| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
2-4. එතංමමසුත්‌තාදිවණ්‌ණනා
2-4. Etaṃmamasuttādivaṇṇanā
207-209. දිට්‌ඨං රූපායතනං චක්‌ඛුනා දට්‌ඨබ්‌බතො. සුතං සද්‌දායතනං සොතෙන සොතබ්‌බතො. මුතං ගන්‌ධායතනාදි තිවිධං සම්‌පත්‌තගාහීහි ඝානාදීහි පත්‌වා ගහෙතබ්‌බතො. අවසෙසානි චක්‌ඛාදීනි සත්‌තායතනානි විඤ්‌ඤාතං නාම කෙවලං මනොවිඤ්‌ඤාණෙන විජානිතබ්‌බතො. පත්‌තන්‌ති අනුප්‌පත්‌තං, යං කිඤ්‌චි පාපුණිතබ්‌බං පරියෙසිත්‌වා ගවෙසිත්‌වා සම්‌පත්‌තන්‌ති අනුප්‌පත්‌තං. පරියෙසිතන්‌ති පරියිට්‌ඨං. චිත්‌තෙන අනුසඤ්‌චරිතන්‌ති මනසා චින්‌තිතං. ‘‘පත්‌තං පරියෙසිත’’න්‌ති එතස්‌මිං පදද්‌වයෙ චතුක්‌කං සම්‌භවතීති තං දස්‌සෙත්‌වා තස්‌ස වසෙන පත්‌තපරියෙසිතපදානි, තතො මනසා අනුවිචරිතඤ්‌ච නීහරිත්‌වා දස්‌සෙතුං ‘‘ලොකස්‌මිං හී’’තිආදි වුත්‌තං. තත්‌ථ පරියෙසිත්‌වා පත්‌තං නාම පරියෙසනාය පරිග්‌ගාහභාවතො. පරියෙසිතං නාම කෙවලං පරියෙසිතමෙවාති කත්‌වා පරියෙසිත්‌වා පත්‌තස්‌ස මනුස්‌සානුවිචරිතස්‌ස වුත්‌තත්‌තා. පඨමවිකප්‌පෙ සඞ්‌කරො අත්‌ථීති අසඞ්‌කරතො ච දස්‌සෙතුං ‘‘අථ වා’’තිආදි වුත්‌තං. සබ්‌බන්‌ති විඤ්‌ඤාතාදි. තඤ්‌හි මනොවිඤ්‌ඤාණෙන ගහිතත්‌තා මනසා අනුවිචරිතං නාම න දිට්‌ඨං සුතං මුතං.
207-209.Diṭṭhaṃ rūpāyatanaṃ cakkhunā daṭṭhabbato. Sutaṃ saddāyatanaṃ sotena sotabbato. Mutaṃ gandhāyatanādi tividhaṃ sampattagāhīhi ghānādīhi patvā gahetabbato. Avasesāni cakkhādīni sattāyatanāni viññātaṃ nāma kevalaṃ manoviññāṇena vijānitabbato. Pattanti anuppattaṃ, yaṃ kiñci pāpuṇitabbaṃ pariyesitvā gavesitvā sampattanti anuppattaṃ. Pariyesitanti pariyiṭṭhaṃ. Cittena anusañcaritanti manasā cintitaṃ. ‘‘Pattaṃ pariyesita’’nti etasmiṃ padadvaye catukkaṃ sambhavatīti taṃ dassetvā tassa vasena pattapariyesitapadāni, tato manasā anuvicaritañca nīharitvā dassetuṃ ‘‘lokasmiṃ hī’’tiādi vuttaṃ. Tattha pariyesitvā pattaṃ nāma pariyesanāya pariggāhabhāvato. Pariyesitaṃ nāma kevalaṃ pariyesitamevāti katvā pariyesitvā pattassa manussānuvicaritassa vuttattā. Paṭhamavikappe saṅkaro atthīti asaṅkarato ca dassetuṃ ‘‘atha vā’’tiādi vuttaṃ. Sabbanti viññātādi. Tañhi manoviññāṇena gahitattā manasā anuvicaritaṃ nāma na diṭṭhaṃ sutaṃ mutaṃ.
එතංමමසුත්‌තාදිවණ්‌ණනා නිට්‌ඨිතා.
Etaṃmamasuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
2. එතංමමසුත්‌තං • 2. Etaṃmamasuttaṃ
3. සොඅත්‌තාසුත්‌තං • 3. Soattāsuttaṃ
4. නොචමෙසියාසුත්‌තං • 4. Nocamesiyāsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-4. එතංමමසුත්‌තාදිවණ්‌ණනා • 2-4. Etaṃmamasuttādivaṇṇanā
