| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. зсугаарийсуд̇д̇аван̣н̣анаа
6. Esukārīsuttavaṇṇanā
437. годтаасанд̇и мам̣сабхааг̇ам̣. лаг̇г̇аабзяяунд̇и нхаарунаа ваа ваагзна ваа б̣анд̇хид̇ваа бурисасса хад̇т̇з ваа васанаг̇зхз ваа оламб̣анавасзна б̣анд̇хзяяум̣. сад̇т̇ад̇хамманд̇и сад̇т̇игзсу сад̇т̇аваахзна бан̣зд̇аб̣б̣ам̣ аан̣аад̇хаммам̣. д̇асса нигкаманад̇т̇анд̇и д̇ам̣ муулам̣ сад̇т̇игзхи нид̇т̇аран̣ад̇т̇ам̣. баабам̣ ассаад̇и барижаранд̇асса баарижарияааяа ахид̇ам̣ва асса. д̇знааха ‘‘на сзяяо’’д̇и. ужжагулийнаад̣̇аяо д̣̇уд̇ияаваараад̣̇ийхи вужжанд̇и, ид̇ха убад̇хивибад̇д̇исамбад̇д̇ияо баабияаад̣̇ибад̣̇зхи вуд̇д̇аад̇и ад̇хиббааяо. д̇знааха – ‘‘баабияод̇и баабаго лаамаго ад̇д̇абхааво ассаа’’д̇и. сзяяам̣сод̇и хид̇агодтаасо, хид̇асабхаавод̇и ад̇т̇о. ужжагулийнад̇аад̇и гаран̣ад̇т̇з бажжад̇д̇аважананд̇и ааха ‘‘ужжаагулийнад̇д̇знаа’’д̇и. ‘‘ван̣н̣о на кийязт̇а д̇ат̇ааг̇ад̇ассаа’’д̇иаад̣̇ийсу (д̣̇ий. ни. адта. 1.305; 3.141; ма. ни. адта. 2.425; уд̣̇аа. 53; аба. адта. 2.7.20; б̣у. вам̣. адта. 4.4; жарияаа. адта. 1.нид̣̇аанагат̇аа; 2.багин̣н̣агагат̇аа; д̣̇ий. ни. дий. 1.г̇ант̇аарамбхагат̇ааван̣н̣анаа; сам̣. ни. дий. 1.2.1; а. ни. дий. 1.1.1; важ̇ира. дий. г̇ант̇аарамбхагат̇ааван̣н̣анаа; саарад̇т̇а. дий. 1.г̇ант̇аарамбхагат̇ааван̣н̣анаа; нзд̇д̇и. дий. г̇ант̇аарамбхагат̇ааван̣н̣анаа; ма. ни. дий. 1.1) вияа ван̣н̣асад̣̇д̣̇о ид̇ха басам̣саабарияааяод̇и ааха ‘‘взссоби хи ул̣аараван̣н̣о ход̇ий’’д̇и.
437.Koṭṭhāsanti maṃsabhāgaṃ. Laggāpeyyunti nhārunā vā vākena vā bandhitvā purisassa hatthe vā vasanagehe vā olambanavasena bandheyyuṃ. Satthadhammanti satthikesu satthavāhena paṇetabbaṃ āṇādhammaṃ. Tassa nikkhamanatthanti taṃ mūlaṃ satthikehi nittharaṇatthaṃ. Pāpaṃ assāti paricarantassa pāricariyāya ahitaṃva assa. Tenāha ‘‘na seyyo’’ti. Uccakulīnādayo dutiyavārādīhi vuccanti, idha upadhivipattisampattiyo pāpiyādipadehi vuttāti adhippāyo. Tenāha – ‘‘pāpiyoti pāpako lāmako attabhāvo assā’’ti. Seyyaṃsoti hitakoṭṭhāso, hitasabhāvoti attho. Uccakulīnatāti karaṇatthe paccattavacananti āha ‘‘uccākulīnattenā’’ti. ‘‘Vaṇṇo na khīyetha tathāgatassā’’tiādīsu (dī. ni. aṭṭha. 1.305; 3.141; ma. ni. aṭṭha. 2.425; udā. 53; apa. aṭṭha. 2.7.20; bu. vaṃ. aṭṭha. 4.4; cariyā. aṭṭha. 1.nidānakathā; 2.pakiṇṇakakathā; dī. ni. ṭī. 1.ganthārambhakathāvaṇṇanā; saṃ. ni. ṭī. 1.2.1; a. ni. ṭī. 1.1.1; vajira. ṭī. ganthārambhakathāvaṇṇanā; sārattha. ṭī. 1.ganthārambhakathāvaṇṇanā; netti. ṭī. ganthārambhakathāvaṇṇanā; ma. ni. ṭī. 1.1) viya vaṇṇasaddo idha pasaṃsāpariyāyoti āha ‘‘vessopi hi uḷāravaṇṇo hotī’’ti.
440. ‘‘нираво бад̣̇асад̣̇д̣̇о сол̣аараг̇од̇д̇асса агин̣н̣амад̇д̇игаабад̇д̇о д̇идтзяяа асан̇г̇ажаарий’’д̇и вуд̇д̇ад̇д̇аа бхигкаа жарид̇аб̣б̣аава, аяам̣ д̇зсам̣ гулад̇хаммод̇и ад̇хиббааяо. харид̇ваад̇и абанзд̇ваа. сад̇д̇аж̇ийво сад̇д̇аваан̣иж̇аго. г̇обзд̇и рагкад̇ийд̇и г̇обо, аарагкаад̇хигаарз нияуд̇д̇о. асанд̇и луунанд̇и д̇знаад̇и асид̇ам̣, лавид̇д̇ам̣. вивид̇хам̣ бхаарам̣ аабхан̃ж̇анд̇и оламб̣анд̇и зд̇т̇аад̇и б̣яаабхан̇г̇ий, гааж̇ам̣.
440. ‘‘Niravo padasaddo soḷāragottassa akiṇṇamattikāpatto tiṭṭheyya asaṅgacārī’’ti vuttattā bhikkhā caritabbāva, ayaṃ tesaṃ kuladhammoti adhippāyo. Haritvāti apanetvā. Sattajīvo sattavāṇijako. Gopeti rakkhatīti gopo, ārakkhādhikāre niyutto. Asanti lūnanti tenāti asitaṃ, lavittaṃ. Vividhaṃ bhāraṃ ābhañjanti olambanti etthāti byābhaṅgī, kājaṃ.
441. ануссарад̇од̇и ануссаран̣ахзд̇у гулавам̣саануссаран̣агкан̣з кад̇д̇ияод̇иаад̣̇инаа сан̇кяам̣ г̇ажчад̇и. д̇знааха ‘‘бораан̣з…бз… ануссарияамаанз’’д̇и. ужжанийжад̇д̇аж̇аананад̇т̇ан̃жа гулававад̇т̇аанам̣ гад̇ам̣ ход̇ийд̇и кад̇д̇ияаад̣̇игулагаммунаа д̇зсам̣ жад̇уннам̣ ван̣н̣аанам̣ санд̇ханам̣ ж̇ийвигам̣ бан̃н̃абзнд̇и б̣раахман̣аа, д̇ат̇ааг̇ад̇о бана логуд̇д̇арад̇хаммамзва бурисасса санд̇ханам̣ бан̃н̃абзд̇и д̇зна сад̇д̇асса логаг̇г̇абхаавасид̣̇д̇хид̇о. сзсам̣ сувин̃н̃зяяамзва.
441.Anussaratoti anussaraṇahetu kulavaṃsānussaraṇakkhaṇe khattiyotiādinā saṅkhyaṃ gacchati. Tenāha ‘‘porāṇe…pe… anussariyamāne’’ti. Uccanīcattajānanatthañca kulavavatthānaṃ kataṃ hotīti khattiyādikulakammunā tesaṃ catunnaṃ vaṇṇānaṃ sandhanaṃ jīvikaṃ paññapenti brāhmaṇā, tathāgato pana lokuttaradhammameva purisassa sandhanaṃ paññapeti tena sattassa lokaggabhāvasiddhito. Sesaṃ suviññeyyameva.
зсугаарийсуд̇д̇аван̣н̣анаа лийнад̇т̇аббагаасанаа самад̇д̇аа.
Esukārīsuttavaṇṇanā līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. зсугаарийсуд̇д̇ам̣ • 6. Esukārīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. зсугаарийсуд̇д̇аван̣н̣анаа • 6. Esukārīsuttavaṇṇanā
