| Library / Tipiṭaka / ತಿಪಿಟಕ • Tipiṭaka / ಉದಾನಪಾಳಿ • Udānapāḷi |
೬. ಗಬ್ಭಿನೀಸುತ್ತಂ
6. Gabbhinīsuttaṃ
೧೬. ಏವಂ ಮೇ ಸುತಂ – ಏಕಂ ಸಮಯಂ ಭಗವಾ ಸಾವತ್ಥಿಯಂ ವಿಹರತಿ ಜೇತವನೇ ಅನಾಥಪಿಣ್ಡಿಕಸ್ಸ ಆರಾಮೇ। ತೇನ ಖೋ ಪನ ಸಮಯೇನ ಅಞ್ಞತರಸ್ಸ ಪರಿಬ್ಬಾಜಕಸ್ಸ ದಹರಮಾಣವಿಕಾ ಪಜಾಪತಿ ಹೋತಿ ಗಬ್ಭಿನೀ ಉಪವಿಜಞ್ಞಾ। ಅಥ ಖೋ ಸಾ ಪರಿಬ್ಬಾಜಿಕಾ ತಂ ಪರಿಬ್ಬಾಜಕಂ ಏತದವೋಚ – ‘‘ಗಚ್ಛ ತ್ವಂ, ಬ್ರಾಹ್ಮಣ, ತೇಲಂ ಆಹರ, ಯಂ ಮೇ ವಿಜಾತಾಯ ಭವಿಸ್ಸತೀ’’ತಿ।
16. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarassa paribbājakassa daharamāṇavikā pajāpati hoti gabbhinī upavijaññā. Atha kho sā paribbājikā taṃ paribbājakaṃ etadavoca – ‘‘gaccha tvaṃ, brāhmaṇa, telaṃ āhara, yaṃ me vijātāya bhavissatī’’ti.
ಏವಂ ವುತ್ತೇ, ಸೋ ಪರಿಬ್ಬಾಜಕೋ ತಂ ಪರಿಬ್ಬಾಜಿಕಂ ಏತದವೋಚ – ‘‘ಕುತೋ ಪನಾಹಂ, ಭೋತಿ 1, ತೇಲಂ ಆಹರಾಮೀ’’ತಿ? ದುತಿಯಮ್ಪಿ ಖೋ ಸಾ ಪರಿಬ್ಬಾಜಿಕಾ ತಂ ಪರಿಬ್ಬಾಜಕಂ ಏತದವೋಚ – ‘‘ಗಚ್ಛ ತ್ವಂ, ಬ್ರಾಹ್ಮಣ, ತೇಲಂ ಆಹರ, ಯಂ ಮೇ ವಿಜಾತಾಯ ಭವಿಸ್ಸತೀ’’ತಿ। ದುತಿಯಮ್ಪಿ ಖೋ ಸೋ ಪರಿಬ್ಬಾಜಿಕೋ ತಂ ಪರಿಬ್ಬಾಜಿಕಂ ಏತದವೋಚ – ‘‘ಕುತೋ ಪನಾಹಂ, ಭೋತಿ, ತೇಲಂ ಆಹರಾಮೀ’’ತಿ? ತತಿಯಮ್ಪಿ ಖೋ ಸಾ ಪರಿಬ್ಬಾಜಿಕಾ ತಂ ಪರಿಬ್ಬಾಜಕಂ ಏತದವೋಚ – ‘‘ಗಚ್ಛ ತ್ವಂ, ಬ್ರಾಹ್ಮಣ, ತೇಲಂ ಆಹರ, ಯಂ ಮೇ ವಿಜಾತಾಯ ಭವಿಸ್ಸತೀ’’ತಿ।
Evaṃ vutte, so paribbājako taṃ paribbājikaṃ etadavoca – ‘‘kuto panāhaṃ, bhoti 2, telaṃ āharāmī’’ti? Dutiyampi kho sā paribbājikā taṃ paribbājakaṃ etadavoca – ‘‘gaccha tvaṃ, brāhmaṇa, telaṃ āhara, yaṃ me vijātāya bhavissatī’’ti. Dutiyampi kho so paribbājiko taṃ paribbājikaṃ etadavoca – ‘‘kuto panāhaṃ, bhoti, telaṃ āharāmī’’ti? Tatiyampi kho sā paribbājikā taṃ paribbājakaṃ etadavoca – ‘‘gaccha tvaṃ, brāhmaṇa, telaṃ āhara, yaṃ me vijātāya bhavissatī’’ti.
ತೇನ ಖೋ ಪನ ಸಮಯೇನ ರಞ್ಞೋ ಪಸೇನದಿಸ್ಸ ಕೋಸಲಸ್ಸ ಕೋಟ್ಠಾಗಾರೇ ಸಮಣಸ್ಸ ವಾ ಬ್ರಾಹ್ಮಣಸ್ಸ ವಾ ಸಪ್ಪಿಸ್ಸ ವಾ ತೇಲಸ್ಸ ವಾ ಯಾವದತ್ಥಂ ಪಾತುಂ ದೀಯತಿ 3, ನೋ ನೀಹರಿತುಂ।
Tena kho pana samayena rañño pasenadissa kosalassa koṭṭhāgāre samaṇassa vā brāhmaṇassa vā sappissa vā telassa vā yāvadatthaṃ pātuṃ dīyati 4, no nīharituṃ.
ಅಥ ಖೋ ತಸ್ಸ ಪರಿಬ್ಬಾಜಕಸ್ಸ ಏತದಹೋಸಿ – ‘‘ರಞ್ಞೋ ಖೋ ಪನ ಪಸೇನದಿಸ್ಸ ಕೋಸಲಸ್ಸ ಕೋಟ್ಠಾಗಾರೇ ಸಮಣಸ್ಸ ವಾ ಬ್ರಾಹ್ಮಣಸ್ಸ ವಾ ಸಪ್ಪಿಸ್ಸ ವಾ ತೇಲಸ್ಸ ವಾ ಯಾವದತ್ಥಂ ಪಾತುಂ ದೀಯತಿ, ನೋ ನೀಹರಿತುಂ। ಯಂನೂನಾಹಂ ರಞ್ಞೋ ಪಸೇನದಿಸ್ಸ ಕೋಸಲಸ್ಸ ಕೋಟ್ಠಾಗಾರಂ ಗನ್ತ್ವಾ ತೇಲಸ್ಸ ಯಾವದತ್ಥಂ ಪಿವಿತ್ವಾ ಘರಂ ಆಗನ್ತ್ವಾ ಉಚ್ಛದ್ದಿತ್ವಾನ 5 ದದೇಯ್ಯಂ, ಯಂ ಇಮಿಸ್ಸಾ ವಿಜಾತಾಯ ಭವಿಸ್ಸತೀ’’ತಿ।
Atha kho tassa paribbājakassa etadahosi – ‘‘rañño kho pana pasenadissa kosalassa koṭṭhāgāre samaṇassa vā brāhmaṇassa vā sappissa vā telassa vā yāvadatthaṃ pātuṃ dīyati, no nīharituṃ. Yaṃnūnāhaṃ rañño pasenadissa kosalassa koṭṭhāgāraṃ gantvā telassa yāvadatthaṃ pivitvā gharaṃ āgantvā ucchadditvāna 6 dadeyyaṃ, yaṃ imissā vijātāya bhavissatī’’ti.
ಅಥ ಖೋ ಸೋ ಪರಿಬ್ಬಾಜಕೋ ರಞ್ಞೋ ಪಸೇನದಿಸ್ಸ ಕೋಸಲಸ್ಸ ಕೋಟ್ಠಾಗಾರಂ ಗನ್ತ್ವಾ ತೇಲಸ್ಸ ಯಾವದತ್ಥಂ ಪಿವಿತ್ವಾ ಘರಂ ಆಗನ್ತ್ವಾ ನೇವ ಸಕ್ಕೋತಿ ಉದ್ಧಂ ಕಾತುಂ, ನ ಪನ ಅಧೋ। ಸೋ ದುಕ್ಖಾಹಿ ತಿಬ್ಬಾಹಿ 7 ಖರಾಹಿ ಕಟುಕಾಹಿ ವೇದನಾಹಿ ಫುಟ್ಠೋ ಆವಟ್ಟತಿ ಪರಿವಟ್ಟತಿ।
Atha kho so paribbājako rañño pasenadissa kosalassa koṭṭhāgāraṃ gantvā telassa yāvadatthaṃ pivitvā gharaṃ āgantvā neva sakkoti uddhaṃ kātuṃ, na pana adho. So dukkhāhi tibbāhi 8 kharāhi kaṭukāhi vedanāhi phuṭṭho āvaṭṭati parivaṭṭati.
ಅಥ ಖೋ ಭಗವಾ ಪುಬ್ಬಣ್ಹಸಮಯಂ ನಿವಾಸೇತ್ವಾ ಪತ್ತಚೀವರಮಾದಾಯ ಸಾವತ್ಥಿಂ ಪಿಣ್ಡಾಯ ಪಾವಿಸಿ। ಅದ್ದಸಾ ಖೋ ಭಗವಾ ತಂ ಪರಿಬ್ಬಾಜಕಂ ದುಕ್ಖಾಹಿ ತಿಬ್ಬಾಹಿ ಖರಾಹಿ ಕಟುಕಾಹಿ ವೇದನಾಹಿ ಫುಟ್ಠಂ ಆವಟ್ಟಮಾನಂ ಪರಿವಟ್ಟಮಾನಂ।
Atha kho bhagavā pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Addasā kho bhagavā taṃ paribbājakaṃ dukkhāhi tibbāhi kharāhi kaṭukāhi vedanāhi phuṭṭhaṃ āvaṭṭamānaṃ parivaṭṭamānaṃ.
ಅಥ ಖೋ ಭಗವಾ ಏತಮತ್ಥಂ ವಿದಿತ್ವಾ ತಾಯಂ ವೇಲಾಯಂ ಇಮಂ ಉದಾನಂ ಉದಾನೇಸಿ –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘ಸುಖಿನೋ ವತ ಯೇ ಅಕಿಞ್ಚನಾ,
‘‘Sukhino vata ye akiñcanā,
ವೇದಗುನೋ ಹಿ ಜನಾ ಅಕಿಞ್ಚನಾ।
Vedaguno hi janā akiñcanā;
ಸಕಿಞ್ಚನಂ ಪಸ್ಸ ವಿಹಞ್ಞಮಾನಂ,
Sakiñcanaṃ passa vihaññamānaṃ,
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಉದಾನ-ಅಟ್ಠಕಥಾ • Udāna-aṭṭhakathā / ೬. ಗಬ್ಭಿನೀಸುತ್ತವಣ್ಣನಾ • 6. Gabbhinīsuttavaṇṇanā
