| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
২-৪. এতংমমসুত্তাদিৰণ্ণনা
2-4. Etaṃmamasuttādivaṇṇanā
২০৭-২০৯. দিট্ঠং রূপাযতনং চক্খুনা দট্ঠব্বতো। সুতং সদ্দাযতনং সোতেন সোতব্বতো। মুতং গন্ধাযতনাদি তিৰিধং সম্পত্তগাহীহি ঘানাদীহি পত্ৰা গহেতব্বতো। অৰসেসানি চক্খাদীনি সত্তাযতনানি ৰিঞ্ঞাতং নাম কেৰলং মনোৰিঞ্ঞাণেন ৰিজানিতব্বতো। পত্তন্তি অনুপ্পত্তং, যং কিঞ্চি পাপুণিতব্বং পরিযেসিত্ৰা গৰেসিত্ৰা সম্পত্তন্তি অনুপ্পত্তং। পরিযেসিতন্তি পরিযিট্ঠং। চিত্তেন অনুসঞ্চরিতন্তি মনসা চিন্তিতং। ‘‘পত্তং পরিযেসিত’’ন্তি এতস্মিং পদদ্ৰযে চতুক্কং সম্ভৰতীতি তং দস্সেত্ৰা তস্স ৰসেন পত্তপরিযেসিতপদানি, ততো মনসা অনুৰিচরিতঞ্চ নীহরিত্ৰা দস্সেতুং ‘‘লোকস্মিং হী’’তিআদি ৰুত্তং। তত্থ পরিযেসিত্ৰা পত্তং নাম পরিযেসনায পরিগ্গাহভাৰতো। পরিযেসিতং নাম কেৰলং পরিযেসিতমেৰাতি কত্ৰা পরিযেসিত্ৰা পত্তস্স মনুস্সানুৰিচরিতস্স ৰুত্তত্তা। পঠমৰিকপ্পে সঙ্করো অত্থীতি অসঙ্করতো চ দস্সেতুং ‘‘অথ ৰা’’তিআদি ৰুত্তং। সব্বন্তি ৰিঞ্ঞাতাদি। তঞ্হি মনোৰিঞ্ঞাণেন গহিতত্তা মনসা অনুৰিচরিতং নাম ন দিট্ঠং সুতং মুতং।
207-209.Diṭṭhaṃ rūpāyatanaṃ cakkhunā daṭṭhabbato. Sutaṃ saddāyatanaṃ sotena sotabbato. Mutaṃ gandhāyatanādi tividhaṃ sampattagāhīhi ghānādīhi patvā gahetabbato. Avasesāni cakkhādīni sattāyatanāni viññātaṃ nāma kevalaṃ manoviññāṇena vijānitabbato. Pattanti anuppattaṃ, yaṃ kiñci pāpuṇitabbaṃ pariyesitvā gavesitvā sampattanti anuppattaṃ. Pariyesitanti pariyiṭṭhaṃ. Cittena anusañcaritanti manasā cintitaṃ. ‘‘Pattaṃ pariyesita’’nti etasmiṃ padadvaye catukkaṃ sambhavatīti taṃ dassetvā tassa vasena pattapariyesitapadāni, tato manasā anuvicaritañca nīharitvā dassetuṃ ‘‘lokasmiṃ hī’’tiādi vuttaṃ. Tattha pariyesitvā pattaṃ nāma pariyesanāya pariggāhabhāvato. Pariyesitaṃ nāma kevalaṃ pariyesitamevāti katvā pariyesitvā pattassa manussānuvicaritassa vuttattā. Paṭhamavikappe saṅkaro atthīti asaṅkarato ca dassetuṃ ‘‘atha vā’’tiādi vuttaṃ. Sabbanti viññātādi. Tañhi manoviññāṇena gahitattā manasā anuvicaritaṃ nāma na diṭṭhaṃ sutaṃ mutaṃ.
এতংমমসুত্তাদিৰণ্ণনা নিট্ঠিতা।
Etaṃmamasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
২. এতংমমসুত্তং • 2. Etaṃmamasuttaṃ
৩. সোঅত্তাসুত্তং • 3. Soattāsuttaṃ
৪. নোচমেসিযাসুত্তং • 4. Nocamesiyāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২-৪. এতংমমসুত্তাদিৰণ্ণনা • 2-4. Etaṃmamasuttādivaṇṇanā
