| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
62. க³ப்³ப⁴வீஸூபஸம்பதா³னுஜானநா
62. Gabbhavīsūpasampadānujānanā
124. தேன கோ² பன ஸமயேன ஆயஸ்மா குமாரகஸ்ஸபோ க³ப்³ப⁴வீஸோ உபஸம்பன்னோ அஹோஸி. அத² கோ² ஆயஸ்மதோ குமாரகஸ்ஸபஸ்ஸ ஏதத³ஹோஸி – ‘‘ப⁴க³வதா பஞ்ஞத்தங் ‘ந ஊனவீஸதிவஸ்ஸோ புக்³க³லோ உபஸம்பாதே³தப்³போ³’தி. அஹஞ்சம்ஹி க³ப்³ப⁴வீஸோ உபஸம்பன்னோ. உபஸம்பன்னோ நு கொ²ம்ஹி, நனு கோ² உபஸம்பன்னோ’’தி? ப⁴க³வதோ ஏதமத்த²ங் ஆரோசேஸுங். யங், பி⁴க்க²வே, மாதுகுச்சி²ஸ்மிங் பட²மங் சித்தங் உப்பன்னங், பட²மங் விஞ்ஞாணங் பாதுபூ⁴தங் , தது³பாதா³ய ஸாவஸ்ஸ ஜாதி. அனுஜானாமி, பி⁴க்க²வே, க³ப்³ப⁴வீஸங் உபஸம்பாதே³துந்தி.
124. Tena kho pana samayena āyasmā kumārakassapo gabbhavīso upasampanno ahosi. Atha kho āyasmato kumārakassapassa etadahosi – ‘‘bhagavatā paññattaṃ ‘na ūnavīsativasso puggalo upasampādetabbo’ti. Ahañcamhi gabbhavīso upasampanno. Upasampanno nu khomhi, nanu kho upasampanno’’ti? Bhagavato etamatthaṃ ārocesuṃ. Yaṃ, bhikkhave, mātukucchismiṃ paṭhamaṃ cittaṃ uppannaṃ, paṭhamaṃ viññāṇaṃ pātubhūtaṃ , tadupādāya sāvassa jāti. Anujānāmi, bhikkhave, gabbhavīsaṃ upasampādetunti.
