Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)

    14. зд̇ад̣̇аг̇г̇аваг̇г̇о

    14. Etadaggavaggo

    (14) 1. батамазд̇ад̣̇аг̇г̇аваг̇г̇о

    (14) 1. Paṭhamaetadaggavaggo

    зд̇ад̣̇аг̇г̇абад̣̇аван̣н̣анаа

    Etadaggapadavaṇṇanā

    188. зд̇ад̣̇аг̇г̇зсу батамаваг̇г̇асса батамз зд̇ад̣̇аг̇г̇анд̇и зд̇ам̣ аг̇г̇ам̣. зд̇т̇а жа аяам̣ аг̇г̇асад̣̇д̣̇о аад̣̇игодигодтаасасздтзсу д̣̇иссад̇и. ‘‘аж̇ж̇ад̇аг̇г̇з, самма д̣̇оваарига, аавараами д̣̇ваарам̣ ниг̇ан̣таанам̣ ниг̇ан̣тийна’’нд̇иаад̣̇ийсу (ма. ни. 2.70) хи аад̣̇имхи д̣̇иссад̇и. ‘‘д̇знзва ан̇г̇улаг̇г̇зна д̇ам̣ ан̇г̇улаг̇г̇ам̣ бараамасзяяа (гат̇аа. 441), ужчаг̇г̇ам̣ взл̣аг̇г̇а’’нд̇иаад̣̇ийсу годияам̣. ‘‘амб̣илаг̇г̇ам̣ ваа мад̇хураг̇г̇ам̣ ваа д̇ид̇д̇агаг̇г̇ам̣ ваа (сам̣. ни. 5.374), ануж̇аанаами, бхигкавз, вихаараг̇г̇зна ваа баривзн̣аг̇г̇зна ваа бхааж̇зд̇у’’нд̇иаад̣̇ийсу (жуул̣ава. 318) годтаасз. ‘‘яаавад̇аа, бхигкавз, сад̇д̇аа абад̣̇аа ваа…бз… д̇ат̇ааг̇ад̇о д̇зсам̣ аг̇г̇амагкааяад̇ий’’д̇иаад̣̇ийсу (а. ни. 4.34; ид̇иву. 90) сздтз. свааяамид̇ха годияамби ваддад̇и сздтзби. д̇з хи т̇зраа ад̇д̇ано ад̇д̇ано таанз годибхууд̇аад̇иби аг̇г̇аа, сздтабхууд̇аад̇иби. д̇асмаа зд̇ад̣̇аг̇г̇анд̇и зсаа годи зсо сздтод̇и аяамзд̇т̇а ад̇т̇о. зсзва наяо саб̣б̣асуд̇д̇зсу.

    188. Etadaggesu paṭhamavaggassa paṭhame etadagganti etaṃ aggaṃ. Ettha ca ayaṃ aggasaddo ādikoṭikoṭṭhāsaseṭṭhesu dissati. ‘‘Ajjatagge, samma dovārika, āvarāmi dvāraṃ nigaṇṭhānaṃ nigaṇṭhīna’’ntiādīsu (ma. ni. 2.70) hi ādimhi dissati. ‘‘Teneva aṅgulaggena taṃ aṅgulaggaṃ parāmaseyya (kathā. 441), ucchaggaṃ veḷagga’’ntiādīsu koṭiyaṃ. ‘‘Ambilaggaṃ vā madhuraggaṃ vā tittakaggaṃ vā (saṃ. ni. 5.374), anujānāmi, bhikkhave, vihāraggena vā pariveṇaggena vā bhājetu’’ntiādīsu (cūḷava. 318) koṭṭhāse. ‘‘Yāvatā, bhikkhave, sattā apadā vā…pe… tathāgato tesaṃ aggamakkhāyatī’’tiādīsu (a. ni. 4.34; itivu. 90) seṭṭhe. Svāyamidha koṭiyampi vaṭṭati seṭṭhepi. Te hi therā attano attano ṭhāne koṭibhūtātipi aggā, seṭṭhabhūtātipi. Tasmā etadagganti esā koṭi eso seṭṭhoti ayamettha attho. Eseva nayo sabbasuttesu.

    аяан̃жа зд̇ад̣̇аг̇г̇асаннигкзбо наама жад̇уухи гааран̣зхи лаб̣бхад̇и адтуббад̇д̇ид̇о ааг̇аманад̇о жин̣н̣авасид̇о г̇ун̣аад̇ирзгад̇од̇и. д̇ад̇т̇а гожи т̇зро згзна гааран̣зна зд̇ад̣̇аг̇г̇адтаанам̣ лабхад̇и, гожи д̣̇вийхи, гожи д̇ийхи, гожи саб̣б̣зхзва жад̇уухиби ааяасмаа саарибуд̇д̇ад̇т̇зро вияа. со хи адтуббад̇д̇ид̇оби махаабан̃н̃ад̇ааяа зд̇ад̣̇аг̇г̇адтаанам̣ лабхи ааг̇аманаад̣̇ийхиби. гат̇ам̣? згасмим̣ хи самаяз сад̇т̇аа ж̇зд̇аванамахаавихаарз вихаранд̇о ган̣д̣амб̣аругкамуулз д̇ид̇т̇ияамад̣̇д̣̇анам̣ яамагабаадихаарияам̣ д̣̇ассзд̇ваа ‘‘гахам̣ ну ко буримаб̣уд̣̇д̇хаа яамагабаадихаарияам̣ гад̇ваа вассам̣ убаг̇ажчанд̇ий’’д̇и ааваж̇ж̇знд̇о ‘‘д̇аавад̇им̣сабхаванз’’д̇и н̃ад̇ваа д̣̇вз бад̣̇анд̇араани д̣̇ассзд̇ваа д̇ад̇иязна бад̣̇зна д̇аавад̇им̣сабхаванз бажжудтааси. сагго д̣̇зварааж̇аа бхаг̇аванд̇ам̣ д̣̇исваа бан̣д̣угамб̣аласилаад̇о удтааяа сад̣̇д̇хим̣ д̣̇зваг̇ан̣зна бажжуг̇г̇аманам̣ аг̇амааси. д̣̇зваа жинд̇аяим̣су – ‘‘сагго д̣̇зварааж̇аа д̣̇зваг̇ан̣абаривуд̇о садтияож̇анааяаамааяа бан̣д̣угамб̣аласилааяа нисийд̣̇ид̇ваа самбад̇д̇им̣ анубхавад̇и, б̣уд̣̇д̇хаанам̣ наама нисиннагаалад̇о бадтааяа на саггаа ан̃н̃зна зд̇т̇а хад̇т̇амби табзд̇у’’нд̇и. сад̇т̇ааби д̇ад̇т̇а нисинно д̇зсам̣ жид̇д̇аажаарам̣ н̃ад̇ваа махаабам̣сугуулиго вияа мун̣д̣абийтагам̣ саб̣б̣амзва бан̣д̣угамб̣аласилам̣ авад̇т̇арид̇ваа нисийд̣̇и. звам̣ нисийд̣̇анд̇о бана ад̇д̇ано ваа сарийрам̣ маханд̇ам̣ гад̇ваа маабзси, бан̣д̣угамб̣аласилам̣ ваа куд̣̇д̣̇агам̣ агаасийд̇и на саллагкзд̇аб̣б̣ам̣. ажинд̇зяяо хи б̣уд̣̇д̇хависаяо. звам̣ нисинно бана маад̇арам̣ гааяасагким̣ гад̇ваа д̣̇асасахассажаггаваал̣ад̣̇звад̇аанам̣ ‘‘гусалаа д̇хаммаа агусалаа д̇хаммаа аб̣яаагад̇аа д̇хаммаа’’д̇и абхид̇хаммабидагам̣ д̣̇зсзси.

    Ayañca etadaggasannikkhepo nāma catūhi kāraṇehi labbhati aṭṭhuppattito āgamanato ciṇṇavasito guṇātirekatoti. Tattha koci thero ekena kāraṇena etadaggaṭṭhānaṃ labhati, koci dvīhi, koci tīhi, koci sabbeheva catūhipi āyasmā sāriputtatthero viya. So hi aṭṭhuppattitopi mahāpaññatāya etadaggaṭṭhānaṃ labhi āgamanādīhipi. Kathaṃ? Ekasmiṃ hi samaye satthā jetavanamahāvihāre viharanto kaṇḍambarukkhamūle titthiyamaddanaṃ yamakapāṭihāriyaṃ dassetvā ‘‘kahaṃ nu kho purimabuddhā yamakapāṭihāriyaṃ katvā vassaṃ upagacchantī’’ti āvajjento ‘‘tāvatiṃsabhavane’’ti ñatvā dve padantarāni dassetvā tatiyena padena tāvatiṃsabhavane paccuṭṭhāsi. Sakko devarājā bhagavantaṃ disvā paṇḍukambalasilāto uṭṭhāya saddhiṃ devagaṇena paccuggamanaṃ agamāsi. Devā cintayiṃsu – ‘‘sakko devarājā devagaṇaparivuto saṭṭhiyojanāyāmāya paṇḍukambalasilāya nisīditvā sampattiṃ anubhavati, buddhānaṃ nāma nisinnakālato paṭṭhāya na sakkā aññena ettha hatthampi ṭhapetu’’nti. Satthāpi tattha nisinno tesaṃ cittācāraṃ ñatvā mahāpaṃsukūliko viya muṇḍapīṭhakaṃ sabbameva paṇḍukambalasilaṃ avattharitvā nisīdi. Evaṃ nisīdanto pana attano vā sarīraṃ mahantaṃ katvā māpesi, paṇḍukambalasilaṃ vā khuddakaṃ akāsīti na sallakkhetabbaṃ. Acinteyyo hi buddhavisayo. Evaṃ nisinno pana mātaraṃ kāyasakkhiṃ katvā dasasahassacakkavāḷadevatānaṃ ‘‘kusalā dhammā akusalā dhammā abyākatā dhammā’’ti abhidhammapiṭakaṃ desesi.

    баадихаарияадтаанзби саб̣б̣ааби д̣̇ваад̣̇асаяож̇анигаа барисаа ануруд̣̇д̇хад̇т̇зрам̣ убасан̇гамид̇ваа ‘‘гахам̣, бханд̇з, д̣̇асаб̣ало г̇ад̇о’’д̇и бужчи. д̇аавад̇им̣сабхаванз бан̣д̣угамб̣аласилааяам̣ вассам̣ убаг̇анд̇ваа абхид̇хаммагат̇ам̣ д̣̇зсзд̇ум̣ г̇ад̇од̇и. бханд̇з, на маяам̣ сад̇т̇аарам̣ ад̣̇исваа г̇амиссаама. гад̣̇аа сад̇т̇аа ааг̇амиссад̇ийд̇и сад̇т̇у ааг̇аманагаалам̣ ж̇аанаат̇аад̇и? махаамог̇г̇аллаанад̇т̇зрасса бхаарам̣ гарот̇а, со б̣уд̣̇д̇хаанам̣ санд̇игам̣ г̇анд̇ваа саасанам̣ аахариссад̇ийд̇и. гим̣ бана т̇зрасса д̇ад̇т̇а г̇анд̇ум̣ б̣алам̣ над̇т̇ийд̇и? ад̇т̇и, висзсаванд̇аанам̣ бана висзсам̣ бассанд̇ууд̇и звамааха. махааж̇ано махаамог̇г̇аллаанад̇т̇зрам̣ убасан̇гамид̇ваа сад̇т̇у саасанам̣ г̇ахзд̇ваа ааг̇аманад̇т̇ааяа яаажи. т̇зро бассанд̇зязва махааж̇анз бат̇авияам̣ нимуж̇ж̇ид̇ваа анд̇осинзрунаа г̇анд̇ваа сад̇т̇аарам̣ ванд̣̇ид̇ваа ааха – ‘‘бханд̇з, махааж̇ано д̇умхаагам̣ д̣̇ассанагаамо, ааг̇аманад̣̇ивасам̣ во ж̇аанид̇ум̣ ижчад̇ий’’д̇и. д̇зна хи ‘‘ид̇о д̇змаасажжаязна сан̇гассанаг̇арад̣̇ваарз бассат̇аа’’д̇исса вад̣̇зхийд̇и. т̇зро бхаг̇авад̇о саасанам̣ аахарид̇ваа махааж̇анасса гат̇зси. махааж̇ано д̇ад̇т̇зва д̇змаасам̣ канд̇хааваарам̣ б̣анд̇хид̇ваа васи. жуул̣аанаат̇абин̣д̣иго д̣̇ваад̣̇асаяож̇анааяа барисааяа д̇змаасам̣ яааг̇убхад̇д̇ам̣ аад̣̇ааси.

    Pāṭihāriyaṭṭhānepi sabbāpi dvādasayojanikā parisā anuruddhattheraṃ upasaṅkamitvā ‘‘kahaṃ, bhante, dasabalo gato’’ti pucchi. Tāvatiṃsabhavane paṇḍukambalasilāyaṃ vassaṃ upagantvā abhidhammakathaṃ desetuṃ gatoti. Bhante, na mayaṃ satthāraṃ adisvā gamissāma. Kadā satthā āgamissatīti satthu āgamanakālaṃ jānāthāti? Mahāmoggallānattherassa bhāraṃ karotha, so buddhānaṃ santikaṃ gantvā sāsanaṃ āharissatīti. Kiṃ pana therassa tattha gantuṃ balaṃ natthīti? Atthi, visesavantānaṃ pana visesaṃ passantūti evamāha. Mahājano mahāmoggallānattheraṃ upasaṅkamitvā satthu sāsanaṃ gahetvā āgamanatthāya yāci. Thero passanteyeva mahājane pathaviyaṃ nimujjitvā antosinerunā gantvā satthāraṃ vanditvā āha – ‘‘bhante, mahājano tumhākaṃ dassanakāmo, āgamanadivasaṃ vo jānituṃ icchatī’’ti. Tena hi ‘‘ito temāsaccayena saṅkassanagaradvāre passathā’’tissa vadehīti. Thero bhagavato sāsanaṃ āharitvā mahājanassa kathesi. Mahājano tattheva temāsaṃ khandhāvāraṃ bandhitvā vasi. Cūḷaanāthapiṇḍiko dvādasayojanāya parisāya temāsaṃ yāgubhattaṃ ādāsi.

    сад̇т̇ааби сад̇д̇аббагаран̣аани д̣̇зсзд̇ваа мануссалогам̣ ааг̇аманад̇т̇ааяа аагаббам̣ д̣̇ассзси. сагго д̣̇зварааж̇аа виссагаммам̣ ааманд̇зд̇ваа д̇ат̇ааг̇ад̇асса од̇аран̣ад̇т̇ааяа собаанам̣ маабзд̇ум̣ аан̣аабзси. со згад̇о сован̣н̣амаяам̣ згад̇о раж̇ад̇амаяам̣ собаанам̣ маабзд̇ваа маж̇жхз ман̣имаяам̣ маабзси. сад̇т̇аа ман̣имаяз собаанз тад̇ваа ‘‘махааж̇ано мам̣ бассад̇уу’’д̇и ад̇хидтааси. ад̇д̇ано аанубхаавзнзва ‘‘махааж̇ано авийжимахаанираяам̣ бассад̇уу’’д̇иби ад̇хидтааси. нираяад̣̇ассанзна жасса уббаннасам̣взг̇ад̇ам̣ н̃ад̇ваа д̣̇звалогам̣ д̣̇ассзси. ат̇асса од̇аранд̇асса махааб̣рахмаа чад̇д̇ам̣ д̇хаарзси, сагго д̣̇зварааж̇аа бад̇д̇ам̣ г̇ан̣хи, суяаамо д̣̇зварааж̇аа д̣̇иб̣б̣ам̣ ваал̣аб̣ийж̇аним̣ б̣ийж̇и, бан̃жасико г̇анд̇хаб̣б̣ад̣̇звабуд̇д̇о б̣злувабан̣д̣увийн̣ам̣ самабан̃н̃аасааяа мужчанаахи мужчид̇ваа ваад̣̇знд̇о бурад̇о од̇ари. б̣уд̣̇д̇хаанам̣ бат̇авияам̣ бад̇идтид̇агаалз ‘‘ахам̣ батамам̣ ванд̣̇иссаами, ахам̣ батамам̣ ванд̣̇иссаамий’’д̇и махааж̇ано адтааси. саха махаабат̇авийаггаманзна бана бхаг̇авад̇о нзва махааж̇ано на асийд̇имахаасаавагаа батамагаванд̣̇анам̣ самбаабун̣им̣су, д̇хаммасзнаабад̇и саарибуд̇д̇ад̇т̇зроязва бана самбаабун̣и.

    Satthāpi sattappakaraṇāni desetvā manussalokaṃ āgamanatthāya ākappaṃ dassesi. Sakko devarājā vissakammaṃ āmantetvā tathāgatassa otaraṇatthāya sopānaṃ māpetuṃ āṇāpesi. So ekato sovaṇṇamayaṃ ekato rajatamayaṃ sopānaṃ māpetvā majjhe maṇimayaṃ māpesi. Satthā maṇimaye sopāne ṭhatvā ‘‘mahājano maṃ passatū’’ti adhiṭṭhāsi. Attano ānubhāveneva ‘‘mahājano avīcimahānirayaṃ passatū’’tipi adhiṭṭhāsi. Nirayadassanena cassa uppannasaṃvegataṃ ñatvā devalokaṃ dassesi. Athassa otarantassa mahābrahmā chattaṃ dhāresi, sakko devarājā pattaṃ gaṇhi, suyāmo devarājā dibbaṃ vāḷabījaniṃ bīji, pañcasikho gandhabbadevaputto beluvapaṇḍuvīṇaṃ samapaññāsāya mucchanāhi mucchitvā vādento purato otari. Buddhānaṃ pathaviyaṃ patiṭṭhitakāle ‘‘ahaṃ paṭhamaṃ vandissāmi, ahaṃ paṭhamaṃ vandissāmī’’ti mahājano aṭṭhāsi. Saha mahāpathavīakkamanena pana bhagavato neva mahājano na asītimahāsāvakā paṭhamakavandanaṃ sampāpuṇiṃsu, dhammasenāpati sāriputtattheroyeva pana sampāpuṇi.

    ат̇а сад̇т̇аа д̣̇ваад̣̇асаяож̇анааяа барисааяа анд̇арз ‘‘т̇зрасса бан̃н̃аанубхаавам̣ ж̇аананд̇уу’’д̇и бут̇уж̇ж̇анабан̃жагам̣ бан̃хам̣ аарабхи. батамам̣ логияамахааж̇ано саллагкзссад̇ийд̇и бут̇уж̇ж̇анабан̃хам̣ бужчи. яз яз саллагким̣су, д̇з д̇з гат̇аяим̣су. д̣̇уд̇ияам̣ бут̇уж̇ж̇анависаяам̣ ад̇иггамид̇ваа сод̇аабад̇д̇имаг̇г̇з бан̃хам̣ бужчи. бут̇уж̇ж̇анаа д̇ун̣хий ахзсум̣, сод̇аабаннаава гат̇аяим̣су. д̇ад̇о сод̇аабаннаанам̣ висаяам̣ ад̇иггамид̇ваа сагад̣̇ааг̇аамимаг̇г̇з бан̃хам̣ бужчи. сод̇аабаннаа д̇ун̣хий ахзсум̣, сагад̣̇ааг̇ааминова гат̇аяим̣су. д̇зсамби висаяам̣ ад̇иггамид̇ваа анааг̇аамимаг̇г̇з бан̃хам̣ бужчи. сагад̣̇ааг̇аамино д̇ун̣хий ахзсум̣, анааг̇ааминова гат̇аяим̣су. д̇зсамби висаяам̣ ад̇иггамид̇ваа арахад̇д̇амаг̇г̇з бан̃хам̣ бужчи. анааг̇аамино д̇ун̣хий ахзсум̣, араханд̇аава гат̇аяим̣су. д̇ад̇о хздтимагодид̇о бадтааяа абхин̃н̃аад̇з абхин̃н̃аад̇з саавагз бужчи, д̇з ад̇д̇ано ад̇д̇ано бадисамбхид̣̇аависаяз тад̇ваа гат̇аяим̣су. ат̇а махаамог̇г̇аллаанам̣ бужчи , сзсасаавагаа д̇ун̣хий ахзсум̣, т̇зрова гат̇зси. д̇ассааби висаяам̣ ад̇иггамид̇ваа саарибуд̇д̇ад̇т̇зрасса висаяз бан̃хам̣ бужчи. махаамог̇г̇аллаано д̇ун̣хий ахоси, саарибуд̇д̇ад̇т̇зрова гат̇зси. т̇зрассааби висаяам̣ ад̇иггамид̇ваа б̣уд̣̇д̇хависаяз бан̃хам̣ бужчи. д̇хаммасзнаабад̇и ааваж̇ж̇знд̇оби бассид̇ум̣ на саггод̇и, бурад̇т̇имабажчимуд̇д̇арад̣̇агкин̣аа жад̇ассо д̣̇исаа жад̇ассо ануд̣̇исаад̇и ид̇о жид̇о жа ологзнд̇о бан̃хуббад̇д̇идтаанам̣ саллагкзд̇ум̣ наасагки.

    Atha satthā dvādasayojanāya parisāya antare ‘‘therassa paññānubhāvaṃ jānantū’’ti puthujjanapañcakaṃ pañhaṃ ārabhi. Paṭhamaṃ lokiyamahājano sallakkhessatīti puthujjanapañhaṃ pucchi. Ye ye sallakkhiṃsu, te te kathayiṃsu. Dutiyaṃ puthujjanavisayaṃ atikkamitvā sotāpattimagge pañhaṃ pucchi. Puthujjanā tuṇhī ahesuṃ, sotāpannāva kathayiṃsu. Tato sotāpannānaṃ visayaṃ atikkamitvā sakadāgāmimagge pañhaṃ pucchi. Sotāpannā tuṇhī ahesuṃ, sakadāgāminova kathayiṃsu. Tesampi visayaṃ atikkamitvā anāgāmimagge pañhaṃ pucchi. Sakadāgāmino tuṇhī ahesuṃ, anāgāminova kathayiṃsu. Tesampi visayaṃ atikkamitvā arahattamagge pañhaṃ pucchi. Anāgāmino tuṇhī ahesuṃ, arahantāva kathayiṃsu. Tato heṭṭhimakoṭito paṭṭhāya abhiññāte abhiññāte sāvake pucchi, te attano attano paṭisambhidāvisaye ṭhatvā kathayiṃsu. Atha mahāmoggallānaṃ pucchi , sesasāvakā tuṇhī ahesuṃ, therova kathesi. Tassāpi visayaṃ atikkamitvā sāriputtattherassa visaye pañhaṃ pucchi. Mahāmoggallāno tuṇhī ahosi, sāriputtattherova kathesi. Therassāpi visayaṃ atikkamitvā buddhavisaye pañhaṃ pucchi. Dhammasenāpati āvajjentopi passituṃ na sakkoti, puratthimapacchimuttaradakkhiṇā catasso disā catasso anudisāti ito cito ca olokento pañhuppattiṭṭhānaṃ sallakkhetuṃ nāsakkhi.

    сад̇т̇аа т̇зрасса гиламанабхаавам̣ ж̇аанид̇ваа ‘‘саарибуд̇д̇о гиламад̇и, наяамукамасса д̣̇ассзссаамий’’д̇и ‘‘ааг̇амзхи д̇вам̣, саарибуд̇д̇аа’’д̇и вад̇ваа ‘‘нааяам̣ д̇уяхам̣ висаяо бан̃хо, б̣уд̣̇д̇хаанам̣ зса висаяо саб̣б̣ан̃н̃уунам̣ яасассийна’’нд̇и б̣уд̣̇д̇хависаяабхаавам̣ аажигкид̇ваа ‘‘бхууд̇амид̣̇анд̇и, саарибуд̇д̇а, саманубассасий’’д̇и ааха. т̇зро ‘‘жад̇умахаабхууд̇игагааяабариг̇г̇ахам̣ мз бхаг̇аваа аажигкад̇ий’’д̇и н̃ад̇ваа ‘‘ан̃н̃аад̇ам̣ бхаг̇аваа, ан̃н̃аад̇ам̣ суг̇ад̇аа’’д̇и ааха. зд̇асмим̣ таанз аяам̣ гат̇аа уд̣̇абаад̣̇и – махаабан̃н̃о вад̇а, бхо, саарибуд̇д̇ад̇т̇зро, яад̇ра хи наама саб̣б̣зхи анан̃н̃аад̇ам̣ бан̃хам̣ гат̇зси, б̣уд̣̇д̇хзхи жа д̣̇иннанаяз тад̇ваа б̣уд̣̇д̇хависаяз бан̃хам̣ гат̇зси, ид̇и т̇зрасса бан̃н̃аанубхааво яад̇д̇агам̣ таанам̣ б̣уд̣̇д̇хаанам̣ гид̇д̇исад̣̇д̣̇зна од̇т̇адам̣, саб̣б̣ам̣ аж̇жход̇т̇арид̇ваа г̇ад̇од̇и звам̣ д̇аава т̇зро адтуббад̇д̇ид̇о махаабан̃н̃ад̇ааяа зд̇ад̣̇аг̇г̇адтаанам̣ лабхи.

    Satthā therassa kilamanabhāvaṃ jānitvā ‘‘sāriputto kilamati, nayamukhamassa dassessāmī’’ti ‘‘āgamehi tvaṃ, sāriputtā’’ti vatvā ‘‘nāyaṃ tuyhaṃ visayo pañho, buddhānaṃ esa visayo sabbaññūnaṃ yasassīna’’nti buddhavisayabhāvaṃ ācikkhitvā ‘‘bhūtamidanti, sāriputta, samanupassasī’’ti āha. Thero ‘‘catumahābhūtikakāyapariggahaṃ me bhagavā ācikkhatī’’ti ñatvā ‘‘aññātaṃ bhagavā, aññātaṃ sugatā’’ti āha. Etasmiṃ ṭhāne ayaṃ kathā udapādi – mahāpañño vata, bho, sāriputtatthero, yatra hi nāma sabbehi anaññātaṃ pañhaṃ kathesi, buddhehi ca dinnanaye ṭhatvā buddhavisaye pañhaṃ kathesi, iti therassa paññānubhāvo yattakaṃ ṭhānaṃ buddhānaṃ kittisaddena otthaṭaṃ, sabbaṃ ajjhottharitvā gatoti evaṃ tāva thero aṭṭhuppattito mahāpaññatāya etadaggaṭṭhānaṃ labhi.

    гат̇ам̣ ааг̇аманад̇о? имиссааязва хи адтуббад̇д̇ияаа сад̇т̇аа ааха – саарибуд̇д̇о на ид̣̇аанзва бан̃н̃аваа, ад̇ийд̇з бан̃жа ж̇аад̇исад̇аани исибаб̣б̣аж̇ж̇ам̣ баб̣б̣аж̇ид̇вааби махаабан̃н̃ова ахоси –

    Kathaṃ āgamanato? Imissāyeva hi aṭṭhuppattiyā satthā āha – sāriputto na idāneva paññavā, atīte pañca jātisatāni isipabbajjaṃ pabbajitvāpi mahāpaññova ahosi –

    ‘‘яо баб̣б̣аж̇ий ж̇аад̇исад̇аани бан̃жа,

    ‘‘Yo pabbajī jātisatāni pañca,

    бахааяа гаамаани манорамаани;

    Pahāya kāmāni manoramāni;

    д̇ам̣ вийд̇арааг̇ам̣ сусамаахид̇инд̣̇рияам̣,

    Taṃ vītarāgaṃ susamāhitindriyaṃ,

    бариниб̣б̣уд̇ам̣ ванд̣̇ат̇а саарибуд̇д̇а’’нд̇и.

    Parinibbutaṃ vandatha sāriputta’’nti.

    звам̣ баб̣б̣аж̇ж̇ам̣ убаб̣руухаяамаано згасмим̣ самаяз б̣аараан̣асияам̣ б̣раахман̣агулз ниб̣б̣ад̇д̇о. д̇аяо взд̣̇з уг̇г̇ан̣хид̇ваа д̇ад̇т̇а саарам̣ абассанд̇о ‘‘баб̣б̣аж̇ид̇ваа згам̣ могкад̇хаммам̣ г̇авзсид̇ум̣ ваддад̇ий’’д̇и жид̇д̇ам̣ уббаад̣̇зси. д̇асмим̣ гаалз б̣од̇хисад̇д̇оби гаасирадтз уд̣̇ижжаб̣раахман̣амахаасаалагулз ниб̣б̣ад̇д̇о вуд̣̇д̇химанвааяа уг̇г̇ахид̇асиббо гаамзсу аад̣̇ийнавам̣ нзгкаммз жа аанисам̣сам̣ д̣̇исваа гхарааваасам̣ бахааяа химаванд̇ам̣ бависид̇ваа гасин̣абаригаммам̣ гад̇ваа бан̃жа абхин̃н̃аа адта самаабад̇д̇ияо ниб̣б̣ад̇д̇зд̇ваа ванамуулапалаахааро химаванд̇аббад̣̇зсз васад̇и. соби маан̣аво нигкамид̇ваа д̇ассзва санд̇игз баб̣б̣аж̇и. баривааро махаа ахоси бан̃жасад̇амад̇д̇аа исаяо.

    Evaṃ pabbajjaṃ upabrūhayamāno ekasmiṃ samaye bārāṇasiyaṃ brāhmaṇakule nibbatto. Tayo vede uggaṇhitvā tattha sāraṃ apassanto ‘‘pabbajitvā ekaṃ mokkhadhammaṃ gavesituṃ vaṭṭatī’’ti cittaṃ uppādesi. Tasmiṃ kāle bodhisattopi kāsiraṭṭhe udiccabrāhmaṇamahāsālakule nibbatto vuddhimanvāya uggahitasippo kāmesu ādīnavaṃ nekkhamme ca ānisaṃsaṃ disvā gharāvāsaṃ pahāya himavantaṃ pavisitvā kasiṇaparikammaṃ katvā pañca abhiññā aṭṭha samāpattiyo nibbattetvā vanamūlaphalāhāro himavantappadese vasati. Sopi māṇavo nikkhamitvā tasseva santike pabbaji. Parivāro mahā ahosi pañcasatamattā isayo.

    ат̇асса со ж̇здтанд̇зваасиго згад̣̇зсам̣ барисам̣ г̇ахзд̇ваа лон̣амб̣иласзванад̇т̇ам̣ мануссабат̇ам̣ аг̇амааси. д̇асмим̣ самаяз б̣од̇хисад̇д̇о д̇асмим̣язва химаванд̇аббад̣̇зсз гаалам̣ агааси. гаалагирияасамаязва нам̣ анд̇зваасигаа саннибад̇ид̇ваа бужчим̣су – ‘‘ад̇т̇и д̇умхзхи гожи висзсо ад̇хиг̇ад̇о’’д̇и. б̣од̇хисад̇д̇о ‘‘над̇т̇и гин̃жий’’д̇и вад̇ваа абарихийнаж̇жхаано аабхассараб̣рахмалогз ниб̣б̣ад̇д̇о. со гин̃жааби аагин̃жан̃н̃ааяад̇анасса лаабхий, б̣од̇хисад̇д̇аанам̣ бана аруубааважарз бадисанд̇хи наама на ход̇и. гасмаа? абхаб̣б̣адтаанад̇д̇аа. ид̇и со аруубасамаабад̇д̇илаабхий самааноби руубааважарз ниб̣б̣ад̇д̇и. анд̇зваасигаабисса ‘‘аажарияо ‘над̇т̇и гин̃жий’д̇и ааха, могхаа д̇асса гаалагирияаа’’д̇и на гин̃жи саггаарасаммаанам̣ агам̣су. ат̇а со ж̇здтанд̇зваасиго ад̇игганд̇з вассааваасз ааг̇анд̇ваа ‘‘гахам̣ аажарияо’’д̇и бужчи. гаалам̣ гад̇од̇и. аби ну аажариязна лад̣̇д̇хаг̇ун̣ам̣ бужчид̇т̇аад̇и? аама бужчимхаад̇и. гим̣ вад̣̇зд̇ийд̇и? над̇т̇и гин̃жийд̇и. маяамби ‘‘аажариязна лад̣̇д̇хаг̇ун̣о наама над̇т̇ий’’д̇и наасса саггаарасаммаанам̣ гаримхаад̇и. д̇умхз бхаасид̇асса ад̇т̇ам̣ на ж̇аанид̇т̇а, аажарияо аагин̃жан̃н̃ааяад̇анасса лаабхийд̇и.

    Athassa so jeṭṭhantevāsiko ekadesaṃ parisaṃ gahetvā loṇambilasevanatthaṃ manussapathaṃ agamāsi. Tasmiṃ samaye bodhisatto tasmiṃyeva himavantappadese kālaṃ akāsi. Kālakiriyasamayeva naṃ antevāsikā sannipatitvā pucchiṃsu – ‘‘atthi tumhehi koci viseso adhigato’’ti. Bodhisatto ‘‘natthi kiñcī’’ti vatvā aparihīnajjhāno ābhassarabrahmaloke nibbatto. So kiñcāpi ākiñcaññāyatanassa lābhī, bodhisattānaṃ pana arūpāvacare paṭisandhi nāma na hoti. Kasmā? Abhabbaṭṭhānattā. Iti so arūpasamāpattilābhī samānopi rūpāvacare nibbatti. Antevāsikāpissa ‘‘ācariyo ‘natthi kiñcī’ti āha, moghā tassa kālakiriyā’’ti na kiñci sakkārasammānaṃ akaṃsu. Atha so jeṭṭhantevāsiko atikkante vassāvāse āgantvā ‘‘kahaṃ ācariyo’’ti pucchi. Kālaṃ katoti. Api nu ācariyena laddhaguṇaṃ pucchitthāti? Āma pucchimhāti. Kiṃ vadetīti? Natthi kiñcīti. Mayampi ‘‘ācariyena laddhaguṇo nāma natthī’’ti nāssa sakkārasammānaṃ karimhāti. Tumhe bhāsitassa atthaṃ na jānittha, ācariyo ākiñcaññāyatanassa lābhīti.

    ат̇а д̇з ж̇здтанд̇зваасигасса гат̇ам̣ на сад̣̇д̣̇ахим̣су. со бунаббунам̣ гат̇знд̇оби сад̣̇д̣̇ахаабзд̇ум̣ наасагки . ат̇а б̣од̇хисад̇д̇о ааваж̇ж̇амаано ‘‘анд̇хаб̣аало махааж̇ано маяхам̣ ж̇здтанд̇зваасигасса гат̇ам̣ на г̇ан̣хаад̇и, имам̣ гааран̣ам̣ баагадам̣ гариссаамий’’д̇и б̣рахмалогад̇о од̇арид̇ваа ассамабад̣̇амад̇т̇агз тид̇о аагаасаг̇ад̇ова ж̇здтанд̇зваасигасса бан̃н̃аанубхаавам̣ ван̣н̣зд̇ваа имам̣ г̇аат̇ам̣ абхааси –

    Atha te jeṭṭhantevāsikassa kathaṃ na saddahiṃsu. So punappunaṃ kathentopi saddahāpetuṃ nāsakkhi . Atha bodhisatto āvajjamāno ‘‘andhabālo mahājano mayhaṃ jeṭṭhantevāsikassa kathaṃ na gaṇhāti, imaṃ kāraṇaṃ pākaṭaṃ karissāmī’’ti brahmalokato otaritvā assamapadamatthake ṭhito ākāsagatova jeṭṭhantevāsikassa paññānubhāvaṃ vaṇṇetvā imaṃ gāthaṃ abhāsi –

    ‘‘баросахассамби самааг̇ад̇аанам̣,

    ‘‘Parosahassampi samāgatānaṃ,

    ганд̣̇зяяум̣ д̇з вассасад̇ам̣ абан̃н̃аа;

    Kandeyyuṃ te vassasataṃ apaññā;

    згова сзяяо бурисо сабан̃н̃о,

    Ekova seyyo puriso sapañño,

    яо бхаасид̇асса виж̇аанаад̇и ад̇т̇а’’нд̇и. (ж̇аа. 1.1.101);

    Yo bhāsitassa vijānāti attha’’nti. (jā. 1.1.101);

    звам̣ исиг̇ан̣ам̣ сан̃н̃аабзд̇ваа б̣од̇хисад̇д̇о б̣рахмалогамзва г̇ад̇о. сзсаисиг̇ан̣оби абарихийнаж̇жхаано худ̇ваа гаалам̣ гад̇ваа б̣рахмалогабарааяан̣о ж̇аад̇о. д̇ад̇т̇а б̣од̇хисад̇д̇о саб̣б̣ан̃н̃уд̇ам̣ бад̇д̇о, ж̇здтанд̇зваасиго саарибуд̇д̇ад̇т̇зро ж̇аад̇о, сзсаа исаяо б̣уд̣̇д̇хабарисаа ж̇аад̇аад̇и звам̣ ад̇ийд̇зби саарибуд̇д̇о махаабан̃н̃ова сам̣кид̇д̇зна бхаасид̇асса вид̇т̇аарзна ад̇т̇ам̣ ж̇аанид̇ум̣ самад̇т̇од̇и взд̣̇ид̇аб̣б̣о.

    Evaṃ isigaṇaṃ saññāpetvā bodhisatto brahmalokameva gato. Sesaisigaṇopi aparihīnajjhāno hutvā kālaṃ katvā brahmalokaparāyaṇo jāto. Tattha bodhisatto sabbaññutaṃ patto, jeṭṭhantevāsiko sāriputtatthero jāto, sesā isayo buddhaparisā jātāti evaṃ atītepi sāriputto mahāpaññova saṃkhittena bhāsitassa vitthārena atthaṃ jānituṃ samatthoti veditabbo.

    ид̣̇амзва жа бут̇уж̇ж̇анабан̃жагам̣ адтуббад̇д̇им̣ гад̇ваа –

    Idameva ca puthujjanapañcakaṃ aṭṭhuppattiṃ katvā –

    ‘‘баросад̇ан̃жзби самааг̇ад̇аанам̣,

    ‘‘Parosatañcepi samāgatānaṃ,

    жхааязяяум̣ д̇з вассасад̇ам̣ абан̃н̃аа;

    Jhāyeyyuṃ te vassasataṃ apaññā;

    згова сзяяо бурисо сабан̃н̃о,

    Ekova seyyo puriso sapañño,

    со бхаасид̇асса виж̇аанаад̇и ад̇т̇а’’нд̇и. (ж̇аа. 1.1.101) –

    So bhāsitassa vijānāti attha’’nti. (jā. 1.1.101) –

    имамби ж̇аад̇агам̣ гат̇зси. д̇асса буримаж̇аад̇агз вуд̇д̇анаязнзва ад̇т̇о взд̣̇ид̇аб̣б̣о.

    Imampi jātakaṃ kathesi. Tassa purimajātake vuttanayeneva attho veditabbo.

    абарамби ид̣̇амзва бут̇уж̇ж̇анабан̃жагам̣ адтуббад̇д̇им̣ гад̇ваа –

    Aparampi idameva puthujjanapañcakaṃ aṭṭhuppattiṃ katvā –

    ‘‘яз сан̃н̃ино д̇зби д̣̇уг̇г̇ад̇аа, язби асан̃н̃ино д̇зби д̣̇уг̇г̇ад̇аа;

    ‘‘Ye saññino tepi duggatā, yepi asaññino tepi duggatā;

    зд̇ам̣ убхаяам̣ виваж̇ж̇аяа, д̇ам̣ самаабад̇д̇исукам̣ анан̇г̇ан̣а’’нд̇и. (ж̇аа. 1.1.134) –

    Etaṃ ubhayaṃ vivajjaya, taṃ samāpattisukhaṃ anaṅgaṇa’’nti. (jā. 1.1.134) –

    имам̣ анан̇г̇ан̣аж̇аад̇агам̣ гат̇зси. зд̇т̇а жа аажарияо гаалам̣ гаронд̇о анд̇зваасигзхи бужчид̇о ‘‘нзвасан̃н̃ий наасан̃н̃ий’’д̇и ааха. сзсам̣ вуд̇д̇анаязнзва взд̣̇ид̇аб̣б̣ам̣.

    Imaṃ anaṅgaṇajātakaṃ kathesi. Ettha ca ācariyo kālaṃ karonto antevāsikehi pucchito ‘‘nevasaññī nāsaññī’’ti āha. Sesaṃ vuttanayeneva veditabbaṃ.

    абарамби ид̣̇амзва бут̇уж̇ж̇анабан̃жагам̣ адтуббад̇д̇им̣ гад̇ваа –

    Aparampi idameva puthujjanapañcakaṃ aṭṭhuppattiṃ katvā –

    ‘‘жанд̣̇аабхам̣ суурияаабхан̃жа, яод̇ха бан̃н̃ааяа г̇аад̇хад̇и;

    ‘‘Candābhaṃ sūriyābhañca, yodha paññāya gādhati;

    авид̇аггзна жхаанзна, ход̇и аабхассаруубаг̇о’’д̇и. (ж̇аа. 1.1.135) –

    Avitakkena jhānena, hoti ābhassarūpago’’ti. (jā. 1.1.135) –

    ид̣̇ам̣ жанд̣̇аабхаж̇аад̇агам̣ гат̇зси. зд̇т̇ааби аажарияо гаалам̣ гаронд̇о анд̇зваасигзхи бужчид̇о ‘‘од̣̇аад̇агасин̣ам̣ жанд̣̇аабхам̣ наама, бийд̇агасин̣ам̣ суурияаабхам̣ наамаад̇и д̇ам̣ убхаяам̣ яо бан̃н̃ааяа г̇аад̇хад̇и бависад̇и багканд̣̇ад̇и, со авид̇аггзна д̣̇уд̇ияаж̇жхаанзна аабхассаруубаг̇о ход̇и, д̇аад̣̇исо аха’’нд̇и санд̇хааяа – ‘‘жанд̣̇аабхам̣ суурияаабха’’нд̇и ааха. сзсам̣ буриманаязнзва взд̣̇ид̇аб̣б̣ам̣.

    Idaṃ candābhajātakaṃ kathesi. Etthāpi ācariyo kālaṃ karonto antevāsikehi pucchito ‘‘odātakasiṇaṃ candābhaṃ nāma, pītakasiṇaṃ sūriyābhaṃ nāmāti taṃ ubhayaṃ yo paññāya gādhati pavisati pakkhandati, so avitakkena dutiyajjhānena ābhassarūpago hoti, tādiso aha’’nti sandhāya – ‘‘candābhaṃ sūriyābha’’nti āha. Sesaṃ purimanayeneva veditabbaṃ.

    ид̣̇амзва жа бут̇уж̇ж̇анабан̃жагам̣ адтуббад̇д̇им̣ гад̇ваа –

    Idameva ca puthujjanapañcakaṃ aṭṭhuppattiṃ katvā –

    ‘‘аасийсзт̇зва бурисо, на ниб̣б̣инд̣̇зяяа бан̣д̣ид̇о;

    ‘‘Āsīsetheva puriso, na nibbindeyya paṇḍito;

    бассаами вохам̣ ад̇д̇аанам̣, яат̇аа ижчим̣ д̇ат̇аа аху.

    Passāmi vohaṃ attānaṃ, yathā icchiṃ tathā ahu.

    ‘‘аасийсзт̇зва бурисо, на ниб̣б̣инд̣̇зяяа бан̣д̣ид̇о;

    ‘‘Āsīsetheva puriso, na nibbindeyya paṇḍito;

    бассаами вохам̣ ад̇д̇аанам̣, уд̣̇агаа т̇аламуб̣бхад̇ам̣.

    Passāmi vohaṃ attānaṃ, udakā thalamubbhataṃ.

    ‘‘вааяамзт̇зва бурисо, на ниб̣б̣инд̣̇зяяа бан̣д̣ид̇о;

    ‘‘Vāyametheva puriso, na nibbindeyya paṇḍito;

    бассаами вохам̣ ад̇д̇аанам̣, яат̇аа ижчим̣ д̇ат̇аа аху.

    Passāmi vohaṃ attānaṃ, yathā icchiṃ tathā ahu.

    ‘‘вааяамзт̇зва бурисо, на ниб̣б̣инд̣̇зяяа бан̣д̣ид̇о;

    ‘‘Vāyametheva puriso, na nibbindeyya paṇḍito;

    бассаами вохам̣ ад̇д̇аанам̣, уд̣̇агаа т̇аламуб̣бхад̇ам̣.

    Passāmi vohaṃ attānaṃ, udakā thalamubbhataṃ.

    ‘‘д̣̇угкуубанийд̇оби наро сабан̃н̃о,

    ‘‘Dukkhūpanītopi naro sapañño,

    аасам̣ на чинд̣̇зяяа сукааг̇амааяа;

    Āsaṃ na chindeyya sukhāgamāya;

    б̣ахуу хи пассаа ахид̇аа хид̇аа жа,

    Bahū hi phassā ahitā hitā ca,

    авид̇аггид̇аа мажжамубаб̣б̣аж̇анд̇и.

    Avitakkitā maccamupabbajanti.

    ‘‘ажинд̇ид̇амби бхавад̇и, жинд̇ид̇амби винассад̇и;

    ‘‘Acintitampi bhavati, cintitampi vinassati;

    на хи жинд̇аамаяаа бхог̇аа, ид̇т̇ияаа бурисасса ваа.

    Na hi cintāmayā bhogā, itthiyā purisassa vā.

    ‘‘сарабхам̣ г̇ирид̣̇уг̇г̇асмим̣, яам̣ д̇вам̣ анусарий бурз;

    ‘‘Sarabhaṃ giriduggasmiṃ, yaṃ tvaṃ anusarī pure;

    алийнажид̇д̇асса д̇увам̣, вигганд̇амануж̇ийваси.

    Alīnacittassa tuvaṃ, vikkantamanujīvasi.

    ‘‘яо д̇ам̣ вид̣̇уг̇г̇аа нарагаа самуд̣̇д̇хари,

    ‘‘Yo taṃ viduggā narakā samuddhari,

    силааяа яог̇г̇ам̣ сарабхо гарид̇ваа;

    Silāya yoggaṃ sarabho karitvā;

    д̣̇угкуубанийд̇ам̣ мажжумукаа баможаяи,

    Dukkhūpanītaṃ maccumukhā pamocayi,

    алийнажид̇д̇ам̣ д̇а миг̇ам̣ вад̣̇зси.

    Alīnacittaṃ ta migaṃ vadesi.

    ‘‘гим̣ д̇вам̣ ну д̇ад̇т̇зва д̇ад̣̇аа ахоси,

    ‘‘Kiṃ tvaṃ nu tattheva tadā ahosi,

    уд̣̇ааху д̇з гожи нам̣ зд̇ад̣̇агкаа;

    Udāhu te koci naṃ etadakkhā;

    виваддажчад̣̇д̣̇о нуси саб̣б̣ад̣̇ассий,

    Vivaṭṭacchaddo nusi sabbadassī,

    н̃аан̣ам̣ ну д̇з б̣раахман̣а бхим̣саруубам̣.

    Ñāṇaṃ nu te brāhmaṇa bhiṃsarūpaṃ.

    ‘‘на жзвахам̣ д̇ад̇т̇а д̇ад̣̇аа ахосим̣,

    ‘‘Na cevahaṃ tattha tadā ahosiṃ,

    на жааби мз гожи нам̣ зд̇ад̣̇агкаа;

    Na cāpi me koci naṃ etadakkhā;

    г̇аат̇аабад̣̇аанан̃жа субхаасид̇аанам̣,

    Gāthāpadānañca subhāsitānaṃ,

    ад̇т̇ам̣ д̇ад̣̇аанзнд̇и ж̇анинд̣̇а д̇хийраа’’д̇и. (ж̇аа. 1.13.134-143) –

    Atthaṃ tadānenti janinda dhīrā’’ti. (jā. 1.13.134-143) –

    имам̣ д̇зрасанибаад̇з сарабхаж̇аад̇аган̃жа гат̇зси. имаани бана бан̃жаби ж̇аад̇агаани ад̇ийд̇зби сам̣кид̇д̇зна бхаасид̇асса вид̇т̇аарзна ад̇т̇ам̣ маяхам̣ буд̇д̇о ж̇аанаад̇ийд̇и сад̇т̇аараа д̇хаммасзнаабад̇исаарибуд̇д̇ад̇т̇зрасса бан̃н̃аанубхааваббагаасанад̇т̇амзва гат̇ид̇аанийд̇и звам̣ ааг̇аманад̇оби т̇зро махаабан̃н̃ад̇ааяа зд̇ад̣̇аг̇г̇адтаанам̣ лабхи.

    Imaṃ terasanipāte sarabhajātakañca kathesi. Imāni pana pañcapi jātakāni atītepi saṃkhittena bhāsitassa vitthārena atthaṃ mayhaṃ putto jānātīti satthārā dhammasenāpatisāriputtattherassa paññānubhāvappakāsanatthameva kathitānīti evaṃ āgamanatopi thero mahāpaññatāya etadaggaṭṭhānaṃ labhi.

    гат̇ам̣ жин̣н̣авасид̇од̇и? жин̣н̣ам̣ гирзд̇ам̣ т̇зрасса жад̇убарисамаж̇жхз д̇хаммам̣ гат̇знд̇о жад̇д̇аари сажжаани амун̃жид̇ваа гат̇зд̇ийд̇и звам̣ жин̣н̣авасид̇оби т̇зро махаабан̃н̃ад̇ааяа зд̇ад̣̇аг̇г̇адтаанам̣ лабхи.

    Kathaṃ ciṇṇavasitoti? Ciṇṇaṃ kiretaṃ therassa catuparisamajjhe dhammaṃ kathento cattāri saccāni amuñcitvā kathetīti evaṃ ciṇṇavasitopi thero mahāpaññatāya etadaggaṭṭhānaṃ labhi.

    гат̇ам̣ г̇ун̣аад̇ирзгад̇од̇и? табзд̇ваа хи д̣̇асаб̣алам̣ ан̃н̃о гожи згасаавагоби махаабан̃н̃ад̇ааяа д̇хаммасзнаабад̇инаа сад̣̇исо наама над̇т̇ийд̇и звам̣ г̇ун̣аад̇ирзгад̇оби т̇зро махаабан̃н̃ад̇ааяа зд̇ад̣̇аг̇г̇адтаанам̣ лабхи.

    Kathaṃ guṇātirekatoti? Ṭhapetvā hi dasabalaṃ añño koci ekasāvakopi mahāpaññatāya dhammasenāpatinā sadiso nāma natthīti evaṃ guṇātirekatopi thero mahāpaññatāya etadaggaṭṭhānaṃ labhi.

    яат̇аа жа саарибуд̇д̇ад̇т̇зро, звам̣ махаамог̇г̇аллаанад̇т̇зроби саб̣б̣зхзва жад̇уухиби имзхи гааран̣зхи зд̇ад̣̇аг̇г̇адтаанам̣ лабхи. гат̇ам̣? т̇зро хи махид̣̇д̇хиго махаанубхааво нанд̣̇обананд̣̇асад̣̇исамби нааг̇арааж̇аанам̣ д̣̇амзсийд̇и звам̣ д̇аава адтуббад̇д̇ид̇о лабхи. на банзса ид̣̇аанзва махид̣̇д̇хиго махаанубхааво, ад̇ийд̇з бан̃жа ж̇аад̇исад̇аани исибаб̣б̣аж̇ж̇ам̣ баб̣б̣аж̇ид̇оби махид̣̇д̇хиго махаанубхааво ахосийд̇и.

    Yathā ca sāriputtatthero, evaṃ mahāmoggallānattheropi sabbeheva catūhipi imehi kāraṇehi etadaggaṭṭhānaṃ labhi. Kathaṃ? Thero hi mahiddhiko mahānubhāvo nandopanandasadisampi nāgarājānaṃ damesīti evaṃ tāva aṭṭhuppattito labhi. Na panesa idāneva mahiddhiko mahānubhāvo, atīte pañca jātisatāni isipabbajjaṃ pabbajitopi mahiddhiko mahānubhāvo ahosīti.

    ‘‘яо баб̣б̣аж̇ий ж̇аад̇исад̇аани бан̃жа,

    ‘‘Yo pabbajī jātisatāni pañca,

    бахааяа гаамаани манорамаани;

    Pahāya kāmāni manoramāni;

    д̇ам̣ вийд̇арааг̇ам̣ сусамаахид̇инд̣̇рияам̣,

    Taṃ vītarāgaṃ susamāhitindriyaṃ,

    бариниб̣б̣уд̇ам̣ ванд̣̇ат̇а мог̇г̇аллаана’’нд̇и. –

    Parinibbutaṃ vandatha moggallāna’’nti. –

    звам̣ ааг̇аманад̇оби лабхи. жин̣н̣ам̣ жзд̇ам̣ т̇зрасса нираяам̣ г̇анд̇ваа ад̇д̇ано ид̣̇д̇хиб̣алзна нираяасад̇д̇аанам̣ ассаасаж̇ананад̇т̇ам̣ сийд̇ам̣ ад̇хидтааяа жаггамад̇д̇ам̣ бад̣̇умам̣ маабзд̇ваа бад̣̇умаган̣н̣игааяам̣ нисийд̣̇ид̇ваа д̇хаммагат̇ам̣ гат̇зд̇и, д̣̇звалогам̣ г̇анд̇ваа д̣̇звасан̇гхам̣ гаммаг̇ад̇им̣ ж̇аанаабзд̇ваа сажжагат̇ам̣ гат̇зд̇ийд̇и звам̣ жин̣н̣авасид̇о лабхи. табзд̇ваа жа саммаасамб̣уд̣̇д̇хам̣ ан̃н̃о сааваго махаамог̇г̇аллаано вияа махид̣̇д̇хиго махаанубхааво над̇т̇ийд̇и звам̣ г̇ун̣аад̇ирзгад̇о лабхи.

    Evaṃ āgamanatopi labhi. Ciṇṇaṃ cetaṃ therassa nirayaṃ gantvā attano iddhibalena nirayasattānaṃ assāsajananatthaṃ sītaṃ adhiṭṭhāya cakkamattaṃ padumaṃ māpetvā padumakaṇṇikāyaṃ nisīditvā dhammakathaṃ katheti, devalokaṃ gantvā devasaṅghaṃ kammagatiṃ jānāpetvā saccakathaṃ kathetīti evaṃ ciṇṇavasito labhi. Ṭhapetvā ca sammāsambuddhaṃ añño sāvako mahāmoggallāno viya mahiddhiko mahānubhāvo natthīti evaṃ guṇātirekato labhi.

    яат̇аа жзса, звам̣ махаагассабад̇т̇зроби саб̣б̣зхзвимзхи гааран̣зхи зд̇ад̣̇аг̇г̇адтаанам̣ лабхи. гат̇ам̣? саммаасамб̣уд̣̇д̇хо хи т̇зрасса д̇иг̇аавуд̇ам̣ маг̇г̇ам̣ бажжуг̇г̇аманам̣ гад̇ваа д̇ийхи оваад̣̇зхи убасамбаад̣̇зд̇ваа жийварам̣ баривад̇д̇зд̇ваа ад̣̇ааси. д̇асмим̣ самаяз махаабат̇авий уд̣̇агабарияанд̇ам̣ гад̇ваа гамби, махааж̇анасса аб̣бханд̇арз т̇зрасса гид̇д̇исад̣̇д̣̇о аж̇жход̇т̇арид̇ваа г̇ад̇о. звам̣ адтуббад̇д̇ид̇о лабхи. на жзса ид̣̇аанзва д̇худ̇ад̇харо, ад̇ийд̇з бан̃жа ж̇аад̇исад̇аани исибаб̣б̣аж̇ж̇ам̣ баб̣б̣аж̇ид̇оби д̇худ̇ад̇харова ахоси.

    Yathā cesa, evaṃ mahākassapattheropi sabbehevimehi kāraṇehi etadaggaṭṭhānaṃ labhi. Kathaṃ? Sammāsambuddho hi therassa tigāvutaṃ maggaṃ paccuggamanaṃ katvā tīhi ovādehi upasampādetvā cīvaraṃ parivattetvā adāsi. Tasmiṃ samaye mahāpathavī udakapariyantaṃ katvā kampi, mahājanassa abbhantare therassa kittisaddo ajjhottharitvā gato. Evaṃ aṭṭhuppattito labhi. Na cesa idāneva dhutadharo, atīte pañca jātisatāni isipabbajjaṃ pabbajitopi dhutadharova ahosi.

    ‘‘яо баб̣б̣аж̇ий ж̇аад̇исад̇аани бан̃жа,

    ‘‘Yo pabbajī jātisatāni pañca,

    бахааяа гаамаани манорамаани;

    Pahāya kāmāni manoramāni;

    д̇ам̣ вийд̇арааг̇ам̣ сусамаахид̇инд̣̇рияам̣,

    Taṃ vītarāgaṃ susamāhitindriyaṃ,

    бариниб̣б̣уд̇ам̣ ванд̣̇ат̇а махаагассаба’’нд̇и. –

    Parinibbutaṃ vandatha mahākassapa’’nti. –

    звам̣ ааг̇аманад̇оби лабхи. жин̣н̣ам̣ жзд̇ам̣ т̇зрасса жад̇убарисамаж̇жхаг̇ад̇о д̇хаммам̣ гат̇знд̇о д̣̇аса гат̇аавад̇т̇ууни авиж̇ахид̇ваава гат̇зд̇ийд̇и звам̣ жин̣н̣авасид̇о лабхи. табзд̇ваа жа саммаасамб̣уд̣̇д̇хам̣ ан̃н̃о сааваго д̇зрасахи д̇худ̇аг̇ун̣зхи махаагассабасад̣̇исо над̇т̇ийд̇и звам̣ г̇ун̣аад̇ирзгад̇о лабхи . иминаава нияаамзна д̇зсам̣ д̇зсам̣ т̇зраанам̣ яат̇аалаабхад̇о г̇ун̣з гид̇д̇зд̇ум̣ ваддад̇и.

    Evaṃ āgamanatopi labhi. Ciṇṇaṃ cetaṃ therassa catuparisamajjhagato dhammaṃ kathento dasa kathāvatthūni avijahitvāva kathetīti evaṃ ciṇṇavasito labhi. Ṭhapetvā ca sammāsambuddhaṃ añño sāvako terasahi dhutaguṇehi mahākassapasadiso natthīti evaṃ guṇātirekato labhi . Imināva niyāmena tesaṃ tesaṃ therānaṃ yathālābhato guṇe kittetuṃ vaṭṭati.

    г̇ун̣авасзнзва хи саммаасамб̣уд̣̇д̇хо яат̇аа наама рааж̇аа жаггавад̇д̇ий жаггарад̇анаанубхаавзна жаггаваал̣аг̇аб̣бхз раж̇ж̇асирим̣ бад̇ваа ‘‘бад̇д̇аб̣б̣ам̣ мз бад̇д̇ам̣, гим̣ мз ид̣̇аани махааж̇анзна ологид̇знаа’’д̇и на аббоссугго худ̇ваа раж̇ж̇асирим̣язва анубход̇и, гаалзна бана гаалам̣ винижчаяадтаанз нисийд̣̇ид̇ваа ниг̇г̇ахзд̇аб̣б̣з ниг̇г̇ан̣хаад̇и, баг̇г̇ахзд̇аб̣б̣з баг̇г̇ан̣хаад̇и, таананд̇арзсу жа табзд̇аб̣б̣аяуд̇д̇агз таананд̇арзсу табзд̇и, звамзвам̣ махааб̣од̇химан̣д̣з ад̇хиг̇ад̇асса саб̣б̣ан̃н̃уд̇ан̃н̃аан̣асса аанубхаавзна ануббад̇д̇ад̇хаммараж̇ж̇о д̇хаммарааж̇ааби ‘‘гим̣ мз ид̣̇аани логзна ологид̇зна, ануд̇д̇арам̣ паласамаабад̇д̇исукам̣ анубхависсаамий’’д̇и аббоссуггад̇ам̣ анаабаж̇ж̇ид̇ваа жад̇убарисамаж̇жхз бан̃н̃ад̇д̇авараб̣уд̣̇д̇хаасанз нисинно адтан̇г̇асаманнааг̇ад̇ам̣ б̣рахмассарам̣ нижчаарзд̇ваа д̇хаммам̣ д̣̇зсаяамаано ниг̇г̇ахзд̇аб̣б̣аяуд̇д̇з ган̣хад̇хаммз буг̇г̇алз синзрубаад̣̇з багкибанд̇о вияа абааяабхаяасанд̇аж̇ж̇анзна ниг̇г̇ахзд̇ваа баг̇г̇ахзд̇аб̣б̣аяуд̇д̇з галяаан̣ад̇хаммз буг̇г̇алз угкибид̇ваа бхаваг̇г̇з нисийд̣̇аабзнд̇о вияа баг̇г̇ан̣хид̇ваа таананд̇арзсу табзд̇аб̣б̣аяуд̇д̇агз ан̃н̃аасигон̣д̣ан̃н̃ад̇т̇зраад̣̇аяо саавагз яаат̇аавасарасаг̇ун̣авасзнзва таананд̇арзсу табзнд̇о зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ рад̇д̇ан̃н̃уунам̣, яад̣̇ид̣̇ам̣ ан̃н̃аасигон̣д̣ан̃н̃од̇иаад̣̇имааха.

    Guṇavaseneva hi sammāsambuddho yathā nāma rājā cakkavattī cakkaratanānubhāvena cakkavāḷagabbhe rajjasiriṃ patvā ‘‘pattabbaṃ me pattaṃ, kiṃ me idāni mahājanena olokitenā’’ti na appossukko hutvā rajjasiriṃyeva anubhoti, kālena pana kālaṃ vinicchayaṭṭhāne nisīditvā niggahetabbe niggaṇhāti, paggahetabbe paggaṇhāti, ṭhānantaresu ca ṭhapetabbayuttake ṭhānantaresu ṭhapeti, evamevaṃ mahābodhimaṇḍe adhigatassa sabbaññutaññāṇassa ānubhāvena anuppattadhammarajjo dhammarājāpi ‘‘kiṃ me idāni lokena olokitena, anuttaraṃ phalasamāpattisukhaṃ anubhavissāmī’’ti appossukkataṃ anāpajjitvā catuparisamajjhe paññattavarabuddhāsane nisinno aṭṭhaṅgasamannāgataṃ brahmassaraṃ nicchāretvā dhammaṃ desayamāno niggahetabbayutte kaṇhadhamme puggale sinerupāde pakkhipanto viya apāyabhayasantajjanena niggahetvā paggahetabbayutte kalyāṇadhamme puggale ukkhipitvā bhavagge nisīdāpento viya paggaṇhitvā ṭhānantaresu ṭhapetabbayuttake aññāsikoṇḍaññattherādayo sāvake yāthāvasarasaguṇavaseneva ṭhānantaresu ṭhapento etadaggaṃ, bhikkhave, mama sāvakānaṃ bhikkhūnaṃ rattaññūnaṃ, yadidaṃ aññāsikoṇḍaññotiādimāha.

    ан̃н̃аасигон̣д̣ан̃н̃ад̇т̇зравад̇т̇у

    Aññāsikoṇḍaññattheravatthu

    д̇ад̇т̇а зд̇ад̣̇аг̇г̇анд̇и бад̣̇ам̣ вуд̇д̇ад̇т̇амзва. рад̇д̇ан̃н̃уунанд̇и рад̇д̇ияо ж̇аананд̇аанам̣. табзд̇ваа хи саммаасамб̣уд̣̇д̇хам̣ ан̃н̃о сааваго ан̃н̃аасигон̣д̣ан̃н̃ад̇т̇зрад̇о батамад̇арам̣ баб̣б̣аж̇ид̇о наама над̇т̇ийд̇и баб̣б̣аж̇ид̇агаалад̇о бадтааяа т̇зро жирагаалам̣ рад̇д̇ияо ж̇аанаад̇ийд̇и рад̇д̇ан̃н̃уу. саб̣б̣абатамам̣ д̇хаммасса бадивид̣̇д̇хад̇д̇аа яад̣̇аа д̇зна д̇хаммо бадивид̣̇д̇хо, жирагаалад̇о бадтааяа д̇ам̣ рад̇д̇им̣ ж̇аанаад̇ийд̇иби рад̇д̇ан̃н̃уу. абижа кийн̣аасаваанам̣ рад̇д̇ид̣̇ивасабарижчзд̣̇о баагадова ход̇и, аяан̃жа батамакийн̣аасавод̇и звамби рад̇д̇ан̃н̃уунам̣ саавагаанам̣ аяамзва аг̇г̇о буримагодибхууд̇о сздто. д̇зна вуд̇д̇ам̣ – ‘‘рад̇д̇ан̃н̃уунам̣ яад̣̇ид̣̇ам̣ ан̃н̃аасигон̣д̣ан̃н̃о’’д̇и.

    Tattha etadagganti padaṃ vuttatthameva. Rattaññūnanti rattiyo jānantānaṃ. Ṭhapetvā hi sammāsambuddhaṃ añño sāvako aññāsikoṇḍaññattherato paṭhamataraṃ pabbajito nāma natthīti pabbajitakālato paṭṭhāya thero cirakālaṃ rattiyo jānātīti rattaññū. Sabbapaṭhamaṃ dhammassa paṭividdhattā yadā tena dhammo paṭividdho, cirakālato paṭṭhāya taṃ rattiṃ jānātītipi rattaññū. Apica khīṇāsavānaṃ rattidivasaparicchedo pākaṭova hoti, ayañca paṭhamakhīṇāsavoti evampi rattaññūnaṃ sāvakānaṃ ayameva aggo purimakoṭibhūto seṭṭho. Tena vuttaṃ – ‘‘rattaññūnaṃ yadidaṃ aññāsikoṇḍañño’’ti.

    зд̇т̇а жа яад̣̇ид̣̇анд̇и нибаад̇о, д̇асса т̇зрам̣ авзгкид̇ваа яо зсод̇и, аг̇г̇асад̣̇д̣̇ам̣ авзгкид̇ваа яам̣ зд̇анд̇и ад̇т̇о. ан̃н̃аасигон̣д̣ан̃н̃од̇и н̃аад̇агон̣д̣ан̃н̃о бадивид̣̇д̇хагон̣д̣ан̃н̃о. д̇знзвааха – ‘‘ан̃н̃ааси вад̇а, бхо, гон̣д̣ан̃н̃о, ан̃н̃ааси вад̇а, бхо, гон̣д̣ан̃н̃од̇и. ид̇и хид̣̇ам̣ ааяасмад̇о гон̣д̣ан̃н̃асса ан̃н̃аасигон̣д̣ан̃н̃о д̇взва наамам̣ ахосий’’д̇и (сам̣. ни. 5.1081; махаава. 17).

    Ettha ca yadidanti nipāto, tassa theraṃ avekkhitvā yo esoti, aggasaddaṃ avekkhitvā yaṃ etanti attho. Aññāsikoṇḍaññoti ñātakoṇḍañño paṭividdhakoṇḍañño. Tenevāha – ‘‘aññāsi vata, bho, koṇḍañño, aññāsi vata, bho, koṇḍaññoti. Iti hidaṃ āyasmato koṇḍaññassa aññāsikoṇḍañño tveva nāmaṃ ahosī’’ti (saṃ. ni. 5.1081; mahāva. 17).

    аяам̣ бана т̇зро гад̇араб̣уд̣̇д̇хагаалз буб̣б̣абад̇т̇анам̣ абхинийхаарам̣ агааси, гад̣̇аа баб̣б̣аж̇ид̇о, гад̣̇аанзна батамам̣ д̇хаммо ад̇хиг̇ад̇о, гад̣̇аа таананд̇арз табид̇од̇и иминаа наязна саб̣б̣зсуби зд̇ад̣̇аг̇г̇зсу бан̃хагаммам̣ взд̣̇ид̇аб̣б̣ам̣.

    Ayaṃ pana thero katarabuddhakāle pubbapatthanaṃ abhinīhāraṃ akāsi, kadā pabbajito, kadānena paṭhamaṃ dhammo adhigato, kadā ṭhānantare ṭhapitoti iminā nayena sabbesupi etadaggesu pañhakammaṃ veditabbaṃ.

    д̇ад̇т̇а имасса д̇аава т̇зрасса бан̃хагаммз аяаманубуб̣б̣игат̇аа – ид̇о габбасад̇асахассамад̇т̇агз бад̣̇умуд̇д̇аро наама б̣уд̣̇д̇хо логз уд̣̇абаад̣̇и, д̇асса бадивид̣̇д̇хасаб̣б̣ан̃н̃уд̇ан̃н̃аан̣асса махааб̣од̇хибаллан̇гад̇о удтаханд̇асса махаабат̇авияам̣ табзд̇ум̣ баад̣̇з угкид̇д̇амад̇д̇з баад̣̇асамбадижчанад̇т̇ам̣ маханд̇ам̣ бад̣̇умабубпам̣ уг̇г̇ан̃чи, д̇асса д̇хурабад̇д̇аани навуд̇ихад̇т̇аани хонд̇и, гзсарам̣ д̇им̣сахад̇т̇ам̣, ган̣н̣игаа д̣̇ваад̣̇асахад̇т̇аа, баад̣̇зна бад̇идтид̇адтаанам̣ згаад̣̇асахад̇т̇ам̣. д̇асса бана бхаг̇авад̇о сарийрам̣ адтабан̣н̣аасахад̇т̇уб̣б̣зд̇хам̣ ахоси. д̇асса бад̣̇умаган̣н̣игааяа д̣̇агкин̣абаад̣̇з бад̇идтаханд̇з махаад̇умб̣амад̇д̇аа рзн̣у уг̇г̇анд̇ваа сарийрам̣ огирамаанаа од̇ари, ваамабаад̣̇асса табанагаалзби д̇ат̇ааруубам̣язва бад̣̇умам̣ уг̇г̇анд̇ваа баад̣̇ам̣ самбадижчи. д̇ад̇оби уг̇г̇анд̇ваа вуд̇д̇аббамаан̣аава рзн̣у сарийрам̣ огири. д̇ам̣ бана рзн̣ум̣ абхибхавамаанаа д̇асса бхаг̇авад̇о сарийраббабхаа нигкамид̇ваа яанд̇анаал̣игааяа виссадтасуван̣н̣арасад̇хаараа вияа саманд̇аа д̣̇ваад̣̇асаяож̇анадтаанам̣ згобхаасам̣ агааси. д̇ад̇ияабаад̣̇уд̣̇д̇харан̣агаалз бат̇амуг̇г̇ад̇ам̣ бад̣̇умам̣ анд̇арад̇хааяи, баад̣̇асамбадижчанад̇т̇ам̣ ан̃н̃ам̣ навам̣ бад̣̇умам̣ уг̇г̇ан̃чи. иминаава нияаамзна яад̇т̇а яад̇т̇а г̇анд̇угаамо ход̇и, д̇ад̇т̇а д̇ад̇т̇ааби махаабад̣̇умам̣ уг̇г̇ажчад̇и. д̇знзвасса ‘‘бад̣̇умуд̇д̇арасаммаасамб̣уд̣̇д̇хо’’д̇и наамам̣ ахоси.

    Tattha imassa tāva therassa pañhakamme ayamanupubbikathā – ito kappasatasahassamatthake padumuttaro nāma buddho loke udapādi, tassa paṭividdhasabbaññutaññāṇassa mahābodhipallaṅkato uṭṭhahantassa mahāpathaviyaṃ ṭhapetuṃ pāde ukkhittamatte pādasampaṭicchanatthaṃ mahantaṃ padumapupphaṃ uggañchi, tassa dhurapattāni navutihatthāni honti, kesaraṃ tiṃsahatthaṃ, kaṇṇikā dvādasahatthā, pādena patiṭṭhitaṭṭhānaṃ ekādasahatthaṃ. Tassa pana bhagavato sarīraṃ aṭṭhapaṇṇāsahatthubbedhaṃ ahosi. Tassa padumakaṇṇikāya dakkhiṇapāde patiṭṭhahante mahātumbamattā reṇu uggantvā sarīraṃ okiramānā otari, vāmapādassa ṭhapanakālepi tathārūpaṃyeva padumaṃ uggantvā pādaṃ sampaṭicchi. Tatopi uggantvā vuttappamāṇāva reṇu sarīraṃ okiri. Taṃ pana reṇuṃ abhibhavamānā tassa bhagavato sarīrappabhā nikkhamitvā yantanāḷikāya vissaṭṭhasuvaṇṇarasadhārā viya samantā dvādasayojanaṭṭhānaṃ ekobhāsaṃ akāsi. Tatiyapāduddharaṇakāle pathamuggataṃ padumaṃ antaradhāyi, pādasampaṭicchanatthaṃ aññaṃ navaṃ padumaṃ uggañchi. Imināva niyāmena yattha yattha gantukāmo hoti, tattha tatthāpi mahāpadumaṃ uggacchati. Tenevassa ‘‘padumuttarasammāsambuddho’’ti nāmaṃ ahosi.

    звам̣ со бхаг̇аваа логз уббаж̇ж̇ид̇ваа бхигкусад̇асахассабаривааро махааж̇анасса сан̇г̇ахад̇т̇ааяа г̇ааманиг̇амарааж̇ад̇хаанийсу бхигкааяа жаранд̇о хам̣савад̇ийнаг̇арам̣ самбаабун̣и . д̇асса ааг̇ад̇абхаавам̣ суд̇ваа бид̇аа махаарааж̇аа бажжуг̇г̇аманам̣ агааси. сад̇т̇аа д̇асса д̇хаммагат̇ам̣ гат̇зси. д̣̇зсанаабарияосаанз гзжи сод̇аабаннаа гзжи сагад̣̇ааг̇аамий гзжи анааг̇аамий гзжи арахад̇д̇ам̣ баабун̣им̣су. рааж̇аа сваад̇анааяа д̣̇асаб̣алам̣ ниманд̇зд̇ваа бунад̣̇ивасз гаалам̣ аарожаабзд̇ваа бхигкусад̇асахассабариваарасса бхаг̇авад̇о саганивзсанз махаад̣̇аанам̣ ад̣̇ааси. сад̇т̇аа бхад̇д̇аанумод̣̇анам̣ гад̇ваа вихаарамзва г̇ад̇о. д̇знзва нияаамзна бунад̣̇ивасз нааг̇араа, бунад̣̇ивасз рааж̇аад̇и д̣̇ийгхамад̣̇д̇хаанам̣ д̣̇аанам̣ ад̣̇ам̣су.

    Evaṃ so bhagavā loke uppajjitvā bhikkhusatasahassaparivāro mahājanassa saṅgahatthāya gāmanigamarājadhānīsu bhikkhāya caranto haṃsavatīnagaraṃ sampāpuṇi . Tassa āgatabhāvaṃ sutvā pitā mahārājā paccuggamanaṃ akāsi. Satthā tassa dhammakathaṃ kathesi. Desanāpariyosāne keci sotāpannā keci sakadāgāmī keci anāgāmī keci arahattaṃ pāpuṇiṃsu. Rājā svātanāya dasabalaṃ nimantetvā punadivase kālaṃ ārocāpetvā bhikkhusatasahassaparivārassa bhagavato sakanivesane mahādānaṃ adāsi. Satthā bhattānumodanaṃ katvā vihārameva gato. Teneva niyāmena punadivase nāgarā, punadivase rājāti dīghamaddhānaṃ dānaṃ adaṃsu.

    д̇асмим̣ гаалз аяам̣ т̇зро хам̣савад̇ийнаг̇арз г̇ахабад̇имахаасаалагулз ниб̣б̣ад̇д̇о. згад̣̇ивасам̣ б̣уд̣̇д̇хаанам̣ д̇хаммад̣̇зсанаагаалз хам̣савад̇ийнаг̇араваасино г̇анд̇хамаалаад̣̇ихад̇т̇з язна б̣уд̣̇д̇хо, язна д̇хаммо, язна сан̇гхо, д̇анниннз д̇аббон̣з д̇аббаб̣бхаарз г̇ажчанд̇з д̣̇исваа д̇зна махааж̇анзна сад̣̇д̇хим̣ д̇хаммад̣̇зсанадтаанам̣ аг̇амааси. д̇асмин̃жа самаяз бад̣̇умуд̇д̇аро бхаг̇аваа ад̇д̇ано саасанз батамам̣ бадивид̣̇д̇хад̇хаммам̣ згам̣ бхигкум̣ зд̇ад̣̇аг̇г̇адтаанз табзси. со гулабуд̇д̇о д̇ам̣ гааран̣ам̣ суд̇ваа ‘‘махаа вад̇ааяам̣ бхигку, табзд̇ваа гира б̣уд̣̇д̇хам̣ ан̃н̃о иминаа батамад̇арам̣ бадивид̣̇д̇хад̇хаммо наама над̇т̇и. ахо вад̇аахамби анааг̇ад̇з згасса б̣уд̣̇д̇хасса саасанз батамам̣ д̇хаммам̣ бадивиж̇жханасамад̇т̇о бхавзяяа’’нд̇и жинд̇зд̇ваа д̣̇зсанаабарияосаанз бхаг̇аванд̇ам̣ убасан̇гамид̇ваа ‘‘свз маяхам̣ бхигкам̣ г̇ан̣хат̇аа’’д̇и ниманд̇зси. сад̇т̇аа ад̇хиваасзси.

    Tasmiṃ kāle ayaṃ thero haṃsavatīnagare gahapatimahāsālakule nibbatto. Ekadivasaṃ buddhānaṃ dhammadesanākāle haṃsavatīnagaravāsino gandhamālādihatthe yena buddho, yena dhammo, yena saṅgho, tanninne tappoṇe tappabbhāre gacchante disvā tena mahājanena saddhiṃ dhammadesanaṭṭhānaṃ agamāsi. Tasmiñca samaye padumuttaro bhagavā attano sāsane paṭhamaṃ paṭividdhadhammaṃ ekaṃ bhikkhuṃ etadaggaṭṭhāne ṭhapesi. So kulaputto taṃ kāraṇaṃ sutvā ‘‘mahā vatāyaṃ bhikkhu, ṭhapetvā kira buddhaṃ añño iminā paṭhamataraṃ paṭividdhadhammo nāma natthi. Aho vatāhampi anāgate ekassa buddhassa sāsane paṭhamaṃ dhammaṃ paṭivijjhanasamattho bhaveyya’’nti cintetvā desanāpariyosāne bhagavantaṃ upasaṅkamitvā ‘‘sve mayhaṃ bhikkhaṃ gaṇhathā’’ti nimantesi. Satthā adhivāsesi.

    со бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа саганивзсанам̣ г̇анд̇ваа саб̣б̣арад̇д̇им̣ б̣уд̣̇д̇хаанам̣ нисаж̇ж̇анадтаанам̣ г̇анд̇хад̣̇аамамаалаад̣̇аамаад̣̇ийхи алан̇гарид̇ваа бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа д̇ассаа рад̇д̇ияаа ажжаязна саганивзсанз бхигкусад̇асахассабариваарасса бхаг̇авад̇о вижид̇раяааг̇укаж̇ж̇агабариваарам̣ наанаарасасуубаб̣яан̃ж̇анам̣ г̇анд̇хасаалибхож̇анам̣ д̣̇ад̇ваа бхад̇д̇агижжабарияосаанз д̇ижийварабахонагз ван̇г̇абаддз д̇ат̇ааг̇ад̇асса баад̣̇амуулз табзд̇ваа жинд̇зси – ‘‘наахам̣ барид̇д̇агасса таанассад̇т̇ааяа жараами, маханд̇ам̣ таанам̣ бад̇т̇знд̇о жараами, на ко бана саггаа згамзва д̣̇ивасам̣ д̣̇аанам̣ д̣̇ад̇ваа д̇ам̣ таананд̇арам̣ бад̇т̇зд̇у’’нд̇и ‘‘анубадибаадияаа сад̇д̇а д̣̇ивасаани махаад̣̇аанам̣ д̣̇ад̇ваа бад̇т̇зссаамий’’д̇и. со д̇знзва нияаамзна сад̇д̇а д̣̇ивасаани махаад̣̇аанам̣ д̣̇ад̇ваа бхад̇д̇агижжабарияосаанз д̣̇уссагодтааг̇аарам̣ вивараабзд̇ваа уд̇д̇амасукумавад̇т̇ам̣ б̣уд̣̇д̇хаанам̣ баад̣̇амуулз табзд̇ваа бхигкусад̇асахассам̣ д̇ижийварзна ажчаад̣̇зд̇ваа д̇ат̇ааг̇ад̇ам̣ убасан̇гамид̇ваа, ‘‘бханд̇з, яо д̇умхзхи ид̇о сад̇д̇ад̣̇ивасамад̇т̇агз бхигку зд̇ад̣̇аг̇г̇з табид̇о, ахамби со бхигку вияа анааг̇ад̇з уббаж̇ж̇анагаб̣уд̣̇д̇хасса саасанз баб̣б̣аж̇ид̇ваа батамам̣ д̇хаммам̣ бадивиж̇жхид̇ум̣ самад̇т̇о бхавзяяа’’нд̇и вад̇ваа сад̇т̇у баад̣̇амуулз сийсам̣ гад̇ваа нибаж̇ж̇и.

    So bhagavantaṃ abhivādetvā padakkhiṇaṃ katvā sakanivesanaṃ gantvā sabbarattiṃ buddhānaṃ nisajjanaṭṭhānaṃ gandhadāmamālādāmādīhi alaṅkaritvā paṇītaṃ khādanīyaṃ bhojanīyaṃ paṭiyādāpetvā tassā rattiyā accayena sakanivesane bhikkhusatasahassaparivārassa bhagavato vicitrayāgukhajjakaparivāraṃ nānārasasūpabyañjanaṃ gandhasālibhojanaṃ datvā bhattakiccapariyosāne ticīvarapahonake vaṅgapaṭṭe tathāgatassa pādamūle ṭhapetvā cintesi – ‘‘nāhaṃ parittakassa ṭhānassatthāya carāmi, mahantaṃ ṭhānaṃ patthento carāmi, na kho pana sakkā ekameva divasaṃ dānaṃ datvā taṃ ṭhānantaraṃ patthetu’’nti ‘‘anupaṭipāṭiyā satta divasāni mahādānaṃ datvā patthessāmī’’ti. So teneva niyāmena satta divasāni mahādānaṃ datvā bhattakiccapariyosāne dussakoṭṭhāgāraṃ vivarāpetvā uttamasukhumavatthaṃ buddhānaṃ pādamūle ṭhapetvā bhikkhusatasahassaṃ ticīvarena acchādetvā tathāgataṃ upasaṅkamitvā, ‘‘bhante, yo tumhehi ito sattadivasamatthake bhikkhu etadagge ṭhapito, ahampi so bhikkhu viya anāgate uppajjanakabuddhassa sāsane pabbajitvā paṭhamaṃ dhammaṃ paṭivijjhituṃ samattho bhaveyya’’nti vatvā satthu pādamūle sīsaṃ katvā nipajji.

    сад̇т̇аа д̇асса важанам̣ суд̇ваа ‘‘иминаа гулабуд̇д̇зна махааад̇хигааро гад̇о, самиж̇жхиссад̇и ну ко зд̇асса аяам̣ бад̇т̇анаа но’’д̇и анааг̇ад̇ам̣сан̃аан̣ам̣ бзсзд̇ваа ааваж̇ж̇знд̇о ‘‘самиж̇жхиссад̇ий’’д̇и басси. б̣уд̣̇д̇хаанан̃хи ад̇ийд̇ам̣ ваа анааг̇ад̇ам̣ ваа бажжуббаннам̣ ваа аараб̣бха ааваж̇ж̇знд̇аанам̣ ааваран̣ам̣ наама над̇т̇и, анзгагаббагодисад̇асахассанд̇арамби жа ад̇ийд̇ам̣ ваа анааг̇ад̇ам̣ ваа жаггаваал̣асахассанд̇арамби жа бажжуббаннам̣ ваа ааваж̇ж̇анабадиб̣ад̣̇д̇хамзва манасигаарабадиб̣ад̣̇д̇хамзва ход̇и. звам̣ аббадивад̇д̇иязна н̃аан̣зна со бхаг̇аваа ид̣̇ам̣ ад̣̇д̣̇аса – ‘‘анааг̇ад̇з сад̇асахассагаббабарияосаанз г̇од̇амо наама б̣уд̣̇д̇хо логз уббаж̇ж̇иссад̇и, д̇ад̣̇аа имасса бад̇т̇анаа самиж̇жхиссад̇ий’’д̇и. ат̇а нам̣ звамааха – ‘‘амбхо, гулабуд̇д̇а, анааг̇ад̇з сад̇асахассагаббабарияосаанз г̇од̇амо наама б̣уд̣̇д̇хо логз уббаж̇ж̇иссад̇и , д̇вам̣ д̇асса батамагад̇хаммад̣̇зсанааяа д̇збариваддад̇хаммажаггаббавад̇д̇анасуд̇д̇анд̇абарияосаанз адтаарасахи б̣рахмагодийхи сад̣̇д̇хим̣ сахассанаяасамбаннз сод̇аабад̇д̇ипалз бад̇идтахиссасий’’д̇и.

    Satthā tassa vacanaṃ sutvā ‘‘iminā kulaputtena mahāadhikāro kato, samijjhissati nu kho etassa ayaṃ patthanā no’’ti anāgataṃsañāṇaṃ pesetvā āvajjento ‘‘samijjhissatī’’ti passi. Buddhānañhi atītaṃ vā anāgataṃ vā paccuppannaṃ vā ārabbha āvajjentānaṃ āvaraṇaṃ nāma natthi, anekakappakoṭisatasahassantarampi ca atītaṃ vā anāgataṃ vā cakkavāḷasahassantarampi ca paccuppannaṃ vā āvajjanapaṭibaddhameva manasikārapaṭibaddhameva hoti. Evaṃ appaṭivattiyena ñāṇena so bhagavā idaṃ addasa – ‘‘anāgate satasahassakappapariyosāne gotamo nāma buddho loke uppajjissati, tadā imassa patthanā samijjhissatī’’ti. Atha naṃ evamāha – ‘‘ambho, kulaputta, anāgate satasahassakappapariyosāne gotamo nāma buddho loke uppajjissati , tvaṃ tassa paṭhamakadhammadesanāya teparivaṭṭadhammacakkappavattanasuttantapariyosāne aṭṭhārasahi brahmakoṭīhi saddhiṃ sahassanayasampanne sotāpattiphale patiṭṭhahissasī’’ti.

    ид̇и сад̇т̇аа д̇ам̣ гулабуд̇д̇ам̣ б̣яаагарид̇ваа жад̇ураасийд̇и д̇хаммагканд̇хасахассаани д̣̇зсзд̇ваа анубаад̣̇исзсааяа ниб̣б̣аанад̇хаад̇уяаа бариниб̣б̣ааяи. д̇асса бариниб̣б̣уд̇асса сарийрам̣ суван̣н̣агканд̇хо вияа згаг̇гханам̣ ахоси, сарийражзд̇ияам̣ банассуб̣б̣зд̇хзна сад̇д̇аяож̇анигам̣ агам̣су. идтагаа суван̣н̣амаяаа ахзсум̣, харид̇ааламаносилааяа мад̇д̇игаагижжам̣, д̇злзна уд̣̇агагижжам̣ саад̇хаяим̣су. б̣уд̣̇д̇хаанам̣ д̇харамаанагаалз сарийраббабхаа д̣̇ваад̣̇асаяож̇анигам̣ пари, бариниб̣б̣уд̇аанам̣ бана д̇зсам̣ расми нигкамид̇ваа саманд̇аа яож̇анасад̇ам̣ авад̇т̇ари.

    Iti satthā taṃ kulaputtaṃ byākaritvā caturāsīti dhammakkhandhasahassāni desetvā anupādisesāya nibbānadhātuyā parinibbāyi. Tassa parinibbutassa sarīraṃ suvaṇṇakkhandho viya ekagghanaṃ ahosi, sarīracetiyaṃ panassubbedhena sattayojanikaṃ akaṃsu. Iṭṭhakā suvaṇṇamayā ahesuṃ, haritālamanosilāya mattikākiccaṃ, telena udakakiccaṃ sādhayiṃsu. Buddhānaṃ dharamānakāle sarīrappabhā dvādasayojanikaṃ phari, parinibbutānaṃ pana tesaṃ rasmi nikkhamitvā samantā yojanasataṃ avatthari.

    аяам̣ сздти б̣уд̣̇д̇хаанам̣ сарийражзд̇ияам̣ бариваарзд̇ваа сахассарад̇анаг̇гхияаани гаарзси. жзд̇ияабад̇идтаабанад̣̇ивасз анд̇ожзд̇ияз рад̇анагхарам̣ гаарзси. со вассасад̇асахассам̣ маханд̇ам̣ д̣̇аанаад̣̇имаяам̣ галяаан̣агаммам̣ гад̇ваа д̇ад̇о жуд̇о д̣̇звабурз ниб̣б̣ад̇д̇и. д̇асса д̣̇звзсу жа мануссзсу жа сам̣саранд̇ассзва наванавуд̇и габбасахассаани нава габбасад̇аани нава жа габбаа самад̇игганд̇аа. зд̇д̇агасса гааласса ажжаязна ид̇о зганавуд̇игаббамад̇т̇агз аяам̣ гулабуд̇д̇о б̣анд̇хумад̇ийнаг̇арасса д̣̇ваарасамийбз г̇аамз гудумб̣ияаг̇зхз ниб̣б̣ад̇д̇о. д̇асса махаагаалод̇и наамам̣ ахоси, ганидтабхаад̇аа банасса жуул̣агаало наама.

    Ayaṃ seṭṭhi buddhānaṃ sarīracetiyaṃ parivāretvā sahassaratanagghiyāni kāresi. Cetiyapatiṭṭhāpanadivase antocetiye ratanagharaṃ kāresi. So vassasatasahassaṃ mahantaṃ dānādimayaṃ kalyāṇakammaṃ katvā tato cuto devapure nibbatti. Tassa devesu ca manussesu ca saṃsarantasseva navanavuti kappasahassāni nava kappasatāni nava ca kappā samatikkantā. Ettakassa kālassa accayena ito ekanavutikappamatthake ayaṃ kulaputto bandhumatīnagarassa dvārasamīpe gāme kuṭumbiyagehe nibbatto. Tassa mahākāloti nāmaṃ ahosi, kaniṭṭhabhātā panassa cūḷakālo nāma.

    д̇асмим̣ самаяз вибассий б̣од̇хисад̇д̇о д̇усид̇абураа жавид̇ваа б̣анд̇хумад̇ийнаг̇арз б̣анд̇хумасса ран̃н̃о аг̇г̇амахзсияаа гужчисмим̣ ниб̣б̣ад̇д̇о. ануггамзна саб̣б̣ан̃н̃уд̇ам̣ бад̇ваа д̇хаммад̣̇зсанад̇т̇ааяа махааб̣рахмунаа ааяаажид̇о ‘‘гасса ну ко батамам̣ д̇хаммам̣ д̣̇зсзссаамий’’д̇и жинд̇зд̇ваа ад̇д̇ано ганидтам̣ кан̣д̣ам̣ наама рааж̇агумаарам̣ д̇иссан̃жа бурохид̇абуд̇д̇ам̣ ‘‘батамам̣ д̇хаммам̣ бадивиж̇жхид̇ум̣ самад̇т̇аа’’д̇и д̣̇исваа ‘‘д̇зсан̃жа д̇хаммам̣ д̣̇зсзссаами, бид̇у жа сан̇г̇ахам̣ гариссаамий’’д̇и б̣од̇химан̣д̣ад̇о аагаасзнзва ааг̇анд̇ваа кзмз миг̇ад̣̇ааяз од̇ин̣н̣о д̇з баггосаабзд̇ваа д̇хаммам̣ д̣̇зсзси. д̣̇зсанаабарияосаанз д̇з д̣̇взби ж̇анаа жад̇ураасийд̇ияаа баан̣асахассзхи сад̣̇д̇хим̣ арахад̇д̇апалз бад̇идтахим̣су.

    Tasmiṃ samaye vipassī bodhisatto tusitapurā cavitvā bandhumatīnagare bandhumassa rañño aggamahesiyā kucchismiṃ nibbatto. Anukkamena sabbaññutaṃ patvā dhammadesanatthāya mahābrahmunā āyācito ‘‘kassa nu kho paṭhamaṃ dhammaṃ desessāmī’’ti cintetvā attano kaniṭṭhaṃ khaṇḍaṃ nāma rājakumāraṃ tissañca purohitaputtaṃ ‘‘paṭhamaṃ dhammaṃ paṭivijjhituṃ samatthā’’ti disvā ‘‘tesañca dhammaṃ desessāmi, pitu ca saṅgahaṃ karissāmī’’ti bodhimaṇḍato ākāseneva āgantvā kheme migadāye otiṇṇo te pakkosāpetvā dhammaṃ desesi. Desanāpariyosāne te dvepi janā caturāsītiyā pāṇasahassehi saddhiṃ arahattaphale patiṭṭhahiṃsu.

    ат̇аабарзби б̣од̇хисад̇д̇агаалз анубаб̣б̣аж̇ид̇аа жад̇ураасийд̇исахассаа гулабуд̇д̇аа д̇ам̣ бавад̇д̇им̣ суд̇ваа сад̇т̇у санд̇игам̣ ааг̇анд̇ваа д̇хаммад̣̇зсанам̣ суд̇ваа арахад̇д̇апалз бад̇идтахим̣су. сад̇т̇аа д̇ам̣ д̇ад̇т̇зва кан̣д̣ад̇т̇зрам̣ аг̇г̇асаавагадтаанз, д̇иссад̇т̇зрам̣ д̣̇уд̇ияасаавагадтаанз табзси. рааж̇ааби д̇ам̣ бавад̇д̇им̣ суд̇ваа ‘‘буд̇д̇ам̣ бассиссаамий’’д̇и уяяаанам̣ г̇анд̇ваа д̇хаммад̣̇зсанам̣ суд̇ваа д̇ийсу саран̣зсу бад̇идтааяа сад̇т̇аарам̣ сваад̇анааяа ниманд̇зд̇ваа абхиваад̣̇зд̇ваа бад̣̇агкин̣ам̣ гад̇ваа баггаами.

    Athāparepi bodhisattakāle anupabbajitā caturāsītisahassā kulaputtā taṃ pavattiṃ sutvā satthu santikaṃ āgantvā dhammadesanaṃ sutvā arahattaphale patiṭṭhahiṃsu. Satthā taṃ tattheva khaṇḍattheraṃ aggasāvakaṭṭhāne, tissattheraṃ dutiyasāvakaṭṭhāne ṭhapesi. Rājāpi taṃ pavattiṃ sutvā ‘‘puttaṃ passissāmī’’ti uyyānaṃ gantvā dhammadesanaṃ sutvā tīsu saraṇesu patiṭṭhāya satthāraṃ svātanāya nimantetvā abhivādetvā padakkhiṇaṃ katvā pakkāmi.

    со баасаад̣̇авараг̇ад̇о нисийд̣̇ид̇ваа жинд̇зси – ‘‘маяхам̣ ж̇здтабуд̇д̇о нигкамид̇ваа б̣уд̣̇д̇хо ж̇аад̇о, д̣̇уд̇ияабуд̇д̇о мз аг̇г̇асааваго, бурохид̇абуд̇д̇о д̣̇уд̇ияасааваго. имз жа авасзсабхигкуу г̇ихигаалзби маяхам̣ буд̇д̇амзва бариваарзд̇ваа вижарим̣су, имз буб̣б̣зби д̣̇ааниби маяхамзва бхаараа, ахамзва д̇з жад̇уухи бажжаязхи убадтахиссаами, ан̃н̃зсам̣ огаасам̣ на д̣̇ассаамий’’д̇и. вихаарад̣̇ваарагодтагад̇о бадтааяа яаава рааж̇аг̇зхад̣̇ваараа убхосу бассзсу кад̣̇ирабаагаарам̣ гаарзд̇ваа вад̇т̇зхи бадижчаад̣̇аабзд̇ваа убари суван̣н̣ад̇аарагавижид̇д̇ам̣ самоламб̣ид̇ад̇аалагканд̇хамад̇д̇авивид̇хабубпад̣̇аамавид̇аанам̣ гаарзд̇ваа хздтаабхуумим̣ вижид̇д̇ад̇т̇аран̣зхи сант̇араабзд̇ваа анд̇о убхосу бассзсу маалааг̇ажчагзсу бун̣н̣агхадз сагаламаг̇г̇аваасад̇т̇ааяа жа г̇анд̇ханд̇арзсу бубпаани бубпанд̇арзсу г̇анд̇хз жа табаабзд̇ваа бхаг̇авад̇о гаалам̣ аарожаабзси. бхаг̇аваа бхигкусан̇гхабаривуд̇о анд̇осаан̣ияаава рааж̇аг̇зхам̣ г̇анд̇ваа бхад̇д̇агижжам̣ гад̇ваа вихаарам̣ бажжааг̇ажчад̇и. ан̃н̃о гожи д̣̇адтумби на лабхад̇и, гуд̇о бана бхигкам̣ ваа д̣̇аад̇ум̣ бууж̇ам̣ ваа гаад̇ум̣.

    So pāsādavaragato nisīditvā cintesi – ‘‘mayhaṃ jeṭṭhaputto nikkhamitvā buddho jāto, dutiyaputto me aggasāvako, purohitaputto dutiyasāvako. Ime ca avasesabhikkhū gihikālepi mayhaṃ puttameva parivāretvā vicariṃsu, ime pubbepi dānipi mayhameva bhārā, ahameva te catūhi paccayehi upaṭṭhahissāmi, aññesaṃ okāsaṃ na dassāmī’’ti. Vihāradvārakoṭṭhakato paṭṭhāya yāva rājagehadvārā ubhosu passesu khadirapākāraṃ kāretvā vatthehi paṭicchādāpetvā upari suvaṇṇatārakavicittaṃ samolambitatālakkhandhamattavividhapupphadāmavitānaṃ kāretvā heṭṭhābhūmiṃ vicittattharaṇehi santharāpetvā anto ubhosu passesu mālāgacchakesu puṇṇaghaṭe sakalamaggavāsatthāya ca gandhantaresu pupphāni pupphantaresu gandhe ca ṭhapāpetvā bhagavato kālaṃ ārocāpesi. Bhagavā bhikkhusaṅghaparivuto antosāṇiyāva rājagehaṃ gantvā bhattakiccaṃ katvā vihāraṃ paccāgacchati. Añño koci daṭṭhumpi na labhati, kuto pana bhikkhaṃ vā dātuṃ pūjaṃ vā kātuṃ.

    нааг̇араа жинд̇зсум̣ – ‘‘аж̇ж̇а сад̇т̇у логз уббаннасса сад̇д̇амаасаад̇хигаани сад̇д̇а сам̣важчараани, маяан̃жа д̣̇адтумби на лабхаама, баг̇зва бхигкам̣ ваа д̣̇аад̇ум̣ бууж̇ам̣ ваа гаад̇ум̣ д̇хаммам̣ ваа сод̇ум̣. рааж̇аа ‘маяхам̣ зва б̣уд̣̇д̇хо, маяхам̣ д̇хаммо, маяхам̣ сан̇гхо’д̇и мамааяид̇ваа саяамзва убадтахад̇и. сад̇т̇аа жа уббаж̇ж̇амаано сад̣̇звагасса логасса ад̇т̇ааяа уббанно, на ран̃н̃оязва ад̇т̇ааяа. на хи ран̃н̃оязва нираяо ун̣хо, ан̃н̃зсам̣ нийлуббалаванасад̣̇исо. д̇асмаа рааж̇аанам̣ звам̣ вад̣̇аама ‘сажз но сад̇т̇аарам̣ д̣̇зд̇и, ижжзд̇ам̣ гусалам̣. но жз д̣̇зд̇и, ран̃н̃аа сад̣̇д̇хим̣ яуж̇жхид̇ваа сан̇гхам̣ г̇ахзд̇ваа д̣̇аанаад̣̇ийни бун̃н̃аани гарома. на саггаа ко бана суд̣̇д̇ханааг̇арзхзва звам̣ гаад̇ум̣, згам̣ ж̇здтагабурисамби г̇ан̣хаамаа’’’д̇и сзнаабад̇им̣ убасан̇гамид̇ваа д̇асса д̇амад̇т̇ам̣ аарожзд̇ваа ‘‘саами гим̣ амхаагам̣ багко хохиси, уд̣̇ааху ран̃н̃о’’д̇и аахам̣су. со ааха – ‘‘д̇умхаагам̣ багко хоми, абижа ко бана батамад̣̇ивасо маяхам̣ д̣̇аад̇аб̣б̣о’’д̇и. д̇з самбадижчим̣су.

    Nāgarā cintesuṃ – ‘‘ajja satthu loke uppannassa sattamāsādhikāni satta saṃvaccharāni, mayañca daṭṭhumpi na labhāma, pageva bhikkhaṃ vā dātuṃ pūjaṃ vā kātuṃ dhammaṃ vā sotuṃ. Rājā ‘mayhaṃ eva buddho, mayhaṃ dhammo, mayhaṃ saṅgho’ti mamāyitvā sayameva upaṭṭhahati. Satthā ca uppajjamāno sadevakassa lokassa atthāya uppanno, na raññoyeva atthāya. Na hi raññoyeva nirayo uṇho, aññesaṃ nīluppalavanasadiso. Tasmā rājānaṃ evaṃ vadāma ‘sace no satthāraṃ deti, iccetaṃ kusalaṃ. No ce deti, raññā saddhiṃ yujjhitvā saṅghaṃ gahetvā dānādīni puññāni karoma. Na sakkā kho pana suddhanāgareheva evaṃ kātuṃ, ekaṃ jeṭṭhakapurisampi gaṇhāmā’’’ti senāpatiṃ upasaṅkamitvā tassa tamatthaṃ ārocetvā ‘‘sāmi kiṃ amhākaṃ pakkho hohisi, udāhu rañño’’ti āhaṃsu. So āha – ‘‘tumhākaṃ pakkho homi, apica kho pana paṭhamadivaso mayhaṃ dātabbo’’ti. Te sampaṭicchiṃsu.

    со рааж̇аанам̣ убасан̇гамид̇ваа ‘‘нааг̇араа, д̣̇зва, д̇умхаагам̣ губид̇аа’’д̇и ааха. гимад̇т̇ам̣ д̇аад̇аад̇и? сад̇т̇аарам̣ гира д̇умхзва убадтахат̇а, амхз на лабхаамаад̇и. сажз ид̣̇ааниби лабханд̇и, на губбанд̇и. алабханд̇аа д̇умхзхи сад̣̇д̇хим̣ яуж̇жхид̇угаамаа, д̣̇зваад̇и. яуж̇жхаами, д̇аад̇а, на бхигкусан̇гхам̣ д̣̇змийд̇и. д̣̇зва, д̇умхаагам̣ д̣̇аасаа д̇умхзхи сад̣̇д̇хим̣ яуж̇жхаамаад̇и вад̣̇анд̇и, д̇умхз гам̣ г̇ан̣хид̇ваа яуж̇жхиссат̇аад̇и? нану д̇вам̣ сзнаабад̇ийд̇и? нааг̇арзхи винаа асамад̇т̇о ахам̣, д̣̇зваад̇и. д̇ад̇о рааж̇аа ‘‘б̣алаванд̇о нааг̇араа, сзнаабад̇иби д̇зсам̣язва багко’’д̇и н̃ад̇ваа ‘‘ан̃н̃аани сад̇д̇амаасаад̇хигаани сад̇д̇а сам̣важчараани маяхам̣ бхигкусан̇гхам̣ д̣̇знд̇уу’’д̇и ааха. нааг̇араа на самбадижчим̣су. рааж̇аа ‘‘чаб̣б̣ассаани бан̃жавассааний’’д̇и звам̣ хаабзд̇ваа ан̃н̃з сад̇д̇а д̣̇ивасз яаажи . нааг̇араа ‘‘ад̇игагкал̣ам̣ д̣̇аани ран̃н̃аа сад̣̇д̇хим̣ гаад̇ум̣ на ваддад̇ий’’д̇и ануж̇ааним̣су. рааж̇аа сад̇д̇амаасаад̇хигаанам̣ сад̇д̇аннам̣ сам̣важчараанам̣ саж̇ж̇ид̇ам̣ д̣̇аанамукам̣ сад̇д̇аннамзва д̣̇ивасаанам̣ саж̇ж̇зд̇ваа ча д̣̇ивасз гзсан̃жи абассанд̇аанам̣язва д̣̇аанам̣ д̣̇ад̇ваа сад̇д̇амз д̣̇ивасз нааг̇арз баггосаабзд̇ваа ‘‘сагкиссат̇а, д̇аад̇аа, зваруубам̣ д̣̇аанам̣ д̣̇аад̇у’’нд̇и ааха. д̇зби ‘‘нану амхзязва ниссааязд̇ам̣ д̣̇звасса уббанна’’нд̇и вад̇ваа ‘‘сагкиссаамаа’’д̇и аахам̣су. рааж̇аа бидтихад̇т̇зна ассууни бун̃чамаано бхаг̇аванд̇ам̣ ванд̣̇ид̇ваа, ‘‘бханд̇з, адтасадтибхигкусад̇асахассам̣ ан̃н̃ассу бхаарам̣ агад̇ваа яааваж̇ийвам̣ жад̇уухи бажжаязхи убадтахиссаамийд̇и жинд̇зсим̣, нааг̇араанам̣ д̣̇аани мз анун̃н̃аад̇ам̣, нааг̇араа хи ‘маяам̣ д̣̇аанам̣ д̣̇аад̇ум̣ на лабхаамаа’д̇и бхаг̇аваа губбанд̇и. свзва бадтааяа д̇зсам̣ ануг̇г̇ахам̣ гарот̇аа’’д̇и ааха.

    So rājānaṃ upasaṅkamitvā ‘‘nāgarā, deva, tumhākaṃ kupitā’’ti āha. Kimatthaṃ tātāti? Satthāraṃ kira tumheva upaṭṭhahatha, amhe na labhāmāti. Sace idānipi labhanti, na kuppanti. Alabhantā tumhehi saddhiṃ yujjhitukāmā, devāti. Yujjhāmi, tāta, na bhikkhusaṅghaṃ demīti. Deva, tumhākaṃ dāsā tumhehi saddhiṃ yujjhāmāti vadanti, tumhe kaṃ gaṇhitvā yujjhissathāti? Nanu tvaṃ senāpatīti? Nāgarehi vinā asamattho ahaṃ, devāti. Tato rājā ‘‘balavanto nāgarā, senāpatipi tesaṃyeva pakkho’’ti ñatvā ‘‘aññāni sattamāsādhikāni satta saṃvaccharāni mayhaṃ bhikkhusaṅghaṃ dentū’’ti āha. Nāgarā na sampaṭicchiṃsu. Rājā ‘‘chabbassāni pañcavassānī’’ti evaṃ hāpetvā aññe satta divase yāci . Nāgarā ‘‘atikakkhaḷaṃ dāni raññā saddhiṃ kātuṃ na vaṭṭatī’’ti anujāniṃsu. Rājā sattamāsādhikānaṃ sattannaṃ saṃvaccharānaṃ sajjitaṃ dānamukhaṃ sattannameva divasānaṃ sajjetvā cha divase kesañci apassantānaṃyeva dānaṃ datvā sattame divase nāgare pakkosāpetvā ‘‘sakkhissatha, tātā, evarūpaṃ dānaṃ dātu’’nti āha. Tepi ‘‘nanu amheyeva nissāyetaṃ devassa uppanna’’nti vatvā ‘‘sakkhissāmā’’ti āhaṃsu. Rājā piṭṭhihatthena assūni puñchamāno bhagavantaṃ vanditvā, ‘‘bhante, aṭṭhasaṭṭhibhikkhusatasahassaṃ aññassu bhāraṃ akatvā yāvajīvaṃ catūhi paccayehi upaṭṭhahissāmīti cintesiṃ, nāgarānaṃ dāni me anuññātaṃ, nāgarā hi ‘mayaṃ dānaṃ dātuṃ na labhāmā’ti bhagavā kuppanti. Sveva paṭṭhāya tesaṃ anuggahaṃ karothā’’ti āha.

    ат̇а д̣̇уд̇ияад̣̇ивасз сзнаабад̇и махаад̣̇аанам̣ ад̣̇ааси. д̇ад̇о нааг̇араа ран̃н̃аа гад̇асаггаарад̇о уд̇д̇арид̇арам̣ саггаарасаммаанам̣ гад̇ваа д̣̇аанам̣ ад̣̇ам̣су. зд̇знзва нияаамзна сагаланаг̇арасса бадибаадияаа г̇ад̇ааяа д̣̇ваараг̇аамаваасино саггаарасаммаанам̣ саж̇ж̇аяим̣су. махаагаалагудумб̣иго жуул̣агаалам̣ ааха – ‘‘д̣̇асаб̣аласса саггаарасаммаанам̣ свзва амхаагам̣ баабун̣аад̇и, гим̣ саггаарам̣ гариссаамаа’’д̇и? д̇вамзва бхаад̇ига ж̇аанаахийд̇и. сажз маяхам̣ ружияаа гароси, амхаагам̣ сол̣асагарийсамад̇д̇зсу кзд̇д̇зсу г̇ахид̇аг̇аб̣бхаа саалияо ад̇т̇и. саалиг̇аб̣бхам̣ паалзд̇ваа аад̣̇ааяа б̣уд̣̇д̇хаанам̣ анужчавигам̣ бажаабзмаад̇и. звам̣ гаяирамаанз гассажи убагааро на ход̇и, д̇асмаа нзд̇ам̣ маяхам̣ ружжад̇ийд̇и. сажз д̇вам̣ звам̣ на гароси, ахам̣ маяхам̣ санд̇агам̣ мамааяид̇ум̣ лабхаамийд̇и сол̣асагарийсамад̇д̇ам̣ кзд̇д̇ам̣ маж̇жхз бхинд̣̇ид̇ваа адтагарийсадтаанз сиймам̣ табзд̇ваа саалиг̇аб̣бхам̣ паалзд̇ваа аад̣̇ааяа асамбхиннз кийрз бажаабзд̇ваа жад̇умад̇хурам̣ багкибид̇ваа б̣уд̣̇д̇хаббамукасса сан̇гхасса ад̣̇ааси. гудумб̣игасса ко г̇аб̣бхам̣ паалзд̇ваа г̇ахид̇аг̇ахид̇адтаанам̣ буна буурад̇и. бут̇угагаалз бут̇угаг̇г̇ам̣ наама ад̣̇ааси, г̇аамаваасийхи сад̣̇д̇хим̣ аг̇г̇асассам̣ наама ад̣̇ааси, лааяанз лааяанаг̇г̇ам̣, взн̣игаран̣з взн̣аг̇г̇ам̣, галаабаад̣̇ийсу галаабаг̇г̇ам̣ калаг̇г̇ам̣ калабхан̣д̣аг̇г̇ам̣ годтаг̇г̇анд̇и. звам̣ со згасассзва нава ваарз аг̇г̇ад̣̇аанам̣ ад̣̇ааси. д̇амби сассам̣ ад̇ирзгам̣ удтаанасамбаннам̣ ахоси.

    Atha dutiyadivase senāpati mahādānaṃ adāsi. Tato nāgarā raññā katasakkārato uttaritaraṃ sakkārasammānaṃ katvā dānaṃ adaṃsu. Eteneva niyāmena sakalanagarassa paṭipāṭiyā gatāya dvāragāmavāsino sakkārasammānaṃ sajjayiṃsu. Mahākālakuṭumbiko cūḷakālaṃ āha – ‘‘dasabalassa sakkārasammānaṃ sveva amhākaṃ pāpuṇāti, kiṃ sakkāraṃ karissāmā’’ti? Tvameva bhātika jānāhīti. Sace mayhaṃ ruciyā karosi, amhākaṃ soḷasakarīsamattesu khettesu gahitagabbhā sāliyo atthi. Sāligabbhaṃ phāletvā ādāya buddhānaṃ anucchavikaṃ pacāpemāti. Evaṃ kayiramāne kassaci upakāro na hoti, tasmā netaṃ mayhaṃ ruccatīti. Sace tvaṃ evaṃ na karosi, ahaṃ mayhaṃ santakaṃ mamāyituṃ labhāmīti soḷasakarīsamattaṃ khettaṃ majjhe bhinditvā aṭṭhakarīsaṭṭhāne sīmaṃ ṭhapetvā sāligabbhaṃ phāletvā ādāya asambhinne khīre pacāpetvā catumadhuraṃ pakkhipitvā buddhappamukhassa saṅghassa adāsi. Kuṭumbikassa kho gabbhaṃ phāletvā gahitagahitaṭṭhānaṃ puna pūrati. Puthukakāle puthukaggaṃ nāma adāsi, gāmavāsīhi saddhiṃ aggasassaṃ nāma adāsi, lāyane lāyanaggaṃ, veṇikaraṇe veṇaggaṃ, kalāpādīsu kalāpaggaṃ khalaggaṃ khalabhaṇḍaggaṃ koṭṭhagganti. Evaṃ so ekasasseva nava vāre aggadānaṃ adāsi. Tampi sassaṃ atirekaṃ uṭṭhānasampannaṃ ahosi.

    яаава б̣уд̣̇д̇хаа д̇харад̇и, яаава жа сан̇гхо д̇харад̇и, зд̇знзва нияаамзна галяаан̣агаммам̣ гад̇ваа д̇ад̇о жуд̇о д̣̇звалогз ниб̣б̣ад̇д̇ид̇ваа д̣̇звзсу жзва мануссзсу жа сам̣саранд̇о зганавуд̇игаббз самбад̇д̇им̣ анубхавид̇ваа амхаагам̣ сад̇т̇у логз уббаннагаалз габилавад̇т̇унаг̇арасса авид̣̇уурз д̣̇он̣авад̇т̇уб̣раахман̣аг̇аамз б̣раахман̣амахаасаалагулз ниб̣б̣ад̇д̇и. д̇асса наамаг̇г̇ахан̣ад̣̇ивасз гон̣д̣ан̃н̃амаан̣авод̇и наамам̣ агам̣су. со вуд̣дхиманвааяа д̇аяо взд̣̇з уг̇г̇ахзд̇ваа лагкан̣аманд̇аанам̣ баарам̣ аг̇амааси. д̇зна самаязна амхаагам̣ б̣од̇хисад̇д̇о д̇усид̇абураа жавид̇ваа габилавад̇т̇убурз ниб̣б̣ад̇д̇и. д̇асса наамаг̇г̇ахан̣ад̣̇ивасз адтуд̇д̇арам̣ б̣раахман̣асад̇ам̣ ахад̇авад̇т̇зхи ажчаад̣̇зд̇ваа аббод̣̇агам̣ мад̇хубааяаасам̣ бааязд̇ваа д̇зсам̣ анд̇арз адта ж̇анз ужжинид̇ваа махаад̇алз нисийд̣̇аабзд̇ваа алан̇гад̇абадияад̇д̇ам̣ б̣од̇хисад̇д̇ам̣ д̣̇угуулажумб̣адагз нибаж̇ж̇аабзд̇ваа лагкан̣абариг̇г̇ахан̣ад̇т̇ам̣ д̇зсам̣ санд̇игам̣ аанаяим̣су. д̇хураасанз нисиннаб̣раахман̣о махаабурисасса сарийрасамбад̇д̇им̣ ологзд̇ваа д̣̇вз ан̇г̇улияо угкиби. звам̣ бадибаадияаа сад̇д̇а ж̇анаа угкибим̣су. д̇зсам̣ бана саб̣б̣анаваго гон̣д̣ан̃н̃амаан̣аво, со б̣од̇хисад̇д̇асса лагкан̣аваранибпад̇д̇им̣ ологзд̇ваа ‘‘аг̇аарамаж̇жхз таанагааран̣ам̣ над̇т̇и, зганд̇знзса виваддажчад̣̇о б̣уд̣̇д̇хо бхависсад̇ий’’д̇и згамзва ан̇г̇улим̣ угкиби. ид̇арз бана сад̇д̇а ж̇анаа ‘‘сажз аг̇аарам̣ аж̇жхаавасиссад̇и, рааж̇аа бхависсад̇и жаггавад̇д̇ий. сажз баб̣б̣аж̇иссад̇и, б̣уд̣̇д̇хо бхависсад̇ий’’д̇и д̣̇вз г̇ад̇ияо д̣̇исваа д̣̇вз ан̇г̇улияо угкибим̣су. аяам̣ бана гон̣д̣ан̃н̃о гад̇аад̇хигааро бажчимабхавигасад̇д̇о бан̃н̃ааяа ид̇арз сад̇д̇а ж̇анз абхибхавид̇ваа ‘‘имзхи лагкан̣зхи саманнааг̇ад̇асса аг̇аарамаж̇жхз таанагаран̣ам̣ наама над̇т̇и, ниссам̣саяам̣ б̣уд̣̇д̇хо бхависсад̇ий’’д̇и згамзва г̇ад̇им̣ ад̣̇д̣̇аса, д̇асмаа згам̣ ан̇г̇улим̣ угкиби. д̇ад̇о б̣раахман̣аа ад̇д̇ано гхараани г̇анд̇ваа буд̇д̇з ааманд̇аяим̣су – ‘‘д̇аад̇аа, амхз махаллагаа, суд̣̇д̇ход̣̇анамахаарааж̇асса буд̇д̇ам̣ саб̣б̣ан̃н̃уд̇аббад̇д̇ам̣ маяам̣ самбхаавзяяаама ваа но ваа. д̇умхз д̇асмим̣ гумаарз саб̣б̣ан̃н̃уд̇ам̣ бад̇д̇з д̇асса саасанз баб̣б̣аж̇зяяаат̇аа’’д̇и.

    Yāva buddhā dharati, yāva ca saṅgho dharati, eteneva niyāmena kalyāṇakammaṃ katvā tato cuto devaloke nibbattitvā devesu ceva manussesu ca saṃsaranto ekanavutikappe sampattiṃ anubhavitvā amhākaṃ satthu loke uppannakāle kapilavatthunagarassa avidūre doṇavatthubrāhmaṇagāme brāhmaṇamahāsālakule nibbatti. Tassa nāmaggahaṇadivase koṇḍaññamāṇavoti nāmaṃ akaṃsu. So vuḍḍhimanvāya tayo vede uggahetvā lakkhaṇamantānaṃ pāraṃ agamāsi. Tena samayena amhākaṃ bodhisatto tusitapurā cavitvā kapilavatthupure nibbatti. Tassa nāmaggahaṇadivase aṭṭhuttaraṃ brāhmaṇasataṃ ahatavatthehi acchādetvā appodakaṃ madhupāyāsaṃ pāyetvā tesaṃ antare aṭṭha jane uccinitvā mahātale nisīdāpetvā alaṅkatapaṭiyattaṃ bodhisattaṃ dukūlacumbaṭake nipajjāpetvā lakkhaṇapariggahaṇatthaṃ tesaṃ santikaṃ ānayiṃsu. Dhurāsane nisinnabrāhmaṇo mahāpurisassa sarīrasampattiṃ oloketvā dve aṅguliyo ukkhipi. Evaṃ paṭipāṭiyā satta janā ukkhipiṃsu. Tesaṃ pana sabbanavako koṇḍaññamāṇavo, so bodhisattassa lakkhaṇavaranipphattiṃ oloketvā ‘‘agāramajjhe ṭhānakāraṇaṃ natthi, ekantenesa vivaṭṭacchado buddho bhavissatī’’ti ekameva aṅguliṃ ukkhipi. Itare pana satta janā ‘‘sace agāraṃ ajjhāvasissati, rājā bhavissati cakkavattī. Sace pabbajissati, buddho bhavissatī’’ti dve gatiyo disvā dve aṅguliyo ukkhipiṃsu. Ayaṃ pana koṇḍañño katādhikāro pacchimabhavikasatto paññāya itare satta jane abhibhavitvā ‘‘imehi lakkhaṇehi samannāgatassa agāramajjhe ṭhānakaraṇaṃ nāma natthi, nissaṃsayaṃ buddho bhavissatī’’ti ekameva gatiṃ addasa, tasmā ekaṃ aṅguliṃ ukkhipi. Tato brāhmaṇā attano gharāni gantvā putte āmantayiṃsu – ‘‘tātā, amhe mahallakā, suddhodanamahārājassa puttaṃ sabbaññutappattaṃ mayaṃ sambhāveyyāma vā no vā. Tumhe tasmiṃ kumāre sabbaññutaṃ patte tassa sāsane pabbajeyyāthā’’ti.

    суд̣̇д̇ход̣̇анамахаарааж̇ааби б̣од̇хисад̇д̇асса д̇хаад̇ияо аад̣̇им̣ гад̇ваа барихаарам̣ убадтабзнд̇о б̣од̇хисад̇д̇ам̣ вуд̣̇д̇хим̣ аабаад̣̇зси. махаасад̇д̇оби вуд̣̇д̇хиббад̇д̇о д̣̇зво вияа самбад̇д̇им̣ анубхавид̇ваа барибаггз н̃аан̣з гаамзсу аад̣̇ийнавам̣ нзгкаммз жа аанисам̣сам̣ д̣̇исваа раахулагумаарасса ж̇аад̇ад̣̇ивасз чаннасахааяо ган̣д̣агам̣ ааруяха д̣̇звад̇аахи вивадзна д̣̇ваарзна махаабхинигкаманам̣ нигкамид̇ваа д̇знзва рад̇д̇ибхааг̇зна д̇ийн̣и раж̇ж̇аани ад̇иггамид̇ваа аномаанад̣̇ийд̇ийрз баб̣б̣аж̇ид̇ваа гхадигаарамахааб̣рахмунаа аабхад̇з арахад̣̇д̇хаж̇з г̇ахид̇амад̇д̇зязва вассасадтигад̇т̇зро вияа баасаад̣̇игзна ирияаабат̇зна рааж̇аг̇ахам̣ бад̇ваа д̇ад̇т̇а бин̣д̣ааяа жарид̇ваа бан̣д̣авабаб̣б̣ад̇ажчааяааяа бин̣д̣абаад̇ам̣ барибхун̃ж̇ид̇ваа ран̃н̃аа мааг̇ад̇хзна раж̇ж̇асирияаа ниманд̇ияамааноби д̇ам̣ бадигкибид̇ваа ануггамзна урувзлам̣ г̇анд̇ваа ‘‘раман̣ийяо вад̇а аяам̣ бхуумибхааг̇о , алам̣ вад̇ид̣̇ам̣ гулабуд̇д̇асса бад̇хаанад̇т̇игасса бад̇хаанааяаа’’д̇и бад̇хаанаабхимукам̣ жид̇д̇ам̣ уббаад̣̇зд̇ваа д̇ад̇т̇а ваасам̣ убаг̇ад̇о.

    Suddhodanamahārājāpi bodhisattassa dhātiyo ādiṃ katvā parihāraṃ upaṭṭhapento bodhisattaṃ vuddhiṃ āpādesi. Mahāsattopi vuddhippatto devo viya sampattiṃ anubhavitvā paripakke ñāṇe kāmesu ādīnavaṃ nekkhamme ca ānisaṃsaṃ disvā rāhulakumārassa jātadivase channasahāyo kaṇḍakaṃ āruyha devatāhi vivaṭena dvārena mahābhinikkhamanaṃ nikkhamitvā teneva rattibhāgena tīṇi rajjāni atikkamitvā anomānadītīre pabbajitvā ghaṭikāramahābrahmunā ābhate arahaddhaje gahitamatteyeva vassasaṭṭhikatthero viya pāsādikena iriyāpathena rājagahaṃ patvā tattha piṇḍāya caritvā paṇḍavapabbatacchāyāya piṇḍapātaṃ paribhuñjitvā raññā māgadhena rajjasiriyā nimantiyamānopi taṃ paṭikkhipitvā anukkamena uruvelaṃ gantvā ‘‘ramaṇīyo vata ayaṃ bhūmibhāgo , alaṃ vatidaṃ kulaputtassa padhānatthikassa padhānāyā’’ti padhānābhimukhaṃ cittaṃ uppādetvā tattha vāsaṃ upagato.

    д̇зна самаязна ид̇арз сад̇д̇а б̣раахман̣аа яат̇аагаммам̣ г̇ад̇аа, саб̣б̣ад̣̇ахаро бана лагкан̣абариг̇г̇аахаго гон̣д̣ан̃н̃амаан̣аво арог̇о. со ‘‘махаабурисо баб̣б̣аж̇ид̇о’’д̇и суд̇ваа д̇зсам̣ б̣раахман̣аанам̣ буд̇д̇з убасан̇гамид̇ваа звамааха – ‘‘сид̣̇д̇хад̇т̇агумааро гира баб̣б̣аж̇ид̇о. со хи ниссам̣саяам̣ б̣уд̣̇д̇хо бхависсад̇и. сажз д̇умхаагам̣ бид̇аро арог̇аа ассу, аж̇ж̇а нигкамид̇ваа баб̣б̣аж̇зяяум̣. сажз д̇умхзби ижчат̇а, зт̇а маяам̣ д̇ам̣ махаабурисаманубаб̣б̣аж̇иссаамаа’’д̇и. д̇з саб̣б̣з згажчанд̣̇аа бхавид̇ум̣ наасагким̣су. д̇аяо ж̇анаа на баб̣б̣аж̇им̣су, гон̣д̣ан̃н̃аб̣раахман̣ам̣ ж̇здтагам̣ гад̇ваа ид̇арз жад̇д̇ааро баб̣б̣аж̇им̣су. имз бан̃жа баб̣б̣аж̇ид̇ваа г̇ааманиг̇амарааж̇ад̇хаанийсу бхигкааяа жаранд̇аа б̣од̇хисад̇д̇асса санд̇игам̣ аг̇амим̣су. д̇з чаб̣б̣ассаани б̣од̇хисад̇д̇з махаабад̇хаанам̣ бад̣̇аханд̇з ‘‘ид̣̇аани б̣уд̣̇д̇хо бхависсад̇и ид̣̇аани б̣уд̣̇д̇хо бхависсад̇ий’’д̇и махаасад̇д̇ам̣ убадтахамаанаа санд̇игааважараавасса ахзсум̣. яад̣̇аа бана б̣од̇хисад̇д̇о згад̇илад̇ан̣д̣улаад̣̇ийхи вийд̇инаамзнд̇оби д̣̇уггарагааригааяа арияад̇хаммабадивзд̇хасса абхаавам̣ н̃ад̇ваа ол̣ааригам̣ аахаарам̣ аахари, д̇ад̣̇аа д̇з баггамид̇ваа исибад̇анам̣ аг̇амам̣су.

    Tena samayena itare satta brāhmaṇā yathākammaṃ gatā, sabbadaharo pana lakkhaṇapariggāhako koṇḍaññamāṇavo arogo. So ‘‘mahāpuriso pabbajito’’ti sutvā tesaṃ brāhmaṇānaṃ putte upasaṅkamitvā evamāha – ‘‘siddhatthakumāro kira pabbajito. So hi nissaṃsayaṃ buddho bhavissati. Sace tumhākaṃ pitaro arogā assu, ajja nikkhamitvā pabbajeyyuṃ. Sace tumhepi icchatha, etha mayaṃ taṃ mahāpurisamanupabbajissāmā’’ti. Te sabbe ekacchandā bhavituṃ nāsakkhiṃsu. Tayo janā na pabbajiṃsu, koṇḍaññabrāhmaṇaṃ jeṭṭhakaṃ katvā itare cattāro pabbajiṃsu. Ime pañca pabbajitvā gāmanigamarājadhānīsu bhikkhāya carantā bodhisattassa santikaṃ agamiṃsu. Te chabbassāni bodhisatte mahāpadhānaṃ padahante ‘‘idāni buddho bhavissati idāni buddho bhavissatī’’ti mahāsattaṃ upaṭṭhahamānā santikāvacarāvassa ahesuṃ. Yadā pana bodhisatto ekatilataṇḍulādīhi vītināmentopi dukkarakārikāya ariyadhammapaṭivedhassa abhāvaṃ ñatvā oḷārikaṃ āhāraṃ āhari, tadā te pakkamitvā isipatanaṃ agamaṃsu.

    ат̇а б̣од̇хисад̇д̇о ол̣ааригаахаарабарибхог̇зна чавимам̣салохид̇абаарибуурим̣ гад̇ваа висаакабун̣н̣амад̣̇ивасз суж̇аад̇ааяа д̣̇иннам̣ варабхож̇анам̣ бхун̃ж̇ид̇ваа суван̣н̣абаад̇им̣ над̣̇ияаа бадисод̇ам̣ кибид̇ваа ‘‘аж̇ж̇а б̣уд̣̇д̇хо бхависсаамий’’д̇и гад̇асаннидтаано сааяанхасамаяз гаалзна нааг̇арааж̇зна анзгзхи т̇уд̇исад̇зхи абхид̇т̇авияамаано махааб̣од̇химан̣д̣ам̣ ааруяха ажаладтаанз баажийналогад̇хаад̇уабхимуко баллан̇гзна нисийд̣̇ид̇ваа жад̇уран̇г̇асаманнааг̇ад̇ам̣ вийрияам̣ ад̇хидтааяа суурияз д̇харамаанзязва маараб̣алам̣ вид̇хамид̇ваа батамаяаамз буб̣б̣зниваасам̣ ануссарид̇ваа маж̇жхимаяаамз д̣̇иб̣б̣ажагкум̣ висод̇хзд̇ваа бажжуусагааласамананд̇арз бадижжасамуббаад̣̇з н̃аан̣ам̣ од̇аарзд̇ваа ануломабадиломам̣ бажжаяаагаараваддам̣ саммасанд̇о саб̣б̣аб̣уд̣̇д̇хзхи бадивид̣̇д̇хам̣ асаад̇хааран̣ам̣ саб̣б̣ан̃н̃уд̇ан̃н̃аан̣ам̣ бадивиж̇жхид̇ваа ниб̣б̣аанаарамман̣ааяа паласамаабад̇д̇ияаа д̇ад̇т̇зва сад̇д̇аахам̣ вийд̇инаамзси.

    Atha bodhisatto oḷārikāhāraparibhogena chavimaṃsalohitapāripūriṃ katvā visākhapuṇṇamadivase sujātāya dinnaṃ varabhojanaṃ bhuñjitvā suvaṇṇapātiṃ nadiyā paṭisotaṃ khipitvā ‘‘ajja buddho bhavissāmī’’ti katasanniṭṭhāno sāyanhasamaye kālena nāgarājena anekehi thutisatehi abhitthaviyamāno mahābodhimaṇḍaṃ āruyha acalaṭṭhāne pācīnalokadhātuabhimukho pallaṅkena nisīditvā caturaṅgasamannāgataṃ vīriyaṃ adhiṭṭhāya sūriye dharamāneyeva mārabalaṃ vidhamitvā paṭhamayāme pubbenivāsaṃ anussaritvā majjhimayāme dibbacakkhuṃ visodhetvā paccūsakālasamanantare paṭiccasamuppāde ñāṇaṃ otāretvā anulomapaṭilomaṃ paccayākāravaṭṭaṃ sammasanto sabbabuddhehi paṭividdhaṃ asādhāraṇaṃ sabbaññutaññāṇaṃ paṭivijjhitvā nibbānārammaṇāya phalasamāpattiyā tattheva sattāhaṃ vītināmesi.

    зд̇знзва убааязна сад̇д̇асад̇д̇аахам̣ б̣од̇химан̣д̣з вихарид̇ваа рааж̇ааяад̇анамуулз мад̇хубин̣д̣игабхож̇анам̣ барибхун̃ж̇ид̇ваа буна аж̇абааланиг̇род̇хамуулам̣ ааг̇анд̇ваа д̇ад̇т̇а нисинно д̇хаммаг̇амбхийрад̇ам̣ бажжавзгкид̇ваа аббоссуггад̇ааяа жид̇д̇з наманд̇з махааб̣рахмунаа яаажид̇о б̣уд̣̇д̇хажагкунаа логам̣ вологзнд̇о д̇игкинд̣̇рияаад̣̇ибхзд̣̇з сад̇д̇з д̣̇исваа махааб̣рахмуно д̇хаммад̣̇зсанааяа бадин̃н̃ам̣ д̣̇ад̇ваа ‘‘гасса ну ко ахам̣ батамам̣ д̇хаммам̣ д̣̇зсзссаамий’’д̇и аал̣ааруд̣̇агаанам̣ гаалагад̇абхаавам̣ н̃ад̇ваа буна жинд̇знд̇о ‘‘б̣ахуубагаараа ко бана мз бан̃жаваг̇г̇ияаа бхигкуу, яз мам̣ бад̇хаанабахид̇ад̇д̇ам̣ убадтахим̣су. яам̣нуунаахам̣ бан̃жаваг̇г̇ияаанам̣ бхигкуунам̣ батамам̣ д̇хаммам̣ д̣̇зсзяяа’’нд̇и жид̇д̇ам̣ уббаад̣̇зси. ид̣̇ам̣ бана саб̣б̣амзва б̣уд̣̇д̇хаанам̣ баривид̇аггамад̇д̇амзва, табзд̇ваа бана гон̣д̣ан̃н̃аб̣раахман̣ам̣ ан̃н̃о гожи батамам̣ д̇хаммам̣ бадивиж̇жхид̇ум̣ самад̇т̇о наама над̇т̇и. соби зд̇ад̣̇ад̇т̇амзва габбасад̇асахассам̣ ад̇хигаарагаммам̣ агааси, б̣уд̣̇д̇хаббамукасса бхигкусан̇гхасса нава ваарз аг̇г̇асассад̣̇аанам̣ ад̣̇ааси.

    Eteneva upāyena sattasattāhaṃ bodhimaṇḍe viharitvā rājāyatanamūle madhupiṇḍikabhojanaṃ paribhuñjitvā puna ajapālanigrodhamūlaṃ āgantvā tattha nisinno dhammagambhīrataṃ paccavekkhitvā appossukkatāya citte namante mahābrahmunā yācito buddhacakkhunā lokaṃ volokento tikkhindriyādibhede satte disvā mahābrahmuno dhammadesanāya paṭiññaṃ datvā ‘‘kassa nu kho ahaṃ paṭhamaṃ dhammaṃ desessāmī’’ti āḷārudakānaṃ kālakatabhāvaṃ ñatvā puna cintento ‘‘bahūpakārā kho pana me pañcavaggiyā bhikkhū, ye maṃ padhānapahitattaṃ upaṭṭhahiṃsu. Yaṃnūnāhaṃ pañcavaggiyānaṃ bhikkhūnaṃ paṭhamaṃ dhammaṃ deseyya’’nti cittaṃ uppādesi. Idaṃ pana sabbameva buddhānaṃ parivitakkamattameva, ṭhapetvā pana koṇḍaññabrāhmaṇaṃ añño koci paṭhamaṃ dhammaṃ paṭivijjhituṃ samattho nāma natthi. Sopi etadatthameva kappasatasahassaṃ adhikārakammaṃ akāsi, buddhappamukhassa bhikkhusaṅghassa nava vāre aggasassadānaṃ adāsi.

    ат̇а сад̇т̇аа бад̇д̇ажийварамаад̣̇ааяа анубуб̣б̣зна исибад̇анам̣ г̇анд̇ваа язна бан̃жаваг̇г̇ияаа бхигкуу, д̇знубасан̇гами. д̇з д̇ат̇ааг̇ад̇ам̣ ааг̇ажчанд̇ам̣ д̣̇исваава ад̇д̇ано гад̇игааяа сан̣таад̇ум̣ наасагким̣су. зго бад̇д̇ажийварам̣ бадиг̇г̇ахзси, зго аасанам̣ бан̃н̃аабзси, зго баад̣̇од̣̇агам̣ бажжубадтаабзси, зго баад̣̇з д̇хови, зго д̇аалаван̣дам̣ г̇ахзд̇ваа б̣ийж̇амаано тид̇о. звам̣ д̇зсу вад̇д̇ам̣ д̣̇ассзд̇ваа санд̇игз нисиннзсу гон̣д̣ан̃н̃ад̇т̇зрам̣ гааяасагким̣ гад̇ваа сад̇т̇аа ануд̇д̇арам̣ д̇збариваддам̣ д̇хаммажаггаббавад̇д̇анасуд̇д̇анд̇ам̣ аарабхи. мануссабарисаа бан̃жа ж̇анаава ахзсум̣, д̣̇звабарисаа абарижчиннаа. д̣̇зсанаабарияосаанз гон̣д̣ан̃н̃ад̇т̇зро адтаарасахи махааб̣рахмагодийхи сад̣̇д̇хим̣ сод̇аабад̇д̇ипалз бад̇идтид̇о. ат̇а сад̇т̇аа ‘‘маяаа д̣̇уггарасад̇аабхад̇ам̣ д̇хаммам̣ батамамзва ан̃н̃аасийд̇и ан̃н̃аасигон̣д̣ан̃н̃о наама аяа’’нд̇и т̇зрам̣ аалабанд̇о ‘‘ан̃н̃ааси вад̇а, бхо, гон̣д̣ан̃н̃о, ан̃н̃ааси вад̇а, бхо, гон̣д̣ан̃н̃о’’д̇и ааха. д̇асса д̇ад̣̇зва наамам̣ ж̇аад̇ам̣. д̇зна вуд̇д̇ам̣ – ‘‘ид̇и хид̣̇ам̣ ааяасмад̇о гон̣д̣ан̃н̃асса ан̃н̃аасигон̣д̣ан̃н̃од̇взва наамам̣ ахосий’’д̇и.

    Atha satthā pattacīvaramādāya anupubbena isipatanaṃ gantvā yena pañcavaggiyā bhikkhū, tenupasaṅkami. Te tathāgataṃ āgacchantaṃ disvāva attano katikāya saṇṭhātuṃ nāsakkhiṃsu. Eko pattacīvaraṃ paṭiggahesi, eko āsanaṃ paññāpesi, eko pādodakaṃ paccupaṭṭhāpesi, eko pāde dhovi, eko tālavaṇṭaṃ gahetvā bījamāno ṭhito. Evaṃ tesu vattaṃ dassetvā santike nisinnesu koṇḍaññattheraṃ kāyasakkhiṃ katvā satthā anuttaraṃ teparivaṭṭaṃ dhammacakkappavattanasuttantaṃ ārabhi. Manussaparisā pañca janāva ahesuṃ, devaparisā aparicchinnā. Desanāpariyosāne koṇḍaññatthero aṭṭhārasahi mahābrahmakoṭīhi saddhiṃ sotāpattiphale patiṭṭhito. Atha satthā ‘‘mayā dukkarasatābhataṃ dhammaṃ paṭhamameva aññāsīti aññāsikoṇḍañño nāma aya’’nti theraṃ ālapanto ‘‘aññāsi vata, bho, koṇḍañño, aññāsi vata, bho, koṇḍañño’’ti āha. Tassa tadeva nāmaṃ jātaṃ. Tena vuttaṃ – ‘‘iti hidaṃ āyasmato koṇḍaññassa aññāsikoṇḍaññotveva nāmaṃ ahosī’’ti.

    ид̇и т̇зро аасаал̣хибун̣н̣амааяам̣ сод̇аабад̇д̇ипалз бад̇идтид̇о, баадибад̣̇ад̣̇ивасз бхад̣̇д̣̇ияад̇т̇зро, д̣̇уд̇ияабагкад̣̇ивасз ваббад̇т̇зро, д̇ад̇ияабагкад̣̇ивасз махаанаамад̇т̇зро, багкасса жад̇уд̇т̇ияам̣ ассаж̇ид̇т̇зро сод̇аабад̇д̇ипалз бад̇идтид̇о. бан̃жамияаа бана багкасса анад̇д̇алагкан̣асуд̇д̇анд̇ад̣̇зсанаабарияосаанз саб̣б̣зби арахад̇д̇з бад̇идтид̇аа.

    Iti thero āsāḷhipuṇṇamāyaṃ sotāpattiphale patiṭṭhito, pāṭipadadivase bhaddiyatthero, dutiyapakkhadivase vappatthero, tatiyapakkhadivase mahānāmatthero, pakkhassa catutthiyaṃ assajitthero sotāpattiphale patiṭṭhito. Pañcamiyā pana pakkhassa anattalakkhaṇasuttantadesanāpariyosāne sabbepi arahatte patiṭṭhitā.

    д̇зна ко бана самаязна ча логз араханд̇о хонд̇и. д̇ад̇о бадтааяа сад̇т̇аа яасад̣̇аарагаббамукз бан̃жабан̃н̃ааса бурисз, габбаасияаванасан̣д̣з д̇им̣самад̇д̇з бхад̣̇д̣̇аваг̇г̇ияз, г̇аяаасийсз бидтибаасаан̣з сахассамад̇д̇з бураан̣аж̇адилзд̇и звам̣ махааж̇анам̣ арияабхуумим̣ од̇аарзд̇ваа б̣имб̣исаараббамукаани згаад̣̇асанахуд̇аани сод̇аабад̇д̇ипалз, згам̣ нахуд̇ам̣ саран̣ад̇д̇аяз бад̇идтаабзд̇ваа ж̇амб̣уд̣̇ийбад̇алз саасанам̣ бубпид̇апалид̇ам̣ гад̇ваа сагалаж̇амб̣уд̣̇ийбаман̣д̣алам̣ гаасаавабаж̇ж̇од̇ам̣ исиваад̇абадиваад̇ам̣ гаронд̇о згасмим̣ самаяз ж̇зд̇аванамахаавихаарам̣ бад̇ваа д̇ад̇т̇а васанд̇о бхигкусан̇гхамаж̇жхз бан̃н̃ад̇д̇авараб̣уд̣̇д̇хаасанаг̇ад̇о д̇хаммам̣ д̣̇зсзнд̇о ‘‘батамам̣ д̇хаммам̣ бадивид̣̇д̇хабхигкуунам̣ анд̇арз мама буд̇д̇о гон̣д̣ан̃н̃о аг̇г̇о’’д̇и д̣̇ассзд̇ум̣ зд̇ад̣̇аг̇г̇адтаанз табзси.

    Tena kho pana samayena cha loke arahanto honti. Tato paṭṭhāya satthā yasadārakappamukhe pañcapaññāsa purise, kappāsiyavanasaṇḍe tiṃsamatte bhaddavaggiye, gayāsīse piṭṭhipāsāṇe sahassamatte purāṇajaṭileti evaṃ mahājanaṃ ariyabhūmiṃ otāretvā bimbisārappamukhāni ekādasanahutāni sotāpattiphale, ekaṃ nahutaṃ saraṇattaye patiṭṭhāpetvā jambudīpatale sāsanaṃ pupphitaphalitaṃ katvā sakalajambudīpamaṇḍalaṃ kāsāvapajjotaṃ isivātapaṭivātaṃ karonto ekasmiṃ samaye jetavanamahāvihāraṃ patvā tattha vasanto bhikkhusaṅghamajjhe paññattavarabuddhāsanagato dhammaṃ desento ‘‘paṭhamaṃ dhammaṃ paṭividdhabhikkhūnaṃ antare mama putto koṇḍañño aggo’’ti dassetuṃ etadaggaṭṭhāne ṭhapesi.

    т̇зроби д̣̇вз аг̇г̇асаавагз ад̇д̇ано нибажжагаарам̣ гаронд̇з д̣̇исваа б̣уд̣̇д̇хаанам̣ санд̇игаа абаггамид̇угаамо худ̇ваа ‘‘бун̣н̣амаан̣аво баб̣б̣аж̇ид̇ваа саасанз аг̇г̇ад̇хаммагат̇иго бхависсад̇ий’’д̇и д̣̇исваа д̣̇он̣авад̇т̇уб̣раахман̣аг̇аамам̣ г̇анд̇ваа ад̇д̇ано бхааг̇инзяяам̣ бун̣н̣амаан̣авам̣ баб̣б̣ааж̇зд̇ваа ‘‘аяам̣ б̣уд̣̇д̇хаанам̣ санд̇игз васиссад̇ий’’д̇и д̇асса б̣уд̣̇д̇хаанам̣ анд̇зваасигабхаавам̣ гад̇ваа саяам̣ д̣̇асаб̣алам̣ убасан̇гамид̇ваа ‘‘бхаг̇аваа маяхам̣ г̇ааманд̇асзнаасанам̣ асаббааяам̣, аагин̣н̣о вихарид̇ум̣ на саггоми, чад̣̇д̣̇анд̇ад̣̇ахам̣ г̇анд̇ваа васиссаамий’’д̇и бхаг̇аванд̇ам̣ ануж̇аанаабзд̇ваа удтааяаасанаа сад̇т̇аарам̣ ванд̣̇ид̇ваа чад̣̇д̣̇анд̇ад̣̇ахам̣ г̇анд̇ваа чад̣̇д̣̇анд̇ахад̇т̇игулам̣ ниссааяа д̣̇ваад̣̇аса вассаани вийд̇инаамзд̇ваа д̇ад̇т̇зва анубаад̣̇исзсааяа ниб̣б̣аанад̇хаад̇уяаа бариниб̣б̣ааяи.

    Theropi dve aggasāvake attano nipaccakāraṃ karonte disvā buddhānaṃ santikā apakkamitukāmo hutvā ‘‘puṇṇamāṇavo pabbajitvā sāsane aggadhammakathiko bhavissatī’’ti disvā doṇavatthubrāhmaṇagāmaṃ gantvā attano bhāgineyyaṃ puṇṇamāṇavaṃ pabbājetvā ‘‘ayaṃ buddhānaṃ santike vasissatī’’ti tassa buddhānaṃ antevāsikabhāvaṃ katvā sayaṃ dasabalaṃ upasaṅkamitvā ‘‘bhagavā mayhaṃ gāmantasenāsanaṃ asappāyaṃ, ākiṇṇo viharituṃ na sakkomi, chaddantadahaṃ gantvā vasissāmī’’ti bhagavantaṃ anujānāpetvā uṭṭhāyāsanā satthāraṃ vanditvā chaddantadahaṃ gantvā chaddantahatthikulaṃ nissāya dvādasa vassāni vītināmetvā tattheva anupādisesāya nibbānadhātuyā parinibbāyi.

    саарибуд̇д̇а-мог̇г̇аллаанад̇т̇зравад̇т̇у

    Sāriputta-moggallānattheravatthu

    189-190. д̣̇уд̇ияад̇ад̇иязсу махаабан̃н̃аананд̇и махад̇ияаа бан̃н̃ааяа саманнааг̇ад̇аанам̣. ид̣̇д̇химанд̇аананд̇и ид̣̇д̇хияаа самбаннаанам̣. саарибуд̇д̇о мог̇г̇аллаанод̇и д̇зсам̣ т̇зраанам̣ наамам̣.

    189-190. Dutiyatatiyesu mahāpaññānanti mahatiyā paññāya samannāgatānaṃ. Iddhimantānanti iddhiyā sampannānaṃ. Sāriputto moggallānoti tesaṃ therānaṃ nāmaṃ.

    имзсамби бан̃хагаммз аяаманубуб̣б̣игат̇аа – ид̇о сад̇асахассагаббаад̇хигз асан̇кязяяагаббамад̇т̇агз саарибуд̇д̇о б̣раахман̣амахаасаалагулз ниб̣б̣ад̇д̇и, наамзна сарад̣̇амаан̣аво наама ахоси. мог̇г̇аллаано г̇ахабад̇имахаасаалагулз ниб̣б̣ад̇д̇и , наамзна сиривад̣дханагудумб̣ияо наама ахоси. д̇з убхоби сахабам̣сугийл̣ид̇аава сахааяагаа ахзсум̣. сарад̣̇амаан̣аво бид̇у ажжаязна гуласанд̇агам̣ махаад̇ханам̣ бадибаж̇ж̇ид̇ваа згад̣̇ивасам̣ рахог̇ад̇о жинд̇зси – ‘‘ахам̣ ид̇халогад̇д̇абхаавамзва ж̇аанаами, но баралогад̇д̇абхаавам̣, ж̇аад̇асад̇д̇аанан̃жа маран̣ам̣ наама д̇хувам̣, маяаа згам̣ баб̣б̣аж̇ж̇ам̣ баб̣б̣аж̇ид̇ваа могкад̇хаммаг̇авзсанам̣ гаад̇ум̣ ваддад̇ий’’д̇и. со сахааяагам̣ убасан̇гамид̇ваа ааха – ‘‘самма сиривад̣дхана, ахам̣ баб̣б̣аж̇ид̇ваа могкад̇хаммам̣ г̇авзсиссаами, д̇вам̣ маяаа сад̣̇д̇хим̣ баб̣б̣аж̇ид̇ум̣ сагкиссасий’’д̇и. на сагкиссаами , самма, д̇вам̣язва баб̣б̣аж̇аахийд̇и. со жинд̇зси – ‘‘баралогам̣ г̇ажчанд̇аа сахааяз ваа н̃аад̇имид̇д̇з ваа г̇ахзд̇ваа г̇ад̇аа наама над̇т̇и, ад̇д̇анаа гад̇ам̣ ад̇д̇анова ход̇ий’’д̇и. д̇ад̇о рад̇анагодтааг̇аарам̣ вивараабзд̇ваа габан̣ад̣̇д̇хигаван̣иб̣б̣агаяаажагаанам̣ махаад̣̇аанам̣ д̣̇ад̇ваа баб̣б̣ад̇абаад̣̇ам̣ бависид̇ваа исибаб̣б̣аж̇ж̇ам̣ баб̣б̣аж̇и. д̇асса зго д̣̇вз д̇аяод̇и звам̣ анубаб̣б̣аж̇ж̇ам̣ баб̣б̣аж̇ид̇аа жад̇усад̇д̇ад̇исахассамад̇д̇аа ж̇адилаа ахзсум̣. со бан̃жаабхин̃н̃аа адта жа самаабад̇д̇ияо ниб̣б̣ад̇д̇зд̇ваа д̇зсамби ж̇адилаанам̣ гасин̣абаригаммам̣ аажигки. д̇зби саб̣б̣з бан̃жа абхин̃н̃аа адта жа самаабад̇д̇ияо ниб̣б̣ад̇д̇зсум̣.

    Imesampi pañhakamme ayamanupubbikathā – ito satasahassakappādhike asaṅkhyeyyakappamatthake sāriputto brāhmaṇamahāsālakule nibbatti, nāmena saradamāṇavo nāma ahosi. Moggallāno gahapatimahāsālakule nibbatti , nāmena sirivaḍḍhanakuṭumbiyo nāma ahosi. Te ubhopi sahapaṃsukīḷitāva sahāyakā ahesuṃ. Saradamāṇavo pitu accayena kulasantakaṃ mahādhanaṃ paṭipajjitvā ekadivasaṃ rahogato cintesi – ‘‘ahaṃ idhalokattabhāvameva jānāmi, no paralokattabhāvaṃ, jātasattānañca maraṇaṃ nāma dhuvaṃ, mayā ekaṃ pabbajjaṃ pabbajitvā mokkhadhammagavesanaṃ kātuṃ vaṭṭatī’’ti. So sahāyakaṃ upasaṅkamitvā āha – ‘‘samma sirivaḍḍhana, ahaṃ pabbajitvā mokkhadhammaṃ gavesissāmi, tvaṃ mayā saddhiṃ pabbajituṃ sakkhissasī’’ti. Na sakkhissāmi , samma, tvaṃyeva pabbajāhīti. So cintesi – ‘‘paralokaṃ gacchantā sahāye vā ñātimitte vā gahetvā gatā nāma natthi, attanā kataṃ attanova hotī’’ti. Tato ratanakoṭṭhāgāraṃ vivarāpetvā kapaṇaddhikavaṇibbakayācakānaṃ mahādānaṃ datvā pabbatapādaṃ pavisitvā isipabbajjaṃ pabbaji. Tassa eko dve tayoti evaṃ anupabbajjaṃ pabbajitā catusattatisahassamattā jaṭilā ahesuṃ. So pañcābhiññā aṭṭha ca samāpattiyo nibbattetvā tesampi jaṭilānaṃ kasiṇaparikammaṃ ācikkhi. Tepi sabbe pañca abhiññā aṭṭha ca samāpattiyo nibbattesuṃ.

    д̇зна самаязна аномад̣̇ассий наама б̣уд̣̇д̇хо логз уд̣̇абаад̣̇и. наг̇арам̣ жанд̣̇авад̇ий наама ахоси, бид̇аа яасаванд̇о наама кад̇д̇ияо, маад̇аа яасод̇хараа наама д̣̇звий, б̣од̇хи аж̇ж̇унаругко, нисабхад̇т̇зро жа аномад̇т̇зро жаад̇и д̣̇вз аг̇г̇асаавагаа, варун̣ад̇т̇зро наама убадтааго, сунд̣̇араа жа суманаа жаад̇и д̣̇вз аг̇г̇асаавигаа, ааяу вассасад̇асахассам̣ ахоси, сарийрам̣ адтабан̃н̃аасахад̇т̇уб̣б̣зд̇хам̣, сарийраббабхаа д̣̇ваад̣̇асаяож̇анам̣ пари, бхигкусад̇асахассабаривааро ахоси.

    Tena samayena anomadassī nāma buddho loke udapādi. Nagaraṃ candavatī nāma ahosi, pitā yasavanto nāma khattiyo, mātā yasodharā nāma devī, bodhi ajjunarukkho, nisabhatthero ca anomatthero cāti dve aggasāvakā, varuṇatthero nāma upaṭṭhāko, sundarā ca sumanā cāti dve aggasāvikā, āyu vassasatasahassaṃ ahosi, sarīraṃ aṭṭhapaññāsahatthubbedhaṃ, sarīrappabhā dvādasayojanaṃ phari, bhikkhusatasahassaparivāro ahosi.

    ат̇згад̣̇ивасам̣ бажжуусагаалз махаагарун̣аасамаабад̇д̇ид̇о вудтааяа логам̣ вологзнд̇о сарад̣̇ад̇аабасам̣ д̣̇исваа ‘‘аж̇ж̇а маяхам̣ сарад̣̇ад̇аабасасса санд̇игам̣ г̇ад̇абажжаязна д̇хаммад̣̇зсанаа жа махад̇ий бхависсад̇и, со жа аг̇г̇асаавагадтаанам̣ бад̇т̇зссад̇и, д̇асса сахааяаго сиривад̣дханагудумб̣ияо д̣̇уд̇ияасаавагадтаанам̣, д̣̇зсанаабарияосаанз жасса бариваараа жад̇усад̇д̇ад̇исахассаж̇адилаа арахад̇д̇ам̣ баабун̣иссанд̇и, маяаа д̇ад̇т̇а г̇анд̇ум̣ ваддад̇ий’’д̇и ад̇д̇ано бад̇д̇ажийварамаад̣̇ааяа ан̃н̃ам̣ ган̃жи анааманд̇зд̇ваа сийхо вияа згажаро худ̇ваа сарад̣̇ад̇аабасасса анд̇зваасигзсу палаапалад̇т̇ааяа г̇ад̇зсу ‘‘б̣уд̣̇д̇хабхаавам̣ мз ж̇аанаад̇уу’’д̇и д̇асса бассанд̇ассзва сарад̣̇ад̇аабасасса аагаасад̇о од̇арид̇ваа бат̇авияам̣ бад̇идтааси. сарад̣̇ад̇аабасо б̣уд̣̇д̇хаанубхаавам̣ жзва сарийрасамбад̇д̇им̣ жасса д̣̇исваа лагкан̣аманд̇з саммасид̇ваа ‘‘имзхи лагкан̣зхи саманнааг̇ад̇о наама аг̇аарамаж̇жхз васанд̇о рааж̇аа ход̇и жаггавад̇д̇ий, баб̣б̣аж̇ж̇анд̇о логз виваддажчад̣̇о саб̣б̣ан̃н̃у б̣уд̣̇д̇хо ход̇и, аяам̣ бурисо ниссам̣саяам̣ б̣уд̣̇д̇хо’’д̇и ж̇аанид̇ваа бажжуг̇г̇аманам̣ гад̇ваа бан̃жабад̇идтид̇зна ванд̣̇ид̇ваа аасанам̣ бан̃н̃аабзд̇ваа ад̣̇ааси. нисийд̣̇и бхаг̇аваа бан̃н̃ад̇д̇аасанз. сарад̣̇ад̇аабасоби ад̇д̇ано анужчавигам̣ аасанам̣ г̇ахзд̇ваа згаманд̇ам̣ нисийд̣̇и.

    Athekadivasaṃ paccūsakāle mahākaruṇāsamāpattito vuṭṭhāya lokaṃ volokento saradatāpasaṃ disvā ‘‘ajja mayhaṃ saradatāpasassa santikaṃ gatapaccayena dhammadesanā ca mahatī bhavissati, so ca aggasāvakaṭṭhānaṃ patthessati, tassa sahāyako sirivaḍḍhanakuṭumbiyo dutiyasāvakaṭṭhānaṃ, desanāpariyosāne cassa parivārā catusattatisahassajaṭilā arahattaṃ pāpuṇissanti, mayā tattha gantuṃ vaṭṭatī’’ti attano pattacīvaramādāya aññaṃ kañci anāmantetvā sīho viya ekacaro hutvā saradatāpasassa antevāsikesu phalāphalatthāya gatesu ‘‘buddhabhāvaṃ me jānātū’’ti tassa passantasseva saradatāpasassa ākāsato otaritvā pathaviyaṃ patiṭṭhāsi. Saradatāpaso buddhānubhāvaṃ ceva sarīrasampattiṃ cassa disvā lakkhaṇamante sammasitvā ‘‘imehi lakkhaṇehi samannāgato nāma agāramajjhe vasanto rājā hoti cakkavattī, pabbajjanto loke vivaṭṭacchado sabbaññu buddho hoti, ayaṃ puriso nissaṃsayaṃ buddho’’ti jānitvā paccuggamanaṃ katvā pañcapatiṭṭhitena vanditvā āsanaṃ paññāpetvā adāsi. Nisīdi bhagavā paññattāsane. Saradatāpasopi attano anucchavikaṃ āsanaṃ gahetvā ekamantaṃ nisīdi.

    д̇асмим̣ самаяз жад̇усад̇д̇ад̇исахассаж̇адилаа бан̣ийд̇абан̣ийд̇аани ож̇аванд̇аани палаапалаани г̇ахзд̇ваа аажарияасса санд̇игам̣ самбад̇д̇аа б̣уд̣̇д̇хаанан̃жзва аажарияасса жа нисиннаасанам̣ ологзд̇ваа аахам̣су – ‘‘аажарияа, маяам̣ ‘имасмим̣ логз д̇умхзхи маханд̇ад̇аро над̇т̇ий’д̇и вижараама, аяам̣ бана бурисо д̇умхзхи маханд̇ад̇аро ман̃н̃з’’д̇и. д̇аад̇аа, гим̣ вад̣̇ат̇а? саасабзна сад̣̇д̇хим̣ адтасадтияож̇анасад̇асахассуб̣б̣зд̇хам̣ синзрум̣ самам̣ гаад̇ум̣ ижчат̇а, саб̣б̣ан̃н̃уб̣уд̣̇д̇хзна сад̣̇д̇хим̣ маяхам̣ убамам̣ маа гарид̇т̇а буд̇д̇агаад̇и. ат̇а д̇з д̇аабасаа ‘‘сажз аяам̣ ид̇д̇арасад̇д̇о абхависса, на амхаагам̣ аажарияо зваруубам̣ убамам̣ аахарзяяа, яаава махаа вад̇ааяам̣ бурисо’’д̇и саб̣б̣зва баад̣̇зсу нибад̇ид̇ваа сирасаа ванд̣̇им̣су.

    Tasmiṃ samaye catusattatisahassajaṭilā paṇītapaṇītāni ojavantāni phalāphalāni gahetvā ācariyassa santikaṃ sampattā buddhānañceva ācariyassa ca nisinnāsanaṃ oloketvā āhaṃsu – ‘‘ācariya, mayaṃ ‘imasmiṃ loke tumhehi mahantataro natthī’ti vicarāma, ayaṃ pana puriso tumhehi mahantataro maññe’’ti. Tātā, kiṃ vadatha? Sāsapena saddhiṃ aṭṭhasaṭṭhiyojanasatasahassubbedhaṃ sineruṃ samaṃ kātuṃ icchatha, sabbaññubuddhena saddhiṃ mayhaṃ upamaṃ mā karittha puttakāti. Atha te tāpasā ‘‘sace ayaṃ ittarasatto abhavissa, na amhākaṃ ācariyo evarūpaṃ upamaṃ āhareyya, yāva mahā vatāyaṃ puriso’’ti sabbeva pādesu nipatitvā sirasā vandiṃsu.

    ат̇а нз аажарияо ааха – ‘‘д̇аад̇аа, амхаагам̣ б̣уд̣̇д̇хаанам̣ анужчавиго д̣̇зяяад̇хаммо над̇т̇и, сад̇т̇аа жа бхигкаажааравзлааяа ид̇хааг̇ад̇о, маяам̣ яат̇ааб̣алам̣ д̣̇зяяад̇хаммам̣ д̣̇ассаама. д̇умхз яам̣ яам̣ бан̣ийд̇ам̣ палаапалам̣, д̇ам̣ д̇ам̣ аахарат̇аа’’д̇и. аахараабзд̇ваа хад̇т̇з д̇ховид̇ваа саяам̣ д̇ат̇ааг̇ад̇асса бад̇д̇з бад̇идтаабзси . сад̇т̇аараа жа палаапалз бадиг̇г̇ахид̇амад̇д̇з д̣̇звад̇аа д̣̇иб̣б̣ож̇ам̣ багкибим̣су. д̇аабасо уд̣̇агамби саяамзва бариссаавзд̇ваа ад̣̇ааси. д̇ад̇о бхад̇д̇агижжам̣ нидтаабзд̇ваа хад̇т̇ам̣ д̇ховид̇ваа нисиннз сад̇т̇ари саб̣б̣з анд̇зваасигз баггосид̇ваа сад̇т̇у санд̇игз сааран̣ийяам̣ гат̇ам̣ гат̇знд̇о нисийд̣̇и. сад̇т̇аа ‘‘д̣̇вз аг̇г̇асаавагаа бхигкусан̇гхзна сад̣̇д̇хим̣ ааг̇ажчанд̇уу’’д̇и жинд̇зси. д̇з сад̇т̇у жид̇д̇ам̣ н̃ад̇ваа сад̇асахассакийн̣аасавабариваараа ааг̇анд̇ваа сад̇т̇аарам̣ ванд̣̇ид̇ваа згаманд̇ам̣ адтам̣су.

    Atha ne ācariyo āha – ‘‘tātā, amhākaṃ buddhānaṃ anucchaviko deyyadhammo natthi, satthā ca bhikkhācāravelāya idhāgato, mayaṃ yathābalaṃ deyyadhammaṃ dassāma. Tumhe yaṃ yaṃ paṇītaṃ phalāphalaṃ, taṃ taṃ āharathā’’ti. Āharāpetvā hatthe dhovitvā sayaṃ tathāgatassa patte patiṭṭhāpesi . Satthārā ca phalāphale paṭiggahitamatte devatā dibbojaṃ pakkhipiṃsu. Tāpaso udakampi sayameva parissāvetvā adāsi. Tato bhattakiccaṃ niṭṭhāpetvā hatthaṃ dhovitvā nisinne satthari sabbe antevāsike pakkositvā satthu santike sāraṇīyaṃ kathaṃ kathento nisīdi. Satthā ‘‘dve aggasāvakā bhikkhusaṅghena saddhiṃ āgacchantū’’ti cintesi. Te satthu cittaṃ ñatvā satasahassakhīṇāsavaparivārā āgantvā satthāraṃ vanditvā ekamantaṃ aṭṭhaṃsu.

    д̇ад̇о сарад̣̇ад̇аабасо анд̇зваасигз ааманд̇зси – ‘‘д̇аад̇аа, б̣уд̣̇д̇хаанам̣ нисиннаасанамби нийжам̣, саман̣асад̇асахассаанамби аасанам̣ над̇т̇и, д̇умхзхи аж̇ж̇а ул̣аарам̣ б̣уд̣̇д̇хасаггаарам̣ гаад̇ум̣ ваддад̇и, баб̣б̣ад̇абаад̣̇ад̇о ван̣н̣аг̇анд̇хасамбаннаани бубпаани аахарат̇аа’’д̇и. гат̇анагаало бабан̃жо вияа ход̇и, ид̣̇д̇химанд̇аанам̣ бана висаяо ажинд̇зяяод̇и мухуд̇д̇амад̇д̇знзва д̇з д̇аабасаа ван̣н̣аг̇анд̇хасамбаннаани бубпаани аахарид̇ваа б̣уд̣̇д̇хаанам̣ яож̇анаббамаан̣ам̣ бубпаасанам̣ бан̃н̃аабзсум̣, убхиннам̣ аг̇г̇асаавагаанам̣ д̇иг̇аавуд̇ам̣, сзсабхигкуунам̣ ад̣дхаяож̇анигаад̣̇ибхзд̣̇ам̣, сан̇гханавагасса усабхамад̇д̇ам̣ ахоси. звам̣ бан̃н̃ад̇д̇зсу аасанзсу сарад̣̇ад̇аабасо д̇ат̇ааг̇ад̇асса бурад̇о ан̃ж̇алим̣ баг̇г̇ахзд̇ваа тид̇о, ‘‘бханд̇з, маяхам̣ д̣̇ийгхарад̇д̇ам̣ хид̇асукад̇т̇ааяа имам̣ бубпаасанам̣ абхирухат̇аа’’д̇и ааха.

    Tato saradatāpaso antevāsike āmantesi – ‘‘tātā, buddhānaṃ nisinnāsanampi nīcaṃ, samaṇasatasahassānampi āsanaṃ natthi, tumhehi ajja uḷāraṃ buddhasakkāraṃ kātuṃ vaṭṭati, pabbatapādato vaṇṇagandhasampannāni pupphāni āharathā’’ti. Kathanakālo papañco viya hoti, iddhimantānaṃ pana visayo acinteyyoti muhuttamatteneva te tāpasā vaṇṇagandhasampannāni pupphāni āharitvā buddhānaṃ yojanappamāṇaṃ pupphāsanaṃ paññāpesuṃ, ubhinnaṃ aggasāvakānaṃ tigāvutaṃ, sesabhikkhūnaṃ aḍḍhayojanikādibhedaṃ, saṅghanavakassa usabhamattaṃ ahosi. Evaṃ paññattesu āsanesu saradatāpaso tathāgatassa purato añjaliṃ paggahetvā ṭhito, ‘‘bhante, mayhaṃ dīgharattaṃ hitasukhatthāya imaṃ pupphāsanaṃ abhiruhathā’’ti āha.

    ‘‘наанаабубпан̃жа г̇анд̇хан̃жа, самбаад̣̇зд̇ваана згад̇о;

    ‘‘Nānāpupphañca gandhañca, sampādetvāna ekato;

    бубпаасанам̣ бан̃н̃аабзд̇ваа, ид̣̇ам̣ важанамаб̣равим̣.

    Pupphāsanaṃ paññāpetvā, idaṃ vacanamabraviṃ.

    ‘‘ид̣̇ам̣ д̇з аасанам̣ вийра, бан̃н̃ад̇д̇ам̣ д̇аванужчавим̣;

    ‘‘Idaṃ te āsanaṃ vīra, paññattaṃ tavanucchaviṃ;

    мама жид̇д̇ам̣ басаад̣̇знд̇о, нисийд̣̇а бубпамаасанз.

    Mama cittaṃ pasādento, nisīda pupphamāsane.

    ‘‘сад̇д̇арад̇д̇ид̣̇ивам̣ б̣уд̣̇д̇хо, нисийд̣̇и бубпамаасанз;

    ‘‘Sattarattidivaṃ buddho, nisīdi pupphamāsane;

    мама жид̇д̇ам̣ басаад̣̇зд̇ваа, хаасаяид̇ваа сад̣̇звагз’’д̇и.

    Mama cittaṃ pasādetvā, hāsayitvā sadevake’’ti.

    звам̣ нисиннз сад̇т̇ари д̣̇вз аг̇г̇асаавагаа жа сзсабхигкуу жа ад̇д̇ано ад̇д̇ано бад̇д̇аасанзсу нисийд̣̇им̣су. сарад̣̇ад̇аабасо маханд̇ам̣ бубпажчад̇д̇ам̣ г̇ахзд̇ваа д̇ат̇ааг̇ад̇асса мад̇т̇агз д̇хаараяанд̇о адтааси. сад̇т̇аа ‘‘ж̇адилаанам̣ аяам̣ саггааро махабпало ход̇уу’’д̇и нирод̇хасамаабад̇д̇им̣ самаабаж̇ж̇и. сад̇т̇у самаабаннабхаавам̣ н̃ад̇ваа д̣̇вз аг̇г̇асаавагааби сзсабхигкууби самаабад̇д̇им̣ самаабаж̇ж̇им̣су. д̇ат̇ааг̇ад̇з сад̇д̇аахам̣ нирод̇хасамаабад̇д̇им̣ самаабаж̇ж̇ид̇ваа нисиннз анд̇зваасигаа бхигкаажаарагаалз самбад̇д̇з ванамуулапалаапалам̣ барибхун̃ж̇ид̇ваа сзсагаалз б̣уд̣̇д̇хаанам̣ ан̃ж̇алим̣ баг̇г̇аяха д̇идтанд̇и. сарад̣̇ад̇аабасо бана бхигкаажаарамби аг̇анд̇ваа бубпажчад̇д̇ам̣ г̇ахид̇анияаамзнзва сад̇д̇аахам̣ бийд̇исукзна вийд̇инаамзси.

    Evaṃ nisinne satthari dve aggasāvakā ca sesabhikkhū ca attano attano pattāsanesu nisīdiṃsu. Saradatāpaso mahantaṃ pupphacchattaṃ gahetvā tathāgatassa matthake dhārayanto aṭṭhāsi. Satthā ‘‘jaṭilānaṃ ayaṃ sakkāro mahapphalo hotū’’ti nirodhasamāpattiṃ samāpajji. Satthu samāpannabhāvaṃ ñatvā dve aggasāvakāpi sesabhikkhūpi samāpattiṃ samāpajjiṃsu. Tathāgate sattāhaṃ nirodhasamāpattiṃ samāpajjitvā nisinne antevāsikā bhikkhācārakāle sampatte vanamūlaphalāphalaṃ paribhuñjitvā sesakāle buddhānaṃ añjaliṃ paggayha tiṭṭhanti. Saradatāpaso pana bhikkhācārampi agantvā pupphacchattaṃ gahitaniyāmeneva sattāhaṃ pītisukhena vītināmesi.

    сад̇т̇аа нирод̇хад̇о вудтааяа д̣̇агкин̣абассз нисиннам̣ аг̇г̇асаавагам̣ нисабхад̇т̇зрам̣ ааманд̇зси – ‘‘нисабха саггаарагаарагаанам̣ д̇аабасаанам̣ бубпаасанаанумод̣̇анам̣ гарохий’’д̇и. т̇зро жаггавад̇д̇иран̃н̃о санд̇игаа бадилад̣̇д̇хамахаалаабхо махааяод̇хо вияа д̇удтамаанасо саавагабаарамин̃аан̣з тад̇ваа бубпаасанаанумод̣̇анам̣ аарабхи. д̇асса д̣̇зсанаавасаанз д̣̇уд̇ияасаавагам̣ ааманд̇зси – ‘‘д̇вамби д̇хаммам̣ д̣̇зсзхий’’д̇и. аномад̇т̇зро д̇збидагам̣ б̣уд̣̇д̇хаважанам̣ саммасид̇ваа д̇хаммам̣ гат̇зси. д̣̇виннам̣ саавагаанам̣ д̣̇зсанааяа згассаби абхисамаяо наахоси. ат̇а сад̇т̇аа абаримаан̣з б̣уд̣̇д̇хависаяз тад̇ваа д̇хаммад̣̇зсанам̣ аарабхи. д̣̇зсанаабарияосаанз табзд̇ваа сарад̣̇ад̇аабасам̣ саб̣б̣зби жад̇усад̇д̇ад̇исахассаж̇адилаа арахад̇д̇ам̣ баабун̣им̣су. сад̇т̇аа ‘‘зт̇а бхигкаво’’д̇и хад̇т̇ам̣ басаарзси. д̇зсам̣ д̇аавад̣̇зва гзсамассу анд̇арад̇хааяи, адта баригкаараа гааяз бадимуггаава ахзсум̣.

    Satthā nirodhato vuṭṭhāya dakkhiṇapasse nisinnaṃ aggasāvakaṃ nisabhattheraṃ āmantesi – ‘‘nisabha sakkārakārakānaṃ tāpasānaṃ pupphāsanānumodanaṃ karohī’’ti. Thero cakkavattirañño santikā paṭiladdhamahālābho mahāyodho viya tuṭṭhamānaso sāvakapāramiñāṇe ṭhatvā pupphāsanānumodanaṃ ārabhi. Tassa desanāvasāne dutiyasāvakaṃ āmantesi – ‘‘tvampi dhammaṃ desehī’’ti. Anomatthero tepiṭakaṃ buddhavacanaṃ sammasitvā dhammaṃ kathesi. Dvinnaṃ sāvakānaṃ desanāya ekassapi abhisamayo nāhosi. Atha satthā aparimāṇe buddhavisaye ṭhatvā dhammadesanaṃ ārabhi. Desanāpariyosāne ṭhapetvā saradatāpasaṃ sabbepi catusattatisahassajaṭilā arahattaṃ pāpuṇiṃsu. Satthā ‘‘etha bhikkhavo’’ti hatthaṃ pasāresi. Tesaṃ tāvadeva kesamassu antaradhāyi, aṭṭha parikkhārā kāye paṭimukkāva ahesuṃ.

    сарад̣̇ад̇аабасо гасмаа арахад̇д̇ам̣ на бад̇д̇од̇и? вигкид̇д̇ажид̇д̇ад̇д̇аа. д̇асса гира б̣уд̣̇д̇хаанам̣ д̣̇уд̇ияаасанз нисийд̣̇ид̇ваа саавагабаарамин̃аан̣з тад̇ваа д̇хаммам̣ д̣̇зсаяад̇о аг̇г̇асаавагасса д̣̇зсанам̣ сод̇ум̣ аарад̣̇д̇хагаалад̇о бадтааяа ‘‘ахо вад̇аахамби анааг̇ад̇з уббаж̇ж̇анагасса б̣уд̣̇д̇хасса саасанз иминаава саавагзна лад̣̇д̇хад̇хурам̣ лабхзяяа’’нд̇и жид̇д̇ам̣ уд̣̇абаад̣̇и. со д̇зна баривид̇аггзна маг̇г̇апалабадивзд̇хам̣ гаад̇ум̣ наасагки . д̇ат̇ааг̇ад̇ам̣ бана ванд̣̇ид̇ваа саммукз тад̇ваа ааха – ‘‘бханд̇з, д̇умхаагам̣ ананд̇араасанз нисинно бхигку д̇умхаагам̣ саасанз го наама ход̇ий’’д̇и? маяаа бавад̇д̇ид̇ам̣ д̇хаммажаггам̣ ануббавад̇д̇зд̇аа саавагабаарамин̃аан̣асса годиббад̇д̇о сол̣аса бан̃н̃аа бадивиж̇жхид̇ваа тид̇о маяхам̣ саасанз аг̇г̇асааваго нисабхад̇т̇зро наама зсод̇и. ‘‘бханд̇з, явааяам̣ маяаа сад̇д̇аахам̣ бубпажчад̇д̇ам̣ д̇хаарзнд̇зна саггааро гад̇о, ахам̣ имасса палзна ан̃н̃ам̣ саггад̇д̇ам̣ ваа б̣рахмад̇д̇ам̣ ваа на бад̇т̇зми, анааг̇ад̇з бана аяам̣ нисабхад̇т̇зро вияа згасса б̣уд̣̇д̇хасса аг̇г̇асааваго бхавзяяа’’нд̇и бад̇т̇анам̣ агааси.

    Saradatāpaso kasmā arahattaṃ na pattoti? Vikkhittacittattā. Tassa kira buddhānaṃ dutiyāsane nisīditvā sāvakapāramiñāṇe ṭhatvā dhammaṃ desayato aggasāvakassa desanaṃ sotuṃ āraddhakālato paṭṭhāya ‘‘aho vatāhampi anāgate uppajjanakassa buddhassa sāsane imināva sāvakena laddhadhuraṃ labheyya’’nti cittaṃ udapādi. So tena parivitakkena maggaphalapaṭivedhaṃ kātuṃ nāsakkhi . Tathāgataṃ pana vanditvā sammukhe ṭhatvā āha – ‘‘bhante, tumhākaṃ anantarāsane nisinno bhikkhu tumhākaṃ sāsane ko nāma hotī’’ti? Mayā pavattitaṃ dhammacakkaṃ anuppavattetā sāvakapāramiñāṇassa koṭippatto soḷasa paññā paṭivijjhitvā ṭhito mayhaṃ sāsane aggasāvako nisabhatthero nāma esoti. ‘‘Bhante, yvāyaṃ mayā sattāhaṃ pupphacchattaṃ dhārentena sakkāro kato, ahaṃ imassa phalena aññaṃ sakkattaṃ vā brahmattaṃ vā na patthemi, anāgate pana ayaṃ nisabhatthero viya ekassa buddhassa aggasāvako bhaveyya’’nti patthanaṃ akāsi.

    сад̇т̇аа ‘‘самиж̇жхиссад̇и ну ко имасса бурисасса бад̇т̇анаа’’д̇и анааг̇ад̇ам̣сан̃аан̣ам̣ бзсзд̇ваа ологзнд̇о габбасад̇асахассаад̇хигам̣ асан̇кязяяам̣ ад̇иггамид̇ваа самиж̇жханабхаавам̣ ад̣̇д̣̇аса. д̣̇исваа сарад̣̇ад̇аабасам̣ ааха – ‘‘на д̇з аяам̣ бад̇т̇анаа могхаа бхависсад̇и, анааг̇ад̇з бана габбасад̇асахассаад̇хигам̣ асан̇кязяяам̣ ад̇иггамид̇ваа г̇од̇амо наама б̣уд̣̇д̇хо логз уббаж̇ж̇иссад̇и. д̇асса маад̇аа махаамааяаа наама д̣̇звий бхависсад̇и, бид̇аа суд̣̇д̇ход̣̇ано наама рааж̇аа, буд̇д̇о раахуло наама, убадтааго аананд̣̇о наама, д̣̇уд̇ияасааваго мог̇г̇аллаано наама, д̇вам̣ бана д̇асса аг̇г̇асааваго д̇хаммасзнаабад̇и саарибуд̇д̇о наама бхависсасий’’д̇и. звам̣ д̇аабасам̣ б̣яаагарид̇ваа д̇хаммагат̇ам̣ гат̇зд̇ваа бхигкусан̇гхабаривааро аагаасам̣ багканд̣̇и.

    Satthā ‘‘samijjhissati nu kho imassa purisassa patthanā’’ti anāgataṃsañāṇaṃ pesetvā olokento kappasatasahassādhikaṃ asaṅkhyeyyaṃ atikkamitvā samijjhanabhāvaṃ addasa. Disvā saradatāpasaṃ āha – ‘‘na te ayaṃ patthanā moghā bhavissati, anāgate pana kappasatasahassādhikaṃ asaṅkhyeyyaṃ atikkamitvā gotamo nāma buddho loke uppajjissati. Tassa mātā mahāmāyā nāma devī bhavissati, pitā suddhodano nāma rājā, putto rāhulo nāma, upaṭṭhāko ānando nāma, dutiyasāvako moggallāno nāma, tvaṃ pana tassa aggasāvako dhammasenāpati sāriputto nāma bhavissasī’’ti. Evaṃ tāpasaṃ byākaritvā dhammakathaṃ kathetvā bhikkhusaṅghaparivāro ākāsaṃ pakkhandi.

    сарад̣̇ад̇аабасоби анд̇зваасигад̇т̇зраанам̣ санд̇игам̣ г̇анд̇ваа сахааяагасса сиривад̣дханагудумб̣игасса саасанам̣ бзсзси – ‘‘бханд̇з, мама сахааяагасса вад̣̇зт̇а ‘сахааяагзна д̇з сарад̣̇ад̇аабасзна аномад̣̇ассиб̣уд̣̇д̇хасса баад̣̇амуулз анааг̇ад̇з уббаж̇ж̇анагасса г̇од̇амаб̣уд̣̇д̇хасса саасанз аг̇г̇асаавагадтаанам̣ бад̇т̇ид̇ам̣, д̇вам̣ д̣̇уд̇ияасаавагадтаанам̣ бад̇т̇зхий’’’д̇и. зван̃жа бана вад̇ваа т̇зрзхи бурзд̇арамзва згабассзна г̇анд̇ваа сиривад̣дхасса нивзсанад̣̇ваарз адтааси.

    Saradatāpasopi antevāsikattherānaṃ santikaṃ gantvā sahāyakassa sirivaḍḍhanakuṭumbikassa sāsanaṃ pesesi – ‘‘bhante, mama sahāyakassa vadetha ‘sahāyakena te saradatāpasena anomadassibuddhassa pādamūle anāgate uppajjanakassa gotamabuddhassa sāsane aggasāvakaṭṭhānaṃ patthitaṃ, tvaṃ dutiyasāvakaṭṭhānaṃ patthehī’’’ti. Evañca pana vatvā therehi puretarameva ekapassena gantvā sirivaḍḍhassa nivesanadvāre aṭṭhāsi.

    сиривад̣дхано ‘‘жирассам̣ вад̇а мз аяяо ааг̇ад̇о’’д̇и аасанз нисийд̣̇аабзд̇ваа ад̇д̇анаа нийжаасанз нисинно ‘‘анд̇зваасигабарисаа бана во, бханд̇з, на бан̃н̃ааяад̇ий’’д̇и бужчи. аама самма, амхаагам̣ ассамам̣ аномад̣̇ассий наама б̣уд̣̇д̇хо ааг̇ад̇о, маяам̣ д̇асса ад̇д̇ано б̣алзна саггаарам̣ агаримха. сад̇т̇аа саб̣б̣зсам̣ д̇хаммам̣ д̣̇зсзси, д̣̇зсанаабарияосаанз табзд̇ваа мам̣ сзсаа арахад̇д̇ам̣ бад̇ваа баб̣б̣аж̇им̣сууд̇и. д̇умхз гасмаа на баб̣б̣аж̇ид̇аад̇и? ахам̣ сад̇т̇у аг̇г̇асаавагам̣ нисабхад̇т̇зрам̣ д̣̇исваа анааг̇ад̇з уббаж̇ж̇анагасса г̇од̇амасса наама б̣уд̣̇д̇хасса саасанз аг̇г̇асаавагадтаанам̣ бад̇т̇зсим̣, д̇вамби д̇асса саасанз д̣̇уд̇ияасаавагадтаанам̣ бад̇т̇зхийд̇и. маяхам̣ б̣уд̣̇д̇хзхи сад̣̇д̇хим̣ барижаяо над̇т̇и, бханд̇зд̇и. б̣уд̣̇д̇хзхи сад̣̇д̇хим̣ гат̇анам̣ маяхам̣ бхааро ход̇у, д̇вам̣ маханд̇ам̣ ад̇хигаарам̣ саж̇ж̇зхийд̇и.

    Sirivaḍḍhano ‘‘cirassaṃ vata me ayyo āgato’’ti āsane nisīdāpetvā attanā nīcāsane nisinno ‘‘antevāsikaparisā pana vo, bhante, na paññāyatī’’ti pucchi. Āma samma, amhākaṃ assamaṃ anomadassī nāma buddho āgato, mayaṃ tassa attano balena sakkāraṃ akarimha. Satthā sabbesaṃ dhammaṃ desesi, desanāpariyosāne ṭhapetvā maṃ sesā arahattaṃ patvā pabbajiṃsūti. Tumhe kasmā na pabbajitāti? Ahaṃ satthu aggasāvakaṃ nisabhattheraṃ disvā anāgate uppajjanakassa gotamassa nāma buddhassa sāsane aggasāvakaṭṭhānaṃ patthesiṃ, tvampi tassa sāsane dutiyasāvakaṭṭhānaṃ patthehīti. Mayhaṃ buddhehi saddhiṃ paricayo natthi, bhanteti. Buddhehi saddhiṃ kathanaṃ mayhaṃ bhāro hotu, tvaṃ mahantaṃ adhikāraṃ sajjehīti.

    сиривад̣дхано сарад̣̇ад̇аабасасса важанам̣ суд̇ваа ад̇д̇ано нивзсанад̣̇ваарз рааж̇амаанзна адтагарийсамад̇д̇ам̣ таанам̣ самад̇алам̣ гаарзд̇ваа ваалугам̣ огираабзд̇ваа лааж̇абан̃жамаани бубпаани вигирид̇ваа нийлуббалажчад̣̇анам̣ ман̣д̣абам̣ гаарзд̇ваа б̣уд̣̇д̇хаасанам̣ бан̃н̃аабзд̇ваа сзсабхигкуунамби аасанаани бадияаад̣̇аабзд̇ваа маханд̇ам̣ саггаарасаммаанам̣ саж̇ж̇зд̇ваа б̣уд̣̇д̇хаанам̣ ниманд̇анад̇т̇ааяа сарад̣̇ад̇аабасасса сан̃н̃ам̣ ад̣̇ааси. д̇аабасо д̇асса важанам̣ суд̇ваа б̣уд̣̇д̇хаббамукам̣ бхигкусан̇гхам̣ г̇ахзд̇ваа д̇асса нивзсанам̣ аг̇амааси. сиривад̣дхано бажжуг̇г̇аманам̣ гад̇ваа д̇ат̇ааг̇ад̇асса хад̇т̇ад̇о бад̇д̇ам̣ г̇ахзд̇ваа ман̣д̣абам̣ бавзсзд̇ваа бан̃н̃ад̇д̇аасанзсу нисиннасса б̣уд̣̇д̇хаббамукасса бхигкусан̇гхасса д̣̇агкин̣од̣̇агам̣ д̣̇ад̇ваа бан̣ийд̇зна бхож̇анзна баривисид̇ваа бхад̇д̇агижжабарияосаанз б̣уд̣̇д̇хаббамукам̣ бхигкусан̇гхам̣ махаарахзхи вад̇т̇зхи ажчаад̣̇зд̇ваа, ‘‘бханд̇з, нааяам̣ аарамбхо аббамад̇д̇агадтаанад̇т̇ааяа, иминаава нияаамзна сад̇д̇аахам̣ анугамбам̣ гарот̇аа’’д̇и ааха. сад̇т̇аа ад̇хиваасзси. со д̇знзва нияаамзна сад̇д̇аахам̣ махаад̣̇аанам̣ бавад̇д̇зд̇ваа бхаг̇аванд̇ам̣ ванд̣̇ид̇ваа ан̃ж̇алим̣ баг̇г̇ахзд̇ваа тид̇о ааха – ‘‘бханд̇з, мама сахааяо сарад̣̇ад̇аабасо яасса сад̇т̇у аг̇г̇асааваго хомийд̇и бад̇т̇зси, ахамби д̇ассзва д̣̇уд̇ияасааваго бхаваамий’’д̇и.

    Sirivaḍḍhano saradatāpasassa vacanaṃ sutvā attano nivesanadvāre rājamānena aṭṭhakarīsamattaṃ ṭhānaṃ samatalaṃ kāretvā vālukaṃ okirāpetvā lājapañcamāni pupphāni vikiritvā nīluppalacchadanaṃ maṇḍapaṃ kāretvā buddhāsanaṃ paññāpetvā sesabhikkhūnampi āsanāni paṭiyādāpetvā mahantaṃ sakkārasammānaṃ sajjetvā buddhānaṃ nimantanatthāya saradatāpasassa saññaṃ adāsi. Tāpaso tassa vacanaṃ sutvā buddhappamukhaṃ bhikkhusaṅghaṃ gahetvā tassa nivesanaṃ agamāsi. Sirivaḍḍhano paccuggamanaṃ katvā tathāgatassa hatthato pattaṃ gahetvā maṇḍapaṃ pavesetvā paññattāsanesu nisinnassa buddhappamukhassa bhikkhusaṅghassa dakkhiṇodakaṃ datvā paṇītena bhojanena parivisitvā bhattakiccapariyosāne buddhappamukhaṃ bhikkhusaṅghaṃ mahārahehi vatthehi acchādetvā, ‘‘bhante, nāyaṃ ārambho appamattakaṭṭhānatthāya, imināva niyāmena sattāhaṃ anukampaṃ karothā’’ti āha. Satthā adhivāsesi. So teneva niyāmena sattāhaṃ mahādānaṃ pavattetvā bhagavantaṃ vanditvā añjaliṃ paggahetvā ṭhito āha – ‘‘bhante, mama sahāyo saradatāpaso yassa satthu aggasāvako homīti patthesi, ahampi tasseva dutiyasāvako bhavāmī’’ti.

    сад̇т̇аа анааг̇ад̇ам̣ ологзд̇ваа д̇асса бад̇т̇анааяа самиж̇жханабхаавам̣ д̣̇исваа б̣яаагааси – ‘‘д̇вам̣ ид̇о габбасад̇асахассаад̇хигам̣ асан̇кязяяам̣ ад̇иггамид̇ваа г̇од̇амаб̣уд̣̇д̇хасса д̣̇уд̇ияасааваго бхависсасий’’д̇и. б̣уд̣̇д̇хаанам̣ б̣яаагаран̣ам̣ суд̇ваа сиривад̣дхано хадтабахадто ахоси. сад̇т̇ааби бхад̇д̇аанумод̣̇анам̣ гад̇ваа сабаривааро вихаарамзва г̇ад̇о. сиривад̣дхано д̇ад̇о бадтааяа яааваж̇ийвам̣ галяаан̣агаммам̣ гад̇ваа д̣̇уд̇ияад̇д̇аваарз гаамааважарад̣̇звалогз ниб̣б̣ад̇д̇о. сарад̣̇ад̇аабасо жад̇д̇ааро б̣рахмавихаарз бхаавзд̇ваа б̣рахмалогз ниб̣б̣ад̇д̇о.

    Satthā anāgataṃ oloketvā tassa patthanāya samijjhanabhāvaṃ disvā byākāsi – ‘‘tvaṃ ito kappasatasahassādhikaṃ asaṅkhyeyyaṃ atikkamitvā gotamabuddhassa dutiyasāvako bhavissasī’’ti. Buddhānaṃ byākaraṇaṃ sutvā sirivaḍḍhano haṭṭhapahaṭṭho ahosi. Satthāpi bhattānumodanaṃ katvā saparivāro vihārameva gato. Sirivaḍḍhano tato paṭṭhāya yāvajīvaṃ kalyāṇakammaṃ katvā dutiyattavāre kāmāvacaradevaloke nibbatto. Saradatāpaso cattāro brahmavihāre bhāvetvā brahmaloke nibbatto.

    д̇ад̇о бадтааяа имзсам̣ убхиннамби анд̇араагаммам̣ на гат̇ид̇ам̣. амхаагам̣ бана б̣уд̣̇д̇хасса ниб̣б̣ад̇д̇ид̇о бурзд̇арамзва сарад̣̇ад̇аабасо рааж̇аг̇аханаг̇арасса авид̣̇уурз убад̇иссаг̇аамз саариб̣раахман̣ияаа гужчисмим̣ бадисанд̇хим̣ г̇ан̣хи. д̇ам̣д̣̇ивасамзва жасса сахааяоби рааж̇аг̇ахассзва авид̣̇уурз голид̇аг̇аамз мог̇г̇аллиб̣раахман̣ияаа гужчияам̣ бадисанд̇хим̣ г̇ан̣хи. д̇аани гира д̣̇взби гулаани яаава сад̇д̇амаа гулабариваддаа ааб̣ад̣̇д̇хабадиб̣ад̣̇д̇хасахааяагаанзва. д̇зсам̣ д̣̇виннамби згад̣̇ивасамзва г̇аб̣бхабарихаарам̣ ад̣̇ам̣су. д̣̇асамаасажжаязна ж̇аад̇аанамби д̇зсам̣ часадти д̇хаад̇ияо убадтахим̣су. наамаг̇г̇ахан̣ад̣̇ивасз саариб̣раахман̣ияаа буд̇д̇асса убад̇иссаг̇аамз ж̇здтагуласса буд̇д̇ад̇д̇аа убад̇иссод̇и наамам̣ агам̣су, ид̇арасса голид̇аг̇аамз ж̇здтагуласса буд̇д̇ад̇д̇аа голид̇од̇и наамам̣ агам̣су. д̇з убхоби вуд̣̇д̇химанвааяа саб̣б̣асиббаанам̣ баарам̣ аг̇амам̣су.

    Tato paṭṭhāya imesaṃ ubhinnampi antarākammaṃ na kathitaṃ. Amhākaṃ pana buddhassa nibbattito puretarameva saradatāpaso rājagahanagarassa avidūre upatissagāme sāribrāhmaṇiyā kucchismiṃ paṭisandhiṃ gaṇhi. Taṃdivasameva cassa sahāyopi rājagahasseva avidūre kolitagāme moggallibrāhmaṇiyā kucchiyaṃ paṭisandhiṃ gaṇhi. Tāni kira dvepi kulāni yāva sattamā kulaparivaṭṭā ābaddhapaṭibaddhasahāyakāneva. Tesaṃ dvinnampi ekadivasameva gabbhaparihāraṃ adaṃsu. Dasamāsaccayena jātānampi tesaṃ chasaṭṭhi dhātiyo upaṭṭhahiṃsu. Nāmaggahaṇadivase sāribrāhmaṇiyā puttassa upatissagāme jeṭṭhakulassa puttattā upatissoti nāmaṃ akaṃsu, itarassa kolitagāme jeṭṭhakulassa puttattā kolitoti nāmaṃ akaṃsu. Te ubhopi vuddhimanvāya sabbasippānaṃ pāraṃ agamaṃsu.

    убад̇иссамаан̣авасса гийл̣анад̇т̇ааяа над̣̇им̣ ваа уяяаанам̣ ваа баб̣б̣ад̇ам̣ ваа г̇аманагаалз бан̃жа суван̣н̣асивигаасад̇аани бариваараа хонд̇и, голид̇амаан̣авасса бан̃жа ааж̇ан̃н̃арат̇асад̇аани. д̣̇взби ж̇анаа бан̃жабан̃жамаан̣авагасад̇абариваараа хонд̇и. рааж̇аг̇ахз жа анусам̣важчарам̣ г̇ираг̇г̇асамаж̇ж̇ам̣ наама ход̇и, д̇зсам̣ д̣̇виннамби згадтаанзязва ман̃жам̣ б̣анд̇ханд̇и. д̣̇взби ж̇анаа згад̇ова нисийд̣̇ид̇ваа самаж̇ж̇ам̣ бассанд̇аа хасид̇аб̣б̣адтаанз хасанд̇и, сам̣взг̇адтаанз сам̣виж̇ж̇анд̇и, д̣̇ааяам̣ д̣̇аад̇ум̣ яуд̇д̇адтаанз д̣̇ааяам̣ д̣̇знд̇и. д̇зсам̣ иминаава нияаамзна згад̣̇ивасам̣ самаж̇ж̇ам̣ бассанд̇аанам̣ барибаагаг̇ад̇ад̇д̇аа н̃аан̣асса буримад̣̇ивасзсу вияа хасид̇аб̣б̣адтаанз хаасо ваа сам̣взг̇адтаанз сам̣взж̇анам̣ ваа д̣̇ааяам̣ д̣̇аад̇ум̣ яуд̇д̇адтаанз д̣̇ааяад̣̇аанам̣ ваа наахоси. д̣̇взби бана ж̇анаа звам̣ жинд̇аяим̣су – ‘‘гим̣ зд̇т̇а ологзд̇аб̣б̣ам̣ ад̇т̇и, саб̣б̣збимз аббад̇д̇з вассасад̇з абан̣н̣ад̇д̇игабхаавам̣ г̇амиссанд̇и. амхзхи бана згам̣ могкад̇хаммам̣ г̇авзсид̇ум̣ ваддад̇ий’’д̇и аарамман̣ам̣ г̇ахзд̇ваа нисийд̣̇им̣су.

    Upatissamāṇavassa kīḷanatthāya nadiṃ vā uyyānaṃ vā pabbataṃ vā gamanakāle pañca suvaṇṇasivikāsatāni parivārā honti, kolitamāṇavassa pañca ājaññarathasatāni. Dvepi janā pañcapañcamāṇavakasataparivārā honti. Rājagahe ca anusaṃvaccharaṃ giraggasamajjaṃ nāma hoti, tesaṃ dvinnampi ekaṭṭhāneyeva mañcaṃ bandhanti. Dvepi janā ekatova nisīditvā samajjaṃ passantā hasitabbaṭṭhāne hasanti, saṃvegaṭṭhāne saṃvijjanti, dāyaṃ dātuṃ yuttaṭṭhāne dāyaṃ denti. Tesaṃ imināva niyāmena ekadivasaṃ samajjaṃ passantānaṃ paripākagatattā ñāṇassa purimadivasesu viya hasitabbaṭṭhāne hāso vā saṃvegaṭṭhāne saṃvejanaṃ vā dāyaṃ dātuṃ yuttaṭṭhāne dāyadānaṃ vā nāhosi. Dvepi pana janā evaṃ cintayiṃsu – ‘‘kiṃ ettha oloketabbaṃ atthi, sabbepime appatte vassasate apaṇṇattikabhāvaṃ gamissanti. Amhehi pana ekaṃ mokkhadhammaṃ gavesituṃ vaṭṭatī’’ti ārammaṇaṃ gahetvā nisīdiṃsu.

    д̇ад̇о голид̇о убад̇иссам̣ ааха – ‘‘самма убад̇исса, на д̇вам̣ ан̃н̃асу д̣̇ивасзсу вияа хадтабахадто, анад̇д̇аманад̇хаад̇угоси, гим̣ д̇з саллагкид̇а’’нд̇и? самма голид̇а, ‘‘зд̇зсам̣ ологанз сааро над̇т̇и, нирад̇т̇агамзд̇ам̣, ад̇д̇ано могкад̇хаммам̣ г̇авзсид̇ум̣ ваддад̇ий’’д̇и ид̣̇ам̣ жинд̇аяанд̇о нисинномхийд̇и, д̇вам̣ бана гасмаа анад̇д̇аманосийд̇и? соби д̇ат̇зва ааха. ат̇асса ад̇д̇анаа сад̣̇д̇хим̣ згаж̇жхаасаяад̇ам̣ н̃ад̇ваа убад̇иссо д̇ам̣ звамааха – ‘‘амхаагам̣ убхиннамби сужинд̇ид̇ам̣, могкад̇хаммам̣ г̇авзсанд̇зхи бана згаа баб̣б̣аж̇ж̇аа лад̣̇д̇хум̣ ваддад̇и, гасса санд̇игз баб̣б̣аж̇аамаа’’д̇и.

    Tato kolito upatissaṃ āha – ‘‘samma upatissa, na tvaṃ aññasu divasesu viya haṭṭhapahaṭṭho, anattamanadhātukosi, kiṃ te sallakkhita’’nti? Samma kolita, ‘‘etesaṃ olokane sāro natthi, niratthakametaṃ, attano mokkhadhammaṃ gavesituṃ vaṭṭatī’’ti idaṃ cintayanto nisinnomhīti, tvaṃ pana kasmā anattamanosīti? Sopi tatheva āha. Athassa attanā saddhiṃ ekajjhāsayataṃ ñatvā upatisso taṃ evamāha – ‘‘amhākaṃ ubhinnampi sucintitaṃ, mokkhadhammaṃ gavesantehi pana ekā pabbajjā laddhuṃ vaṭṭati, kassa santike pabbajāmā’’ti.

    д̇зна ко бана самаязна сан̃жаяо бариб̣б̣ааж̇аго рааж̇аг̇ахз бадивасад̇и махад̇ияаа бариб̣б̣ааж̇агабарисааяа сад̣̇д̇хим̣. д̇з ‘‘д̇асса санд̇игз баб̣б̣аж̇иссаамаа’’д̇и бан̃жахи маан̣авагасад̇зхи сад̣̇д̇хим̣ сан̃жаяасса санд̇игз баб̣б̣аж̇им̣су. д̇зсам̣ баб̣б̣аж̇ид̇агаалад̇о бадтааяа сан̃жаяо ад̇ирзгалаабхаг̇г̇аяасаг̇г̇аббад̇д̇о ахоси. д̇з гад̇ибаахзнзва саб̣б̣ам̣ сан̃жаяасса самаяам̣ бариг̇г̇ан̣хид̇ваа, ‘‘аажарияа, д̇умхаагам̣ ж̇аананасамаяо зд̇д̇агова, уд̣̇ааху уд̇д̇ариби ад̇т̇ий’’д̇и бужчим̣су. сан̃жаяо ‘‘зд̇д̇агова, саб̣б̣ам̣ д̇умхзхи н̃аад̇а’’нд̇и ааха. д̇з д̇асса гат̇ам̣ суд̇ваа жинд̇аяим̣су – ‘‘звам̣ сад̇и имасса санд̇игз б̣рахмажарияаваасо нирад̇т̇аго, маяам̣ могкад̇хаммам̣ г̇авзсид̇ум̣ нигканд̇аа, со имасса санд̇игз уббаад̣̇зд̇ум̣ на саггаа. махаа ко бана ж̇амб̣уд̣̇ийбо, г̇ааманиг̇амарааж̇ад̇хаанияо жаранд̇аа маяам̣ авассам̣ могкад̇хаммад̣̇зсагам̣ згам̣ аажарияам̣ лабхиссаамаа’’д̇и. д̇з д̇ад̇о бадтааяа яад̇т̇а яад̇т̇а бан̣д̣ид̇аа саман̣аб̣раахман̣аа ад̇т̇ийд̇и сун̣анд̇и, д̇ад̇т̇а д̇ад̇т̇а г̇анд̇ваа бан̃хасаагажчам̣ гаронд̇и. д̇зхи будтам̣ бан̃хам̣ ан̃н̃з гат̇зд̇ум̣ самад̇т̇аа над̇т̇и, д̇з бана д̇зсам̣ бан̃хам̣ виссаж̇ж̇знд̇и. звам̣ сагалаж̇амб̣уд̣̇ийбам̣ бариг̇г̇ан̣хид̇ваа нивад̇д̇ид̇ваа сагадтаанамзва ааг̇анд̇ваа, ‘‘самма голид̇а, яо батамам̣ амад̇ам̣ ад̇хиг̇ажчад̇и, со аарожзд̇уу’’д̇и гад̇игам̣ агам̣су.

    Tena kho pana samayena sañcayo paribbājako rājagahe paṭivasati mahatiyā paribbājakaparisāya saddhiṃ. Te ‘‘tassa santike pabbajissāmā’’ti pañcahi māṇavakasatehi saddhiṃ sañcayassa santike pabbajiṃsu. Tesaṃ pabbajitakālato paṭṭhāya sañcayo atirekalābhaggayasaggappatto ahosi. Te katipāheneva sabbaṃ sañcayassa samayaṃ pariggaṇhitvā, ‘‘ācariya, tumhākaṃ jānanasamayo ettakova, udāhu uttaripi atthī’’ti pucchiṃsu. Sañcayo ‘‘ettakova, sabbaṃ tumhehi ñāta’’nti āha. Te tassa kathaṃ sutvā cintayiṃsu – ‘‘evaṃ sati imassa santike brahmacariyavāso niratthako, mayaṃ mokkhadhammaṃ gavesituṃ nikkhantā, so imassa santike uppādetuṃ na sakkā. Mahā kho pana jambudīpo, gāmanigamarājadhāniyo carantā mayaṃ avassaṃ mokkhadhammadesakaṃ ekaṃ ācariyaṃ labhissāmā’’ti. Te tato paṭṭhāya yattha yattha paṇḍitā samaṇabrāhmaṇā atthīti suṇanti, tattha tattha gantvā pañhasākacchaṃ karonti. Tehi puṭṭhaṃ pañhaṃ aññe kathetuṃ samatthā natthi, te pana tesaṃ pañhaṃ vissajjenti. Evaṃ sakalajambudīpaṃ pariggaṇhitvā nivattitvā sakaṭṭhānameva āgantvā, ‘‘samma kolita, yo paṭhamaṃ amataṃ adhigacchati, so ārocetū’’ti katikaṃ akaṃsu.

    д̇зна самаязна амхаагам̣ сад̇т̇аа батамаабхисамб̣од̇хим̣ бад̇ваа бавад̇д̇ид̇аварад̇хаммажагго анубуб̣б̣зна рааж̇аг̇ахам̣ самбад̇д̇о ход̇и. ат̇а ‘‘згасадти араханд̇о логз уббаннаа хонд̇ий’’д̇и вуд̇д̇агаалз ‘‘жарат̇а, бхигкавз, жааригам̣ б̣ахуж̇анахид̇ааяаа’’д̇и рад̇анад̇д̇аяаг̇ун̣аббагаасанад̇т̇ам̣ уяяож̇ид̇аанам̣ бхигкуунам̣ анд̇арз бан̃жаваг̇г̇ияаб̣бханд̇аро ассаж̇ид̇т̇зро бадинивад̇д̇ид̇ваа рааж̇аг̇ахамзва ааг̇ад̇о. бунад̣̇ивасз баад̇ова бад̇д̇ажийварам̣ аад̣̇ааяа рааж̇аг̇ахам̣ бин̣д̣ааяа баависи.

    Tena samayena amhākaṃ satthā paṭhamābhisambodhiṃ patvā pavattitavaradhammacakko anupubbena rājagahaṃ sampatto hoti. Atha ‘‘ekasaṭṭhi arahanto loke uppannā hontī’’ti vuttakāle ‘‘caratha, bhikkhave, cārikaṃ bahujanahitāyā’’ti ratanattayaguṇappakāsanatthaṃ uyyojitānaṃ bhikkhūnaṃ antare pañcavaggiyabbhantaro assajitthero paṭinivattitvā rājagahameva āgato. Punadivase pātova pattacīvaraṃ ādāya rājagahaṃ piṇḍāya pāvisi.

    д̇асмим̣ самаяз убад̇иссабариб̣б̣ааж̇аго баад̇ова бхад̇д̇агижжам̣ гад̇ваа бариб̣б̣ааж̇агаараамам̣ г̇ажчанд̇о т̇зрам̣ д̣̇исваа жинд̇зси – ‘‘маяаа зваруубо баб̣б̣аж̇ид̇о наама на д̣̇идтабуб̣б̣о. яз вад̇а логз араханд̇о ваа арахад̇д̇амаг̇г̇ам̣ ваа самаабаннаа, аяам̣ д̇зсам̣ бхигкуунам̣ ан̃н̃ад̇аро, яам̣нуунаахам̣ имам̣ бхигкум̣ убасан̇гамид̇ваа бан̃хам̣ бужчзяяам̣ – ‘гам̣си д̇вам̣, аавусо уд̣̇д̣̇исса, баб̣б̣аж̇ид̇о, го ваа д̇з сад̇т̇аа, гасса ваа д̇вам̣ д̇хаммам̣ рожзсий’’’д̇и. ат̇асса зд̇ад̣̇ахоси – ‘‘агаало ко имам̣ бхигкум̣ бан̃хам̣ бужчид̇ум̣, анд̇арагхарам̣ бавидто бин̣д̣ааяа жарад̇и, яам̣нуунаахам̣ имам̣ бхигкум̣ бидтид̇о бидтид̇о ануб̣анд̇хзяяам̣ ад̇т̇игзхи убан̃н̃аад̇ам̣ маг̇г̇а’’нд̇и. со т̇зрам̣ лад̣̇д̇хабин̣д̣абаад̇ам̣ ан̃н̃ад̇арам̣ огаасам̣ г̇ажчанд̇ам̣ д̣̇исваа нисийд̣̇ид̇угаамад̇ан̃жасса н̃ад̇ваа ад̇д̇ано бариб̣б̣ааж̇агабийтагам̣ бан̃н̃аабзд̇ваа ад̣̇ааси. бхад̇д̇агижжабарияосаанзбисса ад̇д̇ано гун̣д̣игааяа уд̣̇агам̣ ад̣̇ааси.

    Tasmiṃ samaye upatissaparibbājako pātova bhattakiccaṃ katvā paribbājakārāmaṃ gacchanto theraṃ disvā cintesi – ‘‘mayā evarūpo pabbajito nāma na diṭṭhapubbo. Ye vata loke arahanto vā arahattamaggaṃ vā samāpannā, ayaṃ tesaṃ bhikkhūnaṃ aññataro, yaṃnūnāhaṃ imaṃ bhikkhuṃ upasaṅkamitvā pañhaṃ puccheyyaṃ – ‘kaṃsi tvaṃ, āvuso uddissa, pabbajito, ko vā te satthā, kassa vā tvaṃ dhammaṃ rocesī’’’ti. Athassa etadahosi – ‘‘akālo kho imaṃ bhikkhuṃ pañhaṃ pucchituṃ, antaragharaṃ paviṭṭho piṇḍāya carati, yaṃnūnāhaṃ imaṃ bhikkhuṃ piṭṭhito piṭṭhito anubandheyyaṃ atthikehi upaññātaṃ magga’’nti. So theraṃ laddhapiṇḍapātaṃ aññataraṃ okāsaṃ gacchantaṃ disvā nisīditukāmatañcassa ñatvā attano paribbājakapīṭhakaṃ paññāpetvā adāsi. Bhattakiccapariyosānepissa attano kuṇḍikāya udakaṃ adāsi.

    звам̣ аажарияавад̇д̇ам̣ гад̇ваа гад̇абхад̇д̇агижжзна т̇зрзна сад̣̇д̇хим̣ мад̇хурабадисант̇аарам̣ гад̇ваа ‘‘виббасаннаани ко д̇з, аавусо, инд̣̇рияаани, барисуд̣̇д̇хо чавиван̣н̣о барияод̣̇аад̇о, гам̣си д̇вам̣, аавусо уд̣̇д̣̇исса, баб̣б̣аж̇ид̇о, го ваа д̇з сад̇т̇аа, гасса ваа д̇вам̣ д̇хаммам̣ рожзсий’’д̇и бужчи. т̇зро ‘‘ад̇т̇аавусо, махаасаман̣о сагяабуд̇д̇о сагяагулаа баб̣б̣аж̇ид̇о, д̇аахам̣ бхаг̇аванд̇ам̣ уд̣̇д̣̇исса баб̣б̣аж̇ид̇о, со жа мз бхаг̇аваа сад̇т̇аа, д̇ассзваахам̣ бхаг̇авад̇о д̇хаммам̣ рожзмий’’д̇и ааха. ат̇а нам̣ ‘‘гим̣ваад̣̇ий банааяасмад̇о сад̇т̇аа, гимагкааяий’’д̇и бужчи. т̇зро жинд̇зси – ‘‘имз бариб̣б̣ааж̇агаа наама саасанасса бадибагкабхууд̇аа, имасса саасанасса г̇амбхийрад̇ам̣ д̣̇ассзссаамий’’д̇и. ад̇д̇ано навагабхаавам̣ д̣̇ассзнд̇о ааха – ‘‘ахам̣ ко, аавусо, наво ажирабаб̣б̣аж̇ид̇о, ад̇хунааг̇ад̇о имам̣ д̇хаммавинаяам̣, на д̇ааваахам̣ саггоми вид̇т̇аарзна д̇хаммам̣ д̣̇зсзд̇у’’нд̇и. бариб̣б̣ааж̇аго ‘‘ахам̣ убад̇иссо наама, д̇вам̣ яат̇аасад̇д̇ияаа аббам̣ ваа б̣ахум̣ ваа вад̣̇а, зд̇ам̣ наяасад̇зна наяасахассзна бадивиж̇жхид̇ум̣ маяхам̣ бхааро’’д̇и жинд̇зд̇ваа ааха –

    Evaṃ ācariyavattaṃ katvā katabhattakiccena therena saddhiṃ madhurapaṭisanthāraṃ katvā ‘‘vippasannāni kho te, āvuso, indriyāni, parisuddho chavivaṇṇo pariyodāto, kaṃsi tvaṃ, āvuso uddissa, pabbajito, ko vā te satthā, kassa vā tvaṃ dhammaṃ rocesī’’ti pucchi. Thero ‘‘atthāvuso, mahāsamaṇo sakyaputto sakyakulā pabbajito, tāhaṃ bhagavantaṃ uddissa pabbajito, so ca me bhagavā satthā, tassevāhaṃ bhagavato dhammaṃ rocemī’’ti āha. Atha naṃ ‘‘kiṃvādī panāyasmato satthā, kimakkhāyī’’ti pucchi. Thero cintesi – ‘‘ime paribbājakā nāma sāsanassa paṭipakkhabhūtā, imassa sāsanassa gambhīrataṃ dassessāmī’’ti. Attano navakabhāvaṃ dassento āha – ‘‘ahaṃ kho, āvuso, navo acirapabbajito, adhunāgato imaṃ dhammavinayaṃ, na tāvāhaṃ sakkomi vitthārena dhammaṃ desetu’’nti. Paribbājako ‘‘ahaṃ upatisso nāma, tvaṃ yathāsattiyā appaṃ vā bahuṃ vā vada, etaṃ nayasatena nayasahassena paṭivijjhituṃ mayhaṃ bhāro’’ti cintetvā āha –

    ‘‘аббам̣ ваа б̣ахум̣ ваа бхаасассу, ад̇т̇ам̣язва мз б̣руухи;

    ‘‘Appaṃ vā bahuṃ vā bhāsassu, atthaṃyeva me brūhi;

    ад̇т̇знзва мз ад̇т̇о, гим̣ гаахаси б̣яан̃ж̇анам̣ б̣аху’’нд̇и. (махаава. 60);

    Attheneva me attho, kiṃ kāhasi byañjanaṃ bahu’’nti. (mahāva. 60);

    звам̣ вуд̇д̇з т̇зро ‘‘яз д̇хаммаа хзд̇уббабхаваа’’д̇и (махаава. 60; аба. т̇зра. 1.1.286) г̇аат̇ам̣ ааха. бариб̣б̣ааж̇аго батамабад̣̇ад̣̇ваяамзва суд̇ваа сахассанаяасамбаннз сод̇аабад̇д̇имаг̇г̇з бад̇идтахи. ид̇арам̣ бад̣̇ад̣̇ваяам̣ сод̇аабаннагаалз нидтааси.

    Evaṃ vutte thero ‘‘ye dhammā hetuppabhavā’’ti (mahāva. 60; apa. thera. 1.1.286) gāthaṃ āha. Paribbājako paṭhamapadadvayameva sutvā sahassanayasampanne sotāpattimagge patiṭṭhahi. Itaraṃ padadvayaṃ sotāpannakāle niṭṭhāsi.

    со сод̇аабанно худ̇ваа убаривисзсз аббавад̇д̇анд̇з ‘‘бхависсад̇и зд̇т̇а гааран̣а’’нд̇и саллагкзд̇ваа т̇зрам̣ ааха – ‘‘бханд̇з, маа убари д̇хаммад̣̇зсанам̣ вад̣дхаяид̇т̇а, зд̇д̇агамзва ход̇у, гахам̣ амхаагам̣ сад̇т̇аа васад̇ий’’д̇и? взл̣уванз бариб̣б̣ааж̇агаад̇и. бханд̇з, д̇умхз бурад̇о яаат̇а, маяхам̣ зго сахааяаго ад̇т̇и. амхзхи жа ан̃н̃аман̃н̃ам̣ гад̇игаа гад̇аа ‘‘яо батамам̣ амад̇ам̣ ад̇хиг̇ажчад̇и, со аарожзд̇уу’’д̇и. ахам̣ д̇ам̣ бадин̃н̃ам̣ можзд̇ваа сахааяагам̣ г̇ахзд̇ваа д̇умхаагам̣ г̇ад̇амаг̇г̇знзва сад̇т̇у санд̇игам̣ ааг̇амиссаамийд̇и бан̃жабад̇идтид̇зна т̇зрасса баад̣̇зсу нибад̇ид̇ваа д̇игкад̇д̇ум̣ бад̣̇агкин̣ам̣ гад̇ваа т̇зрам̣ уяяож̇зд̇ваа бариб̣б̣ааж̇агаараамаабхимуко аг̇амааси.

    So sotāpanno hutvā uparivisese appavattante ‘‘bhavissati ettha kāraṇa’’nti sallakkhetvā theraṃ āha – ‘‘bhante, mā upari dhammadesanaṃ vaḍḍhayittha, ettakameva hotu, kahaṃ amhākaṃ satthā vasatī’’ti? Veḷuvane paribbājakāti. Bhante, tumhe purato yātha, mayhaṃ eko sahāyako atthi. Amhehi ca aññamaññaṃ katikā katā ‘‘yo paṭhamaṃ amataṃ adhigacchati, so ārocetū’’ti. Ahaṃ taṃ paṭiññaṃ mocetvā sahāyakaṃ gahetvā tumhākaṃ gatamaggeneva satthu santikaṃ āgamissāmīti pañcapatiṭṭhitena therassa pādesu nipatitvā tikkhattuṃ padakkhiṇaṃ katvā theraṃ uyyojetvā paribbājakārāmābhimukho agamāsi.

    голид̇абариб̣б̣ааж̇аго д̇ам̣ д̣̇уурад̇ова ааг̇ажчанд̇ам̣ д̣̇исваа ‘‘аж̇ж̇а маяхам̣ сахааяагасса мукаван̣н̣о на ан̃н̃зсу д̣̇ивасзсу вияа, ад̣̇д̇хаа д̇зна амад̇ам̣ ад̇хиг̇ад̇ам̣ бхависсад̇ий’’д̇и амад̇аад̇хиг̇амам̣ бужчи. собисса ‘‘аама аавусо, амад̇ам̣ ад̇хиг̇ад̇а’’нд̇и бадиж̇аанид̇ваа д̇амзва г̇аат̇ам̣ абхааси. г̇аат̇аабарияосаанз голид̇о сод̇аабад̇д̇ипалз бад̇идтахид̇ваа ааха – ‘‘гахам̣ гира, самма, сад̇т̇аа васад̇ий’’д̇и? ‘‘взл̣уванз гира, самма, васад̇ий’’д̇и звам̣ но аажариязна ассаж̇ид̇т̇зрзна гат̇ид̇анд̇и. д̇зна хи самма ааяаама, сад̇т̇аарам̣ бассиссаамаад̇и. саарибуд̇д̇ад̇т̇зро жа наамзса сад̣̇ааби аажарияабууж̇агова, д̇асмаа сахааяам̣ голид̇амаан̣авам̣ звамааха – ‘‘самма, амхзхи ад̇хиг̇ад̇ам̣ амад̇ам̣ амхаагам̣ аажарияасса сан̃жаяабариб̣б̣ааж̇агассааби гат̇зссаама. б̣уж̇жхамаано бадивиж̇жхиссад̇и, аббадивиж̇жханд̇о амхаагам̣ сад̣̇д̣̇ахид̇ваа сад̇т̇у санд̇игам̣ г̇амиссад̇и, б̣уд̣̇д̇хаанам̣ д̣̇зсанам̣ суд̇ваа маг̇г̇апалабадивзд̇хам̣ гариссад̇ий’’д̇и.

    Kolitaparibbājako taṃ dūratova āgacchantaṃ disvā ‘‘ajja mayhaṃ sahāyakassa mukhavaṇṇo na aññesu divasesu viya, addhā tena amataṃ adhigataṃ bhavissatī’’ti amatādhigamaṃ pucchi. Sopissa ‘‘āma āvuso, amataṃ adhigata’’nti paṭijānitvā tameva gāthaṃ abhāsi. Gāthāpariyosāne kolito sotāpattiphale patiṭṭhahitvā āha – ‘‘kahaṃ kira, samma, satthā vasatī’’ti? ‘‘Veḷuvane kira, samma, vasatī’’ti evaṃ no ācariyena assajittherena kathitanti. Tena hi samma āyāma, satthāraṃ passissāmāti. Sāriputtatthero ca nāmesa sadāpi ācariyapūjakova, tasmā sahāyaṃ kolitamāṇavaṃ evamāha – ‘‘samma, amhehi adhigataṃ amataṃ amhākaṃ ācariyassa sañcayaparibbājakassāpi kathessāma. Bujjhamāno paṭivijjhissati, appaṭivijjhanto amhākaṃ saddahitvā satthu santikaṃ gamissati, buddhānaṃ desanaṃ sutvā maggaphalapaṭivedhaṃ karissatī’’ti.

    д̇ад̇о д̣̇взби ж̇анаа сан̃жаяасса санд̇игам̣ г̇анд̇ваа, ‘‘аажарияа, д̇вам̣ гим̣ гароси, б̣уд̣̇д̇хо логз уббанно, сваагкаад̇о д̇хаммо, суббадибанно сан̇гхо. ааяаама, д̣̇асаб̣алам̣ бассиссаамаа’’д̇и. со ‘‘гим̣ вад̣̇зт̇а, д̇аад̇аа’’д̇и д̇зби ваарзд̇ваа лаабхаг̇г̇аяасаг̇г̇аббад̇д̇имзва д̇зсам̣ д̣̇ийбзси. д̇з ‘‘амхаагам̣ зваруубо анд̇зваасигаваасо нижжамзва ход̇у, д̇умхаагам̣ бана г̇аманам̣ ваа аг̇аманам̣ ваа ж̇аанаат̇аа’’д̇и аахам̣су. сан̃жаяо ‘‘имз зд̇д̇агам̣ ж̇аананд̇аа мама важанам̣ на гариссанд̇ий’’д̇и н̃ад̇ваа ‘‘г̇ажчат̇а д̇умхз, д̇аад̇аа, ахам̣ махаллагагаалз анд̇зваасигаваасам̣ васид̇ум̣ на саггомий’’д̇и ааха. д̇з анзгзхиби гааран̣зхи д̇ам̣ б̣од̇хзд̇ум̣ асаггонд̇аа ад̇д̇ано оваад̣̇з вад̇д̇амаанам̣ ж̇анам̣ аад̣̇ааяа взл̣уванам̣ аг̇амам̣су. ат̇а д̇зсам̣ бан̃жасу анд̇зваасигасад̇зсу ад̣дхад̇зяяасад̇аа нивад̇д̇им̣су, ад̣дхад̇зяяасад̇аа д̇зхи сад̣̇д̇хим̣ аг̇амам̣су.

    Tato dvepi janā sañcayassa santikaṃ gantvā, ‘‘ācariya, tvaṃ kiṃ karosi, buddho loke uppanno, svākkhāto dhammo, suppaṭipanno saṅgho. Āyāma, dasabalaṃ passissāmā’’ti. So ‘‘kiṃ vadetha, tātā’’ti tepi vāretvā lābhaggayasaggappattimeva tesaṃ dīpesi. Te ‘‘amhākaṃ evarūpo antevāsikavāso niccameva hotu, tumhākaṃ pana gamanaṃ vā agamanaṃ vā jānāthā’’ti āhaṃsu. Sañcayo ‘‘ime ettakaṃ jānantā mama vacanaṃ na karissantī’’ti ñatvā ‘‘gacchatha tumhe, tātā, ahaṃ mahallakakāle antevāsikavāsaṃ vasituṃ na sakkomī’’ti āha. Te anekehipi kāraṇehi taṃ bodhetuṃ asakkontā attano ovāde vattamānaṃ janaṃ ādāya veḷuvanaṃ agamaṃsu. Atha tesaṃ pañcasu antevāsikasatesu aḍḍhateyyasatā nivattiṃsu, aḍḍhateyyasatā tehi saddhiṃ agamaṃsu.

    сад̇т̇аа жад̇убарисамаж̇жхз д̇хаммам̣ д̣̇зсзнд̇о д̇з д̣̇уурад̇ова д̣̇исваа бхигкуу ааманд̇зси – ‘‘зд̇з, бхигкавз, д̣̇вз сахааяаа ааг̇ажчанд̇и голид̇о жа убад̇иссо жа, зд̇ам̣ мз саавагаяуг̇ам̣ бхависсад̇и аг̇г̇ам̣ бхад̣̇д̣̇аяуг̇а’’нд̇и. ат̇а д̇зсам̣ барисааяа жарияавасзна д̇хаммад̣̇зсанам̣ вад̣дхзси. табзд̇ваа д̣̇вз аг̇г̇асаавагз саб̣б̣зби д̇з ад̣дхад̇зяяасад̇аа бариб̣б̣ааж̇агаа арахад̇д̇ам̣ баабун̣им̣су . сад̇т̇аа ‘‘зт̇а бхигкаво’’д̇и хад̇т̇ам̣ басаарзси. саб̣б̣зсам̣ гзсамассу анд̇арад̇хааяи, ид̣̇д̇химаяам̣ бад̇д̇ажийварам̣ гааяаббадиб̣ад̣̇д̇хам̣ ахоси. д̣̇виннам̣ аг̇г̇асаавагаанамби ид̣̇д̇химаяабад̇д̇ажийварам̣ ааг̇ад̇ам̣, убаримаг̇г̇ад̇д̇аяагижжам̣ бана на нидтааси. гасмаа? саавагабаарамин̃аан̣асса маханд̇ад̇ааяа.

    Satthā catuparisamajjhe dhammaṃ desento te dūratova disvā bhikkhū āmantesi – ‘‘ete, bhikkhave, dve sahāyā āgacchanti kolito ca upatisso ca, etaṃ me sāvakayugaṃ bhavissati aggaṃ bhaddayuga’’nti. Atha tesaṃ parisāya cariyavasena dhammadesanaṃ vaḍḍhesi. Ṭhapetvā dve aggasāvake sabbepi te aḍḍhateyyasatā paribbājakā arahattaṃ pāpuṇiṃsu . Satthā ‘‘etha bhikkhavo’’ti hatthaṃ pasāresi. Sabbesaṃ kesamassu antaradhāyi, iddhimayaṃ pattacīvaraṃ kāyappaṭibaddhaṃ ahosi. Dvinnaṃ aggasāvakānampi iddhimayapattacīvaraṃ āgataṃ, uparimaggattayakiccaṃ pana na niṭṭhāsi. Kasmā? Sāvakapāramiñāṇassa mahantatāya.

    ат̇ааяасмаа махаамог̇г̇аллаано баб̣б̣аж̇ид̇ад̣̇ивасад̇о сад̇д̇амз д̣̇ивасз маг̇ад̇харадтз галлаваалаг̇аамагам̣ убаниссааяа саман̣ад̇хаммам̣ гаронд̇о т̇инамид̣̇д̇хз огганд̇з сад̇т̇аараа сам̣взж̇ид̇о т̇инамид̣̇д̇хам̣ винод̣̇зд̇ваа д̇ат̇ааг̇ад̇зна д̣̇иннам̣ д̇хаад̇угаммадтаанам̣ сун̣анд̇ова убаримаг̇г̇ад̇д̇аяагижжам̣ нидтаабзд̇ваа саавагабаарамин̃аан̣асса мад̇т̇агам̣ бад̇д̇о. саарибуд̇д̇ад̇т̇зроби баб̣б̣аж̇ид̇ад̣̇ивасад̇о ад̣̇д̇хамаасам̣ ад̇иггамид̇ваа сад̇т̇аараа сад̣̇д̇хим̣ д̇амзва рааж̇аг̇ахам̣ убаниссааяа суугаракад̇алзн̣з вихаранд̇о ад̇д̇ано бхааг̇инзяяасса д̣̇ийгханакабариб̣б̣ааж̇агасса взд̣̇анаабариг̇г̇ахасуд̇д̇анд̇з (ма. ни. 2.205-206) д̣̇зсияамаанз суд̇д̇аанусаарзна н̃аан̣ам̣ бзсзд̇ваа барасса вад̣дхид̇абхад̇д̇ам̣ бхун̃ж̇анд̇о вияа саавагабаарамин̃аан̣асса мад̇т̇агам̣ бад̇д̇о. бхааг̇инзяяо банасса д̣̇зсанаабарияосаанз сод̇аабад̇д̇ипалз бад̇идтид̇о. ид̇и д̣̇виннамби махаасаавагаанам̣ д̇ат̇ааг̇ад̇з рааж̇аг̇ахз вихаранд̇зязва саавагабаарамин̃аан̣агижжам̣ мад̇т̇агам̣ бад̇д̇ам̣. абарабхааг̇з бана сад̇т̇аа ж̇зд̇аванз вихаранд̇о ‘‘махаабан̃н̃аанам̣ яад̣̇ид̣̇ам̣ саарибуд̇д̇о, ид̣̇д̇химанд̇аанам̣ яад̣̇ид̣̇ам̣ махаамог̇г̇аллаано’’д̇и д̣̇взби махаасаавагз таананд̇арз табзсийд̇и.

    Athāyasmā mahāmoggallāno pabbajitadivasato sattame divase magadharaṭṭhe kallavālagāmakaṃ upanissāya samaṇadhammaṃ karonto thinamiddhe okkante satthārā saṃvejito thinamiddhaṃ vinodetvā tathāgatena dinnaṃ dhātukammaṭṭhānaṃ suṇantova uparimaggattayakiccaṃ niṭṭhāpetvā sāvakapāramiñāṇassa matthakaṃ patto. Sāriputtattheropi pabbajitadivasato addhamāsaṃ atikkamitvā satthārā saddhiṃ tameva rājagahaṃ upanissāya sūkarakhataleṇe viharanto attano bhāgineyyassa dīghanakhaparibbājakassa vedanāpariggahasuttante (ma. ni. 2.205-206) desiyamāne suttānusārena ñāṇaṃ pesetvā parassa vaḍḍhitabhattaṃ bhuñjanto viya sāvakapāramiñāṇassa matthakaṃ patto. Bhāgineyyo panassa desanāpariyosāne sotāpattiphale patiṭṭhito. Iti dvinnampi mahāsāvakānaṃ tathāgate rājagahe viharanteyeva sāvakapāramiñāṇakiccaṃ matthakaṃ pattaṃ. Aparabhāge pana satthā jetavane viharanto ‘‘mahāpaññānaṃ yadidaṃ sāriputto, iddhimantānaṃ yadidaṃ mahāmoggallāno’’ti dvepi mahāsāvake ṭhānantare ṭhapesīti.

    махаагассабад̇т̇зравад̇т̇у

    Mahākassapattheravatthu

    191. жад̇уд̇т̇з д̇худ̇аваад̣̇аананд̇и зд̇т̇а д̇худ̇о взд̣̇ид̇аб̣б̣о, д̇худ̇аваад̣̇о взд̣̇ид̇аб̣б̣о, д̇худ̇ад̇хаммаа взд̣̇ид̇аб̣б̣аа, д̇худ̇ан̇г̇аани взд̣̇ид̇аб̣б̣аани. д̇ад̇т̇а д̇худ̇од̇и д̇худ̇агилзсо ваа буг̇г̇ало гилзсад̇хунано ваа д̇хаммо.

    191. Catutthe dhutavādānanti ettha dhuto veditabbo, dhutavādo veditabbo, dhutadhammā veditabbā, dhutaṅgāni veditabbāni. Tattha dhutoti dhutakileso vā puggalo kilesadhunano vā dhammo.

    д̇худ̇аваад̣̇од̇и зд̇т̇а бана ад̇т̇и д̇худ̇о на д̇худ̇аваад̣̇о, ад̇т̇и на д̇худ̇о д̇худ̇аваад̣̇о, ад̇т̇и нзва д̇худ̇о на д̇худ̇аваад̣̇о, ад̇т̇и д̇худ̇о жзва д̇худ̇аваад̣̇о жа. д̇ад̇т̇а яо д̇худ̇ан̇г̇зна ад̇д̇ано гилзсз д̇хуни, барам̣ бана д̇худ̇ан̇г̇зна на овад̣̇ад̇и наанусаасад̇и б̣аагулад̇т̇зро вияа, аяам̣ д̇худ̇о на д̇худ̇аваад̣̇о. яат̇ааха – ‘‘д̇аяид̣̇ам̣ ааяасмаа б̣аагуло д̇худ̇о на д̇худ̇аваад̣̇о’’д̇и. яо бана д̇худ̇ан̇г̇зна ад̇д̇ано гилзсз на д̇хуни, гзвалам̣ ан̃н̃з д̇худ̇ан̇г̇зна овад̣̇ад̇и анусаасад̇и убананд̣̇ад̇т̇зро вияа, аяам̣ на д̇худ̇о д̇худ̇аваад̣̇о. яат̇ааха – ‘‘д̇аяид̣̇ам̣ ааяасмаа убананд̣̇о на д̇худ̇о д̇худ̇аваад̣̇о’’д̇и. яо бана убхаяавибанно лаал̣уд̣̇ааяий вияа, аяам̣ нзва д̇худ̇о на д̇худ̇аваад̣̇о. яат̇ааха – ‘‘д̇аяид̣̇ам̣ ааяасмаа лаал̣уд̣̇ааяий нзва д̇худ̇о на д̇худ̇аваад̣̇о’’д̇и. яо бана убхаяасамбанно ааяасмаа махаагассабад̇т̇зро вияа, аяам̣ д̇худ̇о жзва д̇худ̇аваад̣̇о жа. яат̇ааха – ‘‘д̇аяид̣̇ам̣ ааяасмаа махаагассабо д̇худ̇о жзва д̇худ̇аваад̣̇о жаа’’д̇и.

    Dhutavādoti ettha pana atthi dhuto na dhutavādo, atthi na dhuto dhutavādo, atthi neva dhuto na dhutavādo, atthi dhuto ceva dhutavādo ca. Tattha yo dhutaṅgena attano kilese dhuni, paraṃ pana dhutaṅgena na ovadati nānusāsati bākulatthero viya, ayaṃ dhuto na dhutavādo. Yathāha – ‘‘tayidaṃ āyasmā bākulo dhuto na dhutavādo’’ti. Yo pana dhutaṅgena attano kilese na dhuni, kevalaṃ aññe dhutaṅgena ovadati anusāsati upanandatthero viya, ayaṃ na dhuto dhutavādo. Yathāha – ‘‘tayidaṃ āyasmā upanando na dhuto dhutavādo’’ti. Yo pana ubhayavipanno lāḷudāyī viya, ayaṃ neva dhuto na dhutavādo. Yathāha – ‘‘tayidaṃ āyasmā lāḷudāyī neva dhuto na dhutavādo’’ti. Yo pana ubhayasampanno āyasmā mahākassapatthero viya, ayaṃ dhuto ceva dhutavādo ca. Yathāha – ‘‘tayidaṃ āyasmā mahākassapo dhuto ceva dhutavādo cā’’ti.

    д̇худ̇ад̇хаммаа взд̣̇ид̇аб̣б̣аад̇и аббижчад̇аа санд̇удтид̇аа саллзкад̇аа бавивзгад̇аа ид̣̇амадтигад̇аад̇и имз д̇худ̇ан̇г̇ажзд̇анааяа бариваараа бан̃жа д̇хаммаа ‘‘аббижчам̣язва ниссааяаа’’д̇иаад̣̇иважанад̇о (а. ни. 5.181; бари. 325) д̇худ̇ад̇хаммаа наама. д̇ад̇т̇а аббижчад̇аа жа санд̇удтид̇аа жа алобхо, саллзкад̇аа жа бавивзгад̇аа жа д̣̇вийсу д̇хаммзсу анубад̇анд̇и алобхз жзва амохз жа, ид̣̇амадтид̇аа н̃аан̣амзва. д̇ад̇т̇а алобхзна бадигкзбавад̇т̇уусу лобхам̣, амохзна д̇зсвзва аад̣̇ийнаваббадижчаад̣̇агам̣ мохам̣ д̇хунаад̇и. алобхзна жа анун̃н̃аад̇аанам̣ бадисзванамукзна бавад̇д̇ам̣ гаамасукаллигаануяог̇ам̣, амохзна д̇худ̇ан̇г̇зсу ад̇исаллзкамукзна бавад̇д̇ам̣ ад̇д̇агиламат̇аануяог̇ам̣ д̇хунаад̇и. д̇асмаа имз д̇хаммаа д̇худ̇ад̇хаммаад̇и взд̣̇ид̇аб̣б̣аа.

    Dhutadhammā veditabbāti appicchatā santuṭṭhitā sallekhatā pavivekatā idamaṭṭhikatāti ime dhutaṅgacetanāya parivārā pañca dhammā ‘‘appicchaṃyeva nissāyā’’tiādivacanato (a. ni. 5.181; pari. 325) dhutadhammā nāma. Tattha appicchatā ca santuṭṭhitā ca alobho, sallekhatā ca pavivekatā ca dvīsu dhammesu anupatanti alobhe ceva amohe ca, idamaṭṭhitā ñāṇameva. Tattha alobhena paṭikkhepavatthūsu lobhaṃ, amohena tesveva ādīnavappaṭicchādakaṃ mohaṃ dhunāti. Alobhena ca anuññātānaṃ paṭisevanamukhena pavattaṃ kāmasukhallikānuyogaṃ, amohena dhutaṅgesu atisallekhamukhena pavattaṃ attakilamathānuyogaṃ dhunāti. Tasmā ime dhammā dhutadhammāti veditabbā.

    д̇худ̇ан̇г̇аани взд̣̇ид̇аб̣б̣аанийд̇и д̇зраса д̇худ̇ан̇г̇аани взд̣̇ид̇аб̣б̣аани бам̣сугуулиган̇г̇ам̣…бз… нзсаж̇ж̇иган̇г̇анд̇и.

    Dhutaṅgāni veditabbānīti terasa dhutaṅgāni veditabbāni paṃsukūlikaṅgaṃ…pe… nesajjikaṅganti.

    д̇худ̇аваад̣̇аанам̣ яад̣̇ид̣̇ам̣ махаагассабод̇и яад̇д̇агаа д̇худ̇аваад̣̇ам̣ вад̣̇анд̇и, д̇зсам̣ саб̣б̣зсамби анд̇арз аяам̣ махаагассабад̇т̇зро аг̇г̇од̇и аг̇г̇адтаанз табзси. махаагассабод̇и урувзл̣агассабо над̣̇ийгассабо г̇аяаагассабо гумаарагассабод̇и имз куд̣̇д̣̇аанукуд̣̇д̣̇агз т̇зрз убаад̣̇ааяа аяам̣ махаа, д̇асмаа махаагассабод̇и вуд̇д̇о.

    Dhutavādānaṃ yadidaṃ mahākassapoti yattakā dhutavādaṃ vadanti, tesaṃ sabbesampi antare ayaṃ mahākassapatthero aggoti aggaṭṭhāne ṭhapesi. Mahākassapoti uruveḷakassapo nadīkassapo gayākassapo kumārakassapoti ime khuddānukhuddake there upādāya ayaṃ mahā, tasmā mahākassapoti vutto.

    имассааби бан̃хагаммз аяаманубуб̣б̣игат̇аа – ад̇ийд̇з гира габбасад̇асахассамад̇т̇агз бад̣̇умуд̇д̇аро наама сад̇т̇аа логз уд̣̇абаад̣̇и, д̇асмим̣ хам̣савад̇ийнаг̇арам̣ убаниссааяа кзмз миг̇ад̣̇ааяз вихаранд̇з взд̣̇зхо наама гудумб̣иго асийд̇игодид̇ханавибхаво баад̇ова субхож̇анам̣ бхун̃ж̇ид̇ваа убосат̇ан̇г̇аани ад̇хидтааяа г̇анд̇хабубпаад̣̇ийни г̇ахзд̇ваа вихаарам̣ г̇анд̇ваа сад̇т̇аарам̣ бууж̇зд̇ваа ванд̣̇ид̇ваа згаманд̇ам̣ нисийд̣̇и. д̇асмин̃жа кан̣з сад̇т̇аа махаанисабхад̇т̇зрам̣ наама д̇ад̇ияасаавагам̣ ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ д̇худ̇аваад̣̇аанам̣, яад̣̇ид̣̇ам̣ нисабхо’’д̇и зд̇ад̣̇аг̇г̇з табзси. убаасаго д̇ам̣ суд̇ваа басанно д̇хаммагат̇аавасаанз махааж̇анз удтааяа г̇ад̇з сад̇т̇аарам̣ ванд̣̇ид̇ваа, ‘‘бханд̇з, свз маяхам̣ бхигкам̣ ад̇хиваасзт̇аа’’д̇и ааха. махаа ко, убаасага, бхигкусан̇гход̇и. гид̇д̇аго бхаг̇аваад̇и? адтасадтибхигкусад̇асахассанд̇и. бханд̇з, згам̣ сааман̣зрамби вихаарз асзсзд̇ваа бхигкам̣ ад̇хиваасзт̇аад̇и. ад̇хиваасзси бхаг̇аваа д̇ун̣хийбхаавзна. убаасаго сад̇т̇у ад̇хиваасанам̣ вид̣̇ид̇ваа г̇зхам̣ г̇анд̇ваа махаад̣̇аанам̣ саж̇ж̇зд̇ваа бунад̣̇ивасз сад̇т̇у гаалам̣ аарожаабзси. сад̇т̇аа бад̇д̇ажийварамаад̣̇ааяа бхигкусан̇гхабаривуд̇о убаасагасса гхарам̣ г̇анд̇ваа бан̃н̃ад̇д̇з аасанз нисинно д̣̇агкин̣од̣̇агаавасаанз яааг̇уаад̣̇ийни самбадижчанд̇о бхад̇д̇ависсаг̇г̇ам̣ агааси. убаасагоби сад̇т̇у санд̇игз нисийд̣̇и.

    Imassāpi pañhakamme ayamanupubbikathā – atīte kira kappasatasahassamatthake padumuttaro nāma satthā loke udapādi, tasmiṃ haṃsavatīnagaraṃ upanissāya kheme migadāye viharante vedeho nāma kuṭumbiko asītikoṭidhanavibhavo pātova subhojanaṃ bhuñjitvā uposathaṅgāni adhiṭṭhāya gandhapupphādīni gahetvā vihāraṃ gantvā satthāraṃ pūjetvā vanditvā ekamantaṃ nisīdi. Tasmiñca khaṇe satthā mahānisabhattheraṃ nāma tatiyasāvakaṃ ‘‘etadaggaṃ, bhikkhave, mama sāvakānaṃ bhikkhūnaṃ dhutavādānaṃ, yadidaṃ nisabho’’ti etadagge ṭhapesi. Upāsako taṃ sutvā pasanno dhammakathāvasāne mahājane uṭṭhāya gate satthāraṃ vanditvā, ‘‘bhante, sve mayhaṃ bhikkhaṃ adhivāsethā’’ti āha. Mahā kho, upāsaka, bhikkhusaṅghoti. Kittako bhagavāti? Aṭṭhasaṭṭhibhikkhusatasahassanti. Bhante, ekaṃ sāmaṇerampi vihāre asesetvā bhikkhaṃ adhivāsethāti. Adhivāsesi bhagavā tuṇhībhāvena. Upāsako satthu adhivāsanaṃ viditvā gehaṃ gantvā mahādānaṃ sajjetvā punadivase satthu kālaṃ ārocāpesi. Satthā pattacīvaramādāya bhikkhusaṅghaparivuto upāsakassa gharaṃ gantvā paññatte āsane nisinno dakkhiṇodakāvasāne yāguādīni sampaṭicchanto bhattavissaggaṃ akāsi. Upāsakopi satthu santike nisīdi.

    д̇асмим̣ анд̇арз махаанисабхад̇т̇зро бин̣д̣ааяа жаранд̇о д̇амзва вийт̇и бадибаж̇ж̇и. убаасаго д̣̇исваа удтааяа г̇анд̇ваа т̇зрам̣ ванд̣̇ид̇ваа ‘‘бад̇д̇ам̣, бханд̇з, д̣̇зт̇аа’’д̇и ааха. т̇зро бад̇д̇ам̣ ад̣̇ааси. ‘‘бханд̇з, ид̇хзва бависат̇а, сад̇т̇ааби г̇зхз нисинно’’д̇и. на ваддиссад̇и убаасагаад̇и. убаасаго т̇зрасса бад̇д̇ам̣ г̇ахзд̇ваа бин̣д̣абаад̇асса буурзд̇ваа нийхарид̇ваа ад̣̇ааси. д̇ад̇о т̇зрам̣ ануг̇анд̇ваа нивад̇д̇о сад̇т̇у санд̇игз нисийд̣̇ид̇ваа звамааха – ‘‘бханд̇з, махаанисабхад̇т̇зро ‘сад̇т̇аа г̇зхз нисинно’д̇и вуд̇д̇зби бависид̇ум̣ на ижчи, ад̇т̇и ну ко зд̇асса д̇умхаагам̣ г̇ун̣зхи ад̇ирзго г̇ун̣о’’д̇и. б̣уд̣̇д̇хаанан̃жа ван̣н̣амажчзрам̣ наама над̇т̇и. ат̇а сад̇т̇аа звамааха – ‘‘убаасага, маяам̣ бхигкам̣ ааг̇амаяамаанаа г̇зхз нисийд̣̇аама, со бхигку на звам̣ нисийд̣̇ид̇ваа бхигкам̣ уд̣̇игкад̇и. маяам̣ г̇ааманд̇асзнаасанз васаама, со аран̃н̃асмим̣язва васад̇и. маяам̣ чаннз васаама, со аб̣бхогаасамхиязва васад̇и. ид̇и д̇асса аяан̃жа аяан̃жа г̇ун̣о’’д̇и махаасамуд̣̇д̣̇ам̣ буураяамаано вияа гат̇зси. убаасаго багад̇ияааби ж̇аламаанад̣̇ийбо д̇злзна аасид̇д̇о вияа судтуд̇арам̣ басанно худ̇ваа жинд̇зси – ‘‘гим̣ маяхам̣ ан̃н̃ааяа самбад̇д̇ияаа, анааг̇ад̇з згасса б̣уд̣̇д̇хасса санд̇игз д̇худ̇аваад̣̇аанам̣ аг̇г̇абхаавад̇т̇ааяа бад̇т̇анам̣ гариссаамий’’д̇и?

    Tasmiṃ antare mahānisabhatthero piṇḍāya caranto tameva vīthi paṭipajji. Upāsako disvā uṭṭhāya gantvā theraṃ vanditvā ‘‘pattaṃ, bhante, dethā’’ti āha. Thero pattaṃ adāsi. ‘‘Bhante, idheva pavisatha, satthāpi gehe nisinno’’ti. Na vaṭṭissati upāsakāti. Upāsako therassa pattaṃ gahetvā piṇḍapātassa pūretvā nīharitvā adāsi. Tato theraṃ anugantvā nivatto satthu santike nisīditvā evamāha – ‘‘bhante, mahānisabhatthero ‘satthā gehe nisinno’ti vuttepi pavisituṃ na icchi, atthi nu kho etassa tumhākaṃ guṇehi atireko guṇo’’ti. Buddhānañca vaṇṇamaccheraṃ nāma natthi. Atha satthā evamāha – ‘‘upāsaka, mayaṃ bhikkhaṃ āgamayamānā gehe nisīdāma, so bhikkhu na evaṃ nisīditvā bhikkhaṃ udikkhati. Mayaṃ gāmantasenāsane vasāma, so araññasmiṃyeva vasati. Mayaṃ channe vasāma, so abbhokāsamhiyeva vasati. Iti tassa ayañca ayañca guṇo’’ti mahāsamuddaṃ pūrayamāno viya kathesi. Upāsako pakatiyāpi jalamānadīpo telena āsitto viya suṭṭhutaraṃ pasanno hutvā cintesi – ‘‘kiṃ mayhaṃ aññāya sampattiyā, anāgate ekassa buddhassa santike dhutavādānaṃ aggabhāvatthāya patthanaṃ karissāmī’’ti?

    со бунаби сад̇т̇аарам̣ ниманд̇зд̇ваа д̇знзва нияаамзна сад̇д̇а д̣̇ивасаани махаад̣̇аанам̣ д̣̇ад̇ваа сад̇д̇амз д̣̇ивасз б̣уд̣̇д̇хаббамукасса махаабхигкусан̇гхасса д̇ижийвараани д̣̇ад̇ваа сад̇т̇у баад̣̇амуулз нибаж̇ж̇ид̇ваа звамааха – ‘‘яам̣ мз, бханд̇з, сад̇д̇а д̣̇ивасаани д̣̇аанам̣ д̣̇знд̇асса мзд̇д̇ам̣ гааяагаммам̣ мзд̇д̇ам̣ важийгаммам̣ мзд̇д̇ам̣ маногаммам̣ бажжубадтид̇ам̣, иминаахам̣ на ан̃н̃ам̣ д̣̇звасамбад̇д̇им̣ ваа саггамаараб̣рахмасамбад̇д̇им̣ ваа бад̇т̇зми, ид̣̇ам̣ бана мз гаммам̣ анааг̇ад̇з згасса б̣уд̣̇д̇хасса санд̇игз зд̇асса махаанисабхад̇т̇зрзна бад̇д̇атаананд̇арам̣ баабун̣анад̇т̇ааяа д̇зрасад̇худ̇ан̇г̇ад̇хараанам̣ аг̇г̇абхаавасса сажжагааро ход̇уу’’д̇и. сад̇т̇аа ‘‘маханд̇ам̣ таанам̣ иминаа бад̇т̇ид̇ам̣, самиж̇жхиссад̇и ну ко, но’’д̇и ологзнд̇о самиж̇жханабхаавам̣ д̣̇исваа ааха – ‘‘манаабам̣ д̇з таанам̣ бад̇т̇ид̇ам̣ , анааг̇ад̇з сад̇асахассагаббаавасаанз г̇од̇амо наама б̣уд̣̇д̇хо уббаж̇ж̇иссад̇и, д̇асса д̇вам̣ д̇ад̇ияасааваго махаагассабад̇т̇зро наама бхависсасий’’д̇и. д̇ам̣ суд̇ваа убаасаго ‘‘б̣уд̣̇д̇хаанам̣ д̣̇вз гат̇аа наама над̇т̇ий’’д̇и бунад̣̇ивасз бад̇д̇аб̣б̣ам̣ вияа д̇ам̣ самбад̇д̇им̣ аман̃н̃ид̇т̇а. со яаавад̇ааяугам̣ наанаббагаарам̣ д̣̇аанам̣ д̣̇ад̇ваа сийлам̣ рагкид̇ваа наанаббагаарам̣ галяаан̣агаммам̣ гад̇ваа д̇ад̇т̇а гаалам̣ гад̇о саг̇г̇з ниб̣б̣ад̇д̇и.

    So punapi satthāraṃ nimantetvā teneva niyāmena satta divasāni mahādānaṃ datvā sattame divase buddhappamukhassa mahābhikkhusaṅghassa ticīvarāni datvā satthu pādamūle nipajjitvā evamāha – ‘‘yaṃ me, bhante, satta divasāni dānaṃ dentassa mettaṃ kāyakammaṃ mettaṃ vacīkammaṃ mettaṃ manokammaṃ paccupaṭṭhitaṃ, imināhaṃ na aññaṃ devasampattiṃ vā sakkamārabrahmasampattiṃ vā patthemi, idaṃ pana me kammaṃ anāgate ekassa buddhassa santike etassa mahānisabhattherena pattaṭhānantaraṃ pāpuṇanatthāya terasadhutaṅgadharānaṃ aggabhāvassa saccakāro hotū’’ti. Satthā ‘‘mahantaṃ ṭhānaṃ iminā patthitaṃ, samijjhissati nu kho, no’’ti olokento samijjhanabhāvaṃ disvā āha – ‘‘manāpaṃ te ṭhānaṃ patthitaṃ , anāgate satasahassakappāvasāne gotamo nāma buddho uppajjissati, tassa tvaṃ tatiyasāvako mahākassapatthero nāma bhavissasī’’ti. Taṃ sutvā upāsako ‘‘buddhānaṃ dve kathā nāma natthī’’ti punadivase pattabbaṃ viya taṃ sampattiṃ amaññittha. So yāvatāyukaṃ nānappakāraṃ dānaṃ datvā sīlaṃ rakkhitvā nānappakāraṃ kalyāṇakammaṃ katvā tattha kālaṃ kato sagge nibbatti.

    д̇ад̇о бадтааяа д̣̇звамануссзсу самбад̇д̇им̣ анубхаванд̇о ид̇о зганавуд̇игаббз вибассисаммаасамб̣уд̣̇д̇хз б̣анд̇хумад̇им̣ ниссааяа кзмз миг̇ад̣̇ааяз вихаранд̇з д̣̇звалогаа жавид̇ваа ан̃н̃ад̇арасмим̣ бариж̇ин̣н̣з б̣раахман̣агулз ниб̣б̣ад̇д̇и. д̇асмин̃жа гаалз вибассий бхаг̇аваа сад̇д̇амз сад̇д̇амз сам̣важчарз д̇хаммам̣ гат̇зд̇и, маханд̇ам̣ голаахалам̣ ахоси. сагалаж̇амб̣уд̣̇ийбз д̣̇звад̇аа ‘‘сад̇т̇аа д̇хаммам̣ гат̇зссад̇ий’’д̇и аарожзнд̇и. б̣раахман̣о д̇ам̣ саасанам̣ ассоси. д̇асса жа ниваасанасаадаго згова ход̇и, д̇ат̇аа б̣раахман̣ияаа. баарубанам̣ бана д̣̇виннамби згамзва. сагаланаг̇арз згасаадагаб̣раахман̣од̇и бан̃н̃ааяад̇и. б̣раахман̣аанам̣ гзнажид̣̇зва гижжзна саннибаад̇з сад̇и б̣раахман̣им̣ г̇зхз табзд̇ваа саяам̣ г̇ажчад̇и. б̣раахман̣ийнам̣ саннибаад̇з сад̇и саяам̣ г̇зхз д̇идтад̇и, б̣раахман̣ий д̇ам̣ вад̇т̇ам̣ баарубид̇ваа г̇ажчад̇и. д̇асмим̣ бана д̣̇ивасз б̣раахман̣о б̣раахман̣им̣ ааха – ‘‘бход̇и, гим̣ рад̇д̇им̣ д̇хаммассаванам̣ сун̣иссаси, д̣̇иваа’’д̇и. ‘‘маяам̣ маад̇уг̇аамаж̇аад̇игаа наама рад̇д̇им̣ сод̇ум̣ на саггома, д̣̇иваа соссаамий’’д̇и б̣раахман̣ам̣ г̇зхз табзд̇ваа д̇ам̣ вад̇т̇ам̣ баарубид̇ваа убаасигаахи сад̣̇д̇хим̣ д̣̇иваа г̇анд̇ваа сад̇т̇аарам̣ ванд̣̇ид̇ваа згаманд̇з нисиннаа д̇хаммам̣ суд̇ваа убаасигаахиязва сад̣̇д̇хим̣ ааг̇амааси. ат̇а б̣раахман̣о б̣раахман̣им̣ г̇зхз табзд̇ваа д̇ам̣ вад̇т̇ам̣ баарубид̇ваа вихаарам̣ г̇ад̇о.

    Tato paṭṭhāya devamanussesu sampattiṃ anubhavanto ito ekanavutikappe vipassisammāsambuddhe bandhumatiṃ nissāya kheme migadāye viharante devalokā cavitvā aññatarasmiṃ parijiṇṇe brāhmaṇakule nibbatti. Tasmiñca kāle vipassī bhagavā sattame sattame saṃvacchare dhammaṃ katheti, mahantaṃ kolāhalaṃ ahosi. Sakalajambudīpe devatā ‘‘satthā dhammaṃ kathessatī’’ti ārocenti. Brāhmaṇo taṃ sāsanaṃ assosi. Tassa ca nivāsanasāṭako ekova hoti, tathā brāhmaṇiyā. Pārupanaṃ pana dvinnampi ekameva. Sakalanagare ekasāṭakabrāhmaṇoti paññāyati. Brāhmaṇānaṃ kenacideva kiccena sannipāte sati brāhmaṇiṃ gehe ṭhapetvā sayaṃ gacchati. Brāhmaṇīnaṃ sannipāte sati sayaṃ gehe tiṭṭhati, brāhmaṇī taṃ vatthaṃ pārupitvā gacchati. Tasmiṃ pana divase brāhmaṇo brāhmaṇiṃ āha – ‘‘bhoti, kiṃ rattiṃ dhammassavanaṃ suṇissasi, divā’’ti. ‘‘Mayaṃ mātugāmajātikā nāma rattiṃ sotuṃ na sakkoma, divā sossāmī’’ti brāhmaṇaṃ gehe ṭhapetvā taṃ vatthaṃ pārupitvā upāsikāhi saddhiṃ divā gantvā satthāraṃ vanditvā ekamante nisinnā dhammaṃ sutvā upāsikāhiyeva saddhiṃ āgamāsi. Atha brāhmaṇo brāhmaṇiṃ gehe ṭhapetvā taṃ vatthaṃ pārupitvā vihāraṃ gato.

    д̇асмин̃жа самаяз сад̇т̇аа барисамаж̇жхз алан̇гад̇ад̇хаммаасанз нисинно жид̇д̇аб̣ийж̇аним̣ аад̣̇ааяа аагаасаг̇ан̇г̇ам̣ од̇аарзнд̇о вияа синзрум̣ мад̇т̇ам̣ гад̇ваа сааг̇арам̣ ниммат̇знд̇о вияа д̇хаммагат̇ам̣ гат̇зси. б̣раахман̣асса барисанд̇з нисиннасса д̇хаммам̣ сун̣анд̇асса батамаяаамасмим̣язва сагаласарийрам̣ буураяамаанаа бан̃жаван̣н̣аа бийд̇и уббаж̇ж̇и. со бааруд̇авад̇т̇ам̣ сан̇гхарид̇ваа ‘‘д̣̇асаб̣аласса д̣̇ассаамий’’д̇и жинд̇зси. ад̇т̇асса аад̣̇ийнавасахассам̣ д̣̇ассаяамаанам̣ мажчзрам̣ уббаж̇ж̇и. со ‘‘б̣раахман̣ияаа жа маяхан̃жа згамзва вад̇т̇ам̣, ан̃н̃ам̣ гин̃жи баарубанам̣ над̇т̇и, абаарубид̇ваа жа наама б̣ахи жарид̇ум̣ на саггаа’’д̇и саб̣б̣ат̇ааби ад̣̇аад̇угаамо ахоси. ат̇асса нигканд̇з батамаяаамз маж̇жхимаяаамзби д̇ат̇зва бийд̇и уббаж̇ж̇и. со д̇ат̇зва жинд̇зд̇ваа д̇ат̇зва ад̣̇аад̇угаамо ахоси. ат̇асса маж̇жхимаяаамз нигканд̇з бажчимаяаамзби д̇ат̇зва бийд̇и уббаж̇ж̇и. со ‘‘д̇аран̣ам̣ ваа ход̇у маран̣ам̣ ваа, бажчааби ж̇ааниссаамий’’д̇и вад̇т̇ам̣ сан̇гхарид̇ваа сад̇т̇у баад̣̇амуулз табзси. д̇ад̇о ваамахад̇т̇ам̣ аабхуж̇ид̇ваа д̣̇агкин̣зна хад̇т̇зна д̇игкад̇д̇ум̣ абподзд̇ваа ‘‘ж̇ид̇ам̣ мз, ж̇ид̇ам̣ мз’’д̇и д̇аяо ваарз над̣̇и.

    Tasmiñca samaye satthā parisamajjhe alaṅkatadhammāsane nisinno cittabījaniṃ ādāya ākāsagaṅgaṃ otārento viya sineruṃ matthaṃ katvā sāgaraṃ nimmathento viya dhammakathaṃ kathesi. Brāhmaṇassa parisante nisinnassa dhammaṃ suṇantassa paṭhamayāmasmiṃyeva sakalasarīraṃ pūrayamānā pañcavaṇṇā pīti uppajji. So pārutavatthaṃ saṅgharitvā ‘‘dasabalassa dassāmī’’ti cintesi. Atthassa ādīnavasahassaṃ dassayamānaṃ maccheraṃ uppajji. So ‘‘brāhmaṇiyā ca mayhañca ekameva vatthaṃ, aññaṃ kiñci pārupanaṃ natthi, apārupitvā ca nāma bahi carituṃ na sakkā’’ti sabbathāpi adātukāmo ahosi. Athassa nikkhante paṭhamayāme majjhimayāmepi tatheva pīti uppajji. So tatheva cintetvā tatheva adātukāmo ahosi. Athassa majjhimayāme nikkhante pacchimayāmepi tatheva pīti uppajji. So ‘‘taraṇaṃ vā hotu maraṇaṃ vā, pacchāpi jānissāmī’’ti vatthaṃ saṅgharitvā satthu pādamūle ṭhapesi. Tato vāmahatthaṃ ābhujitvā dakkhiṇena hatthena tikkhattuṃ apphoṭetvā ‘‘jitaṃ me, jitaṃ me’’ti tayo vāre nadi.

    д̇асмин̃жа самаяз б̣анд̇хумарааж̇аа д̇хаммаасанасса бажчад̇о анд̇осаан̣ияам̣ нисинно д̇хаммам̣ сун̣аад̇и. ран̃н̃о жа наама ‘‘ж̇ид̇ам̣ мз’’д̇и сад̣̇д̣̇о аманаабо ход̇и. со бурисам̣ бзсзси – ‘‘г̇ажча зд̇ам̣ бужча гим̣ вад̣̇асий’’д̇и. со д̇зна г̇анд̇ваа бужчид̇о ааха – ‘‘авасзсаа хад̇т̇ияаанаад̣̇ийни ааруяха асижаммаад̣̇ийни г̇ахзд̇ваа барасзнам̣ ж̇инанд̇и, на д̇ам̣ ж̇ид̇ам̣ ажчарияам̣, ахам̣ бана бажчад̇о ааг̇ажчанд̇асса д̣̇удтаг̇он̣асса муг̇г̇арзна сийсам̣ бхинд̣̇ид̇ваа д̇ам̣ балаабзнд̇о вияа мажчзражид̇д̇ам̣ мад̣̇д̣̇ид̇ваа бааруд̇авад̇т̇ам̣ д̣̇асаб̣аласса ад̣̇аасим̣, д̇ам̣ мз мажчарияам̣ ж̇ид̇а’’нд̇и ааха. со бурисо ааг̇анд̇ваа д̇ам̣ бавад̇д̇им̣ ран̃н̃о аарожзси. рааж̇аа ааха – ‘‘амхз бхан̣з д̣̇асаб̣аласса ануруубам̣ на ж̇аанимха, б̣раахман̣о ж̇ааний’’д̇и вад̇т̇аяуг̇ам̣ бзсзси. д̇ам̣ д̣̇исваа б̣раахман̣о жинд̇зси – ‘‘аяам̣ маяхам̣ д̇ун̣хий нисиннасса батамам̣ гин̃жи ад̣̇ад̇ваа сад̇т̇у г̇ун̣з гат̇знд̇асса ад̣̇ааси, сад̇т̇у г̇ун̣з бадижжа уббаннзна маяхам̣ го ад̇т̇о’’д̇и? д̇амби вад̇т̇аяуг̇ам̣ д̣̇асаб̣алассзва ад̣̇ааси. рааж̇ааби ‘‘гим̣ б̣раахман̣зна гад̇а’’нд̇и бужчид̇ваа ‘‘д̇амби д̇зна вад̇т̇аяуг̇ам̣ д̇ат̇ааг̇ад̇ассзва д̣̇инна’’нд̇и суд̇ваа ан̃н̃ааниби д̣̇вз вад̇т̇аяуг̇аани бзсзси. со д̇ааниби ад̣̇ааси. рааж̇аа ан̃н̃ааниби жад̇д̇аарийд̇и звам̣ яаава д̣̇вад̇д̇им̣савад̇т̇аяуг̇аани бзсзси. ат̇а б̣раахман̣о ‘‘ид̣̇ам̣ вад̣дхзд̇ваа г̇ахан̣ам̣ вияа ход̇ий’’д̇и ад̇д̇ано ад̇т̇ааяа згам̣, б̣раахман̣ияаа зганд̇и д̣̇вз вад̇т̇аяуг̇аани г̇ахзд̇ваа д̇им̣са яуг̇аани д̇ат̇ааг̇ад̇ассзва ад̣̇ааси. д̇ад̇о бадтааяа жасса сад̇т̇у виссаасиго ж̇аад̇о.

    Tasmiñca samaye bandhumarājā dhammāsanassa pacchato antosāṇiyaṃ nisinno dhammaṃ suṇāti. Rañño ca nāma ‘‘jitaṃ me’’ti saddo amanāpo hoti. So purisaṃ pesesi – ‘‘gaccha etaṃ puccha kiṃ vadasī’’ti. So tena gantvā pucchito āha – ‘‘avasesā hatthiyānādīni āruyha asicammādīni gahetvā parasenaṃ jinanti, na taṃ jitaṃ acchariyaṃ, ahaṃ pana pacchato āgacchantassa duṭṭhagoṇassa muggarena sīsaṃ bhinditvā taṃ palāpento viya maccheracittaṃ madditvā pārutavatthaṃ dasabalassa adāsiṃ, taṃ me macchariyaṃ jita’’nti āha. So puriso āgantvā taṃ pavattiṃ rañño ārocesi. Rājā āha – ‘‘amhe bhaṇe dasabalassa anurūpaṃ na jānimha, brāhmaṇo jānī’’ti vatthayugaṃ pesesi. Taṃ disvā brāhmaṇo cintesi – ‘‘ayaṃ mayhaṃ tuṇhī nisinnassa paṭhamaṃ kiñci adatvā satthu guṇe kathentassa adāsi, satthu guṇe paṭicca uppannena mayhaṃ ko attho’’ti? Tampi vatthayugaṃ dasabalasseva adāsi. Rājāpi ‘‘kiṃ brāhmaṇena kata’’nti pucchitvā ‘‘tampi tena vatthayugaṃ tathāgatasseva dinna’’nti sutvā aññānipi dve vatthayugāni pesesi. So tānipi adāsi. Rājā aññānipi cattārīti evaṃ yāva dvattiṃsavatthayugāni pesesi. Atha brāhmaṇo ‘‘idaṃ vaḍḍhetvā gahaṇaṃ viya hotī’’ti attano atthāya ekaṃ, brāhmaṇiyā ekanti dve vatthayugāni gahetvā tiṃsa yugāni tathāgatasseva adāsi. Tato paṭṭhāya cassa satthu vissāsiko jāto.

    ат̇а нам̣ рааж̇аа згад̣̇ивасам̣ сийд̇асамаяз сад̇т̇у санд̇игз д̇хаммам̣ сун̣анд̇ам̣ д̣̇исваа сад̇асахассаг̇гханагам̣ ад̇д̇ано бааруд̇арад̇д̇агамб̣алам̣ д̣̇ад̇ваа ааха – ‘‘ид̇о бад̇т̇ааяа имам̣ баарубид̇ваа д̇хаммам̣ сун̣аахий’’д̇и. со ‘‘гим̣ мз иминаа гамб̣алзна имасмим̣ бууд̇игааяз убанийд̇знаа’’д̇и жинд̇зд̇ваа анд̇ог̇анд̇хагудияам̣ д̇ат̇ааг̇ад̇асса ман̃жасса убари вид̇аанам̣ гад̇ваа аг̇амааси. ат̇згад̣̇ивасам̣ рааж̇аа баад̇ова вихаарам̣ г̇анд̇ваа анд̇ог̇анд̇хагудияам̣ сад̇т̇у санд̇игз нисийд̣̇и. д̇асмин̃жа самаяз чаб̣б̣ан̣н̣аа б̣уд̣̇д̇харасмияо гамб̣алз бадихан̃н̃анд̇и, гамб̣ало ад̇ивияа вирожад̇и. рааж̇аа ологзнд̇о сан̃ж̇аанид̇ваа ааха – ‘‘бханд̇з, амхаагам̣ зса гамб̣ало, амхзхи згасаадагаб̣раахман̣асса д̣̇инно’’д̇и. д̇умхзхи, махаарааж̇а, б̣раахман̣о бууж̇ид̇о, б̣раахман̣зна маяам̣ бууж̇ид̇аад̇и. рааж̇аа ‘‘б̣раахман̣о яуд̇д̇ам̣ ан̃н̃ааси, на маяа’’нд̇и басийд̣̇ид̇ваа яам̣ мануссаанам̣ убагаарабхууд̇ам̣, д̇ам̣ саб̣б̣ам̣ адтадтагам̣ гад̇ваа саб̣б̣аадтагам̣ наама д̣̇аанам̣ д̣̇ад̇ваа бурохид̇адтаанз табзси. соби ‘‘адтадтагам̣ наама жад̇усадти ход̇ий’’д̇и жад̇усадти салаагаабхад̇д̇аани убаниб̣анд̇хаабзд̇ваа яааваж̇ийвам̣ д̣̇аанам̣ д̣̇ад̇ваа сийлам̣ рагкид̇ваа д̇ад̇о жуд̇о саг̇г̇з ниб̣б̣ад̇д̇и.

    Atha naṃ rājā ekadivasaṃ sītasamaye satthu santike dhammaṃ suṇantaṃ disvā satasahassagghanakaṃ attano pārutarattakambalaṃ datvā āha – ‘‘ito patthāya imaṃ pārupitvā dhammaṃ suṇāhī’’ti. So ‘‘kiṃ me iminā kambalena imasmiṃ pūtikāye upanītenā’’ti cintetvā antogandhakuṭiyaṃ tathāgatassa mañcassa upari vitānaṃ katvā agamāsi. Athekadivasaṃ rājā pātova vihāraṃ gantvā antogandhakuṭiyaṃ satthu santike nisīdi. Tasmiñca samaye chabbaṇṇā buddharasmiyo kambale paṭihaññanti, kambalo ativiya virocati. Rājā olokento sañjānitvā āha – ‘‘bhante, amhākaṃ esa kambalo, amhehi ekasāṭakabrāhmaṇassa dinno’’ti. Tumhehi, mahārāja, brāhmaṇo pūjito, brāhmaṇena mayaṃ pūjitāti. Rājā ‘‘brāhmaṇo yuttaṃ aññāsi, na maya’’nti pasīditvā yaṃ manussānaṃ upakārabhūtaṃ, taṃ sabbaṃ aṭṭhaṭṭhakaṃ katvā sabbaaṭṭhakaṃ nāma dānaṃ datvā purohitaṭṭhāne ṭhapesi. Sopi ‘‘aṭṭhaṭṭhakaṃ nāma catusaṭṭhi hotī’’ti catusaṭṭhi salākābhattāni upanibandhāpetvā yāvajīvaṃ dānaṃ datvā sīlaṃ rakkhitvā tato cuto sagge nibbatti.

    буна д̇ад̇о жуд̇о имасмим̣ габбз гон̣ааг̇аманасса жа бхаг̇авад̇о гассабад̣̇асаб̣аласса жаад̇и д̣̇виннам̣ б̣уд̣̇д̇хаанам̣ анд̇арз б̣аараан̣асияам̣ гудумб̣ияагхарз ниб̣б̣ад̇д̇о. со вуд̣̇д̇химанвааяа гхарааваасам̣ васанд̇о згад̣̇ивасам̣ аран̃н̃з ж̇ан̇гхавихаарам̣ жарад̇и, д̇асмим̣ жа самаяз бажжзгаб̣уд̣̇д̇хо над̣̇ийд̇ийрз жийварагаммам̣ гаронд̇о ануваад̇з аббахонд̇з сан̇гхарид̇ваа табзд̇ум̣ аарад̣̇д̇хо. со д̣̇исваа ‘‘гасмаа, бханд̇з, сан̇гхарид̇ваа табзт̇аа’’д̇и ааха. ануваад̇о наббаход̇ийд̇и . ‘‘иминаа, бханд̇з, гарот̇аа’’д̇и саадагам̣ д̣̇ад̇ваа ‘‘ниб̣б̣ад̇д̇аниб̣б̣ад̇д̇адтаанз мз гзнажи барихаани маа ход̇уу’’д̇и бад̇т̇анам̣ бадтабзси.

    Puna tato cuto imasmiṃ kappe koṇāgamanassa ca bhagavato kassapadasabalassa cāti dvinnaṃ buddhānaṃ antare bārāṇasiyaṃ kuṭumbiyaghare nibbatto. So vuddhimanvāya gharāvāsaṃ vasanto ekadivasaṃ araññe jaṅghavihāraṃ carati, tasmiṃ ca samaye paccekabuddho nadītīre cīvarakammaṃ karonto anuvāte appahonte saṅgharitvā ṭhapetuṃ āraddho. So disvā ‘‘kasmā, bhante, saṅgharitvā ṭhapethā’’ti āha. Anuvāto nappahotīti . ‘‘Iminā, bhante, karothā’’ti sāṭakaṃ datvā ‘‘nibbattanibbattaṭṭhāne me kenaci parihāni mā hotū’’ti patthanaṃ paṭṭhapesi.

    ат̇а гхарзбисса бхаг̇инияаа сад̣̇д̇хим̣ бхарияааяа галахам̣ гаронд̇ияаа бажжзгаб̣уд̣̇д̇хо бин̣д̣ааяа баависи. ат̇асса бхаг̇иний бажжзгаб̣уд̣̇д̇хасса бин̣д̣абаад̇ам̣ д̣̇ад̇ваа д̇асса бхарияам̣ санд̇хааяа, ‘‘зваруубам̣ б̣аалам̣ яож̇анасад̇зна бариваж̇ж̇зяяа’’нд̇и бад̇т̇анам̣ бадтабзси. саа г̇зхад̣̇ваарз тид̇аа суд̇ваа ‘‘имааяа д̣̇иннам̣ бхад̇д̇ам̣ маа зса бхун̃ж̇ад̇уу’’д̇и бад̇д̇ам̣ г̇ахзд̇ваа бин̣д̣абаад̇ам̣ чад̣д̣зд̇ваа галаласса буурзд̇ваа ад̣̇ааси. ид̇араа д̣̇исваа ‘‘б̣аалз мам̣ д̇аава аггоса ваа бахара ваа, зваруубасса бана д̣̇вз асан̇кязяяаани буурид̇абаарамисса бад̇д̇ад̇о бхад̇д̇ам̣ чад̣д̣зд̇ваа галалам̣ д̣̇аад̇ум̣ на яуд̇д̇а’’нд̇и ааха. ат̇асса бхарияааяа бадисан̇каанам̣ уббаж̇ж̇и. саа ‘‘д̇идтат̇а, бханд̇з’’д̇и галалам̣ чад̣д̣зд̇ваа бад̇д̇ам̣ д̇ховид̇ваа г̇анд̇хажун̣н̣зна уб̣б̣аддзд̇ваа жад̇умад̇хурасса буурзд̇ваа убари аасид̇д̇зна бад̣̇умаг̇аб̣бхаван̣н̣зна саббинаа виж̇ж̇од̇амаанам̣ бажжзгаб̣уд̣̇д̇хасса хад̇т̇з табзд̇ваа ‘‘яат̇аа аяам̣ бин̣д̣абаад̇о обхаасаж̇аад̇о, звам̣ обхаасаж̇аад̇ам̣ мз сарийрам̣ ход̇уу’’д̇и бад̇т̇анам̣ бадтабзси. бажжзгаб̣уд̣̇д̇хо анумод̣̇ид̇ваа аагаасам̣ багканд̣̇и. д̇зби д̣̇вз ж̇ааяамбад̇игаа яаавад̇ааяугам̣ гусалам̣ гад̇ваа саг̇г̇з ниб̣б̣ад̇д̇ид̇ваа буна д̇ад̇о жавид̇ваа убаасаго гассабасаммаасамб̣уд̣̇д̇хагаалз б̣аараан̣асияам̣ асийд̇игодивибхавасса сздтино буд̇д̇о худ̇ваа ниб̣б̣ад̇д̇и, ид̇арааби д̇аад̣̇исассзва сздтино д̇хийд̇аа худ̇ваа ниб̣б̣ад̇д̇и.

    Atha gharepissa bhaginiyā saddhiṃ bhariyāya kalahaṃ karontiyā paccekabuddho piṇḍāya pāvisi. Athassa bhaginī paccekabuddhassa piṇḍapātaṃ datvā tassa bhariyaṃ sandhāya, ‘‘evarūpaṃ bālaṃ yojanasatena parivajjeyya’’nti patthanaṃ paṭṭhapesi. Sā gehadvāre ṭhitā sutvā ‘‘imāya dinnaṃ bhattaṃ mā esa bhuñjatū’’ti pattaṃ gahetvā piṇḍapātaṃ chaḍḍetvā kalalassa pūretvā adāsi. Itarā disvā ‘‘bāle maṃ tāva akkosa vā pahara vā, evarūpassa pana dve asaṅkhyeyyāni pūritapāramissa pattato bhattaṃ chaḍḍetvā kalalaṃ dātuṃ na yutta’’nti āha. Athassa bhariyāya paṭisaṅkhānaṃ uppajji. Sā ‘‘tiṭṭhatha, bhante’’ti kalalaṃ chaḍḍetvā pattaṃ dhovitvā gandhacuṇṇena ubbaṭṭetvā catumadhurassa pūretvā upari āsittena padumagabbhavaṇṇena sappinā vijjotamānaṃ paccekabuddhassa hatthe ṭhapetvā ‘‘yathā ayaṃ piṇḍapāto obhāsajāto, evaṃ obhāsajātaṃ me sarīraṃ hotū’’ti patthanaṃ paṭṭhapesi. Paccekabuddho anumoditvā ākāsaṃ pakkhandi. Tepi dve jāyampatikā yāvatāyukaṃ kusalaṃ katvā sagge nibbattitvā puna tato cavitvā upāsako kassapasammāsambuddhakāle bārāṇasiyaṃ asītikoṭivibhavassa seṭṭhino putto hutvā nibbatti, itarāpi tādisasseva seṭṭhino dhītā hutvā nibbatti.

    д̇асса вуд̣̇д̇хиббад̇д̇асса д̇амзва сздтид̇хийд̇арам̣ аанаяим̣су. д̇ассаа буб̣б̣з ад̣̇иннавибаагасса д̇асса гаммасса аанубхаавзна бад̇игуулам̣ бавидтамад̇д̇ааяа уммаараб̣бханд̇арз сагаласарийрам̣ уг̇гхаадид̇аважжагуди вияа д̣̇уг̇г̇анд̇хам̣ ж̇аад̇ам̣. сздтигумааро ‘‘гассааяам̣ г̇анд̇хо’’д̇и бужчид̇ваа ‘‘сздтиган̃н̃ааяаа’’д̇и суд̇ваа ‘‘нийхарат̇аа’’д̇и аабхад̇анияаамзнзва гулагхарам̣ бзсзси. саа зд̇знзва нийхаарзна сад̇д̇асу таанзсу бадинивад̇д̇ид̇аа.

    Tassa vuddhippattassa tameva seṭṭhidhītaraṃ ānayiṃsu. Tassā pubbe adinnavipākassa tassa kammassa ānubhāvena patikūlaṃ paviṭṭhamattāya ummārabbhantare sakalasarīraṃ ugghāṭitavaccakuṭi viya duggandhaṃ jātaṃ. Seṭṭhikumāro ‘‘kassāyaṃ gandho’’ti pucchitvā ‘‘seṭṭhikaññāyā’’ti sutvā ‘‘nīharathā’’ti ābhataniyāmeneva kulagharaṃ pesesi. Sā eteneva nīhārena sattasu ṭhānesu paṭinivattitā.

    д̇зна жа самаязна гассабад̣̇асаб̣ало бариниб̣б̣ааяи, д̇асса гханагоддимаахи сад̇асахассаг̇гханигаахи рад̇д̇асуван̣н̣аидтагаахи яож̇ануб̣б̣зд̇хам̣ жзд̇ияам̣ аарабхим̣су. д̇асмим̣ жзд̇ияз гарияамаанз саа сздтид̇хийд̇аа жинд̇зси – ‘‘ахам̣ сад̇д̇асу таанзсу бадинивад̇д̇ид̇аа, гим̣ мз ж̇ийвид̇знаа’’д̇и ад̇д̇ано сарийраабхаран̣абхан̣д̣агам̣ бхан̃ж̇аабзд̇ваа суван̣н̣аидтагам̣ гаарзси рад̇анааяад̇ам̣ вид̣̇ад̇т̇ивид̇т̇иннам̣ жад̇уран̇г̇улуб̣б̣зд̇хам̣. д̇ад̇о харид̇ааламаносилаабин̣д̣ам̣ г̇ахзд̇ваа адта уббалахад̇т̇агз аад̣̇ааяа жзд̇ияагаран̣адтаанам̣ г̇ад̇аа. д̇асмин̃жа кан̣з згаа идтагаабанд̇и баригкибид̇ваа ааг̇ажчамаанаа гхаданидтагааяа уунаа ход̇и. сздтид̇хийд̇аа вад̣дхагим̣ ааха – ‘‘имам̣ идтагам̣ зд̇т̇а табзт̇аа’’д̇и. амма, бхад̣̇д̣̇агз гаалз ааг̇ад̇ааси, саяамзва табзхийд̇и. саа ааруяха д̇злзна харид̇ааламаносилам̣ яож̇зд̇ваа д̇зна б̣анд̇ханзна идтагам̣ бад̇идтабзд̇ваа убари адтахи уббалахад̇т̇агзхи бууж̇ам̣ гад̇ваа ванд̣̇ид̇ваа ‘‘ниб̣б̣ад̇д̇аниб̣б̣ад̇д̇адтаанз мз гааяад̇о жанд̣̇анаг̇анд̇хо вааяад̇у, мукад̇о уббалаг̇анд̇хо’’д̇и бад̇т̇анам̣ гад̇ваа жзд̇ияам̣ ванд̣̇ид̇ваа бад̣̇агкин̣ам̣ гад̇ваа аг̇амааси.

    Tena ca samayena kassapadasabalo parinibbāyi, tassa ghanakoṭṭimāhi satasahassagghanikāhi rattasuvaṇṇaiṭṭhakāhi yojanubbedhaṃ cetiyaṃ ārabhiṃsu. Tasmiṃ cetiye kariyamāne sā seṭṭhidhītā cintesi – ‘‘ahaṃ sattasu ṭhānesu paṭinivattitā, kiṃ me jīvitenā’’ti attano sarīrābharaṇabhaṇḍakaṃ bhañjāpetvā suvaṇṇaiṭṭhakaṃ kāresi ratanāyataṃ vidatthivitthinnaṃ caturaṅgulubbedhaṃ. Tato haritālamanosilāpiṇḍaṃ gahetvā aṭṭha uppalahatthake ādāya cetiyakaraṇaṭṭhānaṃ gatā. Tasmiñca khaṇe ekā iṭṭhakāpanti parikkhipitvā āgacchamānā ghaṭaniṭṭhakāya ūnā hoti. Seṭṭhidhītā vaḍḍhakiṃ āha – ‘‘imaṃ iṭṭhakaṃ ettha ṭhapethā’’ti. Amma, bhaddake kāle āgatāsi, sayameva ṭhapehīti. Sā āruyha telena haritālamanosilaṃ yojetvā tena bandhanena iṭṭhakaṃ patiṭṭhapetvā upari aṭṭhahi uppalahatthakehi pūjaṃ katvā vanditvā ‘‘nibbattanibbattaṭṭhāne me kāyato candanagandho vāyatu, mukhato uppalagandho’’ti patthanaṃ katvā cetiyaṃ vanditvā padakkhiṇaṃ katvā agamāsi.

    ат̇а д̇асмим̣язва кан̣з яасса сздтибуд̇д̇асса батамам̣ г̇зхам̣ нийд̇аа, д̇асса д̇ам̣ аараб̣бха сад̇и уд̣̇абаад̣̇и. наг̇арзби нагкад̇д̇ам̣ сан̇гхудтам̣ ход̇и. со убадтаагз ааха – ‘‘д̇ад̣̇аа ид̇ха аанийд̇аа сздтид̇хийд̇аа ад̇т̇и, гахам̣ саа’’д̇и? гулаг̇зхз саамийд̇и. аанзт̇а нам̣, нагкад̇д̇ам̣ гийл̣иссаамаад̇и. д̇з г̇анд̇ваа д̇ам̣ ванд̣̇ид̇ваа тид̇аа ‘‘гим̣, д̇аад̇аа, ааг̇ад̇ад̇т̇аа’’д̇и д̇ааяа будтаа д̇ам̣ бавад̇д̇им̣ аажигким̣су. д̇аад̇аа, маяаа аабхаран̣абхан̣д̣зна жзд̇ияам̣ бууж̇ид̇ам̣, аабхаран̣ам̣ мз над̇т̇ийд̇и. д̇з г̇анд̇ваа сздтибуд̇д̇асса аарожзсум̣. аанзт̇а нам̣, бил̣анд̇ханам̣ лабхиссаамаад̇и. д̇з аанаяим̣су. д̇ассаа саха гхараббавзсанзна сагалаг̇зхам̣ жанд̣̇анаг̇анд̇хан̃жзва нийлуббалаг̇анд̇хан̃жа вааяи.

    Atha tasmiṃyeva khaṇe yassa seṭṭhiputtassa paṭhamaṃ gehaṃ nītā, tassa taṃ ārabbha sati udapādi. Nagarepi nakkhattaṃ saṅghuṭṭhaṃ hoti. So upaṭṭhāke āha – ‘‘tadā idha ānītā seṭṭhidhītā atthi, kahaṃ sā’’ti? Kulagehe sāmīti. Ānetha naṃ, nakkhattaṃ kīḷissāmāti. Te gantvā taṃ vanditvā ṭhitā ‘‘kiṃ, tātā, āgatatthā’’ti tāya puṭṭhā taṃ pavattiṃ ācikkhiṃsu. Tātā, mayā ābharaṇabhaṇḍena cetiyaṃ pūjitaṃ, ābharaṇaṃ me natthīti. Te gantvā seṭṭhiputtassa ārocesuṃ. Ānetha naṃ, piḷandhanaṃ labhissāmāti. Te ānayiṃsu. Tassā saha gharappavesanena sakalagehaṃ candanagandhañceva nīluppalagandhañca vāyi.

    сздтибуд̇д̇о д̇ам̣ бужчи ‘‘батамам̣ д̇ава сарийрад̇о д̣̇уг̇г̇анд̇хо вааяи, ид̣̇аани бана д̇з сарийрад̇о жанд̣̇анаг̇анд̇хо, мукад̇о уббалаг̇анд̇хо вааяад̇и, гим̣ зд̇а’’нд̇и? саа аад̣̇ид̇о бадтааяа ад̇д̇анаа гад̇агаммам̣ аарожзси. сздтибуд̇д̇о ‘‘нияяаанигам̣ вад̇а б̣уд̣̇д̇хасаасана’’нд̇и басийд̣̇ид̇ваа яож̇анигам̣ суван̣н̣ажзд̇ияам̣ гамб̣алаган̃жугзна баригкибид̇ваа д̇ад̇т̇а д̇ад̇т̇а рат̇ажаггаббамаан̣зхи суван̣н̣абад̣̇умзхи алан̇гари. д̇зсам̣ д̣̇ваад̣̇асахад̇т̇аа оламб̣агаа хонд̇и. со д̇ад̇т̇а яаавад̇ааяугам̣ тад̇ваа саг̇г̇з ниб̣б̣ад̇д̇ид̇ваа д̇ад̇о жуд̇о б̣аараан̣асид̇о яож̇анамад̇д̇з таанз ан̃н̃ад̇арасмим̣ амажжагулз ниб̣б̣ад̇д̇и. сздтиган̃н̃ааби д̣̇звалогад̇о жавид̇ваа рааж̇агулз ж̇здтад̇хийд̇аа худ̇ваа ниб̣б̣ад̇д̇и.

    Seṭṭhiputto taṃ pucchi ‘‘paṭhamaṃ tava sarīrato duggandho vāyi, idāni pana te sarīrato candanagandho, mukhato uppalagandho vāyati, kiṃ eta’’nti? Sā ādito paṭṭhāya attanā katakammaṃ ārocesi. Seṭṭhiputto ‘‘niyyānikaṃ vata buddhasāsana’’nti pasīditvā yojanikaṃ suvaṇṇacetiyaṃ kambalakañcukena parikkhipitvā tattha tattha rathacakkappamāṇehi suvaṇṇapadumehi alaṅkari. Tesaṃ dvādasahatthā olambakā honti. So tattha yāvatāyukaṃ ṭhatvā sagge nibbattitvā tato cuto bārāṇasito yojanamatte ṭhāne aññatarasmiṃ amaccakule nibbatti. Seṭṭhikaññāpi devalokato cavitvā rājakule jeṭṭhadhītā hutvā nibbatti.

    д̇зсу ваяабад̇д̇зсу гумаарасса васанаг̇аамз нагкад̇д̇ам̣ сан̇гхудтам̣. со маад̇арам̣ ааха – ‘‘саадагам̣ мз , амма, д̣̇зхи, нагкад̇д̇ам̣ гийл̣иссаамий’’д̇и. саа д̇ход̇авад̇т̇ам̣ нийхарид̇ваа ад̣̇ааси. амма, т̇уулам̣ ид̣̇ам̣, ан̃н̃ам̣ д̣̇зхийд̇и. ан̃н̃ам̣ нийхарид̇ваа ад̣̇ааси, д̇амби бадигкиби. ан̃н̃ам̣ нийхарид̇ваа ад̣̇ааси, д̇амби бадигкиби. ат̇а нам̣ маад̇аа ааха – ‘‘д̇аад̇а, яаад̣̇исз г̇зхз маяам̣ ж̇аад̇аа, над̇т̇и но ид̇о сукумад̇арасса бадилаабхааяа бун̃н̃а’’нд̇и. д̇зна хи лабханадтаанам̣ г̇ажчаами, аммаад̇и. буд̇д̇а ахам̣ аж̇ж̇зва д̇уяхам̣ б̣аараан̣асинаг̇арз раж̇ж̇абадилаабхам̣ ижчаамийд̇и. со маад̇арам̣ ванд̣̇ид̇ваа ааха – ‘‘г̇ажчаами, аммаа’’д̇и. г̇ажча, д̇аад̇аад̇и. звам̣ гирассаа жид̇д̇ам̣ ахоси – ‘‘гахам̣ г̇амиссад̇и, ид̇ха ваа зд̇т̇а ваа г̇зхз нисийд̣̇иссад̇ий’’д̇и? со бана бун̃н̃анияаамзна нигкамид̇ваа б̣аараан̣асим̣ г̇анд̇ваа уяяаанз ман̇г̇аласилаабаддз сасийсам̣ баарубид̇ваа нибаж̇ж̇и. со жа б̣аараан̣асиран̃н̃о гаалагад̇асса сад̇д̇амо д̣̇ивасо ход̇и.

    Tesu vayapattesu kumārassa vasanagāme nakkhattaṃ saṅghuṭṭhaṃ. So mātaraṃ āha – ‘‘sāṭakaṃ me , amma, dehi, nakkhattaṃ kīḷissāmī’’ti. Sā dhotavatthaṃ nīharitvā adāsi. Amma, thūlaṃ idaṃ, aññaṃ dehīti. Aññaṃ nīharitvā adāsi, tampi paṭikkhipi. Aññaṃ nīharitvā adāsi, tampi paṭikkhipi. Atha naṃ mātā āha – ‘‘tāta, yādise gehe mayaṃ jātā, natthi no ito sukhumatarassa paṭilābhāya puñña’’nti. Tena hi labhanaṭṭhānaṃ gacchāmi, ammāti. Putta ahaṃ ajjeva tuyhaṃ bārāṇasinagare rajjapaṭilābhaṃ icchāmīti. So mātaraṃ vanditvā āha – ‘‘gacchāmi, ammā’’ti. Gaccha, tātāti. Evaṃ kirassā cittaṃ ahosi – ‘‘kahaṃ gamissati, idha vā ettha vā gehe nisīdissatī’’ti? So pana puññaniyāmena nikkhamitvā bārāṇasiṃ gantvā uyyāne maṅgalasilāpaṭṭe sasīsaṃ pārupitvā nipajji. So ca bārāṇasirañño kālakatassa sattamo divaso hoti.

    амажжаа ран̃н̃о сарийрагижжам̣ гад̇ваа рааж̇ан̇г̇ан̣з нисийд̣̇ид̇ваа манд̇аяим̣су – ‘‘ран̃н̃о згаа д̇хийд̇аава ад̇т̇и, буд̇д̇о над̇т̇и, арааж̇агам̣ раж̇ж̇ам̣ на ваддад̇и, го рааж̇аа ход̇ий’’д̇и манд̇зд̇ваа ‘‘д̇вам̣ хохи, д̇вам̣ хохий’’д̇и аахам̣су. бурохид̇о ааха – ‘‘б̣ахум̣ ологзд̇ум̣ на ваддад̇и, пуссарат̇ам̣ виссаж̇ж̇змаа’’д̇и. д̇з гумуд̣̇аван̣н̣з жад̇д̇ааро синд̇хавз яож̇зд̇ваа бан̃жавид̇хам̣ рааж̇агагуд̇хабхан̣д̣ам̣ сзд̇ажчад̇д̇ан̃жа рат̇асмим̣язва табзд̇ваа рат̇ам̣ виссаж̇ж̇зд̇ваа бажчад̇о д̇уурияаани баг̇г̇ан̣хаабзсум̣. рат̇о баажийнад̣̇ваарзна нигкамид̇ваа уяяаанаабхимуко ахоси. ‘‘барижаязна уяяаанаабхимуко г̇ажчад̇и, нивад̇д̇змаа’’д̇и гзжи аахам̣су. бурохид̇о ‘‘маа нивад̇д̇аяид̇т̇аа’’д̇и ааха. рат̇о гумаарам̣ бад̣̇агкин̣ам̣ гад̇ваа аароханасаж̇ж̇о худ̇ваа адтааси. бурохид̇о баарубанаган̣н̣ам̣ абанзд̇ваа баад̣̇ад̇алаани ологзнд̇о ‘‘д̇идтад̇у аяам̣ д̣̇ийбо, д̣̇висахассад̣̇ийбабариваарзсу жад̇уусу д̣̇ийбзсу зсо раж̇ж̇ам̣ гаарзд̇ум̣ яуд̇д̇о’’д̇и вад̇ваа ‘‘бунаби д̇уурияаани баг̇г̇ан̣хат̇а , бунаби д̇уурияаани баг̇г̇ан̣хат̇аа’’д̇и д̇игкад̇д̇ум̣ д̇уурияаани баг̇г̇ан̣хаабзси.

    Amaccā rañño sarīrakiccaṃ katvā rājaṅgaṇe nisīditvā mantayiṃsu – ‘‘rañño ekā dhītāva atthi, putto natthi, arājakaṃ rajjaṃ na vaṭṭati, ko rājā hotī’’ti mantetvā ‘‘tvaṃ hohi, tvaṃ hohī’’ti āhaṃsu. Purohito āha – ‘‘bahuṃ oloketuṃ na vaṭṭati, phussarathaṃ vissajjemā’’ti. Te kumudavaṇṇe cattāro sindhave yojetvā pañcavidhaṃ rājakakudhabhaṇḍaṃ setacchattañca rathasmiṃyeva ṭhapetvā rathaṃ vissajjetvā pacchato tūriyāni paggaṇhāpesuṃ. Ratho pācīnadvārena nikkhamitvā uyyānābhimukho ahosi. ‘‘Paricayena uyyānābhimukho gacchati, nivattemā’’ti keci āhaṃsu. Purohito ‘‘mā nivattayitthā’’ti āha. Ratho kumāraṃ padakkhiṇaṃ katvā ārohanasajjo hutvā aṭṭhāsi. Purohito pārupanakaṇṇaṃ apanetvā pādatalāni olokento ‘‘tiṭṭhatu ayaṃ dīpo, dvisahassadīpaparivāresu catūsu dīpesu eso rajjaṃ kāretuṃ yutto’’ti vatvā ‘‘punapi tūriyāni paggaṇhatha , punapi tūriyāni paggaṇhathā’’ti tikkhattuṃ tūriyāni paggaṇhāpesi.

    ат̇а гумааро мукам̣ виварид̇ваа ологзд̇ваа ‘‘гзна гаммзна ааг̇ад̇ад̇т̇аа’’д̇и ааха. д̣̇зва д̇умхаагам̣ раж̇ж̇ам̣ баабун̣аад̇ийд̇и. рааж̇аа гаханд̇и? д̣̇звад̇д̇ам̣ г̇ад̇о саамийд̇и. гад̇и д̣̇ивасаа ад̇игганд̇аад̇и? аж̇ж̇а сад̇д̇амо д̣̇ивасод̇и. буд̇д̇о ваа д̇хийд̇аа ваа над̇т̇ийд̇и? д̇хийд̇аа ад̇т̇и д̣̇зва, буд̇д̇о над̇т̇ийд̇и. гариссаами раж̇ж̇анд̇и. д̇з д̇аавад̣̇зва абхисзгаман̣д̣абам̣ гаарзд̇ваа рааж̇ад̇хийд̇арам̣ саб̣б̣аалан̇гаарзхи алан̇гарид̇ваа уяяаанам̣ аанзд̇ваа гумаарасса абхисзгам̣ агам̣су.

    Atha kumāro mukhaṃ vivaritvā oloketvā ‘‘kena kammena āgatatthā’’ti āha. Deva tumhākaṃ rajjaṃ pāpuṇātīti. Rājā kahanti? Devattaṃ gato sāmīti. Kati divasā atikkantāti? Ajja sattamo divasoti. Putto vā dhītā vā natthīti? Dhītā atthi deva, putto natthīti. Karissāmi rajjanti. Te tāvadeva abhisekamaṇḍapaṃ kāretvā rājadhītaraṃ sabbālaṅkārehi alaṅkaritvā uyyānaṃ ānetvā kumārassa abhisekaṃ akaṃsu.

    ат̇асса гад̇аабхисзгасса сахассаг̇гханагам̣ вад̇т̇ам̣ убахарим̣су. со ‘‘гимид̣̇ам̣, д̇аад̇аа’’д̇и ааха. ниваасанавад̇т̇ам̣ д̣̇зваад̇и. нану, д̇аад̇аа, т̇уулам̣, ан̃н̃ам̣ сукумад̇арам̣ над̇т̇ийд̇и? мануссаанам̣ барибхог̇авад̇т̇зсу ид̇о сукумад̇арам̣ над̇т̇и д̣̇зваад̇и. д̇умхаагам̣ рааж̇аа зваруубам̣ ниваасзсийд̇и? аама, д̣̇зваад̇и. на ман̃н̃з бун̃н̃аваа д̇умхаагам̣ рааж̇аа, суван̣н̣абхин̇г̇аарам̣ аахарат̇а, лабхиссаама вад̇т̇анд̇и. д̇з суван̣н̣абхин̇г̇аарам̣ аахарим̣су. со удтааяа хад̇т̇з д̇ховид̇ваа мукам̣ вигкаалзд̇ваа хад̇т̇зна уд̣̇агам̣ аад̣̇ааяа бурад̇т̇имааяа д̣̇исааяа аб̣бхуггири, д̇аавад̣̇зва гханабат̇авим̣ бхинд̣̇ид̇ваа адта габбаругкаа удтахим̣су. буна уд̣̇агам̣ г̇ахзд̇ваа д̣̇агкин̣ам̣ бажчимам̣ уд̇д̇аранд̇и звам̣ жад̇ассоби д̣̇исаа аб̣бхуггири, саб̣б̣ад̣̇исаасу адтадта гад̇ваа д̣̇вад̇д̇им̣са габбаругкаа удтахим̣су. со згам̣ д̣̇иб̣б̣ад̣̇уссам̣ ниваасзд̇ваа згам̣ баарубид̇ваа ‘‘нанд̣̇аран̃н̃о виж̇ид̇з суд̇д̇аганд̇игаа ид̇т̇ияо маа суд̇д̇ам̣ ганд̇им̣сууд̇и звам̣ бхзрим̣ жараабзт̇аа’’д̇и вад̇ваа чад̇д̇ам̣ уссаабзд̇ваа алан̇гад̇абадияад̇д̇о хад̇т̇игканд̇хавараг̇ад̇о наг̇арам̣ бависид̇ваа баасаад̣̇ам̣ ааруяха махаасамбад̇д̇им̣ анубхави.

    Athassa katābhisekassa sahassagghanakaṃ vatthaṃ upahariṃsu. So ‘‘kimidaṃ, tātā’’ti āha. Nivāsanavatthaṃ devāti. Nanu, tātā, thūlaṃ, aññaṃ sukhumataraṃ natthīti? Manussānaṃ paribhogavatthesu ito sukhumataraṃ natthi devāti. Tumhākaṃ rājā evarūpaṃ nivāsesīti? Āma, devāti. Na maññe puññavā tumhākaṃ rājā, suvaṇṇabhiṅgāraṃ āharatha, labhissāma vatthanti. Te suvaṇṇabhiṅgāraṃ āhariṃsu. So uṭṭhāya hatthe dhovitvā mukhaṃ vikkhāletvā hatthena udakaṃ ādāya puratthimāya disāya abbhukkiri, tāvadeva ghanapathaviṃ bhinditvā aṭṭha kapparukkhā uṭṭhahiṃsu. Puna udakaṃ gahetvā dakkhiṇaṃ pacchimaṃ uttaranti evaṃ catassopi disā abbhukkiri, sabbadisāsu aṭṭhaṭṭha katvā dvattiṃsa kapparukkhā uṭṭhahiṃsu. So ekaṃ dibbadussaṃ nivāsetvā ekaṃ pārupitvā ‘‘nandarañño vijite suttakantikā itthiyo mā suttaṃ kantiṃsūti evaṃ bheriṃ carāpethā’’ti vatvā chattaṃ ussāpetvā alaṅkatapaṭiyatto hatthikkhandhavaragato nagaraṃ pavisitvā pāsādaṃ āruyha mahāsampattiṃ anubhavi.

    звам̣ гаалз г̇ажчанд̇з згад̣̇ивасам̣ д̣̇звий ран̃н̃о махаасамбад̇д̇им̣ д̣̇исваа ‘‘ахо д̇абассий’’д̇и гаарун̃н̃аагаарам̣ д̣̇ассзси. ‘‘гимид̣̇ам̣ д̣̇звий’’д̇и жа будтаа ‘‘ад̇имахад̇ий д̇з д̣̇зва самбад̇д̇и, ад̇ийд̇з б̣уд̣̇д̇хаанам̣ сад̣̇д̣̇ахид̇ваа галяаан̣ам̣ агад̇т̇а, ид̣̇аани анааг̇ад̇асса бажжаяам̣ гусалам̣ на гарот̇аа’’д̇и ааха. гасса д̣̇ассаами, сийлаванд̇о над̇т̇ийд̇и. ‘‘асун̃н̃о, д̣̇зва, ж̇амб̣уд̣̇ийбо араханд̇зхи, д̇умхз д̣̇аанамзва саж̇ж̇зт̇а, ахам̣ араханд̇з лажчаамий’’д̇и ааха. рааж̇аа бунад̣̇ивасз баажийнад̣̇ваарз д̣̇аанам̣ саж̇ж̇аабзси. д̣̇звий баад̇ова убосат̇ан̇г̇аани ад̇хидтааяа убарибаасаад̣̇з бурад̇т̇аабхимукаа урзна нибаж̇ж̇ид̇ваа ‘‘сажз зд̇иссаа д̣̇исааяа араханд̇о ад̇т̇и, свз ааг̇анд̇ваа амхаагам̣ бхигкам̣ г̇ан̣ханд̇уу’’д̇и ааха. д̇ассам̣ д̣̇исааяам̣ араханд̇о наахзсум̣, д̇ам̣ саггаарам̣ габан̣аяаажагаанам̣ ад̣̇ам̣су.

    Evaṃ kāle gacchante ekadivasaṃ devī rañño mahāsampattiṃ disvā ‘‘aho tapassī’’ti kāruññākāraṃ dassesi. ‘‘Kimidaṃ devī’’ti ca puṭṭhā ‘‘atimahatī te deva sampatti, atīte buddhānaṃ saddahitvā kalyāṇaṃ akattha, idāni anāgatassa paccayaṃ kusalaṃ na karothā’’ti āha. Kassa dassāmi, sīlavanto natthīti. ‘‘Asuñño, deva, jambudīpo arahantehi, tumhe dānameva sajjetha, ahaṃ arahante lacchāmī’’ti āha. Rājā punadivase pācīnadvāre dānaṃ sajjāpesi. Devī pātova uposathaṅgāni adhiṭṭhāya uparipāsāde puratthābhimukhā urena nipajjitvā ‘‘sace etissā disāya arahanto atthi, sve āgantvā amhākaṃ bhikkhaṃ gaṇhantū’’ti āha. Tassaṃ disāyaṃ arahanto nāhesuṃ, taṃ sakkāraṃ kapaṇayācakānaṃ adaṃsu.

    бунад̣̇ивасз д̣̇агкин̣ад̣̇ваарз д̣̇аанам̣ саж̇ж̇зд̇ваа д̇ат̇зва агааси, бунад̣̇ивасз бажчимад̣̇ваарз. уд̇д̇арад̣̇ваарз саж̇ж̇анад̣̇ивасз бана д̣̇звияаа д̇ат̇зва ниманд̇ид̇з химаванд̇з васанд̇аанам̣ бад̣̇умавад̇ияаа буд̇д̇аанам̣ бан̃жасад̇аанам̣ бажжзгаб̣уд̣̇д̇хаанам̣ ж̇здтаго махаабад̣̇умабажжзгаб̣уд̣̇д̇хо бхаад̇игз ааманд̇зси – ‘‘маарисаа, нанд̣̇арааж̇аа д̇умхз ниманд̇зд̇и, ад̇хиваасзт̇а д̇ассаа’’д̇и. д̇з ад̇хиваасзд̇ваа бунад̣̇ивасз анод̇ад̇д̇ад̣̇ахз мукам̣ д̇ховид̇ваа аагаасзна ааг̇анд̇ваа уд̇д̇арад̣̇ваарз од̇арим̣су. мануссаа г̇анд̇ваа ‘‘бан̃жасад̇аа, д̣̇зва, бажжзгаб̣уд̣̇д̇хаа ааг̇ад̇аа’’д̇и ран̃н̃о аарожзсум̣. рааж̇аа сад̣̇д̇хим̣ д̣̇звияаа г̇анд̇ваа ванд̣̇ид̇ваа бад̇д̇ам̣ г̇ахзд̇ваа бажжзгаб̣уд̣̇д̇хз баасаад̣̇ам̣ ааробзд̇ваа д̇ад̇ра д̇зсам̣ д̣̇аанам̣ д̣̇ад̇ваа бхад̇д̇агижжаавасаанз рааж̇аа сан̇гхад̇т̇зрасса, д̣̇звий сан̇гханавагасса баад̣̇амуулз нибаж̇ж̇ид̇ваа, ‘‘аяяаа, бажжаязхи на гиламиссанд̇и, маяам̣ бун̃н̃зна на хааяиссаама, амхаагам̣ яааваж̇ийвам̣ ид̇ха ниваасааяа бадин̃н̃ам̣ д̣̇зт̇аа’’д̇и. бадин̃н̃ам̣ гаарзд̇ваа уяяаанз бан̃жа бан̣н̣асаалаасад̇аани бан̃жа жан̇гаманасад̇аанийд̇и саб̣б̣аагаарзна ниваасадтаанам̣ самбаад̣̇зд̇ваа д̇ад̇т̇а васаабзсум̣.

    Punadivase dakkhiṇadvāre dānaṃ sajjetvā tatheva akāsi, punadivase pacchimadvāre. Uttaradvāre sajjanadivase pana deviyā tatheva nimantite himavante vasantānaṃ padumavatiyā puttānaṃ pañcasatānaṃ paccekabuddhānaṃ jeṭṭhako mahāpadumapaccekabuddho bhātike āmantesi – ‘‘mārisā, nandarājā tumhe nimanteti, adhivāsetha tassā’’ti. Te adhivāsetvā punadivase anotattadahe mukhaṃ dhovitvā ākāsena āgantvā uttaradvāre otariṃsu. Manussā gantvā ‘‘pañcasatā, deva, paccekabuddhā āgatā’’ti rañño ārocesuṃ. Rājā saddhiṃ deviyā gantvā vanditvā pattaṃ gahetvā paccekabuddhe pāsādaṃ āropetvā tatra tesaṃ dānaṃ datvā bhattakiccāvasāne rājā saṅghattherassa, devī saṅghanavakassa pādamūle nipajjitvā, ‘‘ayyā, paccayehi na kilamissanti, mayaṃ puññena na hāyissāma, amhākaṃ yāvajīvaṃ idha nivāsāya paṭiññaṃ dethā’’ti. Paṭiññaṃ kāretvā uyyāne pañca paṇṇasālāsatāni pañca caṅkamanasatānīti sabbākārena nivāsaṭṭhānaṃ sampādetvā tattha vasāpesuṃ.

    звам̣ гаалз г̇ажчанд̇з ран̃н̃о бажжанд̇о губид̇о. со ‘‘ахам̣ бажжанд̇ам̣ вуубасамзд̇ум̣ г̇ажчаами, д̇вам̣ бажжзгаб̣уд̣̇д̇хзсу маа бамаж̇ж̇ий’’д̇и д̣̇звим̣ овад̣̇ид̇ваа г̇ад̇о. д̇асмим̣ анааг̇ад̇зязва бажжзгаб̣уд̣̇д̇хаанам̣ ааяусан̇каараа кийн̣аа. махаабад̣̇умабажжзгаб̣уд̣̇д̇хо д̇ияаамарад̇д̇им̣ жхаанагийл̣ам̣ гийл̣ид̇ваа арун̣уг̇г̇аманз ааламб̣анапалагам̣ ааламб̣ид̇ваа тид̇агова анубаад̣̇исзсааяа ниб̣б̣аанад̇хаад̇уяаа бариниб̣б̣ааяи. зд̇знубааязна сзсаабийд̇и саб̣б̣зва бариниб̣б̣уд̇аа. бунад̣̇ивасз д̣̇звий бажжзгаб̣уд̣̇д̇хаанам̣ нисийд̣̇анадтаанам̣ харид̇убалид̇д̇ам̣ гаарзд̇ваа бубпаани вигирид̇ваа д̇хуумам̣ д̣̇ад̇ваа д̇зсам̣ ааг̇аманам̣ ологзнд̇ий нисиннаа; ааг̇аманам̣ абассанд̇ий бурисам̣ бзсзси ‘‘г̇ажча, д̇аад̇а, ж̇аанаахи, гим̣ аяяаанам̣ гин̃жи апаасуга’’нд̇и. со г̇анд̇ваа махаабад̣̇умасса бан̣н̣асаалаад̣̇ваарам̣ виварид̇ваа д̇ад̇т̇а абассанд̇о жан̇гаманам̣ г̇анд̇ваа ааламб̣анапалагам̣ ниссааяа тид̇ам̣ д̣̇исваа ванд̣̇ид̇ваа ‘‘гаало, бханд̇з’’д̇и ааха. бариниб̣б̣уд̇асарийрам̣ гим̣ гат̇зссад̇и? со ‘‘нид̣̇д̣̇ааяад̇и ман̃н̃з’’д̇и г̇анд̇ваа бидтибаад̣̇з хад̇т̇зна бараамасид̇ваа баад̣̇аанам̣ сийд̇алад̇ааяа жзва т̇ад̣̇д̇хад̇ааяа жа бариниб̣б̣уд̇абхаавам̣ н̃ад̇ваа д̣̇уд̇ияасса санд̇игам̣ аг̇амааси, звам̣ д̇ад̇ияассаад̇и саб̣б̣зсам̣ бариниб̣б̣уд̇абхаавам̣ н̃ад̇ваа рааж̇агулам̣ г̇ад̇о. ‘‘гахам̣, д̇аад̇а, бажжзгаб̣уд̣̇д̇хаа’’д̇и будто ‘‘бариниб̣б̣уд̇аа д̣̇звий’’д̇и ааха . д̣̇звий ганд̣̇анд̇ий род̣̇анд̇ий нигкамид̇ваа нааг̇арзхи сад̣̇д̇хим̣ д̇ад̇т̇а г̇анд̇ваа саад̇хугийл̣ид̇ам̣ гаарзд̇ваа бажжзгаб̣уд̣̇д̇хаанам̣ сарийрагижжам̣ гад̇ваа д̇хаад̇уяо г̇ахзд̇ваа жзд̇ияам̣ бад̇идтаабзси.

    Evaṃ kāle gacchante rañño paccanto kupito. So ‘‘ahaṃ paccantaṃ vūpasametuṃ gacchāmi, tvaṃ paccekabuddhesu mā pamajjī’’ti deviṃ ovaditvā gato. Tasmiṃ anāgateyeva paccekabuddhānaṃ āyusaṅkhārā khīṇā. Mahāpadumapaccekabuddho tiyāmarattiṃ jhānakīḷaṃ kīḷitvā aruṇuggamane ālambanaphalakaṃ ālambitvā ṭhitakova anupādisesāya nibbānadhātuyā parinibbāyi. Etenupāyena sesāpīti sabbeva parinibbutā. Punadivase devī paccekabuddhānaṃ nisīdanaṭṭhānaṃ haritupalittaṃ kāretvā pupphāni vikiritvā dhūmaṃ datvā tesaṃ āgamanaṃ olokentī nisinnā; āgamanaṃ apassantī purisaṃ pesesi ‘‘gaccha, tāta, jānāhi, kiṃ ayyānaṃ kiñci aphāsuka’’nti. So gantvā mahāpadumassa paṇṇasālādvāraṃ vivaritvā tattha apassanto caṅkamanaṃ gantvā ālambanaphalakaṃ nissāya ṭhitaṃ disvā vanditvā ‘‘kālo, bhante’’ti āha. Parinibbutasarīraṃ kiṃ kathessati? So ‘‘niddāyati maññe’’ti gantvā piṭṭhipāde hatthena parāmasitvā pādānaṃ sītalatāya ceva thaddhatāya ca parinibbutabhāvaṃ ñatvā dutiyassa santikaṃ agamāsi, evaṃ tatiyassāti sabbesaṃ parinibbutabhāvaṃ ñatvā rājakulaṃ gato. ‘‘Kahaṃ, tāta, paccekabuddhā’’ti puṭṭho ‘‘parinibbutā devī’’ti āha . Devī kandantī rodantī nikkhamitvā nāgarehi saddhiṃ tattha gantvā sādhukīḷitaṃ kāretvā paccekabuddhānaṃ sarīrakiccaṃ katvā dhātuyo gahetvā cetiyaṃ patiṭṭhāpesi.

    рааж̇аа бажжанд̇ам̣ вуубасамзд̇ваа ааг̇ад̇о бажжуг̇г̇аманам̣ ааг̇ад̇ам̣ д̣̇звим̣ бужчи – ‘‘гим̣, бхад̣̇д̣̇з, бажжзгаб̣уд̣̇д̇хзсу наббамаж̇ж̇и, нирог̇аа аяяаа’’д̇и? бариниб̣б̣уд̇аа д̣̇зваад̇и. рааж̇аа жинд̇зси – ‘‘зваруубаанамби бан̣д̣ид̇аанам̣ маран̣ам̣ уббаж̇ж̇ад̇и, амхаагам̣ гуд̇о могко’’д̇и? со наг̇арам̣ аг̇анд̇ваа уяяаанамзва бависид̇ваа ж̇здтабуд̇д̇ам̣ баггосаабзд̇ваа д̇асса раж̇ж̇ам̣ бадияаад̣̇зд̇ваа саяам̣ саман̣агабаб̣б̣аж̇ж̇ам̣ баб̣б̣аж̇и. д̣̇звийби ‘‘имасмим̣ баб̣б̣аж̇ид̇з ахам̣ гим̣ гариссаамий’’д̇и д̇ад̇т̇зва уяяаанз баб̣б̣аж̇ид̇аа. д̣̇взби жхаанам̣ бхаавзд̇ваа д̇ад̇о жуд̇аа б̣рахмалогз ниб̣б̣ад̇д̇им̣су.

    Rājā paccantaṃ vūpasametvā āgato paccuggamanaṃ āgataṃ deviṃ pucchi – ‘‘kiṃ, bhadde, paccekabuddhesu nappamajji, nirogā ayyā’’ti? Parinibbutā devāti. Rājā cintesi – ‘‘evarūpānampi paṇḍitānaṃ maraṇaṃ uppajjati, amhākaṃ kuto mokkho’’ti? So nagaraṃ agantvā uyyānameva pavisitvā jeṭṭhaputtaṃ pakkosāpetvā tassa rajjaṃ paṭiyādetvā sayaṃ samaṇakapabbajjaṃ pabbaji. Devīpi ‘‘imasmiṃ pabbajite ahaṃ kiṃ karissāmī’’ti tattheva uyyāne pabbajitā. Dvepi jhānaṃ bhāvetvā tato cutā brahmaloke nibbattiṃsu.

    д̇зсу д̇ад̇т̇зва васанд̇зсу амхаагам̣ сад̇т̇аа логз уббаж̇ж̇ид̇ваа бавад̇д̇ид̇аварад̇хаммажагго анубуб̣б̣зна рааж̇аг̇ахам̣ баависи. сад̇т̇ари д̇ад̇т̇а васанд̇з аяам̣ биббалимаан̣аво маг̇ад̇харадтз махаад̇ид̇т̇аб̣раахман̣аг̇аамз габилаб̣раахман̣асса аг̇г̇амахзсияаа гужчимхи ниб̣б̣ад̇д̇о, аяам̣ бхад̣̇д̣̇аа гаабилааний мад̣̇д̣̇арадтз сааг̇аланаг̇арз госияаг̇од̇д̇аб̣раахман̣асса аг̇г̇амахзсияаа гужчимхи ниб̣б̣ад̇д̇аа. д̇зсам̣ ануггамзна вад̣дхамаанаанам̣ биббалимаан̣авасса вийсад̇имз вассз бхад̣̇д̣̇ааяа сол̣асамз вассз самбад̇д̇з маад̇аабид̇аро буд̇д̇ам̣ ологзд̇ваа, ‘‘д̇аад̇а, д̇вам̣ ваяабад̇д̇о, гулавам̣со наама бад̇идтаабзд̇аб̣б̣о’’д̇и ад̇ивияа ниббийл̣аяим̣су. маан̣аво ааха – ‘‘маяхам̣ сод̇абат̇з зваруубам̣ гат̇ам̣ маа гат̇зт̇а, ахам̣ яаава д̇умхз д̇харат̇а, д̇аава бадиж̇аг̇г̇иссаами, д̇умхаагам̣ ажжаязна нигкамид̇ваа баб̣б̣аж̇иссаамий’’д̇и. д̇з гад̇ибаахам̣ ад̇иггамид̇ваа буна гат̇аяим̣су, соби д̇ат̇зва бадигкиби. бунаби гат̇аяим̣су, бунаби бадигкиби. д̇ад̇о бадтааяа маад̇аа ниранд̇арам̣ гат̇зсиязва.

    Tesu tattheva vasantesu amhākaṃ satthā loke uppajjitvā pavattitavaradhammacakko anupubbena rājagahaṃ pāvisi. Satthari tattha vasante ayaṃ pippalimāṇavo magadharaṭṭhe mahātitthabrāhmaṇagāme kapilabrāhmaṇassa aggamahesiyā kucchimhi nibbatto, ayaṃ bhaddā kāpilānī maddaraṭṭhe sāgalanagare kosiyagottabrāhmaṇassa aggamahesiyā kucchimhi nibbattā. Tesaṃ anukkamena vaḍḍhamānānaṃ pippalimāṇavassa vīsatime vasse bhaddāya soḷasame vasse sampatte mātāpitaro puttaṃ oloketvā, ‘‘tāta, tvaṃ vayapatto, kulavaṃso nāma patiṭṭhāpetabbo’’ti ativiya nippīḷayiṃsu. Māṇavo āha – ‘‘mayhaṃ sotapathe evarūpaṃ kathaṃ mā kathetha, ahaṃ yāva tumhe dharatha, tāva paṭijaggissāmi, tumhākaṃ accayena nikkhamitvā pabbajissāmī’’ti. Te katipāhaṃ atikkamitvā puna kathayiṃsu, sopi tatheva paṭikkhipi. Punapi kathayiṃsu, punapi paṭikkhipi. Tato paṭṭhāya mātā nirantaraṃ kathesiyeva.

    маан̣аво ‘‘мама маад̇арам̣ сан̃н̃аабзссаамий’’д̇и рад̇д̇асуван̣н̣асса нигкасахассам̣ д̣̇ад̇ваа суван̣н̣агаарзхи згам̣ ид̇т̇ируубам̣ гаараабзд̇ваа д̇асса маж̇ж̇анагхадданаад̣̇игаммабарияосаанз д̇ам̣ рад̇д̇авад̇т̇ам̣ ниваасаабзд̇ваа ван̣н̣асамбаннзхи бубпзхи жзва наанааалан̇гаарзхи жа алан̇гаараабзд̇ваа маад̇арам̣ баггосаабзд̇ваа ааха – ‘‘амма, зваруубам̣ аарамман̣ам̣ лабханд̇о г̇зхз васиссаами, алабханд̇о на васиссаамий’’д̇и . бан̣д̣ид̇аа б̣раахман̣ий жинд̇зси – ‘‘маяхам̣ буд̇д̇о бун̃н̃аваа д̣̇иннад̣̇аано гад̇аабхинийхааро, бун̃н̃ам̣ гаронд̇о на згагова агааси, ад̣̇д̇хаа зд̇зна саха гад̇абун̃н̃аа суван̣н̣аруубагабадибхааг̇аава бхависсад̇ий’’д̇и адта б̣раахман̣з баггосаабзд̇ваа саб̣б̣агаамзхи санд̇аббзд̇ваа суван̣н̣аруубагам̣ рат̇ам̣ ааробзд̇ваа ‘‘г̇ажчат̇а, д̇аад̇аа, яад̇т̇а амхаагам̣ ж̇аад̇иг̇од̇д̇абхог̇зхи самаанагулз зваруубам̣ д̣̇ааригам̣ бассат̇а, имамзва суван̣н̣аруубагам̣ бан̣н̣аагаарам̣ гад̇ваа д̣̇зт̇аа’’д̇и уяяож̇зси.

    Māṇavo ‘‘mama mātaraṃ saññāpessāmī’’ti rattasuvaṇṇassa nikkhasahassaṃ datvā suvaṇṇakārehi ekaṃ itthirūpaṃ kārāpetvā tassa majjanaghaṭṭanādikammapariyosāne taṃ rattavatthaṃ nivāsāpetvā vaṇṇasampannehi pupphehi ceva nānāalaṅkārehi ca alaṅkārāpetvā mātaraṃ pakkosāpetvā āha – ‘‘amma, evarūpaṃ ārammaṇaṃ labhanto gehe vasissāmi, alabhanto na vasissāmī’’ti . Paṇḍitā brāhmaṇī cintesi – ‘‘mayhaṃ putto puññavā dinnadāno katābhinīhāro, puññaṃ karonto na ekakova akāsi, addhā etena saha katapuññā suvaṇṇarūpakapaṭibhāgāva bhavissatī’’ti aṭṭha brāhmaṇe pakkosāpetvā sabbakāmehi santappetvā suvaṇṇarūpakaṃ rathaṃ āropetvā ‘‘gacchatha, tātā, yattha amhākaṃ jātigottabhogehi samānakule evarūpaṃ dārikaṃ passatha, imameva suvaṇṇarūpakaṃ paṇṇākāraṃ katvā dethā’’ti uyyojesi.

    д̇з ‘‘амхаагам̣ наама зд̇ам̣ гамма’’нд̇и нигкамид̇ваа ‘‘гад̇т̇а г̇амиссаамаа’’д̇и жинд̇зд̇ваа ‘‘мад̣̇д̣̇арадтам̣ наама ид̇т̇аагаро, мад̣̇д̣̇арадтам̣ г̇амиссаамаа’’д̇и мад̣̇д̣̇арадтз сааг̇аланаг̇арам̣ аг̇амам̣су. д̇ад̇т̇а д̇ам̣ суван̣н̣аруубагам̣ нхаанад̇ид̇т̇з табзд̇ваа згаманд̇з нисийд̣̇им̣су. ат̇а бхад̣̇д̣̇ааяа д̇хаад̇ий бхад̣̇д̣̇ам̣ нхаабзд̇ваа алан̇гарид̇ваа сириг̇аб̣бхз нисийд̣̇аабзд̇ваа нхааяид̇ум̣ ааг̇ажчанд̇ий д̇ам̣ руубагам̣ д̣̇исваа ‘‘аяяад̇хийд̇аа мз ид̇хааг̇ад̇аа’’д̇и сан̃н̃ааяа санд̇аж̇ж̇зд̇ваа ‘‘д̣̇уб̣б̣инийд̇з гим̣ д̇вам̣ ид̇хааг̇ад̇аа’’д̇и д̇аласад̇д̇игам̣ уг̇г̇ирид̇ваа ‘‘г̇ажча сийгха’’нд̇и г̇ан̣д̣абассз бахари. хад̇т̇о баасаан̣з бадихад̇о вияа гамбид̇т̇а. саа бадиггамид̇ваа ‘‘звам̣ т̇ад̣̇д̇хам̣ наама махааг̇ийвам̣ д̣̇исваа ‘аяяад̇хийд̇аа мз’д̇и сан̃н̃ам̣ уббаад̣̇зсим̣, аяяад̇хийд̇ааяа хи мз ниваасанабадиг̇г̇аахигааяаби аяуд̇д̇аа’’д̇и ааха. ат̇а нам̣ д̇з мануссаа бариваарзд̇ваа ‘‘зваруубаа д̇з саамид̇хийд̇аа’’д̇и бужчим̣су. гим̣ зсаа, имааяа сад̇аг̇ун̣зна сахассаг̇ун̣зна маяхам̣ аяяаад̇хийд̇аа абхируубад̇араа, д̣̇ваад̣̇асахад̇т̇з г̇аб̣бхз нисиннааяа бад̣̇ийбагижжам̣ над̇т̇и, сарийробхаасзнзва д̇амам̣ вид̇хамад̇ийд̇и. ‘‘д̇зна хи ааг̇ажчаа’’д̇и куж̇ж̇ам̣ г̇ахзд̇ваа суван̣н̣аруубагам̣ рат̇ам̣ ааробзд̇ваа госияаг̇од̇д̇асса б̣раахман̣асса гхарад̣̇ваарз тад̇ваа ааг̇аманам̣ нивзд̣̇аяим̣су.

    Te ‘‘amhākaṃ nāma etaṃ kamma’’nti nikkhamitvā ‘‘kattha gamissāmā’’ti cintetvā ‘‘maddaraṭṭhaṃ nāma itthākaro, maddaraṭṭhaṃ gamissāmā’’ti maddaraṭṭhe sāgalanagaraṃ agamaṃsu. Tattha taṃ suvaṇṇarūpakaṃ nhānatitthe ṭhapetvā ekamante nisīdiṃsu. Atha bhaddāya dhātī bhaddaṃ nhāpetvā alaṅkaritvā sirigabbhe nisīdāpetvā nhāyituṃ āgacchantī taṃ rūpakaṃ disvā ‘‘ayyadhītā me idhāgatā’’ti saññāya santajjetvā ‘‘dubbinīte kiṃ tvaṃ idhāgatā’’ti talasattikaṃ uggiritvā ‘‘gaccha sīgha’’nti gaṇḍapasse pahari. Hattho pāsāṇe paṭihato viya kampittha. Sā paṭikkamitvā ‘‘evaṃ thaddhaṃ nāma mahāgīvaṃ disvā ‘ayyadhītā me’ti saññaṃ uppādesiṃ, ayyadhītāya hi me nivāsanapaṭiggāhikāyapi ayuttā’’ti āha. Atha naṃ te manussā parivāretvā ‘‘evarūpā te sāmidhītā’’ti pucchiṃsu. Kiṃ esā, imāya sataguṇena sahassaguṇena mayhaṃ ayyādhītā abhirūpatarā, dvādasahatthe gabbhe nisinnāya padīpakiccaṃ natthi, sarīrobhāseneva tamaṃ vidhamatīti. ‘‘Tena hi āgacchā’’ti khujjaṃ gahetvā suvaṇṇarūpakaṃ rathaṃ āropetvā kosiyagottassa brāhmaṇassa gharadvāre ṭhatvā āgamanaṃ nivedayiṃsu.

    б̣раахман̣о бадисант̇аарам̣ гад̇ваа ‘‘гуд̇о ааг̇ад̇ад̇т̇аа’’д̇и бужчи. маг̇ад̇харадтз махаад̇ид̇т̇аг̇аамз габилаб̣раахман̣асса гхарад̇од̇и. гим̣ гааран̣аа ааг̇ад̇аад̇и? иминаа наама гааран̣знаад̇и. ‘‘галяаан̣ам̣, д̇аад̇аа, самаж̇аад̇иг̇од̇д̇авибхаво амхаагам̣ б̣раахман̣о, д̣̇ассаами д̣̇аарига’’нд̇и бан̣н̣аагаарам̣ г̇ан̣хи. д̇з габилаб̣раахман̣асса саасанам̣ бахин̣им̣су ‘‘лад̣̇д̇хаа д̣̇ааригаа, гад̇д̇аб̣б̣ам̣ гарот̇аа’’д̇и. д̇ам̣ саасанам̣ суд̇ваа биббалимаан̣авасса аарожаяим̣су ‘‘лад̣̇д̇хаа гира д̣̇ааригаа’’д̇и. маан̣аво ‘‘ахам̣ ‘на лабхиссанд̇ий’д̇и жинд̇зсим̣, ‘имз лад̣̇д̇хаад̇и вад̣̇анд̇и’, анад̇т̇иго худ̇ваа бан̣н̣ам̣ бзсзссаамий’’д̇и рахог̇ад̇о бан̣н̣ам̣ лики ‘‘бхад̣̇д̣̇аа ад̇д̇ано ж̇аад̇иг̇од̇д̇абхог̇аануруубам̣ гхарааваасам̣ лабхад̇у, ахам̣ нигкамид̇ваа баб̣б̣аж̇иссаами, маа бажчаа виббадисаариний ахосий’’д̇и. бхад̣̇д̣̇ааби ‘‘асугасса гира мам̣ д̣̇аад̇угаамо’’д̇и суд̇ваа рахог̇ад̇аа бан̣н̣ам̣ лики ‘‘аяяабуд̇д̇о ад̇д̇ано ж̇аад̇иг̇од̇д̇абхог̇аануруубам̣ гхарааваасам̣ лабхад̇у, ахам̣ нигкамид̇ваа баб̣б̣аж̇иссаами, маа бажчаа виббадисаарий ахосий’’д̇и. д̣̇вз бан̣н̣аани анд̇араамаг̇г̇з самааг̇ажчим̣су. ид̣̇ам̣ гасса бан̣н̣анд̇и? биббалимаан̣авзна бхад̣̇д̣̇ааяа бахид̇анд̇и. ид̣̇ам̣ гассаад̇и? бхад̣̇д̣̇ааяа биббалимаан̣авасса бахид̇анд̇и жа вуд̇д̇з д̣̇взби ваажзд̇ваа ‘‘бассат̇а д̣̇аарагаанам̣ гамма’’нд̇и паалзд̇ваа аран̃н̃з чад̣д̣зд̇ваа самаанабан̣н̣ам̣ ликид̇ваа ид̇о жа зд̇д̇о жа бзсзсум̣. ид̇и д̇зсам̣ анижчамаанаанам̣язва самааг̇амо ахоси.

    Brāhmaṇo paṭisanthāraṃ katvā ‘‘kuto āgatatthā’’ti pucchi. Magadharaṭṭhe mahātitthagāme kapilabrāhmaṇassa gharatoti. Kiṃ kāraṇā āgatāti? Iminā nāma kāraṇenāti. ‘‘Kalyāṇaṃ, tātā, samajātigottavibhavo amhākaṃ brāhmaṇo, dassāmi dārika’’nti paṇṇākāraṃ gaṇhi. Te kapilabrāhmaṇassa sāsanaṃ pahiṇiṃsu ‘‘laddhā dārikā, kattabbaṃ karothā’’ti. Taṃ sāsanaṃ sutvā pippalimāṇavassa ārocayiṃsu ‘‘laddhā kira dārikā’’ti. Māṇavo ‘‘ahaṃ ‘na labhissantī’ti cintesiṃ, ‘ime laddhāti vadanti’, anatthiko hutvā paṇṇaṃ pesessāmī’’ti rahogato paṇṇaṃ likhi ‘‘bhaddā attano jātigottabhogānurūpaṃ gharāvāsaṃ labhatu, ahaṃ nikkhamitvā pabbajissāmi, mā pacchā vippaṭisārinī ahosī’’ti. Bhaddāpi ‘‘asukassa kira maṃ dātukāmo’’ti sutvā rahogatā paṇṇaṃ likhi ‘‘ayyaputto attano jātigottabhogānurūpaṃ gharāvāsaṃ labhatu, ahaṃ nikkhamitvā pabbajissāmi, mā pacchā vippaṭisārī ahosī’’ti. Dve paṇṇāni antarāmagge samāgacchiṃsu. Idaṃ kassa paṇṇanti? Pippalimāṇavena bhaddāya pahitanti. Idaṃ kassāti? Bhaddāya pippalimāṇavassa pahitanti ca vutte dvepi vācetvā ‘‘passatha dārakānaṃ kamma’’nti phāletvā araññe chaḍḍetvā samānapaṇṇaṃ likhitvā ito ca etto ca pesesuṃ. Iti tesaṃ anicchamānānaṃyeva samāgamo ahosi.

    д̇ам̣д̣̇ивасамзва маан̣аво згам̣ бубпад̣̇аамам̣ г̇ахзд̇ваа табзси. бхад̣̇д̣̇ааби, д̇аани саяанамаж̇жхз табзси. бхуд̇д̇асааяамаасаа убхоби ‘‘саяанам̣ абхирухиссаамаа’’д̇и самааг̇анд̇ваа маан̣аво д̣̇агкин̣абассзна саяанам̣ абхирухи. бхад̣̇д̣̇аа ваамабассзна абхирухид̇ваа ааха – ‘‘яасса бассз бубпаани милааяанд̇и, д̇асса рааг̇ажид̇д̇ам̣ уббаннанд̇и виж̇ааниссаама, имам̣ бубпад̣̇аамам̣ на аллийяид̇аб̣б̣а’’нд̇и. д̇з бана ан̃н̃аман̃н̃ам̣ сарийрасампассабхаязна д̇ияаамарад̇д̇им̣ нид̣̇д̣̇ам̣ аноггаманд̇аава вийд̇инаамзнд̇и, д̣̇иваа бана хаасамад̇д̇амби наахоси. д̇з логаамисзна асам̣садтаа яаава маад̇аабид̇аро д̇харанд̇и, д̇аава гудумб̣ам̣ авижаарзд̇ваа д̇зсу гаалан̇гад̇зсу вижаараяим̣су. махад̇ий маан̣авасса самбад̇д̇и сад̇д̇аасийд̇игодид̇ханам̣, згад̣̇ивасам̣ сарийрам̣ уб̣б̣аддзд̇ваа чад̣д̣зд̇аб̣б̣ам̣ суван̣н̣ажун̣н̣амзва маг̇ад̇ханаал̣ияаа д̣̇ваад̣̇асанаал̣имад̇д̇ам̣ лад̣̇д̇хум̣ ваддад̇и. яанд̇аб̣ад̣̇д̇хаани садти махаад̇ал̣аагаани, гамманд̇о д̣̇ваад̣̇асаяож̇аниго, анураад̇хабураббамаан̣аа жуд̣̇д̣̇аса г̇аамаа, жуд̣̇д̣̇аса хад̇т̇аанийгаа, жуд̣̇д̣̇аса ассаанийгаа, жуд̣̇д̣̇аса рат̇аанийгаа.

    Taṃdivasameva māṇavo ekaṃ pupphadāmaṃ gahetvā ṭhapesi. Bhaddāpi, tāni sayanamajjhe ṭhapesi. Bhuttasāyamāsā ubhopi ‘‘sayanaṃ abhiruhissāmā’’ti samāgantvā māṇavo dakkhiṇapassena sayanaṃ abhiruhi. Bhaddā vāmapassena abhiruhitvā āha – ‘‘yassa passe pupphāni milāyanti, tassa rāgacittaṃ uppannanti vijānissāma, imaṃ pupphadāmaṃ na allīyitabba’’nti. Te pana aññamaññaṃ sarīrasamphassabhayena tiyāmarattiṃ niddaṃ anokkamantāva vītināmenti, divā pana hāsamattampi nāhosi. Te lokāmisena asaṃsaṭṭhā yāva mātāpitaro dharanti, tāva kuṭumbaṃ avicāretvā tesu kālaṅkatesu vicārayiṃsu. Mahatī māṇavassa sampatti sattāsītikoṭidhanaṃ, ekadivasaṃ sarīraṃ ubbaṭṭetvā chaḍḍetabbaṃ suvaṇṇacuṇṇameva magadhanāḷiyā dvādasanāḷimattaṃ laddhuṃ vaṭṭati. Yantabaddhāni saṭṭhi mahātaḷākāni, kammanto dvādasayojaniko, anurādhapurappamāṇā cuddasa gāmā, cuddasa hatthānīkā, cuddasa assānīkā, cuddasa rathānīkā.

    со згад̣̇ивасам̣ алан̇гад̇аассам̣ ааруяха махааж̇анабаривуд̇о гамманд̇ам̣ г̇анд̇ваа кзд̇д̇агодияам̣ тид̇о нан̇г̇алзхи бхиннадтаанад̇о гаагаад̣̇аяо сагун̣з г̇ан̣д̣уббаад̣̇аад̣̇ибаан̣агз уд̣̇д̇харид̇ваа каад̣̇анд̇з д̣̇исваа, ‘‘д̇аад̇аа, имз гим̣ каад̣̇анд̇ий’’д̇и бужчи. г̇ан̣д̣уббаад̣̇з, аяяаад̇и. зд̇зхи гад̇ам̣ баабам̣ гасса ход̇ийд̇и? д̇умхаагам̣, аяяаад̇и. со жинд̇зси – ‘‘сажз зд̇зхи гад̇ам̣ баабам̣ маяхам̣ ход̇и, гим̣ мз гариссад̇и сад̇д̇аасийд̇игодид̇ханам̣, гим̣ д̣̇ваад̣̇асаяож̇аниго гамманд̇о, гим̣ садтияанд̇аб̣ад̣̇д̇хаани д̇ал̣аагаани, гим̣ жуд̣̇д̣̇аса г̇аамаа? саб̣б̣амзд̇ам̣ бхад̣̇д̣̇ааяа гаабилаанияаа нияяаад̇зд̇ваа нигкамма баб̣б̣аж̇иссаамий’’д̇и.

    So ekadivasaṃ alaṅkataassaṃ āruyha mahājanaparivuto kammantaṃ gantvā khettakoṭiyaṃ ṭhito naṅgalehi bhinnaṭṭhānato kākādayo sakuṇe gaṇḍuppādādipāṇake uddharitvā khādante disvā, ‘‘tātā, ime kiṃ khādantī’’ti pucchi. Gaṇḍuppāde, ayyāti. Etehi kataṃ pāpaṃ kassa hotīti? Tumhākaṃ, ayyāti. So cintesi – ‘‘sace etehi kataṃ pāpaṃ mayhaṃ hoti, kiṃ me karissati sattāsītikoṭidhanaṃ, kiṃ dvādasayojaniko kammanto, kiṃ saṭṭhiyantabaddhāni taḷākāni, kiṃ cuddasa gāmā? Sabbametaṃ bhaddāya kāpilāniyā niyyātetvā nikkhamma pabbajissāmī’’ti.

    бхад̣̇д̣̇ааби гаабилааний д̇асмим̣ кан̣з анд̇аравад̇т̇умхи д̇аяо д̇илагумбхз бад̇т̇араабзд̇ваа д̇хаад̇ийхи баривуд̇аа нисиннаа гаагз д̇илабаан̣агз каад̣̇анд̇з д̣̇исваа, ‘‘аммаа, гим̣ имз каад̣̇анд̇ий’’д̇и бужчи. баан̣агз, аяязд̇и. агусалам̣ гасса ход̇ийд̇и? д̇умхаагам̣, аяязд̇и. саа жинд̇зси – ‘‘маяхам̣ жад̇ухад̇т̇авад̇т̇ам̣ наал̣игод̣̇анамад̇д̇ан̃жа лад̣̇д̇хум̣ ваддад̇и, яад̣̇и банзд̇ам̣ зд̇д̇агзна ж̇анзна гад̇ам̣ агусалам̣ маяхам̣ ход̇и, ад̣̇д̇хаа бхавасахассзнаби ваддад̇о сийсам̣ угкибид̇ум̣ на саггаа, аяяабуд̇д̇з ааг̇ад̇амад̇д̇зязва саб̣б̣ам̣ д̇асса нияяаад̇зд̇ваа нигкамма баб̣б̣аж̇иссаамий’’д̇и.

    Bhaddāpi kāpilānī tasmiṃ khaṇe antaravatthumhi tayo tilakumbhe pattharāpetvā dhātīhi parivutā nisinnā kāke tilapāṇake khādante disvā, ‘‘ammā, kiṃ ime khādantī’’ti pucchi. Pāṇake, ayyeti. Akusalaṃ kassa hotīti? Tumhākaṃ, ayyeti. Sā cintesi – ‘‘mayhaṃ catuhatthavatthaṃ nāḷikodanamattañca laddhuṃ vaṭṭati, yadi panetaṃ ettakena janena kataṃ akusalaṃ mayhaṃ hoti, addhā bhavasahassenapi vaṭṭato sīsaṃ ukkhipituṃ na sakkā, ayyaputte āgatamatteyeva sabbaṃ tassa niyyātetvā nikkhamma pabbajissāmī’’ti.

    маан̣аво ааг̇анд̇ваа нхааяид̇ваа баасаад̣̇ам̣ ааруяха махаарахз баллан̇гз нисийд̣̇и. ат̇асса жаггавад̇д̇ино анужчавигам̣ бхож̇анам̣ саж̇ж̇аяим̣су. д̣̇взби бхун̃ж̇ид̇ваа бариж̇анз нигканд̇з рахог̇ад̇аа паасугадтаанз нисийд̣̇им̣су. д̇ад̇о маан̣аво бхад̣̇д̣̇ам̣ ааха – ‘‘бхад̣̇д̣̇з имам̣ гхарам̣ ааг̇ажчанд̇ий гид̇д̇агам̣ д̇ханам̣ аахарий’’д̇и? бан̃жабан̣н̣ааса сагадасахассаани, аяяаад̇и. зд̇ам̣ саб̣б̣ам̣, яаа жа имасмим̣ гхарз сад̇д̇аасийд̇и годияо яанд̇аб̣ад̣̇д̇хаа садтид̇ал̣аагаад̣̇ибхзд̣̇аа самбад̇д̇и ад̇т̇и, саб̣б̣ам̣ д̇уяхам̣язва нияяаад̇змийд̇и. д̇умхз бана гахам̣ г̇ажчат̇а, аяяаад̇и? ахам̣ баб̣б̣аж̇иссаамийд̇и. аяяа, ахамби д̇умхаагам̣язва ааг̇аманам̣ ологаяамаанаа нисиннаа, ахамби баб̣б̣аж̇иссаамийд̇и. д̇зсам̣ аад̣̇ид̇д̇абан̣н̣агуди вияа д̇аяо бхаваа убадтахим̣су. д̇з анд̇араабан̣ад̇о гасааварасабийд̇аани вад̇т̇аани мад̇д̇игаабад̇д̇з жа аахараабзд̇ваа ан̃н̃аман̃н̃ам̣ гзсз охаараабзд̇ваа ‘‘яз логз араханд̇о, д̇з уд̣̇д̣̇исса амхаагам̣ баб̣б̣аж̇ж̇аа’’д̇и вад̇ваа т̇авигааяа бад̇д̇з осаарзд̇ваа ам̣сз лаг̇г̇зд̇ваа баасаад̣̇ад̇о од̇арим̣су. г̇зхз д̣̇аасзсу ваа гаммагаарзсу ваа на гожи сан̃ж̇аани.

    Māṇavo āgantvā nhāyitvā pāsādaṃ āruyha mahārahe pallaṅke nisīdi. Athassa cakkavattino anucchavikaṃ bhojanaṃ sajjayiṃsu. Dvepi bhuñjitvā parijane nikkhante rahogatā phāsukaṭṭhāne nisīdiṃsu. Tato māṇavo bhaddaṃ āha – ‘‘bhadde imaṃ gharaṃ āgacchantī kittakaṃ dhanaṃ āharī’’ti? Pañcapaṇṇāsa sakaṭasahassāni, ayyāti. Etaṃ sabbaṃ, yā ca imasmiṃ ghare sattāsīti koṭiyo yantabaddhā saṭṭhitaḷākādibhedā sampatti atthi, sabbaṃ tuyhaṃyeva niyyātemīti. Tumhe pana kahaṃ gacchatha, ayyāti? Ahaṃ pabbajissāmīti. Ayya, ahampi tumhākaṃyeva āgamanaṃ olokayamānā nisinnā, ahampi pabbajissāmīti. Tesaṃ ādittapaṇṇakuṭi viya tayo bhavā upaṭṭhahiṃsu. Te antarāpaṇato kasāvarasapītāni vatthāni mattikāpatte ca āharāpetvā aññamaññaṃ kese ohārāpetvā ‘‘ye loke arahanto, te uddissa amhākaṃ pabbajjā’’ti vatvā thavikāya patte osāretvā aṃse laggetvā pāsādato otariṃsu. Gehe dāsesu vā kammakāresu vā na koci sañjāni.

    ат̇а нз б̣раахман̣аг̇аамад̇о нигкамма д̣̇аасаг̇аамад̣̇ваарзна г̇ажчанд̇з аагаббагуд̇д̇авасзна д̣̇аасаг̇аамаваасино сан̃ж̇ааним̣су. д̇з род̣̇анд̇аа баад̣̇зсу нибад̇ид̇ваа ‘‘гим̣ амхз анаат̇з гарот̇а, аяяаа’’д̇и аахам̣су. ‘‘маяам̣ бхан̣з аад̣̇ид̇д̇абан̣н̣асаалаа вияа д̇аяо бхаваад̇и баб̣б̣аж̇имхаа, сажз д̇умхзсу згзгам̣ бхуж̇иссам̣ гарома, вассасад̇амби наббаход̇и. д̇умхзва д̇умхаагам̣ сийсам̣ д̇ховид̇ваа бхуж̇иссаа худ̇ваа ж̇ийват̇аа’’д̇и вад̇ваа д̇зсам̣ род̣̇анд̇аанам̣язва баггамим̣су. т̇зро бурад̇о г̇ажчанд̇о нивад̇д̇ид̇ваа ологзнд̇о жинд̇зси – ‘‘аяам̣ бхад̣̇д̣̇аа гаабилааний сагалаж̇амб̣уд̣̇ийбаг̇гханигаа ид̇т̇ий маяхам̣ бажчад̇о ааг̇ажчад̇и. таанам̣ ко банзд̇ам̣ виж̇ж̇ад̇и, яам̣ гожид̣̇зва звам̣ жинд̇зяяа ‘имз баб̣б̣аж̇ид̇вааби винаа бхавид̇ум̣ на саггонд̇и, ананужчавигам̣ гаронд̇ий’д̇и. гожи ваа бана амхзсу манам̣ бад̣̇уусзд̇ваа абааяабуураго бхавзяяа. имам̣ бахааяа маяаа г̇анд̇ум̣ ваддад̇ий’’д̇и жид̇д̇ам̣ уббаад̣̇зси.

    Atha ne brāhmaṇagāmato nikkhamma dāsagāmadvārena gacchante ākappakuttavasena dāsagāmavāsino sañjāniṃsu. Te rodantā pādesu nipatitvā ‘‘kiṃ amhe anāthe karotha, ayyā’’ti āhaṃsu. ‘‘Mayaṃ bhaṇe ādittapaṇṇasālā viya tayo bhavāti pabbajimhā, sace tumhesu ekekaṃ bhujissaṃ karoma, vassasatampi nappahoti. Tumheva tumhākaṃ sīsaṃ dhovitvā bhujissā hutvā jīvathā’’ti vatvā tesaṃ rodantānaṃyeva pakkamiṃsu. Thero purato gacchanto nivattitvā olokento cintesi – ‘‘ayaṃ bhaddā kāpilānī sakalajambudīpagghanikā itthī mayhaṃ pacchato āgacchati. Ṭhānaṃ kho panetaṃ vijjati, yaṃ kocideva evaṃ cinteyya ‘ime pabbajitvāpi vinā bhavituṃ na sakkonti, ananucchavikaṃ karontī’ti. Koci vā pana amhesu manaṃ padūsetvā apāyapūrako bhaveyya. Imaṃ pahāya mayā gantuṃ vaṭṭatī’’ti cittaṃ uppādesi.

    со бурад̇о г̇ажчанд̇о д̣̇взд̇хаабат̇ам̣ д̣̇исваа д̇асса мад̇т̇агз адтааси. бхад̣̇д̣̇ааби ааг̇анд̇ваа ванд̣̇ид̇ваа адтааси. ат̇а нам̣ ааха – ‘‘бхад̣̇д̣̇з д̇аад̣̇исим̣ ид̇т̇им̣ мама бажчад̇о ааг̇ажчанд̇им̣ д̣̇исваа ‘имз баб̣б̣аж̇ид̇вааби винаа бхавид̇ум̣ на саггонд̇ий’д̇и жинд̇зд̇ваа амхзсу бад̣̇удтажид̇д̇о махааж̇ано абааяабуураго бхавзяяа. имасмим̣ д̣̇взд̇хаабат̇з д̇вам̣ згам̣ г̇ан̣ха, ахам̣ згзна г̇амиссаамий’’д̇и. ‘‘аама, аяяа, баб̣б̣аж̇ид̇аанам̣ маад̇уг̇аамо наама малам̣, ‘баб̣б̣аж̇ид̇вааби винаа на бхаванд̇ий’д̇и амхаагам̣ д̣̇осам̣ д̣̇ассанд̇и, д̇умхз згам̣ маг̇г̇ам̣ г̇ан̣хат̇а, ахам̣ згам̣ г̇ан̣хид̇ваа винаа бхависсаамаа’’д̇и д̇игкад̇д̇ум̣ бад̣̇агкин̣ам̣ гад̇ваа жад̇уусу таанзсу бан̃жабад̇идтид̇зна ванд̣̇ид̇ваа д̣̇асанакасамод̇хаанасамуж̇ж̇алам̣ ан̃ж̇алим̣ баг̇г̇аяха ‘‘сад̇асахассагаббаббамаан̣з ад̣̇д̇хаанз гад̇о мид̇д̇асант̇аво аж̇ж̇а бхиж̇ж̇ад̇ий’’д̇и вад̇ваа ‘‘д̇умхз д̣̇агкин̣аж̇аад̇игаа наама, д̇умхаагам̣ д̣̇агкин̣амаг̇г̇о ваддад̇и. маяам̣ маад̇уг̇аамаа наама ваамаж̇аад̇игаа, амхаагам̣ ваамамаг̇г̇о ваддад̇ий’’д̇и ванд̣̇ид̇ваа маг̇г̇ам̣ бадибаннаа. д̇зсам̣ д̣̇взд̇хаабхууд̇агаалз аяам̣ махаабат̇авий ‘‘ахам̣ жаггаваал̣аг̇ирисинзрубаб̣б̣ад̇з д̇хаарзд̇ум̣ саггонд̇ийби д̇умхаагам̣ г̇ун̣з д̇хаарзд̇ум̣ на саггомий’’д̇и вад̣̇анд̇ий вияа виравамаанаа агамби, аагаасз асанисад̣̇д̣̇о вияа бавад̇д̇и, жаггаваал̣абаб̣б̣ад̇о уннад̣̇и.

    So purato gacchanto dvedhāpathaṃ disvā tassa matthake aṭṭhāsi. Bhaddāpi āgantvā vanditvā aṭṭhāsi. Atha naṃ āha – ‘‘bhadde tādisiṃ itthiṃ mama pacchato āgacchantiṃ disvā ‘ime pabbajitvāpi vinā bhavituṃ na sakkontī’ti cintetvā amhesu paduṭṭhacitto mahājano apāyapūrako bhaveyya. Imasmiṃ dvedhāpathe tvaṃ ekaṃ gaṇha, ahaṃ ekena gamissāmī’’ti. ‘‘Āma, ayya, pabbajitānaṃ mātugāmo nāma malaṃ, ‘pabbajitvāpi vinā na bhavantī’ti amhākaṃ dosaṃ dassanti, tumhe ekaṃ maggaṃ gaṇhatha, ahaṃ ekaṃ gaṇhitvā vinā bhavissāmā’’ti tikkhattuṃ padakkhiṇaṃ katvā catūsu ṭhānesu pañcapatiṭṭhitena vanditvā dasanakhasamodhānasamujjalaṃ añjaliṃ paggayha ‘‘satasahassakappappamāṇe addhāne kato mittasanthavo ajja bhijjatī’’ti vatvā ‘‘tumhe dakkhiṇajātikā nāma, tumhākaṃ dakkhiṇamaggo vaṭṭati. Mayaṃ mātugāmā nāma vāmajātikā, amhākaṃ vāmamaggo vaṭṭatī’’ti vanditvā maggaṃ paṭipannā. Tesaṃ dvedhābhūtakāle ayaṃ mahāpathavī ‘‘ahaṃ cakkavāḷagirisinerupabbate dhāretuṃ sakkontīpi tumhākaṃ guṇe dhāretuṃ na sakkomī’’ti vadantī viya viravamānā akampi, ākāse asanisaddo viya pavatti, cakkavāḷapabbato unnadi.

    саммаасамб̣уд̣̇д̇хо взл̣уванамахаавихаарз г̇анд̇хагудияам̣ нисинно бат̇авийгамбанасад̣̇д̣̇ам̣ суд̇ваа ‘‘гасса ну ко бат̇авий гамбад̇ий’’д̇и ааваж̇ж̇знд̇о ‘‘биббалимаан̣аво жа бхад̣̇д̣̇аа жа гаабилааний мам̣ уд̣̇д̣̇исса аббамзяяам̣ самбад̇д̇им̣ бахааяа баб̣б̣аж̇ид̇аа, д̇зсам̣ вияог̇адтаанз убхиннамби г̇ун̣аб̣алзна аяам̣ бат̇авийгамбо ж̇аад̇о, маяааби зд̇зсам̣ сан̇г̇ахам̣ гаад̇ум̣ ваддад̇ий’’д̇и г̇анд̇хагудид̇о нигкамма саяамзва бад̇д̇ажийварамаад̣̇ааяа асийд̇имахаат̇зрзсу ган̃жи анааманд̇зд̇ваа д̇иг̇аавуд̇ам̣ маг̇г̇ам̣ бажжуг̇г̇аманам̣ гад̇ваа рааж̇аг̇ахасса жа нааланд̣̇ааяа жа анд̇арз б̣ахубуд̇д̇аганиг̇род̇харугкамуулз баллан̇гам̣ аабхуж̇ид̇ваа нисийд̣̇и. нисийд̣̇анд̇о бана ан̃н̃ад̇арабам̣сугуулиго вияа анисийд̣̇ид̇ваа б̣уд̣̇д̇хавзсам̣ г̇ахзд̇ваа асийд̇ихад̇т̇аа гханаб̣уд̣̇д̇харасмияо виссаж̇ж̇знд̇о нисийд̣̇и. ид̇и д̇асмим̣ кан̣з бан̣н̣ажчад̇д̇асагадажаггагуудааг̇аараад̣̇иббамаан̣аа б̣уд̣̇д̇харасмияо ид̇о жид̇о жа вибпанд̣̇анд̇ияо вид̇хааванд̇ияо жанд̣̇асахасса-суурияасахасса-уг̇г̇аманагаало вияа гурумаанаа д̇ам̣ вананд̇ам̣ згобхаасам̣ агам̣су. д̣̇вад̇д̇им̣самахаабурисалагкан̣асирияаа самуж̇ж̇алад̇аарааг̇ан̣ам̣ вияа г̇аг̇анам̣, субубпид̇агамалагувалаяам̣ вияа салилам̣ вананд̇ам̣ вирожид̇т̇а. ниг̇род̇харугкасса канд̇хо наама сзд̇о ход̇и, бад̇д̇аани наама нийлаани, баггаани рад̇д̇аани. д̇асмим̣ бана д̣̇ивасз сад̇асаако ниг̇род̇хо суван̣н̣аван̣н̣ова ахоси.

    Sammāsambuddho veḷuvanamahāvihāre gandhakuṭiyaṃ nisinno pathavīkampanasaddaṃ sutvā ‘‘kassa nu kho pathavī kampatī’’ti āvajjento ‘‘pippalimāṇavo ca bhaddā ca kāpilānī maṃ uddissa appameyyaṃ sampattiṃ pahāya pabbajitā, tesaṃ viyogaṭṭhāne ubhinnampi guṇabalena ayaṃ pathavīkampo jāto, mayāpi etesaṃ saṅgahaṃ kātuṃ vaṭṭatī’’ti gandhakuṭito nikkhamma sayameva pattacīvaramādāya asītimahātheresu kañci anāmantetvā tigāvutaṃ maggaṃ paccuggamanaṃ katvā rājagahassa ca nālandāya ca antare bahuputtakanigrodharukkhamūle pallaṅkaṃ ābhujitvā nisīdi. Nisīdanto pana aññatarapaṃsukūliko viya anisīditvā buddhavesaṃ gahetvā asītihatthā ghanabuddharasmiyo vissajjento nisīdi. Iti tasmiṃ khaṇe paṇṇacchattasakaṭacakkakūṭāgārādippamāṇā buddharasmiyo ito cito ca vipphandantiyo vidhāvantiyo candasahassa-sūriyasahassa-uggamanakālo viya kurumānā taṃ vanantaṃ ekobhāsaṃ akaṃsu. Dvattiṃsamahāpurisalakkhaṇasiriyā samujjalatārāgaṇaṃ viya gaganaṃ, supupphitakamalakuvalayaṃ viya salilaṃ vanantaṃ virocittha. Nigrodharukkhassa khandho nāma seto hoti, pattāni nāma nīlāni, pakkāni rattāni. Tasmiṃ pana divase satasākho nigrodho suvaṇṇavaṇṇova ahosi.

    махаагассабад̇т̇зро ‘‘аяам̣ маяхам̣ сад̇т̇аа бхависсад̇и, имаахам̣ уд̣̇д̣̇исса баб̣б̣аж̇ид̇о’’д̇и д̣̇идтадтаанад̇о бадтааяа он̣ад̇он̣ад̇о г̇анд̇ваа д̇ийсу таанзсу ванд̣̇ид̇ваа ‘‘сад̇т̇аа мз, бханд̇з бхаг̇аваа, саавагохамасми, сад̇т̇аа мз, бханд̇з бхаг̇аваа, саавагохамасмий’’д̇и ааха. ат̇а нам̣ бхаг̇аваа авожа – ‘‘гассаба, сажз д̇вам̣ имам̣ нибажжагаарам̣ махаабат̇авияаа гарзяяааси, сааби д̇хаарзд̇ум̣ на саггун̣зяяа. д̇ат̇ааг̇ад̇асса звам̣ г̇ун̣амаханд̇ад̇ам̣ ж̇аанад̇аа д̇аяаа гад̇о нибажжагааро маяхам̣ ломамби жаалзд̇ум̣ на саггод̇и. нисийд̣̇а, гассаба, д̣̇ааяаж̇ж̇ам̣ д̇з д̣̇ассаамий’’д̇и. ат̇асса бхаг̇аваа д̇ийхи оваад̣̇зхи убасамбад̣̇ам̣ ад̣̇ааси. д̣̇ад̇ваа б̣ахубуд̇д̇аганиг̇род̇хамуулад̇о нигкамид̇ваа т̇зрам̣ бажчаасаман̣ам̣ гад̇ваа маг̇г̇ам̣ бадибаж̇ж̇и. сад̇т̇у сарийрам̣ д̣̇вад̇д̇им̣самахаабурисалагкан̣авижид̇д̇ам̣, махаагассабасса сад̇д̇амахаабурисалагкан̣абадиман̣д̣ид̇ам̣. со ган̃жанамахаанаавааяа бажчааб̣анд̇хо вияа сад̇т̇у бад̣̇аанубад̣̇игам̣ ануг̇ан̃чи. сад̇т̇аа т̇огам̣ маг̇г̇ам̣ г̇анд̇ваа маг̇г̇аа оггамма ан̃н̃ад̇арасмим̣ ругкамуулз нисаж̇ж̇аагаарам̣ д̣̇ассзси, т̇зро ‘‘нисийд̣̇ид̇угаамо сад̇т̇аа’’д̇и н̃ад̇ваа ад̇д̇ано баарубанабилод̇игасан̇гхаадим̣ жад̇уг̇г̇ун̣ам̣ гад̇ваа бан̃н̃аабзси.

    Mahākassapatthero ‘‘ayaṃ mayhaṃ satthā bhavissati, imāhaṃ uddissa pabbajito’’ti diṭṭhaṭṭhānato paṭṭhāya oṇatoṇato gantvā tīsu ṭhānesu vanditvā ‘‘satthā me, bhante bhagavā, sāvakohamasmi, satthā me, bhante bhagavā, sāvakohamasmī’’ti āha. Atha naṃ bhagavā avoca – ‘‘kassapa, sace tvaṃ imaṃ nipaccakāraṃ mahāpathaviyā kareyyāsi, sāpi dhāretuṃ na sakkuṇeyya. Tathāgatassa evaṃ guṇamahantataṃ jānatā tayā kato nipaccakāro mayhaṃ lomampi cāletuṃ na sakkoti. Nisīda, kassapa, dāyajjaṃ te dassāmī’’ti. Athassa bhagavā tīhi ovādehi upasampadaṃ adāsi. Datvā bahuputtakanigrodhamūlato nikkhamitvā theraṃ pacchāsamaṇaṃ katvā maggaṃ paṭipajji. Satthu sarīraṃ dvattiṃsamahāpurisalakkhaṇavicittaṃ, mahākassapassa sattamahāpurisalakkhaṇapaṭimaṇḍitaṃ. So kañcanamahānāvāya pacchābandho viya satthu padānupadikaṃ anugañchi. Satthā thokaṃ maggaṃ gantvā maggā okkamma aññatarasmiṃ rukkhamūle nisajjākāraṃ dassesi, thero ‘‘nisīditukāmo satthā’’ti ñatvā attano pārupanapilotikasaṅghāṭiṃ catugguṇaṃ katvā paññāpesi.

    сад̇т̇аа д̇асмим̣ нисийд̣̇ид̇ваа хад̇т̇зна жийварам̣ бараамасид̇ваа ‘‘муд̣̇угаа ко д̇яааяам̣, гассаба, билод̇игасан̇гхаадий’’д̇и ааха. т̇зро ‘‘сад̇т̇аа мз сан̇гхаадияаа муд̣̇угабхаавам̣ гат̇зд̇и, баарубид̇угаамо бхависсад̇ий’’д̇и н̃ад̇ваа ‘‘баарубад̇у, бханд̇з, бхаг̇аваа сан̇гхаади’’нд̇и ааха. гим̣ д̇вам̣ баарубиссаси гассабаад̇и? д̇умхаагам̣ ниваасанам̣ лабханд̇о баарубиссаами, бханд̇зд̇и. ‘‘гим̣ бана д̇вам̣, гассаба, имам̣ барибхог̇аж̇ин̣н̣ам̣ бам̣сугуулам̣ д̇хаарзд̇ум̣ сагкиссаси? маяаа хи имасса бам̣сугууласса г̇ахид̇ад̣̇ивасз уд̣̇агабарияанд̇ам̣ гад̇ваа махаабат̇авий гамби, имам̣ б̣уд̣̇д̇хаанам̣ барибхог̇аж̇ин̣н̣ам̣ жийварам̣ наама на саггаа барид̇д̇аг̇ун̣зна д̇хаарзд̇ум̣, бадиб̣алзнзвид̣̇ам̣ бадибад̇д̇ибууран̣асамад̇т̇зна ж̇аад̇ибам̣сугуулигзна г̇ахзд̇ум̣ ваддад̇ий’’д̇и вад̇ваа т̇зрзна сад̣̇д̇хим̣ жийварам̣ баривад̇д̇зси.

    Satthā tasmiṃ nisīditvā hatthena cīvaraṃ parāmasitvā ‘‘mudukā kho tyāyaṃ, kassapa, pilotikasaṅghāṭī’’ti āha. Thero ‘‘satthā me saṅghāṭiyā mudukabhāvaṃ katheti, pārupitukāmo bhavissatī’’ti ñatvā ‘‘pārupatu, bhante, bhagavā saṅghāṭi’’nti āha. Kiṃ tvaṃ pārupissasi kassapāti? Tumhākaṃ nivāsanaṃ labhanto pārupissāmi, bhanteti. ‘‘Kiṃ pana tvaṃ, kassapa, imaṃ paribhogajiṇṇaṃ paṃsukūlaṃ dhāretuṃ sakkhissasi? Mayā hi imassa paṃsukūlassa gahitadivase udakapariyantaṃ katvā mahāpathavī kampi, imaṃ buddhānaṃ paribhogajiṇṇaṃ cīvaraṃ nāma na sakkā parittaguṇena dhāretuṃ, paṭibalenevidaṃ paṭipattipūraṇasamatthena jātipaṃsukūlikena gahetuṃ vaṭṭatī’’ti vatvā therena saddhiṃ cīvaraṃ parivattesi.

    звам̣ бана жийварабаривад̇д̇ам̣ гад̇ваа т̇зрзна бааруд̇ажийварам̣ бхаг̇аваа бааруби, сад̇т̇у жийварам̣ т̇зро бааруби. д̇асмим̣ самаяз ажзд̇анааби аяам̣ махаабат̇авий ‘‘д̣̇уггарам̣, бханд̇з, агад̇т̇а, ад̇д̇анаа бааруд̇ажийварам̣ саавагасса д̣̇иннабуб̣б̣ам̣ наама над̇т̇и, ахам̣ д̇умхаагам̣ г̇ун̣ам̣ д̇хаарзд̇ум̣ на саггомий’’д̇и вад̣̇анд̇ий вияа уд̣̇агабарияанд̇ам̣ гад̇ваа гамби. т̇зроби ‘‘лад̣̇д̇хам̣ д̣̇аани маяаа б̣уд̣̇д̇хаанам̣ барибхог̇ажийварам̣, гим̣ мз ид̣̇аани уд̇д̇ари гад̇д̇аб̣б̣ам̣ ад̇т̇ий’’д̇и уннад̇им̣ агад̇ваа б̣уд̣̇д̇хаанам̣ санд̇игзязва д̇зраса д̇худ̇аг̇ун̣з самаад̣̇ааяа сад̇д̇ад̣̇ивасамад̇д̇ам̣ бут̇уж̇ж̇ано худ̇ваа адтамз арун̣з саха бадисамбхид̣̇аахи арахад̇д̇ам̣ баабун̣и. сад̇т̇ааби ‘‘гассабо, бхигкавз, жанд̣̇уубамо гулаани убасан̇гамад̇и, абагассзва гааяам̣ абагасса жид̇д̇ам̣ нижжанаваго гулзсу аббаг̇аб̣бхо’’д̇и (сам̣. ни. 2.146) звамаад̣̇ийхи суд̇д̇зхи т̇зрам̣ т̇омзд̇ваа абарабхааг̇з зд̇ад̣̇зва гассабасам̣яуд̇д̇ам̣ адтуббад̇д̇им̣ гад̇ваа ‘‘мама саасанз д̇худ̇аваад̣̇аанам̣ бхигкуунам̣ махаагассабо аг̇г̇о’’д̇и т̇зрам̣ таананд̇арз табзсийд̇и.

    Evaṃ pana cīvaraparivattaṃ katvā therena pārutacīvaraṃ bhagavā pārupi, satthu cīvaraṃ thero pārupi. Tasmiṃ samaye acetanāpi ayaṃ mahāpathavī ‘‘dukkaraṃ, bhante, akattha, attanā pārutacīvaraṃ sāvakassa dinnapubbaṃ nāma natthi, ahaṃ tumhākaṃ guṇaṃ dhāretuṃ na sakkomī’’ti vadantī viya udakapariyantaṃ katvā kampi. Theropi ‘‘laddhaṃ dāni mayā buddhānaṃ paribhogacīvaraṃ, kiṃ me idāni uttari kattabbaṃ atthī’’ti unnatiṃ akatvā buddhānaṃ santikeyeva terasa dhutaguṇe samādāya sattadivasamattaṃ puthujjano hutvā aṭṭhame aruṇe saha paṭisambhidāhi arahattaṃ pāpuṇi. Satthāpi ‘‘kassapo, bhikkhave, candūpamo kulāni upasaṅkamati, apakasseva kāyaṃ apakassa cittaṃ niccanavako kulesu appagabbho’’ti (saṃ. ni. 2.146) evamādīhi suttehi theraṃ thometvā aparabhāge etadeva kassapasaṃyuttaṃ aṭṭhuppattiṃ katvā ‘‘mama sāsane dhutavādānaṃ bhikkhūnaṃ mahākassapo aggo’’ti theraṃ ṭhānantare ṭhapesīti.

    ануруд̣̇д̇хад̇т̇зравад̇т̇у

    Anuruddhattheravatthu

    192. бан̃жамз д̣̇иб̣б̣ажагкугаанам̣ яад̣̇ид̣̇ам̣ ануруд̣̇д̇ход̇и д̣̇иб̣б̣ажагкугабхигкуунам̣ ануруд̣̇д̇хад̇т̇зро аг̇г̇од̇и вад̣̇ад̇и. д̇асса жин̣н̣авасид̇ааяа аг̇г̇абхааво взд̣̇ид̇аб̣б̣о. т̇зро гира бхож̇анабабан̃жамад̇д̇ам̣ табзд̇ваа сзсагаалам̣ аалогам̣ вад̣дхзд̇ваа д̣̇иб̣б̣ажагкунаа сад̇д̇з ологзнд̇ова вихарад̇и. ид̇и ахорад̇д̇ам̣ жин̣н̣авасид̇ааяа зса д̣̇иб̣б̣ажагкугаанам̣ аг̇г̇о наама ж̇аад̇о. абижа габбасад̇асахассам̣ бад̇т̇ид̇абхаавзнабзса д̣̇иб̣б̣ажагкугаанам̣ аг̇г̇ова ж̇аад̇о.

    192. Pañcame dibbacakkhukānaṃ yadidaṃ anuruddhoti dibbacakkhukabhikkhūnaṃ anuruddhatthero aggoti vadati. Tassa ciṇṇavasitāya aggabhāvo veditabbo. Thero kira bhojanapapañcamattaṃ ṭhapetvā sesakālaṃ ālokaṃ vaḍḍhetvā dibbacakkhunā satte olokentova viharati. Iti ahorattaṃ ciṇṇavasitāya esa dibbacakkhukānaṃ aggo nāma jāto. Apica kappasatasahassaṃ patthitabhāvenapesa dibbacakkhukānaṃ aggova jāto.

    д̇ад̇расса бан̃хагаммз аяаманубуб̣б̣игат̇аа – аяамби хи гулабуд̇д̇о бад̣̇умуд̇д̇арассзва бхаг̇авад̇о гаалз бажчаабхад̇д̇ам̣ д̇хаммассаванад̇т̇ам̣ вихаарам̣ г̇ажчанд̇зна махааж̇анзна сад̣̇д̇хим̣ аг̇амааси. аяам̣ хи д̇ад̣̇аа ан̃н̃ад̇аро абаагаданаамо иссарагудумб̣иго ахоси. со д̣̇асаб̣алам̣ ванд̣̇ид̇ваа барисабарияанд̇з тид̇о д̇хаммагат̇ам̣ сун̣аад̇и. сад̇т̇аа д̣̇зсанам̣ яат̇аанусанд̇хигам̣ гхадзд̇ваа згам̣ д̣̇иб̣б̣ажагкугам̣ бхигкум̣ зд̇ад̣̇аг̇г̇адтаанз табзси.

    Tatrassa pañhakamme ayamanupubbikathā – ayampi hi kulaputto padumuttarasseva bhagavato kāle pacchābhattaṃ dhammassavanatthaṃ vihāraṃ gacchantena mahājanena saddhiṃ agamāsi. Ayaṃ hi tadā aññataro apākaṭanāmo issarakuṭumbiko ahosi. So dasabalaṃ vanditvā parisapariyante ṭhito dhammakathaṃ suṇāti. Satthā desanaṃ yathānusandhikaṃ ghaṭetvā ekaṃ dibbacakkhukaṃ bhikkhuṃ etadaggaṭṭhāne ṭhapesi.

    д̇ад̇о гудумб̣игасса зд̇ад̣̇ахоси – ‘‘махаа вад̇ааяам̣ бхигку, яам̣ звам̣ сад̇т̇аа саяам̣ д̣̇иб̣б̣ажагкугаанам̣ аг̇г̇адтаанз табзси. ахо вад̇аахамби анааг̇ад̇з уббаж̇ж̇анагаб̣уд̣̇д̇хасса саасанз д̣̇иб̣б̣ажагкугаанам̣ аг̇г̇о бхавзяяа’’нд̇и жид̇д̇ам̣ уббаад̣̇зд̇ваа барисанд̇арзна г̇анд̇ваа сваад̇анааяа бхаг̇аванд̇ам̣ бхигкусан̇гхзна сад̣̇д̇хим̣ ниманд̇зд̇ваа бунад̣̇ивасз б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа ‘‘маханд̇ам̣ таананд̇арам̣ маяаа бад̇т̇ид̇а’’нд̇и д̇знзва нияаамзна аж̇ж̇ад̇анааяа сваад̇анааяаад̇и ниманд̇зд̇ваа сад̇д̇а д̣̇ивасаани махаад̣̇аанам̣ бавад̇д̇зд̇ваа сабариваарасса бхаг̇авад̇о уд̇д̇амавад̇т̇аани д̣̇ад̇ваа ‘‘бхаг̇аваа наахам̣ имам̣ саггаарам̣ д̣̇иб̣б̣асамбад̇д̇ияаа на мануссасамбад̇д̇ияаа ад̇т̇ааяа гароми. яам̣ бана д̇умхз ид̇о сад̇д̇ад̣̇ивасамад̇т̇агз бхигкум̣ д̣̇иб̣б̣ажагкугаанам̣ аг̇г̇адтаанз табаяид̇т̇а, ахамби анааг̇ад̇з згасса б̣уд̣̇д̇хасса саасанз со бхигку вияа д̣̇иб̣б̣ажагкугаанам̣ аг̇г̇о бхавзяяа’’нд̇и бад̇т̇анам̣ гад̇ваа баад̣̇амуулз нибаж̇ж̇и. сад̇т̇аа анааг̇ад̇ам̣ ологзд̇ваа д̇асса бад̇т̇анааяа самиж̇жханабхаавам̣ н̃ад̇ваа звамааха – ‘‘амбхо буриса, анааг̇ад̇з габбасад̇асахассабарияосаанз г̇од̇амо наама б̣уд̣̇д̇хо уббаж̇ж̇иссад̇и, д̇асса саасанз д̇вам̣ д̣̇иб̣б̣ажагкугаанам̣ аг̇г̇о ануруд̣̇д̇хо наама бхависсасий’’д̇и. зван̃жа бана вад̇ваа бхад̇д̇аанумод̣̇анам̣ гад̇ваа вихаарамзва аг̇амааси.

    Tato kuṭumbikassa etadahosi – ‘‘mahā vatāyaṃ bhikkhu, yaṃ evaṃ satthā sayaṃ dibbacakkhukānaṃ aggaṭṭhāne ṭhapesi. Aho vatāhampi anāgate uppajjanakabuddhassa sāsane dibbacakkhukānaṃ aggo bhaveyya’’nti cittaṃ uppādetvā parisantarena gantvā svātanāya bhagavantaṃ bhikkhusaṅghena saddhiṃ nimantetvā punadivase buddhappamukhassa bhikkhusaṅghassa mahādānaṃ datvā ‘‘mahantaṃ ṭhānantaraṃ mayā patthita’’nti teneva niyāmena ajjatanāya svātanāyāti nimantetvā satta divasāni mahādānaṃ pavattetvā saparivārassa bhagavato uttamavatthāni datvā ‘‘bhagavā nāhaṃ imaṃ sakkāraṃ dibbasampattiyā na manussasampattiyā atthāya karomi. Yaṃ pana tumhe ito sattadivasamatthake bhikkhuṃ dibbacakkhukānaṃ aggaṭṭhāne ṭhapayittha, ahampi anāgate ekassa buddhassa sāsane so bhikkhu viya dibbacakkhukānaṃ aggo bhaveyya’’nti patthanaṃ katvā pādamūle nipajji. Satthā anāgataṃ oloketvā tassa patthanāya samijjhanabhāvaṃ ñatvā evamāha – ‘‘ambho purisa, anāgate kappasatasahassapariyosāne gotamo nāma buddho uppajjissati, tassa sāsane tvaṃ dibbacakkhukānaṃ aggo anuruddho nāma bhavissasī’’ti. Evañca pana vatvā bhattānumodanaṃ katvā vihārameva agamāsi.

    гудумб̣игоби яаава б̣уд̣̇д̇хо д̇харад̇и, д̇аава авиж̇ахид̇амзва галяаан̣агаммам̣ гад̇ваа бариниб̣б̣уд̇з сад̇т̇ари нидтид̇з сад̇д̇аяож̇анигз суван̣н̣ажзд̇ияз бхигкусан̇гхам̣ убасан̇гамид̇ваа, ‘‘бханд̇з, гим̣ д̣̇иб̣б̣ажагкусса баригамма’’нд̇и бужчи. бад̣̇ийбад̣̇аанам̣ наама д̣̇аад̇ум̣ ваддад̇и убаасагаад̇и. саад̇ху, бханд̇з, гариссаамийд̇и сахассад̣̇ийбаанам̣язва д̇аава д̣̇ийбаругкаанам̣ сахассам̣ гаарзси, д̇ад̣̇ананд̇арам̣ д̇ад̇о барид̇д̇ад̇арз, д̇ад̣̇ананд̇арам̣ д̇ад̇о барияад̇д̇ад̇арзд̇и анзгасахассз д̣̇ийбаругкз гаарзси. сзсабад̣̇ийбаа бана абаримаан̣аа ахзсум̣.

    Kuṭumbikopi yāva buddho dharati, tāva avijahitameva kalyāṇakammaṃ katvā parinibbute satthari niṭṭhite sattayojanike suvaṇṇacetiye bhikkhusaṅghaṃ upasaṅkamitvā, ‘‘bhante, kiṃ dibbacakkhussa parikamma’’nti pucchi. Padīpadānaṃ nāma dātuṃ vaṭṭati upāsakāti. Sādhu, bhante, karissāmīti sahassadīpānaṃyeva tāva dīparukkhānaṃ sahassaṃ kāresi, tadanantaraṃ tato parittatare, tadanantaraṃ tato pariyattatareti anekasahasse dīparukkhe kāresi. Sesapadīpā pana aparimāṇā ahesuṃ.

    звам̣ яааваж̇ийвам̣ галяаан̣агаммам̣ гад̇ваа д̣̇звзсу жа мануссзсу жа сам̣саранд̇о габбасад̇асахассам̣ ад̇иггамид̇ваа гассабасаммаасамб̣уд̣̇д̇хасса гаалз б̣аараан̣асияам̣ гудумб̣ияаг̇зхз ниб̣б̣ад̇д̇ид̇ваа бариниб̣б̣уд̇з сад̇т̇ари нидтид̇з яож̇анигз жзд̇ияз б̣аху гам̣сабаад̇ияо гаараабзд̇ваа саббиман̣д̣асса буурзд̇ваа маж̇жхз згзгам̣ г̇ул̣абин̣д̣ам̣ табзд̇ваа уж̇ж̇аалзд̇ваа мукаваддияаа мукаваддим̣ пусаабзнд̇о жзд̇ияам̣ баригкибаабзд̇ваа ад̇д̇ано саб̣б̣амаханд̇ам̣ гам̣сабаад̇им̣ гаарзд̇ваа саббиман̣д̣асса буурзд̇ваа д̇ассаа мукаваддияам̣ саманд̇ад̇о ваддисахассам̣ ж̇аалаабзд̇ваа маж̇жхадтаанз т̇уубигам̣ билод̇игааяа взтзд̇ваа ж̇аалаабзд̇ваа гам̣сабаад̇им̣ сийсзнаад̣̇ааяа саб̣б̣арад̇д̇им̣ яож̇анигам̣ жзд̇ияам̣ анубарияааяи. звам̣ д̇знааби ад̇д̇абхаавзна яааваж̇ийвам̣ галяаан̣агаммам̣ гад̇ваа д̣̇звалогз ниб̣б̣ад̇д̇о.

    Evaṃ yāvajīvaṃ kalyāṇakammaṃ katvā devesu ca manussesu ca saṃsaranto kappasatasahassaṃ atikkamitvā kassapasammāsambuddhassa kāle bārāṇasiyaṃ kuṭumbiyagehe nibbattitvā parinibbute satthari niṭṭhite yojanike cetiye bahu kaṃsapātiyo kārāpetvā sappimaṇḍassa pūretvā majjhe ekekaṃ guḷapiṇḍaṃ ṭhapetvā ujjāletvā mukhavaṭṭiyā mukhavaṭṭiṃ phusāpento cetiyaṃ parikkhipāpetvā attano sabbamahantaṃ kaṃsapātiṃ kāretvā sappimaṇḍassa pūretvā tassā mukhavaṭṭiyaṃ samantato vaṭṭisahassaṃ jālāpetvā majjhaṭṭhāne thūpikaṃ pilotikāya veṭhetvā jālāpetvā kaṃsapātiṃ sīsenādāya sabbarattiṃ yojanikaṃ cetiyaṃ anupariyāyi. Evaṃ tenāpi attabhāvena yāvajīvaṃ kalyāṇakammaṃ katvā devaloke nibbatto.

    буна ануббаннз б̣уд̣̇д̇хз д̇асмим̣язва наг̇арз д̣̇уг̇г̇ад̇агуласса г̇зхз бадисанд̇хим̣ г̇ан̣хид̇ваа суманасздтим̣ наама ниссааяа васи, аннабхаарод̇исса наамам̣ ахоси. со бана суманасздти д̣̇звасигам̣ габан̣ад̣̇д̇хигаван̣иб̣б̣агаяаажагаанам̣ г̇зхад̣̇ваарз махаад̣̇аанам̣ д̣̇зд̇и. ат̇згад̣̇ивасам̣ убаридто наама бажжзгаб̣уд̣̇д̇хо г̇анд̇хамаад̣̇анабаб̣б̣ад̇з нирод̇хасамаабад̇д̇им̣ самаабанно. д̇ад̇о вудтааяа ‘‘аж̇ж̇а гасса ануг̇г̇ахам̣ гаад̇ум̣ ваддад̇ий’’д̇и виймам̣си. бажжзгаб̣уд̣̇д̇хаа жа наама д̣̇уг̇г̇ад̇аанугамбагаа хонд̇и. со ‘‘аж̇ж̇а маяаа аннабхаарасса ануг̇г̇ахам̣ гаад̇ум̣ ваддад̇ий’’д̇и жинд̇зд̇ваа ‘‘ид̣̇аани аннабхааро адавид̇о ад̇д̇ано г̇зхам̣ ааг̇амиссад̇ий’’д̇и н̃ад̇ваа бад̇д̇ажийварамаад̣̇ааяа г̇анд̇хамаад̣̇анабаб̣б̣ад̇аа взхаасам̣ аб̣бхуг̇г̇анд̇ваа г̇аамад̣̇ваарз аннабхаарасса саммукз бажжудтааси.

    Puna anuppanne buddhe tasmiṃyeva nagare duggatakulassa gehe paṭisandhiṃ gaṇhitvā sumanaseṭṭhiṃ nāma nissāya vasi, annabhārotissa nāmaṃ ahosi. So pana sumanaseṭṭhi devasikaṃ kapaṇaddhikavaṇibbakayācakānaṃ gehadvāre mahādānaṃ deti. Athekadivasaṃ upariṭṭho nāma paccekabuddho gandhamādanapabbate nirodhasamāpattiṃ samāpanno. Tato vuṭṭhāya ‘‘ajja kassa anuggahaṃ kātuṃ vaṭṭatī’’ti vīmaṃsi. Paccekabuddhā ca nāma duggatānukampakā honti. So ‘‘ajja mayā annabhārassa anuggahaṃ kātuṃ vaṭṭatī’’ti cintetvā ‘‘idāni annabhāro aṭavito attano gehaṃ āgamissatī’’ti ñatvā pattacīvaramādāya gandhamādanapabbatā vehāsaṃ abbhuggantvā gāmadvāre annabhārassa sammukhe paccuṭṭhāsi.

    аннабхааро бажжзгаб̣уд̣̇д̇хам̣ д̇ужчабад̇д̇ахад̇т̇ам̣ д̣̇исваа бажжзгаб̣уд̣̇д̇хам̣ абхиваад̣̇зд̇ваа ‘‘аби, бханд̇з, бхигкам̣ лабхид̇т̇аа’’д̇и бужчи. лабхиссаама махаабун̃н̃аад̇и. ‘‘бханд̇з, т̇огам̣ ид̇хзва хот̇аа’’д̇и взг̇зна г̇анд̇ваа ад̇д̇ано г̇зхз маад̇уг̇аамам̣ бужчи – ‘‘бхад̣̇д̣̇з, маяхам̣ табид̇ам̣ бхааг̇абхад̇д̇ам̣ ад̇т̇и, над̇т̇ий’’д̇и? ад̇т̇и саамийд̇и. со д̇ад̇ова г̇анд̇ваа бажжзгаб̣уд̣̇д̇хасса хад̇т̇ад̇о бад̇д̇амаад̣̇ааяа ааг̇анд̇ваа ‘‘бхад̣̇д̣̇з, маяам̣ буримабхавз галяаан̣агаммасса агад̇ад̇д̇аа бхад̇д̇ам̣ бажжаасийсамаанаа вихараама , амхаагам̣ д̣̇аад̇угаамад̇ааяа сад̇и д̣̇зяяад̇хаммо на ход̇и, д̣̇зяяад̇хаммз сад̇и бадиг̇г̇аахагам̣ на лабхаама, аж̇ж̇а мз убаридтабажжзгаб̣уд̣̇д̇хо д̣̇идто, бхааг̇абхад̇д̇ан̃жа ад̇т̇и, маяхам̣ бхааг̇абхад̇д̇ам̣ имасмим̣ бад̇д̇з багкибаахий’’д̇и.

    Annabhāro paccekabuddhaṃ tucchapattahatthaṃ disvā paccekabuddhaṃ abhivādetvā ‘‘api, bhante, bhikkhaṃ labhitthā’’ti pucchi. Labhissāma mahāpuññāti. ‘‘Bhante, thokaṃ idheva hothā’’ti vegena gantvā attano gehe mātugāmaṃ pucchi – ‘‘bhadde, mayhaṃ ṭhapitaṃ bhāgabhattaṃ atthi, natthī’’ti? Atthi sāmīti. So tatova gantvā paccekabuddhassa hatthato pattamādāya āgantvā ‘‘bhadde, mayaṃ purimabhave kalyāṇakammassa akatattā bhattaṃ paccāsīsamānā viharāma , amhākaṃ dātukāmatāya sati deyyadhammo na hoti, deyyadhamme sati paṭiggāhakaṃ na labhāma, ajja me upariṭṭhapaccekabuddho diṭṭho, bhāgabhattañca atthi, mayhaṃ bhāgabhattaṃ imasmiṃ patte pakkhipāhī’’ti.

    б̣яад̇д̇аа ид̇т̇ий ‘‘яад̇о маяхам̣ саамиго бхааг̇абхад̇д̇ам̣ д̣̇зд̇и, маяааби имасмим̣ д̣̇аанз бхааг̇инияаа бхавид̇аб̣б̣а’’нд̇и ад̇д̇ано бхааг̇абхад̇д̇амби убаридтасса бажжзгаб̣уд̣̇д̇хасса бад̇д̇з бад̇идтабзд̇ваа ад̣̇ааси. аннабхааро бад̇д̇ам̣ аахарид̇ваа бажжзгаб̣уд̣̇д̇хасса хад̇т̇з табзд̇ваа, ‘‘бханд̇з, зваруубаа д̣̇уж̇ж̇ийвид̇аа мужжаамаа’’д̇и ааха. звам̣ ход̇у, махаабун̃н̃аад̇и. со ад̇д̇ано уд̇д̇арасаадагам̣ згасмим̣ бад̣̇зсз ад̇т̇арид̇ваа , ‘‘бханд̇з, ид̇ха нисийд̣̇ид̇ваа барибхун̃ж̇ат̇аа’’д̇и ааха. бажжзгаб̣уд̣̇д̇хо д̇ад̇т̇а нисийд̣̇ид̇ваа нававид̇хам̣ баадигууляам̣ бажжавзгканд̇о барибхун̃ж̇и. барибхуд̇д̇агаалз аннабхааро бад̇д̇ад̇хованауд̣̇агам̣ ад̣̇ааси. бажжзгаб̣уд̣̇д̇хо нидтид̇абхад̇д̇агижжо –

    Byattā itthī ‘‘yato mayhaṃ sāmiko bhāgabhattaṃ deti, mayāpi imasmiṃ dāne bhāginiyā bhavitabba’’nti attano bhāgabhattampi upariṭṭhassa paccekabuddhassa patte patiṭṭhapetvā adāsi. Annabhāro pattaṃ āharitvā paccekabuddhassa hatthe ṭhapetvā, ‘‘bhante, evarūpā dujjīvitā muccāmā’’ti āha. Evaṃ hotu, mahāpuññāti. So attano uttarasāṭakaṃ ekasmiṃ padese attharitvā , ‘‘bhante, idha nisīditvā paribhuñjathā’’ti āha. Paccekabuddho tattha nisīditvā navavidhaṃ pāṭikūlyaṃ paccavekkhanto paribhuñji. Paribhuttakāle annabhāro pattadhovanaudakaṃ adāsi. Paccekabuddho niṭṭhitabhattakicco –

    ‘‘ижчид̇ам̣ бад̇т̇ид̇ам̣ д̇уяхам̣, саб̣б̣амзва самиж̇жхад̇у;

    ‘‘Icchitaṃ patthitaṃ tuyhaṃ, sabbameva samijjhatu;

    саб̣б̣з буурзнд̇у сан̇габбаа, жанд̣̇о баннарасо яат̇аа’’д̇и. –

    Sabbe pūrentu saṅkappā, cando pannaraso yathā’’ti. –

    анумод̣̇анам̣ гад̇ваа маг̇г̇ам̣ бадибаж̇ж̇и. суманасздтисса чад̇д̇з ад̇хивад̇т̇аа д̣̇звад̇аа ‘‘ахо д̣̇аанам̣ барамад̣̇аанам̣ убаридтз суббад̇идтид̇а’’нд̇и д̇игкад̇д̇ум̣ вад̇ваа саад̇хугаарам̣ ад̣̇ааси. суманасздти ‘‘гим̣ д̇вам̣ мам̣ зд̇д̇агам̣ гаалам̣ д̣̇аанам̣ д̣̇ад̣̇амаанам̣ на бассасий’’д̇и ааха. наахам̣ д̇ава д̣̇аанз саад̇хугаарам̣ д̣̇зми, аннабхаарзна убаридтабажжзгаб̣уд̣̇д̇хасса д̣̇иннабин̣д̣абаад̇з басийд̣̇ид̇ваа саад̇хугаарам̣ д̣̇змийд̇и.

    Anumodanaṃ katvā maggaṃ paṭipajji. Sumanaseṭṭhissa chatte adhivatthā devatā ‘‘aho dānaṃ paramadānaṃ upariṭṭhe suppatiṭṭhita’’nti tikkhattuṃ vatvā sādhukāraṃ adāsi. Sumanaseṭṭhi ‘‘kiṃ tvaṃ maṃ ettakaṃ kālaṃ dānaṃ dadamānaṃ na passasī’’ti āha. Nāhaṃ tava dāne sādhukāraṃ demi, annabhārena upariṭṭhapaccekabuddhassa dinnapiṇḍapāte pasīditvā sādhukāraṃ demīti.

    суманасздти жинд̇зси – ‘‘ажчарияам̣ вад̇ид̣̇ам̣, ахам̣ зд̇д̇агам̣ гаалам̣ д̣̇аанам̣ д̣̇знд̇о д̣̇звад̇ам̣ саад̇хугаарам̣ д̣̇аабзд̇ум̣ наасагким̣. аяам̣ аннабхааро мам̣ ниссааяа васанд̇о ануруубасса бадиг̇г̇аахагабуг̇г̇аласса лад̣̇д̇хад̇д̇аа згабин̣д̣абаад̇ад̣̇аанзнзва саад̇хугаарам̣ д̣̇аабзси, зд̇асса анужчавигам̣ д̣̇ад̇ваа зд̇ам̣ бин̣д̣абаад̇ам̣ мама санд̇агам̣ гаад̇ум̣ ваддад̇ий’’д̇и аннабхаарам̣ баггосаабзд̇ваа ‘‘аж̇ж̇а д̇аяаа гассажи гин̃жи д̣̇аанам̣ д̣̇инна’’нд̇и бужчи. аама, аяяа, убаридтабажжзгаб̣уд̣̇д̇хасса мз ад̇д̇ано бхааг̇абхад̇д̇ам̣ д̣̇иннанд̇и. ханд̣̇а, бхо, гахаабан̣ам̣ г̇ан̣хид̇ваа зд̇ам̣ бин̣д̣абаад̇ам̣ маяхам̣ д̣̇зхийд̇и. на д̣̇зми аяяаад̇и. со яаава сахассам̣ вад̣дхзси, аннабхааро ‘‘сахассзнааби на д̣̇змий’’д̇и ааха. ход̇у, бхо, яад̣̇и бин̣д̣абаад̇ам̣ на д̣̇зси, сахассам̣ г̇ан̣хид̇ваа бад̇д̇им̣ мз д̣̇зхийд̇и. ‘‘зд̇амби д̣̇аад̇ум̣ яуд̇д̇ам̣ ваа аяуд̇д̇ам̣ ваа на ж̇аанаами, аяяам̣ бана убаридтабажжзгаб̣уд̣̇д̇хам̣ бужчид̇ваа сажз д̣̇аад̇ум̣ яуд̇д̇ам̣ бхависсад̇и, д̣̇ассаамий’’д̇и г̇анд̇ваа бажжзгаб̣уд̣̇д̇хам̣ самбаабун̣ид̇ваа, ‘‘бханд̇з, суманасздти маяхам̣ сахассам̣ д̣̇ад̇ваа д̇умхаагам̣ д̣̇иннабин̣д̣абаад̇з бад̇д̇им̣ яаажад̇и, д̣̇амми ваа на д̣̇амми ваа’’д̇и . убамам̣ д̇з бан̣д̣ид̇а гариссаами. сзяяат̇ааби гуласад̇игз г̇аамз згасмим̣язва гхарз д̣̇ийбам̣ ж̇аалзяяа, сзсаа ад̇д̇ано ад̇д̇ано д̇злзна ваддим̣ д̇змзд̇ваа ж̇аалаабзд̇ваа г̇ан̣хзяяум̣, буримад̣̇ийбасса бабхаа ад̇т̇и, над̇т̇ийд̇и. ад̇ирзгад̇араа, бханд̇з, бабхаа ход̇ийд̇и. звамзва бан̣д̣ид̇а ул̣ун̇гаяааг̇у ваа ход̇у гадажчубхигкаа ваа, ад̇д̇ано бин̣д̣абаад̇з барзсам̣ бад̇д̇им̣ д̣̇знд̇асса сад̇асса ваа д̣̇зд̇у сахассасса ваа, яад̇д̇агаанам̣ д̣̇зд̇и, д̇ад̇д̇агаанам̣ бун̃н̃ам̣ вад̣дхад̇и. д̇вам̣ д̣̇знд̇о згамзва бин̣д̣абаад̇ам̣ ад̣̇ааси, суманасздтисса бана бад̇д̇ияаа д̣̇иннааяа д̣̇вз бин̣д̣абаад̇аа хонд̇и зго д̇ава, зго жа д̇ассаад̇и.

    Sumanaseṭṭhi cintesi – ‘‘acchariyaṃ vatidaṃ, ahaṃ ettakaṃ kālaṃ dānaṃ dento devataṃ sādhukāraṃ dāpetuṃ nāsakkhiṃ. Ayaṃ annabhāro maṃ nissāya vasanto anurūpassa paṭiggāhakapuggalassa laddhattā ekapiṇḍapātadāneneva sādhukāraṃ dāpesi, etassa anucchavikaṃ datvā etaṃ piṇḍapātaṃ mama santakaṃ kātuṃ vaṭṭatī’’ti annabhāraṃ pakkosāpetvā ‘‘ajja tayā kassaci kiñci dānaṃ dinna’’nti pucchi. Āma, ayya, upariṭṭhapaccekabuddhassa me attano bhāgabhattaṃ dinnanti. Handa, bho, kahāpaṇaṃ gaṇhitvā etaṃ piṇḍapātaṃ mayhaṃ dehīti. Na demi ayyāti. So yāva sahassaṃ vaḍḍhesi, annabhāro ‘‘sahassenāpi na demī’’ti āha. Hotu, bho, yadi piṇḍapātaṃ na desi, sahassaṃ gaṇhitvā pattiṃ me dehīti. ‘‘Etampi dātuṃ yuttaṃ vā ayuttaṃ vā na jānāmi, ayyaṃ pana upariṭṭhapaccekabuddhaṃ pucchitvā sace dātuṃ yuttaṃ bhavissati, dassāmī’’ti gantvā paccekabuddhaṃ sampāpuṇitvā, ‘‘bhante, sumanaseṭṭhi mayhaṃ sahassaṃ datvā tumhākaṃ dinnapiṇḍapāte pattiṃ yācati, dammi vā na dammi vā’’ti . Upamaṃ te paṇḍita karissāmi. Seyyathāpi kulasatike gāme ekasmiṃyeva ghare dīpaṃ jāleyya, sesā attano attano telena vaṭṭiṃ temetvā jālāpetvā gaṇheyyuṃ, purimadīpassa pabhā atthi, natthīti. Atirekatarā, bhante, pabhā hotīti. Evameva paṇḍita uḷuṅkayāgu vā hotu kaṭacchubhikkhā vā, attano piṇḍapāte paresaṃ pattiṃ dentassa satassa vā detu sahassassa vā, yattakānaṃ deti, tattakānaṃ puññaṃ vaḍḍhati. Tvaṃ dento ekameva piṇḍapātaṃ adāsi, sumanaseṭṭhissa pana pattiyā dinnāya dve piṇḍapātā honti eko tava, eko ca tassāti.

    со бажжзгаб̣уд̣̇д̇хам̣ абхиваад̣̇зд̇ваа суманасздтисса санд̇игам̣ г̇анд̇ваа ‘‘бин̣д̣абаад̇з бад̇д̇им̣ г̇ан̣ха саамий’’д̇и ааха. ханд̣̇а, гахаабан̣асахассам̣ г̇ан̣хаад̇и. наахам̣ бин̣д̣абаад̇ам̣ виггин̣аами, сад̣̇д̇хааяа бана д̇умхаагам̣ бад̇д̇им̣ д̣̇змийд̇и. д̇аад̇а, д̇вам̣ маяхам̣ сад̣̇д̇хааяа бад̇д̇им̣ д̣̇зси, ахам̣ бана д̇уяхам̣ г̇ун̣ам̣ бууж̇знд̇о сахассам̣ д̣̇зми, г̇ан̣ха, д̇аад̇аад̇и. со ‘‘звам̣ ход̇уу’’д̇и сахассам̣ г̇ан̣хи. д̇аад̇а, д̇уяхам̣ сахассам̣ лад̣̇д̇хагаалад̇о бадтааяа сахад̇т̇аа гаммагаран̣агижжам̣ над̇т̇и, вийт̇ияам̣ гхарам̣ маабзд̇ваа васа. язна д̇уяхам̣ ад̇т̇о, д̇ам̣ мам̣ аахараабзд̇ваа г̇ан̣хаахийд̇и. нирод̇хасамаабад̇д̇ид̇о вудтид̇абажжзгаб̣уд̣̇д̇хасса д̣̇иннабин̣д̣абаад̇о наама д̇ам̣д̣̇ивасамзва вибаагам̣ д̣̇зд̇и. д̇асмаа суманасздти ан̃н̃ам̣ д̣̇ивасам̣ аннабхаарам̣ г̇ахзд̇ваа рааж̇агулам̣ аг̇ажчанд̇оби д̇ам̣д̣̇ивасам̣ г̇ахзд̇ваава г̇ад̇о.

    So paccekabuddhaṃ abhivādetvā sumanaseṭṭhissa santikaṃ gantvā ‘‘piṇḍapāte pattiṃ gaṇha sāmī’’ti āha. Handa, kahāpaṇasahassaṃ gaṇhāti. Nāhaṃ piṇḍapātaṃ vikkiṇāmi, saddhāya pana tumhākaṃ pattiṃ demīti. Tāta, tvaṃ mayhaṃ saddhāya pattiṃ desi, ahaṃ pana tuyhaṃ guṇaṃ pūjento sahassaṃ demi, gaṇha, tātāti. So ‘‘evaṃ hotū’’ti sahassaṃ gaṇhi. Tāta, tuyhaṃ sahassaṃ laddhakālato paṭṭhāya sahatthā kammakaraṇakiccaṃ natthi, vīthiyaṃ gharaṃ māpetvā vasa. Yena tuyhaṃ attho, taṃ maṃ āharāpetvā gaṇhāhīti. Nirodhasamāpattito vuṭṭhitapaccekabuddhassa dinnapiṇḍapāto nāma taṃdivasameva vipākaṃ deti. Tasmā sumanaseṭṭhi aññaṃ divasaṃ annabhāraṃ gahetvā rājakulaṃ agacchantopi taṃdivasaṃ gahetvāva gato.

    аннабхаарасса бун̃н̃ам̣ ааг̇амма рааж̇аа сздтим̣ анологзд̇ваа аннабхаарамзва ологзси . гим̣, д̣̇зва, имам̣ бурисам̣ ад̇ивияа ологзсийд̇и? ан̃н̃ам̣ д̣̇ивасам̣ ад̣̇идтабуб̣б̣ад̇д̇аа ологзмийд̇и. ологзд̇аб̣б̣аяуд̇д̇аго зса д̣̇зваад̇и. го банасса ологзд̇аб̣б̣аяуд̇д̇аго г̇ун̣од̇и? аж̇ж̇а ад̇д̇ано бхааг̇абхад̇д̇ам̣ саяам̣ абхун̃ж̇ид̇ваа убаридтабажжзгаб̣уд̣̇д̇хасса д̣̇иннад̇д̇аа мама хад̇т̇ад̇о сахассам̣ лабхи д̣̇зваад̇и. гонаамо зсод̇и? аннабхааро наама д̣̇зваад̇и. ‘‘д̇ава хад̇т̇ад̇о лад̣̇д̇хад̇д̇аа мамаби хад̇т̇ад̇о лад̣̇д̇хум̣ арахад̇и, ахамбисса бууж̇ам̣ гариссаамий’’д̇и вад̇ваа сахассам̣ ад̣̇ааси. зд̇асса васанаг̇зхам̣ ж̇аанаат̇а бхан̣зд̇и? саад̇ху д̣̇зваад̇и згам̣ г̇зхадтаанам̣ сод̇хзнд̇аа гуд̣̇д̣̇аалзна аахад̇аахад̇адтаанз нид̇хигумбхияо г̇ийвааяа г̇ийвам̣ аахажжа тид̇аа д̣̇исваа ран̃н̃о аарожаяим̣су. рааж̇аа ‘‘д̇зна хи г̇анд̇ваа канат̇аа’’д̇и ааха. д̇зсам̣ кананд̇аанам̣ кананд̇аанам̣ хздтаа г̇ажчанд̇и. буна г̇анд̇ваа ран̃н̃о аарожаяим̣су. рааж̇аа ‘‘аннабхаарасса важанзна канат̇аа’’д̇и ааха. д̇з г̇анд̇ваа ‘‘аннабхаарассзва важана’’нд̇и каним̣су. гуд̣̇д̣̇аалзна аахад̇аахад̇адтаанз ахижчад̇д̇агамагул̣аани вияа гумбхияо удтахим̣су. д̇з д̇ханам̣ аахарид̇ваа ран̃н̃о санд̇игз раасим̣ агам̣су. рааж̇аа амажжз саннибаад̇зд̇ваа ‘‘имасмим̣ наг̇арз гасса ан̃н̃асса зд̇д̇агам̣ д̇ханам̣ ад̇т̇ий’’д̇и бужчи. над̇т̇и гассажи д̣̇зваад̇и. д̇зна хи аяам̣ аннабхааро имасмим̣ наг̇арз д̇ханасздти наама ход̇ууд̇и. д̇ам̣д̣̇ивасамзва сздтижчад̇д̇ам̣ лабхи.

    Annabhārassa puññaṃ āgamma rājā seṭṭhiṃ anoloketvā annabhārameva olokesi . Kiṃ, deva, imaṃ purisaṃ ativiya olokesīti? Aññaṃ divasaṃ adiṭṭhapubbattā olokemīti. Oloketabbayuttako esa devāti. Ko panassa oloketabbayuttako guṇoti? Ajja attano bhāgabhattaṃ sayaṃ abhuñjitvā upariṭṭhapaccekabuddhassa dinnattā mama hatthato sahassaṃ labhi devāti. Konāmo esoti? Annabhāro nāma devāti. ‘‘Tava hatthato laddhattā mamapi hatthato laddhuṃ arahati, ahampissa pūjaṃ karissāmī’’ti vatvā sahassaṃ adāsi. Etassa vasanagehaṃ jānātha bhaṇeti? Sādhu devāti ekaṃ gehaṭṭhānaṃ sodhentā kuddālena āhatāhataṭṭhāne nidhikumbhiyo gīvāya gīvaṃ āhacca ṭhitā disvā rañño ārocayiṃsu. Rājā ‘‘tena hi gantvā khanathā’’ti āha. Tesaṃ khanantānaṃ khanantānaṃ heṭṭhā gacchanti. Puna gantvā rañño ārocayiṃsu. Rājā ‘‘annabhārassa vacanena khanathā’’ti āha. Te gantvā ‘‘annabhārasseva vacana’’nti khaniṃsu. Kuddālena āhatāhataṭṭhāne ahicchattakamakuḷāni viya kumbhiyo uṭṭhahiṃsu. Te dhanaṃ āharitvā rañño santike rāsiṃ akaṃsu. Rājā amacce sannipātetvā ‘‘imasmiṃ nagare kassa aññassa ettakaṃ dhanaṃ atthī’’ti pucchi. Natthi kassaci devāti. Tena hi ayaṃ annabhāro imasmiṃ nagare dhanaseṭṭhi nāma hotūti. Taṃdivasameva seṭṭhicchattaṃ labhi.

    со д̇ад̇о бадтааяа яааваж̇ийвам̣ галяаан̣агаммам̣ гад̇ваа д̇ад̇о жуд̇о д̣̇звалогз ниб̣б̣ад̇д̇о. д̣̇ийгхарад̇д̇ам̣ д̣̇звамануссзсу сам̣сарид̇ваа амхаагам̣ сад̇т̇у уббаж̇ж̇анагаалз габилавад̇т̇унаг̇арз амид̇д̇од̣̇анасаггасса г̇зхз бадисанд̇хим̣ г̇ан̣хи. наамаг̇г̇ахан̣ад̣̇ивасз банасса ануруд̣̇д̇ход̇и наамам̣ агам̣су. махаанаамасаггасса ганидтабхаад̇аа сад̇т̇у жуул̣абид̇убуд̇д̇о барамасукумаало махаабун̃н̃о ахоси. суван̣н̣абаад̇ияам̣язвасса бхад̇д̇ам̣ уббаж̇ж̇и. ат̇асса маад̇аа згад̣̇ивасам̣ ‘‘мама буд̇д̇ам̣ над̇т̇ийд̇и бад̣̇ам̣ ж̇аанаабзссаамий’’д̇и згам̣ суван̣н̣абаад̇им̣ ан̃н̃ааяа суван̣н̣абаад̇ияаа бид̣̇ахид̇ваа д̇ужчагам̣язва бзсзси. анд̇араамаг̇г̇з д̣̇звад̇аа д̣̇иб̣б̣абуувзхи буурзсум̣. звам̣ махаабун̃н̃о ахоси. д̇ин̣н̣ам̣ уд̇уунам̣ анужчавигзсу д̇ийсу баасаад̣̇зсу алан̇гад̇анаадагид̇т̇ийхи баривуд̇о д̣̇зво вияа самбад̇д̇им̣ анубхави.

    So tato paṭṭhāya yāvajīvaṃ kalyāṇakammaṃ katvā tato cuto devaloke nibbatto. Dīgharattaṃ devamanussesu saṃsaritvā amhākaṃ satthu uppajjanakāle kapilavatthunagare amittodanasakkassa gehe paṭisandhiṃ gaṇhi. Nāmaggahaṇadivase panassa anuruddhoti nāmaṃ akaṃsu. Mahānāmasakkassa kaniṭṭhabhātā satthu cūḷapituputto paramasukhumālo mahāpuñño ahosi. Suvaṇṇapātiyaṃyevassa bhattaṃ uppajji. Athassa mātā ekadivasaṃ ‘‘mama puttaṃ natthīti padaṃ jānāpessāmī’’ti ekaṃ suvaṇṇapātiṃ aññāya suvaṇṇapātiyā pidahitvā tucchakaṃyeva pesesi. Antarāmagge devatā dibbapūvehi pūresuṃ. Evaṃ mahāpuñño ahosi. Tiṇṇaṃ utūnaṃ anucchavikesu tīsu pāsādesu alaṅkatanāṭakitthīhi parivuto devo viya sampattiṃ anubhavi.

    амхаагамби б̣од̇хисад̇д̇о д̇асмим̣ самаяз д̇усид̇абураа жавид̇ваа суд̣̇д̇ход̣̇анамахаарааж̇асса аг̇г̇амахзсияаа гужчисмим̣ бадисанд̇хим̣ г̇ахзд̇ваа ануггамзна вуд̣̇д̇хиббад̇д̇о згуунад̇им̣са вассаани аг̇аарамаж̇жхз васид̇ваа махаабхинигкаманам̣ нигкамид̇ваа ануггамзна бадивид̣̇д̇хасаб̣б̣ан̃н̃уд̇ан̃н̃аан̣о б̣од̇химан̣д̣з сад̇д̇асад̇д̇аахам̣ вийд̇инаамзд̇ваа исибад̇анз миг̇ад̣̇ааяз д̇хаммажаггаббад̇д̇анам̣ бавад̇д̇зд̇ваа логаануг̇г̇ахам̣ гаронд̇о рааж̇аг̇ахам̣ ааг̇амма ‘‘буд̇д̇о мз рааж̇аг̇ахам̣ ааг̇ад̇о’’д̇и суд̇ваа ‘‘г̇ажчат̇а бхан̣з мама буд̇д̇ам̣ аанзт̇аа’’д̇и бид̇араа бахид̇з сахассасахассабариваарз д̣̇аса амажжз зхибхигкубаб̣б̣аж̇ж̇ааяа баб̣б̣ааж̇зд̇ваа гаал̣уд̣̇ааяид̇т̇зрзна жааригааг̇аманам̣ ааяаажид̇о рааж̇аг̇ахад̇о вийсад̇исахассабхигкубаривааро нигкамид̇ваа габилавад̇т̇убурам̣ г̇анд̇ваа н̃аад̇исамааг̇амз анзгзхи ид̣̇д̇хибаадихаариязхи саббаадихаарияам̣ вижид̇рад̇хаммад̣̇зсанам̣ гад̇ваа махааж̇анам̣ амад̇абаанам̣ бааязд̇ваа д̣̇уд̇ияад̣̇ивасз бад̇д̇ажийварамаад̣̇ааяа наг̇арад̣̇ваарз тад̇ваа ‘‘гим̣ ну ко гуланаг̇арам̣ ааг̇ад̇аанам̣ саб̣б̣ан̃н̃уб̣уд̣̇д̇хаанам̣ аажин̣н̣а’’нд̇и ааваж̇ж̇амаано ‘‘сабад̣̇аанам̣ бин̣д̣ааяа жаран̣ам̣ аажин̣н̣а’’нд̇и н̃ад̇ваа сабад̣̇аанам̣ бин̣д̣ааяа жаранд̇о ‘‘буд̇д̇о мз бин̣д̣ааяа жарад̇ий’’д̇и суд̇ваа ааг̇ад̇асса ран̃н̃о д̇хаммам̣ гат̇зд̇ваа д̇зна саганивзсанам̣ бавзсзд̇ваа гад̇асаггаарасаммаано д̇ад̇т̇а гаад̇аб̣б̣ам̣ н̃аад̇иж̇анаануг̇г̇ахам̣ гад̇ваа раахулагумаарам̣ баб̣б̣ааж̇зд̇ваа нажирассзва габилавад̇т̇убурад̇о малларадтз жааригам̣ жарамаано анубияаамб̣аванам̣ аг̇амааси.

    Amhākampi bodhisatto tasmiṃ samaye tusitapurā cavitvā suddhodanamahārājassa aggamahesiyā kucchismiṃ paṭisandhiṃ gahetvā anukkamena vuddhippatto ekūnatiṃsa vassāni agāramajjhe vasitvā mahābhinikkhamanaṃ nikkhamitvā anukkamena paṭividdhasabbaññutaññāṇo bodhimaṇḍe sattasattāhaṃ vītināmetvā isipatane migadāye dhammacakkappattanaṃ pavattetvā lokānuggahaṃ karonto rājagahaṃ āgamma ‘‘putto me rājagahaṃ āgato’’ti sutvā ‘‘gacchatha bhaṇe mama puttaṃ ānethā’’ti pitarā pahite sahassasahassaparivāre dasa amacce ehibhikkhupabbajjāya pabbājetvā kāḷudāyittherena cārikāgamanaṃ āyācito rājagahato vīsatisahassabhikkhuparivāro nikkhamitvā kapilavatthupuraṃ gantvā ñātisamāgame anekehi iddhipāṭihāriyehi sappāṭihāriyaṃ vicitradhammadesanaṃ katvā mahājanaṃ amatapānaṃ pāyetvā dutiyadivase pattacīvaramādāya nagaradvāre ṭhatvā ‘‘kiṃ nu kho kulanagaraṃ āgatānaṃ sabbaññubuddhānaṃ āciṇṇa’’nti āvajjamāno ‘‘sapadānaṃ piṇḍāya caraṇaṃ āciṇṇa’’nti ñatvā sapadānaṃ piṇḍāya caranto ‘‘putto me piṇḍāya caratī’’ti sutvā āgatassa rañño dhammaṃ kathetvā tena sakanivesanaṃ pavesetvā katasakkārasammāno tattha kātabbaṃ ñātijanānuggahaṃ katvā rāhulakumāraṃ pabbājetvā nacirasseva kapilavatthupurato mallaraṭṭhe cārikaṃ caramāno anupiyaambavanaṃ agamāsi.

    д̇асмим̣ самаяз суд̣̇д̇ход̣̇анамахаарааж̇аа саагияаж̇анам̣ саннибаад̇зд̇ваа ааха – ‘‘сажз мама буд̇д̇о аг̇аарам̣ аж̇жхаавасисса, рааж̇аа абхависса жаггавад̇д̇ий сад̇д̇арад̇анасаманнааг̇ад̇о. над̇д̇ааби мз раахулагумааро кад̇д̇ияаг̇ан̣зна сад̣̇д̇хим̣ д̇ам̣ бариваарзд̇ваа ажарисса, д̇умхзби зд̇амад̇т̇ам̣ ж̇аанаат̇а. ид̣̇аани бана мз буд̇д̇о б̣уд̣̇д̇хо ж̇аад̇о, кад̇д̇ияаавасса бариваараа хонд̇у. д̇умхз згзгагулад̇о згзгам̣ д̣̇аарагам̣ д̣̇зт̇аа’’д̇и. звам̣ вуд̇д̇з згаббахаарзнзва сахассакад̇д̇ияагумаараа баб̣б̣аж̇им̣су. д̇асмим̣ самаяз махаанаамо гудумб̣асаамиго ход̇и. со ануруд̣̇д̇хасаггам̣ убасан̇гамид̇ваа зд̇ад̣̇авожа – ‘‘зд̇арахи, д̇аад̇а ануруд̣̇д̇ха, абхин̃н̃аад̇аа абхин̃н̃аад̇аа сагяагумаараа бхаг̇аванд̇ам̣ баб̣б̣аж̇ид̇ам̣ анубаб̣б̣аж̇анд̇и, амхаагам̣ гулз над̇т̇и гожи аг̇аарасмаа анаг̇аарияам̣ баб̣б̣аж̇ид̇о. д̇зна хи д̇вам̣ ваа баб̣б̣аж̇а, ахам̣ ваа баб̣б̣аж̇иссаамий’’д̇и. со д̇асса важанам̣ суд̇ваа гхарааваасз ружим̣ агад̇ваа ад̇д̇асад̇д̇амо аг̇аарасмаа анаг̇аарияам̣ баб̣б̣аж̇ид̇о. д̇асса баб̣б̣аж̇ж̇аануггамо сан̇гхабхзд̣̇агагканд̇хагз (жуул̣ава. 330 аад̣̇аяо) ааг̇ад̇ова.

    Tasmiṃ samaye suddhodanamahārājā sākiyajanaṃ sannipātetvā āha – ‘‘sace mama putto agāraṃ ajjhāvasissa, rājā abhavissa cakkavattī sattaratanasamannāgato. Nattāpi me rāhulakumāro khattiyagaṇena saddhiṃ taṃ parivāretvā acarissa, tumhepi etamatthaṃ jānātha. Idāni pana me putto buddho jāto, khattiyāvassa parivārā hontu. Tumhe ekekakulato ekekaṃ dārakaṃ dethā’’ti. Evaṃ vutte ekappahāreneva sahassakhattiyakumārā pabbajiṃsu. Tasmiṃ samaye mahānāmo kuṭumbasāmiko hoti. So anuruddhasakkaṃ upasaṅkamitvā etadavoca – ‘‘etarahi, tāta anuruddha, abhiññātā abhiññātā sakyakumārā bhagavantaṃ pabbajitaṃ anupabbajanti, amhākaṃ kule natthi koci agārasmā anagāriyaṃ pabbajito. Tena hi tvaṃ vā pabbaja, ahaṃ vā pabbajissāmī’’ti. So tassa vacanaṃ sutvā gharāvāse ruciṃ akatvā attasattamo agārasmā anagāriyaṃ pabbajito. Tassa pabbajjānukkamo saṅghabhedakakkhandhake (cūḷava. 330 ādayo) āgatova.

    звам̣ анубияаамб̣аванам̣ г̇анд̇ваа баб̣б̣аж̇ид̇зсу бана д̇зсу д̇асмим̣язва анд̇овассз бхад̣̇д̣̇ияад̇т̇зро арахад̇д̇ам̣ баабун̣и. ануруд̣̇д̇хад̇т̇зро д̣̇иб̣б̣ажагкум̣ ниб̣б̣ад̇д̇зси, д̣̇звад̣̇ад̇д̇о адта самаабад̇д̇ияо ниб̣б̣ад̇д̇зси, аананд̣̇ад̇т̇зро сод̇аабад̇д̇ипалз бад̇идтааси, бхаг̇уд̇т̇зро жа гимилад̇т̇зро жа бажчаа арахад̇д̇ам̣ баабун̣им̣су. д̇зсам̣ бана саб̣б̣зсамби т̇зраанам̣ ад̇д̇ано ад̇д̇ано ааг̇ад̇адтаанз буб̣б̣абад̇т̇анаабхинийхааро ааг̇амиссад̇и. аяам̣ бана ануруд̣̇д̇хад̇т̇зро д̇хаммасзнаабад̇исса санд̇игз гаммадтаанам̣ г̇ахзд̇ваа жзд̇ияарадтз баажийнавам̣самиг̇ад̣̇ааяам̣ г̇анд̇ваа саман̣ад̇хаммам̣ гаронд̇о сад̇д̇а махаабурисавид̇аггз вид̇аггзси, адтамз гиламад̇и. сад̇т̇аа ‘‘ануруд̣̇д̇хо адтамз махаабурисавид̇аггз гиламад̇ий’’д̇и н̃ад̇ваа ‘‘д̇асса сан̇габбам̣ буурзссаамий’’д̇и д̇ад̇т̇а г̇анд̇ваа бан̃н̃ад̇д̇авараб̣уд̣̇д̇хаасанз нисинно адтамам̣ махаабурисавид̇аггам̣ буурзд̇ваа жад̇убажжаяасанд̇осабхааванаараамабадиман̣д̣ид̇ам̣ махааарияавам̣сабадибад̣̇ам̣ (а. ни. 8.30) гат̇зд̇ваа аагаасз уббад̇ид̇ваа бхзсагалааванамзва г̇ад̇о.

    Evaṃ anupiyaambavanaṃ gantvā pabbajitesu pana tesu tasmiṃyeva antovasse bhaddiyatthero arahattaṃ pāpuṇi. Anuruddhatthero dibbacakkhuṃ nibbattesi, devadatto aṭṭha samāpattiyo nibbattesi, ānandatthero sotāpattiphale patiṭṭhāsi, bhagutthero ca kimilatthero ca pacchā arahattaṃ pāpuṇiṃsu. Tesaṃ pana sabbesampi therānaṃ attano attano āgataṭṭhāne pubbapatthanābhinīhāro āgamissati. Ayaṃ pana anuruddhatthero dhammasenāpatissa santike kammaṭṭhānaṃ gahetvā cetiyaraṭṭhe pācīnavaṃsamigadāyaṃ gantvā samaṇadhammaṃ karonto satta mahāpurisavitakke vitakkesi, aṭṭhame kilamati. Satthā ‘‘anuruddho aṭṭhame mahāpurisavitakke kilamatī’’ti ñatvā ‘‘tassa saṅkappaṃ pūressāmī’’ti tattha gantvā paññattavarabuddhāsane nisinno aṭṭhamaṃ mahāpurisavitakkaṃ pūretvā catupaccayasantosabhāvanārāmapaṭimaṇḍitaṃ mahāariyavaṃsapaṭipadaṃ (a. ni. 8.30) kathetvā ākāse uppatitvā bhesakalāvanameva gato.

    т̇зро д̇ат̇ааг̇ад̇з г̇ад̇амад̇д̇зязва д̇звиж̇ж̇о махаакийн̣аасаво худ̇ваа ‘‘сад̇т̇аа маяхам̣ манам̣ ж̇аанид̇ваа ааг̇анд̇ваа адтамам̣ махаабурисавид̇аггам̣ буурзд̇ваа ад̣̇ааси. со жа мз манорат̇о мад̇т̇агам̣ бад̇д̇о’’д̇и б̣уд̣̇д̇хаанам̣ д̇хаммад̣̇зсанам̣ ад̇д̇ано жа бадивид̣̇д̇хад̇хаммам̣ аараб̣бха имаа г̇аат̇аа абхааси –

    Thero tathāgate gatamatteyeva tevijjo mahākhīṇāsavo hutvā ‘‘satthā mayhaṃ manaṃ jānitvā āgantvā aṭṭhamaṃ mahāpurisavitakkaṃ pūretvā adāsi. So ca me manoratho matthakaṃ patto’’ti buddhānaṃ dhammadesanaṃ attano ca paṭividdhadhammaṃ ārabbha imā gāthā abhāsi –

    ‘‘мама сан̇габбаман̃н̃ааяа, сад̇т̇аа логз ануд̇д̇аро;

    ‘‘Mama saṅkappamaññāya, satthā loke anuttaro;

    маномаязна гааязна, ид̣̇д̇хияаа убасан̇гами.

    Manomayena kāyena, iddhiyā upasaṅkami.

    ‘‘яат̇аа мз аху сан̇габбо, д̇ад̇о уд̇д̇ари д̣̇зсаяи;

    ‘‘Yathā me ahu saṅkappo, tato uttari desayi;

    ниббабан̃жарад̇о б̣уд̣̇д̇хо, ниббабан̃жамад̣̇зсаяи.

    Nippapañcarato buddho, nippapañcamadesayi.

    ‘‘д̇ассаахам̣ д̇хаммаман̃н̃ааяа, вихаасим̣ саасанз рад̇о;

    ‘‘Tassāhaṃ dhammamaññāya, vihāsiṃ sāsane rato;

    д̇иссо виж̇ж̇аа ануббад̇д̇о, гад̇ам̣ б̣уд̣̇д̇хасса саасана’’нд̇и. (т̇зраг̇аа. 901-903);

    Tisso vijjā anuppatto, kataṃ buddhassa sāsana’’nti. (theragā. 901-903);

    ат̇а нам̣ абарабхааг̇з сад̇т̇аа ж̇зд̇аванамахаавихаарз вихаранд̇о ‘‘мама саасанз д̣̇иб̣б̣ажагкугаанам̣ ануруд̣̇д̇хо аг̇г̇о’’д̇и аг̇г̇адтаанз табзси.

    Atha naṃ aparabhāge satthā jetavanamahāvihāre viharanto ‘‘mama sāsane dibbacakkhukānaṃ anuruddho aggo’’ti aggaṭṭhāne ṭhapesi.

    бхад̣̇д̣̇ияад̇т̇зравад̇т̇у

    Bhaddiyattheravatthu

    193. чадтз ужжаагулигаананд̇и ужжз гулз ж̇аад̇аанам̣. бхад̣̇д̣̇ияод̇и ануруд̣̇д̇хад̇т̇зрзна сад̣̇д̇хим̣ нигкаманд̇о сагяарааж̇аа. гаал̣иг̇од̇хааяа буд̇д̇од̇и гаал̣аван̣н̣аа саа д̣̇звий, г̇од̇хаад̇и банассаа наамам̣ . д̇асмаа гаал̣иг̇од̇хаад̇и вужжад̇и , д̇ассаа буд̇д̇од̇и ад̇т̇о. гасмаа банааяам̣ ужжаагулигаанам̣ аг̇г̇од̇и вуд̇д̇о, гим̣ д̇ад̇о ужжаагулигад̇араа над̇т̇ийд̇и? аама над̇т̇и. д̇асса хи маад̇аа саагияаанийнам̣ анд̇арз ваязна саб̣б̣аж̇здтигаа, соязва жа саагияагулз самбад̇д̇ам̣ раж̇ж̇ам̣ бахааяа баб̣б̣аж̇ид̇о. д̇асмаа ужжаагулигаанам̣ аг̇г̇од̇и вуд̇д̇о. абижа буб̣б̣абад̇т̇анаанубхаавзна жзса анубадибаадияаа бан̃жа ж̇аад̇исад̇аани рааж̇агулз ниб̣б̣ад̇д̇ид̇ваа раж̇ж̇ам̣ гаарзсиязва. иминааби гааран̣зна ужжаагулигаанам̣ аг̇г̇од̇и вуд̇д̇о.

    193. Chaṭṭhe uccākulikānanti ucce kule jātānaṃ. Bhaddiyoti anuruddhattherena saddhiṃ nikkhamanto sakyarājā. Kāḷigodhāya puttoti kāḷavaṇṇā sā devī, godhāti panassā nāmaṃ . Tasmā kāḷigodhāti vuccati , tassā puttoti attho. Kasmā panāyaṃ uccākulikānaṃ aggoti vutto, kiṃ tato uccākulikatarā natthīti? Āma natthi. Tassa hi mātā sākiyānīnaṃ antare vayena sabbajeṭṭhikā, soyeva ca sākiyakule sampattaṃ rajjaṃ pahāya pabbajito. Tasmā uccākulikānaṃ aggoti vutto. Apica pubbapatthanānubhāvena cesa anupaṭipāṭiyā pañca jātisatāni rājakule nibbattitvā rajjaṃ kāresiyeva. Imināpi kāraṇena uccākulikānaṃ aggoti vutto.

    бан̃хагаммз банасса аяаманубуб̣б̣игат̇аа – аяамби хи ад̇ийд̇з бад̣̇умуд̇д̇араб̣уд̣̇д̇хагаалз махаабхог̇агулз ниб̣б̣ад̇д̇о вуд̇д̇анаязнзва д̇хаммассаванад̇т̇ааяа г̇ад̇о. д̇ам̣д̣̇ивасам̣ сад̇т̇аарам̣ згам̣ бхигкум̣ ужжаагулигаанам̣ бхигкуунам̣ аг̇г̇адтаанз табзнд̇ам̣ д̣̇исваа ‘‘маяааби анааг̇ад̇з згасса б̣уд̣̇д̇хасса саасанз ужжаагулигаанам̣ бхигкуунам̣ аг̇г̇зна бхавид̇ум̣ ваддад̇ий’’д̇и д̇ат̇ааг̇ад̇ам̣ ниманд̇зд̇ваа сад̇д̇а д̣̇ивасаани б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа, ‘‘бханд̇з, ахам̣ имасса д̣̇аанасса палзна наан̃н̃ам̣ самбад̇д̇им̣ ааган̇каами, анааг̇ад̇з бана згасса б̣уд̣̇д̇хасса саасанз ужжаагулигаанам̣ бхигкуунам̣ аг̇г̇о бхавзяяа’’нд̇и бад̇т̇аяид̇ваа баад̣̇амуулз нибаж̇ж̇и.

    Pañhakamme panassa ayamanupubbikathā – ayampi hi atīte padumuttarabuddhakāle mahābhogakule nibbatto vuttanayeneva dhammassavanatthāya gato. Taṃdivasaṃ satthāraṃ ekaṃ bhikkhuṃ uccākulikānaṃ bhikkhūnaṃ aggaṭṭhāne ṭhapentaṃ disvā ‘‘mayāpi anāgate ekassa buddhassa sāsane uccākulikānaṃ bhikkhūnaṃ aggena bhavituṃ vaṭṭatī’’ti tathāgataṃ nimantetvā satta divasāni buddhappamukhassa bhikkhusaṅghassa mahādānaṃ datvā, ‘‘bhante, ahaṃ imassa dānassa phalena nāññaṃ sampattiṃ ākaṅkhāmi, anāgate pana ekassa buddhassa sāsane uccākulikānaṃ bhikkhūnaṃ aggo bhaveyya’’nti patthayitvā pādamūle nipajji.

    сад̇т̇аа анааг̇ад̇ам̣ ологзнд̇о самиж̇жханабхаавам̣ д̣̇исваа ‘‘самиж̇жхиссад̇и д̇з ид̣̇ам̣ гаммам̣, ид̇о габбасад̇асахассаавасаанз г̇од̇амо наама б̣уд̣̇д̇хо уббаж̇ж̇иссад̇и, д̇вам̣ д̇асса саасанз ужжаагулигаанам̣ бхигкуунам̣ аг̇г̇о бхависсасий’’д̇и б̣яаагарид̇ваа бхад̇д̇аанумод̣̇анам̣ гад̇ваа вихаарам̣ аг̇амааси. соби д̇ам̣ б̣яаагаран̣ам̣ лабхид̇ваа ужжаагулигасам̣вад̇д̇анигагаммам̣ бужчид̇ваа д̇хаммаасанаани гаарзд̇ваа д̇зсу бажжад̇т̇аран̣аани сант̇араабзд̇ваа д̇хаммаб̣ийж̇анияо д̇хаммагат̇игаваддам̣ убосат̇ааг̇аарз бад̣̇ийбад̇злад̣̇аананд̇и звам̣ яааваж̇ийвам̣ б̣ахувид̇хам̣ галяаан̣агаммам̣ гад̇ваа д̇ад̇т̇а гаалагад̇о д̣̇звзсу жа мануссзсу жа сам̣саранд̇о гассабад̣̇асаб̣аласса жа амхааган̃жа бхаг̇авад̇о анд̇арз б̣аараан̣асияам̣ гудумб̣ияагхарз ниб̣б̣ад̇д̇о.

    Satthā anāgataṃ olokento samijjhanabhāvaṃ disvā ‘‘samijjhissati te idaṃ kammaṃ, ito kappasatasahassāvasāne gotamo nāma buddho uppajjissati, tvaṃ tassa sāsane uccākulikānaṃ bhikkhūnaṃ aggo bhavissasī’’ti byākaritvā bhattānumodanaṃ katvā vihāraṃ agamāsi. Sopi taṃ byākaraṇaṃ labhitvā uccākulikasaṃvattanikakammaṃ pucchitvā dhammāsanāni kāretvā tesu paccattharaṇāni santharāpetvā dhammabījaniyo dhammakathikavaṭṭaṃ uposathāgāre padīpateladānanti evaṃ yāvajīvaṃ bahuvidhaṃ kalyāṇakammaṃ katvā tattha kālakato devesu ca manussesu ca saṃsaranto kassapadasabalassa ca amhākañca bhagavato antare bārāṇasiyaṃ kuṭumbiyaghare nibbatto.

    д̇зна жа самаязна самб̣ахулаа бажжзгаб̣уд̣̇д̇хаа г̇анд̇хамаад̣̇анабаб̣б̣ад̇аа ааг̇амма б̣аараан̣асияам̣ г̇ан̇г̇ааяа д̇ийрз паасугадтаанз нисийд̣̇ид̇ваа бин̣д̣абаад̇ам̣ барибхун̃ж̇анд̇и. со гудумб̣ияо д̇зсам̣ ниб̣ад̣̇д̇хамзва д̇асмим̣ таанз бхад̇д̇ависсаг̇г̇агаран̣ам̣ н̃ад̇ваа адта баасаан̣апалагаани ад̇т̇арид̇ваа яааваж̇ийвам̣ бажжзгаб̣уд̣̇д̇хз убадтахи. ат̇згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з габилавад̇т̇унаг̇арз кад̇д̇ияагулз ниб̣б̣ад̇д̇и. наамаг̇г̇ахан̣ад̣̇ивасз жасса бхад̣̇д̣̇ияагумаарод̇и наамам̣ агам̣су. со ваяам̣ ааг̇амма хздтаа ануруд̣̇д̇хасуд̇д̇з вуд̇д̇анаязнзва чаннам̣ кад̇д̇ияаанам̣ аб̣бханд̇аро худ̇ваа сад̇т̇ари анубияаамб̣аванз вихаранд̇з сад̇т̇у санд̇игз баб̣б̣аж̇ид̇ваа арахад̇д̇ам̣ баабун̣и. ат̇а сад̇т̇аа абарабхааг̇з ж̇зд̇аванамахаавихаарз вихаранд̇о ‘‘мама саасанз ужжаагулигаанам̣ гаал̣иг̇од̇хааяа буд̇д̇о бхад̣̇д̣̇ияад̇т̇зро аг̇г̇о’’д̇и аг̇г̇адтаанз табзси.

    Tena ca samayena sambahulā paccekabuddhā gandhamādanapabbatā āgamma bārāṇasiyaṃ gaṅgāya tīre phāsukaṭṭhāne nisīditvā piṇḍapātaṃ paribhuñjanti. So kuṭumbiyo tesaṃ nibaddhameva tasmiṃ ṭhāne bhattavissaggakaraṇaṃ ñatvā aṭṭha pāsāṇaphalakāni attharitvā yāvajīvaṃ paccekabuddhe upaṭṭhahi. Athekaṃ buddhantaraṃ devamanussesu saṃsaritvā imasmiṃ buddhuppāde kapilavatthunagare khattiyakule nibbatti. Nāmaggahaṇadivase cassa bhaddiyakumāroti nāmaṃ akaṃsu. So vayaṃ āgamma heṭṭhā anuruddhasutte vuttanayeneva channaṃ khattiyānaṃ abbhantaro hutvā satthari anupiyaambavane viharante satthu santike pabbajitvā arahattaṃ pāpuṇi. Atha satthā aparabhāge jetavanamahāvihāre viharanto ‘‘mama sāsane uccākulikānaṃ kāḷigodhāya putto bhaddiyatthero aggo’’ti aggaṭṭhāne ṭhapesi.

    лагун̣д̣агабхад̣̇д̣̇ияад̇т̇зравад̇т̇у

    Lakuṇḍakabhaddiyattheravatthu

    194. сад̇д̇амз ман̃ж̇уссараананд̇и мад̇хурассараанам̣. лагун̣д̣агабхад̣̇д̣̇ияод̇и уб̣б̣зд̇хзна рассо, наамзна бхад̣̇д̣̇ияо. д̇ассааби бан̃хагаммз аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ийнаг̇арз махаабхог̇агулз ниб̣б̣ад̇д̇о вуд̇д̇анаязнзва д̇хаммассаванад̇т̇ааяа вихаарам̣ г̇ад̇о. д̇асмим̣ самаяз сад̇т̇аарам̣ згам̣ ман̃ж̇уссарам̣ бхигкум̣ зд̇ад̣̇аг̇г̇з табзнд̇ам̣ д̣̇исваа ‘‘ахо вад̇аахамби анааг̇ад̇з аяам̣ бхигку вияа згасса б̣уд̣̇д̇хасса саасанз ман̃ж̇уссараанам̣ бхигкуунам̣ аг̇г̇о бхавзяяа’’нд̇и жид̇д̇ам̣ уббаад̣̇зд̇ваа сад̇т̇аарам̣ ниманд̇зд̇ваа сад̇д̇а д̣̇ивасаани б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа, ‘‘бханд̇з, ахам̣ имасса д̣̇аанасса палзна на ан̃н̃ам̣ самбад̇д̇им̣ ааган̇каами, анааг̇ад̇з бана згасса б̣уд̣̇д̇хасса саасанз ман̃ж̇уссараанам̣ бхигкуунам̣ аг̇г̇о бхавзяяа’’нд̇и бад̇т̇аяид̇ваа сад̇т̇убаад̣̇амуулз нибаж̇ж̇и. сад̇т̇аа анааг̇ад̇ам̣ ологзнд̇о самиж̇жханабхаавам̣ д̣̇исваа ‘‘самиж̇жхиссад̇и д̇з ид̣̇ам̣ гаммам̣, ид̇о габбасад̇асахассаавасаанз г̇од̇амо наама б̣уд̣̇д̇хо уббаж̇ж̇иссад̇и, д̇вам̣ д̇асса саасанз ман̃ж̇уссараанам̣ бхигкуунам̣ аг̇г̇о бхависсасий’’д̇и б̣яаагарид̇ваа вихаарам̣ аг̇амааси.

    194. Sattame mañjussarānanti madhurassarānaṃ. Lakuṇḍakabhaddiyoti ubbedhena rasso, nāmena bhaddiyo. Tassāpi pañhakamme ayamanupubbikathā – ayampi hi padumuttarabuddhakāle haṃsavatīnagare mahābhogakule nibbatto vuttanayeneva dhammassavanatthāya vihāraṃ gato. Tasmiṃ samaye satthāraṃ ekaṃ mañjussaraṃ bhikkhuṃ etadagge ṭhapentaṃ disvā ‘‘aho vatāhampi anāgate ayaṃ bhikkhu viya ekassa buddhassa sāsane mañjussarānaṃ bhikkhūnaṃ aggo bhaveyya’’nti cittaṃ uppādetvā satthāraṃ nimantetvā satta divasāni buddhappamukhassa bhikkhusaṅghassa mahādānaṃ datvā, ‘‘bhante, ahaṃ imassa dānassa phalena na aññaṃ sampattiṃ ākaṅkhāmi, anāgate pana ekassa buddhassa sāsane mañjussarānaṃ bhikkhūnaṃ aggo bhaveyya’’nti patthayitvā satthupādamūle nipajji. Satthā anāgataṃ olokento samijjhanabhāvaṃ disvā ‘‘samijjhissati te idaṃ kammaṃ, ito kappasatasahassāvasāne gotamo nāma buddho uppajjissati, tvaṃ tassa sāsane mañjussarānaṃ bhikkhūnaṃ aggo bhavissasī’’ti byākaritvā vihāraṃ agamāsi.

    соби д̇ам̣ б̣яаагаран̣ам̣ лабхид̇ваа яааваж̇ийвам̣ галяаан̣агаммам̣ гад̇ваа д̇ад̇о гаалагад̇о д̣̇звзсу жа мануссзсу жа сам̣саранд̇о вибассийсаммаасамб̣уд̣̇д̇хагаалз жид̇д̇абад̇д̇агогило наама худ̇ваа кзмз миг̇ад̣̇ааяз васанд̇о згад̣̇ивасам̣ химаванд̇ам̣ г̇анд̇ваа мад̇хурам̣ амб̣апалам̣ д̇ун̣д̣зна г̇ахзд̇ваа ааг̇ажчанд̇о бхигкусан̇гхабаривуд̇ам̣ сад̇т̇аарам̣ д̣̇исваа жинд̇зси – ‘‘ахам̣ ан̃н̃зсу д̣̇ивасзсу рид̇д̇аго д̇ат̇ааг̇ад̇ам̣ бассаами, аж̇ж̇а бана мз имам̣ амб̣абаггам̣ буд̇д̇агаанам̣ ад̇т̇ааяа ааг̇ад̇ам̣. д̇зсам̣ ан̃н̃амби аахарид̇ваа д̣̇ассаами, имам̣ бана д̣̇асаб̣аласса д̣̇аад̇ум̣ ваддад̇ий’’д̇и од̇арид̇ваа аагаасз жарад̇и. сад̇т̇аа д̇асса жид̇д̇ам̣ н̃ад̇ваа асогад̇т̇зрам̣ наама убадтаагам̣ ологзси. со бад̇д̇ам̣ нийхарид̇ваа сад̇т̇у хад̇т̇з табзси. со гогило д̣̇асаб̣аласса бад̇д̇з амб̣абаггам̣ бад̇идтаабзси. сад̇т̇аа д̇ад̇т̇зва нисийд̣̇ид̇ваа д̇ам̣ барибхун̃ж̇и. гогило басаннажид̇д̇о бунаббунам̣ д̣̇асаб̣аласса г̇ун̣з ааваж̇ж̇зд̇ваа д̣̇асаб̣алам̣ ванд̣̇ид̇ваа ад̇д̇ано гулаавагам̣ г̇анд̇ваа сад̇д̇аахам̣ бийд̇исукзна вийд̇инаамзси. зд̇д̇агам̣ д̇асмим̣ ад̇д̇абхаавз галяаан̣агаммам̣, иминаасса гаммзна саро мад̇хуро ахоси.

    Sopi taṃ byākaraṇaṃ labhitvā yāvajīvaṃ kalyāṇakammaṃ katvā tato kālakato devesu ca manussesu ca saṃsaranto vipassīsammāsambuddhakāle cittapattakokilo nāma hutvā kheme migadāye vasanto ekadivasaṃ himavantaṃ gantvā madhuraṃ ambaphalaṃ tuṇḍena gahetvā āgacchanto bhikkhusaṅghaparivutaṃ satthāraṃ disvā cintesi – ‘‘ahaṃ aññesu divasesu rittako tathāgataṃ passāmi, ajja pana me imaṃ ambapakkaṃ puttakānaṃ atthāya āgataṃ. Tesaṃ aññampi āharitvā dassāmi, imaṃ pana dasabalassa dātuṃ vaṭṭatī’’ti otaritvā ākāse carati. Satthā tassa cittaṃ ñatvā asokattheraṃ nāma upaṭṭhākaṃ olokesi. So pattaṃ nīharitvā satthu hatthe ṭhapesi. So kokilo dasabalassa patte ambapakkaṃ patiṭṭhāpesi. Satthā tattheva nisīditvā taṃ paribhuñji. Kokilo pasannacitto punappunaṃ dasabalassa guṇe āvajjetvā dasabalaṃ vanditvā attano kulāvakaṃ gantvā sattāhaṃ pītisukhena vītināmesi. Ettakaṃ tasmiṃ attabhāve kalyāṇakammaṃ, imināssa kammena saro madhuro ahosi.

    гассабасаммаасамб̣уд̣̇д̇хагаалз бана жзд̇ияз аарад̣̇д̇хз ‘‘гим̣бамаан̣ам̣ гарома? сад̇д̇аяож̇анаббамаан̣ам̣. ад̇имаханд̇ам̣ зд̇ам̣, чаяож̇анам̣ гарома. ид̣̇амби ад̇имаханд̇ам̣, бан̃жаяож̇анам̣ гарома, жад̇уяож̇анам̣, д̇ияож̇анам̣, д̣̇вияож̇ана’’нд̇и вуд̇д̇з аяам̣ д̇ад̣̇аа ж̇здтавад̣дхагий худ̇ваа ‘‘зт̇а, бхо, анааг̇ад̇з сукабадиж̇аг̇г̇ияам̣ гаад̇ум̣ ваддад̇ий’’д̇и вад̇ваа раж̇ж̇ум̣ аад̣̇ааяа баригкибанд̇о г̇аавуд̇амад̇д̇агз тад̇ваа ‘‘згзгам̣ мукам̣ г̇аавуд̇ам̣ г̇аавуд̇ам̣ ход̇у, жзд̇ияам̣ яож̇анааваддам̣ яож̇ануб̣б̣зд̇хам̣ бхависсад̇ий’’д̇и ааха. д̇з д̇асса важанз адтам̣су. ид̇и аббамаан̣асса б̣уд̣̇д̇хасса бамаан̣ам̣ агаасийд̇и. д̇зна гаммзна ниб̣б̣ад̇д̇аниб̣б̣ад̇д̇адтаанз ан̃н̃зхи хийнад̇араббамаан̣о ахоси. со амхаагам̣ сад̇т̇у гаалз саавад̇т̇ияам̣ махаабхог̇агулз ниб̣б̣ад̇д̇и. ‘‘бхад̣̇д̣̇ияо’’д̇исса наамам̣ агам̣су. со ваяаббад̇д̇о сад̇т̇ари ж̇зд̇аванамахаавихаарз бадивасанд̇з вихаарам̣ г̇анд̇ваа д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа сад̇т̇у санд̇игз гаммадтаанам̣ г̇ахзд̇ваа вибассанааяа гаммам̣ гаронд̇о арахад̇д̇ам̣ баабун̣и. ат̇а нам̣ сад̇т̇аа абарабхааг̇з арияавараг̇ан̣амаж̇жхз нисинно ман̃ж̇уссараанам̣ бхигкуунам̣ аг̇г̇адтаанз табзси.

    Kassapasammāsambuddhakāle pana cetiye āraddhe ‘‘kiṃpamāṇaṃ karoma? Sattayojanappamāṇaṃ. Atimahantaṃ etaṃ, chayojanaṃ karoma. Idampi atimahantaṃ, pañcayojanaṃ karoma, catuyojanaṃ, tiyojanaṃ, dviyojana’’nti vutte ayaṃ tadā jeṭṭhavaḍḍhakī hutvā ‘‘etha, bho, anāgate sukhapaṭijaggiyaṃ kātuṃ vaṭṭatī’’ti vatvā rajjuṃ ādāya parikkhipanto gāvutamattake ṭhatvā ‘‘ekekaṃ mukhaṃ gāvutaṃ gāvutaṃ hotu, cetiyaṃ yojanāvaṭṭaṃ yojanubbedhaṃ bhavissatī’’ti āha. Te tassa vacane aṭṭhaṃsu. Iti appamāṇassa buddhassa pamāṇaṃ akāsīti. Tena kammena nibbattanibbattaṭṭhāne aññehi hīnatarappamāṇo ahosi. So amhākaṃ satthu kāle sāvatthiyaṃ mahābhogakule nibbatti. ‘‘Bhaddiyo’’tissa nāmaṃ akaṃsu. So vayappatto satthari jetavanamahāvihāre paṭivasante vihāraṃ gantvā dhammadesanaṃ sutvā paṭiladdhasaddho pabbajitvā satthu santike kammaṭṭhānaṃ gahetvā vipassanāya kammaṃ karonto arahattaṃ pāpuṇi. Atha naṃ satthā aparabhāge ariyavaragaṇamajjhe nisinno mañjussarānaṃ bhikkhūnaṃ aggaṭṭhāne ṭhapesi.

    бин̣д̣олабхаарад̣̇вааж̇ад̇т̇зравад̇т̇у

    Piṇḍolabhāradvājattheravatthu

    195. адтамз сийханаад̣̇игаананд̇и сийханаад̣̇ам̣ над̣̇анд̇аанам̣. бин̣д̣олабхаарад̣̇вааж̇од̇и со гира арахад̇д̇ам̣ бад̇д̇ад̣̇ивасз аваабуран̣ам̣ аад̣̇ааяа вихаарзна вихаарам̣ баривзн̣зна баривзн̣ам̣ г̇анд̇ваа ‘‘яасса маг̇г̇з ваа палз ваа ган̇каа ад̇т̇и, со мам̣ бужчад̇уу’’д̇и сийханаад̣̇ам̣ над̣̇анд̇о вижари. б̣уд̣̇д̇хаанамби бурад̇о тад̇ваа ‘‘имасмим̣ , бханд̇з, саасанз гад̇аб̣б̣агижжам̣ маяхам̣ мад̇т̇агам̣ бад̇д̇а’’нд̇и сийханаад̣̇ам̣ над̣̇и. д̇асмаа сийханаад̣̇игаанам̣ аг̇г̇о наама ж̇аад̇о.

    195. Aṭṭhame sīhanādikānanti sīhanādaṃ nadantānaṃ. Piṇḍolabhāradvājoti so kira arahattaṃ pattadivase avāpuraṇaṃ ādāya vihārena vihāraṃ pariveṇena pariveṇaṃ gantvā ‘‘yassa magge vā phale vā kaṅkhā atthi, so maṃ pucchatū’’ti sīhanādaṃ nadanto vicari. Buddhānampi purato ṭhatvā ‘‘imasmiṃ , bhante, sāsane katabbakiccaṃ mayhaṃ matthakaṃ patta’’nti sīhanādaṃ nadi. Tasmā sīhanādikānaṃ aggo nāma jāto.

    бан̃хагаммз банасса аяаманубуб̣б̣игат̇аа – аяам̣ гира бад̣̇умуд̇д̇араб̣уд̣̇д̇хагаалз баб̣б̣ад̇абаад̣̇з сийхаяонияам̣ ниб̣б̣ад̇д̇о. сад̇т̇аа бажжуусасамаяз логам̣ вологзнд̇о д̇асса хзд̇усамбад̇д̇им̣ д̣̇исваа хам̣савад̇ияам̣ бин̣д̣ааяа жарид̇ваа бажчаабхад̇д̇ам̣ сийхз г̇ожарааяа багганд̇з д̇асса васанаг̇ухам̣ бависид̇ваа аагаасз баллан̇гам̣ аабхуж̇ид̇ваа нирод̇хам̣ самаабаж̇ж̇ид̇ваа нисийд̣̇и. сийхо г̇ожарам̣ лабхид̇ваа нивад̇д̇о г̇ухаад̣̇ваарз тид̇о анд̇ог̇ухааяам̣ д̣̇асаб̣алам̣ нисиннам̣ д̣̇исваа ‘‘мама васанадтаанам̣ ааг̇анд̇ваа ан̃н̃о сад̇д̇о нисийд̣̇ид̇ум̣ самад̇т̇о наама над̇т̇и, маханд̇о вад̇ааяам̣ бурисо, яо анд̇ог̇ухааяам̣ баллан̇гам̣ аабхуж̇ид̇ваа нисинно. сарийраббабхаабисса саманд̇аа парид̇ваа г̇ад̇аа, маяаа зваруубам̣ ажчарияам̣ над̣̇идтабуб̣б̣ам̣. аяам̣ бурисо имасмим̣ логз бууж̇анзяяаанам̣ аг̇г̇о бхависсад̇и, маяаабисса яат̇аасад̇д̇и яат̇ааб̣алам̣ саггаарам̣ гаад̇ум̣ ваддад̇ий’’д̇и ж̇алаж̇ат̇алаж̇аани наанаагусумаани аахарид̇ваа бхуумид̇о яаава нисиннабаллан̇гадтаанаа бубпаасанам̣ сант̇арид̇ваа саб̣б̣арад̇д̇им̣ саммукадтаанз д̇ат̇ааг̇ад̇ам̣ намассамаано адтааси. бунад̣̇ивасз бураан̣абубпаани абанзд̇ваа навабубпзхи аасанам̣ сант̇ари.

    Pañhakamme panassa ayamanupubbikathā – ayaṃ kira padumuttarabuddhakāle pabbatapāde sīhayoniyaṃ nibbatto. Satthā paccūsasamaye lokaṃ volokento tassa hetusampattiṃ disvā haṃsavatiyaṃ piṇḍāya caritvā pacchābhattaṃ sīhe gocarāya pakkante tassa vasanaguhaṃ pavisitvā ākāse pallaṅkaṃ ābhujitvā nirodhaṃ samāpajjitvā nisīdi. Sīho gocaraṃ labhitvā nivatto guhādvāre ṭhito antoguhāyaṃ dasabalaṃ nisinnaṃ disvā ‘‘mama vasanaṭṭhānaṃ āgantvā añño satto nisīdituṃ samattho nāma natthi, mahanto vatāyaṃ puriso, yo antoguhāyaṃ pallaṅkaṃ ābhujitvā nisinno. Sarīrappabhāpissa samantā pharitvā gatā, mayā evarūpaṃ acchariyaṃ nadiṭṭhapubbaṃ. Ayaṃ puriso imasmiṃ loke pūjaneyyānaṃ aggo bhavissati, mayāpissa yathāsatti yathābalaṃ sakkāraṃ kātuṃ vaṭṭatī’’ti jalajathalajāni nānākusumāni āharitvā bhūmito yāva nisinnapallaṅkaṭṭhānā pupphāsanaṃ santharitvā sabbarattiṃ sammukhaṭṭhāne tathāgataṃ namassamāno aṭṭhāsi. Punadivase purāṇapupphāni apanetvā navapupphehi āsanaṃ santhari.

    зд̇знзва нияаамзна сад̇д̇а д̣̇ивасаани бубпаасанам̣ бан̃н̃аабзд̇ваа б̣алавабийд̇исоманассам̣ ниб̣б̣ад̇д̇зд̇ваа г̇ухаад̣̇ваарз аарагкам̣ г̇ан̣хи. сад̇д̇амз д̣̇ивасз сад̇т̇аа нирод̇хад̇о вудтааяа г̇ухаад̣̇ваарз адтааси. сийхоби миг̇арааж̇аа д̇ат̇ааг̇ад̇ам̣ д̇игкад̇д̇ум̣ бад̣̇агкин̣ам̣ гад̇ваа жад̇уусу таанзсу ванд̣̇ид̇ваа бадиггамид̇ваа адтааси. сад̇т̇аа ‘‘ваддиссад̇и зд̇д̇аго убаниссаяо зд̇ассаа’’д̇и взхаасам̣ аб̣бхуг̇г̇анд̇ваа вихаарамзва г̇ад̇о.

    Eteneva niyāmena satta divasāni pupphāsanaṃ paññāpetvā balavapītisomanassaṃ nibbattetvā guhādvāre ārakkhaṃ gaṇhi. Sattame divase satthā nirodhato vuṭṭhāya guhādvāre aṭṭhāsi. Sīhopi migarājā tathāgataṃ tikkhattuṃ padakkhiṇaṃ katvā catūsu ṭhānesu vanditvā paṭikkamitvā aṭṭhāsi. Satthā ‘‘vaṭṭissati ettako upanissayo etassā’’ti vehāsaṃ abbhuggantvā vihārameva gato.

    соби сийхо б̣уд̣̇д̇хавияог̇зна д̣̇угкид̇о гаалам̣ гад̇ваа хам̣савад̇ийнаг̇арз махаасаалагулз бадисанд̇хим̣ г̇ан̣хид̇ваа ваяаббад̇д̇о згад̣̇ивасам̣ наг̇араваасийхи сад̣̇д̇хим̣ вихаарам̣ г̇анд̇ваа д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ сийханаад̣̇игаанам̣ аг̇г̇адтаанз табзнд̇ам̣ д̣̇исваа вуд̇д̇анаязнзва сад̇д̇аахам̣ махаад̣̇аанам̣ бавад̇д̇зд̇ваа д̇ам̣ таананд̇арам̣ бад̇т̇зд̇ваа сад̇т̇аараа самиж̇жханабхаавам̣ д̣̇исваа б̣яаагад̇о яааваж̇ийвам̣ гусалам̣ гад̇ваа д̇ад̇т̇а гаалагад̇о д̣̇звзсу жа мануссзсу жа сам̣саранд̇о имасмим̣ б̣уд̣̇д̇хуббаад̣̇з рааж̇аг̇аханаг̇арз б̣раахман̣амахаасаалагулз ниб̣б̣ад̇д̇и. наамзна бхаарад̣̇вааж̇о наама ахоси. со ваяаббад̇д̇о д̇аяо взд̣̇з уг̇г̇ахзд̇ваа бан̃жа маан̣авасад̇аани манд̇з ваажзнд̇о вижарад̇и. со ад̇д̇ано ж̇здтагабхаавзна ниманд̇анадтаанзсу саб̣б̣зсам̣ бхигкам̣ саяамзва самбадижчи. зсо гира ийсагам̣ лолад̇хаад̇уго ахоси. со д̇зхи маан̣авзхи сад̣̇д̇хим̣ ‘‘гухим̣ яааг̇у гухим̣ бхад̇д̇а’’нд̇и яааг̇убхад̇д̇акаж̇ж̇агаанзва бариязсамаано жарад̇и. со г̇ад̇аг̇ад̇адтаанз бин̣д̣амзва бадимаанзнд̇о жарад̇ийд̇и бин̣д̣олабхаарад̣̇вааж̇од̇зва бан̃н̃ааяи.

    Sopi sīho buddhaviyogena dukkhito kālaṃ katvā haṃsavatīnagare mahāsālakule paṭisandhiṃ gaṇhitvā vayappatto ekadivasaṃ nagaravāsīhi saddhiṃ vihāraṃ gantvā dhammadesanaṃ suṇanto satthāraṃ ekaṃ bhikkhuṃ sīhanādikānaṃ aggaṭṭhāne ṭhapentaṃ disvā vuttanayeneva sattāhaṃ mahādānaṃ pavattetvā taṃ ṭhānantaraṃ patthetvā satthārā samijjhanabhāvaṃ disvā byākato yāvajīvaṃ kusalaṃ katvā tattha kālakato devesu ca manussesu ca saṃsaranto imasmiṃ buddhuppāde rājagahanagare brāhmaṇamahāsālakule nibbatti. Nāmena bhāradvājo nāma ahosi. So vayappatto tayo vede uggahetvā pañca māṇavasatāni mante vācento vicarati. So attano jeṭṭhakabhāvena nimantanaṭṭhānesu sabbesaṃ bhikkhaṃ sayameva sampaṭicchi. Eso kira īsakaṃ loladhātuko ahosi. So tehi māṇavehi saddhiṃ ‘‘kuhiṃ yāgu kuhiṃ bhatta’’nti yāgubhattakhajjakāneva pariyesamāno carati. So gatagataṭṭhāne piṇḍameva paṭimānento caratīti piṇḍolabhāradvājoteva paññāyi.

    со згад̣̇ивасам̣ сад̇т̇ари рааж̇аг̇ахамануббад̇д̇з д̇хаммагат̇ам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о арахад̇д̇ам̣ баабун̣и. арахад̇д̇ам̣ бад̇д̇авзлааяамзва аваабуран̣ам̣ аад̣̇ааяа вихаарзна вихаарам̣ баривзн̣зна баривзн̣ам̣ г̇анд̇ваа ‘‘яасса маг̇г̇з ваа палз ваа ган̇каа ад̇т̇и, со мам̣ бужчад̇уу’’д̇и сийханаад̣̇ам̣ над̣̇анд̇о вижари. со згад̣̇ивасам̣ рааж̇аг̇ахасздтинаа взл̣убарамбарааяа уссаабзд̇ваа аагаасз лаг̇г̇ид̇ам̣ ж̇аяасуманаван̣н̣ам̣ жанд̣̇анасаарабад̇д̇ам̣ ид̣̇д̇хияаа аад̣̇ааяа саад̇хугаарам̣ д̣̇ад̣̇анд̇зна махааж̇анзна баривуд̇о вихаарам̣ ааг̇анд̇ваа д̇ат̇ааг̇ад̇асса хад̇т̇з табзси. сад̇т̇аа ж̇аананд̇ова бадибужчи – ‘‘гуд̇о д̇з, бхаарад̣̇вааж̇а, аяам̣ бад̇д̇о лад̣̇д̇хо’’д̇и? со лад̣̇д̇хагааран̣ам̣ гат̇зси. сад̇т̇аа ‘‘д̇вам̣ зваруубам̣ уд̇д̇аримануссад̇хаммам̣ махааж̇анасса д̣̇ассзси, агад̇д̇аб̣б̣ам̣ д̇аяаа гад̇а’’нд̇и анзгабарияааязна виг̇арахид̇ваа ‘‘на, бхигкавз, г̇ихийнам̣ уд̇д̇аримануссад̇хаммам̣ ид̣̇д̇хибаадихаарияам̣ д̣̇ассзд̇аб̣б̣ам̣, яо д̣̇ассзяяа, аабад̇д̇и д̣̇уггадассаа’’д̇и (жуул̣ава. 252) сигкаабад̣̇ам̣ бан̃н̃аабзси.

    So ekadivasaṃ satthari rājagahamanuppatte dhammakathaṃ sutvā paṭiladdhasaddho pabbajitvā vipassanāya kammaṃ karonto arahattaṃ pāpuṇi. Arahattaṃ pattavelāyameva avāpuraṇaṃ ādāya vihārena vihāraṃ pariveṇena pariveṇaṃ gantvā ‘‘yassa magge vā phale vā kaṅkhā atthi, so maṃ pucchatū’’ti sīhanādaṃ nadanto vicari. So ekadivasaṃ rājagahaseṭṭhinā veḷuparamparāya ussāpetvā ākāse laggitaṃ jayasumanavaṇṇaṃ candanasārapattaṃ iddhiyā ādāya sādhukāraṃ dadantena mahājanena parivuto vihāraṃ āgantvā tathāgatassa hatthe ṭhapesi. Satthā jānantova paṭipucchi – ‘‘kuto te, bhāradvāja, ayaṃ patto laddho’’ti? So laddhakāraṇaṃ kathesi. Satthā ‘‘tvaṃ evarūpaṃ uttarimanussadhammaṃ mahājanassa dassesi, akattabbaṃ tayā kata’’nti anekapariyāyena vigarahitvā ‘‘na, bhikkhave, gihīnaṃ uttarimanussadhammaṃ iddhipāṭihāriyaṃ dassetabbaṃ, yo dasseyya, āpatti dukkaṭassā’’ti (cūḷava. 252) sikkhāpadaṃ paññāpesi.

    ат̇а бхигкусан̇гхамаж̇жхз гат̇аа уд̣̇абаад̣̇и – ‘‘сийханаад̣̇ияад̇т̇зро арахад̇д̇ам̣ бад̇д̇ад̣̇ивасз бхигкусан̇гхамаж̇жхз ‘яасса маг̇г̇з ваа палз ваа ган̇каа ад̇т̇и, со мам̣ бужчад̇уу’д̇и гат̇зси. б̣уд̣̇д̇хаанамби саммукз ад̇д̇ано арахад̇д̇аббад̇д̇им̣ гат̇зси, ан̃н̃з саавагаа д̇ун̣хий ахзсум̣. ад̇д̇ано сийханаад̣̇ияабхаавзнзва махааж̇анасса басаад̣̇ам̣ ж̇анзд̇ваа взхаасам̣ аб̣бхуг̇г̇анд̇ваа жанд̣̇анасаарабад̇д̇ан̃жа г̇ан̣хий’’д̇и. д̇з бхигкуу имз д̇аяоби г̇ун̣з згад̇о гад̇ваа сад̇т̇у гат̇аяим̣су. б̣уд̣̇д̇хаа жа наама г̇арахид̇аб̣б̣аяуд̇д̇агам̣ г̇араханд̇и, басам̣сид̇аб̣б̣аяуд̇д̇агам̣ басам̣санд̇ийд̇и имасмим̣ таанз т̇зрасса басам̣сид̇аб̣б̣аяуд̇д̇амзва ан̇г̇ам̣ г̇ахзд̇ваа ‘‘д̇ин̣н̣ам̣ ко бана, бхигкавз, инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа бхаарад̣̇вааж̇о бхигку ан̃н̃ам̣ б̣яаагааси – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣ , наабарам̣ ид̇т̇ад̇д̇ааяаад̇и баж̇аанаамий’д̇и. гад̇амзсам̣ д̇ин̣н̣ам̣? сад̇инд̣̇рияасса, самаад̇хинд̣̇рияасса, бан̃н̃инд̣̇рияасса. имзсам̣ ко, бхигкавз, д̇ин̣н̣ам̣ инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа бхаарад̣̇вааж̇о бхигку ан̃н̃ам̣ б̣яаагааси – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаад̇и баж̇аанаамий’’’д̇и (сам̣. ни. 5.519) т̇зрам̣ басам̣сид̇ваа сийханаад̣̇игаанам̣ бхигкуунам̣ аг̇г̇адтаанз табзси.

    Atha bhikkhusaṅghamajjhe kathā udapādi – ‘‘sīhanādiyatthero arahattaṃ pattadivase bhikkhusaṅghamajjhe ‘yassa magge vā phale vā kaṅkhā atthi, so maṃ pucchatū’ti kathesi. Buddhānampi sammukhe attano arahattappattiṃ kathesi, aññe sāvakā tuṇhī ahesuṃ. Attano sīhanādiyabhāveneva mahājanassa pasādaṃ janetvā vehāsaṃ abbhuggantvā candanasārapattañca gaṇhī’’ti. Te bhikkhū ime tayopi guṇe ekato katvā satthu kathayiṃsu. Buddhā ca nāma garahitabbayuttakaṃ garahanti, pasaṃsitabbayuttakaṃ pasaṃsantīti imasmiṃ ṭhāne therassa pasaṃsitabbayuttameva aṅgaṃ gahetvā ‘‘tiṇṇaṃ kho pana, bhikkhave, indriyānaṃ bhāvitattā bahulīkatattā bhāradvājo bhikkhu aññaṃ byākāsi – ‘khīṇā jāti, vusitaṃ brahmacariyaṃ, kataṃ karaṇīyaṃ , nāparaṃ itthattāyāti pajānāmī’ti. Katamesaṃ tiṇṇaṃ? Satindriyassa, samādhindriyassa, paññindriyassa. Imesaṃ kho, bhikkhave, tiṇṇaṃ indriyānaṃ bhāvitattā bahulīkatattā bhāradvājo bhikkhu aññaṃ byākāsi – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānāmī’’’ti (saṃ. ni. 5.519) theraṃ pasaṃsitvā sīhanādikānaṃ bhikkhūnaṃ aggaṭṭhāne ṭhapesi.

    манд̇аан̣ибуд̇д̇абун̣н̣ад̇т̇зравад̇т̇у

    Mantāṇiputtapuṇṇattheravatthu

    196. навамз бун̣н̣о манд̇аан̣ибуд̇д̇од̇и наамзна бун̣н̣о, манд̇аан̣иб̣раахман̣ияаа бана со буд̇д̇од̇и манд̇аан̣ибуд̇д̇о. д̇асса бан̃хагаммз аяаманубуб̣б̣игат̇аа – аяам̣ гира бад̣̇умуд̇д̇арад̣̇асаб̣аласса уббад̇д̇ид̇о бурзд̇арамзва хам̣савад̇ийнаг̇арз б̣раахман̣амахаасаалагулз ниб̣б̣ад̇д̇и. д̇асса наамаг̇г̇ахан̣ад̣̇ивасз г̇од̇амод̇и наамам̣ агам̣су. со ваяаббад̇д̇о д̇аяо взд̣̇з уг̇г̇ан̣хид̇ваа саб̣б̣асиббзсу говид̣̇о худ̇ваа бан̃жамаан̣авагасад̇абаривааро вижаранд̇о д̇аяоби взд̣̇з ологзд̇ваа могкад̇хаммам̣ ад̣̇исваа ‘‘ид̣̇ам̣ взд̣̇ад̇д̇аяам̣ наама гад̣̇алигканд̇хо вияа б̣ахи мадтам̣ анд̇о ниссаарам̣, имам̣ г̇ахзд̇ваа вижаран̣ам̣ т̇усагодданасад̣̇исам̣ ход̇и. гим̣ мз иминаа’’д̇и исибаб̣б̣аж̇ж̇ам̣ баб̣б̣аж̇ид̇ваа б̣рахмавихаарз ниб̣б̣ад̇д̇зд̇ваа ‘‘абарихийнаж̇жхаано б̣рахмалогогуубабанно бхависсаамий’’д̇и бан̃жахи маан̣авагасад̇зхи сад̣̇д̇хим̣ баб̣б̣ад̇абаад̣̇ам̣ г̇анд̇ваа исибаб̣б̣аж̇ж̇ам̣ баб̣б̣аж̇и. д̇асса бариваараани адтаарасса ж̇адиласахассаани ахзсум̣. со бан̃жа абхин̃н̃аа адта самаабад̇д̇ияо ниб̣б̣ад̇д̇зд̇ваа д̇зсамби гасин̣абаригаммам̣ аажигки. д̇з д̇асса оваад̣̇з тад̇ваа саб̣б̣зби бан̃жа абхин̃н̃аа адта самаабад̇д̇ияо ниб̣б̣ад̇д̇зсум̣.

    196. Navame puṇṇo mantāṇiputtoti nāmena puṇṇo, mantāṇibrāhmaṇiyā pana so puttoti mantāṇiputto. Tassa pañhakamme ayamanupubbikathā – ayaṃ kira padumuttaradasabalassa uppattito puretarameva haṃsavatīnagare brāhmaṇamahāsālakule nibbatti. Tassa nāmaggahaṇadivase gotamoti nāmaṃ akaṃsu. So vayappatto tayo vede uggaṇhitvā sabbasippesu kovido hutvā pañcamāṇavakasataparivāro vicaranto tayopi vede oloketvā mokkhadhammaṃ adisvā ‘‘idaṃ vedattayaṃ nāma kadalikkhandho viya bahi maṭṭhaṃ anto nissāraṃ, imaṃ gahetvā vicaraṇaṃ thusakoṭṭanasadisaṃ hoti. Kiṃ me iminā’’ti isipabbajjaṃ pabbajitvā brahmavihāre nibbattetvā ‘‘aparihīnajjhāno brahmalokokūpapanno bhavissāmī’’ti pañcahi māṇavakasatehi saddhiṃ pabbatapādaṃ gantvā isipabbajjaṃ pabbaji. Tassa parivārāni aṭṭhārassa jaṭilasahassāni ahesuṃ. So pañca abhiññā aṭṭha samāpattiyo nibbattetvā tesampi kasiṇaparikammaṃ ācikkhi. Te tassa ovāde ṭhatvā sabbepi pañca abhiññā aṭṭha samāpattiyo nibbattesuṃ.

    ад̣̇д̇хаанз ад̇игганд̇з д̇асса г̇од̇амад̇аабасасса махаллагагаалз бад̣̇умуд̇д̇арад̣̇асаб̣ало батамаабхисамб̣од̇хим̣ бад̇ваа бавад̇д̇ид̇аварад̇хаммажагго бхигкусад̇асахассабаривааро хам̣савад̇ийнаг̇арам̣ убаниссааяа вихааси. со згад̣̇ивасам̣ бажжуусасамаяз логам̣ ологзнд̇о г̇од̇амад̇аабасасса барисааяа арахад̇д̇уубаниссаяам̣ г̇од̇амад̇аабасасса жа ‘‘ахам̣ анааг̇ад̇з уббаж̇ж̇амаанагаб̣уд̣̇д̇хасса саасанз д̇хаммагат̇игабхигкуунам̣ аг̇г̇о бхавзяяа’’нд̇и бад̇т̇анабхааван̃жа д̣̇исваа баад̇ова сарийрабадиж̇аг̇г̇анам̣ гад̇ваа ад̇д̇ано бад̇д̇ажийварам̣ саяамзва г̇ахзд̇ваа ан̃н̃аад̇агавзсзна г̇од̇амад̇аабасасса анд̇зваасигзсу ванамуулапалаапалад̇т̇ааяа г̇ад̇зсу г̇анд̇ваа г̇од̇амасса бан̣н̣асаалаад̣̇ваарз адтааси. г̇од̇амо б̣уд̣̇д̇хаанам̣ уббаннабхаавам̣ аж̇аананд̇оби д̣̇уурад̇ова д̣̇асаб̣алам̣ д̣̇исваа ‘‘аяам̣ бурисо логад̇о муд̇д̇о худ̇ваа бан̃н̃ааяад̇и, яат̇аа асса сарийранибпад̇д̇и язхи жа лагкан̣зхи саманнааг̇ад̇о аг̇аарамаж̇жхз ваа д̇идтанд̇о жаггавад̇д̇ий рааж̇аа ход̇и, баб̣б̣аж̇анд̇о ваа виваддажчад̣̇о саб̣б̣ан̃н̃уб̣уд̣̇д̇хо ход̇ий’’д̇и н̃ад̇ваа батамад̣̇ассанзнзва д̣̇асаб̣алам̣ абхиваад̣̇зд̇ваа ‘‘ид̇о зт̇а бхаг̇аваа’’д̇и б̣уд̣̇д̇хаасанам̣ бан̃н̃аабзд̇ваа ад̣̇ааси. д̇ат̇ааг̇ад̇о д̇аабасасса д̇хаммам̣ д̣̇зсаяамаано нисийд̣̇и.

    Addhāne atikkante tassa gotamatāpasassa mahallakakāle padumuttaradasabalo paṭhamābhisambodhiṃ patvā pavattitavaradhammacakko bhikkhusatasahassaparivāro haṃsavatīnagaraṃ upanissāya vihāsi. So ekadivasaṃ paccūsasamaye lokaṃ olokento gotamatāpasassa parisāya arahattūpanissayaṃ gotamatāpasassa ca ‘‘ahaṃ anāgate uppajjamānakabuddhassa sāsane dhammakathikabhikkhūnaṃ aggo bhaveyya’’nti patthanabhāvañca disvā pātova sarīrapaṭijagganaṃ katvā attano pattacīvaraṃ sayameva gahetvā aññātakavesena gotamatāpasassa antevāsikesu vanamūlaphalāphalatthāya gatesu gantvā gotamassa paṇṇasālādvāre aṭṭhāsi. Gotamo buddhānaṃ uppannabhāvaṃ ajānantopi dūratova dasabalaṃ disvā ‘‘ayaṃ puriso lokato mutto hutvā paññāyati, yathā assa sarīranipphatti yehi ca lakkhaṇehi samannāgato agāramajjhe vā tiṭṭhanto cakkavattī rājā hoti, pabbajanto vā vivaṭṭacchado sabbaññubuddho hotī’’ti ñatvā paṭhamadassaneneva dasabalaṃ abhivādetvā ‘‘ito etha bhagavā’’ti buddhāsanaṃ paññāpetvā adāsi. Tathāgato tāpasassa dhammaṃ desayamāno nisīdi.

    д̇асмим̣ самаяз д̇з ж̇адилаа ‘‘бан̣ийд̇абан̣ийд̇ам̣ ванамуулапалаапалам̣ аажарияасса д̣̇ад̇ваа сзсагам̣ барибхун̃ж̇иссаамаа’’д̇и ааг̇ажчанд̇аа д̣̇асаб̣алам̣ ужжаасанз, аажарияам̣ бана нийжаасанз нисиннам̣ д̣̇исваа ‘‘бассат̇а, маяам̣ ‘имасмим̣ логз амхаагам̣ аажариязна уд̇д̇арид̇аро над̇т̇ий’д̇и вижараама. ид̣̇аани бана но аажарияам̣ нийжаасанз нисийд̣̇аабзд̇ваа ужжаасанз нисиннаго зго бан̃н̃ааяад̇и, маханд̇о вад̇ааяам̣ бурисо бхависсад̇ий’’д̇и бидагаани г̇ахзд̇ваа ааг̇ажчанд̇и. г̇од̇амад̇аабасо ‘‘имз мам̣ д̣̇асаб̣аласса санд̇игз ванд̣̇зяяу’’нд̇и бхийд̇о д̣̇уурад̇о ааха – ‘‘д̇аад̇аа, маа мам̣ ванд̣̇ид̇т̇а, сад̣̇звагз логз аг̇г̇абуг̇г̇ало саб̣б̣зсам̣ ванд̣̇анаарахо бурисо ид̇ха нисинно, зд̇ам̣ ванд̣̇ат̇аа’’д̇и. д̇аабасаа ‘‘на аж̇аанид̇ваа аажарияо гат̇зссад̇ий’’д̇и саб̣б̣зва д̇ат̇ааг̇ад̇асса баад̣̇з ванд̣̇им̣су. ‘‘д̇аад̇аа, амхаагам̣ ан̃н̃ам̣ д̣̇асаб̣аласса д̣̇аад̇аб̣б̣аяуд̇д̇агам̣ бхож̇анам̣ над̇т̇и, имам̣ ванамуулапалаапалам̣ д̣̇ассаамаа’’д̇и бан̣ийд̇абан̣ийд̇ам̣ б̣уд̣̇д̇хаанам̣ бад̇д̇з бад̇идтаабзси. сад̇т̇аа ванамуулапалаапалам̣ барибхун̃ж̇и. д̇ад̣̇ананд̇арам̣ д̇аабасоби сад̣̇д̇хим̣ анд̇зваасигзхи барибхун̃ж̇и. сад̇т̇аа бхад̇д̇агижжам̣ гад̇ваа ‘‘д̣̇вз аг̇г̇асаавагаа бхигкусад̇асахассам̣ г̇ахзд̇ваа ааг̇ажчанд̇уу’’д̇и жинд̇зси. д̇асмим̣ кан̣з аг̇г̇асааваго махаад̣̇звалад̇т̇зро ‘‘гахам̣ ну ко сад̇т̇аа г̇ад̇о’’д̇и ааваж̇ж̇знд̇о ‘‘сад̇т̇аа амхаагам̣ ааг̇аманам̣ бажжаасийсад̇ий’’д̇и бхигкусад̇асахассам̣ г̇ахзд̇ваа сад̇т̇у санд̇игам̣ г̇анд̇ваа ванд̣̇ид̇ваа намассамаано адтааси.

    Tasmiṃ samaye te jaṭilā ‘‘paṇītapaṇītaṃ vanamūlaphalāphalaṃ ācariyassa datvā sesakaṃ paribhuñjissāmā’’ti āgacchantā dasabalaṃ uccāsane, ācariyaṃ pana nīcāsane nisinnaṃ disvā ‘‘passatha, mayaṃ ‘imasmiṃ loke amhākaṃ ācariyena uttaritaro natthī’ti vicarāma. Idāni pana no ācariyaṃ nīcāsane nisīdāpetvā uccāsane nisinnako eko paññāyati, mahanto vatāyaṃ puriso bhavissatī’’ti piṭakāni gahetvā āgacchanti. Gotamatāpaso ‘‘ime maṃ dasabalassa santike vandeyyu’’nti bhīto dūrato āha – ‘‘tātā, mā maṃ vandittha, sadevake loke aggapuggalo sabbesaṃ vandanāraho puriso idha nisinno, etaṃ vandathā’’ti. Tāpasā ‘‘na ajānitvā ācariyo kathessatī’’ti sabbeva tathāgatassa pāde vandiṃsu. ‘‘Tātā, amhākaṃ aññaṃ dasabalassa dātabbayuttakaṃ bhojanaṃ natthi, imaṃ vanamūlaphalāphalaṃ dassāmā’’ti paṇītapaṇītaṃ buddhānaṃ patte patiṭṭhāpesi. Satthā vanamūlaphalāphalaṃ paribhuñji. Tadanantaraṃ tāpasopi saddhiṃ antevāsikehi paribhuñji. Satthā bhattakiccaṃ katvā ‘‘dve aggasāvakā bhikkhusatasahassaṃ gahetvā āgacchantū’’ti cintesi. Tasmiṃ khaṇe aggasāvako mahādevalatthero ‘‘kahaṃ nu kho satthā gato’’ti āvajjento ‘‘satthā amhākaṃ āgamanaṃ paccāsīsatī’’ti bhikkhusatasahassaṃ gahetvā satthu santikaṃ gantvā vanditvā namassamāno aṭṭhāsi.

    г̇од̇амо анд̇зваасигз ааха – ‘‘д̇аад̇аа, амхаагам̣ ан̃н̃о саггааро над̇т̇и, бхигкусан̇гхо д̣̇угкзна тид̇о. б̣уд̣̇д̇хаббамукасса бхигкусан̇гхасса бубпаасанам̣ бан̃н̃аабзссаама, ж̇алаж̇ат̇алаж̇абубпаани аахарат̇аа’’д̇и. д̇з д̇аавад̣̇зва баб̣б̣ад̇абаад̣̇ад̇о ван̣н̣аг̇анд̇хасамбаннаани бубпаани ид̣̇д̇хияаа аахарид̇ваа саарибуд̇д̇ад̇т̇зрасса вад̇т̇умхи вуд̇д̇анаязнзва аасанаани бан̃н̃аабаяим̣су. нирод̇хасамаабад̇д̇исамаабаж̇ж̇анамби чад̇д̇ад̇хааран̣амби саб̣б̣ам̣ вуд̇д̇анаязнзва взд̣̇ид̇аб̣б̣ам̣.

    Gotamo antevāsike āha – ‘‘tātā, amhākaṃ añño sakkāro natthi, bhikkhusaṅgho dukkhena ṭhito. Buddhappamukhassa bhikkhusaṅghassa pupphāsanaṃ paññāpessāma, jalajathalajapupphāni āharathā’’ti. Te tāvadeva pabbatapādato vaṇṇagandhasampannāni pupphāni iddhiyā āharitvā sāriputtattherassa vatthumhi vuttanayeneva āsanāni paññāpayiṃsu. Nirodhasamāpattisamāpajjanampi chattadhāraṇampi sabbaṃ vuttanayeneva veditabbaṃ.

    сад̇т̇аа сад̇д̇амз д̣̇ивасз нирод̇хад̇о вудтааяа бариваарзд̇ваа тид̇з д̇аабасз д̣̇исваа д̇хаммагат̇игабхаавз зд̇ад̣̇аг̇г̇аббад̇д̇ам̣ саавагам̣ ааманд̇зси – ‘‘иминаа бхигку исиг̇ан̣зна махаасаггааро гад̇о, зд̇зсам̣ бубпаасанаанумод̣̇анам̣ гарохий’’д̇и. со сад̇т̇у важанам̣ самбадижчид̇ваа д̇ийн̣и бидагаани саммасид̇ваа анумод̣̇анам̣ агааси. д̇асса д̣̇зсанаабарияосаанз сад̇т̇аа саяам̣ б̣рахмагхосам̣ нижчаарзд̇ваа д̇хаммам̣ д̣̇зсзси. д̣̇зсанаабарияосаанз табзд̇ваа г̇од̇амад̇аабасам̣ сзсаа адтаараса сахассаж̇адилаа арахад̇д̇ам̣ баабун̣им̣су.

    Satthā sattame divase nirodhato vuṭṭhāya parivāretvā ṭhite tāpase disvā dhammakathikabhāve etadaggappattaṃ sāvakaṃ āmantesi – ‘‘iminā bhikkhu isigaṇena mahāsakkāro kato, etesaṃ pupphāsanānumodanaṃ karohī’’ti. So satthu vacanaṃ sampaṭicchitvā tīṇi piṭakāni sammasitvā anumodanaṃ akāsi. Tassa desanāpariyosāne satthā sayaṃ brahmaghosaṃ nicchāretvā dhammaṃ desesi. Desanāpariyosāne ṭhapetvā gotamatāpasaṃ sesā aṭṭhārasa sahassajaṭilā arahattaṃ pāpuṇiṃsu.

    г̇од̇амо бана д̇знад̇д̇абхаавзна бадивзд̇хам̣ гаад̇ум̣ асаггонд̇о бхаг̇аванд̇ам̣ ааха – ‘‘бхаг̇аваа язна бхигкунаа батамам̣ д̇хаммо д̣̇зсид̇о, го наама аяам̣ д̇умхаагам̣ саасанз’’д̇и? аяам̣ г̇од̇ама маяхам̣ саасанз д̇хаммагат̇игаанам̣ аг̇г̇од̇и. ‘‘ахамби, бханд̇з, имасса сад̇д̇а д̣̇ивасаани гад̇асса ад̇хигаарасса палзна аяам̣ бхигку вияа анааг̇ад̇з згасса б̣уд̣̇д̇хасса саасанз д̇хаммагат̇игаанам̣ аг̇г̇о бхавзяяа’’нд̇и бад̇т̇анам̣ гад̇ваа баад̣̇амуулз нибаж̇ж̇и.

    Gotamo pana tenattabhāvena paṭivedhaṃ kātuṃ asakkonto bhagavantaṃ āha – ‘‘bhagavā yena bhikkhunā paṭhamaṃ dhammo desito, ko nāma ayaṃ tumhākaṃ sāsane’’ti? Ayaṃ gotama mayhaṃ sāsane dhammakathikānaṃ aggoti. ‘‘Ahampi, bhante, imassa satta divasāni katassa adhikārassa phalena ayaṃ bhikkhu viya anāgate ekassa buddhassa sāsane dhammakathikānaṃ aggo bhaveyya’’nti patthanaṃ katvā pādamūle nipajji.

    сад̇т̇аа анааг̇ад̇ам̣ ологзд̇ваа ананд̇арааязнасса бад̇т̇анааяа самиж̇жханабхаавам̣ н̃ад̇ваа ‘‘анааг̇ад̇з габбасад̇асахассаавасаанз г̇од̇амо наама б̣уд̣̇д̇хо уббаж̇ж̇иссад̇и, д̇вам̣ д̇асса саасанз д̇хаммагат̇игаанам̣ аг̇г̇о бхависсасий’’д̇и б̣яаагарид̇ваа д̇з арахад̇д̇аббад̇д̇з д̇аабасз ‘‘зт̇а бхигкаво’’д̇и ааха. саб̣б̣з анд̇арахид̇агзсамассуу ид̣̇д̇химаяабад̇д̇ажийварад̇хараа вассасадтигад̇т̇зрасад̣̇исаа ахзсум̣. сад̇т̇аа бхигкусан̇гхамаад̣̇ааяа вихаарам̣ г̇ад̇о.

    Satthā anāgataṃ oloketvā anantarāyenassa patthanāya samijjhanabhāvaṃ ñatvā ‘‘anāgate kappasatasahassāvasāne gotamo nāma buddho uppajjissati, tvaṃ tassa sāsane dhammakathikānaṃ aggo bhavissasī’’ti byākaritvā te arahattappatte tāpase ‘‘etha bhikkhavo’’ti āha. Sabbe antarahitakesamassū iddhimayapattacīvaradharā vassasaṭṭhikattherasadisā ahesuṃ. Satthā bhikkhusaṅghamādāya vihāraṃ gato.

    г̇од̇амоби яааваж̇ийвам̣ д̇ат̇ааг̇ад̇ам̣ барижарид̇ваа яат̇ааб̣алам̣ галяаан̣агаммам̣ гад̇ваа габбасад̇асахассам̣ д̣̇звзсу жа мануссзсу жа сам̣сарид̇ваа амхаагам̣ бхаг̇авад̇о гаалз габилавад̇т̇унаг̇арасса авид̣̇уурз д̣̇он̣авад̇т̇уб̣раахман̣аг̇аамз б̣раахман̣амахаасаалагулз ниб̣б̣ад̇д̇и. д̇асса наамаг̇г̇ахан̣ад̣̇ивасз бун̣н̣амаан̣авод̇и наамам̣ агам̣су. сад̇т̇ари абхисамб̣од̇хим̣ бад̇ваа бавад̇д̇ид̇аварад̇хаммажаггз анубуб̣б̣зна ааг̇анд̇ваа рааж̇аг̇ахам̣ убаниссааяа вихаранд̇з ан̃н̃аасигон̣д̣ан̃н̃ад̇т̇зро габилавад̇т̇ум̣ г̇анд̇ваа ад̇д̇ано бхааг̇инзяяам̣ бун̣н̣амаан̣авам̣ баб̣б̣ааж̇зд̇ваа бунад̣̇ивасз д̣̇асаб̣аласса санд̇игам̣ ааг̇анд̇ваа бхаг̇аванд̇ам̣ ванд̣̇ид̇ваа аабужчид̇ваа ниваасад̇т̇ааяа чад̣̇д̣̇анд̇ад̣̇ахам̣ г̇ад̇о. бун̣н̣оби манд̇аан̣ибуд̇д̇о маад̇улзна ан̃н̃аасигон̣д̣ан̃н̃ад̇т̇зрзна сад̣̇д̇хим̣ д̣̇асаб̣аласса санд̇игам̣ аг̇анд̇ваа ‘‘маяхам̣ баб̣б̣аж̇ид̇агижжам̣ мад̇т̇агам̣ баабзд̇ваава д̣̇асаб̣аласса санд̇игам̣ г̇амиссаамий’’д̇и габилавад̇т̇усмим̣язва охийно яонисоманасигаарз гаммам̣ гаронд̇о нажирассзва арахад̇д̇ам̣ баабун̣и. д̇асса санд̇игз баб̣б̣аж̇ид̇агулабуд̇д̇ааби бан̃жасад̇аа ахзсум̣. т̇зро саяам̣ д̣̇асагат̇аавад̇т̇улаабхид̇ааяа д̇зби д̣̇асахи гат̇аавад̇т̇уухи овад̣̇ад̇и. д̇з д̇асса оваад̣̇з тад̇ваа саб̣б̣зва арахад̇д̇ам̣ бад̇д̇аа.

    Gotamopi yāvajīvaṃ tathāgataṃ paricaritvā yathābalaṃ kalyāṇakammaṃ katvā kappasatasahassaṃ devesu ca manussesu ca saṃsaritvā amhākaṃ bhagavato kāle kapilavatthunagarassa avidūre doṇavatthubrāhmaṇagāme brāhmaṇamahāsālakule nibbatti. Tassa nāmaggahaṇadivase puṇṇamāṇavoti nāmaṃ akaṃsu. Satthari abhisambodhiṃ patvā pavattitavaradhammacakke anupubbena āgantvā rājagahaṃ upanissāya viharante aññāsikoṇḍaññatthero kapilavatthuṃ gantvā attano bhāgineyyaṃ puṇṇamāṇavaṃ pabbājetvā punadivase dasabalassa santikaṃ āgantvā bhagavantaṃ vanditvā āpucchitvā nivāsatthāya chaddantadahaṃ gato. Puṇṇopi mantāṇiputto mātulena aññāsikoṇḍaññattherena saddhiṃ dasabalassa santikaṃ agantvā ‘‘mayhaṃ pabbajitakiccaṃ matthakaṃ pāpetvāva dasabalassa santikaṃ gamissāmī’’ti kapilavatthusmiṃyeva ohīno yonisomanasikāre kammaṃ karonto nacirasseva arahattaṃ pāpuṇi. Tassa santike pabbajitakulaputtāpi pañcasatā ahesuṃ. Thero sayaṃ dasakathāvatthulābhitāya tepi dasahi kathāvatthūhi ovadati. Te tassa ovāde ṭhatvā sabbeva arahattaṃ pattā.

    д̇з ад̇д̇ано баб̣б̣аж̇ид̇агижжам̣ мад̇т̇агам̣ бад̇д̇ам̣ н̃ад̇ваа убаж̇жхааяам̣ убасан̇гамид̇ваа аахам̣су – ‘‘бханд̇з, амхаагам̣ гижжам̣ мад̇т̇агам̣ бад̇д̇ам̣, д̣̇асаннан̃жа махаагат̇аавад̇т̇уунам̣ лаабхино, самаяо но д̣̇асаб̣алам̣ бассид̇у’’нд̇и. т̇зро д̇зсам̣ гат̇ам̣ суд̇ваа жинд̇зси – ‘‘мама д̣̇асагат̇аавад̇т̇улаабхид̇ам̣ сад̇т̇аа ж̇аанаад̇и, ахам̣ д̇хаммам̣ д̣̇зсзнд̇о д̣̇аса гат̇аавад̇т̇ууни амун̃жанд̇ова д̣̇зсзми. маяи г̇ажчанд̇з саб̣б̣збимз бхигкуу бариваарзд̇ваа г̇ажчиссанд̇и, звам̣ г̇ан̣асан̇г̇ан̣игааяа г̇анд̇ваа бана аяуд̇д̇ам̣ маяхам̣ д̣̇асаб̣алам̣ бассид̇ум̣, имз д̇аава г̇анд̇ваа бассанд̇уу’’д̇и д̇з бхигкуу ааха – ‘‘аавусо, д̇умхз бурад̇о г̇анд̇ваа д̇ат̇ааг̇ад̇ам̣ бассат̇а, мама важанзна д̣̇асаб̣аласса баад̣̇з ванд̣̇ат̇а, ахамби д̇умхаагам̣ г̇ад̇амаг̇г̇зна г̇амиссаамий’’д̇и.

    Te attano pabbajitakiccaṃ matthakaṃ pattaṃ ñatvā upajjhāyaṃ upasaṅkamitvā āhaṃsu – ‘‘bhante, amhākaṃ kiccaṃ matthakaṃ pattaṃ, dasannañca mahākathāvatthūnaṃ lābhino, samayo no dasabalaṃ passitu’’nti. Thero tesaṃ kathaṃ sutvā cintesi – ‘‘mama dasakathāvatthulābhitaṃ satthā jānāti, ahaṃ dhammaṃ desento dasa kathāvatthūni amuñcantova desemi. Mayi gacchante sabbepime bhikkhū parivāretvā gacchissanti, evaṃ gaṇasaṅgaṇikāya gantvā pana ayuttaṃ mayhaṃ dasabalaṃ passituṃ, ime tāva gantvā passantū’’ti te bhikkhū āha – ‘‘āvuso, tumhe purato gantvā tathāgataṃ passatha, mama vacanena dasabalassa pāde vandatha, ahampi tumhākaṃ gatamaggena gamissāmī’’ti.

    д̇з т̇зраа саб̣б̣зби д̣̇асаб̣аласса ж̇аад̇ибхуумирадтаваасино саб̣б̣з кийн̣аасаваа саб̣б̣з д̣̇асагат̇аавад̇т̇улаабхино ад̇д̇ано убаж̇жхааяасса оваад̣̇ам̣ абхинд̣̇ид̇ваа анубуб̣б̣зна жааригам̣ жаранд̇аа садтияож̇анамаг̇г̇ам̣ ад̇иггамма рааж̇аг̇ахз взл̣уванамахаавихаарам̣ г̇анд̇ваа д̣̇асаб̣аласса баад̣̇з ванд̣̇ид̇ваа згаманд̇ам̣ нисийд̣̇им̣су. аажин̣н̣ам̣ ко банзд̇ам̣ б̣уд̣̇д̇хаанам̣ бхаг̇аванд̇аанам̣ ааг̇анд̇угзхи бхигкуухи сад̣̇д̇хим̣ бадисаммод̣̇ид̇унд̇и бхаг̇аваа д̇зхи сад̣̇д̇хим̣ ‘‘гажжи, бхигкавз, каманийяа’’нд̇иаад̣̇инаа наязна мад̇хурабадисант̇аарам̣ гад̇ваа ‘‘гуд̇о жа д̇умхз, бхигкавз, ааг̇ажчат̇аа’’д̇и бужчи. д̇зхи ‘‘ж̇аад̇ибхуумид̇о’’д̇и вуд̇д̇з ‘‘го ну ко, бхигкавз, ж̇аад̇ибхуумияам̣ ж̇аад̇ибхуумагаанам̣ бхигкуунам̣ саб̣рахмажаарийхи звам̣ самбхаавид̇о ад̇д̇анаа жа аббижчо аббижчагат̇ан̃жа бхигкуунам̣ гад̇д̇аа’’д̇и д̣̇асагат̇аавад̇т̇улаабхим̣ бхигкум̣ бужчи. д̇зби ‘‘бун̣н̣о наама, бханд̇з, ааяасмаа манд̇аан̣ибуд̇д̇о’’д̇и аарожаяим̣су. д̇ам̣ гат̇ам̣ суд̇ваа ааяасмаа саарибуд̇д̇о т̇зрасса д̣̇ассанагаамо ахоси.

    Te therā sabbepi dasabalassa jātibhūmiraṭṭhavāsino sabbe khīṇāsavā sabbe dasakathāvatthulābhino attano upajjhāyassa ovādaṃ abhinditvā anupubbena cārikaṃ carantā saṭṭhiyojanamaggaṃ atikkamma rājagahe veḷuvanamahāvihāraṃ gantvā dasabalassa pāde vanditvā ekamantaṃ nisīdiṃsu. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammoditunti bhagavā tehi saddhiṃ ‘‘kacci, bhikkhave, khamanīya’’ntiādinā nayena madhurapaṭisanthāraṃ katvā ‘‘kuto ca tumhe, bhikkhave, āgacchathā’’ti pucchi. Tehi ‘‘jātibhūmito’’ti vutte ‘‘ko nu kho, bhikkhave, jātibhūmiyaṃ jātibhūmakānaṃ bhikkhūnaṃ sabrahmacārīhi evaṃ sambhāvito attanā ca appiccho appicchakathañca bhikkhūnaṃ kattā’’ti dasakathāvatthulābhiṃ bhikkhuṃ pucchi. Tepi ‘‘puṇṇo nāma, bhante, āyasmā mantāṇiputto’’ti ārocayiṃsu. Taṃ kathaṃ sutvā āyasmā sāriputto therassa dassanakāmo ahosi.

    ат̇а сад̇т̇аа рааж̇аг̇ахад̇о саавад̇т̇им̣ аг̇амааси. бун̣н̣ад̇т̇зро д̣̇асаб̣аласса д̇ад̇т̇а ааг̇ад̇абхаавам̣ суд̇ваа ‘‘сад̇т̇аарам̣ бассиссаамий’’д̇и г̇анд̇ваа анд̇ог̇анд̇хагудияам̣язва д̇ат̇ааг̇ад̇ам̣ самбаабун̣и. сад̇т̇аа д̇асса д̇хаммам̣ д̣̇зсзси. т̇зро д̇хаммам̣ суд̇ваа д̣̇асаб̣алам̣ ванд̣̇ид̇ваа бадисаллаанад̇т̇ааяа анд̇хаванам̣ г̇анд̇ваа ан̃н̃ад̇арасмим̣ ругкамуулз д̣̇иваавихаарам̣ нисийд̣̇и. саарибуд̇д̇ад̇т̇зроби д̇асса г̇аманам̣ суд̇ваа сийсаанулогиго г̇анд̇ваа огаасам̣ саллагкзд̇ваа д̇ам̣ ругкамуулам̣ убасан̇гамид̇ваа т̇зрзна сад̣̇д̇хим̣ саммод̣̇ид̇ваа сад̇д̇ависуд̣̇д̇хиггамам̣ бужчи. т̇зробисса бужчид̇ам̣ бужчид̇ам̣ б̣яаагааси. д̇з ан̃н̃аман̃н̃асса субхаасид̇ам̣ саманумод̣̇им̣су. ат̇а сад̇т̇аа абарабхааг̇з бхигкусан̇гхамаж̇жхз нисинно т̇зрам̣ д̇хаммагат̇игаанам̣ аг̇г̇адтаанз табзсийд̇и.

    Atha satthā rājagahato sāvatthiṃ agamāsi. Puṇṇatthero dasabalassa tattha āgatabhāvaṃ sutvā ‘‘satthāraṃ passissāmī’’ti gantvā antogandhakuṭiyaṃyeva tathāgataṃ sampāpuṇi. Satthā tassa dhammaṃ desesi. Thero dhammaṃ sutvā dasabalaṃ vanditvā paṭisallānatthāya andhavanaṃ gantvā aññatarasmiṃ rukkhamūle divāvihāraṃ nisīdi. Sāriputtattheropi tassa gamanaṃ sutvā sīsānulokiko gantvā okāsaṃ sallakkhetvā taṃ rukkhamūlaṃ upasaṅkamitvā therena saddhiṃ sammoditvā sattavisuddhikkamaṃ pucchi. Theropissa pucchitaṃ pucchitaṃ byākāsi. Te aññamaññassa subhāsitaṃ samanumodiṃsu. Atha satthā aparabhāge bhikkhusaṅghamajjhe nisinno theraṃ dhammakathikānaṃ aggaṭṭhāne ṭhapesīti.

    махаагажжаанад̇т̇зравад̇т̇у

    Mahākaccānattheravatthu

    197. д̣̇асамз сам̣кид̇д̇зна бхаасид̇ассаад̇и сам̣кид̇д̇зна гат̇ид̇ад̇хаммасса. вид̇т̇аарзна ад̇т̇ам̣ вибхаж̇анд̇аананд̇и д̇ам̣ д̣̇зсанам̣ вид̇т̇аарзд̇ваа ад̇т̇ам̣ вибхаж̇амаанаанам̣. ан̃н̃з гира д̇ат̇ааг̇ад̇асса сан̇кзбаважанам̣ ад̇т̇авасзна ваа буурзд̇ум̣ саггонд̇и б̣яан̃ж̇анавасзна ваа, аяам̣ бана т̇зро убхаяавасзнаби саггод̇и. д̇асмаа аг̇г̇од̇и вуд̇д̇о. буб̣б̣абад̇т̇анааби жасса зваруубаава.

    197. Dasame saṃkhittena bhāsitassāti saṃkhittena kathitadhammassa. Vitthārena atthaṃ vibhajantānanti taṃ desanaṃ vitthāretvā atthaṃ vibhajamānānaṃ. Aññe kira tathāgatassa saṅkhepavacanaṃ atthavasena vā pūretuṃ sakkonti byañjanavasena vā, ayaṃ pana thero ubhayavasenapi sakkoti. Tasmā aggoti vutto. Pubbapatthanāpi cassa evarūpāva.

    аяам̣ банасса бан̃хагаммз анубуб̣б̣игат̇аа – аяам̣ гира бад̣̇умуд̇д̇арасаммаасамб̣уд̣̇д̇хагаалз г̇ахабад̇имахаасаалагулз ниб̣б̣ад̇д̇ид̇ваа вуд̣̇д̇хиббад̇д̇о згад̣̇ивасам̣ вуд̇д̇анаязнзва вихаарам̣ г̇анд̇ваа барисабарияанд̇з тид̇о д̇хаммам̣ сун̣анд̇о сад̇т̇аарам̣ ад̇д̇анаа сам̣кид̇д̇зна бхаасид̇асса вид̇т̇аарзна ад̇т̇ам̣ вибхаж̇анд̇аанам̣ аг̇г̇адтаанз табзнд̇ам̣ згам̣ бхигкум̣ д̣̇исваа ‘‘маханд̇о вад̇ааяам̣ бхигку, яам̣ сад̇т̇аа звам̣ ван̣н̣зд̇и, маяааби анааг̇ад̇з згасса б̣уд̣̇д̇хасса саасанз зваруубзна бхавид̇ум̣ ваддад̇ий’’д̇и сад̇т̇аарам̣ ниманд̇зд̇ваа вуд̇д̇анаязнзва сад̇д̇аахам̣ махаад̣̇аанам̣ д̣̇ад̇ваа, ‘‘бханд̇з, ахам̣ имасса саггаарасса палзна на ан̃н̃ам̣ самбад̇д̇им̣ бад̇т̇зми, анааг̇ад̇з бана згасса б̣уд̣̇д̇хасса саасанз ид̇о сад̇д̇ад̣̇ивасамад̇т̇агз д̇умхзхи таананд̇арз табид̇абхигку вияа ахамби д̇ам̣ таананд̇арам̣ лабхзяяа’’нд̇и бад̇т̇анам̣ гад̇ваа баад̣̇амуулз нибаж̇ж̇и. сад̇т̇аа анааг̇ад̇ам̣ ологзнд̇о ‘‘самиж̇жхиссад̇и имасса гулабуд̇д̇асса бад̇т̇анаа’’д̇и д̣̇исваа ‘‘амбхо, гулабуд̇д̇а, анааг̇ад̇з габбасад̇асахассаавасаанз г̇од̇амо наама б̣уд̣̇д̇хо уббаж̇ж̇иссад̇и, д̇вам̣ д̇асса саасанз сам̣кид̇д̇зна бхаасид̇асса вид̇т̇аарзна ад̇т̇ам̣ вибхаж̇анд̇аанам̣ аг̇г̇о бхависсасий’’д̇и б̣яаагарид̇ваа анумод̣̇анам̣ гад̇ваа баггаами.

    Ayaṃ panassa pañhakamme anupubbikathā – ayaṃ kira padumuttarasammāsambuddhakāle gahapatimahāsālakule nibbattitvā vuddhippatto ekadivasaṃ vuttanayeneva vihāraṃ gantvā parisapariyante ṭhito dhammaṃ suṇanto satthāraṃ attanā saṃkhittena bhāsitassa vitthārena atthaṃ vibhajantānaṃ aggaṭṭhāne ṭhapentaṃ ekaṃ bhikkhuṃ disvā ‘‘mahanto vatāyaṃ bhikkhu, yaṃ satthā evaṃ vaṇṇeti, mayāpi anāgate ekassa buddhassa sāsane evarūpena bhavituṃ vaṭṭatī’’ti satthāraṃ nimantetvā vuttanayeneva sattāhaṃ mahādānaṃ datvā, ‘‘bhante, ahaṃ imassa sakkārassa phalena na aññaṃ sampattiṃ patthemi, anāgate pana ekassa buddhassa sāsane ito sattadivasamatthake tumhehi ṭhānantare ṭhapitabhikkhu viya ahampi taṃ ṭhānantaraṃ labheyya’’nti patthanaṃ katvā pādamūle nipajji. Satthā anāgataṃ olokento ‘‘samijjhissati imassa kulaputtassa patthanā’’ti disvā ‘‘ambho, kulaputta, anāgate kappasatasahassāvasāne gotamo nāma buddho uppajjissati, tvaṃ tassa sāsane saṃkhittena bhāsitassa vitthārena atthaṃ vibhajantānaṃ aggo bhavissasī’’ti byākaritvā anumodanaṃ katvā pakkāmi.

    соби гулабуд̇д̇о яааваж̇ийвам̣ гусалам̣ гад̇ваа габбасад̇асахассам̣ д̣̇звамануссзсу сам̣сарид̇ваа гассабаб̣уд̣̇д̇хагаалз б̣аараан̣асияам̣ гулаг̇зхз бадисанд̇хим̣ г̇ахзд̇ваа сад̇т̇ари бариниб̣б̣уд̇з суван̣н̣ажзд̇ияагаран̣адтаанам̣ г̇анд̇ваа сад̇асахассаг̇гханигааяа суван̣н̣идтагааяа бууж̇ам̣ гад̇ваа ‘‘бхаг̇аваа маяхам̣ ниб̣б̣ад̇д̇аниб̣б̣ад̇д̇адтаанз сарийрам̣ суван̣н̣аван̣н̣ам̣ ход̇уу’’д̇и бад̇т̇анам̣ агааси. д̇ад̇о яааваж̇ийвам̣ гусалагаммам̣ гад̇ваа згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа амхаагам̣ д̣̇асаб̣аласса уббад̇д̇игаалз уж̇ж̇знинаг̇арз бурохид̇асса г̇зхз ниб̣б̣ад̇д̇и. д̇асса наамаг̇г̇ахан̣ад̣̇ивасз ‘‘маяхам̣ буд̇д̇о суван̣н̣аван̣н̣асарийро ад̇д̇анаава ад̇д̇ано наамам̣ г̇ахзд̇ваа ааг̇ад̇о’’д̇и ган̃жанамаан̣авод̇звасса наамам̣ агам̣су . со вуд̣̇д̇химанвааяа д̇аяо взд̣̇з уг̇г̇ан̣хид̇ваа бид̇у ажжаязна бурохид̇адтаанам̣ лабхи. со г̇од̇д̇авасзна гажжаано наама ж̇аад̇о.

    Sopi kulaputto yāvajīvaṃ kusalaṃ katvā kappasatasahassaṃ devamanussesu saṃsaritvā kassapabuddhakāle bārāṇasiyaṃ kulagehe paṭisandhiṃ gahetvā satthari parinibbute suvaṇṇacetiyakaraṇaṭṭhānaṃ gantvā satasahassagghanikāya suvaṇṇiṭṭhakāya pūjaṃ katvā ‘‘bhagavā mayhaṃ nibbattanibbattaṭṭhāne sarīraṃ suvaṇṇavaṇṇaṃ hotū’’ti patthanaṃ akāsi. Tato yāvajīvaṃ kusalakammaṃ katvā ekaṃ buddhantaraṃ devamanussesu saṃsaritvā amhākaṃ dasabalassa uppattikāle ujjeninagare purohitassa gehe nibbatti. Tassa nāmaggahaṇadivase ‘‘mayhaṃ putto suvaṇṇavaṇṇasarīro attanāva attano nāmaṃ gahetvā āgato’’ti kañcanamāṇavotevassa nāmaṃ akaṃsu . So vuddhimanvāya tayo vede uggaṇhitvā pitu accayena purohitaṭṭhānaṃ labhi. So gottavasena kaccāno nāma jāto.

    жан̣д̣абаж̇ж̇од̇арааж̇аа амажжз саннибаад̇зд̇ваа ааха – ‘‘б̣уд̣̇д̇хо логз ниб̣б̣ад̇д̇о, д̇ам̣ аанзд̇ум̣ самад̇т̇аа г̇анд̇ваа аанзт̇а д̇аад̇аа’’д̇и. д̣̇зва, ан̃н̃о д̣̇асаб̣алам̣ аанзд̇ум̣ самад̇т̇о наама над̇т̇и, аажарияо гажжаанаб̣раахман̣ова самад̇т̇о, д̇ам̣ бахин̣ат̇аад̇и. рааж̇аа д̇ам̣ баггосаабзд̇ваа, ‘‘д̇аад̇а, д̣̇асаб̣аласса санд̇игам̣ г̇ажчаахий’’д̇и ааха. г̇анд̇ваа баб̣б̣аж̇ид̇ум̣ лабханд̇о г̇амиссаами, махаарааж̇аад̇и. яам̣гин̃жи гад̇ваа д̇ат̇ааг̇ад̇ам̣ аанзхи, д̇аад̇аад̇и. со ‘‘б̣уд̣̇д̇хаанам̣ санд̇игам̣ г̇ажчанд̇асса махаабарисааяа гаммам̣ над̇т̇ий’’д̇и ад̇д̇адтамо аг̇амааси. ат̇асса сад̇т̇аа д̇хаммам̣ д̣̇зсзси. д̣̇зсанаабарияосаанз сад̣̇д̇хим̣ сад̇д̇ахи ж̇анзхи саха бадисамбхид̣̇аахи арахад̇д̇ам̣ баабун̣и. сад̇т̇аа ‘‘зт̇а бхигкаво’’д̇и хад̇т̇ам̣ басаарзси. д̇ам̣кан̣ам̣язва саб̣б̣зва анд̇арахид̇агзсамассуу ид̣̇д̇химаяабад̇д̇ажийварад̇хараа вассасадтигад̇т̇зраа вияа ж̇аад̇аа.

    Caṇḍapajjotarājā amacce sannipātetvā āha – ‘‘buddho loke nibbatto, taṃ ānetuṃ samatthā gantvā ānetha tātā’’ti. Deva, añño dasabalaṃ ānetuṃ samattho nāma natthi, ācariyo kaccānabrāhmaṇova samattho, taṃ pahiṇathāti. Rājā taṃ pakkosāpetvā, ‘‘tāta, dasabalassa santikaṃ gacchāhī’’ti āha. Gantvā pabbajituṃ labhanto gamissāmi, mahārājāti. Yaṃkiñci katvā tathāgataṃ ānehi, tātāti. So ‘‘buddhānaṃ santikaṃ gacchantassa mahāparisāya kammaṃ natthī’’ti attaṭṭhamo agamāsi. Athassa satthā dhammaṃ desesi. Desanāpariyosāne saddhiṃ sattahi janehi saha paṭisambhidāhi arahattaṃ pāpuṇi. Satthā ‘‘etha bhikkhavo’’ti hatthaṃ pasāresi. Taṃkhaṇaṃyeva sabbeva antarahitakesamassū iddhimayapattacīvaradharā vassasaṭṭhikattherā viya jātā.

    т̇зро ад̇д̇ано гижжз мад̇т̇агам̣ бад̇д̇з д̇ун̣хийбхаавзна анисийд̣̇ид̇ваа гаал̣уд̣̇ааяид̇т̇зро вияа сад̇т̇у уж̇ж̇зниг̇аманад̇т̇ааяа г̇аманаван̣н̣ам̣ гат̇зси. сад̇т̇аа д̇асса важанам̣ суд̇ваа ‘‘гажжаано ад̇д̇ано ж̇аад̇ибхуумияам̣ мама г̇аманам̣ бажжаасийсад̇ий’’д̇и ан̃н̃ааси. б̣уд̣̇д̇хаа жа наама згам̣ гааран̣ам̣ бадижжа г̇анд̇ум̣ аяуд̇д̇адтаанам̣ на г̇ажчанд̇и. д̇асмаа т̇зрам̣ ааха – ‘‘д̇вам̣язва бхигку г̇ажча, д̇аяи г̇ад̇зби рааж̇аа басийд̣̇иссад̇ий’’д̇и. т̇зро ‘‘б̣уд̣̇д̇хаанам̣ д̣̇вз гат̇аа наама над̇т̇ий’’д̇и д̇ат̇ааг̇ад̇ам̣ ванд̣̇ид̇ваа ад̇д̇анаа сад̣̇д̇хим̣ ааг̇ад̇зхи сад̇д̇ахи бхигкуухи сад̣̇д̇хим̣ уж̇ж̇зним̣ г̇ажчанд̇о анд̇араамаг̇г̇з д̇злабанаал̣и наама ниг̇амо, д̇ад̇т̇а бин̣д̣ааяа жари. д̇асмим̣ жа ниг̇амз д̣̇вз сздтид̇хийд̇аро. д̇аасу згаа бариж̇ин̣н̣агулз ниб̣б̣ад̇д̇аа д̣̇уг̇г̇ад̇аа маад̇аабид̇уунам̣ ажжаязна д̇хаад̇им̣ ниссааяа ж̇ийвад̇и. ад̇д̇абхааво банассаа самид̣̇д̇хо, гзсаа ан̃н̃аахи ад̇ивияа д̣̇ийгхаа. д̇асмим̣язва ниг̇амз ан̃н̃аа иссарасздтигуласса д̇хийд̇аа ниггзсигаа. саа д̇ад̇о буб̣б̣з д̇ассаа самийбам̣ бзсзд̇ваа ‘‘сад̇ам̣ ваа сахассам̣ ваа д̣̇ассаамий’’д̇и вад̇вааби гзсз аахараабзд̇ум̣ наасагки.

    Thero attano kicce matthakaṃ patte tuṇhībhāvena anisīditvā kāḷudāyitthero viya satthu ujjenigamanatthāya gamanavaṇṇaṃ kathesi. Satthā tassa vacanaṃ sutvā ‘‘kaccāno attano jātibhūmiyaṃ mama gamanaṃ paccāsīsatī’’ti aññāsi. Buddhā ca nāma ekaṃ kāraṇaṃ paṭicca gantuṃ ayuttaṭṭhānaṃ na gacchanti. Tasmā theraṃ āha – ‘‘tvaṃyeva bhikkhu gaccha, tayi gatepi rājā pasīdissatī’’ti. Thero ‘‘buddhānaṃ dve kathā nāma natthī’’ti tathāgataṃ vanditvā attanā saddhiṃ āgatehi sattahi bhikkhūhi saddhiṃ ujjeniṃ gacchanto antarāmagge telapanāḷi nāma nigamo, tattha piṇḍāya cari. Tasmiṃ ca nigame dve seṭṭhidhītaro. Tāsu ekā parijiṇṇakule nibbattā duggatā mātāpitūnaṃ accayena dhātiṃ nissāya jīvati. Attabhāvo panassā samiddho, kesā aññāhi ativiya dīghā. Tasmiṃyeva nigame aññā issaraseṭṭhikulassa dhītā nikkesikā. Sā tato pubbe tassā samīpaṃ pesetvā ‘‘sataṃ vā sahassaṃ vā dassāmī’’ti vatvāpi kese āharāpetuṃ nāsakkhi.

    д̇асмим̣ бана д̣̇ивасз саа сздтид̇хийд̇аа махаагажжаанад̇т̇зрам̣ сад̇д̇ахи бхигкуухи баривуд̇ам̣ д̇ужчабад̇д̇ам̣ ааг̇ажчанд̇ам̣ д̣̇исваа ‘‘аяам̣ суван̣н̣аван̣н̣о зго б̣рахмаб̣анд̇хубхигку яат̇аад̇ход̇знзва бад̇д̇зна ааг̇ажчад̇и, маяхан̃жа ан̃н̃ам̣ д̇ханам̣ над̇т̇и. асугасздтид̇хийд̇аа бана имзсам̣ гзсаанам̣ ад̇т̇ааяа бзсзси. ид̣̇аани ид̇о лад̣̇д̇хауббаад̣̇зна саггаа т̇зрасса д̣̇зяяад̇хаммам̣ д̣̇аад̇у’’нд̇и д̇хаад̇им̣ бзсзд̇ваа т̇зрз ниманд̇зд̇ваа анд̇ог̇зхз нисийд̣̇аабзси. т̇зраанам̣ нисиннагаалз г̇аб̣бхам̣ бависид̇ваа д̇хаад̇ияаа ад̇д̇ано гзсз габбаабзд̇ваа, ‘‘амма , имз гзсз асугааяа наама сздтид̇хийд̇ааяа д̣̇ад̇ваа яам̣ саа д̣̇зд̇и, д̇ам̣ аахара, аяяаанам̣ бин̣д̣абаад̇ам̣ д̣̇ассаамаа’’д̇и. д̇хаад̇и бидтихад̇т̇зна ассууни бун̃чид̇ваа згзна хад̇т̇зна хад̣̇аяамам̣сам̣ санд̇хаарзд̇ваа т̇зраанам̣ санд̇игз бадижчаад̣̇зд̇ваа д̇з гзсз аад̣̇ааяа д̇ассаа сздтид̇хийд̇ааяа санд̇игам̣ г̇ад̇аа.

    Tasmiṃ pana divase sā seṭṭhidhītā mahākaccānattheraṃ sattahi bhikkhūhi parivutaṃ tucchapattaṃ āgacchantaṃ disvā ‘‘ayaṃ suvaṇṇavaṇṇo eko brahmabandhubhikkhu yathādhoteneva pattena āgacchati, mayhañca aññaṃ dhanaṃ natthi. Asukaseṭṭhidhītā pana imesaṃ kesānaṃ atthāya pesesi. Idāni ito laddhauppādena sakkā therassa deyyadhammaṃ dātu’’nti dhātiṃ pesetvā there nimantetvā antogehe nisīdāpesi. Therānaṃ nisinnakāle gabbhaṃ pavisitvā dhātiyā attano kese kappāpetvā, ‘‘amma , ime kese asukāya nāma seṭṭhidhītāya datvā yaṃ sā deti, taṃ āhara, ayyānaṃ piṇḍapātaṃ dassāmā’’ti. Dhāti piṭṭhihatthena assūni puñchitvā ekena hatthena hadayamaṃsaṃ sandhāretvā therānaṃ santike paṭicchādetvā te kese ādāya tassā seṭṭhidhītāya santikaṃ gatā.

    бан̣ияам̣ наама саараванд̇амби саяам̣ убанийд̇ам̣ г̇ааравам̣ на ж̇анзд̇и, д̇асмаа саа сздтид̇хийд̇аа жинд̇зси – ‘‘ахам̣ буб̣б̣з б̣ахунааби д̇ханзна имз гзсз аахараабзд̇ум̣ наасагким̣, ид̣̇аани бана чиннагаалад̇о бадтааяа на яат̇аамууламзва лабхиссад̇ий’’д̇и . д̇хаад̇им̣ ааха – ‘‘ахам̣ буб̣б̣з д̇ава сааминим̣ б̣ахунааби д̇ханзна гзсз аахараабзд̇ум̣ наасагким̣, яад̇т̇а гад̇т̇ажи винибаад̇аа бана ниж̇ж̇ийвагзсаа наама адта гахаабан̣з аг̇гханд̇ий’’д̇и адтзва гахаабан̣з ад̣̇ааси. д̇хаад̇и гахаабан̣з аахарид̇ваа сздтид̇хийд̇ааяа ад̣̇ааси. сздтид̇хийд̇аа згзгам̣ бин̣д̣абаад̇ам̣ згзгагахаабан̣аг̇гханагам̣ гад̇ваа т̇зраанам̣ д̣̇аабзси. т̇зро ааваж̇ж̇ид̇ваа сздтид̇хийд̇ааяа убаниссаяам̣ д̣̇исваа ‘‘гахам̣ сздтид̇хийд̇аа’’д̇и бужчи. г̇аб̣бхз, аяяаад̇и. баггосат̇а нанд̇и. саа жа т̇зрзсу г̇ааравзна згаважанзнзва ааг̇анд̇ваа т̇зрз ванд̣̇ид̇ваа б̣алавасад̣̇д̇хам̣ уббаад̣̇зси. сукзд̇д̇з бад̇идтид̇абин̣д̣абаад̇о д̣̇идтзва д̇хаммз вибаагам̣ д̣̇зд̇ийд̇и саха т̇зраанам̣ ванд̣̇анзна гзсаа багад̇ибхаавзязва адтам̣су. т̇зрааби д̇ам̣ бин̣д̣абаад̇ам̣ г̇ахзд̇ваа бассанд̇ияааязва сздтид̇хийд̇ааяа взхаасам̣ аб̣бхуг̇г̇анд̇ваа ган̃жанавануяяаанз од̇арим̣су.

    Paṇiyaṃ nāma sāravantampi sayaṃ upanītaṃ gāravaṃ na janeti, tasmā sā seṭṭhidhītā cintesi – ‘‘ahaṃ pubbe bahunāpi dhanena ime kese āharāpetuṃ nāsakkhiṃ, idāni pana chinnakālato paṭṭhāya na yathāmūlameva labhissatī’’ti . Dhātiṃ āha – ‘‘ahaṃ pubbe tava sāminiṃ bahunāpi dhanena kese āharāpetuṃ nāsakkhiṃ, yattha katthaci vinipātā pana nijjīvakesā nāma aṭṭha kahāpaṇe agghantī’’ti aṭṭheva kahāpaṇe adāsi. Dhāti kahāpaṇe āharitvā seṭṭhidhītāya adāsi. Seṭṭhidhītā ekekaṃ piṇḍapātaṃ ekekakahāpaṇagghanakaṃ katvā therānaṃ dāpesi. Thero āvajjitvā seṭṭhidhītāya upanissayaṃ disvā ‘‘kahaṃ seṭṭhidhītā’’ti pucchi. Gabbhe, ayyāti. Pakkosatha nanti. Sā ca theresu gāravena ekavacaneneva āgantvā there vanditvā balavasaddhaṃ uppādesi. Sukhette patiṭṭhitapiṇḍapāto diṭṭheva dhamme vipākaṃ detīti saha therānaṃ vandanena kesā pakatibhāveyeva aṭṭhaṃsu. Therāpi taṃ piṇḍapātaṃ gahetvā passantiyāyeva seṭṭhidhītāya vehāsaṃ abbhuggantvā kañcanavanuyyāne otariṃsu.

    уяяаанабаало т̇зрам̣ д̣̇исваа ран̃н̃о санд̇игам̣ г̇анд̇ваа ‘‘д̣̇зва, мз аяяо бурохид̇о гажжаано баб̣б̣аж̇ид̇ваа уяяаанамааг̇ад̇о’’д̇и ааха. рааж̇аа жан̣д̣абаж̇ж̇од̇о уяяаанам̣ г̇анд̇ваа гад̇абхад̇д̇агижжам̣ т̇зрам̣ бан̃жабад̇идтид̇зна ванд̣̇ид̇ваа згаманд̇ам̣ нисинно ‘‘гахам̣, бханд̇з, бхаг̇аваа’’д̇и бужчи. сад̇т̇аа саяам̣ анааг̇анд̇ваа мам̣ бзсзси махаарааж̇аад̇и. гахам̣, бханд̇з, аж̇ж̇а бхигкам̣ алад̇т̇аад̇и? т̇зро ран̃н̃о бужчаасабхааг̇зна саб̣б̣ам̣ сздтид̇хийд̇ааяа гад̇ам̣ д̣̇уггарам̣ аарожзси. рааж̇аа т̇зрасса васанадтаанам̣ бадияаад̣̇зд̇ваа т̇зрам̣ ниманд̇зд̇ваа нивзсанам̣ г̇анд̇ваа сздтид̇хийд̇арам̣ аан̣аабзд̇ваа аг̇г̇амахзсидтаанз табзси. имиссаа ид̇т̇ияаа д̣̇идтад̇хаммигова яасабадилаабхо ахоси.

    Uyyānapālo theraṃ disvā rañño santikaṃ gantvā ‘‘deva, me ayyo purohito kaccāno pabbajitvā uyyānamāgato’’ti āha. Rājā caṇḍapajjoto uyyānaṃ gantvā katabhattakiccaṃ theraṃ pañcapatiṭṭhitena vanditvā ekamantaṃ nisinno ‘‘kahaṃ, bhante, bhagavā’’ti pucchi. Satthā sayaṃ anāgantvā maṃ pesesi mahārājāti. Kahaṃ, bhante, ajja bhikkhaṃ alatthāti? Thero rañño pucchāsabhāgena sabbaṃ seṭṭhidhītāya kataṃ dukkaraṃ ārocesi. Rājā therassa vasanaṭṭhānaṃ paṭiyādetvā theraṃ nimantetvā nivesanaṃ gantvā seṭṭhidhītaraṃ āṇāpetvā aggamahesiṭṭhāne ṭhapesi. Imissā itthiyā diṭṭhadhammikova yasapaṭilābho ahosi.

    д̇ад̇о бадтааяа рааж̇аа т̇зрасса махаасаггаарам̣ гарод̇и. т̇зрасса д̇хаммагат̇ааяа басийд̣̇ид̇ваа махааж̇ано т̇зрасса санд̇игз баб̣б̣аж̇и. д̇ад̇о бадтааяа сагаланаг̇арам̣ згагаасаавабаж̇ж̇од̇ам̣ исиваад̇абадиваад̇ам̣ ахоси. сааби д̣̇звий г̇аб̣бхам̣ лабхид̇ваа д̣̇асамаасажжаязна буд̇д̇ам̣ виж̇ааяи. д̇асса наамаг̇г̇ахан̣ад̣̇ивасз г̇обаалагумаарод̇и маад̇аамахасздтино наамам̣ агам̣су. саа буд̇д̇асса наамавасзна г̇обааламаад̇аа наама д̣̇звий ж̇аад̇аа. саа д̣̇звий т̇зрз ад̇ивияа басийд̣̇ид̇ваа рааж̇аанам̣ самбадижчаабзд̇ваа ган̃жанавануяяаанз т̇зрасса вихаарам̣ гаарзси. т̇зро уж̇ж̇знинаг̇арам̣ басаад̣̇зд̇ваа буна сад̇т̇у санд̇игам̣ г̇ад̇о. ат̇а сад̇т̇аа абарабхааг̇з ж̇зд̇аванз вихаранд̇о мад̇хубин̣д̣игасуд̇д̇ам̣ (ма. ни. 1.199 аад̣̇аяо) гажжаанабзяяаалам̣ (ма. ни. 3.279 аад̣̇аяо) баарааяанасуд̇д̇анд̇и имз д̇аяо суд̇д̇анд̇з адтуббад̇д̇им̣ гад̇ваа т̇зрам̣ сам̣кид̇д̇зна бхаасид̇асса вид̇т̇аарзна ад̇т̇ам̣ вибхаж̇анд̇аанам̣ аг̇г̇адтаанз табзсийд̇и.

    Tato paṭṭhāya rājā therassa mahāsakkāraṃ karoti. Therassa dhammakathāya pasīditvā mahājano therassa santike pabbaji. Tato paṭṭhāya sakalanagaraṃ ekakāsāvapajjotaṃ isivātapaṭivātaṃ ahosi. Sāpi devī gabbhaṃ labhitvā dasamāsaccayena puttaṃ vijāyi. Tassa nāmaggahaṇadivase gopālakumāroti mātāmahaseṭṭhino nāmaṃ akaṃsu. Sā puttassa nāmavasena gopālamātā nāma devī jātā. Sā devī there ativiya pasīditvā rājānaṃ sampaṭicchāpetvā kañcanavanuyyāne therassa vihāraṃ kāresi. Thero ujjeninagaraṃ pasādetvā puna satthu santikaṃ gato. Atha satthā aparabhāge jetavane viharanto madhupiṇḍikasuttaṃ (ma. ni. 1.199 ādayo) kaccānapeyyālaṃ (ma. ni. 3.279 ādayo) pārāyanasuttanti ime tayo suttante aṭṭhuppattiṃ katvā theraṃ saṃkhittena bhāsitassa vitthārena atthaṃ vibhajantānaṃ aggaṭṭhāne ṭhapesīti.

    батамаваг̇г̇аван̣н̣анаа.

    Paṭhamavaggavaṇṇanā.

    14. зд̇ад̣̇аг̇г̇аваг̇г̇о

    14. Etadaggavaggo

    (14) 2. д̣̇уд̇ияазд̇ад̣̇аг̇г̇аваг̇г̇о

    (14) 2. Dutiyaetadaggavaggo

    жуул̣абант̇агад̇т̇зравад̇т̇у

    Cūḷapanthakattheravatthu

    198-200. д̣̇уд̇ияасса батамз маномаяанд̇и манзна ниб̣б̣ад̇д̇ид̇ам̣. ‘‘маномаязна гааязна, ид̣̇д̇хияаа убасан̇гамий’’д̇и (т̇зраг̇аа. 901) вуд̇д̇адтаанасмин̃хи манзна гад̇агааяо маномаяагааяо наама ж̇аад̇о. ‘‘ан̃н̃ад̇арам̣ маномаяам̣ гааяам̣ убабаж̇ж̇ад̇ий’’д̇и (жуул̣ава. 333) вуд̇д̇адтаанз манзна ниб̣б̣ад̇д̇ид̇агааяо маномаяагааяо наама ж̇аад̇о. аяамид̇ха ад̇хиббзд̇о. д̇ад̇т̇а ан̃н̃з бхигкуу маномаяам̣ гааяам̣ ниб̣б̣ад̇д̇знд̇аа д̇аяо ваа жад̇д̇ааро ваа ниб̣б̣ад̇д̇знд̇и, на б̣ахугз. згасад̣̇исзязва жа гад̇ваа ниб̣б̣ад̇д̇знд̇и згавид̇хамзва гаммам̣ гурумаанз. жуул̣абант̇агад̇т̇зро бана згааваж̇ж̇анзна саман̣асахассам̣ маабзси. д̣̇взби жа ж̇анз на згасад̣̇исз агааси на згавид̇хам̣ гаммам̣ гурумаанз. д̇асмаа маномаяам̣ гааяам̣ абхинимминанд̇аанам̣ аг̇г̇о наама ж̇аад̇о.

    198-200. Dutiyassa paṭhame manomayanti manena nibbattitaṃ. ‘‘Manomayena kāyena, iddhiyā upasaṅkamī’’ti (theragā. 901) vuttaṭṭhānasmiñhi manena katakāyo manomayakāyo nāma jāto. ‘‘Aññataraṃ manomayaṃ kāyaṃ upapajjatī’’ti (cūḷava. 333) vuttaṭṭhāne manena nibbattitakāyo manomayakāyo nāma jāto. Ayamidha adhippeto. Tattha aññe bhikkhū manomayaṃ kāyaṃ nibbattentā tayo vā cattāro vā nibbattenti, na bahuke. Ekasadiseyeva ca katvā nibbattenti ekavidhameva kammaṃ kurumāne. Cūḷapanthakatthero pana ekāvajjanena samaṇasahassaṃ māpesi. Dvepi ca jane na ekasadise akāsi na ekavidhaṃ kammaṃ kurumāne. Tasmā manomayaṃ kāyaṃ abhinimminantānaṃ aggo nāma jāto.

    жзд̇овиваддагусалаанамби жуул̣абант̇агова аг̇г̇о, сан̃н̃аавиваддагусалаанам̣ бана махаабант̇агад̇т̇зро аг̇г̇од̇и вуд̇д̇о. д̇ад̇т̇а жуул̣абант̇агад̇т̇зро жад̇уннам̣ руубааважараж̇жхаанаанам̣ лаабхид̇ааяа ‘‘жзд̇овиваддагусало’’д̇и вуд̇д̇о, махаабант̇агад̇т̇зро жад̇уннам̣ аруубааважараж̇жхаанаанам̣ лаабхид̇ааяа ‘‘сан̃н̃аавиваддагусало’’д̇и вуд̇д̇о. жуул̣абант̇аго жа самаад̇хигусалад̇ааяа жзд̇овиваддагусало наама, махаабант̇аго вибассанаагусалад̇ааяа сан̃н̃аавиваддагусало наама. зго жзд̇т̇а самаад̇хилагкан̣з чзго, зго вибассанаалагкан̣з. д̇ат̇аа зго самаад̇хиг̇аал̣хо, зго вибассанааг̇аал̣хо. зго жзд̇т̇а ан̇г̇асам̣кид̇д̇з чзго, зго аарамман̣асам̣кид̇д̇з. д̇ат̇аа зго ан̇г̇ававад̇т̇аанз чзго, зго аарамман̣ававад̇т̇аанзд̇и звамзд̇т̇а яож̇анаа гаад̇аб̣б̣аа.

    Cetovivaṭṭakusalānampi cūḷapanthakova aggo, saññāvivaṭṭakusalānaṃ pana mahāpanthakatthero aggoti vutto. Tattha cūḷapanthakatthero catunnaṃ rūpāvacarajjhānānaṃ lābhitāya ‘‘cetovivaṭṭakusalo’’ti vutto, mahāpanthakatthero catunnaṃ arūpāvacarajjhānānaṃ lābhitāya ‘‘saññāvivaṭṭakusalo’’ti vutto. Cūḷapanthako ca samādhikusalatāya cetovivaṭṭakusalo nāma, mahāpanthako vipassanākusalatāya saññāvivaṭṭakusalo nāma. Eko cettha samādhilakkhaṇe cheko, eko vipassanālakkhaṇe. Tathā eko samādhigāḷho, eko vipassanāgāḷho. Eko cettha aṅgasaṃkhitte cheko, eko ārammaṇasaṃkhitte. Tathā eko aṅgavavatthāne cheko, eko ārammaṇavavatthāneti evamettha yojanā kātabbā.

    абижа жуул̣абант̇агад̇т̇зро руубааважараж̇жхааналаабхий худ̇ваа жхаанан̇г̇зхи вудтааяа арахад̇д̇ам̣ бад̇д̇од̇и жзд̇овиваддагусало, махаабант̇аго аруубааважараж̇жхааналаабхий худ̇ваа жхаанан̇г̇зхи вудтааяа арахад̇д̇ам̣ бад̇д̇од̇и сан̃н̃аавиваддагусало. убхоби бант̇з ж̇аад̇ад̇д̇аа бант̇агаа наама ж̇аад̇аа. д̇зсам̣ батамаж̇аад̇о махаабант̇аго наама, бажчааж̇аад̇о жуул̣абант̇аго наама.

    Apica cūḷapanthakatthero rūpāvacarajjhānalābhī hutvā jhānaṅgehi vuṭṭhāya arahattaṃ pattoti cetovivaṭṭakusalo, mahāpanthako arūpāvacarajjhānalābhī hutvā jhānaṅgehi vuṭṭhāya arahattaṃ pattoti saññāvivaṭṭakusalo. Ubhopi panthe jātattā panthakā nāma jātā. Tesaṃ paṭhamajāto mahāpanthako nāma, pacchājāto cūḷapanthako nāma.

    имзсам̣ бана убхиннамби бан̃хагаммз аяаманубуб̣б̣игат̇аа – ад̇ийд̇з гира бад̣̇умуд̇д̇араб̣уд̣̇д̇хагаалз хам̣савад̇ийнаг̇араваасино д̣̇вз бхаад̇игаа гудумб̣игаа сад̣̇д̇хаа басаннаа ниб̣ад̣̇д̇хам̣ сад̇т̇у санд̇игам̣ г̇анд̇ваа д̇хаммам̣ сун̣анд̇и. д̇зсу згад̣̇ивасам̣ ганидто сад̇т̇аарам̣ д̣̇вийхан̇г̇зхи саманнааг̇ад̇ам̣ згам̣ бхигкум̣ ‘‘мама саасанз маномаяам̣ гааяам̣ абхинимминанд̇аанам̣ жзд̇овиваддагусалаанан̃жа аяам̣ бхигку аг̇г̇о’’д̇и зд̇ад̣̇аг̇г̇адтаанз табзнд̇ам̣ д̣̇исваа жинд̇зси – ‘‘махаа вад̇ааяам̣ бхигку зго худ̇ваа д̣̇вз ан̇г̇аани барибуурзд̇ваа жарад̇и, маяааби анааг̇ад̇з згасса б̣уд̣̇д̇хасса саасанз ан̇г̇ад̣̇ваяабуурагзна худ̇ваа вижарид̇ум̣ ваддад̇ий’’д̇и. со буриманаязнзва сад̇т̇аарам̣ ниманд̇зд̇ваа сад̇д̇аахам̣ махаад̣̇аанам̣ д̣̇ад̇ваа звамааха – ‘‘яам̣, бханд̇з, бхигкум̣ д̇умхз ид̇о сад̇д̇ад̣̇ивасамад̇т̇агз маномаяан̇г̇зна жа жзд̇овиваддагусалан̇г̇зна жа ‘аяам̣ мама саасанз аг̇г̇о’д̇и зд̇ад̣̇аг̇г̇з табаяид̇т̇а, ахамби имасса ад̇хигаарагаммасса палзна со бхигку вияа ан̇г̇ад̣̇ваяабуураго бхавзяяа’’нд̇и бад̇т̇анам̣ агааси.

    Imesaṃ pana ubhinnampi pañhakamme ayamanupubbikathā – atīte kira padumuttarabuddhakāle haṃsavatīnagaravāsino dve bhātikā kuṭumbikā saddhā pasannā nibaddhaṃ satthu santikaṃ gantvā dhammaṃ suṇanti. Tesu ekadivasaṃ kaniṭṭho satthāraṃ dvīhaṅgehi samannāgataṃ ekaṃ bhikkhuṃ ‘‘mama sāsane manomayaṃ kāyaṃ abhinimminantānaṃ cetovivaṭṭakusalānañca ayaṃ bhikkhu aggo’’ti etadaggaṭṭhāne ṭhapentaṃ disvā cintesi – ‘‘mahā vatāyaṃ bhikkhu eko hutvā dve aṅgāni paripūretvā carati, mayāpi anāgate ekassa buddhassa sāsane aṅgadvayapūrakena hutvā vicarituṃ vaṭṭatī’’ti. So purimanayeneva satthāraṃ nimantetvā sattāhaṃ mahādānaṃ datvā evamāha – ‘‘yaṃ, bhante, bhikkhuṃ tumhe ito sattadivasamatthake manomayaṅgena ca cetovivaṭṭakusalaṅgena ca ‘ayaṃ mama sāsane aggo’ti etadagge ṭhapayittha, ahampi imassa adhikārakammassa phalena so bhikkhu viya aṅgadvayapūrako bhaveyya’’nti patthanaṃ akāsi.

    сад̇т̇аа анааг̇ад̇ам̣ ологзд̇ваа ананд̇арааязнасса бад̇т̇анааяа самиж̇жханабхаавам̣ д̣̇исваа ‘‘анааг̇ад̇з габбасад̇асахассаавасаанз г̇од̇амо наама б̣уд̣̇д̇хо уббаж̇ж̇иссад̇и, со д̇ам̣ имасмим̣ таанад̣̇ваяз табзссад̇ий’’д̇и б̣яаагарид̇ваа анумод̣̇анам̣ гад̇ваа баггаами. бхаад̇аабисса згад̣̇ивасам̣ сад̇т̇аарам̣ сан̃н̃аавиваддагусалам̣ бхигкум̣ зд̇ад̣̇аг̇г̇адтаанз табзнд̇ам̣ д̣̇исваа д̇ат̇зва ад̇хигаарам̣ гад̇ваа бад̇т̇анам̣ агааси, сад̇т̇ааби д̇ам̣ б̣яаагааси.

    Satthā anāgataṃ oloketvā anantarāyenassa patthanāya samijjhanabhāvaṃ disvā ‘‘anāgate kappasatasahassāvasāne gotamo nāma buddho uppajjissati, so taṃ imasmiṃ ṭhānadvaye ṭhapessatī’’ti byākaritvā anumodanaṃ katvā pakkāmi. Bhātāpissa ekadivasaṃ satthāraṃ saññāvivaṭṭakusalaṃ bhikkhuṃ etadaggaṭṭhāne ṭhapentaṃ disvā tatheva adhikāraṃ katvā patthanaṃ akāsi, satthāpi taṃ byākāsi.

    д̇з убхоби ж̇анаа сад̇т̇ари д̇харамаанз гусалагаммам̣ гарид̇ваа сад̇т̇у бариниб̣б̣уд̇агаалз сарийражзд̇ияз суван̣н̣абууж̇ам̣ гад̇ваа д̇ад̇о жуд̇аа д̣̇звалогз ниб̣б̣ад̇д̇аа. д̇зсам̣ д̣̇звамануссзсу сам̣саранд̇аанам̣язва габбасад̇асахассам̣ ад̇игганд̇ам̣. д̇ад̇т̇а махаабант̇агасса анд̇араа гад̇агаляаан̣агаммам̣ на гат̇ияад̇и, жуул̣абант̇аго бана гассабабхаг̇авад̇о саасанз баб̣б̣аж̇ид̇ваа вийсад̇и вассасахассаани од̣̇аад̇агасин̣агаммам̣ гад̇ваа д̣̇звабурз ниб̣б̣ад̇д̇и. ат̇а амхаагам̣ сад̇т̇аа абхисамб̣од̇хим̣ бад̇ваа бавад̇д̇ид̇аварад̇хаммажагго рааж̇аг̇ахам̣ убаниссааяа взл̣уванамахаавихаарз бадивасад̇и.

    Te ubhopi janā satthari dharamāne kusalakammaṃ karitvā satthu parinibbutakāle sarīracetiye suvaṇṇapūjaṃ katvā tato cutā devaloke nibbattā. Tesaṃ devamanussesu saṃsarantānaṃyeva kappasatasahassaṃ atikkantaṃ. Tattha mahāpanthakassa antarā katakalyāṇakammaṃ na kathiyati, cūḷapanthako pana kassapabhagavato sāsane pabbajitvā vīsati vassasahassāni odātakasiṇakammaṃ katvā devapure nibbatti. Atha amhākaṃ satthā abhisambodhiṃ patvā pavattitavaradhammacakko rājagahaṃ upanissāya veḷuvanamahāvihāre paṭivasati.

    имасмим̣ таанз тад̇ваа имзсам̣ д̣̇виннам̣ ниб̣б̣ад̇д̇им̣ гат̇зд̇ум̣ ваддад̇и. рааж̇аг̇ахз гира д̇ханасздтигуласса д̇хийд̇аа ад̇д̇ано д̣̇аасзнзва сад̣̇д̇хим̣ сант̇авам̣ гад̇ваа ‘‘ан̃н̃зби мз имам̣ гаммам̣ ж̇аанзяяу’’нд̇и жинд̇зд̇ваа звамааха – ‘‘амхзхи имасмим̣ таанз васид̇ум̣ на саггаа, сажз мз маад̇аабид̇аро имам̣ д̣̇осам̣ ж̇ааниссанд̇и, кан̣д̣аакан̣д̣ам̣ гариссанд̇и, вид̣̇зсам̣ г̇анд̇ваа васиссаамаа’’д̇и хад̇т̇асаарам̣ г̇ахзд̇ваа аг̇г̇ад̣̇ваарзна нигкамид̇ваа ‘‘яад̇т̇а ваа д̇ад̇т̇а ваа ан̃н̃зхи аж̇аананадтаанам̣ г̇анд̇ваа васиссаамаа’’д̇и убхоби аг̇амам̣су.

    Imasmiṃ ṭhāne ṭhatvā imesaṃ dvinnaṃ nibbattiṃ kathetuṃ vaṭṭati. Rājagahe kira dhanaseṭṭhikulassa dhītā attano dāseneva saddhiṃ santhavaṃ katvā ‘‘aññepi me imaṃ kammaṃ jāneyyu’’nti cintetvā evamāha – ‘‘amhehi imasmiṃ ṭhāne vasituṃ na sakkā, sace me mātāpitaro imaṃ dosaṃ jānissanti, khaṇḍākhaṇḍaṃ karissanti, videsaṃ gantvā vasissāmā’’ti hatthasāraṃ gahetvā aggadvārena nikkhamitvā ‘‘yattha vā tattha vā aññehi ajānanaṭṭhānaṃ gantvā vasissāmā’’ti ubhopi agamaṃsu.

    д̇зсам̣ згасмим̣ таанз васанд̇аанам̣ сам̣ваасаманвааяа д̇ассаа гужчияам̣ г̇аб̣бхо бад̇идтааси. саа г̇аб̣бхасса барибаагам̣ ааг̇амма саамигзна сад̣̇д̇хим̣ манд̇зси – ‘‘г̇аб̣бхо мз барибаагам̣ г̇ад̇о, н̃аад̇имид̇д̇аад̣̇ивирахид̇з таанз г̇аб̣бхавудтаанам̣ наама убхиннамби амхаагам̣ д̣̇угкамзва, гулаг̇зхамзва г̇ажчаамаа’’д̇и. со ‘‘аж̇ж̇а г̇ажчаама, свз г̇ажчаамаа’’д̇и д̣̇ивасз ад̇иггамаабзси. саа жинд̇зси – ‘‘аяам̣ б̣аало ад̇д̇ано д̣̇осамаханд̇ааяа г̇анд̇ум̣ на уссахад̇и, маад̇аабид̇аро жа наама зганд̇ахид̇аа, аяам̣ г̇ажчад̇у ваа маа ваа, маяаа г̇анд̇ум̣ ваддад̇ий’’д̇и. д̇асмим̣ г̇зхаа нигканд̇з саа г̇зхз баригкаарам̣ бадисаамзд̇ваа ад̇д̇ано гулагхарам̣ г̇ад̇абхаавам̣ ананд̇араг̇зхаваасийнам̣ аарожзд̇ваа маг̇г̇ам̣ бадибаж̇ж̇и.

    Tesaṃ ekasmiṃ ṭhāne vasantānaṃ saṃvāsamanvāya tassā kucchiyaṃ gabbho patiṭṭhāsi. Sā gabbhassa paripākaṃ āgamma sāmikena saddhiṃ mantesi – ‘‘gabbho me paripākaṃ gato, ñātimittādivirahite ṭhāne gabbhavuṭṭhānaṃ nāma ubhinnampi amhākaṃ dukkhameva, kulagehameva gacchāmā’’ti. So ‘‘ajja gacchāma, sve gacchāmā’’ti divase atikkamāpesi. Sā cintesi – ‘‘ayaṃ bālo attano dosamahantāya gantuṃ na ussahati, mātāpitaro ca nāma ekantahitā, ayaṃ gacchatu vā mā vā, mayā gantuṃ vaṭṭatī’’ti. Tasmiṃ gehā nikkhante sā gehe parikkhāraṃ paṭisāmetvā attano kulagharaṃ gatabhāvaṃ anantaragehavāsīnaṃ ārocetvā maggaṃ paṭipajji.

    ат̇а со бурисо гхарам̣ ааг̇ад̇о д̇ам̣ ад̣̇исваа бадивиссагз бужчид̇ваа ‘‘гулагхарам̣ г̇ад̇аа’’д̇и суд̇ваа взг̇зна ануб̣анд̇хид̇ваа анд̇араамаг̇г̇з самбаабун̣и. д̇ассааби д̇ад̇т̇зва г̇аб̣бхавудтаанам̣ ахоси. со ‘‘гим̣ ид̣̇ам̣ бхад̣̇д̣̇з’’д̇и бужчи. саами зго буд̇д̇о ж̇аад̇од̇и. ид̣̇аани гим̣ гариссаамаад̇и? яасса ад̇т̇ааяа маяам̣ гулагхарам̣ г̇ажчаама, д̇ам̣ гаммам̣ анд̇араава нибпаннам̣, д̇ад̇т̇а г̇анд̇ваа гим̣ гариссаама, нивад̇д̇аамаад̇и д̣̇взби згажид̇д̇аа худ̇ваа нивад̇д̇им̣су. д̇асса д̣̇аарагасса жа бант̇з ж̇аад̇ад̇д̇аа бант̇агод̇и наамам̣ агам̣су. д̇ассаа нажирассзва абароби г̇аб̣бхо бад̇идтахи. саб̣б̣ам̣ буриманаязнзва вид̇т̇аарзд̇аб̣б̣ам̣. д̇ассаби д̣̇аарагасса бант̇з ж̇аад̇ад̇д̇аа батамаж̇аад̇асса махаабант̇агод̇и наамам̣ гад̇ваа бажчааж̇аад̇асса жуул̣абант̇агод̇и наамам̣ агам̣су.

    Atha so puriso gharaṃ āgato taṃ adisvā paṭivissake pucchitvā ‘‘kulagharaṃ gatā’’ti sutvā vegena anubandhitvā antarāmagge sampāpuṇi. Tassāpi tattheva gabbhavuṭṭhānaṃ ahosi. So ‘‘kiṃ idaṃ bhadde’’ti pucchi. Sāmi eko putto jātoti. Idāni kiṃ karissāmāti? Yassa atthāya mayaṃ kulagharaṃ gacchāma, taṃ kammaṃ antarāva nipphannaṃ, tattha gantvā kiṃ karissāma, nivattāmāti dvepi ekacittā hutvā nivattiṃsu. Tassa dārakassa ca panthe jātattā panthakoti nāmaṃ akaṃsu. Tassā nacirasseva aparopi gabbho patiṭṭhahi. Sabbaṃ purimanayeneva vitthāretabbaṃ. Tassapi dārakassa panthe jātattā paṭhamajātassa mahāpanthakoti nāmaṃ katvā pacchājātassa cūḷapanthakoti nāmaṃ akaṃsu.

    д̇з д̣̇взби д̣̇аарагз г̇ахзд̇ваа ад̇д̇ано васанадтаанамзва г̇ад̇аа. д̇зсам̣ д̇ад̇т̇а васанд̇аанам̣ аяам̣ махаабант̇агад̣̇аараго ан̃н̃з д̣̇аарагаж̇анз ‘‘жуул̣абид̇аа махаабид̇аа аяяаго аяяигаа’’д̇и вад̣̇анд̇з суд̇ваа маад̇арам̣ бадибужчи – ‘‘амма, ан̃н̃з д̣̇аарагаа гат̇знд̇и ‘аяяаго аяяигаа’д̇и, гим̣ амхаагам̣ н̃аад̇агаа над̇т̇ий’’д̇и? аама, д̇аад̇а, д̇умхаагам̣ зд̇т̇а н̃аад̇агаа над̇т̇и, рааж̇аг̇аханаг̇арз бана во д̇ханасздти наама аяяаго, д̇ад̇т̇а д̇умхаагам̣ б̣ахуу н̃аад̇агаад̇и. гасмаа д̇ад̇т̇а на г̇ажчат̇а аммаад̇и? саа ад̇д̇ано аг̇аманагааран̣ам̣ буд̇д̇асса агат̇зд̇ваа буд̇д̇зсу бунаббунам̣ гат̇знд̇зсу саамигамааха – ‘‘имз д̣̇аарагаа ад̇ивияа мам̣ гиламзнд̇и, гим̣ но маад̇аабид̇аро д̣̇исваа мам̣сам̣ каад̣̇иссанд̇и, зхи д̣̇аарагаанам̣ аяяагагулам̣ д̣̇ассзмаа’’д̇и. ахам̣ саммукаа бхавид̇ум̣ на сагкиссаами, д̇ам̣ бана наяиссаамийд̇и. ‘‘саад̇ху саами, язна гзнажи убааязна д̣̇аарагаанам̣ аяяагагуламзва д̣̇адтум̣ ваддад̇ий’’д̇и д̣̇взби ж̇анаа д̣̇аарагз аад̣̇ааяа анубуб̣б̣зна рааж̇аг̇ахам̣ бад̇ваа наг̇арад̣̇ваарз згиссаа саалааяа ниваасам̣ гад̇ваа д̣̇аарагамаад̇аа д̣̇вз д̣̇аарагз г̇ахзд̇ваа ааг̇ад̇абхаавам̣ маад̇аабид̇уунам̣ аарожаабзси.

    Te dvepi dārake gahetvā attano vasanaṭṭhānameva gatā. Tesaṃ tattha vasantānaṃ ayaṃ mahāpanthakadārako aññe dārakajane ‘‘cūḷapitā mahāpitā ayyako ayyikā’’ti vadante sutvā mātaraṃ paṭipucchi – ‘‘amma, aññe dārakā kathenti ‘ayyako ayyikā’ti, kiṃ amhākaṃ ñātakā natthī’’ti? Āma, tāta, tumhākaṃ ettha ñātakā natthi, rājagahanagare pana vo dhanaseṭṭhi nāma ayyako, tattha tumhākaṃ bahū ñātakāti. Kasmā tattha na gacchatha ammāti? Sā attano agamanakāraṇaṃ puttassa akathetvā puttesu punappunaṃ kathentesu sāmikamāha – ‘‘ime dārakā ativiya maṃ kilamenti, kiṃ no mātāpitaro disvā maṃsaṃ khādissanti, ehi dārakānaṃ ayyakakulaṃ dassemā’’ti. Ahaṃ sammukhā bhavituṃ na sakkhissāmi, taṃ pana nayissāmīti. ‘‘Sādhu sāmi, yena kenaci upāyena dārakānaṃ ayyakakulameva daṭṭhuṃ vaṭṭatī’’ti dvepi janā dārake ādāya anupubbena rājagahaṃ patvā nagaradvāre ekissā sālāya nivāsaṃ katvā dārakamātā dve dārake gahetvā āgatabhāvaṃ mātāpitūnaṃ ārocāpesi.

    д̇з д̇ам̣ саасанам̣ суд̇ваа сам̣саарз сам̣саранд̇аанам̣ на буд̇д̇о на д̇хийд̇аа наама над̇т̇и, д̇з амхаагам̣ махаабараад̇хигаа, на саггаа д̇зхи амхаагам̣ жагкубат̇з таад̇ум̣. зд̇д̇агам̣ бана д̇ханам̣ г̇ахзд̇ваа д̣̇взби ж̇анаа паасугадтаанам̣ г̇анд̇ваа ж̇ийванд̇у, д̣̇аарагз бана ид̇ха бзсзнд̇ууд̇и. сздтид̇хийд̇аа маад̇аабид̇уухи бзсид̇ам̣ д̇ханам̣ г̇ахзд̇ваа д̣̇аарагз ааг̇ад̇ад̣̇ууд̇аанам̣ хад̇т̇зязва д̣̇ад̇ваа бзсзси . д̣̇аарагаа аяяагагулз вад̣дханд̇и. д̇зсу жуул̣абант̇аго ад̇ид̣̇ахаро, махаабант̇аго бана аяяагзна сад̣̇д̇хим̣ д̣̇асаб̣аласса д̇хаммагат̇ам̣ сод̇ум̣ г̇ажчад̇и. д̇асса нижжам̣ сад̇т̇у саммукз д̇хаммам̣ сун̣анд̇асса баб̣б̣аж̇ж̇ааяа жид̇д̇ам̣ нами. со аяяагам̣ ааха – ‘‘сажз д̇умхз ануж̇аанзяяаат̇а, ахам̣ баб̣б̣аж̇ж̇зяяа’’нд̇и. ‘‘гим̣ вад̣̇зси, д̇аад̇а, маяхам̣ сагалалогассаби баб̣б̣аж̇ж̇ад̇о д̇авзва баб̣б̣аж̇ж̇аа бхад̣̇д̣̇игаа. сажз саггоси, баб̣б̣аж̇а, д̇аад̇аа’’д̇и самбадижчид̇ваа сад̇т̇у санд̇игам̣ г̇ад̇о. сад̇т̇аа ‘‘гим̣, махаасздти, д̣̇аараго д̇з лад̣̇д̇хо’’д̇и? ‘‘аама, бханд̇з, аяам̣ д̣̇аараго маяхам̣ над̇д̇аа, д̇умхаагам̣ санд̇игз баб̣б̣аж̇аамийд̇и вад̣̇ад̇ий’’д̇и ааха.

    Te taṃ sāsanaṃ sutvā saṃsāre saṃsarantānaṃ na putto na dhītā nāma natthi, te amhākaṃ mahāparādhikā, na sakkā tehi amhākaṃ cakkhupathe ṭhātuṃ. Ettakaṃ pana dhanaṃ gahetvā dvepi janā phāsukaṭṭhānaṃ gantvā jīvantu, dārake pana idha pesentūti. Seṭṭhidhītā mātāpitūhi pesitaṃ dhanaṃ gahetvā dārake āgatadūtānaṃ hattheyeva datvā pesesi . Dārakā ayyakakule vaḍḍhanti. Tesu cūḷapanthako atidaharo, mahāpanthako pana ayyakena saddhiṃ dasabalassa dhammakathaṃ sotuṃ gacchati. Tassa niccaṃ satthu sammukhe dhammaṃ suṇantassa pabbajjāya cittaṃ nami. So ayyakaṃ āha – ‘‘sace tumhe anujāneyyātha, ahaṃ pabbajjeyya’’nti. ‘‘Kiṃ vadesi, tāta, mayhaṃ sakalalokassapi pabbajjato taveva pabbajjā bhaddikā. Sace sakkosi, pabbaja, tātā’’ti sampaṭicchitvā satthu santikaṃ gato. Satthā ‘‘kiṃ, mahāseṭṭhi, dārako te laddho’’ti? ‘‘Āma, bhante, ayaṃ dārako mayhaṃ nattā, tumhākaṃ santike pabbajāmīti vadatī’’ti āha.

    сад̇т̇аа ан̃н̃ад̇арам̣ бин̣д̣ажааригам̣ ‘‘имам̣ д̣̇аарагам̣ баб̣б̣ааж̇зхий’’д̇и аан̣аабзси. т̇зро д̇асса д̇ажабан̃жагагаммадтаанам̣ аажигкид̇ваа баб̣б̣ааж̇зси. со б̣ахум̣ б̣уд̣̇д̇хаважанам̣ уг̇г̇ан̣хид̇ваа барибун̣н̣авассо убасамбад̣̇ам̣ лабхи. убасамбанно худ̇ваа яонисоманасигаарз гаммам̣ гаронд̇о жад̇уннам̣ аруубааважараж̇жхаанаанам̣ лаабхий худ̇ваа жхаанан̇г̇зхи вудтааяа арахад̇д̇ам̣ баабун̣и. ид̇и со сан̃н̃аавиваддагусалаанам̣ аг̇г̇о ж̇аад̇о. со жхаанасукзна паласукзна вийд̇инаамзнд̇о жинд̇зси – ‘‘саггаа ну ко имам̣ сукам̣ жуул̣абант̇агасса д̣̇аад̇у’’нд̇и. д̇ад̇о аяяагасздтисса санд̇игам̣ г̇анд̇ваа ‘‘махаасздти сажз д̇умхз самбадижчат̇а, ахам̣ жуул̣абант̇агам̣ баб̣б̣ааж̇зяяа’’нд̇и ааха. баб̣б̣ааж̇зт̇а, бханд̇зд̇и . т̇зро жуул̣абант̇агад̣̇аарагам̣ баб̣б̣ааж̇зд̇ваа д̣̇асасу сийлзсу бад̇идтаабзси. жуул̣абант̇агасааман̣зро бхаад̇игасса санд̇игз.

    Satthā aññataraṃ piṇḍacārikaṃ ‘‘imaṃ dārakaṃ pabbājehī’’ti āṇāpesi. Thero tassa tacapañcakakammaṭṭhānaṃ ācikkhitvā pabbājesi. So bahuṃ buddhavacanaṃ uggaṇhitvā paripuṇṇavasso upasampadaṃ labhi. Upasampanno hutvā yonisomanasikāre kammaṃ karonto catunnaṃ arūpāvacarajjhānānaṃ lābhī hutvā jhānaṅgehi vuṭṭhāya arahattaṃ pāpuṇi. Iti so saññāvivaṭṭakusalānaṃ aggo jāto. So jhānasukhena phalasukhena vītināmento cintesi – ‘‘sakkā nu kho imaṃ sukhaṃ cūḷapanthakassa dātu’’nti. Tato ayyakaseṭṭhissa santikaṃ gantvā ‘‘mahāseṭṭhi sace tumhe sampaṭicchatha, ahaṃ cūḷapanthakaṃ pabbājeyya’’nti āha. Pabbājetha, bhanteti . Thero cūḷapanthakadārakaṃ pabbājetvā dasasu sīlesu patiṭṭhāpesi. Cūḷapanthakasāmaṇero bhātikassa santike.

    ‘‘бад̣̇умам̣ яат̇аа гоганад̣̇ам̣ суг̇анд̇хам̣,

    ‘‘Padumaṃ yathā kokanadaṃ sugandhaṃ,

    баад̇о сияаа пулламавийд̇аг̇анд̇хам̣;

    Pāto siyā phullamavītagandhaṃ;

    ан̇г̇ийрасам̣ басса вирожамаанам̣,

    Aṅgīrasaṃ passa virocamānaṃ,

    д̇абанд̇амаад̣̇ижжамиванд̇алигкз’’д̇и. (сам̣. ни. 1.123; а. ни. 5.195) –

    Tapantamādiccamivantalikkhe’’ti. (saṃ. ni. 1.123; a. ni. 5.195) –

    имам̣ г̇аат̇ам̣ г̇ан̣хаад̇и. г̇ахид̇аг̇ахид̇абад̣̇ам̣ убаруубарибад̣̇ам̣ г̇ан̣ханд̇асса нассад̇и. д̇асса имам̣ г̇аат̇ам̣ г̇ахзд̇ум̣ вааяаманд̇ассзва жад̇д̇ааро маасаа ад̇игганд̇аа. ат̇а нам̣ махаабант̇аго ааха – ‘‘жуул̣абант̇ага, д̇вам̣ имасмим̣ саасанз абхаб̣б̣о, жад̇уухи маасзхи згаг̇аат̇амби г̇ахзд̇ум̣ на саггоси, баб̣б̣аж̇ид̇агижжам̣ бана д̇вам̣ гат̇ам̣ мад̇т̇агам̣ баабзссаси, нигкама ид̇о’’д̇и. со т̇зрзна бан̣аамид̇о вихаарабажжанд̇з род̣̇амаано адтааси.

    Imaṃ gāthaṃ gaṇhāti. Gahitagahitapadaṃ uparūparipadaṃ gaṇhantassa nassati. Tassa imaṃ gāthaṃ gahetuṃ vāyamantasseva cattāro māsā atikkantā. Atha naṃ mahāpanthako āha – ‘‘cūḷapanthaka, tvaṃ imasmiṃ sāsane abhabbo, catūhi māsehi ekagāthampi gahetuṃ na sakkosi, pabbajitakiccaṃ pana tvaṃ kathaṃ matthakaṃ pāpessasi, nikkhama ito’’ti. So therena paṇāmito vihārapaccante rodamāno aṭṭhāsi.

    д̇зна самаязна сад̇т̇аа рааж̇аг̇ахам̣ убаниссааяа ж̇ийвагамб̣аванз вихарад̇и. д̇асмим̣ самаяз ж̇ийваго бурисам̣ бзсзси ‘‘бан̃жахи бхигкусад̇зхи сад̣̇д̇хим̣ сад̇т̇аарам̣ ниманд̇зхий’’д̇и. д̇зна ко бана самаязна махаабант̇аго бхад̇д̇уд̣̇д̣̇зсаго ход̇и. со ‘‘бан̃жаннам̣ бхигкусад̇аанам̣ бхигкам̣ самбадижчат̇а, бханд̇з’’д̇и вуд̇д̇о ‘‘жуул̣абант̇агам̣ табзд̇ваа сзсаанам̣ самбадижчаамий’’д̇и ааха. жуул̣абант̇аго д̇ам̣ гат̇ам̣ суд̇ваа бхияяосомад̇д̇ааяа д̣̇оманассаббад̇д̇о ахоси. сад̇т̇аа жуул̣абант̇агасса кзд̣̇ам̣ д̣̇исваа ‘‘жуул̣абант̇аго маяи г̇ад̇з б̣уж̇жхиссад̇ий’’д̇и г̇анд̇ваа авид̣̇уурз таанз ад̇д̇аанам̣ д̣̇ассзд̇ваа ‘‘гим̣ д̇вам̣, бант̇ага, род̣̇асий’’д̇и ааха. бхаад̇аа мам̣, бханд̇з, бан̣аамзд̇ийд̇и. бант̇ага, д̇уяхам̣ бхаад̇игасса барабуг̇г̇алаанам̣ аасаяаанусаяан̃аан̣ам̣ над̇т̇и, д̇вам̣ б̣уд̣̇д̇хавзнзяяабуг̇г̇ало наамаад̇и ид̣̇д̇хияаа абхисан̇карид̇ваа суд̣̇д̇хам̣ жол̣акан̣д̣ам̣ ад̣̇ааси ‘‘имам̣ г̇ахзд̇ваа ‘раж̇охаран̣ам̣ раж̇охаран̣а’нд̇и вад̇ваа бхаавзхи бант̇агаа’’д̇и.

    Tena samayena satthā rājagahaṃ upanissāya jīvakambavane viharati. Tasmiṃ samaye jīvako purisaṃ pesesi ‘‘pañcahi bhikkhusatehi saddhiṃ satthāraṃ nimantehī’’ti. Tena kho pana samayena mahāpanthako bhattuddesako hoti. So ‘‘pañcannaṃ bhikkhusatānaṃ bhikkhaṃ sampaṭicchatha, bhante’’ti vutto ‘‘cūḷapanthakaṃ ṭhapetvā sesānaṃ sampaṭicchāmī’’ti āha. Cūḷapanthako taṃ kathaṃ sutvā bhiyyosomattāya domanassappatto ahosi. Satthā cūḷapanthakassa khedaṃ disvā ‘‘cūḷapanthako mayi gate bujjhissatī’’ti gantvā avidūre ṭhāne attānaṃ dassetvā ‘‘kiṃ tvaṃ, panthaka, rodasī’’ti āha. Bhātā maṃ, bhante, paṇāmetīti. Panthaka, tuyhaṃ bhātikassa parapuggalānaṃ āsayānusayañāṇaṃ natthi, tvaṃ buddhaveneyyapuggalo nāmāti iddhiyā abhisaṅkharitvā suddhaṃ coḷakhaṇḍaṃ adāsi ‘‘imaṃ gahetvā ‘rajoharaṇaṃ rajoharaṇa’nti vatvā bhāvehi panthakā’’ti.

    со сад̇т̇аараа д̣̇иннам̣ жол̣акан̣д̣ам̣ ‘‘раж̇охаран̣ам̣ раж̇охаран̣а’’нд̇и хад̇т̇зна баримаж̇ж̇анд̇о нисийд̣̇и. д̇асса баримаж̇ж̇анд̇асса ломаани гилидтад̇хаад̇угаани ж̇аад̇аани. буна баримаж̇ж̇анд̇асса угкалибарибун̃чанасад̣̇исам̣ ж̇аад̇ам̣. со н̃аан̣абарибаагам̣ ааг̇амма д̇ад̇т̇а каяаваяам̣ бадтабзд̇ваа жинд̇зси – ‘‘ид̣̇ам̣ жол̣акан̣д̣ам̣ багад̇ияаа бан̣д̣арам̣ барисуд̣̇д̇хам̣, убаад̣̇иннагасарийрам̣ ниссааяа гилидтам̣ ж̇аад̇ам̣, ид̣̇ам̣ жид̇д̇амби звам̣г̇ад̇игамзваа’’д̇и. самаад̇хим̣ бхаавзд̇ваа жад̇д̇аари руубааважараж̇жхаанаани баад̣̇агаани гад̇ваа саха бадисамбхид̣̇аахи арахад̇д̇ам̣ баабун̣и. со маномаяаж̇жхааналаабхий худ̇ваа зго худ̇ваа б̣ахуд̇хаа, б̣ахуд̇хаа худ̇ваа зго бхавид̇ум̣ самад̇т̇о ахоси. арахад̇д̇амаг̇г̇знзва жасса д̇збидаган̃жа ча абхин̃н̃аа жа ааг̇амим̣су.

    So satthārā dinnaṃ coḷakhaṇḍaṃ ‘‘rajoharaṇaṃ rajoharaṇa’’nti hatthena parimajjanto nisīdi. Tassa parimajjantassa lomāni kiliṭṭhadhātukāni jātāni. Puna parimajjantassa ukkhaliparipuñchanasadisaṃ jātaṃ. So ñāṇaparipākaṃ āgamma tattha khayavayaṃ paṭṭhapetvā cintesi – ‘‘idaṃ coḷakhaṇḍaṃ pakatiyā paṇḍaraṃ parisuddhaṃ, upādinnakasarīraṃ nissāya kiliṭṭhaṃ jātaṃ, idaṃ cittampi evaṃgatikamevā’’ti. Samādhiṃ bhāvetvā cattāri rūpāvacarajjhānāni pādakāni katvā saha paṭisambhidāhi arahattaṃ pāpuṇi. So manomayajjhānalābhī hutvā eko hutvā bahudhā, bahudhā hutvā eko bhavituṃ samattho ahosi. Arahattamaggeneva cassa tepiṭakañca cha abhiññā ca āgamiṃsu.

    бунад̣̇ивасз сад̇т̇аа згуунзхи бан̃жахи бхигкусад̇зхи сад̣̇д̇хим̣ г̇анд̇ваа ж̇ийвагасса нивзсанз нисийд̣̇и. жуул̣абант̇аго бана ад̇д̇ано бхигкааяа асамбадижчид̇ад̇д̇ааязва на г̇ад̇о. ж̇ийваго яааг̇ум̣ д̣̇аад̇ум̣ аарабхи, сад̇т̇аа хад̇т̇зна бад̇д̇ам̣ бид̣̇ахи. гасмаа, бханд̇з, на г̇ан̣хат̇аад̇и? вихаарз зго бхигку ад̇т̇и ж̇ийвагаад̇и . со бурисам̣ бахин̣и ‘‘г̇ажча, бхан̣з, вихаарз нисиннам̣ аяяам̣ г̇ахзд̇ваа зхий’’д̇и. жуул̣абант̇агад̇т̇зроби д̇асса бурисасса бурз ааг̇аманааязва бхигкусахассам̣ нимминид̇ваа згамби згзна асад̣̇исам̣, згассаби жа жийваравижааран̣аад̣̇исаман̣агаммам̣ ан̃н̃зна асад̣̇исам̣ агааси. со бурисо вихаарз бхигкуунам̣ б̣ахубхаавам̣ д̣̇исваа г̇анд̇ваа ж̇ийвагасса гат̇зси – ‘‘бханд̇з, имасмим̣ вихаарз бхигкусан̇гхо б̣ахуд̇аро, д̇ад̇о баггосид̇аб̣б̣ам̣ бхад̣̇анд̇ам̣ на ж̇аанаамий’’д̇и. ж̇ийваго сад̇т̇аарам̣ бадибужчи – ‘‘гонаамо, бханд̇з, вихаарз нисиннабхигкуу’’д̇и? жуул̣абант̇аго наама ж̇ийвагаад̇и. г̇ажча бхо ‘‘жуул̣абант̇аго наама гад̇аро’’д̇и бужчид̇ваа аанзхийд̇и. со вихаарам̣ г̇анд̇ваа ‘‘жуул̣абант̇аго наама, бханд̇з, гад̇аро’’д̇и бужчи. ‘‘ахам̣ жуул̣абант̇аго ахам̣ жуул̣абант̇аго’’д̇и бхигкусахассамби гат̇зси. со бунааг̇анд̇ваа ж̇ийвагасса гат̇зси ‘‘сахассамад̇д̇аа бхигкуу саб̣б̣зби ‘ахам̣ жуул̣абант̇аго ахам̣ жуул̣абант̇аго’д̇и гат̇знд̇и, ахам̣ ‘асуго наама баггосид̇аб̣б̣о’д̇и на ж̇аанаамий’’д̇и. ж̇ийвагоби бадивид̣̇д̇хасажжад̇ааяа ‘‘ид̣̇д̇химаа бхигкуу’’д̇и наяад̇о н̃ад̇ваа ‘‘батамам̣ гат̇анабхигкумзва ‘д̇умхз сад̇т̇аа баггосад̇ий’д̇и вад̇ваа жийвараган̣н̣з г̇ан̣ха д̇аад̇аа’’д̇и ааха. со вихаарам̣ г̇анд̇ваа д̇ат̇аа агааси, д̇аавад̣̇зва сахассамад̇д̇аа бхигкуу анд̇арад̇хааяим̣су. со т̇зрам̣ г̇ахзд̇ваа аг̇амааси. сад̇т̇аа д̇асмим̣ кан̣з яааг̇ум̣ г̇ан̣хи.

    Punadivase satthā ekūnehi pañcahi bhikkhusatehi saddhiṃ gantvā jīvakassa nivesane nisīdi. Cūḷapanthako pana attano bhikkhāya asampaṭicchitattāyeva na gato. Jīvako yāguṃ dātuṃ ārabhi, satthā hatthena pattaṃ pidahi. Kasmā, bhante, na gaṇhathāti? Vihāre eko bhikkhu atthi jīvakāti . So purisaṃ pahiṇi ‘‘gaccha, bhaṇe, vihāre nisinnaṃ ayyaṃ gahetvā ehī’’ti. Cūḷapanthakattheropi tassa purisassa pure āgamanāyeva bhikkhusahassaṃ nimminitvā ekampi ekena asadisaṃ, ekassapi ca cīvaravicāraṇādisamaṇakammaṃ aññena asadisaṃ akāsi. So puriso vihāre bhikkhūnaṃ bahubhāvaṃ disvā gantvā jīvakassa kathesi – ‘‘bhante, imasmiṃ vihāre bhikkhusaṅgho bahutaro, tato pakkositabbaṃ bhadantaṃ na jānāmī’’ti. Jīvako satthāraṃ paṭipucchi – ‘‘konāmo, bhante, vihāre nisinnabhikkhū’’ti? Cūḷapanthako nāma jīvakāti. Gaccha bho ‘‘cūḷapanthako nāma kataro’’ti pucchitvā ānehīti. So vihāraṃ gantvā ‘‘cūḷapanthako nāma, bhante, kataro’’ti pucchi. ‘‘Ahaṃ cūḷapanthako ahaṃ cūḷapanthako’’ti bhikkhusahassampi kathesi. So punāgantvā jīvakassa kathesi ‘‘sahassamattā bhikkhū sabbepi ‘ahaṃ cūḷapanthako ahaṃ cūḷapanthako’ti kathenti, ahaṃ ‘asuko nāma pakkositabbo’ti na jānāmī’’ti. Jīvakopi paṭividdhasaccatāya ‘‘iddhimā bhikkhū’’ti nayato ñatvā ‘‘paṭhamaṃ kathanabhikkhumeva ‘tumhe satthā pakkosatī’ti vatvā cīvarakaṇṇe gaṇha tātā’’ti āha. So vihāraṃ gantvā tathā akāsi, tāvadeva sahassamattā bhikkhū antaradhāyiṃsu. So theraṃ gahetvā agamāsi. Satthā tasmiṃ khaṇe yāguṃ gaṇhi.

    д̣̇асаб̣алз бхад̇д̇агижжам̣ гад̇ваа вихаарам̣ г̇ад̇з д̇хаммасабхааяам̣ гат̇аа уд̣̇абаад̣̇и ‘‘яаава маханд̇аа вад̇а б̣уд̣̇д̇хаа наама жад̇д̇ааро маасз згаг̇аат̇ам̣ г̇ан̣хид̇ум̣ асаггонд̇ам̣ бхигкум̣ звам̣махид̣̇д̇хигам̣ агам̣суу’’д̇и. сад̇т̇аа д̇зсам̣ бхигкуунам̣ жид̇д̇аажаарам̣ н̃ад̇ваа г̇анд̇ваа бан̃н̃ад̇д̇аасанз нисаж̇ж̇а ‘‘гим̣ вад̣̇зт̇а, бхигкавз’’д̇и бужчи. на бхаг̇аваа ан̃н̃ам̣ гин̃жи гат̇зма, жуул̣абант̇агзна д̇умхаагам̣ санд̇игаа махаалаабхо лад̣̇д̇ход̇и д̇умхаагам̣язва г̇ун̣ам̣ гат̇змаад̇и. анажчарияам̣, бхигкавз, ид̣̇аани маяхам̣ оваад̣̇ам̣ гад̇ваа логуд̇д̇арад̣̇ааяаж̇ж̇алаабхо, аяам̣ ад̇ийд̇зби абарибагган̃аан̣з тид̇асса маяхам̣ оваад̣̇ам̣ гад̇ваа логияад̣̇ааяаж̇ж̇ам̣ лабхийд̇и. бхигкуу ‘‘гад̣̇аа, бханд̇з’’д̇и ааяаажим̣су. сад̇т̇аа д̇зсам̣ бхигкуунам̣ ад̇ийд̇ам̣ аахарид̇ваа д̣̇ассзси.

    Dasabale bhattakiccaṃ katvā vihāraṃ gate dhammasabhāyaṃ kathā udapādi ‘‘yāva mahantā vata buddhā nāma cattāro māse ekagāthaṃ gaṇhituṃ asakkontaṃ bhikkhuṃ evaṃmahiddhikaṃ akaṃsū’’ti. Satthā tesaṃ bhikkhūnaṃ cittācāraṃ ñatvā gantvā paññattāsane nisajja ‘‘kiṃ vadetha, bhikkhave’’ti pucchi. Na bhagavā aññaṃ kiñci kathema, cūḷapanthakena tumhākaṃ santikā mahālābho laddhoti tumhākaṃyeva guṇaṃ kathemāti. Anacchariyaṃ, bhikkhave, idāni mayhaṃ ovādaṃ katvā lokuttaradāyajjalābho, ayaṃ atītepi aparipakkañāṇe ṭhitassa mayhaṃ ovādaṃ katvā lokiyadāyajjaṃ labhīti. Bhikkhū ‘‘kadā, bhante’’ti āyāciṃsu. Satthā tesaṃ bhikkhūnaṃ atītaṃ āharitvā dassesi.

    бхигкавз, ад̇ийд̇з б̣аараан̣асийнаг̇арз б̣рахмад̣̇ад̇д̇о наама рааж̇аа раж̇ж̇ам̣ гаарзси. д̇асмим̣ самаяз жуул̣агасздти наама бан̣д̣ид̇о б̣яад̇д̇о саб̣б̣анимид̇д̇аани ж̇аанаад̇и. со згад̣̇ивасам̣ рааж̇уубадтаанам̣ г̇ажчанд̇о анд̇аравийт̇ияам̣ мад̇амуусигам̣ д̣̇исваа д̇асмим̣ кан̣з нагкад̇д̇ам̣ самаанзд̇ваа ид̣̇амааха – ‘‘саггаа жагкумад̇аа гулабуд̇д̇зна имам̣ унд̣̇уурам̣ г̇ахзд̇ваа д̣̇аарабхаран̣ан̃жа гаад̇ум̣ гамманд̇з жа баяож̇зд̇у’’нд̇и. ан̃н̃ад̇аро д̣̇уг̇г̇ад̇агулабуд̇д̇о д̇ам̣ сздтисса важанам̣ суд̇ваа ‘‘нааяам̣ аж̇аанид̇ваа гат̇зссад̇ий’’д̇и муусигам̣ г̇ахзд̇ваа згасмим̣ аабан̣з б̣ил̣аарассад̇т̇ааяа д̣̇ад̇ваа гааган̣игам̣ лабхи. д̇ааяа гааган̣игааяа паан̣ид̇ам̣ гин̣ид̇ваа згзна гудзна баанийяам̣ г̇ан̣хид̇ваа аран̃н̃ад̇о ааг̇ажчанд̇з маалаагаарз д̣̇исваа т̇огам̣ т̇огам̣ паан̣ид̇акан̣д̣ам̣ д̣̇ад̇ваа ул̣ун̇гзна баанийяам̣ ад̣̇ааси. д̇з д̇асса згзгам̣ бубпамудтим̣ ад̣̇ам̣су. со д̇зна бубпамуулзна бунад̣̇ивасзби паан̣ид̇ан̃жа баанийяагхадан̃жа г̇ахзд̇ваа бубпаараамамзва г̇ад̇о. д̇асса д̇ам̣д̣̇ивасам̣ маалаагаараа ад̣дхаожид̇агз бубпаг̇ажчз д̣̇ад̇ваа аг̇амам̣су. со нажирассзва иминаа убааязна адта гахаабан̣з лабхи.

    Bhikkhave, atīte bārāṇasīnagare brahmadatto nāma rājā rajjaṃ kāresi. Tasmiṃ samaye cūḷakaseṭṭhi nāma paṇḍito byatto sabbanimittāni jānāti. So ekadivasaṃ rājūpaṭṭhānaṃ gacchanto antaravīthiyaṃ matamūsikaṃ disvā tasmiṃ khaṇe nakkhattaṃ samānetvā idamāha – ‘‘sakkā cakkhumatā kulaputtena imaṃ undūraṃ gahetvā dārabharaṇañca kātuṃ kammante ca payojetu’’nti. Aññataro duggatakulaputto taṃ seṭṭhissa vacanaṃ sutvā ‘‘nāyaṃ ajānitvā kathessatī’’ti mūsikaṃ gahetvā ekasmiṃ āpaṇe biḷārassatthāya datvā kākaṇikaṃ labhi. Tāya kākaṇikāya phāṇitaṃ kiṇitvā ekena kuṭena pānīyaṃ gaṇhitvā araññato āgacchante mālākāre disvā thokaṃ thokaṃ phāṇitakhaṇḍaṃ datvā uḷuṅkena pānīyaṃ adāsi. Te tassa ekekaṃ pupphamuṭṭhiṃ adaṃsu. So tena pupphamūlena punadivasepi phāṇitañca pānīyaghaṭañca gahetvā pupphārāmameva gato. Tassa taṃdivasaṃ mālākārā aḍḍhaocitake pupphagacche datvā agamaṃsu. So nacirasseva iminā upāyena aṭṭha kahāpaṇe labhi.

    буна згасмим̣ ваад̇авудтид̣̇ивасз чад̣д̣ид̇ауяяаанам̣ г̇анд̇ваа бад̇ид̇ад̣̇ааруунам̣ раасим̣ гад̇ваа нисинно рааж̇агумбхагаарасса санд̇игаа сол̣аса гахаабан̣з лабхи. со жад̇увийсад̇ияаа гахаабан̣зсу ж̇аад̇зсу ‘‘ад̇т̇и аяам̣ убааяо маяха’’нд̇и наг̇арад̣̇ваарад̇о авид̣̇уурз таанз згам̣ баанийяажаадим̣ табзд̇ваа бан̃жасад̇з д̇ин̣ахаарагз баанийязна убадтахи. д̇з аахам̣су – ‘‘д̇вам̣, самма, амхаагам̣ б̣ахубагааро, гим̣ д̇з гаромаа’’д̇и? соби ‘‘маяхам̣ гижжз уббаннз гариссат̇аа’’д̇и вад̇ваа ид̇о жид̇о жа вижаранд̇о т̇алабат̇агаммигзна жа ж̇алабат̇агаммигзна жа сад̣̇д̇хим̣ мид̇д̇асант̇авам̣ агааси. д̇асса т̇алабат̇агаммиго ‘‘свз имам̣ наг̇арам̣ ассаваан̣иж̇аго бан̃жа ассасад̇аани г̇ахзд̇ваа ааг̇амиссад̇ий’’д̇и аажигки. со д̇асса важанам̣ суд̇ваа д̇ин̣ахаарагаанам̣ сан̃н̃ам̣ д̣̇ад̇ваа згзгам̣ д̇ин̣агалаабам̣ д̣̇иг̇ун̣ам̣ гад̇ваа аахараабзси. ат̇а со ассаанам̣ наг̇арам̣ бавидтавзлааяа д̇ин̣агалаабасахассам̣ анд̇арад̣̇ваарз раасим̣ гад̇ваа нисийд̣̇и. ассаваан̣иж̇о сагаланаг̇арз ассаанам̣ жаарим̣ алабхид̇ваа д̇асса сахассам̣ д̣̇ад̇ваа д̇ам̣ д̇ин̣ам̣ г̇ан̣хи.

    Puna ekasmiṃ vātavuṭṭhidivase chaḍḍitauyyānaṃ gantvā patitadārūnaṃ rāsiṃ katvā nisinno rājakumbhakārassa santikā soḷasa kahāpaṇe labhi. So catuvīsatiyā kahāpaṇesu jātesu ‘‘atthi ayaṃ upāyo mayha’’nti nagaradvārato avidūre ṭhāne ekaṃ pānīyacāṭiṃ ṭhapetvā pañcasate tiṇahārake pānīyena upaṭṭhahi. Te āhaṃsu – ‘‘tvaṃ, samma, amhākaṃ bahupakāro, kiṃ te karomā’’ti? Sopi ‘‘mayhaṃ kicce uppanne karissathā’’ti vatvā ito cito ca vicaranto thalapathakammikena ca jalapathakammikena ca saddhiṃ mittasanthavaṃ akāsi. Tassa thalapathakammiko ‘‘sve imaṃ nagaraṃ assavāṇijako pañca assasatāni gahetvā āgamissatī’’ti ācikkhi. So tassa vacanaṃ sutvā tiṇahārakānaṃ saññaṃ datvā ekekaṃ tiṇakalāpaṃ diguṇaṃ katvā āharāpesi. Atha so assānaṃ nagaraṃ paviṭṭhavelāya tiṇakalāpasahassaṃ antaradvāre rāsiṃ katvā nisīdi. Assavāṇijo sakalanagare assānaṃ cāriṃ alabhitvā tassa sahassaṃ datvā taṃ tiṇaṃ gaṇhi.

    д̇ад̇о гад̇ибаахажжаязнасса самуд̣̇д̣̇агаммигасахааяаго аарожзси ‘‘бадданам̣ махаанааваа ааг̇ад̇аа’’д̇и. со ‘‘ад̇т̇и аяам̣ убааяо’’д̇и адтахи гахаабан̣зхи саб̣б̣абариваарасамбаннам̣ д̇аавагаалигам̣ рат̇ам̣ г̇ахзд̇ваа нааваабадданам̣ г̇анд̇ваа згам̣ ан̇г̇улимуд̣̇д̣̇игам̣ наавигасса сажжагаарам̣ д̣̇ад̇ваа авид̣̇уурз таанз саан̣им̣ баригкибаабзд̇ваа д̇ад̇т̇а нисинно бурисз аан̣аабзси ‘‘б̣аахирагзсу ваан̣иж̇зсу ааг̇ад̇зсу д̇ад̇иязна бадихаарзна аарожзт̇аа’’д̇и. ‘‘нааваа ааг̇ад̇аа’’д̇и суд̇ваа б̣аараан̣асид̇о сад̇амад̇д̇аа ваан̣иж̇аа ‘‘бхан̣д̣ам̣ г̇ан̣хаамаа’’д̇и ааг̇амам̣су. бхан̣д̣ам̣ д̇умхз на лабхиссат̇а, асугадтаанз наама махааваан̣иж̇зна сажжагааро д̣̇иннод̇и. д̇з д̇зсам̣ суд̇ваа д̇асса санд̇игам̣ ааг̇ад̇аа, баад̣̇амуулигабурисаа буримасан̃н̃аавасзна д̇ад̇иязна баадихаарзна д̇зсам̣ ааг̇ад̇абхаавам̣ аарожзсум̣. д̇з сад̇амад̇д̇ааби ваан̣иж̇аа згзгам̣ сахассам̣ д̣̇ад̇ваа д̇зна сад̣̇д̇хим̣ наавааяа бад̇д̇игаа худ̇ваа буна згзгам̣ сахассам̣ д̣̇ад̇ваа бад̇д̇им̣ виссаж̇ж̇аабзд̇ваа бхан̣д̣ам̣ ад̇д̇ано санд̇агам̣ агам̣су. со бурисо д̣̇вз сад̇асахассаани г̇ахзд̇ваа б̣аараан̣асим̣ ааг̇анд̇ваа ‘‘гад̇ан̃н̃унаа бхавид̇ум̣ ваддад̇ий’’д̇и згам̣ сад̇асахассам̣ г̇ахзд̇ваа жуул̣асздтисса санд̇игам̣ г̇ад̇о.

    Tato katipāhaccayenassa samuddakammikasahāyako ārocesi ‘‘paṭṭanaṃ mahānāvā āgatā’’ti. So ‘‘atthi ayaṃ upāyo’’ti aṭṭhahi kahāpaṇehi sabbaparivārasampannaṃ tāvakālikaṃ rathaṃ gahetvā nāvāpaṭṭanaṃ gantvā ekaṃ aṅgulimuddikaṃ nāvikassa saccakāraṃ datvā avidūre ṭhāne sāṇiṃ parikkhipāpetvā tattha nisinno purise āṇāpesi ‘‘bāhirakesu vāṇijesu āgatesu tatiyena paṭihārena ārocethā’’ti. ‘‘Nāvā āgatā’’ti sutvā bārāṇasito satamattā vāṇijā ‘‘bhaṇḍaṃ gaṇhāmā’’ti āgamaṃsu. Bhaṇḍaṃ tumhe na labhissatha, asukaṭṭhāne nāma mahāvāṇijena saccakāro dinnoti. Te tesaṃ sutvā tassa santikaṃ āgatā, pādamūlikapurisā purimasaññāvasena tatiyena pāṭihārena tesaṃ āgatabhāvaṃ ārocesuṃ. Te satamattāpi vāṇijā ekekaṃ sahassaṃ datvā tena saddhiṃ nāvāya pattikā hutvā puna ekekaṃ sahassaṃ datvā pattiṃ vissajjāpetvā bhaṇḍaṃ attano santakaṃ akaṃsu. So puriso dve satasahassāni gahetvā bārāṇasiṃ āgantvā ‘‘kataññunā bhavituṃ vaṭṭatī’’ti ekaṃ satasahassaṃ gahetvā cūḷaseṭṭhissa santikaṃ gato.

    ат̇а д̇ам̣ жуул̣асздти ‘‘гим̣ д̇з, д̇аад̇а, гад̇ваа ид̣̇ам̣ д̇ханам̣ лад̣̇д̇ха’’нд̇и бужчи. со ‘‘д̇умхзхи гат̇ид̇аубааяз тад̇ваа жад̇умаасаб̣бханд̇арзязва лад̣̇д̇ха’’нд̇и ааха. сздти д̇асса важанам̣ суд̇ваа ‘‘ид̣̇аани зваруубам̣ д̣̇аарагам̣ барасанд̇агам̣ гаад̇ум̣ на ваддад̇ий’’д̇и ваяаббад̇д̇ам̣ д̇хийд̇арам̣ д̣̇ад̇ваа сагалагудумб̣асса саамигам̣ агааси. соби гулабуд̇д̇о сздтино ажжаязна д̇асмим̣ наг̇арз сздтидтаанам̣ г̇ахзд̇ваа яаавад̇ааяугам̣ тад̇ваа яат̇аагаммам̣ г̇ад̇о. сад̇т̇аа д̣̇вз вад̇т̇ууни гат̇зд̇ваа анусанд̇хим̣ гхадзд̇ваа абхисамб̣уд̣̇д̇хагаалз имам̣ г̇аат̇амааха –

    Atha taṃ cūḷaseṭṭhi ‘‘kiṃ te, tāta, katvā idaṃ dhanaṃ laddha’’nti pucchi. So ‘‘tumhehi kathitaupāye ṭhatvā catumāsabbhantareyeva laddha’’nti āha. Seṭṭhi tassa vacanaṃ sutvā ‘‘idāni evarūpaṃ dārakaṃ parasantakaṃ kātuṃ na vaṭṭatī’’ti vayappattaṃ dhītaraṃ datvā sakalakuṭumbassa sāmikaṃ akāsi. Sopi kulaputto seṭṭhino accayena tasmiṃ nagare seṭṭhiṭṭhānaṃ gahetvā yāvatāyukaṃ ṭhatvā yathākammaṃ gato. Satthā dve vatthūni kathetvā anusandhiṃ ghaṭetvā abhisambuddhakāle imaṃ gāthamāha –

    ‘‘аббагзнаби мзд̇хаавий, баабхад̇зна вижагкан̣о;

    ‘‘Appakenapi medhāvī, pābhatena vicakkhaṇo;

    самудтаабзд̇и ад̇д̇аанам̣, ан̣ум̣ аг̇г̇им̣ва санд̇хама’’нд̇и. (ж̇аа. 1.1.4);

    Samuṭṭhāpeti attānaṃ, aṇuṃ aggiṃva sandhama’’nti. (jā. 1.1.4);

    ид̇и сад̇т̇аа д̇хаммасабхааяам̣ саннисиннаанам̣ имам̣ гааран̣ам̣ д̣̇ассзси. аяам̣ д̣̇виннамби махаасаавагаанам̣ буб̣б̣абад̇т̇анад̇о бадтааяа анубуб̣б̣игат̇аа. абарабхааг̇з бана сад̇т̇аа арияаг̇ан̣абаривуд̇о д̇хаммаасанз нисинно маномаяам̣ гааяам̣ абхинимминанд̇аанам̣ жзд̇овиваддагусалаанан̃жа жуул̣абант̇агад̇т̇зрам̣ аг̇г̇адтаанз табзси, сан̃н̃аавиваддагусалаанам̣ махаабант̇аганд̇и.

    Iti satthā dhammasabhāyaṃ sannisinnānaṃ imaṃ kāraṇaṃ dassesi. Ayaṃ dvinnampi mahāsāvakānaṃ pubbapatthanato paṭṭhāya anupubbikathā. Aparabhāge pana satthā ariyagaṇaparivuto dhammāsane nisinno manomayaṃ kāyaṃ abhinimminantānaṃ cetovivaṭṭakusalānañca cūḷapanthakattheraṃ aggaṭṭhāne ṭhapesi, saññāvivaṭṭakusalānaṃ mahāpanthakanti.

    субхууд̇ид̇т̇зравад̇т̇у

    Subhūtittheravatthu

    201. д̇ад̇ияз аран̣авихаарийнанд̇и ниггилзсавихаарийнам̣. ран̣анд̇и хи рааг̇аад̣̇аяо гилзсаа вужжанд̇и, д̇зсам̣ абхаавзна ниггилзсавихааро аран̣авихааро наама. со язсам̣ ад̇т̇и, д̇з аран̣авихаарино. д̇зсам̣ аран̣авихаарийнам̣ субхууд̇ид̇т̇зро аг̇г̇од̇и. гин̃жааби хи ан̃н̃зби кийн̣аасаваа аран̣авихааринова, т̇зрзна бана д̇хаммад̣̇зсанааяа зд̇ам̣ наамам̣ лад̣̇д̇хам̣. ан̃н̃з хи бхигкуу д̇хаммам̣ д̣̇зсзнд̇о уд̣̇д̣̇иссагам̣ гад̇ваа ван̣н̣ам̣ ваа аван̣н̣ам̣ ваа гат̇знд̇и, т̇зро бана д̇хаммам̣ д̣̇зсзнд̇о сад̇т̇аараа д̣̇зсид̇анияаамад̇о аноггамид̇ваа д̣̇зсзд̇и, д̇асмаа аран̣авихаарийнам̣ аг̇г̇о наама ж̇аад̇о.

    201. Tatiye araṇavihārīnanti nikkilesavihārīnaṃ. Raṇanti hi rāgādayo kilesā vuccanti, tesaṃ abhāvena nikkilesavihāro araṇavihāro nāma. So yesaṃ atthi, te araṇavihārino. Tesaṃ araṇavihārīnaṃ subhūtitthero aggoti. Kiñcāpi hi aññepi khīṇāsavā araṇavihārinova, therena pana dhammadesanāya etaṃ nāmaṃ laddhaṃ. Aññe hi bhikkhū dhammaṃ desento uddissakaṃ katvā vaṇṇaṃ vā avaṇṇaṃ vā kathenti, thero pana dhammaṃ desento satthārā desitaniyāmato anokkamitvā deseti, tasmā araṇavihārīnaṃ aggo nāma jāto.

    202. жад̇уд̇т̇з д̣̇агкин̣зяяаананд̇и д̣̇агкин̣аарахаанам̣. д̇ад̇т̇а гин̃жааби ан̃н̃зби кийн̣аасаваа аг̇г̇ад̣̇агкин̣зяяаа, т̇зро бана бин̣д̣ааяа жаранд̇о гхарз гхарз мзд̇д̇аажхаанам̣ самаабаж̇ж̇ид̇ваа самаабад̇д̇ид̇о вудтааяа бхигкам̣ г̇ан̣хаад̇и ‘‘звам̣ бхигкаад̣̇ааяагаанам̣ махабпалам̣ бхависсад̇ий’’д̇и. д̇асмаа д̣̇агкин̣зяяаанам̣ аг̇г̇од̇и вуд̇д̇о. ад̇д̇абхааво банасса сусамид̣̇д̇хо, алан̇гад̇ад̇оран̣ам̣ вияа жид̇д̇абадо вияа жа ад̇ивияа вирожад̇и. д̇асмаа субхууд̇ийд̇и вужжад̇и.

    202. Catutthe dakkhiṇeyyānanti dakkhiṇārahānaṃ. Tattha kiñcāpi aññepi khīṇāsavā aggadakkhiṇeyyā, thero pana piṇḍāya caranto ghare ghare mettājhānaṃ samāpajjitvā samāpattito vuṭṭhāya bhikkhaṃ gaṇhāti ‘‘evaṃ bhikkhādāyakānaṃ mahapphalaṃ bhavissatī’’ti. Tasmā dakkhiṇeyyānaṃ aggoti vutto. Attabhāvo panassa susamiddho, alaṅkatatoraṇaṃ viya cittapaṭo viya ca ativiya virocati. Tasmā subhūtīti vuccati.

    д̇асса бан̃хагаммз аяаманубуб̣б̣игат̇аа – аяам̣ гира бад̣̇умуд̇д̇арз бхаг̇авад̇и ануббаннзязва хам̣савад̇ийнаг̇арз б̣раахман̣амахаасаалагулз ниб̣б̣ад̇д̇и, нанд̣̇амаан̣авод̇исса наамам̣ агам̣су. со ваяаббад̇д̇о д̇аяо взд̣̇з уг̇г̇ан̣хид̇ваа д̇ад̇т̇а саарам̣ абассанд̇о ад̇д̇ано бариваарзхи жад̇ужад̇д̇аалийсааяа маан̣авагасахассзхи сад̣̇д̇хим̣ баб̣б̣ад̇абаад̣̇з исибаб̣б̣аж̇ж̇ам̣ баб̣б̣аж̇ид̇ваа бан̃жа абхин̃н̃аа адта самаабад̇д̇ияо ниб̣б̣ад̇д̇зси, анд̇зваасигзби жхааналаабхино агааси.

    Tassa pañhakamme ayamanupubbikathā – ayaṃ kira padumuttare bhagavati anuppanneyeva haṃsavatīnagare brāhmaṇamahāsālakule nibbatti, nandamāṇavotissa nāmaṃ akaṃsu. So vayappatto tayo vede uggaṇhitvā tattha sāraṃ apassanto attano parivārehi catucattālīsāya māṇavakasahassehi saddhiṃ pabbatapāde isipabbajjaṃ pabbajitvā pañca abhiññā aṭṭha samāpattiyo nibbattesi, antevāsikepi jhānalābhino akāsi.

    д̇асмим̣ самаяз бад̣̇умуд̇д̇аро бхаг̇аваа логз ниб̣б̣ад̇д̇ид̇ваа хам̣савад̇ийнаг̇арам̣ убаниссааяа вихаранд̇о згад̣̇ивасам̣ бажжуусасамаяз логам̣ ологзнд̇о нанд̣̇ад̇аабасасса анд̇зваасигаанам̣ ж̇адилаанам̣ арахад̇д̇уубаниссаяам̣ нанд̣̇ад̇аабасасса жа д̣̇вийхан̇г̇зхи саманнааг̇ад̇асса саавагасса таананд̇арабад̇т̇анам̣ д̣̇исваа баад̇ова сарийрабадиж̇аг̇г̇анам̣ гад̇ваа буб̣б̣ан̣хасамаяам̣ бад̇д̇ажийварамаад̣̇ааяа саарибуд̇д̇ад̇т̇зрасса вад̇т̇умхи вуд̇д̇анаязнзва нанд̣̇ад̇аабасасса ассамам̣ аг̇амааси. д̇ад̇т̇а палаапалад̣̇аанан̃жа бубпаасанабан̃н̃аабанан̃жа нирод̇хасамаабад̇д̇исамаабаж̇ж̇анан̃жа вуд̇д̇анаязнзва взд̣̇ид̇аб̣б̣ам̣.

    Tasmiṃ samaye padumuttaro bhagavā loke nibbattitvā haṃsavatīnagaraṃ upanissāya viharanto ekadivasaṃ paccūsasamaye lokaṃ olokento nandatāpasassa antevāsikānaṃ jaṭilānaṃ arahattūpanissayaṃ nandatāpasassa ca dvīhaṅgehi samannāgatassa sāvakassa ṭhānantarapatthanaṃ disvā pātova sarīrapaṭijagganaṃ katvā pubbaṇhasamayaṃ pattacīvaramādāya sāriputtattherassa vatthumhi vuttanayeneva nandatāpasassa assamaṃ agamāsi. Tattha phalāphaladānañca pupphāsanapaññāpanañca nirodhasamāpattisamāpajjanañca vuttanayeneva veditabbaṃ.

    сад̇т̇аа бана нирод̇хаа вудтид̇о аран̣авихаариан̇г̇зна жа д̣̇агкин̣зяяан̇г̇зна жаад̇и д̣̇вийхан̇г̇зхи саманнааг̇ад̇ам̣ згам̣ саавагам̣ ‘‘исиг̇ан̣асса бубпаасанаанумод̣̇анам̣ гарохий’’д̇и аан̣аабзси. со ад̇д̇ано висаяз тад̇ваа д̇збидагам̣ саммасид̇ваа анумод̣̇анам̣ агааси. д̇асса д̣̇зсанаавасаанз сад̇т̇аа саяам̣ д̇хаммам̣ д̣̇зсзси. д̣̇зсанаабарияосаанз саб̣б̣з жад̇ужад̇д̇аалийсасахассааби д̇аабасаа арахад̇д̇ам̣ баабун̣им̣су. нанд̣̇ад̇аабасо бана анумод̣̇агасса бхигкуно нимид̇д̇ам̣ г̇ан̣хид̇ваа сад̇т̇у д̣̇зсанаанусаарзна н̃аан̣ам̣ бзсзд̇ум̣ наасагки. сад̇т̇аа ‘‘зт̇а, бхигкаво’’д̇и сзсабхигкуунам̣ хад̇т̇ам̣ басаарзси. саб̣б̣зби анд̇арахид̇агзсамассуу ид̣̇д̇химаяабаригкаараа вассасадтигад̇т̇зраа вияа ахзсум̣.

    Satthā pana nirodhā vuṭṭhito araṇavihāriaṅgena ca dakkhiṇeyyaṅgena cāti dvīhaṅgehi samannāgataṃ ekaṃ sāvakaṃ ‘‘isigaṇassa pupphāsanānumodanaṃ karohī’’ti āṇāpesi. So attano visaye ṭhatvā tepiṭakaṃ sammasitvā anumodanaṃ akāsi. Tassa desanāvasāne satthā sayaṃ dhammaṃ desesi. Desanāpariyosāne sabbe catucattālīsasahassāpi tāpasā arahattaṃ pāpuṇiṃsu. Nandatāpaso pana anumodakassa bhikkhuno nimittaṃ gaṇhitvā satthu desanānusārena ñāṇaṃ pesetuṃ nāsakkhi. Satthā ‘‘etha, bhikkhavo’’ti sesabhikkhūnaṃ hatthaṃ pasāresi. Sabbepi antarahitakesamassū iddhimayaparikkhārā vassasaṭṭhikattherā viya ahesuṃ.

    нанд̣̇ад̇аабасо д̇ат̇ааг̇ад̇ам̣ ванд̣̇ид̇ваа саммукз тид̇о ааха – ‘‘бханд̇з, язна бхигкунаа исиг̇ан̣асса бубпаасанаанумод̣̇анаа гад̇аа, го наамояам̣ д̇умхаагам̣ саасанз’’д̇и? аран̣авихаариан̇г̇зна жа д̣̇агкин̣зяяан̇г̇зна жа зд̇ад̣̇аг̇г̇ам̣ бад̇д̇о зсод̇и. ‘‘бханд̇з, ахамби иминаа сад̇д̇аахагад̇зна ад̇хигаарагаммзна ан̃н̃ам̣ самбад̇д̇им̣ на бад̇т̇зми, анааг̇ад̇з банаахам̣ згасса б̣уд̣̇д̇хасса саасанз аяам̣ т̇зро вияа д̣̇вийхан̇г̇зхи саманнааг̇ад̇о бхавзяяа’’нд̇и бад̇т̇анам̣ агааси. сад̇т̇аа ананд̇арааяам̣ д̣̇исваа б̣яаагарид̇ваа баггаами. нанд̣̇ад̇аабасоби гаалзна гаалам̣ д̣̇асаб̣аласса санд̇игз д̇хаммам̣ суд̇ваа абарихийнаж̇жхаано б̣рахмалогз ниб̣б̣ад̇д̇о. ид̣̇амасса галяаан̣агаммам̣. анд̇араа бана гаммам̣ на гат̇ияад̇и.

    Nandatāpaso tathāgataṃ vanditvā sammukhe ṭhito āha – ‘‘bhante, yena bhikkhunā isigaṇassa pupphāsanānumodanā katā, ko nāmoyaṃ tumhākaṃ sāsane’’ti? Araṇavihāriaṅgena ca dakkhiṇeyyaṅgena ca etadaggaṃ patto esoti. ‘‘Bhante, ahampi iminā sattāhakatena adhikārakammena aññaṃ sampattiṃ na patthemi, anāgate panāhaṃ ekassa buddhassa sāsane ayaṃ thero viya dvīhaṅgehi samannāgato bhaveyya’’nti patthanaṃ akāsi. Satthā anantarāyaṃ disvā byākaritvā pakkāmi. Nandatāpasopi kālena kālaṃ dasabalassa santike dhammaṃ sutvā aparihīnajjhāno brahmaloke nibbatto. Idamassa kalyāṇakammaṃ. Antarā pana kammaṃ na kathiyati.

    со габбасад̇асахассам̣ ад̇иггамид̇ваа саавад̇т̇ияам̣ суманасздтисса г̇зхз ниб̣б̣ад̇д̇и, субхууд̇ийд̇исса наамам̣ агам̣су. абарабхааг̇з амхаагам̣ сад̇т̇аа логз ниб̣б̣ад̇д̇о рааж̇аг̇ахам̣ убаниссааяа вихарад̇и. д̇ад̣̇аа анаат̇абин̣д̣иго сздти саавад̇т̇ияам̣ удтаанагабхан̣д̣ам̣ г̇ахзд̇ваа ад̇д̇ано сахааяагасса рааж̇аг̇ахасздтино гхарам̣ г̇ад̇о сад̇т̇у уббаннабхаавам̣ н̃ад̇ваа сад̇т̇аарам̣ сийд̇аванз вихаранд̇ам̣ убасан̇гамид̇ваа батамад̣̇ассанзнзва сод̇аабад̇д̇ипалз бад̇идтааяа сад̇т̇аарам̣ саавад̇т̇им̣ ааг̇аманад̇т̇ааяа яаажид̇ваа бан̃жажад̇д̇аалийсаяож̇анз маг̇г̇з яож̇анз яож̇анз сад̇асахассабарижжааг̇зна вихаарз бад̇идтаабзд̇ваа саавад̇т̇ияам̣ рааж̇амаанзна адтагарийсаббамаан̣ам̣ ж̇зд̇арааж̇агумаарасса уяяаанабхуумим̣ годисант̇аарзна гин̣ид̇ваа д̇ад̇т̇а бхаг̇авад̇о вихаарам̣ гаарзд̇ваа ад̣̇ааси. вихаарамахад̣̇ивасз аяам̣ субхууд̇игудимб̣иго анаат̇абин̣д̣игасздтинаа сад̣̇д̇хим̣ г̇анд̇ваа д̇хаммам̣ сун̣анд̇о сад̣̇д̇хам̣ бадилабхид̇ваа баб̣б̣аж̇и. со убасамбанно д̣̇вз маад̇игаа баг̇ун̣ам̣ гад̇ваа гаммадтаанам̣ гат̇аабзд̇ваа аран̃н̃з саман̣ад̇хаммам̣ гаронд̇о вибассанам̣ вад̣дхзд̇ваа мзд̇д̇аажхаанам̣ баад̣̇агам̣ гад̇ваа арахад̇д̇ам̣ баабун̣и. д̇хаммам̣ д̣̇зсзнд̇о вуд̇д̇анаязнзва д̇хаммам̣ гат̇зд̇и, бин̣д̣ааяа жаранд̇о вуд̇д̇анаязнзва мзд̇д̇аажхаанад̇о вудтааяа бхигкам̣ г̇ан̣хаад̇и. ат̇а нам̣ сад̇т̇аа имам̣ гааран̣ад̣̇ваяам̣ бадижжа аран̣авихаарийнан̃жа д̣̇агкин̣зяяаанан̃жа бхигкуунам̣ аг̇г̇адтаанз табзсийд̇и.

    So kappasatasahassaṃ atikkamitvā sāvatthiyaṃ sumanaseṭṭhissa gehe nibbatti, subhūtītissa nāmaṃ akaṃsu. Aparabhāge amhākaṃ satthā loke nibbatto rājagahaṃ upanissāya viharati. Tadā anāthapiṇḍiko seṭṭhi sāvatthiyaṃ uṭṭhānakabhaṇḍaṃ gahetvā attano sahāyakassa rājagahaseṭṭhino gharaṃ gato satthu uppannabhāvaṃ ñatvā satthāraṃ sītavane viharantaṃ upasaṅkamitvā paṭhamadassaneneva sotāpattiphale patiṭṭhāya satthāraṃ sāvatthiṃ āgamanatthāya yācitvā pañcacattālīsayojane magge yojane yojane satasahassapariccāgena vihāre patiṭṭhāpetvā sāvatthiyaṃ rājamānena aṭṭhakarīsappamāṇaṃ jetarājakumārassa uyyānabhūmiṃ koṭisanthārena kiṇitvā tattha bhagavato vihāraṃ kāretvā adāsi. Vihāramahadivase ayaṃ subhūtikuṭimbiko anāthapiṇḍikaseṭṭhinā saddhiṃ gantvā dhammaṃ suṇanto saddhaṃ paṭilabhitvā pabbaji. So upasampanno dve mātikā paguṇaṃ katvā kammaṭṭhānaṃ kathāpetvā araññe samaṇadhammaṃ karonto vipassanaṃ vaḍḍhetvā mettājhānaṃ pādakaṃ katvā arahattaṃ pāpuṇi. Dhammaṃ desento vuttanayeneva dhammaṃ katheti, piṇḍāya caranto vuttanayeneva mettājhānato vuṭṭhāya bhikkhaṃ gaṇhāti. Atha naṃ satthā imaṃ kāraṇadvayaṃ paṭicca araṇavihārīnañca dakkhiṇeyyānañca bhikkhūnaṃ aggaṭṭhāne ṭhapesīti.

    кад̣̇ираванияарзвад̇ад̇т̇зравад̇т̇у

    Khadiravaniyarevatattheravatthu

    203. бан̃жамз ааран̃н̃агаананд̇и аран̃н̃аваасийнам̣. рзвад̇о кад̣̇ираванияод̇и д̇хаммасзнаабад̇ид̇т̇зрасса ганидтабхаад̇иго. со яат̇аа ан̃н̃з т̇зраа аран̃н̃з васамаанаа ванасабхааг̇ам̣ уд̣̇агасабхааг̇ам̣ бхигкаажаарасабхааг̇ан̃жа саллагкзд̇ваа аран̃н̃з васанд̇и, на звам̣ васи. зд̇аани бана сабхааг̇аани анаад̣̇ияид̇ваа уж̇ж̇ан̇г̇аласагкарабаасаан̣ависамз кад̣̇ираванз бадивасад̇и. д̇асмаа ааран̃н̃агаанам̣ аг̇г̇од̇и вуд̇д̇о.

    203. Pañcame āraññakānanti araññavāsīnaṃ. Revato khadiravaniyoti dhammasenāpatittherassa kaniṭṭhabhātiko. So yathā aññe therā araññe vasamānā vanasabhāgaṃ udakasabhāgaṃ bhikkhācārasabhāgañca sallakkhetvā araññe vasanti, na evaṃ vasi. Etāni pana sabhāgāni anādiyitvā ujjaṅgalasakkharapāsāṇavisame khadiravane paṭivasati. Tasmā āraññakānaṃ aggoti vutto.

    д̇асса бан̃хагаммз аяаманубуб̣б̣игат̇аа – аяам̣ гира ад̇ийд̇з бад̣̇умуд̇д̇араб̣уд̣̇д̇хагаалз хам̣савад̇ийнаг̇арз ниб̣б̣ад̇д̇о махааг̇ан̇г̇ааяа баяааг̇абад̇идтаанад̇ид̇т̇з нааваагаммам̣ гаронд̇о бадивасад̇и. д̇асмим̣ самаяз сад̇т̇аа сад̇асахассабхигкубаривааро жааригам̣ жаранд̇о баяааг̇абад̇идтаанад̇ид̇т̇ам̣ самбаабун̣и. со д̣̇асаб̣алам̣ д̣̇исваа жинд̇зси – ‘‘маяхам̣ гаалзна гаалам̣ б̣уд̣̇д̇хад̣̇ассанам̣ наама над̇т̇и, аяам̣ мз галяаан̣агаммааяууханагкан̣о’’д̇и нааваасан̇гхаадам̣ б̣анд̇хаабзд̇ваа убари жзлавид̇аанам̣ гаарзд̇ваа г̇анд̇хамаалаад̣̇аамаани осаарзд̇ваа хздтаа варабод̇т̇агам̣ жид̇д̇ад̇т̇аран̣ам̣ ад̇т̇араабзд̇ваа сабариваарам̣ сад̇т̇аарам̣ барад̇ийрам̣ д̇аарзси.

    Tassa pañhakamme ayamanupubbikathā – ayaṃ kira atīte padumuttarabuddhakāle haṃsavatīnagare nibbatto mahāgaṅgāya payāgapatiṭṭhānatitthe nāvākammaṃ karonto paṭivasati. Tasmiṃ samaye satthā satasahassabhikkhuparivāro cārikaṃ caranto payāgapatiṭṭhānatitthaṃ sampāpuṇi. So dasabalaṃ disvā cintesi – ‘‘mayhaṃ kālena kālaṃ buddhadassanaṃ nāma natthi, ayaṃ me kalyāṇakammāyūhanakkhaṇo’’ti nāvāsaṅghāṭaṃ bandhāpetvā upari celavitānaṃ kāretvā gandhamālādāmāni osāretvā heṭṭhā varapotthakaṃ cittattharaṇaṃ attharāpetvā saparivāraṃ satthāraṃ paratīraṃ tāresi.

    д̇асмим̣ самаяз сад̇т̇аа згам̣ ааран̃н̃агам̣ бхигкум̣ зд̇ад̣̇аг̇г̇з табзси. со наавиго д̇ам̣ д̣̇исваа ‘‘маяааби звамзвам̣ анааг̇ад̇з згасса б̣уд̣̇д̇хасса саасанз ааран̃н̃агаанам̣ аг̇г̇зна бхавид̇ум̣ ваддад̇ий’’д̇и сад̇т̇аарам̣ ниманд̇зд̇ваа сад̇д̇аахам̣ махаад̣̇аанам̣ д̣̇ад̇ваа сад̇т̇у баад̣̇амуулз нибаж̇ж̇ид̇ваа, ‘‘бханд̇з, д̇умхзхи зд̇ад̣̇аг̇г̇з табид̇о со бхигку вияа ахамби анааг̇ад̇з згасса б̣уд̣̇д̇хасса саасанз ааран̃н̃агаанам̣ аг̇г̇о бхавзяяа’’нд̇и бад̇т̇анам̣ агааси. сад̇т̇аа ананд̇арааяам̣ д̣̇исваа ‘‘анааг̇ад̇з г̇од̇амаб̣уд̣̇д̇хасса саасанз д̇вам̣ ааран̃н̃агаанам̣ аг̇г̇о бхависсасий’’д̇и б̣яаагарид̇ваа баггаами. анд̇араа бана ан̃н̃ам̣ гаммам̣ на гат̇ияад̇и.

    Tasmiṃ samaye satthā ekaṃ āraññakaṃ bhikkhuṃ etadagge ṭhapesi. So nāviko taṃ disvā ‘‘mayāpi evamevaṃ anāgate ekassa buddhassa sāsane āraññakānaṃ aggena bhavituṃ vaṭṭatī’’ti satthāraṃ nimantetvā sattāhaṃ mahādānaṃ datvā satthu pādamūle nipajjitvā, ‘‘bhante, tumhehi etadagge ṭhapito so bhikkhu viya ahampi anāgate ekassa buddhassa sāsane āraññakānaṃ aggo bhaveyya’’nti patthanaṃ akāsi. Satthā anantarāyaṃ disvā ‘‘anāgate gotamabuddhassa sāsane tvaṃ āraññakānaṃ aggo bhavissasī’’ti byākaritvā pakkāmi. Antarā pana aññaṃ kammaṃ na kathiyati.

    со яааваж̇ийвам̣ галяаан̣агаммам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з маг̇ад̇хагкзд̇д̇з наалагаб̣раахман̣аг̇аамз саарийб̣раахман̣ияаа гужчимхи бадисанд̇хим̣ г̇ахзд̇ваа д̇ин̣н̣ам̣ бхаад̇игаанам̣ д̇иссаннан̃жа бхаг̇инийнам̣ саб̣б̣аганидто худ̇ваа ниб̣б̣ад̇д̇и, рзвад̇од̇исса наамам̣ агам̣су. ат̇асса маад̇аабид̇аро жинд̇зсум̣ – ‘‘вад̣дхид̇авад̣дхид̇з д̣̇аарагз саман̣аа сагяабуд̇д̇ияаа нзд̇ваа баб̣б̣ааж̇знд̇и, амхаагам̣ буд̇д̇ам̣ рзвад̇ам̣ д̣̇ахарамзва гхараб̣анд̇ханзна б̣анд̇хиссаамаа’’д̇и самаанагулад̇о д̣̇ааригам̣ аанзд̇ваа рзвад̇асса аяяигам̣ ванд̣̇аабзд̇ваа, ‘‘амма, д̇ава аяяигааяа махаллагад̇араа хохий’’д̇и аахам̣су. рзвад̇о д̇зсам̣ гат̇ам̣ суд̇ваа жинд̇зси – ‘‘аяам̣ д̣̇ааригаа д̣̇ахараа батамаваяз тид̇аа, имиссаа гира звам̣вид̇хам̣ руубам̣ мама аяяигааяа руубасад̣̇исам̣ бхависсад̇и, бужчиссаами д̇аава нзсам̣ ад̇хиббааяа’’нд̇и жинд̇зд̇ваа ааха – ‘‘д̇умхз гим̣ гат̇зт̇аа’’д̇и? д̇аад̇а, ‘‘аяам̣ д̣̇ааригаа аяяигаа вияа д̇з ж̇арам̣ баабун̣аад̇уу’’д̇и вад̣̇аамаад̇и. со ‘‘имиссаа руубам̣ звам̣вид̇хам̣ бхависсад̇ий’’д̇и бужчи. д̇аад̇а, гим̣ вад̣̇зси, махаабун̃н̃аа звам̣вид̇хаа хонд̇ийд̇и.

    So yāvajīvaṃ kalyāṇakammaṃ katvā devamanussesu saṃsaranto imasmiṃ buddhuppāde magadhakkhette nālakabrāhmaṇagāme sārībrāhmaṇiyā kucchimhi paṭisandhiṃ gahetvā tiṇṇaṃ bhātikānaṃ tissannañca bhaginīnaṃ sabbakaniṭṭho hutvā nibbatti, revatotissa nāmaṃ akaṃsu. Athassa mātāpitaro cintesuṃ – ‘‘vaḍḍhitavaḍḍhite dārake samaṇā sakyaputtiyā netvā pabbājenti, amhākaṃ puttaṃ revataṃ daharameva gharabandhanena bandhissāmā’’ti samānakulato dārikaṃ ānetvā revatassa ayyikaṃ vandāpetvā, ‘‘amma, tava ayyikāya mahallakatarā hohī’’ti āhaṃsu. Revato tesaṃ kathaṃ sutvā cintesi – ‘‘ayaṃ dārikā daharā paṭhamavaye ṭhitā, imissā kira evaṃvidhaṃ rūpaṃ mama ayyikāya rūpasadisaṃ bhavissati, pucchissāmi tāva nesaṃ adhippāya’’nti cintetvā āha – ‘‘tumhe kiṃ kathethā’’ti? Tāta, ‘‘ayaṃ dārikā ayyikā viya te jaraṃ pāpuṇātū’’ti vadāmāti. So ‘‘imissā rūpaṃ evaṃvidhaṃ bhavissatī’’ti pucchi. Tāta, kiṃ vadesi, mahāpuññā evaṃvidhā hontīti.

    со жинд̇зси – ‘‘ид̣̇ам̣ гира руубам̣ иминаа нияаамзна валид̇д̇ажам̣ бхависсад̇и балид̇агзсам̣ кан̣д̣ад̣̇анд̇ам̣, ахам̣ зваруубз руубз раж̇ж̇ид̇ваа гим̣ гариссаами, мама бхаад̇игаанам̣ г̇ад̇амаг̇г̇амзва г̇амиссаамий’’д̇и гийл̣анд̇о вияа худ̇ваа самаваяз д̇арун̣ад̣̇аарагз ааха – ‘‘зт̇а, бхо, вид̇хааванигам̣ гариссаамаа’’д̇и нигками. д̇аад̇а, ман̇г̇алад̣̇ивасз маа б̣ахи г̇ажчаад̇и. со д̣̇аарагзхи сад̣̇д̇хим̣ гийл̣анд̇о вияа ад̇д̇ано д̇хааванаваарз самбад̇д̇з т̇огам̣ г̇анд̇ваа бабан̃жзд̇ваа ааг̇ажчад̇и . буна д̣̇уд̇ияаваарз самбад̇д̇з д̇ад̇о д̇урид̇ам̣ вияа г̇анд̇ваа ааг̇ад̇о, д̇ад̇ияаваарз самбад̇д̇з ‘‘аяам̣ мз гаало’’д̇и н̃ад̇ваа саммукадтаанзнзва балааяид̇ваа бам̣сугуулигабхигкуунам̣ ниваасадтаанам̣ аран̃н̃ам̣ г̇анд̇ваа т̇зрз абхиваад̣̇зд̇ваа баб̣б̣аж̇ж̇ам̣ яаажи. саббуриса маяам̣ д̇ам̣ на ж̇аанаама ‘‘гассааси буд̇д̇о’’д̇и, д̇ван̃жа алан̇гад̇анияаамзнзва ааг̇ад̇о, го д̇ам̣ баб̣б̣ааж̇зд̇ум̣ уссахиссад̇ийд̇и. со убхо б̣аахаа баг̇г̇аяха ‘‘вилумбанд̇и мам̣ вилумбанд̇и ма’’нд̇и махааравам̣ вирави. ид̇о жид̇о жа бхигкуу саннибад̇ид̇ваа ‘‘саббуриса, имасмим̣ таанз д̇ава вад̇т̇ам̣ ваа бил̣анд̇ханам̣ ваа гожи г̇ан̣ханд̇о наама над̇т̇и, д̇ван̃жа ‘вилумбанд̇ий’д̇и вад̣̇аси, гим̣ санд̇хааяа вад̣̇асий’’д̇и? бханд̇з, наахам̣ вад̇т̇аалан̇гаарам̣ санд̇хааяа вад̣̇аами, д̇иссаннам̣ бана мз самбад̇д̇ийнам̣ вилобо вад̇д̇ад̇и, д̇ам̣ санд̇хааяа вад̣̇аами. мам̣ д̇аава д̇умхз маа баб̣б̣ааж̇аяид̇т̇а, бхаад̇арам̣ бана мз ж̇аанаат̇аад̇и. гонаамо бана д̇з бхаад̇аад̇и? г̇ихигаалз убад̇иссо наама, ид̣̇аани бана саарибуд̇д̇о наама ж̇аад̇од̇и вад̣̇анд̇ийд̇и. ‘‘аавусо, звам̣ санд̇з аяам̣ гулабуд̇д̇о амхаагам̣ ганидтабхаад̇иго наама ход̇и, ж̇здтабхаад̇иго но д̇хаммасзнаабад̇и бурзд̇арам̣язва ааха – ‘амхаагам̣ н̃аад̇агаа саб̣б̣зва мижчаад̣̇идтигаа, яо гожи амхаагам̣ н̃аад̇ийд̇и ааг̇ажчад̇и, д̇ам̣ язна д̇знубааязна баб̣б̣ааж̇зяяат̇аа’д̇и. аяам̣ бана т̇зрасса аж̇жхад̇д̇абхаад̇иго, баб̣б̣ааж̇зт̇а на’’нд̇и вад̇ваа д̇ажабан̃жагагаммадтаанам̣ аажигкид̇ваа баб̣б̣ааж̇аяим̣су. ат̇а нам̣ барибун̣н̣авассам̣ убасамбаад̣̇зд̇ваа гаммадтаанз яож̇аяим̣су.

    So cintesi – ‘‘idaṃ kira rūpaṃ iminā niyāmena valittacaṃ bhavissati palitakesaṃ khaṇḍadantaṃ, ahaṃ evarūpe rūpe rajjitvā kiṃ karissāmi, mama bhātikānaṃ gatamaggameva gamissāmī’’ti kīḷanto viya hutvā samavaye taruṇadārake āha – ‘‘etha, bho, vidhāvanikaṃ karissāmā’’ti nikkhami. Tāta, maṅgaladivase mā bahi gacchāti. So dārakehi saddhiṃ kīḷanto viya attano dhāvanavāre sampatte thokaṃ gantvā papañcetvā āgacchati . Puna dutiyavāre sampatte tato turitaṃ viya gantvā āgato, tatiyavāre sampatte ‘‘ayaṃ me kālo’’ti ñatvā sammukhaṭṭhāneneva palāyitvā paṃsukūlikabhikkhūnaṃ nivāsaṭṭhānaṃ araññaṃ gantvā there abhivādetvā pabbajjaṃ yāci. Sappurisa mayaṃ taṃ na jānāma ‘‘kassāsi putto’’ti, tvañca alaṅkataniyāmeneva āgato, ko taṃ pabbājetuṃ ussahissatīti. So ubho bāhā paggayha ‘‘vilumpanti maṃ vilumpanti ma’’nti mahāravaṃ viravi. Ito cito ca bhikkhū sannipatitvā ‘‘sappurisa, imasmiṃ ṭhāne tava vatthaṃ vā piḷandhanaṃ vā koci gaṇhanto nāma natthi, tvañca ‘vilumpantī’ti vadasi, kiṃ sandhāya vadasī’’ti? Bhante, nāhaṃ vatthālaṅkāraṃ sandhāya vadāmi, tissannaṃ pana me sampattīnaṃ vilopo vattati, taṃ sandhāya vadāmi. Maṃ tāva tumhe mā pabbājayittha, bhātaraṃ pana me jānāthāti. Konāmo pana te bhātāti? Gihikāle upatisso nāma, idāni pana sāriputto nāma jātoti vadantīti. ‘‘Āvuso, evaṃ sante ayaṃ kulaputto amhākaṃ kaniṭṭhabhātiko nāma hoti, jeṭṭhabhātiko no dhammasenāpati puretaraṃyeva āha – ‘amhākaṃ ñātakā sabbeva micchādiṭṭhikā, yo koci amhākaṃ ñātīti āgacchati, taṃ yena tenupāyena pabbājeyyathā’ti. Ayaṃ pana therassa ajjhattabhātiko, pabbājetha na’’nti vatvā tacapañcakakammaṭṭhānaṃ ācikkhitvā pabbājayiṃsu. Atha naṃ paripuṇṇavassaṃ upasampādetvā kammaṭṭhāne yojayiṃsu.

    т̇зро гаммадтаанам̣ г̇ахзд̇ваа аажарияубаж̇жхааяаанам̣ авид̣̇уурз таанз вуд̇д̇аббагаарам̣ кад̣̇ираванам̣ бависид̇ваа саман̣ад̇хаммам̣ гарод̇и. д̇асса ‘‘арахад̇д̇ам̣ аббад̇ваа д̣̇асаб̣алам̣ ваа бхаад̇игад̇т̇зрам̣ ваа на бассиссаамий’’д̇и вааяаманд̇ассзва д̇аяо маасаа ад̇игганд̇аа, сукумаалагулабуд̇д̇асса луукабхож̇анам̣ бхун̃ж̇анд̇асса жид̇д̇ам̣ валийд̇ам̣ наама ход̇и, гаммадтаанам̣ вимогкам̣ на г̇ад̇ам̣. со д̇змаасажжаязна баваарзд̇ваа вуд̇т̇авассо худ̇ваа д̇асмим̣язва таанз саман̣ад̇хаммам̣ гарод̇и. д̇асса саман̣ад̇хаммам̣ гаронд̇асса жид̇д̇ам̣ згаг̇г̇ам̣ ахоси, со вибассанам̣ вад̣дхзд̇ваа арахад̇д̇ам̣ баабун̣и.

    Thero kammaṭṭhānaṃ gahetvā ācariyupajjhāyānaṃ avidūre ṭhāne vuttappakāraṃ khadiravanaṃ pavisitvā samaṇadhammaṃ karoti. Tassa ‘‘arahattaṃ appatvā dasabalaṃ vā bhātikattheraṃ vā na passissāmī’’ti vāyamantasseva tayo māsā atikkantā, sukhumālakulaputtassa lūkhabhojanaṃ bhuñjantassa cittaṃ valītaṃ nāma hoti, kammaṭṭhānaṃ vimokkhaṃ na gataṃ. So temāsaccayena pavāretvā vutthavasso hutvā tasmiṃyeva ṭhāne samaṇadhammaṃ karoti. Tassa samaṇadhammaṃ karontassa cittaṃ ekaggaṃ ahosi, so vipassanaṃ vaḍḍhetvā arahattaṃ pāpuṇi.

    ат̇ааяасмаа саарибуд̇д̇о сад̇т̇аарам̣ ааха – ‘‘бханд̇з, маяхам̣ гира ганидтабхаад̇аа рзвад̇о баб̣б̣аж̇ид̇о, со абхирамзяяа ваа на ваа, г̇анд̇ваа нам̣ бассиссаамий’’д̇и. бхаг̇аваа рзвад̇асса аарад̣̇д̇хавибассагабхаавам̣ н̃ад̇ваа д̣̇вз ваарз бадигкибид̇ваа д̇ад̇ияаваарз яаажид̇о арахад̇д̇ам̣ бад̇д̇абхаавам̣ н̃ад̇ваа, ‘‘саарибуд̇д̇а, ахамби г̇амиссаами, бхигкуунам̣ аарожзхий’’д̇и. т̇зро бхигкусан̇гхам̣ саннибаад̇зд̇ваа, ‘‘аавусо, сад̇т̇аа жааригам̣ жарид̇угаамо, г̇анд̇угаамаа ааг̇ажчанд̇уу’’д̇и саб̣б̣зсам̣язва аарожзси. д̣̇асаб̣аласса жааригад̇т̇ааяа г̇аманагаалз охийнагабхигкуу наама аббагаа хонд̇и, ‘‘сад̇т̇у суван̣н̣аван̣н̣ам̣ сарийрам̣ бассиссаама, мад̇хурад̇хаммагат̇ам̣ ваа сун̣иссаамаа’’д̇и язбхуяязна г̇анд̇угаамаава б̣ахугаа хонд̇и. ид̇и сад̇т̇аа махаабхигкусан̇гхабаривааро ‘‘рзвад̇ам̣ бассиссаамий’’д̇и нигканд̇о.

    Athāyasmā sāriputto satthāraṃ āha – ‘‘bhante, mayhaṃ kira kaniṭṭhabhātā revato pabbajito, so abhirameyya vā na vā, gantvā naṃ passissāmī’’ti. Bhagavā revatassa āraddhavipassakabhāvaṃ ñatvā dve vāre paṭikkhipitvā tatiyavāre yācito arahattaṃ pattabhāvaṃ ñatvā, ‘‘sāriputta, ahampi gamissāmi, bhikkhūnaṃ ārocehī’’ti. Thero bhikkhusaṅghaṃ sannipātetvā, ‘‘āvuso, satthā cārikaṃ caritukāmo, gantukāmā āgacchantū’’ti sabbesaṃyeva ārocesi. Dasabalassa cārikatthāya gamanakāle ohīnakabhikkhū nāma appakā honti, ‘‘satthu suvaṇṇavaṇṇaṃ sarīraṃ passissāma, madhuradhammakathaṃ vā suṇissāmā’’ti yebhuyyena gantukāmāva bahukā honti. Iti satthā mahābhikkhusaṅghaparivāro ‘‘revataṃ passissāmī’’ti nikkhanto.

    ат̇згасмим̣ бад̣̇зсз аананд̣̇ад̇т̇зро д̣̇взд̇хаабат̇ам̣ бад̇ваа бхаг̇аванд̇ам̣ бужчи – ‘‘бханд̇з, имасмим̣ таанз д̣̇вз маг̇г̇аа, гад̇арамаг̇г̇зна сан̇гхо г̇ажчад̇уу’’д̇и. гад̇арамаг̇г̇о, аананд̣̇а, уж̇угод̇и? бханд̇з, уж̇умаг̇г̇о д̇им̣саяож̇ано амануссабат̇о, барихаарамаг̇г̇о бана садтияож̇аниго кзмо субхигкод̇и. аананд̣̇а , сийвали амхзхи сад̣̇д̇хим̣ ааг̇ад̇од̇и? аама, бханд̇з, ааг̇ад̇од̇и. д̇зна хи сан̇гхо уж̇умаг̇г̇амзва г̇ан̣хад̇у, сийвалисса бун̃н̃ам̣ виймам̣сиссаамаад̇и. сад̇т̇аа бхигкусан̇гхабаривааро сийвалид̇т̇зрасса бун̃н̃авиймам̣санад̇т̇ам̣ адавимаг̇г̇ам̣ абхирухи. маг̇г̇ам̣ абхируханадтаанад̇о бадтааяа д̣̇звасан̇гхо яож̇анз яож̇анз таанз наг̇арам̣ маабзд̇ваа б̣уд̣̇д̇хаббамукасса бхигкусан̇гхасса васанад̇т̇ааяа вихаарз бадияаад̣̇зси. д̣̇звабуд̇д̇аа ран̃н̃аа бзсид̇агаммагаараа вияа худ̇ваа яааг̇укаж̇ж̇агаад̣̇ийни г̇ахзд̇ваа ‘‘гахам̣ аяяо сийвали, гахам̣ аяяо сийвалий’’д̇и бужчанд̇аа г̇ажчанд̇и. т̇зро д̇ам̣ саггаарасаммаанам̣ г̇ан̣хаабзд̇ваа сад̇т̇у санд̇игам̣ г̇ажчад̇и. сад̇т̇аа бхигкусан̇гхзна сад̣̇д̇хим̣ барибхун̃ж̇и.

    Athekasmiṃ padese ānandatthero dvedhāpathaṃ patvā bhagavantaṃ pucchi – ‘‘bhante, imasmiṃ ṭhāne dve maggā, kataramaggena saṅgho gacchatū’’ti. Kataramaggo, ānanda, ujukoti? Bhante, ujumaggo tiṃsayojano amanussapatho, parihāramaggo pana saṭṭhiyojaniko khemo subhikkhoti. Ānanda , sīvali amhehi saddhiṃ āgatoti? Āma, bhante, āgatoti. Tena hi saṅgho ujumaggameva gaṇhatu, sīvalissa puññaṃ vīmaṃsissāmāti. Satthā bhikkhusaṅghaparivāro sīvalittherassa puññavīmaṃsanatthaṃ aṭavimaggaṃ abhiruhi. Maggaṃ abhiruhanaṭṭhānato paṭṭhāya devasaṅgho yojane yojane ṭhāne nagaraṃ māpetvā buddhappamukhassa bhikkhusaṅghassa vasanatthāya vihāre paṭiyādesi. Devaputtā raññā pesitakammakārā viya hutvā yāgukhajjakādīni gahetvā ‘‘kahaṃ ayyo sīvali, kahaṃ ayyo sīvalī’’ti pucchantā gacchanti. Thero taṃ sakkārasammānaṃ gaṇhāpetvā satthu santikaṃ gacchati. Satthā bhikkhusaṅghena saddhiṃ paribhuñji.

    иминаава нияаамзна сад̇т̇аа саггаарасаммаанам̣ анубхаванд̇о д̣̇звасигам̣ яож̇анабарамам̣ г̇анд̇ваа д̇им̣саяож̇анигам̣ ганд̇аарам̣ ад̇иггамма кад̣̇ираванияад̇т̇зрасса сабхааг̇адтаанам̣ бад̇д̇о. т̇зро сад̇т̇у ааг̇аманам̣ н̃ад̇ваа ад̇д̇ано васанадтаанз б̣уд̣̇д̇хаббамукасса бхигкусан̇гхасса бахонагавихаарз д̣̇асаб̣аласса г̇анд̇хагудим̣ рад̇д̇идтаанад̣̇иваадтаанаад̣̇ийни жа ид̣̇д̇хияаа маабзд̇ваа д̇ат̇ааг̇ад̇асса бажжуг̇г̇аманам̣ г̇ад̇о. сад̇т̇аа алан̇гад̇абадияад̇д̇зна маг̇г̇зна вихаарам̣ баависи. ат̇а д̇ат̇ааг̇ад̇з г̇анд̇хагудим̣ бавидтз бхигкуу вассаг̇г̇зна бад̇д̇асзнаасанаани бависим̣су. д̣̇звад̇аа ‘‘агаало аахаарассаа’’д̇и адтавид̇хам̣ баанагам̣ аахарим̣су. сад̇т̇аа сан̇гхзна сад̣̇д̇хим̣ баанагам̣ биви. иминаава нияаамзна д̇ат̇ааг̇ад̇асса саггаарасаммаанам̣ анубхаванд̇ассзва ад̣̇д̇хамаасо ад̇игганд̇о.

    Imināva niyāmena satthā sakkārasammānaṃ anubhavanto devasikaṃ yojanaparamaṃ gantvā tiṃsayojanikaṃ kantāraṃ atikkamma khadiravaniyattherassa sabhāgaṭṭhānaṃ patto. Thero satthu āgamanaṃ ñatvā attano vasanaṭṭhāne buddhappamukhassa bhikkhusaṅghassa pahonakavihāre dasabalassa gandhakuṭiṃ rattiṭṭhānadivāṭṭhānādīni ca iddhiyā māpetvā tathāgatassa paccuggamanaṃ gato. Satthā alaṅkatapaṭiyattena maggena vihāraṃ pāvisi. Atha tathāgate gandhakuṭiṃ paviṭṭhe bhikkhū vassaggena pattasenāsanāni pavisiṃsu. Devatā ‘‘akālo āhārassā’’ti aṭṭhavidhaṃ pānakaṃ āhariṃsu. Satthā saṅghena saddhiṃ pānakaṃ pivi. Imināva niyāmena tathāgatassa sakkārasammānaṃ anubhavantasseva addhamāso atikkanto.

    ат̇згажжз угган̣тид̇абхигкуу згасмим̣ таанз нисийд̣̇ид̇ваа гат̇ам̣ уббаад̣̇аяим̣су ‘‘сад̇т̇аа д̣̇асаб̣ало ‘маяхам̣ аг̇г̇асаавагасса ганидтабхаад̇аа’д̇и вад̇ваа зваруубам̣ навагаммигабхигкум̣ бассид̇ум̣ ааг̇ад̇о, имасса вихаарасса санд̇игз ж̇зд̇аванамахаавихааро ваа взл̣уванавихаараад̣̇аяо ваа гим̣ гариссанд̇и. аяамби бхигку зваруубасса навагаммасса гаараго, гим̣ наама саман̣ад̇хаммам̣ гариссад̇ий’’д̇и? ат̇а сад̇т̇аа жинд̇зси – ‘‘маяи жирам̣ васанд̇з ид̣̇ам̣ таанам̣ аагин̣н̣ам̣ бхависсад̇и, ааран̃н̃агаа бхигкуу наама бавивзгад̇т̇игаа хонд̇и, рзвад̇асса апаасувихааро бхависсад̇ий’’д̇и д̇ад̇о рзвад̇асса д̣̇иваадтаанам̣ г̇ад̇о. т̇зро згагова жан̇гаманагодияам̣ ааламб̣анапалагам̣ ниссааяа баасаан̣апалагз нисинно сад̇т̇аарам̣ д̣̇уурад̇ова ааг̇ажчанд̇ам̣ д̣̇исваа бажжуг̇г̇анд̇ваа ванд̣̇и.

    Athekacce ukkaṇṭhitabhikkhū ekasmiṃ ṭhāne nisīditvā kathaṃ uppādayiṃsu ‘‘satthā dasabalo ‘mayhaṃ aggasāvakassa kaniṭṭhabhātā’ti vatvā evarūpaṃ navakammikabhikkhuṃ passituṃ āgato, imassa vihārassa santike jetavanamahāvihāro vā veḷuvanavihārādayo vā kiṃ karissanti. Ayampi bhikkhu evarūpassa navakammassa kārako, kiṃ nāma samaṇadhammaṃ karissatī’’ti? Atha satthā cintesi – ‘‘mayi ciraṃ vasante idaṃ ṭhānaṃ ākiṇṇaṃ bhavissati, āraññakā bhikkhū nāma pavivekatthikā honti, revatassa aphāsuvihāro bhavissatī’’ti tato revatassa divāṭṭhānaṃ gato. Thero ekakova caṅkamanakoṭiyaṃ ālambanaphalakaṃ nissāya pāsāṇaphalake nisinno satthāraṃ dūratova āgacchantaṃ disvā paccuggantvā vandi.

    ат̇а нам̣ сад̇т̇аа бужчи – ‘‘рзвад̇а, имам̣ ваал̣амиг̇адтаанам̣ , жан̣д̣аанам̣ хад̇т̇иассаад̣̇ийнам̣ сад̣̇д̣̇ам̣ суд̇ваа гинд̇и гаросий’’д̇и? д̇зсам̣ мз, бханд̇з, сад̣̇д̣̇ам̣ сун̣ад̇о аран̃н̃арад̇и наама уббаж̇ж̇ад̇ийд̇и. сад̇т̇аа д̇асмим̣ таанз рзвад̇ад̇т̇зрасса бан̃жахи г̇аат̇аасад̇зхи аран̃н̃з ниваасаанисам̣сам̣ наама гат̇зд̇ваа бунад̣̇ивасз авид̣̇уурз таанз бин̣д̣ааяа жарид̇ваа рзвад̇ад̇т̇зрам̣ нивад̇д̇зд̇ваа язхи бхигкуухи т̇зрасса аван̣н̣о гат̇ид̇о, д̇зсам̣ гад̇д̇араяадтиубааханаад̇зланаал̣ичад̇д̇аанам̣ бамуссанабхаавам̣ агааси. д̇з ад̇д̇ано баригкаарад̇т̇ааяа нивад̇д̇аа ааг̇ад̇амаг̇г̇знзва г̇ажчанд̇ааби д̇ам̣ таанам̣ саллагкзд̇ум̣ на саггонд̇и. батамам̣ хи д̇з алан̇гад̇абадияад̇д̇зна маг̇г̇зна г̇анд̇ваа д̇ам̣д̣̇ивасам̣ бана висамамаг̇г̇зна г̇ажчанд̇аа д̇асмим̣ д̇асмим̣ таанз уггудигам̣ нисийд̣̇анд̇и, ж̇аан̣угзна г̇ажчанд̇и. д̇з г̇умб̣з жа г̇ажчз жа ган̣дагз жа мад̣̇д̣̇анд̇аа ад̇д̇ано васид̇асабхааг̇адтаанам̣ г̇анд̇ваа д̇асмим̣ д̇асмим̣ кад̣̇иракаан̣угз ад̇д̇ано чад̇д̇ам̣ сан̃ж̇аананд̇и, убааханам̣ гад̇д̇араяадтим̣ д̇зланаал̣им̣ сан̃ж̇аананд̇и. д̇з д̇асмим̣ самаяз ‘‘ид̣̇д̇химаа аяам̣ бхигкуу’’д̇и н̃ад̇ваа ад̇д̇ано баригкаарз аад̣̇ааяа ‘‘д̣̇асаб̣аласса бадияад̇д̇асаггааро наама зваруубо ход̇ий’’д̇и вад̣̇анд̇аа ааг̇амам̣су.

    Atha naṃ satthā pucchi – ‘‘revata, imaṃ vāḷamigaṭṭhānaṃ , caṇḍānaṃ hatthiassādīnaṃ saddaṃ sutvā kinti karosī’’ti? Tesaṃ me, bhante, saddaṃ suṇato araññarati nāma uppajjatīti. Satthā tasmiṃ ṭhāne revatattherassa pañcahi gāthāsatehi araññe nivāsānisaṃsaṃ nāma kathetvā punadivase avidūre ṭhāne piṇḍāya caritvā revatattheraṃ nivattetvā yehi bhikkhūhi therassa avaṇṇo kathito, tesaṃ kattarayaṭṭhiupāhanātelanāḷichattānaṃ pamussanabhāvaṃ akāsi. Te attano parikkhāratthāya nivattā āgatamaggeneva gacchantāpi taṃ ṭhānaṃ sallakkhetuṃ na sakkonti. Paṭhamaṃ hi te alaṅkatapaṭiyattena maggena gantvā taṃdivasaṃ pana visamamaggena gacchantā tasmiṃ tasmiṃ ṭhāne ukkuṭikaṃ nisīdanti, jāṇukena gacchanti. Te gumbe ca gacche ca kaṇṭake ca maddantā attano vasitasabhāgaṭṭhānaṃ gantvā tasmiṃ tasmiṃ khadirakhāṇuke attano chattaṃ sañjānanti, upāhanaṃ kattarayaṭṭhiṃ telanāḷiṃ sañjānanti. Te tasmiṃ samaye ‘‘iddhimā ayaṃ bhikkhū’’ti ñatvā attano parikkhāre ādāya ‘‘dasabalassa paṭiyattasakkāro nāma evarūpo hotī’’ti vadantā āgamaṃsu.

    бурад̇о г̇ад̇абхигкуу, висаакаа убаасигаа, ад̇д̇ано г̇зхз нисиннагаалз бужчад̇и – ‘‘манаабам̣ ну ко, бханд̇з, рзвад̇ад̇т̇зрасса васанадтаана’’нд̇и? манаабам̣ убаасигз нанд̣̇анаванажид̇д̇алад̇аад̣̇ибадибхааг̇ам̣ д̇ам̣ сзнаасананд̇и. ат̇а нзсам̣ саб̣б̣абажчад̇о ааг̇ад̇абхигкуу бужчи – ‘‘манаабам̣, аяяаа, рзвад̇ад̇т̇зрасса васанадтаана’’нд̇и. маа бужча убаасигз, гат̇зд̇ум̣ аяуд̇д̇адтаанамзд̇ам̣, уж̇ж̇ан̇г̇алам̣ сагкарабаасаан̣ависамам̣ кад̣̇ираванам̣ зд̇ам̣, д̇ад̇т̇а со бхигку вихарад̇ийд̇и. висаакаа, буримаанан̃жа бажчимаанан̃жа бхигкуунам̣ гат̇ам̣ суд̇ваа ‘‘гзсам̣ ну ко гат̇аа сажжаа’’д̇и бажчаабхад̇д̇з г̇анд̇хамаалам̣ аад̣̇ааяа д̣̇асаб̣аласса убадтаанам̣ г̇анд̇ваа, ванд̣̇ид̇ваа згаманд̇ам̣ нисиннаа сад̇т̇аарам̣ бужчи – ‘‘бханд̇з, рзвад̇ад̇т̇зрасса васанадтаанам̣ згажжз, аяяаа, ван̣н̣знд̇и, згажжз нинд̣̇анд̇и, гим̣ наамзд̇ам̣, бханд̇з’’д̇и? висаакз раман̣ийяам̣ ваа ход̇у маа ваа, яасмим̣ таанз арияаанам̣ жид̇д̇ам̣ рамад̇и, д̇ад̣̇зва таанам̣ раман̣ийяам̣ наамаад̇и вад̇ваа имам̣ г̇аат̇амааха –

    Purato gatabhikkhū, visākhā upāsikā, attano gehe nisinnakāle pucchati – ‘‘manāpaṃ nu kho, bhante, revatattherassa vasanaṭṭhāna’’nti? Manāpaṃ upāsike nandanavanacittalatādipaṭibhāgaṃ taṃ senāsananti. Atha nesaṃ sabbapacchato āgatabhikkhū pucchi – ‘‘manāpaṃ, ayyā, revatattherassa vasanaṭṭhāna’’nti. Mā puccha upāsike, kathetuṃ ayuttaṭṭhānametaṃ, ujjaṅgalaṃ sakkharapāsāṇavisamaṃ khadiravanaṃ etaṃ, tattha so bhikkhu viharatīti. Visākhā, purimānañca pacchimānañca bhikkhūnaṃ kathaṃ sutvā ‘‘kesaṃ nu kho kathā saccā’’ti pacchābhatte gandhamālaṃ ādāya dasabalassa upaṭṭhānaṃ gantvā, vanditvā ekamantaṃ nisinnā satthāraṃ pucchi – ‘‘bhante, revatattherassa vasanaṭṭhānaṃ ekacce, ayyā, vaṇṇenti, ekacce nindanti, kiṃ nāmetaṃ, bhante’’ti? Visākhe ramaṇīyaṃ vā hotu mā vā, yasmiṃ ṭhāne ariyānaṃ cittaṃ ramati, tadeva ṭhānaṃ ramaṇīyaṃ nāmāti vatvā imaṃ gāthamāha –

    ‘‘г̇аамз ваа яад̣̇и вааран̃н̃з, ниннз ваа яад̣̇и ваа т̇алз;

    ‘‘Gāme vā yadi vāraññe, ninne vā yadi vā thale;

    яад̇т̇а араханд̇о вихаранд̇и, д̇ам̣ бхуумирааман̣зяяага’’нд̇и. (д̇ха. ба. 98; сам̣. ни. 1.261);

    Yattha arahanto viharanti, taṃ bhūmirāmaṇeyyaka’’nti. (dha. pa. 98; saṃ. ni. 1.261);

    ат̇а сад̇т̇аа абарабхааг̇з ж̇зд̇аванамахаавихаарз арияаг̇ан̣амаж̇жхз нисинно т̇зрам̣ ааран̃н̃агаанам̣ бхигкуунам̣ аг̇г̇адтаанз табзсийд̇и.

    Atha satthā aparabhāge jetavanamahāvihāre ariyagaṇamajjhe nisinno theraṃ āraññakānaṃ bhikkhūnaṃ aggaṭṭhāne ṭhapesīti.

    ган̇каарзвад̇ад̇т̇зравад̇т̇у

    Kaṅkhārevatattheravatthu

    204. чадтз жхааяийнанд̇и жхааналаабхийнам̣ жхаанаабхирад̇аанам̣. со гира т̇зро яаа жхаанасамаабад̇д̇ияо д̣̇асаб̣ало самаабаж̇ж̇ад̇и, д̇ад̇о аббад̇арам̣ табзд̇ваа б̣ахуд̇араа самаабаж̇ж̇ад̇и. д̇асмаа жхааяийнам̣ аг̇г̇о наама ж̇аад̇о. ган̇кааяанабхаавзна ган̇каарзвад̇од̇и вужжад̇и. ган̇каа наама гуггужжам̣, гуггужжагод̇и ад̇т̇о. гим̣ бана ан̃н̃з гуггужжагаа над̇т̇ийд̇и? ад̇т̇и, аяам̣ бана т̇зро габбиязби гуггужжам̣ уббаад̣̇зси. д̇знасса гуггужжагад̇аа ад̇ибаагадаа ж̇аад̇аад̇и ган̇каарзвад̇од̇взва сан̇кам̣ г̇ад̇о.

    204. Chaṭṭhe jhāyīnanti jhānalābhīnaṃ jhānābhiratānaṃ. So kira thero yā jhānasamāpattiyo dasabalo samāpajjati, tato appataraṃ ṭhapetvā bahutarā samāpajjati. Tasmā jhāyīnaṃ aggo nāma jāto. Kaṅkhāyanabhāvena kaṅkhārevatoti vuccati. Kaṅkhā nāma kukkuccaṃ, kukkuccakoti attho. Kiṃ pana aññe kukkuccakā natthīti? Atthi, ayaṃ pana thero kappiyepi kukkuccaṃ uppādesi. Tenassa kukkuccakatā atipākaṭā jātāti kaṅkhārevatotveva saṅkhaṃ gato.

    д̇асса бан̃хагаммз аяаманубуб̣б̣игат̇аа – аяам̣ гира бад̣̇умуд̇д̇араб̣уд̣̇д̇хагаалз буриманаязнзва махааж̇анзна сад̣̇д̇хим̣ вихаарам̣ г̇анд̇ваа барисабарияанд̇з тид̇о д̇хаммам̣ сун̣анд̇о сад̇т̇аарам̣ згам̣ бхигкум̣ жхаанаабхирад̇аанам̣ аг̇г̇адтаанз табзнд̇ам̣ д̣̇исваа ‘‘маяааби анааг̇ад̇з зваруубзна бхавид̇ум̣ ваддад̇ий’’д̇и д̣̇зсанаавасаанз сад̇т̇аарам̣ ниманд̇зд̇ваа буриманаязнзва сад̇д̇аахам̣ махаасаггаарам̣ гад̇ваа бхаг̇аванд̇ам̣ ааха – ‘‘бханд̇з, ахам̣ иминаа ад̇хигаарагаммзна на ан̃н̃ам̣ самбад̇д̇им̣ бад̇т̇зми, яат̇аа бана со д̇умхзхи ид̇о сад̇д̇ад̣̇ивасамад̇т̇агз бхигку жхааяийнам̣ аг̇г̇адтаанз табид̇о, звам̣ ахамби анааг̇ад̇з згасса б̣уд̣̇д̇хасса саасанз жхааяийнам̣ аг̇г̇о бхавзяяа’’нд̇и бад̇т̇анам̣ агааси. сад̇т̇аа анааг̇ад̇ам̣ ологзд̇ваа самиж̇жханабхаавам̣ д̣̇исваа ‘‘анааг̇ад̇з габбасад̇асахассаавасаанз г̇од̇амо наама б̣уд̣̇д̇хо уббаж̇ж̇иссад̇и, д̇асса саасанз д̇вам̣ жхааяийнам̣ аг̇г̇о бхависсасий’’д̇и б̣яаагарид̇ваа баггаами.

    Tassa pañhakamme ayamanupubbikathā – ayaṃ kira padumuttarabuddhakāle purimanayeneva mahājanena saddhiṃ vihāraṃ gantvā parisapariyante ṭhito dhammaṃ suṇanto satthāraṃ ekaṃ bhikkhuṃ jhānābhiratānaṃ aggaṭṭhāne ṭhapentaṃ disvā ‘‘mayāpi anāgate evarūpena bhavituṃ vaṭṭatī’’ti desanāvasāne satthāraṃ nimantetvā purimanayeneva sattāhaṃ mahāsakkāraṃ katvā bhagavantaṃ āha – ‘‘bhante, ahaṃ iminā adhikārakammena na aññaṃ sampattiṃ patthemi, yathā pana so tumhehi ito sattadivasamatthake bhikkhu jhāyīnaṃ aggaṭṭhāne ṭhapito, evaṃ ahampi anāgate ekassa buddhassa sāsane jhāyīnaṃ aggo bhaveyya’’nti patthanaṃ akāsi. Satthā anāgataṃ oloketvā samijjhanabhāvaṃ disvā ‘‘anāgate kappasatasahassāvasāne gotamo nāma buddho uppajjissati, tassa sāsane tvaṃ jhāyīnaṃ aggo bhavissasī’’ti byākaritvā pakkāmi.

    со яааваж̇ийвам̣ галяаан̣агаммам̣ гад̇ваа габбасад̇асахассам̣ д̣̇звамануссзсу сам̣сарид̇ваа амхаагам̣ бхаг̇авад̇о гаалз саавад̇т̇инаг̇арз махаабхог̇агулз ниб̣б̣ад̇д̇о бажчаабхад̇д̇ам̣ д̇хаммассаванад̇т̇ам̣ г̇ажчанд̇зна махааж̇анзна сад̣̇д̇хим̣ вихаарам̣ г̇анд̇ваа барисабарияанд̇з тид̇о д̣̇асаб̣аласса д̇хаммагат̇ам̣ суд̇ваа сад̣̇д̇хам̣ бадилабхид̇ваа баб̣б̣аж̇ид̇о убасамбад̣̇ам̣ лабхид̇ваа гаммадтаанам̣ гат̇аабзд̇ваа жхаанабаригаммам̣ гаронд̇о жхааналаабхий худ̇ваа жхаанамзва баад̣̇агам̣ гад̇ваа арахад̇д̇апалам̣ баабун̣и. со д̣̇асаб̣алзна самаабаж̇ж̇ид̇аб̣б̣асамаабад̇д̇ийнам̣ аббад̇араа табзд̇ваа б̣ахуд̇араа самаабаж̇ж̇анд̇о ахорад̇д̇ам̣ жхаанзсу жин̣н̣авасий ахоси. ат̇а нам̣ абарабхааг̇з сад̇т̇аа имам̣ г̇ун̣ам̣ г̇ахзд̇ваа жхааяийнам̣ аг̇г̇адтаанз табзси. ‘‘агаббияо, аавусо г̇ул̣о, агаббияаа муг̇г̇аа’’д̇и (махаава. 272) звам̣ бана габбиязсвзва вад̇т̇уусу гуггужжасса уббаад̣̇ид̇ад̇ааяа гуггужжасан̇каад̇ааяа ган̇кааяа бхаавзна ган̇каарзвад̇од̇и сан̇кам̣ г̇ад̇од̇и.

    So yāvajīvaṃ kalyāṇakammaṃ katvā kappasatasahassaṃ devamanussesu saṃsaritvā amhākaṃ bhagavato kāle sāvatthinagare mahābhogakule nibbatto pacchābhattaṃ dhammassavanatthaṃ gacchantena mahājanena saddhiṃ vihāraṃ gantvā parisapariyante ṭhito dasabalassa dhammakathaṃ sutvā saddhaṃ paṭilabhitvā pabbajito upasampadaṃ labhitvā kammaṭṭhānaṃ kathāpetvā jhānaparikammaṃ karonto jhānalābhī hutvā jhānameva pādakaṃ katvā arahattaphalaṃ pāpuṇi. So dasabalena samāpajjitabbasamāpattīnaṃ appatarā ṭhapetvā bahutarā samāpajjanto ahorattaṃ jhānesu ciṇṇavasī ahosi. Atha naṃ aparabhāge satthā imaṃ guṇaṃ gahetvā jhāyīnaṃ aggaṭṭhāne ṭhapesi. ‘‘Akappiyo, āvuso guḷo, akappiyā muggā’’ti (mahāva. 272) evaṃ pana kappiyesveva vatthūsu kukkuccassa uppāditatāya kukkuccasaṅkhātāya kaṅkhāya bhāvena kaṅkhārevatoti saṅkhaṃ gatoti.

    сон̣агол̣ивисад̇т̇зравад̇т̇у

    Soṇakoḷivisattheravatthu

    205. сад̇д̇амз аарад̣̇д̇хавийрияаананд̇и баг̇г̇ахид̇авийрияаанам̣ барибун̣н̣авийрияаанам̣. сон̣о гол̣ивисод̇и сон̣од̇и д̇асса наамам̣, гол̣ивисод̇и г̇од̇д̇ам̣. годивзссод̇и ваа ад̇т̇о, иссариязна годиббад̇д̇асса взссагуласса д̣̇аарагод̇и ад̇хиббааяо. яасмаа бана ан̃н̃зсам̣ бхигкуунам̣ вийрияам̣ наама вад̣дхзд̇аб̣б̣ам̣ ход̇и, т̇зрасса бана хаабзд̇аб̣б̣амзва ахоси. д̇асмаа зса аарад̣̇д̇хавийрияаанам̣ аг̇г̇о наама ж̇аад̇о.

    205. Sattame āraddhavīriyānanti paggahitavīriyānaṃ paripuṇṇavīriyānaṃ. Soṇo koḷivisoti soṇoti tassa nāmaṃ, koḷivisoti gottaṃ. Koṭivessoti vā attho, issariyena koṭippattassa vessakulassa dārakoti adhippāyo. Yasmā pana aññesaṃ bhikkhūnaṃ vīriyaṃ nāma vaḍḍhetabbaṃ hoti, therassa pana hāpetabbameva ahosi. Tasmā esa āraddhavīriyānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяам̣ гира ад̇ийд̇з бад̣̇умуд̇д̇араб̣уд̣̇д̇хагаалз сздтигулз ниб̣б̣ад̇д̇и, сиривад̣дхагумаарод̇исса наамам̣ агам̣су. со ваяаббад̇д̇о буриманаязнзва вихаарам̣ г̇анд̇ваа барисабарияанд̇з тид̇о д̇хаммам̣ сун̣анд̇о сад̇т̇аарам̣ згам̣ бхигкум̣ аарад̣̇д̇хавийрияаанам̣ аг̇г̇адтаанз табзнд̇ам̣ д̣̇исваа ‘‘маяааби анааг̇ад̇з зваруубзна бхавид̇ум̣ ваддад̇ий’’д̇и д̣̇зсанаабарияосаанз д̣̇асаб̣алам̣ ниманд̇зд̇ваа сад̇д̇аахам̣ махаад̣̇аанам̣ д̣̇ад̇ваа вуд̇д̇анаязнзва бад̇т̇анам̣ агааси. сад̇т̇аа д̇асса бад̇т̇анааяа самиж̇жханабхаавам̣ д̣̇исваа буриманаязнзва б̣яаагарид̇ваа вихаарам̣ г̇ад̇о.

    Tassa pañhakamme ayamanupubbikathā – ayaṃ kira atīte padumuttarabuddhakāle seṭṭhikule nibbatti, sirivaḍḍhakumārotissa nāmaṃ akaṃsu. So vayappatto purimanayeneva vihāraṃ gantvā parisapariyante ṭhito dhammaṃ suṇanto satthāraṃ ekaṃ bhikkhuṃ āraddhavīriyānaṃ aggaṭṭhāne ṭhapentaṃ disvā ‘‘mayāpi anāgate evarūpena bhavituṃ vaṭṭatī’’ti desanāpariyosāne dasabalaṃ nimantetvā sattāhaṃ mahādānaṃ datvā vuttanayeneva patthanaṃ akāsi. Satthā tassa patthanāya samijjhanabhāvaṃ disvā purimanayeneva byākaritvā vihāraṃ gato.

    соби сиривад̣дхасздти яааваж̇ийвам̣ гусалам̣ гад̇ваа д̣̇звамануссзсу сам̣саранд̇о габбасад̇асахассам̣ ад̇иггамид̇ваа имасмим̣ габбз бариниб̣б̣уд̇з гассабад̣̇асаб̣алз ануббаннз амхаагам̣ бхаг̇авад̇и б̣аараан̣асияам̣ гулаг̇зхз бадисанд̇хим̣ г̇ан̣хи. со ад̇д̇ано сахааяагзхи сад̣̇д̇хим̣ г̇ан̇г̇ааяам̣ гийл̣ад̇и. д̇асмим̣ самаяз зго ж̇ин̣н̣ажийвариго бажжзгаб̣уд̣̇д̇хо ‘‘б̣аараан̣асим̣ убаниссааяа г̇ан̇г̇аад̇ийрз бан̣н̣асаалам̣ гад̇ваа вассам̣ убаг̇ажчиссаамий’’д̇и уд̣̇агзна самубаб̣яуул̣хз д̣̇ан̣д̣агз жа валлияо жа сам̣гад̣дхад̇и. аяам̣ гумааро сахааяагзхи сад̣̇д̇хим̣ г̇анд̇ваа абхиваад̣̇зд̇ваа тид̇о, ‘‘бханд̇з, гим̣ гарот̇аа’’д̇и бужчи. гумаара убагадтз анд̇овассз баб̣б̣аж̇ид̇аанам̣ васанадтаанам̣ наама лад̣̇д̇хум̣ ваддад̇ийд̇и. ‘‘бханд̇з, аж̇ж̇зва згад̣̇ивасам̣ аяяо яат̇аа д̇ат̇аа ааг̇амзд̇у, ахам̣ свз аяяасса васанадтаанам̣ гариссаамий’’д̇и ааха. бажжзгаб̣уд̣̇д̇хо ‘‘д̇ассзва гумаарасса сан̇г̇ахам̣ гариссаамий’’д̇и ааг̇ад̇ад̇д̇аа ад̇хиваасзси. со д̇асса ад̇хиваасанам̣ вид̣̇ид̇ваа г̇ад̇о бунад̣̇ивасз саггаарасаммаанам̣ саж̇ж̇зд̇ваа бажжзгаб̣уд̣̇д̇хасса ааг̇аманам̣ ологзнд̇о адтааси. бажжзгаб̣уд̣̇д̇хоби ‘‘гахам̣ ну ко аж̇ж̇а бхигкаажаарам̣ лабхиссаамий’’д̇и ааваж̇ж̇знд̇о н̃ад̇ваа д̇ассзва г̇зхад̣̇ваарам̣ аг̇амааси.

    Sopi sirivaḍḍhaseṭṭhi yāvajīvaṃ kusalaṃ katvā devamanussesu saṃsaranto kappasatasahassaṃ atikkamitvā imasmiṃ kappe parinibbute kassapadasabale anuppanne amhākaṃ bhagavati bārāṇasiyaṃ kulagehe paṭisandhiṃ gaṇhi. So attano sahāyakehi saddhiṃ gaṅgāyaṃ kīḷati. Tasmiṃ samaye eko jiṇṇacīvariko paccekabuddho ‘‘bārāṇasiṃ upanissāya gaṅgātīre paṇṇasālaṃ katvā vassaṃ upagacchissāmī’’ti udakena samupabyūḷhe daṇḍake ca valliyo ca saṃkaḍḍhati. Ayaṃ kumāro sahāyakehi saddhiṃ gantvā abhivādetvā ṭhito, ‘‘bhante, kiṃ karothā’’ti pucchi. Kumāra upakaṭṭhe antovasse pabbajitānaṃ vasanaṭṭhānaṃ nāma laddhuṃ vaṭṭatīti. ‘‘Bhante, ajjeva ekadivasaṃ ayyo yathā tathā āgametu, ahaṃ sve ayyassa vasanaṭṭhānaṃ karissāmī’’ti āha. Paccekabuddho ‘‘tasseva kumārassa saṅgahaṃ karissāmī’’ti āgatattā adhivāsesi. So tassa adhivāsanaṃ viditvā gato punadivase sakkārasammānaṃ sajjetvā paccekabuddhassa āgamanaṃ olokento aṭṭhāsi. Paccekabuddhopi ‘‘kahaṃ nu kho ajja bhikkhācāraṃ labhissāmī’’ti āvajjento ñatvā tasseva gehadvāraṃ agamāsi.

    гумааро бажжзгаб̣уд̣̇д̇хам̣ д̣̇исваа самбияааяамаано бад̇д̇ам̣ аад̣̇ааяа бхигкам̣ д̣̇ад̇ваа ‘‘имам̣ анд̇овассам̣ маяхам̣ г̇зхад̣̇ваарамзва ааг̇ажчат̇а, бханд̇з’’д̇и бадин̃н̃ам̣ г̇ахзд̇ваа бажжзгаб̣уд̣̇д̇хз бхад̇д̇агижжам̣ гад̇ваа багганд̇з ад̇д̇ано сахааяагзхи сад̣̇д̇хим̣ г̇анд̇ваа згад̣̇ивасзнзва бажжзгаб̣уд̣̇д̇хасса васанабан̣н̣асаалан̃жа жан̇гаманан̃жа рад̇д̇идтаанад̣̇иваадтаанаани жа гаараабзд̇ваа ад̣̇ааси. д̇ассзва бан̣н̣асаалам̣ бависанавзлааяа харид̇уубалид̇д̇ааяа бхуумияаа ‘‘баад̣̇зсу галалам̣ маа лаг̇г̇ий’’д̇и ад̇д̇ано баарубанам̣ сад̇асахассаг̇гханагам̣ рад̇д̇агамб̣алам̣ бхуумад̇т̇аран̣ам̣ сант̇арид̇ваа гамб̣аласса ван̣н̣зна сад̣̇д̇хим̣ бажжзгаб̣уд̣̇д̇хасса сарийраббабхам̣ згасад̣̇исам̣ д̣̇исваа ад̇ивияа басанно худ̇ваа ааха – ‘‘яат̇аа д̇умхзхи агганд̇агаалад̇о бадтааяа имасса гамб̣аласса ад̇ивияа бабхаа вирожад̇и, звамзва маяхамби ниб̣б̣ад̇д̇аниб̣б̣ад̇д̇адтаанз хад̇т̇абаад̣̇аанам̣ ван̣н̣о б̣анд̇хуж̇ийвагабубпаван̣н̣о ход̇у, сад̇агкад̇д̇ум̣ вихад̇агаббаасабадалапассасад̣̇исова пассо ход̇уу’’д̇и. со д̇змаасам̣ бажжзгаб̣уд̣̇д̇хам̣ убадтахид̇ваа баваарид̇агаалз д̇ижийварам̣ ад̣̇ааси. бажжзгаб̣уд̣̇д̇хо барибун̣н̣абад̇д̇ажийваро г̇анд̇хамаад̣̇анамзва г̇ад̇о.

    Kumāro paccekabuddhaṃ disvā sampiyāyamāno pattaṃ ādāya bhikkhaṃ datvā ‘‘imaṃ antovassaṃ mayhaṃ gehadvārameva āgacchatha, bhante’’ti paṭiññaṃ gahetvā paccekabuddhe bhattakiccaṃ katvā pakkante attano sahāyakehi saddhiṃ gantvā ekadivaseneva paccekabuddhassa vasanapaṇṇasālañca caṅkamanañca rattiṭṭhānadivāṭṭhānāni ca kārāpetvā adāsi. Tasseva paṇṇasālaṃ pavisanavelāya haritūpalittāya bhūmiyā ‘‘pādesu kalalaṃ mā laggī’’ti attano pārupanaṃ satasahassagghanakaṃ rattakambalaṃ bhūmattharaṇaṃ santharitvā kambalassa vaṇṇena saddhiṃ paccekabuddhassa sarīrappabhaṃ ekasadisaṃ disvā ativiya pasanno hutvā āha – ‘‘yathā tumhehi akkantakālato paṭṭhāya imassa kambalassa ativiya pabhā virocati, evameva mayhampi nibbattanibbattaṭṭhāne hatthapādānaṃ vaṇṇo bandhujīvakapupphavaṇṇo hotu, satakkhattuṃ vihatakappāsapaṭalaphassasadisova phasso hotū’’ti. So temāsaṃ paccekabuddhaṃ upaṭṭhahitvā pavāritakāle ticīvaraṃ adāsi. Paccekabuddho paripuṇṇapattacīvaro gandhamādanameva gato.

    соби гулабуд̇д̇о д̣̇звамануссзсу сам̣саранд̇о амхаагам̣ бхаг̇авад̇о гаалз гаал̣ажамбаанаг̇арз убасздтисса гхарз бадисанд̇хим̣ г̇ан̣хи. д̇асса бадисанд̇хиг̇г̇ахан̣агаалад̇о бадтааяа сздтигулам̣ анзгаани бан̣н̣аагаарасахассаани ааг̇ажчанд̇и. ж̇аад̇ад̣̇ивасз жа сагаланаг̇арам̣ згасаггаарасаммаанам̣ ахоси. ат̇асса наамаг̇г̇ахан̣ад̣̇ивасз маад̇аабид̇аро ‘‘амхаагам̣ буд̇д̇о ад̇д̇ано наамам̣ г̇ан̣хид̇ваава ааг̇ад̇о, рад̇д̇асуван̣н̣арасабарисид̇д̇аа вияасса сарийражчавий’’д̇и сон̣агумаарод̇взвасса наамам̣ агам̣су.

    Sopi kulaputto devamanussesu saṃsaranto amhākaṃ bhagavato kāle kāḷacampānagare upaseṭṭhissa ghare paṭisandhiṃ gaṇhi. Tassa paṭisandhiggahaṇakālato paṭṭhāya seṭṭhikulaṃ anekāni paṇṇākārasahassāni āgacchanti. Jātadivase ca sakalanagaraṃ ekasakkārasammānaṃ ahosi. Athassa nāmaggahaṇadivase mātāpitaro ‘‘amhākaṃ putto attano nāmaṃ gaṇhitvāva āgato, rattasuvaṇṇarasaparisittā viyassa sarīracchavī’’ti soṇakumārotvevassa nāmaṃ akaṃsu.

    ат̇асса садти д̇хаад̇ияо убанзд̇ваа д̣̇звагумаарам̣ вияа нам̣ сукзна вад̣дхзсум̣. д̇асса зваруубам̣ аахааравид̇хаанам̣ ахоси – садтигарийсамад̇д̇ам̣ таанам̣ гасид̇ваа д̇ивид̇хзна уд̣̇агзна босзнд̇и. гзд̣̇аарз бависанд̇ийсу уд̣̇агамаад̇игаасу кийрод̣̇агасса жа г̇анд̇ход̣̇агасса жа анзгаани жаадисахассаани аасин̃жанд̇и. саалисийсаанам̣ кийраг̇г̇ахан̣агаалз сугаад̣̇ийнам̣ баан̣аанам̣ ужчидтагаран̣анивааран̣ад̇т̇ам̣ вийхиг̇аб̣бхаанам̣ сукумаалабхаавад̇т̇ан̃жа барияанд̇абаригкзбз жа анд̇аранд̇араа жа т̇амбхз никанид̇ваа убари д̣̇ан̣д̣агз д̣̇ад̇ваа гилан̃ж̇зхи чаад̣̇зд̇ваа саманд̇аа саан̣ияаа баригкибид̇ваа саб̣б̣абарияанд̇з аарагкам̣ г̇ан̣ханд̇и. сассз нибпаннз годтз жад̇уж̇аад̇иг̇анд̇хзхи барибхан̣д̣ам̣ гад̇ваа убари уд̇д̇амаг̇анд̇хзхи барибхаавзнд̇и . анзгасахассабурисаа кзд̇д̇ам̣ оруяха саалисийсаани ван̣дзсу чинд̣̇ид̇ваа мудтимудтияо гад̇ваа раж̇ж̇угзхи б̣анд̇хид̇ваа сугкаабзнд̇и. д̇ад̇о годтагасса хздтимад̇алз г̇анд̇хз сант̇арид̇ваа убари саалисийсаани сант̇аранд̇и. звам̣ зганд̇аригам̣ гад̇ваа сант̇аранд̇аа годтагам̣ буурзд̇ваа д̣̇ваарам̣ бид̣̇аханд̇и , д̇ивассасамбад̇д̇агаалз годтагам̣ виваранд̇и. вивадагаалз сагаланаг̇арам̣ суг̇анд̇хаг̇анд̇хигам̣ ход̇и. саалимхи бахад̇з д̇худ̇д̇аа т̇усз гин̣ид̇ваа г̇ан̣ханд̇и, гун̣д̣агам̣ бана жуул̣убадтаагаа лабханд̇и. мусалагхаддид̇агз саалид̇ан̣д̣улз вижинид̇ваа г̇ан̣ханд̇и . д̇з суван̣н̣ахийрагабажчияам̣ багкибид̇ваа сад̇агаалам̣ бариссаавзд̇ваа г̇ахид̇з баггут̇ид̇аж̇аад̇ирасз згаваарам̣ багкибид̇ваа уд̣̇д̇харанд̇и, бамукадтаанам̣ суманабубпасад̣̇исам̣ ход̇и. д̇ам̣ бхож̇анам̣ суван̣н̣асарагз багкибид̇ваа баггут̇ид̇ааббод̣̇агамад̇хубааяаасабуурид̇асса раж̇ад̇ат̇ааласса убари гад̇ваа аад̣̇ааяа г̇анд̇ваа сздтибуд̇д̇асса бурад̇о табзнд̇и.

    Athassa saṭṭhi dhātiyo upanetvā devakumāraṃ viya naṃ sukhena vaḍḍhesuṃ. Tassa evarūpaṃ āhāravidhānaṃ ahosi – saṭṭhikarīsamattaṃ ṭhānaṃ kasitvā tividhena udakena posenti. Kedāre pavisantīsu udakamātikāsu khīrodakassa ca gandhodakassa ca anekāni cāṭisahassāni āsiñcanti. Sālisīsānaṃ khīraggahaṇakāle sukādīnaṃ pāṇānaṃ ucchiṭṭhakaraṇanivāraṇatthaṃ vīhigabbhānaṃ sukhumālabhāvatthañca pariyantaparikkhepe ca antarantarā ca thambhe nikhanitvā upari daṇḍake datvā kilañjehi chādetvā samantā sāṇiyā parikkhipitvā sabbapariyante ārakkhaṃ gaṇhanti. Sasse nipphanne koṭṭhe catujātigandhehi paribhaṇḍaṃ katvā upari uttamagandhehi paribhāventi . Anekasahassapurisā khettaṃ oruyha sālisīsāni vaṇṭesu chinditvā muṭṭhimuṭṭhiyo katvā rajjukehi bandhitvā sukkhāpenti. Tato koṭṭhakassa heṭṭhimatale gandhe santharitvā upari sālisīsāni santharanti. Evaṃ ekantarikaṃ katvā santharantā koṭṭhakaṃ pūretvā dvāraṃ pidahanti , tivassasampattakāle koṭṭhakaṃ vivaranti. Vivaṭakāle sakalanagaraṃ sugandhagandhikaṃ hoti. Sālimhi pahate dhuttā thuse kiṇitvā gaṇhanti, kuṇḍakaṃ pana cūḷupaṭṭhākā labhanti. Musalaghaṭṭitake sālitaṇḍule vicinitvā gaṇhanti . Te suvaṇṇahīrakapacchiyaṃ pakkhipitvā satakālaṃ parissāvetvā gahite pakkuthitajātirase ekavāraṃ pakkhipitvā uddharanti, pamukhaṭṭhānaṃ sumanapupphasadisaṃ hoti. Taṃ bhojanaṃ suvaṇṇasarake pakkhipitvā pakkuthitaappodakamadhupāyāsapūritassa rajatathālassa upari katvā ādāya gantvā seṭṭhiputtassa purato ṭhapenti.

    со ад̇д̇ано яаабанамад̇д̇ам̣ бхун̃ж̇ид̇ваа г̇анд̇хаваасид̇зна уд̣̇агзна мукам̣ вигкаалзд̇ваа хад̇т̇абаад̣̇з д̇ховад̇и. ат̇асса д̇ход̇ахад̇т̇абаад̣̇асса наанаббагаарам̣ мукаваасам̣ убанзнд̇и. д̇асса аггаманадтаанз варабод̇т̇агажид̇д̇ад̇т̇аран̣ам̣ ад̇т̇аранд̇и. хад̇т̇абаад̣̇ад̇алаанисса б̣анд̇хуж̇ийвагабубпаван̣н̣аани хонд̇и, сад̇агаалавихад̇агаббаасасса вияа пассо, баад̣̇ад̇алзсу ман̣игун̣д̣алаавад̇д̇аван̣н̣аани ломаани ж̇ааяим̣су. со гассажид̣̇зва гуж̇жхид̇ваа ‘‘ааж̇аанаахи бхуумим̣ аггамиссаамий’’д̇и вад̣̇ад̇и. д̇асса ваяаббад̇д̇асса д̇ин̣н̣ам̣ уд̇уунам̣ анужчавигз д̇аяо баасаад̣̇з гаарзд̇ваа наадагаани жа убадтаабзсум̣. со махаасамбад̇д̇им̣ анубхаванд̇о д̣̇зво ман̃н̃з бадивасад̇и.

    So attano yāpanamattaṃ bhuñjitvā gandhavāsitena udakena mukhaṃ vikkhāletvā hatthapāde dhovati. Athassa dhotahatthapādassa nānappakāraṃ mukhavāsaṃ upanenti. Tassa akkamanaṭṭhāne varapotthakacittattharaṇaṃ attharanti. Hatthapādatalānissa bandhujīvakapupphavaṇṇāni honti, satakālavihatakappāsassa viya phasso, pādatalesu maṇikuṇḍalāvattavaṇṇāni lomāni jāyiṃsu. So kassacideva kujjhitvā ‘‘ājānāhi bhūmiṃ akkamissāmī’’ti vadati. Tassa vayappattassa tiṇṇaṃ utūnaṃ anucchavike tayo pāsāde kāretvā nāṭakāni ca upaṭṭhāpesuṃ. So mahāsampattiṃ anubhavanto devo maññe paṭivasati.

    ат̇а амхаагам̣ сад̇т̇ари саб̣б̣ан̃н̃уд̇ам̣ бад̇ваа бавад̇д̇ид̇аварад̇хаммажаггз рааж̇аг̇ахам̣ убаниссааяа вихаранд̇з баад̣̇аломад̣̇ассанад̇т̇ам̣ ран̃н̃аа мааг̇ад̇хзна баггосаабзд̇ваа асийд̇ияаа г̇аамияасахассзхи сад̣̇д̇хим̣ сад̇т̇у санд̇игам̣ бахид̇о д̇хаммад̣̇зсанам̣ суд̇ваа бадилад̣̇д̇хасад̣̇д̇хо сад̇т̇аарам̣ баб̣б̣аж̇ж̇ам̣ яаажи. ат̇а нам̣ бхаг̇аваа ‘‘анун̃н̃аад̇оси маад̇аабид̇уухий’’д̇и бужчид̇ваа ананун̃н̃аад̇абхаавам̣ суд̇ваа ‘‘на ко, сон̣а, д̇ат̇ааг̇ад̇аа маад̇аабид̇уухи ананун̃н̃аад̇ам̣ буд̇д̇ам̣ баб̣б̣ааж̇знд̇ий’’д̇и бадигкиби. со ‘‘саад̇ху бхаг̇аваа’’д̇и д̇ат̇ааг̇ад̇асса важанам̣ сирасаа самбадижчид̇ваа маад̇аабид̇уунам̣ санд̇игам̣ г̇анд̇ваа ануж̇аанаабзд̇ваа сад̇т̇у санд̇игам̣ ааг̇амма ан̃н̃ад̇арасса бхигкуно санд̇игз баб̣б̣аж̇и. аяамзд̇т̇а сан̇кзбо, вид̇т̇аарад̇о банасса баб̣б̣аж̇ж̇аавид̇хаанам̣ баал̣ияам̣ (махаава. 243) ааг̇ад̇амзва.

    Atha amhākaṃ satthari sabbaññutaṃ patvā pavattitavaradhammacakke rājagahaṃ upanissāya viharante pādalomadassanatthaṃ raññā māgadhena pakkosāpetvā asītiyā gāmiyasahassehi saddhiṃ satthu santikaṃ pahito dhammadesanaṃ sutvā paṭiladdhasaddho satthāraṃ pabbajjaṃ yāci. Atha naṃ bhagavā ‘‘anuññātosi mātāpitūhī’’ti pucchitvā ananuññātabhāvaṃ sutvā ‘‘na kho, soṇa, tathāgatā mātāpitūhi ananuññātaṃ puttaṃ pabbājentī’’ti paṭikkhipi. So ‘‘sādhu bhagavā’’ti tathāgatassa vacanaṃ sirasā sampaṭicchitvā mātāpitūnaṃ santikaṃ gantvā anujānāpetvā satthu santikaṃ āgamma aññatarassa bhikkhuno santike pabbaji. Ayamettha saṅkhepo, vitthārato panassa pabbajjāvidhānaṃ pāḷiyaṃ (mahāva. 243) āgatameva.

    д̇асса баб̣б̣аж̇ж̇ан̃жа убасамбад̣̇ан̃жа лабхид̇ваа рааж̇аг̇ахз вихаранд̇асса самб̣ахулаа н̃аад̇исаалохид̇аа жа санд̣̇идтасамбхад̇д̇аа жа саггаарасаммаанам̣ аахаранд̇и, руубанибпад̇д̇ияаа ван̣н̣ам̣ гат̇знд̇и, ан̃н̃зби ж̇анаа бассид̇ум̣ ааг̇ажчанд̇и. т̇зро жинд̇зси – ‘‘мама санд̇игам̣ б̣ахуу ж̇анаа ааг̇ажчанд̇и, гаммадтаанз ваа вибассанааяа ваа гаммам̣ гаад̇ум̣ гат̇ам̣ сагкиссаами, яам̣нуунаахам̣ сад̇т̇у санд̇игз гаммадтаанам̣ гат̇аабзд̇ваа сийд̇аванасусаанам̣ г̇анд̇ваа саман̣ад̇хаммам̣ гарзяяам̣. д̇ад̇ра хи сусаананд̇и ж̇иг̇ужчид̇ваа б̣ахуу ж̇анаа нааг̇амиссанд̇и, звам̣санд̇з мама гижжам̣ мад̇т̇агам̣ баабун̣иссад̇ий’’д̇и сад̇т̇у санд̇игз гаммадтаанам̣ гат̇аабзд̇ваа сийд̇аванам̣ г̇анд̇ваа саман̣ад̇хаммам̣ гаад̇ум̣ аарабхи. со жинд̇зси – ‘‘маяхам̣ сарийрам̣ барамасукумаалам̣, на ко бана саггаа сукзнзва сукам̣ баабун̣ид̇ум̣, гааяам̣ гиламзд̇вааби саман̣ад̇хаммам̣ гаад̇ум̣ ваддад̇ий’’д̇и. д̇ад̇о таанажан̇гамамзва ад̇хидтааяа бад̇хаанамагааси. д̇асса сукумаалаанам̣ баад̣̇ад̇алаанам̣ анд̇анд̇зхи подаа удтааяа бхиж̇ж̇им̣су, жан̇гамо згалохид̇ова ахоси. баад̣̇зсу аваханд̇зсу ж̇ан̣н̣угзхиби хад̇т̇зхиби вааяамид̇ваа жан̇гамад̇и. звам̣ вийрияам̣ д̣̇ал̣хам̣ гаронд̇оби обхаасамад̇д̇амби ниб̣б̣ад̇д̇зд̇ум̣ асаггонд̇о жинд̇зси – ‘‘сажз ан̃н̃оби аарад̣̇д̇хавийрияо бхавзяяа, маад̣̇исова бхавзяяа. ахам̣ ко бана звам̣ вааяаманд̇оби маг̇г̇ам̣ ваа палам̣ ваа уббаад̣̇зд̇ум̣ на саггоми, ад̣̇д̇хаа нзваахам̣ уг̇гхадид̇ан̃н̃уу, на вибан̃жид̇ан̃н̃уу, на нзяяо, бад̣̇абарамзна маяаа бхавид̇аб̣б̣ам̣. гим̣ мз баб̣б̣аж̇ж̇ааяа, хийнааяаавад̇д̇ид̇ваа бхог̇з жа бхун̃ж̇иссаами бун̃н̃аани жа гариссаамий’’д̇и.

    Tassa pabbajjañca upasampadañca labhitvā rājagahe viharantassa sambahulā ñātisālohitā ca sandiṭṭhasambhattā ca sakkārasammānaṃ āharanti, rūpanipphattiyā vaṇṇaṃ kathenti, aññepi janā passituṃ āgacchanti. Thero cintesi – ‘‘mama santikaṃ bahū janā āgacchanti, kammaṭṭhāne vā vipassanāya vā kammaṃ kātuṃ kathaṃ sakkhissāmi, yaṃnūnāhaṃ satthu santike kammaṭṭhānaṃ kathāpetvā sītavanasusānaṃ gantvā samaṇadhammaṃ kareyyaṃ. Tatra hi susānanti jigucchitvā bahū janā nāgamissanti, evaṃsante mama kiccaṃ matthakaṃ pāpuṇissatī’’ti satthu santike kammaṭṭhānaṃ kathāpetvā sītavanaṃ gantvā samaṇadhammaṃ kātuṃ ārabhi. So cintesi – ‘‘mayhaṃ sarīraṃ paramasukhumālaṃ, na kho pana sakkā sukheneva sukhaṃ pāpuṇituṃ, kāyaṃ kilametvāpi samaṇadhammaṃ kātuṃ vaṭṭatī’’ti. Tato ṭhānacaṅkamameva adhiṭṭhāya padhānamakāsi. Tassa sukhumālānaṃ pādatalānaṃ antantehi phoṭā uṭṭhāya bhijjiṃsu, caṅkamo ekalohitova ahosi. Pādesu avahantesu jaṇṇukehipi hatthehipi vāyamitvā caṅkamati. Evaṃ vīriyaṃ daḷhaṃ karontopi obhāsamattampi nibbattetuṃ asakkonto cintesi – ‘‘sace aññopi āraddhavīriyo bhaveyya, mādisova bhaveyya. Ahaṃ kho pana evaṃ vāyamantopi maggaṃ vā phalaṃ vā uppādetuṃ na sakkomi, addhā nevāhaṃ ugghaṭitaññū, na vipañcitaññū, na neyyo, padaparamena mayā bhavitabbaṃ. Kiṃ me pabbajjāya, hīnāyāvattitvā bhoge ca bhuñjissāmi puññāni ca karissāmī’’ti.

    д̇асмим̣ самаяз сад̇т̇аа т̇зрасса вид̇аггам̣ н̃ад̇ваа сааяанхасамаяз бхигкусан̇гхабаривуд̇о д̇ад̇т̇а г̇анд̇ваа лохид̇зна пудтам̣ жан̇гамам̣ д̣̇исваа т̇зрам̣ вийн̣оваад̣̇зна (махаава. 243) овад̣̇ид̇ваа вийрияасамат̇аяож̇анад̇т̇ааяа д̇асса гаммадтаанам̣ гат̇зд̇ваа г̇иж̇жхагуудамзва г̇ад̇о. сон̣ад̇т̇зроби д̣̇асаб̣аласса саммукаа оваад̣̇ам̣ лабхид̇ваа нажирассзва арахад̇д̇з бад̇идтааси. ат̇а сад̇т̇аа абарабхааг̇з ж̇зд̇аванз бхигкусан̇гхабаривуд̇о д̇хаммам̣ д̣̇зсзнд̇о т̇зрам̣ аарад̣̇д̇хавийрияаанам̣ аг̇г̇адтаанз табзсийд̇и.

    Tasmiṃ samaye satthā therassa vitakkaṃ ñatvā sāyanhasamaye bhikkhusaṅghaparivuto tattha gantvā lohitena phuṭṭhaṃ caṅkamaṃ disvā theraṃ vīṇovādena (mahāva. 243) ovaditvā vīriyasamathayojanatthāya tassa kammaṭṭhānaṃ kathetvā gijjhakūṭameva gato. Soṇattheropi dasabalassa sammukhā ovādaṃ labhitvā nacirasseva arahatte patiṭṭhāsi. Atha satthā aparabhāge jetavane bhikkhusaṅghaparivuto dhammaṃ desento theraṃ āraddhavīriyānaṃ aggaṭṭhāne ṭhapesīti.

    сон̣агудиган̣н̣ад̇т̇зравад̇т̇у

    Soṇakuṭikaṇṇattheravatthu

    206. адтамз галяаан̣авааггаран̣аананд̇и вааггаран̣ам̣ вужжад̇и важанагирияаа, мад̇хураважанаананд̇и ад̇т̇о. аяан̃хи т̇зро д̣̇асаб̣алзна сад̣̇д̇хим̣ згаг̇анд̇хагудияаа д̇ат̇ааг̇ад̇асса мад̇хурзна сарзна д̇хаммагат̇ам̣ гат̇зси. ат̇асса сад̇т̇аа саад̇хугаарам̣ ад̣̇ааси. д̇асмаа со галяаан̣авааггаран̣аанам̣ аг̇г̇о наама ж̇аад̇о. сон̣од̇и д̇асса наамам̣, годиаг̇гханагам̣ бана ган̣н̣абил̣анд̇ханам̣ д̇хаарзси. д̇асмаа гудиган̣н̣од̇и вужжад̇и, годиган̣н̣од̇и ад̇т̇о.

    206. Aṭṭhame kalyāṇavākkaraṇānanti vākkaraṇaṃ vuccati vacanakiriyā, madhuravacanānanti attho. Ayañhi thero dasabalena saddhiṃ ekagandhakuṭiyā tathāgatassa madhurena sarena dhammakathaṃ kathesi. Athassa satthā sādhukāraṃ adāsi. Tasmā so kalyāṇavākkaraṇānaṃ aggo nāma jāto. Soṇoti tassa nāmaṃ, koṭiagghanakaṃ pana kaṇṇapiḷandhanaṃ dhāresi. Tasmā kuṭikaṇṇoti vuccati, koṭikaṇṇoti attho.

    д̇асса бан̃хагаммз аяаманубуб̣б̣игат̇аа – аяамби бад̣̇умуд̇д̇араб̣уд̣̇д̇хагаалз буриманаязнзва махааж̇анзна сад̣̇д̇хим̣ вихаарам̣ г̇анд̇ваа барисабарияанд̇з тад̇ваа сад̇т̇у д̇хаммам̣ сун̣анд̇о сад̇т̇аарам̣ згам̣ бхигкум̣ галяаан̣авааггаран̣аанам̣ аг̇г̇адтаанз табзнд̇ам̣ д̣̇исваа ‘‘маяааби анааг̇ад̇з згасса б̣уд̣̇д̇хасса саасанз галяаан̣авааггаран̣аанам̣ аг̇г̇зна бхавид̇ум̣ ваддад̇ий’’д̇и жинд̇зд̇ваа д̣̇асаб̣алам̣ ниманд̇зд̇ваа сад̇д̇аахам̣ махаад̣̇аанам̣ д̣̇ад̇ваа, ‘‘бханд̇з, яам̣ бхигкум̣ д̇умхз ид̇о сад̇д̇ад̣̇ивасамад̇т̇агз галяаан̣авааггаран̣аанам̣ аг̇г̇адтаанз табаяид̇т̇а, ахамби имасса ад̇хигаарагаммасса палзна анааг̇ад̇з згасса б̣уд̣̇д̇хасса саасанз д̇ат̇ааруубо бхавзяяа’’нд̇и бад̇т̇анам̣ агааси. сад̇т̇аа д̇асса ананд̇арааяам̣ д̣̇исваа ‘‘анааг̇ад̇з г̇од̇амаб̣уд̣̇д̇хасса саасанз галяаан̣авааггаран̣аанам̣ аг̇г̇о бхависсасий’’д̇и б̣яаагарид̇ваа баггаами.

    Tassa pañhakamme ayamanupubbikathā – ayampi padumuttarabuddhakāle purimanayeneva mahājanena saddhiṃ vihāraṃ gantvā parisapariyante ṭhatvā satthu dhammaṃ suṇanto satthāraṃ ekaṃ bhikkhuṃ kalyāṇavākkaraṇānaṃ aggaṭṭhāne ṭhapentaṃ disvā ‘‘mayāpi anāgate ekassa buddhassa sāsane kalyāṇavākkaraṇānaṃ aggena bhavituṃ vaṭṭatī’’ti cintetvā dasabalaṃ nimantetvā sattāhaṃ mahādānaṃ datvā, ‘‘bhante, yaṃ bhikkhuṃ tumhe ito sattadivasamatthake kalyāṇavākkaraṇānaṃ aggaṭṭhāne ṭhapayittha, ahampi imassa adhikārakammassa phalena anāgate ekassa buddhassa sāsane tathārūpo bhaveyya’’nti patthanaṃ akāsi. Satthā tassa anantarāyaṃ disvā ‘‘anāgate gotamabuddhassa sāsane kalyāṇavākkaraṇānaṃ aggo bhavissasī’’ti byākaritvā pakkāmi.

    соби яааваж̇ийвам̣ гусалам̣ гад̇ваа габбасад̇асахассам̣ д̣̇звзсу жа мануссзсу жа сам̣саранд̇о амхаагам̣ д̣̇асаб̣аласса уббад̇д̇ид̇о бурзд̇арамзва д̣̇звалогаа жавид̇ваа гаал̣ияаа наама гурарагхаригааяа убаасигааяа гужчисмим̣ бадисанд̇хим̣ г̇ан̣хи. саа барибаггз г̇аб̣бхз рааж̇аг̇аханаг̇арз ад̇д̇ано гуланивзсанам̣ ааг̇ад̇аа.

    Sopi yāvajīvaṃ kusalaṃ katvā kappasatasahassaṃ devesu ca manussesu ca saṃsaranto amhākaṃ dasabalassa uppattito puretarameva devalokā cavitvā kāḷiyā nāma kuraragharikāya upāsikāya kucchismiṃ paṭisandhiṃ gaṇhi. Sā paripakke gabbhe rājagahanagare attano kulanivesanaṃ āgatā.

    д̇асмим̣ самаяз амхаагам̣ сад̇т̇аа саб̣б̣ан̃н̃уд̇ам̣ бад̇д̇о исибад̇анз д̇хаммажаггам̣ бавад̇д̇зси. д̇хаммажаггаббавад̇д̇анз д̣̇асасахассажаггаваал̣ад̣̇звад̇аа саннибад̇им̣су. д̇ад̇т̇а зго адтавийсад̇ияаа яагкасзнаабад̇ийнам̣ аб̣бханд̇арз саад̇ааг̇иро наама яагко д̣̇асаб̣аласса д̇хаммагат̇ам̣ суд̇ваа сод̇аабад̇д̇ипалз бад̇идтааяа жинд̇зси – ‘‘гим̣ ну ко аяам̣ звам̣ мад̇хурад̇хаммагат̇аа мама сахааязна хзмавад̇зна суд̇аа на суд̇аа’’д̇и? со д̣̇звасан̇гхасса анд̇арз ологзнд̇о д̇ам̣ абассид̇ваа ‘‘ад̣̇д̇хаа мама сахааяо д̇ин̣н̣ам̣ рад̇анаанам̣ уббаннабхаавам̣ на ж̇аанаад̇и, г̇ажчаами д̣̇асаб̣аласса жзва ван̣н̣ам̣ гат̇зссаами, бадивид̣̇д̇хад̇хамман̃жа аарожзссаамий’’д̇и ад̇д̇ано барисааяа сад̣̇д̇хим̣ рааж̇аг̇ахамад̇т̇агзна д̇асса санд̇игам̣ бааяааси.

    Tasmiṃ samaye amhākaṃ satthā sabbaññutaṃ patto isipatane dhammacakkaṃ pavattesi. Dhammacakkappavattane dasasahassacakkavāḷadevatā sannipatiṃsu. Tattha eko aṭṭhavīsatiyā yakkhasenāpatīnaṃ abbhantare sātāgiro nāma yakkho dasabalassa dhammakathaṃ sutvā sotāpattiphale patiṭṭhāya cintesi – ‘‘kiṃ nu kho ayaṃ evaṃ madhuradhammakathā mama sahāyena hemavatena sutā na sutā’’ti? So devasaṅghassa antare olokento taṃ apassitvā ‘‘addhā mama sahāyo tiṇṇaṃ ratanānaṃ uppannabhāvaṃ na jānāti, gacchāmi dasabalassa ceva vaṇṇaṃ kathessāmi, paṭividdhadhammañca ārocessāmī’’ti attano parisāya saddhiṃ rājagahamatthakena tassa santikaṃ pāyāsi.

    хзмавад̇оби д̇ияож̇анасахассам̣ химаванд̇ам̣ агаалабубпид̇ам̣ д̣̇исваа ‘‘мама сахааязна саад̇ааг̇ирзна сад̣̇д̇хим̣ химаванд̇агийл̣ид̇ам̣ гийл̣иссаамий’’д̇и ад̇д̇ано барисааяа сад̣̇д̇хим̣ рааж̇аг̇ахамад̇т̇агзнзва бааяааси. д̇зсам̣ д̣̇виннамби аг̇г̇аб̣алагааяаа гулагхаригааяа гаал̣иубаасигааяа нивзсанамад̇т̇агз самааг̇анд̇ваа ‘‘д̇умхз гасса барисаа, маяам̣ саад̇ааг̇ирасса. д̇умхз гасса барисаа, маяам̣ хзмавад̇ассаа’’д̇и аахам̣су. д̇з хадтад̇удтаава г̇анд̇ваа д̇зсам̣ яагкасзнаабад̇ийнам̣ аарожаяим̣су. д̇зби д̇ам̣кан̣ан̃н̃зва убаасигааяа нивзсанамад̇т̇агз самааг̇ажчим̣су. саад̇ааг̇иро хзмавад̇ам̣ ааха – ‘‘гахам̣, самма, г̇ажчасий’’д̇и? д̇ава санд̇игам̣ саммаад̇и. гим̣гааран̣аад̇и? химаванд̇ам̣ бубпид̇ам̣ д̣̇исваа д̇аяаа сад̣̇д̇хим̣ д̇ад̇т̇а гийл̣иссаамийд̇и. д̇вам̣ бана, самма, гахам̣ г̇ажчасийд̇и? д̇ава санд̇игам̣, саммаад̇и. гим̣гааран̣аад̇и? д̇вам̣ химаванд̇асса гзна бубпид̇абхаавам̣ ж̇аанаасийд̇и? на ж̇аанаами, саммаад̇и. суд̣̇д̇ход̣̇анамахаарааж̇асса буд̇д̇о сид̣̇д̇хад̇т̇агумааро д̣̇асасахассилогад̇хаад̇ум̣ гамбзд̇ваа бадивид̣̇д̇хасаб̣б̣ан̃н̃уд̇ан̃н̃аан̣о д̣̇асасахассажаггаваал̣ад̣̇звад̇аанам̣ маж̇жхз ануд̇д̇арам̣ д̇хаммажаггам̣ бавад̇д̇зси. д̇асса бавад̇д̇ид̇абхаавам̣ на ж̇аанаасийд̇и? на ж̇аанаами, саммаад̇и. д̇вам̣ зд̇д̇агамзва таанам̣ бубпид̇анд̇и ан̃н̃ааси, д̇асса бана бурисасса саггаарад̇т̇ааяа сагалад̣̇асасахассажаггаваал̣ам̣ згамаалааг̇ул̣асад̣̇исам̣ аж̇ж̇а ж̇аад̇ам̣ саммаад̇и. маалаа д̇аава бубпанд̇у, д̇аяаа со сад̇т̇аа агкийни буурзд̇ваа д̣̇идтод̇и. аама, самма, сад̇т̇аа жа мз д̣̇идто, д̇хаммо жа суд̇о, амад̇ан̃жа бийд̇ам̣. ахам̣ ‘‘зд̇ам̣ амад̇ад̇хаммам̣ д̇амби ж̇аанаабзссаамий’’д̇и д̇ава санд̇игам̣ ааг̇ад̇осми, саммаад̇и. д̇зсам̣ ан̃н̃аман̃н̃ам̣ гат̇знд̇аанам̣язва убаасигаа сирисаяанад̇о удтааяа нисиннаа д̇ам̣ гат̇аасаллаабам̣ суд̇ваа сад̣̇д̣̇з нимид̇д̇ам̣ г̇ан̣хи. ‘‘аяам̣ сад̣̇д̣̇о уд̣̇д̇хам̣, на хздтаа, амануссабхаасид̇о, но мануссабхаасид̇о’’д̇и саллагкзд̇ваа охид̇асод̇аа баг̇г̇ахид̇амаанасаа худ̇ваа нисийд̣̇и. д̇ад̇о –

    Hemavatopi tiyojanasahassaṃ himavantaṃ akālapupphitaṃ disvā ‘‘mama sahāyena sātāgirena saddhiṃ himavantakīḷitaṃ kīḷissāmī’’ti attano parisāya saddhiṃ rājagahamatthakeneva pāyāsi. Tesaṃ dvinnampi aggabalakāyā kulagharikāya kāḷiupāsikāya nivesanamatthake samāgantvā ‘‘tumhe kassa parisā, mayaṃ sātāgirassa. Tumhe kassa parisā, mayaṃ hemavatassā’’ti āhaṃsu. Te haṭṭhatuṭṭhāva gantvā tesaṃ yakkhasenāpatīnaṃ ārocayiṃsu. Tepi taṃkhaṇaññeva upāsikāya nivesanamatthake samāgacchiṃsu. Sātāgiro hemavataṃ āha – ‘‘kahaṃ, samma, gacchasī’’ti? Tava santikaṃ sammāti. Kiṃkāraṇāti? Himavantaṃ pupphitaṃ disvā tayā saddhiṃ tattha kīḷissāmīti. Tvaṃ pana, samma, kahaṃ gacchasīti? Tava santikaṃ, sammāti. Kiṃkāraṇāti? Tvaṃ himavantassa kena pupphitabhāvaṃ jānāsīti? Na jānāmi, sammāti. Suddhodanamahārājassa putto siddhatthakumāro dasasahassilokadhātuṃ kampetvā paṭividdhasabbaññutaññāṇo dasasahassacakkavāḷadevatānaṃ majjhe anuttaraṃ dhammacakkaṃ pavattesi. Tassa pavattitabhāvaṃ na jānāsīti? Na jānāmi, sammāti. Tvaṃ ettakameva ṭhānaṃ pupphitanti aññāsi, tassa pana purisassa sakkāratthāya sakaladasasahassacakkavāḷaṃ ekamālāguḷasadisaṃ ajja jātaṃ sammāti. Mālā tāva pupphantu, tayā so satthā akkhīni pūretvā diṭṭhoti. Āma, samma, satthā ca me diṭṭho, dhammo ca suto, amatañca pītaṃ. Ahaṃ ‘‘etaṃ amatadhammaṃ tampi jānāpessāmī’’ti tava santikaṃ āgatosmi, sammāti. Tesaṃ aññamaññaṃ kathentānaṃyeva upāsikā sirisayanato uṭṭhāya nisinnā taṃ kathāsallāpaṃ sutvā sadde nimittaṃ gaṇhi. ‘‘Ayaṃ saddo uddhaṃ, na heṭṭhā, amanussabhāsito, no manussabhāsito’’ti sallakkhetvā ohitasotā paggahitamānasā hutvā nisīdi. Tato –

    ‘‘аж̇ж̇а баннарасо убосат̇о (ид̇и саад̇ааг̇иро яагко),

    ‘‘Ajja pannaraso uposatho (iti sātāgiro yakkho),

    д̣̇иб̣б̣аа рад̇д̇и убадтид̇аа;

    Dibbā ratti upaṭṭhitā;

    аноманаамам̣ сад̇т̇аарам̣,

    Anomanāmaṃ satthāraṃ,

    ханд̣̇а бассаама г̇од̇ама’’нд̇и. (су. ни. 153) –

    Handa passāma gotama’’nti. (su. ni. 153) –

    звам̣ саад̇ааг̇ирзна вуд̇д̇з –

    Evaṃ sātāgirena vutte –

    ‘‘гажжи мано субан̣ихид̇о (ид̇и хзмавад̇о яагко),

    ‘‘Kacci mano supaṇihito (iti hemavato yakkho),

    саб̣б̣абхууд̇зсу д̇аад̣̇ино;

    Sabbabhūtesu tādino;

    гажжи идтз анидтз жа,

    Kacci iṭṭhe aniṭṭhe ca,

    сан̇габбасса васийгад̇аа’’д̇и. (су. ни. 154);

    Saṅkappassa vasīkatā’’ti. (su. ni. 154);

    звам̣ хзмавад̇о сад̇т̇у гааяасамаажааран̃жа ааж̇ийван̃жа маносамаажааран̃жа бужчи. бужчид̇ам̣ бужчид̇ам̣ саад̇ааг̇иро виссаж̇ж̇зси. звам̣ сад̇т̇у сарийраван̣н̣аг̇ун̣аван̣н̣агат̇анавасзна хзмавад̇асуд̇д̇анд̇з нидтид̇з хзмавад̇о сахааяагасса д̇хаммад̣̇зсанаанусаарзна н̃аан̣ам̣ бзсзд̇ваа сод̇аабад̇д̇ипалз бад̇идтахи.

    Evaṃ hemavato satthu kāyasamācārañca ājīvañca manosamācārañca pucchi. Pucchitaṃ pucchitaṃ sātāgiro vissajjesi. Evaṃ satthu sarīravaṇṇaguṇavaṇṇakathanavasena hemavatasuttante niṭṭhite hemavato sahāyakassa dhammadesanānusārena ñāṇaṃ pesetvā sotāpattiphale patiṭṭhahi.

    ат̇а, гаал̣ий убаасигаа, барасса д̇хаммз д̣̇зсийяамаанз д̇ат̇ааг̇ад̇ам̣ ад̣̇идтабуб̣б̣аава худ̇ваа ануссаваббасаад̣̇ам̣ уббаад̣̇зд̇ваа барасса вад̣дхид̇ам̣ бхож̇анам̣ бхун̃ж̇амаанаа вияа сод̇аабад̇д̇ипалз бад̇идтааси. саа саб̣б̣амаад̇уг̇аамаанам̣ анд̇арз батамагасод̇аабаннаа саб̣б̣аж̇здтигаа ахоси. д̇ассаа саха сод̇аабад̇д̇ибхаавзна д̇амзва рад̇д̇им̣ г̇аб̣бхавудтаанам̣ ж̇аад̇ам̣, бадилад̣̇д̇хад̣̇аарагасса наамаг̇г̇ахан̣ад̣̇ивасз сон̣од̇и наамам̣ агааси. саа яат̇ааружияаа гулаг̇зхз васид̇ваа гулагхарамзва аг̇амааси.

    Atha, kāḷī upāsikā, parassa dhamme desīyamāne tathāgataṃ adiṭṭhapubbāva hutvā anussavappasādaṃ uppādetvā parassa vaḍḍhitaṃ bhojanaṃ bhuñjamānā viya sotāpattiphale patiṭṭhāsi. Sā sabbamātugāmānaṃ antare paṭhamakasotāpannā sabbajeṭṭhikā ahosi. Tassā saha sotāpattibhāvena tameva rattiṃ gabbhavuṭṭhānaṃ jātaṃ, paṭiladdhadārakassa nāmaggahaṇadivase soṇoti nāmaṃ akāsi. Sā yathāruciyā kulagehe vasitvā kulagharameva agamāsi.

    д̇асмим̣ самаяз махаагажжаанад̇т̇зро д̇ам̣ наг̇арам̣ убаниссааяа убавад̇д̇з баб̣б̣ад̇з бадивасад̇и. убаасигаа т̇зрам̣ убадтаад̇и. т̇зро ниб̣ад̣̇д̇хам̣ д̇ассаа нивзсанам̣ г̇ажчад̇и. сон̣ад̣̇аарагоби ниб̣ад̣̇д̇хам̣ т̇зрасса санд̇игз вижаранд̇о виссаасиго ахоси. со абарзна самаязна т̇зрасса санд̇игз баб̣б̣аж̇и. т̇зро д̇ам̣ убасамбаад̣̇зд̇угаамо д̇ийн̣и вассаани г̇ан̣ам̣ бариязсид̇ваа убасамбаад̣̇зси. со убасамбанно гаммадтаанам̣ гат̇аабзд̇ваа вибассанам̣ вад̣дхзд̇ваа арахад̇д̇ам̣ бад̇ваа т̇зрассзва санд̇игз суд̇д̇анибаад̇ам̣ уг̇г̇ан̣хид̇ваа вуд̇т̇авассо баваарзд̇ваа сад̇т̇аарам̣ бассид̇угаамо худ̇ваа убаж̇жхааяам̣ аабужчи. т̇зро ааха – ‘‘сон̣а, д̇аяи г̇ад̇з сад̇т̇аа д̇ам̣ згаг̇анд̇хагудияам̣ васаабзд̇ваа д̇хаммам̣ аж̇жхзсиссад̇и, д̇вам̣ д̇хаммам̣ гат̇зссаси. сад̇т̇аа д̇ава д̇хаммагат̇ааяа басийд̣̇ид̇ваа д̇уяхам̣ варам̣ д̣̇ассад̇и. д̇вам̣ варам̣ г̇ан̣ханд̇о иман̃жа иман̃жа г̇ан̣хаахи, мама важанзна д̣̇асаб̣аласса баад̣̇з ванд̣̇аахий’’д̇и. со убаж̇жхааязна анун̃н̃аад̇о маад̇уубаасигааяа г̇зхам̣ г̇анд̇ваа аарожзси. сааби ‘‘саад̇ху , д̇аад̇а, д̇вам̣ д̣̇асаб̣алам̣ бассид̇ум̣ г̇ажчанд̇о имам̣ гамб̣алам̣ аахарид̇ваа сад̇т̇у васанаг̇анд̇хагудияаа бхуумад̇т̇аран̣ам̣ гад̇ваа ад̇т̇араахий’’д̇и гамб̣алам̣ ад̣̇ааси. сон̣ад̇т̇зро д̇ам̣ аад̣̇ааяа сзнаасанам̣ сам̣саамзд̇ваа анубуб̣б̣зна сад̇т̇у васанадтаанам̣ г̇анд̇ваа д̣̇асаб̣аласса б̣уд̣̇д̇хаасанз нисиннавзлааяамзва убасан̇гамид̇ваа абхиваад̣̇зд̇ваа згаманд̇ам̣ адтааси. сад̇т̇аа д̇зна сад̣̇д̇хим̣ бадисант̇аарам̣ гад̇ваа аананд̣̇ад̇т̇зрам̣ ааманд̇зси – ‘‘аананд̣̇а, имасса бхигкусса сзнаасанам̣ ж̇аанаахий’’д̇и. т̇зро сад̇т̇у ад̇хиббааяам̣ н̃ад̇ваа анд̇ог̇анд̇хагудияам̣язва бхуумад̇т̇аран̣ам̣ уссаарзнд̇о вияа ад̇т̇ари.

    Tasmiṃ samaye mahākaccānatthero taṃ nagaraṃ upanissāya upavatte pabbate paṭivasati. Upāsikā theraṃ upaṭṭhāti. Thero nibaddhaṃ tassā nivesanaṃ gacchati. Soṇadārakopi nibaddhaṃ therassa santike vicaranto vissāsiko ahosi. So aparena samayena therassa santike pabbaji. Thero taṃ upasampādetukāmo tīṇi vassāni gaṇaṃ pariyesitvā upasampādesi. So upasampanno kammaṭṭhānaṃ kathāpetvā vipassanaṃ vaḍḍhetvā arahattaṃ patvā therasseva santike suttanipātaṃ uggaṇhitvā vutthavasso pavāretvā satthāraṃ passitukāmo hutvā upajjhāyaṃ āpucchi. Thero āha – ‘‘soṇa, tayi gate satthā taṃ ekagandhakuṭiyaṃ vasāpetvā dhammaṃ ajjhesissati, tvaṃ dhammaṃ kathessasi. Satthā tava dhammakathāya pasīditvā tuyhaṃ varaṃ dassati. Tvaṃ varaṃ gaṇhanto imañca imañca gaṇhāhi, mama vacanena dasabalassa pāde vandāhī’’ti. So upajjhāyena anuññāto mātuupāsikāya gehaṃ gantvā ārocesi. Sāpi ‘‘sādhu , tāta, tvaṃ dasabalaṃ passituṃ gacchanto imaṃ kambalaṃ āharitvā satthu vasanagandhakuṭiyā bhūmattharaṇaṃ katvā attharāhī’’ti kambalaṃ adāsi. Soṇatthero taṃ ādāya senāsanaṃ saṃsāmetvā anupubbena satthu vasanaṭṭhānaṃ gantvā dasabalassa buddhāsane nisinnavelāyameva upasaṅkamitvā abhivādetvā ekamantaṃ aṭṭhāsi. Satthā tena saddhiṃ paṭisanthāraṃ katvā ānandattheraṃ āmantesi – ‘‘ānanda, imassa bhikkhussa senāsanaṃ jānāhī’’ti. Thero satthu adhippāyaṃ ñatvā antogandhakuṭiyaṃyeva bhūmattharaṇaṃ ussārento viya atthari.

    ат̇а ко бхаг̇аваа б̣ахуд̣̇зварад̇д̇им̣ аж̇жхогаасз вийд̇инаамзд̇ваа вихаарам̣ баависи, ааяасмааби ко сон̣о б̣ахуд̣̇зварад̇д̇им̣ аж̇жхогаасз вийд̇инаамзд̇ваа вихаарам̣ баависи. сад̇т̇аа бажчимаяаамз сийхасзяяам̣ габбзд̇ваа бажжуусасамаяз вудтааяа нисийд̣̇ид̇ваа ‘‘зд̇д̇агзна гаалзна сон̣асса гааяад̣̇арат̇о бадиббассад̣̇д̇хо бхависсад̇ий’’д̇и н̃ад̇ваа ааяасманд̇ам̣ сон̣ам̣ аж̇жхзси – ‘‘бадибхаад̇у д̇ам̣ бхигку д̇хаммо бхаасид̇у’’нд̇и. сон̣ад̇т̇зро мад̇хурассарзна згаб̣яан̃ж̇анамби авинаасзнд̇о адтагаваг̇г̇ияаани суд̇д̇аани (су. ни. 772 аад̣̇аяо) абхааси. гат̇аабарияосаанз бхаг̇аваа саад̇хугаарам̣ д̣̇ад̇ваа ‘‘суг̇г̇ахид̇о д̇з бхигку д̇хаммо, маяаа д̣̇зсид̇агаалз жа аж̇ж̇а жа згасад̣̇исаава д̣̇зсанаа, гин̃жи уунам̣ ваа ад̇хигам̣ ваа над̇т̇ий’’д̇и басаннабхаавам̣ багаасзси. сон̣ад̇т̇зроби ‘‘аяам̣ огаасо’’д̇и саллагкзд̇ваа убаж̇жхааяасса важанзна д̣̇асаб̣алам̣ ванд̣̇ид̇ваа винаяад̇харабан̃жамзна г̇ан̣зна убасамбад̣̇ам̣ аад̣̇им̣ гад̇ваа саб̣б̣з варз яаажи, сад̇т̇аа ад̣̇ааси. буна т̇зро маад̇уубаасигааяа важанзна ванд̣̇ид̇ваа ‘‘аяам̣, бханд̇з, убаасигааяа д̇умхаагам̣ васанаг̇анд̇хагудияам̣ бхуумад̇т̇аран̣ад̇т̇ам̣ гамб̣ало бахид̇о’’д̇и гамб̣алам̣ д̣̇ад̇ваа удтааяаасанаа сад̇т̇аарам̣ ванд̣̇ид̇ваа бад̣̇агкин̣ам̣ гад̇ваа баггаами. аяамзд̇т̇а сан̇кзбо, вид̇т̇аарад̇о бана т̇зрасса баб̣б̣аж̇ж̇ам̣ аад̣̇им̣ гад̇ваа саб̣б̣ам̣ суд̇д̇з ааг̇ад̇амзва.

    Atha kho bhagavā bahudevarattiṃ ajjhokāse vītināmetvā vihāraṃ pāvisi, āyasmāpi kho soṇo bahudevarattiṃ ajjhokāse vītināmetvā vihāraṃ pāvisi. Satthā pacchimayāme sīhaseyyaṃ kappetvā paccūsasamaye vuṭṭhāya nisīditvā ‘‘ettakena kālena soṇassa kāyadaratho paṭippassaddho bhavissatī’’ti ñatvā āyasmantaṃ soṇaṃ ajjhesi – ‘‘paṭibhātu taṃ bhikkhu dhammo bhāsitu’’nti. Soṇatthero madhurassarena ekabyañjanampi avināsento aṭṭhakavaggiyāni suttāni (su. ni. 772 ādayo) abhāsi. Kathāpariyosāne bhagavā sādhukāraṃ datvā ‘‘suggahito te bhikkhu dhammo, mayā desitakāle ca ajja ca ekasadisāva desanā, kiñci ūnaṃ vā adhikaṃ vā natthī’’ti pasannabhāvaṃ pakāsesi. Soṇattheropi ‘‘ayaṃ okāso’’ti sallakkhetvā upajjhāyassa vacanena dasabalaṃ vanditvā vinayadharapañcamena gaṇena upasampadaṃ ādiṃ katvā sabbe vare yāci, satthā adāsi. Puna thero mātuupāsikāya vacanena vanditvā ‘‘ayaṃ, bhante, upāsikāya tumhākaṃ vasanagandhakuṭiyaṃ bhūmattharaṇatthaṃ kambalo pahito’’ti kambalaṃ datvā uṭṭhāyāsanā satthāraṃ vanditvā padakkhiṇaṃ katvā pakkāmi. Ayamettha saṅkhepo, vitthārato pana therassa pabbajjaṃ ādiṃ katvā sabbaṃ sutte āgatameva.

    ид̇и т̇зро сад̇т̇у санд̇игаа адта варз лабхид̇ваа убаж̇жхааяасса санд̇игам̣ г̇анд̇ваа саб̣б̣ам̣ д̇ам̣ бавад̇д̇им̣ аарожзси. бунад̣̇ивасз маад̇уубаасигааяа нивзсанад̣̇ваарам̣ г̇анд̇ваа бхигкааяа адтааси. убаасигаа ‘‘буд̇д̇о гира мз д̣̇ваарз тид̇о’’д̇и суд̇ваа взг̇зна ааг̇анд̇ваа абхиваад̣̇зд̇ваа хад̇т̇ад̇о бад̇д̇ам̣ г̇ахзд̇ваа анд̇онивзсанз нисийд̣̇аабзд̇ваа бхож̇анам̣ ад̣̇ааси. ат̇а нам̣ бхад̇д̇агижжабарияосаанз ааха – ‘‘д̣̇идто д̇з, д̇аад̇а, д̣̇асаб̣ало’’д̇и? аама убаасигзд̇и. ванд̣̇ид̇о д̇з мама важанзнаад̇и? аама ванд̣̇ид̇о, соби жа мз гамб̣ало д̇ат̇ааг̇ад̇асса васанадтаанз бхуумад̇т̇аран̣ам̣ гад̇ваа ад̇т̇ад̇од̇и. гим̣, д̇аад̇а, д̇аяаа гира сад̇т̇у д̇хаммагат̇аа гат̇ид̇аа, сад̇т̇аараа жа д̇з саад̇хугааро д̣̇иннод̇и? д̇аяаа гат̇ам̣ н̃аад̇ам̣ убаасигзд̇и? д̇аад̇а, маяхам̣ г̇зхз ад̇хивад̇т̇аа д̣̇звад̇аа д̣̇асаб̣алзна д̇уяхам̣ саад̇хугаарам̣ д̣̇иннад̣̇ивасз ‘‘сагалад̣̇асасахассажаггаваал̣з д̣̇звад̇аа саад̇хугаарам̣ ад̣̇ам̣суу’’д̇и ааха – д̇аад̇а, д̇аяаа гат̇ид̇ад̇хаммагат̇ам̣ б̣уд̣̇д̇хаанам̣ гат̇ид̇анияаамзнзва маяхамби гат̇зд̇ум̣ бажжаасийсаамийд̇и. т̇зро маад̇у гат̇ам̣ самбадижчи. саа д̇асса ад̇хиваасанам̣ вид̣̇ид̇ваа д̣̇ваарз ман̣д̣абам̣ гаарзд̇ваа д̣̇асаб̣аласса гат̇ид̇анияаамзнзва ад̇д̇ано д̇хаммагат̇ам̣ гат̇аабзсийд̇и вад̇т̇у зд̇т̇а самудтид̇ам̣. сад̇т̇аа абарабхааг̇з арияаг̇ан̣амаж̇жхз нисинно т̇зрам̣ галяаан̣авааггаран̣аанам̣ аг̇г̇адтаанз табзсийд̇и.

    Iti thero satthu santikā aṭṭha vare labhitvā upajjhāyassa santikaṃ gantvā sabbaṃ taṃ pavattiṃ ārocesi. Punadivase mātuupāsikāya nivesanadvāraṃ gantvā bhikkhāya aṭṭhāsi. Upāsikā ‘‘putto kira me dvāre ṭhito’’ti sutvā vegena āgantvā abhivādetvā hatthato pattaṃ gahetvā antonivesane nisīdāpetvā bhojanaṃ adāsi. Atha naṃ bhattakiccapariyosāne āha – ‘‘diṭṭho te, tāta, dasabalo’’ti? Āma upāsiketi. Vandito te mama vacanenāti? Āma vandito, sopi ca me kambalo tathāgatassa vasanaṭṭhāne bhūmattharaṇaṃ katvā atthatoti. Kiṃ, tāta, tayā kira satthu dhammakathā kathitā, satthārā ca te sādhukāro dinnoti? Tayā kathaṃ ñātaṃ upāsiketi? Tāta, mayhaṃ gehe adhivatthā devatā dasabalena tuyhaṃ sādhukāraṃ dinnadivase ‘‘sakaladasasahassacakkavāḷe devatā sādhukāraṃ adaṃsū’’ti āha – tāta, tayā kathitadhammakathaṃ buddhānaṃ kathitaniyāmeneva mayhampi kathetuṃ paccāsīsāmīti. Thero mātu kathaṃ sampaṭicchi. Sā tassa adhivāsanaṃ viditvā dvāre maṇḍapaṃ kāretvā dasabalassa kathitaniyāmeneva attano dhammakathaṃ kathāpesīti vatthu ettha samuṭṭhitaṃ. Satthā aparabhāge ariyagaṇamajjhe nisinno theraṃ kalyāṇavākkaraṇānaṃ aggaṭṭhāne ṭhapesīti.

    сийвалид̇т̇зравад̇т̇у

    Sīvalittheravatthu

    207. навамз лаабхийнам̣ яад̣̇ид̣̇ам̣ сийвалийд̇и табзд̇ваа д̇ат̇ааг̇ад̇ам̣ лаабхийнам̣ бхигкуунам̣ сийвалид̇т̇зро аг̇г̇од̇и д̣̇ассзд̇и. д̇асса бан̃хагаммз аяаманубуб̣б̣игат̇аа – аяамби ад̇ийд̇з бад̣̇умуд̇д̇араб̣уд̣̇д̇хагаалз вуд̇д̇анаязнзва вихаарам̣ г̇анд̇ваа барисабарияанд̇з тид̇о д̇хаммам̣ сун̣анд̇о сад̇т̇аарам̣ згам̣ бхигкум̣ лаабхийнам̣ аг̇г̇адтаанз табзнд̇ам̣ д̣̇исваа ‘‘маяааби анааг̇ад̇з зваруубзна бхавид̇ум̣ ваддад̇ий’’д̇и д̣̇асаб̣алам̣ ниманд̇зд̇ваа буриманаязнзва сад̇д̇аахам̣ махаад̣̇аанам̣ д̣̇ад̇ваа ‘‘бхаг̇аваа ахамби иминаа ад̇хигаарагаммзна ан̃н̃ам̣ самбад̇д̇им̣ на бад̇т̇зми, анааг̇ад̇з бана згасса б̣уд̣̇д̇хасса саасанз ахамби д̇умхзхи со зд̇ад̣̇аг̇г̇з табид̇абхигку вияа лаабхийнам̣ аг̇г̇о бхавзяяа’’нд̇и бад̇т̇анам̣ агааси. сад̇т̇аа ананд̇арааяам̣ д̣̇исваа ‘‘аяам̣ д̇з бад̇т̇анаа анааг̇ад̇з г̇од̇амасса б̣уд̣̇д̇хасса саасанз самиж̇жхиссад̇ий’’д̇и б̣яаагарид̇ваа баггаами.

    207. Navame lābhīnaṃ yadidaṃ sīvalīti ṭhapetvā tathāgataṃ lābhīnaṃ bhikkhūnaṃ sīvalitthero aggoti dasseti. Tassa pañhakamme ayamanupubbikathā – ayampi atīte padumuttarabuddhakāle vuttanayeneva vihāraṃ gantvā parisapariyante ṭhito dhammaṃ suṇanto satthāraṃ ekaṃ bhikkhuṃ lābhīnaṃ aggaṭṭhāne ṭhapentaṃ disvā ‘‘mayāpi anāgate evarūpena bhavituṃ vaṭṭatī’’ti dasabalaṃ nimantetvā purimanayeneva sattāhaṃ mahādānaṃ datvā ‘‘bhagavā ahampi iminā adhikārakammena aññaṃ sampattiṃ na patthemi, anāgate pana ekassa buddhassa sāsane ahampi tumhehi so etadagge ṭhapitabhikkhu viya lābhīnaṃ aggo bhaveyya’’nti patthanaṃ akāsi. Satthā anantarāyaṃ disvā ‘‘ayaṃ te patthanā anāgate gotamassa buddhassa sāsane samijjhissatī’’ti byākaritvā pakkāmi.

    соби гулабуд̇д̇о яааваж̇ийвам̣ гусалам̣ гад̇ваа д̣̇звамануссзсу сам̣саранд̇о вибассийб̣уд̣̇д̇хагаалз б̣анд̇хумад̇ийнаг̇арад̇о авид̣̇уурз згасмим̣ г̇аамз бадисанд̇хим̣ г̇ан̣хи. д̇асмим̣ самаяз б̣анд̇хумад̇ийнаг̇араваасино ран̃н̃аа сад̣̇д̇хим̣ саагажчид̇ваа саагажчид̇ваа д̣̇асаб̣аласса д̣̇аанам̣ д̣̇знд̇и. д̇з згад̣̇ивасам̣ саб̣б̣зва згад̇о худ̇ваа д̣̇аанам̣ д̣̇знд̇аа ‘‘гим̣ ну ко амхаагам̣ д̣̇аанамукз над̇т̇ий’’д̇и мад̇хун̃жа г̇ул̣ад̣̇ад̇хин̃жа на ад̣̇д̣̇асам̣су. д̇з ‘‘яад̇о гуд̇ожи аахариссаамаа’’д̇и ж̇анабад̣̇ад̇о наг̇арам̣ бависанамаг̇г̇з бурисам̣ табзсум̣. д̇ад̣̇аа зса гулабуд̇д̇о ад̇д̇ано г̇аамад̇о г̇ул̣ад̣̇ад̇хиваарагам̣ г̇ахзд̇ваа ‘‘гин̃жид̣̇зва аахариссаамий’’д̇и наг̇арам̣ г̇ажчанд̇о мукам̣ д̇ховид̇ваа ‘‘д̇ход̇ахад̇т̇абаад̣̇о бависиссаамий’’д̇и паасугадтаанам̣ ологзнд̇о нан̇г̇аласийсамад̇д̇ам̣ ниммагкигам̣ д̣̇ан̣д̣агамад̇хум̣ д̣̇исваа ‘‘бун̃н̃зна мз ид̣̇ам̣ уббанна’’нд̇и г̇ахзд̇ваа наг̇арам̣ бависад̇и. нааг̇арзхи табид̇абурисо д̇ам̣ д̣̇исваа, ‘‘бхо буриса, гассимам̣ аахарасий’’д̇и бужчи. на гассажи саами, виггин̣ид̇ум̣ бана мз ид̣̇ам̣ аанийд̇анд̇и. д̇зна хи, бхо буриса, имам̣ гахаабан̣ам̣ г̇ахзд̇ваа зд̇ам̣ мад̇хун̃жа г̇ул̣ад̣̇ад̇хин̃жа д̣̇зхийд̇и.

    Sopi kulaputto yāvajīvaṃ kusalaṃ katvā devamanussesu saṃsaranto vipassībuddhakāle bandhumatīnagarato avidūre ekasmiṃ gāme paṭisandhiṃ gaṇhi. Tasmiṃ samaye bandhumatīnagaravāsino raññā saddhiṃ sākacchitvā sākacchitvā dasabalassa dānaṃ denti. Te ekadivasaṃ sabbeva ekato hutvā dānaṃ dentā ‘‘kiṃ nu kho amhākaṃ dānamukhe natthī’’ti madhuñca guḷadadhiñca na addasaṃsu. Te ‘‘yato kutoci āharissāmā’’ti janapadato nagaraṃ pavisanamagge purisaṃ ṭhapesuṃ. Tadā esa kulaputto attano gāmato guḷadadhivārakaṃ gahetvā ‘‘kiñcideva āharissāmī’’ti nagaraṃ gacchanto mukhaṃ dhovitvā ‘‘dhotahatthapādo pavisissāmī’’ti phāsukaṭṭhānaṃ olokento naṅgalasīsamattaṃ nimmakkhikaṃ daṇḍakamadhuṃ disvā ‘‘puññena me idaṃ uppanna’’nti gahetvā nagaraṃ pavisati. Nāgarehi ṭhapitapuriso taṃ disvā, ‘‘bho purisa, kassimaṃ āharasī’’ti pucchi. Na kassaci sāmi, vikkiṇituṃ pana me idaṃ ānītanti. Tena hi, bho purisa, imaṃ kahāpaṇaṃ gahetvā etaṃ madhuñca guḷadadhiñca dehīti.

    со жинд̇зси – ‘‘ид̣̇ам̣ на б̣ахумуулам̣, аяан̃жа згаббахаарзнзва б̣ахум̣ д̣̇зд̇и, виймам̣сид̇ум̣ ваддад̇ий’’д̇и . д̇ад̇о нам̣ ‘‘наахам̣ згагахаабан̣зна д̣̇змий’’д̇и ааха. яад̣̇и звам̣, д̣̇вз г̇ахзд̇ваа д̣̇зхийд̇и. д̣̇вийхиби на д̣̇змийд̇и. зд̇знубааязна вад̣дханд̇ам̣ вад̣дханд̇ам̣ сахассам̣ баабун̣и. со жинд̇зси – ‘‘ад̇иан̃чид̇ум̣ на ваддад̇и, ход̇у д̇аава, имасса гад̇д̇аб̣б̣агижжам̣ бужчиссаамий’’д̇и. ат̇а нам̣ ааха – ‘‘ид̣̇ам̣ на б̣ахуаг̇гханагам̣, д̇ван̃жа б̣ахум̣ д̣̇зси, гзна гаммзна ид̣̇ам̣ г̇ан̣хаасий’’д̇и? ид̇ха, бхо, наг̇араваасино ран̃н̃аа сад̣̇д̇хим̣ бадивируж̇жхид̇ваа вибассийд̣̇асаб̣аласса д̣̇аанам̣ д̣̇знд̇аа ид̣̇ам̣ д̣̇ваяам̣ д̣̇аанамукз абассанд̇аа бариязсанд̇и. сажз ид̣̇ам̣ д̣̇ваяам̣ на лабхиссанд̇и, нааг̇араанам̣ барааж̇аяо бхависсад̇и. д̇асмаа сахассам̣ д̣̇ад̇ваа г̇ан̣хаамийд̇и. гим̣ банзд̇ам̣ нааг̇араанамзва ваддад̇и, на ан̃н̃зсам̣ д̣̇аад̇ум̣ ваддад̇ийд̇и? яасса гассажи д̣̇аад̇ум̣ аваарид̇амзд̇анд̇и. ад̇т̇и бана д̇з гожи нааг̇араанам̣ д̣̇аанз згад̣̇ивасам̣ сахассам̣ д̣̇аад̇аад̇и? над̇т̇и саммаад̇и. имзсам̣ бана д̣̇виннам̣ сахассаг̇гханагабхаавам̣ ж̇аанаасийд̇и? аама ж̇аанаамийд̇и. д̇зна хи г̇ажча, нааг̇араанам̣ аажигка – ‘‘зго бурисо имаани д̣̇вз муулзна на д̣̇зд̇и, сахад̇т̇знзва д̣̇аад̇угаамо, д̇умхз имзсам̣ д̣̇виннам̣ гааран̣аа нируссуггаа хот̇аа’’д̇и. д̇вам̣ бана мз имасмим̣ д̣̇аанамукз ж̇здтагабхаавасса гааяасагкий хохийд̇и.

    So cintesi – ‘‘idaṃ na bahumūlaṃ, ayañca ekappahāreneva bahuṃ deti, vīmaṃsituṃ vaṭṭatī’’ti . Tato naṃ ‘‘nāhaṃ ekakahāpaṇena demī’’ti āha. Yadi evaṃ, dve gahetvā dehīti. Dvīhipi na demīti. Etenupāyena vaḍḍhantaṃ vaḍḍhantaṃ sahassaṃ pāpuṇi. So cintesi – ‘‘atiañchituṃ na vaṭṭati, hotu tāva, imassa kattabbakiccaṃ pucchissāmī’’ti. Atha naṃ āha – ‘‘idaṃ na bahuagghanakaṃ, tvañca bahuṃ desi, kena kammena idaṃ gaṇhāsī’’ti? Idha, bho, nagaravāsino raññā saddhiṃ paṭivirujjhitvā vipassīdasabalassa dānaṃ dentā idaṃ dvayaṃ dānamukhe apassantā pariyesanti. Sace idaṃ dvayaṃ na labhissanti, nāgarānaṃ parājayo bhavissati. Tasmā sahassaṃ datvā gaṇhāmīti. Kiṃ panetaṃ nāgarānameva vaṭṭati, na aññesaṃ dātuṃ vaṭṭatīti? Yassa kassaci dātuṃ avāritametanti. Atthi pana te koci nāgarānaṃ dāne ekadivasaṃ sahassaṃ dātāti? Natthi sammāti. Imesaṃ pana dvinnaṃ sahassagghanakabhāvaṃ jānāsīti? Āma jānāmīti. Tena hi gaccha, nāgarānaṃ ācikkha – ‘‘eko puriso imāni dve mūlena na deti, sahattheneva dātukāmo, tumhe imesaṃ dvinnaṃ kāraṇā nirussukkā hothā’’ti. Tvaṃ pana me imasmiṃ dānamukhe jeṭṭhakabhāvassa kāyasakkhī hohīti.

    со г̇аамаваасий бариб̣б̣аяад̇т̇ам̣ г̇ахид̇амаасагзна бан̃жагадугам̣ г̇ахзд̇ваа жун̣н̣ам̣ гад̇ваа д̣̇ад̇хид̇о ган̃ж̇ияам̣ ваахзд̇ваа д̇ад̇т̇а мад̇хубадалам̣ бийл̣зд̇ваа бан̃жагадугажун̣н̣зна яож̇зд̇ваа згасмим̣ бад̣̇уминибад̇д̇з багкибид̇ваа д̇ам̣ сам̣вид̣̇ахид̇ваа аад̣̇ааяа д̣̇асаб̣аласса авид̣̇уурз таанз нисийд̣̇и. махааж̇анзна аахарияамаанасса саггаарасса анд̇арз ад̇д̇ано бад̇д̇аваарам̣ ологаяамаано огаасам̣ н̃ад̇ваа сад̇т̇у санд̇игам̣ г̇анд̇ваа ‘‘бхаг̇аваа аяам̣ маяхам̣ д̣̇уг̇г̇ад̇абан̣н̣аагааро, имам̣ мз анугамбам̣ бадижжа г̇ан̣хат̇аа’’д̇и. сад̇т̇аа д̇асса анугамбам̣ бадижжа жад̇умахаарааж̇ад̣̇ад̇д̇иязна сзламаязна бад̇д̇зна д̇ам̣ бадиг̇г̇ахзд̇ваа яат̇аа адтасадтибхигкусад̇асахассасса д̣̇ияяамаанам̣ на кийяад̇и, звам̣ ад̇хидтааси. соби гулабуд̇д̇о нидтид̇абхад̇д̇агижжам̣ бхаг̇аванд̇ам̣ абхиваад̣̇зд̇ваа згаманд̇ам̣ тид̇о ааха – ‘‘д̣̇идто мз бхаг̇аваа аж̇ж̇а б̣анд̇хумад̇ийнаг̇араваасигзхи д̇умхаагам̣ саггааро аахарияамаано, ахамби имасса гаммасса ниссанд̣̇зна ниб̣б̣ад̇д̇аниб̣б̣ад̇д̇абхавз лаабхаг̇г̇аяасаг̇г̇аббад̇д̇о бхавзяяа’’нд̇и. сад̇т̇аа ‘‘звам̣ ход̇у гулабуд̇д̇аа’’д̇и вад̇ваа д̇асса жа наг̇араваасийнан̃жа бхад̇д̇аанумод̣̇анам̣ гад̇ваа баггаами.

    So gāmavāsī paribbayatthaṃ gahitamāsakena pañcakaṭukaṃ gahetvā cuṇṇaṃ katvā dadhito kañjiyaṃ vāhetvā tattha madhupaṭalaṃ pīḷetvā pañcakaṭukacuṇṇena yojetvā ekasmiṃ paduminipatte pakkhipitvā taṃ saṃvidahitvā ādāya dasabalassa avidūre ṭhāne nisīdi. Mahājanena āhariyamānassa sakkārassa antare attano pattavāraṃ olokayamāno okāsaṃ ñatvā satthu santikaṃ gantvā ‘‘bhagavā ayaṃ mayhaṃ duggatapaṇṇākāro, imaṃ me anukampaṃ paṭicca gaṇhathā’’ti. Satthā tassa anukampaṃ paṭicca catumahārājadattiyena selamayena pattena taṃ paṭiggahetvā yathā aṭṭhasaṭṭhibhikkhusatasahassassa diyyamānaṃ na khīyati, evaṃ adhiṭṭhāsi. Sopi kulaputto niṭṭhitabhattakiccaṃ bhagavantaṃ abhivādetvā ekamantaṃ ṭhito āha – ‘‘diṭṭho me bhagavā ajja bandhumatīnagaravāsikehi tumhākaṃ sakkāro āhariyamāno, ahampi imassa kammassa nissandena nibbattanibbattabhave lābhaggayasaggappatto bhaveyya’’nti. Satthā ‘‘evaṃ hotu kulaputtā’’ti vatvā tassa ca nagaravāsīnañca bhattānumodanaṃ katvā pakkāmi.

    соби гулабуд̇д̇о яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з суббаваасааяа рааж̇ад̇хийд̇ааяа гужчисмим̣ бадисанд̇хим̣ г̇ан̣хи. бадисанд̇хиг̇г̇ахан̣ад̇о бадтааяа сааяам̣ баад̇ан̃жа бан̣н̣аагаарасад̇аани баабун̣анд̇и, суббаваасаа самбад̇д̇им̣ г̇ажчад̇и. ат̇а нам̣ бун̃н̃авиймам̣санад̇т̇ам̣ хад̇т̇зна б̣ийж̇абажчим̣ пусаабзнд̇и, згзгаб̣ийж̇ад̇о салаагасад̇амби салаагасахассамби ниг̇ажчад̇и. згагарийсакзд̇д̇ад̇о бан̃н̃аасамби садтиби сагадаани уббаж̇ж̇анд̇и. годтабууран̣агаалзби годтад̣̇ваарам̣ хад̇т̇зна пусаабзнд̇и, рааж̇ад̇хийд̇ааяа бун̃н̃зна г̇ан̣ханд̇аанам̣ г̇ахид̇аг̇ахид̇адтаанам̣ буна буурад̇и. барибун̣н̣абхад̇д̇агумбхид̇оби ‘‘рааж̇ад̇хийд̇ааяа бун̃н̃а’’нд̇и вад̇ваа яасса гассажи д̣̇знд̇аанам̣ яаава на уггад̣дханд̇и, на д̇аава бхад̇д̇ам̣ кийяад̇и. д̣̇аарагз гужчиг̇ад̇зязва сад̇д̇а вассаани ад̇иггамим̣су.

    Sopi kulaputto yāvajīvaṃ kusalaṃ katvā devamanussesu saṃsaranto imasmiṃ buddhuppāde suppavāsāya rājadhītāya kucchismiṃ paṭisandhiṃ gaṇhi. Paṭisandhiggahaṇato paṭṭhāya sāyaṃ pātañca paṇṇākārasatāni pāpuṇanti, suppavāsā sampattiṃ gacchati. Atha naṃ puññavīmaṃsanatthaṃ hatthena bījapacchiṃ phusāpenti, ekekabījato salākasatampi salākasahassampi nigacchati. Ekakarīsakhettato paññāsampi saṭṭhipi sakaṭāni uppajjanti. Koṭṭhapūraṇakālepi koṭṭhadvāraṃ hatthena phusāpenti, rājadhītāya puññena gaṇhantānaṃ gahitagahitaṭṭhānaṃ puna pūrati. Paripuṇṇabhattakumbhitopi ‘‘rājadhītāya puñña’’nti vatvā yassa kassaci dentānaṃ yāva na ukkaḍḍhanti, na tāva bhattaṃ khīyati. Dārake kucchigateyeva satta vassāni atikkamiṃsu.

    г̇аб̣бхз бана барибаггз сад̇д̇аахам̣ махаад̣̇угкам̣ анубхоси. саа саамигам̣ ааманд̇зд̇ваа ‘‘бурз маран̣аа ж̇ийвамаанаава д̣̇аанам̣ д̣̇ассаамий’’д̇и сад̇т̇у санд̇игам̣ бзсзси – ‘‘г̇ажча имам̣ бавад̇д̇им̣ сад̇т̇у аарожзд̇ваа сад̇т̇аарам̣ ниманд̇зхи, яан̃жа сад̇т̇аа вад̣̇зд̇и, д̇ам̣ саад̇хугам̣ убалагкзд̇ваа ааг̇анд̇ваа маяхам̣ гат̇зхий’’д̇и. со г̇анд̇ваа д̇ассаа саасанам̣ бхаг̇авад̇о аарожзси. сад̇т̇аа ‘‘сукиний ход̇у суббаваасаа голияад̇хийд̇аа, сукиний арог̇аа арог̇ам̣ буд̇д̇ам̣ виж̇ааяад̇уу’’д̇и ааха. рааж̇аа д̇ам̣ суд̇ваа бхаг̇аванд̇ам̣ абхиваад̣̇зд̇ваа анд̇ог̇аамаабхимуко бааяааси. д̇асса бурз ааг̇аманааязва суббаваасааяа гужчид̇о д̇хамагаран̣аа уд̣̇агам̣ вияа г̇аб̣бхо нигками, бариваарзд̇ваа нисиннаж̇ано ассумукова хасид̇ум̣ аарад̣̇д̇хо. хадтад̇удто махааж̇ано ран̃н̃о буд̇д̇асаасанам̣ аарожзд̇ум̣ аг̇амааси.

    Gabbhe pana paripakke sattāhaṃ mahādukkhaṃ anubhosi. Sā sāmikaṃ āmantetvā ‘‘pure maraṇā jīvamānāva dānaṃ dassāmī’’ti satthu santikaṃ pesesi – ‘‘gaccha imaṃ pavattiṃ satthu ārocetvā satthāraṃ nimantehi, yañca satthā vadeti, taṃ sādhukaṃ upalakkhetvā āgantvā mayhaṃ kathehī’’ti. So gantvā tassā sāsanaṃ bhagavato ārocesi. Satthā ‘‘sukhinī hotu suppavāsā koliyadhītā, sukhinī arogā arogaṃ puttaṃ vijāyatū’’ti āha. Rājā taṃ sutvā bhagavantaṃ abhivādetvā antogāmābhimukho pāyāsi. Tassa pure āgamanāyeva suppavāsāya kucchito dhamakaraṇā udakaṃ viya gabbho nikkhami, parivāretvā nisinnajano assumukhova hasituṃ āraddho. Haṭṭhatuṭṭho mahājano rañño puttasāsanaṃ ārocetuṃ agamāsi.

    рааж̇аа д̇зсам̣ ин̇г̇ид̇ам̣ д̣̇исваава ‘‘д̣̇асаб̣алзна гат̇ид̇агат̇аа нибпаннаа ман̃н̃з’’д̇и жинд̇зси. со ааг̇анд̇ваа сад̇т̇у саасанам̣ рааж̇ад̇хийд̇ааяа аарожзси. рааж̇ад̇хийд̇аа ‘‘д̇аяаа ниманд̇ид̇ам̣ ж̇ийвид̇абхад̇д̇амзва ман̇г̇алабхад̇д̇ам̣ бхависсад̇и, г̇ажча сад̇д̇аахам̣ д̣̇асаб̣алам̣ ниманд̇зхий’’д̇и. рааж̇аа д̇ат̇аа агааси. сад̇д̇аахам̣ б̣уд̣̇д̇хаббамукасса бхигкусан̇гхасса махаад̣̇аанам̣ бавад̇д̇аяим̣су. д̣̇аараго саб̣б̣зсам̣ н̃аад̇ийнам̣ санд̇ад̇д̇ажид̇д̇ам̣ ниб̣б̣аабзнд̇о ж̇аад̇од̇и сийвалид̣̇аарагод̇взвасса наамам̣ агам̣су. со сад̇д̇а вассаани г̇аб̣бхз васид̇ад̇д̇аа ж̇аад̇агаалад̇о бадтааяа саб̣б̣агаммагкамо ахоси. д̇хаммасзнаабад̇и саарибуд̇д̇о сад̇д̇амз д̣̇ивасз д̇зна сад̣̇д̇хим̣ гат̇аасаллаабам̣ агааси. сад̇т̇ааби д̇хаммабад̣̇з г̇аат̇ам̣ абхааси –

    Rājā tesaṃ iṅgitaṃ disvāva ‘‘dasabalena kathitakathā nipphannā maññe’’ti cintesi. So āgantvā satthu sāsanaṃ rājadhītāya ārocesi. Rājadhītā ‘‘tayā nimantitaṃ jīvitabhattameva maṅgalabhattaṃ bhavissati, gaccha sattāhaṃ dasabalaṃ nimantehī’’ti. Rājā tathā akāsi. Sattāhaṃ buddhappamukhassa bhikkhusaṅghassa mahādānaṃ pavattayiṃsu. Dārako sabbesaṃ ñātīnaṃ santattacittaṃ nibbāpento jātoti sīvalidārakotvevassa nāmaṃ akaṃsu. So satta vassāni gabbhe vasitattā jātakālato paṭṭhāya sabbakammakkhamo ahosi. Dhammasenāpati sāriputto sattame divase tena saddhiṃ kathāsallāpaṃ akāsi. Satthāpi dhammapade gāthaṃ abhāsi –

    ‘‘яомам̣ балибат̇ам̣ д̣̇уг̇г̇ам̣, сам̣саарам̣ мохамажжаг̇аа;

    ‘‘Yomaṃ palipathaṃ duggaṃ, saṃsāraṃ mohamaccagā;

    д̇ин̣н̣о бааран̇г̇ад̇о жхааяий, анзж̇о агат̇ам̣гат̇ий;

    Tiṇṇo pāraṅgato jhāyī, anejo akathaṃkathī;

    анубаад̣̇ааяа ниб̣б̣уд̇о, д̇амахам̣ б̣рууми б̣раахман̣а’’нд̇и. (д̇ха. ба. 414);

    Anupādāya nibbuto, tamahaṃ brūmi brāhmaṇa’’nti. (dha. pa. 414);

    ат̇а нам̣ т̇зро звамааха – ‘‘гим̣ бана д̇аяаа зваруубам̣ д̣̇угкараасим̣ анубхавид̇ваа баб̣б̣аж̇ид̇ум̣ на ваддад̇ий’’д̇и? лабхамаано баб̣б̣аж̇зяяам̣, бханд̇зд̇и. суббаваасаа д̇ам̣ д̣̇аарагам̣ т̇зрзна сад̣̇д̇хим̣ гат̇знд̇ам̣ д̣̇исваа ‘‘гим̣ ну ко мз буд̇д̇о д̇хаммасзнаабад̇инаа сад̣̇д̇хим̣ гат̇зд̇ий’’д̇и т̇зрам̣ убасан̇гамид̇ваа бужчи – ‘‘маяхам̣ буд̇д̇о д̇умхзхи сад̣̇д̇хим̣ гим̣ гат̇зд̇и, бхад̣̇анд̇з’’д̇и? ад̇д̇анаа анубхууд̇ам̣ г̇аб̣бхаваасад̣̇угкам̣ гат̇зд̇ваа д̇умхзхи анун̃н̃аад̇о баб̣б̣аж̇иссаамийд̇и вад̣̇ад̇ийд̇и. саад̇ху, бханд̇з, баб̣б̣ааж̇зт̇а нанд̇и. т̇зро д̇ам̣ вихаарам̣ нзд̇ваа д̇ажабан̃жагагаммадтаанам̣ д̣̇ад̇ваа баб̣б̣ааж̇знд̇о, ‘‘сийвали, на д̇уяхам̣ ан̃н̃зна оваад̣̇зна гаммам̣ ад̇т̇и, д̇аяаа сад̇д̇а вассаани анубхууд̇ад̣̇угкамзва бажжавзгкаахий’’д̇и. бханд̇з, баб̣б̣ааж̇анамзва д̇умхаагам̣ бхааро, яам̣ бана маяаа гаад̇ум̣ саггаа, д̇амахам̣ ж̇ааниссаамийд̇и. со батамагзсаваддияаа охаарид̇агкан̣зязва сод̇аабад̇д̇ипалз бад̇идтааси, д̣̇уд̇ияааяа охаарид̇агкан̣з сагад̣̇ааг̇аамипалз, д̇ад̇ияааяа анааг̇аамипалз. саб̣б̣зсам̣язва бана гзсаанам̣ оробанан̃жа арахад̇д̇асажчигирияаа жа абажчаа абуримаа ахоси. д̇асса баб̣б̣аж̇ид̇ад̣̇ивасад̇о бадтааяа бхигкусан̇гхасса жад̇д̇ааро бажжаяаа яад̣̇ижчагам̣ уббаж̇ж̇анд̇и. звам̣ зд̇т̇а вад̇т̇у самудтид̇ам̣.

    Atha naṃ thero evamāha – ‘‘kiṃ pana tayā evarūpaṃ dukkharāsiṃ anubhavitvā pabbajituṃ na vaṭṭatī’’ti? Labhamāno pabbajeyyaṃ, bhanteti. Suppavāsā taṃ dārakaṃ therena saddhiṃ kathentaṃ disvā ‘‘kiṃ nu kho me putto dhammasenāpatinā saddhiṃ kathetī’’ti theraṃ upasaṅkamitvā pucchi – ‘‘mayhaṃ putto tumhehi saddhiṃ kiṃ katheti, bhadante’’ti? Attanā anubhūtaṃ gabbhavāsadukkhaṃ kathetvā tumhehi anuññāto pabbajissāmīti vadatīti. Sādhu, bhante, pabbājetha nanti. Thero taṃ vihāraṃ netvā tacapañcakakammaṭṭhānaṃ datvā pabbājento, ‘‘sīvali, na tuyhaṃ aññena ovādena kammaṃ atthi, tayā satta vassāni anubhūtadukkhameva paccavekkhāhī’’ti. Bhante, pabbājanameva tumhākaṃ bhāro, yaṃ pana mayā kātuṃ sakkā, tamahaṃ jānissāmīti. So paṭhamakesavaṭṭiyā ohāritakkhaṇeyeva sotāpattiphale patiṭṭhāsi, dutiyāya ohāritakkhaṇe sakadāgāmiphale, tatiyāya anāgāmiphale. Sabbesaṃyeva pana kesānaṃ oropanañca arahattasacchikiriyā ca apacchā apurimā ahosi. Tassa pabbajitadivasato paṭṭhāya bhikkhusaṅghassa cattāro paccayā yadicchakaṃ uppajjanti. Evaṃ ettha vatthu samuṭṭhitaṃ.

    абарабхааг̇з сад̇т̇аа саавад̇т̇им̣ аг̇амааси. т̇зро сад̇т̇аарам̣ абхиваад̣̇зд̇ваа, ‘‘бханд̇з, маяхам̣ бун̃н̃ам̣ виймам̣сиссаами, бан̃жа мз бхигкусад̇аани д̣̇зт̇аа’’д̇и ааха . г̇ан̣ха, сийвалийд̇и. со бан̃жасад̇з бхигкуу г̇ахзд̇ваа химаванд̇аабхимукам̣ г̇ажчанд̇о адавимаг̇г̇ам̣ г̇ажчад̇и. д̇асса батамам̣ д̣̇идтаа ниг̇род̇хз ад̇хивад̇т̇аа д̣̇звад̇аа сад̇д̇а д̣̇ивасаани д̣̇аанам̣ ад̣̇ааси. ид̇и со –

    Aparabhāge satthā sāvatthiṃ agamāsi. Thero satthāraṃ abhivādetvā, ‘‘bhante, mayhaṃ puññaṃ vīmaṃsissāmi, pañca me bhikkhusatāni dethā’’ti āha . Gaṇha, sīvalīti. So pañcasate bhikkhū gahetvā himavantābhimukhaṃ gacchanto aṭavimaggaṃ gacchati. Tassa paṭhamaṃ diṭṭhā nigrodhe adhivatthā devatā satta divasāni dānaṃ adāsi. Iti so –

    ‘‘ниг̇род̇хам̣ батамам̣ басси, д̣̇уд̇ияам̣ бан̣д̣авабаб̣б̣ад̇ам̣;

    ‘‘Nigrodhaṃ paṭhamaṃ passi, dutiyaṃ paṇḍavapabbataṃ;

    д̇ад̇ияам̣ ажиравад̇ияам̣, жад̇уд̇т̇ам̣ варасааг̇арам̣.

    Tatiyaṃ aciravatiyaṃ, catutthaṃ varasāgaraṃ.

    ‘‘бан̃жамам̣ химаванд̇ам̣ со, чадтам̣ чад̣̇д̣̇анд̇убааг̇ами;

    ‘‘Pañcamaṃ himavantaṃ so, chaṭṭhaṃ chaddantupāgami;

    сад̇д̇амам̣ г̇анд̇хамаад̣̇анам̣, адтамам̣ ат̇а рзвад̇а’’нд̇и.

    Sattamaṃ gandhamādanaṃ, aṭṭhamaṃ atha revata’’nti.

    саб̣б̣адтаанзсу сад̇д̇а сад̇д̇а д̣̇ивасаанзва д̣̇аанам̣ ад̣̇ам̣су. г̇анд̇хамаад̣̇анабаб̣б̣ад̇з бана нааг̇ад̣̇ад̇д̇ад̣̇зварааж̇аа наама сад̇д̇ад̣̇ивасзсу згад̣̇ивасам̣ кийрабин̣д̣абаад̇ам̣ ад̣̇ааси, згад̣̇ивасам̣ саббибин̣д̣абаад̇ам̣ ад̣̇ааси. бхигкусан̇гхо ааха – ‘‘аавусо, имасса д̣̇зваран̃н̃о нзва д̇хзнуяо д̣̇уяхамаанаа бан̃н̃ааяанд̇и, на д̣̇ад̇хиниммат̇анам̣, гуд̇о д̇з, д̣̇зварааж̇а, имам̣ уббаж̇ж̇ад̇ий’’д̇и? ‘‘бханд̇з, гассабад̣̇асаб̣аласса гаалз кийрасалаагабхад̇д̇ад̣̇аанассзд̇ам̣ пала’’нд̇и д̣̇зварааж̇аа ааха. абарабхааг̇з сад̇т̇аа кад̣̇ираванияарзвад̇асса бажжуг̇г̇аманам̣ адтуббад̇д̇им̣ гад̇ваа т̇зрам̣ ад̇д̇ано саасанз лаабхаг̇г̇аяасаг̇г̇аббад̇д̇аанам̣ аг̇г̇адтаанз табзсийд̇и.

    Sabbaṭṭhānesu satta satta divasāneva dānaṃ adaṃsu. Gandhamādanapabbate pana nāgadattadevarājā nāma sattadivasesu ekadivasaṃ khīrapiṇḍapātaṃ adāsi, ekadivasaṃ sappipiṇḍapātaṃ adāsi. Bhikkhusaṅgho āha – ‘‘āvuso, imassa devarañño neva dhenuyo duyhamānā paññāyanti, na dadhinimmathanaṃ, kuto te, devarāja, imaṃ uppajjatī’’ti? ‘‘Bhante, kassapadasabalassa kāle khīrasalākabhattadānassetaṃ phala’’nti devarājā āha. Aparabhāge satthā khadiravaniyarevatassa paccuggamanaṃ aṭṭhuppattiṃ katvā theraṃ attano sāsane lābhaggayasaggappattānaṃ aggaṭṭhāne ṭhapesīti.

    ваггалид̇т̇зравад̇т̇у

    Vakkalittheravatthu

    208. д̣̇асамз сад̣̇д̇хаад̇химуд̇д̇аананд̇и сад̣̇д̇хааяа ад̇химуд̇д̇аанам̣, б̣алавасад̣̇д̇хаанам̣ бхигкуунам̣ ваггалид̇т̇зро аг̇г̇од̇и д̣̇ассзд̇и. ан̃н̃зсам̣ хи сад̣̇д̇хаа вад̣дхзд̇аб̣б̣аа ход̇и, т̇зрасса бана хаабзд̇аб̣б̣аа ж̇аад̇аа. д̇асмаа со сад̣̇д̇хаад̇химуд̇д̇аанам̣ аг̇г̇од̇и вуд̇д̇о. ваггалийд̇и банасса наамам̣.

    208. Dasame saddhādhimuttānanti saddhāya adhimuttānaṃ, balavasaddhānaṃ bhikkhūnaṃ vakkalitthero aggoti dasseti. Aññesaṃ hi saddhā vaḍḍhetabbā hoti, therassa pana hāpetabbā jātā. Tasmā so saddhādhimuttānaṃ aggoti vutto. Vakkalīti panassa nāmaṃ.

    д̇асса бан̃хагаммз аяаманубуб̣б̣игат̇аа – аяамби хи ад̇ийд̇з бад̣̇умуд̇д̇араб̣уд̣̇д̇хагаалз вуд̇д̇анаязнзва вихаарам̣ г̇анд̇ваа барисабарияанд̇з тид̇о д̇хаммам̣ сун̣анд̇о сад̇т̇аарам̣ згам̣ бхигкум̣ сад̣̇д̇хаад̇химуд̇д̇аанам̣ аг̇г̇адтаанз табзнд̇ам̣ д̣̇исваа ‘‘маяааби анааг̇ад̇з зваруубзна бхавид̇ум̣ ваддад̇ий’’д̇и вуд̇д̇анаязнзва сад̇т̇аарам̣ ниманд̇зд̇ваа сад̇д̇аахам̣ махаад̣̇аанам̣ д̣̇ад̇ваа д̣̇асаб̣алам̣ ванд̣̇ид̇ваа, ‘‘бханд̇з, ахамби иминаа ад̇хигаарагаммзна д̇умхзхи сад̣̇д̇хаад̇химуд̇д̇аанам̣ зд̇ад̣̇аг̇г̇з табид̇абхигку вияа анааг̇ад̇з згасса б̣уд̣̇д̇хасса саасанз сад̣̇д̇хаад̇химуд̇д̇аанам̣ аг̇г̇о бхавзяяа’’нд̇и бад̇т̇анам̣ агааси. сад̇т̇аа д̇асса ананд̇арааяам̣ д̣̇исваа б̣яаагарид̇ваа баггаами.

    Tassa pañhakamme ayamanupubbikathā – ayampi hi atīte padumuttarabuddhakāle vuttanayeneva vihāraṃ gantvā parisapariyante ṭhito dhammaṃ suṇanto satthāraṃ ekaṃ bhikkhuṃ saddhādhimuttānaṃ aggaṭṭhāne ṭhapentaṃ disvā ‘‘mayāpi anāgate evarūpena bhavituṃ vaṭṭatī’’ti vuttanayeneva satthāraṃ nimantetvā sattāhaṃ mahādānaṃ datvā dasabalaṃ vanditvā, ‘‘bhante, ahampi iminā adhikārakammena tumhehi saddhādhimuttānaṃ etadagge ṭhapitabhikkhu viya anāgate ekassa buddhassa sāsane saddhādhimuttānaṃ aggo bhaveyya’’nti patthanaṃ akāsi. Satthā tassa anantarāyaṃ disvā byākaritvā pakkāmi.

    соби яааваж̇ийвам̣ гусалам̣ гад̇ваа д̣̇звамануссзсу сам̣саранд̇о амхаагам̣ сад̇т̇угаалз саавад̇т̇ияам̣ б̣раахман̣агулз бадисанд̇хим̣ г̇ан̣хи, ваггалийд̇исса наамам̣ агам̣су. со вуд̣̇д̇хиббад̇д̇о д̇аяо взд̣̇з уг̇г̇ан̣хид̇ваа д̣̇асаб̣алам̣ бхигкусан̇гхабаривуд̇ам̣ саавад̇т̇ияам̣ жаранд̇ам̣ д̣̇исваа сад̇т̇у сарийрасамбад̇д̇им̣ ологзнд̇о сарийрасамбад̇д̇ид̣̇ассанзна ад̇ид̇д̇о д̣̇асаб̣алзна сад̣̇д̇хим̣язва вижарад̇и. вихаарам̣ г̇ажчанд̇зна сад̣̇д̇хим̣ вихаарам̣ г̇анд̇ваа сарийранибпад̇д̇им̣ ологзнд̇ова д̇идтад̇и. д̇хаммасабхааяам̣ нисийд̣̇ид̇ваа д̇хаммам̣ гат̇знд̇асса саммукадтаанз тид̇о д̇хаммам̣ сун̣аад̇и. со сад̣̇д̇хам̣ бадилабхид̇ваа ‘‘аг̇аарамаж̇жхз васанд̇о ниб̣ад̣̇д̇хам̣ д̣̇асаб̣аласса д̣̇ассанам̣ на лабхиссаамий’’д̇и баб̣б̣аж̇ж̇ам̣ яаажид̇ваа сад̇т̇у санд̇игз баб̣б̣аж̇и.

    Sopi yāvajīvaṃ kusalaṃ katvā devamanussesu saṃsaranto amhākaṃ satthukāle sāvatthiyaṃ brāhmaṇakule paṭisandhiṃ gaṇhi, vakkalītissa nāmaṃ akaṃsu. So vuddhippatto tayo vede uggaṇhitvā dasabalaṃ bhikkhusaṅghaparivutaṃ sāvatthiyaṃ carantaṃ disvā satthu sarīrasampattiṃ olokento sarīrasampattidassanena atitto dasabalena saddhiṃyeva vicarati. Vihāraṃ gacchantena saddhiṃ vihāraṃ gantvā sarīranipphattiṃ olokentova tiṭṭhati. Dhammasabhāyaṃ nisīditvā dhammaṃ kathentassa sammukhaṭṭhāne ṭhito dhammaṃ suṇāti. So saddhaṃ paṭilabhitvā ‘‘agāramajjhe vasanto nibaddhaṃ dasabalassa dassanaṃ na labhissāmī’’ti pabbajjaṃ yācitvā satthu santike pabbaji.

    д̇ад̇о бадтааяа табзд̇ваа аахаарагаран̣авзлам̣ авасзсагаалз яад̇т̇а тид̇зна саггаа д̣̇асаб̣алам̣ бассид̇ум̣, д̇ад̇т̇а тид̇о яонисоманасигаарам̣ бахааяа д̣̇асаб̣алам̣ ологзнд̇ова вихарад̇и. сад̇т̇аа д̇асса н̃аан̣абарибаагам̣ ааг̇амзнд̇о д̣̇ийгхамби ад̣̇д̇хаанам̣ д̇асмим̣ руубад̣̇ассанавасзнзва вижаранд̇з гин̃жи авад̇ваа ‘‘ид̣̇аанисса н̃аан̣ам̣ барибаагаг̇ад̇ам̣, саггаа зд̇ам̣ б̣од̇хзд̇у’’нд̇и н̃ад̇ваа звамааха – ‘‘гим̣ д̇з, ваггали, иминаа бууд̇игааязна д̣̇идтзна, яо ко, ваггали, д̇хаммам̣ бассад̇и, со мам̣ бассад̇и. яо мам̣ бассад̇и, со д̇хаммам̣ бассад̇и. д̇хамман̃хи, ваггали , бассанд̇о мам̣ бассад̇и, мам̣ бассанд̇о д̇хаммам̣ бассад̇ий’’д̇и.

    Tato paṭṭhāya ṭhapetvā āhārakaraṇavelaṃ avasesakāle yattha ṭhitena sakkā dasabalaṃ passituṃ, tattha ṭhito yonisomanasikāraṃ pahāya dasabalaṃ olokentova viharati. Satthā tassa ñāṇaparipākaṃ āgamento dīghampi addhānaṃ tasmiṃ rūpadassanavaseneva vicarante kiñci avatvā ‘‘idānissa ñāṇaṃ paripākagataṃ, sakkā etaṃ bodhetu’’nti ñatvā evamāha – ‘‘kiṃ te, vakkali, iminā pūtikāyena diṭṭhena, yo kho, vakkali, dhammaṃ passati, so maṃ passati. Yo maṃ passati, so dhammaṃ passati. Dhammañhi, vakkali , passanto maṃ passati, maṃ passanto dhammaṃ passatī’’ti.

    сад̇т̇ари звам̣ овад̣̇анд̇зби т̇зро д̣̇асаб̣аласса д̣̇ассанам̣ бахааяа нзва ан̃н̃ад̇т̇а г̇анд̇ум̣ саггод̇и. д̇ад̇о сад̇т̇аа ‘‘нааяам̣ бхигку сам̣взг̇ам̣ алабхид̇ваа б̣уж̇жхиссад̇ий’’д̇и убагадтааяа вассуубанааяигааяа рааж̇аг̇ахам̣ г̇анд̇ваа вассуубанааяигад̣̇ивасз ‘‘абзхи, ваггалий’’д̇и т̇зрам̣ бан̣аамзд̇и. б̣уд̣̇д̇хаа жа наама аад̣̇зяяаважанаа хонд̇и, д̇асмаа т̇зро сад̇т̇аарам̣ бадибпарид̇ваа таад̇ум̣ асаггонд̇о д̇змаасам̣ д̣̇асаб̣аласса саммукз ааг̇анд̇ум̣ ависаханд̇о ‘‘гим̣ д̣̇аани саггаа гаад̇ум̣, д̇ат̇ааг̇ад̇знамхи бан̣аамид̇о, саммукийбхаавам̣ на лабхаами, гим̣ маяхам̣ ж̇ийвид̇знаа’’д̇и г̇иж̇жхагуудабаб̣б̣ад̇з бабаад̇адтаанам̣ абхирухи. сад̇т̇аа д̇асса гиламанабхаавам̣ н̃ад̇ваа ‘‘аяам̣ бхигку мама санд̇игаа ассаасам̣ алабханд̇о маг̇г̇апалаанам̣ убаниссаяам̣ наасзяяаа’’д̇и ад̇д̇аанам̣ д̣̇ассзд̇ум̣ обхаасам̣ виссаж̇ж̇зси. ат̇асса сад̇т̇у д̣̇идтагаалад̇о бадтааяа зва маханд̇ам̣ согасаллам̣ бахийнам̣. сад̇т̇аа сугкад̇ал̣аагз огхам̣ аахаранд̇о вияа ваггалид̇т̇зрасса б̣алавабийд̇исоманассам̣ уббаад̣̇зд̇ум̣ д̇хаммабад̣̇з имам̣ г̇аат̇амааха –

    Satthari evaṃ ovadantepi thero dasabalassa dassanaṃ pahāya neva aññattha gantuṃ sakkoti. Tato satthā ‘‘nāyaṃ bhikkhu saṃvegaṃ alabhitvā bujjhissatī’’ti upakaṭṭhāya vassūpanāyikāya rājagahaṃ gantvā vassūpanāyikadivase ‘‘apehi, vakkalī’’ti theraṃ paṇāmeti. Buddhā ca nāma ādeyyavacanā honti, tasmā thero satthāraṃ paṭippharitvā ṭhātuṃ asakkonto temāsaṃ dasabalassa sammukhe āgantuṃ avisahanto ‘‘kiṃ dāni sakkā kātuṃ, tathāgatenamhi paṇāmito, sammukhībhāvaṃ na labhāmi, kiṃ mayhaṃ jīvitenā’’ti gijjhakūṭapabbate papātaṭṭhānaṃ abhiruhi. Satthā tassa kilamanabhāvaṃ ñatvā ‘‘ayaṃ bhikkhu mama santikā assāsaṃ alabhanto maggaphalānaṃ upanissayaṃ nāseyyā’’ti attānaṃ dassetuṃ obhāsaṃ vissajjesi. Athassa satthu diṭṭhakālato paṭṭhāya eva mahantaṃ sokasallaṃ pahīnaṃ. Satthā sukkhataḷāke oghaṃ āharanto viya vakkalittherassa balavapītisomanassaṃ uppādetuṃ dhammapade imaṃ gāthamāha –

    ‘‘баамож̇ж̇аб̣ахуло бхигку, басанно б̣уд̣̇д̇хасаасанз;

    ‘‘Pāmojjabahulo bhikkhu, pasanno buddhasāsane;

    ад̇хиг̇ажчз бад̣̇ам̣ санд̇ам̣, сан̇кааруубасамам̣ сука’’нд̇и. (д̇ха. ба. 381);

    Adhigacche padaṃ santaṃ, saṅkhārūpasamaṃ sukha’’nti. (dha. pa. 381);

    ваггалид̇т̇зрасса жа ‘‘зхи, ваггалий’’д̇и хад̇т̇ам̣ басаарзси. т̇зро ‘‘д̣̇асаб̣ало мз д̣̇идто, зхийд̇и авхааяанамби лад̣̇д̇ха’’нд̇и б̣алавабийд̇им̣ уббаад̣̇зд̇ваа ‘‘гуд̇о г̇ажчаамий’’д̇и ад̇д̇ано г̇аманабхаавам̣ аж̇аанид̇ваава д̣̇асаб̣аласса саммукз аагаасз багканд̣̇ид̇ваа батамабаад̣̇зна баб̣б̣ад̇з тид̇оязва сад̇т̇аараа вуд̇д̇аг̇аат̇ам̣ ааваж̇ж̇знд̇о аагаасзязва бийд̇им̣ вигкамбхзд̇ваа саха бадисамбхид̣̇аахи арахад̇д̇ам̣ бад̇ваа д̇ат̇ааг̇ад̇ам̣ ванд̣̇амаанова од̇ари. абарабхааг̇з сад̇т̇аа арияаг̇ан̣амаж̇жхз нисинно т̇зрам̣ сад̣̇д̇хаад̇химуд̇д̇аанам̣ аг̇г̇адтаанз табзсийд̇и.

    Vakkalittherassa ca ‘‘ehi, vakkalī’’ti hatthaṃ pasāresi. Thero ‘‘dasabalo me diṭṭho, ehīti avhāyanampi laddha’’nti balavapītiṃ uppādetvā ‘‘kuto gacchāmī’’ti attano gamanabhāvaṃ ajānitvāva dasabalassa sammukhe ākāse pakkhanditvā paṭhamapādena pabbate ṭhitoyeva satthārā vuttagāthaṃ āvajjento ākāseyeva pītiṃ vikkhambhetvā saha paṭisambhidāhi arahattaṃ patvā tathāgataṃ vandamānova otari. Aparabhāge satthā ariyagaṇamajjhe nisinno theraṃ saddhādhimuttānaṃ aggaṭṭhāne ṭhapesīti.

    д̣̇уд̇ияаваг̇г̇аван̣н̣анаа.

    Dutiyavaggavaṇṇanā.

    14. зд̇ад̣̇аг̇г̇аваг̇г̇о

    14. Etadaggavaggo

    (14) 3. д̇ад̇ияазд̇ад̣̇аг̇г̇аваг̇г̇о

    (14) 3. Tatiyaetadaggavaggo

    209. д̇ад̇ияаваг̇г̇асса батамз сигкаагаамаананд̇и д̇иссо сигкаа гаамаяамаанаанам̣ самбияааяид̇ваа сигканд̇аананд̇и ад̇т̇о. раахулод̇и ад̇д̇ано буд̇д̇ам̣ раахулад̇т̇зрам̣ д̣̇ассзд̇и. т̇зро гира баб̣б̣аж̇ид̇ад̣̇ивасад̇о бадтааяа баад̇ова удтаханд̇о хад̇т̇абуурам̣ ваалигам̣ угкибид̇ваа ‘‘ахо вад̇аахам̣ аж̇ж̇а д̣̇асаб̣аласса жзва аажарияубаж̇жхааяаанан̃жа санд̇игаа зд̇д̇агам̣ оваад̣̇ан̃жзва анусаасанин̃жа лабхзяяа’’нд̇и бад̇т̇зд̇и. д̇асмаа сигкаагаамаанам̣ аг̇г̇о наама ж̇аад̇од̇и.

    209. Tatiyavaggassa paṭhame sikkhākāmānanti tisso sikkhā kāmayamānānaṃ sampiyāyitvā sikkhantānanti attho. Rāhuloti attano puttaṃ rāhulattheraṃ dasseti. Thero kira pabbajitadivasato paṭṭhāya pātova uṭṭhahanto hatthapūraṃ vālikaṃ ukkhipitvā ‘‘aho vatāhaṃ ajja dasabalassa ceva ācariyupajjhāyānañca santikā ettakaṃ ovādañceva anusāsaniñca labheyya’’nti pattheti. Tasmā sikkhākāmānaṃ aggo nāma jātoti.

    210. д̣̇уд̇ияз сад̣̇д̇хаабаб̣б̣аж̇ид̇аананд̇и сад̣̇д̇хааяа баб̣б̣аж̇ид̇аанам̣. радтабаалод̇и радтам̣ баалзд̇ум̣ самад̇т̇о, бхиннам̣ ваа радтам̣ санд̇хаарзд̇ум̣ самад̇т̇з гулз ж̇аад̇од̇иби радтабаалод̇и сан̇кам̣ г̇ад̇о. со хи сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо жуд̣̇д̣̇асабхад̇д̇ажчзд̣̇з гад̇ваа маад̇аабид̇аро баб̣б̣аж̇ж̇ам̣ ануж̇аанаабзд̇ваа баб̣б̣аж̇ид̇о. д̇асмаа сад̣̇д̇хаабаб̣б̣аж̇ид̇аанам̣ аг̇г̇о наама ж̇аад̇о.

    210. Dutiye saddhāpabbajitānanti saddhāya pabbajitānaṃ. Raṭṭhapāloti raṭṭhaṃ pāletuṃ samattho, bhinnaṃ vā raṭṭhaṃ sandhāretuṃ samatthe kule jātotipi raṭṭhapāloti saṅkhaṃ gato. So hi satthu dhammadesanaṃ sutvā paṭiladdhasaddho cuddasabhattacchede katvā mātāpitaro pabbajjaṃ anujānāpetvā pabbajito. Tasmā saddhāpabbajitānaṃ aggo nāma jāto.

    раахула-радтабаалад̇т̇зравад̇т̇у

    Rāhula-raṭṭhapālattheravatthu

    имзсам̣ бана убхиннамби т̇зраанам̣ бан̃хагаммз аяаманубуб̣б̣игат̇аа – зд̇з гира д̣̇взби ад̇ийд̇з бад̣̇умуд̇д̇араб̣уд̣̇д̇хагаалз хам̣савад̇ийнаг̇арз г̇ахабад̇имахаасаалагулз ниб̣б̣ад̇д̇им̣су. д̇зсам̣ д̣̇ахарагаалз наамам̣ ваа г̇од̇д̇ам̣ ваа на гат̇ияад̇и. ваяаббад̇д̇аа бана гхарааваасз бад̇идтааяа ад̇д̇ано ад̇д̇ано бид̇у ажжаязна убхоби ад̇д̇ано ад̇д̇ано рад̇анагодтааг̇аарагаммигз баггосаабзд̇ваа абаримаан̣ам̣ д̇ханам̣ д̣̇исваа – ‘‘имам̣ зд̇д̇агам̣ д̇ханараасим̣ аяяагабаяяагаад̣̇аяо ад̇д̇анаа сад̣̇д̇хим̣ г̇ахзд̇ваа г̇анд̇ум̣ наасагким̣су, амхзхи д̣̇аани язна гзнажи убааязна имам̣ д̇ханам̣ г̇ахзд̇ваа г̇анд̇ум̣ ваддад̇ий’’д̇и д̇з убхоби ж̇анаа жад̇уусу таанзсу габан̣ад̣̇д̇хигаад̣̇ийнам̣ махаад̣̇аанам̣ д̣̇аад̇ум̣ аарад̣̇д̇хаа. зго ад̇д̇ано д̣̇аанаг̇г̇з ааг̇ад̇ааг̇ад̇аж̇анам̣ бужчид̇ваа яааг̇укаж̇ж̇агаад̣̇ийсу яасса яам̣ бадибхаад̇и, д̇асса д̇ам̣ ад̣̇ааси, д̇асса д̇знзва гааран̣зна ааг̇ад̇абаагод̇и наамам̣ ж̇аад̇ам̣. ид̇аро абужчид̇ваава г̇ахид̇аг̇ахид̇абхааж̇анам̣ буурзд̇ваа буурзд̇ваа д̣̇зд̇и, д̇ассаби д̇знзва гааран̣зна анаг̇г̇абаагод̇и наамам̣ ж̇аад̇ам̣, аббамаан̣абаагод̇и ад̇т̇о.

    Imesaṃ pana ubhinnampi therānaṃ pañhakamme ayamanupubbikathā – ete kira dvepi atīte padumuttarabuddhakāle haṃsavatīnagare gahapatimahāsālakule nibbattiṃsu. Tesaṃ daharakāle nāmaṃ vā gottaṃ vā na kathiyati. Vayappattā pana gharāvāse patiṭṭhāya attano attano pitu accayena ubhopi attano attano ratanakoṭṭhāgārakammike pakkosāpetvā aparimāṇaṃ dhanaṃ disvā – ‘‘imaṃ ettakaṃ dhanarāsiṃ ayyakapayyakādayo attanā saddhiṃ gahetvā gantuṃ nāsakkhiṃsu, amhehi dāni yena kenaci upāyena imaṃ dhanaṃ gahetvā gantuṃ vaṭṭatī’’ti te ubhopi janā catūsu ṭhānesu kapaṇaddhikādīnaṃ mahādānaṃ dātuṃ āraddhā. Eko attano dānagge āgatāgatajanaṃ pucchitvā yāgukhajjakādīsu yassa yaṃ paṭibhāti, tassa taṃ adāsi, tassa teneva kāraṇena āgatapākoti nāmaṃ jātaṃ. Itaro apucchitvāva gahitagahitabhājanaṃ pūretvā pūretvā deti, tassapi teneva kāraṇena anaggapākoti nāmaṃ jātaṃ, appamāṇapākoti attho.

    д̇з убхоби згад̣̇ивасам̣ баад̇ова мукад̇хованад̇т̇ам̣ б̣ахиг̇аамам̣ аг̇амам̣су. д̇асмим̣ самаяз химаванд̇ад̇о д̣̇вз махид̣̇д̇хигаа д̇аабасаа бхигкаажаарад̇т̇ааяа аагаасзна ааг̇анд̇ваа д̇зсам̣ сахааяагаанам̣ авид̣̇уурз од̇арид̇ваа ‘‘маа но зд̇з бассим̣суу’’д̇и згабассз адтам̣су. д̇з убхоби ж̇анаа д̇зсам̣ лааб̣убхааж̇анаад̣̇ибаригкаарам̣ сам̣вид̇хааяа анд̇ог̇аамам̣ санд̇хааяа бхигкааяа г̇ад̇аанам̣ санд̇игам̣ ааг̇амма ванд̣̇им̣су. ат̇а нз д̇аабасаа ‘‘гааяа взлааяа ааг̇ад̇ад̇т̇а махаабун̃н̃аа’’д̇и аахам̣су. д̇з ‘‘ад̇хунаава, бханд̇з’’д̇и вад̇ваа д̇зсам̣ хад̇т̇ад̇о лааб̣убхааж̇анам̣ г̇ахзд̇ваа ад̇д̇ано ад̇д̇ано г̇зхам̣ нзд̇ваа бхад̇д̇агижжабарияосаанз ниб̣ад̣̇д̇хам̣ бхигкааг̇ахан̣ад̇т̇ам̣ бадин̃н̃ам̣ г̇ан̣хим̣су.

    Te ubhopi ekadivasaṃ pātova mukhadhovanatthaṃ bahigāmaṃ agamaṃsu. Tasmiṃ samaye himavantato dve mahiddhikā tāpasā bhikkhācāratthāya ākāsena āgantvā tesaṃ sahāyakānaṃ avidūre otaritvā ‘‘mā no ete passiṃsū’’ti ekapasse aṭṭhaṃsu. Te ubhopi janā tesaṃ lābubhājanādiparikkhāraṃ saṃvidhāya antogāmaṃ sandhāya bhikkhāya gatānaṃ santikaṃ āgamma vandiṃsu. Atha ne tāpasā ‘‘kāya velāya āgatattha mahāpuññā’’ti āhaṃsu. Te ‘‘adhunāva, bhante’’ti vatvā tesaṃ hatthato lābubhājanaṃ gahetvā attano attano gehaṃ netvā bhattakiccapariyosāne nibaddhaṃ bhikkhāgahaṇatthaṃ paṭiññaṃ gaṇhiṃsu.

    д̇зсу зго д̇аабасо сабарил̣аахагааяад̇хаад̇уго ход̇и. со ад̇д̇ано аанубхаавзна махаасамуд̣̇д̣̇ауд̣̇агам̣ д̣̇взд̇хаа гад̇ваа бат̇авинд̇харанааг̇арааж̇асса бхаванам̣ г̇анд̇ваа д̣̇иваавихаарам̣ нисийд̣̇ад̇и. со уд̇усаббааяам̣ г̇ахзд̇ваа бажжааг̇анд̇ваа ад̇д̇ано убадтаагасса г̇зхз бхад̇д̇аанумод̣̇анам̣ гаронд̇о ‘‘бат̇авинд̇харанааг̇абхаванам̣ вияа ход̇уу’’д̇и вад̣̇ад̇и. ат̇а нам̣ згад̣̇ивасам̣ убадтааго бужчи – ‘‘бханд̇з, д̇умхз анумод̣̇анам̣ гаронд̇аа ‘бат̇авинд̇харанааг̇абхаванам̣ вияа ход̇уу’д̇и вад̣̇ат̇а, маяамасса ад̇т̇ам̣ на ж̇аанаама, гим̣ вуд̇д̇ам̣ ход̇и ид̣̇ам̣, бханд̇з’’д̇и? аама, гудумб̣ияа ахам̣ ‘‘д̇умхаагам̣ самбад̇д̇и бат̇авинд̇харанааг̇арааж̇асамбад̇д̇исад̣̇исаа ход̇уу’’д̇и вад̣̇аамийд̇и. гудумб̣иго д̇ад̇о бадтааяа бат̇авинд̇харанааг̇арааж̇абхаванз жид̇д̇ам̣ табзси.

    Tesu eko tāpaso sapariḷāhakāyadhātuko hoti. So attano ānubhāvena mahāsamuddaudakaṃ dvedhā katvā pathavindharanāgarājassa bhavanaṃ gantvā divāvihāraṃ nisīdati. So utusappāyaṃ gahetvā paccāgantvā attano upaṭṭhākassa gehe bhattānumodanaṃ karonto ‘‘pathavindharanāgabhavanaṃ viya hotū’’ti vadati. Atha naṃ ekadivasaṃ upaṭṭhāko pucchi – ‘‘bhante, tumhe anumodanaṃ karontā ‘pathavindharanāgabhavanaṃ viya hotū’ti vadatha, mayamassa atthaṃ na jānāma, kiṃ vuttaṃ hoti idaṃ, bhante’’ti? Āma, kuṭumbiya ahaṃ ‘‘tumhākaṃ sampatti pathavindharanāgarājasampattisadisā hotū’’ti vadāmīti. Kuṭumbiko tato paṭṭhāya pathavindharanāgarājabhavane cittaṃ ṭhapesi.

    ид̇аро д̇аабасо д̇аавад̇им̣сабхаванам̣ г̇анд̇ваа сун̃н̃з сзрисагавимаанз д̣̇иваавихаарам̣ гарод̇и. со ааг̇ажчанд̇о г̇ажчанд̇о жа саггасса д̣̇зварааж̇асса самбад̇д̇им̣ д̣̇исваа ад̇д̇ано убадтаагасса анумод̣̇анам̣ гаронд̇о ‘‘саггавимаанам̣ вияа ход̇уу’’д̇и вад̣̇ад̇и. ат̇а нам̣ соби гудумб̣ияо ид̇аро сахааяаго д̇ам̣ д̇аабасам̣ вияа бужчи. со д̇асса важанам̣ суд̇ваа саггабхаванз жид̇д̇ам̣ табзси. д̇з убхоби бад̇т̇ид̇адтаанзсуязва ниб̣б̣ад̇д̇аа.

    Itaro tāpaso tāvatiṃsabhavanaṃ gantvā suññe serisakavimāne divāvihāraṃ karoti. So āgacchanto gacchanto ca sakkassa devarājassa sampattiṃ disvā attano upaṭṭhākassa anumodanaṃ karonto ‘‘sakkavimānaṃ viya hotū’’ti vadati. Atha naṃ sopi kuṭumbiyo itaro sahāyako taṃ tāpasaṃ viya pucchi. So tassa vacanaṃ sutvā sakkabhavane cittaṃ ṭhapesi. Te ubhopi patthitaṭṭhānesuyeva nibbattā.

    бат̇авинд̇харабхаванз ниб̣б̣ад̇д̇о бат̇авинд̇харанааг̇арааж̇аа наама ж̇аад̇о. со ниб̣б̣ад̇д̇агкан̣з ад̇д̇ано ад̇д̇абхаавам̣ д̣̇исваа ‘‘аманаабасса вад̇а мз таанасса гулубагад̇аабасо ван̣н̣ам̣ гат̇зси, урзна барисаггид̇ваа вижаран̣адтаанамзд̇ам̣, нууна со ан̃н̃ам̣ таанам̣ на ж̇аанаад̇ий’’д̇и виббадисаарий ахоси. ат̇асса д̇ам̣кан̣зязва алан̇гад̇абадияад̇д̇аани нааг̇анаадагаани саб̣б̣ад̣̇исаасу д̇уурияаани баг̇г̇ан̣хим̣су. со д̇асмим̣язва кан̣з д̇ам̣ ад̇д̇абхаавам̣ виж̇ахид̇ваа маан̣авагаван̣н̣ий ахоси. анвад̣̇д̇хамаасан̃жа жад̇д̇ааро махаарааж̇аано саггасса убадтаанам̣ г̇ажчанд̇и. д̇асмаа соби вируубагкзна нааг̇аран̃н̃аа сад̣̇д̇хим̣ саггасса убадтаанам̣ г̇ад̇о. сагго д̇ам̣ д̣̇уурад̇ова ааг̇ажчанд̇ам̣ д̣̇исваа сан̃ж̇аани. ат̇а нам̣ самийбз ааг̇анд̇ваа тид̇агаалз ‘‘гахам̣ ниб̣б̣ад̇д̇оси саммаа’’д̇и бужчи. маа гат̇зси, махаарааж̇а, урзна барисагганадтаанз ниб̣б̣ад̇д̇омхи, д̇умхз бана галяаан̣амид̇д̇ам̣ лабхид̇т̇аад̇и. самма, д̇вам̣ ‘‘адтаанз ниб̣б̣ад̇д̇омхий’’д̇и маа вид̇аггаяи , бад̣̇умуд̇д̇арад̣̇асаб̣ало логз ниб̣б̣ад̇д̇о, д̇асса ад̇хигаарагаммам̣ гад̇ваа имам̣язва таанам̣ бад̇т̇зхи, убхо сукам̣ васиссаамаад̇и. со ‘‘звам̣, д̣̇зва, гариссаамий’’д̇и г̇анд̇ваа бад̣̇умуд̇д̇арад̣̇асаб̣алам̣ ниманд̇зд̇ваа ад̇д̇ано нааг̇абхаванз нааг̇абарисааяа сад̣̇д̇хим̣ саб̣б̣арад̇д̇им̣ саггаарасаммаанам̣ саж̇ж̇зси.

    Pathavindharabhavane nibbatto pathavindharanāgarājā nāma jāto. So nibbattakkhaṇe attano attabhāvaṃ disvā ‘‘amanāpassa vata me ṭhānassa kulupakatāpaso vaṇṇaṃ kathesi, urena parisakkitvā vicaraṇaṭṭhānametaṃ, nūna so aññaṃ ṭhānaṃ na jānātī’’ti vippaṭisārī ahosi. Athassa taṃkhaṇeyeva alaṅkatapaṭiyattāni nāganāṭakāni sabbadisāsu tūriyāni paggaṇhiṃsu. So tasmiṃyeva khaṇe taṃ attabhāvaṃ vijahitvā māṇavakavaṇṇī ahosi. Anvaddhamāsañca cattāro mahārājāno sakkassa upaṭṭhānaṃ gacchanti. Tasmā sopi virūpakkhena nāgaraññā saddhiṃ sakkassa upaṭṭhānaṃ gato. Sakko taṃ dūratova āgacchantaṃ disvā sañjāni. Atha naṃ samīpe āgantvā ṭhitakāle ‘‘kahaṃ nibbattosi sammā’’ti pucchi. Mā kathesi, mahārāja, urena parisakkanaṭṭhāne nibbattomhi, tumhe pana kalyāṇamittaṃ labhitthāti. Samma, tvaṃ ‘‘aṭṭhāne nibbattomhī’’ti mā vitakkayi , padumuttaradasabalo loke nibbatto, tassa adhikārakammaṃ katvā imaṃyeva ṭhānaṃ patthehi, ubho sukhaṃ vasissāmāti. So ‘‘evaṃ, deva, karissāmī’’ti gantvā padumuttaradasabalaṃ nimantetvā attano nāgabhavane nāgaparisāya saddhiṃ sabbarattiṃ sakkārasammānaṃ sajjesi.

    сад̇т̇аа бунад̣̇ивасз удтид̇з арун̣з ад̇д̇ано убадтаагам̣ суманад̇т̇зрам̣ ааманд̇зси – ‘‘сумана, аж̇ж̇а д̇ат̇ааг̇ад̇о д̣̇уурам̣ бхигкаажаарам̣ г̇амиссад̇и, маа бут̇уж̇ж̇анабхигкуу ааг̇ажчанд̇у, д̇збидагаа бадисамбхид̣̇ааббад̇д̇аа чал̣абхин̃н̃аава ааг̇ажчанд̇уу’’д̇и. т̇зро сад̇т̇у важанам̣ суд̇ваа саб̣б̣зсам̣ аарожзси. сад̇т̇аараа сад̣̇д̇хим̣ сад̇асахассаа бхигкуу аагаасам̣ багканд̣̇им̣су. бат̇авинд̇харо нааг̇абарисааяа сад̣̇д̇хим̣ д̣̇асаб̣аласса бажжуг̇г̇аманам̣ ааг̇ад̇о сад̇т̇аарам̣ бариваарзд̇ваа самуд̣̇д̣̇амад̇т̇агз ман̣иван̣н̣аа уумияо мад̣̇д̣̇амаанам̣ бхигкусан̇гхам̣ ологзд̇ваа аад̣̇ид̇о сад̇т̇аарам̣, барияосаанз сан̇гханавагам̣ д̇ат̇ааг̇ад̇асса буд̇д̇ам̣ убарзвад̇асааман̣зрам̣ наама ологзнд̇о ‘‘анажчарияо сзсасаавагаанам̣ зваруубо ид̣̇д̇хаанубхааво, имасса бана д̇арун̣аб̣аалад̣̇аарагасса зваруубо ид̣̇д̇хаанубхааво ад̇ивияа ажчарияо’’д̇и бийд̇ибаамож̇ж̇ам̣ уббаад̣̇зси.

    Satthā punadivase uṭṭhite aruṇe attano upaṭṭhākaṃ sumanattheraṃ āmantesi – ‘‘sumana, ajja tathāgato dūraṃ bhikkhācāraṃ gamissati, mā puthujjanabhikkhū āgacchantu, tepiṭakā paṭisambhidāppattā chaḷabhiññāva āgacchantū’’ti. Thero satthu vacanaṃ sutvā sabbesaṃ ārocesi. Satthārā saddhiṃ satasahassā bhikkhū ākāsaṃ pakkhandiṃsu. Pathavindharo nāgaparisāya saddhiṃ dasabalassa paccuggamanaṃ āgato satthāraṃ parivāretvā samuddamatthake maṇivaṇṇā ūmiyo maddamānaṃ bhikkhusaṅghaṃ oloketvā ādito satthāraṃ, pariyosāne saṅghanavakaṃ tathāgatassa puttaṃ uparevatasāmaṇeraṃ nāma olokento ‘‘anacchariyo sesasāvakānaṃ evarūpo iddhānubhāvo, imassa pana taruṇabāladārakassa evarūpo iddhānubhāvo ativiya acchariyo’’ti pītipāmojjaṃ uppādesi.

    ат̇асса бхаванз д̣̇асаб̣алз нисиннз сзсабхигкуусу годид̇о бадтааяа нисийд̣̇анд̇зсу сад̇т̇у саммукадтаанзязва убарзвад̇асааман̣зрасса аасанам̣ баабун̣и. нааг̇арааж̇аа яааг̇ум̣ д̣̇знд̇оби каж̇ж̇агам̣ д̣̇знд̇оби сагим̣ д̣̇асаб̣алам̣ ологзд̇и, сагим̣ убарзвад̇асааман̣зрам̣. д̇асса гира сарийрз сад̇т̇у сарийрз вияа д̣̇вад̇д̇им̣са махаабурисалагкан̣аани бан̃н̃ааяанд̇и. д̇ад̇о нааг̇арааж̇аа ‘‘аяам̣ сааман̣зро б̣уд̣̇д̇хаанам̣ сад̣̇исо бан̃н̃ааяад̇и, гим̣ ну ко ход̇ий’’д̇и авид̣̇уурз нисиннам̣ ан̃н̃ад̇арам̣ бхигкум̣ бужчи – ‘‘аяам̣, бханд̇з, сааман̣зро д̣̇асаб̣аласса гим̣ ход̇ий’’д̇и? буд̇д̇о, махаарааж̇аад̇и. со жинд̇зси – ‘‘махаа вад̇ааяам̣ бхигку, зваруубасса собхаг̇г̇аббад̇д̇асса д̇ат̇ааг̇ад̇асса буд̇д̇абхаавам̣ лабхи. сарийрамбисса згад̣̇зсзна б̣уд̣̇д̇хаанам̣ сарийрасад̣̇исам̣ бан̃н̃ааяад̇и, маяааби анааг̇ад̇з зваруубзна бхавид̇ум̣ ваддад̇ий’’д̇и сад̇д̇аахам̣ махаад̣̇аанам̣ д̣̇ад̇ваа, ‘‘бханд̇з, ахам̣ имасса ад̇хигаарагаммассаанубхаавзна аяам̣ убарзвад̇о вияа анааг̇ад̇з згасса б̣уд̣̇д̇хасса буд̇д̇о бхавзяяа’’нд̇и бад̇т̇анам̣ агааси. сад̇т̇аа ананд̇арааяам̣ д̣̇исваа ‘‘анааг̇ад̇з г̇од̇амаб̣уд̣̇д̇хасса буд̇д̇о бхависсасий’’д̇и б̣яаагарид̇ваа баггаами.

    Athassa bhavane dasabale nisinne sesabhikkhūsu koṭito paṭṭhāya nisīdantesu satthu sammukhaṭṭhāneyeva uparevatasāmaṇerassa āsanaṃ pāpuṇi. Nāgarājā yāguṃ dentopi khajjakaṃ dentopi sakiṃ dasabalaṃ oloketi, sakiṃ uparevatasāmaṇeraṃ. Tassa kira sarīre satthu sarīre viya dvattiṃsa mahāpurisalakkhaṇāni paññāyanti. Tato nāgarājā ‘‘ayaṃ sāmaṇero buddhānaṃ sadiso paññāyati, kiṃ nu kho hotī’’ti avidūre nisinnaṃ aññataraṃ bhikkhuṃ pucchi – ‘‘ayaṃ, bhante, sāmaṇero dasabalassa kiṃ hotī’’ti? Putto, mahārājāti. So cintesi – ‘‘mahā vatāyaṃ bhikkhu, evarūpassa sobhaggappattassa tathāgatassa puttabhāvaṃ labhi. Sarīrampissa ekadesena buddhānaṃ sarīrasadisaṃ paññāyati, mayāpi anāgate evarūpena bhavituṃ vaṭṭatī’’ti sattāhaṃ mahādānaṃ datvā, ‘‘bhante, ahaṃ imassa adhikārakammassānubhāvena ayaṃ uparevato viya anāgate ekassa buddhassa putto bhaveyya’’nti patthanaṃ akāsi. Satthā anantarāyaṃ disvā ‘‘anāgate gotamabuddhassa putto bhavissasī’’ti byākaritvā pakkāmi.

    бат̇авинд̇хароби буна ад̣̇д̇хамаасз самбад̇д̇з вируубагкзна сад̣̇д̇хим̣ саггасса убадтаанам̣ г̇ад̇о. ат̇а нам̣ самийбз тид̇ам̣ сагго бужчи – ‘‘бад̇т̇ид̇о д̇з, самма, аяам̣ д̣̇звалого’’д̇и? на бад̇т̇ид̇о махаарааж̇аад̇и. гим̣ д̣̇осам̣ ад̣̇д̣̇асаад̇и? д̣̇осо над̇т̇и, махаарааж̇а, ахам̣ бана д̣̇асаб̣аласса буд̇д̇ам̣ убарзвад̇асааман̣зрам̣ бассим̣. д̇асса мз д̣̇идтагаалад̇о бадтааяа ан̃н̃ад̇т̇а жид̇д̇ам̣ на нами, сваахам̣ ‘‘анааг̇ад̇з згасса б̣уд̣̇д̇хасса зваруубо буд̇д̇о бхавзяяа’’нд̇и бад̇т̇анам̣ агаасим̣. д̇вамби, махаарааж̇а, згам̣ бад̇т̇анам̣ гарохи, д̇з маяам̣ ниб̣б̣ад̇д̇адтаанз на винаа бхависсаамаад̇и. сагго д̇асса важанам̣ самбадижчид̇ваа згам̣ махаанубхаавам̣ бхигкум̣ д̣̇исваа ‘‘гад̇арагулаа ну ко нигкамид̇ваа аяам̣ гулабуд̇д̇о баб̣б̣аж̇ид̇о’’д̇и ааваж̇ж̇знд̇о ‘‘аяам̣ бхиннам̣ радтам̣ санд̇хаарзд̇ум̣ самад̇т̇асса гуласса буд̇д̇о худ̇ваа жуд̣̇д̣̇аса бхад̇д̇ажчзд̣̇з гад̇ваа маад̇аабид̇аро баб̣б̣аж̇ж̇ам̣ ануж̇аанаабзд̇ваа баб̣б̣аж̇ид̇о’’д̇и ан̃н̃ааси. н̃ад̇ваа жа бана аж̇аананд̇о вияа д̣̇асаб̣алам̣ бужчид̇ваа сад̇д̇аахам̣ махаасаггаарам̣ гад̇ваа, ‘‘бханд̇з, ахам̣ имасса галяаан̣агаммасса ниссанд̣̇зна д̇умхаагам̣ саасанз аяам̣ гулабуд̇д̇о вияа анааг̇ад̇з згасса б̣уд̣̇д̇хасса саасанз сад̣̇д̇хаабаб̣б̣аж̇ид̇аанам̣ аг̇г̇о бхавзяяа’’нд̇и бад̇т̇анам̣ агааси. сад̇т̇аа ананд̇арааяам̣ д̣̇исваа ‘‘д̇вам̣, махаарааж̇а, анааг̇ад̇з г̇од̇амасса б̣уд̣̇д̇хасса саасанз сад̣̇д̇хаабаб̣б̣аж̇ид̇аанам̣ аг̇г̇о бхависсасий’’д̇и б̣яаагарид̇ваа баггаами. саггоби ад̇д̇ано д̣̇звабурамзва г̇ад̇о.

    Pathavindharopi puna addhamāse sampatte virūpakkhena saddhiṃ sakkassa upaṭṭhānaṃ gato. Atha naṃ samīpe ṭhitaṃ sakko pucchi – ‘‘patthito te, samma, ayaṃ devaloko’’ti? Na patthito mahārājāti. Kiṃ dosaṃ addasāti? Doso natthi, mahārāja, ahaṃ pana dasabalassa puttaṃ uparevatasāmaṇeraṃ passiṃ. Tassa me diṭṭhakālato paṭṭhāya aññattha cittaṃ na nami, svāhaṃ ‘‘anāgate ekassa buddhassa evarūpo putto bhaveyya’’nti patthanaṃ akāsiṃ. Tvampi, mahārāja, ekaṃ patthanaṃ karohi, te mayaṃ nibbattaṭṭhāne na vinā bhavissāmāti. Sakko tassa vacanaṃ sampaṭicchitvā ekaṃ mahānubhāvaṃ bhikkhuṃ disvā ‘‘katarakulā nu kho nikkhamitvā ayaṃ kulaputto pabbajito’’ti āvajjento ‘‘ayaṃ bhinnaṃ raṭṭhaṃ sandhāretuṃ samatthassa kulassa putto hutvā cuddasa bhattacchede katvā mātāpitaro pabbajjaṃ anujānāpetvā pabbajito’’ti aññāsi. Ñatvā ca pana ajānanto viya dasabalaṃ pucchitvā sattāhaṃ mahāsakkāraṃ katvā, ‘‘bhante, ahaṃ imassa kalyāṇakammassa nissandena tumhākaṃ sāsane ayaṃ kulaputto viya anāgate ekassa buddhassa sāsane saddhāpabbajitānaṃ aggo bhaveyya’’nti patthanaṃ akāsi. Satthā anantarāyaṃ disvā ‘‘tvaṃ, mahārāja, anāgate gotamassa buddhassa sāsane saddhāpabbajitānaṃ aggo bhavissasī’’ti byākaritvā pakkāmi. Sakkopi attano devapurameva gato.

    д̇з убхоби ниб̣б̣ад̇д̇адтаанад̇о жавид̇ваа д̣̇звамануссзсу сам̣саранд̇аа анзгасахассагаббз ад̇иггамим̣су. ид̇о бана д̣̇ваанавуд̇игаббамад̇т̇агз пуссо наама б̣уд̣̇д̇хо логз уд̣̇абаад̣̇и. д̇асса бид̇аа махинд̣̇о наама рааж̇аа ахоси, взмаад̇игаа д̇аяо ганидтабхаад̇аро. рааж̇аа д̣̇ивасз д̣̇ивасз ‘‘маяхам̣язва б̣уд̣̇д̇хо маяхам̣ д̇хаммо маяхам̣ сан̇гхо’’д̇и мамааяанд̇о саяамзва д̣̇асаб̣алам̣ ниб̣ад̣̇д̇хам̣ бхож̇анам̣ бхож̇зд̇и.

    Te ubhopi nibbattaṭṭhānato cavitvā devamanussesu saṃsarantā anekasahassakappe atikkamiṃsu. Ito pana dvānavutikappamatthake phusso nāma buddho loke udapādi. Tassa pitā mahindo nāma rājā ahosi, vemātikā tayo kaniṭṭhabhātaro. Rājā divase divase ‘‘mayhaṃyeva buddho mayhaṃ dhammo mayhaṃ saṅgho’’ti mamāyanto sayameva dasabalaṃ nibaddhaṃ bhojanaṃ bhojeti.

    ат̇асса згад̣̇ивасам̣ бажжанд̇о губид̇о. со буд̇д̇з ааманд̇зси – ‘‘д̇аад̇аа, бажжанд̇о губид̇о , д̇умхзхи ваа маяаа ваа г̇анд̇аб̣б̣ам̣. яад̣̇и ахам̣ г̇ажчаами, д̇умхзхи иминаа нияаамзна д̣̇асаб̣ало барижарид̇аб̣б̣о’’д̇и. д̇з д̇аяоби згаббахаарзнзва аахам̣су – ‘‘д̇аад̇а, д̇умхаагам̣ г̇аманагижжам̣ над̇т̇и, маяам̣ жорз вид̇хамиссаамаа’’д̇и бид̇арам̣ ванд̣̇ид̇ваа бажжанд̇ам̣ г̇анд̇ваа жорз вид̇хамид̇ваа виж̇ид̇асан̇г̇аамаа худ̇ваа нивад̇д̇им̣су. д̇з анд̇араамаг̇г̇з баад̣̇амуулигзхи сад̣̇д̇хим̣ манд̇аяим̣су – ‘‘д̇аад̇аа, амхаагам̣ г̇ад̇агкан̣зязва бид̇аа варам̣ д̣̇ассад̇и, гад̇арам̣ варам̣ г̇ан̣хаамаа’’д̇и? аяяаа, д̇умхаагам̣ бид̇у ажжаязна д̣̇уллабхам̣ наама над̇т̇и, д̇умхаагам̣ бана ж̇здтабхаад̇игам̣ пуссаб̣уд̣̇д̇хам̣ бадиж̇аг̇г̇анаварам̣ г̇ан̣хат̇аа’’д̇и аахам̣су. д̇з ‘‘галяаан̣ам̣ д̇умхзхи вуд̇д̇а’’нд̇и саб̣б̣зби згажид̇д̇аа худ̇ваа г̇анд̇ваа бид̇арам̣ ад̣̇д̣̇асам̣су. д̇ад̣̇аа бид̇аа д̇зсам̣ басийд̣̇ид̇ваа варам̣ ад̣̇ааси. д̇з ‘‘д̇змаасам̣ д̇ат̇ааг̇ад̇ам̣ бадиж̇аг̇г̇иссаамаа’’д̇и варам̣ яаажим̣су. рааж̇аа ‘‘аяам̣ д̣̇аад̇ум̣ на саггаа, ан̃н̃ам̣ варам̣ г̇ан̣хат̇аа’’д̇и ааха. д̇аад̇а, амхаагам̣ ан̃н̃зна варзна гижжам̣ над̇т̇и, сажз д̇умхз д̣̇аад̇угаамаа, зд̇ам̣язва но варам̣ д̣̇зт̇аад̇и. рааж̇аа д̇зсу бунаббунам̣ гат̇знд̇зсу ад̇д̇анаа бадин̃н̃аад̇ад̇д̇аа ‘‘на саггаа на д̣̇аад̇у’’нд̇и жинд̇зд̇ваа ааха – ‘‘д̇аад̇аа, ахам̣ д̇умхаагам̣ варам̣ д̣̇зми, абижа ко бана б̣уд̣̇д̇хаа наама д̣̇ураасад̣̇аа хонд̇и сийхаа вияа згажараа, д̣̇асаб̣алам̣ бадиж̇аг̇г̇анд̇аа аббамад̇д̇аа бхавзяяаат̇аа’’д̇и.

    Athassa ekadivasaṃ paccanto kupito. So putte āmantesi – ‘‘tātā, paccanto kupito , tumhehi vā mayā vā gantabbaṃ. Yadi ahaṃ gacchāmi, tumhehi iminā niyāmena dasabalo paricaritabbo’’ti. Te tayopi ekappahāreneva āhaṃsu – ‘‘tāta, tumhākaṃ gamanakiccaṃ natthi, mayaṃ core vidhamissāmā’’ti pitaraṃ vanditvā paccantaṃ gantvā core vidhamitvā vijitasaṅgāmā hutvā nivattiṃsu. Te antarāmagge pādamūlikehi saddhiṃ mantayiṃsu – ‘‘tātā, amhākaṃ gatakkhaṇeyeva pitā varaṃ dassati, kataraṃ varaṃ gaṇhāmā’’ti? Ayyā, tumhākaṃ pitu accayena dullabhaṃ nāma natthi, tumhākaṃ pana jeṭṭhabhātikaṃ phussabuddhaṃ paṭijagganavaraṃ gaṇhathā’’ti āhaṃsu. Te ‘‘kalyāṇaṃ tumhehi vutta’’nti sabbepi ekacittā hutvā gantvā pitaraṃ addasaṃsu. Tadā pitā tesaṃ pasīditvā varaṃ adāsi. Te ‘‘temāsaṃ tathāgataṃ paṭijaggissāmā’’ti varaṃ yāciṃsu. Rājā ‘‘ayaṃ dātuṃ na sakkā, aññaṃ varaṃ gaṇhathā’’ti āha. Tāta, amhākaṃ aññena varena kiccaṃ natthi, sace tumhe dātukāmā, etaṃyeva no varaṃ dethāti. Rājā tesu punappunaṃ kathentesu attanā paṭiññātattā ‘‘na sakkā na dātu’’nti cintetvā āha – ‘‘tātā, ahaṃ tumhākaṃ varaṃ demi, apica kho pana buddhā nāma durāsadā honti sīhā viya ekacarā, dasabalaṃ paṭijaggantā appamattā bhaveyyāthā’’ti.

    д̇з жинд̇аяим̣су – ‘‘амхзхи д̇ат̇ааг̇ад̇ам̣ бадиж̇аг̇г̇анд̇зхи анужчавигам̣ гад̇ваа бадиж̇аг̇г̇ид̇ум̣ ваддад̇ий’’д̇и саб̣б̣зби згажид̇д̇аа худ̇ваа д̣̇асасийлаани самаад̣̇ааяа нираамаг̇анд̇хаа худ̇ваа сад̇т̇у д̣̇аанаг̇г̇абариваханагз д̇аяо бурисз табаяим̣су. д̇зсу зго д̇ханад̇хан̃н̃уббаад̣̇аго ахоси, зго маабаго, зго д̣̇аанасам̣вид̇хааяаго. д̇зсу д̇ханад̇хан̃н̃уббаад̣̇аго бажжуббаннз б̣имб̣исааро махаарааж̇аа ж̇аад̇о, маабаго висаако убаасаго, д̣̇аанасам̣вид̇хааяаго радтабаалад̇т̇зрод̇и. со д̇ад̇т̇а яааваж̇ийвам̣ гусалам̣ гад̇ваа д̣̇звабурз ниб̣б̣ад̇д̇о. аяам̣ бана раахулад̇т̇зро наама гассабад̣̇асаб̣аласса гаалз гигисса гаасиран̃н̃о ж̇здтабуд̇д̇о худ̇ваа ниб̣б̣ад̇д̇и, бат̇авинд̇харагумаарод̇исса наамам̣ агам̣су. д̇асса сад̇д̇а бхаг̇инияо ахзсум̣. д̇аа д̣̇асаб̣аласса сад̇д̇а баривзн̣аани гаараяим̣су. бат̇авинд̇харо обараж̇ж̇ам̣ лабхи. со д̇аа бхаг̇инияо ааха – ‘‘д̇умхзхи гаарид̇абаривзн̣зсу маяхамби згам̣ д̣̇зт̇аа’’д̇и. бхаад̇ига, д̇умхз убарааж̇адтаанз тид̇аа, д̇умхзхи наама амхаагам̣ д̣̇аад̇аб̣б̣ам̣, д̇умхз ан̃н̃ам̣ баривзн̣ам̣ гарот̇аад̇и. со д̇аасам̣ важанам̣ суд̇ваа бан̃жа вихаарасад̇аани гаарзси. бан̃жа баривзн̣асад̇аанийд̇иби вад̣̇анд̇и. со д̇ад̇т̇а яааваж̇ийвам̣ гусалам̣ гад̇ваа д̣̇звабурз ниб̣б̣ад̇д̇и. имасмим̣ бана б̣уд̣̇д̇хуббаад̣̇з бат̇авинд̇харагумааро амхаагам̣ б̣од̇хисад̇д̇асса аг̇г̇амахзсияаа гужчисмим̣ бадисанд̇хим̣ г̇ан̣хи, д̇асса сахааяаго гурурадтз т̇уллагодтид̇аниг̇амз радтабааласздтиг̇зхз ниб̣б̣ад̇д̇и.

    Te cintayiṃsu – ‘‘amhehi tathāgataṃ paṭijaggantehi anucchavikaṃ katvā paṭijaggituṃ vaṭṭatī’’ti sabbepi ekacittā hutvā dasasīlāni samādāya nirāmagandhā hutvā satthu dānaggaparivahanake tayo purise ṭhapayiṃsu. Tesu eko dhanadhaññuppādako ahosi, eko māpako, eko dānasaṃvidhāyako. Tesu dhanadhaññuppādako paccuppanne bimbisāro mahārājā jāto, māpako visākho upāsako, dānasaṃvidhāyako raṭṭhapālattheroti. So tattha yāvajīvaṃ kusalaṃ katvā devapure nibbatto. Ayaṃ pana rāhulatthero nāma kassapadasabalassa kāle kikissa kāsirañño jeṭṭhaputto hutvā nibbatti, pathavindharakumārotissa nāmaṃ akaṃsu. Tassa satta bhaginiyo ahesuṃ. Tā dasabalassa satta pariveṇāni kārayiṃsu. Pathavindharo oparajjaṃ labhi. So tā bhaginiyo āha – ‘‘tumhehi kāritapariveṇesu mayhampi ekaṃ dethā’’ti. Bhātika, tumhe uparājaṭṭhāne ṭhitā, tumhehi nāma amhākaṃ dātabbaṃ, tumhe aññaṃ pariveṇaṃ karothāti. So tāsaṃ vacanaṃ sutvā pañca vihārasatāni kāresi. Pañca pariveṇasatānītipi vadanti. So tattha yāvajīvaṃ kusalaṃ katvā devapure nibbatti. Imasmiṃ pana buddhuppāde pathavindharakumāro amhākaṃ bodhisattassa aggamahesiyā kucchismiṃ paṭisandhiṃ gaṇhi, tassa sahāyako kururaṭṭhe thullakoṭṭhitanigame raṭṭhapālaseṭṭhigehe nibbatti.

    ат̇а амхаагам̣ д̣̇асаб̣ало абхисамб̣од̇хим̣ бад̇ваа бавад̇д̇ид̇аварад̇хаммажагго анубуб̣б̣зна габилавад̇т̇ум̣ ааг̇анд̇ваа раахулагумаарам̣ баб̣б̣ааж̇зси. д̇асса баб̣б̣аж̇ж̇аавид̇хаанам̣ баал̣ияам̣ (махаава. 105) ааг̇ад̇амзва. звам̣ баб̣б̣аж̇ид̇асса банасса сад̇т̇аа абхин̣хаоваад̣̇авасзна раахуловаад̣̇асуд̇д̇ам̣ абхааси. раахулоби баад̇ова вудтааяа хад̇т̇зна ваалугам̣ угкибид̇ваа ‘‘д̣̇асаб̣аласса жзва аажарияубаж̇жхааяаанан̃жа санд̇игаа аж̇ж̇а зд̇д̇агам̣ оваад̣̇ам̣ лабхзяяа’’нд̇и вад̣̇ад̇и. бхигкусан̇гхамаж̇жхз гат̇аа уд̣̇абаад̣̇и ‘‘оваад̣̇агкамо вад̇а раахуласааман̣зро бид̇у анужчавиго буд̇д̇о’’д̇и. сад̇т̇аа бхигкуунам̣ жид̇д̇аажаарам̣ н̃ад̇ваа ‘‘маяи г̇ад̇з згаа д̇хаммад̣̇зсанаа жа вад̣дхиссад̇и, раахуласса жа г̇ун̣о баагадо бхависсад̇ий’’д̇и г̇анд̇ваа д̇хаммасабхааяам̣ б̣уд̣̇д̇хаасаанз нисинно бхигкуу ааманд̇зси – ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и. раахуласааман̣зрасса оваад̣̇агкамабхаавам̣ гат̇зма бхаг̇аваад̇и. сад̇т̇аа имасмим̣ таанз тад̇ваа раахуласса г̇ун̣ад̣̇ийбанад̇т̇ам̣ миг̇аж̇аад̇агам̣ аахарид̇ваа гат̇зси –

    Atha amhākaṃ dasabalo abhisambodhiṃ patvā pavattitavaradhammacakko anupubbena kapilavatthuṃ āgantvā rāhulakumāraṃ pabbājesi. Tassa pabbajjāvidhānaṃ pāḷiyaṃ (mahāva. 105) āgatameva. Evaṃ pabbajitassa panassa satthā abhiṇhaovādavasena rāhulovādasuttaṃ abhāsi. Rāhulopi pātova vuṭṭhāya hatthena vālukaṃ ukkhipitvā ‘‘dasabalassa ceva ācariyupajjhāyānañca santikā ajja ettakaṃ ovādaṃ labheyya’’nti vadati. Bhikkhusaṅghamajjhe kathā udapādi ‘‘ovādakkhamo vata rāhulasāmaṇero pitu anucchaviko putto’’ti. Satthā bhikkhūnaṃ cittācāraṃ ñatvā ‘‘mayi gate ekā dhammadesanā ca vaḍḍhissati, rāhulassa ca guṇo pākaṭo bhavissatī’’ti gantvā dhammasabhāyaṃ buddhāsāne nisinno bhikkhū āmantesi – ‘‘kāya nuttha, bhikkhave, etarahi kathāya sannisinnā’’ti. Rāhulasāmaṇerassa ovādakkhamabhāvaṃ kathema bhagavāti. Satthā imasmiṃ ṭhāne ṭhatvā rāhulassa guṇadīpanatthaṃ migajātakaṃ āharitvā kathesi –

    ‘‘миг̇ам̣ д̇ибаллад̇т̇аманзгамааяам̣,

    ‘‘Migaṃ tipallatthamanekamāyaṃ,

    адтагкурам̣ ад̣дхарад̇д̇аа бабааяим̣;

    Aṭṭhakkhuraṃ aḍḍharattā papāyiṃ;

    згзна сод̇зна чамаа’ссасанд̇о,

    Ekena sotena chamā’ssasanto,

    чахи галаахид̇ибход̇и бхааг̇инзяяо’’д̇и. (ж̇аа. 1.1.16);

    Chahi kalāhitibhoti bhāgineyyo’’ti. (jā. 1.1.16);

    ат̇асса сад̇д̇авассигасааман̣зрагаалз ‘‘маа хзва ко раахуло д̣̇ахарабхаавзна гийл̣анад̇т̇ааяаби самбаж̇аанамусаа бхаасзяяаа’’д̇и амб̣аладтияараахуловаад̣̇ам̣ (ма. ни. 2.107 аад̣̇аяо) д̣̇зсзси. адтаарасавассигасааман̣зрагаалз д̇ат̇ааг̇ад̇асса бажчад̇о бин̣д̣ааяа бависанд̇асса сад̇т̇у жзва ад̇д̇ано жа руубасамбад̇д̇им̣ д̣̇исваа г̇зхасид̇ам̣ вид̇аггам̣ вид̇аггзнд̇асса ‘‘яам̣гин̃жи, раахула, рууба’’нд̇иаад̣̇инаа наязна махаараахуловаад̣̇асуд̇д̇анд̇ам̣ (ма. ни. 2.113) гат̇зси. сам̣яуд̇д̇агз (сам̣. ни. 4.121) бана раахуловаад̣̇оби ан̇г̇уд̇д̇арз (а. ни. 4.177) раахуловаад̣̇оби т̇зрасса вибассанаажаароязва. ат̇асса сад̇т̇аа н̃аан̣абарибаагам̣ н̃ад̇ваа авассигабхигкугаалз анд̇хаванз нисинно жуул̣араахуловаад̣̇ам̣ (ма. ни. 3.416 аад̣̇аяо) гат̇зси. д̣̇зсанаабарияосаанз раахулад̇т̇зро годисад̇асахассад̣̇звад̇аахи сад̣̇д̇хим̣ арахад̇д̇ам̣ баабун̣и, сод̇аабаннасагад̣̇ааг̇аамианааг̇аамид̣̇звад̇аанам̣ г̇ан̣анаа над̇т̇и. ат̇а сад̇т̇аа абарабхааг̇з арияасан̇гхамаж̇жхз нисинно т̇зрам̣ имасмим̣ саасанз сигкаагаамаанам̣ аг̇г̇адтаанз табзси.

    Athassa sattavassikasāmaṇerakāle ‘‘mā heva kho rāhulo daharabhāvena kīḷanatthāyapi sampajānamusā bhāseyyā’’ti ambalaṭṭhiyarāhulovādaṃ (ma. ni. 2.107 ādayo) desesi. Aṭṭhārasavassikasāmaṇerakāle tathāgatassa pacchato piṇḍāya pavisantassa satthu ceva attano ca rūpasampattiṃ disvā gehasitaṃ vitakkaṃ vitakkentassa ‘‘yaṃkiñci, rāhula, rūpa’’ntiādinā nayena mahārāhulovādasuttantaṃ (ma. ni. 2.113) kathesi. Saṃyuttake (saṃ. ni. 4.121) pana rāhulovādopi aṅguttare (a. ni. 4.177) rāhulovādopi therassa vipassanācāroyeva. Athassa satthā ñāṇaparipākaṃ ñatvā avassikabhikkhukāle andhavane nisinno cūḷarāhulovādaṃ (ma. ni. 3.416 ādayo) kathesi. Desanāpariyosāne rāhulatthero koṭisatasahassadevatāhi saddhiṃ arahattaṃ pāpuṇi, sotāpannasakadāgāmianāgāmidevatānaṃ gaṇanā natthi. Atha satthā aparabhāge ariyasaṅghamajjhe nisinno theraṃ imasmiṃ sāsane sikkhākāmānaṃ aggaṭṭhāne ṭhapesi.

    сад̇т̇ари бана гурурадтз жааригааяа нигкамид̇ваа т̇уллагодтид̇ам̣ ануббад̇д̇з радтабаало гулабуд̇д̇о сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо маад̇аабид̇аро ануж̇аанаабзд̇ваа д̣̇асаб̣алам̣ убасан̇гамид̇ваа сад̇т̇у аан̣ад̇д̇ияаа ан̃н̃ад̇арасса т̇зрасса санд̇игз баб̣б̣аж̇и. д̇асса баб̣б̣аж̇ид̇ад̣̇ивасад̇о бадтааяа сздтиг̇ахабад̇и бхигкуу ад̇д̇ано нивзсанад̣̇ваарзна г̇ажчанд̇з д̣̇исваа ‘‘гим̣ д̇умхаагам̣ имасмим̣ г̇зхз гаммам̣, згова буд̇д̇аго ахоси, д̇ам̣ г̇ан̣хид̇ваа г̇ад̇ад̇т̇а, ид̣̇аани гим̣ гариссат̇аа’’д̇и аггосад̇и барибхаасад̇и. сад̇т̇аа ад̣̇д̇хамаасам̣ т̇уллагодтид̇з васид̇ваа буна саавад̇т̇имзва аг̇амааси. д̇ад̇т̇ааяасмаа радтабаало яонисо манасигаронд̇о гаммам̣ гад̇ваа вибассанам̣ вад̣дхзд̇ваа арахад̇д̇ам̣ баабун̣и. со сад̇т̇аарам̣ ануж̇аанаабзд̇ваа маад̇аабид̇аро д̣̇ассанад̇т̇ам̣ т̇уллагодтид̇ам̣ г̇анд̇ваа д̇ад̇т̇а сабад̣̇аанам̣ бин̣д̣ааяа жаранд̇о бид̇у нивзсанз аабхид̣̇осигам̣ гуммаасам̣ лабхид̇ваа д̇ам̣ амад̇ам̣ вияа барибхун̃ж̇анд̇о бид̇араа ниманд̇ид̇о ад̇хиваасзд̇ваа д̣̇уд̇ияад̣̇ивасз бид̇у нивзсанз бин̣д̣абаад̇ам̣ барибхун̃ж̇ид̇ваа алан̇гад̇абадияад̇д̇з ид̇т̇иж̇анз асубхасан̃н̃ам̣ уббаад̣̇зд̇ваа тид̇агова д̇хаммам̣ д̣̇зсзд̇ваа ж̇ияаа муд̇д̇о вияа наараажо аагаасам̣ уббад̇ид̇ваа гораб̣яаран̃н̃о миг̇ажийрам̣ г̇анд̇ваа ман̇г̇аласилаабаддз нисинно д̣̇ассанад̇т̇ааяа ааг̇ад̇асса ран̃н̃о жад̇убаариж̇ун̃н̃абадиман̣д̣ид̇ам̣ д̇хаммам̣ (ма. ни. 2.304) д̣̇зсзд̇ваа анубуб̣б̣зна жааригам̣ жарамаано буна сад̇т̇у санд̇игам̣язва ааг̇ад̇о. звамзд̇ам̣ вад̇т̇у самудтид̇ам̣. ат̇а сад̇т̇аа абарабхааг̇з арияаг̇ан̣амаж̇жхз нисинно т̇зрам̣ имасмим̣ саасанз сад̣̇д̇хаабаб̣б̣аж̇ид̇аанам̣ гулабуд̇д̇аанам̣ аг̇г̇адтаанз табзсийд̇и.

    Satthari pana kururaṭṭhe cārikāya nikkhamitvā thullakoṭṭhitaṃ anuppatte raṭṭhapālo kulaputto satthu dhammadesanaṃ sutvā paṭiladdhasaddho mātāpitaro anujānāpetvā dasabalaṃ upasaṅkamitvā satthu āṇattiyā aññatarassa therassa santike pabbaji. Tassa pabbajitadivasato paṭṭhāya seṭṭhigahapati bhikkhū attano nivesanadvārena gacchante disvā ‘‘kiṃ tumhākaṃ imasmiṃ gehe kammaṃ, ekova puttako ahosi, taṃ gaṇhitvā gatattha, idāni kiṃ karissathā’’ti akkosati paribhāsati. Satthā addhamāsaṃ thullakoṭṭhite vasitvā puna sāvatthimeva agamāsi. Tatthāyasmā raṭṭhapālo yoniso manasikaronto kammaṃ katvā vipassanaṃ vaḍḍhetvā arahattaṃ pāpuṇi. So satthāraṃ anujānāpetvā mātāpitaro dassanatthaṃ thullakoṭṭhitaṃ gantvā tattha sapadānaṃ piṇḍāya caranto pitu nivesane ābhidosikaṃ kummāsaṃ labhitvā taṃ amataṃ viya paribhuñjanto pitarā nimantito adhivāsetvā dutiyadivase pitu nivesane piṇḍapātaṃ paribhuñjitvā alaṅkatapaṭiyatte itthijane asubhasaññaṃ uppādetvā ṭhitakova dhammaṃ desetvā jiyā mutto viya nārāco ākāsaṃ uppatitvā korabyarañño migacīraṃ gantvā maṅgalasilāpaṭṭe nisinno dassanatthāya āgatassa rañño catupārijuññapaṭimaṇḍitaṃ dhammaṃ (ma. ni. 2.304) desetvā anupubbena cārikaṃ caramāno puna satthu santikaṃyeva āgato. Evametaṃ vatthu samuṭṭhitaṃ. Atha satthā aparabhāge ariyagaṇamajjhe nisinno theraṃ imasmiṃ sāsane saddhāpabbajitānaṃ kulaputtānaṃ aggaṭṭhāne ṭhapesīti.

    гун̣д̣ад̇хаанад̇т̇зравад̇т̇у

    Kuṇḍadhānattheravatthu

    211. д̇ад̇ияз батамам̣ салаагам̣ г̇ан̣ханд̇аананд̇и саб̣б̣абатамам̣ салаагаг̇аахагаанам̣ бхигкуунам̣ гун̣д̣ад̇хаанад̇т̇зро аг̇г̇од̇и д̣̇ассзд̇и. со гира т̇зро махаасубхад̣̇д̣̇ааяа ниманд̇ид̇ад̣̇ивасз д̇ат̇ааг̇ад̇з уг̇г̇анаг̇арам̣ г̇ажчанд̇з ‘‘аж̇ж̇а сад̇т̇аа д̣̇уурам̣ бхигкаажаарам̣ г̇амиссад̇и, бут̇уж̇ж̇анаа салаагам̣ маа г̇ан̣ханд̇у, бан̃жасад̇аа кийн̣аасаваава г̇ан̣ханд̇уу’’д̇и вуд̇д̇з батамамзва сийханаад̣̇ам̣ над̣̇ид̇ваа салаагам̣ г̇ан̣хи. жуул̣асубхад̣̇д̣̇ааяа ниманд̇ид̇ад̣̇ивасз д̇ат̇ааг̇ад̇з саагзд̇ам̣ г̇ажчанд̇зби бан̃жаннам̣ бхигкусад̇аанам̣ анд̇арз батамамзва салаагам̣ г̇ан̣хи, сунаабаранд̇аж̇анабад̣̇ам̣ г̇ажчанд̇зби. имзхи гааран̣зхи т̇зро батамам̣ салаагам̣ г̇ан̣ханд̇аанам̣ аг̇г̇о наама ж̇аад̇о. гун̣д̣ад̇хаанод̇и банасса наамам̣.

    211. Tatiye paṭhamaṃ salākaṃ gaṇhantānanti sabbapaṭhamaṃ salākagāhakānaṃ bhikkhūnaṃ kuṇḍadhānatthero aggoti dasseti. So kira thero mahāsubhaddāya nimantitadivase tathāgate ugganagaraṃ gacchante ‘‘ajja satthā dūraṃ bhikkhācāraṃ gamissati, puthujjanā salākaṃ mā gaṇhantu, pañcasatā khīṇāsavāva gaṇhantū’’ti vutte paṭhamameva sīhanādaṃ naditvā salākaṃ gaṇhi. Cūḷasubhaddāya nimantitadivase tathāgate sāketaṃ gacchantepi pañcannaṃ bhikkhusatānaṃ antare paṭhamameva salākaṃ gaṇhi, sunāparantajanapadaṃ gacchantepi. Imehi kāraṇehi thero paṭhamaṃ salākaṃ gaṇhantānaṃ aggo nāma jāto. Kuṇḍadhānoti panassa nāmaṃ.

    д̇асса бан̃хагаммз аяаманубуб̣б̣игат̇аа – аяам̣ гира бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз ниб̣б̣ад̇д̇о вуд̇д̇анаязнзва вихаарам̣ г̇анд̇ваа д̇хаммам̣ сун̣анд̇о сад̇т̇аарам̣ згам̣ бхигкум̣ батамам̣ салаагам̣ г̇ан̣ханд̇аанам̣ аг̇г̇адтаанз табзнд̇ам̣ д̣̇исваа б̣уд̣̇д̇хаанам̣ ад̇хигаарагаммам̣ гад̇ваа д̇ам̣ таананд̇арам̣ бад̇т̇зд̇ваа сад̇т̇аараа ананд̇арааяам̣ д̣̇исваа б̣яаагад̇о яааваж̇ийвам̣ гусалам̣ гад̇ваа д̣̇звзсу жа мануссзсу жа сам̣саранд̇о гассабаб̣уд̣̇д̇хагаалз бхуумадтагад̣̇звад̇аа худ̇ваа ниб̣б̣ад̇д̇и. д̣̇ийгхааяугаб̣уд̣̇д̇хаанан̃жа наама на анвад̣̇д̇хамаасиго убосат̇о ход̇и. вибассийд̣̇асаб̣аласса хи чаб̣б̣ассанд̇арз чаб̣б̣ассанд̇арз убосат̇о ахоси, гассабад̣̇асаб̣ало бана чадтз чадтз маасз баад̇имогкам̣ осаарзси. д̇асса баад̇имогкам̣ осааран̣агаалз д̣̇исааваасигаа д̣̇вз сахааяагаа бхигкуу ‘‘убосат̇ам̣ гариссаамаа’’д̇и г̇ажчанд̇и. аяам̣ бхуммад̣̇звад̇аа жинд̇зси – ‘‘имзсам̣ д̣̇виннам̣ бхигкуунам̣ мзд̇д̇и ад̇ивияа д̣̇ал̣хаа, гим̣ ну ко бхзд̣̇агз сад̇и бхиж̇ж̇зяяа, на бхиж̇ж̇зяяаа’’д̇и? д̇зсам̣ огаасам̣ ологаяамаанаа д̇зсам̣ авид̣̇уурзнзва г̇ажчад̇и.

    Tassa pañhakamme ayamanupubbikathā – ayaṃ kira padumuttarabuddhakāle haṃsavatīnagare kulagehe nibbatto vuttanayeneva vihāraṃ gantvā dhammaṃ suṇanto satthāraṃ ekaṃ bhikkhuṃ paṭhamaṃ salākaṃ gaṇhantānaṃ aggaṭṭhāne ṭhapentaṃ disvā buddhānaṃ adhikārakammaṃ katvā taṃ ṭhānantaraṃ patthetvā satthārā anantarāyaṃ disvā byākato yāvajīvaṃ kusalaṃ katvā devesu ca manussesu ca saṃsaranto kassapabuddhakāle bhūmaṭṭhakadevatā hutvā nibbatti. Dīghāyukabuddhānañca nāma na anvaddhamāsiko uposatho hoti. Vipassīdasabalassa hi chabbassantare chabbassantare uposatho ahosi, kassapadasabalo pana chaṭṭhe chaṭṭhe māse pātimokkhaṃ osāresi. Tassa pātimokkhaṃ osāraṇakāle disāvāsikā dve sahāyakā bhikkhū ‘‘uposathaṃ karissāmā’’ti gacchanti. Ayaṃ bhummadevatā cintesi – ‘‘imesaṃ dvinnaṃ bhikkhūnaṃ metti ativiya daḷhā, kiṃ nu kho bhedake sati bhijjeyya, na bhijjeyyā’’ti? Tesaṃ okāsaṃ olokayamānā tesaṃ avidūreneva gacchati.

    ат̇зго т̇зро згасса хад̇т̇з бад̇д̇ажийварам̣ д̣̇ад̇ваа сарийравал̣ан̃ж̇анад̇т̇ам̣ уд̣̇агапаасугадтаанам̣ г̇анд̇ваа д̇ход̇ахад̇т̇абаад̣̇о худ̇ваа г̇умб̣асабхааг̇ад̇о нигкамад̇и. бхуммад̣̇звад̇аа д̇асса т̇зрасса бажчад̇о бажчад̇о уд̇д̇амаруубаа ид̇т̇ий худ̇ваа гзсз вид̇хунид̇ваа сам̣вид̇хааяа б̣анд̇ханд̇ий вияа бидтид̇о бам̣сум̣ бун̃чамаанаа вияа саадагам̣ сам̣вид̇хааяа ниваасаяамаанаа вияа жа худ̇ваа т̇зрасса бад̣̇аанубад̣̇игаа худ̇ваа г̇умб̣ад̇о нигканд̇аа. згаманд̇з тид̇о сахааяагад̇т̇зро имам̣ гааран̣ам̣ д̣̇исваа д̣̇оманассаж̇аад̇о ‘‘надто д̣̇аани мз иминаа бхигкунаа сад̣̇д̇хим̣ д̣̇ийгхарад̇д̇аануг̇ад̇о синзхо. сажаахам̣ звам̣вид̇хабхаавам̣ ж̇аанзяяам̣, зд̇д̇агам̣ ад̣̇д̇хаанам̣ иминаа сад̣̇д̇хим̣ виссаасам̣ на гарзяяа’’нд̇и жинд̇зд̇ваа ааг̇ажчанд̇ассзвасса ‘‘ханд̣̇аавусо, д̇уяхам̣ бад̇д̇ажийварам̣, д̇аад̣̇исзна баабзна сахааязна сад̣̇д̇хим̣ згамаг̇г̇ам̣ на г̇ажчаамий’’д̇и ааха . д̇ам̣ гат̇ам̣ суд̇ваа д̇асса лаж̇ж̇ибхигкуно хад̣̇аяам̣ д̇икин̣асад̇д̇им̣ г̇ахзд̇ваа вид̣̇д̇хам̣ вияа ахоси. д̇ад̇о нам̣ ааха – ‘‘аавусо, гим̣ наамзд̇ам̣ вад̣̇аси, ахам̣ зд̇д̇агам̣ гаалам̣ д̣̇уггадамад̇д̇амби аабад̇д̇им̣ на ж̇аанаами. д̇вам̣ бана мам̣ аж̇ж̇а ‘баабо’д̇и вад̣̇аси, гим̣ д̇з д̣̇идта’’нд̇и? гим̣ ан̃н̃зна д̣̇идтзна, гим̣ д̇вам̣ звам̣вид̇хзна алан̇гад̇абадияад̇д̇зна маад̇уг̇аамзна сад̣̇д̇хим̣ згадтаанз худ̇ваа нигканд̇од̇и? над̇т̇зд̇ам̣, аавусо, маяхам̣, наахам̣ зваруубам̣ маад̇уг̇аамам̣ бассаамийд̇и. д̇асса яаавад̇ад̇ияам̣ гат̇знд̇ассааби ид̇аро т̇зро гат̇ам̣ асад̣̇д̣̇ахид̇ваа ад̇д̇анаа д̣̇идтагааран̣ам̣язва ад̇т̇ам̣ г̇ахзд̇ваа д̇зна сад̣̇д̇хим̣ згамаг̇г̇зна аг̇анд̇ваа ан̃н̃зна маг̇г̇зна сад̇т̇у санд̇игам̣ г̇ад̇о. ид̇ароби ан̃н̃зна маг̇г̇зна сад̇т̇у санд̇игам̣язва г̇ад̇о.

    Atheko thero ekassa hatthe pattacīvaraṃ datvā sarīravaḷañjanatthaṃ udakaphāsukaṭṭhānaṃ gantvā dhotahatthapādo hutvā gumbasabhāgato nikkhamati. Bhummadevatā tassa therassa pacchato pacchato uttamarūpā itthī hutvā kese vidhunitvā saṃvidhāya bandhantī viya piṭṭhito paṃsuṃ puñchamānā viya sāṭakaṃ saṃvidhāya nivāsayamānā viya ca hutvā therassa padānupadikā hutvā gumbato nikkhantā. Ekamante ṭhito sahāyakatthero imaṃ kāraṇaṃ disvā domanassajāto ‘‘naṭṭho dāni me iminā bhikkhunā saddhiṃ dīgharattānugato sineho. Sacāhaṃ evaṃvidhabhāvaṃ jāneyyaṃ, ettakaṃ addhānaṃ iminā saddhiṃ vissāsaṃ na kareyya’’nti cintetvā āgacchantassevassa ‘‘handāvuso, tuyhaṃ pattacīvaraṃ, tādisena pāpena sahāyena saddhiṃ ekamaggaṃ na gacchāmī’’ti āha . Taṃ kathaṃ sutvā tassa lajjibhikkhuno hadayaṃ tikhiṇasattiṃ gahetvā viddhaṃ viya ahosi. Tato naṃ āha – ‘‘āvuso, kiṃ nāmetaṃ vadasi, ahaṃ ettakaṃ kālaṃ dukkaṭamattampi āpattiṃ na jānāmi. Tvaṃ pana maṃ ajja ‘pāpo’ti vadasi, kiṃ te diṭṭha’’nti? Kiṃ aññena diṭṭhena, kiṃ tvaṃ evaṃvidhena alaṅkatapaṭiyattena mātugāmena saddhiṃ ekaṭṭhāne hutvā nikkhantoti? Natthetaṃ, āvuso, mayhaṃ, nāhaṃ evarūpaṃ mātugāmaṃ passāmīti. Tassa yāvatatiyaṃ kathentassāpi itaro thero kathaṃ asaddahitvā attanā diṭṭhakāraṇaṃyeva atthaṃ gahetvā tena saddhiṃ ekamaggena agantvā aññena maggena satthu santikaṃ gato. Itaropi aññena maggena satthu santikaṃyeva gato.

    д̇ад̇о бхигкусан̇гхасса убосат̇ааг̇аарам̣ бависанавзлааяа со бхигку д̇ам̣ бхигкум̣ убосат̇аг̇г̇з сан̃ж̇аанид̇ваа ‘‘имасмим̣ убосат̇аг̇г̇з зваруубо наама баабабхигку ад̇т̇и, наахам̣ д̇зна сад̣̇д̇хим̣ убосат̇ам̣ гариссаамий’’д̇и нигкамид̇ваа б̣ахи адтааси. бхуммад̣̇звад̇аа ‘‘бхаарияам̣ маяаа гаммам̣ гад̇а’’нд̇и махаллагаубаасагаван̣н̣зна д̇асса санд̇игам̣ г̇анд̇ваа ‘‘гасмаа, бханд̇з, аяяо имасмим̣ таанз тид̇о’’д̇и ааха. убаасага, имам̣ убосат̇аг̇г̇ам̣ зго баабабхигку бавидто, ахам̣ д̇зна сад̣̇д̇хим̣ убосат̇ам̣ на гаромийд̇и вад̇ваа нигкамид̇ваа б̣ахи тид̇омхийд̇и. бханд̇з, маа звам̣ г̇ан̣хат̇а, барисуд̣̇д̇хасийло зса бхигку. д̇умхзхи д̣̇идтамаад̇уг̇аамо наама ахам̣, маяаа д̇умхаагам̣ виймам̣санад̇т̇ааяа ‘‘д̣̇ал̣хаа ну ко имзсам̣ т̇зраанам̣ мзд̇д̇и, но д̣̇ал̣хаа’’д̇и лаж̇ж̇иалаж̇ж̇ибхаавам̣ ологзнд̇зна д̇ам̣ гаммам̣ гад̇анд̇и. го бана д̇вам̣ саббурисаад̇и? ахам̣ згаа бхуммад̣̇звад̇аа, бханд̇зд̇и. д̣̇звабуд̇д̇о гат̇знд̇ова д̣̇иб̣б̣аанубхаавзна тад̇ваа т̇зрасса баад̣̇зсу бад̇ид̇ваа ‘‘маяхам̣, бханд̇з, камат̇а, зд̇ам̣ д̣̇осам̣ т̇зро на ж̇аанаад̇и, убосат̇ам̣ гарот̇аа’’д̇и т̇зрам̣ яаажид̇ваа убосат̇аг̇г̇ам̣ бавзсзси. со т̇зро убосат̇ам̣ д̇аава згадтаанз агааси, мид̇д̇асант̇ававасзна на буна д̇зна сад̣̇д̇хим̣ згадтаанз ахосийд̇и. имасса т̇зрасса гаммам̣ на гат̇ияад̇и, жуд̣̇ид̇агад̇т̇зро бана абараабарам̣ вибассанааяа гаммам̣ гаронд̇о арахад̇д̇ам̣ баабун̣и.

    Tato bhikkhusaṅghassa uposathāgāraṃ pavisanavelāya so bhikkhu taṃ bhikkhuṃ uposathagge sañjānitvā ‘‘imasmiṃ uposathagge evarūpo nāma pāpabhikkhu atthi, nāhaṃ tena saddhiṃ uposathaṃ karissāmī’’ti nikkhamitvā bahi aṭṭhāsi. Bhummadevatā ‘‘bhāriyaṃ mayā kammaṃ kata’’nti mahallakaupāsakavaṇṇena tassa santikaṃ gantvā ‘‘kasmā, bhante, ayyo imasmiṃ ṭhāne ṭhito’’ti āha. Upāsaka, imaṃ uposathaggaṃ eko pāpabhikkhu paviṭṭho, ahaṃ tena saddhiṃ uposathaṃ na karomīti vatvā nikkhamitvā bahi ṭhitomhīti. Bhante, mā evaṃ gaṇhatha, parisuddhasīlo esa bhikkhu. Tumhehi diṭṭhamātugāmo nāma ahaṃ, mayā tumhākaṃ vīmaṃsanatthāya ‘‘daḷhā nu kho imesaṃ therānaṃ metti, no daḷhā’’ti lajjialajjibhāvaṃ olokentena taṃ kammaṃ katanti. Ko pana tvaṃ sappurisāti? Ahaṃ ekā bhummadevatā, bhanteti. Devaputto kathentova dibbānubhāvena ṭhatvā therassa pādesu patitvā ‘‘mayhaṃ, bhante, khamatha, etaṃ dosaṃ thero na jānāti, uposathaṃ karothā’’ti theraṃ yācitvā uposathaggaṃ pavesesi. So thero uposathaṃ tāva ekaṭṭhāne akāsi, mittasanthavavasena na puna tena saddhiṃ ekaṭṭhāne ahosīti. Imassa therassa kammaṃ na kathiyati, cuditakatthero pana aparāparaṃ vipassanāya kammaṃ karonto arahattaṃ pāpuṇi.

    бхуммад̣̇звад̇аа д̇асса гаммасса ниссанд̣̇зна згам̣ б̣уд̣̇д̇ханд̇арам̣ абааяад̇о на мужжид̇т̇а. сажз бана гаалзна гаалам̣ мануссад̇д̇ам̣ ааг̇ажчад̇и, ан̃н̃зна язна гзнажи гад̇о д̣̇осо д̇ассзва убари бад̇ад̇и. со амхаагам̣ бхаг̇авад̇о гаалз саавад̇т̇ияам̣ б̣раахман̣агулз ниб̣б̣ад̇д̇и, д̇хаанамаан̣авод̇исса наамам̣ агам̣су. со ваяаббад̇д̇о д̇аяо взд̣̇з уг̇г̇ан̣хид̇ваа махаллагагаалз сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇и, д̇асса убасамбаннад̣̇ивасад̇о бадтааяа згаа алан̇гад̇абадияад̇д̇аа ид̇т̇ий д̇асмим̣ г̇аамам̣ бависанд̇з сад̣̇д̇хим̣язва г̇аамам̣ бависад̇и, нигкаманд̇з нигкамад̇и. вихаарам̣ бависанд̇зби бависад̇и, д̇идтанд̇зби д̇идтад̇ийд̇и звам̣ нижжаануб̣анд̇хаа бан̃н̃ааяад̇и. т̇зро д̇ам̣ на бассад̇и, д̇асса бана буримасса гаммасса ниссанд̣̇зна саа ан̃н̃зсам̣ убадтаад̇и.

    Bhummadevatā tassa kammassa nissandena ekaṃ buddhantaraṃ apāyato na muccittha. Sace pana kālena kālaṃ manussattaṃ āgacchati, aññena yena kenaci kato doso tasseva upari patati. So amhākaṃ bhagavato kāle sāvatthiyaṃ brāhmaṇakule nibbatti, dhānamāṇavotissa nāmaṃ akaṃsu. So vayappatto tayo vede uggaṇhitvā mahallakakāle satthu dhammadesanaṃ sutvā paṭiladdhasaddho pabbaji, tassa upasampannadivasato paṭṭhāya ekā alaṅkatapaṭiyattā itthī tasmiṃ gāmaṃ pavisante saddhiṃyeva gāmaṃ pavisati, nikkhamante nikkhamati. Vihāraṃ pavisantepi pavisati, tiṭṭhantepi tiṭṭhatīti evaṃ niccānubandhā paññāyati. Thero taṃ na passati, tassa pana purimassa kammassa nissandena sā aññesaṃ upaṭṭhāti.

    г̇аамз яааг̇убхигкам̣ д̣̇ад̣̇амаанаа ид̇т̇ияо, ‘‘бханд̇з, аяам̣ зго яааг̇уул̣ун̇го д̇умхаагам̣, зго имиссаа амхаагам̣ сахааяигааяаа’’д̇и барихаасам̣ гаронд̇и. т̇зрасса махад̇ий вихзсаа ход̇и. вихаарам̣ г̇ад̇амби нам̣ сааман̣зраа жзва д̣̇ахарабхигкуу жа бариваарзд̇ваа ‘‘д̇хаано гон̣д̣о ж̇аад̇о’’д̇и барихаасам̣ гаронд̇и. ат̇асса д̇знзва гааран̣зна гун̣д̣ад̇хаанад̇т̇зрод̇и наамам̣ ж̇аад̇ам̣ . со удтааяа самудтааяа д̇зхи гаяирамаанам̣ гзл̣им̣ сахид̇ум̣ асаггонд̇о уммаад̣̇ам̣ г̇ахзд̇ваа ‘‘д̇умхз гон̣д̣аа, д̇умхаагам̣ убаж̇жхааяаа гон̣д̣аа , аажарияаа гон̣д̣аа’’д̇и вад̣̇ад̇и. ат̇а нам̣ сад̇т̇у аарожзсум̣ – ‘‘гун̣д̣ад̇хаано д̣̇ахарасааман̣зрзхи сад̣̇д̇хим̣ звам̣ парусаваажам̣ вад̣̇ад̇ий’’д̇и. сад̇т̇аа д̇ам̣ баггосаабзд̇ваа ‘‘сажжам̣ бхигкуу’’д̇и бужчид̇ваа ‘‘сажжам̣ бхаг̇аваа’’д̇и вуд̇д̇з ‘‘гасмаа звам̣ вад̣̇зсий’’д̇и ааха. бханд̇з, ниб̣ад̣̇д̇хам̣ вихзсам̣ асаханд̇о звам̣ гат̇змийд̇и. ‘‘д̇вам̣ буб̣б̣з гад̇агаммам̣ яааваж̇ж̇ад̣̇ивасаа ж̇ийраабзд̇ум̣ на саггоси, буна зваруубам̣ парусам̣ маа вад̣̇а бхигкуу’’д̇и вад̇ваа ааха –

    Gāme yāgubhikkhaṃ dadamānā itthiyo, ‘‘bhante, ayaṃ eko yāguuḷuṅko tumhākaṃ, eko imissā amhākaṃ sahāyikāyā’’ti parihāsaṃ karonti. Therassa mahatī vihesā hoti. Vihāraṃ gatampi naṃ sāmaṇerā ceva daharabhikkhū ca parivāretvā ‘‘dhāno koṇḍo jāto’’ti parihāsaṃ karonti. Athassa teneva kāraṇena kuṇḍadhānattheroti nāmaṃ jātaṃ . So uṭṭhāya samuṭṭhāya tehi kayiramānaṃ keḷiṃ sahituṃ asakkonto ummādaṃ gahetvā ‘‘tumhe koṇḍā, tumhākaṃ upajjhāyā koṇḍā , ācariyā koṇḍā’’ti vadati. Atha naṃ satthu ārocesuṃ – ‘‘kuṇḍadhāno daharasāmaṇerehi saddhiṃ evaṃ pharusavācaṃ vadatī’’ti. Satthā taṃ pakkosāpetvā ‘‘saccaṃ bhikkhū’’ti pucchitvā ‘‘saccaṃ bhagavā’’ti vutte ‘‘kasmā evaṃ vadesī’’ti āha. Bhante, nibaddhaṃ vihesaṃ asahanto evaṃ kathemīti. ‘‘Tvaṃ pubbe katakammaṃ yāvajjadivasā jīrāpetuṃ na sakkosi, puna evarūpaṃ pharusaṃ mā vada bhikkhū’’ti vatvā āha –

    ‘‘маавожа парусам̣ ган̃жи, вуд̇д̇аа бадивад̣̇зяяу д̇ам̣;

    ‘‘Māvoca pharusaṃ kañci, vuttā paṭivadeyyu taṃ;

    д̣̇угкаа хи саарамбхагат̇аа, бадид̣̇ан̣д̣аа пусзяяу д̇ам̣.

    Dukkhā hi sārambhakathā, paṭidaṇḍā phuseyyu taṃ.

    ‘‘сажз нзрзси ад̇д̇аанам̣, гам̣со убахад̇о яат̇аа;

    ‘‘Sace neresi attānaṃ, kaṃso upahato yathā;

    зса бад̇д̇оси ниб̣б̣аанам̣, саарамбхо д̇з на виж̇ж̇ад̇ий’’д̇и. (д̇ха. ба. 133-134);

    Esa pattosi nibbānaṃ, sārambho te na vijjatī’’ti. (dha. pa. 133-134);

    иман̃жа бана д̇асса т̇зрасса маад̇уг̇аамзна сад̣̇д̇хим̣ вижаран̣абхаавам̣ госаларан̃н̃оби гат̇аяим̣су. рааж̇аа ‘‘г̇ажчат̇а, бхан̣з, виймам̣сат̇аа’’д̇и бзсзд̇ваа саяамби манд̣̇знзва бариваарзна сад̣̇д̇хим̣ т̇зрасса васанадтаанам̣ г̇анд̇ваа згаманд̇з ологзнд̇о адтааси. д̇асмим̣ кан̣з т̇зро суужигаммам̣ гаронд̇о нисинно ход̇и, саабисса ид̇т̇ий авид̣̇уурз таанз тид̇аа вияа бан̃н̃ааяад̇и.

    Imañca pana tassa therassa mātugāmena saddhiṃ vicaraṇabhāvaṃ kosalaraññopi kathayiṃsu. Rājā ‘‘gacchatha, bhaṇe, vīmaṃsathā’’ti pesetvā sayampi mandeneva parivārena saddhiṃ therassa vasanaṭṭhānaṃ gantvā ekamante olokento aṭṭhāsi. Tasmiṃ khaṇe thero sūcikammaṃ karonto nisinno hoti, sāpissa itthī avidūre ṭhāne ṭhitā viya paññāyati.

    рааж̇аа д̇ам̣ д̣̇исваа ‘‘ад̇т̇ид̣̇ам̣ гааран̣а’’нд̇и д̇ассаа тид̇адтаанам̣ аг̇амааси. саа д̇асмим̣ ааг̇ажчанд̇з т̇зрасса васанабан̣н̣асаалам̣ бавидтаа вияа ахоси. рааж̇ааби д̇ааяа сад̣̇д̇хим̣язва бан̣н̣асаалам̣ бависид̇ваа саб̣б̣ад̇т̇а ологзнд̇о ад̣̇исваа ‘‘нааяам̣ маад̇уг̇аамо, т̇зрасса зго гаммавибааго’’д̇и сан̃н̃ам̣ гад̇ваа батамам̣ т̇зрасса самийбзна г̇ажчанд̇оби т̇зрам̣ аванд̣̇ид̇ваа д̇асса гааран̣асса абхууд̇абхаавам̣ н̃ад̇ваа ааг̇амма т̇зрам̣ ванд̣̇ид̇ваа згаманд̇ам̣ нисинно ‘‘гажжи, бханд̇з, бин̣д̣агзна на гиламат̇аа’’д̇и бужчи. т̇зро ‘‘ваддад̇и махаарааж̇аа’’д̇и ааха. ‘‘ж̇аанаами, бханд̇з, аяяасса гат̇ам̣, зваруубзна жа бариггилзсзна сад̣̇д̇хим̣ жаранд̇аанам̣ д̇умхаагам̣ гз наама басийд̣̇иссанд̇и, ид̇о бадтааяа во гад̇т̇ажи г̇аманагижжам̣ над̇т̇и, ахам̣ жад̇уухи бажжаязхи убадтахиссаами, д̇умхз яонисоманасигаарз маа бамаж̇ж̇ид̇т̇аа’’д̇и ниб̣ад̣̇д̇хам̣ бхигкам̣ бадтабзси. т̇зро рааж̇аанам̣ убад̇т̇амбхагам̣ лабхид̇ваа бхож̇анасаббааязна згаг̇г̇ажид̇д̇о худ̇ваа вибассанам̣ вад̣дхзд̇ваа арахад̇д̇ам̣ баабун̣и. д̇ад̇о бадтааяа саа ид̇т̇ий анд̇арад̇хааяи.

    Rājā taṃ disvā ‘‘atthidaṃ kāraṇa’’nti tassā ṭhitaṭṭhānaṃ agamāsi. Sā tasmiṃ āgacchante therassa vasanapaṇṇasālaṃ paviṭṭhā viya ahosi. Rājāpi tāya saddhiṃyeva paṇṇasālaṃ pavisitvā sabbattha olokento adisvā ‘‘nāyaṃ mātugāmo, therassa eko kammavipāko’’ti saññaṃ katvā paṭhamaṃ therassa samīpena gacchantopi theraṃ avanditvā tassa kāraṇassa abhūtabhāvaṃ ñatvā āgamma theraṃ vanditvā ekamantaṃ nisinno ‘‘kacci, bhante, piṇḍakena na kilamathā’’ti pucchi. Thero ‘‘vaṭṭati mahārājā’’ti āha. ‘‘Jānāmi, bhante, ayyassa kathaṃ, evarūpena ca parikkilesena saddhiṃ carantānaṃ tumhākaṃ ke nāma pasīdissanti, ito paṭṭhāya vo katthaci gamanakiccaṃ natthi, ahaṃ catūhi paccayehi upaṭṭhahissāmi, tumhe yonisomanasikāre mā pamajjitthā’’ti nibaddhaṃ bhikkhaṃ paṭṭhapesi. Thero rājānaṃ upatthambhakaṃ labhitvā bhojanasappāyena ekaggacitto hutvā vipassanaṃ vaḍḍhetvā arahattaṃ pāpuṇi. Tato paṭṭhāya sā itthī antaradhāyi.

    махаасубхад̣̇д̣̇аа уг̇г̇анаг̇арз мижчаад̣̇идтигулз васамаанаа ‘‘сад̇т̇аа мам̣ анугамбад̇уу’’д̇и убосат̇ам̣ ад̇хидтааяа нираамаг̇анд̇хаа худ̇ваа убарибаасаад̣̇ад̇алз тид̇аа ‘‘имаани бубпаани анд̇арз адтад̇ваа д̣̇асаб̣аласса мад̇т̇агз вид̇аанам̣ худ̇ваа д̇идтанд̇у, д̣̇асаб̣ало имааяа сан̃н̃ааяа свз бан̃жахи бхигкусад̇зхи сад̣̇д̇хим̣ маяхам̣ бхигкам̣ г̇ан̣хад̇уу’’д̇и сажжагирияам̣ гад̇ваа адта суманабубпамудтияо виссаж̇ж̇зси. бубпаани г̇анд̇ваа д̇хаммад̣̇зсанаавзлааяа сад̇т̇у мад̇т̇агз вид̇аанам̣ худ̇ваа адтам̣су. сад̇т̇аа д̇ам̣ суманабубпавид̇аанам̣ д̣̇исваа жид̇д̇знзва субхад̣̇д̣̇ааяа бхигкам̣ ад̇хиваасзд̇ваа бунад̣̇ивасз арун̣з удтид̇з аананд̣̇ад̇т̇зрам̣ ааха – ‘‘аананд̣̇а, маяам̣ аж̇ж̇а д̣̇уурам̣ бхигкаажаарам̣ г̇амиссаама, бут̇уж̇ж̇анаанам̣ ад̣̇ад̇ваа арияаанам̣язва салаагам̣ д̣̇зхий’’д̇и. т̇зро бхигкуунам̣ аарожзси – ‘‘аавусо, сад̇т̇аа аж̇ж̇а д̣̇уурам̣ бхигкаажаарам̣ г̇амиссад̇и, бут̇уж̇ж̇анаа маа г̇ан̣ханд̇у, арияаава салаагам̣ г̇ан̣ханд̇уу’’д̇и. гун̣д̣ад̇хаанад̇т̇зро ‘‘аахараавусо, салаага’’нд̇и батамам̣язва хад̇т̇ам̣ басаарзси. аананд̣̇аа ‘‘сад̇т̇аа д̇аад̣̇исаанам̣ бхигкуунам̣ салаагам̣ на д̣̇аабзд̇и, арияаанам̣язва д̣̇аабзд̇ий’’д̇и вид̇аггам̣ уббаад̣̇зд̇ваа г̇анд̇ваа сад̇т̇у аарожзси. сад̇т̇аа ‘‘аахараабзнд̇асса салаагам̣ д̣̇зхий’’д̇и ааха. т̇зро жинд̇зси – ‘‘сажз гун̣д̣ад̇хаанасса салаагаа д̣̇аад̇ум̣ на яуд̇д̇аа асса, ат̇а сад̇т̇аа бадиб̣аахзяяа, бхависсад̇и згам̣ гааран̣а’’нд̇и. ‘‘гун̣д̣ад̇хаанасса салаагам̣ д̣̇ассаамий’’д̇и г̇аманам̣ абхинийхари. гун̣д̣ад̇хаанад̇т̇зро д̇асса бурз ааг̇аманаава абхин̃н̃аабаад̣̇агам̣ жад̇уд̇т̇аж̇жхаанам̣ самаабаж̇ж̇ид̇ваа ид̣̇д̇хияаа аагаасз тад̇ваа ‘‘аахараавусо аананд̣̇а, сад̇т̇аа мам̣ ж̇аанаад̇и, маад̣̇исам̣ бхигкум̣ батамам̣ салаагам̣ г̇ан̣ханд̇ам̣ на сад̇т̇аа ваарзд̇ий’’д̇и хад̇т̇ам̣ басаарзд̇ваа салаагам̣ г̇ан̣хи. сад̇т̇аа д̇ам̣ адтуббад̇д̇им̣ гад̇ваа т̇зрам̣ имасмим̣ саасанз батамам̣ салаагам̣ г̇ан̣ханд̇аанам̣ аг̇г̇адтаанз табзсийд̇и.

    Mahāsubhaddā ugganagare micchādiṭṭhikule vasamānā ‘‘satthā maṃ anukampatū’’ti uposathaṃ adhiṭṭhāya nirāmagandhā hutvā uparipāsādatale ṭhitā ‘‘imāni pupphāni antare aṭṭhatvā dasabalassa matthake vitānaṃ hutvā tiṭṭhantu, dasabalo imāya saññāya sve pañcahi bhikkhusatehi saddhiṃ mayhaṃ bhikkhaṃ gaṇhatū’’ti saccakiriyaṃ katvā aṭṭha sumanapupphamuṭṭhiyo vissajjesi. Pupphāni gantvā dhammadesanāvelāya satthu matthake vitānaṃ hutvā aṭṭhaṃsu. Satthā taṃ sumanapupphavitānaṃ disvā citteneva subhaddāya bhikkhaṃ adhivāsetvā punadivase aruṇe uṭṭhite ānandattheraṃ āha – ‘‘ānanda, mayaṃ ajja dūraṃ bhikkhācāraṃ gamissāma, puthujjanānaṃ adatvā ariyānaṃyeva salākaṃ dehī’’ti. Thero bhikkhūnaṃ ārocesi – ‘‘āvuso, satthā ajja dūraṃ bhikkhācāraṃ gamissati, puthujjanā mā gaṇhantu, ariyāva salākaṃ gaṇhantū’’ti. Kuṇḍadhānatthero ‘‘āharāvuso, salāka’’nti paṭhamaṃyeva hatthaṃ pasāresi. Ānandā ‘‘satthā tādisānaṃ bhikkhūnaṃ salākaṃ na dāpeti, ariyānaṃyeva dāpetī’’ti vitakkaṃ uppādetvā gantvā satthu ārocesi. Satthā ‘‘āharāpentassa salākaṃ dehī’’ti āha. Thero cintesi – ‘‘sace kuṇḍadhānassa salākā dātuṃ na yuttā assa, atha satthā paṭibāheyya, bhavissati ekaṃ kāraṇa’’nti. ‘‘Kuṇḍadhānassa salākaṃ dassāmī’’ti gamanaṃ abhinīhari. Kuṇḍadhānatthero tassa pure āgamanāva abhiññāpādakaṃ catutthajjhānaṃ samāpajjitvā iddhiyā ākāse ṭhatvā ‘‘āharāvuso ānanda, satthā maṃ jānāti, mādisaṃ bhikkhuṃ paṭhamaṃ salākaṃ gaṇhantaṃ na satthā vāretī’’ti hatthaṃ pasāretvā salākaṃ gaṇhi. Satthā taṃ aṭṭhuppattiṃ katvā theraṃ imasmiṃ sāsane paṭhamaṃ salākaṃ gaṇhantānaṃ aggaṭṭhāne ṭhapesīti.

    ван̇г̇ийсад̇т̇зравад̇т̇у

    Vaṅgīsattheravatthu

    212. жад̇уд̇т̇з бадибхаанаванд̇аананд̇и самбаннабадибхаанаанам̣ ван̇г̇ийсад̇т̇зро аг̇г̇од̇и д̣̇ассзд̇и. аяам̣ гира т̇зро д̣̇асаб̣аласса санд̇игам̣ убасан̇гаманд̇о жагкубат̇ад̇о бадтааяа жанд̣̇зна сад̣̇д̇хим̣ убамзд̇ваа, сууриязна, аагаасзна, махаасамуд̣̇д̣̇зна, хад̇т̇инааг̇зна, сийхзна миг̇аран̃н̃аа сад̣̇д̇хим̣ убамзд̇вааби анзгзхи бад̣̇асад̇зхи бад̣̇асахассзхи сад̇т̇у ван̣н̣ам̣ вад̣̇анд̇оязва убасан̇гамад̇и. д̇асмаа бадибхаанаванд̇аанам̣ аг̇г̇о наама ж̇аад̇о.

    212. Catutthe paṭibhānavantānanti sampannapaṭibhānānaṃ vaṅgīsatthero aggoti dasseti. Ayaṃ kira thero dasabalassa santikaṃ upasaṅkamanto cakkhupathato paṭṭhāya candena saddhiṃ upametvā, sūriyena, ākāsena, mahāsamuddena, hatthināgena, sīhena migaraññā saddhiṃ upametvāpi anekehi padasatehi padasahassehi satthu vaṇṇaṃ vadantoyeva upasaṅkamati. Tasmā paṭibhānavantānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяамби гира бад̣̇умуд̇д̇араб̣уд̣̇д̇хагаалз хам̣савад̇ийнаг̇арз махаабхог̇агулз бадисанд̇хим̣ г̇ан̣хид̇ваа буриманаязнзва вихаарам̣ г̇анд̇ваа д̇хаммам̣ сун̣анд̇о сад̇т̇аарам̣ згам̣ бхигкум̣ бадибхаанаванд̇аанам̣ аг̇г̇адтаанз табзнд̇ам̣ д̣̇исваа сад̇т̇у ад̇хигаарагаммам̣ гад̇ваа ‘‘ахамби анааг̇ад̇з бадибхаанаванд̇аанам̣ аг̇г̇о бхавзяяа’’нд̇и бад̇т̇анам̣ гад̇ваа сад̇т̇аараа б̣яаагад̇о яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇и. ван̇г̇ийсамаан̣авод̇исса наамам̣ агам̣су. со ваяаббад̇д̇о д̇аяо взд̣̇з уг̇г̇ан̣ханд̇о аажарияам̣ аараад̇хзд̇ваа чавасийсаманд̇ам̣ наама сигкид̇ваа чавасийсам̣ накзна аагодзд̇ваа ‘‘аяам̣ сад̇д̇о асугаяонияам̣ наама ниб̣б̣ад̇д̇о’’д̇и ж̇аанаад̇и.

    Tassa pañhakamme ayamanupubbikathā – ayampi kira padumuttarabuddhakāle haṃsavatīnagare mahābhogakule paṭisandhiṃ gaṇhitvā purimanayeneva vihāraṃ gantvā dhammaṃ suṇanto satthāraṃ ekaṃ bhikkhuṃ paṭibhānavantānaṃ aggaṭṭhāne ṭhapentaṃ disvā satthu adhikārakammaṃ katvā ‘‘ahampi anāgate paṭibhānavantānaṃ aggo bhaveyya’’nti patthanaṃ katvā satthārā byākato yāvajīvaṃ kusalaṃ katvā devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbatti. Vaṅgīsamāṇavotissa nāmaṃ akaṃsu. So vayappatto tayo vede uggaṇhanto ācariyaṃ ārādhetvā chavasīsamantaṃ nāma sikkhitvā chavasīsaṃ nakhena ākoṭetvā ‘‘ayaṃ satto asukayoniyaṃ nāma nibbatto’’ti jānāti.

    б̣раахман̣аа ‘‘аяам̣ амхаагам̣ ж̇ийвигамаг̇г̇о’’д̇и н̃ад̇ваа ван̇г̇ийсамаан̣авам̣ бадижчаннаяаанз нисийд̣̇аабзд̇ваа г̇ааманиг̇амарааж̇ад̇хаанияо жаранд̇аа наг̇арад̣̇ваарз ваа ниг̇амад̣̇ваарз ваа табзд̇ваа махааж̇анасса раасибхууд̇абхаавам̣ н̃ад̇ваа ‘‘яо ван̇г̇ийсам̣ бассад̇и, со д̇ханам̣ ваа лабхад̇и, яасам̣ ваа лабхад̇и, саг̇г̇ам̣ ваа г̇ажчад̇ий’’д̇и вад̣̇анд̇и. д̇зсам̣ гат̇ам̣ суд̇ваа б̣ахуу ж̇анаа лан̃ж̇ам̣ д̣̇ад̇ваа бассид̇угаамаа хонд̇и. рааж̇арааж̇амахаамад̇д̇аа д̇зсам̣ санд̇игам̣ г̇анд̇ваа ‘‘го аажарияасса ж̇аанависзсо’’д̇и бужчанд̇и. д̇умхз на ж̇аанаат̇а, сагалаж̇амб̣уд̣̇ийбз амхаагам̣ аажарияасад̣̇исо ан̃н̃о бан̣д̣ид̇о наама над̇т̇и, д̇ивассамад̇т̇агз мад̇агаанам̣ сийсам̣ аахараабзд̇ваа накзна аагодзд̇ваа ‘‘аяам̣ сад̇д̇о асугаяонияам̣ ниб̣б̣ад̇д̇о’’д̇и ж̇аанаад̇и. ван̇г̇ийсоби махааж̇анасса ган̇качзд̣̇анад̇т̇ам̣ д̇з д̇з ж̇анз ааваахзд̇ваа ад̇д̇ано ад̇д̇ано г̇ад̇им̣ гат̇аабзд̇и. д̇ам̣ ниссааяа махааж̇анасса хад̇т̇ад̇о сад̇амби сахассамби лабхад̇и.

    Brāhmaṇā ‘‘ayaṃ amhākaṃ jīvikamaggo’’ti ñatvā vaṅgīsamāṇavaṃ paṭicchannayāne nisīdāpetvā gāmanigamarājadhāniyo carantā nagaradvāre vā nigamadvāre vā ṭhapetvā mahājanassa rāsibhūtabhāvaṃ ñatvā ‘‘yo vaṅgīsaṃ passati, so dhanaṃ vā labhati, yasaṃ vā labhati, saggaṃ vā gacchatī’’ti vadanti. Tesaṃ kathaṃ sutvā bahū janā lañjaṃ datvā passitukāmā honti. Rājarājamahāmattā tesaṃ santikaṃ gantvā ‘‘ko ācariyassa jānaviseso’’ti pucchanti. Tumhe na jānātha, sakalajambudīpe amhākaṃ ācariyasadiso añño paṇḍito nāma natthi, tivassamatthake matakānaṃ sīsaṃ āharāpetvā nakhena ākoṭetvā ‘‘ayaṃ satto asukayoniyaṃ nibbatto’’ti jānāti. Vaṅgīsopi mahājanassa kaṅkhachedanatthaṃ te te jane āvāhetvā attano attano gatiṃ kathāpeti. Taṃ nissāya mahājanassa hatthato satampi sahassampi labhati.

    б̣раахман̣аа ван̇г̇ийсамаан̣авам̣ аад̣̇ааяа яат̇ааружим̣ вижарид̇ваа буна саавад̇т̇им̣ ааг̇амам̣су. ван̇г̇ийсо ж̇зд̇аванамахаавихаарасса авид̣̇уурадтаанз тид̇о жинд̇зси – ‘‘саман̣о г̇од̇амо бан̣д̣ид̇од̇и вад̣̇анд̇и, на ко бана саб̣б̣агаалам̣ маяаа имзсам̣язва важанам̣ гаронд̇зна жарид̇ум̣ ваддад̇и, бан̣д̣ид̇аанамби санд̇игам̣ г̇анд̇ум̣ ваддад̇ий’’д̇и. со б̣раахман̣з ааха – ‘‘д̇умхз г̇ажчат̇а, ахам̣ на б̣ахугзхи сад̣̇д̇хим̣ г̇анд̇ваа саман̣ам̣ г̇од̇амам̣ бассиссаамий’’д̇и. д̇з аахам̣су – ‘‘ван̇г̇ийса, маа д̇з ружжи саман̣ам̣ г̇од̇амам̣ бассид̇ум̣ . яо хи нам̣ бассад̇и, д̇ам̣ со мааяааяа ааваддзд̇ий’’д̇и. ван̇г̇ийсо д̇зсам̣ гат̇ам̣ анаад̣̇ияид̇ваа сад̇т̇у санд̇игам̣ г̇анд̇ваа мад̇хурабадисант̇аарам̣ гад̇ваа згаманд̇ам̣ нисийд̣̇и.

    Brāhmaṇā vaṅgīsamāṇavaṃ ādāya yathāruciṃ vicaritvā puna sāvatthiṃ āgamaṃsu. Vaṅgīso jetavanamahāvihārassa avidūraṭṭhāne ṭhito cintesi – ‘‘samaṇo gotamo paṇḍitoti vadanti, na kho pana sabbakālaṃ mayā imesaṃyeva vacanaṃ karontena carituṃ vaṭṭati, paṇḍitānampi santikaṃ gantuṃ vaṭṭatī’’ti. So brāhmaṇe āha – ‘‘tumhe gacchatha, ahaṃ na bahukehi saddhiṃ gantvā samaṇaṃ gotamaṃ passissāmī’’ti. Te āhaṃsu – ‘‘vaṅgīsa, mā te rucci samaṇaṃ gotamaṃ passituṃ . Yo hi naṃ passati, taṃ so māyāya āvaṭṭetī’’ti. Vaṅgīso tesaṃ kathaṃ anādiyitvā satthu santikaṃ gantvā madhurapaṭisanthāraṃ katvā ekamantaṃ nisīdi.

    ат̇а нам̣ сад̇т̇аа бужчи – ‘‘ван̇г̇ийса, гин̃жи сиббам̣ ж̇аанаасий’’д̇и. аама, бхо г̇од̇ама, чавасийсаманд̇ам̣ наамзгам̣ ж̇аанаамийд̇и. гим̣ со манд̇о гарод̇ийд̇и? д̇ивассамад̇т̇агз мад̇аанамби д̇ам̣ манд̇ам̣ ж̇аббид̇ваа сийсам̣ накзна аагодзд̇ваа ниб̣б̣ад̇д̇адтаанам̣ ж̇аанаамийд̇и. сад̇т̇аа д̇асса згам̣ нираяз уббаннасса сийсам̣ д̣̇ассзси, згам̣ мануссзсу уббаннасса, згам̣ д̣̇звзсу, згам̣ бариниб̣б̣уд̇асса сийсам̣ д̣̇ассзси. со батамам̣ сийсам̣ аагодзд̇ваа, ‘‘бхо г̇од̇ама, аяам̣ сад̇д̇о нираяам̣ г̇ад̇о’’д̇и ааха. саад̇ху саад̇ху, ван̇г̇ийса, суд̣̇идтам̣ д̇аяаа, аяам̣ сад̇д̇о гахам̣ г̇ад̇од̇и бужчи. мануссалогам̣, бхо г̇од̇амаад̇и. аяам̣ сад̇д̇о гахам̣ г̇ад̇од̇и? д̣̇звалогам̣, бхо г̇од̇амаад̇и д̇ин̣н̣амби г̇ад̇адтаанам̣ гат̇зси. бариниб̣б̣уд̇асса бана сийсам̣ накзна аагодзнд̇о нзва анд̇ам̣ на годим̣ бассад̇и. ат̇а нам̣ сад̇т̇аа ‘‘на саггоси д̇вам̣, ван̇г̇ийсаа’’д̇и бужчи. ‘‘бассат̇а, бхо г̇од̇ама, убабаригкаами д̇ааваа’’д̇и бунаббунам̣ баривад̇д̇зд̇и. б̣аахирагаманд̇зна кийн̣аасавасса г̇ад̇им̣ гат̇ам̣ ж̇ааниссад̇и, ат̇асса мад̇т̇агад̇о сзд̣̇о мужжи. со лаж̇ж̇ид̇ваа д̇ун̣хийбхууд̇о адтааси. ат̇а нам̣ сад̇т̇аа ‘‘гиламаси, ван̇г̇ийсаа’’д̇и ааха. аама, бхо г̇од̇ама, имасса сад̇д̇асса г̇ад̇адтаанам̣ ж̇аанид̇ум̣ на саггоми. сажз д̇умхз ж̇аанаат̇а, гат̇зт̇аад̇и. ‘‘ван̇г̇ийса, ахам̣ зд̇амби ж̇аанаами ид̇о уд̇д̇арид̇арамбий’’д̇и вад̇ваа д̇хаммабад̣̇з имаа д̣̇вз г̇аат̇аа абхааси –

    Atha naṃ satthā pucchi – ‘‘vaṅgīsa, kiñci sippaṃ jānāsī’’ti. Āma, bho gotama, chavasīsamantaṃ nāmekaṃ jānāmīti. Kiṃ so manto karotīti? Tivassamatthake matānampi taṃ mantaṃ jappitvā sīsaṃ nakhena ākoṭetvā nibbattaṭṭhānaṃ jānāmīti. Satthā tassa ekaṃ niraye uppannassa sīsaṃ dassesi, ekaṃ manussesu uppannassa, ekaṃ devesu, ekaṃ parinibbutassa sīsaṃ dassesi. So paṭhamaṃ sīsaṃ ākoṭetvā, ‘‘bho gotama, ayaṃ satto nirayaṃ gato’’ti āha. Sādhu sādhu, vaṅgīsa, sudiṭṭhaṃ tayā, ayaṃ satto kahaṃ gatoti pucchi. Manussalokaṃ, bho gotamāti. Ayaṃ satto kahaṃ gatoti? Devalokaṃ, bho gotamāti tiṇṇampi gataṭṭhānaṃ kathesi. Parinibbutassa pana sīsaṃ nakhena ākoṭento neva antaṃ na koṭiṃ passati. Atha naṃ satthā ‘‘na sakkosi tvaṃ, vaṅgīsā’’ti pucchi. ‘‘Passatha, bho gotama, upaparikkhāmi tāvā’’ti punappunaṃ parivatteti. Bāhirakamantena khīṇāsavassa gatiṃ kathaṃ jānissati, athassa matthakato sedo mucci. So lajjitvā tuṇhībhūto aṭṭhāsi. Atha naṃ satthā ‘‘kilamasi, vaṅgīsā’’ti āha. Āma, bho gotama, imassa sattassa gataṭṭhānaṃ jānituṃ na sakkomi. Sace tumhe jānātha, kathethāti. ‘‘Vaṅgīsa, ahaṃ etampi jānāmi ito uttaritarampī’’ti vatvā dhammapade imā dve gāthā abhāsi –

    ‘‘жуд̇им̣ яо взд̣̇и сад̇д̇аанам̣, убабад̇д̇им̣ жа саб̣б̣асо;

    ‘‘Cutiṃ yo vedi sattānaṃ, upapattiṃ ca sabbaso;

    асад̇д̇ам̣ суг̇ад̇ам̣ б̣уд̣̇д̇хам̣, д̇амахам̣ б̣рууми б̣раахман̣ам̣.

    Asattaṃ sugataṃ buddhaṃ, tamahaṃ brūmi brāhmaṇaṃ.

    ‘‘яасса г̇ад̇им̣ на ж̇аананд̇и, д̣̇зваа г̇анд̇хаб̣б̣амаанусаа;

    ‘‘Yassa gatiṃ na jānanti, devā gandhabbamānusā;

    кийн̣аасавам̣ араханд̇ам̣, д̇амахам̣ б̣рууми б̣раахман̣а’’нд̇и. (д̇ха. ба. 419-420);

    Khīṇāsavaṃ arahantaṃ, tamahaṃ brūmi brāhmaṇa’’nti. (dha. pa. 419-420);

    д̇ад̇о ван̇г̇ийсо ааха – ‘‘бхо г̇од̇ама, виж̇ж̇ааяа виж̇ж̇ам̣ д̣̇знд̇асса наама барихаани над̇т̇и, ахам̣ ад̇д̇анаа ж̇аананагам̣ манд̇ам̣ д̇умхаагам̣ д̣̇ассаами, д̇умхз зд̇ам̣ манд̇ам̣ маяхам̣ д̣̇зт̇аа’’д̇и. ван̇г̇ийса, на маяам̣ манд̇зна манд̇ам̣ д̣̇зма, звамзва д̣̇змаад̇и. ‘‘саад̇ху, бхо г̇од̇ама, д̣̇зт̇а мз манд̇а’’нд̇и абажид̇им̣ д̣̇ассзд̇ваа хад̇т̇агажчабагам̣ гад̇ваа нисийд̣̇и. гим̣, ван̇г̇ийса, д̇умхаагам̣ самаяз махаг̇гхаманд̇ам̣ ваа гин̃жи ваа г̇ан̣ханд̇аанам̣ бариваасо наама на ход̇ийд̇и? ход̇и, бхо г̇од̇амаад̇и. амхаагам̣ бана манд̇о ниббариваасод̇и сан̃н̃ам̣ гаросийд̇и? б̣раахман̣аа наама манд̇зхи ад̇ид̇д̇аа хонд̇и, д̇асмаа со бхаг̇аванд̇ам̣ ааха – ‘‘бхо г̇од̇ама, д̇умхзхи гат̇ид̇анияаамам̣ гариссаамий’’д̇и. бхаг̇аваа ааха – ‘‘ван̇г̇ийса, маяам̣ имам̣ манд̇ам̣ д̣̇знд̇аа амхзхи самааналин̇г̇асса д̣̇змаа’’д̇и. ван̇г̇ийсо ‘‘яам̣гин̃жи гад̇ваа маяаа имам̣ манд̇ам̣ г̇ан̣хид̇ваа г̇анд̇ум̣ ваддад̇ий’’д̇и б̣раахман̣з ааха. д̇умхз маяи баб̣б̣аж̇анд̇з маа жинд̇аяид̇т̇а, ахам̣ имам̣ манд̇ам̣ г̇ан̣хид̇ваа сагалаж̇амб̣уд̣̇ийбз ж̇здтаго бхависсаами. звам̣ санд̇з д̇умхаагамби бхад̣̇д̣̇агам̣ бхависсад̇ий’’д̇и манд̇ад̇т̇ааяа сад̇т̇у санд̇игз баб̣б̣аж̇и. сад̇т̇аа ‘‘манд̇абариваасам̣ д̇аава васаахий’’д̇и д̣̇вад̇д̇им̣саагаарам̣ аажигки. бан̃н̃аваа сад̇д̇о д̣̇вад̇д̇им̣саагаарам̣ саж̇жхааяанд̇ова д̇ад̇т̇а каяаваяам̣ бадтабзд̇ваа вибассанам̣ вад̣дхзд̇ваа арахад̇д̇ам̣ баабун̣и .

    Tato vaṅgīso āha – ‘‘bho gotama, vijjāya vijjaṃ dentassa nāma parihāni natthi, ahaṃ attanā jānanakaṃ mantaṃ tumhākaṃ dassāmi, tumhe etaṃ mantaṃ mayhaṃ dethā’’ti. Vaṅgīsa, na mayaṃ mantena mantaṃ dema, evameva demāti. ‘‘Sādhu, bho gotama, detha me manta’’nti apacitiṃ dassetvā hatthakacchapakaṃ katvā nisīdi. Kiṃ, vaṅgīsa, tumhākaṃ samaye mahagghamantaṃ vā kiñci vā gaṇhantānaṃ parivāso nāma na hotīti? Hoti, bho gotamāti. Amhākaṃ pana manto nipparivāsoti saññaṃ karosīti? Brāhmaṇā nāma mantehi atittā honti, tasmā so bhagavantaṃ āha – ‘‘bho gotama, tumhehi kathitaniyāmaṃ karissāmī’’ti. Bhagavā āha – ‘‘vaṅgīsa, mayaṃ imaṃ mantaṃ dentā amhehi samānaliṅgassa demā’’ti. Vaṅgīso ‘‘yaṃkiñci katvā mayā imaṃ mantaṃ gaṇhitvā gantuṃ vaṭṭatī’’ti brāhmaṇe āha. Tumhe mayi pabbajante mā cintayittha, ahaṃ imaṃ mantaṃ gaṇhitvā sakalajambudīpe jeṭṭhako bhavissāmi. Evaṃ sante tumhākampi bhaddakaṃ bhavissatī’’ti mantatthāya satthu santike pabbaji. Satthā ‘‘mantaparivāsaṃ tāva vasāhī’’ti dvattiṃsākāraṃ ācikkhi. Paññavā satto dvattiṃsākāraṃ sajjhāyantova tattha khayavayaṃ paṭṭhapetvā vipassanaṃ vaḍḍhetvā arahattaṃ pāpuṇi .

    д̇асмим̣ арахад̇д̇ам̣ бад̇д̇з б̣раахман̣аа ‘‘гаа ну ко ван̇г̇ийсасса бавад̇д̇и, бассиссаама на’’нд̇и д̇асса санд̇игам̣ г̇анд̇ваа ‘‘гим̣, бхо ван̇г̇ийса, саман̣асса г̇од̇амасса санд̇игз сиббам̣ сигкид̇а’’нд̇и бужчим̣су. аама, сигкид̇анд̇и. д̇зна хи зхи г̇амиссаамаад̇и. г̇ажчат̇а д̇умхз, д̇умхзхи сад̣̇д̇хим̣ г̇анд̇аб̣б̣агижжам̣ маяхам̣ нидтид̇анд̇и. батамамзва амхзхи д̇уяхам̣ гат̇ид̇ам̣ ‘‘саман̣о г̇од̇амо ад̇д̇аанам̣ бассид̇ум̣ ааг̇ад̇з мааяааяа ааваддзд̇ий’’д̇и. д̇вам̣ хи ид̣̇аани саман̣асса г̇од̇амасса васам̣ аабанно, гим̣ маяам̣ д̇ава санд̇игз гариссаамаад̇и ааг̇ад̇амаг̇г̇знзва баггамим̣су. ван̇г̇ийсад̇т̇зроби яам̣ яам̣ взлам̣ д̣̇асаб̣алам̣ бассид̇ум̣ г̇ажчад̇и, згам̣ т̇уд̇им̣ гаронд̇ова г̇ажчад̇и. д̇зна д̇ам̣ сад̇т̇аа сан̇гхамаж̇жхз нисинно бадибхаанаванд̇аанам̣ аг̇г̇адтаанз табзсийд̇и.

    Tasmiṃ arahattaṃ patte brāhmaṇā ‘‘kā nu kho vaṅgīsassa pavatti, passissāma na’’nti tassa santikaṃ gantvā ‘‘kiṃ, bho vaṅgīsa, samaṇassa gotamassa santike sippaṃ sikkhita’’nti pucchiṃsu. Āma, sikkhitanti. Tena hi ehi gamissāmāti. Gacchatha tumhe, tumhehi saddhiṃ gantabbakiccaṃ mayhaṃ niṭṭhitanti. Paṭhamameva amhehi tuyhaṃ kathitaṃ ‘‘samaṇo gotamo attānaṃ passituṃ āgate māyāya āvaṭṭetī’’ti. Tvaṃ hi idāni samaṇassa gotamassa vasaṃ āpanno, kiṃ mayaṃ tava santike karissāmāti āgatamaggeneva pakkamiṃsu. Vaṅgīsattheropi yaṃ yaṃ velaṃ dasabalaṃ passituṃ gacchati, ekaṃ thutiṃ karontova gacchati. Tena taṃ satthā saṅghamajjhe nisinno paṭibhānavantānaṃ aggaṭṭhāne ṭhapesīti.

    убасзнаван̇г̇анд̇абуд̇д̇ад̇т̇зравад̇т̇у

    Upasenavaṅgantaputtattheravatthu

    213. бан̃жамз саманд̇абаасаад̣̇игаананд̇и саб̣б̣абаасаад̣̇игаанам̣. убасзнод̇и д̇асса т̇зрасса наамам̣. ван̇г̇анд̇аб̣раахман̣асса бана со буд̇д̇о, д̇асмаа ван̇г̇анд̇абуд̇д̇од̇и вужжад̇и. аяам̣ бана т̇зро на гзвалам̣ ад̇д̇анаава баасаад̣̇иго, барисаабисса баасаад̣̇игаа, ид̇и барисам̣ ниссааяа лад̣̇д̇ханаамавасзна саманд̇абаасаад̣̇игаанам̣ аг̇г̇о наама ж̇аад̇о.

    213. Pañcame samantapāsādikānanti sabbapāsādikānaṃ. Upasenoti tassa therassa nāmaṃ. Vaṅgantabrāhmaṇassa pana so putto, tasmā vaṅgantaputtoti vuccati. Ayaṃ pana thero na kevalaṃ attanāva pāsādiko, parisāpissa pāsādikā, iti parisaṃ nissāya laddhanāmavasena samantapāsādikānaṃ aggo nāma jāto.

    бан̃хагаммз банасса аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз ниб̣б̣ад̇д̇о ваяам̣ ааг̇амма буриманаязнзва сад̇т̇у санд̇игам̣ г̇анд̇ваа д̇хаммам̣ сун̣амаано сад̇т̇аарам̣ згам̣ бхигкум̣ саманд̇абаасаад̣̇игаанам̣ аг̇г̇адтаанз табзнд̇ам̣ д̣̇исваа сад̇т̇у ад̇хигаарагаммам̣ гад̇ваа д̇ам̣ таананд̇арам̣ бад̇т̇зд̇ваа яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з наалагаб̣раахман̣аг̇аамз саариб̣раахман̣ияаа гужчисмим̣ бадисанд̇хим̣ г̇ан̣хи, убасзнад̣̇аарагод̇исса наамам̣ агам̣су.

    Pañhakamme panassa ayamanupubbikathā – ayampi hi padumuttarabuddhakāle haṃsavatīnagare kulagehe nibbatto vayaṃ āgamma purimanayeneva satthu santikaṃ gantvā dhammaṃ suṇamāno satthāraṃ ekaṃ bhikkhuṃ samantapāsādikānaṃ aggaṭṭhāne ṭhapentaṃ disvā satthu adhikārakammaṃ katvā taṃ ṭhānantaraṃ patthetvā yāvajīvaṃ kusalaṃ katvā devamanussesu saṃsaranto imasmiṃ buddhuppāde nālakabrāhmaṇagāme sāribrāhmaṇiyā kucchismiṃ paṭisandhiṃ gaṇhi, upasenadārakotissa nāmaṃ akaṃsu.

    со ваяаббад̇д̇о д̇аяо взд̣̇з уг̇г̇ан̣хид̇ваа д̣̇асаб̣аласса санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇и. со убасамбад̣̇ааяа згавассиго худ̇ваа ‘‘арияаг̇аб̣бхам̣ вад̣дхзмий’’д̇и згам̣ гулабуд̇д̇ам̣ ад̇д̇ано санд̇игз баб̣б̣ааж̇зд̇ваа убасамбаад̣̇зси. со баваарзд̇ваа сад̣̇д̇хивихааригасса згавассигагаалз ад̇д̇анаа д̣̇увассо ‘‘д̣̇асаб̣ало мам̣ бассид̇ваа д̇усиссад̇ий’’д̇и сад̣̇д̇хивихааригам̣ аад̣̇ааяа д̣̇асаб̣алам̣ бассид̇ум̣ ааг̇ад̇о. сад̇т̇аа д̇ам̣ ванд̣̇ид̇ваа згаманд̇з нисиннам̣ бужчи – ‘‘гад̇ивассоси д̇вам̣ бхигкуу’’д̇и? д̣̇увассо ахам̣ бхаг̇аваад̇и. аяам̣ бана бхигку гад̇ивассод̇и? згавассо бхаг̇аваад̇и. гинд̇ааяам̣ бхигку ход̇ийд̇и? сад̣̇д̇хивихаариго мз бхаг̇аваад̇и. ат̇а нам̣ сад̇т̇аа ‘‘ад̇илахум̣ ко д̇вам̣, могхабуриса, б̣аахуллааяа аавад̇д̇о’’д̇и вад̇ваа анзгабарияааязна виг̇арахи. т̇зро сад̇т̇у санд̇игаа г̇арахам̣ лабхид̇ваа бхаг̇аванд̇ам̣ ванд̣̇ид̇ваа ‘‘иминаава бун̣н̣ажанд̣̇асассиригзна мукзна сад̇т̇аарам̣ барисамзва ниссааяа саад̇хугаарам̣ д̣̇аабзссаамий’’д̇и д̇ам̣д̣̇ивасзязва згам̣ таанам̣ г̇анд̇ваа вибассанааяа гаммам̣ гад̇ваа нажирассзва арахад̇д̇ам̣ баабун̣и.

    So vayappatto tayo vede uggaṇhitvā dasabalassa santike dhammaṃ sutvā paṭiladdhasaddho pabbaji. So upasampadāya ekavassiko hutvā ‘‘ariyagabbhaṃ vaḍḍhemī’’ti ekaṃ kulaputtaṃ attano santike pabbājetvā upasampādesi. So pavāretvā saddhivihārikassa ekavassikakāle attanā duvasso ‘‘dasabalo maṃ passitvā tusissatī’’ti saddhivihārikaṃ ādāya dasabalaṃ passituṃ āgato. Satthā taṃ vanditvā ekamante nisinnaṃ pucchi – ‘‘kativassosi tvaṃ bhikkhū’’ti? Duvasso ahaṃ bhagavāti. Ayaṃ pana bhikkhu kativassoti? Ekavasso bhagavāti. Kintāyaṃ bhikkhu hotīti? Saddhivihāriko me bhagavāti. Atha naṃ satthā ‘‘atilahuṃ kho tvaṃ, moghapurisa, bāhullāya āvatto’’ti vatvā anekapariyāyena vigarahi. Thero satthu santikā garahaṃ labhitvā bhagavantaṃ vanditvā ‘‘imināva puṇṇacandasassirikena mukhena satthāraṃ parisameva nissāya sādhukāraṃ dāpessāmī’’ti taṃdivaseyeva ekaṃ ṭhānaṃ gantvā vipassanāya kammaṃ katvā nacirasseva arahattaṃ pāpuṇi.

    д̇ад̇о яасмаа т̇зро махаагулад̇о нигкамид̇ваа баб̣б̣аж̇ид̇о бат̇авигхудтад̇хаммагат̇игова, д̇асмаа д̇асса д̇хаммагат̇ааяа жзва басийд̣̇ид̇ваа мид̇д̇аамажжан̃аад̇игулзхи жа нигкамид̇ваа б̣ахуу гулад̣̇аарагаа т̇зрасса санд̇игз баб̣б̣аж̇анд̇и. ‘‘ахам̣ ааран̃н̃аго, д̇умхзби ааран̃н̃агаа бхавид̇ум̣ саггонд̇аа баб̣б̣аж̇ат̇аа’’д̇и д̇зраса д̇худ̇ан̇г̇аани аажигкид̇ваа ‘‘сагкиссаама, бханд̇з’’д̇и вад̣̇анд̇з баб̣б̣ааж̇зд̇и. д̇з ад̇д̇ано б̣алзна д̇ам̣ д̇ам̣ д̇худ̇ан̇г̇ам̣ ад̇хидтаханд̇и. т̇зро ад̇д̇ано д̣̇асавассагаалз винаяам̣ баг̇ун̣ам̣ гад̇ваа саб̣б̣зва убасамбаад̣̇зси. звам̣ убасамбаннаа жасса бан̃жасад̇амад̇д̇аа бхигкуу бариваараа ахзсум̣.

    Tato yasmā thero mahākulato nikkhamitvā pabbajito pathavighuṭṭhadhammakathikova, tasmā tassa dhammakathāya ceva pasīditvā mittāmaccañātikulehi ca nikkhamitvā bahū kuladārakā therassa santike pabbajanti. ‘‘Ahaṃ āraññako, tumhepi āraññakā bhavituṃ sakkontā pabbajathā’’ti terasa dhutaṅgāni ācikkhitvā ‘‘sakkhissāma, bhante’’ti vadante pabbājeti. Te attano balena taṃ taṃ dhutaṅgaṃ adhiṭṭhahanti. Thero attano dasavassakāle vinayaṃ paguṇaṃ katvā sabbeva upasampādesi. Evaṃ upasampannā cassa pañcasatamattā bhikkhū parivārā ahesuṃ.

    д̇асмим̣ самаяз сад̇т̇аа ж̇зд̇аванамахаавихаарз васанд̇о ‘‘ижчаамахам̣, бхигкавз, ад̣̇д̇хамаасам̣ бадисаллийяид̇у’’нд̇и бхигкусан̇гхасса аарожзд̇ваа згавихаарий ход̇и. бхигкусан̇гхоби ‘‘яо бхаг̇аванд̇ам̣ д̣̇ассанааяа убасан̇гамад̇и, со баажид̇д̇ияам̣ д̣̇зсаабзд̇аб̣б̣о’’д̇и гад̇игам̣ агааси. д̇ад̣̇аа убасзнад̇т̇зро ‘‘бхаг̇аванд̇ам̣ бассиссаамий’’д̇и ад̇д̇ано барисааяа сад̣̇д̇хим̣ ж̇зд̇аванам̣ г̇анд̇ваа сад̇т̇аарам̣ убасан̇гамид̇ваа абхиваад̣̇зд̇ваа згаманд̇ам̣ нисийд̣̇и. сад̇т̇аа гат̇аасамудтаабанад̇т̇ам̣ ан̃н̃ад̇арам̣ т̇зрасса сад̣̇д̇хивихааригам̣ ааманд̇зси – ‘‘манаабаани д̇з бхигку бам̣сугуулааний’’д̇и. ‘‘на ко мз, бханд̇з, манаабаани бам̣сугуулааний’’д̇и вад̇ваа убаж̇жхааяз г̇ааравзна бам̣сугуулигабхаавам̣ аарожзси. имасмим̣ таанз сад̇т̇аа ‘‘саад̇ху саад̇ху, убасзнаа’’д̇и т̇зрасса саад̇хугаарам̣ д̣̇ад̇ваа анзгабарияааязна г̇ун̣агат̇ам̣ гат̇зси. аяамзд̇т̇а сан̇кзбо, вид̇т̇аарад̇о бана ид̣̇ам̣ вад̇т̇у баал̣ияам̣ (баараа. 565) ааг̇ад̇амзва. ат̇а сад̇т̇аа абарабхааг̇з арияаг̇ан̣амаж̇жхз нисинно имасмим̣ саасанз т̇зрам̣ саманд̇абаасаад̣̇игаанам̣ аг̇г̇адтаанз табзсийд̇и.

    Tasmiṃ samaye satthā jetavanamahāvihāre vasanto ‘‘icchāmahaṃ, bhikkhave, addhamāsaṃ paṭisallīyitu’’nti bhikkhusaṅghassa ārocetvā ekavihārī hoti. Bhikkhusaṅghopi ‘‘yo bhagavantaṃ dassanāya upasaṅkamati, so pācittiyaṃ desāpetabbo’’ti katikaṃ akāsi. Tadā upasenatthero ‘‘bhagavantaṃ passissāmī’’ti attano parisāya saddhiṃ jetavanaṃ gantvā satthāraṃ upasaṅkamitvā abhivādetvā ekamantaṃ nisīdi. Satthā kathāsamuṭṭhāpanatthaṃ aññataraṃ therassa saddhivihārikaṃ āmantesi – ‘‘manāpāni te bhikkhu paṃsukūlānī’’ti. ‘‘Na kho me, bhante, manāpāni paṃsukūlānī’’ti vatvā upajjhāye gāravena paṃsukūlikabhāvaṃ ārocesi. Imasmiṃ ṭhāne satthā ‘‘sādhu sādhu, upasenā’’ti therassa sādhukāraṃ datvā anekapariyāyena guṇakathaṃ kathesi. Ayamettha saṅkhepo, vitthārato pana idaṃ vatthu pāḷiyaṃ (pārā. 565) āgatameva. Atha satthā aparabhāge ariyagaṇamajjhe nisinno imasmiṃ sāsane theraṃ samantapāsādikānaṃ aggaṭṭhāne ṭhapesīti.

    д̣̇аб̣б̣ад̇т̇зравад̇т̇у

    Dabbattheravatthu

    214. чадтз сзнаасанабан̃н̃аабагаананд̇и сзнаасанам̣ бан̃н̃аабзнд̇аанам̣. т̇зрасса гира сзнаасанабан̃н̃аабанагаалз адтаарасасу махаавихаарзсу асаммадтам̣ баривзн̣ам̣ ваа абадиж̇аг̇г̇ид̇ам̣ сзнаасанам̣ ваа асод̇хид̇ам̣ ман̃жабийтам̣ ваа анубадтид̇ам̣ баанийяабарибхож̇анийяам̣ ваа наахоси. д̇асмаа сзнаасанабан̃н̃аабагаанам̣ аг̇г̇о наама ж̇аад̇о. д̣̇аб̣б̣од̇исса наамам̣. малларааж̇агулз бана уббаннад̇д̇аа маллабуд̇д̇о наама ж̇аад̇о.

    214. Chaṭṭhe senāsanapaññāpakānanti senāsanaṃ paññāpentānaṃ. Therassa kira senāsanapaññāpanakāle aṭṭhārasasu mahāvihāresu asammaṭṭhaṃ pariveṇaṃ vā apaṭijaggitaṃ senāsanaṃ vā asodhitaṃ mañcapīṭhaṃ vā anupaṭṭhitaṃ pānīyaparibhojanīyaṃ vā nāhosi. Tasmā senāsanapaññāpakānaṃ aggo nāma jāto. Dabbotissa nāmaṃ. Mallarājakule pana uppannattā mallaputto nāma jāto.

    д̇асса бан̃хагаммз аяаманубуб̣б̣игат̇аа – аяан̃хи бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа ваяаббад̇д̇о вуд̇д̇анаязнзва вихаарам̣ г̇анд̇ваа д̇хаммам̣ сун̣анд̇о сад̇т̇аарам̣ згам̣ бхигкум̣ сзнаасанабан̃н̃аабагаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зд̇ваа сад̇т̇аараа б̣яаагад̇о яааваж̇ийвам̣ гусалам̣ гад̇ваа д̣̇звамануссзсу сам̣сарид̇ваа гассабад̣̇асаб̣аласса саасанасса осагганагаалз баб̣б̣аж̇и, д̇ад̣̇аа д̇зна сад̣̇д̇хим̣ абарз ча ж̇анаад̇и сад̇д̇а бхигкуу згажид̇д̇аа худ̇ваа ан̃н̃з саасанз аг̇ааравам̣ гаронд̇з д̣̇исваа ‘‘ид̇ха гим̣ гарома, згаманд̇з саман̣ад̇хаммам̣ гад̇ваа д̣̇угкассанд̇ам̣ гариссаамаа’’д̇и ниссзн̣им̣ б̣анд̇хид̇ваа ужжабаб̣б̣ад̇асикарам̣ абхирухид̇ваа ‘‘ад̇д̇ано жид̇д̇аб̣алам̣ ж̇аананд̇аа ниссзн̣им̣ баад̇знд̇у, ж̇ийвид̇з саалаяаа од̇аранд̇у, маа бажчаануд̇аабино ахувад̇т̇аа’’д̇и вад̇ваа саб̣б̣з згажид̇д̇аа худ̇ваа ниссзн̣им̣ баад̇зд̇ваа ‘‘аббамад̇д̇аа хот̇а, аавусо’’д̇и ан̃н̃аман̃н̃ам̣ овад̣̇ид̇ваа жид̇д̇аружиязсу таанзсу нисийд̣̇ид̇ваа саман̣ад̇хаммам̣ гаад̇ум̣ аарабхим̣су.

    Tassa pañhakamme ayamanupubbikathā – ayañhi padumuttarabuddhakāle haṃsavatīnagare kulagehe nibbattitvā vayappatto vuttanayeneva vihāraṃ gantvā dhammaṃ suṇanto satthāraṃ ekaṃ bhikkhuṃ senāsanapaññāpakānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthetvā satthārā byākato yāvajīvaṃ kusalaṃ katvā devamanussesu saṃsaritvā kassapadasabalassa sāsanassa osakkanakāle pabbaji, tadā tena saddhiṃ apare cha janāti satta bhikkhū ekacittā hutvā aññe sāsane agāravaṃ karonte disvā ‘‘idha kiṃ karoma, ekamante samaṇadhammaṃ katvā dukkhassantaṃ karissāmā’’ti nisseṇiṃ bandhitvā uccapabbatasikharaṃ abhiruhitvā ‘‘attano cittabalaṃ jānantā nisseṇiṃ pātentu, jīvite sālayā otarantu, mā pacchānutāpino ahuvatthā’’ti vatvā sabbe ekacittā hutvā nisseṇiṃ pātetvā ‘‘appamattā hotha, āvuso’’ti aññamaññaṃ ovaditvā cittaruciyesu ṭhānesu nisīditvā samaṇadhammaṃ kātuṃ ārabhiṃsu.

    д̇ад̇рзго т̇зро бан̃жамз д̣̇ивасз арахад̇д̇ам̣ бад̇ваа ‘‘мама гижжам̣ нибпаннам̣, ахам̣ имасмим̣ таанз гим̣ гариссаамий’’д̇и ид̣̇д̇хияаа уд̇д̇арагуруд̇о бин̣д̣абаад̇ам̣ аахарид̇ваа, ‘‘аавусо, имам̣ бин̣д̣абаад̇ам̣ барибхун̃ж̇ат̇а , бхигкаажаарагижжам̣ мамааяад̇д̇ам̣ ход̇у, д̇умхз ад̇д̇ано гаммам̣ гарот̇аа’’д̇и ааха. гим̣ ну ко маяам̣, аавусо, ниссзн̣им̣ баад̇знд̇аа звам̣ авожумхаа ‘‘яо батамам̣ д̇хаммам̣ сажчигарод̇и, со бхигкам̣ аахарад̇у, д̇зна аабхад̇ам̣ сзсаа барибхун̃ж̇ид̇ваа саман̣ад̇хаммам̣ гариссанд̇ий’’д̇и. над̇т̇и, аавусод̇и. д̇умхз ад̇д̇ано буб̣б̣ахзд̇унаа лабхид̇т̇а, маяамби саггонд̇аа ваддассанд̇ам̣ гариссаама, г̇ажчат̇а д̇умхзд̇и . т̇зро д̇з сан̃н̃аабзд̇ум̣ асаггонд̇о паасугадтаанз бин̣д̣абаад̇ам̣ барибхун̃ж̇ид̇ваа г̇ад̇о. абаро т̇зро сад̇д̇амз д̣̇ивасз анааг̇аамипалам̣ бад̇ваа д̇ад̇о жуд̇о суд̣̇д̇хааваасаб̣рахмалогз ниб̣б̣ад̇д̇о.

    Tatreko thero pañcame divase arahattaṃ patvā ‘‘mama kiccaṃ nipphannaṃ, ahaṃ imasmiṃ ṭhāne kiṃ karissāmī’’ti iddhiyā uttarakuruto piṇḍapātaṃ āharitvā, ‘‘āvuso, imaṃ piṇḍapātaṃ paribhuñjatha , bhikkhācārakiccaṃ mamāyattaṃ hotu, tumhe attano kammaṃ karothā’’ti āha. Kiṃ nu kho mayaṃ, āvuso, nisseṇiṃ pātentā evaṃ avocumhā ‘‘yo paṭhamaṃ dhammaṃ sacchikaroti, so bhikkhaṃ āharatu, tena ābhataṃ sesā paribhuñjitvā samaṇadhammaṃ karissantī’’ti. Natthi, āvusoti. Tumhe attano pubbahetunā labhittha, mayampi sakkontā vaṭṭassantaṃ karissāma, gacchatha tumheti . Thero te saññāpetuṃ asakkonto phāsukaṭṭhāne piṇḍapātaṃ paribhuñjitvā gato. Aparo thero sattame divase anāgāmiphalaṃ patvā tato cuto suddhāvāsabrahmaloke nibbatto.

    ид̇арзби т̇зраа д̇ад̇о жуд̇аа згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з д̇зсу д̇зсу гулзсу ниб̣б̣ад̇д̇аа. зго г̇анд̇хаарарадтз д̇аггасиланаг̇арз рааж̇аг̇зхз ниб̣б̣ад̇д̇о, зго баб̣б̣ад̇зяяарадтз бариб̣б̣ааж̇игааяа гужчимхи ниб̣б̣ад̇д̇о, зго б̣аахияарадтз гудумб̣игаг̇зхз ниб̣б̣ад̇д̇о, зго рааж̇аг̇ахз гудумб̣игаг̇зхз ниб̣б̣ад̇д̇о. аяам̣ бана д̣̇аб̣б̣ад̇т̇зро малларадтз анубияанаг̇арз згасса малларан̃н̃о г̇зхз бадисанд̇хим̣ г̇ан̣хи. д̇асса маад̇аа убавиж̇ан̃н̃агаалз гааламагааси, мад̇асарийрам̣ сусаанам̣ нзд̇ваа д̣̇ааружид̇агам̣ ааробзд̇ваа аг̇г̇им̣ ад̣̇ам̣су. д̇ассаа аг̇г̇ивзг̇асанд̇ад̇д̇ам̣ уд̣̇арабадалам̣ д̣̇взд̇хаа ахоси. д̣̇аараго ад̇д̇ано бун̃н̃аб̣алзна уббад̇ид̇ваа згасмим̣ д̣̇аб̣б̣ад̇т̇амбхз нибад̇и. д̇ам̣ д̣̇аарагам̣ г̇ахзд̇ваа аяяигааяа ад̣̇ам̣су. саа д̇асса наамам̣ г̇ан̣ханд̇ий д̣̇аб̣б̣ад̇т̇амбхз нибад̇ид̇ваа лад̣̇д̇хаж̇ийвид̇ад̇д̇аа д̣̇аб̣б̣од̇исса наамам̣ агааси.

    Itarepi therā tato cutā ekaṃ buddhantaraṃ devamanussesu saṃsaritvā imasmiṃ buddhuppāde tesu tesu kulesu nibbattā. Eko gandhāraraṭṭhe takkasilanagare rājagehe nibbatto, eko pabbateyyaraṭṭhe paribbājikāya kucchimhi nibbatto, eko bāhiyaraṭṭhe kuṭumbikagehe nibbatto, eko rājagahe kuṭumbikagehe nibbatto. Ayaṃ pana dabbatthero mallaraṭṭhe anupiyanagare ekassa mallarañño gehe paṭisandhiṃ gaṇhi. Tassa mātā upavijaññakāle kālamakāsi, matasarīraṃ susānaṃ netvā dārucitakaṃ āropetvā aggiṃ adaṃsu. Tassā aggivegasantattaṃ udarapaṭalaṃ dvedhā ahosi. Dārako attano puññabalena uppatitvā ekasmiṃ dabbatthambhe nipati. Taṃ dārakaṃ gahetvā ayyikāya adaṃsu. Sā tassa nāmaṃ gaṇhantī dabbatthambhe nipatitvā laddhajīvitattā dabbotissa nāmaṃ akāsi.

    д̇асса сад̇д̇авассигагаалз сад̇т̇аа бхигкусан̇гхабаривааро малларадтз жааригам̣ жарамаано анубияаниг̇амам̣ бад̇ваа анубияамб̣аванз вихарад̇и. д̣̇аб̣б̣агумааро сад̇т̇аарам̣ д̣̇исваа д̣̇ассанзнзва басийд̣̇ид̇ваа баб̣б̣аж̇ид̇угаамо худ̇ваа ‘‘ахам̣ д̣̇асаб̣аласса санд̇игз баб̣б̣аж̇иссаамий’’д̇и аяяигам̣ аабужчи. саа ‘‘саад̇ху, д̇аад̇аа’’д̇и д̣̇аб̣б̣агумаарам̣ аад̣̇ааяа сад̇т̇у санд̇игам̣ г̇анд̇ваа, ‘‘бханд̇з, имам̣ гумаарам̣ баб̣б̣ааж̇зт̇аа’’д̇и ааха. сад̇т̇аа ан̃н̃ад̇арасса бхигкуно сан̃н̃ам̣ ад̣̇ааси ‘‘бхигку имам̣ д̣̇аарагам̣ баб̣б̣ааж̇зхий’’д̇и. со т̇зро сад̇т̇у важанам̣ суд̇ваа д̣̇аб̣б̣агумаарам̣ баб̣б̣ааж̇знд̇о д̇ажабан̃жагам̣ гаммадтаанам̣ аажигки. буб̣б̣ахзд̇усамбанно гад̇аабхинийхааро сад̇д̇о батамагзсаваддияаа оробияамаанааяа сод̇аабад̇д̇ипалз бад̇идтааси, д̣̇уд̇ияагзсаваддияаа оробияамаанааяа сагад̣̇ааг̇аамипалз, д̇ад̇ияааяа анааг̇аамипалз. саб̣б̣агзсаанам̣ бана оробанан̃жа арахад̇д̇апаласажчигирияаа жа абажчаа абурз ахоси.

    Tassa sattavassikakāle satthā bhikkhusaṅghaparivāro mallaraṭṭhe cārikaṃ caramāno anupiyanigamaṃ patvā anupiyambavane viharati. Dabbakumāro satthāraṃ disvā dassaneneva pasīditvā pabbajitukāmo hutvā ‘‘ahaṃ dasabalassa santike pabbajissāmī’’ti ayyikaṃ āpucchi. Sā ‘‘sādhu, tātā’’ti dabbakumāraṃ ādāya satthu santikaṃ gantvā, ‘‘bhante, imaṃ kumāraṃ pabbājethā’’ti āha. Satthā aññatarassa bhikkhuno saññaṃ adāsi ‘‘bhikkhu imaṃ dārakaṃ pabbājehī’’ti. So thero satthu vacanaṃ sutvā dabbakumāraṃ pabbājento tacapañcakaṃ kammaṭṭhānaṃ ācikkhi. Pubbahetusampanno katābhinīhāro satto paṭhamakesavaṭṭiyā oropiyamānāya sotāpattiphale patiṭṭhāsi, dutiyakesavaṭṭiyā oropiyamānāya sakadāgāmiphale, tatiyāya anāgāmiphale. Sabbakesānaṃ pana oropanañca arahattaphalasacchikiriyā ca apacchā apure ahosi.

    сад̇т̇аа малларадтз яат̇аабхиранд̇ам̣ вихарид̇ваа рааж̇аг̇ахам̣ г̇анд̇ваа взл̣уванз ваасам̣ габбзси. д̇ад̇рааяасмаа д̣̇аб̣б̣о маллабуд̇д̇о рахог̇ад̇о ад̇д̇ано гижжанибпад̇д̇им̣ ологзд̇ваа сан̇гхасса взяяааважжагаран̣з гааяам̣ яож̇зд̇угаамо жинд̇зси – ‘‘яам̣нуунаахам̣ сан̇гхасса сзнаасанан̃жа бан̃н̃аабзяяам̣, бхад̇д̇аани жа уд̣̇д̣̇исзяяа’’нд̇и. со сад̇т̇у санд̇игам̣ г̇анд̇ваа ад̇д̇ано баривид̇аггам̣ аарожзси. сад̇т̇аа д̇асса саад̇хугаарам̣ д̣̇ад̇ваа сзнаасанабан̃н̃аабагад̇д̇ан̃жа бхад̇д̇уд̣̇д̣̇зсагад̇д̇ан̃жа самбадижчи. ат̇а нам̣ ‘‘аяам̣ д̣̇аб̣б̣о д̣̇ахарова самаано маханд̇адтаанз тид̇о’’д̇и сад̇д̇авассигагаалзязва убасамбаад̣̇зси. т̇зро убасамбаннагаалад̇оязва бадтааяа рааж̇аг̇ахам̣ убаниссааяа вихаранд̇аанам̣ саб̣б̣абхигкуунам̣ сзнаасанаани жа бан̃н̃аабзд̇и, бхигкан̃жа самбадижчид̇ваа уд̣̇д̣̇исад̇и. д̇асса сзнаасанабан̃н̃аабагабхааво саб̣б̣ад̣̇исаасу баагадо ахоси – ‘‘д̣̇аб̣б̣о гира маллабуд̇д̇о сабхааг̇асабхааг̇аанам̣ бхигкуунам̣ згадтаанз сзнаасанаани бан̃н̃аабзд̇и, д̣̇уурзби сзнаасанам̣ бан̃н̃аабзд̇иязва. г̇анд̇ум̣ асаггонд̇з ид̣̇д̇хияаа нзд̇ийд̇и.

    Satthā mallaraṭṭhe yathābhirantaṃ viharitvā rājagahaṃ gantvā veḷuvane vāsaṃ kappesi. Tatrāyasmā dabbo mallaputto rahogato attano kiccanipphattiṃ oloketvā saṅghassa veyyāvaccakaraṇe kāyaṃ yojetukāmo cintesi – ‘‘yaṃnūnāhaṃ saṅghassa senāsanañca paññāpeyyaṃ, bhattāni ca uddiseyya’’nti. So satthu santikaṃ gantvā attano parivitakkaṃ ārocesi. Satthā tassa sādhukāraṃ datvā senāsanapaññāpakattañca bhattuddesakattañca sampaṭicchi. Atha naṃ ‘‘ayaṃ dabbo daharova samāno mahantaṭṭhāne ṭhito’’ti sattavassikakāleyeva upasampādesi. Thero upasampannakālatoyeva paṭṭhāya rājagahaṃ upanissāya viharantānaṃ sabbabhikkhūnaṃ senāsanāni ca paññāpeti, bhikkhañca sampaṭicchitvā uddisati. Tassa senāsanapaññāpakabhāvo sabbadisāsu pākaṭo ahosi – ‘‘dabbo kira mallaputto sabhāgasabhāgānaṃ bhikkhūnaṃ ekaṭṭhāne senāsanāni paññāpeti, dūrepi senāsanaṃ paññāpetiyeva. Gantuṃ asakkonte iddhiyā netīti.

    ат̇а нам̣ бхигкуу гаалзби вигаалзби ‘‘амхаагам̣, аавусо, ж̇ийвагамб̣аванз сзнаасанам̣ бан̃н̃аабзхи, амхаагам̣ мад̣̇д̣̇агужчисмим̣ миг̇ад̣̇ааяз’’д̇и звам̣ сзнаасанам̣ уд̣̇д̣̇исаабзд̇ваа д̇асса ид̣̇д̇хим̣ бассанд̇аа г̇ажчанд̇и. соби ид̣̇д̇хияаа маномаяз гааяз абхисан̇карид̇ваа згзгасса т̇зрасса згзгам̣ ад̇д̇анаа сад̣̇исам̣ бхигкум̣ нимминид̇ваа ан̇г̇улияаа ж̇аламаанааяа бурад̇о бурад̇о г̇анд̇ваа ‘‘аяам̣ ман̃жо, ид̣̇ам̣ бийта’’нд̇иаад̣̇ийни вад̇ваа сзнаасанам̣ бан̃н̃аабзд̇ваа буна ад̇д̇ано васанадтаанамзва ааг̇ажчад̇и. аяамзд̇т̇а сан̇кзбо, вид̇т̇аарад̇о банид̣̇ам̣ вад̇т̇у баал̣ияам̣ ааг̇ад̇амзва. сад̇т̇аа ид̣̇амзва гааран̣ам̣ адтуббад̇д̇им̣ гад̇ваа абарабхааг̇з арияаг̇ан̣амаж̇жхз нисинно т̇зрам̣ сзнаасанабан̃н̃аабагаанам̣ аг̇г̇адтаанз табзсийд̇и.

    Atha naṃ bhikkhū kālepi vikālepi ‘‘amhākaṃ, āvuso, jīvakambavane senāsanaṃ paññāpehi, amhākaṃ maddakucchismiṃ migadāye’’ti evaṃ senāsanaṃ uddisāpetvā tassa iddhiṃ passantā gacchanti. Sopi iddhiyā manomaye kāye abhisaṅkharitvā ekekassa therassa ekekaṃ attanā sadisaṃ bhikkhuṃ nimminitvā aṅguliyā jalamānāya purato purato gantvā ‘‘ayaṃ mañco, idaṃ pīṭha’’ntiādīni vatvā senāsanaṃ paññāpetvā puna attano vasanaṭṭhānameva āgacchati. Ayamettha saṅkhepo, vitthārato panidaṃ vatthu pāḷiyaṃ āgatameva. Satthā idameva kāraṇaṃ aṭṭhuppattiṃ katvā aparabhāge ariyagaṇamajjhe nisinno theraṃ senāsanapaññāpakānaṃ aggaṭṭhāne ṭhapesīti.

    билинд̣̇аважчад̇т̇зравад̇т̇у

    Pilindavacchattheravatthu

    215. сад̇д̇амз д̣̇звад̇аанам̣ бияаманаабаананд̇и д̣̇звад̇аанам̣ бияаанан̃жзва манаабаанан̃жа билинд̣̇аважчад̇т̇зро аг̇г̇од̇и д̣̇ассзд̇и. со гира ануббаннз б̣уд̣̇д̇хз жаггавад̇д̇ий рааж̇аа худ̇ваа махааж̇анам̣ бан̃жасу сийлзсу бад̇идтаабзд̇ваа саг̇г̇абарааяан̣ам̣ агааси. язбхуяязна гира часу гаамасаг̇г̇зсу ниб̣б̣ад̇д̇ад̣̇звад̇аа д̇ассзва оваад̣̇ам̣ лабхид̇ваа ниб̣б̣ад̇д̇аниб̣б̣ад̇д̇адтаанз ад̇д̇ано самбад̇д̇им̣ ологзд̇ваа ‘‘гам̣ ну ко ниссааяа имам̣ саг̇г̇асамбад̇д̇им̣ лабхимхаа’’д̇и ааваж̇ж̇амаанаа имам̣ т̇зрам̣ д̣̇исваа ‘‘т̇зрам̣ ниссааяа амхзхи самбад̇и лад̣̇д̇хаа’’д̇и сааяам̣баад̇ам̣ т̇зрам̣ намассанд̇и. д̇асмаа со д̣̇звад̇аанам̣ бияаманаабаанам̣ аг̇г̇о наама ж̇аад̇о. билинд̣̇од̇и банасса г̇од̇д̇ам̣, важчод̇и наамам̣. д̇ад̣̇убхаяам̣ сам̣санд̣̇зд̇ваа билинд̣̇аважчод̇и вужжад̇и.

    215. Sattame devatānaṃ piyamanāpānanti devatānaṃ piyānañceva manāpānañca pilindavacchatthero aggoti dasseti. So kira anuppanne buddhe cakkavattī rājā hutvā mahājanaṃ pañcasu sīlesu patiṭṭhāpetvā saggaparāyaṇaṃ akāsi. Yebhuyyena kira chasu kāmasaggesu nibbattadevatā tasseva ovādaṃ labhitvā nibbattanibbattaṭṭhāne attano sampattiṃ oloketvā ‘‘kaṃ nu kho nissāya imaṃ saggasampattiṃ labhimhā’’ti āvajjamānā imaṃ theraṃ disvā ‘‘theraṃ nissāya amhehi sampati laddhā’’ti sāyaṃpātaṃ theraṃ namassanti. Tasmā so devatānaṃ piyamanāpānaṃ aggo nāma jāto. Pilindoti panassa gottaṃ, vacchoti nāmaṃ. Tadubhayaṃ saṃsandetvā pilindavacchoti vuccati.

    д̇асса бан̃хагаммз аяаманубуб̣б̣игат̇аа – аяам̣ гира бад̣̇умуд̇д̇араб̣уд̣̇д̇хагаалз хам̣савад̇ийнаг̇арз махаабхог̇агулз ниб̣б̣ад̇д̇о буриманаязнзва сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ д̣̇звад̇аанам̣ бияаманаабадтаанз табзнд̇ам̣ д̣̇исваа д̇ам̣ таананд̇арам̣ бад̇т̇зд̇ваа яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇и. билинд̣̇аважчод̇исса наамам̣ агам̣су. со абарзна самаязна сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа убасамбанно вибассанам̣ вад̣дхзд̇ваа арахад̇д̇ам̣ баабун̣и. со г̇ихийхиби бхигкуухиби сад̣̇д̇хим̣ гат̇знд̇о ‘‘зхи, васала, г̇ажча, васала, аахара, васала, г̇ан̣ха, васалаа’’д̇и васалаваад̣̇знзва самуд̣̇аажарад̇и. д̇ам̣ гат̇ам̣ аахарид̇ваа д̇ат̇ааг̇ад̇ам̣ бужчим̣су – ‘‘бхаг̇аваа арияаа наама парусаваажаа на хонд̇ий’’д̇и. бхигкавз, арияаанам̣ баравамбханавасзна парусаваажаа наама над̇т̇и, абижа ко бана бхаванд̇арз аажин̣н̣авасзна бхавзяяаад̇и. бханд̇з, билинд̣̇аважчад̇т̇зро удтааяа самудтааяа г̇ихийхиби бхигкуухиби сад̣̇д̇хим̣ гат̇знд̇о, ‘‘васала, васалаа’’д̇и гат̇зд̇и, гимзд̇т̇а гааран̣ам̣ бхаг̇аваад̇и. бхигкавз, на маяхам̣ буд̇д̇асса зд̇ам̣ ид̣̇аанзва аажин̣н̣ам̣, ад̇ийд̇з банзса бан̃жа ж̇аад̇исад̇аани васалаваад̣̇иб̣раахман̣агулз ниб̣б̣ад̇д̇и. ижжзса бхаваажин̣н̣знзва гат̇зси, на парусавасзна. арияаанан̃хи вохааро парусоби самаано жзд̇анааяа апарусабхаавзна барисуд̣̇д̇хова, аббамад̇д̇агамбзд̇т̇а баабам̣ на убалаб̣бхад̇ийд̇и вад̇ваа д̇хаммабад̣̇з имам̣ г̇аат̇амааха –

    Tassa pañhakamme ayamanupubbikathā – ayaṃ kira padumuttarabuddhakāle haṃsavatīnagare mahābhogakule nibbatto purimanayeneva satthu dhammadesanaṃ suṇanto satthāraṃ ekaṃ bhikkhuṃ devatānaṃ piyamanāpaṭṭhāne ṭhapentaṃ disvā taṃ ṭhānantaraṃ patthetvā yāvajīvaṃ kusalaṃ katvā devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbatti. Pilindavacchotissa nāmaṃ akaṃsu. So aparena samayena satthu dhammadesanaṃ sutvā paṭiladdhasaddho pabbajitvā upasampanno vipassanaṃ vaḍḍhetvā arahattaṃ pāpuṇi. So gihīhipi bhikkhūhipi saddhiṃ kathento ‘‘ehi, vasala, gaccha, vasala, āhara, vasala, gaṇha, vasalā’’ti vasalavādeneva samudācarati. Taṃ kathaṃ āharitvā tathāgataṃ pucchiṃsu – ‘‘bhagavā ariyā nāma pharusavācā na hontī’’ti. Bhikkhave, ariyānaṃ paravambhanavasena pharusavācā nāma natthi, apica kho pana bhavantare āciṇṇavasena bhaveyyāti. Bhante, pilindavacchatthero uṭṭhāya samuṭṭhāya gihīhipi bhikkhūhipi saddhiṃ kathento, ‘‘vasala, vasalā’’ti katheti, kimettha kāraṇaṃ bhagavāti. Bhikkhave, na mayhaṃ puttassa etaṃ idāneva āciṇṇaṃ, atīte panesa pañca jātisatāni vasalavādibrāhmaṇakule nibbatti. Iccesa bhavāciṇṇeneva kathesi, na pharusavasena. Ariyānañhi vohāro pharusopi samāno cetanāya apharusabhāvena parisuddhova, appamattakampettha pāpaṃ na upalabbhatīti vatvā dhammapade imaṃ gāthamāha –

    ‘‘агаггасам̣ вин̃н̃аабаним̣, г̇ирам̣ сажжамуд̣̇ийраяз;

    ‘‘Akakkasaṃ viññāpaniṃ, giraṃ saccamudīraye;

    яааяа наабхисаж̇з ган̃жи, д̇амахам̣ б̣рууми б̣раахман̣а’’нд̇и.

    Yāya nābhisaje kañci, tamahaṃ brūmi brāhmaṇa’’nti.

    ат̇згад̣̇ивасам̣ т̇зро рааж̇аг̇ахам̣ бин̣д̣ааяа бависанд̇о згам̣ бурисам̣ биббалийнам̣ бхааж̇анам̣ буурзд̇ваа аад̣̇ааяа анд̇онаг̇арам̣ бависанд̇ам̣ д̣̇исваа ‘‘гим̣ д̇з, васала, бхааж̇анз’’д̇и ааха. со жинд̇зси – ‘‘аяам̣ саман̣о маяаа сад̣̇д̇хим̣ баад̇ова парусагат̇ам̣ гат̇зси, имасса анужчавигамзва вад̇д̇ум̣ ваддад̇ий’’д̇и ‘‘муусигаважжам̣ мз, бханд̇з, бхааж̇анз’’д̇и ааха. звам̣ бхависсад̇и, васалаад̇и. д̇асса т̇зрасса д̣̇ассанам̣ виж̇аханд̇асса саб̣б̣ам̣ муусигаважжамзва ахоси. со жинд̇зси – ‘‘имаа биббалияо муусигаважжасад̣̇исаа бан̃н̃ааяанд̇и, сабхааво ну ко но’’д̇и виймам̣санд̇о хад̇т̇зна уббийл̣зси . ат̇асса унд̣̇уураважжабхаавам̣ н̃ад̇ваа б̣алавад̣̇оманассам̣ уббаж̇ж̇и. со ‘‘имааязва ну ко зваруубаа, уд̣̇ааху сагадзбий’’д̇и г̇анд̇ваа ологзнд̇о саб̣б̣ааби биббалияо д̇аад̣̇исаава д̣̇исваа хад̣̇аяам̣ хад̇т̇зна санд̇хаарзд̇ваа ‘‘ид̣̇ам̣ на ан̃н̃асса гаммам̣, маяаа баад̇ова д̣̇идтабхигкуссзд̇ам̣ гаммам̣, ад̣̇д̇хаа згам̣ убааяам̣ бхависсад̇и, д̇асса г̇ад̇адтаанам̣ анувижинид̇ваа зд̇ам̣ гааран̣ам̣ ж̇ааниссаамий’’д̇и т̇зрасса г̇ад̇амаг̇г̇ам̣ бужчид̇ваа бааяааси.

    Athekadivasaṃ thero rājagahaṃ piṇḍāya pavisanto ekaṃ purisaṃ pippalīnaṃ bhājanaṃ pūretvā ādāya antonagaraṃ pavisantaṃ disvā ‘‘kiṃ te, vasala, bhājane’’ti āha. So cintesi – ‘‘ayaṃ samaṇo mayā saddhiṃ pātova pharusakathaṃ kathesi, imassa anucchavikameva vattuṃ vaṭṭatī’’ti ‘‘mūsikavaccaṃ me, bhante, bhājane’’ti āha. Evaṃ bhavissati, vasalāti. Tassa therassa dassanaṃ vijahantassa sabbaṃ mūsikavaccameva ahosi. So cintesi – ‘‘imā pippaliyo mūsikavaccasadisā paññāyanti, sabhāvo nu kho no’’ti vīmaṃsanto hatthena uppīḷesi . Athassa undūravaccabhāvaṃ ñatvā balavadomanassaṃ uppajji. So ‘‘imāyeva nu kho evarūpā, udāhu sakaṭepī’’ti gantvā olokento sabbāpi pippaliyo tādisāva disvā hadayaṃ hatthena sandhāretvā ‘‘idaṃ na aññassa kammaṃ, mayā pātova diṭṭhabhikkhussetaṃ kammaṃ, addhā ekaṃ upāyaṃ bhavissati, tassa gataṭṭhānaṃ anuvicinitvā etaṃ kāraṇaṃ jānissāmī’’ti therassa gatamaggaṃ pucchitvā pāyāsi.

    ат̇зго бурисо д̇ам̣ ад̇ивияа жан̣д̣игад̇ам̣ г̇ажчанд̇ам̣ д̣̇исваа, ‘‘бхо буриса, д̇вам̣ ад̇ивияа жан̣д̣игад̇ова г̇ажчаси, гзна гаммзна г̇ажчасий’’д̇и бужчи. со д̇асса д̇ам̣ бавад̇д̇им̣ аарожзси. со д̇асса гат̇ам̣ суд̇ваа звамааха – ‘‘бхо, маа жинд̇аяи, маяхам̣ аяяо билинд̣̇аважчо бхависсад̇и, д̇вам̣ зд̇ад̣̇зва бхааж̇анам̣ буурзд̇ваа аад̣̇ааяа г̇анд̇ваа т̇зрасса бурад̇о д̇идта. ‘гим̣ наамзд̇ам̣, васалаа’д̇и вуд̇д̇агаалз жа ‘биббалияо, бханд̇з’д̇и вад̣̇а, т̇зро ‘звам̣ бхависсад̇и, васалаа’д̇и вагкад̇и. буна саб̣б̣ааби биббалияо бхависсанд̇ий’’д̇и. со д̇ат̇аа агааси. саб̣б̣аа биббалияо бадибаагад̇игаа ахзсум̣. ид̣̇амзд̇д̇агам̣ вад̇т̇у. абарабхааг̇з бана сад̇т̇аа д̣̇звад̇аанам̣ бияаманаабагааран̣амзва вад̇т̇ум̣ гад̇ваа т̇зрам̣ д̣̇звад̇аанам̣ бияаманаабаанам̣ аг̇г̇адтаанз табзсийд̇и.

    Atheko puriso taṃ ativiya caṇḍikataṃ gacchantaṃ disvā, ‘‘bho purisa, tvaṃ ativiya caṇḍikatova gacchasi, kena kammena gacchasī’’ti pucchi. So tassa taṃ pavattiṃ ārocesi. So tassa kathaṃ sutvā evamāha – ‘‘bho, mā cintayi, mayhaṃ ayyo pilindavaccho bhavissati, tvaṃ etadeva bhājanaṃ pūretvā ādāya gantvā therassa purato tiṭṭha. ‘Kiṃ nāmetaṃ, vasalā’ti vuttakāle ca ‘pippaliyo, bhante’ti vada, thero ‘evaṃ bhavissati, vasalā’ti vakkhati. Puna sabbāpi pippaliyo bhavissantī’’ti. So tathā akāsi. Sabbā pippaliyo paṭipākatikā ahesuṃ. Idamettakaṃ vatthu. Aparabhāge pana satthā devatānaṃ piyamanāpakāraṇameva vatthuṃ katvā theraṃ devatānaṃ piyamanāpānaṃ aggaṭṭhāne ṭhapesīti.

    б̣аахияад̣̇ааружийрияад̇т̇зравад̇т̇у

    Bāhiyadārucīriyattheravatthu

    216. адтамз киббаабхин̃н̃аананд̇и киббам̣ ад̇хиг̇ад̇аабхин̃н̃аанам̣ д̣̇ааружийрияад̇т̇зро аг̇г̇од̇и д̣̇ассзд̇и. аяан̃хи т̇зро сам̣кид̇д̇ад̇хаммад̣̇зсанаабарияосаанз арахад̇д̇ам̣ баабун̣и, маг̇г̇апалаанам̣ баригаммагижжам̣ наахоси. д̇асмаа киббаабхин̃н̃аанам̣ аг̇г̇о наама ж̇аад̇о. б̣аахияарадтз бана ж̇аад̇ад̇д̇аа б̣аахияод̇исса наамам̣ ахоси. со абарабхааг̇з д̣̇ааружийрам̣ ниваасзси. д̇асмаа д̣̇ааружийрияо наама ж̇аад̇о.

    216. Aṭṭhame khippābhiññānanti khippaṃ adhigataabhiññānaṃ dārucīriyatthero aggoti dasseti. Ayañhi thero saṃkhittadhammadesanāpariyosāne arahattaṃ pāpuṇi, maggaphalānaṃ parikammakiccaṃ nāhosi. Tasmā khippābhiññānaṃ aggo nāma jāto. Bāhiyaraṭṭhe pana jātattā bāhiyotissa nāmaṃ ahosi. So aparabhāge dārucīraṃ nivāsesi. Tasmā dārucīriyo nāma jāto.

    д̇асса бан̃хагаммз аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз ниб̣б̣ад̇д̇о д̣̇асаб̣аласса д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ киббаабхин̃н̃аанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зд̇ваа яааваж̇ийвам̣ гусалам̣ гад̇ваа д̣̇звамануссзсу сам̣саранд̇о гассабад̣̇асаб̣аласса саасанасса осагганагаалз хздтаа вуд̇д̇зхи бхигкуухи сад̣̇д̇хим̣ саман̣ад̇хаммам̣ гад̇ваа барибун̣н̣асийло ж̇ийвид̇агкаяам̣ бад̇ваа д̣̇звалогз ниб̣б̣ад̇д̇и.

    Tassa pañhakamme ayamanupubbikathā – ayampi hi padumuttarabuddhakāle haṃsavatīnagare kulagehe nibbatto dasabalassa dhammadesanaṃ suṇanto satthāraṃ ekaṃ bhikkhuṃ khippābhiññānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthetvā yāvajīvaṃ kusalaṃ katvā devamanussesu saṃsaranto kassapadasabalassa sāsanassa osakkanakāle heṭṭhā vuttehi bhikkhūhi saddhiṃ samaṇadhammaṃ katvā paripuṇṇasīlo jīvitakkhayaṃ patvā devaloke nibbatti.

    со згам̣ б̣уд̣̇д̇ханд̇арам̣ д̣̇звалогз васид̇ваа имасмим̣ б̣уд̣̇д̇хуббаад̣̇з б̣аахияарадтз гулаг̇зхз ниб̣б̣ад̇д̇о. ваяам̣ ааг̇амма гхарааваасам̣ васанд̇о ‘‘вохаарам̣ гариссаамий’’д̇и суван̣н̣абхуумиг̇аманийяам̣ наавам̣ абхирухи. нааваа ижчид̇ам̣ д̣̇зсам̣ аббад̇ваава самуд̣̇д̣̇амаж̇жхз бхиннаа, махааж̇ано мажчагажчабабхагко ахоси. аяам̣ бана згам̣ д̣̇аарукан̣д̣ам̣ г̇ахзд̇ваа сад̇д̇амз д̣̇ивасз суббаарагабадданз уд̇д̇ин̣н̣о мануссааваасам̣ бад̇ваа ‘‘ажзлаганияаамзна мануссз убасан̇гамид̇ум̣ аяуд̇д̇а’’нд̇и авид̣̇уурз таанз згам̣ махаад̇ал̣аагаа сзваалам̣ г̇ахзд̇ваа сарийрам̣ взтзд̇ваа згасмим̣ таанз бад̇ид̇ам̣ згам̣ габаалам̣ аад̣̇ааяа бхигкааяа баависи.

    So ekaṃ buddhantaraṃ devaloke vasitvā imasmiṃ buddhuppāde bāhiyaraṭṭhe kulagehe nibbatto. Vayaṃ āgamma gharāvāsaṃ vasanto ‘‘vohāraṃ karissāmī’’ti suvaṇṇabhūmigamanīyaṃ nāvaṃ abhiruhi. Nāvā icchitaṃ desaṃ appatvāva samuddamajjhe bhinnā, mahājano macchakacchapabhakkho ahosi. Ayaṃ pana ekaṃ dārukhaṇḍaṃ gahetvā sattame divase suppārakapaṭṭane uttiṇṇo manussāvāsaṃ patvā ‘‘acelakaniyāmena manusse upasaṅkamituṃ ayutta’’nti avidūre ṭhāne ekaṃ mahātaḷākā sevālaṃ gahetvā sarīraṃ veṭhetvā ekasmiṃ ṭhāne patitaṃ ekaṃ kapālaṃ ādāya bhikkhāya pāvisi.

    мануссаа д̇ам̣ д̣̇исваа жинд̇зсум̣ – ‘‘сажз логз араханд̇аа наама ад̇т̇и, звам̣вид̇хзхи бхавид̇аб̣б̣ам̣. гим̣ ну ко аяяо уггадтабхаавзна вад̇т̇ам̣ на г̇ан̣хаад̇и, уд̣̇ааху д̣̇ияяамаанам̣ г̇ан̣хзяяаа’’д̇и виймам̣санд̇аа наанаад̣̇исаахи вад̇т̇аани аахарим̣су. со жинд̇зси – ‘‘сажаахам̣ на иминаа нияаамзна ааг̇амиссам̣, на мз зд̇з басийд̣̇зяяум̣, яам̣гин̃жи гад̇ваа имз ван̃жзд̇ваа ж̇ийвигубааяам̣ гаад̇ум̣ ваддад̇ий’’д̇и вад̇т̇аани на бадиг̇г̇ан̣хи. мануссаа бхияяосомад̇д̇ааяа басаннаа махаасаггаарам̣ гарим̣су. соби бхад̇д̇агижжам̣ гад̇ваа авид̣̇уурадтаанз д̣̇звагулам̣ г̇ад̇о. махааж̇ано д̇зна сад̣̇д̇хим̣язва г̇анд̇ваа д̣̇звагулам̣ бадиж̇аг̇г̇ид̇ваа ад̣̇ааси. со жинд̇зси – ‘‘имз маяхам̣ сзваалз ниваасанамад̇д̇з басийд̣̇ид̇ваа звам̣вид̇хам̣ саггаарам̣ гаронд̇и, зд̇зсам̣ маяаа уггадтзнзва бхавид̇ум̣ ваддад̇ий’’д̇и саллахугаани ругкапалагаани г̇ахзд̇ваа д̇ажчзд̇ваа ваагзсу аавун̣ид̇ваа жийрам̣ гад̇ваа ниваасзд̇ваа баарубид̇ваа ж̇ийвигам̣ габбзнд̇о васи.

    Manussā taṃ disvā cintesuṃ – ‘‘sace loke arahantā nāma atthi, evaṃvidhehi bhavitabbaṃ. Kiṃ nu kho ayyo ukkaṭṭhabhāvena vatthaṃ na gaṇhāti, udāhu diyyamānaṃ gaṇheyyā’’ti vīmaṃsantā nānādisāhi vatthāni āhariṃsu. So cintesi – ‘‘sacāhaṃ na iminā niyāmena āgamissaṃ, na me ete pasīdeyyuṃ, yaṃkiñci katvā ime vañcetvā jīvikupāyaṃ kātuṃ vaṭṭatī’’ti vatthāni na paṭiggaṇhi. Manussā bhiyyosomattāya pasannā mahāsakkāraṃ kariṃsu. Sopi bhattakiccaṃ katvā avidūraṭṭhāne devakulaṃ gato. Mahājano tena saddhiṃyeva gantvā devakulaṃ paṭijaggitvā adāsi. So cintesi – ‘‘ime mayhaṃ sevāle nivāsanamatte pasīditvā evaṃvidhaṃ sakkāraṃ karonti, etesaṃ mayā ukkaṭṭheneva bhavituṃ vaṭṭatī’’ti sallahukāni rukkhaphalakāni gahetvā tacchetvā vākesu āvuṇitvā cīraṃ katvā nivāsetvā pārupitvā jīvikaṃ kappento vasi.

    ат̇а яо со гассабаб̣уд̣̇д̇хагаалз сад̇д̇асу ж̇анзсу саман̣ад̇хаммам̣ гаронд̇зсу зго бхигку суд̣̇д̇хааваасаб̣рахмалогз ниб̣б̣ад̇д̇о. со ниб̣б̣ад̇д̇асамананд̇арамзва ад̇д̇ано б̣рахмасамбад̇д̇им̣ ологзд̇ваа ааг̇ад̇адтаанам̣ ааваж̇ж̇знд̇о сад̇д̇аннам̣ ж̇анаанам̣ баб̣б̣ад̇ам̣ ааруяха саман̣ад̇хаммагаран̣адтаанам̣ д̣̇исваа сзсаанам̣ чаннам̣ ниб̣б̣ад̇д̇адтаанам̣ ааваж̇ж̇знд̇о згасса бариниб̣б̣уд̇абхаавам̣ ид̇арзсам̣ бан̃жаннам̣ гаамааважарад̣̇звалогз ниб̣б̣ад̇д̇абхаавам̣ н̃ад̇ваа гаалаанугаалам̣ д̇з бан̃жа ж̇анз ааваж̇ж̇зд̇и . имасмим̣ бана гаалз ‘‘гахам̣ ну ко’’д̇и ааваж̇ж̇знд̇о д̣̇ааружийрияам̣ суббаарагабадданам̣ убаниссааяа гуханагаммзна ж̇ийвигам̣ габбзнд̇ам̣ д̣̇исваа ‘‘надто вад̇ааяам̣ б̣аало, буб̣б̣з саман̣ад̇хаммам̣ гаронд̇о ад̇иуггадтабхаавзна арахад̇ааби аабхад̇ам̣ бин̣д̣абаад̇ам̣ абарибхун̃ж̇ид̇ваа ид̣̇аани уд̣̇арад̇т̇ааяа анарахаава арахад̇д̇ам̣ бадиж̇аанид̇ваа логам̣ ван̃жзнд̇о вижарад̇и, д̣̇асаб̣аласса жа ниб̣б̣ад̇д̇абхаавам̣ на ж̇аанаад̇и, г̇ажчаами нам̣ сам̣взж̇зд̇ваа д̣̇асаб̣аласса ниб̣б̣ад̇д̇абхаавам̣ ж̇аанаабзмий’’д̇и д̇ам̣кан̣ам̣язва б̣рахмалогад̇о суббаарагабадданз рад̇д̇ибхааг̇асамананд̇арз д̣̇ааружийрияасса саммукз баад̇урахоси.

    Atha yo so kassapabuddhakāle sattasu janesu samaṇadhammaṃ karontesu eko bhikkhu suddhāvāsabrahmaloke nibbatto. So nibbattasamanantarameva attano brahmasampattiṃ oloketvā āgataṭṭhānaṃ āvajjento sattannaṃ janānaṃ pabbataṃ āruyha samaṇadhammakaraṇaṭṭhānaṃ disvā sesānaṃ channaṃ nibbattaṭṭhānaṃ āvajjento ekassa parinibbutabhāvaṃ itaresaṃ pañcannaṃ kāmāvacaradevaloke nibbattabhāvaṃ ñatvā kālānukālaṃ te pañca jane āvajjeti . Imasmiṃ pana kāle ‘‘kahaṃ nu kho’’ti āvajjento dārucīriyaṃ suppārakapaṭṭanaṃ upanissāya kuhanakammena jīvikaṃ kappentaṃ disvā ‘‘naṭṭho vatāyaṃ bālo, pubbe samaṇadhammaṃ karonto atiukkaṭṭhabhāvena arahatāpi ābhataṃ piṇḍapātaṃ aparibhuñjitvā idāni udaratthāya anarahāva arahattaṃ paṭijānitvā lokaṃ vañcento vicarati, dasabalassa ca nibbattabhāvaṃ na jānāti, gacchāmi naṃ saṃvejetvā dasabalassa nibbattabhāvaṃ jānāpemī’’ti taṃkhaṇaṃyeva brahmalokato suppārakapaṭṭane rattibhāgasamanantare dārucīriyassa sammukhe pāturahosi.

    со ад̇д̇ано васанадтаанз обхаасам̣ д̣̇исваа б̣ахи нигкамид̇ваа тид̇о махааб̣рахмам̣ ологзд̇ваа ан̃ж̇алим̣ баг̇г̇аяха ‘‘гз д̇умхз’’д̇и бужчи. ахам̣ д̇уяхам̣ бораан̣агасахааяо анааг̇аамипалам̣ бад̇ваа б̣рахмалогз ниб̣б̣ад̇д̇о. амхаагам̣ бана саб̣б̣аж̇здтаго арахад̇д̇ам̣ бад̇ваа бариниб̣б̣уд̇о, д̇умхз бан̃жа ж̇анаа д̣̇звалогз ниб̣б̣ад̇д̇аа. сваахам̣ д̇ам̣ имасмим̣ таанз гуханагаммзна ж̇ийванд̇ам̣ д̣̇исваа д̣̇амзд̇ум̣ ааг̇ад̇од̇и вад̇ваа ид̣̇ам̣ гааран̣амааха – ‘‘на ко д̇вам̣, б̣аахияа арахаа, наби арахад̇д̇амаг̇г̇ам̣ самаабанно, сааби д̇з бадибад̣̇аа над̇т̇и, яааяа д̇вам̣ арахаа ваа асса арахад̇д̇амаг̇г̇ам̣ ваа самаабанно’’д̇и. ат̇асса сад̇т̇у уббаннабхаавам̣ саавад̇т̇ияам̣ васанабхааван̃жа аажигкид̇ваа ‘‘сад̇т̇у санд̇игам̣ г̇ажчаахий’’д̇и д̇ам̣ уяяож̇зд̇ваа б̣рахмалогамзва аг̇амааси.

    So attano vasanaṭṭhāne obhāsaṃ disvā bahi nikkhamitvā ṭhito mahābrahmaṃ oloketvā añjaliṃ paggayha ‘‘ke tumhe’’ti pucchi. Ahaṃ tuyhaṃ porāṇakasahāyo anāgāmiphalaṃ patvā brahmaloke nibbatto. Amhākaṃ pana sabbajeṭṭhako arahattaṃ patvā parinibbuto, tumhe pañca janā devaloke nibbattā. Svāhaṃ taṃ imasmiṃ ṭhāne kuhanakammena jīvantaṃ disvā dametuṃ āgatoti vatvā idaṃ kāraṇamāha – ‘‘na kho tvaṃ, bāhiya arahā, napi arahattamaggaṃ samāpanno, sāpi te paṭipadā natthi, yāya tvaṃ arahā vā assa arahattamaggaṃ vā samāpanno’’ti. Athassa satthu uppannabhāvaṃ sāvatthiyaṃ vasanabhāvañca ācikkhitvā ‘‘satthu santikaṃ gacchāhī’’ti taṃ uyyojetvā brahmalokameva agamāsi.

    д̣̇ааружийрияо махааб̣рахмунаа сам̣взж̇ид̇о ‘‘могкамаг̇г̇ам̣ г̇авзсиссаамий’’д̇и вийсаяож̇анасад̇ам̣ маг̇г̇ам̣ згарад̇д̇иваасзна г̇анд̇ваа сад̇т̇аарам̣ бин̣д̣ааяа бавидтам̣ анд̇арагхарз самбаабун̣ид̇ваа сад̇т̇у баад̣̇зсу нибад̇ид̇ваа ‘‘д̣̇зсзд̇у мз, бханд̇з, бхаг̇аваа д̇хаммам̣, д̣̇зсзд̇у суг̇ад̇о д̇хамма’’нд̇и яаавад̇ад̇ияам̣ яаажи. сад̇т̇аа ‘‘зд̇д̇аавад̇аа б̣аахияасса н̃аан̣ам̣ барибаагам̣ г̇ад̇а’’нд̇и н̃ад̇ваа ‘‘д̇асмаад̇иха д̇з, б̣аахияа, звам̣ сигкид̇аб̣б̣ам̣ д̣̇идтз д̣̇идтамад̇д̇ам̣ бхависсад̇ий’’д̇и (уд̣̇аа. 10) иминаа оваад̣̇зна овад̣̇и . соби д̣̇зсанаабарияосаанз анд̇аравийт̇ияам̣ тид̇ова д̣̇зсанаанусаарзна н̃аан̣ам̣ бзсзд̇ваа саха бадисамбхид̣̇аахи арахад̇д̇ам̣ баабун̣и.

    Dārucīriyo mahābrahmunā saṃvejito ‘‘mokkhamaggaṃ gavesissāmī’’ti vīsayojanasataṃ maggaṃ ekarattivāsena gantvā satthāraṃ piṇḍāya paviṭṭhaṃ antaraghare sampāpuṇitvā satthu pādesu nipatitvā ‘‘desetu me, bhante, bhagavā dhammaṃ, desetu sugato dhamma’’nti yāvatatiyaṃ yāci. Satthā ‘‘ettāvatā bāhiyassa ñāṇaṃ paripākaṃ gata’’nti ñatvā ‘‘tasmātiha te, bāhiya, evaṃ sikkhitabbaṃ diṭṭhe diṭṭhamattaṃ bhavissatī’’ti (udā. 10) iminā ovādena ovadi . Sopi desanāpariyosāne antaravīthiyaṃ ṭhitova desanānusārena ñāṇaṃ pesetvā saha paṭisambhidāhi arahattaṃ pāpuṇi.

    со ад̇д̇ано гижжам̣ мад̇т̇агаббад̇д̇ам̣ н̃ад̇ваа бхаг̇аванд̇ам̣ баб̣б̣аж̇ж̇ам̣ яаажид̇ваа абарибун̣н̣абад̇д̇ажийварад̇ааяа бад̇д̇ажийварам̣ бариязсанд̇о сан̇гаарадтаанад̇о жол̣агкан̣д̣аани сам̣гад̣дхад̇и. ат̇а нам̣ буб̣б̣авзриго амануссо згиссаа д̇арун̣аважчааяа г̇аавияаа сарийрз ад̇химужжид̇ваа ж̇ийвид̇агкаяам̣ баабзси. сад̇т̇аа саавад̇т̇ид̇о нигкаманд̇о анд̇аравийт̇ияам̣ б̣аахияам̣ сан̇гаарадтаанз бад̇ид̇ам̣ д̣̇исваа ‘‘г̇ан̣хат̇а, бхигкавз, б̣аахияасса д̣̇ааружийрияасса сарийра’’нд̇и нийхараабзд̇ваа сарийрагижжам̣ гаарзд̇ваа жаад̇умахаабат̇з жзд̇ияам̣ гаараабзси. д̇ад̇о сан̇гхамаж̇жхз гат̇аа уд̣̇абаад̣̇и – ‘‘д̇ат̇ааг̇ад̇о бхигкусан̇гхзна б̣аахияасса сарийраж̇жхаабанагижжам̣ гаарзси, д̇хаад̇уяо г̇ахзд̇ваа жзд̇ияам̣ гаарзси, гад̇арамаг̇г̇о ну ко д̇зна сажчигад̇о, сааман̣зро ну ко со, бхигку ну ко’’д̇и жид̇д̇ам̣ уббаад̣̇аяим̣су . сад̇т̇аа д̇ам̣ адтуббад̇д̇им̣ гад̇ваа ‘‘бан̣д̣ид̇о, бхигкавз, б̣аахияо’’д̇и убари д̇хаммад̣̇зсанам̣ вад̣дхзд̇ваа д̇асса бариниб̣б̣уд̇абхаавам̣ багаасзси. буна сан̇гхамаж̇жхз гат̇аа уд̣̇абаад̣̇и ‘‘на жа сад̇т̇аараа б̣аахияасса б̣аху д̇хаммо д̣̇зсид̇о, арахад̇д̇ам̣ бад̇д̇од̇и жа вад̣̇зд̇и. гим̣ наамзд̇а’’нд̇и? сад̇т̇аа ‘‘д̇хаммо манд̣̇о б̣ахууд̇и агааран̣ам̣, висабийд̇агасса аг̇ад̣̇о вияа жзсо’’д̇и вад̇ваа д̇хаммабад̣̇з г̇аат̇амааха –

    So attano kiccaṃ matthakappattaṃ ñatvā bhagavantaṃ pabbajjaṃ yācitvā aparipuṇṇapattacīvaratāya pattacīvaraṃ pariyesanto saṅkāraṭṭhānato coḷakkhaṇḍāni saṃkaḍḍhati. Atha naṃ pubbaveriko amanusso ekissā taruṇavacchāya gāviyā sarīre adhimuccitvā jīvitakkhayaṃ pāpesi. Satthā sāvatthito nikkhamanto antaravīthiyaṃ bāhiyaṃ saṅkāraṭṭhāne patitaṃ disvā ‘‘gaṇhatha, bhikkhave, bāhiyassa dārucīriyassa sarīra’’nti nīharāpetvā sarīrakiccaṃ kāretvā cātumahāpathe cetiyaṃ kārāpesi. Tato saṅghamajjhe kathā udapādi – ‘‘tathāgato bhikkhusaṅghena bāhiyassa sarīrajjhāpanakiccaṃ kāresi, dhātuyo gahetvā cetiyaṃ kāresi, kataramaggo nu kho tena sacchikato, sāmaṇero nu kho so, bhikkhu nu kho’’ti cittaṃ uppādayiṃsu . Satthā taṃ aṭṭhuppattiṃ katvā ‘‘paṇḍito, bhikkhave, bāhiyo’’ti upari dhammadesanaṃ vaḍḍhetvā tassa parinibbutabhāvaṃ pakāsesi. Puna saṅghamajjhe kathā udapādi ‘‘na ca satthārā bāhiyassa bahu dhammo desito, arahattaṃ pattoti ca vadeti. Kiṃ nāmeta’’nti? Satthā ‘‘dhammo mando bahūti akāraṇaṃ, visapītakassa agado viya ceso’’ti vatvā dhammapade gāthamāha –

    ‘‘сахассамаби жз г̇аат̇аа, анад̇т̇абад̣̇асам̣хид̇аа;

    ‘‘Sahassamapi ce gāthā, anatthapadasaṃhitā;

    згам̣ г̇аат̇аабад̣̇ам̣ сзяяо, яам̣ суд̇ваа убасаммад̇ий’’д̇и. (д̇ха. ба. 100);

    Ekaṃ gāthāpadaṃ seyyo, yaṃ sutvā upasammatī’’ti. (dha. pa. 100);

    д̣̇зсанаабарияосаанз жад̇ураасийд̇и баан̣асахассаани амад̇абаанам̣ бивим̣су. ид̣̇ан̃жа бана б̣аахияад̇т̇зрасса вад̇т̇у суд̇д̇з (уд̣̇аа. 10) ааг̇ад̇ад̇д̇аа вид̇т̇аарзна на гат̇ид̇ам̣. абарабхааг̇з бана сад̇т̇аа сан̇гхамаж̇жхз нисинно б̣аахияад̇т̇зрам̣ киббаабхин̃н̃аанам̣ аг̇г̇адтаанз табзсийд̇и.

    Desanāpariyosāne caturāsīti pāṇasahassāni amatapānaṃ piviṃsu. Idañca pana bāhiyattherassa vatthu sutte (udā. 10) āgatattā vitthārena na kathitaṃ. Aparabhāge pana satthā saṅghamajjhe nisinno bāhiyattheraṃ khippābhiññānaṃ aggaṭṭhāne ṭhapesīti.

    гумаарагассабад̇т̇зравад̇т̇у

    Kumārakassapattheravatthu

    217. навамз жид̇д̇агат̇игаананд̇и вижид̇д̇ам̣ гад̇ваа д̇хаммам̣ гат̇знд̇аанам̣. т̇зро гира згассаби д̣̇виннамби д̇хаммам̣ гат̇знд̇о б̣ахуухи убамаахи жа гааран̣зхи жа ман̣д̣аяид̇ваа б̣од̇хзнд̇о гат̇зд̇и. д̇асмаа жид̇д̇агат̇игаанам̣ аг̇г̇о наама ж̇аад̇о.

    217. Navame cittakathikānanti vicittaṃ katvā dhammaṃ kathentānaṃ. Thero kira ekassapi dvinnampi dhammaṃ kathento bahūhi upamāhi ca kāraṇehi ca maṇḍayitvā bodhento katheti. Tasmā cittakathikānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз бадисанд̇хим̣ г̇ан̣хид̇ваа ваяаббад̇д̇о д̣̇асаб̣аласса д̇хаммагат̇ам̣ сун̣анд̇о сад̇т̇аарам̣ згам̣ бхигкум̣ жид̇д̇агат̇игаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зд̇ваа д̣̇звамануссзсу сам̣саранд̇о гассабаб̣уд̣̇д̇хасаасаносагганагаалз сад̇д̇аннам̣ бхигкуунам̣ аб̣бханд̇аро худ̇ваа баб̣б̣ад̇амад̇т̇агз саман̣ад̇хаммам̣ гад̇ваа абарихийнасийло д̇ад̇о жуд̇о д̣̇звалогз ниб̣б̣ад̇д̇ид̇ваа згам̣ б̣уд̣̇д̇ханд̇арам̣ самбад̇д̇им̣ анубхавамаано амхаагам̣ сад̇т̇у гаалз рааж̇аг̇ахз згиссаа гулад̣̇ааригааяа гужчимхи уббанно. саа жа батамам̣ маад̇аабид̇аро яаажид̇ваа баб̣б̣аж̇ж̇ам̣ алабхамаанаа гулагхарам̣ г̇ад̇аа г̇аб̣бхам̣ г̇ан̣хи. д̇амби аж̇аананд̇ий саамигам̣ аараад̇хзд̇ваа д̇зна анун̃н̃аад̇аа бхигкунийсу баб̣б̣аж̇ид̇аа. д̇ассаа г̇аб̣бханимид̇д̇ам̣ д̣̇исваа бхигкунияо д̣̇звад̣̇ад̇д̇ам̣ бужчим̣су, со ‘‘ассаман̣ий’’д̇и ааха. д̣̇асаб̣алам̣ бужчим̣су, сад̇т̇аа убаалид̇т̇зрам̣ бадижчаабзси. т̇зро саавад̇т̇инаг̇араваасийни гулаани висаакан̃жа убаасигам̣ баггосаабзд̇ваа сод̇хзнд̇о ‘‘бурз лад̣̇д̇хо г̇аб̣бхо, баб̣б̣аж̇ж̇аа арог̇аа’’д̇и ааха. сад̇т̇аа ‘‘сувинижчид̇ам̣ ад̇хигаран̣а’’нд̇и т̇зрасса саад̇хугаарам̣ ад̣̇ааси.

    Tassa pañhakamme ayamanupubbikathā – ayampi hi padumuttarabuddhakāle haṃsavatīnagare kulagehe paṭisandhiṃ gaṇhitvā vayappatto dasabalassa dhammakathaṃ suṇanto satthāraṃ ekaṃ bhikkhuṃ cittakathikānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthetvā devamanussesu saṃsaranto kassapabuddhasāsanosakkanakāle sattannaṃ bhikkhūnaṃ abbhantaro hutvā pabbatamatthake samaṇadhammaṃ katvā aparihīnasīlo tato cuto devaloke nibbattitvā ekaṃ buddhantaraṃ sampattiṃ anubhavamāno amhākaṃ satthu kāle rājagahe ekissā kuladārikāya kucchimhi uppanno. Sā ca paṭhamaṃ mātāpitaro yācitvā pabbajjaṃ alabhamānā kulagharaṃ gatā gabbhaṃ gaṇhi. Tampi ajānantī sāmikaṃ ārādhetvā tena anuññātā bhikkhunīsu pabbajitā. Tassā gabbhanimittaṃ disvā bhikkhuniyo devadattaṃ pucchiṃsu, so ‘‘assamaṇī’’ti āha. Dasabalaṃ pucchiṃsu, satthā upālittheraṃ paṭicchāpesi. Thero sāvatthinagaravāsīni kulāni visākhañca upāsikaṃ pakkosāpetvā sodhento ‘‘pure laddho gabbho, pabbajjā arogā’’ti āha. Satthā ‘‘suvinicchitaṃ adhikaraṇa’’nti therassa sādhukāraṃ adāsi.

    саа бхигкуний суван̣н̣аб̣имб̣асад̣̇исам̣ буд̇д̇ам̣ виж̇ааяи. д̇ам̣ г̇ахзд̇ваа рааж̇аа басзнад̣̇игосало босаабзси, гассабод̇и жасса наамам̣ гад̇ваа абарабхааг̇з алан̇гарид̇ваа сад̇т̇у санд̇игам̣ нзд̇ваа баб̣б̣ааж̇зси. гумаарагаалз бана баб̣б̣аж̇ид̇ад̇д̇аа бхаг̇авад̇аа ‘‘гассабам̣ баггосат̇а, ид̣̇ам̣ палам̣ ваа каад̣̇анийяам̣ ваа гассабасса д̣̇зт̇аа’’д̇и вуд̇д̇з ‘‘гад̇арагассабассаад̇и. гумаарагассабассаа’’д̇и звам̣ г̇ахид̇анаамад̇д̇аа д̇ад̇о бадтааяа вуд̣дхагаалзби гумаарагассабод̇взва вужжад̇и. абижа ран̃н̃о босааванигабуд̇д̇ад̇д̇ааби гумаарагассабод̇и д̇ам̣ сан̃ж̇ааним̣су.

    Sā bhikkhunī suvaṇṇabimbasadisaṃ puttaṃ vijāyi. Taṃ gahetvā rājā pasenadikosalo posāpesi, kassapoti cassa nāmaṃ katvā aparabhāge alaṅkaritvā satthu santikaṃ netvā pabbājesi. Kumārakāle pana pabbajitattā bhagavatā ‘‘kassapaṃ pakkosatha, idaṃ phalaṃ vā khādanīyaṃ vā kassapassa dethā’’ti vutte ‘‘katarakassapassāti. Kumārakassapassā’’ti evaṃ gahitanāmattā tato paṭṭhāya vuḍḍhakālepi kumārakassapotveva vuccati. Apica rañño posāvanikaputtattāpi kumārakassapoti taṃ sañjāniṃsu.

    со баб̣б̣аж̇ид̇агаалад̇о бадтааяа вибассанааяа жзва гаммам̣ гарод̇и, б̣уд̣̇д̇хаважанан̃жа г̇ан̣хаад̇и. ат̇а со д̇зна сад̣̇д̇хим̣ баб̣б̣ад̇амад̇т̇агз саман̣ад̇хаммам̣ гад̇ваа анааг̇аамипалам̣ бад̇ваа суд̣̇д̇хааваасз ниб̣б̣ад̇д̇о махааб̣рахмаа д̇асмим̣ самаяз ааваж̇ж̇знд̇о гумаарагассабам̣ д̣̇исваа ‘‘сахааяаго мз вибассанааяа гиламад̇и, г̇анд̇ваа д̇асса вибассанааяа наяамукам̣ д̣̇ассзд̇ваа маг̇г̇апалабад̇д̇ияаа убааяам̣ гариссаамий’’д̇и б̣рахмалогз тид̇ова бан̃жад̣̇аса бан̃хз абхисан̇карид̇ваа рад̇д̇ибхааг̇асамананд̇арз гумаарагассабад̇т̇зрасса васанадтаанз анд̇хаванз баад̇урахоси. т̇зро аалогам̣ д̣̇исваа ‘‘го зд̇т̇аа’’д̇и ааха. ‘‘ахам̣ буб̣б̣з д̇аяаа сад̣̇д̇хим̣ саман̣ад̇хаммам̣ гад̇ваа анааг̇аамипалам̣ бад̇ваа суд̣̇д̇хааваасз ниб̣б̣ад̇д̇аб̣рахмаа’’д̇и ааха. гзна гаммзна ааг̇ад̇ад̇т̇аад̇и? махааб̣рахмаа ад̇д̇ано ааг̇ад̇агааран̣ам̣ д̣̇ийбзд̇ум̣ д̇з бан̃хз аажигкид̇ваа ‘‘д̇вам̣ имз бан̃хз уг̇г̇ан̣хид̇ваа арун̣з удтид̇з д̇ат̇ааг̇ад̇ам̣ убасан̇гамид̇ваа бужча, табзд̇ваа хи д̇ат̇ааг̇ад̇ам̣ ан̃н̃о имз бан̃хз гат̇зд̇ум̣ самад̇т̇о наама над̇т̇ий’’д̇и вад̇ваа б̣рахмалогамзва г̇ад̇о.

    So pabbajitakālato paṭṭhāya vipassanāya ceva kammaṃ karoti, buddhavacanañca gaṇhāti. Atha so tena saddhiṃ pabbatamatthake samaṇadhammaṃ katvā anāgāmiphalaṃ patvā suddhāvāse nibbatto mahābrahmā tasmiṃ samaye āvajjento kumārakassapaṃ disvā ‘‘sahāyako me vipassanāya kilamati, gantvā tassa vipassanāya nayamukhaṃ dassetvā maggaphalapattiyā upāyaṃ karissāmī’’ti brahmaloke ṭhitova pañcadasa pañhe abhisaṅkharitvā rattibhāgasamanantare kumārakassapattherassa vasanaṭṭhāne andhavane pāturahosi. Thero ālokaṃ disvā ‘‘ko etthā’’ti āha. ‘‘Ahaṃ pubbe tayā saddhiṃ samaṇadhammaṃ katvā anāgāmiphalaṃ patvā suddhāvāse nibbattabrahmā’’ti āha. Kena kammena āgatatthāti? Mahābrahmā attano āgatakāraṇaṃ dīpetuṃ te pañhe ācikkhitvā ‘‘tvaṃ ime pañhe uggaṇhitvā aruṇe uṭṭhite tathāgataṃ upasaṅkamitvā puccha, ṭhapetvā hi tathāgataṃ añño ime pañhe kathetuṃ samattho nāma natthī’’ti vatvā brahmalokameva gato.

    т̇зроби бунад̣̇ивасз сад̇т̇аарам̣ убасан̇гамид̇ваа ванд̣̇ид̇ваа махааб̣рахмунаа гат̇ид̇анияаамзнзва бан̃хз бужчи. сад̇т̇аа гумаарагассабад̇т̇зрасса арахад̇д̇ам̣ баабзд̇ваа бан̃хз гат̇зси. т̇зро сад̇т̇аараа гат̇ид̇анияаамзнзва уг̇г̇ан̣хид̇ваа анд̇хаванам̣ г̇анд̇ваа вибассанам̣ г̇аб̣бхам̣ г̇аахаабзд̇ваа арахад̇д̇ам̣ баабун̣и. д̇ад̇о бадтааяа жад̇уннам̣ барисаанам̣ д̇хаммагат̇ам̣ гат̇знд̇о б̣ахугаахи убамаахи жа гааран̣зхи жа ман̣д̣зд̇ваа жид̇д̇агат̇амзва гат̇зд̇и. ат̇а нам̣ сад̇т̇аа бааяаасиран̃н̃о бан̃жад̣̇асахи бан̃хзхи бадиман̣д̣зд̇ваа суд̇д̇анд̇з (д̣̇ий. ни. 2.406 аад̣̇аяо) д̣̇зсид̇з д̇ам̣ суд̇д̇анд̇ам̣ адтуббад̇д̇им̣ гад̇ваа имасмим̣ саасанз жид̇д̇агат̇игаанам̣ аг̇г̇адтаанз табзсийд̇и.

    Theropi punadivase satthāraṃ upasaṅkamitvā vanditvā mahābrahmunā kathitaniyāmeneva pañhe pucchi. Satthā kumārakassapattherassa arahattaṃ pāpetvā pañhe kathesi. Thero satthārā kathitaniyāmeneva uggaṇhitvā andhavanaṃ gantvā vipassanaṃ gabbhaṃ gāhāpetvā arahattaṃ pāpuṇi. Tato paṭṭhāya catunnaṃ parisānaṃ dhammakathaṃ kathento bahukāhi upamāhi ca kāraṇehi ca maṇḍetvā cittakathameva katheti. Atha naṃ satthā pāyāsirañño pañcadasahi pañhehi paṭimaṇḍetvā suttante (dī. ni. 2.406 ādayo) desite taṃ suttantaṃ aṭṭhuppattiṃ katvā imasmiṃ sāsane cittakathikānaṃ aggaṭṭhāne ṭhapesīti.

    махаагодтид̇ад̇т̇зравад̇т̇у

    Mahākoṭṭhitattheravatthu

    218. д̣̇асамз бадисамбхид̣̇аабад̇д̇аананд̇и жад̇ассо бадисамбхид̣̇аа бад̇ваа тид̇аанам̣ махаагодтид̇ад̇т̇зро аг̇г̇од̇и д̣̇ассзд̇и. аяам̣ хи т̇зро ад̇д̇ано бадисамбхид̣̇аасу жин̣н̣авасибхаавзна абхин̃н̃аад̇з абхин̃н̃аад̇з махаасаавагз убасан̇гамид̇ваа бан̃хам̣ бужчанд̇оби д̣̇асаб̣алам̣ убасан̇гамид̇ваа бан̃хам̣ бужчанд̇оби бадисамбхид̣̇аасуязва бан̃хам̣ бужчад̇и. ид̇и иминаа жин̣н̣авасибхаавзна бадисамбхид̣̇аабад̇д̇аанам̣ аг̇г̇о наама ж̇аад̇о.

    218. Dasame paṭisambhidāpattānanti catasso paṭisambhidā patvā ṭhitānaṃ mahākoṭṭhitatthero aggoti dasseti. Ayaṃ hi thero attano paṭisambhidāsu ciṇṇavasibhāvena abhiññāte abhiññāte mahāsāvake upasaṅkamitvā pañhaṃ pucchantopi dasabalaṃ upasaṅkamitvā pañhaṃ pucchantopi paṭisambhidāsuyeva pañhaṃ pucchati. Iti iminā ciṇṇavasibhāvena paṭisambhidāpattānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ийнаг̇арз махаабхог̇агулз ниб̣б̣ад̇д̇о абарзна самаязна сад̇т̇у д̇хаммагат̇ам̣ сун̣анд̇о сад̇т̇аарам̣ згам̣ бхигкум̣ бадисамбхид̣̇аабад̇д̇аанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇и. годтид̇амаан̣авод̇исса наамам̣ агам̣су. со ваяаббад̇д̇о д̇аяо взд̣̇з уг̇г̇ан̣хид̇ваа згад̣̇ивасам̣ сад̇т̇у д̇хаммагат̇ам̣ суд̇ваа бадилад̣̇д̇хасад̣̇д̇хо баб̣б̣аж̇и. со убасамбаннагаалад̇о бадтааяа вибассанааяа гаммам̣ гаронд̇о саха бадисамбхид̣̇аахи арахад̇д̇ам̣ бад̇ваа нижжагаалам̣ бадисамбхид̣̇аасу жин̣н̣авасий худ̇ваа бан̃хам̣ бужчанд̇о бадисамбхид̣̇аасуязва бужчад̇и. ат̇а нам̣ сад̇т̇аа абарабхааг̇з махаавзд̣̇алласуд̇д̇ам̣ (ма. ни. 1.449 аад̣̇аяо) адтуббад̇д̇им̣ гад̇ваа бадисамбхид̣̇аабад̇д̇аанам̣ аг̇г̇адтаанз табзсийд̇и.

    Tassa pañhakamme ayamanupubbikathā – ayampi hi padumuttarabuddhakāle haṃsavatīnagare mahābhogakule nibbatto aparena samayena satthu dhammakathaṃ suṇanto satthāraṃ ekaṃ bhikkhuṃ paṭisambhidāpattānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvajīvaṃ kusalaṃ katvā devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbatti. Koṭṭhitamāṇavotissa nāmaṃ akaṃsu. So vayappatto tayo vede uggaṇhitvā ekadivasaṃ satthu dhammakathaṃ sutvā paṭiladdhasaddho pabbaji. So upasampannakālato paṭṭhāya vipassanāya kammaṃ karonto saha paṭisambhidāhi arahattaṃ patvā niccakālaṃ paṭisambhidāsu ciṇṇavasī hutvā pañhaṃ pucchanto paṭisambhidāsuyeva pucchati. Atha naṃ satthā aparabhāge mahāvedallasuttaṃ (ma. ni. 1.449 ādayo) aṭṭhuppattiṃ katvā paṭisambhidāpattānaṃ aggaṭṭhāne ṭhapesīti.

    д̇ад̇ияаваг̇г̇аван̣н̣анаа.

    Tatiyavaggavaṇṇanā.

    14. зд̇ад̣̇аг̇г̇аваг̇г̇о

    14. Etadaggavaggo

    (14) 4. жад̇уд̇т̇азд̇ад̣̇аг̇г̇аваг̇г̇о

    (14) 4. Catutthaetadaggavaggo

    аананд̣̇ад̇т̇зравад̇т̇у

    Ānandattheravatthu

    219-223. жад̇уд̇т̇асса батамз б̣ахуссуд̇аананд̇иаад̣̇ийсу ан̃н̃зби т̇зраа б̣ахуссуд̇аа сад̇иманд̇аа г̇ад̇иманд̇аа д̇хид̇иманд̇аа убадтаагаа жа ад̇т̇и. аяам̣ банааяасмаа б̣уд̣̇д̇хаважанам̣ уг̇г̇ан̣ханд̇о д̣̇асаб̣аласса саасанз бхан̣д̣ааг̇ааригабарияад̇д̇ияам̣ тад̇ваа г̇ан̣хи. д̇асмаа б̣ахуссуд̇аанам̣ аг̇г̇о наама ж̇аад̇о. имассзва жа т̇зрасса б̣уд̣̇д̇хаважанам̣ г̇ахзд̇ваа д̇хааран̣агасад̇и ан̃н̃зхи т̇зрзхи б̣алавад̇араа ахоси, д̇асмаа сад̇иманд̇аанам̣ аг̇г̇о наама ж̇аад̇о. аяамзва жааяасмаа згабад̣̇з тад̇ваа садти бад̣̇асахассаани г̇ан̣ханд̇о сад̇т̇аараа гат̇ид̇анияаамзнзва саб̣б̣абад̣̇аани ж̇аанаад̇и, д̇асмаа г̇ад̇иманд̇аанам̣ аг̇г̇о наама ж̇аад̇о. д̇ассзва жааяасмад̇о б̣уд̣̇д̇хаважанам̣ уг̇г̇ан̣ханавийрияам̣ саж̇жхааяанавийрияан̃жа д̇хааран̣авийрияан̃жа сад̇т̇у убадтаанавийрияан̃жа ан̃н̃зхи асад̣̇исам̣ ахоси, д̇асмаа д̇хид̇иманд̇аанам̣ аг̇г̇о наама ж̇аад̇о. д̇ат̇ааг̇ад̇ам̣ убадтаханд̇о жзса на ан̃н̃зсам̣ убадтаагабхигкуунам̣ убадтаанаагаарзна убадтахи, ан̃н̃з хи д̇ат̇ааг̇ад̇ам̣ убадтаханд̇аа на жирам̣ убадтахим̣су, на жа б̣уд̣̇д̇хаанам̣ манам̣ г̇ахзд̇ваа убадтахим̣су. аяам̣ т̇зро бана убадтаагадтаанам̣ лад̣̇д̇хад̣̇ивасад̇о бадтааяа аарад̣̇д̇хавийрияо худ̇ваа д̇ат̇ааг̇ад̇асса манам̣ г̇ахзд̇ваа убадтахи. д̇асмаа убадтаагаанам̣ аг̇г̇о наама ж̇аад̇о.

    219-223. Catutthassa paṭhame bahussutānantiādīsu aññepi therā bahussutā satimantā gatimantā dhitimantā upaṭṭhākā ca atthi. Ayaṃ panāyasmā buddhavacanaṃ uggaṇhanto dasabalassa sāsane bhaṇḍāgārikapariyattiyaṃ ṭhatvā gaṇhi. Tasmā bahussutānaṃ aggo nāma jāto. Imasseva ca therassa buddhavacanaṃ gahetvā dhāraṇakasati aññehi therehi balavatarā ahosi, tasmā satimantānaṃ aggo nāma jāto. Ayameva cāyasmā ekapade ṭhatvā saṭṭhi padasahassāni gaṇhanto satthārā kathitaniyāmeneva sabbapadāni jānāti, tasmā gatimantānaṃ aggo nāma jāto. Tasseva cāyasmato buddhavacanaṃ uggaṇhanavīriyaṃ sajjhāyanavīriyañca dhāraṇavīriyañca satthu upaṭṭhānavīriyañca aññehi asadisaṃ ahosi, tasmā dhitimantānaṃ aggo nāma jāto. Tathāgataṃ upaṭṭhahanto cesa na aññesaṃ upaṭṭhākabhikkhūnaṃ upaṭṭhānākārena upaṭṭhahi, aññe hi tathāgataṃ upaṭṭhahantā na ciraṃ upaṭṭhahiṃsu, na ca buddhānaṃ manaṃ gahetvā upaṭṭhahiṃsu. Ayaṃ thero pana upaṭṭhākaṭṭhānaṃ laddhadivasato paṭṭhāya āraddhavīriyo hutvā tathāgatassa manaṃ gahetvā upaṭṭhahi. Tasmā upaṭṭhākānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – ид̇о гира сад̇асахассамад̇т̇агз габбз бад̣̇умуд̇д̇аро наама сад̇т̇аа логз уббаж̇ж̇и. д̇асса хам̣савад̇ий наама наг̇арам̣ ахоси, нанд̣̇о наама рааж̇аа бид̇аа, сумзд̇хаа наама д̣̇звий маад̇аа, б̣од̇хисад̇д̇о уд̇д̇арагумааро наама ахоси. со буд̇д̇асса ж̇аад̇ад̣̇ивасз махаабхинигкаманам̣ нигкамма баб̣б̣аж̇ид̇ваа бад̇хаанамануяуд̇д̇о ануггамзна саб̣б̣ан̃н̃уд̇ам̣ бад̇ваа ‘‘анзгаж̇аад̇исам̣саара’’нд̇и уд̣̇аанам̣ уд̣̇аанзд̇ваа сад̇д̇аахам̣ б̣од̇хибаллан̇гз вийд̇инаамзд̇ваа ‘‘бат̇авияам̣ табзссаамий’’д̇и баад̣̇ам̣ абхинийхари. ат̇а бат̇авим̣ бхинд̣̇ид̇ваа хздтаа вуд̇д̇аббамаан̣ам̣ бад̣̇умам̣ удтааси. д̇ад̣̇убаад̣̇ааяа бхаг̇аваа бад̣̇умуд̇д̇арод̇зва бан̃н̃ааяид̇т̇а. д̇асса д̣̇звало жа суж̇аад̇о жа д̣̇вз аг̇г̇асаавагаа ахзсум̣ , амид̇аа жа асамаа жа д̣̇вз аг̇г̇асаавигаа, сумано наама убадтааго. бад̣̇умуд̇д̇аро бхаг̇аваа бид̇у сан̇г̇ахам̣ гурумаано бхигкусад̇асахассабаривааро хам̣савад̇ияаа рааж̇ад̇хаанияаа васад̇и.

    Tassa pañhakamme ayamanupubbikathā – ito kira satasahassamatthake kappe padumuttaro nāma satthā loke uppajji. Tassa haṃsavatī nāma nagaraṃ ahosi, nando nāma rājā pitā, sumedhā nāma devī mātā, bodhisatto uttarakumāro nāma ahosi. So puttassa jātadivase mahābhinikkhamanaṃ nikkhamma pabbajitvā padhānamanuyutto anukkamena sabbaññutaṃ patvā ‘‘anekajātisaṃsāra’’nti udānaṃ udānetvā sattāhaṃ bodhipallaṅke vītināmetvā ‘‘pathaviyaṃ ṭhapessāmī’’ti pādaṃ abhinīhari. Atha pathaviṃ bhinditvā heṭṭhā vuttappamāṇaṃ padumaṃ uṭṭhāsi. Tadupādāya bhagavā padumuttaroteva paññāyittha. Tassa devalo ca sujāto ca dve aggasāvakā ahesuṃ , amitā ca asamā ca dve aggasāvikā, sumano nāma upaṭṭhāko. Padumuttaro bhagavā pitu saṅgahaṃ kurumāno bhikkhusatasahassaparivāro haṃsavatiyā rājadhāniyā vasati.

    ганидтабхаад̇аа банасса суманагумааро наама. д̇асса рааж̇аа хам̣савад̇ид̇о вийсаяож̇анасад̇з бхог̇аг̇аамам̣ ад̣̇ааси. со гад̣̇аажи гад̣̇аажи ааг̇анд̇ваа бид̇аран̃жа сад̇т̇ааран̃жа бассад̇и. ат̇згад̣̇ивасам̣ бажжанд̇о губид̇о сумано ран̃н̃о бзсзси. рааж̇аа ‘‘д̇вам̣ маяаа д̇ад̇т̇а гасмаа табид̇о’’д̇и бадибзсзси. со жорз вуубасамзд̇ваа ‘‘убасанд̇о, д̣̇зва, ж̇анабад̣̇о’’д̇и ран̃н̃о бзсзси. рааж̇аа д̇удто ‘‘сийгхам̣ мама буд̇д̇о ааг̇ажчад̇уу’’д̇и ааха. д̇асса сахассамад̇д̇аа амажжаа хонд̇и. со д̇зхи сад̣̇д̇хим̣ анд̇араамаг̇г̇з манд̇зси – ‘‘маяхам̣ бид̇аа д̇удто сажз мз варам̣ д̣̇зд̇и, гим̣ г̇ан̣хаамий’’д̇и? ат̇а нам̣ згажжз ‘‘хад̇т̇им̣ г̇ан̣хат̇а, ассам̣ г̇ан̣хат̇а, ж̇анабад̣̇ам̣ г̇ан̣хат̇а, сад̇д̇а рад̇анаани г̇ан̣хат̇аа’’д̇и аахам̣су. абарз ‘‘д̇умхз бат̇ависсарасса буд̇д̇аа, на д̇умхаагам̣ д̇ханам̣ д̣̇уллабхам̣, лад̣̇д̇хамби жзд̇ам̣ саб̣б̣ам̣ бахааяа г̇аманийяам̣, бун̃н̃амзва згам̣ аад̣̇ааяа г̇аманийяам̣. д̇асмаа д̣̇звз варам̣ д̣̇ад̣̇амаанз д̇змаасам̣ бад̣̇умуд̇д̇арабхаг̇аванд̇ам̣ убадтаад̇ум̣ варам̣ г̇ан̣хат̇аа’’д̇и аахам̣су. со ‘‘д̇умхз маяхам̣ галяаан̣амид̇д̇аа, на мзд̇ам̣ жид̇д̇ам̣ ад̇т̇и, д̇умхзхи бана уббаад̣̇ид̇ам̣, звам̣ гариссаамий’’д̇и г̇анд̇ваа бид̇арам̣ ванд̣̇ид̇ваа бид̇араа аалин̇г̇зд̇ваа мад̇т̇агз жумб̣зд̇ваа ‘‘варам̣ д̇з буд̇д̇а д̣̇змий’’д̇и вуд̇д̇з ‘‘ижчаамахам̣, махаарааж̇а, бхаг̇аванд̇ам̣ д̇змаасам̣ жад̇уухи бажжаязхи убадтаханд̇о ж̇ийвид̇ам̣ аван̃жхам̣ гаад̇ум̣, имам̣ мз д̣̇зва варам̣ д̣̇зхий’’д̇и ааха. на саггаа, д̇аад̇а, ан̃н̃ам̣ варзхийд̇и. д̣̇зва, кад̇д̇ияаанам̣ наама д̣̇вз гат̇аа над̇т̇и, зд̇ад̣̇зва мз варам̣ д̣̇зхи, на мама ан̃н̃зна ад̇т̇од̇и. д̇аад̇а, б̣уд̣̇д̇хаанам̣ наама жид̇д̇ам̣ д̣̇уж̇ж̇аанам̣, сажз бхаг̇аваа на ижчиссад̇и, маяаа д̣̇иннзби гим̣ бхависсад̇ийд̇и? ‘‘саад̇ху, д̣̇зва, ахам̣ бхаг̇авад̇о жид̇д̇ам̣ ж̇ааниссаамий’’д̇и вихаарам̣ г̇ад̇о.

    Kaniṭṭhabhātā panassa sumanakumāro nāma. Tassa rājā haṃsavatito vīsayojanasate bhogagāmaṃ adāsi. So kadāci kadāci āgantvā pitarañca satthārañca passati. Athekadivasaṃ paccanto kupito sumano rañño pesesi. Rājā ‘‘tvaṃ mayā tattha kasmā ṭhapito’’ti paṭipesesi. So core vūpasametvā ‘‘upasanto, deva, janapado’’ti rañño pesesi. Rājā tuṭṭho ‘‘sīghaṃ mama putto āgacchatū’’ti āha. Tassa sahassamattā amaccā honti. So tehi saddhiṃ antarāmagge mantesi – ‘‘mayhaṃ pitā tuṭṭho sace me varaṃ deti, kiṃ gaṇhāmī’’ti? Atha naṃ ekacce ‘‘hatthiṃ gaṇhatha, assaṃ gaṇhatha, janapadaṃ gaṇhatha, satta ratanāni gaṇhathā’’ti āhaṃsu. Apare ‘‘tumhe pathavissarassa puttā, na tumhākaṃ dhanaṃ dullabhaṃ, laddhampi cetaṃ sabbaṃ pahāya gamanīyaṃ, puññameva ekaṃ ādāya gamanīyaṃ. Tasmā deve varaṃ dadamāne temāsaṃ padumuttarabhagavantaṃ upaṭṭhātuṃ varaṃ gaṇhathā’’ti āhaṃsu. So ‘‘tumhe mayhaṃ kalyāṇamittā, na metaṃ cittaṃ atthi, tumhehi pana uppāditaṃ, evaṃ karissāmī’’ti gantvā pitaraṃ vanditvā pitarā āliṅgetvā matthake cumbetvā ‘‘varaṃ te putta demī’’ti vutte ‘‘icchāmahaṃ, mahārāja, bhagavantaṃ temāsaṃ catūhi paccayehi upaṭṭhahanto jīvitaṃ avañjhaṃ kātuṃ, imaṃ me deva varaṃ dehī’’ti āha. Na sakkā, tāta, aññaṃ varehīti. Deva, khattiyānaṃ nāma dve kathā natthi, etadeva me varaṃ dehi, na mama aññena atthoti. Tāta, buddhānaṃ nāma cittaṃ dujjānaṃ, sace bhagavā na icchissati, mayā dinnepi kiṃ bhavissatīti? ‘‘Sādhu, deva, ahaṃ bhagavato cittaṃ jānissāmī’’ti vihāraṃ gato.

    д̇зна жа самаязна бхад̇д̇агижжам̣ нидтаабзд̇ваа бхаг̇аваа г̇анд̇хагудим̣ бавидто ход̇и, со ман̣д̣аламаал̣з саннибад̇ид̇аанам̣ бхигкуунам̣ санд̇игам̣ аг̇амааси. д̇з нам̣ аахам̣су – ‘‘рааж̇абуд̇д̇а, гасмаа ааг̇ад̇осий’’д̇и? бхаг̇аванд̇ам̣ д̣̇ассанааяа, д̣̇ассзт̇а мз бхаг̇аванд̇анд̇и. на маяам̣, рааж̇абуд̇д̇а, ижчид̇ижчид̇агкан̣з сад̇т̇аарам̣ д̣̇адтум̣ лабхаамаад̇и. го бана, бханд̇з, лабхад̇ийд̇и? суманад̇т̇зро наама рааж̇абуд̇д̇аад̇и. со ‘‘гухим̣, бханд̇з, т̇зро’’д̇и? т̇зрасса нисиннадтаанам̣ бужчид̇ваа г̇анд̇ваа ванд̣̇ид̇ваа ‘‘ижчаамахам̣, бханд̇з, бхаг̇аванд̇ам̣ бассид̇ум̣, д̣̇ассзт̇а мз бхаг̇аванд̇а’’нд̇и ааха. т̇зро бассанд̇ассзва рааж̇агумаарасса аабогасин̣аж̇жхаанам̣ самаабаж̇ж̇ид̇ваа махаабат̇авим̣ уд̣̇агам̣ ад̇хидтааяа бат̇авияам̣ нимуж̇ж̇ид̇ваа сад̇т̇у г̇анд̇хагудияам̣язва баад̇урахоси. ат̇а нам̣ бхаг̇аваа ‘‘сумана гасмаа ааг̇ад̇осий’’д̇и ааха. рааж̇абуд̇д̇о, бханд̇з, бхаг̇аванд̇ам̣ д̣̇ассанааяа ааг̇ад̇од̇и. д̇зна хи бхигку аасанам̣ бан̃н̃аабзхийд̇и. буна т̇зро бассанд̇ассзва рааж̇агумаарасса б̣уд̣̇д̇хаасанам̣ г̇ахзд̇ваа анд̇ог̇анд̇хагудияам̣ нимуж̇ж̇ид̇ваа б̣ахибаривзн̣з баад̇убхавид̇ваа баривзн̣з аасанам̣ бан̃н̃аабзси. рааж̇агумааро имаани д̣̇вз ажчарияаагаараани д̣̇исваа ‘‘маханд̇о вад̇ааяам̣ бхигкуу’’д̇и жинд̇зси.

    Tena ca samayena bhattakiccaṃ niṭṭhāpetvā bhagavā gandhakuṭiṃ paviṭṭho hoti, so maṇḍalamāḷe sannipatitānaṃ bhikkhūnaṃ santikaṃ agamāsi. Te naṃ āhaṃsu – ‘‘rājaputta, kasmā āgatosī’’ti? Bhagavantaṃ dassanāya, dassetha me bhagavantanti. Na mayaṃ, rājaputta, icchiticchitakkhaṇe satthāraṃ daṭṭhuṃ labhāmāti. Ko pana, bhante, labhatīti? Sumanatthero nāma rājaputtāti. So ‘‘kuhiṃ, bhante, thero’’ti? Therassa nisinnaṭṭhānaṃ pucchitvā gantvā vanditvā ‘‘icchāmahaṃ, bhante, bhagavantaṃ passituṃ, dassetha me bhagavanta’’nti āha. Thero passantasseva rājakumārassa āpokasiṇajjhānaṃ samāpajjitvā mahāpathaviṃ udakaṃ adhiṭṭhāya pathaviyaṃ nimujjitvā satthu gandhakuṭiyaṃyeva pāturahosi. Atha naṃ bhagavā ‘‘sumana kasmā āgatosī’’ti āha. Rājaputto, bhante, bhagavantaṃ dassanāya āgatoti. Tena hi bhikkhu āsanaṃ paññāpehīti. Puna thero passantasseva rājakumārassa buddhāsanaṃ gahetvā antogandhakuṭiyaṃ nimujjitvā bahipariveṇe pātubhavitvā pariveṇe āsanaṃ paññāpesi. Rājakumāro imāni dve acchariyākārāni disvā ‘‘mahanto vatāyaṃ bhikkhū’’ti cintesi.

    бхаг̇авааби г̇анд̇хагудид̇о нигкамид̇ваа бан̃н̃ад̇д̇з аасанз нисийд̣̇и. рааж̇абуд̇д̇о бхаг̇аванд̇ам̣ ванд̣̇ид̇ваа бадисант̇аарам̣ агааси. ‘‘гад̣̇аа ааг̇ад̇оси рааж̇абуд̇д̇аа’’д̇и вуд̇д̇з, ‘‘бханд̇з, д̇умхзсу г̇анд̇хагудим̣ бавидтзсу, бхигкуу бана ‘на маяам̣ ижчид̇ижчид̇агкан̣з бхаг̇аванд̇ам̣ д̣̇адтум̣ лабхаамаа’д̇и мам̣ т̇зрасса санд̇игам̣ баахзсум̣. т̇зро бана згаважанзнзва д̣̇ассзд̇и, т̇зро, бханд̇з, д̇умхаагам̣ саасанз валлабхо ман̃н̃з’’д̇и. аама рааж̇агумаара, валлабхо зса бхигку маяхам̣ саасанзд̇и. бханд̇з, б̣уд̣̇д̇хаанам̣ саасанз гим̣ гад̇ваа валлабхаа хонд̇ийд̇и? д̣̇аанам̣ д̣̇ад̇ваа сийлам̣ самаад̣̇ияид̇ваа убосат̇агаммам̣ гад̇ваа гумаараад̇и. бхаг̇аваа ахам̣ т̇зро вияа б̣уд̣̇д̇хасаасанз валлабхо ход̇угаамо, свз маяхам̣ бхигкам̣ ад̇хиваасзт̇аад̇и. ад̇хиваасзси бхаг̇аваа д̇ун̣хийбхаавзна . рааж̇агумааро ад̇д̇ано васанадтаанам̣ г̇анд̇ваа саб̣б̣арад̇д̇им̣ махаасаггаарам̣ саж̇ж̇зд̇ваа сад̇д̇а д̣̇ивасаани канд̇хааваарабхад̇д̇ам̣ наама ад̣̇ааси.

    Bhagavāpi gandhakuṭito nikkhamitvā paññatte āsane nisīdi. Rājaputto bhagavantaṃ vanditvā paṭisanthāraṃ akāsi. ‘‘Kadā āgatosi rājaputtā’’ti vutte, ‘‘bhante, tumhesu gandhakuṭiṃ paviṭṭhesu, bhikkhū pana ‘na mayaṃ icchiticchitakkhaṇe bhagavantaṃ daṭṭhuṃ labhāmā’ti maṃ therassa santikaṃ pāhesuṃ. Thero pana ekavacaneneva dasseti, thero, bhante, tumhākaṃ sāsane vallabho maññe’’ti. Āma rājakumāra, vallabho esa bhikkhu mayhaṃ sāsaneti. Bhante, buddhānaṃ sāsane kiṃ katvā vallabhā hontīti? Dānaṃ datvā sīlaṃ samādiyitvā uposathakammaṃ katvā kumārāti. Bhagavā ahaṃ thero viya buddhasāsane vallabho hotukāmo, sve mayhaṃ bhikkhaṃ adhivāsethāti. Adhivāsesi bhagavā tuṇhībhāvena . Rājakumāro attano vasanaṭṭhānaṃ gantvā sabbarattiṃ mahāsakkāraṃ sajjetvā satta divasāni khandhāvārabhattaṃ nāma adāsi.

    сад̇д̇амз д̣̇ивасз сад̇т̇аарам̣ ванд̣̇ид̇ваа, бханд̇з, маяаа бид̇у санд̇игаа д̇змаасам̣ анд̇овассам̣ д̇умхаагам̣ бадиж̇аг̇г̇анаваро лад̣̇д̇хо, д̇змаасам̣ мз вассааваасам̣ ад̇хиваасзт̇аад̇и. бхаг̇аваа ‘‘ад̇т̇и ну ко д̇ад̇т̇а г̇ад̇зна ад̇т̇о’’д̇и ологзд̇ваа ‘‘ад̇т̇ий’’д̇и д̣̇исваа ‘‘сун̃н̃ааг̇аарз ко, рааж̇агумаара, д̇ат̇ааг̇ад̇аа абхираманд̇ий’’д̇и ааха. гумааро ‘‘ан̃н̃аад̇ам̣ бхаг̇аваа ан̃н̃аад̇ам̣ суг̇ад̇аа’’д̇и вад̇ваа ‘‘ахам̣, бханд̇з, буримад̇арам̣ г̇анд̇ваа вихаарам̣ гаарзми, маяаа бзсид̇з бхигкусад̇асахассзна сад̣̇д̇хим̣ ааг̇ажчат̇аа’’д̇и бхаг̇аванд̇ам̣ бадин̃н̃ам̣ г̇аахаабзд̇ваа бид̇у санд̇игам̣ г̇анд̇ваа ‘‘д̣̇иннаа мз, д̣̇зва, бхаг̇авад̇аа бадин̃н̃аа, маяаа бахид̇з бхаг̇аванд̇ам̣ бзсзяяат̇аа’’д̇и вад̇ваа бид̇арам̣ ванд̣̇ид̇ваа нигкамид̇ваа яож̇анз яож̇анз вихаарам̣ гаарзнд̇о вийсаяож̇анасад̇ам̣ ад̣̇д̇хаанам̣ г̇ад̇о. г̇анд̇ваа жа ад̇д̇ано наг̇арз вихаарадтаанам̣ вижинанд̇о собхананаамасса гудумб̣игасса уяяаанам̣ д̣̇исваа сад̇асахассзна гин̣ид̇ваа сад̇асахассам̣ виссаж̇ж̇зд̇ваа вихаарам̣ гаарзси. д̇ад̇т̇а бхаг̇авад̇о г̇анд̇хагудим̣ сзсабхигкуунан̃жа рад̇д̇идтаанад̣̇иваадтаанад̇т̇ааяа гудилзн̣аман̣д̣абз гаарзд̇ваа баагаарабаригкзбам̣ д̣̇ваарагодтаган̃жа нидтаабзд̇ваа бид̇у санд̇игам̣ бзсзси – ‘‘нидтид̇ам̣ маяхам̣ гижжам̣, сад̇т̇аарам̣ бахин̣ат̇аа’’д̇и.

    Sattame divase satthāraṃ vanditvā, bhante, mayā pitu santikā temāsaṃ antovassaṃ tumhākaṃ paṭijagganavaro laddho, temāsaṃ me vassāvāsaṃ adhivāsethāti. Bhagavā ‘‘atthi nu kho tattha gatena attho’’ti oloketvā ‘‘atthī’’ti disvā ‘‘suññāgāre kho, rājakumāra, tathāgatā abhiramantī’’ti āha. Kumāro ‘‘aññātaṃ bhagavā aññātaṃ sugatā’’ti vatvā ‘‘ahaṃ, bhante, purimataraṃ gantvā vihāraṃ kāremi, mayā pesite bhikkhusatasahassena saddhiṃ āgacchathā’’ti bhagavantaṃ paṭiññaṃ gāhāpetvā pitu santikaṃ gantvā ‘‘dinnā me, deva, bhagavatā paṭiññā, mayā pahite bhagavantaṃ peseyyathā’’ti vatvā pitaraṃ vanditvā nikkhamitvā yojane yojane vihāraṃ kārento vīsayojanasataṃ addhānaṃ gato. Gantvā ca attano nagare vihāraṭṭhānaṃ vicinanto sobhananāmassa kuṭumbikassa uyyānaṃ disvā satasahassena kiṇitvā satasahassaṃ vissajjetvā vihāraṃ kāresi. Tattha bhagavato gandhakuṭiṃ sesabhikkhūnañca rattiṭṭhānadivāṭṭhānatthāya kuṭileṇamaṇḍape kāretvā pākāraparikkhepaṃ dvārakoṭṭhakañca niṭṭhāpetvā pitu santikaṃ pesesi – ‘‘niṭṭhitaṃ mayhaṃ kiccaṃ, satthāraṃ pahiṇathā’’ti.

    рааж̇аа бхаг̇аванд̇ам̣ бхож̇зд̇ваа ‘‘бхаг̇аваа суманасса гижжам̣ нидтид̇ам̣, д̇умхаагам̣ г̇аманам̣ бажжаасийсад̇ий’’д̇и ааха. бхаг̇аваа бхигкусад̇асахассабаривуд̇о яож̇анз яож̇анз вихаарзсу васамаано аг̇амааси. гумааро ‘‘сад̇т̇аа ааг̇ажчад̇ий’’д̇и суд̇ваа яож̇анам̣ бажжуг̇г̇анд̇ваа г̇анд̇хамаалаад̣̇ийхи бууж̇аяамаано вихаарам̣ бавзсзд̇ваа –

    Rājā bhagavantaṃ bhojetvā ‘‘bhagavā sumanassa kiccaṃ niṭṭhitaṃ, tumhākaṃ gamanaṃ paccāsīsatī’’ti āha. Bhagavā bhikkhusatasahassaparivuto yojane yojane vihāresu vasamāno agamāsi. Kumāro ‘‘satthā āgacchatī’’ti sutvā yojanaṃ paccuggantvā gandhamālādīhi pūjayamāno vihāraṃ pavesetvā –

    ‘‘сад̇асахассзна мз гийд̇ам̣, сад̇асахассзна маабид̇ам̣;

    ‘‘Satasahassena me kītaṃ, satasahassena māpitaṃ;

    собханам̣ наама уяяаанам̣, бадиг̇г̇ан̣ха махаамуний’’д̇и. –

    Sobhanaṃ nāma uyyānaṃ, paṭiggaṇha mahāmunī’’ti. –

    вихаарам̣ нияяаад̣̇зси. со вассуубанааяигаад̣̇ивасз д̣̇аанам̣ д̣̇ад̇ваа ад̇д̇ано буд̇д̇ад̣̇аарз жа амажжз жа баггосаабзд̇ваа ааха – ‘‘сад̇т̇аа амхаагам̣ санд̇игам̣ д̣̇уурад̇ова ааг̇ад̇о, б̣уд̣̇д̇хаа жа наама д̇хаммаг̇аругаа на аамисажагкугаа . д̇асмаа ахам̣ имам̣ д̇змаасам̣ д̣̇вз саадагз ниваасзд̇ваа д̣̇аса сийлаани самаад̣̇ияид̇ваа ид̇хзва васиссаами, д̇умхз кийн̣аасавасад̇асахассасса иминаава нийхаарзна д̇змаасам̣ д̣̇аанам̣ д̣̇ад̣̇зяяаат̇аа’’д̇и.

    Vihāraṃ niyyādesi. So vassūpanāyikādivase dānaṃ datvā attano puttadāre ca amacce ca pakkosāpetvā āha – ‘‘satthā amhākaṃ santikaṃ dūratova āgato, buddhā ca nāma dhammagarukā na āmisacakkhukā . Tasmā ahaṃ imaṃ temāsaṃ dve sāṭake nivāsetvā dasa sīlāni samādiyitvā idheva vasissāmi, tumhe khīṇāsavasatasahassassa imināva nīhārena temāsaṃ dānaṃ dadeyyāthā’’ti.

    со суманад̇т̇зрасса васанадтаанасабхааг̇зязва таанз васанд̇о яам̣ т̇зро бхаг̇авад̇о вад̇д̇ам̣ гарод̇и, д̇ам̣ саб̣б̣ам̣ д̣̇исваа ‘‘имасмим̣ таанз зганд̇аваллабхо зса т̇зро, зд̇ассзва мз таананд̇арам̣ бад̇т̇зд̇ум̣ ваддад̇ий’’д̇и жинд̇зд̇ваа убагадтааяа бавааран̣ааяа г̇аамам̣ бависид̇ваа сад̇д̇аахам̣ махаад̣̇аанам̣ д̣̇ад̇ваа сад̇д̇амз д̣̇ивасз бхигкусад̇асахассасса баад̣̇амуулз д̇ижийварам̣ табзд̇ваа бхаг̇аванд̇ам̣ ванд̣̇ид̇ваа, ‘‘бханд̇з, яад̣̇зд̇ам̣ маяаа сад̇д̇аахам̣ канд̇хааваарад̣̇аанад̇о бадтааяа бун̃н̃ам̣ гад̇ам̣, д̇ам̣ нзва саггасамбад̇д̇им̣, на маараб̣рахмасамбад̇д̇им̣ бад̇т̇аяанд̇зна, б̣уд̣̇д̇хасса бана убадтаагабхаавам̣ бад̇т̇знд̇зна гад̇ам̣. д̇асмаа ахамби бхаг̇аваа анааг̇ад̇з суманад̇т̇зро вияа згасса б̣уд̣̇д̇хасса убадтааго хомий’’д̇и бан̃жабад̇идтид̇зна бад̇идтахид̇ваа ванд̣̇и. сад̇т̇аа д̇асса ананд̇арааяам̣ д̣̇исваа б̣яаагарид̇ваа баггаами. гумааро д̇ам̣ суд̇ваа ‘‘б̣уд̣̇д̇хаа жа наама ад̣̇взж̇жхагат̇аа хонд̇ий’’д̇и д̣̇уд̇ияад̣̇ивасз г̇од̇амаб̣уд̣̇д̇хасса бад̇д̇ажийварам̣ г̇ахзд̇ваа бидтид̇о бидтид̇о г̇ажчанд̇о вияа ахоси.

    So sumanattherassa vasanaṭṭhānasabhāgeyeva ṭhāne vasanto yaṃ thero bhagavato vattaṃ karoti, taṃ sabbaṃ disvā ‘‘imasmiṃ ṭhāne ekantavallabho esa thero, etasseva me ṭhānantaraṃ patthetuṃ vaṭṭatī’’ti cintetvā upakaṭṭhāya pavāraṇāya gāmaṃ pavisitvā sattāhaṃ mahādānaṃ datvā sattame divase bhikkhusatasahassassa pādamūle ticīvaraṃ ṭhapetvā bhagavantaṃ vanditvā, ‘‘bhante, yadetaṃ mayā sattāhaṃ khandhāvāradānato paṭṭhāya puññaṃ kataṃ, taṃ neva sakkasampattiṃ, na mārabrahmasampattiṃ patthayantena, buddhassa pana upaṭṭhākabhāvaṃ patthentena kataṃ. Tasmā ahampi bhagavā anāgate sumanatthero viya ekassa buddhassa upaṭṭhāko homī’’ti pañcapatiṭṭhitena patiṭṭhahitvā vandi. Satthā tassa anantarāyaṃ disvā byākaritvā pakkāmi. Kumāro taṃ sutvā ‘‘buddhā ca nāma advejjhakathā hontī’’ti dutiyadivase gotamabuddhassa pattacīvaraṃ gahetvā piṭṭhito piṭṭhito gacchanto viya ahosi.

    со д̇асмим̣ б̣уд̣̇д̇хуббаад̣̇з вассасад̇асахассам̣ д̣̇аанам̣ д̣̇ад̇ваа саг̇г̇з ниб̣б̣ад̇д̇ид̇ваа гассабаб̣уд̣̇д̇хагаалз бин̣д̣ааяа жарад̇о т̇зрасса бад̇д̇аг̇г̇ахан̣ад̇т̇ам̣ уд̇д̇арисаадагам̣ д̣̇ад̇ваа бууж̇ам̣ агааси. буна саг̇г̇з ниб̣б̣ад̇д̇ид̇ваа д̇ад̇о жуд̇о б̣аараан̣асирааж̇аа худ̇ваа убарибаасаад̣̇авараг̇ад̇о г̇анд̇хамаад̣̇анад̇о аагаасзна ааг̇ажчанд̇з адта бажжзгаб̣уд̣̇д̇хз д̣̇исваа ниманд̇аабзд̇ваа бхож̇зд̇ваа ад̇д̇ано ман̇г̇алауяяаанз д̇зсам̣ адта бан̣н̣асаалааяо гаарзд̇ваа д̇зсам̣ нисийд̣̇анад̇т̇ааяа ад̇д̇ано нивзсанз адта саб̣б̣арад̇анамаяаани бийтаани жзва ман̣иаад̇хаарагз жа бадияаад̣̇зд̇ваа д̣̇аса вассасахассаани убадтаанам̣ агааси. зд̇аани баагададтаанаани.

    So tasmiṃ buddhuppāde vassasatasahassaṃ dānaṃ datvā sagge nibbattitvā kassapabuddhakāle piṇḍāya carato therassa pattaggahaṇatthaṃ uttarisāṭakaṃ datvā pūjaṃ akāsi. Puna sagge nibbattitvā tato cuto bārāṇasirājā hutvā uparipāsādavaragato gandhamādanato ākāsena āgacchante aṭṭha paccekabuddhe disvā nimantāpetvā bhojetvā attano maṅgalauyyāne tesaṃ aṭṭha paṇṇasālāyo kāretvā tesaṃ nisīdanatthāya attano nivesane aṭṭha sabbaratanamayāni pīṭhāni ceva maṇiādhārake ca paṭiyādetvā dasa vassasahassāni upaṭṭhānaṃ akāsi. Etāni pākaṭaṭṭhānāni.

    габбасад̇асахассам̣ бана д̣̇аанам̣ д̣̇ад̣̇амаанова амхаагам̣ б̣од̇хисад̇д̇зна сад̣̇д̇хим̣ д̇усид̇абурз ниб̣б̣ад̇д̇ид̇ваа д̇ад̇о жуд̇о амид̇од̣̇анасаггасса г̇зхз ниб̣б̣ад̇д̇и. ат̇асса саб̣б̣зва н̃аад̇агз аананд̣̇ид̇з бамуд̣̇ид̇з гаронд̇о ж̇аад̇од̇и аананд̣̇од̇взва наамам̣ агам̣су. со анубуб̣б̣зна гад̇аабхинигкаманз саммаасамб̣од̇хим̣ бад̇ваа батамаг̇аманзна габилавад̇т̇ум̣ ааг̇анд̇ваа д̇ад̇о нигканд̇з бхаг̇авад̇и бхаг̇авад̇о бариваарад̇т̇ам̣ рааж̇агумаарзсу баб̣б̣аж̇анд̇зсу бхад̣̇д̣̇ияаад̣̇ийхи сад̣̇д̇хим̣ нигкамид̇ваа бхаг̇авад̇о санд̇игз баб̣б̣аж̇ид̇ваа нажирассзва ааяасмад̇о бун̣н̣асса манд̇аан̣ибуд̇д̇асса санд̇игз д̇хаммагат̇ам̣ суд̇ваа сод̇аабад̇д̇ипалз бад̇идтахи.

    Kappasatasahassaṃ pana dānaṃ dadamānova amhākaṃ bodhisattena saddhiṃ tusitapure nibbattitvā tato cuto amitodanasakkassa gehe nibbatti. Athassa sabbeva ñātake ānandite pamudite karonto jātoti ānandotveva nāmaṃ akaṃsu. So anupubbena katābhinikkhamane sammāsambodhiṃ patvā paṭhamagamanena kapilavatthuṃ āgantvā tato nikkhante bhagavati bhagavato parivāratthaṃ rājakumāresu pabbajantesu bhaddiyādīhi saddhiṃ nikkhamitvā bhagavato santike pabbajitvā nacirasseva āyasmato puṇṇassa mantāṇiputtassa santike dhammakathaṃ sutvā sotāpattiphale patiṭṭhahi.

    д̇зна ко бана самаязна бхаг̇авад̇о батамаб̣од̇хияам̣ вийсад̇и вассаани аниб̣ад̣̇д̇хаа убадтаагаа ахзсум̣. згад̣̇аа нааг̇асамаало бад̇д̇ажийварам̣ г̇ахзд̇ваа вижари згад̣̇аа нааг̇ид̇о, згад̣̇аа убаваано, згад̣̇аа сунагкад̇д̇о, згад̣̇аа жунд̣̇о саман̣уд̣̇д̣̇зсо , згад̣̇аа сааг̇ад̇о, згад̣̇аа раад̇хо, згад̣̇аа мзгхияо. д̇ад̇т̇а згад̣̇аа бхаг̇аваа нааг̇асамаалад̇т̇зрзна сад̣̇д̇хим̣ ад̣̇д̇хаанамаг̇г̇аббадибанно д̣̇взд̇хаабат̇ам̣ бад̇д̇о. т̇зро маг̇г̇аа оггамма ‘‘бхаг̇аваа ахам̣ иминаа маг̇г̇зна г̇ажчаамий’’д̇и ааха. ат̇а нам̣ бхаг̇аваа ‘‘зхи бхигку, иминаа маг̇г̇зна г̇ажчаамаа’’д̇и ааха. со ‘‘ханд̣̇а бхаг̇аваа д̇умхаагам̣ бад̇д̇ажийварам̣ г̇ан̣хат̇а, ахам̣ иминаа маг̇г̇зна г̇ажчаамий’’д̇и вад̇ваа бад̇д̇ажийварам̣ бхуумияам̣ табзд̇ум̣ аарад̣̇д̇хо. ат̇а нам̣ бхаг̇аваа ‘‘аахара бхигкуу’’д̇и вад̇ваа бад̇д̇ажийварам̣ г̇ахзд̇ваа г̇ад̇о. д̇ассаби бхигкуно ид̇арзна маг̇г̇зна г̇ажчад̇о жораа бад̇д̇ажийваран̃жзва харим̣су, сийсан̃жа бхинд̣̇им̣су. со ‘‘бхаг̇аваа ид̣̇аани мз бадисаран̣ам̣, на ан̃н̃о’’д̇и жинд̇зд̇ваа лохид̇зна г̇аланд̇зна бхаг̇авад̇о санд̇игам̣ ааг̇ами. ‘‘гимид̣̇ам̣ бхигкуу’’д̇и жа вуд̇д̇з д̇ам̣ бавад̇д̇им̣ аарожзси. ат̇а нам̣ бхаг̇аваа ‘‘маа жинд̇зяи бхигку, зд̇асса гааран̣ааязва д̇ам̣ ниваараяимхаа’’д̇и вад̇ваа самассаасзси.

    Tena kho pana samayena bhagavato paṭhamabodhiyaṃ vīsati vassāni anibaddhā upaṭṭhākā ahesuṃ. Ekadā nāgasamālo pattacīvaraṃ gahetvā vicari ekadā nāgito, ekadā upavāno, ekadā sunakkhatto, ekadā cundo samaṇuddeso , ekadā sāgato, ekadā rādho, ekadā meghiyo. Tattha ekadā bhagavā nāgasamālattherena saddhiṃ addhānamaggappaṭipanno dvedhāpathaṃ patto. Thero maggā okkamma ‘‘bhagavā ahaṃ iminā maggena gacchāmī’’ti āha. Atha naṃ bhagavā ‘‘ehi bhikkhu, iminā maggena gacchāmā’’ti āha. So ‘‘handa bhagavā tumhākaṃ pattacīvaraṃ gaṇhatha, ahaṃ iminā maggena gacchāmī’’ti vatvā pattacīvaraṃ bhūmiyaṃ ṭhapetuṃ āraddho. Atha naṃ bhagavā ‘‘āhara bhikkhū’’ti vatvā pattacīvaraṃ gahetvā gato. Tassapi bhikkhuno itarena maggena gacchato corā pattacīvarañceva hariṃsu, sīsañca bhindiṃsu. So ‘‘bhagavā idāni me paṭisaraṇaṃ, na añño’’ti cintetvā lohitena galantena bhagavato santikaṃ āgami. ‘‘Kimidaṃ bhikkhū’’ti ca vutte taṃ pavattiṃ ārocesi. Atha naṃ bhagavā ‘‘mā cinteyi bhikkhu, etassa kāraṇāyeva taṃ nivārayimhā’’ti vatvā samassāsesi.

    згад̣̇аа бана бхаг̇аваа мзгхияад̇т̇зрзна сад̣̇д̇хим̣ баажийнавам̣сз миг̇ад̣̇ааяз ж̇анд̇уг̇аамам̣ аг̇амааси. д̇ад̇рааби мзгхияо ж̇анд̇уг̇аамз бин̣д̣ааяа жарид̇ваа над̣̇ийд̇ийрз баасаад̣̇игам̣ амб̣аванам̣ д̣̇исваа ‘‘бхаг̇аваа д̇умхаагам̣ бад̇д̇ажийварам̣ г̇ан̣хат̇а, ахам̣ д̇асмим̣ амб̣аванз саман̣ад̇хаммам̣ гаромий’’д̇и вад̇ваа бхаг̇авад̇аа д̇игкад̇д̇ум̣ ниваарияамааноби г̇анд̇ваа агусалавид̇аггзхи анваасад̇д̇о бажжааг̇анд̇ваа д̇ам̣ бавад̇д̇им̣ аарожзси. д̇амби бхаг̇аваа ‘‘имамзва д̇з гааран̣ам̣ саллагкзд̇ваа ниваараяимхаа’’д̇и вад̇ваа анубуб̣б̣зна саавад̇т̇им̣ аг̇амааси. д̇ад̇т̇а г̇анд̇хагудибаривзн̣з бан̃н̃ад̇д̇авараб̣уд̣̇д̇хаасанз нисинно бхигкусан̇гхабаривуд̇о бхигкуу ааманд̇зси – ‘‘бхигкавз, ид̣̇аанимхи махаллаго, ‘згажжз бхигкуу иминаа маг̇г̇зна г̇ажчаамаа’д̇и вуд̇д̇з ан̃н̃зна г̇ажчанд̇и, згажжз маяхам̣ бад̇д̇ажийварам̣ бхуумияам̣ нигкибанд̇и, маяхам̣ ниб̣ад̣̇д̇хубадтаагам̣ згам̣ бхигкум̣ ж̇аанаат̇аа’’д̇и . бхигкуунам̣ д̇хаммасам̣взг̇о уд̣̇абаад̣̇и. ат̇ааяасмаа саарибуд̇д̇о удтааяаасанаа бхаг̇аванд̇ам̣ ванд̣̇ид̇ваа ‘‘ахам̣, бханд̇з, д̇умхзязва бад̇т̇аяамаано сад̇асахассагаббаад̇хигам̣ асан̇кязяяам̣ баарамияо буураяим̣, нану маад̣̇исо махаабан̃н̃о убадтааго наама ваддад̇и, ахам̣ убадтахиссаамий’’д̇и ааха. д̇ам̣ бхаг̇аваа ‘‘алам̣, саарибуд̇д̇а, яассам̣ д̣̇исааяам̣ д̇вам̣ вихараси, асун̃н̃аа вз саа д̣̇исаа, д̇ава хи оваад̣̇о б̣уд̣̇д̇хаанам̣ оваад̣̇асад̣̇исо, д̇зна мз д̇аяаа убадтаагагижжам̣ ад̇т̇ий’’д̇и бадигкиби. зд̇знзва убааязна махаамог̇г̇аллаанам̣ аад̣̇им̣ гад̇ваа асийд̇и махаасаавагаа удтахим̣су. д̇з саб̣б̣з бхаг̇аваа бадигкиби.

    Ekadā pana bhagavā meghiyattherena saddhiṃ pācīnavaṃse migadāye jantugāmaṃ agamāsi. Tatrāpi meghiyo jantugāme piṇḍāya caritvā nadītīre pāsādikaṃ ambavanaṃ disvā ‘‘bhagavā tumhākaṃ pattacīvaraṃ gaṇhatha, ahaṃ tasmiṃ ambavane samaṇadhammaṃ karomī’’ti vatvā bhagavatā tikkhattuṃ nivāriyamānopi gantvā akusalavitakkehi anvāsatto paccāgantvā taṃ pavattiṃ ārocesi. Tampi bhagavā ‘‘imameva te kāraṇaṃ sallakkhetvā nivārayimhā’’ti vatvā anupubbena sāvatthiṃ agamāsi. Tattha gandhakuṭipariveṇe paññattavarabuddhāsane nisinno bhikkhusaṅghaparivuto bhikkhū āmantesi – ‘‘bhikkhave, idānimhi mahallako, ‘ekacce bhikkhū iminā maggena gacchāmā’ti vutte aññena gacchanti, ekacce mayhaṃ pattacīvaraṃ bhūmiyaṃ nikkhipanti, mayhaṃ nibaddhupaṭṭhākaṃ ekaṃ bhikkhuṃ jānāthā’’ti . Bhikkhūnaṃ dhammasaṃvego udapādi. Athāyasmā sāriputto uṭṭhāyāsanā bhagavantaṃ vanditvā ‘‘ahaṃ, bhante, tumheyeva patthayamāno satasahassakappādhikaṃ asaṅkhyeyyaṃ pāramiyo pūrayiṃ, nanu mādiso mahāpañño upaṭṭhāko nāma vaṭṭati, ahaṃ upaṭṭhahissāmī’’ti āha. Taṃ bhagavā ‘‘alaṃ, sāriputta, yassaṃ disāyaṃ tvaṃ viharasi, asuññā ve sā disā, tava hi ovādo buddhānaṃ ovādasadiso, tena me tayā upaṭṭhākakiccaṃ atthī’’ti paṭikkhipi. Eteneva upāyena mahāmoggallānaṃ ādiṃ katvā asīti mahāsāvakā uṭṭhahiṃsu. Te sabbe bhagavā paṭikkhipi.

    аананд̣̇ад̇т̇зро бана д̇ун̣хийязва нисийд̣̇и. ат̇а нам̣ бхигкуу аахам̣су – ‘‘аавусо аананд̣̇а, бхигкусан̇гхо убадтаагадтаанам̣ яаажад̇и, д̇вамби яаажаахий’’д̇и. яаажид̇ваа лад̣̇д̇хадтаанам̣ наама, аавусо, гийд̣̇исам̣ ход̇и, гим̣ мам̣ сад̇т̇аа на бассад̇и? сажз сад̇т̇аа рожиссад̇и, ‘‘аананд̣̇о мам̣ убадтахад̇уу’’д̇и вагкад̇ийд̇и. ат̇а бхаг̇аваа ‘‘на, бхигкавз, аананд̣̇о ан̃н̃зхи уссаахзд̇аб̣б̣о, саяамзва ж̇аанид̇ваа мам̣ убадтахиссад̇ий’’д̇и ааха. д̇ад̇о бхигкуу ‘‘удтзхи, аавусо аананд̣̇а, удтзхи, аавусо аананд̣̇а, д̣̇асаб̣алам̣ убадтаагадтаанам̣ яаажаахий’’д̇и аахам̣су. т̇зро удтахид̇ваа жад̇д̇ааро бадигкзбаа жад̇ассо жа ааяаажанаад̇и адта варз яаажи.

    Ānandatthero pana tuṇhīyeva nisīdi. Atha naṃ bhikkhū āhaṃsu – ‘‘āvuso ānanda, bhikkhusaṅgho upaṭṭhākaṭṭhānaṃ yācati, tvampi yācāhī’’ti. Yācitvā laddhaṭṭhānaṃ nāma, āvuso, kīdisaṃ hoti, kiṃ maṃ satthā na passati? Sace satthā rocissati, ‘‘ānando maṃ upaṭṭhahatū’’ti vakkhatīti. Atha bhagavā ‘‘na, bhikkhave, ānando aññehi ussāhetabbo, sayameva jānitvā maṃ upaṭṭhahissatī’’ti āha. Tato bhikkhū ‘‘uṭṭhehi, āvuso ānanda, uṭṭhehi, āvuso ānanda, dasabalaṃ upaṭṭhākaṭṭhānaṃ yācāhī’’ti āhaṃsu. Thero uṭṭhahitvā cattāro paṭikkhepā catasso ca āyācanāti aṭṭha vare yāci.

    жад̇д̇ааро бадигкзбаа наама – ‘‘сажз мз, бханд̇з, бхаг̇аваа ад̇д̇анаа лад̣̇д̇хам̣ бан̣ийд̇ам̣ жийварам̣ на д̣̇ассад̇и, бин̣д̣абаад̇ам̣ на д̣̇ассад̇и, згаг̇анд̇хагудияам̣ васид̇ум̣ на д̣̇ассад̇и, ниманд̇анам̣ г̇ахзд̇ваа на г̇амиссад̇и, зваахам̣ бхаг̇аванд̇ам̣ убадтахиссаамий’’д̇и вад̇ваа ‘‘гам̣ банзд̇т̇а, аананд̣̇а, аад̣̇ийнавам̣ ад̣̇д̣̇асаа’’д̇и вуд̇д̇з ааха – ‘‘сажаахам̣, бханд̇з, имаани вад̇т̇ууни лабхиссаами, бхависсанд̇и вад̇д̇ааро ‘аананд̣̇о д̣̇асаб̣алзна лад̣̇д̇хам̣ бан̣ийд̇ам̣ жийварам̣ барибхун̃ж̇ад̇и, бин̣д̣абаад̇ам̣ барибхун̃ж̇ад̇и, згаг̇анд̇хагудияам̣ васад̇и , згад̇о ниманд̇анам̣ г̇ажчад̇и. зд̇ам̣ лаабхам̣ лабханд̇о д̇ат̇ааг̇ад̇ам̣ убадтаад̇и, го звам̣ убадтахад̇о бхааро’’’д̇и? имз жад̇д̇ааро бадигкзбз яаажи.

    Cattāro paṭikkhepā nāma – ‘‘sace me, bhante, bhagavā attanā laddhaṃ paṇītaṃ cīvaraṃ na dassati, piṇḍapātaṃ na dassati, ekagandhakuṭiyaṃ vasituṃ na dassati, nimantanaṃ gahetvā na gamissati, evāhaṃ bhagavantaṃ upaṭṭhahissāmī’’ti vatvā ‘‘kaṃ panettha, ānanda, ādīnavaṃ addasā’’ti vutte āha – ‘‘sacāhaṃ, bhante, imāni vatthūni labhissāmi, bhavissanti vattāro ‘ānando dasabalena laddhaṃ paṇītaṃ cīvaraṃ paribhuñjati, piṇḍapātaṃ paribhuñjati, ekagandhakuṭiyaṃ vasati , ekato nimantanaṃ gacchati. Etaṃ lābhaṃ labhanto tathāgataṃ upaṭṭhāti, ko evaṃ upaṭṭhahato bhāro’’’ti? Ime cattāro paṭikkhepe yāci.

    жад̇ассо ааяаажанаа наама – ‘‘сажз, бханд̇з, бхаг̇аваа маяаа г̇ахид̇аниманд̇анам̣ г̇амиссад̇и, сажаахам̣ д̇ирорадтаа д̇ирож̇анабад̣̇аа бхаг̇аванд̇ам̣ д̣̇адтум̣ ааг̇ад̇ам̣ барисам̣ ааг̇ад̇агкан̣зязва бхаг̇аванд̇ам̣ д̣̇ассзд̇ум̣ лажчаами, яад̣̇аа мз ган̇каа уббаж̇ж̇ад̇и, д̇асмим̣язва кан̣з бхаг̇аванд̇ам̣ убасан̇гамид̇ум̣ лажчаами, д̇ат̇аа яам̣ бхаг̇аваа маяхам̣ бараммукз д̇хаммам̣ д̣̇зсзд̇и, д̇ам̣ ааг̇анд̇ваа маяхам̣ гат̇зссад̇и, зваахам̣ бхаг̇аванд̇ам̣ убадтахиссаамий’’д̇и вад̇ваа ‘‘гам̣ банзд̇т̇а, аананд̣̇а, аанисам̣сам̣ бассасий’’д̇и вуд̇д̇з ааха – ‘‘ид̇ха, бханд̇з, сад̣̇д̇хаа гулабуд̇д̇аа бхаг̇авад̇о огаасам̣ алабханд̇аа мам̣ звам̣ вад̣̇анд̇и ‘свз, бханд̇з аананд̣̇а, бхаг̇авад̇аа сад̣̇д̇хим̣ амхаагам̣ гхарз бхигкам̣ г̇ан̣хзяяаат̇аа’д̇и. сажз бхаг̇аваа д̇ад̇т̇а на г̇амиссад̇и, ижчид̇ижчид̇агкан̣зязва барисам̣ д̣̇ассзд̇ум̣, ган̇кан̃жа винод̣̇зд̇ум̣ огаасам̣ на лажчаами, бхависсанд̇и вад̇д̇ааро ‘гим̣ аананд̣̇о д̣̇асаб̣алам̣ убадтаад̇и . зд̇д̇агамбисса бхаг̇аваа ануг̇г̇ахам̣ на гарод̇ий’д̇и. бхаг̇авад̇о жа бараммукаа мам̣ бужчиссанд̇и ‘аяам̣, аавусо аананд̣̇а, г̇аат̇аа, ид̣̇ам̣ суд̇д̇ам̣, ид̣̇ам̣ ж̇аад̇агам̣ гад̇т̇а д̣̇зсид̇а’нд̇и. сажаахам̣ д̇ам̣ на самбаад̣̇аяиссаами, бхависсанд̇и вад̇д̇ааро – ‘зд̇д̇агамби, аавусо, на ж̇аанааси, гасмаа д̇вам̣ чааяаа вияа бхаг̇аванд̇ам̣ авиж̇аханд̇о д̣̇ийгхарад̇д̇ам̣ вижарасий’д̇и. д̇знаахам̣ бараммукаа д̣̇зсид̇ассаби д̇хаммасса буна гат̇анам̣ ижчаамий’’д̇и. имаа жад̇ассо ааяаажанаа яаажи. бхаг̇аваабисса ад̣̇ааси.

    Catasso āyācanā nāma – ‘‘sace, bhante, bhagavā mayā gahitanimantanaṃ gamissati, sacāhaṃ tiroraṭṭhā tirojanapadā bhagavantaṃ daṭṭhuṃ āgataṃ parisaṃ āgatakkhaṇeyeva bhagavantaṃ dassetuṃ lacchāmi, yadā me kaṅkhā uppajjati, tasmiṃyeva khaṇe bhagavantaṃ upasaṅkamituṃ lacchāmi, tathā yaṃ bhagavā mayhaṃ parammukhe dhammaṃ deseti, taṃ āgantvā mayhaṃ kathessati, evāhaṃ bhagavantaṃ upaṭṭhahissāmī’’ti vatvā ‘‘kaṃ panettha, ānanda, ānisaṃsaṃ passasī’’ti vutte āha – ‘‘idha, bhante, saddhā kulaputtā bhagavato okāsaṃ alabhantā maṃ evaṃ vadanti ‘sve, bhante ānanda, bhagavatā saddhiṃ amhākaṃ ghare bhikkhaṃ gaṇheyyāthā’ti. Sace bhagavā tattha na gamissati, icchiticchitakkhaṇeyeva parisaṃ dassetuṃ, kaṅkhañca vinodetuṃ okāsaṃ na lacchāmi, bhavissanti vattāro ‘kiṃ ānando dasabalaṃ upaṭṭhāti . Ettakampissa bhagavā anuggahaṃ na karotī’ti. Bhagavato ca parammukhā maṃ pucchissanti ‘ayaṃ, āvuso ānanda, gāthā, idaṃ suttaṃ, idaṃ jātakaṃ kattha desita’nti. Sacāhaṃ taṃ na sampādayissāmi, bhavissanti vattāro – ‘ettakampi, āvuso, na jānāsi, kasmā tvaṃ chāyā viya bhagavantaṃ avijahanto dīgharattaṃ vicarasī’ti. Tenāhaṃ parammukhā desitassapi dhammassa puna kathanaṃ icchāmī’’ti. Imā catasso āyācanā yāci. Bhagavāpissa adāsi.

    звам̣ имз адта варз г̇ахзд̇ваа ниб̣ад̣̇д̇хубадтааго ахоси. д̇ассзва таананд̇арасса ад̇т̇ааяа габбасад̇асахассам̣ буурид̇аанам̣ баарамийнам̣ палам̣ баабун̣и. со убадтаагадтаанам̣ лад̣̇д̇хад̣̇ивасад̇о бадтааяа д̣̇асаб̣аласса д̣̇увид̇хзна уд̣̇агзна д̇ивид̇хзна д̣̇анд̇агадтзна хад̇т̇абаад̣̇абаригаммзна бидтибаригаммзна г̇анд̇хагудибаривзн̣ам̣ саммаж̇ж̇анзнаад̇и звамаад̣̇ийхи гижжзхи убадтаханд̇о ‘‘имааяа наама взлааяа сад̇т̇у имам̣ наама лад̣̇д̇хум̣ ваддад̇и, ид̣̇ам̣ наама гаад̇ум̣ ваддад̇ий’’д̇и д̣̇ивасабхааг̇ам̣ санд̇игааважаро худ̇ваа рад̇д̇ибхааг̇асамананд̇арз д̣̇ан̣д̣ад̣̇ийбигам̣ г̇ахзд̇ваа згарад̇д̇им̣ г̇анд̇хагудибаривзн̣ам̣ нава ваарз анубарияааяад̇и. зван̃хисса ахоси – ‘‘сажз мз т̇инамид̣̇д̇хам̣ оггамзяяа, д̣̇асаб̣алз баггосанд̇з бадиважанам̣ д̣̇аад̇ум̣ на саггун̣зяяа’’нд̇и. д̇асмаа саб̣б̣арад̇д̇им̣ д̣̇ан̣д̣ад̣̇ийбигам̣ хад̇т̇зна на мун̃жад̇и. ид̣̇амзд̇д̇агам̣ вад̇т̇у. абарабхааг̇з бана сад̇т̇аа ж̇зд̇аванз вихаранд̇о анзгабарияааязна д̇хаммабхан̣д̣ааг̇ааригааананд̣̇ад̇т̇зрасса ван̣н̣ам̣ гат̇зд̇ваа т̇зрам̣ имасмим̣ саасанз б̣ахуссуд̇аанам̣ сад̇иманд̇аанам̣ г̇ад̇иманд̇аанам̣ д̇хид̇иманд̇аанам̣ убадтаагаанан̃жа бхигкуунам̣ аг̇г̇адтаанз табзсийд̇и.

    Evaṃ ime aṭṭha vare gahetvā nibaddhupaṭṭhāko ahosi. Tasseva ṭhānantarassa atthāya kappasatasahassaṃ pūritānaṃ pāramīnaṃ phalaṃ pāpuṇi. So upaṭṭhākaṭṭhānaṃ laddhadivasato paṭṭhāya dasabalassa duvidhena udakena tividhena dantakaṭṭhena hatthapādaparikammena piṭṭhiparikammena gandhakuṭipariveṇaṃ sammajjanenāti evamādīhi kiccehi upaṭṭhahanto ‘‘imāya nāma velāya satthu imaṃ nāma laddhuṃ vaṭṭati, idaṃ nāma kātuṃ vaṭṭatī’’ti divasabhāgaṃ santikāvacaro hutvā rattibhāgasamanantare daṇḍadīpikaṃ gahetvā ekarattiṃ gandhakuṭipariveṇaṃ nava vāre anupariyāyati. Evañhissa ahosi – ‘‘sace me thinamiddhaṃ okkameyya, dasabale pakkosante paṭivacanaṃ dātuṃ na sakkuṇeyya’’nti. Tasmā sabbarattiṃ daṇḍadīpikaṃ hatthena na muñcati. Idamettakaṃ vatthu. Aparabhāge pana satthā jetavane viharanto anekapariyāyena dhammabhaṇḍāgārikaānandattherassa vaṇṇaṃ kathetvā theraṃ imasmiṃ sāsane bahussutānaṃ satimantānaṃ gatimantānaṃ dhitimantānaṃ upaṭṭhākānañca bhikkhūnaṃ aggaṭṭhāne ṭhapesīti.

    урувзлагассабад̇т̇зравад̇т̇у

    Uruvelakassapattheravatthu

    224. д̣̇уд̇ияз махаабарисаананд̇и махаабариваараанам̣ урувзлагассабо аг̇г̇од̇и д̣̇ассзд̇и. ан̃н̃зсан̃хи т̇зраанам̣ ган̃жи гаалам̣ баривааро махаа ход̇и ган̃жи гаалам̣ аббо, имасса бана т̇зрасса д̣̇вийхи бхаад̇игзхи сад̣̇д̇хим̣ згам̣ саман̣асахассам̣ ниб̣ад̣̇д̇хабариваарова ахоси. д̇зсу згзгасмим̣ згзгам̣ баб̣б̣ааж̇знд̇з д̣̇вз саман̣асахассаани хонд̇и, д̣̇вз д̣̇вз баб̣б̣ааж̇знд̇з д̇ийн̣и сахассаани хонд̇и. д̇асмаа со махаабариваараанам̣ аг̇г̇о наама ж̇аад̇о. гассабод̇и банасса г̇од̇д̇ам̣. урувзлааяам̣ баб̣б̣аж̇ид̇ад̇д̇аа урувзлагассабод̇и бан̃н̃ааяид̇т̇а.

    224. Dutiye mahāparisānanti mahāparivārānaṃ uruvelakassapo aggoti dasseti. Aññesañhi therānaṃ kañci kālaṃ parivāro mahā hoti kañci kālaṃ appo, imassa pana therassa dvīhi bhātikehi saddhiṃ ekaṃ samaṇasahassaṃ nibaddhaparivārova ahosi. Tesu ekekasmiṃ ekekaṃ pabbājente dve samaṇasahassāni honti, dve dve pabbājente tīṇi sahassāni honti. Tasmā so mahāparivārānaṃ aggo nāma jāto. Kassapoti panassa gottaṃ. Uruvelāyaṃ pabbajitattā uruvelakassapoti paññāyittha.

    д̇асса бан̃хагаммз аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз бадисанд̇хим̣ г̇ахзд̇ваа ваяаббад̇д̇о сад̇т̇у д̇хаммагат̇ам̣ сун̣анд̇о сад̇т̇аарам̣ згам̣ бхигкум̣ махаабарисаанам̣ аг̇г̇адтаанз табзнд̇ам̣ д̣̇исваа ‘‘маяааби анааг̇ад̇з зваруубзна бхавид̇ум̣ ваддад̇ий’’д̇и сад̇д̇аахам̣ б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа д̇ижийварзна ажчаад̣̇зд̇ваа сад̇т̇аарам̣ ванд̣̇ид̇ваа махаабарисаанам̣ аг̇г̇абхаавад̇т̇ам̣ бад̇т̇анам̣ агааси. сад̇т̇аа ананд̇арааяам̣ д̣̇исваа анааг̇ад̇з г̇од̇амаб̣уд̣̇д̇хасса саасанз махаабарисаанам̣ аг̇г̇о бхависсад̇ий’’д̇и б̣яаагарид̇ваа баггаами.

    Tassa pañhakamme ayamanupubbikathā – ayampi hi padumuttarabuddhakāle haṃsavatīnagare kulagehe paṭisandhiṃ gahetvā vayappatto satthu dhammakathaṃ suṇanto satthāraṃ ekaṃ bhikkhuṃ mahāparisānaṃ aggaṭṭhāne ṭhapentaṃ disvā ‘‘mayāpi anāgate evarūpena bhavituṃ vaṭṭatī’’ti sattāhaṃ buddhappamukhassa bhikkhusaṅghassa mahādānaṃ datvā ticīvarena acchādetvā satthāraṃ vanditvā mahāparisānaṃ aggabhāvatthaṃ patthanaṃ akāsi. Satthā anantarāyaṃ disvā anāgate gotamabuddhassa sāsane mahāparisānaṃ aggo bhavissatī’’ti byākaritvā pakkāmi.

    соби гулабуд̇д̇о яааваж̇ийвам̣ галяаан̣агаммам̣ гад̇ваа д̣̇звамануссзсу сам̣саранд̇о ид̇о д̣̇взнавуд̇игаббамад̇т̇агз пуссаб̣уд̣̇д̇хасса взмаад̇игаганидтабхаад̇аа худ̇ваа ниб̣б̣ад̇д̇о, бид̇аа махинд̣̇арааж̇аа наама. абарз банасса д̣̇вз ганидтабхаад̇аро ахзсум̣. звам̣ д̇з д̇аяо бхаад̇аро висум̣ висум̣ таананд̇арам̣ лабхим̣су. д̇з хздтаа вуд̇д̇анаязнзва губид̇ам̣ бажжанд̇ам̣ вуубасамзд̇ваа бид̇у санд̇игаа варам̣ лабхид̇ваа ‘‘д̇змаасам̣ д̣̇асаб̣алам̣ бадиж̇аг̇г̇иссаамаа’’д̇и варам̣ г̇ан̣хим̣су. ат̇а нзсам̣ зд̇ад̣̇ахоси – ‘‘амхзхи д̣̇асаб̣алам̣ бадиж̇аг̇г̇анд̇зхи анужчавигам̣ гаад̇ум̣ ваддад̇ий’’д̇и згам̣ амажжам̣ уббаад̣̇агадтаанз табзд̇ваа згам̣ ааяаваяаж̇аананагам̣ гад̇ваа згам̣ б̣уд̣̇д̇хаббамукасса бхигкусан̇гхасса баривзсагадтаанз табзд̇ваа ад̇д̇анаа д̣̇аса сийлаани самаад̣̇ааяа д̇змаасам̣ сигкаабад̣̇аани рагким̣су. д̇з д̇аяо амажжаа хздтаа вуд̇д̇анаязнзва имасмим̣ б̣уд̣̇д̇хуббаад̣̇з б̣имб̣исаарависаакарадтабаалаа ж̇аад̇аа.

    Sopi kulaputto yāvajīvaṃ kalyāṇakammaṃ katvā devamanussesu saṃsaranto ito dvenavutikappamatthake phussabuddhassa vemātikakaniṭṭhabhātā hutvā nibbatto, pitā mahindarājā nāma. Apare panassa dve kaniṭṭhabhātaro ahesuṃ. Evaṃ te tayo bhātaro visuṃ visuṃ ṭhānantaraṃ labhiṃsu. Te heṭṭhā vuttanayeneva kupitaṃ paccantaṃ vūpasametvā pitu santikā varaṃ labhitvā ‘‘temāsaṃ dasabalaṃ paṭijaggissāmā’’ti varaṃ gaṇhiṃsu. Atha nesaṃ etadahosi – ‘‘amhehi dasabalaṃ paṭijaggantehi anucchavikaṃ kātuṃ vaṭṭatī’’ti ekaṃ amaccaṃ uppādakaṭṭhāne ṭhapetvā ekaṃ āyavayajānanakaṃ katvā ekaṃ buddhappamukhassa bhikkhusaṅghassa parivesakaṭṭhāne ṭhapetvā attanā dasa sīlāni samādāya temāsaṃ sikkhāpadāni rakkhiṃsu. Te tayo amaccā heṭṭhā vuttanayeneva imasmiṃ buddhuppāde bimbisāravisākharaṭṭhapālā jātā.

    д̇з бана рааж̇агумаараа вуд̇т̇авассз д̣̇асаб̣алз сахад̇т̇аа б̣уд̣̇д̇хаббамукам̣ бхигкусан̇гхам̣ бажжаяабууж̇ааяа бууж̇зд̇ваа яааваж̇ийвам̣ галяаан̣агаммам̣ гад̇ваа амхаагам̣ д̣̇асаб̣аласса ниб̣б̣ад̇д̇ид̇о бурзд̇арамзва б̣раахаман̣агулз ниб̣б̣ад̇д̇ид̇ваа ад̇д̇ано г̇од̇д̇авасзна д̇аяоби ж̇анаа гассабаа зва наама ж̇аад̇аа. д̇з ваяаббад̇д̇аа д̇аяо взд̣̇з уг̇г̇ан̣хим̣су. д̇зсам̣ ж̇здтабхаад̇игасса бан̃жа маан̣авагасад̇аани баривааро ахоси, маж̇жхимасса д̇ийн̣и, ганидтасса д̣̇вз. д̇з ад̇д̇ано г̇ант̇з саарам̣ ологзнд̇аа д̣̇идтад̇хаммигамзва бассим̣су, на самбарааяигам̣. ат̇а нзсам̣ ж̇здтабхаад̇аа ад̇д̇ано бариваарзна сад̣̇д̇хим̣ урувзлам̣ г̇анд̇ваа исибаб̣б̣аж̇ж̇ам̣ баб̣б̣аж̇ид̇ваа урувзлагассабо наама ж̇аад̇о, махааг̇ан̇г̇аанад̣̇ийван̇гз баб̣б̣аж̇ид̇о над̣̇ийгассабо наама ж̇аад̇о, г̇аяаасийсз баб̣б̣аж̇ид̇о г̇аяаагассабо наама ж̇аад̇о.

    Te pana rājakumārā vutthavasse dasabale sahatthā buddhappamukhaṃ bhikkhusaṅghaṃ paccayapūjāya pūjetvā yāvajīvaṃ kalyāṇakammaṃ katvā amhākaṃ dasabalassa nibbattito puretarameva brāhamaṇakule nibbattitvā attano gottavasena tayopi janā kassapā eva nāma jātā. Te vayappattā tayo vede uggaṇhiṃsu. Tesaṃ jeṭṭhabhātikassa pañca māṇavakasatāni parivāro ahosi, majjhimassa tīṇi, kaniṭṭhassa dve. Te attano ganthe sāraṃ olokentā diṭṭhadhammikameva passiṃsu, na samparāyikaṃ. Atha nesaṃ jeṭṭhabhātā attano parivārena saddhiṃ uruvelaṃ gantvā isipabbajjaṃ pabbajitvā uruvelakassapo nāma jāto, mahāgaṅgānadīvaṅke pabbajito nadīkassapo nāma jāto, gayāsīse pabbajito gayākassapo nāma jāto.

    звам̣ д̇зсу исибаб̣б̣аж̇ж̇ам̣ баб̣б̣аж̇ид̇ваа д̇ад̇т̇а васанд̇зсу б̣ахуунам̣ д̣̇ивасаанам̣ ажжаязна амхаагам̣ б̣од̇хисад̇д̇о махаабхинигкаманам̣ нигкамид̇ваа бадивид̣̇д̇хасаб̣б̣ан̃н̃уд̇ан̃н̃аан̣о ануггамзна д̇хаммажаггам̣ бавад̇д̇зд̇ваа бан̃жаваг̇г̇ияз т̇зрз арахад̇д̇з бад̇идтаабзд̇ваа яасад̣̇аарагаббамукз бан̃жабан̃н̃ааса сахааяагзби винзд̇ваа садти араханд̇з ‘‘жарат̇а, бхигкавз , жаарига’’нд̇и б̣ахуж̇анахид̇ааяа жааригам̣ бзсзд̇ваа бхад̣̇д̣̇аваг̇г̇ияз винзд̇ваа урувзлагассабасса хзд̇ум̣ д̣̇исваа ‘‘маяи г̇ад̇з д̇аяо бхаад̇игаа сабариваараа арахад̇д̇ам̣ баабун̣иссанд̇ий’’д̇и н̃ад̇ваа згаго ад̣̇уд̇ияо урувзлагассабасса васанадтаанам̣ г̇анд̇ваа васанад̇т̇ааяа аг̇яааг̇аарам̣ яаажид̇ваа д̇ад̇т̇а гад̇ам̣ нааг̇ад̣̇аманам̣ аад̣̇им̣ гад̇ваа ад̣дхуд̣дхасахассзхи баадихаариязхи урувзлагассабам̣ сабариваарам̣ винзд̇ваа баб̣б̣ааж̇зси. д̇асса баб̣б̣аж̇ид̇абхаавам̣ н̃ад̇ваа ид̇арзби д̣̇вз бхаад̇аро сабариваараа ааг̇анд̇ваа баб̣б̣аж̇им̣су, саб̣б̣зби зхибхигкуу ид̣̇д̇химаяабад̇д̇ажийварад̇хараа ахзсум̣.

    Evaṃ tesu isipabbajjaṃ pabbajitvā tattha vasantesu bahūnaṃ divasānaṃ accayena amhākaṃ bodhisatto mahābhinikkhamanaṃ nikkhamitvā paṭividdhasabbaññutaññāṇo anukkamena dhammacakkaṃ pavattetvā pañcavaggiye there arahatte patiṭṭhāpetvā yasadārakappamukhe pañcapaññāsa sahāyakepi vinetvā saṭṭhi arahante ‘‘caratha, bhikkhave , cārika’’nti bahujanahitāya cārikaṃ pesetvā bhaddavaggiye vinetvā uruvelakassapassa hetuṃ disvā ‘‘mayi gate tayo bhātikā saparivārā arahattaṃ pāpuṇissantī’’ti ñatvā ekako adutiyo uruvelakassapassa vasanaṭṭhānaṃ gantvā vasanatthāya agyāgāraṃ yācitvā tattha kataṃ nāgadamanaṃ ādiṃ katvā aḍḍhuḍḍhasahassehi pāṭihāriyehi uruvelakassapaṃ saparivāraṃ vinetvā pabbājesi. Tassa pabbajitabhāvaṃ ñatvā itarepi dve bhātaro saparivārā āgantvā pabbajiṃsu, sabbepi ehibhikkhū iddhimayapattacīvaradharā ahesuṃ.

    сад̇т̇аа д̇ам̣ саман̣асахассам̣ аад̣̇ааяа г̇аяаасийсам̣ г̇анд̇ваа бидтибаасаан̣з нисинно ‘‘гат̇ам̣руубаа ну ко зд̇зсам̣ д̇хаммад̣̇зсанаа саббааяаа’’д̇и ологзнд̇о ‘‘имз аг̇г̇им̣ барижаранд̇аа вижарим̣су, имзсам̣ д̇аяо бхавз аад̣̇ид̇д̇ааг̇аарасад̣̇исз гад̇ваа д̣̇ассзд̇ум̣ ваддад̇ий’’д̇и аад̣̇ид̇д̇абарияааяасуд̇д̇ам̣ (махаава. 54) д̣̇зсзси. д̣̇зсанаабарияосаанз саб̣б̣зва арахад̇д̇ам̣ бад̇д̇аа. сад̇т̇аа д̇зхи баривуд̇о буб̣б̣з б̣имб̣исаараран̃н̃о д̣̇иннабадин̃н̃ад̇д̇аа рааж̇аг̇аханаг̇арз ладтивануяяаанам̣ аг̇амааси. рааж̇аа д̣̇асаб̣аласса ааг̇ад̇абхаавам̣ суд̇ваа д̣̇ваад̣̇асанахуд̇зхи б̣раахман̣аг̇ахабад̇игзхи сад̣̇д̇хим̣ сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ нисийд̣̇и. сад̇т̇аа саб̣б̣ааванд̇ам̣ барисам̣ ологзд̇ваа махааж̇анам̣ урувзлагассабасса нибажжагаарам̣ гаронд̇ам̣ д̣̇исваа ‘‘имз маяхам̣ ваа гассабасса ваа маханд̇абхаавам̣ на ж̇аананд̇и, савид̇аггаа жа наама д̣̇зсанам̣ самбадижчид̇ум̣ на саггонд̇ий’’д̇и жинд̇зд̇ваа, ‘‘гассаба, д̇уяхам̣ убадтаагаанам̣ вид̇аггам̣ чинд̣̇аа’’д̇и т̇зрасса сан̃н̃ам̣ ад̣̇ааси. т̇зро сад̇т̇у важанам̣ самбадижчид̇ваа удтааяаасанаа сад̇т̇аарам̣ бан̃жабад̇идтид̇зна ванд̣̇ид̇ваа д̇аалаббамаан̣ам̣ аагаасам̣ уббад̇ид̇ваа ид̣̇д̇хивигуб̣б̣анам̣ д̣̇ассзд̇ваа ‘‘сад̇т̇аа мз, бханд̇з, бхаг̇аваа, саавагохамасми, сад̇т̇аа мз, бханд̇з, бхаг̇аваа, саавагохамасмий’’д̇и вад̇ваа оруяха д̣̇асаб̣аласса баад̣̇з ванд̣̇и. зд̇знубааязна сад̇д̇амз ваарз сад̇д̇ад̇аалаббамаан̣ам̣ аагаасам̣ аб̣бхуг̇г̇анд̇ваа буна ааг̇анд̇ваа д̣̇асаб̣аласса баад̣̇з ванд̣̇ид̇ваа згаманд̇ам̣ нисийд̣̇и.

    Satthā taṃ samaṇasahassaṃ ādāya gayāsīsaṃ gantvā piṭṭhipāsāṇe nisinno ‘‘kathaṃrūpā nu kho etesaṃ dhammadesanā sappāyā’’ti olokento ‘‘ime aggiṃ paricarantā vicariṃsu, imesaṃ tayo bhave ādittāgārasadise katvā dassetuṃ vaṭṭatī’’ti ādittapariyāyasuttaṃ (mahāva. 54) desesi. Desanāpariyosāne sabbeva arahattaṃ pattā. Satthā tehi parivuto pubbe bimbisārarañño dinnapaṭiññattā rājagahanagare laṭṭhivanuyyānaṃ agamāsi. Rājā dasabalassa āgatabhāvaṃ sutvā dvādasanahutehi brāhmaṇagahapatikehi saddhiṃ satthāraṃ upasaṅkamitvā vanditvā ekamantaṃ nisīdi. Satthā sabbāvantaṃ parisaṃ oloketvā mahājanaṃ uruvelakassapassa nipaccakāraṃ karontaṃ disvā ‘‘ime mayhaṃ vā kassapassa vā mahantabhāvaṃ na jānanti, savitakkā ca nāma desanaṃ sampaṭicchituṃ na sakkontī’’ti cintetvā, ‘‘kassapa, tuyhaṃ upaṭṭhākānaṃ vitakkaṃ chindā’’ti therassa saññaṃ adāsi. Thero satthu vacanaṃ sampaṭicchitvā uṭṭhāyāsanā satthāraṃ pañcapatiṭṭhitena vanditvā tālappamāṇaṃ ākāsaṃ uppatitvā iddhivikubbanaṃ dassetvā ‘‘satthā me, bhante, bhagavā, sāvakohamasmi, satthā me, bhante, bhagavā, sāvakohamasmī’’ti vatvā oruyha dasabalassa pāde vandi. Etenupāyena sattame vāre sattatālappamāṇaṃ ākāsaṃ abbhuggantvā puna āgantvā dasabalassa pāde vanditvā ekamantaṃ nisīdi.

    д̇асмим̣ гаалз махааж̇ано ‘‘аяам̣ логз махаасаман̣о’’д̇и сад̇т̇ари ниб̣б̣ид̇агго ж̇аад̇о, ат̇асса сад̇т̇аа д̇хаммам̣ д̣̇зсзси. д̣̇зсанаабарияосаанз рааж̇аа згаад̣̇асанахуд̇зхи б̣раахман̣аг̇ахабад̇игзхи сад̣̇д̇хим̣ сод̇аабад̇д̇ипалз бад̇идтид̇о, зганахуд̇ам̣ убаасагад̇д̇ам̣ бадивзд̣̇зси. д̇зби урувзлагассабасса бариваараа сахассамад̇д̇аа бхигкуу ад̇д̇ано аасзванавасзна жинд̇зсум̣ – ‘‘амхаагам̣ баб̣б̣аж̇ид̇агижжам̣ мад̇т̇агам̣ бад̇д̇ам̣, б̣ахи г̇анд̇ваа гим̣ гариссаамаа’’д̇и урувзлагассабад̇т̇зрам̣язва бариваарзд̇ваа вижарим̣су. д̇зсу згзгасмим̣ згзгам̣ ниссид̇агам̣ г̇ан̣ханд̇з д̣̇вз сахассаани хонд̇и, д̣̇вз д̣̇вз г̇ан̣ханд̇з д̇ийн̣и сахассаани хонд̇и. д̇ад̇о бадтааяа яад̇д̇агаа д̇зсам̣ ниссид̇агаа, д̇ад̇д̇агз гат̇зд̇ум̣ ваддад̇ийд̇и. ид̣̇амзд̇т̇а вад̇т̇у. абарабхааг̇з бана сад̇т̇аа ж̇зд̇аванз вихаранд̇о т̇зрам̣ махаабарисаанам̣ аг̇г̇адтаанз табзсийд̇и.

    Tasmiṃ kāle mahājano ‘‘ayaṃ loke mahāsamaṇo’’ti satthari nibbitakko jāto, athassa satthā dhammaṃ desesi. Desanāpariyosāne rājā ekādasanahutehi brāhmaṇagahapatikehi saddhiṃ sotāpattiphale patiṭṭhito, ekanahutaṃ upāsakattaṃ paṭivedesi. Tepi uruvelakassapassa parivārā sahassamattā bhikkhū attano āsevanavasena cintesuṃ – ‘‘amhākaṃ pabbajitakiccaṃ matthakaṃ pattaṃ, bahi gantvā kiṃ karissāmā’’ti uruvelakassapattheraṃyeva parivāretvā vicariṃsu. Tesu ekekasmiṃ ekekaṃ nissitakaṃ gaṇhante dve sahassāni honti, dve dve gaṇhante tīṇi sahassāni honti. Tato paṭṭhāya yattakā tesaṃ nissitakā, tattake kathetuṃ vaṭṭatīti. Idamettha vatthu. Aparabhāge pana satthā jetavane viharanto theraṃ mahāparisānaṃ aggaṭṭhāne ṭhapesīti.

    гаал̣уд̣̇ааяид̇т̇зравад̇т̇у

    Kāḷudāyittheravatthu

    225. д̇ад̇ияз гулаббасаад̣̇агаананд̇и гулам̣ басаад̣̇знд̇аанам̣. аяам̣ хи т̇зро ад̣̇идтаб̣уд̣̇д̇хад̣̇ассанам̣язва суд̣̇д̇ход̣̇анамахаарааж̇асса нивзсанам̣ басаад̣̇зси, д̇асмаа гулаббасаад̣̇агаанам̣ аг̇г̇о наама ж̇аад̇о.

    225. Tatiye kulappasādakānanti kulaṃ pasādentānaṃ. Ayaṃ hi thero adiṭṭhabuddhadassanaṃyeva suddhodanamahārājassa nivesanaṃ pasādesi, tasmā kulappasādakānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз ниб̣б̣ад̇д̇о сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ гулаббасаад̣̇агаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о амхаагам̣ б̣од̇хисад̇д̇асса маад̇угужчияам̣ бадисанд̇хиг̇г̇ахан̣ад̣̇ивасз габилавад̇т̇усмим̣язва амажжаг̇зхз бадисанд̇хим̣ г̇ан̣хи. ж̇аад̇ад̣̇ивасз б̣од̇хисад̇д̇зна сад̣̇д̇хим̣язва ж̇аад̇од̇и д̇ам̣д̣̇ивасам̣язва д̇ам̣ д̣̇угуулажумб̣удагз нибаж̇ж̇аабзд̇ваа б̣од̇хисад̇д̇асса убадтаанад̇т̇ааяа наяим̣су. б̣од̇хисад̇д̇зна хи сад̣̇д̇хим̣ б̣од̇хиругко раахуламаад̇аа жад̇ассо нид̇хигумбхияо аароханияахад̇т̇ий ган̣д̣аго чанно гаал̣уд̣̇ааяийд̇и имз сад̇д̇а згад̣̇ивасз ж̇аад̇ад̇д̇аа сахаж̇аад̇аа наама ахзсум̣. ат̇асса наамаг̇г̇ахан̣ад̣̇ивасз сагаланаг̇арасса уд̣̇аг̇г̇ажид̇д̇ад̣̇ивасз ж̇аад̇од̇и уд̣̇ааяийд̇взва наамам̣ агам̣су. т̇огам̣ гаал̣ад̇хаад̇угад̇д̇аа бана гаал̣уд̣̇ааяий наама ж̇аад̇о. со б̣од̇хисад̇д̇зна сад̣̇д̇хим̣ гумаарагийл̣ам̣ гийл̣анд̇о вуд̣̇д̇хим̣ аг̇амааси.

    Tassa pañhakamme ayamanupubbikathā – ayampi hi padumuttarabuddhakāle haṃsavatīnagare kulagehe nibbatto satthu dhammadesanaṃ suṇanto satthāraṃ ekaṃ bhikkhuṃ kulappasādakānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvajīvaṃ kusalaṃ katvā devamanussesu saṃsaranto amhākaṃ bodhisattassa mātukucchiyaṃ paṭisandhiggahaṇadivase kapilavatthusmiṃyeva amaccagehe paṭisandhiṃ gaṇhi. Jātadivase bodhisattena saddhiṃyeva jātoti taṃdivasaṃyeva taṃ dukūlacumbuṭake nipajjāpetvā bodhisattassa upaṭṭhānatthāya nayiṃsu. Bodhisattena hi saddhiṃ bodhirukkho rāhulamātā catasso nidhikumbhiyo ārohaniyahatthī kaṇḍako channo kāḷudāyīti ime satta ekadivase jātattā sahajātā nāma ahesuṃ. Athassa nāmaggahaṇadivase sakalanagarassa udaggacittadivase jātoti udāyītveva nāmaṃ akaṃsu. Thokaṃ kāḷadhātukattā pana kāḷudāyī nāma jāto. So bodhisattena saddhiṃ kumārakīḷaṃ kīḷanto vuddhiṃ agamāsi.

    абарабхааг̇з б̣од̇хисад̇д̇о махаабхинигкаманам̣ нигкамид̇ваа ануггамзна саб̣б̣ан̃н̃уд̇ам̣ бад̇ваа бавад̇д̇ид̇аварад̇хаммажагго логаануг̇г̇ахам̣ гаронд̇о рааж̇аг̇ахам̣ убаниссааяа вихарад̇и. д̇асмим̣ самаяз суд̣̇д̇ход̣̇анамахаарааж̇аа ‘‘сид̣̇д̇хад̇т̇агумааро абхисамб̣од̇хим̣ бад̇ваа рааж̇аг̇ахам̣ убаниссааяа взл̣уванз вихарад̇ий’’д̇и суд̇ваа бурисасахассабариваарам̣ згам̣ амажжам̣ ‘‘буд̇д̇ам̣ мз ид̇ха аанзхий’’д̇и бзсзси. со садтияож̇анамаг̇г̇ам̣ г̇анд̇ваа д̣̇асаб̣аласса жад̇убарисамаж̇жхз нисийд̣̇ид̇ваа д̇хаммад̣̇зсанаавзлааяа вихаарам̣ баависи. со ‘‘д̇идтад̇у д̇аава ран̃н̃аа бахид̇асаасана’’нд̇и барисабарияанд̇з тид̇о сад̇т̇у д̇хаммад̣̇зсанам̣ суд̇ваа яат̇аатид̇ова сад̣̇д̇хим̣ бурисасахассзхи арахад̇д̇ам̣ баабун̣и. ат̇а нзсам̣ сад̇т̇аа ‘‘зт̇а бхигкаво’’д̇и хад̇т̇ам̣ басаарзси, саб̣б̣з д̇ам̣кан̣ам̣язва ид̣̇д̇химаяабад̇д̇ажийварад̇хараа вассасадтигад̇т̇зраа вияа ахзсум̣. арахад̇д̇ам̣ бад̇д̇агаалад̇о бадтааяа бана арияаа наама маж̇жхад̇д̇аава хонд̇ийд̇и ран̃н̃аа бахид̇асаасанам̣ д̣̇асаб̣аласса на гат̇зси. рааж̇аа ‘‘нзва г̇ад̇о ааг̇ажчад̇и, на саасанам̣ суяяад̇ий’’д̇и ‘‘зхи, д̇аад̇а, д̇вам̣ г̇ажчаа’’д̇и д̇знзва нияаамзна ан̃н̃ам̣ амажжам̣ бзсзси. соби г̇анд̇ваа буриманаязнзва сад̣̇д̇хим̣ барисааяа арахад̇д̇ам̣ бад̇ваа д̇ун̣хий ахоси. звам̣ навахи амажжзхи сад̣̇д̇хим̣ нава бурисасахассаани бзсзси. саб̣б̣з ад̇д̇ано гижжам̣ нидтаабзд̇ваа д̇ун̣хий ахзсум̣.

    Aparabhāge bodhisatto mahābhinikkhamanaṃ nikkhamitvā anukkamena sabbaññutaṃ patvā pavattitavaradhammacakko lokānuggahaṃ karonto rājagahaṃ upanissāya viharati. Tasmiṃ samaye suddhodanamahārājā ‘‘siddhatthakumāro abhisambodhiṃ patvā rājagahaṃ upanissāya veḷuvane viharatī’’ti sutvā purisasahassaparivāraṃ ekaṃ amaccaṃ ‘‘puttaṃ me idha ānehī’’ti pesesi. So saṭṭhiyojanamaggaṃ gantvā dasabalassa catuparisamajjhe nisīditvā dhammadesanāvelāya vihāraṃ pāvisi. So ‘‘tiṭṭhatu tāva raññā pahitasāsana’’nti parisapariyante ṭhito satthu dhammadesanaṃ sutvā yathāṭhitova saddhiṃ purisasahassehi arahattaṃ pāpuṇi. Atha nesaṃ satthā ‘‘etha bhikkhavo’’ti hatthaṃ pasāresi, sabbe taṃkhaṇaṃyeva iddhimayapattacīvaradharā vassasaṭṭhikattherā viya ahesuṃ. Arahattaṃ pattakālato paṭṭhāya pana ariyā nāma majjhattāva hontīti raññā pahitasāsanaṃ dasabalassa na kathesi. Rājā ‘‘neva gato āgacchati, na sāsanaṃ suyyatī’’ti ‘‘ehi, tāta, tvaṃ gacchā’’ti teneva niyāmena aññaṃ amaccaṃ pesesi. Sopi gantvā purimanayeneva saddhiṃ parisāya arahattaṃ patvā tuṇhī ahosi. Evaṃ navahi amaccehi saddhiṃ nava purisasahassāni pesesi. Sabbe attano kiccaṃ niṭṭhāpetvā tuṇhī ahesuṃ.

    ат̇а рааж̇аа жинд̇зси – ‘‘зд̇д̇агаа ж̇анаа маяи синзхаабхаавзна д̣̇асаб̣аласса ид̇хааг̇аманад̇т̇ааяа на гин̃жи гат̇аяим̣су, ан̃н̃з г̇анд̇вааби д̣̇асаб̣алам̣ аанзд̇ум̣ на сагкиссанд̇и. маяхам̣ ко бана буд̇д̇о уд̣̇ааяий д̣̇асаб̣алзна сад̣̇д̇хим̣ згаваяо сахабам̣сугийл̣иго, маяи жасса синзхо ад̇т̇ий’’д̇и гаал̣уд̣̇ааяим̣ баггосаабзд̇ваа, ‘‘д̇аад̇а, бурисасахассабаривааро г̇анд̇ваа д̣̇асаб̣алам̣ аанзхий’’д̇и ааха. батамам̣ г̇ад̇абурисаа вияа баб̣б̣аж̇ид̇ум̣ лабханд̇о аанзссаами, д̣̇зваад̇и. яам̣гин̃жи гад̇ваа мама буд̇д̇ам̣ д̣̇ассзхийд̇и. ‘‘саад̇ху, д̣̇зваа’’д̇и ран̃н̃о саасанам̣ аад̣̇ааяа рааж̇аг̇ахам̣ г̇анд̇ваа сад̇т̇у д̇хаммад̣̇зсанаавзлааяа барисабарияанд̇з тид̇о д̇хаммам̣ суд̇ваа сабаривааро арахад̇д̇апалам̣ бад̇ваа зхибхигкубхаавз бад̇идтааси. д̇ад̇о жинд̇зси – ‘‘на д̇аава д̣̇асаб̣аласса гуланаг̇арам̣ г̇анд̇ум̣ зса гаало, васанд̇асамаяз субубпид̇зсу ванасан̣д̣зсу харид̇ад̇ин̣асан̃чаннааяа бат̇авияаа зса гаало бхависсад̇ий’’д̇и гаалам̣ бадимаанзнд̇о д̇асса гааласса ааг̇ад̇абхаавам̣ н̃ад̇ваа –

    Atha rājā cintesi – ‘‘ettakā janā mayi sinehābhāvena dasabalassa idhāgamanatthāya na kiñci kathayiṃsu, aññe gantvāpi dasabalaṃ ānetuṃ na sakkhissanti. Mayhaṃ kho pana putto udāyī dasabalena saddhiṃ ekavayo sahapaṃsukīḷiko, mayi cassa sineho atthī’’ti kāḷudāyiṃ pakkosāpetvā, ‘‘tāta, purisasahassaparivāro gantvā dasabalaṃ ānehī’’ti āha. Paṭhamaṃ gatapurisā viya pabbajituṃ labhanto ānessāmi, devāti. Yaṃkiñci katvā mama puttaṃ dassehīti. ‘‘Sādhu, devā’’ti rañño sāsanaṃ ādāya rājagahaṃ gantvā satthu dhammadesanāvelāya parisapariyante ṭhito dhammaṃ sutvā saparivāro arahattaphalaṃ patvā ehibhikkhubhāve patiṭṭhāsi. Tato cintesi – ‘‘na tāva dasabalassa kulanagaraṃ gantuṃ esa kālo, vasantasamaye supupphitesu vanasaṇḍesu haritatiṇasañchannāya pathaviyā esa kālo bhavissatī’’ti kālaṃ paṭimānento tassa kālassa āgatabhāvaṃ ñatvā –

    ‘‘наад̇исийд̇ам̣ наад̇иун̣хам̣, наад̇ид̣̇уб̣бхигкачаад̇агам̣;

    ‘‘Nātisītaṃ nātiuṇhaṃ, nātidubbhikkhachātakaṃ;

    сад̣̇д̣̇алаа харид̇аа бхууми, зса гаало махаамуний’’д̇и. –

    Saddalā haritā bhūmi, esa kālo mahāmunī’’ti. –

    садтимад̇д̇аахи г̇аат̇аахи д̣̇асаб̣аласса гуланаг̇арам̣ г̇аманад̇т̇ааяа г̇аманаван̣н̣ам̣ ван̣н̣зси. сад̇т̇аа ‘‘уд̣̇ааяий г̇аманаван̣н̣ам̣ гат̇зд̇и, габилавад̇т̇унаг̇арам̣ г̇анд̇ум̣ зса гаало’’д̇и вийсад̇исахассабхигкубаривааро ад̇урид̇аг̇аманзна жааригам̣ нигками.

    Saṭṭhimattāhi gāthāhi dasabalassa kulanagaraṃ gamanatthāya gamanavaṇṇaṃ vaṇṇesi. Satthā ‘‘udāyī gamanavaṇṇaṃ katheti, kapilavatthunagaraṃ gantuṃ esa kālo’’ti vīsatisahassabhikkhuparivāro aturitagamanena cārikaṃ nikkhami.

    уд̣̇ааяид̇т̇зро сад̇т̇у нигканд̇абхаавам̣ н̃ад̇ваа ‘‘бид̇у махаарааж̇асса сан̃н̃ам̣ д̣̇аад̇ум̣ ваддад̇ий’’д̇и взхаасам̣ аб̣бхуг̇г̇анд̇ваа ран̃н̃о нивзсанз баад̇урахоси. суд̣̇д̇ход̣̇анамахаарааж̇аа т̇зрам̣ д̣̇исваа д̇удтажид̇д̇о махаарахз баллан̇гз нисийд̣̇аабзд̇ваа ад̇д̇ано бадияаад̣̇ид̇асса наанаг̇г̇арасабхож̇анасса бад̇д̇ам̣ буурзд̇ваа ад̣̇ааси. т̇зро удтааяа г̇аманаагаббам̣ д̣̇ассзси. нисийд̣̇ид̇ваава бхун̃ж̇а, д̇аад̇аад̇и. сад̇т̇у санд̇игам̣ г̇анд̇ваа бхун̃ж̇иссаами, махаарааж̇аад̇и. гахам̣ бана, д̇аад̇а, сад̇т̇аад̇и? вийсад̇исахассабхигкубаривааро д̇умхаагам̣ д̣̇ассанад̇т̇ааяа жааригам̣ нигканд̇о, махаарааж̇аад̇и. д̇умхз имам̣ бин̣д̣абаад̇ам̣ барибхун̃ж̇ид̇ваа яаава мама буд̇д̇о имам̣ наг̇арам̣ самбаабун̣аад̇и, д̇аавасса ид̇ова бин̣д̣абаад̇ам̣ харат̇аад̇и. т̇зро бхад̇д̇агижжам̣ гад̇ваа д̣̇асаб̣аласса аахарид̇аб̣б̣ам̣ бхад̇д̇ам̣ г̇ахзд̇ваа д̇хаммагат̇ам̣ гат̇зд̇ваа д̣̇асаб̣аласса ад̣̇ассанзнзва сагаларааж̇анивзсанам̣ сад̣̇д̇хаабадилаабхам̣ лабхаабзд̇ваа саб̣б̣зсам̣ бассанд̇аанан̃н̃зва бад̇д̇ам̣ аагаасз виссаж̇ж̇зд̇ваа саяамби взхаасам̣ аб̣бхуг̇г̇анд̇ваа бин̣д̣абаад̇ам̣ аад̣̇ааяа сад̇т̇у хад̇т̇з табзси, сад̇т̇аа д̇ам̣ бин̣д̣абаад̇ам̣ барибхун̃ж̇и. т̇зро садтияож̇анамаг̇г̇ам̣ яож̇анабарамам̣ г̇ажчанд̇асса сад̇т̇уно д̣̇ивасз д̣̇ивасз рааж̇аг̇зхад̇о бхад̇д̇ам̣ аахарид̇ваа ад̣̇ааси. звам̣ вад̇т̇у взд̣̇ид̇аб̣б̣ам̣. ат̇а абарабхааг̇з сад̇т̇аа ‘‘маяхам̣ бид̇у махаарааж̇асса сагаланивзсанам̣ басаад̣̇зсий’’д̇и т̇зрам̣ гулаббасаад̣̇агаанам̣ аг̇г̇адтаанз табзсийд̇и.

    Udāyitthero satthu nikkhantabhāvaṃ ñatvā ‘‘pitu mahārājassa saññaṃ dātuṃ vaṭṭatī’’ti vehāsaṃ abbhuggantvā rañño nivesane pāturahosi. Suddhodanamahārājā theraṃ disvā tuṭṭhacitto mahārahe pallaṅke nisīdāpetvā attano paṭiyāditassa nānaggarasabhojanassa pattaṃ pūretvā adāsi. Thero uṭṭhāya gamanākappaṃ dassesi. Nisīditvāva bhuñja, tātāti. Satthu santikaṃ gantvā bhuñjissāmi, mahārājāti. Kahaṃ pana, tāta, satthāti? Vīsatisahassabhikkhuparivāro tumhākaṃ dassanatthāya cārikaṃ nikkhanto, mahārājāti. Tumhe imaṃ piṇḍapātaṃ paribhuñjitvā yāva mama putto imaṃ nagaraṃ sampāpuṇāti, tāvassa itova piṇḍapātaṃ harathāti. Thero bhattakiccaṃ katvā dasabalassa āharitabbaṃ bhattaṃ gahetvā dhammakathaṃ kathetvā dasabalassa adassaneneva sakalarājanivesanaṃ saddhāpaṭilābhaṃ labhāpetvā sabbesaṃ passantānaññeva pattaṃ ākāse vissajjetvā sayampi vehāsaṃ abbhuggantvā piṇḍapātaṃ ādāya satthu hatthe ṭhapesi, satthā taṃ piṇḍapātaṃ paribhuñji. Thero saṭṭhiyojanamaggaṃ yojanaparamaṃ gacchantassa satthuno divase divase rājagehato bhattaṃ āharitvā adāsi. Evaṃ vatthu veditabbaṃ. Atha aparabhāge satthā ‘‘mayhaṃ pitu mahārājassa sakalanivesanaṃ pasādesī’’ti theraṃ kulappasādakānaṃ aggaṭṭhāne ṭhapesīti.

    б̣аагулад̇т̇зравад̇т̇у

    Bākulattheravatthu

    226. жад̇уд̇т̇з аббааб̣аад̇хаананд̇и нирааб̣аад̇хаанам̣. б̣аагулод̇и д̣̇вийсу гулзсу вад̣дхид̇ад̇д̇аа звам̣лад̣̇д̇ханаамо т̇зро.

    226. Catutthe appābādhānanti nirābādhānaṃ. Bākuloti dvīsu kulesu vaḍḍhitattā evaṃladdhanāmo thero.

    д̇асса бан̃хагаммз аяаманубуб̣б̣игат̇аа – аяам̣ гира ад̇ийд̇з ид̇о габбасад̇асахассаад̇хигз асан̇кязяяамад̇т̇агз аномад̣̇ассид̣̇асаб̣аласса ниб̣б̣ад̇д̇ид̇о бурзд̇арамзва б̣раахман̣агулз бадисанд̇хим̣ г̇ан̣хид̇ваа ваяам̣ ааг̇амма уг̇г̇ахид̇авзд̣̇о взд̣̇ад̇д̇аяз саарам̣ абассанд̇о ‘‘самбарааяигад̇т̇ам̣ г̇авзсиссаамий’’д̇и баб̣б̣ад̇абаад̣̇з исибаб̣б̣аж̇ж̇ам̣ баб̣б̣аж̇ид̇ваа бан̃жаабхин̃н̃аа-адтасамаабад̇д̇илаабхий худ̇ваа жхаанагийл̣ид̇ааяа вийд̇инаамзси. д̇асмим̣ самаяз аномад̣̇ассий б̣од̇хисад̇д̇о саб̣б̣ан̃н̃уд̇ам̣ бад̇ваа арияаг̇ан̣абаривуд̇о жааригам̣ жарад̇и. д̇аабасо ‘‘д̇ийн̣и рад̇анаани уббаннааний’’д̇и суд̇ваа сад̇т̇у санд̇игам̣ г̇анд̇ваа д̇хаммам̣ суд̇ваа д̣̇зсанаабарияосаанз саран̣зсу бад̇идтид̇о, ад̇д̇ано таанам̣ бана виж̇ахид̇ум̣ наасагки. со гаалзна гаалам̣ сад̇т̇у д̣̇ассанааяа жзва г̇ажчад̇и, д̇хамман̃жа сун̣аад̇и.

    Tassa pañhakamme ayamanupubbikathā – ayaṃ kira atīte ito kappasatasahassādhike asaṅkhyeyyamatthake anomadassidasabalassa nibbattito puretarameva brāhmaṇakule paṭisandhiṃ gaṇhitvā vayaṃ āgamma uggahitavedo vedattaye sāraṃ apassanto ‘‘samparāyikatthaṃ gavesissāmī’’ti pabbatapāde isipabbajjaṃ pabbajitvā pañcābhiññā-aṭṭhasamāpattilābhī hutvā jhānakīḷitāya vītināmesi. Tasmiṃ samaye anomadassī bodhisatto sabbaññutaṃ patvā ariyagaṇaparivuto cārikaṃ carati. Tāpaso ‘‘tīṇi ratanāni uppannānī’’ti sutvā satthu santikaṃ gantvā dhammaṃ sutvā desanāpariyosāne saraṇesu patiṭṭhito, attano ṭhānaṃ pana vijahituṃ nāsakkhi. So kālena kālaṃ satthu dassanāya ceva gacchati, dhammañca suṇāti.

    ат̇згасмим̣ самаяз д̇ат̇ааг̇ад̇асса уд̣̇араваад̇о уббаж̇ж̇и. д̇аабасо сад̇т̇у д̣̇ассанад̇т̇ааяа ааг̇ад̇о ‘‘сад̇т̇аа г̇илаано’’д̇и суд̇ваа ‘‘го, бханд̇з, ааб̣аад̇хо’’д̇и. ‘‘уд̣̇араваад̇о’’д̇и вуд̇д̇з ‘‘аяам̣ гаало маяхам̣ бун̃н̃ам̣ гаад̇у’’нд̇и баб̣б̣ад̇абаад̣̇ам̣ г̇анд̇ваа наанаавид̇хаани бхзсаж̇ж̇аани самод̇хаанзд̇ваа ‘‘ид̣̇ам̣ бхзсаж̇ж̇ам̣ сад̇т̇у убанзт̇аа’’д̇и убадтаагад̇т̇зрасса ад̣̇ааси. саха бхзсаж̇ж̇асса убаяог̇зна уд̣̇араваад̇о бадиббассамбхи. со сад̇т̇у паасугагаалз г̇анд̇ваа звамааха – ‘‘бханд̇з, яад̣̇ид̣̇ам̣ мама бхзсаж̇ж̇зна д̇ат̇ааг̇ад̇асса паасугам̣ ж̇аад̇ам̣, д̇асса мз ниссанд̣̇зна ниб̣б̣ад̇д̇аниб̣б̣ад̇д̇абхавз г̇ад̣̇д̣̇ууханамад̇д̇амби сарийрз б̣яаад̇хи наама маа ход̇уу’’д̇и. ид̣̇амасса д̇асмим̣ ад̇д̇абхаавз галяаан̣агаммам̣.

    Athekasmiṃ samaye tathāgatassa udaravāto uppajji. Tāpaso satthu dassanatthāya āgato ‘‘satthā gilāno’’ti sutvā ‘‘ko, bhante, ābādho’’ti. ‘‘Udaravāto’’ti vutte ‘‘ayaṃ kālo mayhaṃ puññaṃ kātu’’nti pabbatapādaṃ gantvā nānāvidhāni bhesajjāni samodhānetvā ‘‘idaṃ bhesajjaṃ satthu upanethā’’ti upaṭṭhākattherassa adāsi. Saha bhesajjassa upayogena udaravāto paṭippassambhi. So satthu phāsukakāle gantvā evamāha – ‘‘bhante, yadidaṃ mama bhesajjena tathāgatassa phāsukaṃ jātaṃ, tassa me nissandena nibbattanibbattabhave gaddūhanamattampi sarīre byādhi nāma mā hotū’’ti. Idamassa tasmiṃ attabhāve kalyāṇakammaṃ.

    со д̇ад̇о жуд̇о б̣рахмалогз ниб̣б̣ад̇д̇ид̇ваа згам̣ асан̇кязяяам̣ д̣̇звамануссзсу сам̣саранд̇о бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз бадисанд̇хим̣ г̇ахзд̇ваа сад̇т̇аарам̣ згам̣ бхигкум̣ аббааб̣аад̇хаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яаавад̇ааяугам̣ гусалам̣ гад̇ваа д̣̇звамануссзсу сам̣саранд̇о вибассийд̣̇асаб̣аласса ниб̣б̣ад̇д̇ид̇о бурзд̇арамзва б̣анд̇хумад̇ийнаг̇арз б̣раахман̣агулз ниб̣б̣ад̇д̇о буриманаязнзва исибаб̣б̣аж̇ж̇ам̣ баб̣б̣аж̇ид̇ваа жхааналаабхий худ̇ваа баб̣б̣ад̇абаад̣̇з васад̇и.

    So tato cuto brahmaloke nibbattitvā ekaṃ asaṅkhyeyyaṃ devamanussesu saṃsaranto padumuttarabuddhakāle haṃsavatīnagare kulagehe paṭisandhiṃ gahetvā satthāraṃ ekaṃ bhikkhuṃ appābādhānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvatāyukaṃ kusalaṃ katvā devamanussesu saṃsaranto vipassīdasabalassa nibbattito puretarameva bandhumatīnagare brāhmaṇakule nibbatto purimanayeneva isipabbajjaṃ pabbajitvā jhānalābhī hutvā pabbatapāde vasati.

    вибассийб̣од̇хисад̇д̇оби саб̣б̣ан̃н̃уд̇ам̣ бад̇ваа адтасадтибхигкусад̇асахассабаривааро б̣анд̇хумад̇ийнаг̇арам̣ убаниссааяа бид̇у махаарааж̇асса сан̇г̇ахам̣ гаронд̇о кзмз миг̇ад̣̇ааяз вихарад̇и. ат̇ааяам̣ д̇аабасо д̣̇асаб̣аласса логз ниб̣б̣ад̇д̇абхаавам̣ н̃ад̇ваа ааг̇анд̇ваа сад̇т̇у д̇хаммагат̇ам̣ суд̇ваа саран̣зсу бад̇идтааси, ад̇д̇ано баб̣б̣аж̇ж̇ам̣ ж̇ахид̇ум̣ наасагки, гаалзна гаалам̣ бана сад̇т̇у убадтаанам̣ г̇ажчад̇и.

    Vipassībodhisattopi sabbaññutaṃ patvā aṭṭhasaṭṭhibhikkhusatasahassaparivāro bandhumatīnagaraṃ upanissāya pitu mahārājassa saṅgahaṃ karonto kheme migadāye viharati. Athāyaṃ tāpaso dasabalassa loke nibbattabhāvaṃ ñatvā āgantvā satthu dhammakathaṃ sutvā saraṇesu patiṭṭhāsi, attano pabbajjaṃ jahituṃ nāsakkhi, kālena kālaṃ pana satthu upaṭṭhānaṃ gacchati.

    ат̇згасмим̣ самаяз табзд̇ваа сад̇т̇ааран̃жзва д̣̇вз аг̇г̇асаавагз жа химавад̇и бубпид̇аанам̣ висаругкаанам̣ ваад̇асампассзна сзсабхигкуунам̣ мад̇т̇агарог̇о наама уд̣̇абаад̣̇и. д̇аабасо сад̇т̇у убадтаанам̣ ааг̇ад̇о бхигкуу сасийсам̣ баарубид̇ваа нибаннз д̣̇исваа – ‘‘гим̣, бханд̇з, бхигкусан̇гхасса апаасуга’’нд̇и бужчи. бхигкуунам̣ д̇ин̣абубпагарог̇о, аавусод̇и. д̇аабасо жинд̇зси – ‘‘аяам̣ гаало маяхам̣ бхигкусан̇гхасса гааяавзяяаавад̇игагаммам̣ гад̇ваа бун̃н̃ам̣ ниб̣б̣ад̇д̇зд̇у’’нд̇и ад̇д̇ано аанубхаавзна наанаавид̇хаани бхзсаж̇ж̇аани сам̣гад̣дхид̇ваа яож̇зд̇ваа ад̣̇ааси. саб̣б̣абхигкуунам̣ рог̇о д̇ам̣кан̣ам̣язва вуубасанд̇о.

    Athekasmiṃ samaye ṭhapetvā satthārañceva dve aggasāvake ca himavati pupphitānaṃ visarukkhānaṃ vātasamphassena sesabhikkhūnaṃ matthakarogo nāma udapādi. Tāpaso satthu upaṭṭhānaṃ āgato bhikkhū sasīsaṃ pārupitvā nipanne disvā – ‘‘kiṃ, bhante, bhikkhusaṅghassa aphāsuka’’nti pucchi. Bhikkhūnaṃ tiṇapupphakarogo, āvusoti. Tāpaso cintesi – ‘‘ayaṃ kālo mayhaṃ bhikkhusaṅghassa kāyaveyyāvatikakammaṃ katvā puññaṃ nibbattetu’’nti attano ānubhāvena nānāvidhāni bhesajjāni saṃkaḍḍhitvā yojetvā adāsi. Sabbabhikkhūnaṃ rogo taṃkhaṇaṃyeva vūpasanto.

    со яаавад̇ааяугам̣ тад̇ваа б̣рахмалогз ниб̣б̣ад̇д̇ид̇ваа зганавуд̇игаббз д̣̇звамануссзсу сам̣саранд̇о гассабаб̣уд̣̇д̇хагаалз б̣аараан̣асияам̣ гулаг̇зхз ниб̣б̣ад̇д̇о гхарааваасам̣ васанд̇о ‘‘маяхам̣ васанаг̇зхам̣ д̣̇уб̣б̣алам̣, бажжанд̇ам̣ г̇анд̇ваа д̣̇аб̣б̣асамбхаарам̣ аахарид̇ваа г̇зхам̣ гариссаамий’’д̇и вад̣дхагийхи сад̣̇д̇хим̣ г̇ажчанд̇о анд̇араамаг̇г̇з згам̣ ж̇ин̣н̣ам̣ махаавихаарам̣ д̣̇исваа ‘‘д̇идтад̇у д̇аава маяхам̣ г̇зхагаммам̣, на д̇ам̣ маяаа сад̣̇д̇хим̣ г̇амиссад̇и, яам̣гин̃жи гад̇ваа бана сад̣̇д̇хим̣ г̇аманагаммамзва бурзд̇арам̣ гаад̇ум̣ ваддад̇ий’’д̇и д̇зхзва вад̣дхагийхи д̣̇аб̣б̣асамбхаарам̣ г̇аахаабзд̇ваа д̇асмим̣ вихаарз убосат̇ааг̇аарам̣ гаарзси, бхож̇анасаалам̣ аг̇г̇исаалам̣ д̣̇ийгхажан̇гамам̣ ж̇анд̇аагхарам̣ габбияагудим̣ важжагудим̣ аарог̇яасаалам̣ гаарзси, яам̣гин̃жи бхигкусан̇гхасса убабхог̇абарибхог̇ам̣ бхзсаж̇ж̇ам̣ наама саб̣б̣ам̣ бадияаад̣̇зд̇ваа табзси.

    So yāvatāyukaṃ ṭhatvā brahmaloke nibbattitvā ekanavutikappe devamanussesu saṃsaranto kassapabuddhakāle bārāṇasiyaṃ kulagehe nibbatto gharāvāsaṃ vasanto ‘‘mayhaṃ vasanagehaṃ dubbalaṃ, paccantaṃ gantvā dabbasambhāraṃ āharitvā gehaṃ karissāmī’’ti vaḍḍhakīhi saddhiṃ gacchanto antarāmagge ekaṃ jiṇṇaṃ mahāvihāraṃ disvā ‘‘tiṭṭhatu tāva mayhaṃ gehakammaṃ, na taṃ mayā saddhiṃ gamissati, yaṃkiñci katvā pana saddhiṃ gamanakammameva puretaraṃ kātuṃ vaṭṭatī’’ti teheva vaḍḍhakīhi dabbasambhāraṃ gāhāpetvā tasmiṃ vihāre uposathāgāraṃ kāresi, bhojanasālaṃ aggisālaṃ dīghacaṅkamaṃ jantāgharaṃ kappiyakuṭiṃ vaccakuṭiṃ ārogyasālaṃ kāresi, yaṃkiñci bhikkhusaṅghassa upabhogaparibhogaṃ bhesajjaṃ nāma sabbaṃ paṭiyādetvā ṭhapesi.

    со яааваж̇ийвам̣ гусалам̣ гад̇ваа згам̣ б̣уд̣̇д̇ханд̇арам̣ д̣̇звамануссзсу сам̣саранд̇о амхаагам̣ д̣̇асаб̣аласса ниб̣б̣ад̇д̇ид̇о бурзд̇арамзва госамб̣ияам̣ сздтиг̇зхз бадисанд̇хим̣ г̇ан̣хи. д̇асса бадисанд̇хиг̇г̇ахан̣ад̣̇ивасад̇о бадтааяа д̇ам̣ сздтигулам̣ лаабхаг̇г̇аяасаг̇г̇аббад̇д̇ам̣ ахоси. ат̇асса маад̇аа буд̇д̇ам̣ виж̇ааяид̇ваа жинд̇зси – ‘‘аяам̣ д̣̇аараго бун̃н̃аваа гад̇аад̇хигааро, яад̇д̇агам̣ гаалам̣ арог̇о д̣̇ийгхааяуго худ̇ваа д̇идтад̇и, д̇ад̇д̇агам̣ амхаагам̣ самбад̇д̇ид̣̇ааяаго бхависсад̇и. ж̇аад̇ад̣̇ивасзязва махааяамунааяа нхаад̇ад̣̇аарагаа нирог̇аа хонд̇ий’’д̇и нхаабанад̇т̇ааяа нам̣ бзсзси. ‘‘бан̃жамз д̣̇ивасз сийсам̣ нхаабзд̇ваа над̣̇ийгийл̣анад̇т̇ааяа нам̣ бзсзсий’’д̇и маж̇жхимабхаан̣агаа. д̇ад̇т̇а д̇хаад̇ияаа д̣̇аарагам̣ нимуж̇ж̇ануммуж̇ж̇анавасзна гийл̣аабзнд̇ияаа зго мажчо д̣̇аарагам̣ д̣̇исваа ‘‘бхагко мз аяа’’нд̇и ман̃н̃амаано мукам̣ виварид̇ваа убаг̇ад̇о. д̇хаад̇ий д̣̇аарагам̣ чад̣д̣зд̇ваа балаад̇аа, мажчо д̇ам̣ г̇или. бун̃н̃аваа сад̇д̇о д̣̇угкам̣ на баабун̣и, саяанаг̇аб̣бхам̣ бависид̇ваа нибанно вияа ахоси. мажчо д̣̇аарагасса д̇зж̇зна д̇ад̇д̇апаалам̣ г̇илид̇ваа д̣аяхамаано вияа взг̇зна д̇им̣саяож̇анам̣ г̇анд̇ваа б̣аараан̣асинаг̇араваасино мажчаб̣анд̇хасса ж̇аалам̣ баависи. махаамажчаа наама ж̇аалзна б̣ад̣̇д̇хаа маарияамаанаава маранд̇и, аяам̣ бана д̣̇аарагасса д̇зж̇зна ж̇аалад̇о нийхадамад̇д̇ова мад̇о. мажчаб̣анд̇хаа жа махаамажчам̣ лабхид̇ваа паалзд̇ваа виггин̣анд̇и, д̇ам̣ бана д̣̇аарагасса аанубхаавзна апаалзд̇ваа сагаламзва гааж̇зна харид̇ваа ‘‘сахассзна д̣̇змаа’’д̇и вад̣̇анд̇аа наг̇арз вижарим̣су, гожи на г̇ан̣хаад̇и.

    So yāvajīvaṃ kusalaṃ katvā ekaṃ buddhantaraṃ devamanussesu saṃsaranto amhākaṃ dasabalassa nibbattito puretarameva kosambiyaṃ seṭṭhigehe paṭisandhiṃ gaṇhi. Tassa paṭisandhiggahaṇadivasato paṭṭhāya taṃ seṭṭhikulaṃ lābhaggayasaggappattaṃ ahosi. Athassa mātā puttaṃ vijāyitvā cintesi – ‘‘ayaṃ dārako puññavā katādhikāro, yattakaṃ kālaṃ arogo dīghāyuko hutvā tiṭṭhati, tattakaṃ amhākaṃ sampattidāyako bhavissati. Jātadivaseyeva mahāyamunāya nhātadārakā nirogā hontī’’ti nhāpanatthāya naṃ pesesi. ‘‘Pañcame divase sīsaṃ nhāpetvā nadīkīḷanatthāya naṃ pesesī’’ti majjhimabhāṇakā. Tattha dhātiyā dārakaṃ nimujjanummujjanavasena kīḷāpentiyā eko maccho dārakaṃ disvā ‘‘bhakkho me aya’’nti maññamāno mukhaṃ vivaritvā upagato. Dhātī dārakaṃ chaḍḍetvā palātā, maccho taṃ gili. Puññavā satto dukkhaṃ na pāpuṇi, sayanagabbhaṃ pavisitvā nipanno viya ahosi. Maccho dārakassa tejena tattaphālaṃ gilitvā ḍayhamāno viya vegena tiṃsayojanaṃ gantvā bārāṇasinagaravāsino macchabandhassa jālaṃ pāvisi. Mahāmacchā nāma jālena baddhā māriyamānāva maranti, ayaṃ pana dārakassa tejena jālato nīhaṭamattova mato. Macchabandhā ca mahāmacchaṃ labhitvā phāletvā vikkiṇanti, taṃ pana dārakassa ānubhāvena aphāletvā sakalameva kājena haritvā ‘‘sahassena demā’’ti vadantā nagare vicariṃsu, koci na gaṇhāti.

    д̇асмим̣ бана наг̇арз абуд̇д̇агам̣ асийд̇игодивибхавам̣ сздтигулам̣ ад̇т̇и. д̇асса д̣̇ваарамуулам̣ бад̇ваа ‘‘гим̣ г̇ахзд̇ваа д̣̇зт̇аа’’д̇и вуд̇д̇аа ‘‘гахаабан̣а’’нд̇и аахам̣су. д̇зхи гахаабан̣ам̣ д̣̇ад̇ваа г̇ахид̇о. сздтибхарияааби ан̃н̃зсу д̣̇ивасзсу мажчз на гзл̣ааяад̇и, д̇ам̣д̣̇ивасам̣ бана мажчам̣ палагз табзд̇ваа саяамзва паалзси. мажчан̃жа наама гужчид̇о паалзнд̇и, саа бана бидтид̇о паалзнд̇ий мажчагужчияам̣ суван̣н̣аван̣н̣ам̣ д̣̇аарагам̣ д̣̇исваа ‘‘мажчагужчияам̣ мз буд̇д̇о лад̣̇д̇хо’’д̇и наад̣̇ам̣ над̣̇ид̇ваа д̣̇аарагам̣ аад̣̇ааяа саамигасса санд̇игам̣ аг̇амааси. сздти д̇аавад̣̇зва бхзрим̣ жараабзд̇ваа д̣̇аарагамаад̣̇ааяа ран̃н̃о санд̇игам̣ г̇анд̇ваа ‘‘мажчагужчияам̣ мз, д̣̇зва, д̣̇аараго лад̣̇д̇хо, гим̣ гаромаа’’д̇и ааха. бун̃н̃аваа зса, яо мажчагужчияам̣ аарог̇о васи, босзхи нанд̇и .

    Tasmiṃ pana nagare aputtakaṃ asītikoṭivibhavaṃ seṭṭhikulaṃ atthi. Tassa dvāramūlaṃ patvā ‘‘kiṃ gahetvā dethā’’ti vuttā ‘‘kahāpaṇa’’nti āhaṃsu. Tehi kahāpaṇaṃ datvā gahito. Seṭṭhibhariyāpi aññesu divasesu macche na keḷāyati, taṃdivasaṃ pana macchaṃ phalake ṭhapetvā sayameva phālesi. Macchañca nāma kucchito phālenti, sā pana piṭṭhito phālentī macchakucchiyaṃ suvaṇṇavaṇṇaṃ dārakaṃ disvā ‘‘macchakucchiyaṃ me putto laddho’’ti nādaṃ naditvā dārakaṃ ādāya sāmikassa santikaṃ agamāsi. Seṭṭhi tāvadeva bheriṃ carāpetvā dārakamādāya rañño santikaṃ gantvā ‘‘macchakucchiyaṃ me, deva, dārako laddho, kiṃ karomā’’ti āha. Puññavā esa, yo macchakucchiyaṃ ārogo vasi, posehi nanti .

    ассоси ко ид̇арам̣ гулам̣ ‘‘б̣аараан̣асияам̣ гира згам̣ сздтигулам̣ мажчагужчияам̣ д̣̇аарагам̣ лабхий’’д̇и. д̇з д̇ад̇т̇а аг̇амам̣су. ат̇асса маад̇аа д̣̇аарагам̣ алан̇гарид̇ваа гийл̣аабияамаанам̣ д̣̇исваа ‘‘манаабо вад̇ааяам̣ д̣̇аараго’’д̇и г̇ахзд̇ваа багад̇им̣ аажигки. ид̇араа ‘‘маяхам̣ буд̇д̇о’’д̇и ааха. гахам̣ д̇з лад̣̇д̇ход̇и. мажчагужчияанд̇и. на д̇уяхам̣ буд̇д̇о, маяхам̣ буд̇д̇од̇и. гахам̣ д̇з лад̣̇д̇ход̇и. маяаа д̣̇аса маасз гужчияаа д̇хаарид̇о, ат̇а нам̣ над̣̇ияаа гийл̣аабияамаанам̣ мажчо г̇илийд̇и. д̇уяхам̣ буд̇д̇о ан̃н̃зна мажчзна г̇илид̇о бхависсад̇и, аяам̣ бана маяаа мажчагужчияам̣ лад̣̇д̇ход̇и убхоби рааж̇агулам̣ аг̇амам̣су. рааж̇аа ааха – ‘‘аяам̣ д̣̇аса маасз гужчияаа д̇хаарид̇ад̇д̇аа амаад̇аа гаад̇ум̣ на саггаа, мажчам̣ г̇ан̣ханд̇ааби ваггаяаганаад̣̇ийни б̣ахи гад̇ваа г̇ан̣ханд̇аа наама над̇т̇ийд̇и мажчагужчияам̣ лад̣̇д̇хад̇д̇аа аяамби амаад̇аа гаад̇ум̣ на саггаа, д̣̇аараго убхиннамби гулаанам̣ д̣̇ааяаад̣̇о ход̇уу’’д̇и. д̇ад̇о бадтааяа д̣̇взби гулаани ад̇ивияа лаабхаг̇г̇аяасаг̇г̇аббад̇д̇аани ахзсум̣. д̇асса д̣̇вийхи гулзхи вад̣дхид̇ад̇д̇аа б̣аагулагумаарод̇и наамам̣ гарим̣су.

    Assosi kho itaraṃ kulaṃ ‘‘bārāṇasiyaṃ kira ekaṃ seṭṭhikulaṃ macchakucchiyaṃ dārakaṃ labhī’’ti. Te tattha agamaṃsu. Athassa mātā dārakaṃ alaṅkaritvā kīḷāpiyamānaṃ disvā ‘‘manāpo vatāyaṃ dārako’’ti gahetvā pakatiṃ ācikkhi. Itarā ‘‘mayhaṃ putto’’ti āha. Kahaṃ te laddhoti. Macchakucchiyanti. Na tuyhaṃ putto, mayhaṃ puttoti. Kahaṃ te laddhoti. Mayā dasa māse kucchiyā dhārito, atha naṃ nadiyā kīḷāpiyamānaṃ maccho gilīti. Tuyhaṃ putto aññena macchena gilito bhavissati, ayaṃ pana mayā macchakucchiyaṃ laddhoti ubhopi rājakulaṃ agamaṃsu. Rājā āha – ‘‘ayaṃ dasa māse kucchiyā dhāritattā amātā kātuṃ na sakkā, macchaṃ gaṇhantāpi vakkayakanādīni bahi katvā gaṇhantā nāma natthīti macchakucchiyaṃ laddhattā ayampi amātā kātuṃ na sakkā, dārako ubhinnampi kulānaṃ dāyādo hotū’’ti. Tato paṭṭhāya dvepi kulāni ativiya lābhaggayasaggappattāni ahesuṃ. Tassa dvīhi kulehi vaḍḍhitattā bākulakumāroti nāmaṃ kariṃsu.

    д̇асса вин̃н̃уд̇ам̣ бад̇д̇асса д̣̇вийсуби наг̇арзсу д̇аяо д̇аяо баасаад̣̇з гаарзд̇ваа наадагаани бажжубадтабзсум̣. згзгасмим̣ наг̇арз жад̇д̇ааро жад̇д̇ааро маасз васад̇и. згасмим̣ наг̇арз жад̇д̇ааро маасз вуд̇т̇асса сан̇гхааданааваасу ман̣д̣абам̣ гаарзд̇ваа д̇ад̇т̇а нам̣ сад̣̇д̇хим̣ наадагзхи ааробзнд̇и. со самбад̇д̇им̣ анубхавамаано жад̇уухи маасзхи ид̇арам̣ наг̇арам̣ г̇ажчад̇и. д̇ам̣наг̇араваасийни наадагаани ‘‘д̣̇вийхи маасзхи убад̣дхамаг̇г̇ам̣ ааг̇ад̇о бхависсад̇ий’’д̇и бажжуг̇г̇анд̇ваа д̇ам̣ бариваарзд̇ваа д̣̇вийхи маасзхи ад̇д̇ано наг̇арам̣ нзнд̇и, ид̇араани наадагаани нивад̇д̇ид̇ваа ад̇д̇ано наг̇арамзва г̇ажчанд̇и. д̇ад̇т̇а жад̇д̇ааро маасз васид̇ваа д̇знзва нияаамзна буна ид̇арам̣ наг̇арам̣ г̇ажчад̇и. звамасса самбад̇д̇им̣ анубхаванд̇асса асийд̇и вассаани барибун̣н̣аани.

    Tassa viññutaṃ pattassa dvīsupi nagaresu tayo tayo pāsāde kāretvā nāṭakāni paccupaṭṭhapesuṃ. Ekekasmiṃ nagare cattāro cattāro māse vasati. Ekasmiṃ nagare cattāro māse vutthassa saṅghāṭanāvāsu maṇḍapaṃ kāretvā tattha naṃ saddhiṃ nāṭakehi āropenti. So sampattiṃ anubhavamāno catūhi māsehi itaraṃ nagaraṃ gacchati. Taṃnagaravāsīni nāṭakāni ‘‘dvīhi māsehi upaḍḍhamaggaṃ āgato bhavissatī’’ti paccuggantvā taṃ parivāretvā dvīhi māsehi attano nagaraṃ nenti, itarāni nāṭakāni nivattitvā attano nagarameva gacchanti. Tattha cattāro māse vasitvā teneva niyāmena puna itaraṃ nagaraṃ gacchati. Evamassa sampattiṃ anubhavantassa asīti vassāni paripuṇṇāni.

    д̇асмим̣ самаяз амхаагам̣ б̣од̇хисад̇д̇о саб̣б̣ан̃н̃уд̇ам̣ бад̇ваа бавад̇д̇ид̇аварад̇хаммажагго ануггамзна жааригам̣ жарамаано госамб̣им̣ баабун̣и, б̣аараан̣асинд̇и маж̇жхимабхаан̣агаа. б̣аагуло сздтиби ко ‘‘д̣̇асаб̣ало ааг̇ад̇о’’д̇и суд̇ваа б̣ахум̣ г̇анд̇хамаалам̣ аад̣̇ааяа сад̇т̇у санд̇игам̣ г̇анд̇ваа д̇хаммагат̇ам̣ суд̇ваа бадилад̣̇д̇хасад̣̇д̇хо баб̣б̣аж̇и. со сад̇д̇аахамзва бут̇уж̇ж̇ано худ̇ваа адтамз арун̣з саха бадисамбхид̣̇аахи арахад̇д̇ам̣ баабун̣и. ат̇асса д̣̇вийсу наг̇арзсу г̇ихигаалз барижааригамаад̇уг̇аамаа ад̇д̇ано гулагхараани ааг̇анд̇ваа д̇ад̇т̇а васамаанаа жийвараани гад̇ваа бахин̣им̣су. т̇зро згам̣ ад̣̇д̇хамаасам̣ госамб̣иваасигзхи бахид̇ам̣ жийварам̣ бхун̃ж̇ад̇и, згам̣ ад̣̇д̇хамаасам̣ б̣аараан̣асиваасигзхийд̇и. зд̇знзва нияаамзна д̣̇вийсуби наг̇арзсу яам̣ яам̣ уд̇д̇амам̣, д̇ам̣ д̇ам̣ т̇зрассзва аахарияад̇и. т̇зрасса асийд̇и вассаани аг̇аарамаж̇жхз васанд̇асса д̣̇вийхан̇г̇улзхи г̇анд̇хабин̣д̣ам̣ г̇ахзд̇ваа убасин̇гханамад̇д̇амби гаалам̣ на гожи ааб̣аад̇хо наама ахоси. аасийд̇имз вассз сукзнзва баб̣б̣аж̇ж̇ам̣ убаг̇ад̇о. баб̣б̣аж̇ид̇ассаабисса аббамад̇д̇агоби ааб̣аад̇хо ваа жад̇уухи бажжаязхи взгаллам̣ ваа наахоси. со бажчимз гаалз бариниб̣б̣аанасамаязби бураан̣аг̇ихисахааяагасса ажзлагассабасса ад̇д̇ано гааяигажзд̇асигасукад̣̇ийбанавасзнзва сагалам̣ б̣аагуласуд̇д̇ам̣ (ма. ни. 3.209 аад̣̇аяо) гат̇зд̇ваа анубаад̣̇исзсааяа ниб̣б̣аанад̇хаад̇уяаа бариниб̣б̣ааяи. звам̣ адтуббад̇д̇и самудтид̇аа. сад̇т̇аа бана т̇зрасса д̇харамаанагаалзязва т̇зрз яат̇аа бадибаадияаа таананд̇арз табзнд̇о б̣аагулад̇т̇зрам̣ имасмим̣ саасанз аббааб̣аад̇хаанам̣ аг̇г̇адтаанз табзсийд̇и.

    Tasmiṃ samaye amhākaṃ bodhisatto sabbaññutaṃ patvā pavattitavaradhammacakko anukkamena cārikaṃ caramāno kosambiṃ pāpuṇi, bārāṇasinti majjhimabhāṇakā. Bākulo seṭṭhipi kho ‘‘dasabalo āgato’’ti sutvā bahuṃ gandhamālaṃ ādāya satthu santikaṃ gantvā dhammakathaṃ sutvā paṭiladdhasaddho pabbaji. So sattāhameva puthujjano hutvā aṭṭhame aruṇe saha paṭisambhidāhi arahattaṃ pāpuṇi. Athassa dvīsu nagaresu gihikāle paricārikamātugāmā attano kulagharāni āgantvā tattha vasamānā cīvarāni katvā pahiṇiṃsu. Thero ekaṃ addhamāsaṃ kosambivāsikehi pahitaṃ cīvaraṃ bhuñjati, ekaṃ addhamāsaṃ bārāṇasivāsikehīti. Eteneva niyāmena dvīsupi nagaresu yaṃ yaṃ uttamaṃ, taṃ taṃ therasseva āhariyati. Therassa asīti vassāni agāramajjhe vasantassa dvīhaṅgulehi gandhapiṇḍaṃ gahetvā upasiṅghanamattampi kālaṃ na koci ābādho nāma ahosi. Āsītime vasse sukheneva pabbajjaṃ upagato. Pabbajitassāpissa appamattakopi ābādho vā catūhi paccayehi vekallaṃ vā nāhosi. So pacchime kāle parinibbānasamayepi purāṇagihisahāyakassa acelakassapassa attano kāyikacetasikasukhadīpanavaseneva sakalaṃ bākulasuttaṃ (ma. ni. 3.209 ādayo) kathetvā anupādisesāya nibbānadhātuyā parinibbāyi. Evaṃ aṭṭhuppatti samuṭṭhitā. Satthā pana therassa dharamānakāleyeva there yathā paṭipāṭiyā ṭhānantare ṭhapento bākulattheraṃ imasmiṃ sāsane appābādhānaṃ aggaṭṭhāne ṭhapesīti.

    собхид̇ад̇т̇зравад̇т̇у

    Sobhitattheravatthu

    227. бан̃жамз буб̣б̣зниваасам̣ ануссаранд̇аананд̇и буб̣б̣з нивуд̇т̇агканд̇хасанд̇аанам̣ ануссаран̣асамад̇т̇аанам̣ собхид̇ад̇т̇зро аг̇г̇од̇и д̣̇ассзд̇и. со гира буб̣б̣зниваасам̣ анубадибаадияаа ануссарамаано бан̃жа габбасад̇аани асан̃н̃ибхавз ажид̇д̇агабадисанд̇хим̣ наяад̇о аг̇г̇ахзси аагаасз бад̣̇ам̣ д̣̇ассзнд̇о вияа. д̇асмаа буб̣б̣зниваасам̣ ануссаранд̇аанам̣ аг̇г̇о наама ж̇аад̇о.

    227. Pañcame pubbenivāsaṃ anussarantānanti pubbe nivutthakkhandhasantānaṃ anussaraṇasamatthānaṃ sobhitatthero aggoti dasseti. So kira pubbenivāsaṃ anupaṭipāṭiyā anussaramāno pañca kappasatāni asaññibhave acittakapaṭisandhiṃ nayato aggahesi ākāse padaṃ dassento viya. Tasmā pubbenivāsaṃ anussarantānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяамби гира бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз бадисанд̇хим̣ г̇ан̣хид̇ваа ваяаббад̇д̇о сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ буб̣б̣зниваасан̃аан̣алаабхийнам̣ бхигкуунам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яааваж̇ийвам̣ гусалагаммам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇и, собхид̇од̇исса наамам̣ агам̣су.

    Tassa pañhakamme ayamanupubbikathā – ayampi kira padumuttarabuddhakāle haṃsavatīnagare kulagehe paṭisandhiṃ gaṇhitvā vayappatto satthu dhammadesanaṃ suṇanto satthāraṃ ekaṃ bhikkhuṃ pubbenivāsañāṇalābhīnaṃ bhikkhūnaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvajīvaṃ kusalakammaṃ katvā devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbatti, sobhitotissa nāmaṃ akaṃsu.

    со абарзна самаязна сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ вад̣дхзд̇ваа арахад̇д̇ам̣ бад̇ваа буб̣б̣зниваасан̃аан̣з жин̣н̣авасий ахоси. со анубадибаадияаа ад̇д̇ано ниб̣б̣ад̇д̇адтаанам̣ ануссаранд̇о яаава асан̃н̃ибхавз ажид̇д̇агабадисанд̇хи, д̇аава бадисанд̇хим̣ ад̣̇д̣̇аса. д̇ад̇о барам̣ анд̇арз бан̃жа габбасад̇аани бавад̇д̇им̣ ад̣̇исваа авасаанз жуд̇им̣ д̣̇исваа ‘‘гим̣ наамзд̇а’’нд̇и ааваж̇ж̇амаано наяавасзна ‘‘асан̃н̃ибхаво бхависсад̇ий’’д̇и нидтам̣ аг̇амааси. сад̇т̇аа имам̣ гааран̣ам̣ адтуббад̇д̇им̣ гад̇ваа т̇зрам̣ буб̣б̣зниваасам̣ ануссаранд̇аанам̣ аг̇г̇адтаанз табзсийд̇и.

    So aparena samayena satthu dhammadesanaṃ sutvā paṭiladdhasaddho pabbajitvā vipassanaṃ vaḍḍhetvā arahattaṃ patvā pubbenivāsañāṇe ciṇṇavasī ahosi. So anupaṭipāṭiyā attano nibbattaṭṭhānaṃ anussaranto yāva asaññibhave acittakapaṭisandhi, tāva paṭisandhiṃ addasa. Tato paraṃ antare pañca kappasatāni pavattiṃ adisvā avasāne cutiṃ disvā ‘‘kiṃ nāmeta’’nti āvajjamāno nayavasena ‘‘asaññibhavo bhavissatī’’ti niṭṭhaṃ agamāsi. Satthā imaṃ kāraṇaṃ aṭṭhuppattiṃ katvā theraṃ pubbenivāsaṃ anussarantānaṃ aggaṭṭhāne ṭhapesīti.

    убаалид̇т̇зравад̇т̇у

    Upālittheravatthu

    228. чадтз винаяад̇хараанам̣ яад̣̇ид̣̇ам̣ убаалийд̇и винаяад̇хараанам̣ бхигкуунам̣ убаалид̇т̇зро аг̇г̇од̇и д̣̇ассзд̇и. т̇зро гира д̇ат̇ааг̇ад̇ассзва санд̇игз гаммадтаанам̣ г̇ахзд̇ваа вибассанам̣ вад̣дхзд̇ваа арахад̇д̇ам̣ баабун̣и. д̇ат̇ааг̇ад̇ассзва санд̇игз винаяабидагам̣ уг̇г̇ан̣хид̇ваа бхааругажчагавад̇т̇ум̣, аж̇ж̇угавад̇т̇ум̣, (баараа. 158) гумаарагассабавад̇т̇унд̇и имаани д̇ийн̣и вад̇т̇ууни саб̣б̣ан̃н̃уд̇ан̃н̃аан̣зна сад̣̇д̇хим̣ сам̣санд̣̇зд̇ваа гат̇зси. д̇асмаа винаяад̇хараанам̣ аг̇г̇о наама ж̇аад̇о.

    228. Chaṭṭhe vinayadharānaṃ yadidaṃ upālīti vinayadharānaṃ bhikkhūnaṃ upālitthero aggoti dasseti. Thero kira tathāgatasseva santike kammaṭṭhānaṃ gahetvā vipassanaṃ vaḍḍhetvā arahattaṃ pāpuṇi. Tathāgatasseva santike vinayapiṭakaṃ uggaṇhitvā bhārukacchakavatthuṃ, ajjukavatthuṃ, (pārā. 158) kumārakassapavatthunti imāni tīṇi vatthūni sabbaññutaññāṇena saddhiṃ saṃsandetvā kathesi. Tasmā vinayadharānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – бад̣̇умуд̇д̇араб̣уд̣̇д̇хагаалз гирзса хам̣савад̇ияам̣ гулагхарз ниб̣б̣ад̇д̇о згад̣̇ивасам̣ сад̇т̇у д̇хаммагат̇ам̣ сун̣анд̇о сад̇т̇аарам̣ згам̣ бхигкум̣ винаяад̇хараанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габбагаг̇зхз бадисанд̇хим̣ г̇ан̣хи , убаалид̣̇аарагод̇исса наамам̣ агам̣су. со ваяаббад̇д̇о чаннам̣ кад̇д̇ияаанам̣ басаад̇хаго худ̇ваа д̇ат̇ааг̇ад̇з анубияамб̣аванз вихаранд̇з баб̣б̣аж̇ж̇ад̇т̇ааяа нигкаманд̇зхи д̇зд̇и чахи кад̇д̇иязхи сад̣̇д̇хим̣ нигкамид̇ваа баб̣б̣аж̇и. д̇асса баб̣б̣аж̇ж̇аавид̇хаанам̣ баал̣ияам̣ (жуул̣ава. 330) ааг̇ад̇амзва.

    Tassa pañhakamme ayamanupubbikathā – padumuttarabuddhakāle kiresa haṃsavatiyaṃ kulaghare nibbatto ekadivasaṃ satthu dhammakathaṃ suṇanto satthāraṃ ekaṃ bhikkhuṃ vinayadharānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvajīvaṃ kusalaṃ katvā devamanussesu saṃsaranto imasmiṃ buddhuppāde kappakagehe paṭisandhiṃ gaṇhi , upālidārakotissa nāmaṃ akaṃsu. So vayappatto channaṃ khattiyānaṃ pasādhako hutvā tathāgate anupiyambavane viharante pabbajjatthāya nikkhamantehi teti chahi khattiyehi saddhiṃ nikkhamitvā pabbaji. Tassa pabbajjāvidhānaṃ pāḷiyaṃ (cūḷava. 330) āgatameva.

    со баб̣б̣аж̇ид̇ваа убасамбанно сад̇т̇аарам̣ гаммадтаанам̣ гат̇аабзд̇ваа ‘‘маяхам̣, бханд̇з, аран̃н̃аваасам̣ ануж̇аанаат̇аа’’д̇и ааха. бхигку д̇ава аран̃н̃з васанд̇асса згамзва д̇хурам̣ вад̣дхиссад̇и, амхаагам̣ бана санд̇игз васанд̇асса вибассанаад̇хуран̃жа г̇ант̇ад̇хуран̃жа барибуурзссад̇ийд̇и. т̇зро сад̇т̇у важанам̣ самбадижчид̇ваа вибассанааяа гаммам̣ гаронд̇о нажирассзва арахад̇д̇ам̣ баабун̣и. ат̇а нам̣ сад̇т̇аа саяамзва сагалам̣ винаяабидагам̣ уг̇г̇ан̣хаабзси. со абарабхааг̇з хздтаа вуд̇д̇аани д̇ийн̣и вад̇т̇ууни винижчини. сад̇т̇аа згзгасмим̣ винижчид̇з саад̇хугаарам̣ д̣̇ад̇ваа д̇аяоби винижчаяз адтуббад̇д̇им̣ гад̇ваа т̇зрам̣ винаяад̇хараанам̣ аг̇г̇адтаанз табзсийд̇и.

    So pabbajitvā upasampanno satthāraṃ kammaṭṭhānaṃ kathāpetvā ‘‘mayhaṃ, bhante, araññavāsaṃ anujānāthā’’ti āha. Bhikkhu tava araññe vasantassa ekameva dhuraṃ vaḍḍhissati, amhākaṃ pana santike vasantassa vipassanādhurañca ganthadhurañca paripūressatīti. Thero satthu vacanaṃ sampaṭicchitvā vipassanāya kammaṃ karonto nacirasseva arahattaṃ pāpuṇi. Atha naṃ satthā sayameva sakalaṃ vinayapiṭakaṃ uggaṇhāpesi. So aparabhāge heṭṭhā vuttāni tīṇi vatthūni vinicchini. Satthā ekekasmiṃ vinicchite sādhukāraṃ datvā tayopi vinicchaye aṭṭhuppattiṃ katvā theraṃ vinayadharānaṃ aggaṭṭhāne ṭhapesīti.

    нанд̣̇агад̇т̇зравад̇т̇у

    Nandakattheravatthu

    229. сад̇д̇амз бхигкуноваад̣̇агаанам̣ яад̣̇ид̣̇ам̣ нанд̣̇агод̇и аяам̣ хи т̇зро д̇хаммагат̇ам̣ гат̇знд̇о згасамод̇хаанз бан̃жа бхигкунийсад̇аани арахад̇д̇ам̣ баабзси. д̇асмаа бхигкуноваад̣̇агаанам̣ аг̇г̇о наама ж̇аад̇о.

    229. Sattame bhikkhunovādakānaṃ yadidaṃ nandakoti ayaṃ hi thero dhammakathaṃ kathento ekasamodhāne pañca bhikkhunīsatāni arahattaṃ pāpesi. Tasmā bhikkhunovādakānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяан̃хи бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз ниб̣б̣ад̇д̇о сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ бхигкуноваад̣̇агаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз бадисанд̇хим̣ г̇ахзд̇ваа ваяаббад̇д̇о сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо сад̇т̇у санд̇игз баб̣б̣аж̇ид̇ваа вибассанам̣ вад̣дхзд̇ваа арахад̇д̇ам̣ баабун̣и, буб̣б̣зниваасан̃аан̣з жа жин̣н̣авасий ахоси. со жад̇уусу барисаасу самбад̇д̇аасу ‘‘саб̣б̣зсам̣язва манам̣ г̇ахзд̇ваа гат̇зд̇ум̣ саггод̇ий’’д̇и д̇хаммагат̇игананд̣̇аго наама ж̇аад̇о. д̇ат̇ааг̇ад̇оби ко рохин̣ийнад̣̇ийд̇ийрз жумб̣адагагалахз нигкамид̇ваа баб̣б̣аж̇ид̇аанам̣ бан̃жаннам̣ саагияагумаарасад̇аанам̣ анабхирад̇ияаа уббаннааяа д̇з бхигкуу аад̣̇ааяа гун̣аалад̣̇ахам̣ г̇анд̇ваа гун̣аалаж̇аад̇агагат̇ааяа (ж̇аа. 2.21.гун̣аалаж̇аад̇ага) нзсам̣ сам̣виг̇г̇абхаавам̣ н̃ад̇ваа жад̇усажжагат̇ам̣ гат̇зд̇ваа сод̇аабад̇д̇ипалз бад̇идтаабзси. абарабхааг̇з махаасамаяасуд̇д̇ам̣ (д̣̇ий. ни. 2.331 аад̣̇аяо) гат̇зд̇ваа аг̇г̇апалам̣ арахад̇д̇ам̣ баабзси. д̇зсам̣ т̇зраанам̣ бураан̣ад̣̇уд̇ияигаа ‘‘амхз д̣̇аани ид̇ха гим̣ гариссаамаа’’д̇и вад̇ваа саб̣б̣аава згажид̇д̇аа худ̇ваа махаабаж̇аабад̇им̣ убасан̇гамид̇ваа баб̣б̣аж̇ж̇ам̣ яаажим̣су. д̇ааби бан̃жасад̇аа т̇зрияаа санд̇игз баб̣б̣аж̇ж̇ан̃жа убасамбад̣̇ан̃жа лабхим̣су. ад̇ийд̇аананд̇арааяа бана ж̇аад̇ияаа саб̣б̣аава д̇аа нанд̣̇агад̇т̇зрасса рааж̇абуд̇д̇абхаавз тид̇асса баад̣̇абарижааригаа ахзсум̣.

    Tassa pañhakamme ayamanupubbikathā – ayañhi padumuttarabuddhakāle haṃsavatīnagare kulagehe nibbatto satthu dhammadesanaṃ suṇanto satthāraṃ ekaṃ bhikkhuṃ bhikkhunovādakānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvajīvaṃ kusalaṃ katvā devamanussesu saṃsaranto imasmiṃ buddhuppāde sāvatthiyaṃ kulagehe paṭisandhiṃ gahetvā vayappatto satthu dhammadesanaṃ sutvā paṭiladdhasaddho satthu santike pabbajitvā vipassanaṃ vaḍḍhetvā arahattaṃ pāpuṇi, pubbenivāsañāṇe ca ciṇṇavasī ahosi. So catūsu parisāsu sampattāsu ‘‘sabbesaṃyeva manaṃ gahetvā kathetuṃ sakkotī’’ti dhammakathikanandako nāma jāto. Tathāgatopi kho rohiṇīnadītīre cumbaṭakakalahe nikkhamitvā pabbajitānaṃ pañcannaṃ sākiyakumārasatānaṃ anabhiratiyā uppannāya te bhikkhū ādāya kuṇāladahaṃ gantvā kuṇālajātakakathāya (jā. 2.21.kuṇālajātaka) nesaṃ saṃviggabhāvaṃ ñatvā catusaccakathaṃ kathetvā sotāpattiphale patiṭṭhāpesi. Aparabhāge mahāsamayasuttaṃ (dī. ni. 2.331 ādayo) kathetvā aggaphalaṃ arahattaṃ pāpesi. Tesaṃ therānaṃ purāṇadutiyikā ‘‘amhe dāni idha kiṃ karissāmā’’ti vatvā sabbāva ekacittā hutvā mahāpajāpatiṃ upasaṅkamitvā pabbajjaṃ yāciṃsu. Tāpi pañcasatā theriyā santike pabbajjañca upasampadañca labhiṃsu. Atītānantarāya pana jātiyā sabbāva tā nandakattherassa rājaputtabhāve ṭhitassa pādaparicārikā ahesuṃ.

    д̇зна самаязна сад̇т̇аа ‘‘бхигкуу бхигкунияо овад̣̇анд̇уу’’д̇и ааха. т̇зро ад̇д̇ано ваарз самбад̇д̇з д̇аасам̣ буримабхавз ад̇д̇ано баад̣̇абарижааригабхаавам̣ н̃ад̇ваа жинд̇зси – ‘‘мам̣ имасса бхигкунийсан̇гхасса маж̇жхз нисиннам̣ убамааяо жа гааран̣аани жа аахарид̇ваа д̇хаммам̣ гат̇аяамаанам̣ д̣̇исваа ан̃н̃о буб̣б̣зниваасан̃аан̣алаабхий бхигку имам̣ гааран̣ам̣ ологзд̇ваа ‘ааяасмаа нанд̣̇аго яааваж̇ж̇ад̣̇ивасаа ород̇хз на виссаж̇ж̇зд̇и, собхад̇ааяамааяасмаа ород̇хабаривуд̇о’д̇и вад̇д̇аб̣б̣ам̣ ман̃н̃зяяаа’’д̇и. д̇асмаа саяам̣ аг̇анд̇ваа ан̃н̃ам̣ бхигкум̣ бзсзси. д̇аа бана бан̃жасад̇аа бхигкунияо т̇зрассзва оваад̣̇ам̣ бажжаасийсанд̇и. иминаа гааран̣зна бхаг̇аваа ‘‘ад̇д̇ано ваарз самбад̇д̇з ан̃н̃ам̣ абзсзд̇ваа саяамзва г̇анд̇ваа бхигкунийсан̇гхам̣ овад̣̇аахий’’д̇и т̇зрам̣ ааха. со сад̇т̇у гат̇ам̣ бадиб̣аахид̇ум̣ асаггонд̇о ад̇д̇ано ваарз самбад̇д̇з жаад̇уд̣̇д̣̇асз бхигкунисан̇гхасса оваад̣̇ам̣ д̣̇ад̇ваа саб̣б̣аава д̇аа бхигкунияо сал̣ааяад̇анабадиман̣д̣ид̇ааяа д̇хаммад̣̇зсанааяа сод̇аабад̇д̇ипалз бад̇идтаабзси.

    Tena samayena satthā ‘‘bhikkhū bhikkhuniyo ovadantū’’ti āha. Thero attano vāre sampatte tāsaṃ purimabhave attano pādaparicārikabhāvaṃ ñatvā cintesi – ‘‘maṃ imassa bhikkhunīsaṅghassa majjhe nisinnaṃ upamāyo ca kāraṇāni ca āharitvā dhammaṃ kathayamānaṃ disvā añño pubbenivāsañāṇalābhī bhikkhu imaṃ kāraṇaṃ oloketvā ‘āyasmā nandako yāvajjadivasā orodhe na vissajjeti, sobhatāyamāyasmā orodhaparivuto’ti vattabbaṃ maññeyyā’’ti. Tasmā sayaṃ agantvā aññaṃ bhikkhuṃ pesesi. Tā pana pañcasatā bhikkhuniyo therasseva ovādaṃ paccāsīsanti. Iminā kāraṇena bhagavā ‘‘attano vāre sampatte aññaṃ apesetvā sayameva gantvā bhikkhunīsaṅghaṃ ovadāhī’’ti theraṃ āha. So satthu kathaṃ paṭibāhituṃ asakkonto attano vāre sampatte cātuddase bhikkhunisaṅghassa ovādaṃ datvā sabbāva tā bhikkhuniyo saḷāyatanapaṭimaṇḍitāya dhammadesanāya sotāpattiphale patiṭṭhāpesi.

    д̇аа бхигкунияо т̇зрасса д̇хаммад̣̇зсанааяа ад̇д̇аманаа худ̇ваа сад̇т̇у санд̇игам̣ г̇анд̇ваа ад̇д̇ано бадивид̣̇д̇хаг̇ун̣ам̣ аарожзсум̣. сад̇т̇аа ‘‘гасмим̣ ну ко д̇хаммам̣ д̣̇зсзнд̇з имаа бхигкунияо убаримаг̇г̇апалаани баабун̣зяяу’’нд̇и ааваж̇ж̇знд̇о буна ‘‘д̇ам̣язва нанд̣̇агасса д̇хаммад̣̇зсанам̣ суд̇ваа бан̃жасад̇ааби зд̇аа арахад̇д̇ам̣ баабун̣иссанд̇ий’’д̇и д̣̇исваа бунад̣̇ивасзби т̇зрассзва санд̇игам̣ д̇хаммассаванад̇т̇ааяа бзсзси. д̇аа бунад̣̇ивасз д̇хаммам̣ суд̇ваа саб̣б̣аава арахад̇д̇ам̣ бад̇д̇аа. д̇ам̣д̣̇ивасам̣ бхаг̇аваа д̇аасам̣ бхигкунийнам̣ ад̇д̇ано санд̇игам̣ ааг̇ад̇агаалз д̇хаммад̣̇зсанааяа сапалабхаавам̣ н̃ад̇ваа ‘‘хияяо нанд̣̇агасса д̇хаммад̣̇зсанаа жаад̇уд̣̇д̣̇асияам̣ жанд̣̇асад̣̇исий ахоси, аж̇ж̇а баннарасияам̣ жанд̣̇асад̣̇исий’’д̇и вад̇ваа т̇зрасса саад̇хугаарам̣ д̣̇ад̇ваа д̇ад̣̇зва жа гааран̣ам̣ адтуббад̇д̇им̣ гад̇ваа т̇зрам̣ бхигкуноваад̣̇агаанам̣ аг̇г̇адтаанз табзсийд̇и.

    Tā bhikkhuniyo therassa dhammadesanāya attamanā hutvā satthu santikaṃ gantvā attano paṭividdhaguṇaṃ ārocesuṃ. Satthā ‘‘kasmiṃ nu kho dhammaṃ desente imā bhikkhuniyo uparimaggaphalāni pāpuṇeyyu’’nti āvajjento puna ‘‘taṃyeva nandakassa dhammadesanaṃ sutvā pañcasatāpi etā arahattaṃ pāpuṇissantī’’ti disvā punadivasepi therasseva santikaṃ dhammassavanatthāya pesesi. Tā punadivase dhammaṃ sutvā sabbāva arahattaṃ pattā. Taṃdivasaṃ bhagavā tāsaṃ bhikkhunīnaṃ attano santikaṃ āgatakāle dhammadesanāya saphalabhāvaṃ ñatvā ‘‘hiyyo nandakassa dhammadesanā cātuddasiyaṃ candasadisī ahosi, ajja pannarasiyaṃ candasadisī’’ti vatvā therassa sādhukāraṃ datvā tadeva ca kāraṇaṃ aṭṭhuppattiṃ katvā theraṃ bhikkhunovādakānaṃ aggaṭṭhāne ṭhapesīti.

    нанд̣̇ад̇т̇зравад̇т̇у

    Nandattheravatthu

    230. адтамз инд̣̇риязсу г̇уд̇д̇ад̣̇ваараананд̇и часу инд̣̇риязсу бихид̇ад̣̇ваараанам̣ нанд̣̇ад̇т̇зро аг̇г̇од̇и д̣̇ассзд̇и. гин̃жааби хи сад̇т̇усаавагаа аг̇уд̇д̇ад̣̇ваараа наама над̇т̇и, нанд̣̇ад̇т̇зро бана д̣̇асасу д̣̇исаасу яам̣ яам̣ д̣̇исам̣ ологзд̇угаамо ход̇и, на д̇ам̣ жад̇усамбаж̇ан̃н̃авасзна абарижчинд̣̇ид̇ваа ологзд̇и. д̇асмаа инд̣̇риязсу г̇уд̇д̇ад̣̇ваараанам̣ аг̇г̇о наама ж̇аад̇о.

    230. Aṭṭhame indriyesu guttadvārānanti chasu indriyesu pihitadvārānaṃ nandatthero aggoti dasseti. Kiñcāpi hi satthusāvakā aguttadvārā nāma natthi, nandatthero pana dasasu disāsu yaṃ yaṃ disaṃ oloketukāmo hoti, na taṃ catusampajaññavasena aparicchinditvā oloketi. Tasmā indriyesu guttadvārānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз бадисанд̇хим̣ г̇ахзд̇ваа ваяаббад̇д̇о сад̇т̇у санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ инд̣̇риязсу г̇уд̇д̇ад̣̇ваараанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о габилавад̇т̇убурз махаабаж̇аабад̇иг̇од̇амияаа гужчимхи бадисанд̇хим̣ г̇ан̣хи. ат̇асса наамаг̇г̇ахан̣ад̣̇ивасз н̃аад̇исан̇гхам̣ нанд̣̇аяанд̇о д̇осзнд̇о ж̇аад̇од̇и нанд̣̇агумаарод̇зва наамам̣ агам̣су.

    Tassa pañhakamme ayamanupubbikathā – ayampi hi padumuttarabuddhakāle haṃsavatīnagare kulagehe paṭisandhiṃ gahetvā vayappatto satthu santike dhammaṃ suṇanto satthāraṃ ekaṃ bhikkhuṃ indriyesu guttadvārānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvajīvaṃ kusalaṃ katvā devamanussesu saṃsaranto kapilavatthupure mahāpajāpatigotamiyā kucchimhi paṭisandhiṃ gaṇhi. Athassa nāmaggahaṇadivase ñātisaṅghaṃ nandayanto tosento jātoti nandakumāroteva nāmaṃ akaṃsu.

    махаасад̇д̇оби саб̣б̣ан̃н̃уд̇ам̣ бад̇ваа бавад̇д̇ид̇аварад̇хаммажагго логаануг̇г̇ахам̣ гаронд̇о рааж̇аг̇ахад̇о габилавад̇т̇убурам̣ г̇анд̇ваа батамад̣̇ассанзнзва бид̇арам̣ сод̇аабад̇д̇ипалз бад̇идтаабзси. бунад̣̇ивасз бид̇у нивзсанам̣ г̇анд̇ваа раахуламаад̇ааяа оваад̣̇ам̣ д̣̇ад̇ваа сзсаж̇анассаби д̇хаммам̣ гат̇зси. бунад̣̇ивасз нанд̣̇агумаарасса абхисзгаг̇зхабавзсанаааваахаман̇г̇алзсу вад̇д̇амаанзсу д̇асса нивзсанам̣ г̇анд̇ваа гумаарам̣ бад̇д̇ам̣ г̇аахаабзд̇ваа баб̣б̣ааж̇зд̇ум̣ вихаараабхимуко бааяааси. нанд̣̇агумаарам̣ абхисзгаман̇г̇алам̣ на д̇ат̇аа бийл̣зси, бад̇д̇ам̣ аад̣̇ааяа г̇аманагаалз бана ж̇анабад̣̇агаляаан̣ий убарибаасаад̣̇авараг̇ад̇аа сийхабан̃ж̇арам̣ уг̇гхаадзд̇ваа ‘‘д̇увадам̣ ко, аяяабуд̇д̇а, ааг̇ажчзяяаасий’’д̇и яам̣ ваажам̣ нижчаарзси. д̇ам̣ суд̇ваа г̇зхасид̇ачанд̣̇арааг̇авасзна ологзнд̇о банзса сад̇т̇ари г̇ааравзна яат̇ааружияаа нимид̇д̇ам̣ г̇ахзд̇ум̣ наасагки, д̇знасса жид̇д̇асанд̇аабо ахоси. ат̇а нам̣ ‘‘имасмим̣ таанз нивад̇д̇зссад̇и, имасмим̣ таанз нивад̇д̇зссад̇ий’’д̇и жинд̇знд̇амзва сад̇т̇аа вихаарам̣ нзд̇ваа баб̣б̣ааж̇зси. баб̣б̣аж̇ид̇оби бадиб̣аахид̇ум̣ асаггонд̇о д̇ун̣хий ахоси. баб̣б̣аж̇ид̇ад̣̇ивасад̇о бадтааяа бана ж̇анабад̣̇агаляаан̣ияаа вуд̇д̇аважанамзва сарад̇и. ат̇асса саа ааг̇анд̇ваа авид̣̇уурз тид̇аа вияа ахоси. со анабхирад̇ияаа бийл̣ид̇о т̇огам̣ таанам̣ г̇ажчад̇и, д̇асса г̇умб̣ам̣ ваа г̇ажчам̣ ваа ад̇иггаманд̇ассзва д̣̇асаб̣ало бурад̇о тид̇аго вияа ахоси. со аг̇г̇имхи багкид̇д̇ам̣ гуггудабад̇д̇ам̣ вияа бадинивад̇д̇ид̇ваа ад̇д̇ано васанадтаанамзва бависад̇и.

    Mahāsattopi sabbaññutaṃ patvā pavattitavaradhammacakko lokānuggahaṃ karonto rājagahato kapilavatthupuraṃ gantvā paṭhamadassaneneva pitaraṃ sotāpattiphale patiṭṭhāpesi. Punadivase pitu nivesanaṃ gantvā rāhulamātāya ovādaṃ datvā sesajanassapi dhammaṃ kathesi. Punadivase nandakumārassa abhisekagehapavesanaāvāhamaṅgalesu vattamānesu tassa nivesanaṃ gantvā kumāraṃ pattaṃ gāhāpetvā pabbājetuṃ vihārābhimukho pāyāsi. Nandakumāraṃ abhisekamaṅgalaṃ na tathā pīḷesi, pattaṃ ādāya gamanakāle pana janapadakalyāṇī uparipāsādavaragatā sīhapañjaraṃ ugghāṭetvā ‘‘tuvaṭaṃ kho, ayyaputta, āgaccheyyāsī’’ti yaṃ vācaṃ nicchāresi. Taṃ sutvā gehasitachandarāgavasena olokento panesa satthari gāravena yathāruciyā nimittaṃ gahetuṃ nāsakkhi, tenassa cittasantāpo ahosi. Atha naṃ ‘‘imasmiṃ ṭhāne nivattessati, imasmiṃ ṭhāne nivattessatī’’ti cintentameva satthā vihāraṃ netvā pabbājesi. Pabbajitopi paṭibāhituṃ asakkonto tuṇhī ahosi. Pabbajitadivasato paṭṭhāya pana janapadakalyāṇiyā vuttavacanameva sarati. Athassa sā āgantvā avidūre ṭhitā viya ahosi. So anabhiratiyā pīḷito thokaṃ ṭhānaṃ gacchati, tassa gumbaṃ vā gacchaṃ vā atikkamantasseva dasabalo purato ṭhitako viya ahosi. So aggimhi pakkhittaṃ kukkuṭapattaṃ viya paṭinivattitvā attano vasanaṭṭhānameva pavisati.

    сад̇т̇аа жинд̇зси – ‘‘нанд̣̇о ад̇ивияа бамад̇д̇о вихарад̇и, анабхирад̇им̣ вуубасамзд̇ум̣ на саггод̇и, зд̇асса жид̇д̇аниб̣б̣аабанам̣ гаад̇ум̣ ваддад̇ий’’д̇и. д̇ад̇о нам̣ ааха – ‘‘зхи, нанд̣̇а, д̣̇зважааригам̣ г̇ажчиссаамаа’’д̇и. бхаг̇аваа гат̇аахам̣ ид̣̇д̇химанд̇зхи г̇анд̇аб̣б̣адтаанам̣ г̇амиссаамийд̇и. д̇вам̣ гзвалам̣ г̇аманажид̇д̇ам̣ уббаад̣̇зхи, г̇анд̇ваа бассиссасийд̇и. со д̣̇асаб̣аласса аанубхаавзна д̇ат̇ааг̇ад̇знзва сад̣̇д̇хим̣ д̣̇зважааригам̣ г̇анд̇ваа саггасса д̣̇зваран̃н̃о нивзсанам̣ ологзд̇ваа бан̃жа ажчараасад̇аани ад̣̇д̣̇аса. сад̇т̇аа нанд̣̇ад̇т̇зрам̣ субханимид̇д̇авасзна д̇аа ологзнд̇ам̣ д̣̇исваа, ‘‘нанд̣̇а, имаа ну ко ажчараа манаабаа, ат̇а ж̇анабад̣̇агаляаан̣ий’’д̇и бужчи. бханд̇з, ж̇анабад̣̇агаляаан̣ий имаа ажчараа убанид̇хааяа ган̣н̣анаасажчиннагаа маггадий вияа кааяад̇ийд̇и. нанд̣̇а, зваруубаа ажчараа саман̣ад̇хаммам̣ гаронд̇аанам̣ на д̣̇уллабхаад̇и. сажз мз, бханд̇з бхаг̇аваа, баадибхог̇о ход̇и, ахам̣ саман̣ад̇хаммам̣ гариссаамийд̇и. виссад̇т̇о д̇вам̣, нанд̣̇а, саман̣ад̇хаммам̣ гарохи. сажз д̇з саббадисанд̇хигаа гаалагирияаа бхависсад̇и, ахам̣ зд̇аасам̣ бадилаабхад̇т̇ааяа баадибхог̇од̇и. ид̇и сад̇т̇аа яат̇ааружияаа д̣̇зважааригам̣ жарид̇ваа ж̇зд̇аванамзва бажжааг̇ан̃чи.

    Satthā cintesi – ‘‘nando ativiya pamatto viharati, anabhiratiṃ vūpasametuṃ na sakkoti, etassa cittanibbāpanaṃ kātuṃ vaṭṭatī’’ti. Tato naṃ āha – ‘‘ehi, nanda, devacārikaṃ gacchissāmā’’ti. Bhagavā kathāhaṃ iddhimantehi gantabbaṭṭhānaṃ gamissāmīti. Tvaṃ kevalaṃ gamanacittaṃ uppādehi, gantvā passissasīti. So dasabalassa ānubhāvena tathāgateneva saddhiṃ devacārikaṃ gantvā sakkassa devarañño nivesanaṃ oloketvā pañca accharāsatāni addasa. Satthā nandattheraṃ subhanimittavasena tā olokentaṃ disvā, ‘‘nanda, imā nu kho accharā manāpā, atha janapadakalyāṇī’’ti pucchi. Bhante, janapadakalyāṇī imā accharā upanidhāya kaṇṇanāsacchinnakā makkaṭī viya khāyatīti. Nanda, evarūpā accharā samaṇadhammaṃ karontānaṃ na dullabhāti. Sace me, bhante bhagavā, pāṭibhogo hoti, ahaṃ samaṇadhammaṃ karissāmīti. Vissattho tvaṃ, nanda, samaṇadhammaṃ karohi. Sace te sappaṭisandhikā kālakiriyā bhavissati, ahaṃ etāsaṃ paṭilābhatthāya pāṭibhogoti. Iti satthā yathāruciyā devacārikaṃ caritvā jetavanameva paccāgañchi.

    д̇ад̇о бадтааяа нанд̣̇ад̇т̇зро ажчараанам̣ хзд̇у рад̇д̇инд̣̇ивам̣ саман̣ад̇хаммам̣ гарод̇и. сад̇т̇аа бхигкуу аан̣аабзси – ‘‘д̇умхз нанд̣̇асса васанадтаанз ‘зго гира бхигку д̣̇асаб̣алам̣ баадибхог̇ам̣ гад̇ваа ажчараанам̣ хзд̇у саман̣ад̇хаммам̣ гарод̇ий’д̇и д̇ад̇т̇а д̇ад̇т̇а гат̇знд̇аа вижарат̇аа’’д̇и. д̇з сад̇т̇у важанам̣ самбадижчид̇ваа ‘‘бхад̇аго гирааяасмаа нанд̣̇о, убаггид̇аго гирааяасмаа нанд̣̇о, ажчараанам̣ хзд̇у б̣рахмажарияам̣ жарад̇и, бхаг̇аваа гирасса баадибхог̇о бан̃жаннам̣ ажчараасад̇аанам̣ бадилаабхааяа гагудабаад̣̇ийна’’нд̇и т̇зрасса савануубажаарз гат̇знд̇аа вижаранд̇и. нанд̣̇ад̇т̇зро д̇ам̣ гат̇ам̣ суд̇ваа ‘‘имз бхигкуу на ан̃н̃ам̣ гат̇знд̇и, мам̣ аараб̣бха гат̇знд̇и, аяуд̇д̇ам̣ мама гамма’’нд̇и бадисан̇каанам̣ уббаад̣̇зд̇ваа вибассанам̣ вад̣дхзд̇ваа арахад̇д̇ам̣ баабун̣и. ат̇асса арахад̇д̇абад̇д̇агкан̣зязва ан̃н̃ад̇араа д̣̇звад̇аа бхаг̇авад̇о зд̇амад̇т̇ам̣ аарожзси, саяамби бхаг̇аваа ан̃н̃аасиязва. бунад̣̇ивасз нанд̣̇ад̇т̇зро бхаг̇аванд̇ам̣ убасан̇гамид̇ваа звамааха – ‘‘яам̣ мз, бханд̇з бхаг̇аваа , баадибхог̇о бан̃жаннам̣ ажчараасад̇аанам̣ бадилаабхааяа гагудабаад̣̇ийнам̣, мун̃жаамахам̣, бханд̇з, бхаг̇аванд̇ам̣ зд̇асмаа бадиссаваа’’д̇и. звам̣ вад̇т̇у (уд̣̇аа. 22) самудтид̇ам̣ . сад̇т̇аа абарабхааг̇з ж̇зд̇аванавихаарз вихаранд̇о т̇зрам̣ инд̣̇риязсу г̇уд̇д̇ад̣̇ваараанам̣ аг̇г̇адтаанз табзсийд̇и.

    Tato paṭṭhāya nandatthero accharānaṃ hetu rattindivaṃ samaṇadhammaṃ karoti. Satthā bhikkhū āṇāpesi – ‘‘tumhe nandassa vasanaṭṭhāne ‘eko kira bhikkhu dasabalaṃ pāṭibhogaṃ katvā accharānaṃ hetu samaṇadhammaṃ karotī’ti tattha tattha kathentā vicarathā’’ti. Te satthu vacanaṃ sampaṭicchitvā ‘‘bhatako kirāyasmā nando, upakkitako kirāyasmā nando, accharānaṃ hetu brahmacariyaṃ carati, bhagavā kirassa pāṭibhogo pañcannaṃ accharāsatānaṃ paṭilābhāya kakuṭapādīna’’nti therassa savanūpacāre kathentā vicaranti. Nandatthero taṃ kathaṃ sutvā ‘‘ime bhikkhū na aññaṃ kathenti, maṃ ārabbha kathenti, ayuttaṃ mama kamma’’nti paṭisaṅkhānaṃ uppādetvā vipassanaṃ vaḍḍhetvā arahattaṃ pāpuṇi. Athassa arahattapattakkhaṇeyeva aññatarā devatā bhagavato etamatthaṃ ārocesi, sayampi bhagavā aññāsiyeva. Punadivase nandatthero bhagavantaṃ upasaṅkamitvā evamāha – ‘‘yaṃ me, bhante bhagavā , pāṭibhogo pañcannaṃ accharāsatānaṃ paṭilābhāya kakuṭapādīnaṃ, muñcāmahaṃ, bhante, bhagavantaṃ etasmā paṭissavā’’ti. Evaṃ vatthu (udā. 22) samuṭṭhitaṃ . Satthā aparabhāge jetavanavihāre viharanto theraṃ indriyesu guttadvārānaṃ aggaṭṭhāne ṭhapesīti.

    махаагаббинад̇т̇зравад̇т̇у

    Mahākappinattheravatthu

    231. навамз бхигкуоваад̣̇агаананд̇и бхигкуу овад̣̇анд̇аанам̣ махаагаббинад̇т̇зро аг̇г̇од̇и д̣̇ассзд̇и. аяам̣ гира т̇зро згасамод̇хаанасмим̣язва д̇хаммагат̇ам̣ гат̇знд̇о бхигкусахассам̣ арахад̇д̇ам̣ баабзси. д̇асмаа бхигкуоваад̣̇агаанам̣ аг̇г̇о наама ж̇аад̇о.

    231. Navame bhikkhuovādakānanti bhikkhū ovadantānaṃ mahākappinatthero aggoti dasseti. Ayaṃ kira thero ekasamodhānasmiṃyeva dhammakathaṃ kathento bhikkhusahassaṃ arahattaṃ pāpesi. Tasmā bhikkhuovādakānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ияам̣ гулагхарз ниб̣б̣ад̇д̇ид̇ваа абарабхааг̇з сад̇т̇у д̇хаммагат̇ам̣ сун̣анд̇о сад̇т̇аарам̣ згам̣ бхигкум̣ бхигкуоваад̣̇агаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о гассабасаммаасамб̣уд̣̇д̇хагаалз б̣аараан̣асияам̣ гулаг̇зхз бадисанд̇хим̣ г̇ахзд̇ваа бурисасахассасса г̇ан̣аж̇здтаго худ̇ваа г̇аб̣бхасахассабадиман̣д̣ид̇ам̣ махаабаривзн̣ам̣ гаарзси. д̇з саб̣б̣зби ж̇анаа яааваж̇ийвам̣ гусалам̣ гад̇ваа габбинаубаасагам̣ ж̇здтагам̣ гад̇ваа сабуд̇д̇ад̣̇аараа д̣̇звалогз ниб̣б̣ад̇д̇аа. згам̣ б̣уд̣̇д̇ханд̇арам̣ д̣̇звамануссзсу сам̣сарим̣су.

    Tassa pañhakamme ayamanupubbikathā – ayampi hi padumuttarabuddhakāle haṃsavatiyaṃ kulaghare nibbattitvā aparabhāge satthu dhammakathaṃ suṇanto satthāraṃ ekaṃ bhikkhuṃ bhikkhuovādakānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvajīvaṃ kusalaṃ katvā devamanussesu saṃsaranto kassapasammāsambuddhakāle bārāṇasiyaṃ kulagehe paṭisandhiṃ gahetvā purisasahassassa gaṇajeṭṭhako hutvā gabbhasahassapaṭimaṇḍitaṃ mahāpariveṇaṃ kāresi. Te sabbepi janā yāvajīvaṃ kusalaṃ katvā kappinaupāsakaṃ jeṭṭhakaṃ katvā saputtadārā devaloke nibbattā. Ekaṃ buddhantaraṃ devamanussesu saṃsariṃsu.

    ат̇а амхаагам̣ сад̇т̇у ниб̣б̣ад̇д̇ид̇о бурзд̇арамзва аяам̣ габбино бажжанд̇ад̣̇зсз гуггудавад̇ийнаг̇арз рааж̇аг̇зхз бадисанд̇хим̣ г̇ан̣хи, сзсабурисаа д̇асмим̣язва наг̇арз амажжагулзсу ниб̣б̣ад̇д̇им̣су. д̇зсу габбинагумааро бид̇у ажжаязна чад̇д̇ам̣ уссаабзд̇ваа махаагаббинарааж̇аа наама ж̇аад̇о. буб̣б̣з галяаан̣агаммагаран̣агаалз д̇асса гхарасааминий ид̇т̇ий самаанаж̇аад̇игз рааж̇агулз ниб̣б̣ад̇д̇ид̇ваа махаагаббинаран̃н̃о аг̇г̇амахзсий ж̇аад̇аа, анож̇аабубпасад̣̇исаван̣н̣ад̇ааяа банассаа анож̇аад̣̇звийд̇взва наамам̣ ахоси. махаагаббинарааж̇ааби суд̇авид̇д̇аго ахоси. со баад̇ова удтааяа жад̇уухи д̣̇ваарзхи сийгхам̣ д̣̇ууд̇з бзсзси – ‘‘яад̇т̇а б̣ахуссуд̇з суд̇ад̇харз бассат̇а, д̇ад̇о нивад̇д̇ид̇ваа маяхам̣ аарожзт̇аа’’д̇и.

    Atha amhākaṃ satthu nibbattito puretarameva ayaṃ kappino paccantadese kukkuṭavatīnagare rājagehe paṭisandhiṃ gaṇhi, sesapurisā tasmiṃyeva nagare amaccakulesu nibbattiṃsu. Tesu kappinakumāro pitu accayena chattaṃ ussāpetvā mahākappinarājā nāma jāto. Pubbe kalyāṇakammakaraṇakāle tassa gharasāminī itthī samānajātike rājakule nibbattitvā mahākappinarañño aggamahesī jātā, anojāpupphasadisavaṇṇatāya panassā anojādevītveva nāmaṃ ahosi. Mahākappinarājāpi sutavittako ahosi. So pātova uṭṭhāya catūhi dvārehi sīghaṃ dūte pesesi – ‘‘yattha bahussute sutadhare passatha, tato nivattitvā mayhaṃ ārocethā’’ti.

    д̇зна ко бана самаязна амхаагам̣ сад̇т̇аа логз ниб̣б̣ад̇д̇ид̇ваа саавад̇т̇им̣ убаниссааяа бадивасад̇и. д̇асмим̣ гаалз саавад̇т̇инаг̇араваасино ваан̣иж̇аа саавад̇т̇ияам̣ удтаанагабхан̣д̣ам̣ г̇ахзд̇ваа, д̇ам̣ наг̇арам̣ г̇анд̇ваа, бхан̣д̣ам̣ бадисаамзд̇ваа, ‘‘рааж̇аанам̣ бассиссаамаа’’д̇и бан̣н̣аагаарам̣ г̇ахзд̇ваа, рааж̇агулад̣̇ваарам̣ г̇анд̇ваа, ‘‘рааж̇аа уяяаанам̣ г̇ад̇о’’д̇и суд̇ваа, уяяаанам̣ г̇анд̇ваа, д̣̇ваарз тид̇аа бадихаарагасса аарожаяим̣су. ат̇а ран̃н̃о нивзд̣̇и, д̇з рааж̇аа баггосаабзд̇ваа нияяаад̇ид̇абан̣н̣аагаарз ванд̣̇ид̇ваа тид̇з, ‘‘д̇аад̇аа, гуд̇о ааг̇ажчат̇аа’’д̇и бужчи. саавад̇т̇ид̇о, д̣̇зваад̇и. гажжи во радтам̣ субхигкам̣, д̇хаммиго рааж̇аад̇и? аама, д̣̇зваад̇и. ад̇т̇и бана д̇умхаагам̣ д̣̇зсз гин̃жи саасананд̇и? ад̇т̇и д̣̇зва, на бана саггаа ужчидтамукзхи гат̇зд̇унд̇и. рааж̇аа суван̣н̣абхин̇г̇аарзна уд̣̇агам̣ д̣̇аабзси. д̇з мукам̣ вигкаалзд̇ваа д̣̇асаб̣алаабхимукаа ан̃ж̇алим̣ баг̇г̇ахзд̇ваа, ‘‘д̣̇зва, амхаагам̣ д̣̇зсз б̣уд̣̇д̇харад̇анам̣ наама уббанна’’нд̇и аахам̣су. ран̃н̃о ‘‘б̣уд̣̇д̇хо’’д̇и важанз суд̇амад̇д̇зязва сагаласарийрам̣ парамаанаа бийд̇и уббаж̇ж̇и. д̇ад̇о ‘‘б̣уд̣̇д̇ход̇и, д̇аад̇аа, вад̣̇ат̇аа’’д̇и ааха. б̣уд̣̇д̇ход̇и, д̣̇зва, вад̣̇аамаад̇и. звам̣ д̇игкад̇д̇ум̣ вад̣̇аабзд̇ваа ‘‘б̣уд̣̇д̇ход̇ибад̣̇ам̣ абаримаан̣ам̣, наасса саггаа баримаан̣ам̣ гаад̇у’’нд̇и д̇асмим̣язва бад̣̇з басанно сад̇асахассам̣ д̣̇ад̇ваа ‘‘абарам̣ гим̣ саасана’’нд̇и бужчи. д̣̇зва д̇хаммарад̇анам̣ наама уббаннанд̇и. д̇амби суд̇ваа д̇ат̇зва д̇игкад̇д̇ум̣ бадин̃н̃ам̣ г̇ахзд̇ваа абарамби сад̇асахассам̣ д̣̇ад̇ваа буна ‘‘ан̃н̃ам̣ гим̣ саасана’’нд̇и бужчи. сан̇гхарад̇анам̣ д̣̇зва уббаннанд̇и. д̇амби суд̇ваа д̇ат̇зва бадин̃н̃ам̣ г̇ахзд̇ваа абарамби сад̇асахассам̣ д̣̇ад̇ваа д̣̇иннабхаавам̣ бан̣н̣з ликид̇ваа, ‘‘д̇аад̇аа, д̣̇звияаа санд̇игам̣ г̇ажчат̇аа’’д̇и бзсзси. д̇зсу г̇ад̇зсу амажжз бужчи – ‘‘д̇аад̇аа, б̣уд̣̇д̇хо логз уббанно, д̇умхз гим̣ гариссат̇аа’’д̇и? д̣̇зва д̇умхз гим̣ гад̇д̇угаамаад̇и? ахам̣ баб̣б̣аж̇иссаамийд̇и. маяамби баб̣б̣аж̇иссаамаад̇и. д̇з саб̣б̣зби гхарам̣ ваа гудумб̣ам̣ ваа анабалогзд̇ваа яз ассз ааруяха г̇ад̇аа д̇зхзва нигкамим̣су.

    Tena kho pana samayena amhākaṃ satthā loke nibbattitvā sāvatthiṃ upanissāya paṭivasati. Tasmiṃ kāle sāvatthinagaravāsino vāṇijā sāvatthiyaṃ uṭṭhānakabhaṇḍaṃ gahetvā, taṃ nagaraṃ gantvā, bhaṇḍaṃ paṭisāmetvā, ‘‘rājānaṃ passissāmā’’ti paṇṇākāraṃ gahetvā, rājakuladvāraṃ gantvā, ‘‘rājā uyyānaṃ gato’’ti sutvā, uyyānaṃ gantvā, dvāre ṭhitā paṭihārakassa ārocayiṃsu. Atha rañño nivedi, te rājā pakkosāpetvā niyyātitapaṇṇākāre vanditvā ṭhite, ‘‘tātā, kuto āgacchathā’’ti pucchi. Sāvatthito, devāti. Kacci vo raṭṭhaṃ subhikkhaṃ, dhammiko rājāti? Āma, devāti. Atthi pana tumhākaṃ dese kiñci sāsananti? Atthi deva, na pana sakkā ucchiṭṭhamukhehi kathetunti. Rājā suvaṇṇabhiṅgārena udakaṃ dāpesi. Te mukhaṃ vikkhāletvā dasabalābhimukhā añjaliṃ paggahetvā, ‘‘deva, amhākaṃ dese buddharatanaṃ nāma uppanna’’nti āhaṃsu. Rañño ‘‘buddho’’ti vacane sutamatteyeva sakalasarīraṃ pharamānā pīti uppajji. Tato ‘‘buddhoti, tātā, vadathā’’ti āha. Buddhoti, deva, vadāmāti. Evaṃ tikkhattuṃ vadāpetvā ‘‘buddhotipadaṃ aparimāṇaṃ, nāssa sakkā parimāṇaṃ kātu’’nti tasmiṃyeva pade pasanno satasahassaṃ datvā ‘‘aparaṃ kiṃ sāsana’’nti pucchi. Deva dhammaratanaṃ nāma uppannanti. Tampi sutvā tatheva tikkhattuṃ paṭiññaṃ gahetvā aparampi satasahassaṃ datvā puna ‘‘aññaṃ kiṃ sāsana’’nti pucchi. Saṅgharatanaṃ deva uppannanti. Tampi sutvā tatheva paṭiññaṃ gahetvā aparampi satasahassaṃ datvā dinnabhāvaṃ paṇṇe likhitvā, ‘‘tātā, deviyā santikaṃ gacchathā’’ti pesesi. Tesu gatesu amacce pucchi – ‘‘tātā, buddho loke uppanno, tumhe kiṃ karissathā’’ti? Deva tumhe kiṃ kattukāmāti? Ahaṃ pabbajissāmīti. Mayampi pabbajissāmāti. Te sabbepi gharaṃ vā kuṭumbaṃ vā anapaloketvā ye asse āruyha gatā teheva nikkhamiṃsu.

    ваан̣иж̇аа анож̇аад̣̇звияаа санд̇игам̣ г̇анд̇ваа бан̣н̣ам̣ д̣̇ассзсум̣. саа д̇ам̣ ваажзд̇ваа ‘‘ран̃н̃аа д̇умхаагам̣ б̣ахуу гахаабан̣аа д̣̇иннаа, гим̣ д̇умхзхи гад̇ам̣, д̇аад̇аа’’д̇и бужчи. бияасаасанам̣, д̣̇зви, аанийд̇анд̇и. амхзби саггаа, д̇аад̇аа, сун̣аабзд̇унд̇и? саггаа, д̣̇зви, ужчидтамукзхи бана вад̇д̇ум̣ на саггаад̇и. саа суван̣н̣абхин̇г̇аарзна уд̣̇агам̣ д̣̇аабзси. д̇з мукам̣ вигкаалзд̇ваа ран̃н̃о аарожид̇анияаамзнзва аарожзсум̣. сааби д̇ам̣ суд̇ваа уббаннабаамож̇ж̇аа д̇знзва наязна згзгасмим̣ бад̣̇з д̇игкад̇д̇ум̣ бадин̃н̃ам̣ г̇ахзд̇ваа бадин̃н̃ааг̇ан̣анааяа д̇ийн̣и д̇ийн̣и гад̇ваа нава сад̇асахассаани ад̣̇ааси. ваан̣иж̇аа саб̣б̣ааниби д̣̇ваад̣̇аса сад̇асахассаани лабхим̣су. ат̇а нз ‘‘рааж̇аа гахам̣, д̇аад̇аа’’д̇и бужчи. баб̣б̣аж̇иссаамийд̇и нигканд̇о, д̣̇звийд̇и. ‘‘д̇зна хи, д̇аад̇аа, д̇умхз г̇ажчат̇аа’’д̇и д̇з уяяож̇зд̇ваа ран̃н̃аа сад̣̇д̇хим̣ г̇ад̇аанам̣ амажжаанам̣ маад̇уг̇аамз баггосаабзд̇ваа ‘‘д̇умхз ад̇д̇ано саамигаанам̣ г̇ад̇адтаанам̣ ж̇аанаат̇а аммаа’’д̇и бужчи. ж̇аанаама, аяяз, ран̃н̃аа сад̣̇д̇хим̣ уяяаанагийл̣ам̣ г̇ад̇аад̇и. аама, аммаа г̇ад̇аа, д̇ад̇т̇а бана г̇анд̇ваа ‘‘б̣уд̣̇д̇хо уббанно, д̇хаммо уббанно, сан̇гхо уббанно’’д̇и суд̇ваа ‘‘д̣̇асаб̣аласса санд̇игз баб̣б̣аж̇иссаамаа’’д̇и г̇ад̇аа, д̇умхз гим̣ гариссат̇аад̇и? д̇умхз бана, аяяз, гим̣ гад̇д̇угаамаад̇и? ‘‘ахам̣ баб̣б̣аж̇иссаами, на д̇зхи ванд̇аваманам̣ ж̇ивхаг̇г̇з табзяяанд̇и. ‘‘яад̣̇и звам̣, маяамби баб̣б̣аж̇иссаамаа’’д̇и саб̣б̣ааби рат̇з яож̇зд̇ваа нигкамим̣су.

    Vāṇijā anojādeviyā santikaṃ gantvā paṇṇaṃ dassesuṃ. Sā taṃ vācetvā ‘‘raññā tumhākaṃ bahū kahāpaṇā dinnā, kiṃ tumhehi kataṃ, tātā’’ti pucchi. Piyasāsanaṃ, devi, ānītanti. Amhepi sakkā, tātā, suṇāpetunti? Sakkā, devi, ucchiṭṭhamukhehi pana vattuṃ na sakkāti. Sā suvaṇṇabhiṅgārena udakaṃ dāpesi. Te mukhaṃ vikkhāletvā rañño ārocitaniyāmeneva ārocesuṃ. Sāpi taṃ sutvā uppannapāmojjā teneva nayena ekekasmiṃ pade tikkhattuṃ paṭiññaṃ gahetvā paṭiññāgaṇanāya tīṇi tīṇi katvā nava satasahassāni adāsi. Vāṇijā sabbānipi dvādasa satasahassāni labhiṃsu. Atha ne ‘‘rājā kahaṃ, tātā’’ti pucchi. Pabbajissāmīti nikkhanto, devīti. ‘‘Tena hi, tātā, tumhe gacchathā’’ti te uyyojetvā raññā saddhiṃ gatānaṃ amaccānaṃ mātugāme pakkosāpetvā ‘‘tumhe attano sāmikānaṃ gataṭṭhānaṃ jānātha ammā’’ti pucchi. Jānāma, ayye, raññā saddhiṃ uyyānakīḷaṃ gatāti. Āma, ammā gatā, tattha pana gantvā ‘‘buddho uppanno, dhammo uppanno, saṅgho uppanno’’ti sutvā ‘‘dasabalassa santike pabbajissāmā’’ti gatā, tumhe kiṃ karissathāti? Tumhe pana, ayye, kiṃ kattukāmāti? ‘‘Ahaṃ pabbajissāmi, na tehi vantavamanaṃ jivhagge ṭhapeyyanti. ‘‘Yadi evaṃ, mayampi pabbajissāmā’’ti sabbāpi rathe yojetvā nikkhamiṃsu.

    рааж̇ааби амажжасахассзхи сад̣̇д̇хим̣ г̇ан̇г̇аад̇ийрам̣ баабун̣и, д̇асмим̣ самаяз г̇ан̇г̇аа буураа ход̇и. ат̇а нам̣ д̣̇исваа ‘‘аяам̣ г̇ан̇г̇аа буураа ход̇и жан̣д̣амажчаагин̣н̣аа, амхзхи жа сад̣̇д̇хим̣ ааг̇ад̇аа д̣̇аасаа ваа мануссаа ваа над̇т̇и, яз но наавам̣ ваа ул̣умбам̣ ваа гад̇ваа д̣̇ад̣̇зяяум̣. зд̇асса бана сад̇т̇у г̇ун̣аа наама хздтаа авийжид̇о убари яаава бхаваг̇г̇аа бад̇т̇адаа. сажз зса сад̇т̇аа саммаасамб̣уд̣̇д̇хо, имзсам̣ ассаанам̣ курабидтаани маа д̇змзнд̇уу’’д̇и уд̣̇агабидтзна ассз багканд̣̇аабзсум̣. згасса ассассааби курабидтамад̇д̇ам̣ на д̇зми, рааж̇амаг̇г̇зна г̇ажчанд̇аа вияа барад̇ийрам̣ бад̇ваа барад̇о ан̃н̃ам̣ махаанад̣̇им̣ баабун̣им̣су. ‘‘д̣̇уд̇ияаа гиннамаа’’д̇и бужчи. нийлаваахиний наама г̇амбхийрад̇оби бут̇улад̇оби ад̣дхаяож̇анамад̇д̇аа д̣̇зваад̇и. д̇ад̇т̇а ан̃н̃аа сажжагирияаа над̇т̇и, д̇ааяа зва сажжагирияааяа д̇амби ад̣дхаяож̇анавид̇т̇аарам̣ над̣̇им̣ ад̇иггамим̣су. ат̇а д̇ад̇ияам̣ жанд̣̇абхааг̇ам̣ наама махаанад̣̇им̣ бад̇ваа д̇амби д̇ааяа зва сажжагирияааяа ад̇иггамим̣су.

    Rājāpi amaccasahassehi saddhiṃ gaṅgātīraṃ pāpuṇi, tasmiṃ samaye gaṅgā pūrā hoti. Atha naṃ disvā ‘‘ayaṃ gaṅgā pūrā hoti caṇḍamacchākiṇṇā, amhehi ca saddhiṃ āgatā dāsā vā manussā vā natthi, ye no nāvaṃ vā uḷumpaṃ vā katvā dadeyyuṃ. Etassa pana satthu guṇā nāma heṭṭhā avīcito upari yāva bhavaggā patthaṭā. Sace esa satthā sammāsambuddho, imesaṃ assānaṃ khurapiṭṭhāni mā tementū’’ti udakapiṭṭhena asse pakkhandāpesuṃ. Ekassa assassāpi khurapiṭṭhamattaṃ na temi, rājamaggena gacchantā viya paratīraṃ patvā parato aññaṃ mahānadiṃ pāpuṇiṃsu. ‘‘Dutiyā kinnamā’’ti pucchi. Nīlavāhinī nāma gambhīratopi puthulatopi aḍḍhayojanamattā devāti. Tattha aññā saccakiriyā natthi, tāya eva saccakiriyāya tampi aḍḍhayojanavitthāraṃ nadiṃ atikkamiṃsu. Atha tatiyaṃ candabhāgaṃ nāma mahānadiṃ patvā tampi tāya eva saccakiriyāya atikkamiṃsu.

    сад̇т̇ааби д̇ам̣д̣̇ивасам̣ бажжуусасамаяз махаагарун̣аасамаабад̇д̇ид̇о вудтааяа логам̣ ологзнд̇о ‘‘аж̇ж̇а махаагаббино д̇ияож̇анасад̇игам̣ раж̇ж̇ам̣ бахааяа амажжасахассабаривааро мама санд̇игз баб̣б̣аж̇ид̇ум̣ ааг̇ажчад̇ий’’д̇и д̣̇исваа ‘‘маяаа д̇зсам̣ бажжуг̇г̇аманам̣ гаад̇ум̣ яуд̇д̇а’’нд̇и баад̇ова сарийрабадиж̇аг̇г̇анам̣ гад̇ваа бхигкусан̇гхабаривааро саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о саяамзва бад̇д̇ажийварам̣ г̇ахзд̇ваа аагаасз уббад̇ид̇ваа жанд̣̇абхааг̇ааяа д̇ийрз д̇зсам̣ уд̇д̇аран̣ад̇ид̇т̇аабхимукадтаанз махааниг̇род̇харугко ад̇т̇и, д̇ад̇т̇а баллан̇гзна нисийд̣̇ид̇ваа баримукам̣ сад̇им̣ убадтабзд̇ваа чаб̣б̣ан̣н̣аб̣уд̣̇д̇харасмияо виссаж̇ж̇зси. д̇з д̇зна д̇ид̇т̇зна уд̇д̇аранд̇аа б̣уд̣̇д̇харасмияо ид̇о жид̇о жа д̇хааванд̇ияо ологзд̇ваа д̣̇асаб̣аласса бун̣н̣ажанд̣̇асассиригам̣ мукам̣ д̣̇исваа ‘‘яам̣ сад̇т̇аарам̣ уд̣̇д̣̇исса маяам̣ баб̣б̣аж̇ид̇аа, ад̣̇д̇хаа со зсо’’д̇и д̣̇ассанзнзва нидтам̣ г̇анд̇ваа д̣̇идтадтаанад̇о бадтааяа он̣амид̇ваа ванд̣̇амаанаа ааг̇амма сад̇т̇аарам̣ ванд̣̇им̣су. рааж̇аа г̇обпагзсу г̇ахзд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и сад̣̇д̇хим̣ амажжасахассзна. сад̇т̇аа д̇зсам̣ д̇хаммагат̇ам̣ гат̇зси. д̣̇зсанаабарияосаанз саб̣б̣зва арахад̇д̇з бад̇идтааяа сад̇т̇аарам̣ баб̣б̣аж̇ж̇ам̣ яаажим̣су. сад̇т̇аа ‘‘буб̣б̣з имз жийварад̣̇аанасса д̣̇иннад̇д̇аа ад̇д̇ано бад̇д̇ажийвараани г̇ахзд̇ваава ааг̇ад̇аа’’д̇и суван̣н̣аван̣н̣ам̣ хад̇т̇ам̣ басаарзд̇ваа ‘‘зт̇а бхигкаво, сваагкаад̇о д̇хаммо, жарат̇а б̣рахмажарияам̣ саммаа д̣̇угкасса анд̇агирияааяаа’’д̇и ааха. саава д̇зсам̣ ааяасманд̇аанам̣ баб̣б̣аж̇ж̇аа жа убасамбад̣̇аа жа ахоси, вассасадтигад̇т̇зраа вияа сад̇т̇аарам̣ бариваараяим̣су.

    Satthāpi taṃdivasaṃ paccūsasamaye mahākaruṇāsamāpattito vuṭṭhāya lokaṃ olokento ‘‘ajja mahākappino tiyojanasatikaṃ rajjaṃ pahāya amaccasahassaparivāro mama santike pabbajituṃ āgacchatī’’ti disvā ‘‘mayā tesaṃ paccuggamanaṃ kātuṃ yutta’’nti pātova sarīrapaṭijagganaṃ katvā bhikkhusaṅghaparivāro sāvatthiyaṃ piṇḍāya caritvā pacchābhattaṃ piṇḍapātapaṭikkanto sayameva pattacīvaraṃ gahetvā ākāse uppatitvā candabhāgāya tīre tesaṃ uttaraṇatitthaabhimukhaṭṭhāne mahānigrodharukkho atthi, tattha pallaṅkena nisīditvā parimukhaṃ satiṃ upaṭṭhapetvā chabbaṇṇabuddharasmiyo vissajjesi. Te tena titthena uttarantā buddharasmiyo ito cito ca dhāvantiyo oloketvā dasabalassa puṇṇacandasassirikaṃ mukhaṃ disvā ‘‘yaṃ satthāraṃ uddissa mayaṃ pabbajitā, addhā so eso’’ti dassaneneva niṭṭhaṃ gantvā diṭṭhaṭṭhānato paṭṭhāya oṇamitvā vandamānā āgamma satthāraṃ vandiṃsu. Rājā gopphakesu gahetvā satthāraṃ vanditvā ekamantaṃ nisīdi saddhiṃ amaccasahassena. Satthā tesaṃ dhammakathaṃ kathesi. Desanāpariyosāne sabbeva arahatte patiṭṭhāya satthāraṃ pabbajjaṃ yāciṃsu. Satthā ‘‘pubbe ime cīvaradānassa dinnattā attano pattacīvarāni gahetvāva āgatā’’ti suvaṇṇavaṇṇaṃ hatthaṃ pasāretvā ‘‘etha bhikkhavo, svākkhāto dhammo, caratha brahmacariyaṃ sammā dukkhassa antakiriyāyā’’ti āha. Sāva tesaṃ āyasmantānaṃ pabbajjā ca upasampadā ca ahosi, vassasaṭṭhikattherā viya satthāraṃ parivārayiṃsu.

    анож̇ааби д̣̇звий рат̇асахассабариваараа г̇ан̇г̇аад̇ийрам̣ бад̇ваа ран̃н̃о ад̇т̇ааяа аабхад̇ам̣ наавам̣ ваа ул̣умбам̣ ваа ад̣̇исваа ад̇д̇ано б̣яад̇д̇ад̇ааяа жинд̇зси – ‘‘рааж̇аа сажжагирияам̣ гад̇ваа г̇ад̇о бхависсад̇и, со бана сад̇т̇аа на гзвалам̣ д̇зсам̣язва ад̇т̇ааяа ниб̣б̣ад̇д̇о, сажз со сад̇т̇аа саммаасамб̣уд̣̇д̇хо, амхаагам̣ рат̇аа маа уд̣̇агз нимуж̇ж̇им̣суу’’д̇и уд̣̇агабидтзна рат̇з багканд̣̇аабзси. рат̇аанам̣ нзмиваддимад̇д̇амби на д̇зми. д̣̇уд̇ияанад̣̇имби д̇ад̇ияанад̣̇имби д̇знзва сажжагаарзна уд̇д̇ари. уд̇д̇арамаанаа зва жа ниг̇род̇харугкамуулз сад̇т̇аарам̣ ад̣̇д̣̇аса. сад̇т̇ааби ‘‘имаасам̣ ад̇д̇ано саамигз бассанд̇ийнам̣ чанд̣̇арааг̇о уббаж̇ж̇ид̇ваа маг̇г̇апалаанам̣ анд̇арааяам̣ гарзяяа, д̇хаммам̣ сод̇ум̣ жа на сагкиссанд̇ий’’д̇и. яат̇аа ан̃н̃аман̃н̃ам̣ на бассанд̇и, д̇ат̇аа агааси. д̇аа саб̣б̣ааби д̇ид̇т̇ад̇о уд̇д̇арид̇ваа д̣̇асаб̣алам̣ ванд̣̇ид̇ваа нисийд̣̇им̣су. сад̇т̇аа д̇аасам̣ д̇хаммагат̇ам̣ гат̇зси. д̣̇зсанаабарияосаанз саб̣б̣аа сод̇аабад̇д̇ипалз бад̇идтааяа ан̃н̃аман̃н̃ам̣ бассим̣су. сад̇т̇аа ‘‘уббалаван̣н̣аа ааг̇ажчад̇уу’’д̇и жинд̇зси. т̇зрий ааг̇анд̇ваа саб̣б̣аа баб̣б̣ааж̇зд̇ваа аад̣̇ааяа бхигкуниубассаяам̣ г̇ад̇аа, сад̇т̇аа бхигкусахассам̣ г̇ахзд̇ваа аагаасзна ж̇зд̇аванам̣ аг̇амааси.

    Anojāpi devī rathasahassaparivārā gaṅgātīraṃ patvā rañño atthāya ābhataṃ nāvaṃ vā uḷumpaṃ vā adisvā attano byattatāya cintesi – ‘‘rājā saccakiriyaṃ katvā gato bhavissati, so pana satthā na kevalaṃ tesaṃyeva atthāya nibbatto, sace so satthā sammāsambuddho, amhākaṃ rathā mā udake nimujjiṃsū’’ti udakapiṭṭhena rathe pakkhandāpesi. Rathānaṃ nemivaṭṭimattampi na temi. Dutiyanadimpi tatiyanadimpi teneva saccakārena uttari. Uttaramānā eva ca nigrodharukkhamūle satthāraṃ addasa. Satthāpi ‘‘imāsaṃ attano sāmike passantīnaṃ chandarāgo uppajjitvā maggaphalānaṃ antarāyaṃ kareyya, dhammaṃ sotuṃ ca na sakkhissantī’’ti. Yathā aññamaññaṃ na passanti, tathā akāsi. Tā sabbāpi titthato uttaritvā dasabalaṃ vanditvā nisīdiṃsu. Satthā tāsaṃ dhammakathaṃ kathesi. Desanāpariyosāne sabbā sotāpattiphale patiṭṭhāya aññamaññaṃ passiṃsu. Satthā ‘‘uppalavaṇṇā āgacchatū’’ti cintesi. Therī āgantvā sabbā pabbājetvā ādāya bhikkhuniupassayaṃ gatā, satthā bhikkhusahassaṃ gahetvā ākāsena jetavanaṃ agamāsi.

    ат̇ааяам̣ махаагаббинад̇т̇зро ад̇д̇ано гижжам̣ мад̇т̇агаббад̇д̇ам̣ н̃ад̇ваа аббоссугго худ̇ваа паласамаабад̇д̇исукзна вийд̇инаамзнд̇о аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби ‘‘ахо сукам̣ ахо сука’’нд̇и абхин̣хам̣ уд̣̇аанам̣ уд̣̇аанзси. бхигкуу гат̇ам̣ уббаад̣̇зсум̣ ‘‘габбинад̇т̇зро раж̇ж̇асукам̣ ануссаранд̇о уд̣̇аанам̣ уд̣̇аанзд̇ий’’д̇и. д̇з д̇ат̇ааг̇ад̇асса аарожзсум̣. бхаг̇аваа ‘‘мама буд̇д̇о маг̇г̇асукам̣ паласукам̣ аараб̣бха уд̣̇аанам̣ уд̣̇аанзсий’’д̇и вад̇ваа д̇хаммабад̣̇з имам̣ г̇аат̇амааха –

    Athāyaṃ mahākappinatthero attano kiccaṃ matthakappattaṃ ñatvā appossukko hutvā phalasamāpattisukhena vītināmento araññagatopi rukkhamūlagatopi suññāgāragatopi ‘‘aho sukhaṃ aho sukha’’nti abhiṇhaṃ udānaṃ udānesi. Bhikkhū kathaṃ uppādesuṃ ‘‘kappinatthero rajjasukhaṃ anussaranto udānaṃ udānetī’’ti. Te tathāgatassa ārocesuṃ. Bhagavā ‘‘mama putto maggasukhaṃ phalasukhaṃ ārabbha udānaṃ udānesī’’ti vatvā dhammapade imaṃ gāthamāha –

    ‘‘д̇хаммабийд̇и сукам̣ сзд̇и, виббасаннзна жзд̇асаа;

    ‘‘Dhammapīti sukhaṃ seti, vippasannena cetasā;

    арияаббавзд̣̇ид̇з д̇хаммз, сад̣̇аа рамад̇и бан̣д̣ид̇о’’д̇и. (д̇ха. ба. 79);

    Ariyappavedite dhamme, sadā ramati paṇḍito’’ti. (dha. pa. 79);

    ат̇згад̣̇ивасам̣ сад̇т̇аа д̇асса анд̇зваасигабхигкусахассам̣ ааманд̇зд̇ваа ааха – ‘‘гажжи во, бхигкавз, аажарияо д̇хаммам̣ д̣̇зсзд̇ий’’д̇и. на бхаг̇аваа д̣̇зсзд̇и, аббоссугго д̣̇идтад̇хаммасукавихаарам̣ ануяуд̇д̇о вихарад̇и, гассажи оваад̣̇амад̇д̇амби на д̣̇зд̇ийд̇и. сад̇т̇аа д̇ам̣ баггосаабзд̇ваа ‘‘сажжам̣ гира д̇вам̣, габбина, анд̇зваасигаанам̣ оваад̣̇амад̇д̇амби на д̣̇зсий’’д̇и? сажжам̣ бхаг̇аваад̇и. б̣раахман̣а, маа звам̣ гари, аж̇ж̇а бадтааяа анд̇зваасигаанам̣ д̇хаммам̣ д̣̇зсзхийд̇и. ‘‘саад̇ху, бханд̇з’’д̇и т̇зро сад̇т̇у гат̇ам̣ сираварзна самбадижчид̇ваа згасамод̇хаанзязва саман̣асахассасса д̇хаммам̣ д̣̇зсзд̇ваа саб̣б̣з арахад̇д̇ам̣ баабзси. абарабхааг̇з сад̇т̇аа сан̇гхамаж̇жхз нисинно бадибаадияаа т̇зрз таананд̇арзсу табзнд̇о махаагаббинад̇т̇зрам̣ бхигкуоваад̣̇агаанам̣ аг̇г̇адтаанз табзсийд̇и.

    Athekadivasaṃ satthā tassa antevāsikabhikkhusahassaṃ āmantetvā āha – ‘‘kacci vo, bhikkhave, ācariyo dhammaṃ desetī’’ti. Na bhagavā deseti, appossukko diṭṭhadhammasukhavihāraṃ anuyutto viharati, kassaci ovādamattampi na detīti. Satthā taṃ pakkosāpetvā ‘‘saccaṃ kira tvaṃ, kappina, antevāsikānaṃ ovādamattampi na desī’’ti? Saccaṃ bhagavāti. Brāhmaṇa, mā evaṃ kari, ajja paṭṭhāya antevāsikānaṃ dhammaṃ desehīti. ‘‘Sādhu, bhante’’ti thero satthu kathaṃ siravarena sampaṭicchitvā ekasamodhāneyeva samaṇasahassassa dhammaṃ desetvā sabbe arahattaṃ pāpesi. Aparabhāge satthā saṅghamajjhe nisinno paṭipāṭiyā there ṭhānantaresu ṭhapento mahākappinattheraṃ bhikkhuovādakānaṃ aggaṭṭhāne ṭhapesīti.

    сааг̇ад̇ад̇т̇зравад̇т̇у

    Sāgatattheravatthu

    232. д̣̇асамз д̇зж̇од̇хаад̇угусалаананд̇и д̇зж̇од̇хаад̇ум̣ самаабаж̇ж̇ид̇ум̣ гусалаанам̣ сааг̇ад̇ад̇т̇зро аг̇г̇од̇и д̣̇ассзд̇и. аяан̃хи т̇зро д̇зж̇од̇хаад̇усамаабад̇д̇ияаа амб̣ад̇ид̇т̇анааг̇асса д̇зж̇асаа д̇зж̇ам̣ барияаад̣̇ияид̇ваа д̇ам̣ нааг̇ам̣ ниб̣б̣исзванам̣ агааси. д̇асмаа д̇зж̇од̇хаад̇угусалаанам̣ аг̇г̇о наама ж̇аад̇о.

    232. Dasame tejodhātukusalānanti tejodhātuṃ samāpajjituṃ kusalānaṃ sāgatatthero aggoti dasseti. Ayañhi thero tejodhātusamāpattiyā ambatitthanāgassa tejasā tejaṃ pariyādiyitvā taṃ nāgaṃ nibbisevanaṃ akāsi. Tasmā tejodhātukusalānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз бадисанд̇хим̣ г̇ахзд̇ваа абарабхааг̇з сад̇т̇уд̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ д̇зж̇од̇хаад̇угусалаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇и, сааг̇ад̇амаан̣авод̇исса наамам̣ агам̣су. со абарабхааг̇з сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа адта самаабад̇д̇ияо ниб̣б̣ад̇д̇зд̇ваа д̇ад̇т̇а васийбхаавам̣ баабун̣и.

    Tassa pañhakamme ayamanupubbikathā – ayampi hi padumuttarabuddhakāle haṃsavatiyaṃ kulagehe paṭisandhiṃ gahetvā aparabhāge satthudhammadesanaṃ suṇanto satthāraṃ ekaṃ bhikkhuṃ tejodhātukusalānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvajīvaṃ kusalaṃ katvā devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbatti, sāgatamāṇavotissa nāmaṃ akaṃsu. So aparabhāge satthu dhammadesanaṃ sutvā paṭiladdhasaddho pabbajitvā aṭṭha samāpattiyo nibbattetvā tattha vasībhāvaṃ pāpuṇi.

    ат̇згад̣̇ивасам̣ сад̇т̇аа жааригам̣ жарамаано госамб̣инаг̇арасамийбам̣ аг̇амааси. д̇зна жа самаязна над̣̇ийд̇ид̇т̇з бораан̣аганаавигасса б̣ахуу ааг̇анд̇угаг̇амигаа взрино худ̇ваа д̇ам̣ бот̇зд̇ваа маараяим̣су. со вируд̣̇д̇хзна жид̇д̇зна бад̇т̇анам̣ бадтабзд̇ваа д̇асмим̣язва д̇ид̇т̇з махаанубхааво нааг̇арааж̇аа худ̇ваа ниб̣б̣ад̇д̇о. со вируд̣̇д̇хажид̇д̇ад̇д̇аа агаалзязва вассаабзд̇и, гаалз бана на вассаабзд̇и, сассаани на саммаа самбаж̇ж̇анд̇и. сагаларадтаваасино жа д̇асса вуубасаманад̇т̇ам̣ анусам̣важчарам̣ б̣алигаммам̣ гаронд̇и, васанад̇т̇ааяа жасса згам̣ г̇зхам̣ агам̣су. сад̇т̇ааби д̇знзва д̇ид̇т̇зна уд̇д̇арид̇ваа бхигкусан̇гхабаривуд̇о ‘‘д̇асмим̣язва бад̣̇зсз рад̇д̇им̣ васиссаамий’’д̇и аг̇амааси.

    Athekadivasaṃ satthā cārikaṃ caramāno kosambinagarasamīpaṃ agamāsi. Tena ca samayena nadītitthe porāṇakanāvikassa bahū āgantukagamikā verino hutvā taṃ pothetvā mārayiṃsu. So viruddhena cittena patthanaṃ paṭṭhapetvā tasmiṃyeva titthe mahānubhāvo nāgarājā hutvā nibbatto. So viruddhacittattā akāleyeva vassāpeti, kāle pana na vassāpeti, sassāni na sammā sampajjanti. Sakalaraṭṭhavāsino ca tassa vūpasamanatthaṃ anusaṃvaccharaṃ balikammaṃ karonti, vasanatthāya cassa ekaṃ gehaṃ akaṃsu. Satthāpi teneva titthena uttaritvā bhikkhusaṅghaparivuto ‘‘tasmiṃyeva padese rattiṃ vasissāmī’’ti agamāsi.

    ат̇ааяам̣ т̇зро ‘‘жан̣д̣о гирзд̇т̇а нааг̇арааж̇аа’’д̇и суд̇ваа ‘‘имам̣ нааг̇арааж̇аанам̣ д̣̇амзд̇ваа ниб̣б̣исзванам̣ гад̇ваа сад̇т̇у васанадтаанам̣ барияаад̣̇зд̇ум̣ ваддад̇ий’’д̇и нааг̇арааж̇асса васанадтаанам̣ бависид̇ваа баллан̇гам̣ аабхуж̇ид̇ваа нисийд̣̇и. нааг̇о гуж̇жхид̇ваа ‘‘гонаамааяам̣ мун̣д̣аго маяхам̣ васанадтаанам̣ бависид̇ваа нисинно’’д̇и д̇хуубааяи, т̇зро уд̇д̇арид̇арам̣ д̇хуубааяи. нааг̇о, баж̇ж̇али, т̇зроби уд̇д̇арид̇арам̣ баж̇ж̇алид̇ваа д̇асса д̇зж̇ам̣ барияаад̣̇ияи. со ‘‘маханд̇о вад̇ааяам̣ бхигкуу’’д̇и т̇зрасса баад̣̇амуулз нибад̇ид̇ваа, ‘‘бханд̇з, д̇умхаагам̣ саран̣ам̣ г̇ажчаамий’’д̇и ааха. маяхам̣ саран̣аг̇аманагижжам̣ над̇т̇и, д̣̇асаб̣аласса саран̣ам̣ г̇ажчаад̇и. со ‘‘саад̇хуу’’д̇и саран̣аг̇ад̇о худ̇ваа д̇ад̇о бадтааяа на ган̃жи вихзтзд̇и, д̣̇звамби саммаа вассаабзд̇и, сассаани саммаа самбаж̇ж̇анд̇и.

    Athāyaṃ thero ‘‘caṇḍo kirettha nāgarājā’’ti sutvā ‘‘imaṃ nāgarājānaṃ dametvā nibbisevanaṃ katvā satthu vasanaṭṭhānaṃ pariyādetuṃ vaṭṭatī’’ti nāgarājassa vasanaṭṭhānaṃ pavisitvā pallaṅkaṃ ābhujitvā nisīdi. Nāgo kujjhitvā ‘‘konāmāyaṃ muṇḍako mayhaṃ vasanaṭṭhānaṃ pavisitvā nisinno’’ti dhūpāyi, thero uttaritaraṃ dhūpāyi. Nāgo, pajjali, theropi uttaritaraṃ pajjalitvā tassa tejaṃ pariyādiyi. So ‘‘mahanto vatāyaṃ bhikkhū’’ti therassa pādamūle nipatitvā, ‘‘bhante, tumhākaṃ saraṇaṃ gacchāmī’’ti āha. Mayhaṃ saraṇagamanakiccaṃ natthi, dasabalassa saraṇaṃ gacchāti. So ‘‘sādhū’’ti saraṇagato hutvā tato paṭṭhāya na kañci viheṭheti, devampi sammā vassāpeti, sassāni sammā sampajjanti.

    госамб̣иваасино ‘‘аяязна гира сааг̇ад̇зна амб̣ад̇ид̇т̇аганааг̇о д̣̇амид̇о’’д̇и суд̇ваа сад̇т̇у ааг̇аманам̣ уд̣̇игкамаанаа д̣̇асаб̣аласса махаасаггаарам̣ саж̇ж̇аяим̣су. д̇з д̣̇асаб̣аласса махаасаггаарам̣ гад̇ваа чаб̣б̣аг̇г̇ияаанам̣ важанзна саб̣б̣аг̇зхзсу гаабод̇игам̣ басаннам̣ бадияаад̣̇зд̇ваа бунад̣̇ивасз сааг̇ад̇ад̇т̇зрасса бин̣д̣ааяа жаранд̇асса г̇зхз г̇зхз т̇огам̣ т̇огам̣ ад̣̇ам̣су. т̇зро абан̃н̃ад̇д̇з сигкаабад̣̇з мануссзхи яаажияамаано г̇зхз г̇зхз т̇огам̣ т̇огам̣ бивид̇ваа авид̣̇уурам̣ г̇анд̇ваава анаахааригабхаавзна сад̇им̣ виссаж̇ж̇зд̇ваа сан̇гаарадтаанз бад̇и.

    Kosambivāsino ‘‘ayyena kira sāgatena ambatitthakanāgo damito’’ti sutvā satthu āgamanaṃ udikkhamānā dasabalassa mahāsakkāraṃ sajjayiṃsu. Te dasabalassa mahāsakkāraṃ katvā chabbaggiyānaṃ vacanena sabbagehesu kāpotikaṃ pasannaṃ paṭiyādetvā punadivase sāgatattherassa piṇḍāya carantassa gehe gehe thokaṃ thokaṃ adaṃsu. Thero apaññatte sikkhāpade manussehi yāciyamāno gehe gehe thokaṃ thokaṃ pivitvā avidūraṃ gantvāva anāhārikabhāvena satiṃ vissajjetvā saṅkāraṭṭhāne pati.

    сад̇т̇аа гад̇абхад̇д̇агижжо нигкаманд̇о д̇ам̣ д̣̇исваа г̇аахаабзд̇ваа вихаарам̣ г̇анд̇ваа виг̇арахид̇ваа сигкаабад̣̇ам̣ бан̃н̃аабзси. со бунад̣̇ивасз сад̇им̣ лабхид̇ваа ад̇д̇анаа гад̇агааран̣ам̣ суд̇ваа ажжаяам̣ д̣̇зсзд̇ваа д̣̇асаб̣алам̣ камаабзд̇ваа уббаннасам̣взг̇о вибассанам̣ вад̣дхзд̇ваа арахад̇д̇ам̣ баабун̣и. звам̣ вад̇т̇у винаяз самудтид̇ам̣. д̇ам̣ д̇ад̇т̇а ааг̇ад̇анаязнзва вид̇т̇аарад̇о взд̣̇ид̇аб̣б̣ам̣. абарабхааг̇з бана сад̇т̇аа ж̇зд̇аванз махаавихаарз нисийд̣̇ид̇ваа бадибаадияаа т̇зрз таананд̇арзсу табзнд̇о сааг̇ад̇ад̇т̇зрам̣ д̇зж̇од̇хаад̇угусалаанам̣ аг̇г̇адтаанз табзсийд̇и.

    Satthā katabhattakicco nikkhamanto taṃ disvā gāhāpetvā vihāraṃ gantvā vigarahitvā sikkhāpadaṃ paññāpesi. So punadivase satiṃ labhitvā attanā katakāraṇaṃ sutvā accayaṃ desetvā dasabalaṃ khamāpetvā uppannasaṃvego vipassanaṃ vaḍḍhetvā arahattaṃ pāpuṇi. Evaṃ vatthu vinaye samuṭṭhitaṃ. Taṃ tattha āgatanayeneva vitthārato veditabbaṃ. Aparabhāge pana satthā jetavane mahāvihāre nisīditvā paṭipāṭiyā there ṭhānantaresu ṭhapento sāgatattheraṃ tejodhātukusalānaṃ aggaṭṭhāne ṭhapesīti.

    раад̇хад̇т̇зравад̇т̇у

    Rādhattheravatthu

    233. згаад̣̇асамз бадибхаанзяяагаананд̇и сад̇т̇у д̇хаммад̣̇зсанаабадибхаанасса бажжаяабхууд̇аанам̣ бадибхаанаж̇анагаанам̣ бхигкуунам̣ раад̇хад̇т̇зро аг̇г̇од̇и д̣̇ассзд̇и. т̇зрасса хи д̣̇идтисамуд̣̇аажааран̃жа огаббанияасад̣̇д̇хан̃жа ааг̇амма д̣̇асаб̣аласса наванаваа д̇хаммад̣̇зсанаа бадибхаад̇и. д̇асмаа т̇зро бадибхаанзяяагаанам̣ аг̇г̇о наама ж̇аад̇о.

    233. Ekādasame paṭibhāneyyakānanti satthu dhammadesanāpaṭibhānassa paccayabhūtānaṃ paṭibhānajanakānaṃ bhikkhūnaṃ rādhatthero aggoti dasseti. Therassa hi diṭṭhisamudācārañca okappaniyasaddhañca āgamma dasabalassa navanavā dhammadesanā paṭibhāti. Tasmā thero paṭibhāneyyakānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇ид̇ваа абарабхааг̇з сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ бадибхаанзяяагаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яааваж̇ийвам̣ д̇ат̇ааг̇ад̇ам̣ барижарид̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇аханаг̇арз б̣раахман̣агулз бадисанд̇хим̣ г̇ан̣хи, раад̇хамаан̣авод̇исса наамам̣ агам̣су.

    Tassa pañhakamme ayamanupubbikathā – ayampi hi padumuttarabuddhakāle haṃsavatiyaṃ kulagehe nibbattitvā aparabhāge satthu dhammadesanaṃ suṇanto satthāraṃ ekaṃ bhikkhuṃ paṭibhāneyyakānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvajīvaṃ tathāgataṃ paricaritvā devamanussesu saṃsaranto imasmiṃ buddhuppāde rājagahanagare brāhmaṇakule paṭisandhiṃ gaṇhi, rādhamāṇavotissa nāmaṃ akaṃsu.

    со махаллагагаалз ад̇д̇ано буд̇д̇ад̣̇аарзна аб̣ахумад̇о ‘‘баб̣б̣аж̇ид̇ваа гаалам̣ вийд̇инаамзссаамий’’д̇и вихаарам̣ г̇анд̇ваа т̇зрз баб̣б̣аж̇ж̇ам̣ яаажи. ‘‘ж̇ин̣н̣о махаллагаб̣раахман̣о’’д̇и на гожи баб̣б̣ааж̇зд̇ум̣ ижчи. ат̇згад̣̇ивасам̣ б̣раахман̣о сад̇т̇у санд̇игам̣ г̇анд̇ваа бадисант̇аарам̣ гад̇ваа згаманд̇ам̣ нисийд̣̇и. сад̇т̇аа д̇асса убаниссаяасамбад̇д̇им̣ д̣̇исваа гат̇ам̣ самудтаабзд̇угаамо ‘‘гим̣, б̣раахман̣а, буд̇д̇ад̣̇аараа д̇ам̣ бадиж̇аг̇г̇анд̇ий’’д̇и? гуд̇о, бхо г̇од̇ама, бадиж̇аг̇г̇анам̣, махаллагод̇и мам̣ б̣ахи нийхарим̣су. гим̣ бана д̇з, б̣раахман̣а, баб̣б̣аж̇ид̇ум̣ на ваддад̇ийд̇и? го мам̣, бхо г̇од̇ама, баб̣б̣ааж̇зссад̇и, махаллагабхаавзна мам̣ на гожи ижчад̇ийд̇и. сад̇т̇аа саарибуд̇д̇ад̇т̇зрасса сан̃н̃ам̣ ад̣̇ааси. т̇зро сад̇т̇у важанам̣ сирасаа самбадижчид̇ваа раад̇хаб̣раахман̣ам̣ баб̣б̣ааж̇зд̇ваа жинд̇зси – ‘‘сад̇т̇аа имам̣ б̣раахман̣ам̣ саад̣̇арзна баб̣б̣аж̇аабзси, на ко мз зд̇ам̣ анаад̣̇арзна барихарид̇ум̣ ваддад̇ий’’д̇и раад̇хад̇т̇зрам̣ аад̣̇ааяа г̇аамагааваасам̣ аг̇амааси. д̇ад̇расса ад̇хунаа баб̣б̣аж̇ид̇ад̇д̇аа гижчалаабхисса т̇зро ад̇д̇ано бад̇д̇ам̣ ааваасам̣ д̣̇зд̇и, ад̇д̇ано бад̇д̇ам̣ бан̣ийд̇абин̣д̣абаад̇амби д̇ассзва д̣̇ад̇ваа саяам̣ бин̣д̣ааяа жарад̇и. раад̇хад̇т̇зро сзнаасанасаббааяан̃жа бхож̇анасаббааяан̃жа лабхид̇ваа саарибуд̇д̇ад̇т̇зрасса санд̇игз гаммадтаанам̣ г̇ахзд̇ваа нажирассзва арахад̇д̇ам̣ баабун̣и.

    So mahallakakāle attano puttadārena abahumato ‘‘pabbajitvā kālaṃ vītināmessāmī’’ti vihāraṃ gantvā there pabbajjaṃ yāci. ‘‘Jiṇṇo mahallakabrāhmaṇo’’ti na koci pabbājetuṃ icchi. Athekadivasaṃ brāhmaṇo satthu santikaṃ gantvā paṭisanthāraṃ katvā ekamantaṃ nisīdi. Satthā tassa upanissayasampattiṃ disvā kathaṃ samuṭṭhāpetukāmo ‘‘kiṃ, brāhmaṇa, puttadārā taṃ paṭijaggantī’’ti? Kuto, bho gotama, paṭijagganaṃ, mahallakoti maṃ bahi nīhariṃsu. Kiṃ pana te, brāhmaṇa, pabbajituṃ na vaṭṭatīti? Ko maṃ, bho gotama, pabbājessati, mahallakabhāvena maṃ na koci icchatīti. Satthā sāriputtattherassa saññaṃ adāsi. Thero satthu vacanaṃ sirasā sampaṭicchitvā rādhabrāhmaṇaṃ pabbājetvā cintesi – ‘‘satthā imaṃ brāhmaṇaṃ sādarena pabbajāpesi, na kho me etaṃ anādarena pariharituṃ vaṭṭatī’’ti rādhattheraṃ ādāya gāmakāvāsaṃ agamāsi. Tatrassa adhunā pabbajitattā kicchalābhissa thero attano pattaṃ āvāsaṃ deti, attano pattaṃ paṇītapiṇḍapātampi tasseva datvā sayaṃ piṇḍāya carati. Rādhatthero senāsanasappāyañca bhojanasappāyañca labhitvā sāriputtattherassa santike kammaṭṭhānaṃ gahetvā nacirasseva arahattaṃ pāpuṇi.

    ат̇а нам̣ т̇зро г̇ахзд̇ваа д̣̇асаб̣алам̣ бассид̇ум̣ ааг̇ад̇о. сад̇т̇аа ж̇аананд̇ова бужчи – ‘‘яо д̇з маяаа , саарибуд̇д̇а, ниссид̇аго д̣̇инно, гийд̣̇исам̣ д̇асса, на угган̣тад̇ий’’д̇и? бханд̇з, саасанз абхирамид̇абхигку наама зваруубо бхавзяяаад̇и. ат̇ааяасмад̇о саарибуд̇д̇асса ‘‘саарибуд̇д̇ад̇т̇зро гад̇ан̃н̃уу гад̇авзд̣̇ий’’д̇и сан̇гхамаж̇жхз гат̇аа уд̣̇абаад̣̇и. д̇ам̣ суд̇ваа сад̇т̇аа бхигкуу ааманд̇зси – ‘‘анажчарияам̣, бхигкавз, саарибуд̇д̇асса ид̣̇аани гад̇ан̃н̃уугад̇авзд̣̇ид̇аа, со ад̇ийд̇з ахзд̇угабадисанд̇хияам̣ ниб̣б̣ад̇д̇оби гад̇ан̃н̃уугад̇авзд̣̇ийязва ахосий’’д̇и. гад̇арасмим̣ гаалз бхаг̇аваад̇и?

    Atha naṃ thero gahetvā dasabalaṃ passituṃ āgato. Satthā jānantova pucchi – ‘‘yo te mayā , sāriputta, nissitako dinno, kīdisaṃ tassa, na ukkaṇṭhatī’’ti? Bhante, sāsane abhiramitabhikkhu nāma evarūpo bhaveyyāti. Athāyasmato sāriputtassa ‘‘sāriputtatthero kataññū katavedī’’ti saṅghamajjhe kathā udapādi. Taṃ sutvā satthā bhikkhū āmantesi – ‘‘anacchariyaṃ, bhikkhave, sāriputtassa idāni kataññūkataveditā, so atīte ahetukapaṭisandhiyaṃ nibbattopi kataññūkatavedīyeva ahosī’’ti. Katarasmiṃ kāle bhagavāti?

    ад̇ийд̇з, бхигкавз, баб̣б̣ад̇абаад̣̇амхи бан̃жасад̇амад̇д̇аа вад̣дхагибурисаа махаааран̃н̃ам̣ бависид̇ваа д̣̇аб̣б̣асамбхаарз чинд̣̇ид̇ваа махааул̣умбам̣ б̣анд̇хид̇ваа над̣̇ияаа од̇аарзнд̇и. ат̇зго хад̇т̇инааг̇о згасмим̣ висамадтаанз сон̣д̣ааяа саакам̣ г̇ан̣ханд̇о саакаабхан̇г̇авзг̇ам̣ санд̇хаарзд̇ум̣ асаггонд̇о д̇икин̣акаан̣угз баад̣̇зна авад̇т̇ааси, баад̣̇о вид̣̇д̇хо, д̣̇угкавзд̣̇анаа вад̇д̇анд̇и. со г̇аманам̣ абхинийхарид̇ум̣ асаггонд̇о д̇ад̇т̇зва нибаж̇ж̇и. со гад̇ибаахажжаязна д̇з вад̣дхагий ад̇д̇ано самийбзна г̇ажчанд̇з д̣̇исваа ‘‘имз ниссааяаахам̣ ж̇ийвид̇ам̣ лабхиссаамий’’д̇и д̇зсам̣ анубад̣̇ам̣ аг̇амааси. д̇з нивад̇д̇ид̇ваа хад̇т̇им̣ д̣̇исваа бхийд̇аа балааяанд̇и. со д̇зсам̣ балааяанабхаавам̣ н̃ад̇ваа адтааси, буна тид̇агаалз ануб̣анд̇хи.

    Atīte, bhikkhave, pabbatapādamhi pañcasatamattā vaḍḍhakipurisā mahāaraññaṃ pavisitvā dabbasambhāre chinditvā mahāuḷumpaṃ bandhitvā nadiyā otārenti. Atheko hatthināgo ekasmiṃ visamaṭṭhāne soṇḍāya sākhaṃ gaṇhanto sākhābhaṅgavegaṃ sandhāretuṃ asakkonto tikhiṇakhāṇuke pādena avatthāsi, pādo viddho, dukkhavedanā vattanti. So gamanaṃ abhinīharituṃ asakkonto tattheva nipajji. So katipāhaccayena te vaḍḍhakī attano samīpena gacchante disvā ‘‘ime nissāyāhaṃ jīvitaṃ labhissāmī’’ti tesaṃ anupadaṃ agamāsi. Te nivattitvā hatthiṃ disvā bhītā palāyanti. So tesaṃ palāyanabhāvaṃ ñatvā aṭṭhāsi, puna ṭhitakāle anubandhi.

    вад̣дхагиж̇здтаго жинд̇зси – ‘‘аяам̣ хад̇т̇и амхзсу д̇идтанд̇зсу ануб̣анд̇хад̇и, балааяанд̇зсу д̇идтад̇и, бхависсад̇и д̇ад̇т̇а гааран̣а’’нд̇и. саб̣б̣з д̇ам̣ д̇ам̣ ругкам̣ ааруяха д̇асса ааг̇аманам̣ бадимаанзнд̇аа нисийд̣̇им̣су. со д̇зсам̣ санд̇игам̣ ааг̇анд̇ваа ад̇д̇ано баад̣̇ам̣ д̣̇ассзнд̇о баривад̇д̇зд̇ваа нибаж̇ж̇и. д̇ад̣̇аа вад̣дхагийнам̣ сан̃н̃аа уд̣̇абаад̣̇и – ‘‘г̇илаанабхаавзна, бхо, зса ааг̇ажчад̇и, на ан̃н̃зна гааран̣знаа’’д̇и д̇асса санд̇игам̣ г̇анд̇ваа баад̣̇з бавидтакаан̣угам̣ д̣̇исваа ‘‘иминаа гааран̣зна зса ааг̇ад̇о’’д̇и д̇икин̣аваасияаа каан̣угагодияам̣ од̇хим̣ д̣̇ад̇ваа д̣̇ал̣хааяа раж̇ж̇уяаа б̣анд̇хид̇ваа гад̣дхид̇ваа нийхарим̣су. ат̇асса ван̣амукам̣ бийл̣зд̇ваа буб̣б̣алохид̇ам̣ нийхарид̇ваа гасаавод̣̇агзна д̇ховид̇ваа ад̇д̇ано ж̇аананабхзсаж̇ж̇ам̣ магкзд̇ваа нажирассзва паасугам̣ агам̣су.

    Vaḍḍhakijeṭṭhako cintesi – ‘‘ayaṃ hatthi amhesu tiṭṭhantesu anubandhati, palāyantesu tiṭṭhati, bhavissati tattha kāraṇa’’nti. Sabbe taṃ taṃ rukkhaṃ āruyha tassa āgamanaṃ paṭimānentā nisīdiṃsu. So tesaṃ santikaṃ āgantvā attano pādaṃ dassento parivattetvā nipajji. Tadā vaḍḍhakīnaṃ saññā udapādi – ‘‘gilānabhāvena, bho, esa āgacchati, na aññena kāraṇenā’’ti tassa santikaṃ gantvā pāde paviṭṭhakhāṇukaṃ disvā ‘‘iminā kāraṇena esa āgato’’ti tikhiṇavāsiyā khāṇukakoṭiyaṃ odhiṃ datvā daḷhāya rajjuyā bandhitvā kaḍḍhitvā nīhariṃsu. Athassa vaṇamukhaṃ pīḷetvā pubbalohitaṃ nīharitvā kasāvodakena dhovitvā attano jānanabhesajjaṃ makkhetvā nacirasseva phāsukaṃ akaṃsu.

    хад̇т̇инааг̇о г̇илаанаа вудтид̇о жинд̇зси – ‘‘имз маяхам̣ б̣ахубагаараа, имз маяаа ниссааяа ж̇ийвид̇ам̣ лад̣̇д̇хам̣, маяаа имзсам̣ гад̇ан̃н̃унаа гад̇авзд̣̇инаа бхавид̇ум̣ ваддад̇ий’’д̇и ад̇д̇ано васанадтаанам̣ г̇анд̇ваа сзд̇ам̣ г̇анд̇хахад̇т̇ибод̇агам̣ аанзси. вад̣дхагино хад̇т̇ибод̇агам̣ д̣̇исваа ‘‘амхаагам̣ хад̇т̇ий буд̇д̇амби г̇ахзд̇ваа ааг̇ад̇о’’д̇и ад̇ивияа д̇удтажид̇д̇аа ахзсум̣. хад̇т̇инааг̇о жинд̇зси – ‘‘маяи д̇идтанд̇з ‘гим̣ ну ко аяам̣ ааг̇ад̇о’д̇и мама ааг̇ад̇агааран̣ам̣ на ж̇ааниссанд̇ий’’д̇и тид̇адтаанад̇о баггаами. хад̇т̇ибод̇аго бид̇у бажчад̇о бажчад̇о анубааяааси. хад̇т̇инааг̇о д̇асса ааг̇ад̇абхаавам̣ н̃ад̇ваа нивад̇д̇анад̇т̇ааяа сад̣̇д̣̇асан̃н̃ам̣ ад̣̇ааси. со бид̇у гат̇ам̣ суд̇ваа нивад̇д̇ид̇ваа вад̣дхагийнам̣ санд̇игам̣ г̇ад̇о. вад̣дхагино ‘‘имам̣ хад̇т̇ибод̇агам̣ амхаагам̣ д̣̇аад̇ум̣ ааг̇ад̇о бхависсад̇и зсо’’д̇и н̃ад̇ваа ‘‘амхаагам̣ санд̇игз д̇аяаа гад̇д̇аб̣б̣агижжам̣ над̇т̇и, бид̇у санд̇игам̣язва г̇ажчаа’’д̇и бахин̣им̣су. хад̇т̇инааг̇о яаавад̇ад̇ияам̣ ад̇д̇ано санд̇игам̣ ааг̇ад̇амби буна вад̣дхагийнам̣язва самийбам̣ бзсзси. д̇ад̇о бадтааяа вад̣дхагино хад̇т̇ибод̇агам̣ ад̇д̇ано санд̇игз гад̇ваа бадиж̇аг̇г̇анд̇и. бхож̇анагаалз згзгам̣ бхад̇д̇абин̣д̣ам̣ д̣̇знд̇и, бхад̇д̇ам̣ д̇асса яаавад̣̇ад̇т̇ам̣ ахоси. со вад̣дхагийхи анд̇ог̇аханз годдид̇ам̣ д̣̇аб̣б̣асамбхаарам̣ аахарид̇ваа ан̇г̇ан̣адтаанз раасим̣ гарод̇и. зд̇знзва нияаамзна ан̃н̃амби убагаарагаммам̣ гарод̇и.

    Hatthināgo gilānā vuṭṭhito cintesi – ‘‘ime mayhaṃ bahupakārā, ime mayā nissāya jīvitaṃ laddhaṃ, mayā imesaṃ kataññunā katavedinā bhavituṃ vaṭṭatī’’ti attano vasanaṭṭhānaṃ gantvā setaṃ gandhahatthipotakaṃ ānesi. Vaḍḍhakino hatthipotakaṃ disvā ‘‘amhākaṃ hatthī puttampi gahetvā āgato’’ti ativiya tuṭṭhacittā ahesuṃ. Hatthināgo cintesi – ‘‘mayi tiṭṭhante ‘kiṃ nu kho ayaṃ āgato’ti mama āgatakāraṇaṃ na jānissantī’’ti ṭhitaṭṭhānato pakkāmi. Hatthipotako pitu pacchato pacchato anupāyāsi. Hatthināgo tassa āgatabhāvaṃ ñatvā nivattanatthāya saddasaññaṃ adāsi. So pitu kathaṃ sutvā nivattitvā vaḍḍhakīnaṃ santikaṃ gato. Vaḍḍhakino ‘‘imaṃ hatthipotakaṃ amhākaṃ dātuṃ āgato bhavissati eso’’ti ñatvā ‘‘amhākaṃ santike tayā kattabbakiccaṃ natthi, pitu santikaṃyeva gacchā’’ti pahiṇiṃsu. Hatthināgo yāvatatiyaṃ attano santikaṃ āgatampi puna vaḍḍhakīnaṃyeva samīpaṃ pesesi. Tato paṭṭhāya vaḍḍhakino hatthipotakaṃ attano santike katvā paṭijagganti. Bhojanakāle ekekaṃ bhattapiṇḍaṃ denti, bhattaṃ tassa yāvadatthaṃ ahosi. So vaḍḍhakīhi antogahane koṭṭitaṃ dabbasambhāraṃ āharitvā aṅgaṇaṭṭhāne rāsiṃ karoti. Eteneva niyāmena aññampi upakārakammaṃ karoti.

    сад̇т̇аа имам̣ гааран̣ам̣ аахарид̇ваа буб̣б̣зби саарибуд̇д̇асса гад̇ан̃н̃уугад̇авзд̣̇ибхаавам̣ д̣̇ийбзд̇и. саарибуд̇д̇ад̇т̇зро хи д̇ад̣̇аа махаахад̇т̇ий ахоси, адтуббад̇д̇ияам̣ ааг̇ад̇о оссадтавийрияо бхигку хад̇т̇ибод̇аго ахоси. сам̣яуд̇д̇анигааяам̣ бана бад̇ваа сагалам̣ раад̇хасам̣яуд̇д̇ам̣, д̇хаммабад̣̇з жа –

    Satthā imaṃ kāraṇaṃ āharitvā pubbepi sāriputtassa kataññūkatavedibhāvaṃ dīpeti. Sāriputtatthero hi tadā mahāhatthī ahosi, aṭṭhuppattiyaṃ āgato ossaṭṭhavīriyo bhikkhu hatthipotako ahosi. Saṃyuttanikāyaṃ pana patvā sakalaṃ rādhasaṃyuttaṃ, dhammapade ca –

    ‘‘нид̇хийнам̣ва бавад̇д̇аарам̣, яам̣ бассз важ̇ж̇ад̣̇ассинам̣;

    ‘‘Nidhīnaṃva pavattāraṃ, yaṃ passe vajjadassinaṃ;

    ниг̇г̇аяхаваад̣̇им̣ мзд̇хаавим̣, д̇аад̣̇исам̣ бан̣д̣ид̇ам̣ бхаж̇з;

    Niggayhavādiṃ medhāviṃ, tādisaṃ paṇḍitaṃ bhaje;

    д̇аад̣̇исам̣ бхаж̇амаанасса, сзяяо ход̇и на баабияо’’д̇и. (д̇ха. ба. 76) –

    Tādisaṃ bhajamānassa, seyyo hoti na pāpiyo’’ti. (dha. pa. 76) –

    г̇аат̇аа т̇зрасса д̇хаммад̣̇зсанаа наама. абарабхааг̇з бана сад̇т̇аа бадибаадияаа т̇зрз таананд̇арзсу табзнд̇о раад̇хад̇т̇зрам̣ бадибхаанзяяагаанам̣ аг̇г̇адтаанз табзсийд̇и.

    Gāthā therassa dhammadesanā nāma. Aparabhāge pana satthā paṭipāṭiyā there ṭhānantaresu ṭhapento rādhattheraṃ paṭibhāneyyakānaṃ aggaṭṭhāne ṭhapesīti.

    могхарааж̇ад̇т̇зравад̇т̇у

    Mogharājattheravatthu

    234. д̣̇ваад̣̇асамз луукажийварад̇хараананд̇и луукажийварам̣ д̇хаарзнд̇аанам̣ могхарааж̇аа аг̇г̇од̇и д̣̇ассзд̇и. аяам̣ хи т̇зро сад̇т̇алуукам̣ суд̇д̇алуукам̣ раж̇аналууканд̇и д̇ивид̇хзнаби луукзна саманнааг̇ад̇ам̣ бам̣сугуулам̣ д̇хаарзси. д̇асмаа луукажийварад̇хараанам̣ аг̇г̇о наама ж̇аад̇о.

    234. Dvādasame lūkhacīvaradharānanti lūkhacīvaraṃ dhārentānaṃ mogharājā aggoti dasseti. Ayaṃ hi thero satthalūkhaṃ suttalūkhaṃ rajanalūkhanti tividhenapi lūkhena samannāgataṃ paṃsukūlaṃ dhāresi. Tasmā lūkhacīvaradharānaṃ aggo nāma jāto.

    д̇асса бан̃хагаммз аяаманубуб̣б̣игат̇аа – аяамби хи бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз бадисанд̇хим̣ г̇ахзд̇ваа ниб̣б̣ад̇д̇и, д̇ад̇о абарабхааг̇з сад̇т̇у д̇хаммагат̇ам̣ сун̣анд̇о сад̇т̇аарам̣ згам̣ бхигкум̣ луукажийварад̇хараанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о гассабад̣̇асаб̣аласса ниб̣б̣ад̇д̇ид̇о бурзд̇арамзва гадтаваахананаг̇арз амажжаг̇зхз бадисанд̇хим̣ г̇ан̣хи. абарабхааг̇з ваяаббад̇д̇о гадтавааханарааж̇аанам̣ убадтаханд̇о амажжадтаанам̣ лабхи.

    Tassa pañhakamme ayamanupubbikathā – ayampi hi padumuttarabuddhakāle haṃsavatiyaṃ kulagehe paṭisandhiṃ gahetvā nibbatti, tato aparabhāge satthu dhammakathaṃ suṇanto satthāraṃ ekaṃ bhikkhuṃ lūkhacīvaradharānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So yāvajīvaṃ kusalaṃ katvā devamanussesu saṃsaranto kassapadasabalassa nibbattito puretarameva kaṭṭhavāhananagare amaccagehe paṭisandhiṃ gaṇhi. Aparabhāge vayappatto kaṭṭhavāhanarājānaṃ upaṭṭhahanto amaccaṭṭhānaṃ labhi.

    д̇асмим̣ гаалз гассабад̣̇асаб̣ало логз уббаж̇ж̇и. гадтавааханарааж̇аа ‘‘б̣уд̣̇д̇хо гира логз уббанно’’д̇и суд̇ваа д̇ам̣ баггосаабзд̇ваа ааха – ‘‘д̇аад̇а, б̣уд̣̇д̇хо гира логз уббанно, имам̣ бажжанд̇анаг̇арам̣ згаббахаарзнзва убхохи амхзхи д̇ужчам̣ гаад̇ум̣ на саггаа, д̇вам̣ д̇аава маж̇жхимад̣̇зсам̣ г̇анд̇ваа б̣уд̣̇д̇хасса уббаннабхаавам̣ н̃ад̇ваа д̣̇асаб̣алам̣ имам̣ наг̇арам̣ аанзхий’’д̇и бурисасахассзна сад̣̇д̇хим̣ бзсзси. со анубуб̣б̣зна сад̇т̇у санд̇игам̣ г̇анд̇ваа д̇хаммагат̇ам̣ суд̇ваа бадилад̣̇д̇хасад̣̇д̇хо д̇ад̇т̇зва баб̣б̣аж̇ид̇ваа вийсад̇и вассасахассаани саман̣ад̇хаммам̣ агааси. д̇зна сад̣̇д̇хим̣ г̇ад̇абурисаа бана саб̣б̣зби нивад̇д̇ид̇ваа буна ран̃н̃о санд̇игам̣ ааг̇ад̇аа.

    Tasmiṃ kāle kassapadasabalo loke uppajji. Kaṭṭhavāhanarājā ‘‘buddho kira loke uppanno’’ti sutvā taṃ pakkosāpetvā āha – ‘‘tāta, buddho kira loke uppanno, imaṃ paccantanagaraṃ ekappahāreneva ubhohi amhehi tucchaṃ kātuṃ na sakkā, tvaṃ tāva majjhimadesaṃ gantvā buddhassa uppannabhāvaṃ ñatvā dasabalaṃ imaṃ nagaraṃ ānehī’’ti purisasahassena saddhiṃ pesesi. So anupubbena satthu santikaṃ gantvā dhammakathaṃ sutvā paṭiladdhasaddho tattheva pabbajitvā vīsati vassasahassāni samaṇadhammaṃ akāsi. Tena saddhiṃ gatapurisā pana sabbepi nivattitvā puna rañño santikaṃ āgatā.

    аяам̣ т̇зро барибун̣н̣асийло гаалам̣ гад̇ваа згам̣ б̣уд̣̇д̇ханд̇арам̣ д̣̇звамануссзсу сам̣саранд̇о амхаагам̣ д̣̇асаб̣аласса ниб̣б̣ад̇д̇ид̇о бурзд̇арамзва саавад̇т̇ияам̣ б̣раахман̣агулз бадисанд̇хим̣ г̇ан̣хи, могхарааж̇амаан̣авод̇исса наамам̣ агам̣су. гадтавааханарааж̇ааби гассабасса бхаг̇авад̇о ад̇хигаарагаммам̣ гад̇ваа згам̣ б̣уд̣̇д̇ханд̇арам̣ сабаривааро д̣̇звамануссзсу сам̣сарид̇ваа амхаагам̣ д̣̇асаб̣аласса ниб̣б̣ад̇д̇ид̇о бурзд̇арамзва саавад̇т̇ияам̣ бурохид̇аг̇зхз бадисанд̇хим̣ г̇ан̣хи, б̣ааваримаан̣авод̇исса наамам̣ агам̣су. со абарзна самаязна д̇аяо взд̣̇з уг̇г̇ан̣хид̇ваа сол̣асаннам̣ маан̣авагасахассаанам̣ сиббам̣ ваажзнд̇о жарад̇и. ат̇асса басзнад̣̇игосаларан̃н̃о гаалз бид̇у ажжаязна бурохид̇адтаанам̣ ад̣̇ам̣су. д̇ад̣̇аа аяамби могхарааж̇амаан̣аво б̣аавариб̣раахман̣асса санд̇игз сиббам̣ г̇ан̣хаад̇и.

    Ayaṃ thero paripuṇṇasīlo kālaṃ katvā ekaṃ buddhantaraṃ devamanussesu saṃsaranto amhākaṃ dasabalassa nibbattito puretarameva sāvatthiyaṃ brāhmaṇakule paṭisandhiṃ gaṇhi, mogharājamāṇavotissa nāmaṃ akaṃsu. Kaṭṭhavāhanarājāpi kassapassa bhagavato adhikārakammaṃ katvā ekaṃ buddhantaraṃ saparivāro devamanussesu saṃsaritvā amhākaṃ dasabalassa nibbattito puretarameva sāvatthiyaṃ purohitagehe paṭisandhiṃ gaṇhi, bāvarimāṇavotissa nāmaṃ akaṃsu. So aparena samayena tayo vede uggaṇhitvā soḷasannaṃ māṇavakasahassānaṃ sippaṃ vācento carati. Athassa pasenadikosalarañño kāle pitu accayena purohitaṭṭhānaṃ adaṃsu. Tadā ayampi mogharājamāṇavo bāvaribrāhmaṇassa santike sippaṃ gaṇhāti.

    ат̇згад̣̇ивасам̣ б̣аавариб̣раахман̣о рахог̇ад̇о ад̇д̇ано сиббз саарам̣ ологзнд̇о самбарааяигам̣ саарам̣ ад̣̇исваа ‘‘згам̣ баб̣б̣аж̇ж̇ам̣ баб̣б̣аж̇ид̇ваа самбарааяигам̣ г̇авзсзссаамий’’д̇и госаларааж̇аанам̣ убасан̇гамид̇ваа ад̇д̇ано баб̣б̣аж̇ж̇ам̣ ануж̇аанаабзси. со д̇зна анун̃н̃аад̇о сол̣асахи маан̣авагасахассзхи баривуд̇о баб̣б̣аж̇ж̇ад̇т̇ааяа нигками. госаларааж̇ааби д̇зна сад̣̇д̇хим̣язва згам̣ амажжам̣ гахаабан̣асахассам̣ д̣̇ад̇ваа бзсзси – ‘‘яасмим̣ таанз аажарияо баб̣б̣аж̇ад̇и, д̇ад̇расса васанадтаанам̣ г̇ахзд̇ваа д̣̇зт̇аа’’д̇и. б̣аавариб̣раахман̣о паасугадтаанам̣ ологзнд̇о маж̇жхимад̣̇зсад̇о бадиггамма ассагаран̃н̃о жа мул̣хагаран̃н̃о жа сийманд̇арз г̇од̇хааварид̇ийрз ад̇д̇ано васанадтаанам̣ гаарзси.

    Athekadivasaṃ bāvaribrāhmaṇo rahogato attano sippe sāraṃ olokento samparāyikaṃ sāraṃ adisvā ‘‘ekaṃ pabbajjaṃ pabbajitvā samparāyikaṃ gavesessāmī’’ti kosalarājānaṃ upasaṅkamitvā attano pabbajjaṃ anujānāpesi. So tena anuññāto soḷasahi māṇavakasahassehi parivuto pabbajjatthāya nikkhami. Kosalarājāpi tena saddhiṃyeva ekaṃ amaccaṃ kahāpaṇasahassaṃ datvā pesesi – ‘‘yasmiṃ ṭhāne ācariyo pabbajati, tatrassa vasanaṭṭhānaṃ gahetvā dethā’’ti. Bāvaribrāhmaṇo phāsukaṭṭhānaṃ olokento majjhimadesato paṭikkamma assakarañño ca muḷhakarañño ca sīmantare godhāvaritīre attano vasanaṭṭhānaṃ kāresi.

    ат̇зго бурисо ж̇адилаанам̣ д̣̇ассанааяа г̇ад̇о д̇зсам̣ санд̇агз бхуумидтаанз д̇зхи анун̃н̃аад̇о ад̇д̇ано васанадтаанам̣ агааси. д̇зна гад̇ам̣ д̣̇исваа абарам̣ гуласад̇ам̣ г̇зхасад̇ам̣ гаарзси. д̇з саб̣б̣зби саннибад̇ид̇ваа ‘‘маяам̣ аяяаанам̣ санд̇агз бхуумибхааг̇з васаама, муд̇хаа васид̇ум̣ на гааран̣ам̣, сукаваасам̣ во д̣̇ассаамаа’’д̇и згзго згзгам̣ гахаабан̣ам̣ б̣аавариб̣раахман̣асса васанадтаанз табзси. саб̣б̣зхиби аабхад̇агахаабан̣аа сад̇асахассамад̇д̇аа ахзсум̣. б̣аавариб̣раахман̣о ‘‘гимад̇т̇ам̣ зд̇з аабхад̇аа’’д̇и ааха. сукаваасад̣̇аанад̇т̇ааяа, бханд̇зд̇и. сажаахам̣ хиран̃н̃асуван̣н̣зна ад̇т̇иго ассам̣, ахам̣ маханд̇ам̣ д̇ханараасим̣ бахааяа на баб̣б̣аж̇зяяам̣. д̇умхаагам̣ гахаабан̣з г̇ан̣хид̇ваа г̇ажчат̇аад̇и. амхзхи аяяасса барижжад̇д̇ам̣ на буна г̇ан̣хаама, анусам̣важчарам̣ бана зд̇знзва нияаамзна аахариссаама, имз г̇ахзд̇ваа аяяо д̣̇аанам̣ д̣̇зд̇ууд̇и. б̣раахман̣о ад̇хиваасзд̇ваа габан̣ад̣̇д̇хигаван̣иб̣б̣агаяаажагаанам̣ д̣̇аанамукз нияяаад̇зси. д̇асса абараабарам̣ д̣̇ааяагабхааво сагалаж̇амб̣уд̣̇ийбз бан̃н̃ааяид̇т̇а.

    Atheko puriso jaṭilānaṃ dassanāya gato tesaṃ santake bhūmiṭṭhāne tehi anuññāto attano vasanaṭṭhānaṃ akāsi. Tena kataṃ disvā aparaṃ kulasataṃ gehasataṃ kāresi. Te sabbepi sannipatitvā ‘‘mayaṃ ayyānaṃ santake bhūmibhāge vasāma, mudhā vasituṃ na kāraṇaṃ, sukhavāsaṃ vo dassāmā’’ti ekeko ekekaṃ kahāpaṇaṃ bāvaribrāhmaṇassa vasanaṭṭhāne ṭhapesi. Sabbehipi ābhatakahāpaṇā satasahassamattā ahesuṃ. Bāvaribrāhmaṇo ‘‘kimatthaṃ ete ābhatā’’ti āha. Sukhavāsadānatthāya, bhanteti. Sacāhaṃ hiraññasuvaṇṇena atthiko assaṃ, ahaṃ mahantaṃ dhanarāsiṃ pahāya na pabbajeyyaṃ. Tumhākaṃ kahāpaṇe gaṇhitvā gacchathāti. Amhehi ayyassa pariccattaṃ na puna gaṇhāma, anusaṃvaccharaṃ pana eteneva niyāmena āharissāma, ime gahetvā ayyo dānaṃ detūti. Brāhmaṇo adhivāsetvā kapaṇaddhikavaṇibbakayācakānaṃ dānamukhe niyyātesi. Tassa aparāparaṃ dāyakabhāvo sakalajambudīpe paññāyittha.

    д̇ад̇о гаалин̇г̇арадтз д̣̇уннивидтз наама г̇аамз ж̇ууж̇агаб̣раахман̣асса вам̣сз ж̇аад̇аб̣раахман̣асса б̣раахман̣ий удтааяа самудтааяа б̣раахман̣ам̣ жод̣̇зд̇и – ‘‘б̣ааварий, гира д̣̇аанам̣ д̣̇зд̇и, г̇анд̇ваа д̇ад̇о хиран̃н̃асуван̣н̣ам̣ аахараа’’д̇и. со д̇ааяа жод̣̇ияамаано сан̣таад̇ум̣ асаггонд̇о б̣ааварисса санд̇игам̣ г̇ажчамаано б̣ааваримхи д̣̇аанам̣ д̣̇ад̇ваа бан̣н̣асаалам̣ бависид̇ваа нибаж̇ж̇ид̇ваа д̣̇аанам̣ ануссарамаанз г̇ад̇о. г̇анд̇ваа жа ‘‘д̣̇аанам̣ мз, б̣раахман̣а, д̣̇зхи, д̣̇аанам̣ мз, б̣раахман̣а, д̣̇зхий’’д̇и ааха. агаалз д̇вам̣, б̣раахман̣а, ааг̇ад̇о, самбад̇д̇аяаажагаанам̣ мз д̣̇иннам̣, ид̣̇аани гахаабан̣ам̣ над̇т̇ийд̇и. на маяхам̣, б̣раахман̣а, б̣ахуухи гахаабан̣зхи ад̇т̇о, д̇ава зд̇д̇агам̣ д̣̇аанам̣ д̣̇ад̣̇анд̇асса на саггаа гахаабан̣зхи винаа бхавид̇ум̣, маяхам̣ бан̃жа гахаабан̣асад̇аани д̣̇зхийд̇и. б̣раахман̣а, бан̃жаби сад̇аани над̇т̇и, буна д̣̇аанагаалз самбад̇д̇з лабхиссасийд̇и. гим̣ банаахам̣ д̇ава д̣̇аанагаалз ааг̇амиссаамийд̇и? б̣аавариб̣раахман̣асса бан̣н̣асаалад̣̇ваарз ваалугам̣ т̇уубам̣ гад̇ваа саманд̇ад̇о рад̇д̇аван̣н̣аани бубпаани вигирид̇ваа манд̇ам̣ ж̇аббзнд̇о вияа одтз жаалзд̇ваа жаалзд̇ваа ‘‘муд̣̇д̇хаа палад̇у сад̇д̇ад̇хаа’’д̇и вад̣̇ад̇и.

    Tato kāliṅgaraṭṭhe dunniviṭṭhe nāma gāme jūjakabrāhmaṇassa vaṃse jātabrāhmaṇassa brāhmaṇī uṭṭhāya samuṭṭhāya brāhmaṇaṃ codeti – ‘‘bāvarī, kira dānaṃ deti, gantvā tato hiraññasuvaṇṇaṃ āharā’’ti. So tāya codiyamāno saṇṭhātuṃ asakkonto bāvarissa santikaṃ gacchamāno bāvarimhi dānaṃ datvā paṇṇasālaṃ pavisitvā nipajjitvā dānaṃ anussaramāne gato. Gantvā ca ‘‘dānaṃ me, brāhmaṇa, dehi, dānaṃ me, brāhmaṇa, dehī’’ti āha. Akāle tvaṃ, brāhmaṇa, āgato, sampattayācakānaṃ me dinnaṃ, idāni kahāpaṇaṃ natthīti. Na mayhaṃ, brāhmaṇa, bahūhi kahāpaṇehi attho, tava ettakaṃ dānaṃ dadantassa na sakkā kahāpaṇehi vinā bhavituṃ, mayhaṃ pañca kahāpaṇasatāni dehīti. Brāhmaṇa, pañcapi satāni natthi, puna dānakāle sampatte labhissasīti. Kiṃ panāhaṃ tava dānakāle āgamissāmīti? Bāvaribrāhmaṇassa paṇṇasāladvāre vālukaṃ thūpaṃ katvā samantato rattavaṇṇāni pupphāni vikiritvā mantaṃ jappento viya oṭṭhe cāletvā cāletvā ‘‘muddhā phalatu sattadhā’’ti vadati.

    б̣аавариб̣раахман̣о жинд̇зси – ‘‘аяам̣ махаад̇або д̇абажаарам̣ г̇ан̣хид̇ваа жаран̣аб̣раахман̣аго маяхам̣ сад̇д̇ад̣̇ивасамад̇т̇агз ‘сад̇д̇ад̇хаа муд̣̇д̇хаа паалад̇уу’д̇и вад̣̇ад̇и, маяхан̃жа имасса д̣̇аад̇аб̣б̣аани бан̃жа гахаабан̣асад̇аани над̇т̇и, згам̣сзна мам̣ зса гхаад̇зссад̇ий’’д̇и. звам̣ д̇асмим̣ согасалласамаббид̇з нибаннз рад̇д̇ибхааг̇асамананд̇арз ананд̇арад̇д̇абхаавз б̣ааварисса маад̇аа д̣̇звад̇аа худ̇ваа ниб̣б̣ад̇д̇и. саа буд̇д̇асса согасалласамаббид̇абхаавам̣ д̣̇исваа ааг̇анд̇ваа ааха – ‘‘д̇аад̇а , зса муд̣̇д̇хам̣ ваа муд̣̇д̇хапааланам̣ ваа на ж̇аанаад̇и, д̇вамби логз б̣уд̣̇д̇хаанам̣ уббаннабхаавам̣ на ж̇аанааси. сажз д̇з сам̣саяо ад̇т̇и, сад̇т̇у санд̇игам̣ г̇анд̇ваа бужча, со д̇з зд̇ам̣ гааран̣ам̣ гат̇зссад̇ий’’д̇и. б̣раахман̣о д̣̇звад̇ааяа гат̇ам̣ суд̇агаалад̇о бадтааяа ассаасам̣ лабхид̇ваа бунад̣̇ивасз удтид̇з арун̣з саб̣б̣зва анд̇зваасигз баггосид̇ваа, ‘‘д̇аад̇аа, б̣уд̣̇д̇хо гира логз уббанно, д̇умхз сийгхам̣ г̇анд̇ваа ‘б̣уд̣̇д̇хо ваа но ваа’д̇и н̃ад̇ваа ааг̇анд̇ваа маяхам̣ аарожзт̇а, ахам̣ сад̇т̇у санд̇игам̣ г̇амиссаами. абижа ко бана маяхам̣ махаллагабхаавзна ж̇ийвид̇анд̇арааяо д̣̇уж̇ж̇аано, д̇умхз д̇асса санд̇игам̣ г̇анд̇ваа иминаа жа иминаа жа нияаамзна бан̃хз бужчат̇аа’’д̇и муд̣̇д̇хапааланабан̃хам̣ наама абхисан̇карид̇ваа ад̣̇ааси.

    Bāvaribrāhmaṇo cintesi – ‘‘ayaṃ mahātapo tapacāraṃ gaṇhitvā caraṇabrāhmaṇako mayhaṃ sattadivasamatthake ‘sattadhā muddhā phālatū’ti vadati, mayhañca imassa dātabbāni pañca kahāpaṇasatāni natthi, ekaṃsena maṃ esa ghātessatī’’ti. Evaṃ tasmiṃ sokasallasamappite nipanne rattibhāgasamanantare anantarattabhāve bāvarissa mātā devatā hutvā nibbatti. Sā puttassa sokasallasamappitabhāvaṃ disvā āgantvā āha – ‘‘tāta , esa muddhaṃ vā muddhaphālanaṃ vā na jānāti, tvampi loke buddhānaṃ uppannabhāvaṃ na jānāsi. Sace te saṃsayo atthi, satthu santikaṃ gantvā puccha, so te etaṃ kāraṇaṃ kathessatī’’ti. Brāhmaṇo devatāya kathaṃ sutakālato paṭṭhāya assāsaṃ labhitvā punadivase uṭṭhite aruṇe sabbeva antevāsike pakkositvā, ‘‘tātā, buddho kira loke uppanno, tumhe sīghaṃ gantvā ‘buddho vā no vā’ti ñatvā āgantvā mayhaṃ ārocetha, ahaṃ satthu santikaṃ gamissāmi. Apica kho pana mayhaṃ mahallakabhāvena jīvitantarāyo dujjāno, tumhe tassa santikaṃ gantvā iminā ca iminā ca niyāmena pañhe pucchathā’’ti muddhaphālanapañhaṃ nāma abhisaṅkharitvā adāsi.

    д̇ад̇о жинд̇зси – ‘‘саб̣б̣з имз маан̣аваа бан̣д̣ид̇аа, сад̇т̇у д̇хаммагат̇ам̣ суд̇ваа ад̇д̇ано гижжз мад̇т̇агам̣ бад̇д̇з буна маяхам̣ санд̇игам̣ ааг̇ажчзяяум̣ ваа но ваа’’д̇и. ат̇а ад̇д̇ано бхааг̇инзяяасса аж̇ид̇амаан̣авасса наама сан̃н̃ам̣ ад̣̇ааси – ‘‘д̇вам̣ бана зганд̇знзва мама санд̇игам̣ ааг̇анд̇ум̣ арахаси, д̇аяаа бадилад̣̇д̇хаг̇ун̣ам̣ ааг̇анд̇ваа маяхам̣ гат̇зяяаасий’’д̇и. ат̇а д̇з сол̣асасахассаж̇адилаа аж̇ид̇амаан̣авам̣ ж̇здтагам̣ гад̇ваа сол̣асахи ж̇здтанд̇зваасигзхи сад̣̇д̇хим̣ ‘‘сад̇т̇аарам̣ бан̃хам̣ бужчиссаамаа’’д̇и жааригам̣ жаранд̇аа г̇ад̇аг̇ад̇адтаанз, ‘‘аяяаа, гахам̣ г̇ажчат̇а, гахам̣ г̇ажчат̇аа’’д̇и бужчид̇аа ‘‘д̣̇асаб̣аласса санд̇игам̣ бан̃хам̣ бужчид̇ум̣ г̇ажчаамаа’’д̇и годид̇о бадтааяа барисам̣ сам̣гад̣дханд̇аа анзгаяож̇анасад̇ам̣ маг̇г̇ам̣ г̇ад̇аа. сад̇т̇аа ‘‘д̇зсам̣ ааг̇аманад̣̇ивасз ан̃н̃асса огаасо на бхависсад̇и, ид̣̇ам̣ имиссаа барисааяа анужчавигадтаана’’нд̇и г̇анд̇ваа баасаан̣ажзд̇ияз бидтибаасаан̣з нисийд̣̇и. со аж̇ид̇амаан̣авоби сабарисо д̇ам̣ бидтибаасаан̣ам̣ ааруяха сад̇т̇у сарийрасамбад̇д̇им̣ д̣̇исваа ‘‘аяам̣ бурисо имасмим̣ логз вивадажчад̣̇о б̣уд̣̇д̇хо бхависсад̇ий’’д̇и ад̇д̇ано аажариязна бахид̇з бан̃хз манасаа бужчанд̇ова г̇ад̇о.

    Tato cintesi – ‘‘sabbe ime māṇavā paṇḍitā, satthu dhammakathaṃ sutvā attano kicce matthakaṃ patte puna mayhaṃ santikaṃ āgaccheyyuṃ vā no vā’’ti. Atha attano bhāgineyyassa ajitamāṇavassa nāma saññaṃ adāsi – ‘‘tvaṃ pana ekanteneva mama santikaṃ āgantuṃ arahasi, tayā paṭiladdhaguṇaṃ āgantvā mayhaṃ katheyyāsī’’ti. Atha te soḷasasahassajaṭilā ajitamāṇavaṃ jeṭṭhakaṃ katvā soḷasahi jeṭṭhantevāsikehi saddhiṃ ‘‘satthāraṃ pañhaṃ pucchissāmā’’ti cārikaṃ carantā gatagataṭṭhāne, ‘‘ayyā, kahaṃ gacchatha, kahaṃ gacchathā’’ti pucchitā ‘‘dasabalassa santikaṃ pañhaṃ pucchituṃ gacchāmā’’ti koṭito paṭṭhāya parisaṃ saṃkaḍḍhantā anekayojanasataṃ maggaṃ gatā. Satthā ‘‘tesaṃ āgamanadivase aññassa okāso na bhavissati, idaṃ imissā parisāya anucchavikaṭṭhāna’’nti gantvā pāsāṇacetiye piṭṭhipāsāṇe nisīdi. So ajitamāṇavopi sapariso taṃ piṭṭhipāsāṇaṃ āruyha satthu sarīrasampattiṃ disvā ‘‘ayaṃ puriso imasmiṃ loke vivaṭacchado buddho bhavissatī’’ti attano ācariyena pahite pañhe manasā pucchantova gato.

    д̇ам̣д̣̇ивасам̣ д̇асмим̣ таанз самбад̇д̇абарисаа д̣̇ваад̣̇асаяож̇анигаа ахоси. д̇зсам̣ сол̣асаннам̣ анд̇зваасигаанам̣ анд̇арз могхарааж̇амаан̣аво ‘‘ахам̣ саб̣б̣зхи бан̣д̣ид̇ад̇аро’’д̇и маанад̇т̇ад̣̇д̇хо, д̇асса зд̇ад̣̇ахоси – ‘‘аяам̣ аж̇ид̇амаан̣аво саб̣б̣зсам̣ ж̇здтаго, зд̇асса батамад̇арам̣ мама бан̃хам̣ бужчид̇ум̣ на яуд̇д̇а’’нд̇и . д̇асса лаж̇ж̇ааяанд̇о батамад̇арам̣ бан̃хам̣ абужчид̇ваа д̇зна бужчид̇з д̣̇уд̇ияо худ̇ваа сад̇т̇аарам̣ бан̃хам̣ бужчи. сад̇т̇аа ‘‘маанад̇т̇ад̣̇д̇хо могхарааж̇амаан̣аваа, на д̇аавасса н̃аан̣ам̣ барибаагам̣ г̇ажчад̇и, асса маанам̣ ниваарид̇ум̣ ваддад̇ий’’д̇и жинд̇зд̇ваа ааха – ‘‘д̇идта д̇вам̣, могхарааж̇а, ан̃н̃з д̇аава бан̃хз бужчанд̇уу’’д̇и. со сад̇т̇у санд̇игаа абасаад̣̇ам̣ лабхид̇ваа жинд̇зси – ‘‘ахам̣ зд̇д̇агам̣ гаалам̣ маяаа бан̣д̣ид̇ад̇аро наама над̇т̇ийд̇и вижараами, б̣уд̣̇д̇хаа жа наама аж̇аанид̇ваа на гат̇знд̇и. сад̇т̇аараа мама бужчааяа д̣̇осо д̣̇идто бхависсад̇ий’’д̇и д̇ун̣хий ахоси. со адтахи ж̇анзхи бадибаадияаа бан̃хз бужчид̇з ад̇хиваасзд̇ум̣ асаггонд̇о навамо худ̇ваа буна удтааси. бунаби нам̣ сад̇т̇аа абасаад̣̇зси.

    Taṃdivasaṃ tasmiṃ ṭhāne sampattaparisā dvādasayojanikā ahosi. Tesaṃ soḷasannaṃ antevāsikānaṃ antare mogharājamāṇavo ‘‘ahaṃ sabbehi paṇḍitataro’’ti mānatthaddho, tassa etadahosi – ‘‘ayaṃ ajitamāṇavo sabbesaṃ jeṭṭhako, etassa paṭhamataraṃ mama pañhaṃ pucchituṃ na yutta’’nti . Tassa lajjāyanto paṭhamataraṃ pañhaṃ apucchitvā tena pucchite dutiyo hutvā satthāraṃ pañhaṃ pucchi. Satthā ‘‘mānatthaddho mogharājamāṇavā, na tāvassa ñāṇaṃ paripākaṃ gacchati, assa mānaṃ nivārituṃ vaṭṭatī’’ti cintetvā āha – ‘‘tiṭṭha tvaṃ, mogharāja, aññe tāva pañhe pucchantū’’ti. So satthu santikā apasādaṃ labhitvā cintesi – ‘‘ahaṃ ettakaṃ kālaṃ mayā paṇḍitataro nāma natthīti vicarāmi, buddhā ca nāma ajānitvā na kathenti. Satthārā mama pucchāya doso diṭṭho bhavissatī’’ti tuṇhī ahosi. So aṭṭhahi janehi paṭipāṭiyā pañhe pucchite adhivāsetuṃ asakkonto navamo hutvā puna uṭṭhāsi. Punapi naṃ satthā apasādesi.

    со бунаби д̇ун̣хий худ̇ваа ‘‘сан̇гханаваго д̣̇аани бхавид̇ум̣ на сагкиссаамий’’д̇и бан̃жад̣̇асамо худ̇ваа бан̃хам̣ бужчи. ат̇а сад̇т̇аа н̃аан̣асса барибаагабхаавам̣ н̃ад̇ваа бан̃хам̣ гат̇зси. со д̣̇зсанаабарияосаанз ад̇д̇ано бариваарзна ж̇адиласахассзна сад̣̇д̇хим̣ арахад̇д̇ам̣ баабун̣и. иминаава нияаамзна сзсааниби баннараса ж̇адиласахассаани арахад̇д̇ам̣ баабун̣им̣су. саб̣б̣зби ид̣̇д̇химаяабад̇д̇ажийварад̇хараа зхибхигкуува ахзсум̣. сзсаж̇анаа бана на гат̇ияанд̇и. аяам̣ могхарааж̇ад̇т̇зро д̇ад̇о бадтааяа д̇ийхи луукзхи саманнааг̇ад̇ам̣ жийварам̣ д̇хаарзд̇и. звам̣ баарааяанз (су. ни. 982 аад̣̇аяо) вад̇т̇у самудтид̇ам̣. сад̇т̇аа бана абарабхааг̇з ж̇зд̇аванз нисинно т̇зрз бадибаадияаа таананд̇арзсу табзнд̇о могхарааж̇ад̇т̇зрам̣ имасмим̣ саасанз луукажийварад̇хараанам̣ аг̇г̇адтаанз табзнд̇о ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ луукажийварад̇хараанам̣ яад̣̇ид̣̇ам̣ могхарааж̇аа’’д̇и ааха.

    So punapi tuṇhī hutvā ‘‘saṅghanavako dāni bhavituṃ na sakkhissāmī’’ti pañcadasamo hutvā pañhaṃ pucchi. Atha satthā ñāṇassa paripākabhāvaṃ ñatvā pañhaṃ kathesi. So desanāpariyosāne attano parivārena jaṭilasahassena saddhiṃ arahattaṃ pāpuṇi. Imināva niyāmena sesānipi pannarasa jaṭilasahassāni arahattaṃ pāpuṇiṃsu. Sabbepi iddhimayapattacīvaradharā ehibhikkhūva ahesuṃ. Sesajanā pana na kathiyanti. Ayaṃ mogharājatthero tato paṭṭhāya tīhi lūkhehi samannāgataṃ cīvaraṃ dhāreti. Evaṃ pārāyane (su. ni. 982 ādayo) vatthu samuṭṭhitaṃ. Satthā pana aparabhāge jetavane nisinno there paṭipāṭiyā ṭhānantaresu ṭhapento mogharājattheraṃ imasmiṃ sāsane lūkhacīvaradharānaṃ aggaṭṭhāne ṭhapento ‘‘etadaggaṃ, bhikkhave, mama sāvakānaṃ bhikkhūnaṃ lūkhacīvaradharānaṃ yadidaṃ mogharājā’’ti āha.

    жад̇уд̇т̇аваг̇г̇аван̣н̣анаа.

    Catutthavaggavaṇṇanā.

    згажад̇д̇аалийсасуд̇д̇амад̇д̇ааяа т̇зрабаал̣ияаа ван̣н̣анаа нидтид̇аа.

    Ekacattālīsasuttamattāya therapāḷiyā vaṇṇanā niṭṭhitā.

    14. зд̇ад̣̇аг̇г̇аваг̇г̇о

    14. Etadaggavaggo

    (14) 5. бан̃жамазд̇ад̣̇аг̇г̇аваг̇г̇о

    (14) 5. Pañcamaetadaggavaggo

    махаабаж̇аабад̇иг̇од̇амийт̇зрийвад̇т̇у

    Mahāpajāpatigotamītherīvatthu

    235. т̇зрибаал̣ияаа батамз яад̣̇ид̣̇ам̣ махаабаж̇аабад̇иг̇од̇амийд̇и махаабаж̇аабад̇иг̇од̇амий т̇зрий рад̇д̇ан̃н̃уунам̣ аг̇г̇аад̇и д̣̇ассзд̇и.

    235. Theripāḷiyā paṭhame yadidaṃ mahāpajāpatigotamīti mahāpajāpatigotamī therī rattaññūnaṃ aggāti dasseti.

    д̇ассаа бан̃хагаммз бана аяаманубуб̣б̣игат̇аа – аяам̣ гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз бадисанд̇хим̣ г̇ан̣хид̇ваа абарзна самаязна сад̇т̇у д̇хаммад̣̇зсанам̣ сун̣анд̇ий сад̇т̇аарам̣ згам̣ бхигкуним̣ рад̇д̇ан̃н̃уунам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа яааваж̇ийвам̣ д̣̇аанам̣ д̣̇ад̇ваа сийлам̣ рагкид̇ваа д̇ад̇о жуд̇о д̣̇звалогз ниб̣б̣ад̇д̇ид̇ваа бана згасмим̣ б̣уд̣̇д̇ханд̇арз д̣̇звалогад̇о жавид̇ваа б̣аараан̣асияам̣ бан̃жаннам̣ д̣̇аасисад̇аанам̣ ж̇здтагад̣̇аасий худ̇ваа ниб̣б̣ад̇д̇и. ат̇а вассуубанааяигасамаяз бан̃жа бажжзгаб̣уд̣̇д̇хаа нанд̣̇амуулагабаб̣бхаарад̇о исибад̇анз од̇арид̇ваа наг̇арз бин̣д̣ааяа жарид̇ваа исибад̇анамзва г̇анд̇ваа ‘‘вассуубанааяигагудияаа ад̇т̇ааяа хад̇т̇агаммам̣ яаажиссаамаа’’д̇и жинд̇зсум̣. гасмаа? вассам̣ убаг̇ажчанд̇зна хи наалагабадибад̣̇ам̣ бадибаннзнааби бан̃жаннам̣ чад̣̇анаанам̣ ан̃н̃ад̇арзна чад̣̇анзна чаннз сад̣̇ваараб̣ад̣̇д̇хз сзнаасанз убаг̇анд̇аб̣б̣ам̣. вуд̇д̇ан̃хзд̇ам̣ ‘‘на, бхигкавз, асзнаасанигзна вассам̣ убаг̇анд̇аб̣б̣ам̣, яо убаг̇ажчзяяа, аабад̇д̇и д̣̇уггадассаа’’д̇и (махаава. 204). д̇асмаа вассагаалз убагадтз сажз сзнаасанам̣ лабхад̇и, ижжзд̇ам̣ гусалам̣. но жз лабхад̇и, хад̇т̇агаммам̣ бариязсид̇вааби гаад̇аб̣б̣ам̣. хад̇т̇агаммам̣ алабханд̇зна саамамби гаад̇аб̣б̣ам̣, на д̇взва асзнаасанигзна вассам̣ убаг̇анд̇аб̣б̣ам̣. аяамануд̇хаммад̇аа. д̇асмаа д̇з бажжзгаб̣уд̣̇д̇хаа ‘‘хад̇т̇агаммам̣ яаажиссаамаа’’д̇и жийварам̣ баарубид̇ваа сааяанхасамаяз наг̇арам̣ бависид̇ваа сздтисса гхарад̣̇ваарз адтам̣су. ж̇здтагад̣̇аасий гудам̣ г̇ахзд̇ваа уд̣̇агад̇ид̇т̇ам̣ г̇ажчанд̇ий бажжзгаб̣уд̣̇д̇хз наг̇арам̣ бависанд̇з ад̣̇д̣̇аса. сздти д̇зсам̣ ааг̇ад̇агааран̣ам̣ суд̇ваа ‘‘амхаагам̣ огаасо над̇т̇и, г̇ажчанд̇уу’’д̇и ааха.

    Tassā pañhakamme pana ayamanupubbikathā – ayaṃ kira padumuttarabuddhakāle haṃsavatiyaṃ kulagehe paṭisandhiṃ gaṇhitvā aparena samayena satthu dhammadesanaṃ suṇantī satthāraṃ ekaṃ bhikkhuniṃ rattaññūnaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā yāvajīvaṃ dānaṃ datvā sīlaṃ rakkhitvā tato cuto devaloke nibbattitvā pana ekasmiṃ buddhantare devalokato cavitvā bārāṇasiyaṃ pañcannaṃ dāsisatānaṃ jeṭṭhakadāsī hutvā nibbatti. Atha vassūpanāyikasamaye pañca paccekabuddhā nandamūlakapabbhārato isipatane otaritvā nagare piṇḍāya caritvā isipatanameva gantvā ‘‘vassūpanāyikakuṭiyā atthāya hatthakammaṃ yācissāmā’’ti cintesuṃ. Kasmā? Vassaṃ upagacchantena hi nālakapaṭipadaṃ paṭipannenāpi pañcannaṃ chadanānaṃ aññatarena chadanena channe sadvārabaddhe senāsane upagantabbaṃ. Vuttañhetaṃ ‘‘na, bhikkhave, asenāsanikena vassaṃ upagantabbaṃ, yo upagaccheyya, āpatti dukkaṭassā’’ti (mahāva. 204). Tasmā vassakāle upakaṭṭhe sace senāsanaṃ labhati, iccetaṃ kusalaṃ. No ce labhati, hatthakammaṃ pariyesitvāpi kātabbaṃ. Hatthakammaṃ alabhantena sāmampi kātabbaṃ, na tveva asenāsanikena vassaṃ upagantabbaṃ. Ayamanudhammatā. Tasmā te paccekabuddhā ‘‘hatthakammaṃ yācissāmā’’ti cīvaraṃ pārupitvā sāyanhasamaye nagaraṃ pavisitvā seṭṭhissa gharadvāre aṭṭhaṃsu. Jeṭṭhakadāsī kuṭaṃ gahetvā udakatitthaṃ gacchantī paccekabuddhe nagaraṃ pavisante addasa. Seṭṭhi tesaṃ āgatakāraṇaṃ sutvā ‘‘amhākaṃ okāso natthi, gacchantū’’ti āha.

    ат̇а д̇з наг̇араа нигканд̇з ж̇здтагад̣̇аасий гудам̣ г̇ахзд̇ваа бависанд̇ий д̣̇исваа гудам̣ од̇аарзд̇ваа ванд̣̇ид̇ваа онамид̇ваа мукам̣ угкибид̇ваа, ‘‘аяяаа, наг̇арам̣ бавидтамад̇д̇аава нигканд̇аа, гим̣ ну ко’’д̇и бужчи. вассуубанааяигагудияаа хад̇т̇агаммам̣ яаажид̇ум̣ ааг̇ад̇амхаад̇и. лад̣̇д̇хам̣, бханд̇зд̇и? на лад̣̇д̇хам̣ убаасигзд̇и. гим̣ банзсаа гуди иссарзхзва гаад̇аб̣б̣аа, уд̣̇ааху д̣̇уг̇г̇ад̇зхиби саггаа гаад̇унд̇и? язна гзнажи саггаа гаад̇унд̇и. саад̇ху, бханд̇з, маяам̣ гариссаама, свз маяхам̣ бхигкам̣ г̇ан̣хат̇аад̇и ниманд̇зд̇ваа буна гудам̣ г̇ахзд̇ваа ааг̇аманад̇ид̇т̇амаг̇г̇з тад̇ваа ааг̇ад̇ааг̇ад̇аа авасзсад̣̇аасияо ‘‘зд̇т̇зва хот̇аа’’д̇и вад̇ваа саб̣б̣аасам̣ ааг̇ад̇агаалз ааха – ‘‘аммаа, гим̣ нижжамзва барасса д̣̇аасигаммам̣ гариссат̇а, уд̣̇ааху д̣̇аасибхаавад̇о мужжид̇ум̣ ижчат̇аа’’д̇и. аж̇ж̇зва мужжид̇ум̣ ижчаама, аяязд̇и. яад̣̇и звам̣, маяаа бажжзгаб̣уд̣̇д̇хаа хад̇т̇агаммам̣ алабханд̇аа сваад̇анааяа ниманд̇ид̇аа, д̇умхаагам̣ саамигзхи згад̣̇ивасам̣ хад̇т̇агаммам̣ д̣̇аабзт̇аад̇и. д̇аа ‘‘саад̇хуу’’д̇и самбадижчид̇ваа сааяам̣ адавид̇о ааг̇ад̇агаалз саамигаанам̣ аарожзсум̣. д̇з ‘‘саад̇хуу’’д̇и ж̇здтагад̣̇аасасса г̇зхад̣̇ваарз саннибад̇им̣су.

    Atha te nagarā nikkhante jeṭṭhakadāsī kuṭaṃ gahetvā pavisantī disvā kuṭaṃ otāretvā vanditvā onamitvā mukhaṃ ukkhipitvā, ‘‘ayyā, nagaraṃ paviṭṭhamattāva nikkhantā, kiṃ nu kho’’ti pucchi. Vassūpanāyikakuṭiyā hatthakammaṃ yācituṃ āgatamhāti. Laddhaṃ, bhanteti? Na laddhaṃ upāsiketi. Kiṃ panesā kuṭi issareheva kātabbā, udāhu duggatehipi sakkā kātunti? Yena kenaci sakkā kātunti. Sādhu, bhante, mayaṃ karissāma, sve mayhaṃ bhikkhaṃ gaṇhathāti nimantetvā puna kuṭaṃ gahetvā āgamanatitthamagge ṭhatvā āgatāgatā avasesadāsiyo ‘‘ettheva hothā’’ti vatvā sabbāsaṃ āgatakāle āha – ‘‘ammā, kiṃ niccameva parassa dāsikammaṃ karissatha, udāhu dāsibhāvato muccituṃ icchathā’’ti. Ajjeva muccituṃ icchāma, ayyeti. Yadi evaṃ, mayā paccekabuddhā hatthakammaṃ alabhantā svātanāya nimantitā, tumhākaṃ sāmikehi ekadivasaṃ hatthakammaṃ dāpethāti. Tā ‘‘sādhū’’ti sampaṭicchitvā sāyaṃ aṭavito āgatakāle sāmikānaṃ ārocesuṃ. Te ‘‘sādhū’’ti jeṭṭhakadāsassa gehadvāre sannipatiṃsu.

    ат̇а нз ж̇здтагад̣̇аасий ‘‘свз, д̇аад̇аа, бажжзгаб̣уд̣̇д̇хаанам̣ хад̇т̇агаммам̣ д̣̇зт̇аа’’д̇и аанисам̣сам̣ аажигкид̇ваа язби на гаад̇угаамаа, д̇з г̇аал̣хзна оваад̣̇зна д̇аж̇ж̇зд̇ваа саб̣б̣зби самбадижчаабзси. саа бунад̣̇ивасз бажжзгаб̣уд̣̇д̇хаанам̣ бхад̇д̇ам̣ д̣̇ад̇ваа саб̣б̣зсам̣ д̣̇аасабуд̇д̇аанам̣ сан̃н̃ам̣ ад̣̇ааси. д̇з д̇аавад̣̇зва аран̃н̃ам̣ бависид̇ваа д̣̇аб̣б̣асамбхаарз самод̇хаанзд̇ваа сад̇ам̣ сад̇ам̣ худ̇ваа згзгам̣ гудим̣ жан̇гаманаад̣̇ибариваарам̣ гад̇ваа ман̃жабийтабаанийяа-барибхож̇анийяаад̣̇ийни табзд̇ваа бажжзгаб̣уд̣̇д̇хаанам̣ д̇змаасам̣ д̇ад̇т̇зва васанад̇т̇ааяа бадин̃н̃ам̣ гаарзд̇ваа ваарабхигкам̣ бадтабзсум̣. яаа ад̇д̇ано ваарад̣̇ивасз на саггод̇и, д̇ассаа ж̇здтагад̣̇аасий сагаг̇зхад̇о нийхарид̇ваа д̣̇зд̇и. звам̣ д̇змаасам̣ бадиж̇аг̇г̇ид̇ваа ж̇здтагад̣̇аасий згзгам̣ д̣̇аасим̣ згзгам̣ саадагам̣ саж̇ж̇аабзси, бан̃жа т̇ууласаадагасад̇аани ахзсум̣. д̇аани баривад̇д̇аабзд̇ваа бан̃жаннам̣ бажжзгаб̣уд̣̇д̇хаанам̣ д̇ижийвараани гад̇ваа ад̣̇ааси. бажжзгаб̣уд̣̇д̇хаа д̇аасам̣ бассанд̇ийнам̣язва аагаасзна г̇анд̇хамаад̣̇анабаб̣б̣ад̇ам̣ аг̇амам̣су.

    Atha ne jeṭṭhakadāsī ‘‘sve, tātā, paccekabuddhānaṃ hatthakammaṃ dethā’’ti ānisaṃsaṃ ācikkhitvā yepi na kātukāmā, te gāḷhena ovādena tajjetvā sabbepi sampaṭicchāpesi. Sā punadivase paccekabuddhānaṃ bhattaṃ datvā sabbesaṃ dāsaputtānaṃ saññaṃ adāsi. Te tāvadeva araññaṃ pavisitvā dabbasambhāre samodhānetvā sataṃ sataṃ hutvā ekekaṃ kuṭiṃ caṅkamanādiparivāraṃ katvā mañcapīṭhapānīya-paribhojanīyādīni ṭhapetvā paccekabuddhānaṃ temāsaṃ tattheva vasanatthāya paṭiññaṃ kāretvā vārabhikkhaṃ paṭṭhapesuṃ. Yā attano vāradivase na sakkoti, tassā jeṭṭhakadāsī sakagehato nīharitvā deti. Evaṃ temāsaṃ paṭijaggitvā jeṭṭhakadāsī ekekaṃ dāsiṃ ekekaṃ sāṭakaṃ sajjāpesi, pañca thūlasāṭakasatāni ahesuṃ. Tāni parivattāpetvā pañcannaṃ paccekabuddhānaṃ ticīvarāni katvā adāsi. Paccekabuddhā tāsaṃ passantīnaṃyeva ākāsena gandhamādanapabbataṃ agamaṃsu.

    д̇ааби саб̣б̣аа яааваж̇ийвам̣ гусалам̣ гад̇ваа д̣̇звалогз ниб̣б̣ад̇д̇им̣су. д̇аасу ж̇здтигаа д̇ад̇о жавид̇ваа б̣аараан̣асияаа авид̣̇уурз бзсагаараг̇аамз бзсагаараж̇здтагасса г̇зхз ниб̣б̣ад̇д̇и. ат̇згад̣̇ивасам̣ бад̣̇умавад̇ияаа буд̇д̇аа бан̃жасад̇аа бажжзгаб̣уд̣̇д̇хаа б̣аараан̣асиран̃н̃аа ниманд̇ид̇аа рааж̇ад̣̇ваарам̣ ааг̇анд̇ваа ган̃жи ологзнд̇амби ад̣̇исваа нивад̇д̇ид̇ваа наг̇арад̣̇ваарзна нигкамид̇ваа д̇ам̣ бзсагаараг̇аамам̣ аг̇амам̣су . саа ид̇т̇ий бажжзгаб̣уд̣̇д̇хз д̣̇исваа самбияааяамаанаа саб̣б̣з ванд̣̇ид̇ваа бхигкам̣ ад̣̇ааси. д̇з бхад̇д̇агижжам̣ гад̇ваа г̇анд̇хамаад̣̇анамзва аг̇амам̣су.

    Tāpi sabbā yāvajīvaṃ kusalaṃ katvā devaloke nibbattiṃsu. Tāsu jeṭṭhikā tato cavitvā bārāṇasiyā avidūre pesakāragāme pesakārajeṭṭhakassa gehe nibbatti. Athekadivasaṃ padumavatiyā puttā pañcasatā paccekabuddhā bārāṇasiraññā nimantitā rājadvāraṃ āgantvā kañci olokentampi adisvā nivattitvā nagaradvārena nikkhamitvā taṃ pesakāragāmaṃ agamaṃsu . Sā itthī paccekabuddhe disvā sampiyāyamānā sabbe vanditvā bhikkhaṃ adāsi. Te bhattakiccaṃ katvā gandhamādanameva agamaṃsu.

    сааби яааваж̇ийвам̣ гусалам̣ гад̇ваа д̣̇звамануссзсу сам̣саранд̇ий амхаагам̣ сад̇т̇у ниб̣б̣ад̇д̇ид̇о бурзд̇арамзва д̣̇звад̣̇аханаг̇арз махаасуббаб̣уд̣̇д̇хасса г̇зхз бадисанд̇хим̣ г̇ан̣хи, г̇од̇амийд̇иссаа наамам̣ агам̣су. махаамааяааяа ганидтабхаг̇иний ход̇и. манд̇аж̇жхааяагаа б̣раахман̣аа лагкан̣аани бариг̇г̇ан̣ханд̇аа ‘‘имаасам̣ д̣̇виннамби гужчияам̣ васид̇ад̣̇аарагаа жаггавад̇д̇ино бхависсанд̇ий’’д̇и б̣яаагарим̣су. суд̣̇д̇ход̣̇анамахаарааж̇аа ваяаббад̇д̇агаалз д̇аа д̣̇взби ман̇г̇алам̣ гад̇ваа ад̇д̇ано гхарам̣ аанзси. абарабхааг̇з амхаагам̣ б̣од̇хисад̇д̇о д̇усид̇абураа жавид̇ваа махаамааяааяа д̣̇звияаа гужчияам̣ бадисанд̇хим̣ г̇ан̣хи. махаамааяаа д̇асса ж̇аад̇ад̣̇ивасад̇о сад̇д̇амз д̣̇ивасз гаалам̣ гад̇ваа д̇усид̇абурз ниб̣б̣ад̇д̇и. суд̣̇д̇ход̣̇анамахаарааж̇аа махаасад̇д̇асса маад̇ужчам̣ махаабаж̇аабад̇иг̇од̇амим̣ аг̇г̇амахзсидтаанз табзси. д̇асмим̣ гаалз нанд̣̇агумааро ж̇аад̇о. аяам̣ махаабаж̇аабад̇и нанд̣̇агумаарам̣ д̇хаад̇ийнам̣ д̣̇ад̇ваа саяам̣ б̣од̇хисад̇д̇ам̣ барихари.

    Sāpi yāvajīvaṃ kusalaṃ katvā devamanussesu saṃsarantī amhākaṃ satthu nibbattito puretarameva devadahanagare mahāsuppabuddhassa gehe paṭisandhiṃ gaṇhi, gotamītissā nāmaṃ akaṃsu. Mahāmāyāya kaniṭṭhabhaginī hoti. Mantajjhāyakā brāhmaṇā lakkhaṇāni pariggaṇhantā ‘‘imāsaṃ dvinnampi kucchiyaṃ vasitadārakā cakkavattino bhavissantī’’ti byākariṃsu. Suddhodanamahārājā vayappattakāle tā dvepi maṅgalaṃ katvā attano gharaṃ ānesi. Aparabhāge amhākaṃ bodhisatto tusitapurā cavitvā mahāmāyāya deviyā kucchiyaṃ paṭisandhiṃ gaṇhi. Mahāmāyā tassa jātadivasato sattame divase kālaṃ katvā tusitapure nibbatti. Suddhodanamahārājā mahāsattassa mātucchaṃ mahāpajāpatigotamiṃ aggamahesiṭṭhāne ṭhapesi. Tasmiṃ kāle nandakumāro jāto. Ayaṃ mahāpajāpati nandakumāraṃ dhātīnaṃ datvā sayaṃ bodhisattaṃ parihari.

    абарзна самаязна б̣од̇хисад̇д̇о махаабхинигкаманам̣ нигкамид̇ваа саб̣б̣ан̃н̃уд̇ам̣ бад̇ваа логаануг̇г̇ахам̣ гаронд̇о ануггамзна габилавад̇т̇ум̣ бад̇ваа наг̇арам̣ бин̣д̣ааяа баависи. ат̇асса бид̇аа суд̣̇д̇ход̣̇анамахаарааж̇аа анд̇аравийт̇ияам̣язва д̇хаммагат̇ам̣ суд̇ваа сод̇аабанно ахоси. ат̇а д̣̇уд̇ияад̣̇ивасз нанд̣̇о баб̣б̣аж̇и, сад̇д̇амз д̣̇ивасз раахуло. сад̇т̇аа абарзна самаязна взсаалим̣ убаниссааяа гуудааг̇аарасаалааяам̣ вихарад̇и. д̇асмим̣ самаяз суд̣̇д̇ход̣̇анамахаарааж̇аа сзд̇ажчад̇д̇асса хздтаа арахад̇д̇ам̣ сажчигад̇ваа бариниб̣б̣ааяи. д̇ад̣̇аа махаабаж̇аабад̇иг̇од̇амий баб̣б̣аж̇ж̇ааяа жид̇д̇ам̣ уббаад̣̇зси. д̇ад̇о рохин̣ийнад̣̇ийд̇ийрз галахавиваад̣̇асуд̇д̇абарияосаанз (су. ни. 868 аад̣̇аяо) нигкамид̇ваа баб̣б̣аж̇ид̇аанам̣ бан̃жаннам̣ гумаарасад̇аанам̣ баад̣̇абарижааригаа саб̣б̣аава згажид̇д̇аа худ̇ваа ‘‘махаабаж̇аабад̇ияаа санд̇игам̣ г̇анд̇ваа саб̣б̣аава сад̇т̇у санд̇игз баб̣б̣аж̇иссаамаа’’д̇и махаабаж̇аабад̇им̣ ж̇здтигам̣ гад̇ваа сад̇т̇у санд̇игам̣ г̇анд̇ваа баб̣б̣аж̇ид̇угаамаа ахзсум̣. аяан̃жа махаабаж̇аабад̇и батамамзва згаваарам̣ сад̇т̇аарам̣ баб̣б̣аж̇ж̇ам̣ яаажамаанаа наалад̇т̇а, д̇асмаа габбагам̣ баггосаабзд̇ваа гзсз чиннаабзд̇ваа гаасааяаани ажчаад̣̇зд̇ваа саб̣б̣аа д̇аа саагияаанияо аад̣̇ааяа взсаалим̣ г̇анд̇ваа аананд̣̇ад̇т̇зрзна д̣̇асаб̣алам̣ яаажаабзд̇ваа адтахи г̇аруд̇хаммзхи баб̣б̣аж̇ж̇ан̃жа убасамбад̣̇ан̃жа алад̇т̇а. ид̇араа бана саб̣б̣ааби згад̇ова убасамбаннаа ахзсум̣. аяамзд̇т̇а сан̇кзбо, вид̇т̇аарад̇о банзд̇ам̣ вад̇т̇у баал̣ияам̣ (жуул̣ава. 402 аад̣̇аяо) ааг̇ад̇амзва.

    Aparena samayena bodhisatto mahābhinikkhamanaṃ nikkhamitvā sabbaññutaṃ patvā lokānuggahaṃ karonto anukkamena kapilavatthuṃ patvā nagaraṃ piṇḍāya pāvisi. Athassa pitā suddhodanamahārājā antaravīthiyaṃyeva dhammakathaṃ sutvā sotāpanno ahosi. Atha dutiyadivase nando pabbaji, sattame divase rāhulo. Satthā aparena samayena vesāliṃ upanissāya kūṭāgārasālāyaṃ viharati. Tasmiṃ samaye suddhodanamahārājā setacchattassa heṭṭhā arahattaṃ sacchikatvā parinibbāyi. Tadā mahāpajāpatigotamī pabbajjāya cittaṃ uppādesi. Tato rohiṇīnadītīre kalahavivādasuttapariyosāne (su. ni. 868 ādayo) nikkhamitvā pabbajitānaṃ pañcannaṃ kumārasatānaṃ pādaparicārikā sabbāva ekacittā hutvā ‘‘mahāpajāpatiyā santikaṃ gantvā sabbāva satthu santike pabbajissāmā’’ti mahāpajāpatiṃ jeṭṭhikaṃ katvā satthu santikaṃ gantvā pabbajitukāmā ahesuṃ. Ayañca mahāpajāpati paṭhamameva ekavāraṃ satthāraṃ pabbajjaṃ yācamānā nālattha, tasmā kappakaṃ pakkosāpetvā kese chinnāpetvā kāsāyāni acchādetvā sabbā tā sākiyāniyo ādāya vesāliṃ gantvā ānandattherena dasabalaṃ yācāpetvā aṭṭhahi garudhammehi pabbajjañca upasampadañca alattha. Itarā pana sabbāpi ekatova upasampannā ahesuṃ. Ayamettha saṅkhepo, vitthārato panetaṃ vatthu pāḷiyaṃ (cūḷava. 402 ādayo) āgatameva.

    звам̣ убасамбаннаа бана махаабаж̇аабад̇и сад̇т̇аарам̣ убасан̇гамид̇ваа абхиваад̣̇зд̇ваа згаманд̇ам̣ адтааси, ат̇ассаа сад̇т̇аа д̇хаммам̣ д̣̇зсзси. саа сад̇т̇у санд̇игз гаммадтаанам̣ г̇ахзд̇ваа арахад̇д̇ам̣ баабун̣и. сзсаа бан̃жасад̇аа бхигкунияо нанд̣̇аговаад̣̇асуд̇д̇абарияосаанз (ма. ни. 3.398 аад̣̇аяо) арахад̇д̇ам̣ баабун̣им̣су. звамзд̇ам̣ вад̇т̇у самудтид̇ам̣. абарабхааг̇з сад̇т̇аа ж̇зд̇аванз нисинно бхигкунияо таананд̇арз табзнд̇о махаабаж̇аабад̇им̣ рад̇д̇ан̃н̃уунам̣ аг̇г̇адтаанз табзсийд̇и.

    Evaṃ upasampannā pana mahāpajāpati satthāraṃ upasaṅkamitvā abhivādetvā ekamantaṃ aṭṭhāsi, athassā satthā dhammaṃ desesi. Sā satthu santike kammaṭṭhānaṃ gahetvā arahattaṃ pāpuṇi. Sesā pañcasatā bhikkhuniyo nandakovādasuttapariyosāne (ma. ni. 3.398 ādayo) arahattaṃ pāpuṇiṃsu. Evametaṃ vatthu samuṭṭhitaṃ. Aparabhāge satthā jetavane nisinno bhikkhuniyo ṭhānantare ṭhapento mahāpajāpatiṃ rattaññūnaṃ aggaṭṭhāne ṭhapesīti.

    кзмаат̇зрийвад̇т̇у

    Khemātherīvatthu

    236. д̣̇уд̇ияз кзмаад̇и звам̣наамигаа бхигкуний. ид̇о бадтааяа жа банассаа бан̃хагаммз аяаманубуб̣б̣игат̇аад̇и авад̇ваа саб̣б̣ад̇т̇а абхинийхаарам̣ аад̣̇им̣ гад̇ваа вад̇д̇аб̣б̣амзва вагкаама.

    236. Dutiye khemāti evaṃnāmikā bhikkhunī. Ito paṭṭhāya ca panassā pañhakamme ayamanupubbikathāti avatvā sabbattha abhinīhāraṃ ādiṃ katvā vattabbameva vakkhāma.

    ад̇ийд̇з гира бад̣̇умуд̇д̇араб̣уд̣̇д̇хагаалз хам̣савад̇ияам̣ аяам̣ барабарияаабаннаа худ̇ваа ниб̣б̣ад̇д̇и. ат̇згад̣̇ивасам̣ д̇асса бхаг̇авад̇о аг̇г̇асаавигам̣ суж̇аад̇ад̇т̇зрим̣ наама бин̣д̣ааяа жаранд̇ам̣ д̣̇исваа д̇аяо мод̣̇агз д̣̇ад̇ваа д̇ам̣д̣̇ивасамзва ад̇д̇ано гзсз виссаж̇ж̇зд̇ваа т̇зрияаа д̣̇аанам̣ д̣̇ад̇ваа ‘‘анааг̇ад̇з б̣уд̣̇д̇хуббаад̣̇з д̇умхз вияа махаабан̃н̃аа бхавзяяа’’нд̇и бад̇т̇анам̣ гад̇ваа яааваж̇ийвам̣ гусалагаммзсу аббамад̇д̇аа худ̇ваа габбасад̇асахассам̣ д̣̇звамануссзсу сам̣саранд̇ий гассабаб̣уд̣̇д̇хагаалз гигисса гаасиран̃н̃о г̇зхз бадисанд̇хим̣ г̇ахзд̇ваа сад̇д̇аннам̣ бхаг̇инийнам̣ аб̣бханд̇араа худ̇ваа вийсад̇ивассасахассаани г̇зхзязва гомаариб̣рахмажарияам̣ жарид̇ваа д̇аахи бхаг̇инийхи сад̣̇д̇хим̣ д̣̇асаб̣аласса васанабаривзн̣ам̣ гаарзд̇ваа згам̣ б̣уд̣̇д̇ханд̇арам̣ д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з мад̣̇д̣̇арадтз сааг̇аланаг̇арз рааж̇агулз бадисанд̇хим̣ г̇ан̣хи, кзмаад̇иссаа наамам̣ агам̣су. д̇ассаа сарийраван̣н̣о суван̣н̣арасабин̃ж̇аро вияа ахоси. саа ваяаббад̇д̇аа б̣имб̣исаараран̃н̃о г̇зхам̣ аг̇амааси.

    Atīte kira padumuttarabuddhakāle haṃsavatiyaṃ ayaṃ parapariyāpannā hutvā nibbatti. Athekadivasaṃ tassa bhagavato aggasāvikaṃ sujātattheriṃ nāma piṇḍāya carantaṃ disvā tayo modake datvā taṃdivasameva attano kese vissajjetvā theriyā dānaṃ datvā ‘‘anāgate buddhuppāde tumhe viya mahāpaññā bhaveyya’’nti patthanaṃ katvā yāvajīvaṃ kusalakammesu appamattā hutvā kappasatasahassaṃ devamanussesu saṃsarantī kassapabuddhakāle kikissa kāsirañño gehe paṭisandhiṃ gahetvā sattannaṃ bhaginīnaṃ abbhantarā hutvā vīsativassasahassāni geheyeva komāribrahmacariyaṃ caritvā tāhi bhaginīhi saddhiṃ dasabalassa vasanapariveṇaṃ kāretvā ekaṃ buddhantaraṃ devamanussesu saṃsarantī imasmiṃ buddhuppāde maddaraṭṭhe sāgalanagare rājakule paṭisandhiṃ gaṇhi, khemātissā nāmaṃ akaṃsu. Tassā sarīravaṇṇo suvaṇṇarasapiñjaro viya ahosi. Sā vayappattā bimbisārarañño gehaṃ agamāsi.

    саа д̇ат̇ааг̇ад̇з рааж̇аг̇ахам̣ убаниссааяа взл̣уванз вихаранд̇з ‘‘сад̇т̇аа гира руубз д̣̇осам̣ д̣̇ассзд̇ий’’д̇и руубамад̣̇амад̇д̇аа худ̇ваа ‘‘маяхамби руубз д̣̇осам̣ д̣̇ассзяяаа’’д̇и бхаязна д̣̇асаб̣алам̣ д̣̇ассанааяа на г̇ажчад̇и. рааж̇аа жинд̇зси – ‘‘ахам̣ сад̇т̇у аг̇г̇убадтааго, маад̣̇исасса жа наама арияасаавагасса аг̇г̇амахзсий д̣̇асаб̣алам̣ д̣̇ассанааяа на г̇ажчад̇и, на мз зд̇ам̣ ружжад̇ий’’д̇и. со гавийхи взл̣увануяяаанасса ван̣н̣ам̣ б̣анд̇хаабзд̇ваа ‘‘кзмааяа д̣̇звияаа савануубажаарз г̇ааяат̇аа’’д̇и ааха. саа уяяаанасса ван̣н̣ам̣ суд̇ваа г̇анд̇угаамаа худ̇ваа рааж̇аанам̣ бадибужчи. рааж̇аа ‘‘уяяаанам̣ г̇ажча, сад̇т̇аарам̣ бана ад̣̇исваа ааг̇анд̇ум̣ на лабхиссасий’’д̇и ааха. саа ран̃н̃о бадиважанам̣ ад̣̇ад̇ваава маг̇г̇ам̣ бадибаж̇ж̇и. рааж̇аа д̇ааяа сад̣̇д̇хим̣ г̇ажчанд̇з бурисз ааха – ‘‘сажз д̣̇звий уяяаанад̇о нивад̇д̇амаанаа д̣̇асаб̣алам̣ бассад̇и, ижжзд̇ам̣ гусалам̣. сажз на бассад̇и, рааж̇аан̣ааяа нам̣ д̣̇ассзт̇аа’’д̇и. ат̇а ко саа д̣̇звий д̣̇ивасабхааг̇ам̣ уяяаанз жарид̇ваа нивад̇д̇анд̇ий д̣̇асаб̣алам̣ ад̣̇исваава г̇анд̇ум̣ аарад̣̇д̇хаа. ат̇а нам̣ рааж̇абурисаа ад̇д̇ано аружияаава д̣̇звим̣ сад̇т̇у санд̇игам̣ наяим̣су.

    Sā tathāgate rājagahaṃ upanissāya veḷuvane viharante ‘‘satthā kira rūpe dosaṃ dassetī’’ti rūpamadamattā hutvā ‘‘mayhampi rūpe dosaṃ dasseyyā’’ti bhayena dasabalaṃ dassanāya na gacchati. Rājā cintesi – ‘‘ahaṃ satthu aggupaṭṭhāko, mādisassa ca nāma ariyasāvakassa aggamahesī dasabalaṃ dassanāya na gacchati, na me etaṃ ruccatī’’ti. So kavīhi veḷuvanuyyānassa vaṇṇaṃ bandhāpetvā ‘‘khemāya deviyā savanūpacāre gāyathā’’ti āha. Sā uyyānassa vaṇṇaṃ sutvā gantukāmā hutvā rājānaṃ paṭipucchi. Rājā ‘‘uyyānaṃ gaccha, satthāraṃ pana adisvā āgantuṃ na labhissasī’’ti āha. Sā rañño paṭivacanaṃ adatvāva maggaṃ paṭipajji. Rājā tāya saddhiṃ gacchante purise āha – ‘‘sace devī uyyānato nivattamānā dasabalaṃ passati, iccetaṃ kusalaṃ. Sace na passati, rājāṇāya naṃ dassethā’’ti. Atha kho sā devī divasabhāgaṃ uyyāne caritvā nivattantī dasabalaṃ adisvāva gantuṃ āraddhā. Atha naṃ rājapurisā attano aruciyāva deviṃ satthu santikaṃ nayiṃsu.

    сад̇т̇аа д̇ам̣ ааг̇ажчанд̇им̣ д̣̇исваа ид̣̇д̇хияаа згам̣ д̣̇зважчарам̣ нимминид̇ваа д̇аалаван̣дам̣ г̇ахзд̇ваа б̣ийж̇амаанам̣ вияа агааси. кзмаа д̣̇звий д̇ам̣ д̣̇исваа жинд̇зси – ‘‘маанамхи надтаа, зваруубаа наама д̣̇зважчараббадибхааг̇аа ид̇т̇ияо д̣̇асаб̣аласса авид̣̇уурз д̇идтанд̇и, ахам̣ зд̇аасам̣ барижааригааби наббахоми, маанамад̣̇ам̣ хи ниссааяа баабажид̇д̇асса васзна надтаа’’д̇и д̇ам̣ нимид̇д̇ам̣ г̇ахзд̇ваа д̇амзва ид̇т̇им̣ ологаяамаанаа адтааси. ат̇ассаа бассанд̇ияаава д̇ат̇ааг̇ад̇асса ад̇хидтаанаб̣алзна саа ид̇т̇ий батамаваяам̣ ад̇иггамма маж̇жхимаваяз тид̇аа вияа маж̇жхимаваяам̣ ад̇иггамма бажчимаваяз тид̇аа вияа жа валид̇д̇ажаа балид̇агзсаа кан̣д̣авирал̣ад̣̇анд̇аа ахоси. д̇ад̇о д̇ассаа бассанд̇ияаава сад̣̇д̇хим̣ д̇аалаван̣дзна баривад̇д̇ид̇ваа барибад̇и. д̇ад̇о кзмаа буб̣б̣ахзд̇усамбаннад̇д̇аа д̇асмим̣ аарамман̣з аабаат̇аг̇ад̇з звам̣ жинд̇зси – ‘‘звам̣вид̇хамби наама сарийрам̣ зваруубам̣ вибад̇д̇им̣ баабун̣аад̇и, маяхамби сарийрам̣ звам̣г̇ад̇игамзва бхависсад̇ий’’д̇и. ат̇ассаа звам̣ жинд̇ид̇агкан̣з сад̇т̇аа имам̣ д̇хаммабад̣̇з г̇аат̇амааха –

    Satthā taṃ āgacchantiṃ disvā iddhiyā ekaṃ devaccharaṃ nimminitvā tālavaṇṭaṃ gahetvā bījamānaṃ viya akāsi. Khemā devī taṃ disvā cintesi – ‘‘mānamhi naṭṭhā, evarūpā nāma devaccharappaṭibhāgā itthiyo dasabalassa avidūre tiṭṭhanti, ahaṃ etāsaṃ paricārikāpi nappahomi, mānamadaṃ hi nissāya pāpacittassa vasena naṭṭhā’’ti taṃ nimittaṃ gahetvā tameva itthiṃ olokayamānā aṭṭhāsi. Athassā passantiyāva tathāgatassa adhiṭṭhānabalena sā itthī paṭhamavayaṃ atikkamma majjhimavaye ṭhitā viya majjhimavayaṃ atikkamma pacchimavaye ṭhitā viya ca valittacā palitakesā khaṇḍaviraḷadantā ahosi. Tato tassā passantiyāva saddhiṃ tālavaṇṭena parivattitvā paripati. Tato khemā pubbahetusampannattā tasmiṃ ārammaṇe āpāthagate evaṃ cintesi – ‘‘evaṃvidhampi nāma sarīraṃ evarūpaṃ vipattiṃ pāpuṇāti, mayhampi sarīraṃ evaṃgatikameva bhavissatī’’ti. Athassā evaṃ cintitakkhaṇe satthā imaṃ dhammapade gāthamāha –

    ‘‘яз рааг̇арад̇д̇аанубад̇анд̇и сод̇ам̣,

    ‘‘Ye rāgarattānupatanti sotaṃ,

    саяам̣гад̇ам̣ маггадагова ж̇аалам̣;

    Sayaṃkataṃ makkaṭakova jālaṃ;

    зд̇амби чзд̇ваана важ̇анд̇и д̇хийраа,

    Etampi chetvāna vajanti dhīrā,

    анабзгкино саб̣б̣ад̣̇угкам̣ бахааяаа’’д̇и.

    Anapekkhino sabbadukkhaṃ pahāyā’’ti.

    саа г̇аат̇аабарияосаанз тид̇абад̣̇з тид̇ааязва саха бадисамбхид̣̇аахи арахад̇д̇ам̣ баабун̣и. аг̇аарамаж̇жхз васанд̇зна наама арахад̇д̇ам̣ бад̇д̇зна д̇ам̣д̣̇ивасамзва бариниб̣б̣ааяид̇аб̣б̣ам̣ ваа баб̣б̣аж̇ид̇аб̣б̣ам̣ ваа ход̇и, саа бана ад̇д̇ано ааяусан̇каараанам̣ бавад̇д̇анабхаавам̣ н̃ад̇ваа ‘‘ад̇д̇ано баб̣б̣аж̇ж̇ам̣ ануж̇аанаабзссаамий’’д̇и сад̇т̇аарам̣ ванд̣̇ид̇ваа рааж̇анивзсанам̣ г̇анд̇ваа рааж̇аанам̣ анабхиваад̣̇зд̇ваава адтааси. рааж̇аа ин̇г̇ид̇знзва ан̃н̃ааси – ‘‘арияад̇хаммам̣ бад̇д̇аа бхависсад̇ий’’д̇и. ат̇а нам̣ ааха – ‘‘д̣̇зви г̇ад̇аа ну ко сад̇т̇уд̣̇ассанааяаа’’д̇и. махаарааж̇а, д̇умхзхи д̣̇идтад̣̇ассанам̣ барид̇д̇ам̣, ахам̣ бана д̣̇асаб̣алам̣ суд̣̇идтамагаасим̣, баб̣б̣аж̇ж̇ам̣ мз ануж̇аанаат̇аад̇и . рааж̇аа ‘‘саад̇ху, д̣̇звий’’д̇и самбадижчид̇ваа суван̣н̣асивигааяа бхигкуниубассаяам̣ убанзд̇ваа баб̣б̣ааж̇зси. ат̇ассаа ‘‘кзмаат̇зрий наама г̇ихибхаавз тад̇ваа арахад̇д̇ам̣ бад̇д̇аа’’д̇и махаабан̃н̃абхааво баагадо ахоси. ид̣̇амзд̇т̇а вад̇т̇у. ат̇а сад̇т̇аа абарабхааг̇з ж̇зд̇аванз нисинно бхигкунияо бадибаадияаа таананд̇арз табзнд̇о кзмаат̇зрим̣ махаабан̃н̃аанам̣ аг̇г̇адтаанз табзсийд̇и.

    Sā gāthāpariyosāne ṭhitapade ṭhitāyeva saha paṭisambhidāhi arahattaṃ pāpuṇi. Agāramajjhe vasantena nāma arahattaṃ pattena taṃdivasameva parinibbāyitabbaṃ vā pabbajitabbaṃ vā hoti, sā pana attano āyusaṅkhārānaṃ pavattanabhāvaṃ ñatvā ‘‘attano pabbajjaṃ anujānāpessāmī’’ti satthāraṃ vanditvā rājanivesanaṃ gantvā rājānaṃ anabhivādetvāva aṭṭhāsi. Rājā iṅgiteneva aññāsi – ‘‘ariyadhammaṃ pattā bhavissatī’’ti. Atha naṃ āha – ‘‘devi gatā nu kho satthudassanāyā’’ti. Mahārāja, tumhehi diṭṭhadassanaṃ parittaṃ, ahaṃ pana dasabalaṃ sudiṭṭhamakāsiṃ, pabbajjaṃ me anujānāthāti . Rājā ‘‘sādhu, devī’’ti sampaṭicchitvā suvaṇṇasivikāya bhikkhuniupassayaṃ upanetvā pabbājesi. Athassā ‘‘khemātherī nāma gihibhāve ṭhatvā arahattaṃ pattā’’ti mahāpaññabhāvo pākaṭo ahosi. Idamettha vatthu. Atha satthā aparabhāge jetavane nisinno bhikkhuniyo paṭipāṭiyā ṭhānantare ṭhapento khemātheriṃ mahāpaññānaṃ aggaṭṭhāne ṭhapesīti.

    уббалаван̣н̣аат̇зрийвад̇т̇у

    Uppalavaṇṇātherīvatthu

    237. д̇ад̇ияз уббалаван̣н̣аад̇и нийлуббалаг̇аб̣бхасад̣̇исзнзва ван̣н̣зна саманнааг̇ад̇ад̇д̇аа звам̣лад̣̇д̇ханаамаа т̇зрий. саа гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз бадисанд̇хим̣ г̇ан̣хид̇ваа абарабхааг̇з махааж̇анзна сад̣̇д̇хим̣ сад̇т̇у санд̇игам̣ г̇анд̇ваа д̇хаммам̣ сун̣анд̇ий сад̇т̇аарам̣ згам̣ бхигкуним̣ ид̣̇д̇химанд̇ийнам̣ аг̇г̇адтаанз табзнд̇ам̣ д̣̇исваа сад̇д̇аахам̣ б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа д̇ам̣ таананд̇арам̣ бад̇т̇зси. саа яааваж̇ийвам̣ гусалам̣ гад̇ваа д̣̇звамануссзсу сам̣саранд̇ий гассабаб̣уд̣̇д̇хагаалз б̣аараан̣асинаг̇арз гигисса гаасиран̃н̃о г̇зхз бадисанд̇хим̣ г̇ан̣хид̇ваа сад̇д̇аннам̣ бхаг̇инийнам̣ аб̣бханд̇араа худ̇ваа вийсад̇и вассасахассаани б̣рахмажарияам̣ жарид̇ваа бхигкусан̇гхасса баривзн̣ам̣ гад̇ваа д̣̇звалогз ниб̣б̣ад̇д̇аа.

    237. Tatiye uppalavaṇṇāti nīluppalagabbhasadiseneva vaṇṇena samannāgatattā evaṃladdhanāmā therī. Sā kira padumuttarabuddhakāle haṃsavatiyaṃ kulagehe paṭisandhiṃ gaṇhitvā aparabhāge mahājanena saddhiṃ satthu santikaṃ gantvā dhammaṃ suṇantī satthāraṃ ekaṃ bhikkhuniṃ iddhimantīnaṃ aggaṭṭhāne ṭhapentaṃ disvā sattāhaṃ buddhappamukhassa bhikkhusaṅghassa mahādānaṃ datvā taṃ ṭhānantaraṃ patthesi. Sā yāvajīvaṃ kusalaṃ katvā devamanussesu saṃsarantī kassapabuddhakāle bārāṇasinagare kikissa kāsirañño gehe paṭisandhiṃ gaṇhitvā sattannaṃ bhaginīnaṃ abbhantarā hutvā vīsati vassasahassāni brahmacariyaṃ caritvā bhikkhusaṅghassa pariveṇaṃ katvā devaloke nibbattā.

    д̇ад̇о жавид̇ваа буна мануссалогам̣ ааг̇ажчанд̇ий згасмим̣ г̇аамз сахад̇т̇аа гаммам̣ гад̇ваа ж̇ийванагадтаанз ниб̣б̣ад̇д̇аа. саа згад̣̇ивасам̣ кзд̇д̇агудим̣ г̇ажчанд̇ий анд̇араамаг̇г̇з згасмим̣ сарз баад̇ова бубпид̇ам̣ бад̣̇умабубпам̣ д̣̇исваа д̇ам̣ сарам̣ оруяха д̇ан̃жзва бубпам̣ лааж̇абагкибанад̇т̇ааяа бад̣̇уминияаа бад̇д̇ан̃жа г̇ахзд̇ваа гзд̣̇аарз саалисийсаани чинд̣̇ид̇ваа гудигааяа нисиннаа лааж̇з бхаж̇ж̇ид̇ваа бан̃жа лааж̇асад̇аани г̇ан̣зси. д̇асмим̣ кан̣з г̇анд̇хамаад̣̇анабаб̣б̣ад̇з нирод̇хасамаабад̇д̇ид̇о вудтид̇о зго бажжзгаб̣уд̣̇д̇хо ааг̇анд̇ваа д̇ассаа авид̣̇уурз адтааси. саа бажжзгаб̣уд̣̇д̇хам̣ д̣̇исваа лааж̇зхи сад̣̇д̇хим̣ бад̣̇умабубпам̣ г̇ахзд̇ваа гудид̇о оруяха лааж̇з бажжзгаб̣уд̣̇д̇хасса бад̇д̇з багкибид̇ваа бад̣̇умабубпзна бад̇д̇ам̣ бид̇хааяа ад̣̇ааси. ат̇ассаа бажжзгаб̣уд̣̇д̇хз т̇огам̣ г̇ад̇з зд̇ад̣̇ахоси – ‘‘баб̣б̣аж̇ид̇аа наама бубпзна анад̇т̇игаа, ахам̣ бубпам̣ г̇ахзд̇ваа бил̣анд̇хиссаамий’’д̇и г̇анд̇ваа бажжзгаб̣уд̣̇д̇хасса хад̇т̇ад̇о бубпам̣ г̇ахзд̇ваа буна жинд̇зси – ‘‘сажз, аяяо, бубпзна анад̇т̇иго абхависса, бад̇д̇амад̇т̇агз табзд̇ум̣ на ад̣̇асса, ад̣̇д̇хаа аяяасса ад̇т̇о бхависсад̇ий’’д̇и буна г̇анд̇ваа бад̇д̇амад̇т̇агз табзд̇ваа бажжзгаб̣уд̣̇д̇хам̣ камаабзд̇ваа, ‘‘бханд̇з , имзсам̣ мз лааж̇аанам̣ ниссанд̣̇зна лааж̇аг̇ан̣анааяа буд̇д̇аа ассу, бад̣̇умабубпасса ниссанд̣̇зна ниб̣б̣ад̇д̇аниб̣б̣ад̇д̇адтаанз мз бад̣̇з бад̣̇з бад̣̇умабубпам̣ удтахад̇уу’’д̇и бад̇т̇анам̣ агааси. бажжзгаб̣уд̣̇д̇хо д̇ассаа бассанд̇ияаава аагаасзна г̇анд̇хамаад̣̇анабаб̣б̣ад̇ам̣ г̇анд̇ваа д̇ам̣ бад̣̇умам̣ нанд̣̇амуулагабаб̣бхаарз бажжзгаб̣уд̣̇д̇хаанам̣ аггаманасобаанасамийбз баад̣̇абун̃чанам̣ гад̇ваа табзси.

    Tato cavitvā puna manussalokaṃ āgacchantī ekasmiṃ gāme sahatthā kammaṃ katvā jīvanakaṭṭhāne nibbattā. Sā ekadivasaṃ khettakuṭiṃ gacchantī antarāmagge ekasmiṃ sare pātova pupphitaṃ padumapupphaṃ disvā taṃ saraṃ oruyha tañceva pupphaṃ lājapakkhipanatthāya paduminiyā pattañca gahetvā kedāre sālisīsāni chinditvā kuṭikāya nisinnā lāje bhajjitvā pañca lājasatāni gaṇesi. Tasmiṃ khaṇe gandhamādanapabbate nirodhasamāpattito vuṭṭhito eko paccekabuddho āgantvā tassā avidūre aṭṭhāsi. Sā paccekabuddhaṃ disvā lājehi saddhiṃ padumapupphaṃ gahetvā kuṭito oruyha lāje paccekabuddhassa patte pakkhipitvā padumapupphena pattaṃ pidhāya adāsi. Athassā paccekabuddhe thokaṃ gate etadahosi – ‘‘pabbajitā nāma pupphena anatthikā, ahaṃ pupphaṃ gahetvā piḷandhissāmī’’ti gantvā paccekabuddhassa hatthato pupphaṃ gahetvā puna cintesi – ‘‘sace, ayyo, pupphena anatthiko abhavissa, pattamatthake ṭhapetuṃ na adassa, addhā ayyassa attho bhavissatī’’ti puna gantvā pattamatthake ṭhapetvā paccekabuddhaṃ khamāpetvā, ‘‘bhante , imesaṃ me lājānaṃ nissandena lājagaṇanāya puttā assu, padumapupphassa nissandena nibbattanibbattaṭṭhāne me pade pade padumapupphaṃ uṭṭhahatū’’ti patthanaṃ akāsi. Paccekabuddho tassā passantiyāva ākāsena gandhamādanapabbataṃ gantvā taṃ padumaṃ nandamūlakapabbhāre paccekabuddhānaṃ akkamanasopānasamīpe pādapuñchanaṃ katvā ṭhapesi.

    сааби д̇асса гаммасса ниссанд̣̇зна д̣̇звалогз бадисанд̇хим̣ г̇ан̣хи, ниб̣б̣ад̇д̇агаалад̇о бадтааяа жассаа бад̣̇з бад̣̇з махаабад̣̇умабубпам̣ удтааси. саа д̇ад̇о жавид̇ваа баб̣б̣ад̇абаад̣̇з згасмим̣ бад̣̇умассарз бад̣̇умаг̇аб̣бхз ниб̣б̣ад̇д̇и. д̇ам̣ ниссааяа зго д̇аабасо васад̇и, со баад̇ова мукад̇хованад̇т̇ааяа сарам̣ г̇анд̇ваа д̇ам̣ бубпам̣ д̣̇исваа жинд̇зси – ‘‘ид̣̇ам̣ бубпам̣ сзсзхи маханд̇ад̇арам̣, сзсаани жа бубпид̇аани, ид̣̇ам̣ магул̣ид̇амзва, бхавид̇аб̣б̣амзд̇т̇а гааран̣знаа’’д̇и уд̣̇агам̣ од̇арид̇ваа д̇ам̣ бубпам̣ г̇ан̣хи. д̇ам̣ д̇зна г̇ахид̇амад̇д̇амзва бубпид̇ам̣. д̇аабасо анд̇обад̣̇умаг̇аб̣бхз нибаннад̣̇ааригам̣ ад̣̇д̣̇аса. д̣̇идтагаалад̇о бадтааяа жа д̇хийд̇усинзхам̣ лабхид̇ваа бад̣̇умзнзва сад̣̇д̇хим̣ бан̣н̣асаалам̣ нзд̇ваа ман̃жагз нибаж̇ж̇аабзси. ат̇ассаа бун̃н̃аанубхаавзна ан̇г̇удтагз кийрам̣ ниб̣б̣ад̇д̇и. со д̇асмим̣ бубпз милаад̇з ан̃н̃ам̣ навабубпам̣ аахарид̇ваа д̇ам̣ нибаж̇ж̇аабзси. ат̇ассаа аад̇хааванавид̇хааванзна гийл̣ид̇ум̣ самад̇т̇агаалад̇о бадтааяа бад̣̇аваарз бад̣̇аваарз бад̣̇умабубпам̣ удтааси, гун̇гумараасисса вияассаа сарийраван̣н̣о ахоси. саа аббад̇д̇аа д̣̇зваван̣н̣ам̣, ад̇игганд̇аа маанусаван̣н̣ам̣ ахоси. саа бид̇ари палаапалад̇т̇ааяа г̇ад̇з бан̣н̣асаалааяам̣ охийяад̇и.

    Sāpi tassa kammassa nissandena devaloke paṭisandhiṃ gaṇhi, nibbattakālato paṭṭhāya cassā pade pade mahāpadumapupphaṃ uṭṭhāsi. Sā tato cavitvā pabbatapāde ekasmiṃ padumassare padumagabbhe nibbatti. Taṃ nissāya eko tāpaso vasati, so pātova mukhadhovanatthāya saraṃ gantvā taṃ pupphaṃ disvā cintesi – ‘‘idaṃ pupphaṃ sesehi mahantataraṃ, sesāni ca pupphitāni, idaṃ makuḷitameva, bhavitabbamettha kāraṇenā’’ti udakaṃ otaritvā taṃ pupphaṃ gaṇhi. Taṃ tena gahitamattameva pupphitaṃ. Tāpaso antopadumagabbhe nipannadārikaṃ addasa. Diṭṭhakālato paṭṭhāya ca dhītusinehaṃ labhitvā padumeneva saddhiṃ paṇṇasālaṃ netvā mañcake nipajjāpesi. Athassā puññānubhāvena aṅguṭṭhake khīraṃ nibbatti. So tasmiṃ pupphe milāte aññaṃ navapupphaṃ āharitvā taṃ nipajjāpesi. Athassā ādhāvanavidhāvanena kīḷituṃ samatthakālato paṭṭhāya padavāre padavāre padumapupphaṃ uṭṭhāsi, kuṅkumarāsissa viyassā sarīravaṇṇo ahosi. Sā appattā devavaṇṇaṃ, atikkantā mānusavaṇṇaṃ ahosi. Sā pitari phalāphalatthāya gate paṇṇasālāyaṃ ohīyati.

    ат̇згад̣̇ивасам̣ д̇ассаа ваяаббад̇д̇агаалз бид̇ари палаапалад̇т̇ааяа г̇ад̇з зго ванажараго д̇ам̣ д̣̇исваа жинд̇зси – ‘‘мануссаанам̣ наама звам̣вид̇хам̣ руубам̣ над̇т̇и, виймам̣сиссаами на’’нд̇и д̇аабасасса ааг̇аманам̣ уд̣̇игканд̇о нисийд̣̇и. саа бид̇ари ааг̇ажчанд̇з бадибат̇ам̣ г̇анд̇ваа д̇асса хад̇т̇ад̇о гааж̇агаман̣д̣алум̣ аг̇г̇ахзси, ааг̇анд̇ваа нисиннасса жасса ад̇д̇анаа гаран̣авад̇д̇ам̣ д̣̇ассзси. д̇ад̣̇аа со ванажараго мануссабхаавам̣ н̃ад̇ваа д̇аабасам̣ абхиваад̣̇зд̇ваа нисийд̣̇и. д̇аабасо д̇ам̣ ванажарагам̣ ванамуулапалаапалзхи жа баанийязна жа ниманд̇зд̇ваа, ‘‘бхо буриса, имасмим̣язва таанз васиссаси, уд̣̇ааху г̇амисассий’’д̇и бужчи. г̇амиссаами, бханд̇з, ид̇ха гим̣ гариссаамийд̇и. ид̣̇ам̣ д̇аяаа д̣̇идтагааран̣ам̣ зд̇д̇о г̇анд̇ваа агат̇зд̇ум̣ сагкиссасийд̇и. сажз, аяяо, на ижчад̇и, гим̣ гааран̣аа гат̇зссаамийд̇и д̇аабасам̣ ванд̣̇ид̇ваа буна ааг̇аманагаалз маг̇г̇асан̃ж̇аананад̇т̇ам̣ саакаасан̃н̃ан̃жа ругкасан̃н̃ан̃жа гаронд̇о баггаами.

    Athekadivasaṃ tassā vayappattakāle pitari phalāphalatthāya gate eko vanacarako taṃ disvā cintesi – ‘‘manussānaṃ nāma evaṃvidhaṃ rūpaṃ natthi, vīmaṃsissāmi na’’nti tāpasassa āgamanaṃ udikkhanto nisīdi. Sā pitari āgacchante paṭipathaṃ gantvā tassa hatthato kājakamaṇḍaluṃ aggahesi, āgantvā nisinnassa cassa attanā karaṇavattaṃ dassesi. Tadā so vanacarako manussabhāvaṃ ñatvā tāpasaṃ abhivādetvā nisīdi. Tāpaso taṃ vanacarakaṃ vanamūlaphalāphalehi ca pānīyena ca nimantetvā, ‘‘bho purisa, imasmiṃyeva ṭhāne vasissasi, udāhu gamisassī’’ti pucchi. Gamissāmi, bhante, idha kiṃ karissāmīti. Idaṃ tayā diṭṭhakāraṇaṃ etto gantvā akathetuṃ sakkhissasīti. Sace, ayyo, na icchati, kiṃ kāraṇā kathessāmīti tāpasaṃ vanditvā puna āgamanakāle maggasañjānanatthaṃ sākhāsaññañca rukkhasaññañca karonto pakkāmi.

    со б̣аараан̣асим̣ г̇анд̇ваа рааж̇аанам̣ ад̣̇д̣̇аса, рааж̇аа ‘‘гасмаа ааг̇ад̇осий’’д̇и бужчи. ‘‘ахам̣, д̣̇зва, д̇умхаагам̣ ванажараго баб̣б̣ад̇абаад̣̇з ажчарияам̣ ид̇т̇ирад̇анам̣ д̣̇исваа ааг̇ад̇омхий’’д̇и саб̣б̣ам̣ бавад̇д̇им̣ гат̇зси. со д̇асса важанам̣ суд̇ваа взг̇зна баб̣б̣ад̇абаад̣̇ам̣ г̇анд̇ваа авид̣̇уурз таанз канд̇хааваарам̣ нивзсзд̇ваа ванажарагзна жзва ан̃н̃зхи жа бурисзхи сад̣̇д̇хим̣ д̇аабасасса бхад̇д̇агижжам̣ гад̇ваа нисиннавзлааяа д̇ад̇т̇а г̇анд̇ваа абхиваад̣̇зд̇ваа бадисант̇аарам̣ гад̇ваа згаманд̇ам̣ нисийд̣̇и. рааж̇аа д̇аабасасса баб̣б̣аж̇ид̇абаригкаарабхан̣д̣ам̣ баад̣̇амуулз табзд̇ваа, ‘‘бханд̇з, имасмим̣ таанз гим̣ гарома, г̇ажчаамаа’’д̇и ааха. г̇ажча, махаарааж̇аад̇и. аама, г̇ажчаами, бханд̇з. аяяасса бана самийбз висабхааг̇абарисаа ад̇т̇ийд̇и ассумха, асааруббаа зсаа баб̣б̣аж̇ид̇аанам̣, маяаа сад̣̇д̇хим̣ г̇ажчад̇у, бханд̇зд̇и. мануссаанам̣ жид̇д̇ам̣ наама д̣̇уд̇д̇осаяам̣, гат̇ам̣ б̣ахуунам̣ маж̇жхз васиссад̇ийд̇и . амхаагам̣ ружид̇агаалад̇о бадтааяа сзсаанам̣ ж̇здтагадтаанз табзд̇ваа бадиж̇аг̇г̇иссаами, бханд̇зд̇и.

    So bārāṇasiṃ gantvā rājānaṃ addasa, rājā ‘‘kasmā āgatosī’’ti pucchi. ‘‘Ahaṃ, deva, tumhākaṃ vanacarako pabbatapāde acchariyaṃ itthiratanaṃ disvā āgatomhī’’ti sabbaṃ pavattiṃ kathesi. So tassa vacanaṃ sutvā vegena pabbatapādaṃ gantvā avidūre ṭhāne khandhāvāraṃ nivesetvā vanacarakena ceva aññehi ca purisehi saddhiṃ tāpasassa bhattakiccaṃ katvā nisinnavelāya tattha gantvā abhivādetvā paṭisanthāraṃ katvā ekamantaṃ nisīdi. Rājā tāpasassa pabbajitaparikkhārabhaṇḍaṃ pādamūle ṭhapetvā, ‘‘bhante, imasmiṃ ṭhāne kiṃ karoma, gacchāmā’’ti āha. Gaccha, mahārājāti. Āma, gacchāmi, bhante. Ayyassa pana samīpe visabhāgaparisā atthīti assumha, asāruppā esā pabbajitānaṃ, mayā saddhiṃ gacchatu, bhanteti. Manussānaṃ cittaṃ nāma duttosayaṃ, kathaṃ bahūnaṃ majjhe vasissatīti . Amhākaṃ rucitakālato paṭṭhāya sesānaṃ jeṭṭhakaṭṭhāne ṭhapetvā paṭijaggissāmi, bhanteti.

    со ран̃н̃о гат̇ам̣ суд̇ваа д̣̇ахарагаалз г̇ахид̇анаамавасзнзва, ‘‘амма, бад̣̇умавад̇ий’’д̇и д̇хийд̇арам̣ баггоси. саа згаважанзнзва бан̣н̣асаалад̇о нигкамид̇ваа бид̇арам̣ абхиваад̣̇зд̇ваа адтааси. ат̇а нам̣ бид̇аа ааха – ‘‘д̇вам̣, амма, ваяаббад̇д̇аа, имасмим̣ таанз ран̃н̃аа д̣̇идтагаалад̇о бадтааяа васид̇ум̣ аяуд̇д̇аа, ран̃н̃аа сад̣̇д̇хим̣ г̇ажча, аммаа’’д̇и. саа ‘‘саад̇ху, д̇аад̇аа’’д̇и бид̇у важанам̣ самбадижчид̇ваа абхиваад̣̇зд̇ваа барод̣̇амаанаа адтааси. рааж̇аа ‘‘имиссаа бид̇у жид̇д̇ам̣ г̇ан̣хаамий’’д̇и д̇асмим̣язва таанз гахаабан̣араасимхи табзд̇ваа абхисзгам̣ агааси. ат̇а нам̣ г̇ахзд̇ваа ад̇д̇ано наг̇арам̣ аанзд̇ваа ааг̇ад̇агаалад̇о бадтааяа сзсаид̇т̇ияо анологзд̇ваа д̇ааяа сад̣̇д̇хим̣язва рамад̇и. д̇аа ид̇т̇ияо иссаабагад̇аа д̇ам̣ ран̃н̃о анд̇арз барибхинд̣̇ид̇угаамаа звамаахам̣су – ‘‘нааяам̣, махаарааж̇а, мануссаж̇аад̇игаа, гахам̣ наама д̇умхзхи мануссаанам̣ вижаран̣адтаанз бад̣̇умаани удтаханд̇аани д̣̇идтабуб̣б̣аани, ад̣̇д̇хаа аяам̣ яагкиний, нийхарат̇а нам̣ махаарааж̇аа’’д̇и. рааж̇аа д̇аасам̣ гат̇ам̣ суд̇ваа д̇ун̣хий ахоси.

    So rañño kathaṃ sutvā daharakāle gahitanāmavaseneva, ‘‘amma, padumavatī’’ti dhītaraṃ pakkosi. Sā ekavacaneneva paṇṇasālato nikkhamitvā pitaraṃ abhivādetvā aṭṭhāsi. Atha naṃ pitā āha – ‘‘tvaṃ, amma, vayappattā, imasmiṃ ṭhāne raññā diṭṭhakālato paṭṭhāya vasituṃ ayuttā, raññā saddhiṃ gaccha, ammā’’ti. Sā ‘‘sādhu, tātā’’ti pitu vacanaṃ sampaṭicchitvā abhivādetvā parodamānā aṭṭhāsi. Rājā ‘‘imissā pitu cittaṃ gaṇhāmī’’ti tasmiṃyeva ṭhāne kahāpaṇarāsimhi ṭhapetvā abhisekaṃ akāsi. Atha naṃ gahetvā attano nagaraṃ ānetvā āgatakālato paṭṭhāya sesaitthiyo anoloketvā tāya saddhiṃyeva ramati. Tā itthiyo issāpakatā taṃ rañño antare paribhinditukāmā evamāhaṃsu – ‘‘nāyaṃ, mahārāja, manussajātikā, kahaṃ nāma tumhehi manussānaṃ vicaraṇaṭṭhāne padumāni uṭṭhahantāni diṭṭhapubbāni, addhā ayaṃ yakkhinī, nīharatha naṃ mahārājā’’ti. Rājā tāsaṃ kathaṃ sutvā tuṇhī ahosi.

    ат̇асса абарзна самаязна бажжанд̇о губид̇о. со ‘‘г̇аруг̇аб̣бхаа бад̣̇умавад̇ий’’д̇и д̇ам̣ наг̇арз табзд̇ваа бажжанд̇ам̣ аг̇амааси. ат̇а д̇аа ид̇т̇ияо д̇ассаа убадтааяигааяа лан̃ж̇ам̣ д̣̇ад̇ваа ‘‘имиссаа д̣̇аарагам̣ ж̇аад̇амад̇д̇амзва абанзд̇ваа згам̣ д̣̇ааругхадигам̣ лохид̇зна магкзд̇ваа санд̇игз табзхий’’д̇и аахам̣су. бад̣̇умавад̇ияааби нажирассзва г̇аб̣бхавудтаанам̣ ахоси. махаабад̣̇умагумааро згагова гужчияам̣ бадисанд̇хим̣ г̇ан̣хи. авасзсаа згуунабан̃жасад̇аа д̣̇аарагаа махаабад̣̇умагумаарасса маад̇угужчид̇о нигкамид̇ваа нибаннагаалз сам̣сзд̣̇аж̇аа худ̇ваа ниб̣б̣ад̇д̇им̣су. ат̇асса ‘‘на д̇аавааяам̣ сад̇им̣ бадилабхад̇ий’’д̇и н̃ад̇ваа убадтааяигаа згам̣ д̣̇ааругхадигам̣ лохид̇зна магкзд̇ваа самийбз табзд̇ваа д̇аасам̣ ид̇т̇ийнам̣ сан̃н̃ам̣ ад̣̇ааси. д̇аа бан̃жасад̇ааби ид̇т̇ияо згзгаа згзгам̣ д̣̇аарагам̣ г̇ахзд̇ваа жунд̣̇агаарагаанам̣ санд̇игам̣ бзсзд̇ваа гаран̣д̣агз аахараабзд̇ваа ад̇д̇анаа ад̇д̇анаа г̇ахид̇ад̣̇аарагз д̇ад̇т̇а нибаж̇ж̇аабзд̇ваа б̣ахи лан̃чанам̣ гад̇ваа табаяим̣су.

    Athassa aparena samayena paccanto kupito. So ‘‘garugabbhā padumavatī’’ti taṃ nagare ṭhapetvā paccantaṃ agamāsi. Atha tā itthiyo tassā upaṭṭhāyikāya lañjaṃ datvā ‘‘imissā dārakaṃ jātamattameva apanetvā ekaṃ dārughaṭikaṃ lohitena makkhetvā santike ṭhapehī’’ti āhaṃsu. Padumavatiyāpi nacirasseva gabbhavuṭṭhānaṃ ahosi. Mahāpadumakumāro ekakova kucchiyaṃ paṭisandhiṃ gaṇhi. Avasesā ekūnapañcasatā dārakā mahāpadumakumārassa mātukucchito nikkhamitvā nipannakāle saṃsedajā hutvā nibbattiṃsu. Athassa ‘‘na tāvāyaṃ satiṃ paṭilabhatī’’ti ñatvā upaṭṭhāyikā ekaṃ dārughaṭikaṃ lohitena makkhetvā samīpe ṭhapetvā tāsaṃ itthīnaṃ saññaṃ adāsi. Tā pañcasatāpi itthiyo ekekā ekekaṃ dārakaṃ gahetvā cundakārakānaṃ santikaṃ pesetvā karaṇḍake āharāpetvā attanā attanā gahitadārake tattha nipajjāpetvā bahi lañchanaṃ katvā ṭhapayiṃsu.

    бад̣̇умавад̇ийби ко сан̃н̃ам̣ лабхид̇ваа д̇ам̣ убадтааяигам̣ ‘‘гим̣ виж̇аад̇амхи, аммаа’’д̇и бужчи. саа д̇ам̣ санд̇аж̇ж̇зд̇ваа ‘‘гуд̇о д̇вам̣ д̣̇аарагам̣ лабхиссасий’’д̇и вад̇ваа ‘‘аяам̣ д̇з гужчид̇о нигканд̇ад̣̇аараго’’д̇и лохид̇амагкид̇ам̣ д̣̇ааругхадигам̣ бурад̇о табзси. саа д̇ам̣ д̣̇исваа д̣̇оманассаббад̇д̇аа ‘‘сийгхам̣ нам̣ паалзд̇ваа абанзхи, сажз гожи бассзяяа лаж̇ж̇ид̇аб̣б̣ам̣ бхавзяяаа’’д̇и ааха. саа д̇ассаа гат̇ам̣ суд̇ваа ад̇т̇агаамаа вияа д̣̇ааругхадигам̣ паалзд̇ваа уд̣̇д̇ханз багкиби.

    Padumavatīpi kho saññaṃ labhitvā taṃ upaṭṭhāyikaṃ ‘‘kiṃ vijātamhi, ammā’’ti pucchi. Sā taṃ santajjetvā ‘‘kuto tvaṃ dārakaṃ labhissasī’’ti vatvā ‘‘ayaṃ te kucchito nikkhantadārako’’ti lohitamakkhitaṃ dārughaṭikaṃ purato ṭhapesi. Sā taṃ disvā domanassappattā ‘‘sīghaṃ naṃ phāletvā apanehi, sace koci passeyya lajjitabbaṃ bhaveyyā’’ti āha. Sā tassā kathaṃ sutvā atthakāmā viya dārughaṭikaṃ phāletvā uddhane pakkhipi.

    рааж̇ааби бажжанд̇ад̇о ааг̇анд̇ваа нагкад̇д̇ам̣ бадимаанзнд̇о б̣ахинаг̇арз канд̇хааваарам̣ б̣анд̇хид̇ваа нисийд̣̇и. ат̇а д̇аа бан̃жасад̇аа ид̇т̇ияо ран̃н̃о бажжуг̇г̇аманам̣ ааг̇анд̇ваа аахам̣су – ‘‘д̇вам̣, махаарааж̇а, на амхаагам̣ сад̣̇д̣̇ахаси, амхзхи вуд̇д̇ам̣ агааран̣ам̣ вияа ход̇и. д̇вам̣ махзсияаа убадтааяигам̣ баггосаабзд̇ваа бадибужча, д̣̇ааругхадигам̣ д̇з д̣̇звий виж̇аад̇аа’’д̇и. рааж̇аа д̇ам̣ гааран̣ам̣ на убабаригкид̇ваава ‘‘амануссаж̇аад̇игаа бхависсад̇ий’’д̇и д̇ам̣ г̇зхад̇о ниггад̣дхи. д̇ассаа рааж̇аг̇зхад̇о саха нигкаманзнзва бад̣̇умабубпаани анд̇арад̇хааяим̣су, сарийражчавиби виван̣н̣аа ахоси. саа згигаава анд̇аравийт̇ияаа бааяааси. ат̇а нам̣ згаа ваяаббад̇д̇аа махаллигаа ид̇т̇ий д̣̇исваа д̇хийд̇усинзхам̣ уббаад̣̇зд̇ваа ‘‘гахам̣ г̇ажчаси аммаа’’д̇и ааха. ааг̇анд̇угамхи, васанадтаанам̣ ологзнд̇ий вижараамийд̇и. ид̇хааг̇ажча, аммаад̇и васанадтаанам̣ д̣̇ад̇ваа бхож̇анам̣ бадияаад̣̇зси.

    Rājāpi paccantato āgantvā nakkhattaṃ paṭimānento bahinagare khandhāvāraṃ bandhitvā nisīdi. Atha tā pañcasatā itthiyo rañño paccuggamanaṃ āgantvā āhaṃsu – ‘‘tvaṃ, mahārāja, na amhākaṃ saddahasi, amhehi vuttaṃ akāraṇaṃ viya hoti. Tvaṃ mahesiyā upaṭṭhāyikaṃ pakkosāpetvā paṭipuccha, dārughaṭikaṃ te devī vijātā’’ti. Rājā taṃ kāraṇaṃ na upaparikkhitvāva ‘‘amanussajātikā bhavissatī’’ti taṃ gehato nikkaḍḍhi. Tassā rājagehato saha nikkhamaneneva padumapupphāni antaradhāyiṃsu, sarīracchavipi vivaṇṇā ahosi. Sā ekikāva antaravīthiyā pāyāsi. Atha naṃ ekā vayappattā mahallikā itthī disvā dhītusinehaṃ uppādetvā ‘‘kahaṃ gacchasi ammā’’ti āha. Āgantukamhi, vasanaṭṭhānaṃ olokentī vicarāmīti. Idhāgaccha, ammāti vasanaṭṭhānaṃ datvā bhojanaṃ paṭiyādesi.

    д̇ассаа иминаава нияаамзна д̇ад̇т̇а васамаанааяа д̇аа бан̃жасад̇аа ид̇т̇ияо згажид̇д̇аа худ̇ваа рааж̇аанам̣ аахам̣су – ‘‘махаарааж̇а, д̇умхзсу яуд̣̇д̇хам̣ г̇ад̇зсу амхзхи г̇ан̇г̇аад̣̇звад̇ааяа ‘амхаагам̣ д̣̇звз виж̇ид̇асан̇г̇аамз ааг̇ад̇з б̣алигаммам̣ гад̇ваа уд̣̇агагийл̣ам̣ гариссаамаа’д̇и бад̇т̇ид̇ам̣ ад̇т̇и, зд̇амад̇т̇ам̣ , д̣̇зва, ж̇аанаабзмаа’’д̇и. рааж̇аа д̇аасам̣ важанзна д̇удто г̇ан̇г̇ааяам̣ уд̣̇агагийл̣ам̣ гаад̇ум̣ аг̇амааси. д̇ааби ад̇д̇анаа ад̇д̇анаа г̇ахид̇ам̣ гаран̣д̣агам̣ бадижчаннам̣ гад̇ваа аад̣̇ааяа над̣̇им̣ г̇анд̇ваа д̇зсам̣ гаран̣д̣агаанам̣ бадижчаад̣̇анад̇т̇ам̣ баарубид̇ваа баарубид̇ваа уд̣̇агз бад̇ид̇ваа гаран̣д̣агз виссаж̇ж̇зсум̣. д̇зби ко гаран̣д̣агаа саб̣б̣з саха г̇анд̇ваа хздтаасод̇з басаарид̇аж̇ааламхи лаг̇г̇им̣су. д̇ад̇о уд̣̇агагийл̣ам̣ гийл̣ид̇ваа ран̃н̃о уд̇д̇ин̣н̣агаалз ж̇аалам̣ угкибанд̇аа д̇з гаран̣д̣агз д̣̇исваа ран̃н̃о санд̇игам̣ аанаяим̣су. рааж̇аа гаран̣д̣агз д̣̇исваа ‘‘гим̣, д̇аад̇аа, гаран̣д̣агзсуу’’д̇и ааха. на ж̇аанаама, д̣̇зваад̇и. со д̇з гаран̣д̣агз вивараабзд̇ваа ологзнд̇о батамам̣ махаабад̣̇умагумаарасса гаран̣д̣агам̣ вивараабзси. д̇зсам̣ бана саб̣б̣зсамби гаран̣д̣агзсу нибаж̇ж̇аабид̇ад̣̇ивасзязва бун̃н̃ид̣̇д̇хияаа ан̇г̇удтад̇о кийрам̣ ниб̣б̣ад̇д̇и. сагго д̣̇зварааж̇аа д̇асса ран̃н̃о нигган̇кабхаавад̇т̇ам̣ анд̇огаран̣д̣агз агкараани ликаабзси ‘‘имз гумаараа бад̣̇умавад̇ияаа гужчимхи ниб̣б̣ад̇д̇аа б̣аараан̣асиран̃н̃о буд̇д̇аа, ат̇а нз бад̣̇умавад̇ияаа сабад̇д̇ияо бан̃жасад̇аа ид̇т̇ияо гаран̣д̣агзсу багкибид̇ваа уд̣̇агз кибим̣су, рааж̇аа имам̣ гааран̣ам̣ ж̇аанаад̇уу’’д̇и. гаран̣д̣агз виварид̇амад̇д̇з рааж̇аа агкараани ваажзд̇ваа д̣̇аарагз д̣̇исваа махаабад̣̇умагумаарам̣ угкибид̇ваа ‘‘взг̇зна рат̇з яож̇зт̇а, ассз габбзт̇а, ахам̣ аж̇ж̇а анд̇онаг̇арам̣ бависид̇ваа згажжаанам̣ маад̇уг̇аамаанам̣ бияам̣ гариссаамий’’д̇и баасаад̣̇ам̣ ааруяха хад̇т̇иг̇ийвааяа сахассабхан̣д̣игам̣ табзд̇ваа бхзрим̣ жараабзси ‘‘яо бад̣̇умавад̇им̣ бассад̇и, со имам̣ сахассам̣ г̇ан̣хад̇уу’’д̇и.

    Tassā imināva niyāmena tattha vasamānāya tā pañcasatā itthiyo ekacittā hutvā rājānaṃ āhaṃsu – ‘‘mahārāja, tumhesu yuddhaṃ gatesu amhehi gaṅgādevatāya ‘amhākaṃ deve vijitasaṅgāme āgate balikammaṃ katvā udakakīḷaṃ karissāmā’ti patthitaṃ atthi, etamatthaṃ , deva, jānāpemā’’ti. Rājā tāsaṃ vacanena tuṭṭho gaṅgāyaṃ udakakīḷaṃ kātuṃ agamāsi. Tāpi attanā attanā gahitaṃ karaṇḍakaṃ paṭicchannaṃ katvā ādāya nadiṃ gantvā tesaṃ karaṇḍakānaṃ paṭicchādanatthaṃ pārupitvā pārupitvā udake patitvā karaṇḍake vissajjesuṃ. Tepi kho karaṇḍakā sabbe saha gantvā heṭṭhāsote pasāritajālamhi laggiṃsu. Tato udakakīḷaṃ kīḷitvā rañño uttiṇṇakāle jālaṃ ukkhipantā te karaṇḍake disvā rañño santikaṃ ānayiṃsu. Rājā karaṇḍake disvā ‘‘kiṃ, tātā, karaṇḍakesū’’ti āha. Na jānāma, devāti. So te karaṇḍake vivarāpetvā olokento paṭhamaṃ mahāpadumakumārassa karaṇḍakaṃ vivarāpesi. Tesaṃ pana sabbesampi karaṇḍakesu nipajjāpitadivaseyeva puññiddhiyā aṅguṭṭhato khīraṃ nibbatti. Sakko devarājā tassa rañño nikkaṅkhabhāvatthaṃ antokaraṇḍake akkharāni likhāpesi ‘‘ime kumārā padumavatiyā kucchimhi nibbattā bārāṇasirañño puttā, atha ne padumavatiyā sapattiyo pañcasatā itthiyo karaṇḍakesu pakkhipitvā udake khipiṃsu, rājā imaṃ kāraṇaṃ jānātū’’ti. Karaṇḍake vivaritamatte rājā akkharāni vācetvā dārake disvā mahāpadumakumāraṃ ukkhipitvā ‘‘vegena rathe yojetha, asse kappetha, ahaṃ ajja antonagaraṃ pavisitvā ekaccānaṃ mātugāmānaṃ piyaṃ karissāmī’’ti pāsādaṃ āruyha hatthigīvāya sahassabhaṇḍikaṃ ṭhapetvā bheriṃ carāpesi ‘‘yo padumavatiṃ passati, so imaṃ sahassaṃ gaṇhatū’’ti.

    д̇ам̣ гат̇ам̣ суд̇ваа бад̣̇умавад̇ий маад̇уяаа сан̃н̃ам̣ ад̣̇ааси – ‘‘хад̇т̇иг̇ийвад̇о сахассам̣ г̇ан̣ха, аммаа’’д̇и. ахам̣ зваруубам̣ г̇ан̣хид̇ум̣ на висахаамийд̇и. саа д̣̇уд̇ияамби д̇ад̇ияамби вуд̇д̇з, ‘‘гим̣ вад̇ваа г̇ан̣хаами аммаа’’д̇и ааха. ‘‘мама д̇хийд̇аа, бад̣̇умавад̇им̣ д̣̇звим̣ бассад̇ий’’д̇и вад̇ваа г̇ан̣хаахийд̇и. саа ‘‘яам̣ ваа д̇ам̣ ваа ход̇уу’’д̇и г̇анд̇ваа сахассажан̇годагам̣ г̇ан̣хи. ат̇а нам̣ мануссаа бужчим̣су – ‘‘бад̣̇умавад̇им̣ д̣̇звим̣ бассаси, аммаа’’д̇и. ‘‘ахам̣ на бассаами, д̇хийд̇аа гира мз бассад̇ий’’д̇и ааха. д̇з ‘‘гахам̣ бана саа, аммаа’’д̇и вад̇ваа д̇ааяа сад̣̇д̇хим̣ г̇анд̇ваа бад̣̇умавад̇им̣ сан̃ж̇аанид̇ваа баад̣̇зсу нибад̇им̣су. д̇асмим̣ гаалз саа ‘‘бад̣̇умавад̇ий д̣̇звий аяа’’нд̇и н̃ад̇ваа ‘‘бхаарияам̣ вад̇а ид̇т̇ияаа гаммам̣ гад̇ам̣, яаа звам̣вид̇хасса ран̃н̃о махзсий самаанаа зваруубз таанз нираарагкаа васий’’д̇и ааха. д̇зби рааж̇абурисаа бад̣̇умавад̇ияаа нивзсанам̣ сзд̇асаан̣ийхи баригкибаабзд̇ваа д̣̇ваарз аарагкам̣ табзд̇ваа ран̃н̃о аарожзсум̣. рааж̇аа суван̣н̣асивигам̣ бзсзси. саа ‘‘ахам̣ звам̣ на г̇амиссаами, мама васанадтаанад̇о бадтааяа яаава рааж̇аг̇зхам̣ зд̇т̇анд̇арз варабод̇т̇агажид̇д̇ад̇т̇аран̣з ад̇т̇араабзд̇ваа убари суван̣н̣ад̇аарагавижид̇д̇ам̣ жзлавид̇аанам̣ б̣анд̇хаабзд̇ваа басаад̇ханад̇т̇ааяа саб̣б̣аалан̇гаарзсу бахид̇зсу бад̣̇асаава г̇амиссаами, звам̣ мз нааг̇араа самбад̇д̇им̣ бассиссанд̇ий’’д̇и ааха. рааж̇аа ‘‘бад̣̇умавад̇ияаа яат̇ааружим̣ гарот̇аа’’д̇и ааха. д̇ад̇о бад̣̇умавад̇ий саб̣б̣абасаад̇ханам̣ басаад̇хзд̇ваа ‘‘рааж̇аг̇зхам̣ г̇амиссаамий’’д̇и маг̇г̇ам̣ бадибаж̇ж̇и. ат̇ассаа агганд̇аагганд̇адтаанз варабод̇т̇агажид̇д̇ад̇т̇аран̣аани бхинд̣̇ид̇ваа бад̣̇умабубпаани удтахим̣су. саа махааж̇анасса ад̇д̇ано самбад̇д̇им̣ д̣̇ассзд̇ваа рааж̇анивзсанам̣ ааруяха саб̣б̣з жид̇д̇ад̇т̇аран̣з д̇ассаа махаллигааяа босааванигамуулам̣ гад̇ваа д̣̇аабзси.

    Taṃ kathaṃ sutvā padumavatī mātuyā saññaṃ adāsi – ‘‘hatthigīvato sahassaṃ gaṇha, ammā’’ti. Ahaṃ evarūpaṃ gaṇhituṃ na visahāmīti. Sā dutiyampi tatiyampi vutte, ‘‘kiṃ vatvā gaṇhāmi ammā’’ti āha. ‘‘Mama dhītā, padumavatiṃ deviṃ passatī’’ti vatvā gaṇhāhīti. Sā ‘‘yaṃ vā taṃ vā hotū’’ti gantvā sahassacaṅkoṭakaṃ gaṇhi. Atha naṃ manussā pucchiṃsu – ‘‘padumavatiṃ deviṃ passasi, ammā’’ti. ‘‘Ahaṃ na passāmi, dhītā kira me passatī’’ti āha. Te ‘‘kahaṃ pana sā, ammā’’ti vatvā tāya saddhiṃ gantvā padumavatiṃ sañjānitvā pādesu nipatiṃsu. Tasmiṃ kāle sā ‘‘padumavatī devī aya’’nti ñatvā ‘‘bhāriyaṃ vata itthiyā kammaṃ kataṃ, yā evaṃvidhassa rañño mahesī samānā evarūpe ṭhāne nirārakkhā vasī’’ti āha. Tepi rājapurisā padumavatiyā nivesanaṃ setasāṇīhi parikkhipāpetvā dvāre ārakkhaṃ ṭhapetvā rañño ārocesuṃ. Rājā suvaṇṇasivikaṃ pesesi. Sā ‘‘ahaṃ evaṃ na gamissāmi, mama vasanaṭṭhānato paṭṭhāya yāva rājagehaṃ etthantare varapotthakacittattharaṇe attharāpetvā upari suvaṇṇatārakavicittaṃ celavitānaṃ bandhāpetvā pasādhanatthāya sabbālaṅkāresu pahitesu padasāva gamissāmi, evaṃ me nāgarā sampattiṃ passissantī’’ti āha. Rājā ‘‘padumavatiyā yathāruciṃ karothā’’ti āha. Tato padumavatī sabbapasādhanaṃ pasādhetvā ‘‘rājagehaṃ gamissāmī’’ti maggaṃ paṭipajji. Athassā akkantaakkantaṭṭhāne varapotthakacittattharaṇāni bhinditvā padumapupphāni uṭṭhahiṃsu. Sā mahājanassa attano sampattiṃ dassetvā rājanivesanaṃ āruyha sabbe cittattharaṇe tassā mahallikāya posāvanikamūlaṃ katvā dāpesi.

    рааж̇ааби ко д̇аа бан̃жасад̇аа ид̇т̇ияо баггосаабзд̇ваа ‘‘имааяо д̇з д̣̇зви д̣̇аасияо гад̇ваа д̣̇змий’’д̇и ааха. саад̇ху, махаарааж̇а, зд̇аасам̣ маяхам̣ д̣̇иннабхаавам̣ сагаланаг̇арз ж̇аанаабзхийд̇и . рааж̇аа наг̇арз бхзрим̣ жараабзси – ‘‘бад̣̇умавад̇ияаа д̣̇ууб̣бхигаа бан̃жасад̇аа ид̇т̇ияо зд̇иссаа зва д̣̇аасияо гад̇ваа д̣̇иннаа’’д̇и. саа ‘‘д̇аасам̣ сагаланаг̇арзна д̣̇аасибхааво саллагкид̇о’’д̇и н̃ад̇ваа ‘‘ахам̣ мама д̣̇аасияо бхуж̇иссаа гаад̇ум̣ лабхаами д̣̇зваа’’д̇и рааж̇аанам̣ бужчи. д̇ава ижчаа д̣̇звийд̇и. звам̣ санд̇з д̇амзва бхзрижааригам̣ баггосаабзд̇ваа ‘‘бад̣̇умавад̇ид̣̇звияаа ад̇д̇ано д̣̇аасияо гад̇ваа д̣̇иннаа бан̃жасад̇аа ид̇т̇ияо саб̣б̣аава бхуж̇иссаа гад̇аад̇и буна бхзрим̣ жараабзт̇аа’’д̇и ааха. саа д̇аасам̣ бхуж̇иссабхаавз гад̇з згуунаани бан̃жасад̇д̇абуд̇д̇аани д̇аасам̣язва хад̇т̇з босанад̇т̇ааяа д̣̇ад̇ваа саяам̣ махаабад̣̇умагумаарам̣язва г̇ан̣хи.

    Rājāpi kho tā pañcasatā itthiyo pakkosāpetvā ‘‘imāyo te devi dāsiyo katvā demī’’ti āha. Sādhu, mahārāja, etāsaṃ mayhaṃ dinnabhāvaṃ sakalanagare jānāpehīti . Rājā nagare bheriṃ carāpesi – ‘‘padumavatiyā dūbbhikā pañcasatā itthiyo etissā eva dāsiyo katvā dinnā’’ti. Sā ‘‘tāsaṃ sakalanagarena dāsibhāvo sallakkhito’’ti ñatvā ‘‘ahaṃ mama dāsiyo bhujissā kātuṃ labhāmi devā’’ti rājānaṃ pucchi. Tava icchā devīti. Evaṃ sante tameva bhericārikaṃ pakkosāpetvā ‘‘padumavatideviyā attano dāsiyo katvā dinnā pañcasatā itthiyo sabbāva bhujissā katāti puna bheriṃ carāpethā’’ti āha. Sā tāsaṃ bhujissabhāve kate ekūnāni pañcasattaputtāni tāsaṃyeva hatthe posanatthāya datvā sayaṃ mahāpadumakumāraṃyeva gaṇhi.

    ат̇а абарабхааг̇з д̇зсам̣ гумаараанам̣ гийл̣анаваяз самбад̇д̇з рааж̇аа уяяаанз наанаавид̇хам̣ гийл̣анадтаанам̣ гаарзси. д̇з ад̇д̇ано сол̣асавассуд̣̇д̣̇зсигагаалз саб̣б̣зва згад̇о худ̇ваа уяяаанз бад̣̇умасан̃чаннааяа ман̇г̇алабогкаран̣ияаа гийл̣анд̇аа навабад̣̇умаани бубпид̇аани бураан̣абад̣̇умаани жа ван̣дад̇о бад̇анд̇аани д̣̇исваа ‘‘имасса д̇аава анубаад̣̇иннагасса зваруубаа ж̇араа баабун̣аад̇и, гиман̇г̇ам̣ бана амхаагам̣ сарийрасса. ид̣̇амби хи звам̣г̇ад̇игамзва бхависсад̇ий’’д̇и аарамман̣ам̣ г̇ахзд̇ваа саб̣б̣зва бажжзгаб̣од̇хин̃аан̣ам̣ ниб̣б̣ад̇д̇зд̇ваа удтааяудтааяа бад̣̇умаган̣н̣игаасу баллан̇гзна нисийд̣̇им̣су.

    Atha aparabhāge tesaṃ kumārānaṃ kīḷanavaye sampatte rājā uyyāne nānāvidhaṃ kīḷanaṭṭhānaṃ kāresi. Te attano soḷasavassuddesikakāle sabbeva ekato hutvā uyyāne padumasañchannāya maṅgalapokkharaṇiyā kīḷantā navapadumāni pupphitāni purāṇapadumāni ca vaṇṭato patantāni disvā ‘‘imassa tāva anupādinnakassa evarūpā jarā pāpuṇāti, kimaṅgaṃ pana amhākaṃ sarīrassa. Idampi hi evaṃgatikameva bhavissatī’’ti ārammaṇaṃ gahetvā sabbeva paccekabodhiñāṇaṃ nibbattetvā uṭṭhāyuṭṭhāya padumakaṇṇikāsu pallaṅkena nisīdiṃsu.

    ат̇а д̇зхи сад̣̇д̇хим̣ ааг̇ад̇аа рааж̇абурисаа б̣ахуг̇ад̇ам̣ д̣̇ивасам̣ н̃ад̇ваа ‘‘аяяабуд̇д̇аа д̇умхаагам̣ взлам̣ ж̇аанаат̇аа’’д̇и аахам̣су. д̇з д̇ун̣хий ахзсум̣. д̇з бурисаа г̇анд̇ваа ран̃н̃о аарожзсум̣ – ‘‘гумаараа д̣̇зва, бад̣̇умаган̣н̣игаасу нисиннаа, амхзсу гат̇знд̇зсуби важийбхзд̣̇ам̣ на гаронд̇ий’’д̇и. яат̇ааружияаа д̇зсам̣ нисийд̣̇ид̇ум̣ д̣̇зт̇аад̇и. д̇з саб̣б̣арад̇д̇им̣ г̇ахид̇аарагкаа бад̣̇умаган̣н̣игаасу нисиннанияаамзнзва арун̣ам̣ удтаабзсум̣. бурисаа бунад̣̇ивасз убасан̇гамид̇ваа ‘‘д̣̇зваа взлам̣ ж̇аанаат̇аа’’д̇и аахам̣су. на маяам̣ д̣̇зваа, бажжзгаб̣уд̣̇д̇хаа наама маяанд̇и. аяяаа, д̇умхз бхаарияам̣ гат̇ам̣ гат̇зт̇а, бажжзгаб̣уд̣̇д̇хаа наама д̇умхаад̣̇исаа на хонд̇и, д̣̇ван̇г̇улагзсамассуд̇хараа гааяз бадимуггаадтабаригкаараа хонд̇ийд̇и. д̇з д̣̇агкин̣ахад̇т̇зна сийсам̣ бараамасим̣су. д̇аавад̣̇зва г̇ихилин̇г̇ам̣ анд̇арад̇хааяи, адта баригкаараа гааяз бадимуггаава ахзсум̣. д̇ад̇о бассанд̇ассзва махааж̇анасса аагаасзна нанд̣̇амуулагабаб̣бхаарам̣ аг̇амам̣су.

    Atha tehi saddhiṃ āgatā rājapurisā bahugataṃ divasaṃ ñatvā ‘‘ayyaputtā tumhākaṃ velaṃ jānāthā’’ti āhaṃsu. Te tuṇhī ahesuṃ. Te purisā gantvā rañño ārocesuṃ – ‘‘kumārā deva, padumakaṇṇikāsu nisinnā, amhesu kathentesupi vacībhedaṃ na karontī’’ti. Yathāruciyā tesaṃ nisīdituṃ dethāti. Te sabbarattiṃ gahitārakkhā padumakaṇṇikāsu nisinnaniyāmeneva aruṇaṃ uṭṭhāpesuṃ. Purisā punadivase upasaṅkamitvā ‘‘devā velaṃ jānāthā’’ti āhaṃsu. Na mayaṃ devā, paccekabuddhā nāma mayanti. Ayyā, tumhe bhāriyaṃ kathaṃ kathetha, paccekabuddhā nāma tumhādisā na honti, dvaṅgulakesamassudharā kāye paṭimukkaaṭṭhaparikkhārā hontīti. Te dakkhiṇahatthena sīsaṃ parāmasiṃsu. Tāvadeva gihiliṅgaṃ antaradhāyi, aṭṭha parikkhārā kāye paṭimukkāva ahesuṃ. Tato passantasseva mahājanassa ākāsena nandamūlakapabbhāraṃ agamaṃsu.

    сааби ко, бад̣̇умавад̇ий д̣̇звий, ‘‘ахам̣ б̣ахубуд̇д̇аа худ̇ваа нибуд̇д̇аа ж̇аад̇аа’’д̇и хад̣̇аяасогам̣ бад̇ваа д̇знзва согзна гаалам̣ гад̇ваа рааж̇аг̇аханаг̇арад̣̇ваараг̇аамагз сахад̇т̇зна гаммам̣ гад̇ваа ж̇ийванагадтаанз ниб̣б̣ад̇д̇и. абарабхааг̇з гулагхарам̣ г̇анд̇ваа згад̣̇ивасам̣ саамигасса кзд̇д̇ам̣ яааг̇ум̣ харамаанаа д̇зсам̣ ад̇д̇ано буд̇д̇аанам̣ анд̇арз адта бажжзгаб̣уд̣̇д̇хз бхигкаажааравзлааяа аагаасзна г̇ажчанд̇з д̣̇исваа сийгхам̣ сийгхам̣ г̇анд̇ваа саамигасса аарожзси – ‘‘басса, аяяа, бажжзгаб̣уд̣̇д̇хз, зд̇з ниманд̇зд̇ваа бхож̇зссаамаа’’д̇и. со ааха – ‘‘саман̣асагун̣аа наамзд̇з ан̃н̃ад̇т̇ааби звам̣ жаранд̇и, на зд̇з бажжзгаб̣уд̣̇д̇хаа’’д̇и. д̇з д̇зсам̣ гат̇знд̇аанам̣язва авид̣̇уурз таанз од̇арим̣су. саа ид̇т̇ий д̇ам̣д̣̇ивасам̣ ад̇д̇ано бхад̇д̇акаж̇ж̇абхож̇анам̣ д̇зсам̣ д̣̇ад̇ваа ‘‘свзби адта ж̇анаа маяхам̣ бхигкам̣ г̇ан̣хат̇аа’’д̇и ааха. саад̇ху, убаасигз, д̇ава саггааро зд̇д̇агова ход̇у, аасанаани жа адтзва хонд̇у, ан̃н̃зби б̣ахуу бажжзгаб̣уд̣̇д̇хз д̣̇исваа д̇ава жид̇д̇ам̣ басаад̣̇зяяаасийд̇и. саа бунад̣̇ивасз адта аасанаани бан̃н̃аабзд̇ваа адтаннам̣ саггаарасаммаанам̣ бадияаад̣̇зд̇ваа нисийд̣̇и.

    Sāpi kho, padumavatī devī, ‘‘ahaṃ bahuputtā hutvā niputtā jātā’’ti hadayasokaṃ patvā teneva sokena kālaṃ katvā rājagahanagaradvāragāmake sahatthena kammaṃ katvā jīvanakaṭṭhāne nibbatti. Aparabhāge kulagharaṃ gantvā ekadivasaṃ sāmikassa khettaṃ yāguṃ haramānā tesaṃ attano puttānaṃ antare aṭṭha paccekabuddhe bhikkhācāravelāya ākāsena gacchante disvā sīghaṃ sīghaṃ gantvā sāmikassa ārocesi – ‘‘passa, ayya, paccekabuddhe, ete nimantetvā bhojessāmā’’ti. So āha – ‘‘samaṇasakuṇā nāmete aññatthāpi evaṃ caranti, na ete paccekabuddhā’’ti. Te tesaṃ kathentānaṃyeva avidūre ṭhāne otariṃsu. Sā itthī taṃdivasaṃ attano bhattakhajjabhojanaṃ tesaṃ datvā ‘‘svepi aṭṭha janā mayhaṃ bhikkhaṃ gaṇhathā’’ti āha. Sādhu, upāsike, tava sakkāro ettakova hotu, āsanāni ca aṭṭheva hontu, aññepi bahū paccekabuddhe disvā tava cittaṃ pasādeyyāsīti. Sā punadivase aṭṭha āsanāni paññāpetvā aṭṭhannaṃ sakkārasammānaṃ paṭiyādetvā nisīdi.

    ниманд̇ид̇абажжзгаб̣уд̣̇д̇хаа сзсаанам̣ сан̃н̃ам̣ ад̣̇ам̣су – ‘‘маарисаа, аж̇ж̇а ан̃н̃ад̇т̇а аг̇анд̇ваа саб̣б̣зва д̇умхаагам̣ маад̇у сан̇г̇ахам̣ гарот̇аа’’д̇и. д̇з д̇зсам̣ важанам̣ суд̇ваа саб̣б̣зва згад̇о аагаасзна ааг̇анд̇ваа маад̇у-г̇зхад̣̇ваарз баад̇урахзсум̣. сааби батамам̣ лад̣̇д̇хасан̃н̃ад̇ааяа б̣ахууби д̣̇исваа на гамбид̇т̇а, саб̣б̣зби д̇з г̇зхам̣ бавзсзд̇ваа аасанзсу нисийд̣̇аабзси. д̇зсу бадибаадияаа нисийд̣̇анд̇зсу навамо ан̃н̃аани адта аасанаани маабзд̇ваа саяам̣ д̇хураасанз нисийд̣̇и. яаава аасанаани вад̣дханд̇и, д̇аава г̇зхам̣ вад̣дхад̇и. звам̣ д̇зсу саб̣б̣зсуби нисиннзсу саа ид̇т̇ий адтаннам̣ бажжзгаб̣уд̣̇д̇хаанам̣ бадияаад̣̇ид̇ам̣ саггаарам̣ бан̃жасад̇аанамби яаавад̣̇ад̇т̇ам̣ д̣̇ад̇ваа адта нийлуббалахад̇т̇агз аахарид̇ваа ниманд̇ид̇абажжзгаб̣уд̣̇д̇хаанам̣язва баад̣̇амуулз табзд̇ваа ааха – ‘‘маяхам̣, бханд̇з, ниб̣б̣ад̇д̇аниб̣б̣ад̇д̇адтаанз сарийраван̣н̣о имзсам̣ нийлуббалаанам̣ анд̇ог̇аб̣бхаван̣н̣о вияа ход̇уу’’д̇и бад̇т̇анам̣ агааси. бажжзгаб̣уд̣̇д̇хаа маад̇у анумод̣̇анам̣ гад̇ваа г̇анд̇хамаад̣̇анам̣язва аг̇амам̣су.

    Nimantitapaccekabuddhā sesānaṃ saññaṃ adaṃsu – ‘‘mārisā, ajja aññattha agantvā sabbeva tumhākaṃ mātu saṅgahaṃ karothā’’ti. Te tesaṃ vacanaṃ sutvā sabbeva ekato ākāsena āgantvā mātu-gehadvāre pāturahesuṃ. Sāpi paṭhamaṃ laddhasaññatāya bahūpi disvā na kampittha, sabbepi te gehaṃ pavesetvā āsanesu nisīdāpesi. Tesu paṭipāṭiyā nisīdantesu navamo aññāni aṭṭha āsanāni māpetvā sayaṃ dhurāsane nisīdi. Yāva āsanāni vaḍḍhanti, tāva gehaṃ vaḍḍhati. Evaṃ tesu sabbesupi nisinnesu sā itthī aṭṭhannaṃ paccekabuddhānaṃ paṭiyāditaṃ sakkāraṃ pañcasatānampi yāvadatthaṃ datvā aṭṭha nīluppalahatthake āharitvā nimantitapaccekabuddhānaṃyeva pādamūle ṭhapetvā āha – ‘‘mayhaṃ, bhante, nibbattanibbattaṭṭhāne sarīravaṇṇo imesaṃ nīluppalānaṃ antogabbhavaṇṇo viya hotū’’ti patthanaṃ akāsi. Paccekabuddhā mātu anumodanaṃ katvā gandhamādanaṃyeva agamaṃsu.

    сааби яааваж̇ийвам̣ гусалам̣ гад̇ваа д̇ад̇о жуд̇аа д̣̇звалогз ниб̣б̣ад̇д̇ид̇ваа имасмим̣ б̣уд̣̇д̇хуббаад̣̇з саавад̇т̇ияам̣ сздтигулз бадисанд̇хим̣ г̇ан̣хи, нийлуббалаг̇аб̣бхасамаанаван̣н̣ад̇ааяа жассаа уббалаван̣н̣аад̇взва наамам̣ агам̣су. ат̇ассаа ваяаббад̇д̇агаалз сагалаж̇амб̣уд̣̇ийбарааж̇аано жа сздтино жа сздтисса санд̇игам̣ бахин̣им̣су – ‘‘д̇хийд̇арам̣ амхаагам̣ д̣̇зд̇уу’’д̇и . абахин̣анд̇о наама наахоси. д̇ад̇о сздти жинд̇зси – ‘‘ахам̣ саб̣б̣зсам̣ манам̣ г̇ахзд̇ум̣ на сагкиссаами, убааяам̣ банзгам̣ гариссаамий’’д̇и д̇хийд̇арам̣ баггосаабзд̇ваа ‘‘баб̣б̣аж̇ид̇ум̣ амма сагкиссасий’’д̇и ааха. д̇ассаа бажчимабхавигад̇д̇аа бид̇уважанам̣ сийсз аасид̇д̇асад̇абаагад̇злам̣ вияа ахоси, д̇асмаа бид̇арам̣ ‘‘баб̣б̣аж̇иссаами, д̇аад̇аа’’д̇и ааха. со д̇ассаа саггаарам̣ гад̇ваа бхигкуниубассаяам̣ нзд̇ваа баб̣б̣ааж̇зси. д̇ассаа ажирабаб̣б̣аж̇ид̇ааяа зва убосат̇ааг̇аарз гаалавааро баабун̣и. саа д̣̇ийбам̣ ж̇аалзд̇ваа убосат̇ааг̇аарам̣ саммаж̇ж̇ид̇ваа д̣̇ийбасикааяа нимид̇д̇ам̣ г̇ан̣хид̇ваа бунаббунам̣ ологаяамаанаа д̇зж̇огасин̣аарамман̣ам̣ жхаанам̣ ниб̣б̣ад̇д̇зд̇ваа д̇ад̣̇зва баад̣̇агам̣ гад̇ваа арахад̇д̇ам̣ баабун̣и. арахад̇д̇апалзна сад̣̇д̇хим̣язва жа ид̣̇д̇хивигуб̣б̣анз жин̣н̣авасий ахоси. саа абарабхааг̇з сад̇т̇у яамагабаадихаарияагаран̣ад̣̇ивасз ‘‘ахам̣, бханд̇з, баадихаарияам̣ гариссаамий’’д̇и сийханаад̣̇ам̣ над̣̇и. сад̇т̇аа ид̣̇ам̣ гааран̣ам̣ адтуббад̇д̇им̣ гад̇ваа ж̇зд̇аванавихаарз нисинно бадибаадияаа бхигкунияо таананд̇арз табзнд̇о имам̣ т̇зрим̣ ид̣̇д̇химанд̇ийнам̣ аг̇г̇адтаанз табзсийд̇и.

    Sāpi yāvajīvaṃ kusalaṃ katvā tato cutā devaloke nibbattitvā imasmiṃ buddhuppāde sāvatthiyaṃ seṭṭhikule paṭisandhiṃ gaṇhi, nīluppalagabbhasamānavaṇṇatāya cassā uppalavaṇṇātveva nāmaṃ akaṃsu. Athassā vayappattakāle sakalajambudīparājāno ca seṭṭhino ca seṭṭhissa santikaṃ pahiṇiṃsu – ‘‘dhītaraṃ amhākaṃ detū’’ti . Apahiṇanto nāma nāhosi. Tato seṭṭhi cintesi – ‘‘ahaṃ sabbesaṃ manaṃ gahetuṃ na sakkhissāmi, upāyaṃ panekaṃ karissāmī’’ti dhītaraṃ pakkosāpetvā ‘‘pabbajituṃ amma sakkhissasī’’ti āha. Tassā pacchimabhavikattā pituvacanaṃ sīse āsittasatapākatelaṃ viya ahosi, tasmā pitaraṃ ‘‘pabbajissāmi, tātā’’ti āha. So tassā sakkāraṃ katvā bhikkhuniupassayaṃ netvā pabbājesi. Tassā acirapabbajitāya eva uposathāgāre kālavāro pāpuṇi. Sā dīpaṃ jāletvā uposathāgāraṃ sammajjitvā dīpasikhāya nimittaṃ gaṇhitvā punappunaṃ olokayamānā tejokasiṇārammaṇaṃ jhānaṃ nibbattetvā tadeva pādakaṃ katvā arahattaṃ pāpuṇi. Arahattaphalena saddhiṃyeva ca iddhivikubbane ciṇṇavasī ahosi. Sā aparabhāge satthu yamakapāṭihāriyakaraṇadivase ‘‘ahaṃ, bhante, pāṭihāriyaṃ karissāmī’’ti sīhanādaṃ nadi. Satthā idaṃ kāraṇaṃ aṭṭhuppattiṃ katvā jetavanavihāre nisinno paṭipāṭiyā bhikkhuniyo ṭhānantare ṭhapento imaṃ theriṃ iddhimantīnaṃ aggaṭṭhāne ṭhapesīti.

    бадаажаараат̇зрийвад̇т̇у

    Paṭācārātherīvatthu

    238. жад̇уд̇т̇з винаяад̇хараанам̣ яад̣̇ид̣̇ам̣ бадаажаараад̇и бадаажаараа т̇зрий винаяад̇хараанам̣ аг̇г̇аад̇и д̣̇ассзд̇и. саа гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз бадисанд̇хим̣ г̇ан̣хид̇ваа абарабхааг̇з сад̇т̇у д̇хаммад̣̇зсанам̣ сун̣анд̇ий сад̇т̇аарам̣ згам̣ бхигкуним̣ винаяад̇хараанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа яааваж̇ийвам̣ гусалам̣ гад̇ваа д̣̇звамануссзсу сам̣сарид̇ваа гассабаб̣уд̣̇д̇хагаалз гигисса гаасиран̃н̃о г̇зхз бадисанд̇хим̣ г̇ан̣хид̇ваа сад̇д̇аннам̣ бхаг̇инийнам̣ аб̣бханд̇араа худ̇ваа вийсад̇и вассасахассаани б̣рахмажарияам̣ жарид̇ваа бхигкусан̇гхасса баривзн̣ам̣ гад̇ваа буна д̣̇звалогз ниб̣б̣ад̇д̇ид̇ваа згам̣ б̣уд̣̇д̇ханд̇арам̣ самбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ сздтиг̇зхз бадисанд̇хим̣ г̇ан̣хи.

    238. Catutthe vinayadharānaṃ yadidaṃ paṭācārāti paṭācārā therī vinayadharānaṃ aggāti dasseti. Sā kira padumuttarabuddhakāle haṃsavatiyaṃ kulagehe paṭisandhiṃ gaṇhitvā aparabhāge satthu dhammadesanaṃ suṇantī satthāraṃ ekaṃ bhikkhuniṃ vinayadharānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā yāvajīvaṃ kusalaṃ katvā devamanussesu saṃsaritvā kassapabuddhakāle kikissa kāsirañño gehe paṭisandhiṃ gaṇhitvā sattannaṃ bhaginīnaṃ abbhantarā hutvā vīsati vassasahassāni brahmacariyaṃ caritvā bhikkhusaṅghassa pariveṇaṃ katvā puna devaloke nibbattitvā ekaṃ buddhantaraṃ sampattiṃ anubhavitvā imasmiṃ buddhuppāde sāvatthiyaṃ seṭṭhigehe paṭisandhiṃ gaṇhi.

    саа абарабхааг̇з ваяаббад̇д̇аа ад̇д̇ано г̇зхз згзна гаммагаарзна сад̣̇д̇хим̣ сант̇авам̣ гад̇ваа абарабхааг̇з ад̇д̇ано самаанаж̇аад̇игам̣ гулам̣ г̇ажчанд̇ий гад̇асант̇авасса бурисасса сан̃н̃ам̣ ад̣̇ааси – ‘‘на д̇вам̣ свз бадтааяа мам̣ бадихаарасад̇знаби д̣̇адтум̣ лабхиссаси, сажз д̇з гаммам̣ ад̇т̇и, ид̣̇аани мам̣ г̇ан̣хид̇ваа г̇ажчаахий’’д̇и. со ‘‘звам̣ ход̇уу’’д̇и анужчавигам̣ хад̇т̇асаарам̣ г̇ахзд̇ваа д̇ам̣ аад̣̇ааяа наг̇арад̇о д̇ийн̣и жад̇д̇аари яож̇анаани бадиггамид̇ваа згасмим̣ г̇аамагз ваасам̣ габбзси.

    Sā aparabhāge vayappattā attano gehe ekena kammakārena saddhiṃ santhavaṃ katvā aparabhāge attano samānajātikaṃ kulaṃ gacchantī katasanthavassa purisassa saññaṃ adāsi – ‘‘na tvaṃ sve paṭṭhāya maṃ paṭihārasatenapi daṭṭhuṃ labhissasi, sace te kammaṃ atthi, idāni maṃ gaṇhitvā gacchāhī’’ti. So ‘‘evaṃ hotū’’ti anucchavikaṃ hatthasāraṃ gahetvā taṃ ādāya nagarato tīṇi cattāri yojanāni paṭikkamitvā ekasmiṃ gāmake vāsaṃ kappesi.

    ат̇а абарабхааг̇з д̇ассаа гужчияам̣ г̇аб̣бхо бад̇идтааси. саа г̇аб̣бхз барибаггз ‘‘ид̣̇ам̣ амхаагам̣ анаат̇адтаанам̣, гулаг̇зхам̣ г̇ажчаама саамий’’д̇и ааха. со ‘‘аж̇ж̇а г̇ажчаама, свз г̇ажчаамаа’’д̇и г̇анд̇ум̣ асаггонд̇о гаалам̣ вийд̇инаамзси. саа д̇асса гааран̣ам̣ н̃ад̇ваа ‘‘нааяам̣ б̣аало мам̣ нзссад̇ий’’д̇и д̇асмим̣ б̣ахи г̇ад̇з ‘‘згигаава гулаг̇зхам̣ г̇амиссаамий’’д̇и маг̇г̇ам̣ бадибаж̇ж̇и. со ааг̇анд̇ваа д̇ам̣ г̇зхз абассанд̇о бадивиссагз бужчид̇ваа ‘‘гулаг̇зхам̣ г̇ад̇аа’’д̇и суд̇ваа ‘‘мам̣ ниссааяа гулад̇хийд̇аа анаат̇аа ж̇аад̇аа’’д̇и бад̣̇аанубад̣̇игам̣ г̇анд̇ваа самбаабун̣и. д̇ассаа анд̇араамаг̇г̇зва г̇аб̣бхавудтаанам̣ ахоси. д̇ад̇о ‘‘яассад̇т̇ааяа маяам̣ г̇ажчзяяаама, со ад̇т̇о анд̇араамаг̇г̇зва нибпанно, ид̣̇аани г̇анд̇ваа гим̣ гариссаамаа’’д̇и бадинивад̇д̇им̣су. буна д̇ассаа гужчияам̣ г̇аб̣бхо бад̇идтаасийд̇и буриманаязнзва вид̇т̇аарзд̇аб̣б̣ам̣.

    Atha aparabhāge tassā kucchiyaṃ gabbho patiṭṭhāsi. Sā gabbhe paripakke ‘‘idaṃ amhākaṃ anāthaṭṭhānaṃ, kulagehaṃ gacchāma sāmī’’ti āha. So ‘‘ajja gacchāma, sve gacchāmā’’ti gantuṃ asakkonto kālaṃ vītināmesi. Sā tassa kāraṇaṃ ñatvā ‘‘nāyaṃ bālo maṃ nessatī’’ti tasmiṃ bahi gate ‘‘ekikāva kulagehaṃ gamissāmī’’ti maggaṃ paṭipajji. So āgantvā taṃ gehe apassanto paṭivissake pucchitvā ‘‘kulagehaṃ gatā’’ti sutvā ‘‘maṃ nissāya kuladhītā anāthā jātā’’ti padānupadikaṃ gantvā sampāpuṇi. Tassā antarāmaggeva gabbhavuṭṭhānaṃ ahosi. Tato ‘‘yassatthāya mayaṃ gaccheyyāma, so attho antarāmaggeva nipphanno, idāni gantvā kiṃ karissāmā’’ti paṭinivattiṃsu. Puna tassā kucchiyaṃ gabbho patiṭṭhāsīti purimanayeneva vitthāretabbaṃ.

    анд̇араамаг̇г̇з банассаа г̇аб̣бхавудтаанз ж̇аад̇амад̇д̇зязва жад̇уусу д̣̇исаасу махаамзгхо удтахи. саа д̇ам̣ бурисам̣ ааха – ‘‘саами, авзлааяа жад̇уусу д̣̇исаасу мзгхо удтид̇о, ад̇д̇ано васанадтаанам̣ гаад̇ум̣ вааяамаахий’’д̇и. со ‘‘звам̣ гариссаамий’’д̇и д̣̇ан̣д̣агзхи гудигам̣ гад̇ваа ‘‘чад̣̇анад̇т̇ааяа д̇ин̣ам̣ аахариссаамий’’д̇и згасмим̣ махааваммигабаад̣̇з д̇ин̣ам̣ чинд̣̇ад̇и. ат̇а нам̣ ваммигз нибанно ган̣хасаббо баад̣̇з д̣ам̣си, со д̇асмим̣язва таанз бад̇ид̇о. сааби ‘‘ид̣̇аани ааг̇амиссад̇и, ид̣̇аани ааг̇амиссад̇ий’’д̇и саб̣б̣арад̇д̇им̣ кзбзд̇ваа ‘‘ад̣̇д̇хаа мам̣ со ‘анаат̇аа зсаа’д̇и маг̇г̇з чад̣д̣зд̇ваа г̇ад̇о бхависсад̇ий’’д̇и аалогз сан̃ж̇аад̇з бад̣̇аанусаарзна ологзнд̇ий ваммигабаад̣̇з бад̇ид̇ам̣ д̣̇исваа ‘‘мам̣ ниссааяа надто бурисо’’д̇и барид̣̇звид̇ваа д̣̇ахарад̣̇аарагам̣ бассзнаад̣̇ааяа махаллагам̣ ан̇г̇улийхи г̇аахаабзд̇ваа маг̇г̇зна г̇ажчанд̇ий анд̇араамаг̇г̇з згам̣ уд̇д̇аананад̣̇им̣ д̣̇исваа ‘‘д̣̇взби д̣̇аарагз згаббахаарзнзва аад̣̇ааяа г̇анд̇ум̣ на сагкиссаамий’’д̇и ж̇здтагам̣ оримад̇ийрз табзд̇ваа д̣̇ахарам̣ барад̇ийрам̣ нзд̇ваа билод̇игажумб̣адагз нибаж̇ж̇аабзд̇ваа буна нивад̇д̇ид̇ваа ‘‘ид̇арам̣ г̇ахзд̇ваа г̇амиссаамий’’д̇и над̣̇им̣ од̇ари.

    Antarāmagge panassā gabbhavuṭṭhāne jātamatteyeva catūsu disāsu mahāmegho uṭṭhahi. Sā taṃ purisaṃ āha – ‘‘sāmi, avelāya catūsu disāsu megho uṭṭhito, attano vasanaṭṭhānaṃ kātuṃ vāyamāhī’’ti. So ‘‘evaṃ karissāmī’’ti daṇḍakehi kuṭikaṃ katvā ‘‘chadanatthāya tiṇaṃ āharissāmī’’ti ekasmiṃ mahāvammikapāde tiṇaṃ chindati. Atha naṃ vammike nipanno kaṇhasappo pāde ḍaṃsi, so tasmiṃyeva ṭhāne patito. Sāpi ‘‘idāni āgamissati, idāni āgamissatī’’ti sabbarattiṃ khepetvā ‘‘addhā maṃ so ‘anāthā esā’ti magge chaḍḍetvā gato bhavissatī’’ti āloke sañjāte padānusārena olokentī vammikapāde patitaṃ disvā ‘‘maṃ nissāya naṭṭho puriso’’ti paridevitvā daharadārakaṃ passenādāya mahallakaṃ aṅgulīhi gāhāpetvā maggena gacchantī antarāmagge ekaṃ uttānanadiṃ disvā ‘‘dvepi dārake ekappahāreneva ādāya gantuṃ na sakkhissāmī’’ti jeṭṭhakaṃ orimatīre ṭhapetvā daharaṃ paratīraṃ netvā pilotikacumbaṭake nipajjāpetvā puna nivattitvā ‘‘itaraṃ gahetvā gamissāmī’’ti nadiṃ otari.

    ат̇ассаа над̣̇иймаж̇жхам̣ бад̇д̇агаалз зго сзно ‘‘мам̣сабин̣д̣о аяа’’нд̇и сан̃н̃ааяа д̣̇аарагам̣ виж̇жхид̇ум̣ ааг̇ажчад̇и. саа хад̇т̇ам̣ басаарзд̇ваа сзнам̣ балаабзси. д̇ассаа д̇ам̣ хад̇т̇авигаарам̣ д̣̇исваа махаллагад̣̇аараго ‘‘мам̣ баггосад̇ий’’д̇и сан̃н̃ааяа над̣̇им̣ од̇арид̇ваа сод̇з бад̇ид̇о яат̇аасод̇ам̣ аг̇амааси . соби сзно д̇ассаа асамбад̇д̇ааяа зва д̇ам̣ д̣̇ахарад̣̇аарагам̣ г̇ан̣хид̇ваа аг̇амааси. саа б̣алавасогаабхибхууд̇аа анд̇араамаг̇г̇з имам̣ вилаабаг̇ийд̇ам̣ г̇ааяанд̇ий г̇ажчад̇и –

    Athassā nadīmajjhaṃ pattakāle eko seno ‘‘maṃsapiṇḍo aya’’nti saññāya dārakaṃ vijjhituṃ āgacchati. Sā hatthaṃ pasāretvā senaṃ palāpesi. Tassā taṃ hatthavikāraṃ disvā mahallakadārako ‘‘maṃ pakkosatī’’ti saññāya nadiṃ otaritvā sote patito yathāsotaṃ agamāsi . Sopi seno tassā asampattāya eva taṃ daharadārakaṃ gaṇhitvā agamāsi. Sā balavasokābhibhūtā antarāmagge imaṃ vilāpagītaṃ gāyantī gacchati –

    ‘‘убхо буд̇д̇аа гаалан̇гад̇аа, бант̇з маяхам̣ бад̇ий мад̇о’’д̇и.

    ‘‘Ubho puttā kālaṅkatā, panthe mayhaṃ patī mato’’ti.

    саа звам̣ вилабамаанаава саавад̇т̇им̣ бад̇ваа гуласабхааг̇ам̣ г̇анд̇вааби согавасзнзва ад̇д̇ано г̇зхам̣ вавад̇т̇абзд̇ум̣ асаггонд̇ий ‘‘имасмим̣ таанз звам̣вид̇хам̣ наама гулам̣ ад̇т̇и, гад̇арам̣ д̇ам̣ г̇зха’’нд̇и бадибужчи. д̇вам̣ д̇ам̣ гулам̣ бадибужчид̇ваа гим̣ гариссаси? д̇зсам̣ васанаг̇зхам̣ ваад̇аббахаарзна бад̇ид̇ам̣, д̇ад̇т̇зва д̇з саб̣б̣зби ж̇ийвид̇агкаяам̣ бад̇д̇аа, ат̇а нз куд̣̇д̣̇агамахаллагз згажид̇агасмим̣язва жхаабзнд̇и, басса зсаа д̇хуумавадди бан̃н̃ааяад̇ийд̇и. саа д̇ам̣ гат̇ам̣ суд̇ваава гим̣ д̇умхз вад̣̇ат̇аа’’д̇и ад̇д̇ано нивад̇т̇асаадагам̣ санд̇хаарзд̇ум̣ асаггонд̇ий ж̇аад̇анияаамзнзва б̣аахаа баг̇г̇аяха ганд̣̇амаанаа н̃аад̇ийнам̣ жид̇агадтаанам̣ г̇анд̇ваа д̇ам̣ вилаабаг̇ийд̇ам̣ барибун̣н̣ам̣ гад̇ваа барид̣̇звамаанаа –

    Sā evaṃ vilapamānāva sāvatthiṃ patvā kulasabhāgaṃ gantvāpi sokavaseneva attano gehaṃ vavatthapetuṃ asakkontī ‘‘imasmiṃ ṭhāne evaṃvidhaṃ nāma kulaṃ atthi, kataraṃ taṃ geha’’nti paṭipucchi. Tvaṃ taṃ kulaṃ paṭipucchitvā kiṃ karissasi? Tesaṃ vasanagehaṃ vātappahārena patitaṃ, tattheva te sabbepi jīvitakkhayaṃ pattā, atha ne khuddakamahallake ekacitakasmiṃyeva jhāpenti, passa esā dhūmavaṭṭi paññāyatīti. Sā taṃ kathaṃ sutvāva kiṃ tumhe vadathā’’ti attano nivatthasāṭakaṃ sandhāretuṃ asakkontī jātaniyāmeneva bāhā paggayha kandamānā ñātīnaṃ citakaṭṭhānaṃ gantvā taṃ vilāpagītaṃ paripuṇṇaṃ katvā paridevamānā –

    ‘‘убхо буд̇д̇аа гаалан̇гад̇аа, бант̇з маяхам̣ бад̇ий мад̇о;

    ‘‘Ubho puttā kālaṅkatā, panthe mayhaṃ patī mato;

    маад̇аа бид̇аа жа бхаад̇аа жа, згажид̇агасмим̣ д̣аяхарз’’д̇и. –

    Mātā pitā ca bhātā ca, ekacitakasmiṃ ḍayhare’’ti. –

    ааха. ан̃н̃зна ж̇анзна саадагам̣ д̣̇иннамби паалзд̇ваа паалзд̇ваа чад̣д̣зд̇и. ат̇а нам̣ д̣̇идтад̣̇идтадтаанз махааж̇ано бариваарзд̇ваа жарад̇и. ат̇ассаа ‘‘аяам̣ бадаажаарам̣ бадабарихаран̣ам̣ винаа жарад̇ий’’д̇и бадаажаараад̇зва наамам̣ агам̣су. яасмаа жассаа со наг̇г̇абхаавзна алаж̇ж̇ийаажааро баагадо ахоси, д̇асмаа бад̇ид̇о аажааро ассаад̇и бадаажаараад̇взва наамам̣ агам̣су.

    Āha. Aññena janena sāṭakaṃ dinnampi phāletvā phāletvā chaḍḍeti. Atha naṃ diṭṭhadiṭṭhaṭṭhāne mahājano parivāretvā carati. Athassā ‘‘ayaṃ paṭācāraṃ paṭapariharaṇaṃ vinā caratī’’ti paṭācārāteva nāmaṃ akaṃsu. Yasmā cassā so naggabhāvena alajjīācāro pākaṭo ahosi, tasmā patito ācāro assāti paṭācārātveva nāmaṃ akaṃsu.

    саа згад̣̇ивасам̣ сад̇т̇ари махааж̇анасса д̇хаммам̣ д̣̇зсзнд̇з вихаарам̣ бависид̇ваа барисабарияанд̇з адтааси. сад̇т̇аа мзд̇д̇аапаран̣зна парид̇ваа ‘‘сад̇им̣ бадилабха, бхаг̇ини, сад̇им̣ бадилабха, бхаг̇иний’’д̇и ааха. д̇ассаа сад̇т̇у важанам̣ суд̇ваа б̣алавахирод̇д̇аббам̣ ааг̇ад̇ам̣, саа д̇ад̇т̇зва бхуумияам̣ нисийд̣̇и. авид̣̇уурз тид̇о бурисо уд̇д̇арисаадагам̣ кибид̇ваа ад̣̇ааси. саа д̇ам̣ ниваасзд̇ваа д̇хаммам̣ ассоси. сад̇т̇аа д̇ассаа жарияавасзна имаа д̇хаммабад̣̇з г̇аат̇аа ааха –

    Sā ekadivasaṃ satthari mahājanassa dhammaṃ desente vihāraṃ pavisitvā parisapariyante aṭṭhāsi. Satthā mettāpharaṇena pharitvā ‘‘satiṃ paṭilabha, bhagini, satiṃ paṭilabha, bhaginī’’ti āha. Tassā satthu vacanaṃ sutvā balavahirottappaṃ āgataṃ, sā tattheva bhūmiyaṃ nisīdi. Avidūre ṭhito puriso uttarisāṭakaṃ khipitvā adāsi. Sā taṃ nivāsetvā dhammaṃ assosi. Satthā tassā cariyavasena imā dhammapade gāthā āha –

    ‘‘на санд̇и буд̇д̇аа д̇аан̣ааяа, на бид̇аа нааби б̣анд̇хаваа;

    ‘‘Na santi puttā tāṇāya, na pitā nāpi bandhavā;

    анд̇агзнаад̇хибаннасса, над̇т̇и н̃аад̇ийсу д̇аан̣ад̇аа.

    Antakenādhipannassa, natthi ñātīsu tāṇatā.

    ‘‘зд̇амад̇т̇авасам̣ н̃ад̇ваа, бан̣д̣ид̇о сийласам̣вуд̇о;

    ‘‘Etamatthavasaṃ ñatvā, paṇḍito sīlasaṃvuto;

    ниб̣б̣аанаг̇аманам̣ маг̇г̇ам̣, киббамзва висод̇хаяз’’д̇и. (д̇ха. ба. 288-289);

    Nibbānagamanaṃ maggaṃ, khippameva visodhaye’’ti. (dha. pa. 288-289);

    саа г̇аат̇аабарияосаанз яат̇аатид̇аава сод̇аабад̇д̇ипалз бад̇идтааяа сад̇т̇аарам̣ убасан̇гамид̇ваа ванд̣̇ид̇ваа баб̣б̣аж̇ж̇ам̣ яаажи. сад̇т̇аа ‘‘д̇ассаа бхигкуниубассаяам̣ г̇анд̇ваа баб̣б̣аж̇аа’’д̇и баб̣б̣аж̇ж̇ам̣ самбадижчи. саа баб̣б̣аж̇ид̇ваа нажирассзва арахад̇д̇ам̣ бад̇ваа б̣уд̣̇д̇хаважанам̣ г̇ан̣ханд̇ий винаяабидагз жин̣н̣авасий ахоси. абарабхааг̇з сад̇т̇аа ж̇зд̇аванз нисинно бхигкунияо бадибаадияаа таананд̇арз табзнд̇о бадаажаарам̣ винаяад̇хараанам̣ аг̇г̇адтаанз табзсийд̇и.

    Sā gāthāpariyosāne yathāṭhitāva sotāpattiphale patiṭṭhāya satthāraṃ upasaṅkamitvā vanditvā pabbajjaṃ yāci. Satthā ‘‘tassā bhikkhuniupassayaṃ gantvā pabbajā’’ti pabbajjaṃ sampaṭicchi. Sā pabbajitvā nacirasseva arahattaṃ patvā buddhavacanaṃ gaṇhantī vinayapiṭake ciṇṇavasī ahosi. Aparabhāge satthā jetavane nisinno bhikkhuniyo paṭipāṭiyā ṭhānantare ṭhapento paṭācāraṃ vinayadharānaṃ aggaṭṭhāne ṭhapesīti.

    д̇хаммад̣̇иннаат̇зрийвад̇т̇у

    Dhammadinnātherīvatthu

    239. бан̃жамз д̇хаммагат̇игаананд̇и д̇хаммагат̇игаанам̣ бхигкунийнам̣ д̇хаммад̣̇иннаа аг̇г̇аад̇и д̣̇ассзд̇и. саа гира бад̣̇умуд̇д̇араб̣уд̣̇д̇хагаалз хам̣савад̇ияам̣ барааяад̇д̇адтаанз ниб̣б̣ад̇д̇ид̇ваа бад̣̇умуд̇д̇арасса бхаг̇авад̇о аг̇г̇асаавагасса суж̇аад̇ад̇т̇зрасса ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа яааваж̇ийвам̣ гусалам̣ гад̇ваа саг̇г̇з ниб̣б̣ад̇д̇и. саб̣б̣ам̣ хздтаа кзмаат̇зрияаа абхинийхааравасзнзва взд̣̇ид̇аб̣б̣ам̣. пуссаб̣уд̣̇д̇хагаалз банзсаа сад̇т̇у взмаад̇игаанам̣ д̇ин̣н̣ам̣ бхаад̇игаанам̣ д̣̇аанаад̇хигаарз табид̇агаммигасса г̇зхз васамаанаа ‘‘згам̣ д̣̇зхий’’д̇и вуд̇д̇аа д̣̇вз ад̣̇ааси. звам̣ саб̣б̣ам̣ абарихаабзнд̇ий д̣̇ад̇ваа д̣̇взнавуд̇игаббз ад̇иггамма гассабаб̣уд̣̇д̇хагаалз гигисса гаасиран̃н̃о г̇зхз бадисанд̇хим̣ г̇ан̣хид̇ваа сад̇д̇аннам̣ бхаг̇инийнам̣ аб̣бханд̇араа худ̇ваа вийсад̇и вассасахассаани б̣рахмажарияам̣ жарид̇ваа бхигкусан̇гхасса васанабаривзн̣ам̣ гаарзд̇ваа згам̣ б̣уд̣̇д̇ханд̇арам̣ д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з гулаг̇зхз бадисанд̇хим̣ г̇ан̣хид̇ваа абарабхааг̇з висаакасздтино г̇зхам̣ г̇ад̇аа. висаакасздти наама б̣имб̣исаарасса сахааяаго ран̃н̃аа сад̣̇д̇хим̣ д̣̇асаб̣аласса батамад̣̇ассанам̣ г̇анд̇ваа д̇хаммам̣ суд̇ваа сод̇аабад̇д̇ипалз бад̇идтид̇о, абарабхааг̇з анааг̇аамипалам̣ сажчаагааси.

    239. Pañcame dhammakathikānanti dhammakathikānaṃ bhikkhunīnaṃ dhammadinnā aggāti dasseti. Sā kira padumuttarabuddhakāle haṃsavatiyaṃ parāyattaṭṭhāne nibbattitvā padumuttarassa bhagavato aggasāvakassa sujātattherassa adhikārakammaṃ katvā taṃ ṭhānantaraṃ patthesi. Sā yāvajīvaṃ kusalaṃ katvā sagge nibbatti. Sabbaṃ heṭṭhā khemātheriyā abhinīhāravaseneva veditabbaṃ. Phussabuddhakāle panesā satthu vemātikānaṃ tiṇṇaṃ bhātikānaṃ dānādhikāre ṭhapitakammikassa gehe vasamānā ‘‘ekaṃ dehī’’ti vuttā dve adāsi. Evaṃ sabbaṃ aparihāpentī datvā dvenavutikappe atikkamma kassapabuddhakāle kikissa kāsirañño gehe paṭisandhiṃ gaṇhitvā sattannaṃ bhaginīnaṃ abbhantarā hutvā vīsati vassasahassāni brahmacariyaṃ caritvā bhikkhusaṅghassa vasanapariveṇaṃ kāretvā ekaṃ buddhantaraṃ devamanussesu saṃsarantī imasmiṃ buddhuppāde kulagehe paṭisandhiṃ gaṇhitvā aparabhāge visākhaseṭṭhino gehaṃ gatā. Visākhaseṭṭhi nāma bimbisārassa sahāyako raññā saddhiṃ dasabalassa paṭhamadassanaṃ gantvā dhammaṃ sutvā sotāpattiphale patiṭṭhito, aparabhāge anāgāmiphalaṃ sacchākāsi.

    со д̇ам̣д̣̇ивасам̣ гхарам̣ г̇анд̇ваа собаанамад̇т̇агз тид̇ааяа д̇хаммад̣̇иннааяа хад̇т̇з басаарид̇з хад̇т̇ам̣ анааламб̣ид̇ваава баасаад̣̇ам̣ абхирухи. бхун̃ж̇амааноби ‘‘имам̣ д̣̇зт̇а, имам̣ харат̇аа’’д̇и на б̣яаахари. д̇хаммад̣̇иннаа гадажчум̣ г̇ахзд̇ваа баривисамаанаа жинд̇зси – ‘‘аяам̣ мз хад̇т̇ааламб̣агам̣ д̣̇знд̇ияааби хад̇т̇ам̣ на ааламб̣и, бхун̃ж̇амааноби гин̃жи на гат̇зд̇и, го ну ко маяхам̣ д̣̇осо’’д̇и? ат̇а нам̣ бхуд̇д̇аавим̣ ‘‘го ну ко мз, аяяа, д̣̇осо’’д̇и бужчи. д̇хаммад̣̇иннз д̇уяхам̣ д̣̇осо над̇т̇и, ахам̣ бана аж̇ж̇а бадтааяа сант̇ававасзна д̇умхаагам̣ санд̇игз нисийд̣̇ид̇ум̣ ваа таад̇ум̣ ваа аахараабзд̇ваа каад̣̇ид̇ум̣ ваа бхун̃ж̇ид̇ум̣ ваа абхаб̣б̣о. д̇вам̣ сажз ижчаси, имасмим̣ г̇зхз васа. но жз ижчаси, яад̇д̇агзна д̇з д̇ханзна ад̇т̇о, д̇ам̣ г̇ан̣хид̇ваа гулагхарам̣ г̇ажчаахийд̇и. аяяабуд̇д̇а, звам̣ санд̇з ахам̣ д̇умхзхи чад̣д̣ид̇акзл̣ам̣ вамид̇аваманам̣ сийсзна угкибид̇ваа на жариссаами, маяхам̣ баб̣б̣аж̇ж̇ам̣ ануж̇аанаат̇аад̇и. висаако ‘‘саад̇ху, д̇хаммад̣̇иннз’’д̇и ран̃н̃о аарожзд̇ваа д̇хаммад̣̇иннам̣ суван̣н̣асивигааяа бхигкуниубассаяам̣ баб̣б̣аж̇ж̇ад̇т̇ааяа бзсзси.

    So taṃdivasaṃ gharaṃ gantvā sopānamatthake ṭhitāya dhammadinnāya hatthe pasārite hatthaṃ anālambitvāva pāsādaṃ abhiruhi. Bhuñjamānopi ‘‘imaṃ detha, imaṃ harathā’’ti na byāhari. Dhammadinnā kaṭacchuṃ gahetvā parivisamānā cintesi – ‘‘ayaṃ me hatthālambakaṃ dentiyāpi hatthaṃ na ālambi, bhuñjamānopi kiñci na katheti, ko nu kho mayhaṃ doso’’ti? Atha naṃ bhuttāviṃ ‘‘ko nu kho me, ayya, doso’’ti pucchi. Dhammadinne tuyhaṃ doso natthi, ahaṃ pana ajja paṭṭhāya santhavavasena tumhākaṃ santike nisīdituṃ vā ṭhātuṃ vā āharāpetvā khādituṃ vā bhuñjituṃ vā abhabbo. Tvaṃ sace icchasi, imasmiṃ gehe vasa. No ce icchasi, yattakena te dhanena attho, taṃ gaṇhitvā kulagharaṃ gacchāhīti. Ayyaputta, evaṃ sante ahaṃ tumhehi chaḍḍitakheḷaṃ vamitavamanaṃ sīsena ukkhipitvā na carissāmi, mayhaṃ pabbajjaṃ anujānāthāti. Visākho ‘‘sādhu, dhammadinne’’ti rañño ārocetvā dhammadinnaṃ suvaṇṇasivikāya bhikkhuniupassayaṃ pabbajjatthāya pesesi.

    саа баб̣б̣аж̇ид̇ваа жинд̇зси – ‘‘аяам̣ д̇аава сздти гхарамаж̇жхз тид̇ова д̣̇угкассанд̇ам̣ агааси, баб̣б̣аж̇ж̇ам̣ лад̣̇д̇хагаалад̇о бадтааяа бана маяааби д̣̇угкассанд̇ам̣ гаад̇ум̣ ваддад̇ий’’д̇и аажарияубаж̇жхааяаанам̣ санд̇игам̣ г̇анд̇ваа, ‘‘аяяз, маяхам̣ аагин̣н̣адтаанз жид̇д̇ам̣ на рамад̇и, г̇аамагааваасам̣ г̇ажчаамий’’д̇и ааха. т̇зрияо д̇ассаа махаагулаа нигкамма баб̣б̣аж̇ид̇абхаавзна жид̇д̇ам̣ ваарзд̇ум̣ асаггонд̇ияо д̇ам̣ г̇ахзд̇ваа г̇аамагааваасам̣ аг̇амам̣су. саа ад̇ийд̇з мад̣̇д̣̇ид̇асан̇каарад̇ааяа нажирассзва саха бадисамбхид̣̇аахи арахад̇д̇ам̣ баабун̣и. ат̇ассаа зд̇ад̣̇ахоси – ‘‘маяхам̣ гижжам̣ мад̇т̇агам̣ бад̇д̇ам̣, ид̇ха васид̇ваа гим̣ гариссаами, рааж̇аг̇ахамзва г̇ажчаами, д̇ад̇ра мам̣ ниссааяа б̣аху н̃аад̇исан̇гхо бун̃н̃аани гариссад̇ий’’д̇и т̇зрияо г̇ахзд̇ваа наг̇арамзва бажжааг̇ад̇аа.

    Sā pabbajitvā cintesi – ‘‘ayaṃ tāva seṭṭhi gharamajjhe ṭhitova dukkhassantaṃ akāsi, pabbajjaṃ laddhakālato paṭṭhāya pana mayāpi dukkhassantaṃ kātuṃ vaṭṭatī’’ti ācariyupajjhāyānaṃ santikaṃ gantvā, ‘‘ayye, mayhaṃ ākiṇṇaṭṭhāne cittaṃ na ramati, gāmakāvāsaṃ gacchāmī’’ti āha. Theriyo tassā mahākulā nikkhamma pabbajitabhāvena cittaṃ vāretuṃ asakkontiyo taṃ gahetvā gāmakāvāsaṃ agamaṃsu. Sā atīte madditasaṅkhāratāya nacirasseva saha paṭisambhidāhi arahattaṃ pāpuṇi. Athassā etadahosi – ‘‘mayhaṃ kiccaṃ matthakaṃ pattaṃ, idha vasitvā kiṃ karissāmi, rājagahameva gacchāmi, tatra maṃ nissāya bahu ñātisaṅgho puññāni karissatī’’ti theriyo gahetvā nagarameva paccāgatā.

    висаако д̇ассаа ааг̇ад̇абхаавам̣ н̃ад̇ваа ‘‘сийгхам̣ ааг̇ад̇аа угган̣тид̇аа ну ко бхависсад̇ий’’д̇и сааяанхасамаяз д̇ассаа санд̇игам̣ г̇анд̇ваа абхиваад̣̇зд̇ваа згаманд̇ам̣ нисинно ‘‘угган̣тид̇абхаавам̣ бужчид̇ум̣ аяуд̇д̇а’’нд̇и бан̃жагканд̇хаад̣̇ивасзна бан̃хз бужчи, д̇хаммад̣̇иннаа каг̇г̇зна уббаланаалам̣ чинд̣̇анд̇ий вияа бужчид̇ам̣ бужчид̇ам̣ виссаж̇ж̇зси. убаасаго д̇хаммад̣̇иннаат̇зрияаа н̃аан̣асса суурабхаавам̣ н̃ад̇ваа ад̇д̇ано ад̇хиг̇ад̇адтаанз бадибаадияаа д̇ийсу маг̇г̇зсу саб̣б̣аагаарзна бан̃хз бужчид̇ваа уг̇г̇ахавасзна арахад̇д̇амаг̇г̇зби бужчи. д̇хаммад̣̇иннаат̇зрийби убаасагасса яаава анааг̇аамипалаава висаяабхаавам̣ н̃ад̇ваа ‘‘ид̣̇аани ад̇д̇ано висаяам̣ ад̇иггамид̇ваа д̇хаавад̇ий’’д̇и д̇ам̣ нивад̇д̇знд̇ий ‘‘ажжасараа, аавусо висаака, бан̃хз, наасагки бан̃хаанам̣ барияанд̇ам̣ г̇ахзд̇ум̣, ниб̣б̣ааног̇ад̇хан̃хи , аавусо висаака, б̣рахмажарияам̣ ниб̣б̣аанабарааяан̣ам̣ ниб̣б̣аанабарияосаанам̣. ааган̇камаано жа д̇вам̣, аавусо висаака, бхаг̇аванд̇ам̣ убасан̇гамид̇ваа зд̇амад̇т̇ам̣ бужчзяяааси. яат̇аа жа д̇з бхаг̇аваа б̣яаагарод̇и, д̇ат̇аа нам̣ д̇хаарзяяаасий’’д̇и (ма. ни. 1.466) ааха.

    Visākho tassā āgatabhāvaṃ ñatvā ‘‘sīghaṃ āgatā ukkaṇṭhitā nu kho bhavissatī’’ti sāyanhasamaye tassā santikaṃ gantvā abhivādetvā ekamantaṃ nisinno ‘‘ukkaṇṭhitabhāvaṃ pucchituṃ ayutta’’nti pañcakkhandhādivasena pañhe pucchi, dhammadinnā khaggena uppalanālaṃ chindantī viya pucchitaṃ pucchitaṃ vissajjesi. Upāsako dhammadinnātheriyā ñāṇassa sūrabhāvaṃ ñatvā attano adhigataṭṭhāne paṭipāṭiyā tīsu maggesu sabbākārena pañhe pucchitvā uggahavasena arahattamaggepi pucchi. Dhammadinnātherīpi upāsakassa yāva anāgāmiphalāva visayabhāvaṃ ñatvā ‘‘idāni attano visayaṃ atikkamitvā dhāvatī’’ti taṃ nivattentī ‘‘accasarā, āvuso visākha, pañhe, nāsakkhi pañhānaṃ pariyantaṃ gahetuṃ, nibbānogadhañhi , āvuso visākha, brahmacariyaṃ nibbānaparāyaṇaṃ nibbānapariyosānaṃ. Ākaṅkhamāno ca tvaṃ, āvuso visākha, bhagavantaṃ upasaṅkamitvā etamatthaṃ puccheyyāsi. Yathā ca te bhagavā byākaroti, tathā naṃ dhāreyyāsī’’ti (ma. ni. 1.466) āha.

    висаако сад̇т̇у санд̇игам̣ г̇анд̇ваа саб̣б̣ам̣ бужчаависсаж̇ж̇ананаяам̣ гат̇зси. сад̇т̇аа д̇асса важанам̣ суд̇ваа ‘‘мама д̇хийд̇ааяа ад̇ийд̇аанааг̇ад̇абажжуббаннзсу канд̇хзсу д̇ан̣хаа над̇т̇ий’’д̇и вад̇ваа д̇хаммабад̣̇з имам̣ г̇аат̇амааха –

    Visākho satthu santikaṃ gantvā sabbaṃ pucchāvissajjananayaṃ kathesi. Satthā tassa vacanaṃ sutvā ‘‘mama dhītāya atītānāgatapaccuppannesu khandhesu taṇhā natthī’’ti vatvā dhammapade imaṃ gāthamāha –

    ‘‘яасса бурз жа бажчаа жа, маж̇жхз жа над̇т̇и гин̃жанам̣;

    ‘‘Yassa pure ca pacchā ca, majjhe ca natthi kiñcanaṃ;

    агин̃жанам̣ анаад̣̇аанам̣, д̇амахам̣ б̣рууми б̣раахман̣а’’нд̇и. (д̇ха. ба. 421);

    Akiñcanaṃ anādānaṃ, tamahaṃ brūmi brāhmaṇa’’nti. (dha. pa. 421);

    д̇ад̇о д̇хаммад̣̇иннааяа саад̇хугаарам̣ д̣̇ад̇ваа висаакам̣ убаасагам̣ зд̇ад̣̇авожа – ‘‘бан̣д̣ид̇аа, висаака, д̇хаммад̣̇иннаа бхигкуний, махаабан̃н̃аа висаака, д̇хаммад̣̇иннаа бхигкуний. мам̣ жзби д̇вам̣, висаака, зд̇амад̇т̇ам̣ бужчзяяааси, ахамби д̇ам̣ звамзва б̣яаагарзяяам̣, яат̇аа д̇ам̣ д̇хаммад̣̇иннааяа бхигкунияаа б̣яаагад̇ам̣, зсо жзвзд̇асса ад̇т̇о, зван̃жа нам̣ д̇хаарзхий’’д̇и. звамзд̇ам̣ вад̇т̇у самудтид̇ам̣. абарабхааг̇з сад̇т̇аа ж̇зд̇аванз нисинно бадибаадияаа бхигкунияо таананд̇арз табзнд̇о ид̣̇амзва жуул̣авзд̣̇аллам̣ адтуббад̇д̇им̣ гад̇ваа т̇зрим̣ имасмим̣ саасанз д̇хаммагат̇игаанам̣ аг̇г̇адтаанз табзсийд̇и.

    Tato dhammadinnāya sādhukāraṃ datvā visākhaṃ upāsakaṃ etadavoca – ‘‘paṇḍitā, visākha, dhammadinnā bhikkhunī, mahāpaññā visākha, dhammadinnā bhikkhunī. Maṃ cepi tvaṃ, visākha, etamatthaṃ puccheyyāsi, ahampi taṃ evameva byākareyyaṃ, yathā taṃ dhammadinnāya bhikkhuniyā byākataṃ, eso cevetassa attho, evañca naṃ dhārehī’’ti. Evametaṃ vatthu samuṭṭhitaṃ. Aparabhāge satthā jetavane nisinno paṭipāṭiyā bhikkhuniyo ṭhānantare ṭhapento idameva cūḷavedallaṃ aṭṭhuppattiṃ katvā theriṃ imasmiṃ sāsane dhammakathikānaṃ aggaṭṭhāne ṭhapesīti.

    нанд̣̇аат̇зрийвад̇т̇у

    Nandātherīvatthu

    240. чадтз жхааяийнам̣ яад̣̇ид̣̇ам̣ нанд̣̇аад̇и жхаанаабхирад̇аанам̣, нанд̣̇аа т̇зрий, аг̇г̇аад̇и д̣̇ассзд̇и. саа гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз бадисанд̇хим̣ г̇ахзд̇ваа абарабхааг̇з сад̇т̇у д̇хаммам̣ сун̣анд̇ий сад̇т̇аарам̣ згам̣ бхигкуним̣ жхаанаабхирад̇аанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа д̇ад̇о габбасад̇асахассам̣ д̣̇звамануссзсу сам̣сарид̇ваа амхаагам̣ сад̇т̇у ниб̣б̣ад̇д̇ид̇о бурзд̇арамзва махаабаж̇аабад̇иг̇од̇амияаа гужчимхи бадисанд̇хим̣ г̇ан̣хи, нанд̣̇аад̇иссаа наамам̣ агам̣су. руубананд̣̇аад̇иби вужжад̇и. саа абарабхааг̇з уд̇д̇амаруубабхаавзна ж̇анабад̣̇агаляаан̣ий наама ж̇аад̇аа.

    240. Chaṭṭhe jhāyīnaṃ yadidaṃ nandāti jhānābhiratānaṃ, nandā therī, aggāti dasseti. Sā kira padumuttarabuddhakāle haṃsavatiyaṃ kulagehe paṭisandhiṃ gahetvā aparabhāge satthu dhammaṃ suṇantī satthāraṃ ekaṃ bhikkhuniṃ jhānābhiratānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā tato kappasatasahassaṃ devamanussesu saṃsaritvā amhākaṃ satthu nibbattito puretarameva mahāpajāpatigotamiyā kucchimhi paṭisandhiṃ gaṇhi, nandātissā nāmaṃ akaṃsu. Rūpanandātipi vuccati. Sā aparabhāge uttamarūpabhāvena janapadakalyāṇī nāma jātā.

    саа амхаагам̣ д̣̇асаб̣алз саб̣б̣ан̃н̃уд̇ам̣ бад̇ваа анубуб̣б̣зна габилавад̇т̇ум̣ ааг̇анд̇ваа нанд̣̇ан̃жа раахулан̃жа баб̣б̣ааж̇зд̇ваа багганд̇з суд̣̇д̇ход̣̇анамахаарааж̇асса бариниб̣б̣уд̇агаалз ‘‘махаабаж̇аабад̇иг̇од̇амий жа раахуламаад̇аа жа нигкамид̇ваа сад̇т̇у санд̇игз баб̣б̣аж̇ид̇аа’’д̇и н̃ад̇ваа ‘‘имаасам̣ баб̣б̣аж̇ид̇агаалад̇о бадтааяа маяхам̣ ид̇ха гим̣ гамма’’нд̇и махаабаж̇аабад̇ияаа санд̇игам̣ г̇анд̇ваа баб̣б̣аж̇и. баб̣б̣аж̇ид̇ад̣̇ивасад̇о бадтааяа ‘‘сад̇т̇аа руубам̣ г̇арахад̇ий’’д̇и сад̇т̇у убадтаанам̣ на г̇ажчад̇и, оваад̣̇аваарз самбад̇д̇з ан̃н̃ам̣ бзсзд̇ваа оваад̣̇ам̣ аахараабзд̇и. сад̇т̇аа д̇ассаа руубамад̣̇амад̇д̇абхаавам̣ н̃ад̇ваа ‘‘ад̇д̇ано оваад̣̇ам̣ ад̇д̇анаава ааг̇анд̇ваа г̇ан̣ханд̇у, на бхигкунийхи ан̃н̃аа бзсзд̇аб̣б̣аа’’д̇и ааха. д̇ад̇о руубананд̣̇аа ан̃н̃ам̣ маг̇г̇ам̣ абассанд̇ий агаамаа оваад̣̇ам̣ аг̇амааси.

    Sā amhākaṃ dasabale sabbaññutaṃ patvā anupubbena kapilavatthuṃ āgantvā nandañca rāhulañca pabbājetvā pakkante suddhodanamahārājassa parinibbutakāle ‘‘mahāpajāpatigotamī ca rāhulamātā ca nikkhamitvā satthu santike pabbajitā’’ti ñatvā ‘‘imāsaṃ pabbajitakālato paṭṭhāya mayhaṃ idha kiṃ kamma’’nti mahāpajāpatiyā santikaṃ gantvā pabbaji. Pabbajitadivasato paṭṭhāya ‘‘satthā rūpaṃ garahatī’’ti satthu upaṭṭhānaṃ na gacchati, ovādavāre sampatte aññaṃ pesetvā ovādaṃ āharāpeti. Satthā tassā rūpamadamattabhāvaṃ ñatvā ‘‘attano ovādaṃ attanāva āgantvā gaṇhantu, na bhikkhunīhi aññā pesetabbā’’ti āha. Tato rūpanandā aññaṃ maggaṃ apassantī akāmā ovādaṃ agamāsi.

    сад̇т̇аа д̇ассаа жарид̇авасзна ид̣̇д̇хияаа згам̣ ид̇т̇ируубам̣ нимминид̇ваа д̇аалаван̣дам̣ г̇ахзд̇ваа б̣ийж̇амаанам̣ вияа агааси. руубананд̣̇аа д̇ам̣ д̣̇исваа жинд̇зси – ‘‘ахам̣ агааран̣знзва бамад̇д̇аа худ̇ваа нааг̇ажчаами, зваруубааби ид̇т̇ияо сад̇т̇у санд̇игз виссад̇т̇аа жаранд̇и. мама руубам̣ зд̇аасам̣ руубасса галам̣ нааг̇гхад̇и сол̣асим̣, аж̇аанид̇ваава зд̇д̇агам̣ гаалам̣ на ааг̇ад̇амхий’’д̇и д̇амзва ид̇т̇инимид̇д̇ам̣ г̇ан̣хид̇ваа ологзнд̇ий адтааси. сад̇т̇аа д̇ассаа буб̣б̣ахзд̇усамбаннад̇ааяа ‘‘адтийнам̣ наг̇арам̣ гад̇а’’нд̇и (д̇ха. ба. 150) д̇хаммабад̣̇з г̇аат̇ам̣ вад̇ваа –

    Satthā tassā caritavasena iddhiyā ekaṃ itthirūpaṃ nimminitvā tālavaṇṭaṃ gahetvā bījamānaṃ viya akāsi. Rūpanandā taṃ disvā cintesi – ‘‘ahaṃ akāraṇeneva pamattā hutvā nāgacchāmi, evarūpāpi itthiyo satthu santike vissatthā caranti. Mama rūpaṃ etāsaṃ rūpassa kalaṃ nāgghati soḷasiṃ, ajānitvāva ettakaṃ kālaṃ na āgatamhī’’ti tameva itthinimittaṃ gaṇhitvā olokentī aṭṭhāsi. Satthā tassā pubbahetusampannatāya ‘‘aṭṭhīnaṃ nagaraṃ kata’’nti (dha. pa. 150) dhammapade gāthaṃ vatvā –

    ‘‘жарам̣ ваа яад̣̇и ваа д̇идтам̣, нисинно уд̣̇а ваа саяа’’нд̇и. (су. ни. 195) –

    ‘‘Caraṃ vā yadi vā tiṭṭhaṃ, nisinno uda vā saya’’nti. (su. ni. 195) –

    суд̇д̇ам̣ абхааси. саа д̇асмим̣язва руубз каяаваяам̣ бадтабзд̇ваа арахад̇д̇ам̣ баабун̣и. имасмим̣ таанз ид̣̇ам̣ вад̇т̇у хздтаа кзмаат̇зрияаа вад̇т̇унаа сад̣̇исамзваад̇и на вид̇т̇аарид̇ам̣. д̇ад̇о бадтааяа, руубананд̣̇аа, жхаанаабхирад̇аанам̣ анд̇арз д̇хураббад̇д̇аа ахоси. сад̇т̇аа абарабхааг̇з ж̇зд̇аванз нисинно бадибаадияаа бхигкунияо таананд̇арз табзнд̇о нанд̣̇аат̇зрим̣ жхааяийнам̣ аг̇г̇адтаанз табзсийд̇и.

    Suttaṃ abhāsi. Sā tasmiṃyeva rūpe khayavayaṃ paṭṭhapetvā arahattaṃ pāpuṇi. Imasmiṃ ṭhāne idaṃ vatthu heṭṭhā khemātheriyā vatthunā sadisamevāti na vitthāritaṃ. Tato paṭṭhāya, rūpanandā, jhānābhiratānaṃ antare dhurappattā ahosi. Satthā aparabhāge jetavane nisinno paṭipāṭiyā bhikkhuniyo ṭhānantare ṭhapento nandātheriṃ jhāyīnaṃ aggaṭṭhāne ṭhapesīti.

    сон̣аат̇зрийвад̇т̇у

    Soṇātherīvatthu

    241. сад̇д̇амз аарад̣̇д̇хавийрияаананд̇и баг̇г̇ахид̇абарибун̣н̣авийрияаанам̣ сон̣аа аг̇г̇аад̇и д̣̇ассзд̇и. аяам̣ гира бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз бадисанд̇хим̣ г̇ахзд̇ваа абарабхааг̇з д̇хаммам̣ сун̣анд̇ий сад̇т̇аарам̣ згам̣ бхигкуним̣ аарад̣̇д̇хавийрияаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз бадисанд̇хим̣ г̇ахзд̇ваа абарабхааг̇з гхарааваасз вуд̇т̇аа б̣ахуу буд̇д̇ад̇хийд̇аро лабхид̇ваа саб̣б̣зби висум̣ висум̣ гхарааваасз бад̇идтаабзси. д̇з д̇ад̇о бадтааяа ‘‘аяам̣ амхаагам̣ гим̣ гариссад̇ий’’д̇и д̇ам̣ ад̇д̇ано санд̇игам̣ ааг̇ад̇ам̣ ‘‘маад̇аа’’д̇и сан̃н̃амби на гарим̣су. б̣ахубуд̇д̇игасон̣аа д̇зсам̣ ад̇д̇ани аг̇ааравабхаавам̣ н̃ад̇ваа ‘‘гхарааваасзна гим̣ гариссаамий’’д̇и нигкамид̇ваа баб̣б̣аж̇и. ат̇а нам̣ бхигкунияо ‘‘аяам̣ вад̇д̇ам̣ на ж̇аанаад̇и, аяуд̇д̇ам̣ гарод̇ий’’д̇и д̣̇ан̣д̣агаммам̣ гаронд̇и. буд̇д̇ад̇хийд̇аро д̇ам̣ д̣̇ан̣д̣агаммам̣ аахаранд̇им̣ д̣̇исваа ‘‘аяам̣ яааваж̇ж̇ад̣̇ивасаа сигкаамад̇д̇амби на ж̇аанаад̇ий’’д̇и д̣̇идтад̣̇идтадтаанз уббан̣д̣зсум̣. саа д̇зсам̣ важанам̣ суд̇ваа уббаннасам̣взг̇аа ‘‘ад̇д̇ано г̇ад̇ивисод̇ханам̣ гаад̇ум̣ ваддад̇ий’’д̇и нисиннадтаанзби тид̇адтаанзби д̣̇вад̇д̇им̣саагаарам̣ саж̇жхааяад̇и. саа яат̇зва буб̣б̣з б̣ахубуд̇д̇игасон̣ад̇т̇зрийд̇и бан̃н̃ааяид̇т̇а, звам̣ бажчаа аарад̣̇д̇хавийрияасон̣ад̇т̇зрийд̇и баагадаа ж̇аад̇аа.

    241. Sattame āraddhavīriyānanti paggahitaparipuṇṇavīriyānaṃ soṇā aggāti dasseti. Ayaṃ kira padumuttarabuddhakāle haṃsavatīnagare kulagehe paṭisandhiṃ gahetvā aparabhāge dhammaṃ suṇantī satthāraṃ ekaṃ bhikkhuniṃ āraddhavīriyānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā imasmiṃ buddhuppāde sāvatthiyaṃ kulagehe paṭisandhiṃ gahetvā aparabhāge gharāvāse vutthā bahū puttadhītaro labhitvā sabbepi visuṃ visuṃ gharāvāse patiṭṭhāpesi. Te tato paṭṭhāya ‘‘ayaṃ amhākaṃ kiṃ karissatī’’ti taṃ attano santikaṃ āgataṃ ‘‘mātā’’ti saññampi na kariṃsu. Bahuputtikasoṇā tesaṃ attani agāravabhāvaṃ ñatvā ‘‘gharāvāsena kiṃ karissāmī’’ti nikkhamitvā pabbaji. Atha naṃ bhikkhuniyo ‘‘ayaṃ vattaṃ na jānāti, ayuttaṃ karotī’’ti daṇḍakammaṃ karonti. Puttadhītaro taṃ daṇḍakammaṃ āharantiṃ disvā ‘‘ayaṃ yāvajjadivasā sikkhāmattampi na jānātī’’ti diṭṭhadiṭṭhaṭṭhāne uppaṇḍesuṃ. Sā tesaṃ vacanaṃ sutvā uppannasaṃvegā ‘‘attano gativisodhanaṃ kātuṃ vaṭṭatī’’ti nisinnaṭṭhānepi ṭhitaṭṭhānepi dvattiṃsākāraṃ sajjhāyati. Sā yatheva pubbe bahuputtikasoṇattherīti paññāyittha, evaṃ pacchā āraddhavīriyasoṇattherīti pākaṭā jātā.

    ат̇згад̣̇ивасам̣ бхигкунияо вихаарам̣ г̇ажчанд̇ияо ‘‘бхигкунисан̇гхасса уд̣̇агам̣ д̇аабзяяааси, сон̣з’’д̇и вад̇ваа аг̇амам̣су. сааби уд̣̇агад̇аабанад̇о бурзд̇арамзва аг̇г̇исаалааяа жан̇гамид̇ваа жан̇гамид̇ваа д̣̇вад̇д̇им̣саагаарам̣ саж̇жхааяанд̇ий вибассанам̣ вад̣дхзси. сад̇т̇аа г̇анд̇хагудияам̣ нисиннова имам̣ обхаасаг̇аат̇ам̣ абхааси –

    Athekadivasaṃ bhikkhuniyo vihāraṃ gacchantiyo ‘‘bhikkhunisaṅghassa udakaṃ tāpeyyāsi, soṇe’’ti vatvā agamaṃsu. Sāpi udakatāpanato puretarameva aggisālāya caṅkamitvā caṅkamitvā dvattiṃsākāraṃ sajjhāyantī vipassanaṃ vaḍḍhesi. Satthā gandhakuṭiyaṃ nisinnova imaṃ obhāsagāthaṃ abhāsi –

    ‘‘яо жа вассасад̇ам̣ ж̇ийвз, абассам̣ д̇хаммамуд̇д̇амам̣;

    ‘‘Yo ca vassasataṃ jīve, apassaṃ dhammamuttamaṃ;

    згаахам̣ ж̇ийвид̇ам̣ сзяяо, бассад̇о д̇хаммамуд̇д̇ама’’нд̇и. (д̇ха. ба. 115);

    Ekāhaṃ jīvitaṃ seyyo, passato dhammamuttama’’nti. (dha. pa. 115);

    саа г̇аат̇аабарияосаанз арахад̇д̇ам̣ бад̇ваа жинд̇зси – ‘‘ахам̣ арахад̇д̇ам̣ бад̇д̇аа, ааг̇анд̇угаж̇ано жа анубад̇хаарзд̇ваава маяи аван̃н̃ааяа гин̃жи вад̇ваа б̣ахум̣ абун̃н̃амби басавзяяа, д̇асмаа сам̣лагкан̣агааран̣ам̣ гаад̇ум̣ ваддад̇ий’’д̇и. саа уд̣̇агабхааж̇анам̣ уд̣̇д̇ханам̣ ааробзд̇ваа хздтаа аг̇г̇им̣ на агааси. бхигкунияо ааг̇анд̇ваа уд̣̇д̇ханам̣ ологзнд̇ияо аг̇г̇им̣ ад̣̇исваа ‘‘имам̣ махаллигам̣ ‘бхигкунисан̇гхасса уд̣̇агам̣ д̇аабзхий’д̇и авожумха, аж̇ж̇ааби уд̣̇д̇ханз аг̇г̇имби на гарод̇ий’’д̇и аахам̣су. аяяз, гим̣ д̇умхаагам̣ аг̇г̇инаа, ун̣ход̣̇агзна нхааяид̇угаамаа бхааж̇анад̇о уд̣̇агам̣ г̇ахзд̇ваа нхааяат̇аад̇и? д̇ааби ‘‘бхависсад̇и зд̇т̇а гааран̣а’’нд̇и г̇анд̇ваа уд̣̇агз хад̇т̇ам̣ од̇аарзд̇ваа ун̣хабхаавам̣ н̃ад̇ваа згагудам̣ аахарид̇ваа уд̣̇агам̣ г̇ан̣ханд̇и, г̇ахид̇аг̇ахид̇адтаанам̣ барибуурад̇и. д̇ад̣̇аа саб̣б̣аава д̇ассаа арахад̇д̇з тид̇абхаавам̣ н̃ад̇ваа д̣̇ахарад̇араа д̇аава бан̃жабад̇идтид̇зна баад̣̇зсу бад̇ид̇ваа ‘‘маяам̣, аяяз, зд̇д̇агам̣ гаалам̣ д̇умхз анубад̇хаарзд̇ваа вихзтзд̇ваа вихзтзд̇ваа гат̇аяимха, камат̇а но’’д̇и камаабзсум̣. вуд̣̇д̇хад̇арааби уггудигам̣ нисийд̣̇ид̇ваа ‘‘кама, аяяз’’д̇и камаабзсум̣. д̇ад̇о бадтааяа ‘‘махаллагагаалз баб̣б̣аж̇ид̇вааби аарад̣̇д̇хавийрияабхаавзна нажирассзва аг̇г̇апалз бад̇идтид̇аа’’д̇и т̇зрияаа г̇ун̣о баагадо ахоси. абарабхааг̇з сад̇т̇аа ж̇зд̇аванз нисийд̣̇ид̇ваа бхигкунияо бадибаадияаа таананд̇арз табзнд̇о сон̣ад̇т̇зрим̣ аарад̣̇д̇хавийрияаанам̣ аг̇г̇адтаанз табзсийд̇и.

    Sā gāthāpariyosāne arahattaṃ patvā cintesi – ‘‘ahaṃ arahattaṃ pattā, āgantukajano ca anupadhāretvāva mayi avaññāya kiñci vatvā bahuṃ apuññampi pasaveyya, tasmā saṃlakkhaṇakāraṇaṃ kātuṃ vaṭṭatī’’ti. Sā udakabhājanaṃ uddhanaṃ āropetvā heṭṭhā aggiṃ na akāsi. Bhikkhuniyo āgantvā uddhanaṃ olokentiyo aggiṃ adisvā ‘‘imaṃ mahallikaṃ ‘bhikkhunisaṅghassa udakaṃ tāpehī’ti avocumha, ajjāpi uddhane aggimpi na karotī’’ti āhaṃsu. Ayye, kiṃ tumhākaṃ agginā, uṇhodakena nhāyitukāmā bhājanato udakaṃ gahetvā nhāyathāti? Tāpi ‘‘bhavissati ettha kāraṇa’’nti gantvā udake hatthaṃ otāretvā uṇhabhāvaṃ ñatvā ekakuṭaṃ āharitvā udakaṃ gaṇhanti, gahitagahitaṭṭhānaṃ paripūrati. Tadā sabbāva tassā arahatte ṭhitabhāvaṃ ñatvā daharatarā tāva pañcapatiṭṭhitena pādesu patitvā ‘‘mayaṃ, ayye, ettakaṃ kālaṃ tumhe anupadhāretvā viheṭhetvā viheṭhetvā kathayimha, khamatha no’’ti khamāpesuṃ. Vuddhatarāpi ukkuṭikaṃ nisīditvā ‘‘khama, ayye’’ti khamāpesuṃ. Tato paṭṭhāya ‘‘mahallakakāle pabbajitvāpi āraddhavīriyabhāvena nacirasseva aggaphale patiṭṭhitā’’ti theriyā guṇo pākaṭo ahosi. Aparabhāge satthā jetavane nisīditvā bhikkhuniyo paṭipāṭiyā ṭhānantare ṭhapento soṇattheriṃ āraddhavīriyānaṃ aggaṭṭhāne ṭhapesīti.

    б̣агулаат̇зрийвад̇т̇у

    Bakulātherīvatthu

    242. адтамз д̣̇иб̣б̣ажагкугаанам̣ яад̣̇ид̣̇ам̣ б̣агулаад̇и д̣̇иб̣б̣ажагкугаанам̣, б̣агулаа т̇зрий, аг̇г̇аад̇и д̣̇ассзд̇и. аяам̣ гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇ид̇ваа сад̇т̇у д̇хаммагат̇ам̣ сун̣анд̇ий сад̇т̇аарам̣ згам̣ бхигкуним̣ д̣̇иб̣б̣ажагкугаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звзсу жа мануссзсу жа сам̣сарид̇ваа имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз ниб̣б̣ад̇д̇ид̇ваа абарабхааг̇з сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хаа баб̣б̣аж̇ид̇ваа нажирассзва арахад̇д̇ам̣ баабун̣и. саа д̇ад̇о бадтааяа д̣̇иб̣б̣ажагкумхи жин̣н̣авасий ахоси. абарабхааг̇з сад̇т̇аа ж̇зд̇аванз нисинно бхигкунияо бадибаадияаа таананд̇арз табзнд̇о имам̣ т̇зрим̣ д̣̇иб̣б̣ажагкугаанам̣ аг̇г̇адтаанз табзсийд̇и.

    242. Aṭṭhame dibbacakkhukānaṃ yadidaṃ bakulāti dibbacakkhukānaṃ, bakulā therī, aggāti dasseti. Ayaṃ kira padumuttarabuddhakāle haṃsavatiyaṃ kulagehe nibbattitvā satthu dhammakathaṃ suṇantī satthāraṃ ekaṃ bhikkhuniṃ dibbacakkhukānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devesu ca manussesu ca saṃsaritvā imasmiṃ buddhuppāde sāvatthiyaṃ kulagehe nibbattitvā aparabhāge satthu dhammadesanaṃ sutvā paṭiladdhasaddhā pabbajitvā nacirasseva arahattaṃ pāpuṇi. Sā tato paṭṭhāya dibbacakkhumhi ciṇṇavasī ahosi. Aparabhāge satthā jetavane nisinno bhikkhuniyo paṭipāṭiyā ṭhānantare ṭhapento imaṃ theriṃ dibbacakkhukānaṃ aggaṭṭhāne ṭhapesīti.

    гун̣д̣алагзсаат̇зрийвад̇т̇у

    Kuṇḍalakesātherīvatthu

    243. навамз киббаабхин̃н̃аананд̇и киббаабхин̃н̃аанам̣ бхигкунийнам̣, бхад̣̇д̣̇аа гун̣д̣алагзсаа, аг̇г̇аад̇и д̣̇ассзд̇и. аяамби хи бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇аа сад̇т̇у д̇хаммагат̇ам̣ суд̇ваа сад̇т̇аарам̣ згам̣ бхигкуним̣ киббаабхин̃н̃аанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа гассабаб̣уд̣̇д̇хагаалз гигисса гаасиран̃н̃о г̇зхз сад̇д̇аннам̣ бхаг̇инийнам̣ аб̣бханд̇араа худ̇ваа вийсад̇и вассасахассаани д̣̇аса сийлаани самаад̣̇ааяа гомааригаб̣рахмажарияам̣ жаранд̇ий сан̇гхасса васанабаривзн̣ам̣ гаарзд̇ваа згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з рааж̇аг̇аханаг̇арз сздтигулз бадисанд̇хим̣ г̇ан̣хи, бхад̣̇д̣̇аад̇иссаа наамам̣ агам̣су.

    243. Navame khippābhiññānanti khippābhiññānaṃ bhikkhunīnaṃ, bhaddā kuṇḍalakesā, aggāti dasseti. Ayampi hi padumuttarabuddhakāle haṃsavatiyaṃ kulagehe nibbattā satthu dhammakathaṃ sutvā satthāraṃ ekaṃ bhikkhuniṃ khippābhiññānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā kassapabuddhakāle kikissa kāsirañño gehe sattannaṃ bhaginīnaṃ abbhantarā hutvā vīsati vassasahassāni dasa sīlāni samādāya komārikabrahmacariyaṃ carantī saṅghassa vasanapariveṇaṃ kāretvā ekaṃ buddhantaraṃ devamanussesu saṃsaritvā imasmiṃ buddhuppāde rājagahanagare seṭṭhikule paṭisandhiṃ gaṇhi, bhaddātissā nāmaṃ akaṃsu.

    д̇ам̣д̣̇ивасам̣язва жа д̇асмим̣ наг̇арз бурохид̇абуд̇д̇о ж̇аад̇о. д̇асса ж̇аад̇авзлааяа рааж̇анивзсанам̣ аад̣̇им̣ гад̇ваа сагаланаг̇арз аавуд̇хаани баж̇ж̇алим̣су. бурохид̇о баад̇ова рааж̇агулам̣ г̇анд̇ваа рааж̇аанам̣ сукасзяяам̣ бужчи. рааж̇аа ‘‘гуд̇о мз, аажарияа, сукасзяяаа, аж̇ж̇а саб̣б̣арад̇д̇им̣ рааж̇анивзсанз аавуд̇хаани баж̇ж̇алид̇аани д̣̇исваа бхаяаббад̇д̇аа ахумхаа’’д̇и ааха. махаарааж̇а, д̇аббажжаяаа маа жинд̇аяид̇т̇а, на д̇умхаагам̣язва г̇зхз аавуд̇хаани баж̇ж̇алим̣су, сагаланаг̇арз звам̣ ахосийд̇и. гим̣ гааран̣аа, аажарияаад̇и? амхаагам̣ г̇зхз жоранагкад̇д̇зна д̣̇аараго ж̇аад̇о, со сагаланаг̇арасса сад̇д̇у худ̇ваа уббанно, д̇ассзд̇ам̣ буб̣б̣анимид̇д̇ам̣. д̇умхаагам̣ убад̣̇д̣̇аво над̇т̇и, сажз бана ижчат̇а, хаарзма нанд̇и. амхаагам̣ бийл̣ааяа асад̇ияаа хааран̣агаммам̣ над̇т̇ийд̇и. бурохид̇о ‘‘мама буд̇д̇о ад̇д̇ано наамам̣ г̇ахзд̇ваава ааг̇ад̇о’’д̇и сад̇д̇угод̇звасса наамам̣ агааси. сздтиг̇зхзби бхад̣̇д̣̇аа вад̣дхад̇и, бурохид̇аг̇зхзби сад̇д̇уго вад̣дхад̇и. со ад̇д̇ано аад̇хааванавид̇хааванзна гийл̣ид̇ум̣ самад̇т̇агаалад̇о бадтааяа ад̇д̇ано вижаран̣адтаанз яам̣ яам̣ бассад̇и, д̇ам̣ д̇ам̣ саб̣б̣ам̣ аахарид̇ваа маад̇аабид̇уунам̣ г̇зхам̣ буурзд̇и. бид̇аа нам̣ гааран̣асахассамби вад̇ваа ваарзд̇ум̣ наасагки.

    Taṃdivasaṃyeva ca tasmiṃ nagare purohitaputto jāto. Tassa jātavelāya rājanivesanaṃ ādiṃ katvā sakalanagare āvudhāni pajjaliṃsu. Purohito pātova rājakulaṃ gantvā rājānaṃ sukhaseyyaṃ pucchi. Rājā ‘‘kuto me, ācariya, sukhaseyyā, ajja sabbarattiṃ rājanivesane āvudhāni pajjalitāni disvā bhayappattā ahumhā’’ti āha. Mahārāja, tappaccayā mā cintayittha, na tumhākaṃyeva gehe āvudhāni pajjaliṃsu, sakalanagare evaṃ ahosīti. Kiṃ kāraṇā, ācariyāti? Amhākaṃ gehe coranakkhattena dārako jāto, so sakalanagarassa sattu hutvā uppanno, tassetaṃ pubbanimittaṃ. Tumhākaṃ upaddavo natthi, sace pana icchatha, hārema nanti. Amhākaṃ pīḷāya asatiyā hāraṇakammaṃ natthīti. Purohito ‘‘mama putto attano nāmaṃ gahetvāva āgato’’ti sattukotevassa nāmaṃ akāsi. Seṭṭhigehepi bhaddā vaḍḍhati, purohitagehepi sattuko vaḍḍhati. So attano ādhāvanavidhāvanena kīḷituṃ samatthakālato paṭṭhāya attano vicaraṇaṭṭhāne yaṃ yaṃ passati, taṃ taṃ sabbaṃ āharitvā mātāpitūnaṃ gehaṃ pūreti. Pitā naṃ kāraṇasahassampi vatvā vāretuṃ nāsakkhi.

    абарабхааг̇з банасса ваяаббад̇д̇асса саб̣б̣аагаарзнааби ваарзд̇ум̣ асаггун̣зяяабхаавам̣ н̃ад̇ваа д̣̇вз нийласаадагз д̣̇ад̇ваа санд̇хижчзд̣̇анаубагаран̣ан̃жа син̇гхаадагаяанд̇ан̃жа хад̇т̇з д̣̇ад̇ваа ‘‘д̇вам̣ иминаава гаммзна ж̇ийваахий’’д̇и нам̣ виссаж̇ж̇зси. со д̇ам̣д̣̇ивасад̇о бадтааяа син̇гхаадагаяанд̇ам̣ кибид̇ваа гулаанам̣ баасаад̣̇з ааруяха санд̇хим̣ чинд̣̇ид̇ваа барагулзсу нигкид̇д̇абхан̣д̣ам̣ ад̇д̇анаа табид̇ам̣ вияа г̇ахзд̇ваа г̇ажчад̇и. сагаланаг̇арз д̇зна авилуд̇д̇аг̇зхам̣ наама наахоси. згад̣̇ивасам̣ рааж̇аа рат̇зна наг̇арз вижаранд̇о саарат̇им̣ бужчи – ‘‘гим̣ ну ко имасмим̣ наг̇арз д̇асмим̣ д̇асмим̣ гхарз чид̣̇д̣̇амзва бан̃н̃ааяад̇ий’’д̇и. д̣̇зва имасмим̣ наг̇арз сад̇д̇уго наама жоро бхид̇д̇им̣ чинд̣̇ид̇ваа гулаанам̣ санд̇агам̣ харад̇ийд̇и. рааж̇аа наг̇араг̇уд̇д̇игам̣ баггосаабзд̇ваа ‘‘имасмим̣ гира наг̇арз зваруубо наама жоро ад̇т̇и, гасмаа нам̣ на г̇ан̣хасий’’д̇и ааха. маяам̣, д̣̇зва, д̇ам̣ жорам̣ саход̣дхам̣ бассид̇ум̣ на саггомаад̇и. сажз аж̇ж̇а нам̣ жорам̣ г̇ан̣хаси, ж̇ийваси. сажз на г̇ан̣хаси, рааж̇аан̣ам̣ д̇з гариссаамийд̇и. звам̣ д̣̇зваад̇и наг̇араг̇уд̇д̇иго сагаланаг̇арз мануссз жаарзд̇ваа д̇ам̣ бхид̇д̇им̣ чинд̣̇ид̇ваа барабхан̣д̣ам̣ авахаранд̇ам̣ саход̣дхамзва г̇ахзд̇ваа ран̃н̃о д̣̇ассзси. рааж̇аа ‘‘имам̣ жорам̣ д̣̇агкин̣ад̣̇ваарзна нийхарид̇ваа гхаад̇зт̇аа’’д̇и ааха. наг̇араг̇уд̇д̇иго ран̃н̃о бадиссун̣ид̇ваа д̇ам̣ жорам̣ жад̇уггз жад̇уггз бахаарасахассзна д̇аал̣знд̇о г̇аахаабзд̇ваа д̣̇агкин̣ад̣̇ваарам̣ г̇ажчад̇и.

    Aparabhāge panassa vayappattassa sabbākārenāpi vāretuṃ asakkuṇeyyabhāvaṃ ñatvā dve nīlasāṭake datvā sandhicchedanaupakaraṇañca siṅghāṭakayantañca hatthe datvā ‘‘tvaṃ imināva kammena jīvāhī’’ti naṃ vissajjesi. So taṃdivasato paṭṭhāya siṅghāṭakayantaṃ khipitvā kulānaṃ pāsāde āruyha sandhiṃ chinditvā parakulesu nikkhittabhaṇḍaṃ attanā ṭhapitaṃ viya gahetvā gacchati. Sakalanagare tena aviluttagehaṃ nāma nāhosi. Ekadivasaṃ rājā rathena nagare vicaranto sārathiṃ pucchi – ‘‘kiṃ nu kho imasmiṃ nagare tasmiṃ tasmiṃ ghare chiddameva paññāyatī’’ti. Deva imasmiṃ nagare sattuko nāma coro bhittiṃ chinditvā kulānaṃ santakaṃ haratīti. Rājā nagaraguttikaṃ pakkosāpetvā ‘‘imasmiṃ kira nagare evarūpo nāma coro atthi, kasmā naṃ na gaṇhasī’’ti āha. Mayaṃ, deva, taṃ coraṃ sahoḍḍhaṃ passituṃ na sakkomāti. Sace ajja naṃ coraṃ gaṇhasi, jīvasi. Sace na gaṇhasi, rājāṇaṃ te karissāmīti. Evaṃ devāti nagaraguttiko sakalanagare manusse cāretvā taṃ bhittiṃ chinditvā parabhaṇḍaṃ avaharantaṃ sahoḍḍhameva gahetvā rañño dassesi. Rājā ‘‘imaṃ coraṃ dakkhiṇadvārena nīharitvā ghātethā’’ti āha. Nagaraguttiko rañño paṭissuṇitvā taṃ coraṃ catukke catukke pahārasahassena tāḷento gāhāpetvā dakkhiṇadvāraṃ gacchati.

    д̇асмим̣ самаяз аяам̣ бхад̣̇д̣̇аа наама сздтид̇хийд̇аа махааж̇анасса голаахаласад̣̇д̣̇зна сийхабан̃ж̇арам̣ уг̇гхаадзд̇ваа ологзнд̇ий д̇ам̣ сад̇д̇угам̣ жорам̣ д̇ат̇аа нийяамаанам̣ д̣̇исваа убхохи хад̇т̇зхи хад̣̇аяам̣ санд̇хаарзнд̇ий г̇анд̇ваа сирисаяанз ад̇хомукаа нибаж̇ж̇и . саа жа д̇асса гуласса згад̇хийд̇аа, д̇знассаа н̃аад̇агаа аббамад̇д̇агамби мукавигаарам̣ сахид̇ум̣ на саггонд̇и. ат̇а нам̣ маад̇аа саяанз нибаннам̣ д̣̇исваа ‘‘гим̣ гароси, аммаа’’д̇и бужчи. зд̇ам̣ важ̇жхам̣ гад̇ваа нийяамаанам̣ жорам̣ ад̣̇д̣̇аса, аммаад̇и? аама, аммаад̇и. зд̇ам̣ лабхамаанаа ж̇ийвиссаами, алабхамаанааяа мз маран̣амзваад̇и. д̇з д̇ам̣ наанаббагаарзнаби сан̃н̃аабзд̇ум̣ асаггонд̇аа ‘‘маран̣аа ж̇ийвид̇ам̣ сзяяо’’д̇и саллагкзсум̣. ат̇ассаа бид̇аа наг̇араг̇уд̇д̇игасса санд̇игам̣ г̇анд̇ваа сахассам̣ лан̃ж̇ам̣ д̣̇ад̇ваа ‘‘маяхам̣ д̇хийд̇аа жорз бадиб̣ад̣̇д̇хажид̇д̇аа, язна гзнажи убааязна имам̣ мун̃жаа’’д̇и ааха. со ‘‘саад̇хуу’’д̇и сздтисса бадиссун̣ид̇ваа жорам̣ г̇ахзд̇ваа яаава суурияасса ад̇т̇ан̇г̇аманаа ид̇о жид̇о жа бабан̃жаабзд̇ваа суурияз ад̇т̇ан̇г̇ад̇з жаарагад̇о згам̣ мануссам̣ нийхараабзд̇ваа сад̇д̇угасса б̣анд̇ханам̣ можзд̇ваа сад̇д̇угам̣ сздтиг̇зхам̣ бзсзд̇ваа д̇зна б̣анд̇ханзна ид̇арам̣ б̣анд̇хид̇ваа д̣̇агкин̣ад̣̇ваарзна нийхарид̇ваа гхаад̇зси. сздтид̣̇аасааби сад̇д̇угам̣ г̇ахзд̇ваа сздтино нивзсанам̣ ааг̇амам̣су. д̇ам̣ д̣̇исваа сздти ‘‘д̇хийд̇у манам̣ буурзссаамий’’д̇и сад̇д̇угам̣ г̇анд̇ход̣̇агзна нхаабзд̇ваа саб̣б̣аалан̇гаарабадиман̣д̣ид̇ам̣ гаарзд̇ваа баасаад̣̇ам̣ бзсзси. бхад̣̇д̣̇ааби ‘‘барибун̣н̣о мз сан̇габбо’’д̇и анзгаалан̇гаарзна алан̇гарид̇ваа д̇ам̣ барижарад̇и.

    Tasmiṃ samaye ayaṃ bhaddā nāma seṭṭhidhītā mahājanassa kolāhalasaddena sīhapañjaraṃ ugghāṭetvā olokentī taṃ sattukaṃ coraṃ tathā nīyamānaṃ disvā ubhohi hatthehi hadayaṃ sandhārentī gantvā sirisayane adhomukhā nipajji . Sā ca tassa kulassa ekadhītā, tenassā ñātakā appamattakampi mukhavikāraṃ sahituṃ na sakkonti. Atha naṃ mātā sayane nipannaṃ disvā ‘‘kiṃ karosi, ammā’’ti pucchi. Etaṃ vajjhaṃ katvā nīyamānaṃ coraṃ addasa, ammāti? Āma, ammāti. Etaṃ labhamānā jīvissāmi, alabhamānāya me maraṇamevāti. Te taṃ nānappakārenapi saññāpetuṃ asakkontā ‘‘maraṇā jīvitaṃ seyyo’’ti sallakkhesuṃ. Athassā pitā nagaraguttikassa santikaṃ gantvā sahassaṃ lañjaṃ datvā ‘‘mayhaṃ dhītā core paṭibaddhacittā, yena kenaci upāyena imaṃ muñcā’’ti āha. So ‘‘sādhū’’ti seṭṭhissa paṭissuṇitvā coraṃ gahetvā yāva sūriyassa atthaṅgamanā ito cito ca papañcāpetvā sūriye atthaṅgate cārakato ekaṃ manussaṃ nīharāpetvā sattukassa bandhanaṃ mocetvā sattukaṃ seṭṭhigehaṃ pesetvā tena bandhanena itaraṃ bandhitvā dakkhiṇadvārena nīharitvā ghātesi. Seṭṭhidāsāpi sattukaṃ gahetvā seṭṭhino nivesanaṃ āgamaṃsu. Taṃ disvā seṭṭhi ‘‘dhītu manaṃ pūressāmī’’ti sattukaṃ gandhodakena nhāpetvā sabbālaṅkārapaṭimaṇḍitaṃ kāretvā pāsādaṃ pesesi. Bhaddāpi ‘‘paripuṇṇo me saṅkappo’’ti anekālaṅkārena alaṅkaritvā taṃ paricarati.

    сад̇д̇уго гад̇ибаахам̣ вийд̇инаамзд̇ваа жинд̇зси – ‘‘имиссаа басаад̇ханабхан̣д̣агам̣ маяхам̣ бхависсад̇и, гзнажи убааязна имам̣ аабхаран̣ам̣ г̇ахзд̇ум̣ ваддад̇ий’’д̇и самийбз сукзна нисиннагаалз бхад̣̇д̣̇ам̣ ааха – ‘‘маяхам̣ згам̣ важанам̣ вад̇д̇аб̣б̣ам̣ ад̇т̇ий’’д̇и. сздтид̇хийд̇аа сахассалаабхам̣ лабхид̇ваа вияа д̇удтамаанасаа ‘‘виссад̇т̇ам̣ вад̣̇зхи, аяяаа’’д̇и ааха. д̇вам̣ жинд̇зси – ‘‘мам̣ ниссааяа иминаа ж̇ийвид̇ам̣ лад̣̇д̇ха’’нд̇и, ахам̣ бана г̇ахид̇амад̇д̇ова жорабабаад̇абаб̣б̣ад̇з ад̇хивад̇т̇ааяа д̣̇звад̇ааяа ‘‘сажаахам̣ ж̇ийвид̇ам̣ лабхиссаами, б̣алигаммам̣ д̇з д̣̇ассаамий’’д̇и ааяаажим̣. д̇ам̣ ниссааяа маяаа ж̇ийвид̇ам̣ лад̣̇д̇хам̣ , сийгхам̣ б̣алигаммам̣ саж̇ж̇аабзхийд̇и. бхад̣̇д̣̇аа, ‘‘ахам̣ д̇асса манам̣ буурзссаамий’’д̇и б̣алигаммам̣ саж̇ж̇аабзд̇ваа саб̣б̣ам̣ басаад̇ханам̣ басаад̇хзд̇ваа згаяаанз ааруяха саамигзна сад̣̇д̇хим̣ жорабабаад̇абаб̣б̣ад̇ам̣ г̇анд̇ваа ‘‘баб̣б̣ад̇ад̣̇звад̇ааяа б̣алигаммам̣ гариссаамий’’д̇и абхирухид̇ум̣ аарад̣̇д̇хаа. сад̇д̇уго жинд̇зси – ‘‘саб̣б̣зсу абхируханд̇зсу мама имиссаа аабхаран̣ам̣ г̇ахзд̇ум̣ на огаасо бхависсад̇ий’’д̇и д̇амзва б̣алибхааж̇анам̣ г̇аахаабзд̇ваа баб̣б̣ад̇ам̣ абхирухи.

    Sattuko katipāhaṃ vītināmetvā cintesi – ‘‘imissā pasādhanabhaṇḍakaṃ mayhaṃ bhavissati, kenaci upāyena imaṃ ābharaṇaṃ gahetuṃ vaṭṭatī’’ti samīpe sukhena nisinnakāle bhaddaṃ āha – ‘‘mayhaṃ ekaṃ vacanaṃ vattabbaṃ atthī’’ti. Seṭṭhidhītā sahassalābhaṃ labhitvā viya tuṭṭhamānasā ‘‘vissatthaṃ vadehi, ayyā’’ti āha. Tvaṃ cintesi – ‘‘maṃ nissāya iminā jīvitaṃ laddha’’nti, ahaṃ pana gahitamattova corapapātapabbate adhivatthāya devatāya ‘‘sacāhaṃ jīvitaṃ labhissāmi, balikammaṃ te dassāmī’’ti āyāciṃ. Taṃ nissāya mayā jīvitaṃ laddhaṃ , sīghaṃ balikammaṃ sajjāpehīti. Bhaddā, ‘‘ahaṃ tassa manaṃ pūressāmī’’ti balikammaṃ sajjāpetvā sabbaṃ pasādhanaṃ pasādhetvā ekayāne āruyha sāmikena saddhiṃ corapapātapabbataṃ gantvā ‘‘pabbatadevatāya balikammaṃ karissāmī’’ti abhiruhituṃ āraddhā. Sattuko cintesi – ‘‘sabbesu abhiruhantesu mama imissā ābharaṇaṃ gahetuṃ na okāso bhavissatī’’ti tameva balibhājanaṃ gāhāpetvā pabbataṃ abhiruhi.

    со бхад̣̇д̣̇ааяа сад̣̇д̇хим̣ гат̇знд̇о бияагат̇ам̣ на гат̇зд̇и. саа ин̇г̇ид̇знзва д̇асса ад̇хиббааяам̣ ан̃н̃ааси. ат̇а нам̣ со ааха – ‘‘бхад̣̇д̣̇з, д̇ава уд̇д̇арисаадагам̣ омун̃жид̇ваа гааяаарул̣хам̣ д̇з басаад̇ханам̣ зд̇т̇а бхан̣д̣игам̣ гарохий’’д̇и. саами маяхам̣ го абараад̇ход̇и? гим̣ банаахам̣, б̣аалз, б̣алигаммад̇т̇ам̣ ааг̇ад̇од̇и сан̃н̃ам̣ гароси? ахан̃хи имиссаа д̣̇звад̇ааяа яаганам̣ уб̣б̣адтзд̇ваа д̣̇ад̣̇зяяам̣, б̣алигаммаабад̣̇зсзна бана д̇ава аабхаран̣ам̣ г̇ан̣хид̇угаамо худ̇ваа ааг̇ад̇омхийд̇и. гасса бана, аяяа, басаад̇ханам̣, гасса аханд̇и? маяам̣ зваруубам̣ на ж̇аанаама, ан̃н̃ам̣ д̇ава санд̇агам̣, ан̃н̃ам̣ мама санд̇аганд̇и. саад̇ху, аяяа, згам̣ бана мз ад̇хиббааяам̣ буурзт̇а, алан̇гад̇анияаамзнзва мз бурад̇о жа бажчад̇о жа аалин̇г̇ид̇ум̣ д̣̇зт̇аад̇и. со ‘‘саад̇хуу’’д̇и самбадижчи. саа д̇зна самбадижчид̇абхаавам̣ н̃ад̇ваа бурад̇о аалин̇г̇ид̇ваа бажчад̇о аалин̇г̇анд̇ий вияа худ̇ваа баб̣б̣ад̇абабаад̇з баад̇зси. со бад̇анд̇о аагаасзязва жун̣н̣авижун̣н̣о ахоси. д̇ааяа гад̇ам̣ вижид̇рабхаавам̣ д̣̇исваа баб̣б̣ад̇з ад̇хивад̇т̇аа д̣̇звад̇аа г̇ун̣агид̇д̇анавасзна имаа г̇аат̇аа ааха –

    So bhaddāya saddhiṃ kathento piyakathaṃ na katheti. Sā iṅgiteneva tassa adhippāyaṃ aññāsi. Atha naṃ so āha – ‘‘bhadde, tava uttarisāṭakaṃ omuñcitvā kāyāruḷhaṃ te pasādhanaṃ ettha bhaṇḍikaṃ karohī’’ti. Sāmi mayhaṃ ko aparādhoti? Kiṃ panāhaṃ, bāle, balikammatthaṃ āgatoti saññaṃ karosi? Ahañhi imissā devatāya yakanaṃ ubbaṭṭhetvā dadeyyaṃ, balikammāpadesena pana tava ābharaṇaṃ gaṇhitukāmo hutvā āgatomhīti. Kassa pana, ayya, pasādhanaṃ, kassa ahanti? Mayaṃ evarūpaṃ na jānāma, aññaṃ tava santakaṃ, aññaṃ mama santakanti. Sādhu, ayya, ekaṃ pana me adhippāyaṃ pūretha, alaṅkataniyāmeneva me purato ca pacchato ca āliṅgituṃ dethāti. So ‘‘sādhū’’ti sampaṭicchi. Sā tena sampaṭicchitabhāvaṃ ñatvā purato āliṅgitvā pacchato āliṅgantī viya hutvā pabbatapapāte pātesi. So patanto ākāseyeva cuṇṇavicuṇṇo ahosi. Tāya kataṃ vicitrabhāvaṃ disvā pabbate adhivatthā devatā guṇakittanavasena imā gāthā āha –

    ‘‘на со саб̣б̣зсу таанзсу, бурисо ход̇и бан̣д̣ид̇о;

    ‘‘Na so sabbesu ṭhānesu, puriso hoti paṇḍito;

    ид̇т̇ийби бан̣д̣ид̇аа ход̇и, д̇ад̇т̇а д̇ад̇т̇а вижагкан̣аа.

    Itthīpi paṇḍitā hoti, tattha tattha vicakkhaṇā.

    ‘‘на со саб̣б̣зсу таанзсу, бурисо ход̇и бан̣д̣ид̇о;

    ‘‘Na so sabbesu ṭhānesu, puriso hoti paṇḍito;

    ид̇т̇ийби бан̣д̣ид̇аа ход̇и, мухуд̇д̇амаби жинд̇аяз’’д̇и. (аба. т̇зрий 2.3.31-32);

    Itthīpi paṇḍitā hoti, muhuttamapi cintaye’’ti. (apa. therī 2.3.31-32);

    д̇ад̇о бхад̣̇д̣̇аа жинд̇зси – ‘‘на саггаа маяаа иминаа нияаамзна буна г̇зхам̣ г̇анд̇ум̣, ид̇ова г̇анд̇ваа згам̣ баб̣б̣аж̇ж̇ам̣ баб̣б̣аж̇иссаамий’’д̇и, ниг̇ан̣таараамам̣ г̇анд̇ваа ниг̇ан̣тз баб̣б̣аж̇ж̇ам̣ яаажи. ат̇а нам̣ д̇з аахам̣су – ‘‘гзна нияаамзна баб̣б̣аж̇ж̇аа ход̇уу’’д̇и? яам̣ д̇умхаагам̣ баб̣б̣аж̇ж̇ааяа уд̇д̇амам̣, д̇ад̣̇зва гарот̇аад̇и. д̇з ‘‘саад̇хуу’’д̇и д̇ассаа д̇ааладтинаа гзсз лун̃жид̇ваа баб̣б̣ааж̇зсум̣. гзсаа буна вад̣дханд̇аа раасираасивасзна гун̣д̣алаавад̇д̇аа худ̇ваа вад̣дхим̣су. саа д̇знзва гааран̣зна гун̣д̣алагзсаа наама ж̇аад̇аа. саа ад̇д̇ано баб̣б̣аж̇ид̇адтаанз саб̣б̣асиббам̣ уг̇г̇ан̣хид̇ваа ‘‘зд̇зсам̣ ид̇о уд̇д̇ари висзсо над̇т̇ий’’д̇и н̃ад̇ваа г̇ааманиг̇амарааж̇ад̇хаанияо вижаранд̇ий яад̇т̇а яад̇т̇а бан̣д̣ид̇аа ад̇т̇и , д̇ад̇т̇а д̇ад̇т̇а г̇анд̇ваа д̇зсам̣ ж̇аананасиббам̣ саб̣б̣амзва уг̇г̇ан̣хаад̇и. ат̇ассаа б̣ахуусу таанзсу сигкид̇абхаавзна бадиваад̣̇ам̣ д̣̇аад̇ум̣ самад̇т̇аа на хонд̇и. саа ад̇д̇анаа сад̣̇д̇хим̣ гат̇зд̇ум̣ самад̇т̇ам̣ ад̣̇исваа яам̣ г̇аамам̣ ваа ниг̇амам̣ ваа бависад̇и, д̇асса д̣̇ваарз ваалугараасим̣ гад̇ваа д̇ад̇т̇а ж̇амб̣усаакам̣ табзд̇и. ‘‘яо мама ваад̣̇ам̣ ааробзд̇ум̣ саггод̇и, со имам̣ саакам̣ мад̣̇д̣̇ад̇уу’’д̇и самийбз тид̇аанам̣ д̣̇аарагаанам̣ сан̃н̃ам̣ д̣̇зд̇и. д̇ам̣ сад̇д̇аахамби мад̣̇д̣̇анд̇аа на хонд̇и. ат̇а нам̣ г̇ахзд̇ваа баггамад̇и.

    Tato bhaddā cintesi – ‘‘na sakkā mayā iminā niyāmena puna gehaṃ gantuṃ, itova gantvā ekaṃ pabbajjaṃ pabbajissāmī’’ti, nigaṇṭhārāmaṃ gantvā nigaṇṭhe pabbajjaṃ yāci. Atha naṃ te āhaṃsu – ‘‘kena niyāmena pabbajjā hotū’’ti? Yaṃ tumhākaṃ pabbajjāya uttamaṃ, tadeva karothāti. Te ‘‘sādhū’’ti tassā tālaṭṭhinā kese luñcitvā pabbājesuṃ. Kesā puna vaḍḍhantā rāsirāsivasena kuṇḍalāvattā hutvā vaḍḍhiṃsu. Sā teneva kāraṇena kuṇḍalakesā nāma jātā. Sā attano pabbajitaṭṭhāne sabbasippaṃ uggaṇhitvā ‘‘etesaṃ ito uttari viseso natthī’’ti ñatvā gāmanigamarājadhāniyo vicarantī yattha yattha paṇḍitā atthi , tattha tattha gantvā tesaṃ jānanasippaṃ sabbameva uggaṇhāti. Athassā bahūsu ṭhānesu sikkhitabhāvena paṭivādaṃ dātuṃ samatthā na honti. Sā attanā saddhiṃ kathetuṃ samatthaṃ adisvā yaṃ gāmaṃ vā nigamaṃ vā pavisati, tassa dvāre vālukarāsiṃ katvā tattha jambusākhaṃ ṭhapeti. ‘‘Yo mama vādaṃ āropetuṃ sakkoti, so imaṃ sākhaṃ maddatū’’ti samīpe ṭhitānaṃ dārakānaṃ saññaṃ deti. Taṃ sattāhampi maddantā na honti. Atha naṃ gahetvā pakkamati.

    д̇асмим̣ самаяз амхаагам̣ бхаг̇аваа логз ниб̣б̣ад̇д̇ид̇ваа саавад̇т̇им̣ убаниссааяа ж̇зд̇аванз вихарад̇и. гун̣д̣алагзсааби ко анубуб̣б̣зна саавад̇т̇им̣ бад̇ваа анд̇онаг̇арам̣ бависамаанаа бораан̣аганияаамзнзва ваалугаараасимхи саакам̣ табзд̇ваа д̣̇аарагаанам̣ сан̃н̃ам̣ д̣̇ад̇ваа баависи. д̇асмим̣ самаяз д̇хаммасзнаабад̇и бхигкусан̇гхз бавидтз згагова наг̇арам̣ бависанд̇о ваалугаат̇уубз ж̇амб̣усаакам̣ д̣̇исваа ‘‘гасмаа аяам̣ табид̇аа’’д̇и бужчи. д̣̇аарагаа д̇ам̣ гааран̣ам̣ абарихаабзд̇ваа гат̇зсум̣. звам̣ санд̇з имам̣ г̇ахзд̇ваа мад̣̇д̣̇ат̇а, д̣̇аарагаад̇и. д̇зсу т̇зрасса важанам̣ суд̇ваа згажжз мад̣̇д̣̇ид̇ум̣ на висахим̣су, згажжз д̇ам̣кан̣зязва мад̣̇д̣̇ид̇ваа жун̣н̣авижун̣н̣ам̣ агам̣су. гун̣д̣алагзсаа бхад̇д̇агижжам̣ гад̇ваа нигкаманд̇ий д̇ам̣ саакам̣ мад̣̇д̣̇ид̇ам̣ д̣̇исваа ‘‘гассзд̇ам̣ гамма’’нд̇и бужчи. ат̇ассаа д̇хаммасзнаабад̇инаа гаараабид̇абхаавам̣ гат̇аяим̣су. саа ‘‘ад̇д̇ано т̇аамам̣ аж̇аананд̇о имам̣ саакам̣ мад̣̇д̣̇аабзд̇ум̣ но висахиссад̇и, ад̣̇д̇хаа маханд̇о зсо бхависсад̇и . ахамби бана куд̣̇д̣̇игаа бхаванд̇ий на собхиссаами, анд̇ог̇аамамзва бависид̇ваа барисааяа сан̃н̃ам̣ д̣̇аад̇ум̣ ваддад̇ий’’д̇и жинд̇зд̇ваа д̇ат̇аа агааси. асийд̇игуласахассаниваасз наг̇арз сабхааг̇асабхааг̇авасзна саб̣б̣зва сан̃ж̇ааним̣сууд̇и взд̣̇ид̇аб̣б̣ам̣.

    Tasmiṃ samaye amhākaṃ bhagavā loke nibbattitvā sāvatthiṃ upanissāya jetavane viharati. Kuṇḍalakesāpi kho anupubbena sāvatthiṃ patvā antonagaraṃ pavisamānā porāṇakaniyāmeneva vālukārāsimhi sākhaṃ ṭhapetvā dārakānaṃ saññaṃ datvā pāvisi. Tasmiṃ samaye dhammasenāpati bhikkhusaṅghe paviṭṭhe ekakova nagaraṃ pavisanto vālukāthūpe jambusākhaṃ disvā ‘‘kasmā ayaṃ ṭhapitā’’ti pucchi. Dārakā taṃ kāraṇaṃ aparihāpetvā kathesuṃ. Evaṃ sante imaṃ gahetvā maddatha, dārakāti. Tesu therassa vacanaṃ sutvā ekacce maddituṃ na visahiṃsu, ekacce taṃkhaṇeyeva madditvā cuṇṇavicuṇṇaṃ akaṃsu. Kuṇḍalakesā bhattakiccaṃ katvā nikkhamantī taṃ sākhaṃ madditaṃ disvā ‘‘kassetaṃ kamma’’nti pucchi. Athassā dhammasenāpatinā kārāpitabhāvaṃ kathayiṃsu. Sā ‘‘attano thāmaṃ ajānanto imaṃ sākhaṃ maddāpetuṃ no visahissati, addhā mahanto eso bhavissati . Ahampi pana khuddikā bhavantī na sobhissāmi, antogāmameva pavisitvā parisāya saññaṃ dātuṃ vaṭṭatī’’ti cintetvā tathā akāsi. Asītikulasahassanivāse nagare sabhāgasabhāgavasena sabbeva sañjāniṃsūti veditabbaṃ.

    т̇зроби бхад̇д̇агижжам̣ гад̇ваа ан̃н̃ад̇арасмим̣ ругкамуулз нисийд̣̇и. ат̇ааяам̣ гун̣д̣алагзсаа махааж̇анабаривуд̇аа т̇зрасса санд̇игам̣ г̇анд̇ваа бадисант̇аарам̣ гад̇ваа згаманд̇ам̣ тад̇ваа, ‘‘бханд̇з, д̇умхзхи саакаа мад̣̇д̣̇аабид̇аа’’д̇и бужчи. аама, маяаа мад̣̇д̣̇аабид̇аад̇и. звам̣ санд̇з д̇умхзхи сад̣̇д̇хим̣ амхаагам̣ ваад̣̇о ход̇у, бханд̇зд̇и . ход̇у, бхад̣̇д̣̇зд̇и. гасса бужчаа ход̇у, гасса виссаж̇ж̇ананд̇и? бужчаа наама амхаагам̣ бад̇д̇аа, д̇вам̣ бана д̇уяхам̣ ж̇аананагам̣ бужчаад̇и. саа т̇зрзна д̣̇иннаанумад̇ияаа саб̣б̣амзва ад̇д̇ано ж̇аананагам̣ ваад̣̇ам̣ бужчи, т̇зро саб̣б̣ам̣ виссаж̇ж̇зси. саа саб̣б̣ам̣ бужчид̇ваа д̇ун̣хий ахоси. ат̇а нам̣ т̇зро ааха – ‘‘д̇аяаа б̣ахум̣ бужчид̇ам̣, маяамби згам̣ бан̃хам̣ бужчаамаа’’д̇и. бужчат̇а, бханд̇зд̇и. згам̣ наама гинд̇и? гун̣д̣алагзсаа ‘‘на ж̇аанаами, бханд̇з’’д̇и ааха. д̇вам̣ зд̇д̇агамби на ж̇аанааси, ан̃н̃ам̣ гим̣ ж̇ааниссасийд̇и? саа т̇зрасса баад̣̇зсу бад̇ид̇ваа ‘‘д̇умхаагам̣ саран̣ам̣ г̇ажчаами, бханд̇з’’д̇и ааха. мама саран̣аг̇аманагаммам̣ над̇т̇и, сад̣̇звагз логз аг̇г̇абуг̇г̇ало д̇хуравихаарз васад̇и, д̇ам̣ саран̣ам̣ г̇ажчаахийд̇и. саа ‘‘звам̣ гариссаами, бханд̇з’’д̇и сааяанхасамаяз сад̇т̇у д̇хаммад̣̇зсанаавзлааяа сад̇т̇у санд̇игам̣ г̇анд̇ваа бан̃жабад̇идтид̇зна ванд̣̇ид̇ваа згаманд̇ам̣ адтааси. сад̇т̇аа д̇ассаа мад̣̇д̣̇ид̇асан̇каарааяа жарияаавасзна д̇хаммабад̣̇з имам̣ г̇аат̇амааха –

    Theropi bhattakiccaṃ katvā aññatarasmiṃ rukkhamūle nisīdi. Athāyaṃ kuṇḍalakesā mahājanaparivutā therassa santikaṃ gantvā paṭisanthāraṃ katvā ekamantaṃ ṭhatvā, ‘‘bhante, tumhehi sākhā maddāpitā’’ti pucchi. Āma, mayā maddāpitāti. Evaṃ sante tumhehi saddhiṃ amhākaṃ vādo hotu, bhanteti . Hotu, bhaddeti. Kassa pucchā hotu, kassa vissajjananti? Pucchā nāma amhākaṃ pattā, tvaṃ pana tuyhaṃ jānanakaṃ pucchāti. Sā therena dinnaanumatiyā sabbameva attano jānanakaṃ vādaṃ pucchi, thero sabbaṃ vissajjesi. Sā sabbaṃ pucchitvā tuṇhī ahosi. Atha naṃ thero āha – ‘‘tayā bahuṃ pucchitaṃ, mayampi ekaṃ pañhaṃ pucchāmā’’ti. Pucchatha, bhanteti. Ekaṃ nāma kinti? Kuṇḍalakesā ‘‘na jānāmi, bhante’’ti āha. Tvaṃ ettakampi na jānāsi, aññaṃ kiṃ jānissasīti? Sā therassa pādesu patitvā ‘‘tumhākaṃ saraṇaṃ gacchāmi, bhante’’ti āha. Mama saraṇagamanakammaṃ natthi, sadevake loke aggapuggalo dhuravihāre vasati, taṃ saraṇaṃ gacchāhīti. Sā ‘‘evaṃ karissāmi, bhante’’ti sāyanhasamaye satthu dhammadesanāvelāya satthu santikaṃ gantvā pañcapatiṭṭhitena vanditvā ekamantaṃ aṭṭhāsi. Satthā tassā madditasaṅkhārāya cariyāvasena dhammapade imaṃ gāthamāha –

    ‘‘сахассамаби жз г̇аат̇аа, анад̇т̇абад̣̇асам̣хид̇аа;

    ‘‘Sahassamapi ce gāthā, anatthapadasaṃhitā;

    згам̣ г̇аат̇аабад̣̇ам̣ сзяяо, яам̣ суд̇ваа убасаммад̇ий’’д̇и. (д̇ха. ба. 101);

    Ekaṃ gāthāpadaṃ seyyo, yaṃ sutvā upasammatī’’ti. (dha. pa. 101);

    саа г̇аат̇аабарияосаанз яат̇аатид̇аава саха бадисамбхид̣̇аахи арахад̇д̇ам̣ бад̇ваа баб̣б̣аж̇ж̇ам̣ яаажи. сад̇т̇аа д̇ассаа баб̣б̣аж̇ж̇ам̣ самбадижчи. саа бхигкунубассаяам̣ г̇анд̇ваа баб̣б̣аж̇и. абарабхааг̇з жад̇убарисамаж̇жхз гат̇аа уд̣̇абаад̣̇и – ‘‘маханд̇аа вад̇ааяам̣ бхад̣̇д̣̇аа гун̣д̣алагзсаа, яаа жад̇уббад̣̇игаг̇аат̇аавасаанз арахад̇д̇ам̣ бад̇д̇аа’’д̇и. сад̇т̇аа д̇ам̣ гааран̣ам̣ адтуббад̇д̇им̣ гад̇ваа т̇зрим̣ киббаабхин̃н̃аанам̣ аг̇г̇адтаанз табзсийд̇и.

    Sā gāthāpariyosāne yathāṭhitāva saha paṭisambhidāhi arahattaṃ patvā pabbajjaṃ yāci. Satthā tassā pabbajjaṃ sampaṭicchi. Sā bhikkhunupassayaṃ gantvā pabbaji. Aparabhāge catuparisamajjhe kathā udapādi – ‘‘mahantā vatāyaṃ bhaddā kuṇḍalakesā, yā catuppadikagāthāvasāne arahattaṃ pattā’’ti. Satthā taṃ kāraṇaṃ aṭṭhuppattiṃ katvā theriṃ khippābhiññānaṃ aggaṭṭhāne ṭhapesīti.

    бхад̣̇д̣̇аагаабилаанийт̇зрийвад̇т̇у

    Bhaddākāpilānītherīvatthu

    244. д̣̇асамз буб̣б̣зниваасанд̇и буб̣б̣з нивуд̇т̇агканд̇хасанд̇аанам̣ ануссаранд̇ийнам̣ бхад̣̇д̣̇аа гаабилааний аг̇г̇аад̇и д̣̇ассзд̇и. саа гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇ид̇ваа сад̇т̇у д̇хаммад̣̇зсанам̣ сун̣анд̇ий сад̇т̇аарам̣ згам̣ бхигкуним̣ буб̣б̣зниваасам̣ ануссаранд̇ийнам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа ануббаннз б̣уд̣̇д̇хз б̣аараан̣асияам̣ гулаг̇зхз бадисанд̇хим̣ г̇ан̣хид̇ваа ад̇д̇ано саамибхаг̇инияаа сад̣̇д̇хим̣ галахам̣ гаронд̇ий д̇ааяа бажжзгаб̣уд̣̇д̇хасса бин̣д̣абаад̇з д̣̇иннз, ‘‘аяам̣ имасса бин̣д̣абаад̇ам̣ д̣̇ад̇ваа ад̇д̇ано васам̣ вад̇д̇зд̇ий’’д̇и бажжзгаб̣уд̣̇д̇хасса хад̇т̇ад̇о бад̇д̇ам̣ г̇ан̣хид̇ваа бхад̇д̇ам̣ чад̣д̣зд̇ваа галаласса буурзд̇ваа ад̣̇ааси. махааж̇ано ‘‘б̣аалаа аяа’’нд̇и г̇арахид̇ваа, ‘‘яааяа д̇з сад̣̇д̇хим̣ галахо гад̇о, д̇ассаа гин̃жи на гароси, бажжзгаб̣уд̣̇д̇хо д̇з гим̣ абараж̇жхад̇ий’’д̇и ааха. саа д̇зсам̣ важанзна лаж̇ж̇ааяамаанаа буна бад̇д̇ам̣ г̇ахзд̇ваа галалам̣ хаарзд̇ваа д̇ховид̇ваа г̇анд̇хажун̣н̣зна уб̣б̣аддзд̇ваа жад̇умад̇хурасса буурзд̇ваа убари аасид̇д̇зна бад̣̇умаг̇аб̣бхаван̣н̣зна саббинаа виж̇ж̇од̇амаанам̣ бажжзгаб̣уд̣̇д̇хасса хад̇т̇з табзд̇ваа ‘‘яат̇аа аяам̣ бин̣д̣абаад̇о обхаасаж̇аад̇о, звам̣ обхаасаж̇аад̇ам̣ мз сарийрам̣ ход̇уу’’д̇и бад̇т̇анам̣ бадтабзсийд̇и саб̣б̣ам̣ махаагассабад̇т̇зрасса вад̇т̇умхи вуд̇д̇анаязнзва взд̣̇ид̇аб̣б̣ам̣.

    244. Dasame pubbenivāsanti pubbe nivutthakkhandhasantānaṃ anussarantīnaṃ bhaddā kāpilānī aggāti dasseti. Sā kira padumuttarabuddhakāle haṃsavatiyaṃ kulagehe nibbattitvā satthu dhammadesanaṃ suṇantī satthāraṃ ekaṃ bhikkhuniṃ pubbenivāsaṃ anussarantīnaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā anuppanne buddhe bārāṇasiyaṃ kulagehe paṭisandhiṃ gaṇhitvā attano sāmibhaginiyā saddhiṃ kalahaṃ karontī tāya paccekabuddhassa piṇḍapāte dinne, ‘‘ayaṃ imassa piṇḍapātaṃ datvā attano vasaṃ vattetī’’ti paccekabuddhassa hatthato pattaṃ gaṇhitvā bhattaṃ chaḍḍetvā kalalassa pūretvā adāsi. Mahājano ‘‘bālā aya’’nti garahitvā, ‘‘yāya te saddhiṃ kalaho kato, tassā kiñci na karosi, paccekabuddho te kiṃ aparajjhatī’’ti āha. Sā tesaṃ vacanena lajjāyamānā puna pattaṃ gahetvā kalalaṃ hāretvā dhovitvā gandhacuṇṇena ubbaṭṭetvā catumadhurassa pūretvā upari āsittena padumagabbhavaṇṇena sappinā vijjotamānaṃ paccekabuddhassa hatthe ṭhapetvā ‘‘yathā ayaṃ piṇḍapāto obhāsajāto, evaṃ obhāsajātaṃ me sarīraṃ hotū’’ti patthanaṃ paṭṭhapesīti sabbaṃ mahākassapattherassa vatthumhi vuttanayeneva veditabbaṃ.

    махаагассабад̇т̇зро бана д̣̇агкин̣амаг̇г̇ам̣ г̇ахзд̇ваа д̣̇асаб̣аласса санд̇игам̣ б̣ахубуд̇д̇аганиг̇род̇хамуулам̣ г̇ад̇о, аяам̣ бхад̣̇д̣̇аа гаабилааний ваамамаг̇г̇ам̣ г̇ан̣хид̇ваа маад̇уг̇аамасса баб̣б̣аж̇ж̇ааяа ананун̃н̃аад̇абхаавзна бариб̣б̣ааж̇игаараамам̣ аг̇амааси. яад̣̇аа бана махаабаж̇аабад̇иг̇од̇амий баб̣б̣аж̇ж̇ан̃жа убасамбад̣̇ан̃жа лабхи, д̇ад̣̇аа саа т̇зрий т̇зрияаа санд̇игз баб̣б̣аж̇ж̇ан̃жа убасамбад̣̇ан̃жа лабхид̇ваа абарабхааг̇з вибассанааяа гаммам̣ гаронд̇ий арахад̇д̇ам̣ бад̇ваа буб̣б̣зниваасан̃аан̣з жин̣н̣авасий ахоси. ат̇а сад̇т̇аа ж̇зд̇аванз нисийд̣̇ид̇ваа бхигкунияо бадибаадияаа таананд̇арзсу табзнд̇о имам̣ т̇зрим̣ буб̣б̣зниваасам̣ ануссаранд̇ийнам̣ аг̇г̇адтаанз табзсийд̇и.

    Mahākassapatthero pana dakkhiṇamaggaṃ gahetvā dasabalassa santikaṃ bahuputtakanigrodhamūlaṃ gato, ayaṃ bhaddā kāpilānī vāmamaggaṃ gaṇhitvā mātugāmassa pabbajjāya ananuññātabhāvena paribbājikārāmaṃ agamāsi. Yadā pana mahāpajāpatigotamī pabbajjañca upasampadañca labhi, tadā sā therī theriyā santike pabbajjañca upasampadañca labhitvā aparabhāge vipassanāya kammaṃ karontī arahattaṃ patvā pubbenivāsañāṇe ciṇṇavasī ahosi. Atha satthā jetavane nisīditvā bhikkhuniyo paṭipāṭiyā ṭhānantaresu ṭhapento imaṃ theriṃ pubbenivāsaṃ anussarantīnaṃ aggaṭṭhāne ṭhapesīti.

    бхад̣̇д̣̇аагажжаанаат̇зрийвад̇т̇у

    Bhaddākaccānātherīvatthu

    245. згаад̣̇асамз махаабхин̃н̃ааббад̇д̇аананд̇и махад̇ияо абхин̃н̃ааяо бад̇д̇аанам̣, бхад̣̇д̣̇аа гажжаанаа, наама аг̇г̇аад̇и д̣̇ассзд̇и. згасса хи б̣уд̣̇д̇хасса жад̇д̇аарова ж̇анаа махаабхин̃н̃аа хонд̇и, на авасзсасаавагаа. авасзсасаавагаа хи габбасад̇асахассамзва ануссарид̇ум̣ саггонд̇и, на д̇ад̇о барам̣. махаабхин̃н̃ааббад̇д̇аа бана габбасад̇асахассаад̇хигам̣ асан̇кязяяам̣ ануссаранд̇и. амхаагамби сад̇т̇у саасанз д̣̇вз аг̇г̇асаавагаа б̣аагулад̇т̇зро бхад̣̇д̣̇аа гажжаанаад̇и имз жад̇д̇ааро зд̇д̇агам̣ ануссарид̇ум̣ сагким̣су. д̇асмаа аяам̣ т̇зрий махаабхин̃н̃ааббад̇д̇аанам̣ аг̇г̇аа наама ж̇аад̇аа. бхад̣̇д̣̇аа гажжаанаад̇и д̇ассаа наамам̣. бхад̣̇д̣̇аган̃жанасса хи уд̇д̇амасуван̣н̣асса вияа д̇ассаа сарийраван̣н̣о ахоси, саа д̇асмаа бхад̣̇д̣̇аган̃жанаад̇и наамам̣ лабхи, саа бажчаа гажжаанаад̇взва сан̇кам̣ г̇ад̇аа. раахуламаад̇ааязд̇ам̣ ад̇хиважанам̣.

    245. Ekādasame mahābhiññāppattānanti mahatiyo abhiññāyo pattānaṃ, bhaddā kaccānā, nāma aggāti dasseti. Ekassa hi buddhassa cattārova janā mahābhiññā honti, na avasesasāvakā. Avasesasāvakā hi kappasatasahassameva anussarituṃ sakkonti, na tato paraṃ. Mahābhiññāppattā pana kappasatasahassādhikaṃ asaṅkhyeyyaṃ anussaranti. Amhākampi satthu sāsane dve aggasāvakā bākulatthero bhaddā kaccānāti ime cattāro ettakaṃ anussarituṃ sakkhiṃsu. Tasmā ayaṃ therī mahābhiññāppattānaṃ aggā nāma jātā. Bhaddā kaccānāti tassā nāmaṃ. Bhaddakañcanassa hi uttamasuvaṇṇassa viya tassā sarīravaṇṇo ahosi, sā tasmā bhaddakañcanāti nāmaṃ labhi, sā pacchā kaccānātveva saṅkhaṃ gatā. Rāhulamātāyetaṃ adhivacanaṃ.

    саа хи бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз бадисанд̇хим̣ г̇ахзд̇ваа абарабхааг̇з сад̇т̇у д̇хаммагат̇ам̣ сун̣анд̇ий сад̇т̇аарам̣ згам̣ бхигкуним̣ махаабхин̃н̃ааббад̇д̇аанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з суббаб̣уд̣̇д̇хасаггасса г̇зхз бадисанд̇хим̣ г̇ан̣хи, бхад̣̇д̣̇аа гажжаанаад̇иссаа наамам̣ агам̣су.

    Sā hi padumuttarabuddhakāle haṃsavatiyaṃ kulagehe paṭisandhiṃ gahetvā aparabhāge satthu dhammakathaṃ suṇantī satthāraṃ ekaṃ bhikkhuniṃ mahābhiññāppattānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā imasmiṃ buddhuppāde suppabuddhasakkassa gehe paṭisandhiṃ gaṇhi, bhaddā kaccānātissā nāmaṃ akaṃsu.

    саа ваяаббад̇д̇аа б̣од̇хисад̇д̇асса г̇зхам̣ аг̇амааси. саа абарабхааг̇з раахулагумаарам̣ наама буд̇д̇ам̣ виж̇ааяи. д̇асса ж̇аад̇ад̣̇ивасзва б̣од̇хисад̇д̇о нигкамид̇ваа б̣од̇химан̣д̣з саб̣б̣ан̃н̃уд̇ам̣ бад̇ваа логаануг̇г̇ахам̣ гаронд̇о анубуб̣б̣зна габилавад̇т̇ум̣ ааг̇амма н̃аад̇ийнам̣ сан̇г̇ахам̣ агааси. абарабхааг̇з бариниб̣б̣уд̇з суд̣̇д̇ход̣̇анамахаарааж̇з махаабаж̇аабад̇иг̇од̇амий бан̃жахи маад̇уг̇аамасад̇зхи сад̣̇д̇хим̣ сад̇т̇у санд̇игз баб̣б̣аж̇и. раахуламаад̇ааби ж̇анабад̣̇агаляаан̣ийби т̇зрияаа санд̇игам̣ г̇анд̇ваа баб̣б̣аж̇и. саа баб̣б̣аж̇ид̇агаалад̇о бадтааяа бхад̣̇д̣̇агажжаанад̇т̇зрийд̇взва баагадаа ахоси. саа абарабхааг̇з вибассанам̣ вад̣дхзд̇ваа арахад̇д̇ам̣ бад̇ваа абхин̃н̃аасу жин̣н̣авасий ахоси, згабаллан̇гзна нисиннаа згааваж̇ж̇анзна габбасад̇асахассаад̇хигам̣ асан̇кязяяам̣ ануссарад̇и. д̇ассаа д̇асмим̣ г̇ун̣з баагадз ж̇аад̇з сад̇т̇аа ж̇зд̇аванз нисинно бхигкунияо бадибаадияаа таананд̇арз табзнд̇о имам̣ т̇зрим̣ махаабхин̃н̃ааббад̇д̇аанам̣ аг̇г̇адтаанз табзсийд̇и.

    Sā vayappattā bodhisattassa gehaṃ agamāsi. Sā aparabhāge rāhulakumāraṃ nāma puttaṃ vijāyi. Tassa jātadivaseva bodhisatto nikkhamitvā bodhimaṇḍe sabbaññutaṃ patvā lokānuggahaṃ karonto anupubbena kapilavatthuṃ āgamma ñātīnaṃ saṅgahaṃ akāsi. Aparabhāge parinibbute suddhodanamahārāje mahāpajāpatigotamī pañcahi mātugāmasatehi saddhiṃ satthu santike pabbaji. Rāhulamātāpi janapadakalyāṇīpi theriyā santikaṃ gantvā pabbaji. Sā pabbajitakālato paṭṭhāya bhaddakaccānattherītveva pākaṭā ahosi. Sā aparabhāge vipassanaṃ vaḍḍhetvā arahattaṃ patvā abhiññāsu ciṇṇavasī ahosi, ekapallaṅkena nisinnā ekāvajjanena kappasatasahassādhikaṃ asaṅkhyeyyaṃ anussarati. Tassā tasmiṃ guṇe pākaṭe jāte satthā jetavane nisinno bhikkhuniyo paṭipāṭiyā ṭhānantare ṭhapento imaṃ theriṃ mahābhiññāppattānaṃ aggaṭṭhāne ṭhapesīti.

    гисааг̇од̇амийт̇зрийвад̇т̇у

    Kisāgotamītherīvatthu

    246. д̣̇ваад̣̇асамз луукажийварад̇хараананд̇и д̇ийхи луукзхи саманнааг̇ад̇ам̣ бам̣сугуулам̣ д̇хаарзнд̇ийнам̣, гисааг̇од̇амий, аг̇г̇аад̇и д̣̇ассзд̇и. г̇од̇амийд̇и д̇ассаа наамам̣, т̇огам̣ гисад̇хаад̇угад̇д̇аа бана гисааг̇од̇амийд̇и вужжад̇и. аяамби бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇ид̇ваа сад̇т̇у д̇хаммад̣̇зсанам̣ сун̣анд̇ий сад̇т̇аарам̣ згам̣ бхигкуним̣ луукажийварад̇хараанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з саавад̇т̇ияам̣ д̣̇уг̇г̇ад̇агулз ниб̣б̣ад̇д̇ид̇ваа ваяаббад̇д̇агаалз згам̣ гулам̣ аг̇амааси. д̇ад̇т̇а нам̣ ‘‘д̣̇уг̇г̇ад̇агуласса д̇хийд̇аа’’д̇и барибхавим̣су.

    246. Dvādasame lūkhacīvaradharānanti tīhi lūkhehi samannāgataṃ paṃsukūlaṃ dhārentīnaṃ, kisāgotamī, aggāti dasseti. Gotamīti tassā nāmaṃ, thokaṃ kisadhātukattā pana kisāgotamīti vuccati. Ayampi padumuttarabuddhakāle haṃsavatiyaṃ kulagehe nibbattitvā satthu dhammadesanaṃ suṇantī satthāraṃ ekaṃ bhikkhuniṃ lūkhacīvaradharānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā imasmiṃ buddhuppāde sāvatthiyaṃ duggatakule nibbattitvā vayappattakāle ekaṃ kulaṃ agamāsi. Tattha naṃ ‘‘duggatakulassa dhītā’’ti paribhaviṃsu.

    саа абарабхааг̇з буд̇д̇ам̣ виж̇ааяи, ат̇ассаа саммаанамагам̣су. со банассаа д̣̇аараго аад̇хаавид̇ваа барид̇хаавид̇ваа гийл̣анаваяз тид̇о гааламагааси, д̇ассаа сого уд̣̇абаад̣̇и. саа ‘‘ахам̣ имасмим̣язва г̇зхз хад̇алаабхасаггаараа худ̇ваа буд̇д̇асса ж̇аад̇агаалад̇о бадтааяа саггаарам̣ баабун̣им̣, имз маяхам̣ буд̇д̇ам̣ б̣ахи чад̣д̣зд̇умби вааяамзяяу’’нд̇и буд̇д̇ам̣ ан̇гзнаад̣̇ааяа ‘‘буд̇д̇асса мз бхзсаж̇ж̇ам̣ д̣̇зт̇аа’’д̇и г̇зхад̣̇ваарабадибаадияаа вижарад̇и. д̣̇идтад̣̇идтадтаанз мануссаа ‘‘гад̇т̇а д̇з мад̇агасса бхзсаж̇ж̇ам̣ д̣̇идтабуб̣б̣а’’нд̇и баан̣им̣ бахарид̇ваа барихаасам̣ гаронд̇и. саа д̇зсам̣ гат̇ааяа нзва сан̃н̃ад̇д̇им̣ г̇ажчад̇и. ат̇а нам̣ зго бан̣д̣ид̇абурисо д̣̇исваа, ‘‘аяам̣ буд̇д̇асогзна жид̇д̇авигкзбам̣ бад̇д̇аа бхависсад̇и, зд̇иссаа бана бхзсаж̇ж̇ам̣ на ан̃н̃о ж̇ааниссад̇и, д̣̇асаб̣алова ж̇ааниссад̇ий’’д̇и жинд̇зд̇ваа звамааха – ‘‘амма, д̇ава буд̇д̇асса бхзсаж̇ж̇ам̣ ан̃н̃о ж̇аананд̇о наама над̇т̇и, сад̣̇звагз бана логз аг̇г̇абуг̇г̇ало д̣̇асаб̣ало д̇хуравихаарз васад̇и, д̇асса санд̇игам̣ г̇анд̇ваа бужчаахий’’д̇и. саа ‘‘сажжам̣ бурисо гат̇зд̇ий’’д̇и буд̇д̇амаад̣̇ааяа д̇ат̇ааг̇ад̇асса б̣уд̣̇д̇хаасанз нисиннавзлааяа барисабарияанд̇з тад̇ваа ‘‘буд̇д̇асса мз бхзсаж̇ж̇ам̣ д̣̇зт̇а бхаг̇аваа’’д̇и ааха.

    Sā aparabhāge puttaṃ vijāyi, athassā sammānamakaṃsu. So panassā dārako ādhāvitvā paridhāvitvā kīḷanavaye ṭhito kālamakāsi, tassā soko udapādi. Sā ‘‘ahaṃ imasmiṃyeva gehe hatalābhasakkārā hutvā puttassa jātakālato paṭṭhāya sakkāraṃ pāpuṇiṃ, ime mayhaṃ puttaṃ bahi chaḍḍetumpi vāyameyyu’’nti puttaṃ aṅkenādāya ‘‘puttassa me bhesajjaṃ dethā’’ti gehadvārapaṭipāṭiyā vicarati. Diṭṭhadiṭṭhaṭṭhāne manussā ‘‘kattha te matakassa bhesajjaṃ diṭṭhapubba’’nti pāṇiṃ paharitvā parihāsaṃ karonti. Sā tesaṃ kathāya neva saññattiṃ gacchati. Atha naṃ eko paṇḍitapuriso disvā, ‘‘ayaṃ puttasokena cittavikkhepaṃ pattā bhavissati, etissā pana bhesajjaṃ na añño jānissati, dasabalova jānissatī’’ti cintetvā evamāha – ‘‘amma, tava puttassa bhesajjaṃ añño jānanto nāma natthi, sadevake pana loke aggapuggalo dasabalo dhuravihāre vasati, tassa santikaṃ gantvā pucchāhī’’ti. Sā ‘‘saccaṃ puriso kathetī’’ti puttamādāya tathāgatassa buddhāsane nisinnavelāya parisapariyante ṭhatvā ‘‘puttassa me bhesajjaṃ detha bhagavā’’ti āha.

    сад̇т̇аа д̇ассаа убаниссаяам̣ д̣̇исваа ‘‘бхад̣̇д̣̇агам̣ д̇з г̇од̇ами гад̇ам̣ бхзсаж̇ж̇ад̇т̇ааяа ид̇хааг̇ажчанд̇ияаа, г̇ажча наг̇арам̣ бависид̇ваа годид̇о бадтааяа сагаланаг̇арам̣ жарид̇ваа яасмим̣ г̇зхз гожи мад̇абуб̣б̣о над̇т̇и, д̇ад̇о сид̣̇д̇хад̇т̇агам̣ аахараа’’д̇и ааха. саа ‘‘саад̇ху, бханд̇з’’д̇и д̇удтамаанасаа анд̇онаг̇арам̣ бависид̇ваа батамаг̇зхзязва ‘‘д̣̇асаб̣ало мама буд̇д̇асса бхзсаж̇ж̇ад̇т̇ааяа сид̣̇д̇хад̇т̇агам̣ аахараабзд̇и, сид̣̇д̇хад̇т̇агам̣ мз д̣̇зт̇аа’’д̇и ааха. ‘‘ханд̣̇а г̇од̇амий’’д̇и нийхарид̇ваа ад̣̇ам̣су. ахам̣ звам̣ г̇ахзд̇ум̣ на саггоми, имасмим̣ г̇зхз гожи мад̇абуб̣б̣о наама над̇т̇ийд̇и? гим̣ вад̣̇зси г̇од̇ами, го ид̇ха мад̇агз г̇ан̣зд̇ум̣ саггод̇ийд̇и? ‘‘д̇зна хи алам̣ наахам̣ г̇ан̣хиссаами, д̣̇асаб̣ало мам̣ яад̇т̇а мад̇абуб̣б̣о над̇т̇и, д̇ад̇о нам̣ г̇ан̣хаабзд̇ий’’д̇и ааха. саа иминаава нияаамзна д̇ад̇ияагхарам̣ г̇анд̇ваа жинд̇зси – ‘‘сагаланаг̇арз аяамзва нияаамо бхависсад̇и, ид̣̇ам̣ хид̇аанугамбагзна б̣уд̣̇д̇хзна д̣̇идтам̣ бхависсад̇ий’’д̇и сам̣взг̇ам̣ лабхид̇ваа д̇ад̇ова б̣ахи нигкамид̇ваа аамагасусаанам̣ г̇анд̇ваа буд̇д̇ам̣ хад̇т̇зна г̇ахзд̇ваа, ‘‘буд̇д̇ага, ахам̣ имам̣ маран̣ам̣ д̇авзва уббаннанд̇и жинд̇зсим̣, на банзд̇ам̣ д̇авзва, махааж̇анасаад̇хааран̣о зса д̇хаммо’’д̇и вад̇ваа буд̇д̇ам̣ аамагасусаанз чад̣д̣зд̇ваа имам̣ г̇аат̇амааха –

    Satthā tassā upanissayaṃ disvā ‘‘bhaddakaṃ te gotami kataṃ bhesajjatthāya idhāgacchantiyā, gaccha nagaraṃ pavisitvā koṭito paṭṭhāya sakalanagaraṃ caritvā yasmiṃ gehe koci matapubbo natthi, tato siddhatthakaṃ āharā’’ti āha. Sā ‘‘sādhu, bhante’’ti tuṭṭhamānasā antonagaraṃ pavisitvā paṭhamageheyeva ‘‘dasabalo mama puttassa bhesajjatthāya siddhatthakaṃ āharāpeti, siddhatthakaṃ me dethā’’ti āha. ‘‘Handa gotamī’’ti nīharitvā adaṃsu. Ahaṃ evaṃ gahetuṃ na sakkomi, imasmiṃ gehe koci matapubbo nāma natthīti? Kiṃ vadesi gotami, ko idha matake gaṇetuṃ sakkotīti? ‘‘Tena hi alaṃ nāhaṃ gaṇhissāmi, dasabalo maṃ yattha matapubbo natthi, tato naṃ gaṇhāpetī’’ti āha. Sā imināva niyāmena tatiyagharaṃ gantvā cintesi – ‘‘sakalanagare ayameva niyāmo bhavissati, idaṃ hitānukampakena buddhena diṭṭhaṃ bhavissatī’’ti saṃvegaṃ labhitvā tatova bahi nikkhamitvā āmakasusānaṃ gantvā puttaṃ hatthena gahetvā, ‘‘puttaka, ahaṃ imaṃ maraṇaṃ taveva uppannanti cintesiṃ, na panetaṃ taveva, mahājanasādhāraṇo esa dhammo’’ti vatvā puttaṃ āmakasusāne chaḍḍetvā imaṃ gāthamāha –

    ‘‘на г̇аамад̇хаммо но ниг̇амасса д̇хаммо,

    ‘‘Na gāmadhammo no nigamassa dhammo,

    на жаабияам̣ згагуласса д̇хаммо;

    Na cāpiyaṃ ekakulassa dhammo;

    саб̣б̣асса логасса сад̣̇звагасса,

    Sabbassa lokassa sadevakassa,

    зсзва д̇хаммо яад̣̇ид̣̇ам̣ анижжад̇аа’’д̇и. (аба. т̇зрий 2.3.82);

    Eseva dhammo yadidaṃ aniccatā’’ti. (apa. therī 2.3.82);

    зван̃жа бана вад̇ваа сад̇т̇у санд̇игам̣ аг̇амааси. ат̇а нам̣ сад̇т̇аа ‘‘лад̣̇д̇хо д̇з, г̇од̇ами, сид̣̇д̇хад̇т̇аго’’д̇и ааха. нидтид̇ам̣, бханд̇з, сид̣̇д̇хад̇т̇агзна гаммам̣, бад̇идтам̣ бана мз д̣̇зт̇аад̇и ааха. ат̇ассаа сад̇т̇аа д̇хаммабад̣̇з имам̣ г̇аат̇амааха –

    Evañca pana vatvā satthu santikaṃ agamāsi. Atha naṃ satthā ‘‘laddho te, gotami, siddhatthako’’ti āha. Niṭṭhitaṃ, bhante, siddhatthakena kammaṃ, patiṭṭhaṃ pana me dethāti āha. Athassā satthā dhammapade imaṃ gāthamāha –

    ‘‘д̇ам̣ буд̇д̇абасусаммад̇д̇ам̣, б̣яаасад̇д̇аманасам̣ нарам̣;

    ‘‘Taṃ puttapasusammattaṃ, byāsattamanasaṃ naraṃ;

    суд̇д̇ам̣ г̇аамам̣ махогхова, мажжу аад̣̇ааяа г̇ажчад̇ий’’д̇и. (д̇ха. ба. 287);

    Suttaṃ gāmaṃ mahoghova, maccu ādāya gacchatī’’ti. (dha. pa. 287);

    саа г̇аат̇аабарияосаанз яат̇аатид̇аава сод̇аабад̇д̇ипалз бад̇идтааяа баб̣б̣аж̇ж̇ам̣ яаажи, сад̇т̇аа баб̣б̣аж̇ж̇ам̣ ануж̇аани. саа д̇игкад̇д̇ум̣ сад̇т̇аарам̣ бад̣̇агкин̣ам̣ гад̇ваа ванд̣̇ид̇ваа бхигкуниубассаяам̣ г̇анд̇ваа баб̣б̣аж̇ж̇ан̃жа убасамбад̣̇ан̃жа лабхид̇ваа нажирассзва яонисоманасигаарз гаммам̣ гаронд̇ий вибассанам̣ вад̣дхзси. ат̇ассаа сад̇т̇аа имам̣ обхаасаг̇аат̇амааха –

    Sā gāthāpariyosāne yathāṭhitāva sotāpattiphale patiṭṭhāya pabbajjaṃ yāci, satthā pabbajjaṃ anujāni. Sā tikkhattuṃ satthāraṃ padakkhiṇaṃ katvā vanditvā bhikkhuniupassayaṃ gantvā pabbajjañca upasampadañca labhitvā nacirasseva yonisomanasikāre kammaṃ karontī vipassanaṃ vaḍḍhesi. Athassā satthā imaṃ obhāsagāthamāha –

    ‘‘яо жа вассасад̇ам̣ ж̇ийвз, абассам̣ амад̇ам̣ бад̣̇ам̣;

    ‘‘Yo ca vassasataṃ jīve, apassaṃ amataṃ padaṃ;

    згаахам̣ ж̇ийвид̇ам̣ сзяяо, бассад̇о амад̇ам̣ бад̣̇а’’нд̇и. (д̇ха. ба. 114);

    Ekāhaṃ jīvitaṃ seyyo, passato amataṃ pada’’nti. (dha. pa. 114);

    саа г̇аат̇аабарияосаанз арахад̇д̇ам̣ бад̇д̇аа баригкааравалан̃ж̇з барамуггадтаа худ̇ваа д̇ийхи луукзхи саманнааг̇ад̇ам̣ жийварам̣ баарубид̇ваа вижари. абарабхааг̇з сад̇т̇аа ж̇зд̇аванз нисинно бхигкунияо бадибаадияаа таананд̇арз табзнд̇о имам̣ т̇зрим̣ луукажийварад̇хараанам̣ аг̇г̇адтаанз табзсийд̇и.

    Sā gāthāpariyosāne arahattaṃ pattā parikkhāravalañje paramukkaṭṭhā hutvā tīhi lūkhehi samannāgataṃ cīvaraṃ pārupitvā vicari. Aparabhāge satthā jetavane nisinno bhikkhuniyo paṭipāṭiyā ṭhānantare ṭhapento imaṃ theriṃ lūkhacīvaradharānaṃ aggaṭṭhāne ṭhapesīti.

    син̇г̇аалагамаад̇аат̇зрийвад̇т̇у

    Siṅgālakamātātherīvatthu

    247. д̇зрасамз сад̣̇д̇хаад̇химуд̇д̇аананд̇и сад̣̇д̇хаалагкан̣з абхинивидтаанам̣, син̇г̇аалагамаад̇аа, аг̇г̇аад̇и д̣̇ассзд̇и. аяам̣ гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулагхарз ниб̣б̣ад̇д̇аа сад̇т̇у д̇хаммагат̇ам̣ сун̣анд̇ий сад̇т̇аарам̣ згам̣ бхигкуним̣ сад̣̇д̇хаад̇химуд̇д̇аанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з рааж̇аг̇аханаг̇арз сздтигулз ниб̣б̣ад̇д̇аа самаанаж̇аад̇игам̣ гулам̣ г̇анд̇ваа згам̣ буд̇д̇ам̣ виж̇ааяи, д̇асса син̇г̇аалагагумаарод̇и наамам̣ агам̣су. сааби д̇знзва гааран̣зна син̇г̇аалагамаад̇аа наама ж̇аад̇аа. саа згад̣̇ивасам̣ сад̇т̇у д̇хаммагат̇ам̣ суд̇ваа бадилад̣̇д̇хасад̣̇д̇хаа сад̇т̇у санд̇игам̣ г̇анд̇ваа баб̣б̣аж̇и. баб̣б̣аж̇ид̇агаалад̇о бадтааяа сад̣̇д̇хинд̣̇рияам̣ ад̇химад̇д̇ам̣ бадилабхи. саа д̇хаммассаванад̇т̇ааяа вихаарам̣ г̇анд̇ваа д̣̇асаб̣аласса сарийрасамбад̇д̇им̣ ологаяамаанаава д̇идтад̇и. сад̇т̇аа д̇ассаа сад̣̇д̇хаалагкан̣з абхинивидтабхаавам̣ н̃ад̇ваа саббааяам̣ гад̇ваа басаад̣̇анийяамзва д̇хаммам̣ д̣̇зсзси. сааби т̇зрий сад̣̇д̇хаалагкан̣амзва д̇хурам̣ гад̇ваа арахад̇д̇ам̣ баабун̣и. ат̇а нам̣ сад̇т̇аа абарабхааг̇з ж̇зд̇аванз нисийд̣̇ид̇ваа бхигкунияо бадибаадияаа таананд̇арз табзнд̇о имам̣ т̇зрим̣ сад̣̇д̇хаад̇химуд̇д̇аанам̣ аг̇г̇адтаанз табзсийд̇и.

    247. Terasame saddhādhimuttānanti saddhālakkhaṇe abhiniviṭṭhānaṃ, siṅgālakamātā, aggāti dasseti. Ayaṃ kira padumuttarabuddhakāle haṃsavatiyaṃ kulaghare nibbattā satthu dhammakathaṃ suṇantī satthāraṃ ekaṃ bhikkhuniṃ saddhādhimuttānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā imasmiṃ buddhuppāde rājagahanagare seṭṭhikule nibbattā samānajātikaṃ kulaṃ gantvā ekaṃ puttaṃ vijāyi, tassa siṅgālakakumāroti nāmaṃ akaṃsu. Sāpi teneva kāraṇena siṅgālakamātā nāma jātā. Sā ekadivasaṃ satthu dhammakathaṃ sutvā paṭiladdhasaddhā satthu santikaṃ gantvā pabbaji. Pabbajitakālato paṭṭhāya saddhindriyaṃ adhimattaṃ paṭilabhi. Sā dhammassavanatthāya vihāraṃ gantvā dasabalassa sarīrasampattiṃ olokayamānāva tiṭṭhati. Satthā tassā saddhālakkhaṇe abhiniviṭṭhabhāvaṃ ñatvā sappāyaṃ katvā pasādanīyameva dhammaṃ desesi. Sāpi therī saddhālakkhaṇameva dhuraṃ katvā arahattaṃ pāpuṇi. Atha naṃ satthā aparabhāge jetavane nisīditvā bhikkhuniyo paṭipāṭiyā ṭhānantare ṭhapento imaṃ theriṃ saddhādhimuttānaṃ aggaṭṭhāne ṭhapesīti.

    бан̃жамаваг̇г̇аван̣н̣анаа.

    Pañcamavaggavaṇṇanā.

    д̇зрасасуд̇д̇абадиман̣д̣ид̇ааяа т̇зрибаал̣ияаа ван̣н̣анаа нидтид̇аа.

    Terasasuttapaṭimaṇḍitāya theripāḷiyā vaṇṇanā niṭṭhitā.

    14. зд̇ад̣̇аг̇г̇аваг̇г̇о

    14. Etadaggavaggo

    (14) 6. чадтазд̇ад̣̇аг̇г̇аваг̇г̇о

    (14) 6. Chaṭṭhaetadaggavaggo

    д̇абуссабхаллигавад̇т̇у

    Tapussabhallikavatthu

    248. убаасагабаал̣ияаа батамз батамам̣ саран̣ам̣ г̇ажчанд̇аананд̇и саб̣б̣абатамам̣ саран̣ам̣ г̇ажчанд̇аанам̣ д̇абуссо жа бхаллиго жаад̇и имз д̣̇вз ваан̣иж̇аа аг̇г̇аад̇и д̣̇ассзд̇и. имз гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз бадисанд̇хим̣ г̇ахзд̇ваа абарабхааг̇з сад̇т̇у д̇хаммад̣̇зсанам̣ сун̣анд̇аа сад̇т̇аарам̣ д̣̇вз убаасагз батамам̣ саран̣ам̣ г̇ажчанд̇аанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇аяим̣су. д̇з габбасад̇асахассам̣ д̣̇звамануссзсу сам̣сарид̇ваа амхаагам̣ б̣од̇хисад̇д̇асса саб̣б̣ан̃н̃уд̇ан̃н̃аан̣абад̇д̇ид̇о бурзд̇арамзва асид̇ан̃ж̇ананаг̇арз гудумб̣ияаг̇зхз ниб̣б̣ад̇д̇им̣су. ж̇здтабхаад̇иго д̇абуссо наама ахоси, ганидто бхаллиго наама.

    248. Upāsakapāḷiyā paṭhame paṭhamaṃ saraṇaṃ gacchantānanti sabbapaṭhamaṃ saraṇaṃ gacchantānaṃ tapusso ca bhalliko cāti ime dve vāṇijā aggāti dasseti. Ime kira padumuttarabuddhakāle haṃsavatiyaṃ kulagehe paṭisandhiṃ gahetvā aparabhāge satthu dhammadesanaṃ suṇantā satthāraṃ dve upāsake paṭhamaṃ saraṇaṃ gacchantānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthayiṃsu. Te kappasatasahassaṃ devamanussesu saṃsaritvā amhākaṃ bodhisattassa sabbaññutaññāṇapattito puretarameva asitañjananagare kuṭumbiyagehe nibbattiṃsu. Jeṭṭhabhātiko tapusso nāma ahosi, kaniṭṭho bhalliko nāma.

    д̇з абарзна самаязна гхарааваасам̣ васанд̇аа гаалзна гаалам̣ бан̃жа сагадасад̇аани яож̇аабзд̇ваа ваан̣иж̇агаммам̣ гаронд̇аа жаранд̇и. д̇асмим̣ самаяз амхаагам̣ б̣од̇хисад̇д̇о саб̣б̣ан̃н̃уд̇ам̣ бад̇ваа сад̇д̇асад̇д̇аахам̣ б̣од̇химан̣д̣з вихарид̇ваа адтамз сад̇д̇аахз рааж̇ааяад̇анамуулз нисийд̣̇и. д̇асмим̣ самаяз д̇з ваан̣иж̇аа бан̃жамад̇д̇зхи сагадасад̇зхи д̇ам̣ таанам̣ ануббад̇д̇аа ахзсум̣. д̇зсам̣ ананд̇арз ад̇д̇абхаавз маад̇аа д̇асмим̣ бад̣̇зсз д̣̇звад̇аа худ̇ваа ниб̣б̣ад̇д̇и. саа жинд̇зси – ‘‘ид̣̇аани б̣уд̣̇д̇хаанам̣ аахааро лад̣̇д̇хум̣ ваддад̇и. на хи саггаа ид̇о барам̣ нираахаарзхи яаабзд̇ум̣. имз жа мз буд̇д̇аа иминаа маг̇г̇зна г̇ажчанд̇и, д̇зхи аж̇ж̇а б̣уд̣̇д̇хаанам̣ бин̣д̣абаад̇ам̣ д̣̇аабзд̇ум̣ ваддад̇ий’’д̇и бан̃жасу сагадасад̇зсу яуд̇д̇аг̇он̣аанам̣ г̇аманубажчзд̣̇ам̣ агааси. д̇з ‘‘гим̣ наамзд̇а’’нд̇и наанаавид̇хаани нимид̇д̇аани ологзнд̇и. ат̇а д̇зсам̣ гиламанабхаавам̣ н̃ад̇ваа згасса бурисасса сарийрз ад̇химужжид̇ваа ‘‘гим̣ гааран̣аа гиламат̇а? д̇умхаагам̣ ан̃н̃о яагкааваддо ваа бхууд̇ааваддо ваа нааг̇ааваддо ваа над̇т̇и, ахам̣ бана во ад̇ийд̇ад̇д̇абхаавз маад̇аа имасмим̣ таанз бхуммад̣̇звад̇аа худ̇ваа ниб̣б̣ад̇д̇аа. зса д̣̇асаб̣ало рааж̇ааяад̇анамуулз нисинно, д̇асса батамам̣ бин̣д̣абаад̇ам̣ д̣̇зт̇аа’’д̇и.

    Te aparena samayena gharāvāsaṃ vasantā kālena kālaṃ pañca sakaṭasatāni yojāpetvā vāṇijakammaṃ karontā caranti. Tasmiṃ samaye amhākaṃ bodhisatto sabbaññutaṃ patvā sattasattāhaṃ bodhimaṇḍe viharitvā aṭṭhame sattāhe rājāyatanamūle nisīdi. Tasmiṃ samaye te vāṇijā pañcamattehi sakaṭasatehi taṃ ṭhānaṃ anuppattā ahesuṃ. Tesaṃ anantare attabhāve mātā tasmiṃ padese devatā hutvā nibbatti. Sā cintesi – ‘‘idāni buddhānaṃ āhāro laddhuṃ vaṭṭati. Na hi sakkā ito paraṃ nirāhārehi yāpetuṃ. Ime ca me puttā iminā maggena gacchanti, tehi ajja buddhānaṃ piṇḍapātaṃ dāpetuṃ vaṭṭatī’’ti pañcasu sakaṭasatesu yuttagoṇānaṃ gamanupacchedaṃ akāsi. Te ‘‘kiṃ nāmeta’’nti nānāvidhāni nimittāni olokenti. Atha tesaṃ kilamanabhāvaṃ ñatvā ekassa purisassa sarīre adhimuccitvā ‘‘kiṃ kāraṇā kilamatha? Tumhākaṃ añño yakkhāvaṭṭo vā bhūtāvaṭṭo vā nāgāvaṭṭo vā natthi, ahaṃ pana vo atītattabhāve mātā imasmiṃ ṭhāne bhummadevatā hutvā nibbattā. Esa dasabalo rājāyatanamūle nisinno, tassa paṭhamaṃ piṇḍapātaṃ dethā’’ti.

    д̇з д̇ассаа гат̇ам̣ суд̇ваа д̇удтамаанасаа худ̇ваа мант̇ан̃жа мад̇хубин̣д̣иган̃жа суван̣н̣ат̇аалагзна аад̣̇ааяа сад̇т̇у санд̇игам̣ г̇анд̇ваа ‘‘имам̣ бхож̇анам̣ бадиг̇г̇ан̣хат̇а, бханд̇з’’д̇и аахам̣су. сад̇т̇аа ад̇ийд̇аб̣уд̣̇д̇хаанам̣ аажин̣н̣ам̣ ологзси, ат̇асса жад̇д̇ааро махаарааж̇аано сзламаяз бад̇д̇з убанаамзсум̣. сад̇т̇аа ‘‘д̇зсам̣ махабпалам̣ ход̇уу’’д̇и жад̇д̇аароби бад̇д̇з ‘‘згова бад̇д̇о ход̇уу’’д̇и ад̇хидтааси. д̇асмим̣ кан̣з д̇з ваан̣иж̇аа д̇ат̇ааг̇ад̇асса бад̇д̇з мант̇ан̃жа мад̇хубин̣д̣иган̃жа бад̇идтабзд̇ваа барибхуд̇д̇агаалз уд̣̇агам̣ д̣̇ад̇ваа бхад̇д̇агижжабарияосаанз сад̇т̇аарам̣ абхиваад̣̇зд̇ваа згаманд̇ам̣ нисийд̣̇им̣су. ат̇а нзсам̣ сад̇т̇аа д̇хаммам̣ д̣̇зсзси, д̣̇зсанаабарияосаанз д̣̇взби ж̇анаа д̣̇взваажигз саран̣з бад̇идтааяа сад̇т̇аарам̣ абхиваад̣̇зд̇ваа ад̇д̇ано наг̇арам̣ г̇анд̇угаамаа , ‘‘бханд̇з, амхаагам̣ барижаран̣ажзд̇ияам̣ д̣̇зт̇аа’’д̇и вад̣̇им̣су. сад̇т̇аа д̣̇агкин̣зна хад̇т̇зна сийсам̣ бараамасид̇ваа д̣̇виннамби ж̇анаанам̣ адта гзсад̇хаад̇уяо ад̣̇ааси. д̇з убхоби ж̇анаа гзсад̇хаад̇уяо суван̣н̣асамуг̇г̇зсу табзд̇ваа ад̇д̇ано наг̇арам̣ нзд̇ваа асид̇ан̃ж̇ананаг̇арад̣̇ваарз ж̇ийвагзсад̇хаад̇уяаа жзд̇ияам̣ бад̇идтаабзсум̣. убосат̇ад̣̇ивасз жзд̇ияад̇о нийласмияо ниг̇г̇ажчанд̇и. звамзд̇ам̣ вад̇т̇у самудтид̇ам̣. сад̇т̇аа бана абарабхааг̇з ж̇зд̇аванз нисийд̣̇ид̇ваа убаасагз бадибаадияаа таананд̇арзсу табзнд̇о имз д̣̇вз ж̇анз батамам̣ саран̣ам̣ г̇ажчанд̇аанам̣ аг̇г̇адтаанз табзсийд̇и.

    Te tassā kathaṃ sutvā tuṭṭhamānasā hutvā manthañca madhupiṇḍikañca suvaṇṇathālakena ādāya satthu santikaṃ gantvā ‘‘imaṃ bhojanaṃ paṭiggaṇhatha, bhante’’ti āhaṃsu. Satthā atītabuddhānaṃ āciṇṇaṃ olokesi, athassa cattāro mahārājāno selamaye patte upanāmesuṃ. Satthā ‘‘tesaṃ mahapphalaṃ hotū’’ti cattāropi patte ‘‘ekova patto hotū’’ti adhiṭṭhāsi. Tasmiṃ khaṇe te vāṇijā tathāgatassa patte manthañca madhupiṇḍikañca patiṭṭhapetvā paribhuttakāle udakaṃ datvā bhattakiccapariyosāne satthāraṃ abhivādetvā ekamantaṃ nisīdiṃsu. Atha nesaṃ satthā dhammaṃ desesi, desanāpariyosāne dvepi janā dvevācike saraṇe patiṭṭhāya satthāraṃ abhivādetvā attano nagaraṃ gantukāmā , ‘‘bhante, amhākaṃ paricaraṇacetiyaṃ dethā’’ti vadiṃsu. Satthā dakkhiṇena hatthena sīsaṃ parāmasitvā dvinnampi janānaṃ aṭṭha kesadhātuyo adāsi. Te ubhopi janā kesadhātuyo suvaṇṇasamuggesu ṭhapetvā attano nagaraṃ netvā asitañjananagaradvāre jīvakesadhātuyā cetiyaṃ patiṭṭhāpesuṃ. Uposathadivase cetiyato nīlasmiyo niggacchanti. Evametaṃ vatthu samuṭṭhitaṃ. Satthā pana aparabhāge jetavane nisīditvā upāsake paṭipāṭiyā ṭhānantaresu ṭhapento ime dve jane paṭhamaṃ saraṇaṃ gacchantānaṃ aggaṭṭhāne ṭhapesīti.

    анаат̇абин̣д̣игасздтивад̇т̇у

    Anāthapiṇḍikaseṭṭhivatthu

    249. д̣̇уд̇ияз д̣̇ааяагаананд̇и д̣̇аанаабхирад̇аанам̣ суд̣̇ад̇д̇о, г̇ахабад̇и, анаат̇абин̣д̣иго аг̇г̇од̇и д̣̇ассзд̇и. со гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇о сад̇т̇у д̇хаммагат̇ам̣ сун̣анд̇о сад̇т̇аарам̣ згам̣ убаасагам̣ д̣̇ааяагаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з саавад̇т̇ияам̣ суманасздтисса г̇зхз ниб̣б̣ад̇д̇и, суд̣̇ад̇д̇од̇исса наамам̣ агам̣су.

    249. Dutiye dāyakānanti dānābhiratānaṃ sudatto, gahapati, anāthapiṇḍiko aggoti dasseti. So kira padumuttarabuddhakāle haṃsavatiyaṃ kulagehe nibbatto satthu dhammakathaṃ suṇanto satthāraṃ ekaṃ upāsakaṃ dāyakānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So kappasatasahassaṃ devamanussesu saṃsaritvā imasmiṃ buddhuppāde sāvatthiyaṃ sumanaseṭṭhissa gehe nibbatti, sudattotissa nāmaṃ akaṃsu.

    со абарабхааг̇з гхарааваасз бад̇идтид̇о д̣̇ааяаго д̣̇аанабад̇и худ̇ваа д̇знзва г̇ун̣зна бад̇т̇аданаамад̇хзяяо анаат̇абин̣д̣иго наама ахоси. со бан̃жахи сагадасад̇зхи бхан̣д̣ам̣ аад̣̇ааяа рааж̇аг̇ахз ад̇д̇ано бияасахааяагасса сздтино г̇зхам̣ г̇анд̇ваа д̇ад̇т̇а б̣уд̣̇д̇хасса бхаг̇авад̇о уббаннабхаавам̣ суд̇ваа б̣алавабажжуусагаалз д̣̇звад̇аанубхаавзна вивадзна д̣̇ваарзна сад̇т̇аарам̣ убасан̇гамид̇ваа д̇хаммам̣ суд̇ваа сод̇аабад̇д̇ипалз бад̇идтааяа д̣̇уд̇ияад̣̇ивасз жа б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа саавад̇т̇им̣ ааг̇аманад̇т̇ааяа сад̇т̇у бадин̃н̃ам̣ г̇ахзд̇ваа анд̇араамаг̇г̇з бан̃жажад̇д̇аалийсаяож̇анамаг̇г̇з сад̇асахассам̣ сад̇асахассам̣ д̣̇ад̇ваа яож̇анигавихаарз гаарзд̇ваа ж̇зд̇аванам̣ годисант̇аарзна сант̇арид̇ваа адтаарасахи годийхи гин̣ид̇ваа адтаарасахи годийхи вихаарам̣ гаарзд̇ваа вихаарз нидтид̇з жад̇уннам̣ барисаанам̣ бурзбхад̇д̇абажчаабхад̇д̇зсу яад̣̇ижчагам̣ д̣̇аанам̣ д̣̇ад̣̇анд̇о адтаарасахи годийхи вихаарамахам̣ нидтаабзси. вихаарамахо навахи маасзхи нидтаанам̣ аг̇амааси , ‘‘бан̃жахий’’д̇и абарз. д̇змаасз бана саб̣б̣аажарияаанам̣ виваад̣̇о над̇т̇и.

    So aparabhāge gharāvāse patiṭṭhito dāyako dānapati hutvā teneva guṇena patthaṭanāmadheyyo anāthapiṇḍiko nāma ahosi. So pañcahi sakaṭasatehi bhaṇḍaṃ ādāya rājagahe attano piyasahāyakassa seṭṭhino gehaṃ gantvā tattha buddhassa bhagavato uppannabhāvaṃ sutvā balavapaccūsakāle devatānubhāvena vivaṭena dvārena satthāraṃ upasaṅkamitvā dhammaṃ sutvā sotāpattiphale patiṭṭhāya dutiyadivase ca buddhappamukhassa bhikkhusaṅghassa mahādānaṃ datvā sāvatthiṃ āgamanatthāya satthu paṭiññaṃ gahetvā antarāmagge pañcacattālīsayojanamagge satasahassaṃ satasahassaṃ datvā yojanikavihāre kāretvā jetavanaṃ koṭisanthārena santharitvā aṭṭhārasahi koṭīhi kiṇitvā aṭṭhārasahi koṭīhi vihāraṃ kāretvā vihāre niṭṭhite catunnaṃ parisānaṃ purebhattapacchābhattesu yadicchakaṃ dānaṃ dadanto aṭṭhārasahi koṭīhi vihāramahaṃ niṭṭhāpesi. Vihāramaho navahi māsehi niṭṭhānaṃ agamāsi , ‘‘pañcahī’’ti apare. Temāse pana sabbācariyānaṃ vivādo natthi.

    звам̣ жад̇убан̣н̣аасагодид̇ханам̣ виссаж̇ж̇зд̇ваа нижжагаалам̣ г̇зхз зваруубам̣ д̣̇аанам̣ бавад̇д̇зси. д̣̇звасигам̣ бан̃жа салаагабхад̇д̇асад̇аани хонд̇и, бан̃жа багкигабхад̇д̇асад̇аани, бан̃жа салаагаяааг̇усад̇аани, бан̃жа багкигаяааг̇усад̇аани, бан̃жа д̇хурабхад̇д̇асад̇аани, бан̃жа ааг̇анд̇угабхад̇д̇асад̇аани, бан̃жа г̇амигабхад̇д̇асад̇аани, бан̃жа г̇илаанабхад̇д̇асад̇аани, бан̃жа г̇илаанубадтаагабхад̇д̇асад̇аани, бан̃жа аасанасад̇аани г̇зхз нижжабан̃н̃ад̇д̇аанзва хонд̇ийд̇и. ат̇а нам̣ абарабхааг̇з сад̇т̇аа ж̇зд̇аванз нисинно убаасагз бадибаадияаа таананд̇арзсу табзнд̇о д̣̇ааяагаанам̣ аг̇г̇адтаанз табзсийд̇и.

    Evaṃ catupaṇṇāsakoṭidhanaṃ vissajjetvā niccakālaṃ gehe evarūpaṃ dānaṃ pavattesi. Devasikaṃ pañca salākabhattasatāni honti, pañca pakkhikabhattasatāni, pañca salākayāgusatāni, pañca pakkhikayāgusatāni, pañca dhurabhattasatāni, pañca āgantukabhattasatāni, pañca gamikabhattasatāni, pañca gilānabhattasatāni, pañca gilānupaṭṭhākabhattasatāni, pañca āsanasatāni gehe niccapaññattāneva hontīti. Atha naṃ aparabhāge satthā jetavane nisinno upāsake paṭipāṭiyā ṭhānantaresu ṭhapento dāyakānaṃ aggaṭṭhāne ṭhapesīti.

    жид̇д̇аг̇ахабад̇ивад̇т̇у

    Cittagahapativatthu

    250. д̇ад̇ияз д̇хаммагат̇игаананд̇и д̇хаммагат̇игаанам̣ убаасагаанам̣ жид̇д̇о, г̇ахабад̇и, аг̇г̇од̇и д̣̇ассзд̇и. со гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇о абарабхааг̇з д̇хаммагат̇ам̣ сун̣анд̇о сад̇т̇аарам̣ згам̣ убаасагам̣ д̇хаммагат̇игаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со габбасад̇асахассам̣ д̣̇звамануссзсу сам̣сарид̇ваа гассабаб̣уд̣̇д̇хагаалз миг̇алуд̣̇д̣̇агаг̇зхз ниб̣б̣ад̇д̇о абарабхааг̇з аран̃н̃з гаммам̣ гаад̇ум̣ самад̇т̇агаалз згад̣̇ивасам̣ д̣̇звз вассанд̇з миг̇амааран̣ад̇т̇ааяа сад̇д̇им̣ аад̣̇ааяа аран̃н̃ам̣ г̇анд̇ваа миг̇аруубаани ологзнд̇о згасмим̣ агад̇абаб̣бхаарз сасийсам̣ бам̣сугуулам̣ баарубид̇ваа баасаан̣апалагз нисиннам̣ згам̣ бхигкум̣ д̣̇исваа ‘‘зго аяяо саман̣ад̇хаммам̣ гаронд̇о нисинно бхависсад̇ий’’д̇и сан̃н̃ам̣ уббаад̣̇зд̇ваа взг̇зна гхарам̣ г̇анд̇ваа згасмим̣ уд̣̇д̇ханз хияяо аабхад̇амам̣сам̣, згасмим̣ бхад̇д̇ам̣ бажаабзд̇ваа бин̣д̣аажааригз д̣̇вз бхигкуу д̣̇исваа д̇зсам̣ бад̇д̇ам̣ аад̣̇ааяа бан̃н̃ад̇д̇аасанз нисийд̣̇аабзд̇ваа бхигкам̣ самаад̣̇аабзд̇ваа, ‘‘аяяз, баривисат̇аа’’д̇и ан̃н̃з аан̣аабзд̇ваа д̇ам̣ бхад̇д̇ам̣ гудз багкибид̇ваа бан̣н̣зна мукам̣ б̣анд̇хид̇ваа гудам̣ аад̣̇ааяа г̇ажчанд̇о анд̇араамаг̇г̇з наанаавид̇хаани бубпаани ожинид̇ваа бад̇д̇абудагзна г̇ахзд̇ваа т̇зрасса нисиннадтаанам̣ г̇анд̇ваа гудам̣ од̇аарзд̇ваа згаманд̇з табзд̇ваа ‘‘маяхам̣ , бханд̇з, сан̇г̇ахам̣ гарот̇аа’’д̇и вад̇ваа т̇зрасса бад̇д̇ам̣ аад̣̇ааяа бхад̇д̇асса буурзд̇ваа т̇зрасса хад̇т̇з бад̇идтабзд̇ваа д̇зхи миссагабубпзхи т̇зрам̣ бууж̇зд̇ваа згаманд̇з тид̇о ‘‘яат̇ааяам̣ расабин̣д̣абаад̇зна сад̣̇д̇хим̣ бубпабууж̇аа жид̇д̇ам̣ барид̇осзд̇и, звам̣ ниб̣б̣ад̇д̇аниб̣б̣ад̇д̇адтаанз мз бан̣н̣аагаарасахассаани жзва ааг̇ажчанд̇у бан̃жаван̣н̣агусумавассан̃жа вассад̇уу’’д̇и ааха.

    250. Tatiye dhammakathikānanti dhammakathikānaṃ upāsakānaṃ citto, gahapati, aggoti dasseti. So kira padumuttarabuddhakāle haṃsavatiyaṃ kulagehe nibbatto aparabhāge dhammakathaṃ suṇanto satthāraṃ ekaṃ upāsakaṃ dhammakathikānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So kappasatasahassaṃ devamanussesu saṃsaritvā kassapabuddhakāle migaluddakagehe nibbatto aparabhāge araññe kammaṃ kātuṃ samatthakāle ekadivasaṃ deve vassante migamāraṇatthāya sattiṃ ādāya araññaṃ gantvā migarūpāni olokento ekasmiṃ akatapabbhāre sasīsaṃ paṃsukūlaṃ pārupitvā pāsāṇaphalake nisinnaṃ ekaṃ bhikkhuṃ disvā ‘‘eko ayyo samaṇadhammaṃ karonto nisinno bhavissatī’’ti saññaṃ uppādetvā vegena gharaṃ gantvā ekasmiṃ uddhane hiyyo ābhatamaṃsaṃ, ekasmiṃ bhattaṃ pacāpetvā piṇḍācārike dve bhikkhū disvā tesaṃ pattaṃ ādāya paññattāsane nisīdāpetvā bhikkhaṃ samādāpetvā, ‘‘ayye, parivisathā’’ti aññe āṇāpetvā taṃ bhattaṃ kuṭe pakkhipitvā paṇṇena mukhaṃ bandhitvā kuṭaṃ ādāya gacchanto antarāmagge nānāvidhāni pupphāni ocinitvā pattapuṭakena gahetvā therassa nisinnaṭṭhānaṃ gantvā kuṭaṃ otāretvā ekamante ṭhapetvā ‘‘mayhaṃ , bhante, saṅgahaṃ karothā’’ti vatvā therassa pattaṃ ādāya bhattassa pūretvā therassa hatthe patiṭṭhapetvā tehi missakapupphehi theraṃ pūjetvā ekamante ṭhito ‘‘yathāyaṃ rasapiṇḍapātena saddhiṃ pupphapūjā cittaṃ paritoseti, evaṃ nibbattanibbattaṭṭhāne me paṇṇākārasahassāni ceva āgacchantu pañcavaṇṇakusumavassañca vassatū’’ti āha.

    т̇зро д̇асса убаниссаяам̣ д̣̇исваа д̣̇вад̇д̇им̣саагаарагаммадтаанам̣ аажигкид̇ваа ад̣̇ааси. со яааваж̇ийвам̣ гусалам̣ гад̇ваа д̣̇звалогз ниб̣б̣ад̇д̇и, ниб̣б̣ад̇д̇адтаанз ж̇ан̣н̣умад̇д̇зна од̇хинаа д̣̇иб̣б̣абубпавассам̣ васси, саяан̃жа ан̃н̃аахи д̣̇звад̇аахи ад̇хигад̇арзна руубзна саманнааг̇ад̇о ахоси. со згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з маг̇ад̇харадтз мажчигаасан̣д̣анаг̇арз сздтигулз ниб̣б̣ад̇д̇и, ж̇аад̇агаалзвасса сагаланаг̇арз ж̇ан̣н̣умад̇д̇зна од̇хинаа бан̃жаван̣н̣агусумавассам̣ васси. ат̇асса маад̇аабид̇аро ‘‘амхаагам̣ буд̇д̇о ад̇д̇анаава ад̇д̇ано наамам̣ г̇ахзд̇ваа ааг̇ад̇о, ж̇аад̇ад̣̇ивасзвасса сагаланаг̇арам̣ бан̃жаван̣н̣зхи бубпзхи вижид̇д̇ам̣ ж̇аад̇а’’нд̇и жид̇д̇агумаарод̇и наамам̣ агам̣су.

    Thero tassa upanissayaṃ disvā dvattiṃsākārakammaṭṭhānaṃ ācikkhitvā adāsi. So yāvajīvaṃ kusalaṃ katvā devaloke nibbatti, nibbattaṭṭhāne jaṇṇumattena odhinā dibbapupphavassaṃ vassi, sayañca aññāhi devatāhi adhikatarena rūpena samannāgato ahosi. So ekaṃ buddhantaraṃ devamanussesu saṃsaritvā imasmiṃ buddhuppāde magadharaṭṭhe macchikāsaṇḍanagare seṭṭhikule nibbatti, jātakālevassa sakalanagare jaṇṇumattena odhinā pañcavaṇṇakusumavassaṃ vassi. Athassa mātāpitaro ‘‘amhākaṃ putto attanāva attano nāmaṃ gahetvā āgato, jātadivasevassa sakalanagaraṃ pañcavaṇṇehi pupphehi vicittaṃ jāta’’nti cittakumāroti nāmaṃ akaṃsu.

    со абарабхааг̇з гхарааваасз бад̇идтид̇о бид̇у ажжаязна д̇асмим̣ наг̇арз сздтидтаанам̣ баабун̣и. д̇асмим̣ самаяз бан̃жаваг̇г̇ияад̇т̇зраанам̣ аб̣бханд̇аро махаанаамад̇т̇зро наама мажчигаасан̣д̣анаг̇арам̣ аг̇амааси. жид̇д̇о г̇ахабад̇и д̇асса ирияаабат̇з басийд̣̇ид̇ваа бад̇д̇ам̣ аад̣̇ааяа г̇зхам̣ аанзд̇ваа бин̣д̣абаад̇зна бад̇имаанзд̇ваа гад̇абхад̇д̇агижжам̣ амб̣аадагаараамам̣ наама уяяаанам̣ нзд̇ваа д̇ад̇т̇асса васанадтаанам̣ гаарзд̇ваа ниб̣ад̣̇д̇хам̣ ад̇д̇ано г̇зхз бин̣д̣абаад̇ам̣ г̇ахзд̇ваа васанад̇т̇ааяа бадин̃н̃ам̣ г̇ан̣хи. т̇зроби д̇асса убаниссаяам̣ д̣̇исваа д̇хаммам̣ д̣̇зсзнд̇о сал̣ааяад̇анавибхад̇д̇имзва д̣̇зсзси. жид̇д̇о г̇ахабад̇и буримабхавз мад̣̇д̣̇ид̇асан̇каарад̇ааяа нажирассзва анааг̇аамипалам̣ самбаабун̣и. ат̇згад̣̇ивасам̣ исид̣̇ад̇д̇ад̇т̇зро д̇ад̇т̇а г̇анд̇ваа вихаранд̇о сздтисса нивзсанз бхад̇д̇агижжабарияосаанз ааяасмад̇аа т̇зрзна бан̃хам̣ виссаж̇ж̇зд̇ум̣ асаггонд̇зна аж̇жхидто убаасагасса бан̃хам̣ виссаж̇ж̇зд̇ваа д̇зна буб̣б̣з г̇ихисахааяагабхаавз н̃аад̇з ‘‘на ид̣̇аани ид̇ха вад̇т̇аб̣б̣а’’нд̇и яат̇аасукам̣ баггаами. бунзгад̣̇ивасам̣, сздти г̇ахабад̇и, махаанаамад̇т̇зрам̣ ид̣̇д̇хибаадихаарияагаран̣ад̇т̇ам̣ яаажи . соби д̇асса д̇зж̇осамаабад̇д̇ибаадихаарияам̣ д̣̇ассзд̇ваа ‘‘ид̣̇аани ид̇ха васид̇ум̣ на яуд̇д̇а’’нд̇и яат̇аасукам̣ баггаами.

    So aparabhāge gharāvāse patiṭṭhito pitu accayena tasmiṃ nagare seṭṭhiṭṭhānaṃ pāpuṇi. Tasmiṃ samaye pañcavaggiyattherānaṃ abbhantaro mahānāmatthero nāma macchikāsaṇḍanagaraṃ agamāsi. Citto gahapati tassa iriyāpathe pasīditvā pattaṃ ādāya gehaṃ ānetvā piṇḍapātena patimānetvā katabhattakiccaṃ ambāṭakārāmaṃ nāma uyyānaṃ netvā tatthassa vasanaṭṭhānaṃ kāretvā nibaddhaṃ attano gehe piṇḍapātaṃ gahetvā vasanatthāya paṭiññaṃ gaṇhi. Theropi tassa upanissayaṃ disvā dhammaṃ desento saḷāyatanavibhattimeva desesi. Citto gahapati purimabhave madditasaṅkhāratāya nacirasseva anāgāmiphalaṃ sampāpuṇi. Athekadivasaṃ isidattatthero tattha gantvā viharanto seṭṭhissa nivesane bhattakiccapariyosāne āyasmatā therena pañhaṃ vissajjetuṃ asakkontena ajjhiṭṭho upāsakassa pañhaṃ vissajjetvā tena pubbe gihisahāyakabhāve ñāte ‘‘na idāni idha vatthabba’’nti yathāsukhaṃ pakkāmi. Punekadivasaṃ, seṭṭhi gahapati, mahānāmattheraṃ iddhipāṭihāriyakaraṇatthaṃ yāci . Sopi tassa tejosamāpattipāṭihāriyaṃ dassetvā ‘‘idāni idha vasituṃ na yutta’’nti yathāsukhaṃ pakkāmi.

    ат̇згад̣̇ивасам̣ д̣̇вз аг̇г̇асаавагаа бхигкусахассабариваараа амб̣аадагаараамам̣ аг̇амам̣су. сздти г̇ахабад̇и, д̇зсам̣ махаасаггаарам̣ саж̇ж̇зси. суд̇хаммад̇т̇зро д̇ам̣ асахамаано сздтим̣ д̇иласан̇г̇улигааваад̣̇зна кум̣сзд̇ваа д̇зна бан̣аамид̇о сад̇т̇у санд̇игам̣ г̇анд̇ваа оваад̣̇ам̣ лабхид̇ваа д̣̇асаб̣аласса оваад̣̇з тид̇о жид̇д̇ам̣ г̇ахабад̇им̣ камаабзд̇ваа д̇ад̇т̇зва амб̣аадагаараамз вихаранд̇о вибассанам̣ вад̣дхзд̇ваа арахад̇д̇ам̣ баабун̣и. д̇ад̣̇аа убаасаго жинд̇зси – ‘‘ахам̣ д̣̇асаб̣алам̣ ад̣̇исваава жирам̣ вийд̇инаамзсим̣, сад̇т̇у санд̇игам̣ г̇ажчанд̇зна бана аяуд̇д̇ам̣ д̇ужчахад̇т̇зна г̇анд̇у’’нд̇и бан̃жахи сагадасад̇зхи д̇зламад̇хупаан̣ид̇аад̣̇ийни аад̣̇ааяа ‘‘яз д̣̇асаб̣алам̣ бассид̇угаамаа, д̇з маяаа сад̣̇д̇хим̣ ааг̇ажчанд̇уу’’д̇и наг̇арз бхзрим̣ жараабзд̇ваа д̣̇вийхи бурисасахассзхи баривуд̇о сад̇т̇аарам̣ бассид̇ум̣ баггаами. д̇им̣саяож̇анз маг̇г̇з д̣̇звад̇аа бан̣н̣аагаарам̣ убадтабзсум̣. со сад̇т̇у санд̇игам̣ г̇анд̇ваа бан̃жабад̇идтид̇зна сад̇т̇аарам̣ ванд̣̇и, д̇асмим̣ кан̣з аагаасаа бан̃жаван̣н̣аанам̣ бубпаанам̣ вассам̣ васси.

    Athekadivasaṃ dve aggasāvakā bhikkhusahassaparivārā ambāṭakārāmaṃ agamaṃsu. Seṭṭhi gahapati, tesaṃ mahāsakkāraṃ sajjesi. Sudhammatthero taṃ asahamāno seṭṭhiṃ tilasaṅgulikāvādena khuṃsetvā tena paṇāmito satthu santikaṃ gantvā ovādaṃ labhitvā dasabalassa ovāde ṭhito cittaṃ gahapatiṃ khamāpetvā tattheva ambāṭakārāme viharanto vipassanaṃ vaḍḍhetvā arahattaṃ pāpuṇi. Tadā upāsako cintesi – ‘‘ahaṃ dasabalaṃ adisvāva ciraṃ vītināmesiṃ, satthu santikaṃ gacchantena pana ayuttaṃ tucchahatthena gantu’’nti pañcahi sakaṭasatehi telamadhuphāṇitādīni ādāya ‘‘ye dasabalaṃ passitukāmā, te mayā saddhiṃ āgacchantū’’ti nagare bheriṃ carāpetvā dvīhi purisasahassehi parivuto satthāraṃ passituṃ pakkāmi. Tiṃsayojane magge devatā paṇṇākāraṃ upaṭṭhapesuṃ. So satthu santikaṃ gantvā pañcapatiṭṭhitena satthāraṃ vandi, tasmiṃ khaṇe ākāsā pañcavaṇṇānaṃ pupphānaṃ vassaṃ vassi.

    сад̇т̇аа д̇асса аж̇жхаасаяавасзна сал̣ааяад̇анавибхад̇д̇имзва гат̇зси. д̇асса ад̣дхамаасамад̇д̇ам̣ д̣̇асаб̣аласса д̣̇аанам̣ д̣̇знд̇ассааби саганивзсанад̇о нийд̇аани д̇ан̣д̣улад̇зламад̇хупаан̣ид̇аад̣̇ийни на кийяим̣су. рааж̇аг̇ахаваасигзхи бахид̇абан̣н̣аагаарова алам̣ ахоси. со сад̇т̇аарам̣ бассид̇ваа ад̇д̇ано наг̇арам̣ г̇ажчанд̇о сагадзхи аабхад̇ам̣ саб̣б̣ам̣ бхигкусан̇гхасса ад̣̇ааси. сагадзсу д̇ужчзсу ж̇аад̇амад̇д̇зсвзва д̣̇звад̇аа сад̇д̇а рад̇анаани буураяим̣су. махааж̇ананд̇арз гат̇аа уд̣̇абаад̣̇и ‘‘яаава саггаарасаммаанаббад̇д̇о вад̇ааяам̣ жид̇д̇о г̇ахабад̇ий’’д̇и. д̇ам̣ суд̇ваа сад̇т̇аа д̇хаммабад̣̇з имам̣ г̇аат̇амааха –

    Satthā tassa ajjhāsayavasena saḷāyatanavibhattimeva kathesi. Tassa aḍḍhamāsamattaṃ dasabalassa dānaṃ dentassāpi sakanivesanato nītāni taṇḍulatelamadhuphāṇitādīni na khīyiṃsu. Rājagahavāsikehi pahitapaṇṇākārova alaṃ ahosi. So satthāraṃ passitvā attano nagaraṃ gacchanto sakaṭehi ābhataṃ sabbaṃ bhikkhusaṅghassa adāsi. Sakaṭesu tucchesu jātamattesveva devatā satta ratanāni pūrayiṃsu. Mahājanantare kathā udapādi ‘‘yāva sakkārasammānappatto vatāyaṃ citto gahapatī’’ti. Taṃ sutvā satthā dhammapade imaṃ gāthamāha –

    ‘‘сад̣̇д̇хо сийлзна самбанно, яасо бхог̇асамаббид̇о;

    ‘‘Saddho sīlena sampanno, yaso bhogasamappito;

    яам̣ яам̣ бад̣̇зсам̣ бхаж̇ад̇и, д̇ад̇т̇а д̇ад̇т̇зва бууж̇ид̇о’’д̇и. (д̇ха. ба. 303);

    Yaṃ yaṃ padesaṃ bhajati, tattha tattheva pūjito’’ti. (dha. pa. 303);

    со д̇ад̇о бадтааяа арияасаавагаанам̣язва убаасагаанам̣ бан̃жахи сад̇зхи баривуд̇о вижарад̇и. ат̇а нам̣ сад̇т̇аа абарабхааг̇з убаасагз бадибаадияаа таананд̇арз табзнд̇о жид̇д̇асам̣яуд̇д̇ам̣ адтуббад̇д̇им̣ гад̇ваа д̇хаммагат̇игаанам̣ аг̇г̇адтаанз табзсийд̇и.

    So tato paṭṭhāya ariyasāvakānaṃyeva upāsakānaṃ pañcahi satehi parivuto vicarati. Atha naṃ satthā aparabhāge upāsake paṭipāṭiyā ṭhānantare ṭhapento cittasaṃyuttaṃ aṭṭhuppattiṃ katvā dhammakathikānaṃ aggaṭṭhāne ṭhapesīti.

    хад̇т̇агааал̣авагавад̇т̇у

    Hatthakaāḷavakavatthu

    251. жад̇уд̇т̇з жад̇уухи сан̇г̇ахавад̇т̇уухийд̇и жад̇уб̣б̣ид̇хзна сан̇г̇ахавад̇т̇унаа барисам̣ сан̇г̇ан̣ханд̇аанам̣ хад̇т̇аго аал̣аваго аг̇г̇од̇и д̣̇ассзд̇и. аяам̣ гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулагхарз ниб̣б̣ад̇д̇о абарабхааг̇з сад̇т̇у д̇хаммагат̇ам̣ сун̣анд̇о сад̇т̇аарам̣ жад̇уухи сан̇г̇ахавад̇т̇уухи саманнааг̇ад̇ам̣ згам̣ убаасагам̣ таананд̇арз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з аал̣авирадтз аал̣авинаг̇арз аал̣авагасса ран̃н̃о г̇зхз бадисанд̇хим̣ г̇ан̣хи, свз бхад̇д̇ажаадияаа сад̣̇д̇хим̣ аал̣авагасса бзсзд̇аб̣б̣о ахоси.

    251. Catutthe catūhi saṅgahavatthūhīti catubbidhena saṅgahavatthunā parisaṃ saṅgaṇhantānaṃ hatthako āḷavako aggoti dasseti. Ayaṃ kira padumuttarabuddhakāle haṃsavatiyaṃ kulaghare nibbatto aparabhāge satthu dhammakathaṃ suṇanto satthāraṃ catūhi saṅgahavatthūhi samannāgataṃ ekaṃ upāsakaṃ ṭhānantare ṭhapentaṃ disvā adhikārakammaṃ katvā taṃ ṭhānantaraṃ patthesi. So kappasatasahassaṃ devamanussesu saṃsaritvā imasmiṃ buddhuppāde āḷaviraṭṭhe āḷavinagare āḷavakassa rañño gehe paṭisandhiṃ gaṇhi, sve bhattacāṭiyā saddhiṃ āḷavakassa pesetabbo ahosi.

    д̇ад̇рааяам̣ анубуб̣б̣игат̇аа – згад̣̇ивасам̣ гира аал̣аваго рааж̇аа миг̇авад̇т̇ааяа аран̃н̃ам̣ г̇анд̇ваа згам̣ миг̇ам̣ ануб̣анд̇хид̇ваа гхаад̇зд̇ваа чинд̣̇ид̇ваа д̇ханугодияам̣ лаг̇зд̇ваа нивад̇д̇зд̇ваа ааг̇ажчанд̇о ваад̇аад̇абзна гиланд̇агааяо згам̣ санд̣̇ажчааяам̣ ниг̇род̇харугкамуулам̣ бависид̇ваа нисийд̣̇и. ат̇а нам̣ мухуд̇д̇ам̣ д̣̇арат̇ам̣ винод̣̇зд̇ваа нигкаманд̇ам̣ ругкз ад̇хивад̇т̇аа д̣̇звад̇аа ‘‘д̇идта д̇идта, бхагкоси мз’’д̇и хад̇т̇з г̇ан̣хи. со д̣̇ал̣хам̣ г̇ахид̇ад̇д̇аа ан̃н̃ам̣ убааяам̣ абассанд̇о ‘‘д̣̇звасигам̣ д̇з згзгабурисзна сад̣̇д̇хим̣ жаадибхад̇д̇ам̣ бзсзссаамий’’д̇и вад̇ваа наг̇арам̣ г̇ад̇о. д̇ад̇о бадтааяа б̣анд̇ханааг̇аарад̇о згзгамануссзна сад̣̇д̇хим̣ жаадибхад̇д̇ам̣ бзсзси. зд̇знзва нияаамзна б̣анд̇ханааг̇аарз мануссзсу кийн̣зсу ‘‘махаллагамануссзсу г̇аяхамаанзсу радтакобхо ход̇ий’’д̇и д̇з аг̇г̇ахзд̇ваа д̣̇ахарагумаарз г̇ан̣хид̇ум̣ аарабхим̣су. д̇ад̇о бадтааяа наг̇арз д̣̇аарагамаад̇аро жа г̇аб̣бхинияо жа ан̃н̃ам̣ радтам̣ г̇ажчанд̇и.

    Tatrāyaṃ anupubbikathā – ekadivasaṃ kira āḷavako rājā migavatthāya araññaṃ gantvā ekaṃ migaṃ anubandhitvā ghātetvā chinditvā dhanukoṭiyaṃ lagetvā nivattetvā āgacchanto vātātapena kilantakāyo ekaṃ sandacchāyaṃ nigrodharukkhamūlaṃ pavisitvā nisīdi. Atha naṃ muhuttaṃ darathaṃ vinodetvā nikkhamantaṃ rukkhe adhivatthā devatā ‘‘tiṭṭha tiṭṭha, bhakkhosi me’’ti hatthe gaṇhi. So daḷhaṃ gahitattā aññaṃ upāyaṃ apassanto ‘‘devasikaṃ te ekekapurisena saddhiṃ cāṭibhattaṃ pesessāmī’’ti vatvā nagaraṃ gato. Tato paṭṭhāya bandhanāgārato ekekamanussena saddhiṃ cāṭibhattaṃ pesesi. Eteneva niyāmena bandhanāgāre manussesu khīṇesu ‘‘mahallakamanussesu gayhamānesu raṭṭhakhobho hotī’’ti te aggahetvā daharakumāre gaṇhituṃ ārabhiṃsu. Tato paṭṭhāya nagare dārakamātaro ca gabbhiniyo ca aññaṃ raṭṭhaṃ gacchanti.

    д̇асмим̣ самаяз сад̇т̇аа бажжуусасамаяанд̇з логам̣ вологзнд̇о аал̣авагагумаарасса д̇ин̣н̣ам̣ маг̇г̇апалаанам̣ убаниссаяам̣ д̣̇исваа ‘‘аяам̣ гумааро габбасад̇асахассам̣ бад̇т̇ид̇абад̇т̇ано д̣̇звалогаа жавид̇ваа аал̣авагаран̃н̃о г̇зхз ниб̣б̣ад̇д̇о, ан̃н̃ам̣ гумаарам̣ алабханд̇аа свз гумаарам̣ жаадибхад̇д̇зна сад̣̇д̇хим̣ г̇ахзд̇ваа г̇ажчиссанд̇ий’’д̇и жинд̇зд̇ваа сааяанхасамаяз ан̃н̃аад̇агавзсзна аал̣авагасса яагкасса бхаванад̣̇ваарам̣ г̇анд̇ваа д̇асса д̣̇овааригам̣ г̇ад̣̇рабхам̣ наама яагкам̣ бхаванам̣ бависанад̇т̇ааяа яаажи. со ааха – ‘‘бхаг̇аваа д̇умхз бависат̇а, маяхам̣ бана аал̣авагасса анаарожанам̣ наама аяуд̇д̇а’’нд̇и. со химаванд̇з яагкасамааг̇амам̣ г̇ад̇асса аал̣авагасса санд̇игам̣ аг̇амааси. сад̇т̇ааби д̇ам̣ бхаванам̣ бависид̇ваа аал̣авагасса нисийд̣̇анабаллан̇гз нисийд̣̇и.

    Tasmiṃ samaye satthā paccūsasamayante lokaṃ volokento āḷavakakumārassa tiṇṇaṃ maggaphalānaṃ upanissayaṃ disvā ‘‘ayaṃ kumāro kappasatasahassaṃ patthitapatthano devalokā cavitvā āḷavakarañño gehe nibbatto, aññaṃ kumāraṃ alabhantā sve kumāraṃ cāṭibhattena saddhiṃ gahetvā gacchissantī’’ti cintetvā sāyanhasamaye aññātakavesena āḷavakassa yakkhassa bhavanadvāraṃ gantvā tassa dovārikaṃ gadrabhaṃ nāma yakkhaṃ bhavanaṃ pavisanatthāya yāci. So āha – ‘‘bhagavā tumhe pavisatha, mayhaṃ pana āḷavakassa anārocanaṃ nāma ayutta’’nti. So himavante yakkhasamāgamaṃ gatassa āḷavakassa santikaṃ agamāsi. Satthāpi taṃ bhavanaṃ pavisitvā āḷavakassa nisīdanapallaṅke nisīdi.

    д̇асмим̣ самаяз саад̇ааг̇ирахзмавад̇аа аал̣авагасса бхаванамад̇т̇агзна яагкасамааг̇амам̣ г̇ажчанд̇аа ад̇д̇ано г̇аманз асамбаж̇ж̇амаанз ‘‘гим̣ ну ко гааран̣а’’нд̇и ааваж̇ж̇знд̇аа сад̇т̇аарам̣ аал̣авагасса бхаванз нисиннам̣ д̣̇исваа сад̇т̇у санд̇игам̣ г̇анд̇ваа ванд̣̇ид̇ваа яагкасамааг̇амам̣ г̇анд̇ваа аал̣авагасса д̇удтим̣ бавзд̣̇аяим̣су – ‘‘лаабхаа д̇з, аавусо аал̣авага, яасса д̇з сад̣̇звагз логз аг̇г̇абуг̇г̇ало бхаванз нисинно , г̇анд̇ваа сад̇т̇у санд̇игз д̇хаммам̣ сун̣аахий’’д̇и. со д̇зсам̣ гат̇ам̣ суд̇ваа жинд̇зси – ‘‘имз згасса мун̣д̣агасаман̣асса мама баллан̇гз нисиннабхаавам̣ гат̇знд̇ий’’д̇и анад̇д̇амано год̇хаабхибхууд̇о худ̇ваа ‘‘аж̇ж̇а маяхам̣ зд̇зна саман̣зна сад̣̇д̇хим̣ сан̇г̇аамо бхависсад̇и, д̇ад̇т̇а мз сахааяаа наама хот̇аа’’д̇и д̣̇агкин̣абаад̣̇ам̣ угкибид̇ваа садтияож̇анамад̇д̇ам̣ баб̣б̣ад̇агуудам̣ аггами, д̇ам̣ бхиж̇ж̇ид̇ваа д̣̇вид̇хаа ахоси. ид̇о бадтааяа аал̣авагаяуд̣̇д̇хам̣ вид̇т̇аарзд̇аб̣б̣ам̣. аал̣аваго бана саб̣б̣арад̇д̇им̣ д̇ат̇ааг̇ад̇зна сад̣̇д̇хим̣ наанаббагаарзна яуж̇жханд̇оби гин̃жи гаад̇ум̣ асаггонд̇о сад̇т̇аарам̣ убасан̇гамид̇ваа адта бан̃хз бужчи, сад̇т̇аа виссаж̇ж̇зси . д̣̇зсанаабарияосаанз сод̇аабад̇д̇ипалз бад̇идтааси. вид̇т̇аарзд̇ваа гат̇зд̇угаамзна аал̣авагасуд̇д̇аван̣н̣анаа (сам̣. ни. адта. 1.1.246) ологзд̇аб̣б̣аа.

    Tasmiṃ samaye sātāgirahemavatā āḷavakassa bhavanamatthakena yakkhasamāgamaṃ gacchantā attano gamane asampajjamāne ‘‘kiṃ nu kho kāraṇa’’nti āvajjentā satthāraṃ āḷavakassa bhavane nisinnaṃ disvā satthu santikaṃ gantvā vanditvā yakkhasamāgamaṃ gantvā āḷavakassa tuṭṭhiṃ pavedayiṃsu – ‘‘lābhā te, āvuso āḷavaka, yassa te sadevake loke aggapuggalo bhavane nisinno , gantvā satthu santike dhammaṃ suṇāhī’’ti. So tesaṃ kathaṃ sutvā cintesi – ‘‘ime ekassa muṇḍakasamaṇassa mama pallaṅke nisinnabhāvaṃ kathentī’’ti anattamano kodhābhibhūto hutvā ‘‘ajja mayhaṃ etena samaṇena saddhiṃ saṅgāmo bhavissati, tattha me sahāyā nāma hothā’’ti dakkhiṇapādaṃ ukkhipitvā saṭṭhiyojanamattaṃ pabbatakūṭaṃ akkami, taṃ bhijjitvā dvidhā ahosi. Ito paṭṭhāya āḷavakayuddhaṃ vitthāretabbaṃ. Āḷavako pana sabbarattiṃ tathāgatena saddhiṃ nānappakārena yujjhantopi kiñci kātuṃ asakkonto satthāraṃ upasaṅkamitvā aṭṭha pañhe pucchi, satthā vissajjesi . Desanāpariyosāne sotāpattiphale patiṭṭhāsi. Vitthāretvā kathetukāmena āḷavakasuttavaṇṇanā (saṃ. ni. aṭṭha. 1.1.246) oloketabbā.

    бунад̣̇ивасз удтид̇з арун̣з жаадибхад̇д̇аахаран̣авзлааяа сагаланаг̇арз г̇ахзд̇аб̣б̣аяуд̇д̇ам̣ д̣̇аарагам̣ ад̣̇исваа ран̃н̃о аарожзсум̣. рааж̇аа ааха – ‘‘г̇ан̣хид̇ум̣ аяуд̇д̇адтаанз бана ад̇т̇и, д̇аад̇аа’’д̇и. аама, д̣̇зва, аж̇ж̇а рааж̇агулз буд̇д̇о ж̇аад̇од̇и. г̇ажчат̇а, д̇аад̇аа, маяам̣ ж̇ийванд̇аа буд̇д̇ам̣ лабхиссаама, жаадибхад̇д̇зна нам̣ бзсзт̇аад̇и. д̇з д̣̇звияаа вигганд̣̇амаанааяа д̣̇аарагам̣ г̇ахзд̇ваа жаадибхад̇д̇зна сад̣̇д̇хим̣ аал̣авагасса бхаванад̣̇ваарам̣ г̇анд̇ваа ‘‘ханд̣̇а, аяяа, д̇ава бхааг̇ам̣ бадижчаахий’’д̇и аахам̣су. аал̣аваго д̇зсам̣ гат̇ам̣ суд̇ваа арияасаавагад̇д̇аа лаж̇ж̇амаано ад̇хомуко нисийд̣̇и. ат̇а нам̣ сад̇т̇аа ааха – ‘‘ид̣̇аани д̇з, аал̣авага, лаж̇ж̇анагижжам̣ над̇т̇и, д̣̇аарагам̣ г̇ахзд̇ваа мама хад̇т̇з табзхий’’д̇и. д̇з рааж̇абурисаа аал̣авагагумаарам̣ аал̣авагасса хад̇т̇з табзсум̣, аал̣аваго д̇ам̣ аад̣̇ааяа д̣̇асаб̣аласса хад̇т̇з табзси, сад̇т̇аа бадиг̇г̇ан̣хид̇ваа буна аал̣авагасса хад̇т̇з табзси, аал̣аваго д̇ам̣ г̇ахзд̇ваа рааж̇абурисаанам̣ хад̇т̇з табзси. ид̇исса хад̇т̇ад̇о хад̇т̇ам̣ г̇ад̇ад̇д̇аа ‘‘хад̇т̇аго аал̣аваго’’д̇взва наамам̣ агам̣су.

    Punadivase uṭṭhite aruṇe cāṭibhattāharaṇavelāya sakalanagare gahetabbayuttaṃ dārakaṃ adisvā rañño ārocesuṃ. Rājā āha – ‘‘gaṇhituṃ ayuttaṭṭhāne pana atthi, tātā’’ti. Āma, deva, ajja rājakule putto jātoti. Gacchatha, tātā, mayaṃ jīvantā puttaṃ labhissāma, cāṭibhattena naṃ pesethāti. Te deviyā vikkandamānāya dārakaṃ gahetvā cāṭibhattena saddhiṃ āḷavakassa bhavanadvāraṃ gantvā ‘‘handa, ayya, tava bhāgaṃ paṭicchāhī’’ti āhaṃsu. Āḷavako tesaṃ kathaṃ sutvā ariyasāvakattā lajjamāno adhomukho nisīdi. Atha naṃ satthā āha – ‘‘idāni te, āḷavaka, lajjanakiccaṃ natthi, dārakaṃ gahetvā mama hatthe ṭhapehī’’ti. Te rājapurisā āḷavakakumāraṃ āḷavakassa hatthe ṭhapesuṃ, āḷavako taṃ ādāya dasabalassa hatthe ṭhapesi, satthā paṭiggaṇhitvā puna āḷavakassa hatthe ṭhapesi, āḷavako taṃ gahetvā rājapurisānaṃ hatthe ṭhapesi. Itissa hatthato hatthaṃ gatattā ‘‘hatthako āḷavako’’tveva nāmaṃ akaṃsu.

    ат̇а нам̣ д̇з рааж̇абурисаа д̇удтамаанасаа аад̣̇ааяа ран̃н̃о санд̇игам̣ аг̇амам̣су. рааж̇аа д̇ам̣ д̣̇исваа ‘‘аж̇ж̇а жаадибхад̇д̇ам̣ на самбадижчад̇ий’’д̇и сан̃н̃ам̣ гад̇ваа ‘‘гасмаа, д̇аад̇аа, звамзва ааг̇ад̇ад̇т̇аа’’д̇и ааха. д̣̇зва, рааж̇агуласса д̇удти жа вад̣дхи жа, сад̇т̇аа аал̣авагасса бхаванз нисийд̣̇ид̇ваа аал̣авагам̣ д̣̇амзд̇ваа убаасагад̇д̇з бад̇идтаабзд̇ваа гумаарам̣ амхаагам̣ д̣̇аабзсийд̇и. сад̇т̇ааби аал̣авагам̣ бад̇д̇ажийварам̣ г̇аахаабзд̇ваа аал̣авинаг̇араабхимуко бааяааси. со наг̇арам̣ убасан̇гаманд̇о лаж̇ж̇ид̇ваава осаггад̇и. сад̇т̇аа нам̣ ологзд̇ваа ‘‘лаж̇ж̇аси, аал̣авагаа’’д̇и бужчи. аама, бханд̇з, наг̇араваасино мам̣ ниссааяа маад̇имаран̣ам̣ бид̇имаран̣ам̣ буд̇д̇ад̣̇аарамаран̣ан̃жа баабун̣им̣су. д̇з мам̣ бассид̇ваа д̣̇ан̣д̣зхиби лзд̣д̣уухиби бахариссанд̇и. д̇асмаа осаггаами, бханд̇зд̇и. ‘‘аал̣авага, над̇т̇и д̇з маяаа сад̣̇д̇хим̣ г̇ажчанд̇асса бхаяам̣, виссад̇т̇о зхий’’д̇и вад̇ваа наг̇арасса авид̣̇уурз таанз ванасан̣д̣з адтааси. аал̣авагарааж̇ааби нааг̇арз г̇ахзд̇ваа сад̇т̇у бажжуг̇г̇аманам̣ г̇ад̇о. сад̇т̇аа самбад̇д̇абарисааяа д̇хаммам̣ д̣̇зсзси, д̣̇зсанаавасаанз жад̇ураасийд̇и баан̣асахассаани амад̇абаанам̣ бивим̣су. д̇з аал̣авагасса д̇ад̇т̇зва васанадтаанам̣ гад̇ваа анусам̣важчарам̣ б̣алигаммам̣ бадтабзсум̣.

    Atha naṃ te rājapurisā tuṭṭhamānasā ādāya rañño santikaṃ agamaṃsu. Rājā taṃ disvā ‘‘ajja cāṭibhattaṃ na sampaṭicchatī’’ti saññaṃ katvā ‘‘kasmā, tātā, evameva āgatatthā’’ti āha. Deva, rājakulassa tuṭṭhi ca vaḍḍhi ca, satthā āḷavakassa bhavane nisīditvā āḷavakaṃ dametvā upāsakatte patiṭṭhāpetvā kumāraṃ amhākaṃ dāpesīti. Satthāpi āḷavakaṃ pattacīvaraṃ gāhāpetvā āḷavinagarābhimukho pāyāsi. So nagaraṃ upasaṅkamanto lajjitvāva osakkati. Satthā naṃ oloketvā ‘‘lajjasi, āḷavakā’’ti pucchi. Āma, bhante, nagaravāsino maṃ nissāya mātimaraṇaṃ pitimaraṇaṃ puttadāramaraṇañca pāpuṇiṃsu. Te maṃ passitvā daṇḍehipi leḍḍūhipi paharissanti. Tasmā osakkāmi, bhanteti. ‘‘Āḷavaka, natthi te mayā saddhiṃ gacchantassa bhayaṃ, vissattho ehī’’ti vatvā nagarassa avidūre ṭhāne vanasaṇḍe aṭṭhāsi. Āḷavakarājāpi nāgare gahetvā satthu paccuggamanaṃ gato. Satthā sampattaparisāya dhammaṃ desesi, desanāvasāne caturāsīti pāṇasahassāni amatapānaṃ piviṃsu. Te āḷavakassa tattheva vasanaṭṭhānaṃ katvā anusaṃvaccharaṃ balikammaṃ paṭṭhapesuṃ.

    аал̣авагоби нааг̇арз д̇хаммигааяа рагкааяа сан̇г̇ан̣хи. соби аал̣авагагумааро вуд̣дхиббад̇д̇о сад̇т̇у д̇хаммад̣̇зсанам̣ суд̇ваа д̇ийн̣и маг̇г̇апалаани бадивиж̇жхи. со саб̣б̣агаалам̣ арияасаавагаубаасагаанам̣ бан̃жахи сад̇зхи баривуд̇о жарад̇и. ат̇згад̣̇ивасам̣ д̇зхи убаасагзхи сад̣̇д̇хим̣ сад̇т̇у санд̇игам̣ г̇анд̇ваа ванд̣̇ид̇ваа згаманд̇ам̣ нисийд̣̇и. сад̇т̇аа сувинийд̇ам̣ барисам̣ д̣̇исваа ‘‘махад̇ий д̇з, аал̣авага, барисаа, гат̇ам̣ д̇ам̣ сан̇г̇ан̣хаасий’’д̇и ааха. бхаг̇аваа д̣̇аанзна д̇уссанд̇ам̣ д̣̇аанзна сан̇г̇ан̣хаами, бияаважанзна д̇уссанд̇ам̣ бияаважанзна сан̇г̇ан̣хаами, уббаннзсу гижжзсу д̇зсам̣ нид̇т̇аран̣зна д̇уссанд̇ам̣ уббаннагижжанид̇т̇аран̣зна сан̇г̇ан̣хаами, самаанад̇д̇адтаанзна д̇уссанд̇ам̣ самаанад̇д̇ад̇ааяа сан̇г̇ан̣хаамийд̇и. звамзд̇ам̣ вад̇т̇у самудтид̇ам̣. ат̇а сад̇т̇аа абарабхааг̇з ж̇зд̇аванз нисийд̣̇ид̇ваа убаасагз таананд̇арзсу табзнд̇о хад̇т̇агам̣ аал̣авагам̣ жад̇уухи сан̇г̇ахавад̇т̇уухи барисам̣ сан̇г̇ан̣ханд̇аанам̣ аг̇г̇адтаанз табзсийд̇и.

    Āḷavakopi nāgare dhammikāya rakkhāya saṅgaṇhi. Sopi āḷavakakumāro vuḍḍhippatto satthu dhammadesanaṃ sutvā tīṇi maggaphalāni paṭivijjhi. So sabbakālaṃ ariyasāvakaupāsakānaṃ pañcahi satehi parivuto carati. Athekadivasaṃ tehi upāsakehi saddhiṃ satthu santikaṃ gantvā vanditvā ekamantaṃ nisīdi. Satthā suvinītaṃ parisaṃ disvā ‘‘mahatī te, āḷavaka, parisā, kathaṃ taṃ saṅgaṇhāsī’’ti āha. Bhagavā dānena tussantaṃ dānena saṅgaṇhāmi, piyavacanena tussantaṃ piyavacanena saṅgaṇhāmi, uppannesu kiccesu tesaṃ nittharaṇena tussantaṃ uppannakiccanittharaṇena saṅgaṇhāmi, samānattaṭṭhānena tussantaṃ samānattatāya saṅgaṇhāmīti. Evametaṃ vatthu samuṭṭhitaṃ. Atha satthā aparabhāge jetavane nisīditvā upāsake ṭhānantaresu ṭhapento hatthakaṃ āḷavakaṃ catūhi saṅgahavatthūhi parisaṃ saṅgaṇhantānaṃ aggaṭṭhāne ṭhapesīti.

    махаанаамасаггавад̇т̇у

    Mahānāmasakkavatthu

    252. бан̃жамз бан̣ийд̇ад̣̇ааяагаананд̇и бан̣ийд̇арасад̣̇ааяагаанам̣ махаанаамо сагго аг̇г̇од̇и д̣̇ассзд̇и. со гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇о сад̇т̇у д̇хаммагат̇ам̣ сун̣анд̇о сад̇т̇аарам̣ згам̣ убаасагам̣ бан̣ийд̇арасад̣̇ааяагаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з габилавад̇т̇убурз сагяарааж̇агулз ниб̣б̣ад̇д̇ид̇ваа ваяаббад̇д̇о д̣̇асаб̣аласса батамад̣̇ассанзязва сод̇аабад̇д̇ипалз бад̇идтааси.

    252. Pañcame paṇītadāyakānanti paṇītarasadāyakānaṃ mahānāmo sakko aggoti dasseti. So kira padumuttarabuddhakāle haṃsavatiyaṃ kulagehe nibbatto satthu dhammakathaṃ suṇanto satthāraṃ ekaṃ upāsakaṃ paṇītarasadāyakānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So kappasatasahassaṃ devamanussesu saṃsaritvā imasmiṃ buddhuppāde kapilavatthupure sakyarājakule nibbattitvā vayappatto dasabalassa paṭhamadassaneyeva sotāpattiphale patiṭṭhāsi.

    ат̇згасмим̣ самаяз сад̇т̇аа взран̃ж̇ааяам̣ вассааваасам̣ васид̇ваа анубуб̣б̣зна габилавад̇т̇убурам̣ г̇анд̇ваа ниг̇род̇хаараамз бадивасад̇и. махаанаамо ‘‘сад̇т̇аа ааг̇ад̇о’’д̇и суд̇ваа сад̇т̇у санд̇игам̣ г̇анд̇ваа абхиваад̣̇зд̇ваа згаманд̇ам̣ нисинно сад̇т̇аарам̣ звамааха – ‘‘бхаг̇аваа суд̇амзд̇ам̣ ‘бхигкусан̇гхо гира взран̃ж̇ааяам̣ бхигкаажаарзна гиламад̇ий’д̇и, мама жад̇умаасам̣ бхигкусан̇гхасса бадиж̇аг̇г̇анз бадин̃н̃ам̣ д̣̇зт̇а, ахам̣ бхигкусан̇гхасса сарийрз ож̇ам̣ бавзсзссаамий’’д̇и. сад̇т̇аа ад̇хиваасзси. со сад̇т̇у ад̇хиваасанам̣ вид̣̇ид̇ваа бунад̣̇ивасад̇о бадтааяа б̣уд̣̇д̇хаббамукам̣ бхигкусан̇гхам̣ бан̣ийд̇арасабхож̇анажад̇умад̇хураад̣̇ийхи бадиж̇аг̇г̇ид̇ваа буна жад̇умаасам̣ бадин̃н̃ам̣ г̇ахзд̇ваа адта маасз буурзд̇ваа буна жад̇умаасам̣ бадин̃н̃ам̣ г̇ахзд̇ваа сагаласам̣важчарам̣ бадиж̇аг̇г̇и. сад̇т̇аа д̇ад̇о барам̣ бадин̃н̃ам̣ наад̣̇ааси. махаанаамо бана д̇ад̇о бадтааяа абараабарам̣ самбад̇д̇абхигкусан̇гхасса д̇знзва нияаамзна саггаарам̣ гарод̇и. д̇асса со г̇ун̣о сагалаж̇амб̣уд̣̇ийбз баагадо ж̇аад̇о. звамзд̇ам̣ вад̇т̇у самудтид̇ам̣. сад̇т̇аа бана абарабхааг̇з ж̇зд̇аванз нисийд̣̇ид̇ваа махаанаамам̣ саггам̣ бан̣ийд̇ад̣̇ааяагаанам̣ аг̇г̇адтаанз табзсийд̇и.

    Athekasmiṃ samaye satthā verañjāyaṃ vassāvāsaṃ vasitvā anupubbena kapilavatthupuraṃ gantvā nigrodhārāme paṭivasati. Mahānāmo ‘‘satthā āgato’’ti sutvā satthu santikaṃ gantvā abhivādetvā ekamantaṃ nisinno satthāraṃ evamāha – ‘‘bhagavā sutametaṃ ‘bhikkhusaṅgho kira verañjāyaṃ bhikkhācārena kilamatī’ti, mama catumāsaṃ bhikkhusaṅghassa paṭijaggane paṭiññaṃ detha, ahaṃ bhikkhusaṅghassa sarīre ojaṃ pavesessāmī’’ti. Satthā adhivāsesi. So satthu adhivāsanaṃ viditvā punadivasato paṭṭhāya buddhappamukhaṃ bhikkhusaṅghaṃ paṇītarasabhojanacatumadhurādīhi paṭijaggitvā puna catumāsaṃ paṭiññaṃ gahetvā aṭṭha māse pūretvā puna catumāsaṃ paṭiññaṃ gahetvā sakalasaṃvaccharaṃ paṭijaggi. Satthā tato paraṃ paṭiññaṃ nādāsi. Mahānāmo pana tato paṭṭhāya aparāparaṃ sampattabhikkhusaṅghassa teneva niyāmena sakkāraṃ karoti. Tassa so guṇo sakalajambudīpe pākaṭo jāto. Evametaṃ vatthu samuṭṭhitaṃ. Satthā pana aparabhāge jetavane nisīditvā mahānāmaṃ sakkaṃ paṇītadāyakānaṃ aggaṭṭhāne ṭhapesīti.

    уг̇г̇аг̇ахабад̇ивад̇т̇у

    Uggagahapativatthu

    253. чадтз манаабад̣̇ааяагаананд̇и манаабам̣ жид̇д̇аружид̇абхож̇анам̣ д̣̇ааяагаанам̣ уг̇г̇о г̇ахабад̇и, взсаалиго аг̇г̇од̇и д̣̇ассзд̇и. со гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇о абарабхааг̇з сад̇т̇у д̇хаммагат̇ам̣ сун̣анд̇о сад̇т̇аарам̣ згам̣ убаасагам̣ манаабад̣̇ааяагаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з взсаалияам̣ сздтигулз ниб̣б̣ад̇д̇и. д̇асса ж̇аад̇агаалз наамам̣ анияаамид̇ам̣. абарабхааг̇з банасса ад̇д̇абхаавоби уг̇г̇ад̇о ахоси самид̣̇д̇хо, алан̇гад̇ад̇оран̣ам̣ вияа уссид̇ажид̇д̇абадо вияа жа ад̇ивирожид̇т̇а. г̇ун̣аабисса уг̇г̇ад̇аа ахзсум̣. со имзсам̣ д̣̇виннамби уг̇г̇ад̇ад̇д̇аа уг̇г̇асздтид̇взва сан̇кам̣ г̇ад̇о. со банааяам̣ д̣̇асаб̣аласса батамад̣̇ассанзязва сод̇аабад̇д̇ипалз бад̇идтааяа абарабхааг̇з д̇ийн̣иби маг̇г̇апалаани сажчаагааси. со ад̇д̇ано махаллагагаалз рахог̇ад̇о нисийд̣̇ид̇ваа жинд̇зси – ‘‘яам̣ яам̣ маяхам̣ бияам̣ манаабам̣, д̇ам̣ д̇ад̣̇зва д̣̇асаб̣аласса д̣̇ассаами, ид̣̇ам̣ мз сад̇т̇у саммукааби суд̇ам̣ ‘манаабад̣̇ааяий лабхад̇з манааба’’’нд̇и. ат̇асса зд̇ад̣̇ахоси – ‘‘аби ну ко мз жид̇д̇ам̣ ж̇аанид̇ваа сад̇т̇ааби нивзсанад̣̇ваарам̣ ааг̇ажчзяяаа’’д̇и.

    253. Chaṭṭhe manāpadāyakānanti manāpaṃ cittarucitabhojanaṃ dāyakānaṃ uggo gahapati, vesāliko aggoti dasseti. So kira padumuttarabuddhakāle haṃsavatiyaṃ kulagehe nibbatto aparabhāge satthu dhammakathaṃ suṇanto satthāraṃ ekaṃ upāsakaṃ manāpadāyakānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So kappasatasahassaṃ devamanussesu saṃsaritvā imasmiṃ buddhuppāde vesāliyaṃ seṭṭhikule nibbatti. Tassa jātakāle nāmaṃ aniyāmitaṃ. Aparabhāge panassa attabhāvopi uggato ahosi samiddho, alaṅkatatoraṇaṃ viya ussitacittapaṭo viya ca ativirocittha. Guṇāpissa uggatā ahesuṃ. So imesaṃ dvinnampi uggatattā uggaseṭṭhitveva saṅkhaṃ gato. So panāyaṃ dasabalassa paṭhamadassaneyeva sotāpattiphale patiṭṭhāya aparabhāge tīṇipi maggaphalāni sacchākāsi. So attano mahallakakāle rahogato nisīditvā cintesi – ‘‘yaṃ yaṃ mayhaṃ piyaṃ manāpaṃ, taṃ tadeva dasabalassa dassāmi, idaṃ me satthu sammukhāpi sutaṃ ‘manāpadāyī labhate manāpa’’’nti. Athassa etadahosi – ‘‘api nu kho me cittaṃ jānitvā satthāpi nivesanadvāraṃ āgaccheyyā’’ti.

    сад̇т̇ааби ко д̇асса жид̇д̇ам̣ н̃ад̇ваа бхигкусан̇гхабаривуд̇о нивзсанад̣̇ваарзязва баад̇урахоси. со ‘‘сад̇т̇аа ааг̇ад̇о’’д̇и суд̇ваа ад̇ивияа уссаахаж̇аад̇о д̣̇асаб̣аласса санд̇игам̣ г̇анд̇ваа бан̃жабад̇идтид̇зна ванд̣̇ид̇ваа сад̇т̇у бад̇д̇ам̣ бадиг̇г̇ахзд̇ваа гхарам̣ бавзсзд̇ваа бан̃н̃ад̇д̇авараб̣уд̣̇д̇хаасанз сад̇т̇аарам̣, авасзсааасанзсу бхигкусан̇гхам̣ нисийд̣̇аабзд̇ваа б̣уд̣̇д̇хаббамукам̣ бхигкусан̇гхам̣ наанаг̇г̇арасзхи баривисид̇ваа бхад̇д̇агижжабарияосаанз згаманд̇ам̣ нисийд̣̇ид̇ваа звамааха – ‘‘саммукаа мзд̇ам̣, бханд̇з, бхаг̇авад̇о суд̇ам̣ саммукаа бадиг̇г̇ахид̇ам̣ ‘манаабад̣̇ааяий лабхад̇з манааба’’’нд̇и. яам̣ яам̣, бханд̇з, маяхам̣ манаабам̣, д̇ам̣ д̇ам̣ маяаа б̣уд̣̇д̇хаббамукасса бхигкусан̇гхасса д̣̇иннамзваа’’д̇и сад̇т̇аарам̣ ж̇аанаабзд̇ваа д̇ад̇о бадтааяа яам̣ яам̣ д̇асса манаабам̣, д̇ам̣ д̇ам̣ б̣уд̣̇д̇хаббамукасса бхигкусан̇гхасса д̣̇зд̇и. д̇ам̣ бана саб̣б̣ам̣ бан̃жаганибаад̇з уг̇г̇асуд̇д̇з вид̇т̇аарад̇о ааг̇амиссад̇и. звамзд̇ам̣ вад̇т̇у самудтид̇ам̣. сад̇т̇аа абарабхааг̇з ж̇зд̇аванз вихаранд̇о д̇ам̣ убаасагам̣ манаабад̣̇ааяагаанам̣ аг̇г̇адтаанз табзсийд̇и.

    Satthāpi kho tassa cittaṃ ñatvā bhikkhusaṅghaparivuto nivesanadvāreyeva pāturahosi. So ‘‘satthā āgato’’ti sutvā ativiya ussāhajāto dasabalassa santikaṃ gantvā pañcapatiṭṭhitena vanditvā satthu pattaṃ paṭiggahetvā gharaṃ pavesetvā paññattavarabuddhāsane satthāraṃ, avasesaāsanesu bhikkhusaṅghaṃ nisīdāpetvā buddhappamukhaṃ bhikkhusaṅghaṃ nānaggarasehi parivisitvā bhattakiccapariyosāne ekamantaṃ nisīditvā evamāha – ‘‘sammukhā metaṃ, bhante, bhagavato sutaṃ sammukhā paṭiggahitaṃ ‘manāpadāyī labhate manāpa’’’nti. Yaṃ yaṃ, bhante, mayhaṃ manāpaṃ, taṃ taṃ mayā buddhappamukhassa bhikkhusaṅghassa dinnamevā’’ti satthāraṃ jānāpetvā tato paṭṭhāya yaṃ yaṃ tassa manāpaṃ, taṃ taṃ buddhappamukhassa bhikkhusaṅghassa deti. Taṃ pana sabbaṃ pañcakanipāte uggasutte vitthārato āgamissati. Evametaṃ vatthu samuṭṭhitaṃ. Satthā aparabhāge jetavane viharanto taṃ upāsakaṃ manāpadāyakānaṃ aggaṭṭhāne ṭhapesīti.

    уг̇г̇ад̇аг̇ахабад̇ивад̇т̇у

    Uggatagahapativatthu

    254. сад̇д̇амз сан̇гхубадтаагаананд̇и бхигкусан̇гхасса убадтаагаанам̣ хад̇т̇иг̇аамаго уг̇г̇ад̇о г̇ахабад̇и, аг̇г̇од̇и д̣̇ассзд̇и. соби бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇о абарабхааг̇з сад̇т̇у д̇хаммад̣̇зсанам̣ суд̇ваа сад̇т̇аарам̣ згам̣ убаасагам̣ сан̇гхубадтаагаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з хад̇т̇иг̇аамз сздтигулз ниб̣б̣ад̇д̇и, д̇асса уг̇г̇ад̇агумаарод̇и наамам̣ агам̣су.

    254. Sattame saṅghupaṭṭhākānanti bhikkhusaṅghassa upaṭṭhākānaṃ hatthigāmako uggato gahapati, aggoti dasseti. Sopi padumuttarabuddhakāle haṃsavatiyaṃ kulagehe nibbatto aparabhāge satthu dhammadesanaṃ sutvā satthāraṃ ekaṃ upāsakaṃ saṅghupaṭṭhākānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So kappasatasahassaṃ devamanussesu saṃsaritvā imasmiṃ buddhuppāde hatthigāme seṭṭhikule nibbatti, tassa uggatakumāroti nāmaṃ akaṃsu.

    со абарабхааг̇з гхарааваасз бад̇идтид̇о бид̇у ажжаязна сздтидтаанам̣ баабун̣и. д̇зна самаязна сад̇т̇аа бхигкусан̇гхабаривуд̇о жааригам̣ жаранд̇о хад̇т̇иг̇аамам̣ бад̇ваа нааг̇авануяяаанз вихарад̇и. д̇ад̣̇аа аяам̣ уг̇г̇ад̇асздти сад̇д̇аахам̣ баанамад̣̇амад̇д̇о худ̇ваа наадагзхи баривуд̇о нааг̇авануяяаанам̣ г̇анд̇ваа барижаараяамаано д̣̇асаб̣алам̣ д̣̇исваа б̣алавахирод̇д̇аббам̣ бажжубадтаабзси. ат̇асса сад̇т̇аарам̣ убасан̇гаманд̇асса саб̣б̣о сураамад̣̇о аб̣бхад̇т̇ам̣ аг̇амааси. со сад̇т̇аарам̣ ванд̣̇ид̇ваа згаманд̇ам̣ нисийд̣̇и. ат̇асса сад̇т̇аа д̇хаммам̣ д̣̇зсзси. д̣̇зсанаабарияосаанз д̇ийн̣и маг̇г̇апалаани бадивиж̇жхи. д̇ад̇о бадтааяа наадагаани ‘‘д̇умхз яат̇аасукам̣ г̇ажчат̇аа’’д̇и виссаж̇ж̇зд̇ваа д̣̇аанаабхирад̇о худ̇ваа бхигкусан̇гхасса д̣̇аанамзва д̣̇зд̇и. д̣̇звад̇аа рад̇д̇ибхааг̇асамананд̇арз ааг̇анд̇ваа сздтисса аарожзнд̇и – ‘‘г̇ахабад̇и, асуго бхигку д̇звиж̇ж̇о, асуго бхигку чал̣абхин̃н̃о, асуго сийлаваа, асуго д̣̇уссийло’’д̇и. со д̇аасам̣ важанам̣ суд̇вааби г̇ун̣ам̣ д̇аава яат̇аабхууд̇ад̇о ж̇аанаад̇и, д̣̇зяяад̇хаммам̣ бана самажид̇д̇знзва д̣̇зд̇и. сад̇т̇у санд̇игз нисийд̣̇ид̇вааби д̇амзва г̇ун̣ам̣ гат̇зд̇и. абарабхааг̇з сад̇т̇аа ж̇зд̇аванз нисийд̣̇ид̇ваа д̇ам̣ г̇ахабад̇им̣ сан̇гхубадтаагаанам̣ аг̇г̇адтаанз табзсийд̇и.

    So aparabhāge gharāvāse patiṭṭhito pitu accayena seṭṭhiṭṭhānaṃ pāpuṇi. Tena samayena satthā bhikkhusaṅghaparivuto cārikaṃ caranto hatthigāmaṃ patvā nāgavanuyyāne viharati. Tadā ayaṃ uggataseṭṭhi sattāhaṃ pānamadamatto hutvā nāṭakehi parivuto nāgavanuyyānaṃ gantvā paricārayamāno dasabalaṃ disvā balavahirottappaṃ paccupaṭṭhāpesi. Athassa satthāraṃ upasaṅkamantassa sabbo surāmado abbhatthaṃ agamāsi. So satthāraṃ vanditvā ekamantaṃ nisīdi. Athassa satthā dhammaṃ desesi. Desanāpariyosāne tīṇi maggaphalāni paṭivijjhi. Tato paṭṭhāya nāṭakāni ‘‘tumhe yathāsukhaṃ gacchathā’’ti vissajjetvā dānābhirato hutvā bhikkhusaṅghassa dānameva deti. Devatā rattibhāgasamanantare āgantvā seṭṭhissa ārocenti – ‘‘gahapati, asuko bhikkhu tevijjo, asuko bhikkhu chaḷabhiñño, asuko sīlavā, asuko dussīlo’’ti. So tāsaṃ vacanaṃ sutvāpi guṇaṃ tāva yathābhūtato jānāti, deyyadhammaṃ pana samacitteneva deti. Satthu santike nisīditvāpi tameva guṇaṃ katheti. Aparabhāge satthā jetavane nisīditvā taṃ gahapatiṃ saṅghupaṭṭhākānaṃ aggaṭṭhāne ṭhapesīti.

    суурамб̣адтавад̇т̇у

    Sūrambaṭṭhavatthu

    255. адтамз авзжжаббасаннаананд̇и авиг̇ажчанасабхаавзна ажалзна басаад̣̇зна саманнааг̇ад̇аанам̣ суурамб̣адто аг̇г̇од̇и д̣̇ассзд̇и. аяам̣ гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇о сад̇т̇у д̇хаммагат̇ам̣ суд̇ваа сад̇т̇аарам̣ згам̣ убаасагам̣ авзжжаббасаннаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з саавад̇т̇ияам̣ сздтигулз ниб̣б̣ад̇д̇и, суурамб̣адтод̇исса наамам̣ агам̣су.

    255. Aṭṭhame aveccappasannānanti avigacchanasabhāvena acalena pasādena samannāgatānaṃ sūrambaṭṭho aggoti dasseti. Ayaṃ kira padumuttarabuddhakāle haṃsavatiyaṃ kulagehe nibbatto satthu dhammakathaṃ sutvā satthāraṃ ekaṃ upāsakaṃ aveccappasannānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So kappasatasahassaṃ devamanussesu saṃsaritvā imasmiṃ buddhuppāde sāvatthiyaṃ seṭṭhikule nibbatti, sūrambaṭṭhotissa nāmaṃ akaṃsu.

    со абарабхааг̇з ваяаббад̇д̇о гхарааваасз бад̇идтааяа ан̃н̃ад̇ид̇т̇ияаанам̣ убадтааго худ̇ваа жарад̇и. ат̇а сад̇т̇аа бажжуусасамаяз логам̣ вологзнд̇о д̇асса сод̇аабад̇д̇имаг̇г̇ахзд̇ум̣ д̣̇исваа бхигкаажааравзлааяа нивзсанад̣̇ваарам̣ аг̇амааси. со д̣̇асаб̣алам̣ д̣̇исваа жинд̇зси – ‘‘саман̣о г̇од̇амо махаагулз жзва ж̇аад̇о, логз жа абхин̃н̃аад̇о, д̇знасса санд̇игам̣ аг̇аманам̣ наама на яуд̇д̇а’’нд̇и сад̇т̇у санд̇игам̣ г̇анд̇ваа баад̣̇зсу ванд̣̇ид̇ваа бад̇д̇ам̣ г̇ахзд̇ваа гхарам̣ бавзсзд̇ваа махаарахз баллан̇гз нисийд̣̇аабзд̇ваа бхигкам̣ д̣̇ад̇ваа бхад̇д̇агижжабарияосаанз згаманд̇ам̣ нисийд̣̇и. сад̇т̇аа д̇асса жарид̇авасзна д̇хаммам̣ д̣̇зсзси. д̣̇зсанаабарияосаанз сод̇аабад̇д̇ипалз бад̇идтахи. сад̇т̇ааби д̇ам̣ д̣̇амзд̇ваа вихаарамзва г̇ад̇о.

    So aparabhāge vayappatto gharāvāse patiṭṭhāya aññatitthiyānaṃ upaṭṭhāko hutvā carati. Atha satthā paccūsasamaye lokaṃ volokento tassa sotāpattimaggahetuṃ disvā bhikkhācāravelāya nivesanadvāraṃ agamāsi. So dasabalaṃ disvā cintesi – ‘‘samaṇo gotamo mahākule ceva jāto, loke ca abhiññāto, tenassa santikaṃ agamanaṃ nāma na yutta’’nti satthu santikaṃ gantvā pādesu vanditvā pattaṃ gahetvā gharaṃ pavesetvā mahārahe pallaṅke nisīdāpetvā bhikkhaṃ datvā bhattakiccapariyosāne ekamantaṃ nisīdi. Satthā tassa caritavasena dhammaṃ desesi. Desanāpariyosāne sotāpattiphale patiṭṭhahi. Satthāpi taṃ dametvā vihārameva gato.

    д̇ад̇о мааро жинд̇зси – ‘‘аяам̣ суурамб̣адто наама амхаагам̣ санд̇аго, сад̇т̇аа банасса аж̇ж̇а г̇зхам̣ г̇ад̇о, гим̣ ну ко сад̇т̇у д̇хаммам̣ суд̇ваа маг̇г̇абаад̇убхаавам̣ агарид̇т̇аад̇и яаавасса мама висаяаа ад̇игганд̇абхаавам̣ ваа анад̇игганд̇абхаавам̣ ваа ж̇аанаамий’’д̇и ад̇д̇ано гаамаруубид̇ааяа д̣̇асаб̣аласса саригкагам̣ руубам̣ маабзд̇ваа жийвараг̇г̇ахан̣амби бад̇д̇аг̇г̇ахан̣амби б̣уд̣̇д̇хаагаббзнзва гад̇ваа д̣̇вад̇д̇им̣салагкан̣ад̇харо худ̇ваа суурамб̣адтасса г̇зхад̣̇ваарз адтааси. суурамб̣адтоби ‘‘буна д̣̇асаб̣ало ааг̇ад̇о’’д̇и суд̇ваа ‘‘б̣уд̣̇д̇хаанам̣ анияяаанигаг̇аманам̣ наама над̇т̇и, гзна ну ко гааран̣зна ааг̇ад̇о’’д̇и взг̇зна ‘‘д̣̇асаб̣ало’’д̇и сан̃н̃ааяа д̇асса санд̇игам̣ г̇анд̇ваа абхиваад̣̇зд̇ваа згаманд̇ам̣ тид̇о, ‘‘бханд̇з, д̇умхз ид̣̇аанзва имасмим̣ г̇зхз бхад̇д̇агижжам̣ гад̇ваа г̇ад̇аа, гим̣ ну ко гааран̣ам̣ бадижжа буна ааг̇ад̇ад̇т̇аа’’д̇и ааха. ‘‘суурамб̣адта маяаа д̇хаммам̣ гат̇знд̇зна згам̣ анубад̇хаарзд̇ваа гат̇ид̇ам̣. маяаа хи бан̃жагканд̇хаа ‘саб̣б̣зва анижжаа д̣̇угкаа анад̇д̇аа’д̇и гат̇ид̇аа, на банзд̇з саб̣б̣зва зваруубаа. згажжз хи канд̇хаа нижжаа д̇хуваа сассад̇аа ад̇т̇ий’’д̇и ааха.

    Tato māro cintesi – ‘‘ayaṃ sūrambaṭṭho nāma amhākaṃ santako, satthā panassa ajja gehaṃ gato, kiṃ nu kho satthu dhammaṃ sutvā maggapātubhāvaṃ akaritthāti yāvassa mama visayā atikkantabhāvaṃ vā anatikkantabhāvaṃ vā jānāmī’’ti attano kāmarūpitāya dasabalassa sarikkhakaṃ rūpaṃ māpetvā cīvaraggahaṇampi pattaggahaṇampi buddhākappeneva katvā dvattiṃsalakkhaṇadharo hutvā sūrambaṭṭhassa gehadvāre aṭṭhāsi. Sūrambaṭṭhopi ‘‘puna dasabalo āgato’’ti sutvā ‘‘buddhānaṃ aniyyānikagamanaṃ nāma natthi, kena nu kho kāraṇena āgato’’ti vegena ‘‘dasabalo’’ti saññāya tassa santikaṃ gantvā abhivādetvā ekamantaṃ ṭhito, ‘‘bhante, tumhe idāneva imasmiṃ gehe bhattakiccaṃ katvā gatā, kiṃ nu kho kāraṇaṃ paṭicca puna āgatatthā’’ti āha. ‘‘Sūrambaṭṭha mayā dhammaṃ kathentena ekaṃ anupadhāretvā kathitaṃ. Mayā hi pañcakkhandhā ‘sabbeva aniccā dukkhā anattā’ti kathitā, na panete sabbeva evarūpā. Ekacce hi khandhā niccā dhuvā sassatā atthī’’ti āha.

    д̇ад̇о суурамб̣адто жинд̇зси – ‘‘аяам̣ гат̇аа ад̇ивияа бхаарияаа. б̣уд̣̇д̇хаанан̃хи анубад̇хаарзд̇ваа гат̇анам̣ наама над̇т̇и, д̣̇асаб̣аласса мааро гира бадибагко, ад̣̇д̇хаа аяам̣ мааро бхависсад̇ий’’д̇и жинд̇зд̇ваа – ‘‘маароси д̇ва’’нд̇и ааха. арияасаавагзна гат̇ид̇агат̇аа д̇асса парасуббахааро вияа ахоси, д̇асмаа сагабхаавзна таад̇ум̣ асаггонд̇о ‘‘аама, суурамб̣адта, ахам̣ мааро’’д̇и ааха. ‘‘д̇аад̣̇исаанам̣ маараанам̣ сад̇амби сахассамби ааг̇анд̇ваа мама сад̣̇д̇хам̣ жаалзд̇ум̣ на саггод̇и, махааг̇од̇амо д̣̇асаб̣ало маяхам̣ д̇хаммам̣ д̣̇зсзнд̇о ‘саб̣б̣з сан̇каараа анижжаа’д̇и б̣од̇хзд̇ваа д̣̇зсзси, маа мз гхарад̣̇ваарз д̇идтаа’’д̇и ажчарам̣ бахари. мааро д̇асса важанам̣ суд̇ваа бадибпарид̇ваа гат̇зд̇ум̣ асаггонд̇о д̇ад̇т̇зва анд̇арад̇хааяи. суурамб̣адтоби сааяанхасамаяз сад̇т̇у санд̇игам̣ г̇анд̇ваа маарзна гад̇агирияам̣ гат̇зд̇ваа, ‘‘бханд̇з, звам̣ мааро мама сад̣̇д̇хам̣ жаалзд̇ум̣ вааяамид̇т̇аа’’д̇и ааха. сад̇т̇аа зд̇ад̣̇зва гааран̣ам̣ адтубад̇д̇им̣ гад̇ваа имасмим̣ саасанз суурамб̣адтам̣ авзжжаббасаннаанам̣ аг̇г̇адтаанз табзсийд̇и.

    Tato sūrambaṭṭho cintesi – ‘‘ayaṃ kathā ativiya bhāriyā. Buddhānañhi anupadhāretvā kathanaṃ nāma natthi, dasabalassa māro kira paṭipakkho, addhā ayaṃ māro bhavissatī’’ti cintetvā – ‘‘mārosi tva’’nti āha. Ariyasāvakena kathitakathā tassa pharasuppahāro viya ahosi, tasmā sakabhāvena ṭhātuṃ asakkonto ‘‘āma, sūrambaṭṭha, ahaṃ māro’’ti āha. ‘‘Tādisānaṃ mārānaṃ satampi sahassampi āgantvā mama saddhaṃ cāletuṃ na sakkoti, mahāgotamo dasabalo mayhaṃ dhammaṃ desento ‘sabbe saṅkhārā aniccā’ti bodhetvā desesi, mā me gharadvāre tiṭṭhā’’ti accharaṃ pahari. Māro tassa vacanaṃ sutvā paṭippharitvā kathetuṃ asakkonto tattheva antaradhāyi. Sūrambaṭṭhopi sāyanhasamaye satthu santikaṃ gantvā mārena katakiriyaṃ kathetvā, ‘‘bhante, evaṃ māro mama saddhaṃ cāletuṃ vāyamitthā’’ti āha. Satthā etadeva kāraṇaṃ aṭṭhupattiṃ katvā imasmiṃ sāsane sūrambaṭṭhaṃ aveccappasannānaṃ aggaṭṭhāne ṭhapesīti.

    ж̇ийвагавад̇т̇у

    Jīvakavatthu

    256. навамз буг̇г̇алаббасаннаананд̇и буг̇г̇алияаббасаад̣̇зна саманнааг̇ад̇аанам̣ убаасагаанам̣ ж̇ийваго гомаарабхажжо аг̇г̇од̇и д̣̇ассзд̇и. со хи бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇о . сад̇т̇у д̇хаммагат̇ам̣ сун̣анд̇о сад̇т̇аарам̣ згам̣ убаасагам̣ буг̇г̇алаббасаннаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з рааж̇аг̇аханаг̇арз абхаяарааж̇агумаарам̣ бадижжа саалавад̇ияаа наама руубуубаж̇ийвинияаа гужчимхи ниб̣б̣ад̇д̇о. руубуубаж̇ийвинияо жа наама виж̇аад̇агаалз сажз буд̇д̇о ход̇и, чад̣д̣знд̇и. сажз д̇хийд̇аа, бадиж̇аг̇г̇анд̇и. ид̇и саа д̇ам̣ д̣̇аарагам̣ гад̇д̇арасуббагзна сан̇гаарагуудз чад̣д̣аабзси. ат̇а нам̣ абхаяо рааж̇агумааро рааж̇убадтаанам̣ г̇ажчанд̇о д̇ам̣ д̣̇исваа ‘‘гим̣, бхан̣з, зд̇ам̣ гаагзхи самбаригин̣н̣а’’нд̇и мануссз бзсзд̇ваа ‘‘д̣̇аараго д̣̇зваа’’д̇и. ж̇ийвад̇и, бхан̣зд̇и, ‘‘ж̇ийвад̇и, д̣̇зваа’’д̇и суд̇ваа ад̇д̇ано анд̇збурз босаабзси. д̇асса ж̇ийвад̇ийд̇и гат̇ид̇ад̇д̇аа ж̇ийвагод̇и наамам̣ агам̣су, гумаарзна босаабид̇од̇и гомаарабхажжод̇и наамам̣ агам̣су.

    256. Navame puggalappasannānanti puggaliyappasādena samannāgatānaṃ upāsakānaṃ jīvako komārabhacco aggoti dasseti. So hi padumuttarabuddhakāle haṃsavatiyaṃ kulagehe nibbatto . Satthu dhammakathaṃ suṇanto satthāraṃ ekaṃ upāsakaṃ puggalappasannānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So kappasatasahassaṃ devamanussesu saṃsaritvā imasmiṃ buddhuppāde rājagahanagare abhayarājakumāraṃ paṭicca sālavatiyā nāma rūpūpajīviniyā kucchimhi nibbatto. Rūpūpajīviniyo ca nāma vijātakāle sace putto hoti, chaḍḍenti. Sace dhītā, paṭijagganti. Iti sā taṃ dārakaṃ kattarasuppakena saṅkārakūṭe chaḍḍāpesi. Atha naṃ abhayo rājakumāro rājupaṭṭhānaṃ gacchanto taṃ disvā ‘‘kiṃ, bhaṇe, etaṃ kākehi samparikiṇṇa’’nti manusse pesetvā ‘‘dārako devā’’ti. Jīvati, bhaṇeti, ‘‘jīvati, devā’’ti sutvā attano antepure posāpesi. Tassa jīvatīti kathitattā jīvakoti nāmaṃ akaṃsu, kumārena posāpitoti komārabhaccoti nāmaṃ akaṃsu.

    со ад̇д̇ано сол̣асавассуд̣̇д̣̇зсигагаалз д̇аггасилам̣ г̇анд̇ваа взж̇ж̇асиббам̣ уг̇г̇ан̣хид̇ваа б̣имб̣исаараран̃н̃о санд̇игаа саггаарам̣ лабхид̇ваа жан̣д̣абаж̇ж̇од̇асса ран̃н̃о рог̇ам̣ паасугам̣ агааси. со д̇асса бан̃жа д̇ан̣д̣уласагадасад̇аани сол̣аса гахаабан̣асахассаани д̣̇уссасахассабариваарам̣ анаг̇гхам̣ сивзяяагам̣ д̣̇уссаяуг̇ан̃жа бзсзси. д̇асмим̣ самаяз сад̇т̇аа рааж̇аг̇ахам̣ убаниссааяа г̇иж̇жхагуудз баб̣б̣ад̇з вихарад̇и. ж̇ийваго сад̇т̇у уссаннад̇хаад̇угз гааяз вирзжанам̣ д̣̇ад̇ваа бхзсаж̇ж̇ам̣ гаронд̇о ‘‘жад̇д̇ааро бажжаяаа мама санд̇агаава хонд̇уу’’д̇и сад̇т̇аарам̣ ад̇д̇ано вихаарз васаабзд̇ваа сад̇т̇у бхзсаж̇ж̇ам̣ гад̇ваа д̇ам̣ д̣̇уссаяуг̇ам̣ убанзд̇ваа ‘‘ид̣̇ам̣, бханд̇з, д̇умхзязва барибхог̇ам̣ гарот̇аа’’д̇и вад̇ваа д̇зна сад̣̇д̇хим̣ лад̣̇д̇хам̣ д̣̇уссасахассам̣ бхигкусан̇гхасса ад̣̇ааси. аяамзд̇т̇а сан̇кзбо, вид̇т̇аарзна бана ж̇ийвагавад̇т̇у канд̇хагз (махаава. 326 аад̣̇аяо) ааг̇ад̇амзва. сад̇т̇аа абарабхааг̇з ж̇зд̇аванз вихаранд̇о ж̇ийвагам̣ гомаарабхажжам̣ буг̇г̇алаббасаннаанам̣ аг̇г̇адтаанз табзсийд̇и.

    So attano soḷasavassuddesikakāle takkasilaṃ gantvā vejjasippaṃ uggaṇhitvā bimbisārarañño santikā sakkāraṃ labhitvā caṇḍapajjotassa rañño rogaṃ phāsukaṃ akāsi. So tassa pañca taṇḍulasakaṭasatāni soḷasa kahāpaṇasahassāni dussasahassaparivāraṃ anagghaṃ siveyyakaṃ dussayugañca pesesi. Tasmiṃ samaye satthā rājagahaṃ upanissāya gijjhakūṭe pabbate viharati. Jīvako satthu ussannadhātuke kāye virecanaṃ datvā bhesajjaṃ karonto ‘‘cattāro paccayā mama santakāva hontū’’ti satthāraṃ attano vihāre vasāpetvā satthu bhesajjaṃ katvā taṃ dussayugaṃ upanetvā ‘‘idaṃ, bhante, tumheyeva paribhogaṃ karothā’’ti vatvā tena saddhiṃ laddhaṃ dussasahassaṃ bhikkhusaṅghassa adāsi. Ayamettha saṅkhepo, vitthārena pana jīvakavatthu khandhake (mahāva. 326 ādayo) āgatameva. Satthā aparabhāge jetavane viharanto jīvakaṃ komārabhaccaṃ puggalappasannānaṃ aggaṭṭhāne ṭhapesīti.

    нагулабид̇уг̇ахабад̇ивад̇т̇у

    Nakulapitugahapativatthu

    257. д̣̇асамз виссаасагаананд̇и виссаасигагат̇ам̣ гат̇знд̇аанам̣ убаасагаанам̣ анд̇арз, нагулабид̇аа г̇ахабад̇и, аг̇г̇од̇и д̣̇ассзд̇и. со гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇о сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ убаасагам̣ виссаасагаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. со габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з бхаг̇г̇арадтз сусумаараг̇иринаг̇арз сздтигулз ниб̣б̣ад̇д̇и. сад̇т̇ааби бхигкусан̇гхабаривуд̇о жааригам̣ жарамаано д̇ам̣ наг̇арам̣ бад̇ваа бхзсагал̣ааванз вихарад̇и. ат̇ааяам̣, нагулабид̇аа г̇ахабад̇и, сусумаараг̇ириваасийхи сад̣̇д̇хим̣ сад̇т̇у санд̇игам̣ г̇анд̇ваа батамад̣̇ассанзнзва со жа бхарияаа жасса д̣̇асаб̣алам̣ ‘‘аяам̣ амхаагам̣ буд̇д̇о’’д̇и сан̃н̃ам̣ бадтабзд̇ваа убхоби сад̇т̇у баад̣̇зсу нибад̇ид̇ваа, ‘‘д̇аад̇а, д̇вам̣ зд̇д̇агам̣ гаалам̣ амхз чад̣д̣зд̇ваа гахам̣ вижарасий’’д̇и аахам̣су. аяам̣ гира, нагулабид̇аа г̇ахабад̇и, буб̣б̣з бан̃жа ж̇аад̇исад̇аани д̣̇асаб̣аласса бид̇аа ахоси, бан̃жа ж̇аад̇исад̇аани жуул̣абид̇аа, бан̃жа ж̇аад̇исад̇аани махаабид̇аа, бан̃жа ж̇аад̇исад̇аани маад̇уло, нагуламаад̇ааби бан̃жа ж̇аад̇исад̇аани маад̇аа ахоси, бан̃жа ж̇аад̇исад̇аани жуул̣амаад̇аа, бан̃жа ж̇аад̇исад̇аани махаамаад̇аа, бан̃жа ж̇аад̇исад̇аани бид̇ужчаа. ид̇и д̣̇ийгхарад̇д̇ам̣ ануг̇ад̇асинзхад̇д̇аа д̣̇асаб̣алам̣ д̣̇исваава ‘‘буд̇д̇о’’д̇и сан̃н̃ам̣ гад̇ваа сан̣таад̇ум̣ наасагким̣су. сад̇т̇аа яаава д̇зсам̣ жид̇д̇ам̣ сан̃н̃ад̇д̇им̣ на г̇ажчад̇и, д̇аава ‘‘абзт̇аа’’д̇и наавожа. ат̇а нзсам̣ яат̇ааманзнзва сад̇им̣ бадилабхид̇ваа маж̇жхад̇д̇абхууд̇аанам̣ аасаяам̣ н̃ад̇ваа д̇хаммам̣ д̣̇зсзси. д̣̇зсанаабарияосаанз убхоби сод̇аабад̇д̇ипалз бад̇идтахим̣су.

    257. Dasame vissāsakānanti vissāsikakathaṃ kathentānaṃ upāsakānaṃ antare, nakulapitā gahapati, aggoti dasseti. So kira padumuttarabuddhakāle haṃsavatiyaṃ kulagehe nibbatto satthu dhammadesanaṃ suṇanto satthāraṃ ekaṃ upāsakaṃ vissāsakānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. So kappasatasahassaṃ devamanussesu saṃsaritvā imasmiṃ buddhuppāde bhaggaraṭṭhe susumāragirinagare seṭṭhikule nibbatti. Satthāpi bhikkhusaṅghaparivuto cārikaṃ caramāno taṃ nagaraṃ patvā bhesakaḷāvane viharati. Athāyaṃ, nakulapitā gahapati, susumāragirivāsīhi saddhiṃ satthu santikaṃ gantvā paṭhamadassaneneva so ca bhariyā cassa dasabalaṃ ‘‘ayaṃ amhākaṃ putto’’ti saññaṃ paṭṭhapetvā ubhopi satthu pādesu nipatitvā, ‘‘tāta, tvaṃ ettakaṃ kālaṃ amhe chaḍḍetvā kahaṃ vicarasī’’ti āhaṃsu. Ayaṃ kira, nakulapitā gahapati, pubbe pañca jātisatāni dasabalassa pitā ahosi, pañca jātisatāni cūḷapitā, pañca jātisatāni mahāpitā, pañca jātisatāni mātulo, nakulamātāpi pañca jātisatāni mātā ahosi, pañca jātisatāni cūḷamātā, pañca jātisatāni mahāmātā, pañca jātisatāni pitucchā. Iti dīgharattaṃ anugatasinehattā dasabalaṃ disvāva ‘‘putto’’ti saññaṃ katvā saṇṭhātuṃ nāsakkhiṃsu. Satthā yāva tesaṃ cittaṃ saññattiṃ na gacchati, tāva ‘‘apethā’’ti nāvoca. Atha nesaṃ yathāmaneneva satiṃ paṭilabhitvā majjhattabhūtānaṃ āsayaṃ ñatvā dhammaṃ desesi. Desanāpariyosāne ubhopi sotāpattiphale patiṭṭhahiṃsu.

    сад̇т̇аа абарабхааг̇з д̇зсам̣ махаллагагаалз буна д̇ам̣ наг̇арам̣ аг̇амааси. д̇з ‘‘сад̇т̇аа ааг̇ад̇о’’д̇и суд̇ваа сад̇т̇у санд̇игам̣ г̇анд̇ваа бан̃жабад̇идтид̇зна ванд̣̇ид̇ваа сваад̇анааяа ниманд̇зд̇ваа бунад̣̇ивасз ад̇д̇ано нивзсанз б̣уд̣̇д̇хаббамукам̣ бхигкусан̇гхам̣ наанаг̇г̇арасзхи баривисид̇ваа сад̇т̇аарам̣ гад̇абхад̇д̇агижжам̣ убасан̇гамид̇ваа згаманд̇ам̣ нисийд̣̇им̣су. згаманд̇ам̣ нисинно ко нагулабид̇аа г̇ахабад̇и, бхаг̇аванд̇ам̣ зд̇ад̣̇авожа – ‘‘яад̇о мз, бханд̇з, нагуламаад̇аа г̇ахабад̇ааний, д̣̇ахарассзва д̣̇ахараа аанийд̇аа, наабхиж̇аанаами нагуламаад̇арам̣ г̇ахабад̇ааним̣ манасааби ад̇ижарид̇аа, гуд̇о бана гааязна. ижчзяяаама маяам̣, бханд̇з, д̣̇идтз жзва д̇хаммз ан̃н̃аман̃н̃ам̣ бассид̇ум̣ абхисамбарааяан̃жа ан̃н̃аман̃н̃ам̣ бассид̇у’’нд̇и. нагуламаад̇ааби ко, г̇ахабад̇ааний, бхаг̇аванд̇ам̣ зд̇ад̣̇авожа – ‘‘яад̇о ахам̣, бханд̇з, нагулабид̇уно г̇ахабад̇исса д̣̇ахарассзва д̣̇ахараа аанийд̇аа, наабхиж̇аанаами нагулабид̇арам̣ г̇ахабад̇им̣ манасааби ад̇ижарид̇аа, гуд̇о бана гааязна. ижчзяяаама маяам̣, бханд̇з, д̣̇идтз жзва д̇хаммз ан̃н̃аман̃н̃ам̣ бассид̇ум̣ абхисамбарааяан̃жа ан̃н̃аман̃н̃ам̣ бассид̇у’’нд̇и. ат̇а абарабхааг̇з сад̇т̇аа ж̇зд̇аванз нисийд̣̇ид̇ваа убаасагз бадибаадияаа таананд̇арзсу табзнд̇о имам̣ имзсам̣ д̣̇виннамби гат̇ам̣ адтуббад̇д̇им̣ гад̇ваа нагулабид̇арам̣ г̇ахабад̇им̣ виссаасагаанам̣ аг̇г̇адтаанз табзсийд̇и.

    Satthā aparabhāge tesaṃ mahallakakāle puna taṃ nagaraṃ agamāsi. Te ‘‘satthā āgato’’ti sutvā satthu santikaṃ gantvā pañcapatiṭṭhitena vanditvā svātanāya nimantetvā punadivase attano nivesane buddhappamukhaṃ bhikkhusaṅghaṃ nānaggarasehi parivisitvā satthāraṃ katabhattakiccaṃ upasaṅkamitvā ekamantaṃ nisīdiṃsu. Ekamantaṃ nisinno kho nakulapitā gahapati, bhagavantaṃ etadavoca – ‘‘yato me, bhante, nakulamātā gahapatānī, daharasseva daharā ānītā, nābhijānāmi nakulamātaraṃ gahapatāniṃ manasāpi aticaritā, kuto pana kāyena. Iccheyyāma mayaṃ, bhante, diṭṭhe ceva dhamme aññamaññaṃ passituṃ abhisamparāyañca aññamaññaṃ passitu’’nti. Nakulamātāpi kho, gahapatānī, bhagavantaṃ etadavoca – ‘‘yato ahaṃ, bhante, nakulapituno gahapatissa daharasseva daharā ānītā, nābhijānāmi nakulapitaraṃ gahapatiṃ manasāpi aticaritā, kuto pana kāyena. Iccheyyāma mayaṃ, bhante, diṭṭhe ceva dhamme aññamaññaṃ passituṃ abhisamparāyañca aññamaññaṃ passitu’’nti. Atha aparabhāge satthā jetavane nisīditvā upāsake paṭipāṭiyā ṭhānantaresu ṭhapento imaṃ imesaṃ dvinnampi kathaṃ aṭṭhuppattiṃ katvā nakulapitaraṃ gahapatiṃ vissāsakānaṃ aggaṭṭhāne ṭhapesīti.

    чадтаваг̇г̇аван̣н̣анаа.

    Chaṭṭhavaggavaṇṇanā.

    д̣̇асасуд̇д̇абадиман̣д̣ид̇ааяа убаасагабаал̣ияаа ван̣н̣анаа нидтид̇аа.

    Dasasuttapaṭimaṇḍitāya upāsakapāḷiyā vaṇṇanā niṭṭhitā.

    14. зд̇ад̣̇аг̇г̇аваг̇г̇о

    14. Etadaggavaggo

    (14) 7. сад̇д̇амазд̇ад̣̇аг̇г̇аваг̇г̇о

    (14) 7. Sattamaetadaggavaggo

    суж̇аад̇аавад̇т̇у

    Sujātāvatthu

    258. убаасигаабаал̣ияаа батамз батамам̣ саран̣ам̣ г̇ажчанд̇ийнанд̇и саб̣б̣абатамам̣ саран̣зсу бад̇идтид̇аанам̣ убаасигаанам̣, суж̇аад̇аа наама, сзнияад̇хийд̇аа аг̇г̇аад̇и д̣̇ассзд̇и. сааби бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇аа абарабхааг̇з сад̇т̇у д̇хаммагат̇ам̣ сун̣анд̇ий сад̇т̇аарам̣ згам̣ убаасигам̣ батамам̣ саран̣ам̣ г̇ажчанд̇ийнам̣ аг̇г̇адтаанз табзнд̇ам̣ д̣̇исваа ад̇хигаарам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа амхаагам̣ сад̇т̇у ниб̣б̣ад̇д̇ид̇о бурзд̇арамзва урувзлааяам̣ сзнааниг̇амз сзнияагудумб̣игасса г̇зхз ниб̣б̣ад̇д̇ид̇ваа ваяаббад̇д̇аа згасмим̣ ниг̇род̇хамуулз бад̇т̇анам̣ агааси – ‘‘сажз самаж̇аад̇игам̣ гулагхарам̣ г̇анд̇ваа батамаг̇аб̣бхз буд̇д̇ам̣ лабхиссаами, анусам̣важчарам̣ б̣алигаммам̣ гариссаамий’’д̇и. д̇ассаа саа бад̇т̇анаа самиж̇жхи.

    258. Upāsikāpāḷiyā paṭhame paṭhamaṃ saraṇaṃ gacchantīnanti sabbapaṭhamaṃ saraṇesu patiṭṭhitānaṃ upāsikānaṃ, sujātā nāma, seniyadhītā aggāti dasseti. Sāpi padumuttarabuddhakāle haṃsavatiyaṃ kulagehe nibbattā aparabhāge satthu dhammakathaṃ suṇantī satthāraṃ ekaṃ upāsikaṃ paṭhamaṃ saraṇaṃ gacchantīnaṃ aggaṭṭhāne ṭhapentaṃ disvā adhikāraṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā amhākaṃ satthu nibbattito puretarameva uruvelāyaṃ senānigame seniyakuṭumbikassa gehe nibbattitvā vayappattā ekasmiṃ nigrodhamūle patthanaṃ akāsi – ‘‘sace samajātikaṃ kulagharaṃ gantvā paṭhamagabbhe puttaṃ labhissāmi, anusaṃvaccharaṃ balikammaṃ karissāmī’’ti. Tassā sā patthanā samijjhi.

    саа махаасад̇д̇асса д̣̇уггарагааригам̣ гаронд̇асса чадтз вассз барибун̣н̣з висаакабун̣н̣амад̣̇ивасз ‘‘баад̇ова б̣алигаммам̣ гариссаамий’’д̇и рад̇д̇ияаа бажжуусасамаяам̣ бажжудтааяа д̇хзнуяо д̣̇ухаабзси. важчагаа д̇хзнуунам̣ т̇анамуулам̣ на ааг̇амам̣су, т̇анамуулз навабхааж̇анамхи убанийд̇амад̇д̇з ад̇д̇анова д̇хаммад̇ааяа кийрад̇хаараа бад̇им̣су. д̇ам̣ ажчарияам̣ д̣̇исваа, суж̇аад̇аа, сахад̇т̇знзва кийрам̣ г̇ан̣хид̇ваа навабхааж̇анз багкибид̇ваа сахад̇т̇знзва аг̇г̇им̣ гад̇ваа бажид̇ум̣ аарабхи. д̇асмим̣ бааяаасз бажжамаанз маханд̇амаханд̇аа б̣уб̣б̣ул̣аа удтахид̇ваа д̣̇агкин̣аавад̇д̇аа худ̇ваа сан̃жаранд̇и, згапусид̇амби б̣ахи на ниг̇г̇ажчад̇и. махааб̣рахмаа чад̇д̇ам̣ д̇хаарзси, жад̇д̇ааро логабаалаа каг̇г̇ахад̇т̇аа аарагкам̣ г̇ан̣хим̣су, сагго алаад̇аани самаанзнд̇о аг̇г̇им̣ ж̇аалзси. д̣̇звад̇аа жад̇уусу д̣̇ийбзсу ож̇ам̣ сам̣харид̇ваа д̇ад̇т̇а багкибим̣су. суж̇аад̇аа, згад̣̇ивасзязва имаани ажчарияаани д̣̇исваа бун̣н̣аад̣̇аасим̣ ааманд̇зси – ‘‘амма, бун̣н̣з аж̇ж̇а амхаагам̣ д̣̇звад̇аа ад̇ивияа басаннаа, маяаа зд̇д̇агам̣ гаалам̣ зваруубам̣ ажчарияам̣ наама на д̣̇идтабуб̣б̣ам̣ , взг̇зна г̇анд̇ваа д̣̇звадтаанам̣ бадиж̇аг̇г̇аахий’’д̇и. саа ‘‘саад̇ху, аяяз’’д̇и д̇ассаа важанам̣ самбадижчид̇ваа д̇урид̇ад̇урид̇аа ругкамуулам̣ аг̇амааси.

    Sā mahāsattassa dukkarakārikaṃ karontassa chaṭṭhe vasse paripuṇṇe visākhapuṇṇamadivase ‘‘pātova balikammaṃ karissāmī’’ti rattiyā paccūsasamayaṃ paccuṭṭhāya dhenuyo duhāpesi. Vacchakā dhenūnaṃ thanamūlaṃ na āgamaṃsu, thanamūle navabhājanamhi upanītamatte attanova dhammatāya khīradhārā patiṃsu. Taṃ acchariyaṃ disvā, sujātā, sahattheneva khīraṃ gaṇhitvā navabhājane pakkhipitvā sahattheneva aggiṃ katvā pacituṃ ārabhi. Tasmiṃ pāyāse paccamāne mahantamahantā bubbuḷā uṭṭhahitvā dakkhiṇāvattā hutvā sañcaranti, ekaphusitampi bahi na niggacchati. Mahābrahmā chattaṃ dhāresi, cattāro lokapālā khaggahatthā ārakkhaṃ gaṇhiṃsu, sakko alātāni samānento aggiṃ jālesi. Devatā catūsu dīpesu ojaṃ saṃharitvā tattha pakkhipiṃsu. Sujātā, ekadivaseyeva imāni acchariyāni disvā puṇṇādāsiṃ āmantesi – ‘‘amma, puṇṇe ajja amhākaṃ devatā ativiya pasannā, mayā ettakaṃ kālaṃ evarūpaṃ acchariyaṃ nāma na diṭṭhapubbaṃ , vegena gantvā devaṭṭhānaṃ paṭijaggāhī’’ti. Sā ‘‘sādhu, ayye’’ti tassā vacanaṃ sampaṭicchitvā turitaturitā rukkhamūlaṃ agamāsi.

    б̣од̇хисад̇д̇оби ко бхигкаажаарагаалам̣ ааг̇амаяамаано баад̇ова г̇анд̇ваа ругкамуулз нисийд̣̇и. ругкамуулам̣ сод̇ханад̇т̇ааяа г̇ад̇аа бун̣н̣аа ааг̇анд̇ваа суж̇аад̇ааяа аарожзси – ‘‘д̣̇звад̇аа ругкамуулз нисиннаа’’д̇и. суж̇аад̇аа, ‘‘сажз ж̇з сажжам̣ бхан̣аси, ад̣̇аасим̣ гаромий’’д̇и вад̇ваа саб̣б̣абасаад̇ханам̣ басаад̇хзд̇ваа сад̇асахассаг̇гханагз суван̣н̣ат̇аалз бааяаасам̣ вад̣дхзд̇ваа абарааяа суван̣н̣абаад̇ияаа бид̣̇ахид̇ваа сзд̇авад̇т̇зна самбаливзтзд̇ваа саманд̇аа г̇анд̇хад̣̇аамамаалаад̣̇аамаани осаарзд̇ваа угкибид̇ваа г̇анд̇ваа махаабурисам̣ д̣̇исваа б̣алавабийд̇им̣ уббаад̣̇зд̇ваа д̣̇идтадтаанад̇о бадтааяа он̣ад̇он̣ад̇аа г̇анд̇ваа сийсад̇о т̇аалам̣ од̇аарзд̇ваа виварид̇ваа сахзва баад̇ияаа бааяаасам̣ махаабурисасса хад̇т̇з табзд̇ваа ванд̣̇ид̇ваа ‘‘яат̇аа маяхам̣ манорат̇о нибпанно, звам̣ д̇умхаагамби нибпаж̇ж̇ад̇уу’’д̇и вад̇ваа баггаами. б̣од̇хисад̇д̇о нзран̃ж̇арааяа над̣̇ияаа д̇ийрам̣ г̇анд̇ваа суван̣н̣ат̇аалам̣ д̇ийрз табзд̇ваа нхад̇ваа бажжуд̇д̇арид̇ваа згуунабан̣н̣ааса бин̣д̣з гаронд̇о бааяаасам̣ барибхун̃ж̇ид̇ваа суван̣н̣абаад̇им̣ над̣̇ияаа самбаваахзд̇ваа ануггамзна б̣од̇химан̣д̣ам̣ ааруяха саб̣б̣ан̃н̃уд̇ам̣ бад̇ваа сад̇д̇асад̇д̇аахам̣ б̣од̇химан̣д̣з ад̇иггамид̇ваа исибад̇анз миг̇ад̣̇ааяз бавад̇д̇ид̇аварад̇хаммажагго суж̇аад̇ааяа буд̇д̇асса яасад̣̇аарагасса убаниссаяам̣ д̣̇исваа г̇анд̇ваа ан̃н̃ад̇арасмим̣ ругкамуулз нисийд̣̇и.

    Bodhisattopi kho bhikkhācārakālaṃ āgamayamāno pātova gantvā rukkhamūle nisīdi. Rukkhamūlaṃ sodhanatthāya gatā puṇṇā āgantvā sujātāya ārocesi – ‘‘devatā rukkhamūle nisinnā’’ti. Sujātā, ‘‘sace je saccaṃ bhaṇasi, adāsiṃ karomī’’ti vatvā sabbapasādhanaṃ pasādhetvā satasahassagghanake suvaṇṇathāle pāyāsaṃ vaḍḍhetvā aparāya suvaṇṇapātiyā pidahitvā setavatthena sampaliveṭhetvā samantā gandhadāmamālādāmāni osāretvā ukkhipitvā gantvā mahāpurisaṃ disvā balavapītiṃ uppādetvā diṭṭhaṭṭhānato paṭṭhāya oṇatoṇatā gantvā sīsato thālaṃ otāretvā vivaritvā saheva pātiyā pāyāsaṃ mahāpurisassa hatthe ṭhapetvā vanditvā ‘‘yathā mayhaṃ manoratho nipphanno, evaṃ tumhākampi nipphajjatū’’ti vatvā pakkāmi. Bodhisatto nerañjarāya nadiyā tīraṃ gantvā suvaṇṇathālaṃ tīre ṭhapetvā nhatvā paccuttaritvā ekūnapaṇṇāsa piṇḍe karonto pāyāsaṃ paribhuñjitvā suvaṇṇapātiṃ nadiyā sampavāhetvā anukkamena bodhimaṇḍaṃ āruyha sabbaññutaṃ patvā sattasattāhaṃ bodhimaṇḍe atikkamitvā isipatane migadāye pavattitavaradhammacakko sujātāya puttassa yasadārakassa upanissayaṃ disvā gantvā aññatarasmiṃ rukkhamūle nisīdi.

    яасоби гулабуд̇д̇о рад̇д̇ибхааг̇асамананд̇арз вивадам̣ ид̇т̇ааг̇аарам̣ д̣̇исваа сан̃ж̇аад̇асам̣взг̇о ‘‘убад̣̇д̣̇уд̇ам̣ вад̇а, бхо, убасадтам̣ вад̇а, бхо’’д̇и вад̇ваа нивзсанад̇о нигкамид̇ваава б̣ахинаг̇арз сад̇т̇у санд̇игам̣ г̇анд̇ваа д̇хаммад̣̇зсанам̣ суд̇ваа д̇ийн̣и маг̇г̇апалаани бадивиж̇жхи. ат̇асса бид̇аа бад̣̇аанубад̣̇игам̣ г̇анд̇ваа бхаг̇аванд̇ам̣ убасан̇гамид̇ваа яасасса бавад̇д̇им̣ бужчи. сад̇т̇аа яасам̣ гулабуд̇д̇ам̣ бадижчаад̣̇зд̇ваа д̇хаммам̣ д̣̇зсзси. д̣̇зсанаабарияосаанз со сздтиг̇ахабад̇и сод̇аабад̇д̇ипалз бад̇идтааси, яасо арахад̇д̇апалам̣ баабун̣и. д̇ам̣ бхаг̇аваа ‘‘зхи бхигкуу’’д̇и ааха, д̇аавад̣̇звасса г̇ихилин̇г̇ам̣ анд̇арад̇хааяи, ид̣̇д̇химаяабад̇д̇ажийварад̇харо ахоси. бид̇аабисса сад̇т̇аарам̣ ниманд̇зси. сад̇т̇аа яасам̣ гулабуд̇д̇ам̣ бажчаасаман̣ам̣ гад̇ваа д̇асса гхарам̣ г̇анд̇ваа гад̇абхад̇д̇агижжо д̇хаммам̣ д̣̇зсзси, д̣̇зсанаабарияосаанз яасасса маад̇аа, суж̇аад̇аа, бураан̣ад̣̇уд̇ияигаа жа сод̇аабад̇д̇ипалз бад̇идтахим̣су. д̇ам̣д̣̇ивасам̣ аяам̣, суж̇аад̇аа, д̇зваажигасаран̣з бад̇идтааси сад̣̇д̇хим̣ сун̣исааяа. аяамзд̇т̇а сан̇кзбо , вид̇т̇аарад̇о банзд̇ам̣ вад̇т̇у канд̇хагз (махаава. 25-28) ааг̇ад̇амзва . сад̇т̇аа абарабхааг̇з бадибаадияаа убаасигааяо таананд̇арзсу табзнд̇о имам̣ убаасигам̣ батамам̣ саран̣ам̣ г̇ажчанд̇ийнам̣ аг̇г̇адтаанз табзсийд̇и.

    Yasopi kulaputto rattibhāgasamanantare vivaṭaṃ itthāgāraṃ disvā sañjātasaṃvego ‘‘upaddutaṃ vata, bho, upasaṭṭhaṃ vata, bho’’ti vatvā nivesanato nikkhamitvāva bahinagare satthu santikaṃ gantvā dhammadesanaṃ sutvā tīṇi maggaphalāni paṭivijjhi. Athassa pitā padānupadikaṃ gantvā bhagavantaṃ upasaṅkamitvā yasassa pavattiṃ pucchi. Satthā yasaṃ kulaputtaṃ paṭicchādetvā dhammaṃ desesi. Desanāpariyosāne so seṭṭhigahapati sotāpattiphale patiṭṭhāsi, yaso arahattaphalaṃ pāpuṇi. Taṃ bhagavā ‘‘ehi bhikkhū’’ti āha, tāvadevassa gihiliṅgaṃ antaradhāyi, iddhimayapattacīvaradharo ahosi. Pitāpissa satthāraṃ nimantesi. Satthā yasaṃ kulaputtaṃ pacchāsamaṇaṃ katvā tassa gharaṃ gantvā katabhattakicco dhammaṃ desesi, desanāpariyosāne yasassa mātā, sujātā, purāṇadutiyikā ca sotāpattiphale patiṭṭhahiṃsu. Taṃdivasaṃ ayaṃ, sujātā, tevācikasaraṇe patiṭṭhāsi saddhiṃ suṇisāya. Ayamettha saṅkhepo , vitthārato panetaṃ vatthu khandhake (mahāva. 25-28) āgatameva . Satthā aparabhāge paṭipāṭiyā upāsikāyo ṭhānantaresu ṭhapento imaṃ upāsikaṃ paṭhamaṃ saraṇaṃ gacchantīnaṃ aggaṭṭhāne ṭhapesīti.

    висаакаавад̇т̇у

    Visākhāvatthu

    259. д̣̇уд̇ияз д̣̇ааяигаананд̇и д̣̇аанаабхирад̇аанам̣ убаасигаанам̣, висаакаа миг̇аарамаад̇аа, аг̇г̇аад̇и д̣̇ассзд̇и. саа гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇аа абарабхааг̇з сад̇т̇у д̇хаммад̣̇зсанам̣ сун̣анд̇ий сад̇т̇аарам̣ згам̣ убаасигам̣ д̣̇ааяигаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа гассабаб̣уд̣̇д̇хагаалз гигисса гаасиран̃н̃о г̇зхз сад̇д̇аннам̣ бхаг̇инийнам̣ саб̣б̣аганидтаа худ̇ваа ниб̣б̣ад̇д̇и. д̇ад̣̇аа гира –

    259. Dutiye dāyikānanti dānābhiratānaṃ upāsikānaṃ, visākhā migāramātā, aggāti dasseti. Sā kira padumuttarabuddhakāle haṃsavatiyaṃ kulagehe nibbattā aparabhāge satthu dhammadesanaṃ suṇantī satthāraṃ ekaṃ upāsikaṃ dāyikānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā kassapabuddhakāle kikissa kāsirañño gehe sattannaṃ bhaginīnaṃ sabbakaniṭṭhā hutvā nibbatti. Tadā kira –

    ‘‘саман̣ий саман̣аг̇уд̇д̇аа жа, бхигкуний бхигкуд̣̇ааяигаа;

    ‘‘Samaṇī samaṇaguttā ca, bhikkhunī bhikkhudāyikā;

    д̇хаммаа жзва суд̇хаммаа жа, сан̇гхад̣̇аасий жа сад̇д̇амаа’’д̇и.

    Dhammā ceva sudhammā ca, saṅghadāsī ca sattamā’’ti.

    имаа сад̇д̇а бхаг̇инияо ахзсум̣. д̇аа зд̇арахи –

    Imā satta bhaginiyo ahesuṃ. Tā etarahi –

    ‘‘кзмаа уббалаван̣н̣аа жа, бадаажаараа жа г̇од̇амий;

    ‘‘Khemā uppalavaṇṇā ca, paṭācārā ca gotamī;

    д̇хаммад̣̇иннаа махаамааяаа, висаакаа жзва сад̇д̇амий’’д̇и. –

    Dhammadinnā mahāmāyā, visākhā ceva sattamī’’ti. –

    звам̣наамаа худ̇ваа ниб̣б̣ад̇д̇аа. д̇ад̇рааяам̣ сан̇гхад̣̇аасий згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з ан̇г̇арадтз бхад̣̇д̣̇ияанаг̇арз мзн̣д̣агасздтибуд̇д̇асса д̇ханан̃жаяасздтино аг̇г̇амахзсияаа суманад̣̇звияаа наама гужчисмим̣ ниб̣б̣ад̇д̇и, висаакаад̇иссаа наамам̣ агам̣су. д̇ассаа сад̇д̇авассигагаалз д̣̇асаб̣ало сзлаб̣раахман̣асса жа ан̃н̃зсан̃жа б̣од̇ханзяяаб̣анд̇хаваанам̣ убаниссаяасамбад̇д̇им̣ д̣̇исваа махаабхигкусан̇гхабаривааро жааригам̣ жарамаано д̇асмим̣ радтз д̇ам̣ наг̇арам̣ баабун̣и.

    Evaṃnāmā hutvā nibbattā. Tatrāyaṃ saṅghadāsī ekaṃ buddhantaraṃ devamanussesu saṃsaritvā imasmiṃ buddhuppāde aṅgaraṭṭhe bhaddiyanagare meṇḍakaseṭṭhiputtassa dhanañcayaseṭṭhino aggamahesiyā sumanadeviyā nāma kucchismiṃ nibbatti, visākhātissā nāmaṃ akaṃsu. Tassā sattavassikakāle dasabalo selabrāhmaṇassa ca aññesañca bodhaneyyabandhavānaṃ upanissayasampattiṃ disvā mahābhikkhusaṅghaparivāro cārikaṃ caramāno tasmiṃ raṭṭhe taṃ nagaraṃ pāpuṇi.

    д̇асмин̃жа самаяз мзн̣д̣аго г̇ахабад̇и д̇асмим̣ наг̇арз бан̃жаннам̣ махаабун̃н̃аанам̣ ж̇здтаго худ̇ваа сздтидтаанам̣ гаарзси. бан̃жа махаабун̃н̃аа наама мзн̣д̣аго сздти, жанд̣̇абад̣̇умаа наама д̇ассзва аг̇г̇амахзсий, д̇асса жа буд̇д̇о д̇ханан̃жаяо наама, д̇асса бхарияаа суманад̣̇звий наама, мзн̣д̣агасздтисса д̣̇аасо бун̣н̣о наамаад̇и. на гзвалан̃жа мзн̣д̣агасздтиязва, б̣имб̣исаарамахаарааж̇асса бана аан̣аабавад̇д̇идтаанз бан̃жа амид̇абхог̇аа наама ахзсум̣ ж̇од̇иго ж̇адило мзн̣д̣аго бун̣н̣о гаагавалияод̇и. д̇зсу аяам̣ мзн̣д̣агасздти д̣̇асаб̣аласса ад̇д̇ано наг̇арам̣ самбад̇д̇абхаавам̣ суд̇ваа буд̇д̇асса д̇ханан̃жаяасздтино д̇хийд̇арам̣ висаакаад̣̇ааригам̣ баггосид̇ваа звамааха – ‘‘амма, д̇уяхамби ман̇г̇алам̣ амхаагамби ман̇г̇алам̣, д̇ава барижааригаахи бан̃жад̣̇ааригаасад̇зхи сад̣̇д̇хим̣ бан̃жа рат̇асад̇аани ааруяха бан̃жахи д̣̇аасисад̇зхи баривуд̇аа д̣̇асаб̣аласса бажжуг̇г̇аманам̣ гарохий’’д̇и. саа бид̇аамахасса важанам̣ суд̇ваа д̇ат̇аа агааси. гааран̣аагааран̣зсу бана гусалад̇д̇аа яаавад̇игаа яаанасса бхууми, яаанзна г̇анд̇ваа яаанаа бажжорохид̇ваа бад̇д̇игаава сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ адтааси. ат̇ассаа жарид̇авасзна сад̇т̇аа д̇хаммам̣ д̣̇зсзси. д̣̇зсанаабарияосаанз бан̃жахи д̣̇ааригаасад̇зхи сад̣̇д̇хим̣ сод̇аабад̇д̇ипалз бад̇идтааси. мзн̣д̣агасздтиби ко сад̇т̇у санд̇игам̣ г̇анд̇ваа сад̇т̇аарам̣ ванд̣̇ид̇ваа згаманд̇ам̣ адтааси. ат̇а сад̇т̇аа д̇ассаби жарид̇авасзна д̇хаммам̣ д̣̇зсзси. со д̣̇зсанаабарияосаанз сод̇аабад̇д̇ипалз бад̇идтааяа сад̇т̇аарам̣ сваад̇анааяа ниманд̇зд̇ваа бунад̣̇ивасз ад̇д̇ано нивзсанз бан̣ийд̇зна каад̣̇анийязна бхож̇анийязна б̣уд̣̇д̇хаббамукам̣ бхигкусан̇гхам̣ баривисид̇ваа зд̇знубааязна ад̣дхамаасам̣ махаад̣̇аанам̣ ад̣̇ааси. сад̇т̇аа бхад̣̇д̣̇ияанаг̇арз яат̇аабхиранд̇ам̣ вихарид̇ваа баггаами.

    Tasmiñca samaye meṇḍako gahapati tasmiṃ nagare pañcannaṃ mahāpuññānaṃ jeṭṭhako hutvā seṭṭhiṭṭhānaṃ kāresi. Pañca mahāpuññā nāma meṇḍako seṭṭhi, candapadumā nāma tasseva aggamahesī, tassa ca putto dhanañcayo nāma, tassa bhariyā sumanadevī nāma, meṇḍakaseṭṭhissa dāso puṇṇo nāmāti. Na kevalañca meṇḍakaseṭṭhiyeva, bimbisāramahārājassa pana āṇāpavattiṭṭhāne pañca amitabhogā nāma ahesuṃ jotiko jaṭilo meṇḍako puṇṇo kākavaliyoti. Tesu ayaṃ meṇḍakaseṭṭhi dasabalassa attano nagaraṃ sampattabhāvaṃ sutvā puttassa dhanañcayaseṭṭhino dhītaraṃ visākhādārikaṃ pakkositvā evamāha – ‘‘amma, tuyhampi maṅgalaṃ amhākampi maṅgalaṃ, tava paricārikāhi pañcadārikāsatehi saddhiṃ pañca rathasatāni āruyha pañcahi dāsisatehi parivutā dasabalassa paccuggamanaṃ karohī’’ti. Sā pitāmahassa vacanaṃ sutvā tathā akāsi. Kāraṇākāraṇesu pana kusalattā yāvatikā yānassa bhūmi, yānena gantvā yānā paccorohitvā pattikāva satthāraṃ upasaṅkamitvā vanditvā ekamantaṃ aṭṭhāsi. Athassā caritavasena satthā dhammaṃ desesi. Desanāpariyosāne pañcahi dārikāsatehi saddhiṃ sotāpattiphale patiṭṭhāsi. Meṇḍakaseṭṭhipi kho satthu santikaṃ gantvā satthāraṃ vanditvā ekamantaṃ aṭṭhāsi. Atha satthā tassapi caritavasena dhammaṃ desesi. So desanāpariyosāne sotāpattiphale patiṭṭhāya satthāraṃ svātanāya nimantetvā punadivase attano nivesane paṇītena khādanīyena bhojanīyena buddhappamukhaṃ bhikkhusaṅghaṃ parivisitvā etenupāyena aḍḍhamāsaṃ mahādānaṃ adāsi. Satthā bhaddiyanagare yathābhirantaṃ viharitvā pakkāmi.

    ид̇о барам̣ ан̃н̃ам̣ гат̇аамаг̇г̇ам̣ виссаж̇ж̇зд̇ваа висаакааяа уббад̇д̇игат̇аава гат̇зд̇аб̣б̣аа. саавад̇т̇ияан̃хи госаларааж̇аа б̣имб̣исаарасса санд̇игам̣ бзсзси – ‘‘мама аан̣аабавад̇д̇идтаанз амид̇абхог̇авинд̣̇анагулам̣ наама над̇т̇и, амхаагам̣ амид̇абхог̇авинд̣̇анагулам̣ бзсзд̇уу’’д̇и. рааж̇аа амажжзхи сад̣̇д̇хим̣ манд̇зси. амажжаа ‘‘махаагулам̣ бзсзд̇ум̣ на саггаа, згам̣ бана сздтибуд̇д̇ам̣ бзсзссаамаа’’д̇и мзн̣д̣агасздтино буд̇д̇ам̣ д̇ханан̃жаяасздтим̣ ааяаажим̣су. рааж̇аа д̇зсам̣ важанам̣ суд̇ваа д̇ам̣ бзсзси. ат̇а нам̣ госаларааж̇аа саавад̇т̇ид̇о сад̇д̇аяож̇анамад̇т̇агз саагзд̇анаг̇арз сздтидтаанам̣ д̣̇ад̇ваа ваасзси.

    Ito paraṃ aññaṃ kathāmaggaṃ vissajjetvā visākhāya uppattikathāva kathetabbā. Sāvatthiyañhi kosalarājā bimbisārassa santikaṃ pesesi – ‘‘mama āṇāpavattiṭṭhāne amitabhogavindanakulaṃ nāma natthi, amhākaṃ amitabhogavindanakulaṃ pesetū’’ti. Rājā amaccehi saddhiṃ mantesi. Amaccā ‘‘mahākulaṃ pesetuṃ na sakkā, ekaṃ pana seṭṭhiputtaṃ pesessāmā’’ti meṇḍakaseṭṭhino puttaṃ dhanañcayaseṭṭhiṃ āyāciṃsu. Rājā tesaṃ vacanaṃ sutvā taṃ pesesi. Atha naṃ kosalarājā sāvatthito sattayojanamatthake sāketanagare seṭṭhiṭṭhānaṃ datvā vāsesi.

    саавад̇т̇ияан̃жа миг̇аарасздтино буд̇д̇о бун̣н̣авад̣дханагумааро наама ваяаббад̇д̇о ахоси. ат̇асса бид̇аа ‘‘буд̇д̇о мз ваяаббад̇д̇о, гхарааваасзнасса ааб̣анд̇ханасамаяо’’д̇и н̃ад̇ваа ‘‘амхаагам̣ самаанаж̇аад̇игз гулз д̣̇ааригам̣ бариязсат̇аа’’д̇и гааран̣аагааран̣агусалз бурисз бзсзси. д̇з саавад̇т̇ияам̣ ад̇д̇ано ружид̇ам̣ д̣̇ааригам̣ ад̣̇исваа саагзд̇ам̣ аг̇амам̣су. д̇ам̣д̣̇ивасан̃жа, висаакаа, ад̇д̇ано самаанаваязхи бан̃жахи гумааригаасад̇зхи бариваарид̇аа нагкад̇д̇агийл̣анад̇т̇ааяа згам̣ махааг̇аамам̣ аг̇амааси . д̇зби бурисаа анд̇онаг̇арз жарид̇ваа ад̇д̇ано ружид̇ам̣ д̣̇ааригам̣ ад̣̇исваа б̣ахинаг̇арад̣̇ваарз адтам̣су. д̇асмим̣ самаяз д̣̇зво вассид̇ум̣ аарабхи. ат̇а д̇аа висаакааяа сад̣̇д̇хим̣ нигканд̇аа д̣̇ааригаа д̇зманабхаязна взг̇зна саалам̣ бависим̣су. д̇з бурисаа д̇аасамби анд̇арз яат̇ааружид̇ам̣ д̣̇ааригам̣ на бассим̣су. д̇аасам̣ бана саб̣б̣абажчад̇о, висаакаа, д̣̇звам̣ вассанд̇амби аг̇ан̣зд̇ваа ад̇урид̇аг̇аманзна д̇змаяамаанаава саалам̣ баависи. д̇з бурисаа д̇ам̣ д̣̇исваа жинд̇аяим̣су – ‘‘руубавад̇ий д̇аава ган̃н̃аа зд̇абарамаа бхавзяяа, руубам̣ банзд̇ам̣ згажжааяа гаарид̇абад̇д̇ам̣ вияа ход̇и, гат̇ам̣ самудтаабзд̇ваа гат̇знд̇аа ж̇ааниссаама мад̇хураважанаа ваа но ваа’’д̇и. д̇ад̇о нам̣ аахам̣су – ‘‘ад̇ивияа барин̣ад̇аваяаа ид̇т̇ий вияа яааси, аммаа’’д̇и. гим̣ д̣̇исваа гат̇зт̇а, д̇аад̇аад̇и? ан̃н̃аа д̇аяаа сад̣̇д̇хим̣ гийл̣анагумаарияо д̇зманабхаязна взг̇зна ааг̇анд̇ваа саалам̣ бавидтаа, д̇вам̣ бана махаллигаа вияа бад̣̇аваарам̣ ад̇иггамма нааг̇ажчаси, саадагасса д̇зманабхаавамби на г̇ан̣зси. сажз д̇ам̣ хад̇т̇ий ваа ассо ваа ануб̣анд̇хзяяа, гим̣ звамзвам̣ гарзяяаасийд̇и? д̇аад̇аа, саадагаа наама на д̣̇уллабхаа, сулабхаа маяхам̣ гулз саадагаа. ваяаббад̇д̇аа маад̇уг̇аамаа бана бан̣ияабхан̣д̣асад̣̇исаа, хад̇т̇з ваа баад̣̇з ваа бхаг̇г̇з ан̇г̇авигалам̣ маад̇уг̇аамам̣ ж̇иг̇ужчанд̇аа нидтубхид̇ваа г̇ажчанд̇и, д̇асмаа сан̣игам̣ ааг̇ад̇аамхийд̇и.

    Sāvatthiyañca migāraseṭṭhino putto puṇṇavaḍḍhanakumāro nāma vayappatto ahosi. Athassa pitā ‘‘putto me vayappatto, gharāvāsenassa ābandhanasamayo’’ti ñatvā ‘‘amhākaṃ samānajātike kule dārikaṃ pariyesathā’’ti kāraṇākāraṇakusale purise pesesi. Te sāvatthiyaṃ attano rucitaṃ dārikaṃ adisvā sāketaṃ agamaṃsu. Taṃdivasañca, visākhā, attano samānavayehi pañcahi kumārikāsatehi parivāritā nakkhattakīḷanatthāya ekaṃ mahāgāmaṃ agamāsi . Tepi purisā antonagare caritvā attano rucitaṃ dārikaṃ adisvā bahinagaradvāre aṭṭhaṃsu. Tasmiṃ samaye devo vassituṃ ārabhi. Atha tā visākhāya saddhiṃ nikkhantā dārikā temanabhayena vegena sālaṃ pavisiṃsu. Te purisā tāsampi antare yathārucitaṃ dārikaṃ na passiṃsu. Tāsaṃ pana sabbapacchato, visākhā, devaṃ vassantampi agaṇetvā aturitagamanena temayamānāva sālaṃ pāvisi. Te purisā taṃ disvā cintayiṃsu – ‘‘rūpavatī tāva kaññā etaparamā bhaveyya, rūpaṃ panetaṃ ekaccāya kāritapattaṃ viya hoti, kathaṃ samuṭṭhāpetvā kathentā jānissāma madhuravacanā vā no vā’’ti. Tato naṃ āhaṃsu – ‘‘ativiya pariṇatavayā itthī viya yāsi, ammā’’ti. Kiṃ disvā kathetha, tātāti? Aññā tayā saddhiṃ kīḷanakumāriyo temanabhayena vegena āgantvā sālaṃ paviṭṭhā, tvaṃ pana mahallikā viya padavāraṃ atikkamma nāgacchasi, sāṭakassa temanabhāvampi na gaṇesi. Sace taṃ hatthī vā asso vā anubandheyya, kiṃ evamevaṃ kareyyāsīti? Tātā, sāṭakā nāma na dullabhā, sulabhā mayhaṃ kule sāṭakā. Vayappattā mātugāmā pana paṇiyabhaṇḍasadisā, hatthe vā pāde vā bhagge aṅgavikalaṃ mātugāmaṃ jigucchantā niṭṭhubhitvā gacchanti, tasmā saṇikaṃ āgatāmhīti.

    д̇з жинд̇аяим̣су – ‘‘имааяа сад̣̇исаа имасмим̣ ж̇амб̣уд̣̇ийбз ид̇т̇ий наама над̇т̇и, яаад̣̇исаа руубзна, гат̇ааяаби д̇аад̣̇исаава. гааран̣аагааран̣ам̣ н̃ад̇ваа гат̇зд̇ий’’д̇и д̇ассаа убари маалааг̇ул̣ам̣ кибим̣су. ат̇а, висаакаа, жинд̇зси – ‘‘ахам̣ буб̣б̣з абариг̇г̇ахид̇аа, ид̣̇аани бана бариг̇г̇ахид̇аамхий’’д̇и винийд̇знаагаарзна бхуумияам̣ нисийд̣̇и. ат̇а нам̣ д̇ад̇т̇зва саан̣ияаа баригкибим̣су. саа бадижчаннабхаавам̣ н̃ад̇ваа д̣̇аасиг̇ан̣абаривуд̇аа г̇зхам̣ аг̇амааси. д̇зби миг̇аарасздтино бурисаа д̇ааяа сад̣̇д̇хим̣язва д̇ханан̃жаяасздтисса санд̇игам̣ аг̇амам̣су. ‘‘гад̇араг̇аамаваасино , д̇аад̇аа, д̇умхз’’д̇и бужчид̇аа ‘‘саавад̇т̇инаг̇арз миг̇аарасздтино бурисамхаа’’д̇и вад̇ваа ‘‘маяам̣ амхаагам̣ сздтинаа д̇умхаагам̣ г̇зхз ваяаббад̇д̇аа д̣̇ааригаа ад̇т̇ийд̇и суд̇ваа бзсид̇аа’’д̇и. саад̇ху, д̇аад̇аа, д̇умхаагам̣ сздти гин̃жааби бхог̇зна амхзхи асад̣̇исо, ж̇аад̇ияаа бана сад̣̇исо. саб̣б̣аагаарасамбанно наама д̣̇уллабхо г̇ажчат̇а д̇умхз сздтисса амхзхи самбадижчид̇абхаавам̣ аарожзт̇аад̇и.

    Te cintayiṃsu – ‘‘imāya sadisā imasmiṃ jambudīpe itthī nāma natthi, yādisā rūpena, kathāyapi tādisāva. Kāraṇākāraṇaṃ ñatvā kathetī’’ti tassā upari mālāguḷaṃ khipiṃsu. Atha, visākhā, cintesi – ‘‘ahaṃ pubbe apariggahitā, idāni pana pariggahitāmhī’’ti vinītenākārena bhūmiyaṃ nisīdi. Atha naṃ tattheva sāṇiyā parikkhipiṃsu. Sā paṭicchannabhāvaṃ ñatvā dāsigaṇaparivutā gehaṃ agamāsi. Tepi migāraseṭṭhino purisā tāya saddhiṃyeva dhanañcayaseṭṭhissa santikaṃ agamaṃsu. ‘‘Kataragāmavāsino , tātā, tumhe’’ti pucchitā ‘‘sāvatthinagare migāraseṭṭhino purisamhā’’ti vatvā ‘‘mayaṃ amhākaṃ seṭṭhinā tumhākaṃ gehe vayappattā dārikā atthīti sutvā pesitā’’ti. Sādhu, tātā, tumhākaṃ seṭṭhi kiñcāpi bhogena amhehi asadiso, jātiyā pana sadiso. Sabbākārasampanno nāma dullabho gacchatha tumhe seṭṭhissa amhehi sampaṭicchitabhāvaṃ ārocethāti.

    д̇з д̇асса важанам̣ суд̇ваа саавад̇т̇им̣ г̇анд̇ваа миг̇аарасздтисса д̇удтим̣ вад̣дхим̣ жа бавзд̣̇зд̇ваа ‘‘лад̣̇д̇хаа но саами саагзд̇з д̇ханан̃жаяасздтисса г̇зхз д̣̇ааригаа’’д̇и аахам̣су. д̇ам̣ суд̇ваа миг̇аарасздти ‘‘махаагулаг̇зхз гира но д̣̇ааригаа лад̣̇д̇хаа’’д̇и д̇удтамаанасо худ̇ваа д̇аавад̣̇зва д̇ханан̃жаяасздтисса саасанам̣ бахин̣и ‘‘ид̣̇аанзва д̣̇ааригам̣ аанаяиссаама, гад̇д̇аб̣б̣агижжам̣ гаронд̇уу’’д̇и. собисса бадисаасанам̣ бзсзси – ‘‘наяид̣̇ам̣ амхаагам̣ бхаарияам̣, сздти бана ад̇д̇ано гад̇д̇аб̣б̣агижжам̣ гарод̇уу’’д̇и. со госаларан̃н̃о санд̇игам̣ г̇анд̇ваа аарожзси – ‘‘д̣̇зва, згаа мз ман̇г̇алагирияаа ад̇т̇и, д̣̇аасасса д̇з бун̣н̣авад̣дханасса д̇ханан̃жаяасздтино д̇хийд̇арам̣ висаакам̣ наама д̣̇ааригам̣ аанзссаами, саагзд̇аг̇аманам̣ мз ануж̇аанаат̇аа’’д̇и. саад̇ху, махаасздти, гим̣ бана амхзхиби ааг̇анд̇аб̣б̣анд̇и? д̣̇зва д̇умхаад̣̇исаанам̣ г̇аманам̣ лад̣̇д̇хум̣ саггаад̇и? рааж̇аа махаагуласса сан̇г̇ахам̣ гаад̇угаамо ‘‘ход̇у сздти, ааг̇амиссаамий’’д̇и самбадижчид̇ваа миг̇аарасздтинаа сад̣̇д̇хим̣ саагзд̇анаг̇арам̣ аг̇амааси. д̇ханан̃жаяасздти ‘‘миг̇аарасздти гира госаларааж̇аанам̣ г̇ахзд̇ваа ааг̇ад̇о’’д̇и суд̇ваа бажжуг̇г̇аманам̣ гад̇ваа рааж̇аанам̣ г̇ахзд̇ваа ад̇д̇ано нивзсанам̣ аг̇амааси. д̇аавад̣̇зва ран̃н̃о жа рааж̇аб̣аласса жа миг̇аарасздтино жа васанадтаанам̣ жзва маалааг̇анд̇хабхад̇д̇аад̣̇ийни жа саб̣б̣аани бадияаад̣̇зси. ‘‘ид̣̇ам̣ имасса лад̣̇д̇хум̣ ваддад̇и, ид̣̇ам̣ имассаа’’д̇и саб̣б̣ам̣ ад̇д̇анаава ж̇аанаад̇и. д̇з д̇з ж̇анаа жинд̇аяим̣су – ‘‘сздти амхаагамзва саггаарам̣ гарод̇ий’’д̇и.

    Te tassa vacanaṃ sutvā sāvatthiṃ gantvā migāraseṭṭhissa tuṭṭhiṃ vaḍḍhiṃ ca pavedetvā ‘‘laddhā no sāmi sākete dhanañcayaseṭṭhissa gehe dārikā’’ti āhaṃsu. Taṃ sutvā migāraseṭṭhi ‘‘mahākulagehe kira no dārikā laddhā’’ti tuṭṭhamānaso hutvā tāvadeva dhanañcayaseṭṭhissa sāsanaṃ pahiṇi ‘‘idāneva dārikaṃ ānayissāma, kattabbakiccaṃ karontū’’ti. Sopissa paṭisāsanaṃ pesesi – ‘‘nayidaṃ amhākaṃ bhāriyaṃ, seṭṭhi pana attano kattabbakiccaṃ karotū’’ti. So kosalarañño santikaṃ gantvā ārocesi – ‘‘deva, ekā me maṅgalakiriyā atthi, dāsassa te puṇṇavaḍḍhanassa dhanañcayaseṭṭhino dhītaraṃ visākhaṃ nāma dārikaṃ ānessāmi, sāketagamanaṃ me anujānāthā’’ti. Sādhu, mahāseṭṭhi, kiṃ pana amhehipi āgantabbanti? Deva tumhādisānaṃ gamanaṃ laddhuṃ sakkāti? Rājā mahākulassa saṅgahaṃ kātukāmo ‘‘hotu seṭṭhi, āgamissāmī’’ti sampaṭicchitvā migāraseṭṭhinā saddhiṃ sāketanagaraṃ agamāsi. Dhanañcayaseṭṭhi ‘‘migāraseṭṭhi kira kosalarājānaṃ gahetvā āgato’’ti sutvā paccuggamanaṃ katvā rājānaṃ gahetvā attano nivesanaṃ agamāsi. Tāvadeva rañño ca rājabalassa ca migāraseṭṭhino ca vasanaṭṭhānaṃ ceva mālāgandhabhattādīni ca sabbāni paṭiyādesi. ‘‘Idaṃ imassa laddhuṃ vaṭṭati, idaṃ imassā’’ti sabbaṃ attanāva jānāti. Te te janā cintayiṃsu – ‘‘seṭṭhi amhākameva sakkāraṃ karotī’’ti.

    ат̇згад̣̇ивасам̣ рааж̇аа д̇ханан̃жаяасздтисса саасанам̣ бахин̣и ‘‘на саггаа сздтинаа жирагаалам̣ амхаагам̣ бхаран̣абосанам̣ гаад̇ум̣, д̣̇ааригааяа г̇аманагаалам̣ ж̇аанаад̇уу’’д̇и. соби ран̃н̃о саасанам̣ бзсзси – ‘‘ид̣̇аани вассагаало ааг̇ад̇о, на саггаа жад̇умаасам̣ вижарид̇ум̣, д̇умхаагам̣ б̣алагааяасса яам̣ яам̣ лад̣̇д̇хум̣ ваддад̇и, саб̣б̣ам̣ д̇ам̣ мама бхааро. гзвалам̣ д̣̇зво маяаа бзсид̇агаалз г̇ажчад̇уу’’д̇и. д̇ад̇о бадтааяа саагзд̇анаг̇арам̣ нижжанагкад̇д̇аг̇аамо вияа ахоси. звам̣ д̇аяо маасаа ад̇игганд̇аа. д̇ханан̃жаяасздтино бана д̇хийд̇ааяа махаалад̇аабасаад̇ханам̣ на д̇аава нидтам̣ г̇ажчад̇и. ат̇асса гамманд̇аад̇хидтааяагаа ааг̇анд̇ваа аарожаяим̣су – ‘‘сзсам̣ асанд̇ам̣ наама над̇т̇и, б̣алагааяасса бана бхад̇д̇абажанад̣̇аарууни наббахонд̇ий’’д̇и. ‘‘г̇ажчат̇а, д̇аад̇аа, хад̇т̇исаалаа ассасаалаа вияож̇зд̇ваа бхад̇д̇ам̣ бажат̇аа’’д̇и. звам̣ бажанд̇аанамби ад̣дхамаасо ад̇игганд̇о. д̇ад̇о буна аарожаяим̣су – ‘‘д̣̇аарууни саами наббахонд̇ий’’д̇и. ‘‘д̇аад̇аа, имасмим̣ гаалз д̣̇аарууни лад̣̇д̇хум̣ на саггаа, д̣̇уссагодтааг̇аарам̣ бана виварид̇ваа т̇ууласаадагз г̇ахзд̇ваа ваддияо гад̇ваа д̇злажаадияам̣ д̇змзд̇ваа бхад̇д̇ам̣ бажат̇аа’’д̇и. иминаа нияаамзна бажанд̇аанам̣ жад̇д̇ааро маасаа буураяим̣су.

    Athekadivasaṃ rājā dhanañcayaseṭṭhissa sāsanaṃ pahiṇi ‘‘na sakkā seṭṭhinā cirakālaṃ amhākaṃ bharaṇaposanaṃ kātuṃ, dārikāya gamanakālaṃ jānātū’’ti. Sopi rañño sāsanaṃ pesesi – ‘‘idāni vassakālo āgato, na sakkā catumāsaṃ vicarituṃ, tumhākaṃ balakāyassa yaṃ yaṃ laddhuṃ vaṭṭati, sabbaṃ taṃ mama bhāro. Kevalaṃ devo mayā pesitakāle gacchatū’’ti. Tato paṭṭhāya sāketanagaraṃ niccanakkhattagāmo viya ahosi. Evaṃ tayo māsā atikkantā. Dhanañcayaseṭṭhino pana dhītāya mahālatāpasādhanaṃ na tāva niṭṭhaṃ gacchati. Athassa kammantādhiṭṭhāyakā āgantvā ārocayiṃsu – ‘‘sesaṃ asantaṃ nāma natthi, balakāyassa pana bhattapacanadārūni nappahontī’’ti. ‘‘Gacchatha, tātā, hatthisālā assasālā viyojetvā bhattaṃ pacathā’’ti. Evaṃ pacantānampi aḍḍhamāso atikkanto. Tato puna ārocayiṃsu – ‘‘dārūni sāmi nappahontī’’ti. ‘‘Tātā, imasmiṃ kāle dārūni laddhuṃ na sakkā, dussakoṭṭhāgāraṃ pana vivaritvā thūlasāṭake gahetvā vaṭṭiyo katvā telacāṭiyaṃ temetvā bhattaṃ pacathā’’ti. Iminā niyāmena pacantānaṃ cattāro māsā pūrayiṃsu.

    д̇ад̇о д̇ханан̃жаяасздти д̇хийд̇уяаа махаалад̇аабасаад̇ханасса нидтид̇абхаавам̣ н̃ад̇ваа ‘‘свз д̣̇ааригам̣ бзсзссаамий’’д̇и д̇хийд̇арам̣ самийбз нисийд̣̇аабзд̇ваа ‘‘амма бад̇игулз васанд̇ияаа наама иман̃жиман̃жа аажаарам̣ сигкид̇ум̣ ваддад̇ий’’д̇и оваад̣̇ам̣ ад̣̇ааси. аяам̣ миг̇аарасздти ананд̇араг̇аб̣бхз нисинно д̇ханан̃жаяасздтино оваад̣̇ам̣ ассоси. соби сздти д̇хийд̇арам̣ звам̣ овад̣̇и –

    Tato dhanañcayaseṭṭhi dhītuyā mahālatāpasādhanassa niṭṭhitabhāvaṃ ñatvā ‘‘sve dārikaṃ pesessāmī’’ti dhītaraṃ samīpe nisīdāpetvā ‘‘amma patikule vasantiyā nāma imañcimañca ācāraṃ sikkhituṃ vaṭṭatī’’ti ovādaṃ adāsi. Ayaṃ migāraseṭṭhi anantaragabbhe nisinno dhanañcayaseṭṭhino ovādaṃ assosi. Sopi seṭṭhi dhītaraṃ evaṃ ovadi –

    ‘‘амма сасурагулз васанд̇ияаа наама анд̇оаг̇г̇и б̣ахи на нийхарид̇аб̣б̣о, б̣ахиаг̇г̇и анд̇о на бавзсзд̇аб̣б̣о, д̣̇ад̣̇анд̇ассзва д̣̇аад̇аб̣б̣ам̣, ад̣̇ад̣̇анд̇асса на д̣̇аад̇аб̣б̣ам̣, д̣̇ад̣̇анд̇ассаби ад̣̇ад̣̇анд̇ассаби д̣̇аад̇аб̣б̣ам̣, сукам̣ нисийд̣̇ид̇аб̣б̣ам̣, сукам̣ барибхун̃ж̇ид̇аб̣б̣ам̣, сукам̣ нибаж̇ж̇ид̇аб̣б̣ам̣, аг̇г̇и барижарид̇аб̣б̣о, анд̇од̣̇звад̇аа намассид̇аб̣б̣аа’’д̇и.

    ‘‘Amma sasurakule vasantiyā nāma antoaggi bahi na nīharitabbo, bahiaggi anto na pavesetabbo, dadantasseva dātabbaṃ, adadantassa na dātabbaṃ, dadantassapi adadantassapi dātabbaṃ, sukhaṃ nisīditabbaṃ, sukhaṃ paribhuñjitabbaṃ, sukhaṃ nipajjitabbaṃ, aggi paricaritabbo, antodevatā namassitabbā’’ti.

    имам̣ д̣̇асавид̇хам̣ оваад̣̇ам̣ д̣̇ад̇ваа бунад̣̇ивасз саб̣б̣аа сзнияо саннибаад̇зд̇ваа рааж̇асзнааяа маж̇жхз адта гудумб̣игз баадибхог̇з г̇ахзд̇ваа ‘‘сажз мз д̇хийд̇у г̇ад̇адтаанз д̣̇осо уббаж̇ж̇ад̇и, д̇умхзхи сод̇хзд̇аб̣б̣о’’д̇и вад̇ваа навагодиаг̇гханагзна махаалад̇аабасаад̇ханзна д̇хийд̇арам̣ басаад̇хзд̇ваа нхаанажун̣н̣амуулам̣ жад̇убан̣н̣аасасагадасад̇ам̣ д̇ханам̣ д̣̇ад̇ваа д̇хийд̇ааяа сад̣̇д̇хим̣ ниб̣ад̣̇д̇хам̣ г̇аманажааринияо бан̃жасад̇аа д̣̇аасияо бан̃жа ааж̇ан̃н̃арат̇асад̇аани саб̣б̣уубагааран̃жа сад̇ам̣ сад̇ам̣ д̣̇ад̇ваа госаларааж̇аанан̃жа миг̇аарасздтин̃жа, виссаж̇ж̇зд̇ваа д̇хийд̇у г̇аманавзлааяам̣ важ̇аад̇хидтааяагз бурисз баггосаабзд̇ваа, ‘‘д̇аад̇аа, мама д̇хийд̇ааяа г̇ад̇адтаанз кийрабаанад̇т̇ам̣ д̇хзнуухи, яаанаяож̇анад̇т̇ам̣ усабхзхи жа ад̇т̇о ход̇и, д̇асмаа мама д̇хийд̇у г̇аманамаг̇г̇з важ̇ад̣̇ваарам̣ виварид̇ваа бут̇улад̇о адта усабхаани г̇ог̇ан̣зна буурзд̇ваа д̇иг̇аавуд̇амад̇т̇агз асугаа наама ганд̣̇араа ад̇т̇и, аг̇г̇аг̇ояуут̇з д̇ам̣ таанам̣ бад̇д̇з бхзрисан̃н̃ааяа важ̇ад̣̇ваарам̣ бид̣̇ахзяяаат̇аа’’д̇и. д̇з ‘‘саад̇хуу’’д̇и сздтисса важанам̣ самбадижчид̇ваа д̇ат̇аа агам̣су . важ̇ад̣̇ваарз вивадз ул̣аарул̣аарааязва г̇аавияо нигкамим̣су. д̣̇ваарз бид̣̇ахид̇з бана висаакааяа бун̃н̃аб̣алзна б̣алаваг̇ааво жа д̣̇аммаг̇ааво жа б̣ахи лан̇гхид̇ваа маг̇г̇ам̣ бадибаж̇ж̇им̣су. ат̇а, висаакаа, саавад̇т̇инаг̇арад̣̇ваарам̣ бад̇д̇агаалз жинд̇зси – ‘‘бадижчаннаяаанасмим̣ ну ко нисийд̣̇ид̇ваа бависаами, уд̣̇ааху рат̇з тад̇ваа’’д̇и. ат̇ассаа зд̇ад̣̇ахоси – ‘‘бадижчаннаяаанзна мз бависанд̇ияаа махаалад̇аабасаад̇ханасса висзсо на бан̃н̃ааяиссад̇ий’’д̇и. саа сагаланаг̇арасса ад̇д̇аанам̣ д̣̇ассзнд̇ий рат̇з тад̇ваа наг̇арам̣ баависи. саавад̇т̇иваасино висаакааяа самбад̇д̇им̣ д̣̇исваа ‘‘зсаа гира, висаакаа, наама зваруубаа, аяан̃жа самбад̇д̇и зд̇иссаава анужчавигаа’’д̇и аахам̣су. ид̇и саа махаасамбад̇д̇ияаа миг̇аарасздтино г̇зхам̣ баависи. ааг̇ад̇ад̣̇ивасз жассаа сагаланаг̇араваасино ‘‘амхаагам̣, д̇ханан̃жаяасздти, ад̇д̇ано наг̇арам̣ самбад̇д̇аанам̣ махаасаггаарам̣ агаасий’’д̇и яат̇ааб̣алам̣ бан̣н̣аагаарам̣ бахин̣им̣су. висаакаа, бахид̇абахид̇ам̣ бан̣н̣аагаарам̣ д̇асмим̣язва наг̇арз ан̃н̃аман̃н̃зсу гулзсу саб̣б̣ад̇т̇агамзва д̣̇аабзси. ат̇ассаа рад̇д̇ибхааг̇асамананд̇арз згиссаа ааж̇ан̃н̃авал̣авааяа г̇аб̣бхавудтаанам̣ ахоси. саа д̣̇аасийхи д̣̇ан̣д̣ад̣̇ийбигаа г̇аахаабзд̇ваа д̇ад̇т̇а г̇анд̇ваа вал̣авам̣ ун̣ход̣̇агзна нхаабзд̇ваа д̇злзна магкаабзд̇ваа ад̇д̇ано васанадтаанамзва аг̇амааси.

    Imaṃ dasavidhaṃ ovādaṃ datvā punadivase sabbā seniyo sannipātetvā rājasenāya majjhe aṭṭha kuṭumbike pāṭibhoge gahetvā ‘‘sace me dhītu gataṭṭhāne doso uppajjati, tumhehi sodhetabbo’’ti vatvā navakoṭiagghanakena mahālatāpasādhanena dhītaraṃ pasādhetvā nhānacuṇṇamūlaṃ catupaṇṇāsasakaṭasataṃ dhanaṃ datvā dhītāya saddhiṃ nibaddhaṃ gamanacāriniyo pañcasatā dāsiyo pañca ājaññarathasatāni sabbūpakārañca sataṃ sataṃ datvā kosalarājānañca migāraseṭṭhiñca, vissajjetvā dhītu gamanavelāyaṃ vajādhiṭṭhāyake purise pakkosāpetvā, ‘‘tātā, mama dhītāya gataṭṭhāne khīrapānatthaṃ dhenūhi, yānayojanatthaṃ usabhehi ca attho hoti, tasmā mama dhītu gamanamagge vajadvāraṃ vivaritvā puthulato aṭṭha usabhāni gogaṇena pūretvā tigāvutamatthake asukā nāma kandarā atthi, aggagoyūthe taṃ ṭhānaṃ patte bherisaññāya vajadvāraṃ pidaheyyāthā’’ti. Te ‘‘sādhū’’ti seṭṭhissa vacanaṃ sampaṭicchitvā tathā akaṃsu . Vajadvāre vivaṭe uḷāruḷārāyeva gāviyo nikkhamiṃsu. Dvāre pidahite pana visākhāya puññabalena balavagāvo ca dammagāvo ca bahi laṅghitvā maggaṃ paṭipajjiṃsu. Atha, visākhā, sāvatthinagaradvāraṃ pattakāle cintesi – ‘‘paṭicchannayānasmiṃ nu kho nisīditvā pavisāmi, udāhu rathe ṭhatvā’’ti. Athassā etadahosi – ‘‘paṭicchannayānena me pavisantiyā mahālatāpasādhanassa viseso na paññāyissatī’’ti. Sā sakalanagarassa attānaṃ dassentī rathe ṭhatvā nagaraṃ pāvisi. Sāvatthivāsino visākhāya sampattiṃ disvā ‘‘esā kira, visākhā, nāma evarūpā, ayañca sampatti etissāva anucchavikā’’ti āhaṃsu. Iti sā mahāsampattiyā migāraseṭṭhino gehaṃ pāvisi. Āgatadivase cassā sakalanagaravāsino ‘‘amhākaṃ, dhanañcayaseṭṭhi, attano nagaraṃ sampattānaṃ mahāsakkāraṃ akāsī’’ti yathābalaṃ paṇṇākāraṃ pahiṇiṃsu. Visākhā, pahitapahitaṃ paṇṇākāraṃ tasmiṃyeva nagare aññamaññesu kulesu sabbatthakameva dāpesi. Athassā rattibhāgasamanantare ekissā ājaññavaḷavāya gabbhavuṭṭhānaṃ ahosi. Sā dāsīhi daṇḍadīpikā gāhāpetvā tattha gantvā vaḷavaṃ uṇhodakena nhāpetvā telena makkhāpetvā attano vasanaṭṭhānameva agamāsi.

    миг̇аарасздтиби сад̇д̇аахам̣ буд̇д̇асса ааваахасаггаарам̣ гаронд̇о д̇хуравихаарз васанд̇амби д̇ат̇ааг̇ад̇ам̣ аманасигад̇ваа сад̇д̇амз д̣̇ивасз сагаланивзсанам̣ буурзнд̇о наг̇г̇асаман̣агз нисийд̣̇аабзд̇ваа ‘‘ааг̇ажчад̇у мз д̇хийд̇аа, араханд̇з ванд̣̇ад̇уу’’д̇и висаакааяа саасанам̣ бахин̣и. саа ‘‘араханд̇аа’’д̇и важанам̣ суд̇ваа сод̇аабаннаа арияасаавигаа хадтад̇удтаа худ̇ваа д̇зсам̣ нисиннадтаанам̣ г̇анд̇ваа д̇з ологзд̇ваа ‘‘на зваруубаа наама араханд̇аа хонд̇и, хирод̇д̇аббавиваж̇ж̇ид̇аанам̣ наама санд̇игам̣ гасмаа мам̣ сасуро баггосаабзд̇ий’’д̇и ‘‘д̇хий, д̇хий’’д̇и г̇арахид̇ваа ад̇д̇ано васанадтаанамзва г̇ад̇аа. наг̇г̇асаман̣аа д̇ам̣ д̣̇исваа саб̣б̣з згаббахаарзнзва сздтим̣ г̇арахим̣су – ‘‘гим̣ д̇вам̣, г̇ахабад̇и, ан̃н̃ам̣ наалад̇т̇а, саман̣асса г̇од̇амасса саавигам̣ махаагаал̣аган̣н̣им̣ гасмаа имам̣ г̇зхам̣ бавзсзси, взг̇зна нам̣ имасмаа г̇зхаа нийхараахий’’д̇и. д̇ад̇о сздти ‘‘на саггаа маяаа имзсам̣ важанзна имам̣ г̇зхаа нийхарид̇ум̣, махаагуласса д̇хийд̇аа аяа’’нд̇и жинд̇зд̇ваа – ‘‘аажарияаа д̣̇ахараа наама ж̇аанид̇ваа ваа аж̇аанид̇ваа ваа гарзяяум̣, д̇умхз д̇ун̣хий хот̇аа’’д̇и наг̇г̇з уяяож̇зд̇ваа махаабаллан̇гз нисийд̣̇аабзд̇ваа суван̣н̣агадажчум̣ г̇ахзд̇ваа висаакааяа баривисияамаано суван̣н̣абаад̇ияам̣ аббод̣̇агамад̇хубааяаасам̣ барибхун̃ж̇и.

    Migāraseṭṭhipi sattāhaṃ puttassa āvāhasakkāraṃ karonto dhuravihāre vasantampi tathāgataṃ amanasikatvā sattame divase sakalanivesanaṃ pūrento naggasamaṇake nisīdāpetvā ‘‘āgacchatu me dhītā, arahante vandatū’’ti visākhāya sāsanaṃ pahiṇi. Sā ‘‘arahantā’’ti vacanaṃ sutvā sotāpannā ariyasāvikā haṭṭhatuṭṭhā hutvā tesaṃ nisinnaṭṭhānaṃ gantvā te oloketvā ‘‘na evarūpā nāma arahantā honti, hirottappavivajjitānaṃ nāma santikaṃ kasmā maṃ sasuro pakkosāpetī’’ti ‘‘dhī, dhī’’ti garahitvā attano vasanaṭṭhānameva gatā. Naggasamaṇā taṃ disvā sabbe ekappahāreneva seṭṭhiṃ garahiṃsu – ‘‘kiṃ tvaṃ, gahapati, aññaṃ nālattha, samaṇassa gotamassa sāvikaṃ mahākāḷakaṇṇiṃ kasmā imaṃ gehaṃ pavesesi, vegena naṃ imasmā gehā nīharāhī’’ti. Tato seṭṭhi ‘‘na sakkā mayā imesaṃ vacanena imaṃ gehā nīharituṃ, mahākulassa dhītā aya’’nti cintetvā – ‘‘ācariyā daharā nāma jānitvā vā ajānitvā vā kareyyuṃ, tumhe tuṇhī hothā’’ti nagge uyyojetvā mahāpallaṅke nisīdāpetvā suvaṇṇakaṭacchuṃ gahetvā visākhāya parivisiyamāno suvaṇṇapātiyaṃ appodakamadhupāyāsaṃ paribhuñji.

    д̇асмим̣ самаяз зго бин̣д̣ажаариго т̇зро бин̣д̣ааяа жаранд̇о сздтисса гхарад̣̇ваарам̣ баабун̣и. висаакаа, д̇ам̣ д̣̇исваа ‘‘сасурасса аажигкид̇ум̣ на яуд̇д̇а’’нд̇и яат̇аа со т̇зрам̣ бассад̇и, звам̣ абаг̇анд̇ваа адтааси. со бана б̣аало т̇зрам̣ д̣̇исвааби абассанд̇о вияа худ̇ваа ад̇хомуко бааяаасамзва бхун̃ж̇ад̇и. висаакаа, ‘‘т̇зрам̣ д̣̇исвааби мз сасуро сан̃н̃ам̣ на гарод̇ий’’д̇и н̃ад̇ваа т̇зрам̣ убасан̇гамид̇ваа ‘‘ад̇ижчат̇а, бханд̇з, маяхам̣ сасуро бураан̣ам̣ каад̣̇ад̇ий’’д̇и ааха. со ниг̇ан̣тзхи д̇аава гат̇ид̇агаалз ад̇хиваасзси, ‘‘бураан̣ам̣ каад̣̇ад̇ий’’д̇и вуд̇д̇агкан̣зязва бана хад̇т̇ам̣ абанзд̇ваа ‘‘имам̣ бааяаасам̣ ид̇о харат̇а, зд̇ан̃жа имасмаа г̇зхаа нийхарат̇а. аяан̃хи мам̣ зваруубз ман̇г̇алаг̇зхз асужикаад̣̇агам̣ наама гарод̇ий’’д̇и ааха. д̇асмим̣ ко бана нивзсанз саб̣б̣зби д̣̇аасагаммагараа висаакааяа санд̇агаава, го нам̣ хад̇т̇з ваа баад̣̇з ваа г̇ан̣хиссад̇и, мукзна гат̇зд̇ум̣ самад̇т̇оби наама над̇т̇и. д̇ад̇о, висаакаа, сасурасса гат̇ам̣ суд̇ваа ааха – ‘‘д̇аад̇а, на зд̇д̇агзна важанзна маяам̣ нигкамаама, наахам̣ д̇умхзхи уд̣̇агад̇ид̇т̇ад̇о гумбхад̣̇аасигаа вияа аанийд̇аа. д̇харамаанагамаад̇аабид̇уунам̣ д̇хийд̇аро наама на зд̇д̇агзнзва нигкаманд̇и, зд̇знзва мз гааран̣зна бид̇аа ид̇хааг̇аманад̣̇ивасз адта гудумб̣игз баггосаабзд̇ваа ‘сажз мз д̇хийд̇арам̣ убаад̣̇ааяа д̣̇осо уббаж̇ж̇ад̇и, сод̇хзяяаат̇аа’д̇и вад̇ваа д̇зсам̣ хад̇т̇з табзси. д̇з баггосаабзд̇ваа маяхам̣ д̣̇осаад̣̇осам̣ сод̇хаабзт̇аа’’д̇и.

    Tasmiṃ samaye eko piṇḍacāriko thero piṇḍāya caranto seṭṭhissa gharadvāraṃ pāpuṇi. Visākhā, taṃ disvā ‘‘sasurassa ācikkhituṃ na yutta’’nti yathā so theraṃ passati, evaṃ apagantvā aṭṭhāsi. So pana bālo theraṃ disvāpi apassanto viya hutvā adhomukho pāyāsameva bhuñjati. Visākhā, ‘‘theraṃ disvāpi me sasuro saññaṃ na karotī’’ti ñatvā theraṃ upasaṅkamitvā ‘‘aticchatha, bhante, mayhaṃ sasuro purāṇaṃ khādatī’’ti āha. So nigaṇṭhehi tāva kathitakāle adhivāsesi, ‘‘purāṇaṃ khādatī’’ti vuttakkhaṇeyeva pana hatthaṃ apanetvā ‘‘imaṃ pāyāsaṃ ito haratha, etañca imasmā gehā nīharatha. Ayañhi maṃ evarūpe maṅgalagehe asucikhādakaṃ nāma karotī’’ti āha. Tasmiṃ kho pana nivesane sabbepi dāsakammakarā visākhāya santakāva, ko naṃ hatthe vā pāde vā gaṇhissati, mukhena kathetuṃ samatthopi nāma natthi. Tato, visākhā, sasurassa kathaṃ sutvā āha – ‘‘tāta, na ettakena vacanena mayaṃ nikkhamāma, nāhaṃ tumhehi udakatitthato kumbhadāsikā viya ānītā. Dharamānakamātāpitūnaṃ dhītaro nāma na ettakeneva nikkhamanti, eteneva me kāraṇena pitā idhāgamanadivase aṭṭha kuṭumbike pakkosāpetvā ‘sace me dhītaraṃ upādāya doso uppajjati, sodheyyāthā’ti vatvā tesaṃ hatthe ṭhapesi. Te pakkosāpetvā mayhaṃ dosādosaṃ sodhāpethā’’ti.

    д̇ад̇о сздти ‘‘галяаан̣ам̣ зсаа гат̇зд̇ий’’д̇и адта гудумб̣игз баггосаабзд̇ваа ‘‘аяам̣ д̣̇ааригаа сад̇д̇амз д̣̇ивасз абарибун̣н̣зязва ман̇г̇алаг̇зхз нисиннам̣ мам̣ ‘асужикаад̣̇аго’д̇и вад̣̇ад̇ий’’д̇и ааха. звам̣ гира, аммаад̇и? ‘‘д̇аад̇аа, маяхам̣ сасуро асужим̣ каад̣̇ид̇угаамо бхависсад̇и, ахам̣ бана звам̣ гад̇ваа на гат̇зми. згасмим̣ бана бин̣д̣абаад̇игад̇т̇зрз гхарад̣̇ваарз тид̇з аяам̣ аббод̣̇агамад̇хубааяаасам̣ бхун̃ж̇анд̇о на д̇ам̣ манаси гарод̇и, ахам̣ иминаа гааран̣зна ‘ад̇ижчат̇а, бханд̇з, маяхам̣ сасуро имасмим̣ ад̇д̇абхаавз бун̃н̃ам̣ на гарод̇и, бураан̣абун̃н̃ам̣ каад̣̇ад̇ий’д̇и зд̇д̇агам̣ гат̇аяинд̇и ааха. аяяа, ид̇ха д̣̇осо над̇т̇и, амхаагам̣ д̇хийд̇аа гааран̣ам̣ гат̇зд̇и, д̇вам̣ гасмаа гуж̇жхасийд̇и? аяяаа, зса д̇аава д̣̇осо маа ход̇у, аяам̣ бана д̣̇ааригаа ааг̇ад̇ад̣̇ивасзязва мама буд̇д̇з сан̃н̃ам̣ агад̇ваа ад̇д̇ано ижчид̇адтаанам̣ аг̇амаасийд̇и. звам̣ гира, аммаад̇и? д̇аад̇аа, наахам̣ ижчид̇адтаанам̣ г̇ажчаами, имасмим̣ бана г̇зхз ааж̇аанийяавал̣авааяа виж̇аад̇ааяа сан̃н̃амби агад̇ваа нисийд̣̇анам̣ наама аяуд̇д̇анд̇и д̣̇ан̣д̣ад̣̇ийбигаа г̇аахаабзд̇ваа д̣̇аасийхи баривуд̇аа д̇ад̇т̇а г̇анд̇ваа вал̣авааяа виж̇аад̇абарихаарам̣ гаараабзсинд̇и. аяяа, амхаагам̣ д̇хийд̇аа д̇ава г̇зхз д̣̇аасийхиби агад̇д̇аб̣б̣агаммам̣ агааси, д̇вам̣ зд̇т̇а гим̣ д̣̇осам̣ бассасийд̇и?

    Tato seṭṭhi ‘‘kalyāṇaṃ esā kathetī’’ti aṭṭha kuṭumbike pakkosāpetvā ‘‘ayaṃ dārikā sattame divase aparipuṇṇeyeva maṅgalagehe nisinnaṃ maṃ ‘asucikhādako’ti vadatī’’ti āha. Evaṃ kira, ammāti? ‘‘Tātā, mayhaṃ sasuro asuciṃ khāditukāmo bhavissati, ahaṃ pana evaṃ katvā na kathemi. Ekasmiṃ pana piṇḍapātikatthere gharadvāre ṭhite ayaṃ appodakamadhupāyāsaṃ bhuñjanto na taṃ manasi karoti, ahaṃ iminā kāraṇena ‘aticchatha, bhante, mayhaṃ sasuro imasmiṃ attabhāve puññaṃ na karoti, purāṇapuññaṃ khādatī’ti ettakaṃ kathayinti āha. Ayya, idha doso natthi, amhākaṃ dhītā kāraṇaṃ katheti, tvaṃ kasmā kujjhasīti? Ayyā, esa tāva doso mā hotu, ayaṃ pana dārikā āgatadivaseyeva mama putte saññaṃ akatvā attano icchitaṭṭhānaṃ agamāsīti. Evaṃ kira, ammāti? Tātā, nāhaṃ icchitaṭṭhānaṃ gacchāmi, imasmiṃ pana gehe ājānīyavaḷavāya vijātāya saññampi akatvā nisīdanaṃ nāma ayuttanti daṇḍadīpikā gāhāpetvā dāsīhi parivutā tattha gantvā vaḷavāya vijātaparihāraṃ kārāpesinti. Ayya, amhākaṃ dhītā tava gehe dāsīhipi akattabbakammaṃ akāsi, tvaṃ ettha kiṃ dosaṃ passasīti?

    аяяаа, зса д̇аава г̇ун̣о ход̇у, имиссаа бана бид̇аа ид̇хааг̇аманад̣̇ивасз оваад̣̇ам̣ д̣̇знд̇о ‘‘анд̇оаг̇г̇и б̣ахи на нийхарид̇аб̣б̣о’’д̇и ааха, гим̣ бана саггаа амхзхи убхад̇о бадивиссагаг̇зхаанам̣ аг̇г̇им̣ ад̣̇ад̇ваа васид̇унд̇и? звам̣ гира, аммаад̇и? д̇аад̇аа, на маяхам̣ бид̇аа зд̇ам̣ аг̇г̇им̣ убаад̣̇ааяа гат̇зси, яаа бана анд̇онивзсанз сассуаад̣̇ийнам̣ рахассагат̇аа уббаж̇ж̇ад̇и, саа д̣̇аасид̣̇аасаанам̣ на гат̇зд̇аб̣б̣аа. зваруубаа хи гат̇аа вад̣дхамаанаа галахааяа сам̣вад̇д̇ад̇и, ид̣̇ам̣ санд̇хааяа маяхам̣ бид̇аа гат̇зси, д̇аад̇аад̇и.

    Ayyā, esa tāva guṇo hotu, imissā pana pitā idhāgamanadivase ovādaṃ dento ‘‘antoaggi bahi na nīharitabbo’’ti āha, kiṃ pana sakkā amhehi ubhato paṭivissakagehānaṃ aggiṃ adatvā vasitunti? Evaṃ kira, ammāti? Tātā, na mayhaṃ pitā etaṃ aggiṃ upādāya kathesi, yā pana antonivesane sassuādīnaṃ rahassakathā uppajjati, sā dāsidāsānaṃ na kathetabbā. Evarūpā hi kathā vaḍḍhamānā kalahāya saṃvattati, idaṃ sandhāya mayhaṃ pitā kathesi, tātāti.

    аяяаа, зд̇ам̣ д̇аава звам̣ ход̇у, имиссаа бид̇аа ‘‘б̣аахирад̇о аг̇г̇и на анд̇о бавзсзд̇аб̣б̣о’’д̇и ааха, гим̣ саггаа амхзхи анд̇оаг̇г̇имхи ниб̣б̣уд̇з б̣аахирад̇о аг̇г̇им̣ анаахарид̇унд̇и ? звам̣ гира, аммаад̇и? д̇аад̇аа, маяхам̣ бид̇аа зд̇ам̣ аг̇г̇им̣ санд̇хааяа на гат̇зси, яам̣ бана д̣̇осам̣ д̣̇аасагаммагаарзхи гат̇ид̇ам̣ ход̇и, д̇ам̣ анд̇омаанусагаанам̣ на гат̇зд̇аб̣б̣ам̣…бз….

    Ayyā, etaṃ tāva evaṃ hotu, imissā pitā ‘‘bāhirato aggi na anto pavesetabbo’’ti āha, kiṃ sakkā amhehi antoaggimhi nibbute bāhirato aggiṃ anāharitunti ? Evaṃ kira, ammāti? Tātā, mayhaṃ pitā etaṃ aggiṃ sandhāya na kathesi, yaṃ pana dosaṃ dāsakammakārehi kathitaṃ hoti, taṃ antomānusakānaṃ na kathetabbaṃ…pe….

    яамби д̇зна ‘‘яз д̣̇ад̣̇анд̇и, д̇зсам̣язва д̣̇аад̇аб̣б̣а’’нд̇и вуд̇д̇ам̣, д̇ам̣ ‘‘яаажид̇агам̣ убагаран̣ам̣ г̇ахзд̇ваа яз бадид̣̇ад̣̇анд̇и, д̇зсам̣язва д̣̇аад̇аб̣б̣а’’нд̇и санд̇хааяа вуд̇д̇ам̣.

    Yampi tena ‘‘ye dadanti, tesaṃyeva dātabba’’nti vuttaṃ, taṃ ‘‘yācitakaṃ upakaraṇaṃ gahetvā ye paṭidadanti, tesaṃyeva dātabba’’nti sandhāya vuttaṃ.

    ‘‘яз на д̣̇ад̣̇анд̇ий’’д̇и ид̣̇амби яаажид̇агам̣ убагаран̣ам̣ г̇ахзд̇ваа яз на бадид̣̇ад̣̇анд̇и, д̇зсам̣ на д̣̇аад̇аб̣б̣анд̇и санд̇хааяа вуд̇д̇ам̣.

    ‘‘Ye na dadantī’’ti idampi yācitakaṃ upakaraṇaṃ gahetvā ye na paṭidadanti, tesaṃ na dātabbanti sandhāya vuttaṃ.

    ‘‘д̣̇ад̣̇анд̇ассаби ад̣̇ад̣̇анд̇ассаби д̣̇аад̇аб̣б̣а’’нд̇и , ид̣̇ам̣ бана д̣̇уг̇г̇ад̇зсу н̃аад̇имид̇д̇зсу самбад̇д̇зсу бадид̣̇аад̇ум̣ саггонд̇у ваа маа ваа, д̣̇аад̇умзва ваддад̇ийд̇и санд̇хааяа вуд̇д̇ам̣.

    ‘‘Dadantassapi adadantassapi dātabba’’nti , idaṃ pana duggatesu ñātimittesu sampattesu paṭidātuṃ sakkontu vā mā vā, dātumeva vaṭṭatīti sandhāya vuttaṃ.

    ‘‘сукам̣ нисийд̣̇ид̇аб̣б̣а’’нд̇и ид̣̇амби сассусасурз д̣̇исваа удтаад̇аб̣б̣адтаанз нисийд̣̇ид̇ум̣ на ваддад̇ийд̇и санд̇хааяа вуд̇д̇ам̣.

    ‘‘Sukhaṃ nisīditabba’’nti idampi sassusasure disvā uṭṭhātabbaṭṭhāne nisīdituṃ na vaṭṭatīti sandhāya vuttaṃ.

    ‘‘сукам̣ бхун̃ж̇ид̇аб̣б̣а’’нд̇и ид̣̇ам̣ бана сассусасурасаамигзхи бурзд̇арам̣ абхун̃ж̇ид̇ваа д̇з баривисид̇ваа саб̣б̣зхи лад̣̇д̇хаалад̣̇д̇хам̣ н̃ад̇ваа бажчаа саяам̣ бхун̃ж̇ид̇ум̣ ваддад̇ийд̇и санд̇хааяа вуд̇д̇ам̣.

    ‘‘Sukhaṃ bhuñjitabba’’nti idaṃ pana sassusasurasāmikehi puretaraṃ abhuñjitvā te parivisitvā sabbehi laddhāladdhaṃ ñatvā pacchā sayaṃ bhuñjituṃ vaṭṭatīti sandhāya vuttaṃ.

    ‘‘сукам̣ нибаж̇ж̇ид̇аб̣б̣а’’нд̇и ид̣̇амби сассусасурасаамигзхи бурзд̇арамзва саяанам̣ ааруяха на нибаж̇ж̇ид̇аб̣б̣ам̣, д̇зсам̣ гад̇д̇аб̣б̣аяуд̇д̇агам̣ вад̇д̇абадивад̇д̇ам̣ гад̇ваа бажчаа саяам̣ нибаж̇ж̇ид̇ум̣ яуд̇д̇анд̇и ид̣̇ам̣ санд̇хааяа вуд̇д̇ам̣.

    ‘‘Sukhaṃ nipajjitabba’’nti idampi sassusasurasāmikehi puretarameva sayanaṃ āruyha na nipajjitabbaṃ, tesaṃ kattabbayuttakaṃ vattapaṭivattaṃ katvā pacchā sayaṃ nipajjituṃ yuttanti idaṃ sandhāya vuttaṃ.

    ‘‘аг̇г̇и барижарид̇аб̣б̣о’’д̇и ид̣̇ам̣ бана сассумби сасурамби саамигамби аг̇г̇игканд̇хам̣ вияа ураг̇арааж̇аанам̣ вияа жа гад̇ваа бассид̇ум̣ ваддад̇ийд̇и ид̣̇ам̣ санд̇хааяа вуд̇д̇анд̇и.

    ‘‘Aggi paricaritabbo’’ti idaṃ pana sassumpi sasurampi sāmikampi aggikkhandhaṃ viya uragarājānaṃ viya ca katvā passituṃ vaṭṭatīti idaṃ sandhāya vuttanti.

    зд̇з д̇аава зд̇д̇агаа г̇ун̣аа хонд̇у, имиссаа бана бид̇аа анд̇од̣̇звад̇аа намассаабзд̇и, имасса го ад̇т̇од̇и? звам̣ гира, аммаад̇и? аама, д̇аад̇аа, зд̇амби хи мз бид̇араа ид̣̇ам̣ санд̇хааяа вуд̇д̇ам̣ – ‘‘аавзн̣игагхарааваасам̣ васанагаалад̇о бадтааяа ад̇д̇ано гхарад̣̇ваарам̣ самбад̇д̇абаб̣б̣аж̇ид̇ам̣ д̣̇исваа яам̣ гхарз каад̣̇анийяам̣ бхож̇анийяам̣ ад̇т̇и, д̇ад̇о баб̣б̣аж̇ид̇аанам̣ д̣̇ад̇ваава каад̣̇ид̇ум̣ ваддад̇ий’’д̇и. ат̇а нам̣ д̇з аахам̣су – ‘‘д̇уяхам̣ бана махаасздти баб̣б̣аж̇ид̇з д̣̇исваа ад̣̇аанамзва ружжад̇и ман̃н̃зд̇и. со ан̃н̃ам̣ бадиважанам̣ абассанд̇о ад̇хомуко нисийд̣̇и’’.

    Ete tāva ettakā guṇā hontu, imissā pana pitā antodevatā namassāpeti, imassa ko atthoti? Evaṃ kira, ammāti? Āma, tātā, etampi hi me pitarā idaṃ sandhāya vuttaṃ – ‘‘āveṇikagharāvāsaṃ vasanakālato paṭṭhāya attano gharadvāraṃ sampattapabbajitaṃ disvā yaṃ ghare khādanīyaṃ bhojanīyaṃ atthi, tato pabbajitānaṃ datvāva khādituṃ vaṭṭatī’’ti. Atha naṃ te āhaṃsu – ‘‘tuyhaṃ pana mahāseṭṭhi pabbajite disvā adānameva ruccati maññeti. So aññaṃ paṭivacanaṃ apassanto adhomukho nisīdi’’.

    ат̇а нам̣ гудумб̣игаа ‘‘гим̣ сздти ан̃н̃оби амхаагам̣ д̇хийд̇у д̣̇осо ад̇т̇ий’’д̇и бужчим̣су. над̇т̇и , аяяаад̇и. гасмаа бана нам̣ нид̣̇д̣̇осам̣ агааран̣аа г̇зхад̇о нийхараабзсийд̇и? д̇асмим̣ кан̣з, висаакаа, ааха – ‘‘батамам̣ д̇аава маяхам̣ мама сасурасса важанзна г̇аманам̣ на яуд̇д̇ам̣, маяхам̣ бана ааг̇аманад̣̇ивасз мама д̣̇осаад̣̇осам̣ сод̇ханад̇т̇ааяа мама бид̇аа д̇умхаагам̣ хад̇т̇з табзд̇ваа ад̣̇ааси, ид̣̇аани маяхам̣ г̇анд̇ум̣ сука’’нд̇и д̣̇аасид̣̇аасз ‘‘яаанаад̣̇ийни саж̇ж̇аани гарот̇аа’’д̇и аан̣аабзси. ат̇а нам̣ сздти д̇з гудумб̣игз г̇ахзд̇ваа, ‘‘амма, маяаа аж̇аанид̇ваа гат̇ид̇ам̣, камаахи маяха’’нд̇и ааха. ‘‘д̇аад̇аа, д̇умхаагам̣ камид̇аб̣б̣ам̣ д̇аава камаами, ахам̣ бана б̣уд̣̇д̇хасаасанз авзжжаббасаннасса гуласса д̇хийд̇аа, на маяам̣ винаа бхигкусан̇гхзна вад̇д̇аама. сажз мама ружияаа бхигкусан̇гхам̣ бадиж̇аг̇г̇ид̇ум̣ лабхаами, васиссаамий’’д̇и. ‘‘амма, д̇вам̣ яат̇ааружияаа д̇ава саман̣з бадиж̇аг̇г̇аахий’’д̇и.

    Atha naṃ kuṭumbikā ‘‘kiṃ seṭṭhi aññopi amhākaṃ dhītu doso atthī’’ti pucchiṃsu. Natthi , ayyāti. Kasmā pana naṃ niddosaṃ akāraṇā gehato nīharāpesīti? Tasmiṃ khaṇe, visākhā, āha – ‘‘paṭhamaṃ tāva mayhaṃ mama sasurassa vacanena gamanaṃ na yuttaṃ, mayhaṃ pana āgamanadivase mama dosādosaṃ sodhanatthāya mama pitā tumhākaṃ hatthe ṭhapetvā adāsi, idāni mayhaṃ gantuṃ sukha’’nti dāsidāse ‘‘yānādīni sajjāni karothā’’ti āṇāpesi. Atha naṃ seṭṭhi te kuṭumbike gahetvā, ‘‘amma, mayā ajānitvā kathitaṃ, khamāhi mayha’’nti āha. ‘‘Tātā, tumhākaṃ khamitabbaṃ tāva khamāmi, ahaṃ pana buddhasāsane aveccappasannassa kulassa dhītā, na mayaṃ vinā bhikkhusaṅghena vattāma. Sace mama ruciyā bhikkhusaṅghaṃ paṭijaggituṃ labhāmi, vasissāmī’’ti. ‘‘Amma, tvaṃ yathāruciyā tava samaṇe paṭijaggāhī’’ti.

    д̇ад̇о, висаакаа, д̣̇асаб̣алам̣ ниманд̇аабзд̇ваа бунад̣̇ивасз нивзсанам̣ буурзнд̇ий б̣уд̣̇д̇хаббамукам̣ бхигкусан̇гхам̣ нисийд̣̇аабзси. наг̇г̇абарисааби сад̇т̇у миг̇аарасздтино г̇зхам̣ г̇ад̇абхаавам̣ суд̇ваа д̇ад̇т̇а г̇анд̇ваа г̇зхам̣ бариваарзд̇ваа нисийд̣̇им̣су. висаакаа, д̣̇агкин̣од̣̇агам̣ д̣̇ад̇ваа ‘‘саб̣б̣о саггааро бадияаад̣̇ид̇о, сасуро мз ааг̇анд̇ваа д̣̇асаб̣алам̣ баривисад̇уу’’д̇и саасанам̣ бзсзси. со ниг̇ан̣таанам̣ важанам̣ суд̇ваа ‘‘мама д̇хийд̇аа саммаасамб̣уд̣̇д̇хам̣ баривисад̇уу’’д̇и ааха. висаакаа, наанаг̇г̇арасзхи д̣̇асаб̣алам̣ баривисид̇ваа нидтид̇з бхад̇д̇агижжз буна саасанам̣ бахин̣и – ‘‘сасуро мз ааг̇анд̇ваа д̣̇асаб̣аласса д̇хаммагат̇ам̣ сун̣аад̇уу’’д̇и. ат̇а нам̣ ‘‘ид̣̇аани аг̇аманам̣ наама ад̇ивияа агааран̣а’’нд̇и д̇хаммагат̇ам̣ сод̇угамяад̇ааяа г̇ажчанд̇ам̣ наг̇г̇асаман̣аа аахам̣су – ‘‘саман̣асса г̇од̇амасса д̇хаммам̣ сун̣анд̇о б̣ахисаан̣ияам̣ нисийд̣̇ид̇ваа сун̣аахий’’д̇и. бурзд̇арамзва жа г̇анд̇ваа саан̣ияаа баригкибим̣су. миг̇аарасздти г̇анд̇ваа б̣ахисаан̣ияам̣ нисийд̣̇и. д̇ат̇ааг̇ад̇о ‘‘д̇вам̣ б̣ахисаан̣ияам̣ ваа нисийд̣̇а, барагуддз ваа барасзлз ваа баражаггаваал̣з ваа нисийд̣̇а. ахам̣ б̣уд̣̇д̇хо наама саггоми д̇ам̣ мама сад̣̇д̣̇ам̣ саавзд̇у’’нд̇и суван̣н̣аван̣н̣апалам̣ амб̣аругкам̣ канд̇хз г̇ахзд̇ваа жаалзнд̇о вияа д̇хаммагат̇ам̣ гат̇зси, д̣̇зсанаабарияосаанз сздти сод̇аабад̇д̇ипалз бад̇идтааяа саан̣им̣ угкибид̇ваа сад̇т̇у баад̣̇з бан̃жабад̇идтид̇зна ванд̣̇ид̇ваа сад̇т̇у санд̇игзязва жа ‘‘д̇вам̣, амма, аж̇ж̇а аад̣̇им̣ гад̇ваа мама маад̇аа’’д̇и висаакам̣ ад̇д̇ано маад̇удтаанз табзси. д̇ад̇о бадтааяа, висаакаа миг̇аарамаад̇аа, наама ж̇аад̇аа.

    Tato, visākhā, dasabalaṃ nimantāpetvā punadivase nivesanaṃ pūrentī buddhappamukhaṃ bhikkhusaṅghaṃ nisīdāpesi. Naggaparisāpi satthu migāraseṭṭhino gehaṃ gatabhāvaṃ sutvā tattha gantvā gehaṃ parivāretvā nisīdiṃsu. Visākhā, dakkhiṇodakaṃ datvā ‘‘sabbo sakkāro paṭiyādito, sasuro me āgantvā dasabalaṃ parivisatū’’ti sāsanaṃ pesesi. So nigaṇṭhānaṃ vacanaṃ sutvā ‘‘mama dhītā sammāsambuddhaṃ parivisatū’’ti āha. Visākhā, nānaggarasehi dasabalaṃ parivisitvā niṭṭhite bhattakicce puna sāsanaṃ pahiṇi – ‘‘sasuro me āgantvā dasabalassa dhammakathaṃ suṇātū’’ti. Atha naṃ ‘‘idāni agamanaṃ nāma ativiya akāraṇa’’nti dhammakathaṃ sotukamyatāya gacchantaṃ naggasamaṇā āhaṃsu – ‘‘samaṇassa gotamassa dhammaṃ suṇanto bahisāṇiyaṃ nisīditvā suṇāhī’’ti. Puretarameva ca gantvā sāṇiyā parikkhipiṃsu. Migāraseṭṭhi gantvā bahisāṇiyaṃ nisīdi. Tathāgato ‘‘tvaṃ bahisāṇiyaṃ vā nisīda, parakuṭṭe vā parasele vā paracakkavāḷe vā nisīda. Ahaṃ buddho nāma sakkomi taṃ mama saddaṃ sāvetu’’nti suvaṇṇavaṇṇaphalaṃ ambarukkhaṃ khandhe gahetvā cālento viya dhammakathaṃ kathesi, desanāpariyosāne seṭṭhi sotāpattiphale patiṭṭhāya sāṇiṃ ukkhipitvā satthu pāde pañcapatiṭṭhitena vanditvā satthu santikeyeva ca ‘‘tvaṃ, amma, ajja ādiṃ katvā mama mātā’’ti visākhaṃ attano mātuṭṭhāne ṭhapesi. Tato paṭṭhāya, visākhā migāramātā, nāma jātā.

    саа згад̣̇ивасам̣ нагкад̇д̇асамаяз вад̇д̇анд̇з ‘‘анд̇онаг̇арз г̇ун̣о над̇т̇ий’’д̇и д̣̇аасийхи баривуд̇аа сад̇т̇у д̇хаммагат̇ам̣ сод̇ум̣ г̇ажчанд̇ий ‘‘б̣уд̣̇д̇хаанам̣ санд̇игам̣ уд̣̇д̇хад̇авзсзна г̇анд̇ум̣ аяуд̇д̇а’’нд̇и махаалад̇аабасаад̇ханам̣ омун̃жид̇ваа д̣̇аасияаа хад̇т̇з д̣̇ад̇ваа сад̇т̇аарам̣ убасан̇гамид̇ваа абхиваад̣̇зд̇ваа згаманд̇ам̣ нисийд̣̇и, сад̇т̇аа д̇хаммагат̇ам̣ гат̇зси. саа д̇хаммад̣̇зсанаабарияосаанз д̣̇асаб̣алам̣ ванд̣̇ид̇ваа наг̇араабхимукаа бааяааси. сааби д̣̇аасий ад̇д̇анаа г̇ахид̇абасаад̇ханасса табид̇адтаанам̣ асаллагкзд̇ваа г̇ажчанд̇ий басаад̇ханад̇т̇ааяа бадинивад̇д̇и. ат̇а нам̣, висаакаа, ‘‘гахам̣ бана д̇з д̇ам̣ табид̇а’’нд̇и бадибужчи. г̇анд̇хагудибаривзн̣з, аяязд̇и. ход̇у ж̇з г̇анд̇ваа аахара, г̇анд̇хагудибаривзн̣з табид̇агаалад̇о бадтааяа аахараабанам̣ наама амхаагам̣ аяуд̇д̇ам̣. д̇асмаа д̇ам̣ виссаж̇ж̇зд̇ваа д̣̇ан̣д̣агаммам̣ гариссаама. д̇ад̇т̇а бана табид̇з аяяаанам̣ балиб̣од̇хо ход̇ийд̇и.

    Sā ekadivasaṃ nakkhattasamaye vattante ‘‘antonagare guṇo natthī’’ti dāsīhi parivutā satthu dhammakathaṃ sotuṃ gacchantī ‘‘buddhānaṃ santikaṃ uddhatavesena gantuṃ ayutta’’nti mahālatāpasādhanaṃ omuñcitvā dāsiyā hatthe datvā satthāraṃ upasaṅkamitvā abhivādetvā ekamantaṃ nisīdi, satthā dhammakathaṃ kathesi. Sā dhammadesanāpariyosāne dasabalaṃ vanditvā nagarābhimukhā pāyāsi. Sāpi dāsī attanā gahitapasādhanassa ṭhapitaṭṭhānaṃ asallakkhetvā gacchantī pasādhanatthāya paṭinivatti. Atha naṃ, visākhā, ‘‘kahaṃ pana te taṃ ṭhapita’’nti paṭipucchi. Gandhakuṭipariveṇe, ayyeti. Hotu je gantvā āhara, gandhakuṭipariveṇe ṭhapitakālato paṭṭhāya āharāpanaṃ nāma amhākaṃ ayuttaṃ. Tasmā taṃ vissajjetvā daṇḍakammaṃ karissāma. Tattha pana ṭhapite ayyānaṃ palibodho hotīti.

    бунад̣̇ивасз сад̇т̇аа бхигкусан̇гхабаривааро висаакааяа нивзсанад̣̇ваарам̣ самбаабун̣и. нивзсанз жа ниб̣ад̣̇д̇хабан̃н̃ад̇д̇аани аасанаани . висаакаа, сад̇т̇у бад̇д̇ам̣ г̇ан̣хид̇ваа сад̇т̇аарам̣ г̇зхам̣ бавзсзд̇ваа бан̃н̃ад̇д̇аасанзсуязва нисийд̣̇аабзд̇ваа гад̇абхад̇д̇агижжз сад̇т̇ари д̇ам̣ басаад̇ханам̣ аахарид̇ваа сад̇т̇у баад̣̇амуулз нигкибид̇ваа ‘‘ид̣̇ам̣, бханд̇з, д̇умхаагам̣ д̣̇аммий’’д̇и ааха. сад̇т̇аа ‘‘алан̇гааро наама баб̣б̣аж̇ид̇аанам̣ на ваддад̇ий’’д̇и бадигкиби. ж̇аанаами, бханд̇з, ахам̣ бана имам̣ аг̇гхаабзд̇ваа д̇ханам̣ г̇ахзд̇ваа д̇умхаагам̣ васанаг̇анд̇хагудим̣ гаарзссаамийд̇и. д̇ад̣̇аа сад̇т̇аа ад̇хиваасзси. сааби д̇ам̣ аг̇гхаабзд̇ваа навагодид̇ханам̣ г̇ахзд̇ваа г̇аб̣бхасахассабадиман̣д̣ид̇з буб̣б̣аараамавихаарз д̇ат̇ааг̇ад̇асса васанаг̇анд̇хагудим̣ гаарзси. висаакааяа бана нивзсанам̣ буб̣б̣ан̣хасамаяз гаасаавабаж̇ж̇од̇ам̣ исиваад̇абадиваад̇амзва ход̇и анаат̇абин̣д̣игасса г̇зхам̣ вияа. д̇ассааби г̇зхз саб̣б̣абхад̇д̇аани бадияад̇д̇аанзва ахзсум̣. саа буб̣б̣ан̣хасамаяз бхигкусан̇гхасса аамисасан̇г̇ахам̣ гад̇ваа бажчаабхад̇д̇з бхзсаж̇ж̇аани жзва адтавид̇хабаанаани жа г̇ан̣хаабзд̇ваа вихаарам̣ г̇анд̇ваа бхигкусан̇гхасса д̣̇ад̇ваа бажчаа сад̇т̇у д̇хаммад̣̇зсанам̣ суд̇ваа ааг̇ажчад̇и. сад̇т̇аа абарабхааг̇з убаасигааяо бадибаадияаа таананд̇арзсу табзнд̇о висаакам̣ миг̇аарамаад̇арам̣ д̣̇ааяигаанам̣ аг̇г̇адтаанз табзсийд̇и.

    Punadivase satthā bhikkhusaṅghaparivāro visākhāya nivesanadvāraṃ sampāpuṇi. Nivesane ca nibaddhapaññattāni āsanāni . Visākhā, satthu pattaṃ gaṇhitvā satthāraṃ gehaṃ pavesetvā paññattāsanesuyeva nisīdāpetvā katabhattakicce satthari taṃ pasādhanaṃ āharitvā satthu pādamūle nikkhipitvā ‘‘idaṃ, bhante, tumhākaṃ dammī’’ti āha. Satthā ‘‘alaṅkāro nāma pabbajitānaṃ na vaṭṭatī’’ti paṭikkhipi. Jānāmi, bhante, ahaṃ pana imaṃ agghāpetvā dhanaṃ gahetvā tumhākaṃ vasanagandhakuṭiṃ kāressāmīti. Tadā satthā adhivāsesi. Sāpi taṃ agghāpetvā navakoṭidhanaṃ gahetvā gabbhasahassapaṭimaṇḍite pubbārāmavihāre tathāgatassa vasanagandhakuṭiṃ kāresi. Visākhāya pana nivesanaṃ pubbaṇhasamaye kāsāvapajjotaṃ isivātapaṭivātameva hoti anāthapiṇḍikassa gehaṃ viya. Tassāpi gehe sabbabhattāni paṭiyattāneva ahesuṃ. Sā pubbaṇhasamaye bhikkhusaṅghassa āmisasaṅgahaṃ katvā pacchābhatte bhesajjāni ceva aṭṭhavidhapānāni ca gaṇhāpetvā vihāraṃ gantvā bhikkhusaṅghassa datvā pacchā satthu dhammadesanaṃ sutvā āgacchati. Satthā aparabhāge upāsikāyo paṭipāṭiyā ṭhānantaresu ṭhapento visākhaṃ migāramātaraṃ dāyikānaṃ aggaṭṭhāne ṭhapesīti.

    куж̇ж̇уд̇д̇араа-саамаавад̇ийвад̇т̇у

    Khujjuttarā-sāmāvatīvatthu

    260-261. д̇ад̇ияажад̇уд̇т̇зсу б̣ахуссуд̇аанам̣ яад̣̇ид̣̇ам̣, куж̇ж̇уд̇д̇араа, мзд̇д̇аавихаарийнам̣ яад̣̇ид̣̇ам̣, саамаавад̇ийд̇и б̣ахуссуд̇аанам̣ убаасигаанам̣ куж̇ж̇уд̇д̇араа, мзд̇д̇аавихаарийнам̣ саамаавад̇ий аг̇г̇аад̇и д̣̇ассзд̇и. д̇аа гира д̣̇взби бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз бадисанд̇хим̣ г̇ан̣хид̇ваа абарабхааг̇з ‘‘сад̇т̇у д̇хаммагат̇ам̣ соссаамаа’’д̇и вихаарам̣ аг̇амам̣су. д̇ад̇т̇а, куж̇ж̇уд̇д̇араа, сад̇т̇аарам̣ згам̣ убаасигам̣ б̣ахуссуд̇аанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саамаавад̇ийби згам̣ убаасигам̣ мзд̇д̇аавихаарийнам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. д̇аасам̣ д̣̇виннамби яааваж̇ийвам̣ гусалам̣ гад̇ваа д̣̇звалогз ниб̣б̣ад̇д̇ид̇ваа д̣̇звамануссзсу сам̣саранд̇ийнам̣язва габбасад̇асахассам̣ ад̇игганд̇ам̣.

    260-261. Tatiyacatutthesu bahussutānaṃ yadidaṃ, khujjuttarā, mettāvihārīnaṃ yadidaṃ, sāmāvatīti bahussutānaṃ upāsikānaṃ khujjuttarā, mettāvihārīnaṃ sāmāvatī aggāti dasseti. Tā kira dvepi padumuttarabuddhakāle haṃsavatiyaṃ kulagehe paṭisandhiṃ gaṇhitvā aparabhāge ‘‘satthu dhammakathaṃ sossāmā’’ti vihāraṃ agamaṃsu. Tattha, khujjuttarā, satthāraṃ ekaṃ upāsikaṃ bahussutānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sāmāvatīpi ekaṃ upāsikaṃ mettāvihārīnaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Tāsaṃ dvinnampi yāvajīvaṃ kusalaṃ katvā devaloke nibbattitvā devamanussesu saṃsarantīnaṃyeva kappasatasahassaṃ atikkantaṃ.

    ат̇а амхаагам̣ сад̇т̇у ниб̣б̣ад̇д̇ид̇о бурзд̇арамзва аллагаббарадтз ахиваад̇агарог̇о наама уд̣̇абаад̣̇и. згзгасмим̣ г̇зхз згаббахаарзнзва д̣̇асаби вийсамби д̇им̣самби ж̇анаа маранд̇и, д̇ирорадтам̣ г̇ад̇аа бана ж̇ийвид̇ам̣ лабханд̇и. д̇ам̣ н̃ад̇ваа зго бурисо ад̇д̇ано буд̇д̇ад̣̇аарам̣ аад̣̇ааяа ‘‘ан̃н̃ам̣ радтам̣ г̇амиссаамий’’д̇и д̇ад̇о нигками. ат̇асса гхарз г̇ахид̇абаат̇зяяам̣ анд̇араамаг̇г̇з ганд̇аарз ануд̇д̇ин̣н̣зязва баригкаяам̣ аг̇амааси. д̇зсам̣ сарийраб̣алам̣ барихааяи, сагим̣ маад̇аа буд̇д̇ам̣ угкибад̇и, сагим̣ бид̇аа. ат̇асса бид̇аа жинд̇зси – ‘‘амхаагам̣ сарийраб̣алам̣ барихийнам̣, буд̇д̇ам̣ угкибид̇ваа г̇ажчанд̇аа ганд̇аарам̣ нид̇т̇арид̇ум̣ на сагкиссаамаа’’д̇и. со д̇асса маад̇арам̣ аж̇аанаабзд̇ваава уд̣̇агагижжзна охийно вияа буд̇д̇ам̣ маг̇г̇з нисийд̣̇аабзд̇ваа згагова маг̇г̇ам̣ бадибаж̇ж̇и. ‘‘ат̇асса бхарияаа ааг̇аманам̣ ологаяамаанаа тид̇аа хад̇т̇з буд̇д̇ам̣ ад̣̇исваа виравамаанаа г̇анд̇ваа гахам̣ мз саами буд̇д̇о’’д̇и ааха. го д̇з буд̇д̇зна ад̇т̇о? ж̇ийвамаанаа буд̇д̇ам̣ лабхиссаамаад̇и. саа ‘‘ад̇исаахасиго вад̇ааяам̣ бурисо’’д̇и вад̇ваа ‘‘г̇ажча д̇вам̣, наахам̣ д̇аад̣̇исзна сад̣̇д̇хим̣ г̇амиссаамий’’д̇и ааха. со ‘‘анубад̇хаарзд̇ваа мз бхад̣̇д̣̇з гад̇ам̣, камзд̇ам̣ маяха’’нд̇и вад̇ваа буд̇д̇ам̣ аад̣̇ааяааг̇ад̇о.

    Atha amhākaṃ satthu nibbattito puretarameva allakapparaṭṭhe ahivātakarogo nāma udapādi. Ekekasmiṃ gehe ekappahāreneva dasapi vīsampi tiṃsampi janā maranti, tiroraṭṭhaṃ gatā pana jīvitaṃ labhanti. Taṃ ñatvā eko puriso attano puttadāraṃ ādāya ‘‘aññaṃ raṭṭhaṃ gamissāmī’’ti tato nikkhami. Athassa ghare gahitapātheyyaṃ antarāmagge kantāre anuttiṇṇeyeva parikkhayaṃ agamāsi. Tesaṃ sarīrabalaṃ parihāyi, sakiṃ mātā puttaṃ ukkhipati, sakiṃ pitā. Athassa pitā cintesi – ‘‘amhākaṃ sarīrabalaṃ parihīnaṃ, puttaṃ ukkhipitvā gacchantā kantāraṃ nittharituṃ na sakkhissāmā’’ti. So tassa mātaraṃ ajānāpetvāva udakakiccena ohīno viya puttaṃ magge nisīdāpetvā ekakova maggaṃ paṭipajji. ‘‘Athassa bhariyā āgamanaṃ olokayamānā ṭhitā hatthe puttaṃ adisvā viravamānā gantvā kahaṃ me sāmi putto’’ti āha. Ko te puttena attho? Jīvamānā puttaṃ labhissāmāti. Sā ‘‘atisāhasiko vatāyaṃ puriso’’ti vatvā ‘‘gaccha tvaṃ, nāhaṃ tādisena saddhiṃ gamissāmī’’ti āha. So ‘‘anupadhāretvā me bhadde kataṃ, khametaṃ mayha’’nti vatvā puttaṃ ādāyāgato.

    д̇з д̇ам̣ ганд̇аарам̣ самад̇иггамид̇ваа сааяам̣ згам̣ г̇обаалагагулам̣ самбаабун̣им̣су. д̇ам̣ д̣̇ивасан̃жа г̇обаалагагулаваасино нируд̣̇агабааяаасам̣ бажим̣су. д̇з д̇з д̣̇исваа ‘‘имз ад̇ивияа чаад̇агаа’’д̇и бааяаасасса махаабхааж̇анам̣ буурзд̇ваа ул̣ун̇габуурам̣ саббим̣ аасин̃жид̇ваа ад̣̇ам̣су. д̇зсу д̇ам̣ бааяаасам̣ бхун̃ж̇анд̇зсу саа ид̇т̇ий бамаан̣знзва бхун̃ж̇и, бурисо бана бамаан̣аад̇игганд̇ам̣ бхун̃ж̇ид̇ваа ж̇ийраабзд̇ум̣ асаггонд̇о рад̇д̇ибхааг̇асамананд̇арз гааламагааси. со гаалам̣ гаронд̇о д̇зсу саалаяабхаавзна г̇обаалагаанам̣ г̇зхз сунакияаа гужчисмим̣ бадисанд̇хим̣ г̇ан̣хи. сунакий нажирассзва виж̇аад̇аа. г̇обаалаго д̇ам̣ гуггурам̣ сассиригам̣ д̣̇исваа бин̣д̣зна балобхзд̇ваа ад̇д̇ани уббаннасинзхам̣ г̇ахзд̇ваа сад̣̇д̇химзва жарад̇и.

    Te taṃ kantāraṃ samatikkamitvā sāyaṃ ekaṃ gopālakakulaṃ sampāpuṇiṃsu. Taṃ divasañca gopālakakulavāsino nirudakapāyāsaṃ paciṃsu. Te te disvā ‘‘ime ativiya chātakā’’ti pāyāsassa mahābhājanaṃ pūretvā uḷuṅkapūraṃ sappiṃ āsiñcitvā adaṃsu. Tesu taṃ pāyāsaṃ bhuñjantesu sā itthī pamāṇeneva bhuñji, puriso pana pamāṇātikkantaṃ bhuñjitvā jīrāpetuṃ asakkonto rattibhāgasamanantare kālamakāsi. So kālaṃ karonto tesu sālayabhāvena gopālakānaṃ gehe sunakhiyā kucchismiṃ paṭisandhiṃ gaṇhi. Sunakhī nacirasseva vijātā. Gopālako taṃ kukkuraṃ sassirikaṃ disvā piṇḍena palobhetvā attani uppannasinehaṃ gahetvā saddhimeva carati.

    ат̇згад̣̇ивасам̣ зго бажжзгаб̣уд̣̇д̇хо бхигкаажааравзлааяа г̇обаалагасса гхарад̣̇ваарам̣ самбад̇д̇о. соби д̇ам̣ д̣̇исваа бхигкам̣ д̣̇ад̇ваа ад̇д̇аанам̣ ниссааяа васанад̇т̇ааяа бадин̃н̃ам̣ г̇ан̣хи. бажжзгаб̣уд̣̇д̇хо г̇обаалагагуласса авид̣̇уурз таанз згасмим̣ ванасан̣д̣з ваасам̣ убаг̇ад̇о. г̇обаалаго д̇асса санд̇игам̣ г̇ажчанд̇о д̇ам̣ гуггурам̣ г̇ахзд̇ваава г̇ажчад̇и, анд̇араамаг̇г̇з жа ваал̣амиг̇адтаанз ваал̣амиг̇аанам̣ балааяанад̇т̇ам̣ ругкз ваа баасаан̣з ваа бахаарам̣ д̣̇зд̇и, соби гуггуро д̇асса гаран̣авид̇хаанам̣ вавад̇т̇абзд̇и. ат̇згад̣̇ивасам̣ со г̇обаалаго бажжзгаб̣уд̣̇д̇хасса санд̇игз нисийд̣̇ид̇ваа, ‘‘бханд̇з, амхаагам̣ саб̣б̣агаалам̣ ааг̇аманам̣ наама на ход̇и. аяам̣ бана гуггуро чзго, имасса ааг̇ад̇асан̃н̃ааяа амхаагам̣ г̇зхад̣̇ваарам̣ ааг̇ажчзяяаат̇аа’’д̇и ааха. со згад̣̇ивасам̣ ‘‘бажжзгаб̣уд̣̇д̇хам̣ г̇ан̣хид̇ваа зхий’’д̇и гуггурам̣ бзсзси. гуггуро д̇асса важанам̣ суд̇ваа бхигкаажааравзлааяа г̇анд̇ваа бажжзгаб̣уд̣̇д̇хасса баад̣̇амуулз урзна нибаж̇ж̇и. бажжзгаб̣уд̣̇д̇хо ‘‘аяам̣ мама санд̇игам̣ ааг̇ад̇о’’д̇и н̃ад̇ваа бад̇д̇ажийварам̣ аад̣̇ааяа маг̇г̇ам̣ бадибаж̇ж̇и. со д̇асса виймам̣санад̇т̇ааяа уггамид̇ваа ан̃н̃ам̣ маг̇г̇ам̣ г̇ан̣хи, гуггуро бурад̇о тад̇ваа г̇обаалагамаг̇г̇ам̣ бадибаннагаалз абасагги. яасмим̣ жа яасмим̣ жа таанз ваал̣амиг̇аанам̣ балааяанад̇т̇ам̣ г̇обаалаго ругкам̣ ваа баасаан̣ам̣ ваа бахари, д̇ам̣ д̇ам̣ таанам̣ бад̇ваа гуггуро махаавиравам̣ вирави. д̇асса сад̣̇д̣̇зна ваал̣амиг̇аа балааяанд̇и. бажжзгаб̣уд̣̇д̇хоби бхад̇д̇агижжавзлааяа маханд̇ам̣ синид̣̇д̇хабин̣д̣ам̣ д̇асса д̣̇зд̇и. соби бин̣д̣алаабхзна бажжзгаб̣уд̣̇д̇хз уд̇д̇арид̇арам̣ синзхам̣ гарод̇и.

    Athekadivasaṃ eko paccekabuddho bhikkhācāravelāya gopālakassa gharadvāraṃ sampatto. Sopi taṃ disvā bhikkhaṃ datvā attānaṃ nissāya vasanatthāya paṭiññaṃ gaṇhi. Paccekabuddho gopālakakulassa avidūre ṭhāne ekasmiṃ vanasaṇḍe vāsaṃ upagato. Gopālako tassa santikaṃ gacchanto taṃ kukkuraṃ gahetvāva gacchati, antarāmagge ca vāḷamigaṭṭhāne vāḷamigānaṃ palāyanatthaṃ rukkhe vā pāsāṇe vā pahāraṃ deti, sopi kukkuro tassa karaṇavidhānaṃ vavatthapeti. Athekadivasaṃ so gopālako paccekabuddhassa santike nisīditvā, ‘‘bhante, amhākaṃ sabbakālaṃ āgamanaṃ nāma na hoti. Ayaṃ pana kukkuro cheko, imassa āgatasaññāya amhākaṃ gehadvāraṃ āgaccheyyāthā’’ti āha. So ekadivasaṃ ‘‘paccekabuddhaṃ gaṇhitvā ehī’’ti kukkuraṃ pesesi. Kukkuro tassa vacanaṃ sutvā bhikkhācāravelāya gantvā paccekabuddhassa pādamūle urena nipajji. Paccekabuddho ‘‘ayaṃ mama santikaṃ āgato’’ti ñatvā pattacīvaraṃ ādāya maggaṃ paṭipajji. So tassa vīmaṃsanatthāya ukkamitvā aññaṃ maggaṃ gaṇhi, kukkuro purato ṭhatvā gopālakamaggaṃ paṭipannakāle apasakki. Yasmiṃ ca yasmiṃ ca ṭhāne vāḷamigānaṃ palāyanatthaṃ gopālako rukkhaṃ vā pāsāṇaṃ vā pahari, taṃ taṃ ṭhānaṃ patvā kukkuro mahāviravaṃ viravi. Tassa saddena vāḷamigā palāyanti. Paccekabuddhopi bhattakiccavelāya mahantaṃ siniddhapiṇḍaṃ tassa deti. Sopi piṇḍalābhena paccekabuddhe uttaritaraṃ sinehaṃ karoti.

    г̇обаалаго д̇змаасам̣ вуд̇т̇асса бажжзгаб̣уд̣̇д̇хасса д̇ижийвараббахонагам̣ саадагам̣ д̣̇ад̇ваа, ‘‘бханд̇з, сажз во ружжад̇и, ид̇хзва васат̇а. но жз ружжад̇и, яат̇аасукам̣ г̇ажчат̇аа’’д̇и ааха. бажжзгаб̣уд̣̇д̇хо г̇аманаагаарам̣ д̣̇ассзд̇и. со г̇обаалаго бажжзгаб̣уд̣̇д̇хам̣ ануг̇анд̇ваа нивад̇д̇ад̇и. гуггуро бажжзгаб̣уд̣̇д̇хасса ан̃н̃ад̇т̇а г̇аманабхаавам̣ н̃ад̇ваа ад̇исинзхзна уббаннаб̣алавасого хад̣̇аяапааланам̣ бад̇ваа гаалам̣ гад̇ваа д̇аавад̇им̣сабурз ниб̣б̣ад̇д̇и. ат̇асса бажжзгаб̣уд̣̇д̇хзна сад̣̇д̇хим̣ г̇аманагаалз ужжаасад̣̇д̣̇ам̣ гад̇ваа ваал̣амиг̇аанам̣ балаабид̇абхаавзна д̣̇звад̇аахи сад̣̇д̇хим̣ гат̇знд̇асса сад̣̇д̣̇о сагалад̣̇звабурам̣ чаад̣̇зд̇ваа адтааси. со д̇знзва наамад̇хзяяам̣ лабхид̇ваа гхосагад̣̇звабуд̇д̇о наама ж̇аад̇о. ат̇асса д̇асмим̣ самбад̇д̇им̣ анубхаванд̇асса мануссабат̇з госамб̣инаг̇арз уд̣̇зно наама рааж̇аа раж̇ж̇ам̣ бадибаж̇ж̇и. д̇асса вад̇т̇у маж̇жхимабан̣н̣аасагз б̣од̇хирааж̇агумаарасуд̇д̇аван̣н̣анааяам̣ (ма. ни. адта. 2.324 аад̣̇аяо) вуд̇д̇анаязнзва взд̣̇ид̇аб̣б̣ам̣.

    Gopālako temāsaṃ vutthassa paccekabuddhassa ticīvarappahonakaṃ sāṭakaṃ datvā, ‘‘bhante, sace vo ruccati, idheva vasatha. No ce ruccati, yathāsukhaṃ gacchathā’’ti āha. Paccekabuddho gamanākāraṃ dasseti. So gopālako paccekabuddhaṃ anugantvā nivattati. Kukkuro paccekabuddhassa aññattha gamanabhāvaṃ ñatvā atisinehena uppannabalavasoko hadayaphālanaṃ patvā kālaṃ katvā tāvatiṃsapure nibbatti. Athassa paccekabuddhena saddhiṃ gamanakāle uccāsaddaṃ katvā vāḷamigānaṃ palāpitabhāvena devatāhi saddhiṃ kathentassa saddo sakaladevapuraṃ chādetvā aṭṭhāsi. So teneva nāmadheyyaṃ labhitvā ghosakadevaputto nāma jāto. Athassa tasmiṃ sampattiṃ anubhavantassa manussapathe kosambinagare udeno nāma rājā rajjaṃ paṭipajji. Tassa vatthu majjhimapaṇṇāsake bodhirājakumārasuttavaṇṇanāyaṃ (ma. ni. aṭṭha. 2.324 ādayo) vuttanayeneva veditabbaṃ.

    д̇асмим̣ бана раж̇ж̇ам̣ гаараяамаанз гхосагад̣̇звабуд̇д̇о жавид̇ваа госамб̣ияам̣ згиссаа руубуубаж̇ийвинияаа гужчимхи бадисанд̇хим̣ г̇ан̣хи. саа д̣̇асамаасажжаязна виж̇ааяид̇ваа буд̇д̇абхаавам̣ н̃ад̇ваа сан̇гаарагуудз чад̣д̣аабзси. д̇асмим̣ кан̣з госамб̣исздтино гамманд̇иго баад̇ова сздтигхарам̣ г̇ажчанд̇о ‘‘гим̣ ну ко имам̣ гаагзхи самбаригин̣н̣а’’нд̇и г̇анд̇ваа д̣̇аарагам̣ д̣̇исваа ‘‘махаабун̃н̃аваа зса д̣̇аараго бхависсад̇ий’’д̇и згасса бурисасса хад̇т̇з г̇зхам̣ бзсзд̇ваа сздтигхарам̣ аг̇амааси. сздтиби рааж̇уубадтаанавзлааяа рааж̇агулам̣ г̇ажчанд̇о анд̇араамаг̇г̇з бурохид̇ам̣ д̣̇исваа ‘‘аж̇ж̇а гим̣ нагкад̇д̇а’’нд̇и бужчи. со д̇ад̇т̇зва тид̇о г̇ан̣зд̇ваа ‘‘асугам̣ наама нагкад̇д̇ам̣, аж̇ж̇а иминаа нагкад̇д̇зна ж̇аад̇ад̣̇аараго имасмим̣ наг̇арз сздтидтаанам̣ лабхиссад̇ий’’д̇и ааха. со д̇асса гат̇ам̣ суд̇ваа взг̇зна гхарам̣ бзсзси – ‘‘имасса бурохид̇асса д̣̇вз гат̇аа наама над̇т̇и, гхаран̣ий жа мз г̇аруг̇аб̣бхаа, ж̇аанаат̇а д̇аава нам̣ виж̇аад̇аа ваа но ваа’’д̇и. д̇з г̇анд̇ваа ж̇аанид̇ваа, ‘‘аяяа, на д̇аава виж̇аад̇аа’’д̇и аахам̣су. д̇зна хи г̇ажчат̇а, имасмим̣ наг̇арз аж̇ж̇а ж̇аад̇ад̣̇аарагам̣ бариязсат̇аад̇и. д̇з бариязсанд̇аа д̇асса сздтино гамманд̇игасса г̇зхз д̇ам̣ д̣̇аарагам̣ д̣̇исваа сздтино аарожаяим̣су. д̇зна хи г̇ажчат̇а бхан̣з, д̇ам̣ гамманд̇игам̣ баггосат̇аад̇и. д̇з д̇ам̣ баггосим̣су. ат̇а нам̣ сздти ‘‘г̇зхз гира д̇з д̣̇аараго ад̇т̇ий’’д̇и бужчи. ‘‘аама, аяяаа’’д̇и. ‘‘д̇ам̣ д̣̇аарагам̣ амхаагам̣ д̣̇зхий’’д̇и. ‘‘на д̣̇зми, аяяаа’’д̇и. ‘‘ханд̣̇а сахассам̣ г̇ан̣хид̇ваа д̣̇зхий’’д̇и. со ‘‘аяам̣ ж̇ийвзяяа ваа марзяяа ваа, д̣̇уж̇ж̇аанамид̣̇а’’нд̇и сахассам̣ г̇ан̣хид̇ваа ад̣̇ааси.

    Tasmiṃ pana rajjaṃ kārayamāne ghosakadevaputto cavitvā kosambiyaṃ ekissā rūpūpajīviniyā kucchimhi paṭisandhiṃ gaṇhi. Sā dasamāsaccayena vijāyitvā puttabhāvaṃ ñatvā saṅkārakūṭe chaḍḍāpesi. Tasmiṃ khaṇe kosambiseṭṭhino kammantiko pātova seṭṭhigharaṃ gacchanto ‘‘kiṃ nu kho imaṃ kākehi samparikiṇṇa’’nti gantvā dārakaṃ disvā ‘‘mahāpuññavā esa dārako bhavissatī’’ti ekassa purisassa hatthe gehaṃ pesetvā seṭṭhigharaṃ agamāsi. Seṭṭhipi rājūpaṭṭhānavelāya rājakulaṃ gacchanto antarāmagge purohitaṃ disvā ‘‘ajja kiṃ nakkhatta’’nti pucchi. So tattheva ṭhito gaṇetvā ‘‘asukaṃ nāma nakkhattaṃ, ajja iminā nakkhattena jātadārako imasmiṃ nagare seṭṭhiṭṭhānaṃ labhissatī’’ti āha. So tassa kathaṃ sutvā vegena gharaṃ pesesi – ‘‘imassa purohitassa dve kathā nāma natthi, gharaṇī ca me garugabbhā, jānātha tāva naṃ vijātā vā no vā’’ti. Te gantvā jānitvā, ‘‘ayya, na tāva vijātā’’ti āhaṃsu. Tena hi gacchatha, imasmiṃ nagare ajja jātadārakaṃ pariyesathāti. Te pariyesantā tassa seṭṭhino kammantikassa gehe taṃ dārakaṃ disvā seṭṭhino ārocayiṃsu. Tena hi gacchatha bhaṇe, taṃ kammantikaṃ pakkosathāti. Te taṃ pakkosiṃsu. Atha naṃ seṭṭhi ‘‘gehe kira te dārako atthī’’ti pucchi. ‘‘Āma, ayyā’’ti. ‘‘Taṃ dārakaṃ amhākaṃ dehī’’ti. ‘‘Na demi, ayyā’’ti. ‘‘Handa sahassaṃ gaṇhitvā dehī’’ti. So ‘‘ayaṃ jīveyya vā mareyya vā, dujjānamida’’nti sahassaṃ gaṇhitvā adāsi.

    д̇ад̇о сздти жинд̇зси – ‘‘сажз мз бхарияаа д̇хийд̇арам̣ виж̇ааяиссад̇и, имамзва буд̇д̇ам̣ гариссаами. сажз буд̇д̇ам̣ виж̇ааяиссад̇и, маарзссаамий’’д̇и. жинд̇зд̇ваа г̇зхз босзси. ат̇асса бхарияаа гад̇ибаахажжаязна буд̇д̇ам̣ виж̇ааяи. д̇ад̇о сздти ‘‘звам̣ д̇ам̣ г̇ааво мад̣̇д̣̇ид̇ваа маарзссанд̇ий’’д̇и жинд̇зд̇ваа ‘‘имам̣ д̣̇аарагам̣ важ̇ад̣̇ваарз нибаж̇ж̇аабзт̇аа’’д̇и ааха. д̇ам̣ д̇ад̇т̇а нибаж̇ж̇аабзсум̣. ат̇а нам̣ яуут̇абад̇и усабхо батамам̣ нигкаманд̇о д̣̇исваа ‘‘звам̣ д̇ам̣ ан̃н̃з на мад̣̇д̣̇иссанд̇ий’’д̇и жад̇уннам̣ баад̣̇аанам̣ анд̇арз гад̇ваа адтааси. ат̇а нам̣ г̇обаалагаа д̣̇исваа ‘‘махаабун̃н̃о зса д̣̇аараго бхависсад̇и , яасса д̇иражчаанаг̇ад̇ааби г̇ун̣ам̣ ж̇аананд̇и, бадиж̇аг̇г̇иссаама на’’нд̇и ад̇д̇ано г̇зхам̣ наяим̣су.

    Tato seṭṭhi cintesi – ‘‘sace me bhariyā dhītaraṃ vijāyissati, imameva puttaṃ karissāmi. Sace puttaṃ vijāyissati, māressāmī’’ti. Cintetvā gehe posesi. Athassa bhariyā katipāhaccayena puttaṃ vijāyi. Tato seṭṭhi ‘‘evaṃ taṃ gāvo madditvā māressantī’’ti cintetvā ‘‘imaṃ dārakaṃ vajadvāre nipajjāpethā’’ti āha. Taṃ tattha nipajjāpesuṃ. Atha naṃ yūthapati usabho paṭhamaṃ nikkhamanto disvā ‘‘evaṃ taṃ aññe na maddissantī’’ti catunnaṃ pādānaṃ antare katvā aṭṭhāsi. Atha naṃ gopālakā disvā ‘‘mahāpuñño esa dārako bhavissati , yassa tiracchānagatāpi guṇaṃ jānanti, paṭijaggissāma na’’nti attano gehaṃ nayiṃsu.

    соби сздти д̇асса мад̇абхаавам̣ анувиж̇ж̇анд̇о ‘‘г̇обаалагзхи нийд̇о’’д̇и суд̇ваа буна сахассам̣ д̣̇ад̇ваа аан̣аабзд̇ваа аамагасусаанз чад̣д̣аабзси. д̇асмим̣ жа гаалз сздтисса гхарз аж̇абаалаго сусаанам̣ ниссааяа аж̇игаа жаарзд̇и. ат̇згаа д̇хзну аж̇игаа д̣̇аарагасса бун̃н̃зна маг̇г̇аа оггамма г̇анд̇ваа д̣̇аарагасса кийрам̣ д̣̇ад̇ваа г̇ад̇аа. д̇ад̇о нивад̇д̇амаанааби д̇ат̇зва г̇анд̇ваа кийрамад̣̇ааси. аж̇абаалаго жинд̇зси – ‘‘аяам̣ аж̇игаа баад̇оби имасмаа таанаа оггамид̇ваа г̇ад̇аа, гим̣ ну ко зд̇а’’нд̇и г̇анд̇ваа ологзнд̇о д̇ам̣ д̣̇аарагам̣ д̣̇исваа ‘‘махаабун̃н̃о зса д̣̇аараго, д̇иражчаанаг̇ад̇аабисса г̇ун̣ам̣ ж̇аананд̇и, бадиж̇аг̇г̇иссаами на’’нд̇и г̇ахзд̇ваа г̇зхам̣ г̇ад̇о.

    Sopi seṭṭhi tassa matabhāvaṃ anuvijjanto ‘‘gopālakehi nīto’’ti sutvā puna sahassaṃ datvā āṇāpetvā āmakasusāne chaḍḍāpesi. Tasmiṃ ca kāle seṭṭhissa ghare ajapālako susānaṃ nissāya ajikā cāreti. Athekā dhenu ajikā dārakassa puññena maggā okkamma gantvā dārakassa khīraṃ datvā gatā. Tato nivattamānāpi tatheva gantvā khīramadāsi. Ajapālako cintesi – ‘‘ayaṃ ajikā pātopi imasmā ṭhānā okkamitvā gatā, kiṃ nu kho eta’’nti gantvā olokento taṃ dārakaṃ disvā ‘‘mahāpuñño esa dārako, tiracchānagatāpissa guṇaṃ jānanti, paṭijaggissāmi na’’nti gahetvā gehaṃ gato.

    бунад̣̇ивасз сздти ‘‘мад̇о ну ко д̣̇аараго, на мад̇о’’д̇и ологаабзнд̇о аж̇абаалагзна г̇ахид̇абхаавам̣ н̃ад̇ваа сахассам̣ д̣̇ад̇ваа аан̣аабзд̇ваа ‘‘свз имам̣ наг̇арам̣ зго сад̇т̇аваахабуд̇д̇о бависиссад̇и, имам̣ д̣̇аарагам̣ нзд̇ваа жаггамаг̇г̇з табзт̇а, звам̣ д̇ам̣ сагадажаггам̣ чинд̣̇анд̇ам̣ г̇амиссад̇ий’’д̇и ааха. д̇ам̣ д̇ад̇т̇а нигкид̇д̇ам̣ сад̇т̇аваахабуд̇д̇асса буримасагадз г̇он̣аа д̣̇исваа жад̇д̇ааро баад̣̇з т̇амбхз вияа од̇аарзд̇ваа адтам̣су. сад̇т̇аваахо ‘‘гим̣ ну ко зд̇а’’нд̇и д̇зсам̣ тид̇агааран̣ам̣ ологзнд̇о д̣̇аарагам̣ д̣̇исваа ‘‘махаабун̃н̃о д̣̇аараго, бад̇иж̇аг̇г̇ид̇ум̣ ваддад̇ий’’д̇и г̇ан̣хид̇ваа аг̇амааси.

    Punadivase seṭṭhi ‘‘mato nu kho dārako, na mato’’ti olokāpento ajapālakena gahitabhāvaṃ ñatvā sahassaṃ datvā āṇāpetvā ‘‘sve imaṃ nagaraṃ eko satthavāhaputto pavisissati, imaṃ dārakaṃ netvā cakkamagge ṭhapetha, evaṃ taṃ sakaṭacakkaṃ chindantaṃ gamissatī’’ti āha. Taṃ tattha nikkhittaṃ satthavāhaputtassa purimasakaṭe goṇā disvā cattāro pāde thambhe viya otāretvā aṭṭhaṃsu. Satthavāho ‘‘kiṃ nu kho eta’’nti tesaṃ ṭhitakāraṇaṃ olokento dārakaṃ disvā ‘‘mahāpuñño dārako, patijaggituṃ vaṭṭatī’’ti gaṇhitvā agamāsi.

    сздтиби д̇асса жаггабат̇з мад̇абхаавам̣ ваа амад̇абхаавам̣ ваа ологаабзнд̇о сад̇т̇аваахзна г̇ахид̇абхаавам̣ н̃ад̇ваа д̇ассаби сахассам̣ д̣̇ад̇ваа аан̣аабзд̇ваа наг̇арад̇о авид̣̇уурз таанз бабаад̇з баад̇аабзси. со д̇ад̇т̇а бабад̇анд̇о нал̣агаараанам̣ гаммагаран̣адтаанз згасаалааяа бад̇ид̇о. саа д̇асса бун̃н̃аанубхаавзна сад̇авихад̇агаббаасабижусампассасад̣̇исаа ахоси. ат̇а нам̣ нал̣агаараж̇здтаго ‘‘бун̃н̃аваа зса д̣̇аараго, бадиж̇аг̇г̇ид̇ум̣ ваддад̇ий’’д̇и г̇ан̣хид̇ваа г̇зхам̣ г̇ад̇о. сздти д̣̇аарагасса бабаад̇ад̇о бад̇ид̇адтаанз мад̇абхаавам̣ ваа амад̇абхаавам̣ ваа бариязсаабзнд̇о нал̣агаараж̇здтагзна г̇ахид̇абхаавам̣ н̃ад̇ваа д̇ассаби сахассам̣ д̣̇ад̇ваа аан̣аабзси.

    Seṭṭhipi tassa cakkapathe matabhāvaṃ vā amatabhāvaṃ vā olokāpento satthavāhena gahitabhāvaṃ ñatvā tassapi sahassaṃ datvā āṇāpetvā nagarato avidūre ṭhāne papāte pātāpesi. So tattha papatanto naḷakārānaṃ kammakaraṇaṭṭhāne ekasālāya patito. Sā tassa puññānubhāvena satavihatakappāsapicusamphassasadisā ahosi. Atha naṃ naḷakārajeṭṭhako ‘‘puññavā esa dārako, paṭijaggituṃ vaṭṭatī’’ti gaṇhitvā gehaṃ gato. Seṭṭhi dārakassa papātato patitaṭṭhāne matabhāvaṃ vā amatabhāvaṃ vā pariyesāpento naḷakārajeṭṭhakena gahitabhāvaṃ ñatvā tassapi sahassaṃ datvā āṇāpesi.

    абарабхааг̇з сздтисса сагабуд̇д̇оби соби убхо ваяаббад̇д̇аа ахзсум̣. сздти буна гхосагад̣̇аарагасса мааран̣убааяам̣ жинд̇знд̇о ад̇д̇ано гумбхагаарасса г̇зхам̣ г̇анд̇ваа ‘‘амбхо маяхам̣ г̇зхз зваруубо зго аваж̇аад̇ад̣̇аараго ад̇т̇и, д̇ам̣ д̣̇аарагам̣ яам̣гин̃жи гад̇ваа маарзд̇ум̣ ваддад̇и рахассзнаа’’д̇и ааха. со убхоби ган̣н̣з бид̣̇ахид̇ваа ‘‘зваруубам̣ наама бхаарияам̣ гат̇ам̣ гат̇зд̇ум̣ на ваддад̇ий’’д̇и ааха. д̇ад̇о сздти ‘‘аяам̣ муд̇хаа на гариссад̇ий’’д̇и жинд̇зд̇ваа – ‘‘ханд̣̇а, бхо, сахассам̣ г̇ан̣хид̇ваа зд̇ам̣ гаммам̣ нибпаад̣̇зхий’’д̇и ааха. лан̃ж̇ам̣ наама абхиннам̣ бхинд̣̇ад̇и, д̇асмаа со сахассам̣ лабхид̇ваа самбадижчид̇ваа ‘‘ахам̣, аяяа, асугад̣̇ивасз наама ааваабам̣ аалимбзссаами, д̇ад̣̇аа д̇ам̣ д̣̇аарагам̣ асугавзлааяа наама бзсзхий’’д̇и ааха. сздтиби ко д̇асса важанам̣ самбадижчид̇ваа д̇ад̇о бадтааяа д̣̇ивасз г̇ан̣знд̇о гумбхагаарзна вуд̇д̇ад̣̇ивасасса самбад̇д̇абхаавам̣ н̃ад̇ваа гхосагагумаарам̣ баггосаабзд̇ваа ‘‘амхаагам̣, д̇аад̇а, асугад̣̇ивасз наама б̣ахуухи бхааж̇анзхи ад̇т̇о, д̇вам̣ амхаагам̣ гумбхагаарасса санд̇игам̣ г̇анд̇ваа ‘бид̇араа гира мз д̇умхаагам̣ згам̣ гат̇ид̇ам̣ ад̇т̇и, д̇ам̣ аж̇ж̇а нибпаад̣̇зхий’д̇и вад̣̇зхий’’д̇и ааха. со ‘‘саад̇хуу’’д̇и д̇асса важанам̣ самбадижчид̇ваа нигками.

    Aparabhāge seṭṭhissa sakaputtopi sopi ubho vayappattā ahesuṃ. Seṭṭhi puna ghosakadārakassa māraṇupāyaṃ cintento attano kumbhakārassa gehaṃ gantvā ‘‘ambho mayhaṃ gehe evarūpo eko avajātadārako atthi, taṃ dārakaṃ yaṃkiñci katvā māretuṃ vaṭṭati rahassenā’’ti āha. So ubhopi kaṇṇe pidahitvā ‘‘evarūpaṃ nāma bhāriyaṃ kathaṃ kathetuṃ na vaṭṭatī’’ti āha. Tato seṭṭhi ‘‘ayaṃ mudhā na karissatī’’ti cintetvā – ‘‘handa, bho, sahassaṃ gaṇhitvā etaṃ kammaṃ nipphādehī’’ti āha. Lañjaṃ nāma abhinnaṃ bhindati, tasmā so sahassaṃ labhitvā sampaṭicchitvā ‘‘ahaṃ, ayya, asukadivase nāma āvāpaṃ ālimpessāmi, tadā taṃ dārakaṃ asukavelāya nāma pesehī’’ti āha. Seṭṭhipi kho tassa vacanaṃ sampaṭicchitvā tato paṭṭhāya divase gaṇento kumbhakārena vuttadivasassa sampattabhāvaṃ ñatvā ghosakakumāraṃ pakkosāpetvā ‘‘amhākaṃ, tāta, asukadivase nāma bahūhi bhājanehi attho, tvaṃ amhākaṃ kumbhakārassa santikaṃ gantvā ‘pitarā kira me tumhākaṃ ekaṃ kathitaṃ atthi, taṃ ajja nipphādehī’ti vadehī’’ti āha. So ‘‘sādhū’’ti tassa vacanaṃ sampaṭicchitvā nikkhami.

    ат̇а нам̣ анд̇араамаг̇г̇з сздтисса сагабуд̇д̇о г̇ул̣агийл̣ам̣ гийл̣анд̇о д̣̇исваа взг̇зна г̇анд̇ваа ‘‘ахам̣ бхаад̇ига д̣̇аарагзхи сад̣̇д̇хим̣ гийл̣анд̇о зд̇д̇агам̣ наама ж̇ид̇о, д̇ам̣ мз бадиж̇инид̇ваа д̣̇зхий’’д̇и ааха. со ‘‘маяхам̣ ид̣̇аани огаасо над̇т̇и, бид̇аа мам̣ ажжааяигагаммзна гумбхагаарасса санд̇игам̣ бахин̣ий’’д̇и ааха. ид̇аро ‘‘ахам̣ бхаад̇ига д̇ад̇т̇а г̇амиссаами, д̇вам̣ имзхи сад̣̇д̇хим̣ гийл̣ид̇ваа маяхам̣ лагкам̣ бажжаахарид̇ваа д̣̇зхий’’д̇и ааха. ‘‘д̇зна хи г̇ажчаа’’д̇и ад̇д̇ано гат̇ид̇асаасанам̣ д̇асса гат̇зд̇ваа д̣̇аарагзхи сад̣̇д̇хим̣ гийл̣и. соби гумааро гумбхагаарасса санд̇игам̣ г̇анд̇ваа д̇ам̣ саасанам̣ аарожзси. со ‘‘саад̇ху, д̇аад̇а, нибпаад̣̇зссаамий’’д̇и д̇ам̣ гумаарам̣ г̇аб̣бхам̣ бавзсзд̇ваа д̇икин̣ааяа ваасияаа кан̣д̣аакан̣д̣игам̣ чинд̣̇ид̇ваа жаадияам̣ багкибид̇ваа жаадимукам̣ бид̣̇ахид̇ваа бхааж̇ананд̇арз табзд̇ваа ааваабам̣ аалимбзси. гхосагагумааро б̣ахуу ж̇инид̇ваа ганидтасса ааг̇аманам̣ ологзнд̇о нисийд̣̇и. со д̇ам̣ жирааяамаанам̣ н̃ад̇ваа ‘‘гим̣ ну ко жирааяад̇ий’’д̇и гумбхагаараг̇зхасабхааг̇ам̣ г̇анд̇ваа гад̇т̇ажи ад̣̇исваа ‘‘г̇зхам̣ г̇ад̇о бхависсад̇ий’’д̇и нивад̇д̇ид̇ваа г̇зхам̣ аг̇амааси.

    Atha naṃ antarāmagge seṭṭhissa sakaputto guḷakīḷaṃ kīḷanto disvā vegena gantvā ‘‘ahaṃ bhātika dārakehi saddhiṃ kīḷanto ettakaṃ nāma jito, taṃ me paṭijinitvā dehī’’ti āha. So ‘‘mayhaṃ idāni okāso natthi, pitā maṃ accāyikakammena kumbhakārassa santikaṃ pahiṇī’’ti āha. Itaro ‘‘ahaṃ bhātika tattha gamissāmi, tvaṃ imehi saddhiṃ kīḷitvā mayhaṃ lakkhaṃ paccāharitvā dehī’’ti āha. ‘‘Tena hi gacchā’’ti attano kathitasāsanaṃ tassa kathetvā dārakehi saddhiṃ kīḷi. Sopi kumāro kumbhakārassa santikaṃ gantvā taṃ sāsanaṃ ārocesi. So ‘‘sādhu, tāta, nipphādessāmī’’ti taṃ kumāraṃ gabbhaṃ pavesetvā tikhiṇāya vāsiyā khaṇḍākhaṇḍikaṃ chinditvā cāṭiyaṃ pakkhipitvā cāṭimukhaṃ pidahitvā bhājanantare ṭhapetvā āvāpaṃ ālimpesi. Ghosakakumāro bahū jinitvā kaniṭṭhassa āgamanaṃ olokento nisīdi. So taṃ cirāyamānaṃ ñatvā ‘‘kiṃ nu kho cirāyatī’’ti kumbhakāragehasabhāgaṃ gantvā katthaci adisvā ‘‘gehaṃ gato bhavissatī’’ti nivattitvā gehaṃ agamāsi.

    сздти нам̣ д̣̇уурад̇ова ааг̇ажчанд̇ам̣ д̣̇исваа ‘‘гим̣ ну ко гааран̣ам̣ бхависсад̇и, маяаа зса мааран̣ад̇т̇ааяа гумбхагаарасса санд̇игам̣ бахид̇о, со д̣̇аани буна ид̇хзвааг̇ажчад̇ий’’д̇и ааг̇ажчанд̇ам̣язва нам̣ ‘‘гим̣, д̇аад̇а, гумбхагаарасса санд̇игам̣ на г̇ад̇осий’’д̇и ааха. ‘‘аама, д̇аад̇а, на г̇ад̇омхий’’д̇и. ‘‘гасмаа, д̇аад̇аа’’д̇и? со ад̇д̇ано нивад̇д̇агааран̣ан̃жа ганидтабхаад̇игасса д̇ад̇т̇а г̇ад̇агааран̣ан̃жа аарожзси. сздти д̇асса важанасса суд̇агаалад̇о бадтааяа махаабат̇авияаа аж̇жход̇т̇адо вияа худ̇ваа ‘‘гим̣ наамзд̇ам̣ д̇вам̣ вад̣̇асий’’д̇и вибпанд̣̇ажид̇д̇о взг̇зна гумбхагаарасса санд̇игам̣ г̇анд̇ваа ан̃н̃зсам̣ санд̇игз агат̇анийяабхаавзна ‘‘бзгка, бхо, бзгка, бхо’’д̇и ааха. ‘‘гим̣ бзгкаабзси д̇вам̣’’? нидтид̇ам̣ зд̇ам̣ гамманд̇и. со д̇ад̇ова нивад̇д̇ид̇ваа г̇зхам̣ аг̇амааси. д̇ад̇о бадтааяа жасса жзд̇асигарог̇о уббаж̇ж̇и.

    Seṭṭhi naṃ dūratova āgacchantaṃ disvā ‘‘kiṃ nu kho kāraṇaṃ bhavissati, mayā esa māraṇatthāya kumbhakārassa santikaṃ pahito, so dāni puna idhevāgacchatī’’ti āgacchantaṃyeva naṃ ‘‘kiṃ, tāta, kumbhakārassa santikaṃ na gatosī’’ti āha. ‘‘Āma, tāta, na gatomhī’’ti. ‘‘Kasmā, tātā’’ti? So attano nivattakāraṇañca kaniṭṭhabhātikassa tattha gatakāraṇañca ārocesi. Seṭṭhi tassa vacanassa sutakālato paṭṭhāya mahāpathaviyā ajjhotthaṭo viya hutvā ‘‘kiṃ nāmetaṃ tvaṃ vadasī’’ti vipphandacitto vegena kumbhakārassa santikaṃ gantvā aññesaṃ santike akathanīyabhāvena ‘‘pekkha, bho, pekkha, bho’’ti āha. ‘‘Kiṃ pekkhāpesi tvaṃ’’? Niṭṭhitaṃ etaṃ kammanti. So tatova nivattitvā gehaṃ agamāsi. Tato paṭṭhāya cassa cetasikarogo uppajji.

    со д̇асмим̣ гаалз д̇зна сад̣̇д̇хим̣ абхун̃ж̇ид̇ваа аасам̣ бхинд̣̇ид̇ваа ‘‘язна гзнажи убааязна мама буд̇д̇асса сад̇д̇уно анд̇арамзва бассид̇ум̣ ваддад̇ий’’д̇и згам̣ бан̣н̣ам̣ ликид̇ваа гхосагагумаарам̣ баггосид̇ваа ‘‘д̇вам̣ имам̣ бан̣н̣ам̣ аад̣̇ааяа асугаг̇аамз наама амхаагам̣ гамманд̇иго ад̇т̇и, д̇асса санд̇игам̣ г̇анд̇ваа имам̣ бан̣н̣ам̣ д̣̇ад̇ваа ‘имасмим̣ гира бан̣н̣з саасанам̣ сийгхам̣ гарохий’д̇и вад̣̇а. анд̇араамаг̇г̇з амхаагам̣ сахааяаго г̇аамагасздти наама зго сздти ад̇т̇и, д̇асса гхарам̣ г̇анд̇ваа бхад̇д̇ам̣ бхун̃ж̇ид̇ваа г̇ажчзяяаасий’’д̇и жа мукасаасанам̣ ад̣̇ааси. со сздтим̣ ванд̣̇ид̇ваа бан̣н̣ам̣ г̇ахзд̇ваа нигканд̇о анд̇араамаг̇г̇з г̇аамагасздтисса васанадтаанам̣ г̇анд̇ваа д̇асса г̇зхам̣ бужчид̇ваа д̇ам̣ б̣ахид̣̇ваарагодтагз нисийд̣̇ид̇ваа массубаригаммам̣ гаронд̇ам̣ ванд̣̇ид̇ваа адтааси. ‘‘гуд̇о ааг̇ажчаси, д̇аад̇аа’’д̇и жа вуд̇д̇з ‘‘госамб̣исздтино буд̇д̇омхи, д̇аад̇аа’’д̇и ааха. со ‘‘амхаагам̣ сахааяасздтино буд̇д̇о’’д̇и хадтад̇удто ахоси.

    So tasmiṃ kāle tena saddhiṃ abhuñjitvā āsaṃ bhinditvā ‘‘yena kenaci upāyena mama puttassa sattuno antarameva passituṃ vaṭṭatī’’ti ekaṃ paṇṇaṃ likhitvā ghosakakumāraṃ pakkositvā ‘‘tvaṃ imaṃ paṇṇaṃ ādāya asukagāme nāma amhākaṃ kammantiko atthi, tassa santikaṃ gantvā imaṃ paṇṇaṃ datvā ‘imasmiṃ kira paṇṇe sāsanaṃ sīghaṃ karohī’ti vada. Antarāmagge amhākaṃ sahāyako gāmakaseṭṭhi nāma eko seṭṭhi atthi, tassa gharaṃ gantvā bhattaṃ bhuñjitvā gaccheyyāsī’’ti ca mukhasāsanaṃ adāsi. So seṭṭhiṃ vanditvā paṇṇaṃ gahetvā nikkhanto antarāmagge gāmakaseṭṭhissa vasanaṭṭhānaṃ gantvā tassa gehaṃ pucchitvā taṃ bahidvārakoṭṭhake nisīditvā massuparikammaṃ karontaṃ vanditvā aṭṭhāsi. ‘‘Kuto āgacchasi, tātā’’ti ca vutte ‘‘kosambiseṭṭhino puttomhi, tātā’’ti āha. So ‘‘amhākaṃ sahāyaseṭṭhino putto’’ti haṭṭhatuṭṭho ahosi.

    д̇асмим̣ жа кан̣з д̇асса сздтино д̇хийд̇ааяа згаа д̣̇аасий сздтид̇хийд̇у бубпаани аахарид̇ум̣ г̇ажчад̇и. ат̇а нам̣ сздти ааха – ‘‘д̇вам̣, амма, зд̇ам̣ гаммам̣ табзд̇ваа гхосагагумаарасса баад̣̇з д̇ховид̇ваа саяанам̣ ад̇т̇арид̇ваа д̣̇зхий’’д̇и. саа д̇ат̇аа гад̇ваа аабан̣ам̣ г̇анд̇ваа сздтид̇хийд̇у бубпаани аахари. сздтид̇хийд̇аа д̇ам̣ д̣̇исваа ‘‘д̇вам̣ аж̇ж̇а жирам̣ б̣ахи бабан̃жзсий’’д̇и д̇ассаа гуж̇жхид̇ваа ‘‘гим̣ д̇з зд̇д̇агам̣ гаалам̣ зд̇т̇а гад̇а’’нд̇и ааха. ‘‘маа гат̇зси, аяяз, маяаа зваруубо над̣̇идтабуб̣б̣о, д̇уяхам̣ гира бид̇у сахааяагасздтино буд̇д̇о зго, на саггаа д̇асса руубасамбад̇д̇им̣ гат̇зд̇ум̣. сздти мам̣ бубпаанам̣ ад̇т̇ааяа г̇ажчанд̇им̣ ‘д̇асса гумаарасса баад̣̇з д̇ховид̇ваа саяанам̣ ад̇т̇арид̇ваа д̣̇зхий’д̇и ааха, д̇знаахам̣ б̣ахи жирам̣ бабан̃жзси’’нд̇и. сааби ко сздтид̇хийд̇аа д̇асса гумаарасса жад̇уд̇т̇з ад̇д̇абхаавз гхарасааминий ахоси, д̇асмаа д̇ассаа важанасса суд̇агаалад̇о бадтааяа нзва ад̇д̇ано тид̇абхаавам̣ , на нисиннабхаавам̣ ан̃н̃ааси. саа д̇амзва д̣̇аасим̣ г̇ахзд̇ваа д̇асса нибаннадтаанам̣ г̇анд̇ваа д̇ам̣ нид̣̇д̣̇ааяамаанам̣ ологзд̇ваа д̣̇уссанд̇з бан̣н̣ам̣ д̣̇исваа ‘‘гим̣ ну ко зд̇ам̣ бан̣н̣а’’нд̇и гумаарам̣ анудтаабзд̇ваава бан̣н̣ам̣ г̇ахзд̇ваа ваажзд̇ваа ‘‘аяам̣ ад̇д̇ано маран̣абан̣н̣ам̣ саяамзва г̇ахзд̇ваа ааг̇ажчад̇ий’’д̇и д̇ам̣ бан̣н̣ам̣ паалзд̇ваа д̇асмим̣ аббаб̣уд̣̇д̇хзязва ‘‘маяаа д̇ава санд̇игам̣ буд̇д̇о бзсид̇о, сахааяагасса мз г̇аамагасздтисса ваяаббад̇д̇аа д̣̇ааригаа ад̇т̇и, д̇вам̣ сийгхам̣ амхаагам̣ аан̣аабавад̇д̇идтаанз уббаад̣̇ам̣ д̇ханам̣ г̇ан̣хид̇ваа саб̣б̣асад̇зна мама буд̇д̇асса г̇аамагасздтино д̇хийд̇арам̣ г̇ахзд̇ваа ман̇г̇алам̣ гарохи. ман̇г̇алз жа нидтид̇з ‘иминаа мз вид̇хаанзна гад̇а’нд̇и маяхам̣ саасанам̣ бзсзхи. ахам̣ д̇ава ид̇ха гад̇д̇аб̣б̣ам̣ ж̇ааниссаамий’’д̇и бан̣н̣ам̣ ликид̇ваа д̇амзва лан̃чанам̣ д̣̇ад̇ваа батамам̣ б̣ад̣̇д̇ханияаамзнзва д̣̇уссанд̇з б̣анд̇хи.

    Tasmiṃ ca khaṇe tassa seṭṭhino dhītāya ekā dāsī seṭṭhidhītu pupphāni āharituṃ gacchati. Atha naṃ seṭṭhi āha – ‘‘tvaṃ, amma, etaṃ kammaṃ ṭhapetvā ghosakakumārassa pāde dhovitvā sayanaṃ attharitvā dehī’’ti. Sā tathā katvā āpaṇaṃ gantvā seṭṭhidhītu pupphāni āhari. Seṭṭhidhītā taṃ disvā ‘‘tvaṃ ajja ciraṃ bahi papañcesī’’ti tassā kujjhitvā ‘‘kiṃ te ettakaṃ kālaṃ ettha kata’’nti āha. ‘‘Mā kathesi, ayye, mayā evarūpo nadiṭṭhapubbo, tuyhaṃ kira pitu sahāyakaseṭṭhino putto eko, na sakkā tassa rūpasampattiṃ kathetuṃ. Seṭṭhi maṃ pupphānaṃ atthāya gacchantiṃ ‘tassa kumārassa pāde dhovitvā sayanaṃ attharitvā dehī’ti āha, tenāhaṃ bahi ciraṃ papañcesi’’nti. Sāpi kho seṭṭhidhītā tassa kumārassa catutthe attabhāve gharasāminī ahosi, tasmā tassā vacanassa sutakālato paṭṭhāya neva attano ṭhitabhāvaṃ , na nisinnabhāvaṃ aññāsi. Sā tameva dāsiṃ gahetvā tassa nipannaṭṭhānaṃ gantvā taṃ niddāyamānaṃ oloketvā dussante paṇṇaṃ disvā ‘‘kiṃ nu kho etaṃ paṇṇa’’nti kumāraṃ anuṭṭhāpetvāva paṇṇaṃ gahetvā vācetvā ‘‘ayaṃ attano maraṇapaṇṇaṃ sayameva gahetvā āgacchatī’’ti taṃ paṇṇaṃ phāletvā tasmiṃ appabuddheyeva ‘‘mayā tava santikaṃ putto pesito, sahāyakassa me gāmakaseṭṭhissa vayappattā dārikā atthi, tvaṃ sīghaṃ amhākaṃ āṇāpavattiṭṭhāne uppādaṃ dhanaṃ gaṇhitvā sabbasatena mama puttassa gāmakaseṭṭhino dhītaraṃ gahetvā maṅgalaṃ karohi. Maṅgale ca niṭṭhite ‘iminā me vidhānena kata’nti mayhaṃ sāsanaṃ pesehi. Ahaṃ tava idha kattabbaṃ jānissāmī’’ti paṇṇaṃ likhitvā tameva lañchanaṃ datvā paṭhamaṃ baddhaniyāmeneva dussante bandhi.

    соби ко гумааро д̇ам̣д̣̇ивасам̣ д̇ад̇т̇а васид̇ваа бунад̣̇ивасз сздтим̣ аабужчид̇ваа гамманд̇игасса г̇аамам̣ г̇анд̇ваа бан̣н̣ам̣ ад̣̇ааси . гамманд̇иго бан̣н̣ам̣ ваажзд̇ваа г̇аамигз саннибаад̇зд̇ваа ‘‘д̇умхзва мам̣ на г̇ан̣зт̇а, мама саамий ад̇д̇ано ж̇здтабуд̇д̇асса саб̣б̣асад̇зна д̣̇ааригам̣ аанзд̇ум̣ маяхам̣ санд̇игам̣ бзсзси, взг̇зна имасмим̣ таанз уббаад̣̇ам̣ самбин̣д̣зт̇аа’’д̇и саб̣б̣ам̣ ман̇г̇аласаггаарам̣ саж̇ж̇зд̇ваа г̇аамагасздтисса саасанам̣ бзсзд̇ваа самбадижчаабзд̇ваа саб̣б̣асад̇зна ман̇г̇алагирияам̣ нидтаабзд̇ваа госамб̣исздтисса бан̣н̣ам̣ бахин̣и ‘‘маяаа д̇умхзхи бахид̇абан̣н̣з саасанам̣ суд̇ваа ид̣̇ан̃жид̣̇ан̃жа гад̇а’’нд̇и.

    Sopi kho kumāro taṃdivasaṃ tattha vasitvā punadivase seṭṭhiṃ āpucchitvā kammantikassa gāmaṃ gantvā paṇṇaṃ adāsi . Kammantiko paṇṇaṃ vācetvā gāmike sannipātetvā ‘‘tumheva maṃ na gaṇetha, mama sāmī attano jeṭṭhaputtassa sabbasatena dārikaṃ ānetuṃ mayhaṃ santikaṃ pesesi, vegena imasmiṃ ṭhāne uppādaṃ sampiṇḍethā’’ti sabbaṃ maṅgalasakkāraṃ sajjetvā gāmakaseṭṭhissa sāsanaṃ pesetvā sampaṭicchāpetvā sabbasatena maṅgalakiriyaṃ niṭṭhāpetvā kosambiseṭṭhissa paṇṇaṃ pahiṇi ‘‘mayā tumhehi pahitapaṇṇe sāsanaṃ sutvā idañcidañca kata’’nti.

    сздти д̇ам̣ саасанам̣ суд̇ваа аг̇г̇ид̣̇ад̣дхо вияа ‘‘ид̣̇аани надтомхий’’д̇и жинд̇анавасзна лохид̇абагканд̣̇игарог̇ам̣ бад̇ваа ‘‘язна гзнажи д̇ам̣ убааязна баггосид̇ваа мама санд̇агасса ассаамигам̣ гариссаамий’’д̇и ‘‘ман̇г̇аласса нидтид̇агаалад̇о бадтааяа гасмаа маяхам̣ буд̇д̇о б̣ахи ход̇и, сийгхам̣ ааг̇ажчад̇уу’’д̇и саасанам̣ бзсзси. саасанам̣ суд̇ваа гумаарз г̇анд̇ум̣ аарад̣̇д̇хз сздтид̇хийд̇аа жинд̇зси – ‘‘аяам̣ б̣аало мам̣ ниссааяа имам̣ самбад̇д̇им̣ алад̇т̇анд̇и на ж̇аанаад̇и, яам̣гин̃жи гад̇ваа имасса г̇аманабадиб̣ааханубааяо гаад̇ум̣ ваддад̇ий’’д̇и. д̇ад̇о нам̣ ааха – ‘‘гумаара, маа ад̇ивзг̇зна г̇ажчаахи, гулаг̇аамам̣ г̇ажчанд̇зна наама ад̇д̇ано бариважчам̣ гад̇ваа г̇анд̇ум̣ ваддад̇ий’’д̇и.

    Seṭṭhi taṃ sāsanaṃ sutvā aggidaḍḍho viya ‘‘idāni naṭṭhomhī’’ti cintanavasena lohitapakkhandikarogaṃ patvā ‘‘yena kenaci taṃ upāyena pakkositvā mama santakassa assāmikaṃ karissāmī’’ti ‘‘maṅgalassa niṭṭhitakālato paṭṭhāya kasmā mayhaṃ putto bahi hoti, sīghaṃ āgacchatū’’ti sāsanaṃ pesesi. Sāsanaṃ sutvā kumāre gantuṃ āraddhe seṭṭhidhītā cintesi – ‘‘ayaṃ bālo maṃ nissāya imaṃ sampattiṃ alatthanti na jānāti, yaṃkiñci katvā imassa gamanapaṭibāhanupāyo kātuṃ vaṭṭatī’’ti. Tato naṃ āha – ‘‘kumāra, mā ativegena gacchāhi, kulagāmaṃ gacchantena nāma attano parivacchaṃ katvā gantuṃ vaṭṭatī’’ti.

    госамб̣агасздтиби д̇асса жирааяанабхаавам̣ н̃ад̇ваа буна саасанам̣ бахин̣и ‘‘гасмаа мз буд̇д̇о жирааяад̇и, ахам̣ лохид̇абагканд̣̇игарог̇ам̣ бад̇д̇о, ж̇ийванд̇амзва мам̣ ааг̇анд̇ваа д̣̇адтум̣ ваддад̇ий’’д̇и. д̇асмим̣ гаалз сздтид̇хийд̇аа д̇асса аарожзси – ‘‘на зсо д̇ава бид̇аа, д̇вам̣ бана ‘бид̇аа’д̇и сан̃н̃ам̣ гароси . зса д̇ава мааран̣ад̇т̇ааяа гамманд̇игасса бан̣н̣ам̣ бахин̣и, ахам̣ д̇ам̣ бан̣н̣ам̣ абанзд̇ваа ан̃н̃ам̣ саасанам̣ ликид̇ваа д̇ава зд̇ам̣ самбад̇д̇им̣ уббаад̣̇аяим̣. зса д̇ам̣ ‘абуд̇д̇ам̣ гариссаамий’д̇и баггосад̇и, зд̇асса гаалагирияам̣ ааг̇амзхий’’д̇и. ат̇асса д̇харамаанагассзва гаалагад̇абхаавам̣ суд̇ваа госамб̣инаг̇арам̣ аг̇амааси. сздтид̇хийд̇ааби д̇асса б̣ахиязва сан̃н̃ам̣ ад̣̇ааси ‘‘д̇вам̣ бависанд̇о сагалаг̇зхз д̇ава аарагкам̣ табзнд̇ова бависаахий’’д̇и. саяамби сздтибуд̇д̇зна сад̣̇д̇химзва бависид̇ваа убхо хад̇т̇з угкибид̇ваа род̣̇анд̇ий вияа худ̇ваа анд̇хагаарадтаанз нибаннагасса сздтисса санд̇игам̣ г̇анд̇ваа сийсзнзва хад̣̇аяам̣ бахари. со д̣̇уб̣б̣алад̇ааяа д̇знзва бахаарзна гааламагааси.

    Kosambakaseṭṭhipi tassa cirāyanabhāvaṃ ñatvā puna sāsanaṃ pahiṇi ‘‘kasmā me putto cirāyati, ahaṃ lohitapakkhandikarogaṃ patto, jīvantameva maṃ āgantvā daṭṭhuṃ vaṭṭatī’’ti. Tasmiṃ kāle seṭṭhidhītā tassa ārocesi – ‘‘na eso tava pitā, tvaṃ pana ‘pitā’ti saññaṃ karosi . Esa tava māraṇatthāya kammantikassa paṇṇaṃ pahiṇi, ahaṃ taṃ paṇṇaṃ apanetvā aññaṃ sāsanaṃ likhitvā tava etaṃ sampattiṃ uppādayiṃ. Esa taṃ ‘aputtaṃ karissāmī’ti pakkosati, etassa kālakiriyaṃ āgamehī’’ti. Athassa dharamānakasseva kālakatabhāvaṃ sutvā kosambinagaraṃ agamāsi. Seṭṭhidhītāpi tassa bahiyeva saññaṃ adāsi ‘‘tvaṃ pavisanto sakalagehe tava ārakkhaṃ ṭhapentova pavisāhī’’ti. Sayampi seṭṭhiputtena saddhimeva pavisitvā ubho hatthe ukkhipitvā rodantī viya hutvā andhakāraṭṭhāne nipannakassa seṭṭhissa santikaṃ gantvā sīseneva hadayaṃ pahari. So dubbalatāya teneva pahārena kālamakāsi.

    гумаароби бид̇у сарийрагижжам̣ гад̇ваа ‘‘д̇умхз махаасздтисса мам̣ сагабуд̇д̇од̇и вад̣̇ат̇аа’’д̇и баад̣̇амуулигаанам̣ лан̃ж̇ам̣ ад̣̇ааси. д̇ад̇о сад̇д̇амз д̣̇ивасз рааж̇аа ‘‘сздтидтаанаарахам̣ згам̣ лад̣̇д̇хум̣ ваддад̇ий’’д̇и ‘‘сздтисса сабуд̇д̇аганибуд̇д̇агабхаавам̣ ж̇аанаат̇аа’’д̇и бзсзси. сздтибаад̣̇амуулигаа ран̃н̃о сздтисса сабуд̇д̇абхаавам̣ гат̇аяим̣су. рааж̇аа ‘‘саад̇хуу’’д̇и самбадижчид̇ваа д̇асса сздтидтаанам̣ ад̣̇ааси. со гхосагасздти наама ж̇аад̇о. ат̇а нам̣ бхарияаа ааха – ‘‘аяяабуд̇д̇а, д̇вамби аваж̇аад̇о, ахамби д̣̇уг̇г̇ад̇агулз ниб̣б̣ад̇д̇аа. буб̣б̣з гад̇агусалавасзна бана зваруубам̣ самбад̇д̇им̣ алабхимха, ад̇хунааби гусалам̣ гариссаамаа’’д̇и. со ‘‘саад̇ху бхад̣̇д̣̇з’’д̇и самбадижчид̇ваа д̣̇звасигам̣ сахассам̣ виссаж̇ж̇зд̇ваа д̣̇аанам̣ бадтабзси.

    Kumāropi pitu sarīrakiccaṃ katvā ‘‘tumhe mahāseṭṭhissa maṃ sakaputtoti vadathā’’ti pādamūlikānaṃ lañjaṃ adāsi. Tato sattame divase rājā ‘‘seṭṭhiṭṭhānārahaṃ ekaṃ laddhuṃ vaṭṭatī’’ti ‘‘seṭṭhissa saputtakaniputtakabhāvaṃ jānāthā’’ti pesesi. Seṭṭhipādamūlikā rañño seṭṭhissa saputtabhāvaṃ kathayiṃsu. Rājā ‘‘sādhū’’ti sampaṭicchitvā tassa seṭṭhiṭṭhānaṃ adāsi. So ghosakaseṭṭhi nāma jāto. Atha naṃ bhariyā āha – ‘‘ayyaputta, tvampi avajāto, ahampi duggatakule nibbattā. Pubbe katakusalavasena pana evarūpaṃ sampattiṃ alabhimha, adhunāpi kusalaṃ karissāmā’’ti. So ‘‘sādhu bhadde’’ti sampaṭicchitvā devasikaṃ sahassaṃ vissajjetvā dānaṃ paṭṭhapesi.

    д̇асмим̣ самаяз д̇аасам̣ д̣̇виннам̣ ж̇анаанам̣ куж̇ж̇уд̇д̇араа д̣̇звалогад̇о жавид̇ваа гхосагасздтисса г̇зхз д̇хаад̇ияаа гужчисмим̣ бадисанд̇хим̣ г̇ан̣хи. саа ж̇аад̇агаалз куж̇ж̇аа ахосийд̇и куж̇ж̇уд̇д̇араад̇звассаа наамам̣ агам̣су. саамаавад̇ийби д̣̇звалогад̇о жавид̇ваа бхад̣̇д̣̇авад̇ияарадтз бхад̣̇д̣̇ияанаг̇арз бхад̣̇д̣̇авад̇ияасздтисса г̇зхз бадисанд̇хим̣ г̇ан̣хи, саамаад̇иссаа наамам̣ агам̣су. абарабхааг̇з д̇асмим̣ наг̇арз чаад̇агабхаяам̣ уббаж̇ж̇и, мануссаа чаад̇агабхаяабхийд̇аа язна ваа д̇зна ваа г̇ажчанд̇и. д̇ад̣̇аа аяам̣ бхад̣̇д̣̇авад̇ияасздти бхарияааяа сад̣̇д̇хим̣ манд̇зси – ‘‘бхад̣̇д̣̇з имасмим̣ чаад̇агабхаяасса анд̇о на бан̃н̃ааяад̇и, госамб̣инаг̇арз амхаагам̣ сахааяагасса гхосагасздтисса санд̇игам̣ г̇ажчаама, на со амхз д̣̇исваа бамаж̇ж̇иссад̇ий’’д̇и. д̇асса гира со сздти ад̣̇идтасахааяаго ахоси, д̇асмаа звамааха. со сзсаж̇анам̣ нивад̇д̇аабзд̇ваа бхарияан̃жа д̇хийд̇аран̃жа г̇ан̣хид̇ваа госамб̣инаг̇арасса маг̇г̇ам̣ бадибаж̇ж̇и. д̇з д̇аяоби анд̇араамаг̇г̇з махаад̣̇угкам̣ анубхаванд̇аа анубуб̣б̣зна госамб̣им̣ бад̇ваа згааяа саалааяа ниваасам̣ агам̣су.

    Tasmiṃ samaye tāsaṃ dvinnaṃ janānaṃ khujjuttarā devalokato cavitvā ghosakaseṭṭhissa gehe dhātiyā kucchismiṃ paṭisandhiṃ gaṇhi. Sā jātakāle khujjā ahosīti khujjuttarātevassā nāmaṃ akaṃsu. Sāmāvatīpi devalokato cavitvā bhaddavatiyaraṭṭhe bhaddiyanagare bhaddavatiyaseṭṭhissa gehe paṭisandhiṃ gaṇhi, sāmātissā nāmaṃ akaṃsu. Aparabhāge tasmiṃ nagare chātakabhayaṃ uppajji, manussā chātakabhayabhītā yena vā tena vā gacchanti. Tadā ayaṃ bhaddavatiyaseṭṭhi bhariyāya saddhiṃ mantesi – ‘‘bhadde imasmiṃ chātakabhayassa anto na paññāyati, kosambinagare amhākaṃ sahāyakassa ghosakaseṭṭhissa santikaṃ gacchāma, na so amhe disvā pamajjissatī’’ti. Tassa kira so seṭṭhi adiṭṭhasahāyako ahosi, tasmā evamāha. So sesajanaṃ nivattāpetvā bhariyañca dhītarañca gaṇhitvā kosambinagarassa maggaṃ paṭipajji. Te tayopi antarāmagge mahādukkhaṃ anubhavantā anupubbena kosambiṃ patvā ekāya sālāya nivāsaṃ akaṃsu.

    гхосагасздтиби ко ад̇д̇ано гхарад̣̇ваарз габан̣ад̣̇д̇хигаваниб̣б̣агаяаажагаанам̣ махаад̣̇аанам̣ д̣̇аабзси. ат̇ааяам̣ бхад̣̇д̣̇авад̇ияасздти жинд̇зси – ‘‘на саггаа амхзхи иминаава габан̣авзсзна сахааяагасса ад̇д̇аанам̣ д̣̇ассзд̇ум̣, сарийрз баагад̇игз ж̇аад̇з сунивад̇т̇аа субааруд̇аа сздтим̣ бассиссаамаа’’д̇и. д̇з убхоби д̇хийд̇арам̣ гхосагасздтисса д̣̇аанаг̇г̇ам̣ бахин̣им̣су. саа ад̇д̇ано бхад̇д̇ам̣ аахаран̣ад̇т̇ааяа бхааж̇анам̣ г̇ахзд̇ваа д̣̇аанаг̇г̇ам̣ г̇анд̇ваа згасмим̣ огаасз лаж̇ж̇амаанаруубаа адтааси. д̇ам̣ д̣̇исваа д̣̇аанагаммиго жинд̇зси – ‘‘сзсаж̇анаа саммукасаммукадтаанз гзваддаа мажчавилобз вияа махаасад̣̇д̣̇ам̣ гад̇ваа г̇ан̣хид̇ваа г̇ажчанд̇и, аяам̣ бана д̣̇ааригаа гулад̇хийд̇аа бхависсад̇и, убад̇хисамбад̣̇аабиссаа ад̇т̇ий’’д̇и.

    Ghosakaseṭṭhipi kho attano gharadvāre kapaṇaddhikavanibbakayācakānaṃ mahādānaṃ dāpesi. Athāyaṃ bhaddavatiyaseṭṭhi cintesi – ‘‘na sakkā amhehi imināva kapaṇavesena sahāyakassa attānaṃ dassetuṃ, sarīre pākatike jāte sunivatthā supārutā seṭṭhiṃ passissāmā’’ti. Te ubhopi dhītaraṃ ghosakaseṭṭhissa dānaggaṃ pahiṇiṃsu. Sā attano bhattaṃ āharaṇatthāya bhājanaṃ gahetvā dānaggaṃ gantvā ekasmiṃ okāse lajjamānarūpā aṭṭhāsi. Taṃ disvā dānakammiko cintesi – ‘‘sesajanā sammukhasammukhaṭṭhāne kevaṭṭā macchavilope viya mahāsaddaṃ katvā gaṇhitvā gacchanti, ayaṃ pana dārikā kuladhītā bhavissati, upadhisampadāpissā atthī’’ti.

    д̇ад̇о нам̣ ааха – ‘‘д̇вам̣, амма, гасмаа сзсаж̇ано вияа г̇ан̣хид̇ваа на г̇ажчасий’’д̇и? д̇аад̇а, зваруубам̣ самб̣аад̇хадтаанам̣ гинд̇и гад̇ваа бависаамийд̇и. амма, гад̇и бана ж̇анаа д̇умхзд̇и? д̇аяо ж̇анаа, д̇аад̇аад̇и. со д̇аяо бхад̇д̇абин̣д̣з ад̣̇ааси. саа д̇ам̣ бхад̇д̇ам̣ маад̇аабид̇уунам̣ ад̣̇ааси, бид̇аа д̣̇ийгхарад̇д̇ам̣ чаад̇агад̇д̇аа ад̇ирзгам̣ бхун̃ж̇ид̇ваа гааламагааси. саа бунад̣̇ивасз г̇анд̇ваа д̣̇взязва бхад̇д̇абин̣д̣з г̇ан̣хи. д̇ам̣д̣̇ивасам̣ сздтибхарияаа бхад̇д̇зна жа гиланд̇ад̇ааяа сздтино жа маран̣асогзна рад̇д̇ибхааг̇асамананд̇арз гааламагааси. саа бунад̣̇ивасз сздтид̇хийд̇аа згамзва бхад̇д̇абин̣д̣ам̣ г̇ан̣хи. д̣̇аанагаммиго д̇ассаа гирияам̣ убад̇хаарзд̇ваа, ‘‘амма, д̇аяаа батамад̣̇ивасз д̇аяо бин̣д̣аа г̇ахид̇аа, бунад̣̇ивасз д̣̇вз, аж̇ж̇а згамзва г̇ан̣хаси. гим̣ ну ко гааран̣а’’нд̇и бужчи. саа д̇ам̣ гааран̣ам̣ гат̇зси. гад̇араг̇аамаваасино бана, амма, д̇умхзд̇и. саа д̇амби гааран̣ам̣ ниббад̣̇зсад̇о гат̇зси. ‘‘амма, звам̣ санд̇з д̇вам̣ амхаагам̣ сздтид̇хийд̇аа наама ахоси, маяхан̃жа ан̃н̃аа д̣̇ааригаа над̇т̇и, д̇вам̣ ид̇о бадтааяа мама д̇хийд̇аа, аммаа’’д̇и д̇ам̣ д̇хийд̇арам̣ гад̇ваа г̇ан̣хи.

    Tato naṃ āha – ‘‘tvaṃ, amma, kasmā sesajano viya gaṇhitvā na gacchasī’’ti? Tāta, evarūpaṃ sambādhaṭṭhānaṃ kinti katvā pavisāmīti. Amma, kati pana janā tumheti? Tayo janā, tātāti. So tayo bhattapiṇḍe adāsi. Sā taṃ bhattaṃ mātāpitūnaṃ adāsi, pitā dīgharattaṃ chātakattā atirekaṃ bhuñjitvā kālamakāsi. Sā punadivase gantvā dveyeva bhattapiṇḍe gaṇhi. Taṃdivasaṃ seṭṭhibhariyā bhattena ca kilantatāya seṭṭhino ca maraṇasokena rattibhāgasamanantare kālamakāsi. Sā punadivase seṭṭhidhītā ekameva bhattapiṇḍaṃ gaṇhi. Dānakammiko tassā kiriyaṃ upadhāretvā, ‘‘amma, tayā paṭhamadivase tayo piṇḍā gahitā, punadivase dve, ajja ekameva gaṇhasi. Kiṃ nu kho kāraṇa’’nti pucchi. Sā taṃ kāraṇaṃ kathesi. Kataragāmavāsino pana, amma, tumheti. Sā tampi kāraṇaṃ nippadesato kathesi. ‘‘Amma, evaṃ sante tvaṃ amhākaṃ seṭṭhidhītā nāma ahosi, mayhañca aññā dārikā natthi, tvaṃ ito paṭṭhāya mama dhītā, ammā’’ti taṃ dhītaraṃ katvā gaṇhi.

    саа удтааяа самудтааяа д̣̇аанаг̇г̇з махаасад̣̇д̣̇ам̣ суд̇ваа ‘‘гасмаа аяам̣, д̇аад̇а, ужжаасад̣̇д̣̇амахаасад̣̇д̣̇о’’д̇и ааха. амма, махааж̇анасса анд̇арз наама аббасад̣̇д̣̇ам̣ гаад̇ум̣ на саггаад̇и. ахамзд̇т̇а убааяам̣ ж̇аанаами, д̇аад̇аад̇и. гим̣ гаад̇ум̣ ваддад̇и, аммаад̇и? саманд̇аа вад̇им̣ гад̇ваа д̣̇вз д̣̇ваараани яож̇зд̇ваа анд̇о бхааж̇анаани табаабзд̇ваа згзна д̣̇ваарзна бависид̇ваа бхад̇д̇ам̣ г̇ан̣хид̇ваа згзна д̣̇ваарзна нигкаманам̣ гарот̇а, д̇аад̇аад̇и. саад̇ху, аммаад̇и бунад̣̇ивасад̇о бадтааяа д̇ат̇аа гаарзси. д̇ад̇о бадтааяа д̣̇аанаг̇г̇ам̣ бад̣̇умассарам̣ вияа саннисиннасад̣̇д̣̇ам̣ ахоси.

    Sā uṭṭhāya samuṭṭhāya dānagge mahāsaddaṃ sutvā ‘‘kasmā ayaṃ, tāta, uccāsaddamahāsaddo’’ti āha. Amma, mahājanassa antare nāma appasaddaṃ kātuṃ na sakkāti. Ahamettha upāyaṃ jānāmi, tātāti. Kiṃ kātuṃ vaṭṭati, ammāti? Samantā vatiṃ katvā dve dvārāni yojetvā anto bhājanāni ṭhapāpetvā ekena dvārena pavisitvā bhattaṃ gaṇhitvā ekena dvārena nikkhamanaṃ karotha, tātāti. Sādhu, ammāti punadivasato paṭṭhāya tathā kāresi. Tato paṭṭhāya dānaggaṃ padumassaraṃ viya sannisinnasaddaṃ ahosi.

    д̇ад̇о гхосагасздти буб̣б̣з д̣̇аанаг̇г̇асмим̣ ужжаасад̣̇д̣̇амахаасад̣̇д̣̇ам̣ суд̇ваа д̇ад̣̇аа д̇ам̣ асун̣анд̇о д̣̇аанагаммигам̣ баггосаабзд̇ваа бужчи – ‘‘д̇вам̣ аж̇ж̇а д̣̇аанам̣ на д̣̇аабзсий’’д̇и. д̣̇иннам̣ , аяяаад̇и. ат̇а гасмаа буб̣б̣з вияа д̣̇аанаг̇г̇з сад̣̇д̣̇о на суяяад̇ийд̇и? аама, аяяа, згаа мз д̇хийд̇аа ад̇т̇и, ахам̣ д̇ааяа гат̇ид̇аубааяз тад̇ваа д̣̇аанаг̇г̇ам̣ ниссад̣̇д̣̇амагаасинд̇и. д̇ава д̇хийд̇аа наама над̇т̇и, гуд̇о д̇з д̇хийд̇аа лад̣̇д̇хаад̇и? со ван̃жзд̇ум̣ асаггун̣зяяабхаавзна сздтисса саб̣б̣ам̣ д̇хийд̇у ааг̇аманавид̇хаанам̣ гат̇зси. гасмаа бана бхо д̇вам̣ зваруубам̣ бхаарияам̣ гаммамагааси? д̇вам̣ зд̇д̇агам̣ ад̣̇д̇хаанам̣ мама д̇хийд̇арам̣ ад̇д̇ано санд̇игз васамаанам̣ наарожзси , взг̇зна д̇ам̣ амхаагам̣ г̇зхам̣ аан̣аабзхийд̇и. со д̇асса важанам̣ суд̇ваа агаамаго аан̣аабзси. д̇ад̇о бадтааяа сздти д̇ам̣ д̇хийд̇удтаанз табзд̇ваа ‘‘д̇хийд̇у саггаарам̣ гаромий’’д̇и ад̇д̇ано самаанаж̇аад̇игзхи гулзхи д̇хийд̇у самаанаваяаани бан̃жа гумааригасад̇аани д̇ассаа бариваарамагааси.

    Tato ghosakaseṭṭhi pubbe dānaggasmiṃ uccāsaddamahāsaddaṃ sutvā tadā taṃ asuṇanto dānakammikaṃ pakkosāpetvā pucchi – ‘‘tvaṃ ajja dānaṃ na dāpesī’’ti. Dinnaṃ , ayyāti. Atha kasmā pubbe viya dānagge saddo na suyyatīti? Āma, ayya, ekā me dhītā atthi, ahaṃ tāya kathitaupāye ṭhatvā dānaggaṃ nissaddamakāsinti. Tava dhītā nāma natthi, kuto te dhītā laddhāti? So vañcetuṃ asakkuṇeyyabhāvena seṭṭhissa sabbaṃ dhītu āgamanavidhānaṃ kathesi. Kasmā pana bho tvaṃ evarūpaṃ bhāriyaṃ kammamakāsi? Tvaṃ ettakaṃ addhānaṃ mama dhītaraṃ attano santike vasamānaṃ nārocesi , vegena taṃ amhākaṃ gehaṃ āṇāpehīti. So tassa vacanaṃ sutvā akāmako āṇāpesi. Tato paṭṭhāya seṭṭhi taṃ dhītuṭṭhāne ṭhapetvā ‘‘dhītu sakkāraṃ karomī’’ti attano samānajātikehi kulehi dhītu samānavayāni pañca kumārikasatāni tassā parivāramakāsi.

    ат̇згад̣̇ивасам̣ уд̣̇зно рааж̇аа наг̇арз анусан̃жаранд̇о д̇ам̣ саамаавад̇им̣ д̇аахи гумаарийхи бариваарид̇ам̣ гийл̣амаанам̣ д̣̇исваа ‘‘гассааяам̣ д̣̇ааригаа’’д̇и бужчид̇ваа ‘‘гхосагасздтисса д̇хийд̇аа’’д̇и суд̇ваа сассаамигаассаамигабхаавам̣ бужчи. д̇ад̇о ассаамигабхаавз гат̇ид̇з ‘‘г̇ажчат̇а сздтино гат̇зт̇а ‘д̇умхаагам̣ д̇хийд̇арам̣ рааж̇аа ижчад̇ий’’’д̇и. д̇ам̣ суд̇ваа сздти ‘‘амхаагам̣ ан̃н̃аа д̣̇ааригаа над̇т̇и, згад̇хийд̇игам̣ сабад̇д̇иваасз д̣̇аад̇ум̣ на саггомаа’’д̇и. рааж̇аа д̇ам̣ гат̇ам̣ суд̇ваа сздтим̣ жа сздтибхарияан̃жа б̣ахи гад̇ваа сагалаг̇зхам̣ лан̃чаабзси. саамаавад̇ий б̣ахи гийл̣ид̇ваа ааг̇ажчанд̇ий маад̇аабид̇аро б̣ахи нисиннагз д̣̇исваа ‘‘аммад̇аад̇аа, гасмаа ид̇ха нисиннад̇т̇аа’’д̇и? д̇з д̇ам̣ гааран̣ам̣ гат̇аяим̣су. аммад̇аад̇аа, гасмаа д̇умхз имам̣ бадиважанам̣ на ж̇аанаат̇а ‘‘мама д̇хийд̇аа сабад̇д̇иваасз васанд̇ий згигаа васид̇ум̣ на сагкиссад̇и, сажассаа бариваараа бан̃жасад̇аа гумаарияо васаабзт̇а, звам̣ васиссад̇ий’’д̇и. ид̣̇аани звам̣ гат̇аабзт̇а, д̇аад̇аад̇и. ‘‘саад̇ху, амма, маяам̣ д̇ава жид̇д̇ам̣ на ж̇аанимхаа’’д̇и вад̇ваа д̇з д̇ат̇аа гат̇аяим̣су. рааж̇аа уд̇д̇арид̇арам̣ басийд̣̇ид̇ваа ‘‘сахассамби ход̇у, саб̣б̣аа аанзт̇аа’’д̇и ааха. ат̇а нам̣ бхад̣̇д̣̇агзна нагкад̇д̇амухуд̇д̇агзна бан̃жамаад̇уг̇аамасад̇абариваарам̣ рааж̇аг̇зхам̣ наяим̣су. рааж̇аа д̇аа бан̃жасад̇ааби д̇ассааязва бариваарам̣ гад̇ваа абхисзгам̣ гад̇ваа висум̣ згасмим̣ баасаад̣̇з васаабзси.

    Athekadivasaṃ udeno rājā nagare anusañcaranto taṃ sāmāvatiṃ tāhi kumārīhi parivāritaṃ kīḷamānaṃ disvā ‘‘kassāyaṃ dārikā’’ti pucchitvā ‘‘ghosakaseṭṭhissa dhītā’’ti sutvā sassāmikaassāmikabhāvaṃ pucchi. Tato assāmikabhāve kathite ‘‘gacchatha seṭṭhino kathetha ‘tumhākaṃ dhītaraṃ rājā icchatī’’’ti. Taṃ sutvā seṭṭhi ‘‘amhākaṃ aññā dārikā natthi, ekadhītikaṃ sapattivāse dātuṃ na sakkomā’’ti. Rājā taṃ kathaṃ sutvā seṭṭhiṃ ca seṭṭhibhariyañca bahi katvā sakalagehaṃ lañchāpesi. Sāmāvatī bahi kīḷitvā āgacchantī mātāpitaro bahi nisinnake disvā ‘‘ammatātā, kasmā idha nisinnatthā’’ti? Te taṃ kāraṇaṃ kathayiṃsu. Ammatātā, kasmā tumhe imaṃ paṭivacanaṃ na jānātha ‘‘mama dhītā sapattivāse vasantī ekikā vasituṃ na sakkhissati, sacassā parivārā pañcasatā kumāriyo vasāpetha, evaṃ vasissatī’’ti. Idāni evaṃ kathāpetha, tātāti. ‘‘Sādhu, amma, mayaṃ tava cittaṃ na jānimhā’’ti vatvā te tathā kathayiṃsu. Rājā uttaritaraṃ pasīditvā ‘‘sahassampi hotu, sabbā ānethā’’ti āha. Atha naṃ bhaddakena nakkhattamuhuttakena pañcamātugāmasataparivāraṃ rājagehaṃ nayiṃsu. Rājā tā pañcasatāpi tassāyeva parivāraṃ katvā abhisekaṃ katvā visuṃ ekasmiṃ pāsāde vasāpesi.

    д̇зна жа самаязна госамб̣ияам̣ гхосагасздти гуггудасздти бавааригасздтийд̇и д̇аяо ж̇анаа ан̃н̃аман̃н̃ам̣ сахааяагаа хонд̇и. д̇з д̇аяоби ж̇анаа бан̃жасад̇з д̇аабасз бадиж̇аг̇г̇анд̇и. д̇аабасааби жад̇д̇ааро маасз д̇зсам̣ санд̇игз васид̇ваа адта маасз химаванд̇з васанд̇и. ат̇згад̣̇ивасам̣ д̇з д̇аабасаа химаванд̇ад̇о ааг̇ажчанд̇аа махааганд̇аарз д̇асид̇аа гиланд̇аа згам̣ маханд̇ам̣ вадаругкам̣ бад̇ваа д̇ад̇т̇а ад̇хивад̇т̇ааяа д̣̇звад̇ааяа санд̇игаа сан̇г̇ахам̣ бажжаасийсанд̇аа нисийд̣̇им̣су. д̣̇звад̇аа саб̣б̣аалан̇гааравибхуусид̇ам̣ хад̇т̇ам̣ басаарзд̇ваа д̇зсам̣ баанийяабаанагаад̣̇ийни д̣̇ад̇ваа гиламат̇ам̣ бадивинод̣̇зси. д̇з д̣̇звад̇ааяа аанубхаавзна вимхид̇аа бужчим̣су – ‘‘гим̣ ну ко д̣̇звад̇з гаммам̣ гад̇ваа д̇аяаа аяам̣ самбад̇д̇и лад̣̇д̇хаа’’д̇и? д̣̇звад̇аа ааха – логз б̣уд̣̇д̇хо наама бхаг̇аваа уббанно, со зд̇арахи саавад̇т̇ияам̣ вихарад̇и. анаат̇абин̣д̣иго г̇ахабад̇и д̇ам̣ убадтаад̇и. со убосат̇ад̣̇ивасзсу ад̇д̇ано бхад̇агаанам̣ багад̇ибхад̇д̇авзд̇анамзва д̣̇ад̇ваа убосат̇ам̣ гаараабзси. ат̇аахам̣ згад̣̇ивасам̣ маж̇жханхигз баад̇араасад̇т̇ааяа ааг̇ад̇о ган̃жи бхад̇агам̣ гаммам̣ гаронд̇ам̣ ад̣̇исваа ‘‘аж̇ж̇а мануссаа гасмаа гаммам̣ на гаронд̇ий’’д̇и бужчим̣. д̇асса мз зд̇амад̇т̇ам̣ аарожзсум̣. ат̇аахам̣ зд̇ад̣̇авожам̣ – ‘‘ид̣̇аани убад̣дхад̣̇ивасо г̇ад̇о, саггаа ну ко убад̣дхаубосат̇ам̣ гаад̇у’’нд̇и. д̇ад̇о сздтисса бадивзд̣̇зд̇ваа ‘‘саггаа гаад̇у’’нд̇и ааха. сваахам̣ убад̣дхад̣̇ивасам̣ убосат̇ам̣ самаад̣̇ияид̇ваа д̇ад̣̇ахзва гаалам̣ гад̇ваа имам̣ самбад̇д̇им̣ бадилабхинд̇и.

    Tena ca samayena kosambiyaṃ ghosakaseṭṭhi kukkuṭaseṭṭhi pavārikaseṭṭhīti tayo janā aññamaññaṃ sahāyakā honti. Te tayopi janā pañcasate tāpase paṭijagganti. Tāpasāpi cattāro māse tesaṃ santike vasitvā aṭṭha māse himavante vasanti. Athekadivasaṃ te tāpasā himavantato āgacchantā mahākantāre tasitā kilantā ekaṃ mahantaṃ vaṭarukkhaṃ patvā tattha adhivatthāya devatāya santikā saṅgahaṃ paccāsīsantā nisīdiṃsu. Devatā sabbālaṅkāravibhūsitaṃ hatthaṃ pasāretvā tesaṃ pānīyapānakādīni datvā kilamathaṃ paṭivinodesi. Te devatāya ānubhāvena vimhitā pucchiṃsu – ‘‘kiṃ nu kho devate kammaṃ katvā tayā ayaṃ sampatti laddhā’’ti? Devatā āha – loke buddho nāma bhagavā uppanno, so etarahi sāvatthiyaṃ viharati. Anāthapiṇḍiko gahapati taṃ upaṭṭhāti. So uposathadivasesu attano bhatakānaṃ pakatibhattavetanameva datvā uposathaṃ kārāpesi. Athāhaṃ ekadivasaṃ majjhanhike pātarāsatthāya āgato kañci bhatakaṃ kammaṃ karontaṃ adisvā ‘‘ajja manussā kasmā kammaṃ na karontī’’ti pucchiṃ. Tassa me etamatthaṃ ārocesuṃ. Athāhaṃ etadavocaṃ – ‘‘idāni upaḍḍhadivaso gato, sakkā nu kho upaḍḍhauposathaṃ kātu’’nti. Tato seṭṭhissa paṭivedetvā ‘‘sakkā kātu’’nti āha. Svāhaṃ upaḍḍhadivasaṃ uposathaṃ samādiyitvā tadaheva kālaṃ katvā imaṃ sampattiṃ paṭilabhinti.

    ат̇а д̇з д̇аабасаа ‘‘б̣уд̣̇д̇хо гира уббанно’’д̇и сан̃ж̇аад̇абийд̇ибаамож̇ж̇аа д̇ад̇о саавад̇т̇им̣ г̇анд̇угаамаа худ̇вааби ‘‘б̣ахуубагаараа но убадтаагасздтино, д̇зсамби имамад̇т̇ам̣ аарожзссаамаа’’д̇и госамб̣им̣ г̇анд̇ваа сздтийхи гад̇асаггаараб̣ахумаанаа ‘‘д̇ад̣̇ахзва маяам̣ г̇ажчаамаа’’д̇и аахам̣су. ‘‘гим̣, бханд̇з, д̇урид̇ад̇т̇а, нану д̇умхз буб̣б̣з жад̇д̇ааро бан̃жа маасз васид̇ваа г̇ажчат̇аа’’д̇и вуд̇д̇аа д̇ам̣ бавад̇д̇им̣ аарожзсум̣. ‘‘д̇зна хи, бханд̇з, сахзва г̇ажчаамаа’’д̇и жа вуд̇д̇з – ‘‘г̇ажчаама маяам̣, д̇умхз сан̣игам̣ ааг̇ажчат̇аа’’д̇и саавад̇т̇им̣ г̇анд̇ваа бхаг̇авад̇о санд̇игз баб̣б̣аж̇ид̇ваа арахад̇д̇ам̣ баабун̣им̣су.

    Atha te tāpasā ‘‘buddho kira uppanno’’ti sañjātapītipāmojjā tato sāvatthiṃ gantukāmā hutvāpi ‘‘bahūpakārā no upaṭṭhākaseṭṭhino, tesampi imamatthaṃ ārocessāmā’’ti kosambiṃ gantvā seṭṭhīhi katasakkārabahumānā ‘‘tadaheva mayaṃ gacchāmā’’ti āhaṃsu. ‘‘Kiṃ, bhante, turitattha, nanu tumhe pubbe cattāro pañca māse vasitvā gacchathā’’ti vuttā taṃ pavattiṃ ārocesuṃ. ‘‘Tena hi, bhante, saheva gacchāmā’’ti ca vutte – ‘‘gacchāma mayaṃ, tumhe saṇikaṃ āgacchathā’’ti sāvatthiṃ gantvā bhagavato santike pabbajitvā arahattaṃ pāpuṇiṃsu.

    д̇зби сздтино бажчаа бан̃жасад̇абан̃жасад̇асагадабариваараа саавад̇т̇им̣ г̇анд̇ваа ж̇зд̇аванад̇о авид̣̇уурз таанз канд̇хааваарам̣ б̣анд̇хид̇ваа сад̇т̇у санд̇игам̣ г̇анд̇ваа бан̃жабад̇идтид̇зна ванд̣̇ид̇ваа згаманд̇ам̣ нисийд̣̇им̣су. сад̇т̇аа д̇зсам̣ жарияаавасзна д̇хаммам̣ д̣̇зсзси. д̣̇зсанаабарияосаанз д̇аяоби сод̇аабад̇д̇ипалз бад̇идтааяа сваад̇анааяа ниманд̇зд̇ваа бунад̣̇ивасз б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа д̇знзва нияаамзна аж̇ж̇ад̇анааяа сваад̇анааяаад̇и ниманд̇зд̇ваа ад̣̇д̇хамаасам̣ канд̇хааваарабхад̇д̇ам̣ наама д̣̇ад̇ваа сад̇т̇аарам̣ ад̇д̇ано наг̇арам̣ ааг̇аманад̇т̇ааяа яаажим̣су. сад̇т̇аа ‘‘сун̃н̃ааг̇аарз д̇ат̇ааг̇ад̇аа абхираманд̇ий’’д̇и гат̇зси. д̇з ‘‘ан̃н̃аад̇ам̣, бханд̇з’’д̇и вад̇ваа ‘‘д̇умхз амхзхи бахид̇асаасанзна ааг̇ажчзяяаат̇аа’’д̇и вад̇ваа сад̇т̇аарам̣ ванд̣̇ид̇ваа д̇игкад̇д̇ум̣ бад̣̇агкин̣ам̣ гад̇ваа ад̇д̇ано наг̇арамзва ааг̇анд̇ваа д̇аяоби ж̇анаа сагз сагз уяяаанз вихаарз гаараабзсум̣. гхосагасздтинаа гаарид̇о гхосид̇аараамо наама ж̇аад̇о, гуггудасздтинаа гаарид̇о гуггудаараамо наама ж̇аад̇о, баавааригасздтинаа гаарид̇ам̣ баавааригамб̣аванам̣ наама ж̇аад̇ам̣. д̇з вихаарз гаараабзд̇ваа сад̇т̇у д̣̇ууд̇ам̣ бахин̣им̣су – ‘‘сад̇т̇аа амхаагам̣ сан̇г̇ахам̣ гаад̇ум̣ имам̣ наг̇арам̣ ааг̇ажчад̇уу’’д̇и. сад̇т̇аа ‘‘госамб̣им̣ г̇амиссаамий’’д̇и махаабхигкусан̇гхабаривааро жааригам̣ нигкаманд̇о анд̇араамаг̇г̇з мааг̇ан̣д̣ияаб̣раахман̣асса арахад̇д̇уубаниссаяам̣ д̣̇исваа г̇аманам̣ вижчинд̣̇ид̇ваа гурурадтз гаммаасад̣̇аммам̣ наама ниг̇амам̣ аг̇амааси.

    Tepi seṭṭhino pacchā pañcasatapañcasatasakaṭaparivārā sāvatthiṃ gantvā jetavanato avidūre ṭhāne khandhāvāraṃ bandhitvā satthu santikaṃ gantvā pañcapatiṭṭhitena vanditvā ekamantaṃ nisīdiṃsu. Satthā tesaṃ cariyāvasena dhammaṃ desesi. Desanāpariyosāne tayopi sotāpattiphale patiṭṭhāya svātanāya nimantetvā punadivase buddhappamukhassa bhikkhusaṅghassa mahādānaṃ datvā teneva niyāmena ajjatanāya svātanāyāti nimantetvā addhamāsaṃ khandhāvārabhattaṃ nāma datvā satthāraṃ attano nagaraṃ āgamanatthāya yāciṃsu. Satthā ‘‘suññāgāre tathāgatā abhiramantī’’ti kathesi. Te ‘‘aññātaṃ, bhante’’ti vatvā ‘‘tumhe amhehi pahitasāsanena āgaccheyyāthā’’ti vatvā satthāraṃ vanditvā tikkhattuṃ padakkhiṇaṃ katvā attano nagarameva āgantvā tayopi janā sake sake uyyāne vihāre kārāpesuṃ. Ghosakaseṭṭhinā kārito ghositārāmo nāma jāto, kukkuṭaseṭṭhinā kārito kukkuṭārāmo nāma jāto, pāvārikaseṭṭhinā kāritaṃ pāvārikambavanaṃ nāma jātaṃ. Te vihāre kārāpetvā satthu dūtaṃ pahiṇiṃsu – ‘‘satthā amhākaṃ saṅgahaṃ kātuṃ imaṃ nagaraṃ āgacchatū’’ti. Satthā ‘‘kosambiṃ gamissāmī’’ti mahābhikkhusaṅghaparivāro cārikaṃ nikkhamanto antarāmagge māgaṇḍiyabrāhmaṇassa arahattūpanissayaṃ disvā gamanaṃ vicchinditvā kururaṭṭhe kammāsadammaṃ nāma nigamaṃ agamāsi.

    д̇асмим̣ самаяз мааг̇ан̣д̣ияо саб̣б̣арад̇д̇им̣ б̣ахиг̇аамз аг̇г̇им̣ ж̇ухид̇ваа баад̇ова анд̇ог̇аамам̣ бависад̇и. сад̇т̇ааби бунад̣̇ивасз анд̇ог̇аамам̣ бин̣д̣ааяа бависанд̇о бадибат̇з мааг̇ан̣д̣ияаб̣раахман̣асса ад̇д̇аанам̣ д̣̇ассзси. со д̣̇асаб̣алам̣ д̣̇исваа жинд̇зси – ‘‘ахам̣ зд̇д̇агам̣ гаалам̣ мама д̇хийд̇у руубасамбад̇д̇ияаа сад̣̇исам̣ д̣̇аарагам̣ бариязсанд̇о жараами, руубасамбад̇д̇ияаа жа сад̇иби зваруубам̣ г̇ахид̇абаб̣б̣аж̇ж̇амзва бад̇т̇зсим̣. аяам̣ ко бана баб̣б̣аж̇ид̇о абхируубо д̣̇ассанийяо мама д̇хийд̇уязва анужчавиго’’д̇и взг̇зна г̇зхам̣ аг̇амааси. д̇асса гира б̣раахман̣асса буб̣б̣з зго баб̣б̣аж̇ид̇авам̣со ад̇т̇и, д̇знасса баб̣б̣аж̇ид̇амзва д̣̇исваа жид̇д̇ам̣ намад̇и. со б̣раахман̣им̣ ааманд̇зси – ‘‘бхад̣̇д̣̇з маяаа зваруубо баб̣б̣аж̇ид̇о наама над̣̇идтабуб̣б̣о суван̣н̣аван̣н̣о б̣рахмаван̣н̣о мама д̇хийд̇уязва анужчавиго, сийгхам̣ мз д̇хийд̇арам̣ алан̇гарохий’’д̇и. б̣раахман̣ияаа д̇хийд̇арам̣ алан̇гаронд̇ияаава сад̇т̇аа ад̇д̇ано тид̇адтаанз бад̣̇ажзд̇ияаани д̣̇ассзд̇ваа анд̇онаг̇арам̣ баависи.

    Tasmiṃ samaye māgaṇḍiyo sabbarattiṃ bahigāme aggiṃ juhitvā pātova antogāmaṃ pavisati. Satthāpi punadivase antogāmaṃ piṇḍāya pavisanto paṭipathe māgaṇḍiyabrāhmaṇassa attānaṃ dassesi. So dasabalaṃ disvā cintesi – ‘‘ahaṃ ettakaṃ kālaṃ mama dhītu rūpasampattiyā sadisaṃ dārakaṃ pariyesanto carāmi, rūpasampattiyā ca satipi evarūpaṃ gahitapabbajjameva patthesiṃ. Ayaṃ kho pana pabbajito abhirūpo dassanīyo mama dhītuyeva anucchaviko’’ti vegena gehaṃ agamāsi. Tassa kira brāhmaṇassa pubbe eko pabbajitavaṃso atthi, tenassa pabbajitameva disvā cittaṃ namati. So brāhmaṇiṃ āmantesi – ‘‘bhadde mayā evarūpo pabbajito nāma nadiṭṭhapubbo suvaṇṇavaṇṇo brahmavaṇṇo mama dhītuyeva anucchaviko, sīghaṃ me dhītaraṃ alaṅkarohī’’ti. Brāhmaṇiyā dhītaraṃ alaṅkarontiyāva satthā attano ṭhitaṭṭhāne padacetiyāni dassetvā antonagaraṃ pāvisi.

    ат̇а б̣раахман̣о б̣раахман̣ияаа сад̣̇д̇хим̣ д̇хийд̇арам̣ г̇ахзд̇ваа д̇ам̣ таанам̣ ааг̇ажчанд̇о анд̇ог̇аамам̣ бавидтагаалз ааг̇ад̇ад̇д̇аа ид̇о жид̇о жа ологзнд̇о д̣̇асаб̣алам̣ ад̣̇исваа б̣раахман̣им̣ барибхаасад̇и – ‘‘д̇ава гааран̣ам̣ бхад̣̇д̣̇агам̣ наама над̇т̇и, д̇аяи бабан̃жам̣ гаронд̇ияаава со баб̣б̣аж̇ид̇о нигкамид̇ваа г̇ад̇о’’д̇и. б̣раахман̣а, г̇ад̇о д̇аава ход̇у, гад̇арад̣̇исаабхааг̇зна г̇ад̇од̇и? иминаа д̣̇исаабхааг̇знаад̇и сад̇т̇у г̇ад̇адтаанам̣ ологзнд̇ова бад̣̇ажзд̇ияаани д̣̇исваа ‘‘бхад̣̇д̣̇з имаани д̇асса бурисасса бад̣̇аани, ид̇о г̇ад̇о бхависсад̇ий’’д̇и ааха. ат̇а, б̣раахман̣ий, сад̇т̇у бад̣̇ажзд̇ияам̣ д̣̇исваа жинд̇зси – ‘‘б̣аало вад̇ааяам̣ б̣раахман̣о ад̇д̇ано г̇ант̇амад̇д̇ассааби ад̇т̇ам̣ на ж̇аанаад̇ий’’д̇и д̇зна сад̣̇д̇хим̣ барихаасам̣ гаронд̇ий ааха – ‘‘яаава б̣аало жааси, б̣раахман̣а, зваруубасса наама бурисасса д̇хийд̇арам̣ д̣̇ассаамийд̇и вад̣̇аси. рааг̇зна хи рад̇д̇асса д̣̇осзна д̣̇удтасса мохзна муул̣хасса бурисасса бад̣̇ам̣ наама зваруубам̣ на ход̇и. логз бана вивадажчад̣̇асса саб̣б̣ан̃н̃уб̣уд̣̇д̇хасса зд̇ам̣ бад̣̇ам̣’’ басса, б̣раахман̣а –

    Atha brāhmaṇo brāhmaṇiyā saddhiṃ dhītaraṃ gahetvā taṃ ṭhānaṃ āgacchanto antogāmaṃ paviṭṭhakāle āgatattā ito cito ca olokento dasabalaṃ adisvā brāhmaṇiṃ paribhāsati – ‘‘tava kāraṇaṃ bhaddakaṃ nāma natthi, tayi papañcaṃ karontiyāva so pabbajito nikkhamitvā gato’’ti. Brāhmaṇa, gato tāva hotu, kataradisābhāgena gatoti? Iminā disābhāgenāti satthu gataṭṭhānaṃ olokentova padacetiyāni disvā ‘‘bhadde imāni tassa purisassa padāni, ito gato bhavissatī’’ti āha. Atha, brāhmaṇī, satthu padacetiyaṃ disvā cintesi – ‘‘bālo vatāyaṃ brāhmaṇo attano ganthamattassāpi atthaṃ na jānātī’’ti tena saddhiṃ parihāsaṃ karontī āha – ‘‘yāva bālo cāsi, brāhmaṇa, evarūpassa nāma purisassa dhītaraṃ dassāmīti vadasi. Rāgena hi rattassa dosena duṭṭhassa mohena mūḷhassa purisassa padaṃ nāma evarūpaṃ na hoti. Loke pana vivaṭacchadassa sabbaññubuddhassa etaṃ padaṃ’’ passa, brāhmaṇa –

    ‘‘рад̇д̇асса хи уггудигам̣ бад̣̇ам̣ бхавз,

    ‘‘Rattassa hi ukkuṭikaṃ padaṃ bhave,

    д̣̇удтасса ход̇и авагад̣дхид̇ам̣ бад̣̇ам̣;

    Duṭṭhassa hoti avakaḍḍhitaṃ padaṃ;

    муул̣хасса ход̇и сахасаанубийл̣ид̇ам̣,

    Mūḷhassa hoti sahasānupīḷitaṃ,

    вивадажчад̣̇асса ид̣̇амийд̣̇исам̣ бад̣̇а’’нд̇и.

    Vivaṭacchadassa idamīdisaṃ pada’’nti.

    со б̣раахман̣ияаа зд̇д̇агам̣ гат̇знд̇ияааби асуд̇ваа ‘‘д̇вам̣ наама жан̣д̣аа мукараа’’д̇и ааха. д̇зсам̣ д̣̇виннамби ан̃н̃аман̃н̃ам̣ виваад̣̇ам̣ гаронд̇аанам̣язва сад̇т̇аа бин̣д̣ааяа жарид̇ваа сад̣̇д̇хим̣ бхигкусан̇гхзна гад̇абхад̇д̇агижжо б̣раахман̣асса д̣̇ассануубажаарзнзва нигками. б̣раахман̣о сад̇т̇аарам̣ д̣̇уурад̇ова ааг̇ажчанд̇ам̣ д̣̇исваа б̣раахман̣им̣ абасаад̣̇зд̇ваа ‘‘аяам̣ со бурисо’’д̇и хадтабахадто д̣̇асаб̣аласса бурад̇о тад̇ваа ‘‘бхо баб̣б̣аж̇ид̇а, ахам̣ баад̇ова бадтааяа д̇ам̣ бариязсанд̇о жараами, имасмим̣ ж̇амб̣уд̣̇ийбз мама д̇хийд̇ааяа самаанаруубаа ид̇т̇ий наама над̇т̇и, бурисоби д̇аяаа сад̣̇д̇хим̣ самаанаруубо наама над̇т̇и, мама д̇хийд̇арам̣ д̇уяхам̣ босанад̇т̇ааяа д̣̇амми, г̇ан̣хаахи на’’нд̇и ааха. ат̇а нам̣ сад̇т̇аа ‘‘ахам̣, б̣раахман̣а, гаамаг̇г̇аваасинияо уд̇д̇амаруубад̇хараа наанааван̣н̣ам̣ гат̇ам̣ гат̇знд̇ияо мама балобханад̇т̇амзва ааг̇анд̇ваа санд̇игз тид̇аа д̣̇звад̇хийд̇ааби на ижчим̣, гиман̇г̇ам̣ бана имам̣ г̇ан̣хиссаамий’’д̇и вад̇ваа имам̣ г̇аат̇амааха –

    So brāhmaṇiyā ettakaṃ kathentiyāpi asutvā ‘‘tvaṃ nāma caṇḍā mukharā’’ti āha. Tesaṃ dvinnampi aññamaññaṃ vivādaṃ karontānaṃyeva satthā piṇḍāya caritvā saddhiṃ bhikkhusaṅghena katabhattakicco brāhmaṇassa dassanūpacāreneva nikkhami. Brāhmaṇo satthāraṃ dūratova āgacchantaṃ disvā brāhmaṇiṃ apasādetvā ‘‘ayaṃ so puriso’’ti haṭṭhapahaṭṭho dasabalassa purato ṭhatvā ‘‘bho pabbajita, ahaṃ pātova paṭṭhāya taṃ pariyesanto carāmi, imasmiṃ jambudīpe mama dhītāya samānarūpā itthī nāma natthi, purisopi tayā saddhiṃ samānarūpo nāma natthi, mama dhītaraṃ tuyhaṃ posanatthāya dammi, gaṇhāhi na’’nti āha. Atha naṃ satthā ‘‘ahaṃ, brāhmaṇa, kāmaggavāsiniyo uttamarūpadharā nānāvaṇṇaṃ kathaṃ kathentiyo mama palobhanatthameva āgantvā santike ṭhitā devadhītāpi na icchiṃ, kimaṅgaṃ pana imaṃ gaṇhissāmī’’ti vatvā imaṃ gāthamāha –

    ‘‘д̣̇исваана д̇ан̣хам̣ арад̇им̣ раг̇ан̃жа,

    ‘‘Disvāna taṇhaṃ aratiṃ ragañca,

    наахоси чанд̣̇о аби мзт̇унасмим̣;

    Nāhosi chando api methunasmiṃ;

    гим̣мзвид̣̇ам̣ муд̇д̇агарийсабун̣н̣ам̣,

    Kiṃmevidaṃ muttakarīsapuṇṇaṃ,

    баад̣̇ааби нам̣ сампусид̇ум̣ на ижчз’’д̇и. (су. ни. 841);

    Pādāpi naṃ samphusituṃ na icche’’ti. (su. ni. 841);

    мааг̇ан̣д̣ияаа жинд̇зси – ‘‘анад̇т̇игзна наама ‘ала’нд̇и вад̇д̇умзва ваддад̇и. аяам̣ бана мама сарийрам̣ муд̇д̇агарийсабун̣н̣ам̣ наама гад̇ваа ‘баад̣̇ааби нам̣ сампусид̇ум̣ на ижчз’д̇и авожа, згам̣ иссарияадтаанам̣ лабханд̇ий анд̇арамзвасса бассиссаамий’’д̇и аагхаад̇ам̣ б̣анд̇хи. сад̇т̇аа д̇ам̣ аманасигад̇ваа жарияавасзна б̣раахман̣асса д̇хаммад̣̇зсанам̣ аарабхи. д̣̇зсанаабарияосаанз убхоби ж̇ааяамбад̇игаа анааг̇аамипалз бад̇идтааяа ‘‘ид̣̇аани амхаагам̣ гхарааваасзна ад̇т̇о над̇т̇ий’’д̇и д̇хийд̇арам̣ мааг̇ан̣д̣ияам̣ жуул̣абид̇арам̣ самбадижчаабзд̇ваа убхоби баб̣б̣аж̇ид̇ваа арахад̇д̇ам̣ баабун̣им̣су. ат̇а рааж̇аа уд̣̇зно жуул̣амааг̇ан̣д̣иязна сад̣̇д̇хим̣ вохаарам̣ гад̇ваа мааг̇ан̣д̣ияад̣̇ааригам̣ рааж̇аанубхаавзна г̇зхам̣ аанзд̇ваа абхисзгам̣ гад̇ваа д̇ассаа бан̃жамаад̇уг̇аамасад̇абариваарааяа васанадтаанам̣ висум̣ баасаад̣̇ам̣ ад̣̇ааси.

    Māgaṇḍiyā cintesi – ‘‘anatthikena nāma ‘ala’nti vattumeva vaṭṭati. Ayaṃ pana mama sarīraṃ muttakarīsapuṇṇaṃ nāma katvā ‘pādāpi naṃ samphusituṃ na icche’ti avoca, ekaṃ issariyaṭṭhānaṃ labhantī antaramevassa passissāmī’’ti āghātaṃ bandhi. Satthā taṃ amanasikatvā cariyavasena brāhmaṇassa dhammadesanaṃ ārabhi. Desanāpariyosāne ubhopi jāyampatikā anāgāmiphale patiṭṭhāya ‘‘idāni amhākaṃ gharāvāsena attho natthī’’ti dhītaraṃ māgaṇḍiyaṃ cūḷapitaraṃ sampaṭicchāpetvā ubhopi pabbajitvā arahattaṃ pāpuṇiṃsu. Atha rājā udeno cūḷamāgaṇḍiyena saddhiṃ vohāraṃ katvā māgaṇḍiyadārikaṃ rājānubhāvena gehaṃ ānetvā abhisekaṃ katvā tassā pañcamātugāmasataparivārāya vasanaṭṭhānaṃ visuṃ pāsādaṃ adāsi.

    сад̇т̇ааби ко анубуб̣б̣зна жааригам̣ жарамаано госамб̣инаг̇арам̣ самбаабун̣и. сздтино сад̇т̇у ааг̇аманам̣ суд̇ваа бажжуг̇г̇аманам̣ гад̇ваа бан̃жабад̇идтид̇зна ванд̣̇ид̇ваа згаманд̇ам̣ нисиннаа бхаг̇аванд̇ам̣ зд̇ад̣̇авожум̣ – ‘‘имз, бханд̇з, д̇аяо вихаараа д̇умхз уд̣̇д̣̇исса гад̇аа, бадиг̇г̇ан̣хат̇а, бханд̇з, вихаарз жаад̇уд̣̇д̣̇исасса сан̇гхасса сан̇г̇ахад̇т̇ааяаа’’д̇и. бадиг̇г̇ахзси бхаг̇аваа вихаарз. д̇зби сздтино сад̇т̇аарам̣ сваад̇анааяа ниманд̇зд̇ваа абхиваад̣̇зд̇ваа гхарам̣ аг̇амам̣су.

    Satthāpi kho anupubbena cārikaṃ caramāno kosambinagaraṃ sampāpuṇi. Seṭṭhino satthu āgamanaṃ sutvā paccuggamanaṃ katvā pañcapatiṭṭhitena vanditvā ekamantaṃ nisinnā bhagavantaṃ etadavocuṃ – ‘‘ime, bhante, tayo vihārā tumhe uddissa katā, paṭiggaṇhatha, bhante, vihāre cātuddisassa saṅghassa saṅgahatthāyā’’ti. Paṭiggahesi bhagavā vihāre. Tepi seṭṭhino satthāraṃ svātanāya nimantetvā abhivādetvā gharaṃ agamaṃsu.

    мааг̇ан̣д̣ияааби ко сад̇т̇у ааг̇ад̇абхаавам̣ суд̇ваа чиннабхиннагз д̇худ̇д̇з баггосаабзд̇ваа д̇зсам̣ лан̃ж̇ам̣ д̣̇ад̇ваа ‘‘д̇умхз саман̣ам̣ г̇од̇амам̣ иминаа иминаа жа нияаамзна аггосат̇аа’’д̇и вад̇ваа уяяож̇зси. д̇з сад̇т̇у анд̇ог̇аамам̣ бависанавзлааяа сабариваарам̣ сад̇т̇аарам̣ наанаавид̇хзхи аггосзхи аггосим̣су. ааяасмаа аананд̣̇о сад̇т̇аарам̣ ааха – ‘‘бханд̇з, зваруубз аггосанадтаанз на васиссаама, ан̃н̃ам̣ наг̇арам̣ г̇ажчаамаа’’д̇и. сад̇т̇аа, ‘‘аананд̣̇а, д̇ат̇ааг̇ад̇аа наама адтахи логад̇хаммзхи на гамбанд̇и, аяамби сад̣̇д̣̇о сад̇д̇аахам̣ наад̇иггамиссад̇и, аггосагаанам̣язва убари бад̇иссад̇и, д̇вам̣ маа вид̇аггаяид̇т̇аа’’д̇и. д̇зби д̇аяо наг̇арасздтино махаасаггаарзна бхаг̇аванд̇ам̣ бавзсзд̇ваа махаад̣̇аанам̣ ад̣̇ам̣су. д̇зсам̣ абараабарам̣ д̣̇аанам̣ д̣̇ад̣̇анд̇аанам̣язва маасо ад̇иггами, ат̇а нзсам̣ зд̇ад̣̇ахоси – ‘‘б̣уд̣̇д̇хаа наама саб̣б̣алогам̣ анугамбамаанаа уббаж̇ж̇анд̇и, ан̃н̃зсамби огаасам̣ д̣̇ассаамаа’’д̇и. д̇ад̇о д̇з госамб̣инаг̇араваасиноби ж̇анасса огаасам̣ агам̣су. д̇ад̇о бадтааяа нааг̇арааби вийт̇исабхааг̇зна г̇ан̣асабхааг̇зна махаад̣̇аанам̣ д̣̇знд̇и.

    Māgaṇḍiyāpi kho satthu āgatabhāvaṃ sutvā chinnabhinnake dhutte pakkosāpetvā tesaṃ lañjaṃ datvā ‘‘tumhe samaṇaṃ gotamaṃ iminā iminā ca niyāmena akkosathā’’ti vatvā uyyojesi. Te satthu antogāmaṃ pavisanavelāya saparivāraṃ satthāraṃ nānāvidhehi akkosehi akkosiṃsu. Āyasmā ānando satthāraṃ āha – ‘‘bhante, evarūpe akkosanaṭṭhāne na vasissāma, aññaṃ nagaraṃ gacchāmā’’ti. Satthā, ‘‘ānanda, tathāgatā nāma aṭṭhahi lokadhammehi na kampanti, ayampi saddo sattāhaṃ nātikkamissati, akkosakānaṃyeva upari patissati, tvaṃ mā vitakkayitthā’’ti. Tepi tayo nagaraseṭṭhino mahāsakkārena bhagavantaṃ pavesetvā mahādānaṃ adaṃsu. Tesaṃ aparāparaṃ dānaṃ dadantānaṃyeva māso atikkami, atha nesaṃ etadahosi – ‘‘buddhā nāma sabbalokaṃ anukampamānā uppajjanti, aññesampi okāsaṃ dassāmā’’ti. Tato te kosambinagaravāsinopi janassa okāsaṃ akaṃsu. Tato paṭṭhāya nāgarāpi vīthisabhāgena gaṇasabhāgena mahādānaṃ denti.

    ат̇згад̣̇ивасам̣ сад̇т̇аа бхигкусан̇гхабаривуд̇о маалаагаарагаж̇здтагасса г̇зхз нисийд̣̇и. д̇асмим̣ кан̣з саамаавад̇ияаа убадтааяигаа куж̇ж̇уд̇д̇араа адта гахаабан̣з аад̣̇ааяа маалад̇т̇ааяа д̇ам̣ г̇зхам̣ аг̇амааси. маалаагаараж̇здтаго д̇ам̣ д̣̇исваа, ‘‘амма уд̇д̇арз, аж̇ж̇а д̇уяхам̣ бубпаани д̣̇аад̇ум̣ кан̣о над̇т̇и, ахам̣ б̣уд̣̇д̇хаббамукам̣ бхигкусан̇гхам̣ баривисаами. д̇вамби баривзсанааяа сахааяигаа хохи, звам̣ ид̇о барзсам̣ взяяааважжагаран̣ад̇о мужжиссад̇ий’’д̇и ааха. д̇ад̇о куж̇ж̇уд̇д̇араа ад̇д̇анаа лад̣̇д̇хам̣ бхож̇анам̣ бхун̃ж̇ид̇ваа б̣уд̣̇д̇хаанам̣ бхад̇д̇аг̇г̇з взяяааважжам̣ агааси. саа сад̇т̇аараа убанисиннагат̇аавасзна гат̇ид̇ам̣ д̇хаммам̣ саб̣б̣амзва уг̇г̇ан̣хи. анумод̣̇анам̣ бана суд̇ваа сод̇аабад̇д̇ипалз бад̇идтааси.

    Athekadivasaṃ satthā bhikkhusaṅghaparivuto mālākārakajeṭṭhakassa gehe nisīdi. Tasmiṃ khaṇe sāmāvatiyā upaṭṭhāyikā khujjuttarā aṭṭha kahāpaṇe ādāya mālatthāya taṃ gehaṃ agamāsi. Mālākārajeṭṭhako taṃ disvā, ‘‘amma uttare, ajja tuyhaṃ pupphāni dātuṃ khaṇo natthi, ahaṃ buddhappamukhaṃ bhikkhusaṅghaṃ parivisāmi. Tvampi parivesanāya sahāyikā hohi, evaṃ ito paresaṃ veyyāvaccakaraṇato muccissatī’’ti āha. Tato khujjuttarā attanā laddhaṃ bhojanaṃ bhuñjitvā buddhānaṃ bhattagge veyyāvaccaṃ akāsi. Sā satthārā upanisinnakathāvasena kathitaṃ dhammaṃ sabbameva uggaṇhi. Anumodanaṃ pana sutvā sotāpattiphale patiṭṭhāsi.

    саа ан̃н̃зсу д̣̇ивасзсу жад̇д̇аарова гахаабан̣з д̣̇ад̇ваа бубпаани г̇ахзд̇ваа г̇ажчад̇и, д̇асмим̣ бана д̣̇ивасз д̣̇идтасажжабхаавзна барасанд̇агз жид̇д̇ам̣ ануббаад̣̇зд̇ваа саб̣б̣зва адта гахаабан̣з д̣̇ад̇ваа бажчим̣ буурзд̇ваа бубпаани аад̣̇ааяа саамаавад̇ияаа санд̇игам̣ аг̇амааси. ат̇а нам̣ саа бужчи – ‘‘амма уд̇д̇арз, д̇вам̣ ан̃н̃зсу д̣̇ивасзсу на б̣ахууни бубпаани аахараси, аж̇ж̇а бана б̣ахугаани, гим̣ но рааж̇аа уд̇д̇арид̇арам̣ басанно’’д̇и? саа мусааваад̣̇з абхаб̣б̣ад̇ааяа ад̇ийд̇з ад̇д̇анаа гад̇ам̣ аниг̇ухид̇ваа саб̣б̣ам̣ гат̇зси. ‘‘ат̇а гасмаа аж̇ж̇а б̣ахууни бубпаани аахарасий’’д̇и вуд̇д̇аа жа звамааха – ‘‘ахам̣ аж̇ж̇а д̣̇асаб̣аласса д̇хаммам̣ суд̇ваа амад̇ам̣ сажчаагаасим̣, д̇асмаа д̇умхз на ван̃жзмий’’д̇и. д̇ам̣ суд̇ваа, ‘‘амма уд̇д̇арз, д̇аяаа лад̣̇д̇хам̣ амад̇ад̇хаммам̣ амхаагамби д̣̇зхий’’д̇и саб̣б̣аава хад̇т̇ам̣ басаараяим̣су. аяяз, звам̣ д̣̇аад̇ум̣ на саггаа, ахам̣ бана сад̇т̇аараа гат̇ид̇анияаамзна д̇умхаагам̣ д̇хаммам̣ д̣̇зсзссаами, д̇умхз ад̇д̇ано хзд̇умхи сад̇и д̇ам̣ д̇хаммам̣ лабхиссат̇аад̇и. д̇зна хи, амма уд̇д̇арз, гат̇зхийд̇и. ‘‘звам̣ гат̇зд̇ум̣ на саггаа, маяхам̣ ужжам̣ аасанам̣ бан̃н̃аабзд̇ваа д̇умхз нийжаасанзсу нисийд̣̇ат̇аа’’д̇и ааха. д̇аа бан̃жасад̇ааби ид̇т̇ияо куж̇ж̇уд̇д̇арааяа ужжаасанам̣ д̣̇ад̇ваа саяам̣ нийжаасанаани г̇ахзд̇ваа нисийд̣̇им̣су. куж̇ж̇уд̇д̇арааби сзгкабадисамбхид̣̇аасу тад̇ваа д̇аасам̣ д̇хаммам̣ д̣̇зсзси. д̣̇зсанаабарияосаанз саамаавад̇им̣ ж̇здтигам̣ гад̇ваа саб̣б̣аава сод̇аабад̇д̇ипалз бад̇идтахим̣су. д̇ад̇о бадтааяа куж̇ж̇уд̇д̇арам̣ взяяааважжагаран̣ад̇о абанзд̇ваа ‘‘д̇вам̣ сад̇т̇у д̇хаммагат̇ам̣ суд̇ваа аахарид̇ваа амхз саавзхий’’д̇и аахам̣су. куж̇ж̇уд̇д̇арааби д̇ад̇о бадтааяа д̇ат̇аа агааси.

    Sā aññesu divasesu cattārova kahāpaṇe datvā pupphāni gahetvā gacchati, tasmiṃ pana divase diṭṭhasaccabhāvena parasantake cittaṃ anuppādetvā sabbeva aṭṭha kahāpaṇe datvā pacchiṃ pūretvā pupphāni ādāya sāmāvatiyā santikaṃ agamāsi. Atha naṃ sā pucchi – ‘‘amma uttare, tvaṃ aññesu divasesu na bahūni pupphāni āharasi, ajja pana bahukāni, kiṃ no rājā uttaritaraṃ pasanno’’ti? Sā musāvāde abhabbatāya atīte attanā kataṃ aniguhitvā sabbaṃ kathesi. ‘‘Atha kasmā ajja bahūni pupphāni āharasī’’ti vuttā ca evamāha – ‘‘ahaṃ ajja dasabalassa dhammaṃ sutvā amataṃ sacchākāsiṃ, tasmā tumhe na vañcemī’’ti. Taṃ sutvā, ‘‘amma uttare, tayā laddhaṃ amatadhammaṃ amhākampi dehī’’ti sabbāva hatthaṃ pasārayiṃsu. Ayye, evaṃ dātuṃ na sakkā, ahaṃ pana satthārā kathitaniyāmena tumhākaṃ dhammaṃ desessāmi, tumhe attano hetumhi sati taṃ dhammaṃ labhissathāti. Tena hi, amma uttare, kathehīti. ‘‘Evaṃ kathetuṃ na sakkā, mayhaṃ uccaṃ āsanaṃ paññāpetvā tumhe nīcāsanesu nisīdathā’’ti āha. Tā pañcasatāpi itthiyo khujjuttarāya uccāsanaṃ datvā sayaṃ nīcāsanāni gahetvā nisīdiṃsu. Khujjuttarāpi sekkhapaṭisambhidāsu ṭhatvā tāsaṃ dhammaṃ desesi. Desanāpariyosāne sāmāvatiṃ jeṭṭhikaṃ katvā sabbāva sotāpattiphale patiṭṭhahiṃsu. Tato paṭṭhāya khujjuttaraṃ veyyāvaccakaraṇato apanetvā ‘‘tvaṃ satthu dhammakathaṃ sutvā āharitvā amhe sāvehī’’ti āhaṃsu. Khujjuttarāpi tato paṭṭhāya tathā akāsi.

    гасмаа банзсаа д̣̇аасий худ̇ваа ниб̣б̣ад̇д̇аад̇и? саа гира гассабад̣̇асаб̣аласса саасанз згааяа сааман̣зрияаа ад̇д̇ано взяяааважжам̣ гаарзси. д̇зна гаммзна бан̃жа ж̇аад̇исад̇аани барзсам̣ д̣̇аасийязва худ̇ваа ниб̣б̣ад̇д̇и. гасмаа бана куж̇ж̇аа ахосийд̇и? ануббаннз гира б̣уд̣̇д̇хз аяам̣ б̣аараан̣асиран̃н̃о г̇зхз васанд̇ий згам̣ рааж̇агулуубагам̣ бажжзгаб̣уд̣̇д̇хам̣ куж̇ж̇ад̇хаад̇угам̣ д̣̇исваа ад̇д̇анаа сахаваасийнам̣ маад̇уг̇аамаанам̣ бурад̇о барихаасам̣ гаронд̇ий куж̇ж̇аагаарзна вижари. д̇асмаа куж̇ж̇аа худ̇ваа ниб̣б̣ад̇д̇и. гим̣ бана гад̇ваа саа бан̃н̃аванд̇ий ж̇аад̇аад̇и? ануббаннз б̣уд̣̇д̇хз аяам̣ б̣аараан̣асиран̃н̃о г̇зхз васанд̇ий адта бажжзгаб̣уд̣̇д̇хз рааж̇аг̇зхад̇о ун̣хабааяаасасса буурид̇з бад̇д̇з г̇ахзд̇ваа г̇ажчанд̇з д̣̇исваа ‘‘зд̇т̇а табзд̇ваа г̇ажчат̇а, бханд̇з’’д̇и адта суван̣н̣агадагз омун̃жид̇ваа ад̣̇ааси. д̇асса гаммасса ниссанд̣̇зна бан̃н̃аванд̇ий худ̇ваа ниб̣б̣ад̇д̇и.

    Kasmā panesā dāsī hutvā nibbattāti? Sā kira kassapadasabalassa sāsane ekāya sāmaṇeriyā attano veyyāvaccaṃ kāresi. Tena kammena pañca jātisatāni paresaṃ dāsīyeva hutvā nibbatti. Kasmā pana khujjā ahosīti? Anuppanne kira buddhe ayaṃ bārāṇasirañño gehe vasantī ekaṃ rājakulūpakaṃ paccekabuddhaṃ khujjadhātukaṃ disvā attanā sahavāsīnaṃ mātugāmānaṃ purato parihāsaṃ karontī khujjākārena vicari. Tasmā khujjā hutvā nibbatti. Kiṃ pana katvā sā paññavantī jātāti? Anuppanne buddhe ayaṃ bārāṇasirañño gehe vasantī aṭṭha paccekabuddhe rājagehato uṇhapāyāsassa pūrite patte gahetvā gacchante disvā ‘‘ettha ṭhapetvā gacchatha, bhante’’ti aṭṭha suvaṇṇakaṭake omuñcitvā adāsi. Tassa kammassa nissandena paññavantī hutvā nibbatti.

    ат̇а ко д̇аа саамаавад̇ияаа бариваараа бан̃жасад̇аа ид̇т̇ияо бадивид̣̇д̇хасажжааби самаанаа ран̃н̃о ассад̣̇д̇хабхаавзна гаалзна гаалам̣ сад̇т̇у санд̇игам̣ г̇анд̇ваа б̣уд̣̇д̇хад̣̇ассанам̣ на лабханд̇и. д̇асмаа д̣̇асаб̣алз анд̇аравийт̇им̣ бадибаннз ваад̇абаанзсу наббахонд̇зсу ад̇д̇ано ад̇д̇ано г̇аб̣бхзсу чид̣̇д̣̇ам̣ гад̇ваа д̇зхи ологзнд̇и . ат̇згад̣̇ивасам̣ мааг̇ан̣д̣ияаа ад̇д̇ано баасаад̣̇ад̇алад̇о нигкамид̇ваа жан̇гамамаанаа д̇аасам̣ васанадтаанам̣ г̇анд̇ваа г̇аб̣бхажчид̣̇д̣̇ам̣ д̣̇исваа ‘‘гимид̣̇а’’нд̇и бужчи. д̇аахи д̇ассаа сад̇т̇ари б̣ад̣̇д̇хаагхаад̇ад̇ам̣ аж̇аананд̇ийхи – ‘‘сад̇т̇аа имам̣ наг̇арам̣ ааг̇ад̇о, маяам̣ зд̇т̇а тад̇ваа сад̇т̇аарам̣ бассаама жзва бууж̇зма жаа’’д̇и вуд̇д̇з ‘‘ид̣̇аанисса гад̇д̇аб̣б̣ам̣ ж̇ааниссаами, имааби д̇асса убадтааяигаа, имаасамби гад̇д̇аб̣б̣ам̣ ж̇ааниссаамий’’д̇и жинд̇зд̇ваа г̇анд̇ваа ран̃н̃аа сад̣̇д̇хим̣ рахог̇ад̇агаалз, ‘‘махаарааж̇а, саамаавад̇имиссагаанам̣ б̣ахид̣̇д̇хаа бад̇т̇анаа ад̇т̇и, гад̇ибаахзнзва д̇з ж̇ийвид̇ам̣ маарзссанд̇и, саамаавад̇ий, сабариваараа д̇умхзсу синзхам̣ ваа бзмам̣ ваа на гарод̇и, саман̣ам̣ бана г̇од̇амам̣ анд̇аравийт̇ияаа г̇ажчанд̇ам̣ д̣̇исваа ваад̇абаанзсу аббахонд̇зсу д̇аани кан̣д̣ид̇вааби огаасам̣ гад̇ваа ологзнд̇ий’’д̇и ааха. рааж̇аа ‘‘на д̇аа зваруубам̣ гариссанд̇ий’’д̇и на сад̣̇д̣̇ахад̇и. буна вуд̇д̇зби на сад̣̇д̣̇ахад̇иязва. ат̇а нам̣ д̇игкад̇д̇ум̣ вуд̇д̇зби ассад̣̇д̣̇аханд̇ам̣ ‘‘сажз мз важанам̣ на сад̣̇д̣̇ахаси, д̇аасам̣ васанадтаанам̣ г̇анд̇ваа убад̇хаарзхи, махаарааж̇аа’’д̇и ааха. рааж̇аа г̇анд̇ваа г̇аб̣бхзсу чид̣̇д̣̇ам̣ д̣̇исваа ‘‘ид̣̇ам̣ ги’’нд̇и бужчид̇ваа д̇асмим̣ ад̇т̇з аарожид̇з д̇аасам̣ аггуж̇жхид̇ваа гин̃жи авад̇ваа чид̣̇д̣̇аани бид̣̇ахаабзси. рааж̇аа д̇ад̇о бадтааяа д̇аасам̣ баасаад̣̇з уд̣̇д̇хажчид̣̇д̣̇агаж̇аалаваад̇абаанаани гаарзси.

    Atha kho tā sāmāvatiyā parivārā pañcasatā itthiyo paṭividdhasaccāpi samānā rañño assaddhabhāvena kālena kālaṃ satthu santikaṃ gantvā buddhadassanaṃ na labhanti. Tasmā dasabale antaravīthiṃ paṭipanne vātapānesu nappahontesu attano attano gabbhesu chiddaṃ katvā tehi olokenti . Athekadivasaṃ māgaṇḍiyā attano pāsādatalato nikkhamitvā caṅkamamānā tāsaṃ vasanaṭṭhānaṃ gantvā gabbhacchiddaṃ disvā ‘‘kimida’’nti pucchi. Tāhi tassā satthari baddhāghātataṃ ajānantīhi – ‘‘satthā imaṃ nagaraṃ āgato, mayaṃ ettha ṭhatvā satthāraṃ passāma ceva pūjema cā’’ti vutte ‘‘idānissa kattabbaṃ jānissāmi, imāpi tassa upaṭṭhāyikā, imāsampi kattabbaṃ jānissāmī’’ti cintetvā gantvā raññā saddhiṃ rahogatakāle, ‘‘mahārāja, sāmāvatimissakānaṃ bahiddhā patthanā atthi, katipāheneva te jīvitaṃ māressanti, sāmāvatī, saparivārā tumhesu sinehaṃ vā pemaṃ vā na karoti, samaṇaṃ pana gotamaṃ antaravīthiyā gacchantaṃ disvā vātapānesu appahontesu tāni khaṇḍitvāpi okāsaṃ katvā olokentī’’ti āha. Rājā ‘‘na tā evarūpaṃ karissantī’’ti na saddahati. Puna vuttepi na saddahatiyeva. Atha naṃ tikkhattuṃ vuttepi assaddahantaṃ ‘‘sace me vacanaṃ na saddahasi, tāsaṃ vasanaṭṭhānaṃ gantvā upadhārehi, mahārājā’’ti āha. Rājā gantvā gabbhesu chiddaṃ disvā ‘‘idaṃ ki’’nti pucchitvā tasmiṃ atthe ārocite tāsaṃ akkujjhitvā kiñci avatvā chiddāni pidahāpesi. Rājā tato paṭṭhāya tāsaṃ pāsāde uddhacchiddakajālavātapānāni kāresi.

    саа д̇зна гааран̣зна рааж̇аанам̣ гобзд̇ум̣ асаггонд̇ий, ‘‘д̣̇зва, зд̇аасам̣ д̇умхзсу бзмам̣ ад̇т̇и ваа над̇т̇и ваад̇и ж̇ааниссаама, адта гуггудз бзсзд̇ваа д̇умхаагам̣ ад̇т̇ааяа бажаабзт̇аа’’д̇и ааха. рааж̇аа д̇ассаа важанам̣ суд̇ваа ‘‘имз бажид̇ваа бзсзд̇уу’’д̇и саамаавад̇ияаа адта гуггудз бахин̣и. сод̇аабаннаа арияасаавигаа ж̇ийвамаанз гуггудз гим̣ бажиссад̇и, аланд̇и вад̇ваа бана хад̇т̇знаби пусид̇ум̣ на ижчи. мааг̇ан̣д̣ияаа ‘‘ход̇у, махаарааж̇а, зд̇зязва жа гуггудз саман̣асса г̇од̇амасса бажанад̇т̇ааяа бзсзхий’’д̇и. рааж̇аа д̇ат̇аа агааси. мааг̇ан̣д̣ияаа анд̇араамаг̇г̇зязва гуггудз маараабзд̇ваа ‘‘имз гуггудз бажаабзд̇ваа саман̣асса г̇од̇амасса д̣̇зд̇уу’’д̇и бахин̣и. саа д̇зсам̣ мад̇абхаавзна д̣̇асаб̣алан̃жа уд̣̇д̣̇исса бахид̇абхаавзна бажид̇ваа д̣̇асаб̣аласса бзсзси. мааг̇ан̣д̣ияаа ‘‘басса, махаарааж̇аа’’д̇и вад̇ваа зд̇д̇агзнаби рааж̇аанам̣ гобзд̇ум̣ наасагки.

    Sā tena kāraṇena rājānaṃ kopetuṃ asakkontī, ‘‘deva, etāsaṃ tumhesu pemaṃ atthi vā natthi vāti jānissāma, aṭṭha kukkuṭe pesetvā tumhākaṃ atthāya pacāpethā’’ti āha. Rājā tassā vacanaṃ sutvā ‘‘ime pacitvā pesetū’’ti sāmāvatiyā aṭṭha kukkuṭe pahiṇi. Sotāpannā ariyasāvikā jīvamāne kukkuṭe kiṃ pacissati, alanti vatvā pana hatthenapi phusituṃ na icchi. Māgaṇḍiyā ‘‘hotu, mahārāja, eteyeva ca kukkuṭe samaṇassa gotamassa pacanatthāya pesehī’’ti. Rājā tathā akāsi. Māgaṇḍiyā antarāmaggeyeva kukkuṭe mārāpetvā ‘‘ime kukkuṭe pacāpetvā samaṇassa gotamassa detū’’ti pahiṇi. Sā tesaṃ matabhāvena dasabalañca uddissa pahitabhāvena pacitvā dasabalassa pesesi. Māgaṇḍiyā ‘‘passa, mahārājā’’ti vatvā ettakenapi rājānaṃ kopetuṃ nāsakkhi.

    аяам̣ бана уд̣̇зно д̇аасу згзгиссаа васанадтаанз сад̇д̇а сад̇д̇а д̣̇ивасаани васи. ат̇ааяам̣ мааг̇ан̣д̣ияаа згам̣ ган̣хасаббабод̇агам̣ взл̣убаб̣б̣з багкибаабзд̇ваа ад̇д̇ано васанадтаанз табзси. ран̃н̃о жа яад̇т̇а гад̇т̇ажи г̇ажчанд̇асса хад̇т̇иганд̇авийн̣ам̣ аад̣̇ааяаязва г̇аманам̣ аажин̣н̣ам̣, мааг̇ан̣д̣ияаа ран̃н̃о ад̇д̇ано санд̇игам̣ ааг̇аманагаалз д̇ам̣ саббабод̇агам̣ анд̇овийн̣ааяа багкибид̇ваа чид̣̇д̣̇ам̣ бид̣̇ахаабзси. ат̇а нам̣ саамаавад̇ияаа санд̇игам̣ г̇аманагаалз, ‘‘махаарааж̇а, саамаавад̇ий наама саман̣асса г̇од̇амасса багкаа, д̇умхз на г̇ан̣зд̇и. яам̣ гин̃жи гад̇ваа д̇умхаагам̣ д̣̇осамзва жинд̇зд̇и, аббамад̇д̇аа хот̇аа’’д̇и ааха. рааж̇аа саамаавад̇ияаа васанадтаанз сад̇д̇аахам̣ вийд̇инаамзд̇ваа буна сад̇д̇аахз мааг̇ан̣д̣ияааяа нивзсанам̣ аг̇амааси. саа д̇асмим̣ ааг̇ажчанд̇зязва ‘‘гажжи д̇з, махаарааж̇а, саамаавад̇ий од̇аарам̣ на г̇авзсад̇ий’’д̇и гат̇знд̇ий вияа ран̃н̃о хад̇т̇ад̇о вийн̣ам̣ г̇ахзд̇ваа жаалзд̇ваа ‘‘гим̣ ну ко, махаарааж̇а, зд̇т̇а аб̣бханд̇арз вижарад̇ий’’д̇и вад̇ваа саббасса нигкаманогаасам̣ гад̇ваа ‘‘аб̣бхуммз анд̇о саббо’’д̇и вийн̣ам̣ чад̣д̣зд̇ваа балааяи. д̇асмим̣ гаалз рааж̇аа бад̣̇ид̇д̇ам̣ взн̣уванам̣ вияа багкид̇д̇алон̣ам̣ уд̣̇д̇ханам̣ вияа жа д̣̇осзна д̇адад̇адааяанд̇о ‘‘взг̇зна сабариваарам̣ саамаавад̇им̣ баггосат̇аа’’д̇и ааха. рааж̇абурисаа г̇анд̇ваа баггосим̣су.

    Ayaṃ pana udeno tāsu ekekissā vasanaṭṭhāne satta satta divasāni vasi. Athāyaṃ māgaṇḍiyā ekaṃ kaṇhasappapotakaṃ veḷupabbe pakkhipāpetvā attano vasanaṭṭhāne ṭhapesi. Rañño ca yattha katthaci gacchantassa hatthikantavīṇaṃ ādāyayeva gamanaṃ āciṇṇaṃ, māgaṇḍiyā rañño attano santikaṃ āgamanakāle taṃ sappapotakaṃ antovīṇāya pakkhipitvā chiddaṃ pidahāpesi. Atha naṃ sāmāvatiyā santikaṃ gamanakāle, ‘‘mahārāja, sāmāvatī nāma samaṇassa gotamassa pakkhā, tumhe na gaṇeti. Yaṃ kiñci katvā tumhākaṃ dosameva cinteti, appamattā hothā’’ti āha. Rājā sāmāvatiyā vasanaṭṭhāne sattāhaṃ vītināmetvā puna sattāhe māgaṇḍiyāya nivesanaṃ agamāsi. Sā tasmiṃ āgacchanteyeva ‘‘kacci te, mahārāja, sāmāvatī otāraṃ na gavesatī’’ti kathentī viya rañño hatthato vīṇaṃ gahetvā cāletvā ‘‘kiṃ nu kho, mahārāja, ettha abbhantare vicaratī’’ti vatvā sappassa nikkhamanokāsaṃ katvā ‘‘abbhumme anto sappo’’ti vīṇaṃ chaḍḍetvā palāyi. Tasmiṃ kāle rājā padittaṃ veṇuvanaṃ viya pakkhittaloṇaṃ uddhanaṃ viya ca dosena taṭataṭāyanto ‘‘vegena saparivāraṃ sāmāvatiṃ pakkosathā’’ti āha. Rājapurisā gantvā pakkosiṃsu.

    саа ран̃н̃о гуд̣̇д̇хабхаавам̣ н̃ад̇ваа сзсамаад̇уг̇аамаанам̣ сан̃н̃амад̣̇ааси. ‘‘рааж̇аа д̇умхз гхаад̇зд̇угаамо баггосад̇и, аж̇ж̇а д̣̇ивасам̣ од̣̇иссагзна мзд̇д̇аапаран̣зна рааж̇аанам̣ парат̇аа’’д̇и ааха. рааж̇аа д̇аа ид̇т̇ияо баггосаабзд̇ваа саб̣б̣аава бадибаадияаа табзд̇ваа махаад̇ханум̣ аад̣̇ааяа висабийд̇аган̣д̣ам̣ саннаяхид̇ваа д̇ханум̣ буурзд̇ваа адтааси. д̇асмим̣ кан̣з саб̣б̣аава д̇аа саамаавад̇иббамукаа ид̇т̇ияо од̇хисо мзд̇д̇ам̣ парим̣су. рааж̇аа ган̣д̣ам̣ нзва кибид̇ум̣ на абанзд̇ум̣ саггод̇и, г̇ад̇д̇зхи сзд̣̇аа мужжанд̇и, сарийрам̣ взд̇хад̇и, мукад̇о кзл̣о бад̇ад̇и, г̇ахзд̇аб̣б̣аг̇ахан̣ам̣ на бассад̇и. ат̇а нам̣ саамаавад̇ий ‘‘гим̣, махаарааж̇а, гиламасий’’д̇и ааха. аама, д̣̇зви, гиламаами, авассаяо мз хохийд̇и. саад̇ху, махаарааж̇а, ган̣д̣ам̣ махаабат̇авимукам̣ гарохийд̇и. рааж̇аа д̇ат̇аа агааси. саа ‘‘ран̃н̃о хад̇т̇ад̇о ган̣д̣ам̣ мужжад̇уу’’д̇и ад̇хидтааси. д̇асмим̣ кан̣з ган̣д̣ам̣ мужжи. рааж̇аа д̇ам̣кан̣ам̣язва уд̣̇агз нимуж̇ж̇ид̇ваа ааг̇амма аллагзсо аллавад̇т̇о саамаавад̇ияаа баад̣̇зсу бад̇ид̇ваа ‘‘кама, д̣̇зви, маяхам̣, бхзд̣̇агаанам̣ мз важанзна анубад̇хаарзд̇ваа зд̇ам̣ гад̇а’’нд̇и ааха. камаами, д̣̇зваад̇и. ‘‘саад̇ху, д̣̇зви, звам̣ д̇аяаа маяхам̣ камид̇ам̣ наама ход̇и. ид̇о бадтааяа д̇умхаагам̣ яат̇ааружияаа д̣̇асаб̣аласса д̣̇аанам̣ д̣̇зт̇а, бажчаабхад̇д̇ам̣ вихаарам̣ г̇анд̇ваа д̇хаммагат̇ам̣ сун̣аат̇а, аж̇ж̇а во бадтааяа барихаарам̣ д̣̇аммийд̇и. д̇зна хи, д̣̇зва, аж̇ж̇а бадтааяа згам̣ бхигкум̣ яаажид̇ваа аанзт̇а, яо но д̇хаммам̣ ваажзссад̇ийд̇и. рааж̇аа сад̇т̇у санд̇игам̣ г̇анд̇ваа яаажанд̇о аананд̣̇ад̇т̇зрам̣ лабхи. д̇ад̇о бадтааяа д̇аа бан̃жасад̇аа ид̇т̇ияо т̇зрам̣ баггосаабзд̇ваа саггаарасаммаанам̣ гад̇ваа гад̇абхад̇д̇агижжасса т̇зрасса санд̇игз д̇хаммам̣ барияаабун̣анд̇и.

    Sā rañño kuddhabhāvaṃ ñatvā sesamātugāmānaṃ saññamadāsi. ‘‘Rājā tumhe ghātetukāmo pakkosati, ajja divasaṃ odissakena mettāpharaṇena rājānaṃ pharathā’’ti āha. Rājā tā itthiyo pakkosāpetvā sabbāva paṭipāṭiyā ṭhapetvā mahādhanuṃ ādāya visapītakaṇḍaṃ sannayhitvā dhanuṃ pūretvā aṭṭhāsi. Tasmiṃ khaṇe sabbāva tā sāmāvatippamukhā itthiyo odhiso mettaṃ phariṃsu. Rājā kaṇḍaṃ neva khipituṃ na apanetuṃ sakkoti, gattehi sedā muccanti, sarīraṃ vedhati, mukhato kheḷo patati, gahetabbagahaṇaṃ na passati. Atha naṃ sāmāvatī ‘‘kiṃ, mahārāja, kilamasī’’ti āha. Āma, devi, kilamāmi, avassayo me hohīti. Sādhu, mahārāja, kaṇḍaṃ mahāpathavimukhaṃ karohīti. Rājā tathā akāsi. Sā ‘‘rañño hatthato kaṇḍaṃ muccatū’’ti adhiṭṭhāsi. Tasmiṃ khaṇe kaṇḍaṃ mucci. Rājā taṃkhaṇaṃyeva udake nimujjitvā āgamma allakeso allavattho sāmāvatiyā pādesu patitvā ‘‘khama, devi, mayhaṃ, bhedakānaṃ me vacanena anupadhāretvā etaṃ kata’’nti āha. Khamāmi, devāti. ‘‘Sādhu, devi, evaṃ tayā mayhaṃ khamitaṃ nāma hoti. Ito paṭṭhāya tumhākaṃ yathāruciyā dasabalassa dānaṃ detha, pacchābhattaṃ vihāraṃ gantvā dhammakathaṃ suṇātha, ajja vo paṭṭhāya parihāraṃ dammīti. Tena hi, deva, ajja paṭṭhāya ekaṃ bhikkhuṃ yācitvā ānetha, yo no dhammaṃ vācessatīti. Rājā satthu santikaṃ gantvā yācanto ānandattheraṃ labhi. Tato paṭṭhāya tā pañcasatā itthiyo theraṃ pakkosāpetvā sakkārasammānaṃ katvā katabhattakiccassa therassa santike dhammaṃ pariyāpuṇanti.

    д̇аа згад̣̇ивасам̣ т̇зрасса анумод̣̇анааяа басаннаа т̇зрасса бан̃жа уд̇д̇араасан̇г̇асад̇аани ад̣̇ам̣су. т̇зро гира буб̣б̣з д̇уннавааяагаалз згасса бажжзгаб̣уд̣̇д̇хасса згааяа суужияаа сад̣̇д̇хим̣ хад̇т̇ад̇аламад̇д̇ам̣ жол̣акан̣д̣ам̣ ад̣̇ааси. со суужияаа палзна имасмим̣ ад̇д̇абхаавз махаабан̃н̃о ахоси, жол̣акан̣д̣асса палзна иминаава нияаамзна бан̃жасад̇агкад̇д̇ум̣ д̣̇уссаани бадилабхи.

    Tā ekadivasaṃ therassa anumodanāya pasannā therassa pañca uttarāsaṅgasatāni adaṃsu. Thero kira pubbe tunnavāyakāle ekassa paccekabuddhassa ekāya sūciyā saddhiṃ hatthatalamattaṃ coḷakhaṇḍaṃ adāsi. So sūciyā phalena imasmiṃ attabhāve mahāpañño ahosi, coḷakhaṇḍassa phalena imināva niyāmena pañcasatakkhattuṃ dussāni paṭilabhi.

    д̇ад̇о мааг̇ан̣д̣ияаа ан̃н̃ам̣ гаад̇аб̣б̣ам̣ абассанд̇ий ‘‘уяяаанам̣ г̇ажчаама, махаарааж̇аа’’д̇и ааха. саад̇ху, д̣̇звийд̇и. саа ран̃н̃о самбадижчид̇абхаавам̣ н̃ад̇ваа жуул̣абид̇арам̣ баггосаабзд̇ваа ааха – ‘‘амхаагам̣ уяяаанам̣ г̇ад̇агаалз саамаавад̇ияаа васанадтаанам̣ г̇анд̇ваа саамаавад̇им̣ сабариваарам̣ анд̇огарид̇ваа ‘ран̃н̃о аан̣аа’д̇и вад̇ваа д̣̇ваарам̣ бид̣̇ахид̇ваа балаалзна баливзтзд̇ваа г̇зхз аг̇г̇им̣ д̣̇зт̇аа’’д̇и. мааг̇ан̣д̣ияо д̇ассаа важанам̣ суд̇ваа д̇ат̇аа агааси. д̇асмим̣ д̣̇ивасз саб̣б̣ааби д̇аа ид̇т̇ияо буб̣б̣з гад̇асса убабийл̣агагаммассаанубхаавзна самаабад̇д̇им̣ аббзд̇ум̣ наасагким̣су, згаббахаарзнзва бхусамудти вияа жхааяим̣су. д̇аасам̣ аарагкабурисаа ран̃н̃о санд̇игам̣ г̇анд̇ваа, ‘‘д̣̇зва, ид̣̇ам̣ наама гарим̣суу’’д̇и аажигким̣су.

    Tato māgaṇḍiyā aññaṃ kātabbaṃ apassantī ‘‘uyyānaṃ gacchāma, mahārājā’’ti āha. Sādhu, devīti. Sā rañño sampaṭicchitabhāvaṃ ñatvā cūḷapitaraṃ pakkosāpetvā āha – ‘‘amhākaṃ uyyānaṃ gatakāle sāmāvatiyā vasanaṭṭhānaṃ gantvā sāmāvatiṃ saparivāraṃ antokaritvā ‘rañño āṇā’ti vatvā dvāraṃ pidahitvā palālena paliveṭhetvā gehe aggiṃ dethā’’ti. Māgaṇḍiyo tassā vacanaṃ sutvā tathā akāsi. Tasmiṃ divase sabbāpi tā itthiyo pubbe katassa upapīḷakakammassānubhāvena samāpattiṃ appetuṃ nāsakkhiṃsu, ekappahāreneva bhusamuṭṭhi viya jhāyiṃsu. Tāsaṃ ārakkhapurisā rañño santikaṃ gantvā, ‘‘deva, idaṃ nāma kariṃsū’’ti ācikkhiṃsu.

    рааж̇аа ‘‘гзна гад̇а’’нд̇и бариязсанд̇о мааг̇ан̣д̣ияааяа гаарид̇абхаавам̣ н̃ад̇ваа д̇ам̣ баггосаабзд̇ваа ‘‘бхад̣̇д̣̇з, бхад̣̇д̣̇агам̣ д̇аяаа гаммам̣ гад̇ам̣ маяаа гаад̇аб̣б̣ам̣ гаронд̇ияаа, ‘‘удтааяа самудтааяа маяхам̣ вад̇хааяа барисаггамаанаа гхаад̇ид̇аа, басанносми, д̇уяхам̣ самбад̇д̇им̣ д̣̇ассаамийд̇и д̇ава н̃аад̇агз баггосаабзхий’’д̇и ааха. саа ран̃н̃о гат̇ам̣ суд̇ваа ан̃н̃аад̇агзби н̃аад̇агз гад̇ваа баггосаабзси. рааж̇аа саб̣б̣зсам̣ саннибад̇ид̇абхаавам̣ н̃ад̇ваа рааж̇ан̇г̇ан̣з г̇алаббамаан̣зсу ааваадзсу никанид̇ваа убари тид̇аани сийсаани бхинд̣̇аабзнд̇о маханд̇зхи аяанан̇г̇алзхи гасаабзси. мааг̇ан̣д̣ияамби кан̣д̣аакан̣д̣игам̣ чинд̣̇аабзд̇ваа буувабажанагадаахз бажаабзси.

    Rājā ‘‘kena kata’’nti pariyesanto māgaṇḍiyāya kāritabhāvaṃ ñatvā taṃ pakkosāpetvā ‘‘bhadde, bhaddakaṃ tayā kammaṃ kataṃ mayā kātabbaṃ karontiyā, ‘‘uṭṭhāya samuṭṭhāya mayhaṃ vadhāya parisakkamānā ghātitā, pasannosmi, tuyhaṃ sampattiṃ dassāmīti tava ñātake pakkosāpehī’’ti āha. Sā rañño kathaṃ sutvā aññātakepi ñātake katvā pakkosāpesi. Rājā sabbesaṃ sannipatitabhāvaṃ ñatvā rājaṅgaṇe galappamāṇesu āvāṭesu nikhanitvā upari ṭhitāni sīsāni bhindāpento mahantehi ayanaṅgalehi kasāpesi. Māgaṇḍiyampi khaṇḍākhaṇḍikaṃ chindāpetvā pūvapacanakaṭāhe pacāpesi.

    гим̣ бана саамаавад̇ияаа сабариваарааяа аг̇г̇инаа жхаабанагамманд̇и? саа гира ануббаннз б̣уд̣̇д̇хз д̇зхзва бан̃жахи маад̇уг̇аамасад̇зхи сад̣̇д̇хим̣ г̇ан̇г̇ааяам̣ гийл̣ид̇ваа б̣ахид̇ид̇т̇з тид̇аа сийд̇з ж̇аад̇з авид̣̇уурадтаанз бажжзгаб̣уд̣̇д̇хасса бан̣н̣асаалам̣ д̣̇исваа анд̇о асод̇хзд̇ваава б̣ахи аг̇г̇им̣ д̣̇ад̇ваа висиб̣б̣зсум̣. анд̇обан̣н̣асаалааяа бажжзгаб̣уд̣̇д̇хо нирод̇хасамаабад̇д̇им̣ самаабаж̇ж̇ид̇ваа нисинно. д̇аа ж̇аалаасу бажчиннаасу бажжзгаб̣уд̣̇д̇хам̣ д̣̇исваа ‘‘гим̣ амхзхи гад̇ам̣, аяам̣ бажжзгаб̣уд̣̇д̇хо ран̃н̃о гулуубаго, имам̣ д̣̇исваа рааж̇аа амхаагам̣ гуж̇жхиссад̇и, ид̣̇аани нам̣ суж̇жхаабид̇ам̣ гаад̇ум̣ ваддад̇ий’’д̇и ан̃н̃ааниби д̣̇аарууни багкибид̇ваа аг̇г̇им̣ ад̣̇ам̣су. буна ж̇аалааяа бажчиннааяа бажжзгаб̣уд̣̇д̇хо самаабад̇д̇ид̇о вудтааяа д̇аасам̣ бассанд̇ийнам̣язва жийвараани бабподзд̇ваа взхаасам̣ уббад̇ид̇ваа г̇ад̇о. д̇зна гаммзна нираяз бажжид̇ваа баггаавасзсзна имам̣ б̣яасанам̣ баабун̣им̣су. жад̇убарисамаж̇жхз бана гат̇аа уд̣̇абаад̣̇и – ‘‘б̣ахуссуд̇аа вад̇а куж̇ж̇уд̇д̇араа, маад̇уг̇аамаад̇д̇абхаавз тад̇ваа бан̃жаннам̣ маад̇уг̇аамасад̇аанам̣ д̇хаммам̣ гат̇зд̇ваа сод̇аабад̇д̇ипалз бад̇идтаабзси. саамаавад̇ийби ран̃н̃аа ад̇д̇ано аббид̇ам̣ ган̣д̣ам̣ мзд̇д̇аапаран̣зна парид̇ваа бадиб̣аахий’’д̇и д̇ассааби махааж̇ано г̇ун̣ам̣ гат̇зси. звамзд̇ам̣ вад̇т̇у самудтид̇ам̣. ат̇а сад̇т̇аа абарабхааг̇з ж̇зд̇аванз нисинно д̇ад̣̇зва гааран̣ам̣ адтуббад̇д̇им̣ гад̇ваа куж̇ж̇уд̇д̇арам̣ б̣ахуссуд̇аанам̣, саамаавад̇им̣ мзд̇д̇аавихаарийнам̣ аг̇г̇адтаанз табзсийд̇и.

    Kiṃ pana sāmāvatiyā saparivārāya agginā jhāpanakammanti? Sā kira anuppanne buddhe teheva pañcahi mātugāmasatehi saddhiṃ gaṅgāyaṃ kīḷitvā bahititthe ṭhitā sīte jāte avidūraṭṭhāne paccekabuddhassa paṇṇasālaṃ disvā anto asodhetvāva bahi aggiṃ datvā visibbesuṃ. Antopaṇṇasālāya paccekabuddho nirodhasamāpattiṃ samāpajjitvā nisinno. Tā jālāsu pacchinnāsu paccekabuddhaṃ disvā ‘‘kiṃ amhehi kataṃ, ayaṃ paccekabuddho rañño kulūpako, imaṃ disvā rājā amhākaṃ kujjhissati, idāni naṃ sujjhāpitaṃ kātuṃ vaṭṭatī’’ti aññānipi dārūni pakkhipitvā aggiṃ adaṃsu. Puna jālāya pacchinnāya paccekabuddho samāpattito vuṭṭhāya tāsaṃ passantīnaṃyeva cīvarāni papphoṭetvā vehāsaṃ uppatitvā gato. Tena kammena niraye paccitvā pakkāvasesena imaṃ byasanaṃ pāpuṇiṃsu. Catuparisamajjhe pana kathā udapādi – ‘‘bahussutā vata khujjuttarā, mātugāmaattabhāve ṭhatvā pañcannaṃ mātugāmasatānaṃ dhammaṃ kathetvā sotāpattiphale patiṭṭhāpesi. Sāmāvatīpi raññā attano appitaṃ kaṇḍaṃ mettāpharaṇena pharitvā paṭibāhī’’ti tassāpi mahājano guṇaṃ kathesi. Evametaṃ vatthu samuṭṭhitaṃ. Atha satthā aparabhāge jetavane nisinno tadeva kāraṇaṃ aṭṭhuppattiṃ katvā khujjuttaraṃ bahussutānaṃ, sāmāvatiṃ mettāvihārīnaṃ aggaṭṭhāne ṭhapesīti.

    уд̇д̇араананд̣̇амаад̇аавад̇т̇у

    Uttarānandamātāvatthu

    262. бан̃жамз жхааяийнанд̇и жхаанаабхирад̇аанам̣ убаасигаанам̣, уд̇д̇араа нанд̣̇амаад̇аа, аг̇г̇аад̇и д̣̇ассзд̇и. саа гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇аа сад̇т̇у д̇хаммагат̇ам̣ сун̣анд̇ий сад̇т̇аарам̣ згам̣ убаасигам̣ жхаанаабхирад̇аанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з рааж̇аг̇аханаг̇арз суманасздтим̣ ниссааяа васанд̇асса бун̣н̣асийхасса наама бхарияааяа гужчисмим̣ бадисанд̇хим̣ г̇ан̣хи, уд̇д̇араад̇иссаа наамам̣ агам̣су.

    262. Pañcame jhāyīnanti jhānābhiratānaṃ upāsikānaṃ, uttarā nandamātā, aggāti dasseti. Sā kira padumuttarabuddhakāle haṃsavatiyaṃ kulagehe nibbattā satthu dhammakathaṃ suṇantī satthāraṃ ekaṃ upāsikaṃ jhānābhiratānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā imasmiṃ buddhuppāde rājagahanagare sumanaseṭṭhiṃ nissāya vasantassa puṇṇasīhassa nāma bhariyāya kucchismiṃ paṭisandhiṃ gaṇhi, uttarātissā nāmaṃ akaṃsu.

    ат̇згасмим̣ нагкад̇д̇амахад̣̇ивасз рааж̇аг̇ахасздти бун̣н̣ам̣ баггосаабзд̇ваа ааха – ‘‘д̇аад̇а бун̣н̣а, нагкад̇д̇ам̣ ваа убосат̇о ваа д̣̇уг̇г̇ад̇асса гим̣ гариссад̇и, звам̣ санд̇зби вад̣̇зхи ‘гим̣ нагкад̇д̇абариб̣б̣аяам̣ г̇ахзд̇ваа нагкад̇д̇ам̣ гийл̣иссаси, б̣алаваг̇он̣з жа паалан̃жа нан̇г̇алан̃жа г̇ахзд̇ваа гасиссасий’’’д̇и. ‘‘мама бхарияааяа сад̣̇д̇хим̣ манд̇зд̇ваа ж̇ааниссаами, аяяаа’’д̇и д̇ам̣ гат̇ам̣ бхарияааяа аарожзси. ‘‘сздти наама аяяо иссаро, д̇асса д̇аяаа сад̣̇д̇хим̣ гат̇знд̇асса гат̇аа собхад̇и, д̇вам̣ бана ад̇д̇ано гасигаммам̣ маа виссаж̇ж̇зсий’’д̇и ааха. со д̇ассаа важанам̣ суд̇ваа гасибхан̣д̣ам̣ аад̣̇ааяа гасид̇ум̣ г̇ад̇о.

    Athekasmiṃ nakkhattamahadivase rājagahaseṭṭhi puṇṇaṃ pakkosāpetvā āha – ‘‘tāta puṇṇa, nakkhattaṃ vā uposatho vā duggatassa kiṃ karissati, evaṃ santepi vadehi ‘kiṃ nakkhattaparibbayaṃ gahetvā nakkhattaṃ kīḷissasi, balavagoṇe ca phālañca naṅgalañca gahetvā kasissasī’’’ti. ‘‘Mama bhariyāya saddhiṃ mantetvā jānissāmi, ayyā’’ti taṃ kathaṃ bhariyāya ārocesi. ‘‘Seṭṭhi nāma ayyo issaro, tassa tayā saddhiṃ kathentassa kathā sobhati, tvaṃ pana attano kasikammaṃ mā vissajjesī’’ti āha. So tassā vacanaṃ sutvā kasibhaṇḍaṃ ādāya kasituṃ gato.

    д̇ам̣д̣̇ивасан̃жа саарибуд̇д̇ад̇т̇зро нирод̇хасамаабад̇д̇ид̇о вудтааяа ‘‘гасса аж̇ж̇а маяаа сан̇г̇ахам̣ гаад̇ум̣ ваддад̇ий’’д̇и ааваж̇ж̇знд̇о имасса бун̣н̣асса убаниссаяам̣ д̣̇исваа бхигкаажааравзлааяа бад̇д̇ажийварамаад̣̇ааяа бун̣н̣асса гасанадтаанам̣ г̇ажчанд̇о авид̣̇уурз ад̇д̇аанам̣ д̣̇ассзси. бун̣н̣о т̇зрам̣ д̣̇исваа гасим̣ табзд̇ваа т̇зрасса санд̇игам̣ г̇анд̇ваа бан̃жабад̇идтид̇зна ванд̣̇и. т̇зро д̇ам̣ ологзд̇ваа уд̣̇агасабхааг̇ам̣ бужчи. д̇асса зд̇ад̣̇ахоси – ‘‘аяяо мукам̣ д̇ховид̇угаамо бхависсад̇ий’’д̇и. д̇ад̇о взг̇зна г̇анд̇ваа д̣̇анд̇агадтам̣ аахарид̇ваа габбияам̣ гад̇ваа т̇зрасса ад̣̇ааси. т̇зрз д̣̇анд̇агадтам̣ каад̣̇анд̇з бад̇д̇зна сад̣̇д̇хим̣ д̇хаммагаран̣ам̣ нийхарид̇ваа уд̣̇агасса буурзд̇ваа аахари. т̇зро мукам̣ д̇ховид̇ваа бхигкаажаарамаг̇г̇ам̣ бадибаж̇ж̇и. бун̣н̣о жинд̇зси – ‘‘т̇зро ан̃н̃зсу д̣̇ивасзсу имам̣ маг̇г̇ам̣ на бадибаж̇ж̇ад̇и, аж̇ж̇а бана маяхам̣ сан̇г̇ахад̇т̇ааяа бадибанно бхависсад̇и. ахо вад̇а мз бхарияаа мамад̇т̇ааяа аахаран̣агам̣ аахаарам̣ т̇зрасса бад̇д̇з бад̇идтабзяяаа’’д̇и.

    Taṃdivasañca sāriputtatthero nirodhasamāpattito vuṭṭhāya ‘‘kassa ajja mayā saṅgahaṃ kātuṃ vaṭṭatī’’ti āvajjento imassa puṇṇassa upanissayaṃ disvā bhikkhācāravelāya pattacīvaramādāya puṇṇassa kasanaṭṭhānaṃ gacchanto avidūre attānaṃ dassesi. Puṇṇo theraṃ disvā kasiṃ ṭhapetvā therassa santikaṃ gantvā pañcapatiṭṭhitena vandi. Thero taṃ oloketvā udakasabhāgaṃ pucchi. Tassa etadahosi – ‘‘ayyo mukhaṃ dhovitukāmo bhavissatī’’ti. Tato vegena gantvā dantakaṭṭhaṃ āharitvā kappiyaṃ katvā therassa adāsi. There dantakaṭṭhaṃ khādante pattena saddhiṃ dhammakaraṇaṃ nīharitvā udakassa pūretvā āhari. Thero mukhaṃ dhovitvā bhikkhācāramaggaṃ paṭipajji. Puṇṇo cintesi – ‘‘thero aññesu divasesu imaṃ maggaṃ na paṭipajjati, ajja pana mayhaṃ saṅgahatthāya paṭipanno bhavissati. Aho vata me bhariyā mamatthāya āharaṇakaṃ āhāraṃ therassa patte patiṭṭhapeyyā’’ti.

    ат̇асса бхарияаа ‘‘аж̇ж̇а нагкад̇д̇ад̣̇ивасо’’д̇и баад̇ова ад̇д̇ано лабханаганияаамзна каад̣̇анийяабхож̇анийяам̣ сам̣вид̇хааяа г̇ахзд̇ваа саамигасса гасанадтаанам̣ ааг̇ажчанд̇ий анд̇араамаг̇г̇з т̇зрам̣ д̣̇исваа жинд̇зси – ‘‘ан̃н̃зсу д̣̇ивасзсу маяхам̣ т̇зрам̣ д̣̇исваа д̣̇зяяад̇хаммо на ход̇и, д̣̇зяяад̇хаммз санд̇зби мама аяяам̣ на бассаами, аж̇ж̇а бана д̣̇виннамби саммукийбхааво ж̇аад̇о. мама саамигасса буна самбаад̣̇зд̇ваа аахариссаами, имам̣ д̇аава аахаарам̣ т̇зрасса д̣̇ассаамий’’д̇и д̇ийхи жзд̇анаахи самбаяуд̇д̇ам̣ гад̇ваа д̇ам̣ бхож̇анам̣ саарибуд̇д̇ад̇т̇зрасса бад̇д̇з бад̇идтабзд̇ваа ‘‘звам̣вид̇хаа д̣̇уг̇г̇ад̇аж̇ийвид̇аа мужжаамий’’д̇и ааха. т̇зроби ‘‘д̇ава аж̇жхаасаяо буурад̇уу’’д̇и д̇ассаанумод̣̇анам̣ гад̇ваа д̇ад̇о нивад̇д̇ид̇ваа вихаарам̣ аг̇амааси.

    Athassa bhariyā ‘‘ajja nakkhattadivaso’’ti pātova attano labhanakaniyāmena khādanīyabhojanīyaṃ saṃvidhāya gahetvā sāmikassa kasanaṭṭhānaṃ āgacchantī antarāmagge theraṃ disvā cintesi – ‘‘aññesu divasesu mayhaṃ theraṃ disvā deyyadhammo na hoti, deyyadhamme santepi mama ayyaṃ na passāmi, ajja pana dvinnampi sammukhībhāvo jāto. Mama sāmikassa puna sampādetvā āharissāmi, imaṃ tāva āhāraṃ therassa dassāmī’’ti tīhi cetanāhi sampayuttaṃ katvā taṃ bhojanaṃ sāriputtattherassa patte patiṭṭhapetvā ‘‘evaṃvidhā duggatajīvitā muccāmī’’ti āha. Theropi ‘‘tava ajjhāsayo pūratū’’ti tassānumodanaṃ katvā tato nivattitvā vihāraṃ agamāsi.

    сааби буна ад̇д̇ано г̇зхам̣ г̇анд̇ваа саамигасса аахаарам̣ самбаад̣̇зд̇ваа аад̣̇ааяа гасанадтаанам̣ г̇анд̇ваа саамигасса гуж̇жханабхаавад̇о бхийд̇аа ‘‘саами, аж̇ж̇а згад̣̇ивасам̣ д̇ава манам̣ санд̇хаарзхий’’д̇и ааха. гим̣ гааран̣аад̇и? ахам̣ аж̇ж̇а д̇аава аахаарам̣ аахаранд̇ий анд̇араамаг̇г̇з т̇зрам̣ д̣̇исваа д̇ава бхааг̇абхад̇д̇ам̣ т̇зрасса бад̇д̇з бад̇идтабзд̇ваа буна г̇зхам̣ г̇анд̇ваа аахаарам̣ бажид̇ваа аад̣̇ааяа ааг̇ад̇аамхийд̇и. манаабам̣ д̇з, бхад̣̇д̣̇з, гад̇ам̣, маяааби баад̇ова т̇зрасса д̣̇анд̇агадтан̃жа мукод̣̇аган̃жа д̣̇иннам̣. аж̇ж̇а амхаагам̣ суббабхаад̇ам̣, саб̣б̣амби т̇зрасса амхаагам̣ санд̇агамзва ж̇аад̇анд̇и д̣̇виннамби ж̇анаанам̣ згасад̣̇исамзва жид̇д̇ам̣ ахоси. ат̇а бун̣н̣о аахаарагижжам̣ гад̇ваа бхарияааяа уурумхи сийсам̣ гад̇ваа мухуд̇д̇ам̣ нибаж̇ж̇и. ат̇асса нид̣̇д̣̇аа оггами. со т̇огам̣ нид̣̇д̣̇ааяид̇ваа баб̣уд̣̇д̇хо гасид̇адтаанам̣ ологзси, ологид̇ологид̇адтаанам̣ махаагосаад̇агибубпзхи самбаригин̣н̣ам̣ вияа ахоси. со бхарияам̣ ааха – ‘‘бхад̣̇д̣̇з, гиннаамзд̇ам̣ аж̇ж̇а ид̣̇ам̣ гасид̇адтаанам̣ суван̣н̣аван̣н̣ам̣ худ̇ваа кааяад̇ий’’д̇и. аяяа , аж̇ж̇а д̇з сагалад̣̇ивасам̣ гиланд̇ад̇ааяа агкийни ман̃н̃з бхаманд̇ийд̇и. бхад̣̇д̣̇з, маяхам̣ ассад̣̇д̣̇аханд̇ий саяам̣ ологзхийд̇и. д̇асмим̣ гаалз саа ологзд̇ваа сабхаавам̣ аяяа, гат̇зси, звамзд̇ам̣ бхависсад̇ийд̇и.

    Sāpi puna attano gehaṃ gantvā sāmikassa āhāraṃ sampādetvā ādāya kasanaṭṭhānaṃ gantvā sāmikassa kujjhanabhāvato bhītā ‘‘sāmi, ajja ekadivasaṃ tava manaṃ sandhārehī’’ti āha. Kiṃ kāraṇāti? Ahaṃ ajja tāva āhāraṃ āharantī antarāmagge theraṃ disvā tava bhāgabhattaṃ therassa patte patiṭṭhapetvā puna gehaṃ gantvā āhāraṃ pacitvā ādāya āgatāmhīti. Manāpaṃ te, bhadde, kataṃ, mayāpi pātova therassa dantakaṭṭhañca mukhodakañca dinnaṃ. Ajja amhākaṃ suppabhātaṃ, sabbampi therassa amhākaṃ santakameva jātanti dvinnampi janānaṃ ekasadisameva cittaṃ ahosi. Atha puṇṇo āhārakiccaṃ katvā bhariyāya ūrumhi sīsaṃ katvā muhuttaṃ nipajji. Athassa niddā okkami. So thokaṃ niddāyitvā pabuddho kasitaṭṭhānaṃ olokesi, olokitolokitaṭṭhānaṃ mahākosātakipupphehi samparikiṇṇaṃ viya ahosi. So bhariyaṃ āha – ‘‘bhadde, kinnāmetaṃ ajja idaṃ kasitaṭṭhānaṃ suvaṇṇavaṇṇaṃ hutvā khāyatī’’ti. Ayya , ajja te sakaladivasaṃ kilantatāya akkhīni maññe bhamantīti. Bhadde, mayhaṃ assaddahantī sayaṃ olokehīti. Tasmiṃ kāle sā oloketvā sabhāvaṃ ayya, kathesi, evametaṃ bhavissatīti.

    бун̣н̣о удтааяа згам̣ гадтим̣ г̇ахзд̇ваа нан̇г̇аласийсз бахари, г̇ул̣абин̣д̣о вияа нан̇г̇аласийсз аллийяид̇ваа адтааси. со бхарияам̣ баггосид̇ваа ааха – ‘‘бхад̣̇д̣̇з, ан̃н̃зсам̣ вабид̇аб̣ийж̇ам̣ наама д̇ийхи ваа жад̇уухи ваа маасзхи палам̣ д̣̇зд̇и, амхаагам̣ бана аяяасса саарибуд̇д̇ад̇т̇зрасса анд̇арз робид̇зна сад̣̇д̇хааб̣ийж̇зна аж̇ж̇зва авассам̣ палам̣ д̣̇иннам̣. имасмим̣ гарийсамад̇д̇з бад̣̇зсз аамалагамад̇д̇оби бам̣субин̣д̣о асуван̣н̣о наама над̇т̇ий’’д̇и. ид̣̇аани гим̣ гариссаама, аяяаад̇и? ‘‘бхад̣̇д̣̇з, имам̣ зд̇д̇агам̣ суван̣н̣ам̣ т̇знзд̇ваа каад̣̇ид̇ум̣ наама на саггаа’’д̇и бхарияам̣ д̇асмим̣ таанз табзд̇ваа бхад̇д̇асса буурзд̇ваа аабхад̇ам̣ баад̇им̣ суван̣н̣асса буурзд̇ваа г̇анд̇ваа ран̃н̃о аарожаабзси – ‘‘зго мануссо суван̣н̣абаад̇им̣ г̇ахзд̇ваа тид̇о’’д̇и. рааж̇аа д̇ам̣ баггосаабзд̇ваа ‘‘гахам̣ д̇з, д̇аад̇а, лад̣̇д̇ха’’нд̇и бужчи. ‘‘д̣̇зва, маяхам̣ згам̣ гасид̇адтаанам̣ саб̣б̣ам̣ суван̣н̣амзва ж̇аад̇ам̣, бахин̣ид̇ваа аахараабзт̇аа’’д̇и ааха. д̇вам̣ гиннаамосийд̇и? бун̣н̣о наама ахам̣, д̣̇зваад̇и. г̇ажчат̇а, бхан̣з, сагадаани яож̇зд̇ваа бун̣н̣асса гасид̇адтаанад̇о суван̣н̣амаахарат̇аад̇и.

    Puṇṇo uṭṭhāya ekaṃ kaṭṭhiṃ gahetvā naṅgalasīse pahari, guḷapiṇḍo viya naṅgalasīse allīyitvā aṭṭhāsi. So bhariyaṃ pakkositvā āha – ‘‘bhadde, aññesaṃ vapitabījaṃ nāma tīhi vā catūhi vā māsehi phalaṃ deti, amhākaṃ pana ayyassa sāriputtattherassa antare ropitena saddhābījena ajjeva avassaṃ phalaṃ dinnaṃ. Imasmiṃ karīsamatte padese āmalakamattopi paṃsupiṇḍo asuvaṇṇo nāma natthī’’ti. Idāni kiṃ karissāma, ayyāti? ‘‘Bhadde, imaṃ ettakaṃ suvaṇṇaṃ thenetvā khādituṃ nāma na sakkā’’ti bhariyaṃ tasmiṃ ṭhāne ṭhapetvā bhattassa pūretvā ābhataṃ pātiṃ suvaṇṇassa pūretvā gantvā rañño ārocāpesi – ‘‘eko manusso suvaṇṇapātiṃ gahetvā ṭhito’’ti. Rājā taṃ pakkosāpetvā ‘‘kahaṃ te, tāta, laddha’’nti pucchi. ‘‘Deva, mayhaṃ ekaṃ kasitaṭṭhānaṃ sabbaṃ suvaṇṇameva jātaṃ, pahiṇitvā āharāpethā’’ti āha. Tvaṃ kinnāmosīti? Puṇṇo nāma ahaṃ, devāti. Gacchatha, bhaṇe, sakaṭāni yojetvā puṇṇassa kasitaṭṭhānato suvaṇṇamāharathāti.

    сагадзхи сад̣̇д̇хим̣ г̇ад̇арааж̇абурисаа ‘‘ран̃н̃о бун̃н̃а’’нд̇и вад̇ваа суван̣н̣абин̣д̣з г̇ан̣ханд̇и, г̇ахид̇аг̇ахид̇амби гасид̇алзд̣д̣уязва ход̇и. д̇з г̇анд̇ваа ран̃н̃о аарожзсум̣. д̇зна хи бхан̣з г̇анд̇ваа ‘‘бун̣н̣асса бун̃н̃а’’нд̇и вад̇ваа г̇ан̣хат̇аад̇и. г̇ахид̇аг̇ахид̇ам̣ суван̣н̣амзва ход̇и. д̇з саб̣б̣амби д̇ам̣ суван̣н̣ам̣ аахарид̇ваа рааж̇ан̇г̇ан̣з раасим̣ агам̣су. рааси уб̣б̣зд̇хзна д̇аалаббамаан̣о ахоси. рааж̇аа ваан̣иж̇з баггосаабзд̇ваа ‘‘гасса г̇зхз зд̇д̇агам̣ суван̣н̣ам̣ ад̇т̇ий’’д̇и бужчи. над̇т̇и, д̣̇зва, гассажийд̇и. зд̇д̇агасса бана д̇ханасса саамино гим̣ гаад̇ум̣ ваддад̇ийд̇и? д̇ханасздтим̣ наама нам̣ гаад̇ум̣ ваддад̇и, д̣̇зваад̇и? д̇зна хи бун̣н̣ам̣ имасмим̣ наг̇арз д̇ханасздтим̣ наама гарот̇аад̇и саб̣б̣ам̣ д̇ам̣ суван̣н̣ам̣ д̇ассзва д̣̇ад̇ваа д̇ам̣д̣̇ивасам̣язвасса сздтидтаанам̣ ад̣̇ааси. со сздти ман̇г̇алам̣ гаронд̇о сад̇д̇аахам̣ б̣уд̣̇д̇хаббамукасса бхигкусан̇гхасса махаад̣̇аанам̣ ад̣̇ааси. сад̇д̇амз д̣̇ивасз д̣̇асаб̣аласса бхад̇д̇аанумод̣̇анааяа бун̣н̣асздтиби бхарияааби д̇хийд̇ааби саб̣б̣з сод̇аабад̇д̇ипалз бад̇идтахим̣су.

    Sakaṭehi saddhiṃ gatarājapurisā ‘‘rañño puñña’’nti vatvā suvaṇṇapiṇḍe gaṇhanti, gahitagahitampi kasitaleḍḍuyeva hoti. Te gantvā rañño ārocesuṃ. Tena hi bhaṇe gantvā ‘‘puṇṇassa puñña’’nti vatvā gaṇhathāti. Gahitagahitaṃ suvaṇṇameva hoti. Te sabbampi taṃ suvaṇṇaṃ āharitvā rājaṅgaṇe rāsiṃ akaṃsu. Rāsi ubbedhena tālappamāṇo ahosi. Rājā vāṇije pakkosāpetvā ‘‘kassa gehe ettakaṃ suvaṇṇaṃ atthī’’ti pucchi. Natthi, deva, kassacīti. Ettakassa pana dhanassa sāmino kiṃ kātuṃ vaṭṭatīti? Dhanaseṭṭhiṃ nāma naṃ kātuṃ vaṭṭati, devāti? Tena hi puṇṇaṃ imasmiṃ nagare dhanaseṭṭhiṃ nāma karothāti sabbaṃ taṃ suvaṇṇaṃ tasseva datvā taṃdivasaṃyevassa seṭṭhiṭṭhānaṃ adāsi. So seṭṭhi maṅgalaṃ karonto sattāhaṃ buddhappamukhassa bhikkhusaṅghassa mahādānaṃ adāsi. Sattame divase dasabalassa bhattānumodanāya puṇṇaseṭṭhipi bhariyāpi dhītāpi sabbe sotāpattiphale patiṭṭhahiṃsu.

    абарабхааг̇з рааж̇аг̇ахасздти ‘‘бун̣н̣асздтино ваяаббад̇д̇аа д̣̇ааригаа ад̇т̇ий’’д̇и суд̇ваа ад̇д̇ано буд̇д̇асса гааран̣аа д̇асса г̇зхам̣ бзсзси. со д̇асса саасанам̣ суд̇ваа ‘‘наахам̣ д̇хийд̇арам̣ д̣̇ассаамий’’д̇и бадисаасанам̣ бзсзси. суманасздтиби буна бзсзси – ‘‘д̇вам̣ мама г̇зхам̣ ниссааяа васид̇ваа ид̣̇аани згаббахаарзнзва иссаро худ̇ваа маяхам̣ д̣̇ааригам̣ на д̣̇зсий’’д̇и. д̇ад̇о бун̣н̣асздти ааха – ‘‘имам̣ д̇аава д̇умхаагам̣ сздти сабхаавамзва гат̇зси , бурисо наама саб̣б̣агаалз звам̣вид̇хоязваад̇и на саллагкзд̇аб̣б̣о. ахан̃хи ид̣̇аани д̇аад̣̇исз бурисз д̣̇аасз гад̇ваа г̇ахзд̇ум̣ саггоми, д̇уяхам̣ бана ж̇аад̇им̣ ваа г̇од̇д̇ам̣ ваа на гобзми. абижа ко мама д̇хийд̇аа сод̇аабаннаа арияасаавигаа д̣̇звасигам̣ гахаабан̣аг̇гханагзхи бубпзхи бууж̇ам̣ гарод̇и, д̇амахам̣ д̇умхаад̣̇исасса мижчаад̣̇идтигасса г̇зхам̣ на бзсзссаамий’’д̇и. звам̣ бун̣н̣асздтисса бадиб̣аахагабхаавам̣ н̃ад̇ваа рааж̇аг̇ахасздти буна саасанам̣ бзсзси – ‘‘бораан̣агам̣ виссаасам̣ маа бхинд̣̇ад̇у, ахам̣ маяхам̣ сун̣исааяа д̣̇звасигам̣ д̣̇виннам̣ гахаабан̣аанам̣ анд̇ханагаани бубпаани саж̇ж̇аабзссаамий’’д̇и. со ‘‘саад̇хуу’’д̇и самбадижчид̇ваа д̇хийд̇арам̣ д̇асса гхарам̣ бзсзси.

    Aparabhāge rājagahaseṭṭhi ‘‘puṇṇaseṭṭhino vayappattā dārikā atthī’’ti sutvā attano puttassa kāraṇā tassa gehaṃ pesesi. So tassa sāsanaṃ sutvā ‘‘nāhaṃ dhītaraṃ dassāmī’’ti paṭisāsanaṃ pesesi. Sumanaseṭṭhipi puna pesesi – ‘‘tvaṃ mama gehaṃ nissāya vasitvā idāni ekappahāreneva issaro hutvā mayhaṃ dārikaṃ na desī’’ti. Tato puṇṇaseṭṭhi āha – ‘‘imaṃ tāva tumhākaṃ seṭṭhi sabhāvameva kathesi , puriso nāma sabbakāle evaṃvidhoyevāti na sallakkhetabbo. Ahañhi idāni tādise purise dāse katvā gahetuṃ sakkomi, tuyhaṃ pana jātiṃ vā gottaṃ vā na kopemi. Apica kho mama dhītā sotāpannā ariyasāvikā devasikaṃ kahāpaṇagghanakehi pupphehi pūjaṃ karoti, tamahaṃ tumhādisassa micchādiṭṭhikassa gehaṃ na pesessāmī’’ti. Evaṃ puṇṇaseṭṭhissa paṭibāhakabhāvaṃ ñatvā rājagahaseṭṭhi puna sāsanaṃ pesesi – ‘‘porāṇakaṃ vissāsaṃ mā bhindatu, ahaṃ mayhaṃ suṇisāya devasikaṃ dvinnaṃ kahāpaṇānaṃ andhanakāni pupphāni sajjāpessāmī’’ti. So ‘‘sādhū’’ti sampaṭicchitvā dhītaraṃ tassa gharaṃ pesesi.

    ат̇згад̣̇ивасам̣ саа бун̣н̣асздтино д̇хийд̇аа уд̇д̇араа ад̇д̇ано саамигам̣ звамааха – ‘‘ахам̣ ад̇д̇ано гулаг̇зхз маасасса адта д̣̇ивасаани ниб̣ад̣̇д̇хам̣ убосат̇агаммам̣ гароми, ид̣̇ааниби д̇умхзсу самбадижчанд̇зсу убосат̇ан̇г̇аани ад̇хидтахзяяа’’нд̇и. со ‘‘на саггаа’’д̇и д̇ам̣ на самбадижчи. саа д̇ам̣ сан̃н̃аабзд̇ум̣ асаггонд̇ий д̇ун̣хий ахоси. буна анд̇овассз ‘‘убосат̇игаа бхависсаамий’’д̇и д̇ад̣̇ааби огаасам̣ гаарзнд̇ий нзва алад̇т̇а. саа анд̇овассз ад̣дхад̇иязсу маасзсу ад̇игганд̇зсу ад̣дхамаасз авасидтз маад̇аабид̇уунам̣ саасанам̣ бзсзси – ‘‘ахам̣ д̇умхзхи жаарагз багкид̇д̇аа зд̇д̇агз ад̣̇д̇хаанз згад̣̇ивасамби убосат̇ан̇г̇аани ад̇хидтаад̇ум̣ на лабхаами, бан̃жад̣̇аса мз гахаабан̣асахассаани бзсзт̇аа’’д̇и. д̇з д̇хийд̇у саасанам̣ суд̇ваа ‘‘гим̣гааран̣аа’’д̇и абужчид̇ваава бахин̣им̣су. уд̇д̇араа д̇з гахаабан̣з г̇ан̣хид̇ваа д̇асмим̣ наг̇арз сиримаа наама г̇ан̣игаа ад̇т̇и, д̇ам̣ баггосаабзд̇ваа ‘‘амма сиримз, ахам̣ имам̣ ад̣дхамаасам̣ убосат̇ан̇г̇аани ад̇хидтахиссаами, д̇вам̣ имаани бан̃жад̣̇аса гахаабан̣асахассаани г̇ахзд̇ваа имам̣ ад̣дхамаасам̣ сздтибуд̇д̇ам̣ барижараахий’’д̇и. саа ‘‘саад̇ху, аяяз’’д̇и самбадижчи. д̇ад̇о бадтааяа сздтибуд̇д̇о ‘‘ахам̣ сиримааяа сад̣̇д̇хим̣ мод̣̇иссаамий’’д̇и уд̇д̇арааяа ад̣дхамаасам̣ убосат̇агаммам̣ самбадижчи.

    Athekadivasaṃ sā puṇṇaseṭṭhino dhītā uttarā attano sāmikaṃ evamāha – ‘‘ahaṃ attano kulagehe māsassa aṭṭha divasāni nibaddhaṃ uposathakammaṃ karomi, idānipi tumhesu sampaṭicchantesu uposathaṅgāni adhiṭṭhaheyya’’nti. So ‘‘na sakkā’’ti taṃ na sampaṭicchi. Sā taṃ saññāpetuṃ asakkontī tuṇhī ahosi. Puna antovasse ‘‘uposathikā bhavissāmī’’ti tadāpi okāsaṃ kārentī neva alattha. Sā antovasse aḍḍhatiyesu māsesu atikkantesu aḍḍhamāse avasiṭṭhe mātāpitūnaṃ sāsanaṃ pesesi – ‘‘ahaṃ tumhehi cārake pakkhittā ettake addhāne ekadivasampi uposathaṅgāni adhiṭṭhātuṃ na labhāmi, pañcadasa me kahāpaṇasahassāni pesethā’’ti. Te dhītu sāsanaṃ sutvā ‘‘kiṃkāraṇā’’ti apucchitvāva pahiṇiṃsu. Uttarā te kahāpaṇe gaṇhitvā tasmiṃ nagare sirimā nāma gaṇikā atthi, taṃ pakkosāpetvā ‘‘amma sirime, ahaṃ imaṃ aḍḍhamāsaṃ uposathaṅgāni adhiṭṭhahissāmi, tvaṃ imāni pañcadasa kahāpaṇasahassāni gahetvā imaṃ aḍḍhamāsaṃ seṭṭhiputtaṃ paricarāhī’’ti. Sā ‘‘sādhu, ayye’’ti sampaṭicchi. Tato paṭṭhāya seṭṭhiputto ‘‘ahaṃ sirimāya saddhiṃ modissāmī’’ti uttarāya aḍḍhamāsaṃ uposathakammaṃ sampaṭicchi.

    саа д̇зна самбадижчид̇абхаавам̣ н̃ад̇ваа д̣̇ивасз д̣̇ивасз баад̇ова д̣̇аасиг̇ан̣абаривуд̇аа сад̇т̇у сахад̇т̇аа каад̣̇анийяабхож̇анийяам̣ сам̣вид̣̇ахид̇ваа сад̇т̇ари бхад̇д̇агижжам̣ гад̇ваа вихаарам̣ г̇ад̇з убосат̇ан̇г̇аани ад̇хидтааяа баасаад̣̇аварам̣ ааруяха ад̇д̇ано сийлаани ааваж̇ж̇амаанаа нисийд̣̇ад̇и. звам̣ ад̣дхамаасам̣ вийд̇инаамзд̇ваа убосат̇ам̣ виссаж̇ж̇анад̣̇ивасз баад̇ова яааг̇укаж̇ж̇агаад̣̇ийни сам̣вид̣̇аханд̇ий вижарад̇и. д̇асмим̣ самаяз сздтибуд̇д̇о сиримааяа сад̣̇д̇хим̣ убарибаасаад̣̇авараг̇ад̇о ж̇аалаваад̇абаанам̣ виварид̇ваа анд̇аравад̇т̇ум̣ ологзнд̇о адтааси. уд̇д̇араа, ваад̇абаанажчид̣̇д̣̇зна уд̣̇д̇хам̣ ологзси. сздтибуд̇д̇о уд̇д̇арам̣ ологзд̇ваа ‘‘нзраяигаж̇аад̇игаа вад̇ааяам̣ звам̣вид̇хам̣ наама самбад̇д̇им̣ бахааяа угкалигамасимагкид̇аа худ̇ваа ниггааран̣аа д̣̇аасийнам̣ анд̇арз вижарад̇ий’’д̇и сид̇ам̣ агааси. уд̇д̇араа, д̇асса бамаад̣̇абхаавам̣ н̃ад̇ваа ‘‘аяам̣ б̣аало наама ад̇д̇ано самбад̇д̇и саб̣б̣агаалам̣ т̇аавараад̇и сан̃н̃ий бхависсад̇ий’’д̇и саяамби сид̇ам̣ агааси. д̇ад̇о сиримаа ‘‘аяам̣ жздигаа маяи тид̇ааяа звам̣ мама саамигзна сад̣̇д̇хим̣ сид̇ам̣ гарод̇ий’’д̇и губид̇аа взг̇зна од̇ари. уд̇д̇араа, д̇ассаа ааг̇аманаагаббзнзва ‘‘аяам̣ б̣аалаа ад̣дхамаасамад̇д̇ам̣ имасмим̣ г̇зхз васид̇ваа маяхамзвзд̇ам̣ г̇зханд̇исан̃н̃ий ж̇аад̇аа’’д̇и н̃ад̇ваа д̇ан̇кан̣ан̃н̃зва мзд̇д̇аажхаанам̣ самаабаж̇ж̇ид̇ваа адтааси. сиримааби д̣̇аасийнам̣ анд̇арзна ааг̇анд̇ваа ул̣ун̇гам̣ г̇ахзд̇ваа буувабажанадтаанз баггут̇ид̇ад̇зласса буурзд̇ваа уд̇д̇арааяа мад̇т̇агз аасин̃жи, мзд̇д̇аажхаанасса вибпаарзна уд̇д̇арааяа мад̇т̇агз аасид̇д̇ам̣ баггут̇ид̇ад̇злам̣ бад̣̇умабад̇д̇з аасид̇д̇ауд̣̇агам̣ вияа винивад̇д̇ид̇ваа г̇ад̇ам̣.

    Sā tena sampaṭicchitabhāvaṃ ñatvā divase divase pātova dāsigaṇaparivutā satthu sahatthā khādanīyabhojanīyaṃ saṃvidahitvā satthari bhattakiccaṃ katvā vihāraṃ gate uposathaṅgāni adhiṭṭhāya pāsādavaraṃ āruyha attano sīlāni āvajjamānā nisīdati. Evaṃ aḍḍhamāsaṃ vītināmetvā uposathaṃ vissajjanadivase pātova yāgukhajjakādīni saṃvidahantī vicarati. Tasmiṃ samaye seṭṭhiputto sirimāya saddhiṃ uparipāsādavaragato jālavātapānaṃ vivaritvā antaravatthuṃ olokento aṭṭhāsi. Uttarā, vātapānacchiddena uddhaṃ olokesi. Seṭṭhiputto uttaraṃ oloketvā ‘‘nerayikajātikā vatāyaṃ evaṃvidhaṃ nāma sampattiṃ pahāya ukkhalikamasimakkhitā hutvā nikkāraṇā dāsīnaṃ antare vicaratī’’ti sitaṃ akāsi. Uttarā, tassa pamādabhāvaṃ ñatvā ‘‘ayaṃ bālo nāma attano sampatti sabbakālaṃ thāvarāti saññī bhavissatī’’ti sayampi sitaṃ akāsi. Tato sirimā ‘‘ayaṃ ceṭikā mayi ṭhitāya evaṃ mama sāmikena saddhiṃ sitaṃ karotī’’ti kupitā vegena otari. Uttarā, tassā āgamanākappeneva ‘‘ayaṃ bālā aḍḍhamāsamattaṃ imasmiṃ gehe vasitvā mayhamevetaṃ gehantisaññī jātā’’ti ñatvā taṅkhaṇaññeva mettājhānaṃ samāpajjitvā aṭṭhāsi. Sirimāpi dāsīnaṃ antarena āgantvā uḷuṅkaṃ gahetvā pūvapacanaṭṭhāne pakkuthitatelassa pūretvā uttarāya matthake āsiñci, mettājhānassa vipphārena uttarāya matthake āsittaṃ pakkuthitatelaṃ padumapatte āsittaudakaṃ viya vinivattitvā gataṃ.

    д̇асмим̣ кан̣з сиримааяа самийбз тид̇аа д̣̇аасияо д̇ам̣ ологзд̇ваа, ‘‘бхо ж̇з, д̇вам̣ амхаагам̣ аяяааяа хад̇т̇ад̇о муулам̣ г̇ахзд̇ваа ааг̇ад̇аа имасмим̣ г̇зхз васамаанаа амхаагам̣ аяяааяа сад̣̇исаа бхавид̇ум̣ вааяамасий’’д̇и саммукадтаанз д̇ам̣ барибхаасим̣су. д̇асмим̣ кан̣з сиримаа ад̇д̇ано ааг̇анд̇угабхаавам̣ ан̃н̃ааси. саа д̇ад̇ова г̇анд̇ваа уд̇д̇арааяа баад̣̇зсу бад̇ид̇ваа, ‘‘аяяз, анубад̇хаарзд̇ваа мз гад̇ам̣, камат̇а маяха’’нд̇и ааха. амма сиримз, наахам̣ д̇ава имасмим̣ таанз камиссаами, ахам̣ сабид̇игаа д̇хийд̇аа, д̣̇асаб̣алз каманд̇зязва камиссаамийд̇и.

    Tasmiṃ khaṇe sirimāya samīpe ṭhitā dāsiyo taṃ oloketvā, ‘‘bho je, tvaṃ amhākaṃ ayyāya hatthato mūlaṃ gahetvā āgatā imasmiṃ gehe vasamānā amhākaṃ ayyāya sadisā bhavituṃ vāyamasī’’ti sammukhaṭṭhāne taṃ paribhāsiṃsu. Tasmiṃ khaṇe sirimā attano āgantukabhāvaṃ aññāsi. Sā tatova gantvā uttarāya pādesu patitvā, ‘‘ayye, anupadhāretvā me kataṃ, khamatha mayha’’nti āha. Amma sirime, nāhaṃ tava imasmiṃ ṭhāne khamissāmi, ahaṃ sapitikā dhītā, dasabale khamanteyeva khamissāmīti.

    сад̇т̇ааби ко бхигкусан̇гхабаривааро ааг̇анд̇ваа уд̇д̇арааяа нивзсанз бан̃н̃ад̇д̇аасанз нисийд̣̇и. сиримаа г̇анд̇ваа сад̇т̇у баад̣̇зсу бад̇ид̇ваа, ‘‘бханд̇з, маяаа аяяааяа уд̇д̇арааяа анд̇арз зго д̣̇осо гад̇о, д̇умхзсу каманд̇зсу камиссаамийд̇и вад̣̇ад̇и, камат̇а маяхам̣ бхаг̇аваа’’д̇и. камаами д̇з сиримзд̇и. саа д̇асмим̣ гаалз г̇анд̇ваа уд̇д̇арам̣ камаабзси. д̇ам̣д̣̇ивасан̃жа сиримаа д̣̇асаб̣аласса бхад̇д̇аанумод̣̇анам̣ суд̇ваа –

    Satthāpi kho bhikkhusaṅghaparivāro āgantvā uttarāya nivesane paññattāsane nisīdi. Sirimā gantvā satthu pādesu patitvā, ‘‘bhante, mayā ayyāya uttarāya antare eko doso kato, tumhesu khamantesu khamissāmīti vadati, khamatha mayhaṃ bhagavā’’ti. Khamāmi te sirimeti. Sā tasmiṃ kāle gantvā uttaraṃ khamāpesi. Taṃdivasañca sirimā dasabalassa bhattānumodanaṃ sutvā –

    ‘‘аггод̇хзна ж̇инз год̇хам̣, асаад̇хум̣ саад̇хунаа ж̇инз;

    ‘‘Akkodhena jine kodhaṃ, asādhuṃ sādhunā jine;

    ж̇инз гад̣̇арияам̣ д̣̇аанзна, сажжзнаалигаваад̣̇ина’’нд̇и. (д̇ха. ба. 223) –

    Jine kadariyaṃ dānena, saccenālikavādina’’nti. (dha. pa. 223) –

    г̇аат̇аабарияосаанз сод̇аабад̇д̇ипалз бад̇идтид̇аа д̣̇асаб̣алам̣ ниманд̇зд̇ваа бунад̣̇ивасз махаад̣̇аанам̣ ад̣̇ааси. звамзд̇ам̣ вад̇т̇у самудтид̇ам̣. абарабхааг̇з бана сад̇т̇аа ж̇зд̇аванз нисийд̣̇ид̇ваа убаасигааяо таананд̇арзсу табзнд̇о уд̇д̇арам̣ нанд̣̇амаад̇арам̣ жхааяийнам̣ аг̇г̇адтаанз табзсийд̇и.

    Gāthāpariyosāne sotāpattiphale patiṭṭhitā dasabalaṃ nimantetvā punadivase mahādānaṃ adāsi. Evametaṃ vatthu samuṭṭhitaṃ. Aparabhāge pana satthā jetavane nisīditvā upāsikāyo ṭhānantaresu ṭhapento uttaraṃ nandamātaraṃ jhāyīnaṃ aggaṭṭhāne ṭhapesīti.

    суббаваасаавад̇т̇у

    Suppavāsāvatthu

    263. чадтз бан̣ийд̇ад̣̇ааяигаананд̇и бан̣ийд̇арасад̣̇ааяигаанам̣ убаасигаанам̣, суббаваасаа голияад̇хийд̇аа, аг̇г̇аад̇и д̣̇ассзд̇и. саа гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇аа сад̇т̇у д̇хаммад̣̇зсанам̣ сун̣анд̇ий сад̇т̇аарам̣ згам̣ убаасигам̣ бан̣ийд̇ад̣̇ааяигаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з голияанаг̇арз кад̇д̇ияагулз ниб̣б̣ад̇д̇и, суббаваасаад̇иссаа наамам̣ агам̣су. саа ваяаббад̇д̇аа згасса сагяагумаарасса г̇зхам̣ г̇ад̇аа, батамад̣̇ассанзязва сад̇т̇у д̇хаммагат̇ам̣ суд̇ваа сод̇аабад̇д̇ипалз бад̇идтааси. саа абарабхааг̇з сийвалим̣ наама д̣̇аарагам̣ виж̇ааяи. д̇асса вад̇т̇у хздтаа вид̇т̇аарид̇амзва.

    263. Chaṭṭhe paṇītadāyikānanti paṇītarasadāyikānaṃ upāsikānaṃ, suppavāsā koliyadhītā, aggāti dasseti. Sā kira padumuttarabuddhakāle haṃsavatiyaṃ kulagehe nibbattā satthu dhammadesanaṃ suṇantī satthāraṃ ekaṃ upāsikaṃ paṇītadāyikānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā imasmiṃ buddhuppāde koliyanagare khattiyakule nibbatti, suppavāsātissā nāmaṃ akaṃsu. Sā vayappattā ekassa sakyakumārassa gehaṃ gatā, paṭhamadassaneyeva satthu dhammakathaṃ sutvā sotāpattiphale patiṭṭhāsi. Sā aparabhāge sīvaliṃ nāma dārakaṃ vijāyi. Tassa vatthu heṭṭhā vitthāritameva.

    саа згасмим̣ самаяз б̣уд̣̇д̇хаббамукасса бхигкусан̇гхасса наанаг̇г̇арасабан̣ийд̇абхож̇анам̣ ад̣̇ааси. сад̇т̇аа гад̇абхад̇д̇агижжо анумод̣̇анам̣ гаронд̇о суббаваасааяа имам̣ д̇хаммам̣ д̣̇зсзси ‘‘бхож̇анам̣ суббаваасз д̣̇знд̇ий арияасаавигаа бадиг̇г̇аахагаанам̣ бан̃жа таанаани д̣̇зд̇и. ааяум̣ д̣̇зд̇и, ван̣н̣ам̣ д̣̇зд̇и, сукам̣ д̣̇зд̇и, б̣алам̣ д̣̇зд̇и, бадибхаанам̣ д̣̇зд̇и. ааяум̣ ко бана д̣̇ад̇ваа ааяусса бхааг̇иний ход̇и д̣̇иб̣б̣асса ваа маанусасса ваа…бз… бадибхаанам̣ д̣̇ад̇ваа бадибхаанасса бхааг̇иний ход̇и д̣̇иб̣б̣асса ваа маанусасса ваа’’д̇и. звамзд̇ам̣ вад̇т̇у самудтид̇ам̣. ат̇а абарабхааг̇з сад̇т̇аа ж̇зд̇аванз нисийд̣̇ид̇ваа убаасигааяо таананд̇арзсу табзнд̇о суббаваасам̣ голияад̇хийд̇арам̣ бан̣ийд̇ад̣̇ааяигаанам̣ аг̇г̇адтаанз табзсийд̇и.

    Sā ekasmiṃ samaye buddhappamukhassa bhikkhusaṅghassa nānaggarasapaṇītabhojanaṃ adāsi. Satthā katabhattakicco anumodanaṃ karonto suppavāsāya imaṃ dhammaṃ desesi ‘‘bhojanaṃ suppavāse dentī ariyasāvikā paṭiggāhakānaṃ pañca ṭhānāni deti. Āyuṃ deti, vaṇṇaṃ deti, sukhaṃ deti, balaṃ deti, paṭibhānaṃ deti. Āyuṃ kho pana datvā āyussa bhāginī hoti dibbassa vā mānusassa vā…pe… paṭibhānaṃ datvā paṭibhānassa bhāginī hoti dibbassa vā mānusassa vā’’ti. Evametaṃ vatthu samuṭṭhitaṃ. Atha aparabhāge satthā jetavane nisīditvā upāsikāyo ṭhānantaresu ṭhapento suppavāsaṃ koliyadhītaraṃ paṇītadāyikānaṃ aggaṭṭhāne ṭhapesīti.

    суббияаавад̇т̇у

    Suppiyāvatthu

    264. сад̇д̇амз г̇илаанубадтаагийнанд̇и г̇илаанубадтаагийнам̣ убаасигаанам̣, суббияаа убаасигаа, аг̇г̇аад̇и д̣̇ассзд̇и. аяам̣ гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇аа абарабхааг̇з сад̇т̇у д̇хаммад̣̇зсанам̣ сун̣анд̇ий сад̇т̇аарам̣ згам̣ убаасигам̣ г̇илаанубадтаагийнам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з б̣аараан̣асияам̣ гулаг̇зхз ниб̣б̣ад̇д̇и, суббияаад̇иссаа наамам̣ агам̣су. абарабхааг̇з сад̇т̇аа бхигкусан̇гхабаривааро б̣аараан̣асим̣ аг̇амааси. саа д̇ат̇ааг̇ад̇асса батамад̣̇ассанзязва д̇хаммам̣ суд̇ваа сод̇аабад̇д̇ипалз бад̇идтааси.

    264. Sattame gilānupaṭṭhākīnanti gilānupaṭṭhākīnaṃ upāsikānaṃ, suppiyā upāsikā, aggāti dasseti. Ayaṃ kira padumuttarabuddhakāle haṃsavatiyaṃ kulagehe nibbattā aparabhāge satthu dhammadesanaṃ suṇantī satthāraṃ ekaṃ upāsikaṃ gilānupaṭṭhākīnaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā imasmiṃ buddhuppāde bārāṇasiyaṃ kulagehe nibbatti, suppiyātissā nāmaṃ akaṃsu. Aparabhāge satthā bhikkhusaṅghaparivāro bārāṇasiṃ agamāsi. Sā tathāgatassa paṭhamadassaneyeva dhammaṃ sutvā sotāpattiphale patiṭṭhāsi.

    ат̇згад̣̇ивасам̣ д̇хаммассаванад̇т̇ааяа вихаарам̣ г̇ад̇аа. вихааражааригам̣ жарамаанаа згам̣ бхигкум̣ г̇илаанам̣ д̣̇исваа абхиваад̣̇зд̇ваа бадисант̇аарам̣ гад̇ваа ‘‘аяяасса гим̣ лад̣̇д̇хум̣ ваддад̇ий’’д̇и бужчи. расам̣ лад̣̇д̇хум̣ ваддад̇и, убаасигзд̇и. ‘‘ход̇у, бханд̇з, ахам̣ бахин̣иссаамий’’д̇и т̇зрам̣ абхиваад̣̇зд̇ваа анд̇онаг̇арам̣ г̇анд̇ваа бунад̣̇ивасз бавад̇д̇амам̣сад̇т̇ааяа д̣̇аасим̣ анд̇араабан̣ам̣ бзсзси. саа сагаланаг̇арз бавад̇д̇амам̣сам̣ алабхид̇ваа алад̣̇д̇хабхаавам̣ гат̇зси. убаасигаа жинд̇зси – ‘‘ахам̣ аяяасса расам̣ бахин̣иссаамийд̇и вад̇ваа сажз на бзсзссаами , аяяо ан̃н̃ад̇оби алабханд̇о гиламиссад̇и, яам̣гин̃жи гад̇ваа бзсзд̇ум̣ ваддад̇ий’’д̇и г̇аб̣бхам̣ бависид̇ваа уурумам̣сам̣ чинд̣̇ид̇ваа д̣̇аасияаа ад̣̇ааси ‘‘ид̣̇ам̣ мам̣сам̣ г̇ахзд̇ваа самбхаарзхи яож̇зд̇ваа расам̣ гад̇ваа вихаарам̣ нзд̇ваа аяяасса д̣̇зхи. со жз мам̣ бужчад̇и, г̇илаанаад̇и вад̣̇зхий’’д̇и. саа д̇ат̇аа агааси.

    Athekadivasaṃ dhammassavanatthāya vihāraṃ gatā. Vihāracārikaṃ caramānā ekaṃ bhikkhuṃ gilānaṃ disvā abhivādetvā paṭisanthāraṃ katvā ‘‘ayyassa kiṃ laddhuṃ vaṭṭatī’’ti pucchi. Rasaṃ laddhuṃ vaṭṭati, upāsiketi. ‘‘Hotu, bhante, ahaṃ pahiṇissāmī’’ti theraṃ abhivādetvā antonagaraṃ gantvā punadivase pavattamaṃsatthāya dāsiṃ antarāpaṇaṃ pesesi. Sā sakalanagare pavattamaṃsaṃ alabhitvā aladdhabhāvaṃ kathesi. Upāsikā cintesi – ‘‘ahaṃ ayyassa rasaṃ pahiṇissāmīti vatvā sace na pesessāmi , ayyo aññatopi alabhanto kilamissati, yaṃkiñci katvā pesetuṃ vaṭṭatī’’ti gabbhaṃ pavisitvā ūrumaṃsaṃ chinditvā dāsiyā adāsi ‘‘idaṃ maṃsaṃ gahetvā sambhārehi yojetvā rasaṃ katvā vihāraṃ netvā ayyassa dehi. So ce maṃ pucchati, gilānāti vadehī’’ti. Sā tathā akāsi.

    сад̇т̇аа д̇ам̣ гааран̣ам̣ н̃ад̇ваа бунад̣̇ивасз бхигкаажааравзлааяа бхигкусан̇гхабаривуд̇о убаасигааяа г̇зхам̣ аг̇амааси. саа д̇ат̇ааг̇ад̇асса ааг̇ад̇абхаавам̣ суд̇ваа саамигам̣ ааманд̇зси – ‘‘аяяабуд̇д̇а, ахам̣ сад̇т̇у санд̇игам̣ г̇анд̇ум̣ на саггоми, г̇ажча д̇вам̣ сад̇т̇аарам̣ анд̇ог̇зхам̣ бавзсзд̇ваа нисийд̣̇аабзхий’’д̇и. со д̇ат̇аа агааси. сад̇т̇аа ‘‘гахам̣ суббияаа’’д̇и бужчи. г̇илаанаа, бханд̇зд̇и. баггосат̇а, нанд̇и. ат̇а д̇з г̇анд̇ваа ‘‘сад̇т̇аа д̇ам̣ баггосад̇ий’’д̇и аахам̣су. саа жинд̇зси – ‘‘саб̣б̣алогасса хид̇аанугамбаго сад̇т̇аа на имам̣ гааран̣ам̣ ад̣̇исваа баггосаабзссад̇ий’’д̇и сахасаа ман̃жамхаа вудтааси. ат̇ассаа б̣уд̣̇д̇хаанубхаавзна д̇ам̣кан̣ам̣язва ван̣о рухид̇ваа сужчави ахоси сзсадтаанад̇о ад̇ирзгад̇арам̣ виббасаннаван̣н̣о. д̇асмим̣ кан̣з убаасигаа сид̇ам̣ гад̇ваа д̣̇асаб̣алам̣ бан̃жабад̇идтид̇зна ванд̣̇ид̇ваа згаманд̇ам̣ нисийд̣̇и. сад̇т̇аа ‘‘имиссаа убаасигааяа гим̣ апаасуга’’нд̇и бужчи. саа ад̇д̇анаа гад̇агааран̣ам̣ саб̣б̣ам̣ гат̇зси. сад̇т̇аа гад̇абхад̇д̇агижжо вихаарам̣ г̇анд̇ваа бхигкусан̇гхам̣ саннибаад̇аабзд̇ваа д̇ам̣ бхигкум̣ анзгабарияааязна виг̇арахид̇ваа сигкаабад̣̇ам̣ (махаава. 280) бан̃н̃абзси. звамзд̇ам̣ вад̇т̇у самудтид̇ам̣. абарабхааг̇з сад̇т̇аа ж̇зд̇аванз нисинно убаасигааяо таананд̇арзсу табзнд̇о суббияам̣ убаасигам̣ г̇илаанубадтаагийнам̣ аг̇г̇адтаанз табзсийд̇и.

    Satthā taṃ kāraṇaṃ ñatvā punadivase bhikkhācāravelāya bhikkhusaṅghaparivuto upāsikāya gehaṃ agamāsi. Sā tathāgatassa āgatabhāvaṃ sutvā sāmikaṃ āmantesi – ‘‘ayyaputta, ahaṃ satthu santikaṃ gantuṃ na sakkomi, gaccha tvaṃ satthāraṃ antogehaṃ pavesetvā nisīdāpehī’’ti. So tathā akāsi. Satthā ‘‘kahaṃ suppiyā’’ti pucchi. Gilānā, bhanteti. Pakkosatha, nanti. Atha te gantvā ‘‘satthā taṃ pakkosatī’’ti āhaṃsu. Sā cintesi – ‘‘sabbalokassa hitānukampako satthā na imaṃ kāraṇaṃ adisvā pakkosāpessatī’’ti sahasā mañcamhā vuṭṭhāsi. Athassā buddhānubhāvena taṃkhaṇaṃyeva vaṇo ruhitvā succhavi ahosi sesaṭṭhānato atirekataraṃ vippasannavaṇṇo. Tasmiṃ khaṇe upāsikā sitaṃ katvā dasabalaṃ pañcapatiṭṭhitena vanditvā ekamantaṃ nisīdi. Satthā ‘‘imissā upāsikāya kiṃ aphāsuka’’nti pucchi. Sā attanā katakāraṇaṃ sabbaṃ kathesi. Satthā katabhattakicco vihāraṃ gantvā bhikkhusaṅghaṃ sannipātāpetvā taṃ bhikkhuṃ anekapariyāyena vigarahitvā sikkhāpadaṃ (mahāva. 280) paññapesi. Evametaṃ vatthu samuṭṭhitaṃ. Aparabhāge satthā jetavane nisinno upāsikāyo ṭhānantaresu ṭhapento suppiyaṃ upāsikaṃ gilānupaṭṭhākīnaṃ aggaṭṭhāne ṭhapesīti.

    гаад̇ияаанийвад̇т̇у

    Kātiyānīvatthu

    265. адтамз авзжжаббасаннаананд̇и ад̇хиг̇ад̇зна ажалаббасаад̣̇зна саманнааг̇ад̇аанам̣ убаасигаанам̣, гаад̇ияааний, аг̇г̇аад̇и д̣̇ассзд̇и. саа гира бад̣̇умуд̇д̇араб̣уд̣̇д̇хагаалз хам̣савад̇ияам̣ гулаг̇зхз ниб̣б̣ад̇д̇аа сад̇т̇аарам̣ згам̣ убаасигам̣ авзжжаббасаннаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з гурарагхаранаг̇арз ниб̣б̣ад̇д̇и, гаад̇ияаанийд̇иссаа наамам̣ агам̣су.

    265. Aṭṭhame aveccappasannānanti adhigatena acalappasādena samannāgatānaṃ upāsikānaṃ, kātiyānī, aggāti dasseti. Sā kira padumuttarabuddhakāle haṃsavatiyaṃ kulagehe nibbattā satthāraṃ ekaṃ upāsikaṃ aveccappasannānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā imasmiṃ buddhuppāde kuraragharanagare nibbatti, kātiyānītissā nāmaṃ akaṃsu.

    саа абарабхааг̇з ваяаббад̇д̇аа гурарагхаригааяа, гаал̣ияаа сахааяигаа, д̣̇ал̣хамид̇д̇аа ахоси. яад̣̇аа бана гудиган̣н̣асон̣ад̇т̇зро ‘‘д̣̇асаб̣аласса гат̇ид̇анияаамзна маяхамби д̇хаммам̣ гат̇зхий’’д̇и маад̇араа яаажид̇о рад̇д̇ибхааг̇з анд̇онаг̇арз алан̇гад̇ад̇хаммаасанз нисийд̣̇ид̇ваа маад̇арам̣ гааяасагким̣ гад̇ваа д̇хаммад̣̇зсанам̣ аарабхи, д̇ад̣̇аа аяам̣ гаад̇ияааний убаасигаа гаал̣ияаа сад̣̇д̇хим̣ г̇анд̇ваа барисабарияанд̇з д̇хаммам̣ сун̣анд̇ий адтааси. д̇асмим̣ самаяз бан̃жамад̇д̇аани жорасад̇аани анд̇онаг̇арз д̣̇иваа гад̇асан̃н̃ааяа годид̇о бадтааяа умман̇г̇ам̣ канид̇ваа имиссаа гаад̇ияаанияаа гхарам̣ самбаабун̣им̣су. д̇зсам̣ жораж̇здтаго д̇зхи сад̣̇д̇хим̣ абависид̇ваа ‘‘гим̣ ну ко аяам̣ барисаа саннибад̇ид̇аа’’д̇и виймам̣санад̇т̇ааяа сон̣ад̇т̇зрасса д̇хаммагат̇анадтаанам̣ г̇анд̇ваа барисабарияанд̇з д̇идтамаано имиссаа гаад̇ияаанияаа бидтибассз адтааси.

    Sā aparabhāge vayappattā kuraragharikāya, kāḷiyā sahāyikā, daḷhamittā ahosi. Yadā pana kuṭikaṇṇasoṇatthero ‘‘dasabalassa kathitaniyāmena mayhampi dhammaṃ kathehī’’ti mātarā yācito rattibhāge antonagare alaṅkatadhammāsane nisīditvā mātaraṃ kāyasakkhiṃ katvā dhammadesanaṃ ārabhi, tadā ayaṃ kātiyānī upāsikā kāḷiyā saddhiṃ gantvā parisapariyante dhammaṃ suṇantī aṭṭhāsi. Tasmiṃ samaye pañcamattāni corasatāni antonagare divā katasaññāya koṭito paṭṭhāya ummaṅgaṃ khanitvā imissā kātiyāniyā gharaṃ sampāpuṇiṃsu. Tesaṃ corajeṭṭhako tehi saddhiṃ apavisitvā ‘‘kiṃ nu kho ayaṃ parisā sannipatitā’’ti vīmaṃsanatthāya soṇattherassa dhammakathanaṭṭhānaṃ gantvā parisapariyante tiṭṭhamāno imissā kātiyāniyā piṭṭhipasse aṭṭhāsi.

    д̇асмим̣ самаяз, гаад̇ияааний, д̣̇аасим̣ ааманд̇зси – ‘‘г̇ажча ж̇з, г̇зхам̣ бависид̇ваа д̣̇ийбад̇злам̣ аахара, маяам̣ д̣̇ийбз ж̇аалзд̇ваа д̇хаммам̣ соссаамаа’’д̇и. саа гхарам̣ г̇анд̇ваа умман̇г̇з жорз д̣̇исваа д̣̇ийбад̇злам̣ аг̇ан̣хид̇ваава ааг̇анд̇ваа ад̇д̇ано аяяааяа аарожзси – ‘‘аяяз, г̇зхз жораа умман̇г̇ам̣ кананд̇ий’’д̇и. д̇ам̣ суд̇ваа жораж̇здтаго жинд̇зси – ‘‘сажааяам̣ имиссаа гат̇ам̣ г̇ан̣хид̇ваа г̇зхам̣ г̇амиссад̇и , зд̇т̇зва нам̣ асинаа д̣̇взд̇хаа чинд̣̇иссаами. сажз бана г̇ахид̇анимид̇д̇знзва д̇хаммам̣ сун̣иссад̇и, жорзхи г̇ахид̇абхан̣д̣агамби буна д̣̇аабзссаамий’’д̇и. гаад̇ияаанийби ко д̣̇аасияаа гат̇ам̣ суд̇ваа, ‘‘амма, маа сад̣̇д̣̇ам̣ гари, жораа наама харанд̇аа ад̇д̇анаа д̣̇идтамзва хариссанд̇и, ахам̣ бана аж̇ж̇а д̣̇уллабхассаванам̣ сун̣аами, маа д̇хаммасса анд̇арааяам̣ гарохий’’д̇и ааха. жораж̇здтаго д̇ассаа важанам̣ суд̇ваа жинд̇зси – ‘‘иминаа аж̇жхаасаязна тид̇ааяа наама г̇зхз бхан̣д̣ам̣ харанд̇зхи амхзхи махаабат̇авий бависид̇аб̣б̣аа бхавзяяаа’’д̇и. со д̇аавад̣̇зва г̇анд̇ваа жорзхи г̇ахид̇абхан̣д̣ам̣ чад̣д̣аабзд̇ваа жорзхи сад̣̇д̇хим̣ ааг̇анд̇ваа д̇хаммам̣ сун̣анд̇о барисабарияанд̇з адтааси. гаад̇ияаанийби убаасигаа т̇зрасса д̣̇зсанаабарияосаанз сод̇аабад̇д̇ипалз бад̇идтааси.

    Tasmiṃ samaye, kātiyānī, dāsiṃ āmantesi – ‘‘gaccha je, gehaṃ pavisitvā dīpatelaṃ āhara, mayaṃ dīpe jāletvā dhammaṃ sossāmā’’ti. Sā gharaṃ gantvā ummaṅge core disvā dīpatelaṃ agaṇhitvāva āgantvā attano ayyāya ārocesi – ‘‘ayye, gehe corā ummaṅgaṃ khanantī’’ti. Taṃ sutvā corajeṭṭhako cintesi – ‘‘sacāyaṃ imissā kathaṃ gaṇhitvā gehaṃ gamissati , ettheva naṃ asinā dvedhā chindissāmi. Sace pana gahitanimitteneva dhammaṃ suṇissati, corehi gahitabhaṇḍakampi puna dāpessāmī’’ti. Kātiyānīpi kho dāsiyā kathaṃ sutvā, ‘‘amma, mā saddaṃ kari, corā nāma harantā attanā diṭṭhameva harissanti, ahaṃ pana ajja dullabhassavanaṃ suṇāmi, mā dhammassa antarāyaṃ karohī’’ti āha. Corajeṭṭhako tassā vacanaṃ sutvā cintesi – ‘‘iminā ajjhāsayena ṭhitāya nāma gehe bhaṇḍaṃ harantehi amhehi mahāpathavī pavisitabbā bhaveyyā’’ti. So tāvadeva gantvā corehi gahitabhaṇḍaṃ chaḍḍāpetvā corehi saddhiṃ āgantvā dhammaṃ suṇanto parisapariyante aṭṭhāsi. Kātiyānīpi upāsikā therassa desanāpariyosāne sotāpattiphale patiṭṭhāsi.

    ат̇а арун̣з уг̇г̇ад̇з жораж̇здтаго г̇анд̇ваа убаасигааяа баад̣̇зсу бад̇ид̇ваа, ‘‘аяяз, саб̣б̣зсам̣язва но камаахий’’д̇и ааха. гим̣ бана д̇умхзхи маяхам̣ гад̇анд̇и? со саб̣б̣ам̣ ад̇д̇анаа гад̇ад̣̇осам̣ аарожзси. д̇зна хи, д̇аад̇аа, камаами д̇умхааганд̇и. аяяз, амхаагам̣ звам̣ камид̇ам̣ наама на ход̇и, д̇умхаагам̣ бана буд̇д̇ад̇т̇зрасса санд̇игз саб̣б̣зсам̣язва но баб̣б̣аж̇ж̇ам̣ д̣̇аабзхийд̇и. саа саб̣б̣зби д̇з г̇ахзд̇ваа гудиган̣н̣асон̣ад̇т̇зрасса санд̇игз баб̣б̣ааж̇зси. д̇зби ко жораа т̇зрасса санд̇игз баб̣б̣аж̇ид̇аа саб̣б̣зва арахад̇д̇ам̣ баабун̣им̣су. звамзд̇ам̣ вад̇т̇у самудтид̇ам̣. абарабхааг̇з сад̇т̇аа ж̇зд̇аванз вихаранд̇о убаасигааяо таананд̇арзсу табзнд̇о гаад̇ияааним̣ убаасигам̣ авзжжаббасаннаанам̣ аг̇г̇адтаанз табзсийд̇и.

    Atha aruṇe uggate corajeṭṭhako gantvā upāsikāya pādesu patitvā, ‘‘ayye, sabbesaṃyeva no khamāhī’’ti āha. Kiṃ pana tumhehi mayhaṃ katanti? So sabbaṃ attanā katadosaṃ ārocesi. Tena hi, tātā, khamāmi tumhākanti. Ayye, amhākaṃ evaṃ khamitaṃ nāma na hoti, tumhākaṃ pana puttattherassa santike sabbesaṃyeva no pabbajjaṃ dāpehīti. Sā sabbepi te gahetvā kuṭikaṇṇasoṇattherassa santike pabbājesi. Tepi kho corā therassa santike pabbajitā sabbeva arahattaṃ pāpuṇiṃsu. Evametaṃ vatthu samuṭṭhitaṃ. Aparabhāge satthā jetavane viharanto upāsikāyo ṭhānantaresu ṭhapento kātiyāniṃ upāsikaṃ aveccappasannānaṃ aggaṭṭhāne ṭhapesīti.

    нагуламаад̇аавад̇т̇у

    Nakulamātāvatthu

    266. навамз виссаасигаананд̇и виссаасагат̇ам̣ гат̇знд̇ийнам̣ убаасигаанам̣, нагуламаад̇аа г̇ахабад̇ааний, аг̇г̇аад̇и д̣̇ассзд̇и. яам̣ банзд̇т̇а вад̇д̇аб̣б̣ам̣, д̇ам̣ саб̣б̣ам̣ хздтаа убаасагабаал̣ияам̣ вуд̇д̇амзва. гзвалам̣ ид̇ха нагуламаад̇арам̣ д̇хурам̣ гад̇ваа взд̣̇ид̇аб̣б̣анд̇и.

    266. Navame vissāsikānanti vissāsakathaṃ kathentīnaṃ upāsikānaṃ, nakulamātā gahapatānī, aggāti dasseti. Yaṃ panettha vattabbaṃ, taṃ sabbaṃ heṭṭhā upāsakapāḷiyaṃ vuttameva. Kevalaṃ idha nakulamātaraṃ dhuraṃ katvā veditabbanti.

    гаал̣ийгурарагхаригаавад̇т̇у

    Kāḷīkuraragharikāvatthu

    267. д̣̇асамз ануссаваббасаннаананд̇и ануссавзнзва уббаннзна басаад̣̇зна саманнааг̇ад̇аанам̣ убаасигаанам̣ анд̇арз, гаал̣ий убаасигаа, гурарагхаригаа аг̇г̇аад̇и д̣̇ассзд̇и. саа гира бад̣̇умуд̇д̇араб̣уд̣̇д̇хагаалз хам̣савад̇ияам̣ гурарагхаранаг̇арз ниб̣б̣ад̇д̇аа сад̇т̇у д̇хаммагат̇ам̣ сун̣анд̇ий сад̇т̇аарам̣ згам̣ убаасигам̣ ануссаваббасаннаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з рааж̇аг̇аханаг̇арз гулаг̇зхз ниб̣б̣ад̇д̇и, гаал̣ийд̇иссаа наамам̣ агам̣су.

    267. Dasame anussavappasannānanti anussaveneva uppannena pasādena samannāgatānaṃ upāsikānaṃ antare, kāḷī upāsikā, kuraragharikā aggāti dasseti. Sā kira padumuttarabuddhakāle haṃsavatiyaṃ kuraragharanagare nibbattā satthu dhammakathaṃ suṇantī satthāraṃ ekaṃ upāsikaṃ anussavappasannānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsaritvā imasmiṃ buddhuppāde rājagahanagare kulagehe nibbatti, kāḷītissā nāmaṃ akaṃsu.

    саа ваяаббад̇д̇аа гурарагхаранаг̇арз гулаг̇зхам̣ г̇ад̇аа. ат̇ассаа сам̣ваасзна г̇аб̣бхо бад̇идтахи. саа барибун̣н̣аг̇аб̣бхаа ‘‘барзсам̣ г̇зхз г̇аб̣бхавудтаанам̣ наама аббад̇ирууба’’нд̇и ад̇д̇ано гуланаг̇арамзва ааг̇анд̇ваа рад̇д̇ибхааг̇асамананд̇арз ад̇д̇ано баасаад̣̇асса убари аагаасз тид̇аанам̣ саад̇ааг̇ирахзмавад̇аанам̣ рад̇анад̇д̇аяасса ван̣н̣ам̣ гат̇знд̇аанам̣ гат̇ам̣ суд̇ваа ануссавигаббасаад̣̇ам̣ уббаад̣̇зд̇ваа сад̇т̇у ад̣̇ассанзнзва сод̇аабад̇д̇ипалз бад̇идтааси, абарабхааг̇з банассаа г̇аб̣бхавудтаанам̣ ахосийд̇и саб̣б̣ам̣ вад̇т̇у хздтаа вид̇т̇аарид̇амзва. абарабхааг̇з бана сад̇т̇аа ж̇зд̇аванз бхигкусан̇гхамаж̇жхз нисийд̣̇ид̇ваа убаасигааяо таананд̇арзсу табзнд̇о имам̣ убаасигам̣ ануссаваббасаннаанам̣ аг̇г̇адтаанз табзсийд̇и.

    Sā vayappattā kuraragharanagare kulagehaṃ gatā. Athassā saṃvāsena gabbho patiṭṭhahi. Sā paripuṇṇagabbhā ‘‘paresaṃ gehe gabbhavuṭṭhānaṃ nāma appatirūpa’’nti attano kulanagarameva āgantvā rattibhāgasamanantare attano pāsādassa upari ākāse ṭhitānaṃ sātāgirahemavatānaṃ ratanattayassa vaṇṇaṃ kathentānaṃ kathaṃ sutvā anussavikappasādaṃ uppādetvā satthu adassaneneva sotāpattiphale patiṭṭhāsi, aparabhāge panassā gabbhavuṭṭhānaṃ ahosīti sabbaṃ vatthu heṭṭhā vitthāritameva. Aparabhāge pana satthā jetavane bhikkhusaṅghamajjhe nisīditvā upāsikāyo ṭhānantaresu ṭhapento imaṃ upāsikaṃ anussavappasannānaṃ aggaṭṭhāne ṭhapesīti.

    д̣̇асасуд̇д̇абаримаан̣ааяа убаасигаабаал̣ияаа ван̣н̣анаа нидтид̇аа.

    Dasasuttaparimāṇāya upāsikāpāḷiyā vaṇṇanā niṭṭhitā.

    зд̇д̇аавад̇аа жа манорат̇абууран̣ияаа

    Ettāvatā ca manorathapūraṇiyā

    ан̇г̇уд̇д̇аранигааяа-адтагат̇ааяа

    Aṅguttaranikāya-aṭṭhakathāya

    саб̣б̣ааби зд̇ад̣̇аг̇г̇абаал̣иван̣н̣анаа нидтид̇аа.

    Sabbāpi etadaggapāḷivaṇṇanā niṭṭhitā.




    Next: 15. адтаанабаал̣и • 15. Aṭṭhānapāḷi




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 14. зд̇ад̣̇аг̇г̇аваг̇г̇о • 14. Etadaggavaggo

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 14. зд̇ад̣̇аг̇г̇аваг̇г̇о • 14. Etadaggavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact