| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੬. ਏਸੁਕਾਰੀਸੁਤ੍ਤવਣ੍ਣਨਾ
6. Esukārīsuttavaṇṇanā
੪੩੭. ਏવਂ ਮੇ ਸੁਤਨ੍ਤਿ ਏਸੁਕਾਰੀਸੁਤ੍ਤਂ। ਤਤ੍ਥ ਬਿਲਂ ਓਲਗ੍ਗੇਯ੍ਯੁਨ੍ਤਿ ਕੋਟ੍ਠਾਸਂ ਲਗ੍ਗਾਪੇਯ੍ਯੁਂ, ਇਮਿਨਾ ਸਤ੍ਥਧਮ੍ਮਂ ਨਾਮ ਦਸ੍ਸੇਤਿ। ਸਤ੍ਥવਾਹੋ ਕਿਰ ਮਹਾਕਨ੍ਤਾਰਪਟਿਪਨ੍ਨੋ ਅਨ੍ਤਰਾਮਗ੍ਗੇ ਗੋਣੇ ਮਤੇ ਮਂਸਂ ਗਹੇਤ੍વਾ ਸਬ੍ਬੇਸਂ ਸਤ੍ਥਿਕਾਨਂ ‘‘ਇਦਂ ਖਾਦਿਤ੍વਾ ਏਤ੍ਤਕਂ ਮੂਲਂ ਦਾਤਬ੍ਬ’’ਨ੍ਤਿ ਕੋਟ੍ਠਾਸਂ ਓਲਗ੍ਗੇਤਿ, ਗੋਣਮਂਸਂ ਨਾਮ ਖਾਦਨ੍ਤਾਪਿ ਅਤ੍ਥਿ ਅਖਾਦਨ੍ਤਾਪਿ, ਮੂਲਂ ਦਾਤੁਂ ਸਕ੍ਕੋਨ੍ਤਾਪਿ ਅਸਕ੍ਕੋਨ੍ਤਾਪਿ। ਸਤ੍ਥવਾਹੋ ਯੇਨ ਮੂਲੇਨ ਗੋਣੋ ਗਹਿਤੋ, ਤਸ੍ਸ ਨਿਕ੍ਖਮਨਤ੍ਥਂ ਸਬ੍ਬੇਸਂ ਬਲਕ੍ਕਾਰੇਨ ਕੋਟ੍ਠਾਸਂ ਦਤ੍વਾ ਮੂਲਂ ਗਣ੍ਹਾਤਿ, ਅਯਂ ਸਤ੍ਥਧਮ੍ਮੋ। ਏવਮੇવਂ ਬ੍ਰਾਹ੍ਮਣਾਪਿ ਲੋਕਸ੍ਸ ਪਟਿਞ੍ਞਂ ਅਗ੍ਗਹੇਤ੍વਾ ਅਤ੍ਤਨੋવ ਧਮ੍ਮਤਾਯ ਚਤਸ੍ਸੋ ਪਾਰਿਚਰਿਯਾ ਪਞ੍ਞਪੇਨ੍ਤੀਤਿ ਦਸ੍ਸੇਤੁਂ ਏવਮੇવ ਖੋਤਿਆਦਿਮਾਹ। ਪਾਪਿਯੋ ਅਸ੍ਸਾਤਿ ਪਾਪਂ ਅਸ੍ਸ। ਸੇਯ੍ਯੋ ਅਸ੍ਸਾਤਿ ਹਿਤਂ ਅਸ੍ਸ। ਅਥ વਾ ਪਾਪਿਯੋਤਿ ਪਾਪਕੋ ਲਾਮਕੋ ਅਤ੍ਤਭਾવੋ ਅਸ੍ਸ। ਸੇਯ੍ਯੋਤਿ ਸੇਟ੍ਠੋ ਉਤ੍ਤਮੋ। ਸੇਯ੍ਯਂਸੋਤਿ ਸੇਯ੍ਯੋ। ਉਚ੍ਚਾਕੁਲੀਨਤਾਤਿ ਉਚ੍ਚਾਕੁਲੀਨਤ੍ਤੇਨ ਸੇਯ੍ਯੋ। ਪਾਪਿਯਂਸੋਤਿ ਪਾਪਿਯੋ। ਉਚ੍ਚਾਕੁਲੀਨਤਾ ਚ ਦ੍વੀਸੁ ਕੁਲੇਸੁ વਡ੍ਢੇਤਿ ਖਤ੍ਤਿਯਕੁਲੇ ਬ੍ਰਾਹ੍ਮਣਕੁਲੇ ਚ, ਉਲ਼ਾਰવਣ੍ਣਤਾ ਤੀਸੁ। વੇਸ੍ਸੋਪਿ ਹਿ ਉਲ਼ਾਰવਣ੍ਣੋ ਹੋਤਿ। ਉਲ਼ਾਰਭੋਗਤਾ ਚਤੂਸੁਪਿ। ਸੁਦ੍ਦੋਪਿ ਹਿ ਅਨ੍ਤਮਸੋ ਚਣ੍ਡਾਲੋਪਿ ਉਲ਼ਾਰਭੋਗੋ ਹੋਤਿਯੇવ।
437.Evaṃme sutanti esukārīsuttaṃ. Tattha bilaṃ olaggeyyunti koṭṭhāsaṃ laggāpeyyuṃ, iminā satthadhammaṃ nāma dasseti. Satthavāho kira mahākantārapaṭipanno antarāmagge goṇe mate maṃsaṃ gahetvā sabbesaṃ satthikānaṃ ‘‘idaṃ khāditvā ettakaṃ mūlaṃ dātabba’’nti koṭṭhāsaṃ olaggeti, goṇamaṃsaṃ nāma khādantāpi atthi akhādantāpi, mūlaṃ dātuṃ sakkontāpi asakkontāpi. Satthavāho yena mūlena goṇo gahito, tassa nikkhamanatthaṃ sabbesaṃ balakkārena koṭṭhāsaṃ datvā mūlaṃ gaṇhāti, ayaṃ satthadhammo. Evamevaṃ brāhmaṇāpi lokassa paṭiññaṃ aggahetvā attanova dhammatāya catasso pāricariyā paññapentīti dassetuṃ evameva khotiādimāha. Pāpiyo assāti pāpaṃ assa. Seyyo assāti hitaṃ assa. Atha vā pāpiyoti pāpako lāmako attabhāvo assa. Seyyoti seṭṭho uttamo. Seyyaṃsoti seyyo. Uccākulīnatāti uccākulīnattena seyyo. Pāpiyaṃsoti pāpiyo. Uccākulīnatā ca dvīsu kulesu vaḍḍheti khattiyakule brāhmaṇakule ca, uḷāravaṇṇatā tīsu. Vessopi hi uḷāravaṇṇo hoti. Uḷārabhogatā catūsupi. Suddopi hi antamaso caṇḍālopi uḷārabhogo hotiyeva.
੪੪੦. ਭਿਕ੍ਖਾਚਰਿਯਨ੍ਤਿ ਕੋਟਿਧਨੇਨਪਿ ਹਿ ਬ੍ਰਾਹ੍ਮਣੇਨ ਭਿਕ੍ਖਾ ਚਰਿਤਬ੍ਬਾવ, ਪੋਰਾਣਕਬ੍ਰਾਹ੍ਮਣਾ ਅਸੀਤਿਕੋਟਿਧਨਾਪਿ ਏਕવੇਲਂ ਭਿਕ੍ਖਂ ਚਰਨ੍ਤਿ। ਕਸ੍ਮਾ? ਦੁਗ੍ਗਤਕਾਲੇ ਚਰਨ੍ਤਾਨਂ ਇਦਾਨਿ ਭਿਕ੍ਖਂ ਚਰਿਤੁਂ ਆਰਦ੍ਧਾਤਿ ਗਰਹਾ ਨ ਭવਿਸ੍ਸਤੀਤਿ। ਅਤਿਮਞ੍ਞਮਾਨੋਤਿ ਯੋ ਭਿਕ੍ਖਾਚਰਿਯવਂਸਂ ਹਰਿਤ੍વਾ ਸਤ੍ਤਜੀવਕਸਿਕਮ੍ਮવਣਿਜ੍ਜਾਦੀਹਿ ਜੀવਿਕਂ ਕਪ੍ਪੇਤਿ, ਅਯਂ ਅਤਿਮਞ੍ਞਤਿ ਨਾਮ। ਗੋਪੋ વਾਤਿ ਯਥਾ ਗੋਪਕੋ ਅਤ੍ਤਨਾ ਰਕ੍ਖਿਤਬ੍ਬਂ ਭਣ੍ਡਂ ਥੇਨੇਨ੍ਤੋ ਅਕਿਚ੍ਚਕਾਰੀ ਹੋਤਿ, ਏવਨ੍ਤਿ ਅਤ੍ਥੋ। ਇਮਿਨਾ ਨਯੇਨ ਸਬ੍ਬવਾਰੇਸੁ ਅਤ੍ਥੋ વੇਦਿਤਬ੍ਬੋ। ਅਸਿਤਬ੍ਯਾਭਙ੍ਗਿਨ੍ਤਿ ਤਿਣਲਾਯਨਅਸਿਤਞ੍ਚੇવ ਕਾਜਞ੍ਚ। ਅਨੁਸ੍ਸਰਤੋਤਿ ਯਤ੍ਥ ਜਾਤੋ, ਤਸ੍ਮਿਂ ਪੋਰਾਣੇ ਮਾਤਾਪੇਤ੍ਤਿਕੇ ਕੁਲવਂਸੇ ਅਨੁਸ੍ਸਰਿਯਮਾਨੇਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
440.Bhikkhācariyanti koṭidhanenapi hi brāhmaṇena bhikkhā caritabbāva, porāṇakabrāhmaṇā asītikoṭidhanāpi ekavelaṃ bhikkhaṃ caranti. Kasmā? Duggatakāle carantānaṃ idāni bhikkhaṃ carituṃ āraddhāti garahā na bhavissatīti. Atimaññamānoti yo bhikkhācariyavaṃsaṃ haritvā sattajīvakasikammavaṇijjādīhi jīvikaṃ kappeti, ayaṃ atimaññati nāma. Gopo vāti yathā gopako attanā rakkhitabbaṃ bhaṇḍaṃ thenento akiccakārī hoti, evanti attho. Iminā nayena sabbavāresu attho veditabbo. Asitabyābhaṅginti tiṇalāyanaasitañceva kājañca. Anussaratoti yattha jāto, tasmiṃ porāṇe mātāpettike kulavaṃse anussariyamāneti attho. Sesaṃ sabbattha uttānamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਏਸੁਕਾਰੀਸੁਤ੍ਤવਣ੍ਣਨਾ ਨਿਟ੍ਠਿਤਾ।
Esukārīsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੬. ਏਸੁਕਾਰੀਸੁਤ੍ਤਂ • 6. Esukārīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੬. ਏਸੁਕਾਰੀਸੁਤ੍ਤવਣ੍ਣਨਾ • 6. Esukārīsuttavaṇṇanā
