| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2-4. ஏதங்மமஸுத்தாதி³வண்ணனா
2-4. Etaṃmamasuttādivaṇṇanā
207-209. தி³ட்ட²ந்திஆதீ³ஸு தி³ட்ட²ங் ரூபாயதனங். ஸுதங் ஸத்³தா³யதனங். முதங் க³ந்தா⁴யதனங் ரஸாயதனங் பொ²ட்ட²ப்³பா³யதனங். தஞ்ஹி பத்வா க³ஹேதப்³ப³தோ முதந்தி ச வுத்தங். அவஸேஸானி ஸத்தாயதனானி விஞ்ஞாதங் நாம. பத்தந்தி பரியேஸித்வா வா அபரியேஸித்வா வா பத்தங். பரியேஸிதந்தி பத்தங் வா அபத்தங் வா பரியேஸிதங். அனுவிசரிதங் மனஸாதி சித்தேன அனுஸஞ்சரிதங். லோகஸ்மிஞ்ஹி பரியேஸித்வா பத்தம்பி அத்தி², பரியேஸித்வா நோபத்தம்பி, அபரியேஸித்வா பத்தம்பி, அபரியேஸித்வா நோபத்தம்பி. தத்த² பரியேஸித்வா பத்தங் பத்தங் நாம, பரியேஸித்வா நோபத்தங் பரியேஸிதங் நாம . அபரியேஸித்வா பத்தஞ்ச அபரியேஸித்வா நோபத்தஞ்ச மனஸானுவிசரிதங் நாம. அத² வா பரியேஸித்வா பத்தம்பி அபரியேஸித்வா பத்தம்பி பத்தட்டே²ன பத்தங் நாம, பரியேஸித்வா நோபத்தமேவ பரியேஸிதங் நாம, அபரியேஸித்வா நோபத்தங் மனஸானுவிசரிதங் நாம. ஸப்³ப³ங் வா ஏதங் மனஸா அனுவிசரிதமேவ.
207-209.Diṭṭhantiādīsu diṭṭhaṃ rūpāyatanaṃ. Sutaṃ saddāyatanaṃ. Mutaṃ gandhāyatanaṃ rasāyatanaṃ phoṭṭhabbāyatanaṃ. Tañhi patvā gahetabbato mutanti ca vuttaṃ. Avasesāni sattāyatanāni viññātaṃ nāma. Pattanti pariyesitvā vā apariyesitvā vā pattaṃ. Pariyesitanti pattaṃ vā apattaṃ vā pariyesitaṃ. Anuvicaritaṃ manasāti cittena anusañcaritaṃ. Lokasmiñhi pariyesitvā pattampi atthi, pariyesitvā nopattampi, apariyesitvā pattampi, apariyesitvā nopattampi. Tattha pariyesitvā pattaṃ pattaṃ nāma, pariyesitvā nopattaṃ pariyesitaṃ nāma . Apariyesitvā pattañca apariyesitvā nopattañca manasānuvicaritaṃ nāma. Atha vā pariyesitvā pattampi apariyesitvā pattampi pattaṭṭhena pattaṃ nāma, pariyesitvā nopattameva pariyesitaṃ nāma, apariyesitvā nopattaṃ manasānuvicaritaṃ nāma. Sabbaṃ vā etaṃ manasā anuvicaritameva.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
2. ஏதங்மமஸுத்தங் • 2. Etaṃmamasuttaṃ
3. ஸோஅத்தாஸுத்தங் • 3. Soattāsuttaṃ
4. நோசமேஸியாஸுத்தங் • 4. Nocamesiyāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-4. ஏதங்மமஸுத்தாதி³வண்ணனா • 2-4. Etaṃmamasuttādivaṇṇanā
