮੁਦ੍ਧਾવਸਿਤ੍ਤੋ ਨਾਨਾਜਚ੍ਚਾਨਂ ਪੁਰਿਸਾਨਂ ਪੁਰਿਸਸਤਂ ਸਨ੍ਨਿਪਾਤੇਯ੍ਯ – ‘ਆਯਨ੍ਤੁ ਭੋਨ੍ਤੋ ਯੇ ਤਤ੍ਥ ਖਤ੍ਤਿਯਕੁਲਾ ਬ੍ਰਾਹ੍ਮਣਕੁਲਾ ਰਾਜਞ੍ਞਕੁਲਾ ਉਪ੍ਪਨ੍ਨਾ ਸਾਕਸ੍ਸ વਾ ਸਾਲਸ੍ਸ વਾ ਸਲਲ਼ਸ੍ਸ વਾ ਚਨ੍ਦਨਸ੍ਸ વਾ ਪਦੁਮਕਸ੍ਸ વਾ ਉਤ੍ਤਰਾਰਣਿਂ ਆਦਾਯ ਅਗ੍ਗਿਂ ਅਭਿਨਿਬ੍ਬਤ੍ਤੇਨ੍ਤੁ, ਤੇਜੋ ਪਾਤੁਕਰੋਨ੍ਤੁ; ਆਯਨ੍ਤੁ ਪਨ ਭੋਨ੍ਤੋ ਯੇ ਤਤ੍ਥ ਚਣ੍ਡਾਲਕੁਲਾ ਨੇਸਾਦਕੁਲਾ વੇਨਕੁਲਾ ਰਥਕਾਰਕੁਲਾ ਪੁਕ੍ਕੁਸਕੁਲਾ ਉਪ੍ਪਨ੍ਨਾ ਸਾਪਾਨਦੋਣਿਯਾ વਾ ਸੂਕਰਦੋਣਿਯਾ વਾ ਰਜਕਦੋਣਿਯਾ વਾ ਏਰਣ੍ਡਕਟ੍ਠਸ੍ਸ વਾ ਉਤ੍ਤਰਾਰਣਿਂ ਆਦਾਯ ਅਗ੍ਗਿਂ ਅਭਿਨਿਬ੍ਬਤ੍ਤੇਨ੍ਤੁ, ਤੇਜੋ ਪਾਤੁਕਰੋਨ੍ਤੂ’’’ਤਿ?
444. ‘‘Taṃ kiṃ maññasi, brāhmaṇa, idha rājā khattiyo muddhāvasitto nānājaccānaṃ purisānaṃ purisasataṃ sannipāteyya – ‘āyantu bhonto ye tattha khattiyakulā brāhmaṇakulā rājaññakulā uppannā sākassa vā sālassa vā salaḷassa vā candanassa vā padumakassa vā uttarāraṇiṃ ādāya aggiṃ abhinibbattentu, tejo pātukarontu; āyantu pana bhonto ye tattha caṇḍālakulā nesādakulā venakulā rathakārakulā pukkusakulā uppannā sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya aggiṃ abhinibbattentu, tejo pātukarontū’’’ti?
‘‘ਤਂ ਕਿਂ ਮਞ੍ਞਸਿ, ਬ੍ਰਾਹ੍ਮਣ, ਯੋ ਏવਂ ਨੁ ਖੋ ਸੋ ਖਤ੍ਤਿਯਕੁਲਾ ਬ੍ਰਾਹ੍ਮਣਕੁਲਾ ਰਾਜਞ੍ਞਕੁਲਾ ਉਪ੍ਪਨ੍ਨੇਹਿ ਸਾਕਸ੍ਸ વਾ ਸਾਲਸ੍ਸ વਾ ਸਲਲ਼ਸ੍ਸ વਾ ਚਨ੍ਦਨਸ੍ਸ વਾ ਪਦੁਮਕਸ੍ਸ વਾ ਉਤ੍ਤਰਾਰਣਿਂ ਆਦਾਯ ਅਗ੍ਗਿ ਅਭਿਨਿਬ੍ਬਤ੍ਤੋ ਤੇਜੋ ਪਾਤੁਕਤੋ ਸੋ ਏવ ਨੁ ਖ੍વਾਸ੍ਸ ਅਗ੍ਗਿ ਅਚ੍ਚਿਮਾ ਚੇવ વਣ੍ਣવਾ ਚ ਪਭਸ੍ਸਰੋ ਚ ਤੇਨ ਚ ਸਕ੍ਕਾ ਅਗ੍ਗਿਨਾ ਅਗ੍ਗਿਕਰਣੀਯਂ ਕਾਤੁਂ; ਯੋ ਪਨ ਸੋ ਚਣ੍ਡਾਲਕੁਲਾ ਨੇਸਾਦਕੁਲਾ વੇਨਕੁਲਾ ਰਥਕਾਰਕੁਲਾ ਪੁਕ੍ਕੁਸਕੁਲਾ ਉਪ੍ਪਨ੍ਨੇਹਿ ਸਾਪਾਨਦੋਣਿਯਾ વਾ ਸੂਕਰਦੋਣਿਯਾ વਾ ਰਜਕਦੋਣਿਯਾ વਾ ਏਰਣ੍ਡਕਟ੍ਠਸ੍ਸ વਾ ਉਤ੍ਤਰਾਰਣਿਂ ਆਦਾਯ ਅਗ੍ਗਿ ਅਭਿਨਿਬ੍ਬਤ੍ਤੋ ਤੇਜੋ ਪਾਤੁਕਤੋ ਸ੍વਾਸ੍ਸ ਅਗ੍ਗਿ ਨ ਚੇવ ਅਚ੍ਚਿਮਾ ਨ ਚ વਣ੍ਣવਾ ਨ ਚ ਪਭਸ੍ਸਰੋ ਨ ਚ ਤੇਨ ਸਕ੍ਕਾ ਅਗ੍ਗਿਨਾ ਅਗ੍ਗਿਕਰਣੀਯਂ ਕਾਤੁ’’ਨ੍ਤਿ? ‘‘ਨੋ ਹਿਦਂ, ਭੋ ਗੋਤਮ। ਯੋਪਿ ਹਿ ਸੋ, ਭੋ ਗੋਤਮ, ਖਤ੍ਤਿਯਕੁਲਾ ਬ੍ਰਾਹ੍ਮਣਕੁਲਾ ਰਾਜਞ੍ਞਕੁਲਾ ਉਪ੍ਪਨ੍ਨੇਹਿ ਸਾਕਸ੍ਸ વਾ ਸਾਲਸ੍ਸ વਾ ਸਲਲ਼ਸ੍ਸ વਾ ਚਨ੍ਦਨਸ੍ਸ વਾ ਪਦੁਮਕਸ੍ਸ વਾ ਉਤ੍ਤਰਾਰਣਿਂ ਆਦਾਯ ਅਗ੍ਗਿ ਅਭਿਨਿਬ੍ਬਤ੍ਤੋ ਤੇਜੋ ਪਾਤੁਕਤੋ ਸ੍વਾਸ੍ਸ ਅਗ੍ਗਿ ਅਚ੍ਚਿਮਾ ਚੇવ વਣ੍ਣવਾ ਚ ਪਭਸ੍ਸਰੋ ਚ ਤੇਨ ਚ ਸਕ੍ਕਾ ਅਗ੍ਗਿਨਾ ਅਗ੍ਗਿਕਰਣੀਯਂ ਕਾਤੁਂ; ਯੋਪਿ ਸੋ ਚਣ੍ਡਾਲਕੁਲਾ ਨੇਸਾਦਕੁਲਾ વੇਨਕੁਲਾ ਰਥਕਾਰਕੁਲਾ ਪੁਕ੍ਕੁਸਕੁਲਾ ਉਪ੍ਪਨ੍ਨੇਹਿ ਸਾਪਾਨਦੋਣਿਯਾ વਾ ਸੂਕਰਦੋਣਿਯਾ વਾ ਰਜਕਦੋਣਿਯਾ વਾ ਏਰਣ੍ਡਕਟ੍ਠਸ੍ਸ વਾ ਉਤ੍ਤਰਾਰਣਿਂ ਆਦਾਯ ਅਗ੍ਗਿ ਅਭਿਨਿਬ੍ਬਤ੍ਤੋ ਤੇਜੋ ਪਾਤੁਕਤੋ ਸ੍વਾਸ੍ਸ ਅਗ੍ਗਿ ਅਚ੍ਚਿਮਾ ਚੇવ વਣ੍ਣવਾ ਚ ਪਭਸ੍ਸਰੋ ਚ ਤੇਨ ਚ ਸਕ੍ਕਾ ਅਗ੍ਗਿਨਾ ਅਗ੍ਗਿਕਰਣੀਯਂ ਕਾਤੁਂ। ਸਬ੍ਬੋਪਿ ਹਿ, ਭੋ ਗੋਤਮ, ਅਗ੍ਗਿ ਅਚ੍ਚਿਮਾ ਚੇવ વਣ੍ਣવਾ ਚ ਪਭਸ੍ਸਰੋ ਚ ਸਬ੍ਬੇਨਪਿ ਸਕ੍ਕਾ ਅਗ੍ਗਿਨਾ ਅਗ੍ਗਿਕਰਣੀਯਂ ਕਾਤੁ’’ਨ੍ਤਿ।
‘‘Taṃ kiṃ maññasi, brāhmaṇa, yo evaṃ nu kho so khattiyakulā brāhmaṇakulā rājaññakulā uppannehi sākassa vā sālassa vā salaḷassa vā candanassa vā padumakassa vā uttarāraṇiṃ ādāya aggi abhinibbatto tejo pātukato so eva nu khvāssa aggi accimā ceva vaṇṇavā ca pabhassaro ca tena ca sakkā agginā aggikaraṇīyaṃ kātuṃ; yo pana so caṇḍālakulā nesādakulā venakulā rathakārakulā pukkusakulā uppannehi sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya aggi abhinibbatto tejo pātukato svāssa aggi na ceva accimā na ca vaṇṇavā na ca pabhassaro na ca tena sakkā agginā aggikaraṇīyaṃ kātu’’nti? ‘‘No hidaṃ, bho gotama. Yopi hi so, bho gotama, khattiyakulā brāhmaṇakulā rājaññakulā uppannehi sākassa vā sālassa vā salaḷassa vā candanassa vā padumakassa vā uttarāraṇiṃ ādāya aggi abhinibbatto tejo pātukato svāssa aggi accimā ceva vaṇṇavā ca pabhassaro ca tena ca sakkā agginā aggikaraṇīyaṃ kātuṃ; yopi so caṇḍālakulā nesādakulā venakulā rathakārakulā pukkusakulā uppannehi sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya aggi abhinibbatto tejo pātukato svāssa aggi accimā ceva vaṇṇavā ca pabhassaro ca tena ca sakkā agginā aggikaraṇīyaṃ kātuṃ. Sabbopi hi, bho gotama, aggi accimā ceva vaṇṇavā ca pabhassaro ca sabbenapi sakkā agginā aggikaraṇīyaṃ kātu’’nti.
‘‘ਏવਮੇવ ਖੋ, ਬ੍ਰਾਹ੍ਮਣ, ਖਤ੍ਤਿਯਕੁਲਾ ਚੇਪਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਹੋਤਿ, ਸੋ ਚ ਤਥਾਗਤਪ੍ਪવੇਦਿਤਂ ਧਮ੍ਮવਿਨਯਂ ਆਗਮ੍ਮ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ…ਪੇ॰… ਸਮ੍ਮਾਦਿਟ੍ਠਿ ਹੋਤਿ, ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲਂ। ਬ੍ਰਾਹ੍ਮਣਕੁਲਾ ਚੇਪਿ, ਬ੍ਰਾਹ੍ਮਣ… વੇਸ੍ਸਕੁਲਾ ਚੇਪਿ, ਬ੍ਰਾਹ੍ਮਣ… ਸੁਦ੍ਦਕੁਲਾ ਚੇਪਿ, ਬ੍ਰਾਹ੍ਮਣ, ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਹੋਤਿ, ਸੋ ਚ ਤਥਾਗਤਪ੍ਪવੇਦਿਤਂ ਧਮ੍ਮવਿਨਯਂ ਆਗਮ੍ਮ ਪਾਣਾਤਿਪਾਤਾ ਪਟਿવਿਰਤੋ ਹੋਤਿ, ਅਦਿਨ੍ਨਾਦਾਨਾ ਪਟਿવਿਰਤੋ ਹੋਤਿ, ਅਬ੍ਰਹ੍ਮਚਰਿਯਾ ਪਟਿવਿਰਤੋ ਹੋਤਿ, ਮੁਸਾવਾਦਾ ਪਟਿવਿਰਤੋ ਹੋਤਿ, ਪਿਸੁਣਾਯ વਾਚਾਯ ਪਟਿવਿਰਤੋ ਹੋਤਿ, ਫਰੁਸਾਯ વਾਚਾਯ ਪਟਿવਿਰਤੋ ਹੋਤਿ, ਸਮ੍ਫਪ੍ਪਲਾਪਾ ਪਟਿવਿਰਤੋ ਹੋਤਿ, ਅਨਭਿਜ੍ਝਾਲੁ ਹੋਤਿ, ਅਬ੍ਯਾਪਨ੍ਨਚਿਤ੍ਤੋ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲ’’ਨ੍ਤਿ।
‘‘Evameva kho, brāhmaṇa, khattiyakulā cepi agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti…pe… sammādiṭṭhi hoti, ārādhako hoti ñāyaṃ dhammaṃ kusalaṃ. Brāhmaṇakulā cepi, brāhmaṇa… vessakulā cepi, brāhmaṇa… suddakulā cepi, brāhmaṇa, agārasmā anagāriyaṃ pabbajito hoti, so ca tathāgatappaveditaṃ dhammavinayaṃ āgamma pāṇātipātā paṭivirato hoti, adinnādānā paṭivirato hoti, abrahmacariyā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti, ārādhako hoti ñāyaṃ dhammaṃ kusala’’nti.
ਏવਂ વੁਤ੍ਤੇ, ਏਸੁਕਾਰੀ ਬ੍ਰਾਹ੍ਮਣੋ ਭਗવਨ੍ਤਂ ਏਤਦવੋਚ – ‘‘ਅਭਿਕ੍ਕਨ੍ਤਂ, ਭੋ ਗੋਤਮ, ਅਭਿਕ੍ਕਨ੍ਤਂ, ਭੋ ਗੋਤਮ…ਪੇ॰… ਉਪਾਸਕਂ ਮਂ ਭવਂ ਗੋਤਮੋ ਧਾਰੇਤੁ ਅਜ੍ਜਤਗ੍ਗੇ ਪਾਣੁਪੇਤਂ ਸਰਣਂ ਗਤ’’ਨ੍ਤਿ।
Evaṃ vutte, esukārī brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
ਏਸੁਕਾਰੀਸੁਤ੍ਤਂ ਨਿਟ੍ਠਿਤਂ ਛਟ੍ਠਂ।
Esukārīsuttaṃ niṭṭhitaṃ chaṭṭhaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੬. ਏਸੁਕਾਰੀਸੁਤ੍ਤવਣ੍ਣਨਾ • 6. Esukārīsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੬. ਏਸੁਕਾਰੀਸੁਤ੍ਤવਣ੍ਣਨਾ • 6. Esukārīsuttavaṇṇanā
