| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
6. г̇аб̣бхаавагганд̇ибан̃хо
6. Gabbhāvakkantipañho
6. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘д̇ин̣н̣ам̣ ко бана, бхигкавз, саннибаад̇аа г̇аб̣бхасса авагганд̇и 1 ход̇и, ид̇ха маад̇аабид̇аро жа саннибад̇ид̇аа хонд̇и, маад̇аа жа уд̇уний ход̇и, г̇анд̇хаб̣б̣о жа бажжубадтид̇о ход̇и, имзсам̣ ко, бхигкавз, д̇ин̣н̣ам̣ саннибаад̇аа г̇аб̣бхасса авагганд̇и ход̇ий’д̇и, асзсаважанамзд̇ам̣, ниссзсаважанамзд̇ам̣, ниббарияааяаважанамзд̇ам̣, арахассаважанамзд̇ам̣, сад̣̇звамануссаанам̣ маж̇жхз нисийд̣̇ид̇ваа бхан̣ид̇ам̣, аяан̃жа д̣̇виннам̣ саннибаад̇аа г̇аб̣бхасса авагганд̇и д̣̇иссад̇и, д̣̇угуулзна д̇аабасзна бааригааяа д̇аабасияаа уд̇унигаалз д̣̇агкин̣зна хад̇т̇ан̇г̇удтзна наабхи бараамадтаа, д̇асса д̇зна наабхибараамасанзна саамагумааро ниб̣б̣ад̇д̇о. маад̇ан̇г̇знааби исинаа б̣раахман̣аган̃н̃ааяа уд̇унигаалз д̣̇агкин̣зна хад̇т̇ан̇г̇удтзна наабхи бараамадтаа, д̇асса д̇зна наабхибараамасанзна ман̣д̣аб̣яо наама маан̣аваго ниб̣б̣ад̇д̇од̇и. яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘д̇ин̣н̣ам̣ ко бана, бхигкавз, саннибаад̇аа г̇аб̣бхасса авагганд̇и ход̇ий’д̇и. д̇зна хи саамо жа гумааро ман̣д̣аб̣яо жа маан̣аваго убхоби д̇з наабхибараамасанзна ниб̣б̣ад̇д̇аад̇и яам̣ важанам̣, д̇ам̣ мижчаа. яад̣̇и, бханд̇з, д̇ат̇ааг̇ад̇зна бхан̣ид̇ам̣ ‘саамо жа гумааро ман̣д̣аб̣яо жа маан̣аваго наабхибараамасанзна ниб̣б̣ад̇д̇аа’’д̇и, д̇зна хи ‘д̇ин̣н̣ам̣ ко бана, бхигкавз, саннибаад̇аа г̇аб̣бхасса авагганд̇и ход̇ий’д̇и яам̣ важанам̣, д̇амби мижчаа. аяамби убхад̇о годиго бан̃хо суг̇амбхийро сунибун̣о висаяо б̣уд̣̇д̇химанд̇аанам̣, со д̇аваануббад̇д̇о, чинд̣̇а вимад̇ибат̇ам̣, д̇хаарзхи н̃аан̣авараббаж̇ж̇од̇а’’нд̇и.
6. ‘‘Bhante nāgasena, bhāsitampetaṃ bhagavatā ‘tiṇṇaṃ kho pana, bhikkhave, sannipātā gabbhassa avakkanti 2 hoti, idha mātāpitaro ca sannipatitā honti, mātā ca utunī hoti, gandhabbo ca paccupaṭṭhito hoti, imesaṃ kho, bhikkhave, tiṇṇaṃ sannipātā gabbhassa avakkanti hotī’ti, asesavacanametaṃ, nissesavacanametaṃ, nippariyāyavacanametaṃ, arahassavacanametaṃ, sadevamanussānaṃ majjhe nisīditvā bhaṇitaṃ, ayañca dvinnaṃ sannipātā gabbhassa avakkanti dissati, dukūlena tāpasena pārikāya tāpasiyā utunikāle dakkhiṇena hatthaṅguṭṭhena nābhi parāmaṭṭhā, tassa tena nābhiparāmasanena sāmakumāro nibbatto. Mātaṅgenāpi isinā brāhmaṇakaññāya utunikāle dakkhiṇena hatthaṅguṭṭhena nābhi parāmaṭṭhā, tassa tena nābhiparāmasanena maṇḍabyo nāma māṇavako nibbattoti. Yadi, bhante nāgasena, bhagavatā bhaṇitaṃ ‘tiṇṇaṃ kho pana, bhikkhave, sannipātā gabbhassa avakkanti hotī’ti. Tena hi sāmo ca kumāro maṇḍabyo ca māṇavako ubhopi te nābhiparāmasanena nibbattāti yaṃ vacanaṃ, taṃ micchā. Yadi, bhante, tathāgatena bhaṇitaṃ ‘sāmo ca kumāro maṇḍabyo ca māṇavako nābhiparāmasanena nibbattā’’ti, tena hi ‘tiṇṇaṃ kho pana, bhikkhave, sannipātā gabbhassa avakkanti hotī’ti yaṃ vacanaṃ, tampi micchā. Ayampi ubhato koṭiko pañho sugambhīro sunipuṇo visayo buddhimantānaṃ, so tavānuppatto, chinda vimatipathaṃ, dhārehi ñāṇavarappajjota’’nti.
‘‘бхаасид̇амбзд̇ам̣, махаарааж̇а, бхаг̇авад̇аа ‘д̇ин̣н̣ам̣ ко бана, бхигкавз, саннибаад̇аа г̇аб̣бхасса авагганд̇и ход̇и, ид̇ха маад̇аабид̇аро жа саннибад̇ид̇аа хонд̇и, маад̇аа жа уд̇уний ход̇и, г̇анд̇хаб̣б̣о жа бажжубадтид̇о ход̇и, звам̣ д̇ин̣н̣ам̣ саннибаад̇аа г̇аб̣бхасса авагганд̇и ход̇ий’д̇и. бхан̣ид̇ан̃жа ‘саамо жа гумааро ман̣д̣аб̣яо жа маан̣аваго наабхибараамасанзна ниб̣б̣ад̇д̇аа’’д̇и. ‘‘д̇зна хи, бханд̇з нааг̇асзна, язна гааран̣зна бан̃хо сувинижчид̇о ход̇и, д̇зна гааран̣зна мам̣ сан̃н̃аабзхий’’д̇и.
‘‘Bhāsitampetaṃ, mahārāja, bhagavatā ‘tiṇṇaṃ kho pana, bhikkhave, sannipātā gabbhassa avakkanti hoti, idha mātāpitaro ca sannipatitā honti, mātā ca utunī hoti, gandhabbo ca paccupaṭṭhito hoti, evaṃ tiṇṇaṃ sannipātā gabbhassa avakkanti hotī’ti. Bhaṇitañca ‘sāmo ca kumāro maṇḍabyo ca māṇavako nābhiparāmasanena nibbattā’’ti. ‘‘Tena hi, bhante nāgasena, yena kāraṇena pañho suvinicchito hoti, tena kāraṇena maṃ saññāpehī’’ti.
‘‘суд̇абуб̣б̣ам̣ бана д̇аяаа, махаарааж̇а, сам̣гижжо жа гумааро исисин̇г̇о жа д̇аабасо т̇зро жа гумаарагассабо ‘иминаа наама д̇з ниб̣б̣ад̇д̇аа’’д̇и? ‘‘аама, бханд̇з, суяяад̇и, аб̣бхуг̇г̇ад̇аа д̇зсам̣ ж̇аад̇и, д̣̇вз миг̇ад̇хзнуяо д̇аава уд̇унигаалз д̣̇виннам̣ д̇аабасаанам̣ бассаавадтаанам̣ ааг̇анд̇ваа сасамбхавам̣ бассаавам̣ бивим̣су, д̇зна бассаавасамбхавзна сам̣гижжо жа гумааро исисин̇г̇о жа д̇аабасо ниб̣б̣ад̇д̇аа. т̇зрасса уд̣̇ааяисса бхигкунубассаяам̣ убаг̇ад̇асса рад̇д̇ажид̇д̇зна бхигкунияаа ан̇г̇аж̇аад̇ам̣ убаниж̇жхааяанд̇асса самбхавам̣ гаасаавз мужжи. ат̇а ко ааяасмаа уд̣̇ааяи д̇ам̣ бхигкуним̣ зд̇ад̣̇авожа ‘г̇ажча бхаг̇ини, уд̣̇агам̣ аахара анд̇араваасагам̣ д̇ховиссаамий’д̇и. ‘аахараяяа ахамзва д̇ховиссаамий’д̇и. д̇ад̇о саа бхигкуний уд̇унисамаяз д̇ам̣ самбхавам̣ згад̣̇зсам̣ мукзна аг̇г̇ахзси, згад̣̇зсам̣ ан̇г̇аж̇аад̇з багкиби, д̇зна т̇зро гумаарагассабо ниб̣б̣ад̇д̇од̇и зд̇ам̣ ж̇ано аахаа’’д̇и.
‘‘Sutapubbaṃ pana tayā, mahārāja, saṃkicco ca kumāro isisiṅgo ca tāpaso thero ca kumārakassapo ‘iminā nāma te nibbattā’’ti? ‘‘Āma, bhante, suyyati, abbhuggatā tesaṃ jāti, dve migadhenuyo tāva utunikāle dvinnaṃ tāpasānaṃ passāvaṭṭhānaṃ āgantvā sasambhavaṃ passāvaṃ piviṃsu, tena passāvasambhavena saṃkicco ca kumāro isisiṅgo ca tāpaso nibbattā. Therassa udāyissa bhikkhunupassayaṃ upagatassa rattacittena bhikkhuniyā aṅgajātaṃ upanijjhāyantassa sambhavaṃ kāsāve mucci. Atha kho āyasmā udāyi taṃ bhikkhuniṃ etadavoca ‘gaccha bhagini, udakaṃ āhara antaravāsakaṃ dhovissāmī’ti. ‘Āharayya ahameva dhovissāmī’ti. Tato sā bhikkhunī utunisamaye taṃ sambhavaṃ ekadesaṃ mukhena aggahesi, ekadesaṃ aṅgajāte pakkhipi, tena thero kumārakassapo nibbattoti etaṃ jano āhā’’ti.
‘‘аби ну ко д̇вам̣, махаарааж̇а, сад̣̇д̣̇ахаси д̇ам̣ важана’’нд̇и? ‘‘аама бханд̇з, б̣алавам̣ д̇ад̇т̇а маяам̣ гааран̣ам̣ убалабхаама, язна маяам̣ гааран̣зна сад̣̇д̣̇ахаама ‘иминаа гааран̣зна ниб̣б̣ад̇д̇аа’’д̇и. ‘‘гим̣ банзд̇т̇а, махаарааж̇а, гааран̣а’’нд̇и? ‘‘субаригаммагад̇з , бханд̇з, галалз б̣ийж̇ам̣ нибад̇ид̇ваа киббам̣ сам̣вирухад̇ий’’д̇и . ‘‘аама махаарааж̇аа’’д̇и. ‘‘звамзва ко, бханд̇з, саа бхигкуний уд̇уний самаанаа сан̣тид̇з галалз рухирз бажчиннавзг̇з тид̇ааяа д̇хаад̇уяаа д̇ам̣ самбхавам̣ г̇ахзд̇ваа д̇асмим̣ галалз багкиби, д̇зна д̇ассаа г̇аб̣бхо сан̣тааси, звам̣ д̇ад̇т̇а гааран̣ам̣ бажжзма д̇зсам̣ ниб̣б̣ад̇д̇ияаа’’д̇и. ‘‘звамзд̇ам̣, махаарааж̇а, д̇ат̇аа самбадижчаами, яониббавзсзна г̇аб̣бхо самбхавад̇ийд̇и. самбадижчаси бана, д̇вам̣ махаарааж̇а, т̇зрасса гумаарагассабасса г̇аб̣бхааваггамана’’нд̇и? ‘‘аама бханд̇з’’д̇и. ‘‘саад̇ху, махаарааж̇а, бажжааг̇ад̇оси мама висаяам̣, згавид̇хзнаби г̇аб̣бхаавагганд̇им̣ гат̇аяанд̇о мамаануб̣алам̣ бхависсаси, ат̇а яаа бана д̇аа д̣̇вз миг̇ад̇хзнуяо бассаавам̣ бивид̇ваа г̇аб̣бхам̣ бадилабхим̣су, д̇аасам̣ д̇вам̣ сад̣̇д̣̇ахаси г̇аб̣бхассааваггамана’’нд̇и? ‘‘аама, бханд̇з, яам̣ гин̃жи бхуд̇д̇ам̣ бийд̇ам̣ кааяид̇ам̣ лзхид̇ам̣, саб̣б̣ам̣ д̇ам̣ галалам̣ осарад̇и, таанаг̇ад̇ам̣ вуд̣дхимаабаж̇ж̇ад̇и. яат̇аа, бханд̇з нааг̇асзна, яаа гаажи сарид̇аа наама, саб̣б̣аа д̇аа махаасамуд̣̇д̣̇ам̣ осаранд̇и, таанаг̇ад̇аа вуд̣дхимаабаж̇ж̇анд̇и. звамзва ко, бханд̇з нааг̇асзна, яам̣ гин̃жи бхуд̇д̇ам̣ бийд̇ам̣ кааяид̇ам̣ лзхид̇ам̣, саб̣б̣ам̣ д̇ам̣ галалам̣ осарад̇и, таанаг̇ад̇ам̣ вуд̣дхимаабаж̇ж̇ад̇и, д̇знаахам̣ гааран̣зна сад̣̇д̣̇ахаами мукаг̇ад̇знаби г̇аб̣бхасса авагганд̇и ход̇ий’’д̇и. ‘‘саад̇ху, махаарааж̇а, г̇аал̣хад̇арам̣ убаг̇ад̇оси мама висаяам̣, мукабаанзнаби д̣̇ваяасаннибаад̇о бхавад̇и. сам̣гижжасса жа, махаарааж̇а, гумаарасса исисин̇г̇асса жа д̇аабасасса т̇зрасса жа гумаарагассабасса г̇аб̣бхааваггаманам̣ самбадижчасий’’д̇и? ‘‘аама, бханд̇з, саннибаад̇о осарад̇ий’’д̇и.
‘‘Api nu kho tvaṃ, mahārāja, saddahasi taṃ vacana’’nti? ‘‘Āma bhante, balavaṃ tattha mayaṃ kāraṇaṃ upalabhāma, yena mayaṃ kāraṇena saddahāma ‘iminā kāraṇena nibbattā’’ti. ‘‘Kiṃ panettha, mahārāja, kāraṇa’’nti? ‘‘Suparikammakate , bhante, kalale bījaṃ nipatitvā khippaṃ saṃviruhatī’’ti . ‘‘Āma mahārājā’’ti. ‘‘Evameva kho, bhante, sā bhikkhunī utunī samānā saṇṭhite kalale ruhire pacchinnavege ṭhitāya dhātuyā taṃ sambhavaṃ gahetvā tasmiṃ kalale pakkhipi, tena tassā gabbho saṇṭhāsi, evaṃ tattha kāraṇaṃ paccema tesaṃ nibbattiyā’’ti. ‘‘Evametaṃ, mahārāja, tathā sampaṭicchāmi, yonippavesena gabbho sambhavatīti. Sampaṭicchasi pana, tvaṃ mahārāja, therassa kumārakassapassa gabbhāvakkamana’’nti? ‘‘Āma bhante’’ti. ‘‘Sādhu, mahārāja, paccāgatosi mama visayaṃ, ekavidhenapi gabbhāvakkantiṃ kathayanto mamānubalaṃ bhavissasi, atha yā pana tā dve migadhenuyo passāvaṃ pivitvā gabbhaṃ paṭilabhiṃsu, tāsaṃ tvaṃ saddahasi gabbhassāvakkamana’’nti? ‘‘Āma, bhante, yaṃ kiñci bhuttaṃ pītaṃ khāyitaṃ lehitaṃ, sabbaṃ taṃ kalalaṃ osarati, ṭhānagataṃ vuḍḍhimāpajjati. Yathā, bhante nāgasena, yā kāci saritā nāma, sabbā tā mahāsamuddaṃ osaranti, ṭhānagatā vuḍḍhimāpajjanti. Evameva kho, bhante nāgasena, yaṃ kiñci bhuttaṃ pītaṃ khāyitaṃ lehitaṃ, sabbaṃ taṃ kalalaṃ osarati, ṭhānagataṃ vuḍḍhimāpajjati, tenāhaṃ kāraṇena saddahāmi mukhagatenapi gabbhassa avakkanti hotī’’ti. ‘‘Sādhu, mahārāja, gāḷhataraṃ upagatosi mama visayaṃ, mukhapānenapi dvayasannipāto bhavati. Saṃkiccassa ca, mahārāja, kumārassa isisiṅgassa ca tāpasassa therassa ca kumārakassapassa gabbhāvakkamanaṃ sampaṭicchasī’’ti? ‘‘Āma, bhante, sannipāto osaratī’’ti.
‘‘саамоби, махаарааж̇а, гумааро ман̣д̣аб̣яоби маан̣аваго д̇ийсу саннибаад̇зсу анд̇ог̇ад̇хаа, згарасаа язва буримзна, д̇ад̇т̇а гааран̣ам̣ вагкаами. д̣̇угууло жа, махаарааж̇а, д̇аабасо бааригаа жа д̇аабасий убхоби д̇з аран̃н̃аваасаа ахзсум̣ бавивзгаад̇химуд̇д̇аа уд̇д̇амад̇т̇аг̇авзсагаа, д̇абад̇зж̇зна яаава б̣рахмалогам̣ санд̇аабзсум̣ . д̇зсам̣ д̇ад̣̇аа сагго д̣̇зваанаминд̣̇о сааяам̣ баад̇ам̣ убадтаанам̣ ааг̇ажчад̇и. со д̇зсам̣ г̇аругад̇амзд̇д̇ад̇ааяа убад̇хаарзнд̇о ад̣̇д̣̇аса анааг̇ад̇амад̣̇д̇хаанз д̣̇виннамби д̇зсам̣ жагкуунам̣ анд̇арад̇хаанам̣, д̣̇исваа д̇з звамааха ‘згам̣ мз, бхонд̇о, важанам̣ гарот̇а, саад̇ху згам̣ буд̇д̇ам̣ ж̇анзяяаат̇а, со д̇умхаагам̣ убадтааго бхависсад̇и ааламб̣ано жаа’д̇и. ‘алам̣, госияа, маа звам̣ бхан̣ий’д̇и. д̇з д̇асса д̇ам̣ важанам̣ на самбадижчим̣су. анугамбаго ад̇т̇агаамо сагго д̣̇зваанаминд̣̇о д̣̇уд̇ияамби…бз… д̇ад̇ияамби д̇з звамааха ‘згам̣ мз, бхонд̇о, важанам̣ гарот̇а, саад̇ху згам̣ буд̇д̇ам̣ ж̇анзяяаат̇а, со д̇умхаагам̣ убадтааго бхависсад̇и ааламб̣ано жаа’д̇и. д̇ад̇ияамби д̇з аахам̣су ‘алам̣, госияа, маа д̇вам̣ ко амхз анад̇т̇з нияож̇зхи, гад̣̇ааяам̣ гааяо на бхиж̇ж̇иссад̇и, бхиж̇ж̇ад̇у аяам̣ гааяо бхзд̣̇анад̇хаммо, бхиж̇ж̇анд̇ияааби д̇харан̣ияаа бад̇анд̇зби сзласикарз паланд̇зби аагаасз бад̇анд̇зби жанд̣̇имасуурияз нзва маяам̣ логад̇хаммзхи миссаяиссаама, маа д̇вам̣ амхаагам̣ саммукабхаавам̣ убаг̇ажча, убаг̇ад̇асса д̇з зсо виссаасо, анад̇т̇ажаро д̇вам̣ ман̃н̃з’д̇и.
‘‘Sāmopi, mahārāja, kumāro maṇḍabyopi māṇavako tīsu sannipātesu antogadhā, ekarasā yeva purimena, tattha kāraṇaṃ vakkhāmi. Dukūlo ca, mahārāja, tāpaso pārikā ca tāpasī ubhopi te araññavāsā ahesuṃ pavivekādhimuttā uttamatthagavesakā, tapatejena yāva brahmalokaṃ santāpesuṃ . Tesaṃ tadā sakko devānamindo sāyaṃ pātaṃ upaṭṭhānaṃ āgacchati. So tesaṃ garukatamettatāya upadhārento addasa anāgatamaddhāne dvinnampi tesaṃ cakkhūnaṃ antaradhānaṃ, disvā te evamāha ‘ekaṃ me, bhonto, vacanaṃ karotha, sādhu ekaṃ puttaṃ janeyyātha, so tumhākaṃ upaṭṭhāko bhavissati ālambano cā’ti. ‘Alaṃ, kosiya, mā evaṃ bhaṇī’ti. Te tassa taṃ vacanaṃ na sampaṭicchiṃsu. Anukampako atthakāmo sakko devānamindo dutiyampi…pe… tatiyampi te evamāha ‘ekaṃ me, bhonto, vacanaṃ karotha, sādhu ekaṃ puttaṃ janeyyātha, so tumhākaṃ upaṭṭhāko bhavissati ālambano cā’ti. Tatiyampi te āhaṃsu ‘alaṃ, kosiya, mā tvaṃ kho amhe anatthe niyojehi, kadāyaṃ kāyo na bhijjissati, bhijjatu ayaṃ kāyo bhedanadhammo, bhijjantiyāpi dharaṇiyā patantepi selasikhare phalantepi ākāse patantepi candimasūriye neva mayaṃ lokadhammehi missayissāma, mā tvaṃ amhākaṃ sammukhabhāvaṃ upagaccha, upagatassa te eso vissāso, anatthacaro tvaṃ maññe’ti.
д̇ад̇о сагго д̣̇зваанаминд̣̇о д̇зсам̣ манам̣ алабхамаано г̇аругад̇о бан̃ж̇алиго буна яаажи ‘яад̣̇и мз важанам̣ на уссахат̇а гаад̇ум̣, яад̣̇аа д̇аабасий уд̇уний ход̇и бубпавад̇ий, д̇ад̣̇аа д̇вам̣, бханд̇з, д̣̇агкин̣зна хад̇т̇ан̇г̇удтзна наабхим̣ бараамасзяяааси, д̇зна саа г̇аб̣бхам̣ лажчад̇и, саннибаад̇о язвзса г̇аб̣бхаавагганд̇ияаа’д̇и. ‘саггомахам̣, госияа, д̇ам̣ важанам̣ гаад̇ум̣, на д̇аавад̇агзна амхаагам̣ д̇або бхиж̇ж̇ад̇и, ход̇уу’д̇и самбадижчим̣су. д̇ааяа жа бана взлааяа д̣̇звабхаванз ад̇т̇и д̣̇звабуд̇д̇о уссаннагусаламууло кийн̣ааяуго ааяугкаяаббад̇д̇о яад̣̇ижчагам̣ самад̇т̇о оггамид̇ум̣ аби жаггавад̇д̇игулзби. ат̇а сагго д̣̇зваанаминд̣̇о д̇ам̣ д̣̇звабуд̇д̇ам̣ убасан̇гамид̇ваа звамааха ‘зхи ко, маариса, субабхаад̇о д̇з д̣̇ивасо, ад̇т̇асид̣̇д̇хи убаг̇ад̇аа, яамахам̣ д̇з убадтаанамааг̇амим̣, раман̣ийяз д̇з огаасз ваасо бхависсад̇и, бад̇ируубз гулз бадисанд̇хи бхависсад̇и, сунд̣̇арзхи маад̇аабид̇уухи вад̣дхзд̇аб̣б̣о, зхи мз важанам̣ гарохий’д̇и яаажи. д̣̇уд̇ияамби…бз… д̇ад̇ияамби яаажи сираси бан̃ж̇алигад̇о.
Tato sakko devānamindo tesaṃ manaṃ alabhamāno garukato pañjaliko puna yāci ‘yadi me vacanaṃ na ussahatha kātuṃ, yadā tāpasī utunī hoti pupphavatī, tadā tvaṃ, bhante, dakkhiṇena hatthaṅguṭṭhena nābhiṃ parāmaseyyāsi, tena sā gabbhaṃ lacchati, sannipāto yevesa gabbhāvakkantiyā’ti. ‘Sakkomahaṃ, kosiya, taṃ vacanaṃ kātuṃ, na tāvatakena amhākaṃ tapo bhijjati, hotū’ti sampaṭicchiṃsu. Tāya ca pana velāya devabhavane atthi devaputto ussannakusalamūlo khīṇāyuko āyukkhayappatto yadicchakaṃ samattho okkamituṃ api cakkavattikulepi. Atha sakko devānamindo taṃ devaputtaṃ upasaṅkamitvā evamāha ‘ehi kho, mārisa, supabhāto te divaso, atthasiddhi upagatā, yamahaṃ te upaṭṭhānamāgamiṃ, ramaṇīye te okāse vāso bhavissati, patirūpe kule paṭisandhi bhavissati, sundarehi mātāpitūhi vaḍḍhetabbo, ehi me vacanaṃ karohī’ti yāci. Dutiyampi…pe… tatiyampi yāci sirasi pañjalikato.
д̇ад̇о со д̣̇звабуд̇д̇о звамааха ‘гад̇амам̣ д̇ам̣, маариса, гулам̣, яам̣ д̇вам̣ абхигкан̣ам̣ гид̇д̇аяаси бунаббуна’нд̇и. ‘д̣̇угууло жа д̇аабасо бааригаа жа д̇аабасий’д̇и. со д̇асса важанам̣ суд̇ваа д̇удто самбадижчи ‘саад̇ху, маариса, яо д̇ава чанд̣̇о, со ход̇у, ааган̇камаано ахам̣, маариса, бад̇т̇ид̇з гулз уббаж̇ж̇зяяам̣, гимхи гулз уббаж̇ж̇аами ан̣д̣аж̇з ваа ж̇алааб̣уж̇з ваа сам̣сзд̣̇аж̇з ваа обабаад̇игз ваа’д̇и? ‘ж̇алааб̣уж̇ааяа, маариса, яонияаа уббаж̇ж̇аахий’д̇и. ат̇а сагго д̣̇зваанаминд̣̇о уббад̇д̇ид̣̇ивасам̣ виг̇ан̣зд̇ваа д̣̇угууласса д̇аабасасса аарожзси ‘асугасмим̣ наама д̣̇ивасз д̇аабасий уд̇уний бхависсад̇и бубпавад̇ий, д̇ад̣̇аа д̇вам̣, бханд̇з, д̣̇агкин̣зна хад̇т̇ан̇г̇удтзна наабхим̣ бараамасзяяаасий’д̇и. д̇асмим̣, махаарааж̇а, д̣̇ивасз д̇аабасий жа уд̇уний бубпавад̇ий ахоси, д̣̇звабуд̇д̇о жа д̇ад̇т̇уубаг̇о бажжубадтид̇о ахоси, д̇аабасо жа д̣̇агкин̣зна хад̇т̇ан̇г̇удтзна д̇аабасияаа наабхим̣ бараамаси, ид̇и д̇з д̇аяо саннибаад̇аа ахзсум̣, наабхибараамасанзна д̇аабасияаа рааг̇о уд̣̇абаад̣̇и, со банассаа рааг̇о наабхибараамасанам̣ бадижжа маа д̇вам̣ саннибаад̇ам̣ аж̇жхаажаарамзва ман̃н̃и, уухасанамби 3 саннибаад̇о, уллабанамби саннибаад̇о, убаниж̇жхааяанамби саннибаад̇о, буб̣б̣абхааг̇абхаавад̇о рааг̇асса уббаад̣̇ааяа аамасанзна саннибаад̇о ж̇ааяад̇и, саннибаад̇аа оггаманам̣ ход̇ийд̇и.
Tato so devaputto evamāha ‘katamaṃ taṃ, mārisa, kulaṃ, yaṃ tvaṃ abhikkhaṇaṃ kittayasi punappuna’nti. ‘Dukūlo ca tāpaso pārikā ca tāpasī’ti. So tassa vacanaṃ sutvā tuṭṭho sampaṭicchi ‘sādhu, mārisa, yo tava chando, so hotu, ākaṅkhamāno ahaṃ, mārisa, patthite kule uppajjeyyaṃ, kimhi kule uppajjāmi aṇḍaje vā jalābuje vā saṃsedaje vā opapātike vā’ti? ‘Jalābujāya, mārisa, yoniyā uppajjāhī’ti. Atha sakko devānamindo uppattidivasaṃ vigaṇetvā dukūlassa tāpasassa ārocesi ‘asukasmiṃ nāma divase tāpasī utunī bhavissati pupphavatī, tadā tvaṃ, bhante, dakkhiṇena hatthaṅguṭṭhena nābhiṃ parāmaseyyāsī’ti. Tasmiṃ, mahārāja, divase tāpasī ca utunī pupphavatī ahosi, devaputto ca tatthūpago paccupaṭṭhito ahosi, tāpaso ca dakkhiṇena hatthaṅguṭṭhena tāpasiyā nābhiṃ parāmasi, iti te tayo sannipātā ahesuṃ, nābhiparāmasanena tāpasiyā rāgo udapādi, so panassā rāgo nābhiparāmasanaṃ paṭicca mā tvaṃ sannipātaṃ ajjhācārameva maññi, ūhasanampi 4 sannipāto, ullapanampi sannipāto, upanijjhāyanampi sannipāto, pubbabhāgabhāvato rāgassa uppādāya āmasanena sannipāto jāyati, sannipātā okkamanaṃ hotīti.
‘‘анаж̇жхаажаарзби, махаарааж̇а, бараамасанзна г̇аб̣бхаавагганд̇и ход̇и. яат̇аа, махаарааж̇а, аг̇г̇и ж̇аламаано абараамасаноби убаг̇ад̇асса сийд̇ам̣ б̣яабаханд̇и, звамзва ко, махаарааж̇а, анаж̇жхаажаарзби бараамасанзна г̇аб̣бхаавагганд̇и ход̇и.
‘‘Anajjhācārepi, mahārāja, parāmasanena gabbhāvakkanti hoti. Yathā, mahārāja, aggi jalamāno aparāmasanopi upagatassa sītaṃ byapahanti, evameva kho, mahārāja, anajjhācārepi parāmasanena gabbhāvakkanti hoti.
‘‘жад̇уннам̣, махаарааж̇а, васзна сад̇д̇аанам̣ г̇аб̣бхаавагганд̇и ход̇и гаммавасзна яонивасзна гулавасзна ааяаажанавасзна, аби жа саб̣б̣збзд̇з сад̇д̇аа гаммасамбхаваа гаммасамудтаанаа .
‘‘Catunnaṃ, mahārāja, vasena sattānaṃ gabbhāvakkanti hoti kammavasena yonivasena kulavasena āyācanavasena, api ca sabbepete sattā kammasambhavā kammasamuṭṭhānā .
‘‘гат̇ам̣, махаарааж̇а, гаммавасзна сад̇д̇аанам̣ г̇аб̣бхаавагганд̇и ход̇и? уссаннагусаламуулаа, махаарааж̇а, сад̇д̇аа яад̣̇ижчагам̣ уббаж̇ж̇анд̇и кад̇д̇ияамахаасаалагулз ваа б̣раахман̣амахаасаалагулз ваа г̇ахабад̇имахаасаалагулз ваа д̣̇звзсу ваа ан̣д̣аж̇ааяа ваа яонияаа ж̇алааб̣уж̇ааяа ваа яонияаа сам̣сзд̣̇аж̇ааяа ваа яонияаа обабаад̇игааяа ваа яонияаа. яат̇аа, махаарааж̇а, бурисо ад̣дхо махад̣̇д̇хано махаабхог̇о бахууд̇аж̇аад̇аруубараж̇ад̇о бахууд̇авид̇д̇уубагаран̣о бахууд̇ад̇ханад̇хан̃н̃о бахууд̇ан̃аад̇ибагко д̣̇аасим̣ ваа д̣̇аасам̣ ваа кзд̇д̇ам̣ ваа вад̇т̇ум̣ ваа г̇аамам̣ ваа ниг̇амам̣ ваа ж̇анабад̣̇ам̣ ваа яам̣ гин̃жи манасаа абхибад̇т̇ид̇ам̣, яад̣̇ижчагам̣ д̣̇виг̇ун̣ад̇иг̇ун̣амби д̇ханам̣ д̣̇ад̇ваа гин̣аад̇и, звамзва ко, махаарааж̇а, уссаннагусаламуулаа сад̇д̇аа яад̣̇ижчагам̣ уббаж̇ж̇анд̇и кад̇д̇ияамахаасаалагулз ваа б̣раахман̣амахаасаалагулз ваа г̇ахабад̇имахаасаалагулз ваа д̣̇звзсу ваа ан̣д̣аж̇ааяа ваа яонияаа ж̇алааб̣уж̇ааяа ваа яонияаа сам̣сзд̣̇аж̇аяа ваа яонияаа обабаад̇игааяа ваа яонияаа. звам̣ гаммавасзна сад̇д̇аанам̣ г̇аб̣бхаавагганд̇и ход̇и.
‘‘Kathaṃ, mahārāja, kammavasena sattānaṃ gabbhāvakkanti hoti? Ussannakusalamūlā, mahārāja, sattā yadicchakaṃ uppajjanti khattiyamahāsālakule vā brāhmaṇamahāsālakule vā gahapatimahāsālakule vā devesu vā aṇḍajāya vā yoniyā jalābujāya vā yoniyā saṃsedajāya vā yoniyā opapātikāya vā yoniyā. Yathā, mahārāja, puriso aḍḍho mahaddhano mahābhogo pahūtajātarūparajato pahūtavittūpakaraṇo pahūtadhanadhañño pahūtañātipakkho dāsiṃ vā dāsaṃ vā khettaṃ vā vatthuṃ vā gāmaṃ vā nigamaṃ vā janapadaṃ vā yaṃ kiñci manasā abhipatthitaṃ, yadicchakaṃ dviguṇatiguṇampi dhanaṃ datvā kiṇāti, evameva kho, mahārāja, ussannakusalamūlā sattā yadicchakaṃ uppajjanti khattiyamahāsālakule vā brāhmaṇamahāsālakule vā gahapatimahāsālakule vā devesu vā aṇḍajāya vā yoniyā jalābujāya vā yoniyā saṃsedajaya vā yoniyā opapātikāya vā yoniyā. Evaṃ kammavasena sattānaṃ gabbhāvakkanti hoti.
‘‘гат̇ам̣ яонивасзна сад̇д̇аанам̣ г̇аб̣бхаавагганд̇и ход̇и? гуггудаанам̣, махаарааж̇а, ваад̇зна г̇аб̣бхаавагганд̇и ход̇и. б̣алаагаанам̣ мзгхасад̣̇д̣̇зна г̇аб̣бхаавагганд̇и ход̇и. саб̣б̣зби д̣̇зваа аг̇аб̣бхасзяяагаа сад̇д̇аа язва, д̇зсам̣ наанааван̣н̣зна г̇аб̣бхаавагганд̇и ход̇и. яат̇аа, махаарааж̇а, мануссаа наанааван̣н̣зна махияаа жаранд̇и, гзжи бурад̇о бадижчаад̣̇знд̇и, гзжи бажчад̇о бадижчаад̣̇знд̇и, гзжи наг̇г̇аа хонд̇и, гзжи бхан̣д̣уу хонд̇и сзд̇абадад̇хараа, гзжи мол̣иб̣ад̣̇д̇хаа хонд̇и, гзжи бхан̣д̣уу гаасаававасанаа хонд̇и, гзжи гаасаававасанаа мол̣иб̣ад̣̇д̇хаа хонд̇и, гзжи ж̇адино ваагажийрад̇хараа 5 хонд̇и, гзжи жаммавасанаа хонд̇и, гзжи расмияо ниваасзнд̇и, саб̣б̣збзд̇з мануссаа наанааван̣н̣зна махияаа жаранд̇и, звамзва ко, махаарааж̇а, сад̇д̇аа язва д̇з саб̣б̣з, д̇зсам̣ наанааван̣н̣зна г̇аб̣бхаавагганд̇и ход̇и. звам̣ яонивасзна сад̇д̇аанам̣ г̇аб̣бхаавагганд̇и ход̇и.
‘‘Kathaṃ yonivasena sattānaṃ gabbhāvakkanti hoti? Kukkuṭānaṃ, mahārāja, vātena gabbhāvakkanti hoti. Balākānaṃ meghasaddena gabbhāvakkanti hoti. Sabbepi devā agabbhaseyyakā sattā yeva, tesaṃ nānāvaṇṇena gabbhāvakkanti hoti. Yathā, mahārāja, manussā nānāvaṇṇena mahiyā caranti, keci purato paṭicchādenti, keci pacchato paṭicchādenti, keci naggā honti, keci bhaṇḍū honti setapaṭadharā, keci moḷibaddhā honti, keci bhaṇḍū kāsāvavasanā honti, keci kāsāvavasanā moḷibaddhā honti, keci jaṭino vākacīradharā 6 honti, keci cammavasanā honti, keci rasmiyo nivāsenti, sabbepete manussā nānāvaṇṇena mahiyā caranti, evameva kho, mahārāja, sattā yeva te sabbe, tesaṃ nānāvaṇṇena gabbhāvakkanti hoti. Evaṃ yonivasena sattānaṃ gabbhāvakkanti hoti.
‘‘гат̇ам̣ гулавасзна сад̇д̇аанам̣ г̇аб̣бхаавагганд̇и ход̇и? гулам̣ наама, махаарааж̇а, жад̇д̇аари гулаани ан̣д̣аж̇ам̣ ж̇алааб̣уж̇ам̣ сам̣сзд̣̇аж̇ам̣ обабаад̇игам̣. яад̣̇и д̇ад̇т̇а г̇анд̇хаб̣б̣о яад̇о гуд̇ожи ааг̇анд̇ваа ан̣д̣аж̇з гулз уббаж̇ж̇ад̇и, со д̇ад̇т̇а ан̣д̣аж̇о ход̇и…бз… ж̇алааб̣уж̇з гулз…бз… сам̣сзд̣̇аж̇з гулз…бз… обабаад̇игз гулз уббаж̇ж̇ад̇и, со д̇ад̇т̇а обабаад̇иго ход̇и. д̇зсу д̇зсу гулзсу д̇аад̣̇исаа язва сад̇д̇аа самбхаванд̇и. яат̇аа, махаарааж̇а, химавад̇и нзрубаб̣б̣ад̇ам̣ яз гзжи миг̇абагкино убзнд̇и, саб̣б̣з д̇з сагаван̣н̣ам̣ виж̇ахид̇ваа суван̣н̣аван̣н̣аа хонд̇и, звамзва ко, махаарааж̇а, яо гожи г̇анд̇хаб̣б̣о яад̇о гуд̇ожи ааг̇анд̇ваа ан̣д̣аж̇ам̣ яоним̣ убаг̇анд̇ваа сабхаававан̣н̣ам̣ виж̇ахид̇ваа ан̣д̣аж̇о ход̇и…бз… ж̇алааб̣уж̇ам̣…бз… сам̣сзд̣̇аж̇ам̣…бз… обабаад̇игам̣ яоним̣ убаг̇анд̇ваа сабхаававан̣н̣ам̣ виж̇ахид̇ваа обабаад̇иго ход̇и, звам̣ гулавасзна сад̇д̇аанам̣ г̇аб̣бхаавагганд̇и ход̇и.
‘‘Kathaṃ kulavasena sattānaṃ gabbhāvakkanti hoti? Kulaṃ nāma, mahārāja, cattāri kulāni aṇḍajaṃ jalābujaṃ saṃsedajaṃ opapātikaṃ. Yadi tattha gandhabbo yato kutoci āgantvā aṇḍaje kule uppajjati, so tattha aṇḍajo hoti…pe… jalābuje kule…pe… saṃsedaje kule…pe… opapātike kule uppajjati, so tattha opapātiko hoti. Tesu tesu kulesu tādisā yeva sattā sambhavanti. Yathā, mahārāja, himavati nerupabbataṃ ye keci migapakkhino upenti, sabbe te sakavaṇṇaṃ vijahitvā suvaṇṇavaṇṇā honti, evameva kho, mahārāja, yo koci gandhabbo yato kutoci āgantvā aṇḍajaṃ yoniṃ upagantvā sabhāvavaṇṇaṃ vijahitvā aṇḍajo hoti…pe… jalābujaṃ…pe… saṃsedajaṃ…pe… opapātikaṃ yoniṃ upagantvā sabhāvavaṇṇaṃ vijahitvā opapātiko hoti, evaṃ kulavasena sattānaṃ gabbhāvakkanti hoti.
‘‘гат̇ам̣ ааяаажанавасзна сад̇д̇аанам̣ г̇аб̣бхаавагганд̇и ход̇и? ид̇ха, махаарааж̇а, гулам̣ ход̇и абуд̇д̇агам̣ б̣ахусаабад̇зяяам̣ сад̣̇д̇хам̣ басаннам̣ сийлаванд̇ам̣ галяаан̣ад̇хаммам̣ д̇абаниссид̇ам̣, д̣̇звабуд̇д̇о жа уссаннагусаламууло жаванад̇хаммо ход̇и. ат̇а сагго д̣̇зваанаминд̣̇о д̇асса гуласса анугамбааяа д̇ам̣ д̣̇звабуд̇д̇ам̣ ааяаажад̇и ‘бан̣ид̇хзхи, маариса, асугасса гуласса махзсияаа гужчи’нд̇и. со д̇асса ааяаажанахзд̇у д̇ам̣ гулам̣ бан̣ид̇хзд̇и. яат̇аа, махаарааж̇а, мануссаа бун̃н̃агаамаа саман̣ам̣ манобхааванийяам̣ ааяаажид̇ваа г̇зхам̣ убанзнд̇и, аяам̣ убаг̇анд̇ваа саб̣б̣асса гуласса сукаавахо бхависсад̇ийд̇и. звамзва ко, махаарааж̇а, сагго д̣̇зваанаминд̣̇о д̇ам̣ д̣̇звабуд̇д̇ам̣ ааяаажид̇ваа д̇ам̣ гулам̣ убанзд̇и. звам̣ ааяаажанавасзна сад̇д̇аанам̣ г̇аб̣бхаавагганд̇и ход̇и.
‘‘Kathaṃ āyācanavasena sattānaṃ gabbhāvakkanti hoti? Idha, mahārāja, kulaṃ hoti aputtakaṃ bahusāpateyyaṃ saddhaṃ pasannaṃ sīlavantaṃ kalyāṇadhammaṃ tapanissitaṃ, devaputto ca ussannakusalamūlo cavanadhammo hoti. Atha sakko devānamindo tassa kulassa anukampāya taṃ devaputtaṃ āyācati ‘paṇidhehi, mārisa, asukassa kulassa mahesiyā kucchi’nti. So tassa āyācanahetu taṃ kulaṃ paṇidheti. Yathā, mahārāja, manussā puññakāmā samaṇaṃ manobhāvanīyaṃ āyācitvā gehaṃ upanenti, ayaṃ upagantvā sabbassa kulassa sukhāvaho bhavissatīti. Evameva kho, mahārāja, sakko devānamindo taṃ devaputtaṃ āyācitvā taṃ kulaṃ upaneti. Evaṃ āyācanavasena sattānaṃ gabbhāvakkanti hoti.
‘‘саамо, махаарааж̇а, гумааро саггзна д̣̇зваанаминд̣̇зна ааяаажид̇о бааригааяа д̇аабасияаа гужчим̣ огганд̇о. саамо, махаарааж̇а, гумааро гад̇абун̃н̃о, маад̇аабид̇аро сийлаванд̇о галяаан̣ад̇хаммаа, ааяаажаго сагго, д̇ин̣н̣ам̣ жзд̇обан̣ид̇хияаа саамо гумааро ниб̣б̣ад̇д̇о. ид̇ха, махаарааж̇а, наяагусало бурисо сугадтз ануубакзд̇д̇з б̣ийж̇ам̣ робзяяа, аби ну д̇асса б̣ийж̇асса анд̇арааяам̣ виваж̇ж̇знд̇асса вуд̣дхияаа гожи анд̇арааяо бхавзяяаа’’д̇и ? ‘‘на хи, бханд̇з, нирубагхаад̇ам̣ б̣ийж̇ам̣ киббам̣ сам̣вирухзяяаа’’д̇и. ‘‘звамзва ко, махаарааж̇а, саамо гумааро муд̇д̇о уббаннанд̇арааязхи д̇ин̣н̣ам̣ жзд̇обан̣ид̇хияаа ниб̣б̣ад̇д̇о.
‘‘Sāmo, mahārāja, kumāro sakkena devānamindena āyācito pārikāya tāpasiyā kucchiṃ okkanto. Sāmo, mahārāja, kumāro katapuñño, mātāpitaro sīlavanto kalyāṇadhammā, āyācako sakko, tiṇṇaṃ cetopaṇidhiyā sāmo kumāro nibbatto. Idha, mahārāja, nayakusalo puriso sukaṭṭhe anūpakhette bījaṃ ropeyya, api nu tassa bījassa antarāyaṃ vivajjentassa vuḍḍhiyā koci antarāyo bhaveyyā’’ti ? ‘‘Na hi, bhante, nirupaghātaṃ bījaṃ khippaṃ saṃviruheyyā’’ti. ‘‘Evameva kho, mahārāja, sāmo kumāro mutto uppannantarāyehi tiṇṇaṃ cetopaṇidhiyā nibbatto.
‘‘аби ну ко, махаарааж̇а, суд̇абуб̣б̣ам̣ д̇аяаа исийнам̣ манобад̣̇осзна ид̣̇д̇хо пийд̇о махааж̇анабад̣̇о саж̇ано самужчинно’’д̇и? ‘‘аама, бханд̇з, суяяад̇и. махияаа д̣̇ан̣д̣агааран̃н̃ам̣ 7 маж̇жхааран̃н̃ам̣ гаалин̇г̇ааран̃н̃ам̣ маад̇ан̇г̇ааран̃н̃ам̣, саб̣б̣ам̣ д̇ам̣ аран̃н̃ам̣ аран̃н̃абхууд̇ам̣, саб̣б̣збзд̇з ж̇анабад̣̇аа исийнам̣ манобад̣̇осзна каяам̣ г̇ад̇аа’’д̇и. ‘‘яад̣̇и , махаарааж̇а, д̇зсам̣ манобад̣̇осзна сусамид̣̇д̇хаа ж̇анабад̣̇аа ужчиж̇ж̇анд̇и, аби ну ко д̇зсам̣ манобасаад̣̇зна гин̃жи ниб̣б̣ад̇д̇зяяаа’’д̇и? ‘‘аама бханд̇з’’д̇и. ‘‘д̇зна хи, махаарааж̇а, саамо гумааро д̇ин̣н̣ам̣ б̣алаванд̇аанам̣ жзд̇обасаад̣̇зна ниб̣б̣ад̇д̇о исиниммид̇о д̣̇званиммид̇о бун̃н̃аниммид̇од̇и. звамзд̇ам̣, махаарааж̇а, д̇хаарзхи.
‘‘Api nu kho, mahārāja, sutapubbaṃ tayā isīnaṃ manopadosena iddho phīto mahājanapado sajano samucchinno’’ti? ‘‘Āma, bhante, suyyati. Mahiyā daṇḍakāraññaṃ 8 majjhāraññaṃ kāliṅgāraññaṃ mātaṅgāraññaṃ, sabbaṃ taṃ araññaṃ araññabhūtaṃ, sabbepete janapadā isīnaṃ manopadosena khayaṃ gatā’’ti. ‘‘Yadi , mahārāja, tesaṃ manopadosena susamiddhā janapadā ucchijjanti, api nu kho tesaṃ manopasādena kiñci nibbatteyyā’’ti? ‘‘Āma bhante’’ti. ‘‘Tena hi, mahārāja, sāmo kumāro tiṇṇaṃ balavantānaṃ cetopasādena nibbatto isinimmito devanimmito puññanimmitoti. Evametaṃ, mahārāja, dhārehi.
‘‘д̇аяомз, махаарааж̇а, д̣̇звабуд̇д̇аа саггзна д̣̇зваанаминд̣̇зна ааяаажид̇аа гулам̣ уббаннаа. гад̇амз д̇аяо? саамо гумааро махаабанаад̣̇о гусарааж̇аа, д̇аяобзд̇з б̣од̇хисад̇д̇аа’’д̇и. ‘‘сунид̣̇д̣̇идтаа, бханд̇з нааг̇асзна, г̇аб̣бхаавагганд̇и, сугат̇ид̇ам̣ гааран̣ам̣, анд̇хагааро аалого гад̇о, ж̇адаа виж̇адид̇аа, нижчуд̣̇д̇хаа бараваад̣̇аа, звамзд̇ам̣ д̇ат̇аа самбадижчаамий’’д̇и.
‘‘Tayome, mahārāja, devaputtā sakkena devānamindena āyācitā kulaṃ uppannā. Katame tayo? Sāmo kumāro mahāpanādo kusarājā, tayopete bodhisattā’’ti. ‘‘Suniddiṭṭhā, bhante nāgasena, gabbhāvakkanti, sukathitaṃ kāraṇaṃ, andhakāro āloko kato, jaṭā vijaṭitā, nicchuddhā paravādā, evametaṃ tathā sampaṭicchāmī’’ti.
г̇аб̣бхаавагганд̇ибан̃хо чадто.
Gabbhāvakkantipañho chaṭṭho.
Footnotes:
