| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
២-៤. ឯតំមមសុត្តាទិវណ្ណនា
2-4. Etaṃmamasuttādivaṇṇanā
២០៧-២០៩. ទិដ្ឋន្តិអាទីសុ ទិដ្ឋំ រូបាយតនំ។ សុតំ សទ្ទាយតនំ។ មុតំ គន្ធាយតនំ រសាយតនំ ផោដ្ឋព្ពាយតនំ។ តញ្ហិ បត្វា គហេតព្ពតោ មុតន្តិ ច វុត្តំ។ អវសេសានិ សត្តាយតនានិ វិញ្ញាតំ នាម។ បត្តន្តិ បរិយេសិត្វា វា អបរិយេសិត្វា វា បត្តំ។ បរិយេសិតន្តិ បត្តំ វា អបត្តំ វា បរិយេសិតំ។ អនុវិចរិតំ មនសាតិ ចិត្តេន អនុសញ្ចរិតំ។ លោកស្មិញ្ហិ បរិយេសិត្វា បត្តម្បិ អត្ថិ, បរិយេសិត្វា នោបត្តម្បិ, អបរិយេសិត្វា បត្តម្បិ, អបរិយេសិត្វា នោបត្តម្បិ។ តត្ថ បរិយេសិត្វា បត្តំ បត្តំ នាម, បរិយេសិត្វា នោបត្តំ បរិយេសិតំ នាម ។ អបរិយេសិត្វា បត្តញ្ច អបរិយេសិត្វា នោបត្តញ្ច មនសានុវិចរិតំ នាម។ អថ វា បរិយេសិត្វា បត្តម្បិ អបរិយេសិត្វា បត្តម្បិ បត្តដ្ឋេន បត្តំ នាម, បរិយេសិត្វា នោបត្តមេវ បរិយេសិតំ នាម, អបរិយេសិត្វា នោបត្តំ មនសានុវិចរិតំ នាម។ សព្ពំ វា ឯតំ មនសា អនុវិចរិតមេវ។
207-209.Diṭṭhantiādīsu diṭṭhaṃ rūpāyatanaṃ. Sutaṃ saddāyatanaṃ. Mutaṃ gandhāyatanaṃ rasāyatanaṃ phoṭṭhabbāyatanaṃ. Tañhi patvā gahetabbato mutanti ca vuttaṃ. Avasesāni sattāyatanāni viññātaṃ nāma. Pattanti pariyesitvā vā apariyesitvā vā pattaṃ. Pariyesitanti pattaṃ vā apattaṃ vā pariyesitaṃ. Anuvicaritaṃ manasāti cittena anusañcaritaṃ. Lokasmiñhi pariyesitvā pattampi atthi, pariyesitvā nopattampi, apariyesitvā pattampi, apariyesitvā nopattampi. Tattha pariyesitvā pattaṃ pattaṃ nāma, pariyesitvā nopattaṃ pariyesitaṃ nāma . Apariyesitvā pattañca apariyesitvā nopattañca manasānuvicaritaṃ nāma. Atha vā pariyesitvā pattampi apariyesitvā pattampi pattaṭṭhena pattaṃ nāma, pariyesitvā nopattameva pariyesitaṃ nāma, apariyesitvā nopattaṃ manasānuvicaritaṃ nāma. Sabbaṃ vā etaṃ manasā anuvicaritameva.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
២. ឯតំមមសុត្តំ • 2. Etaṃmamasuttaṃ
៣. សោអត្តាសុត្តំ • 3. Soattāsuttaṃ
៤. នោចមេសិយាសុត្តំ • 4. Nocamesiyāsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ២-៤. ឯតំមមសុត្តាទិវណ្ណនា • 2-4. Etaṃmamasuttādivaṇṇanā
