| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
6. г̇аб̣бхинийсуд̇д̇аван̣н̣анаа
6. Gabbhinīsuttavaṇṇanā
16. чадтз ан̃н̃ад̇арасса бариб̣б̣ааж̇агассаад̇и згасса гудумб̣игасса бариб̣б̣ааж̇агасса. д̣̇ахараад̇и д̇арун̣ий. маан̣авигаад̇и б̣раахман̣ад̇хийд̇ааяа вохааро. баж̇аабад̇ийд̇и бхарияаа. г̇аб̣бхинийд̇и аабаннасад̇д̇аа. убавиж̇ан̃н̃аад̇и аж̇ж̇а сувзд̇и бажжубадтид̇авиж̇ааяанагаалаа ход̇ийд̇и самб̣анд̇хо. со гира б̣раахман̣аж̇аад̇иго сабхарияо ваад̣̇абад̇т̇ассамз тид̇о, д̇зна нам̣ сабаж̇аабад̇игам̣ бариб̣б̣ааж̇агавохаарзна самуд̣̇аажаранд̇и. бхарияаа банасса б̣раахман̣аж̇аад̇игад̇д̇аа б̣раахман̣аад̇и аалабад̇и. д̇зланд̇и д̇илад̇злам̣. д̇зласийсзна жзд̇т̇а яам̣ яам̣ виж̇аад̇ааяа басавад̣̇угкаббадигаарад̇т̇ам̣ ижчид̇аб̣б̣ам̣, д̇ам̣ саб̣б̣ам̣ саббилон̣аад̣̇им̣ аахараад̇и аан̣аабзд̇и. яам̣ мз виж̇аад̇ааяа бхависсад̇ийд̇и яам̣ д̇злаад̣̇и маяхам̣ виж̇аад̇ааяа б̣ахинигканд̇аг̇аб̣бхааяа убагаарааяа бхависсад̇и. ‘‘бариб̣б̣ааж̇игааяаа’’д̇иби баато. гуд̇од̇и гасмаа таанаа, яад̇о н̃аад̇игулаа ваа мид̇д̇агулаа ваа д̇злаад̣̇им̣ аахарзяяам̣, д̇ам̣ таанам̣ мз над̇т̇ийд̇и ад̇хиббааяо. д̇злам̣ аахараамийд̇и вад̇д̇амаанасамийбад̇ааяа вад̇д̇амаанам̣ гад̇ваа вуд̇д̇ам̣, д̇злам̣ аахариссаамийд̇и ад̇т̇о. саман̣асса ваа б̣раахман̣асса ваа саббисса ваа д̇зласса ваад̇и жа самужжаяад̇т̇о ваа-сад̣̇д̣̇о ‘‘аг̇г̇ид̇о ваа уд̣̇агад̇о ваа мит̇убхзд̣̇аа ваа’’д̇иаад̣̇ийсу (махаава. 286; д̣̇ий. ни. 2.152; уд̣̇аа. 76) вияа. саббисса ваа д̇зласса ваад̇и бажжад̇д̇з саамиважанам̣, сабби жа д̇злан̃жа яаавад̣̇ад̇т̇ам̣ баад̇ум̣ бивид̇ум̣ д̣̇ийяад̇ийд̇и ад̇т̇о. абарз бана ‘‘саббисса ваа д̇зласса ваад̇и аваяавасамб̣анд̇хз саамиважанам̣. саббид̇зласамуд̣̇ааяасса хи аваяаво ид̇ха яаавад̣̇ад̇т̇асад̣̇д̣̇зна вужжад̇ий’’д̇и вад̣̇анд̇и. но нийхарид̇унд̇и бхааж̇анзна ваа хад̇т̇зна ваа б̣ахи нзд̇ум̣ но д̣̇ийяад̇и, ужчад̣̇д̣̇ид̇ваанаад̇и вамид̇ваа, яам̣нууна д̣̇ад̣̇зяяанд̇и самб̣анд̇хо. звам̣ гирасса ахоси ‘‘ахам̣ ран̃н̃о годтааг̇аарам̣ г̇анд̇ваа д̇злам̣ ган̣тамад̇д̇ам̣ бивид̇ваа д̇аавад̣̇зва гхарам̣ ааг̇анд̇ваа згасмим̣ бхааж̇анз яат̇аабийд̇ам̣ вамид̇ваа уд̣̇д̇ханам̣ ааробзд̇ваа бажиссаами, яам̣ бид̇д̇асзмхаад̣̇имиссид̇ам̣, д̇ам̣ аг̇г̇инаа жхааяиссад̇и, д̇злам̣ бана г̇ахзд̇ваа имиссаа бариб̣б̣ааж̇игааяа гаммз убанзссаамий’’д̇и.
16. Chaṭṭhe aññatarassa paribbājakassāti ekassa kuṭumbikassa paribbājakassa. Daharāti taruṇī. Māṇavikāti brāhmaṇadhītāya vohāro. Pajāpatīti bhariyā. Gabbhinīti āpannasattā. Upavijaññāti ajja suveti paccupaṭṭhitavijāyanakālā hotīti sambandho. So kira brāhmaṇajātiko sabhariyo vādapatthassame ṭhito, tena naṃ sapajāpatikaṃ paribbājakavohārena samudācaranti. Bhariyā panassa brāhmaṇajātikattā brāhmaṇāti ālapati. Telanti tilatelaṃ. Telasīsena cettha yaṃ yaṃ vijātāya pasavadukkhappaṭikāratthaṃ icchitabbaṃ, taṃ sabbaṃ sappiloṇādiṃ āharāti āṇāpeti. Yaṃ me vijātāya bhavissatīti yaṃ telādi mayhaṃ vijātāya bahinikkhantagabbhāya upakārāya bhavissati. ‘‘Paribbājikāyā’’tipi pāṭho. Kutoti kasmā ṭhānā, yato ñātikulā vā mittakulā vā telādiṃ āhareyyaṃ, taṃ ṭhānaṃ me natthīti adhippāyo. Telaṃāharāmīti vattamānasamīpatāya vattamānaṃ katvā vuttaṃ, telaṃ āharissāmīti attho. Samaṇassa vā brāhmaṇassa vā sappissa vā telassa vāti ca samuccayattho vā-saddo ‘‘aggito vā udakato vā mithubhedā vā’’tiādīsu (mahāva. 286; dī. ni. 2.152; udā. 76) viya. Sappissa vā telassa vāti paccatte sāmivacanaṃ, sappi ca telañca yāvadatthaṃ pātuṃ pivituṃ dīyatīti attho. Apare pana ‘‘sappissa vā telassa vāti avayavasambandhe sāmivacanaṃ. Sappitelasamudāyassa hi avayavo idha yāvadatthasaddena vuccatī’’ti vadanti. No nīharitunti bhājanena vā hatthena vā bahi netuṃ no dīyati, ucchadditvānāti vamitvā, yaṃnūna dadeyyanti sambandho. Evaṃ kirassa ahosi ‘‘ahaṃ rañño koṭṭhāgāraṃ gantvā telaṃ kaṇṭhamattaṃ pivitvā tāvadeva gharaṃ āgantvā ekasmiṃ bhājane yathāpītaṃ vamitvā uddhanaṃ āropetvā pacissāmi, yaṃ pittasemhādimissitaṃ, taṃ agginā jhāyissati, telaṃ pana gahetvā imissā paribbājikāya kamme upanessāmī’’ti.
уд̣̇д̇хам̣ гаад̇унд̇и ваманавасзна уд̣̇д̇хам̣ нийхарид̇ум̣. на бана ад̇ход̇и вирин̃жанавасзна хздтаа нийхарид̇ум̣ на бана саггод̇и. со хи ‘‘ад̇хигам̣ бийд̇ам̣ саяамзва мукад̇о ниг̇г̇амиссад̇ий’’д̇и бивид̇ваа аасаяасса арид̇д̇ад̇ааяа аниг̇г̇ад̇з ваманавирзжанаяог̇ам̣ аж̇аананд̇о алабханд̇о ваа гзвалам̣ д̣̇угкаахи взд̣̇анаахи пудто ааваддад̇и жа бариваддад̇и жа. д̣̇угкаахийд̇и д̣̇угкамаахи. д̇иб̣б̣аахийд̇и б̣ахалаахи д̇икин̣аахи ваа. караахийд̇и гагкал̣аахи. гадугаахийд̇и ад̇ивияа анидтабхаавзна д̣̇аарун̣аахи. ааваддад̇ийд̇и згасмим̣язва таанз анибаж̇ж̇ид̇ваа ад̇д̇ано сарийрам̣ ид̇о жид̇о аагад̣дханд̇о ааваддад̇и. бариваддад̇ийд̇и згасмим̣ бад̣̇зсз нибанноби ан̇г̇абажжан̇г̇аани барид̇о кибанд̇о ваддад̇и, абхимукам̣ ваа вадданд̇о ааваддад̇и, саманд̇ад̇о вадданд̇о бариваддад̇и.
Uddhaṃ kātunti vamanavasena uddhaṃ nīharituṃ. Na pana adhoti viriñcanavasena heṭṭhā nīharituṃ na pana sakkoti. So hi ‘‘adhikaṃ pītaṃ sayameva mukhato niggamissatī’’ti pivitvā āsayassa arittatāya aniggate vamanavirecanayogaṃ ajānanto alabhanto vā kevalaṃ dukkhāhi vedanāhi phuṭṭho āvaṭṭati ca parivaṭṭati ca. Dukkhāhīti dukkhamāhi. Tibbāhīti bahalāhi tikhiṇāhi vā. Kharāhīti kakkhaḷāhi. Kaṭukāhīti ativiya aniṭṭhabhāvena dāruṇāhi. Āvaṭṭatīti ekasmiṃyeva ṭhāne anipajjitvā attano sarīraṃ ito cito ākaḍḍhanto āvaṭṭati. Parivaṭṭatīti ekasmiṃ padese nipannopi aṅgapaccaṅgāni parito khipanto vaṭṭati, abhimukhaṃ vā vaṭṭanto āvaṭṭati, samantato vaṭṭanto parivaṭṭati.
зд̇амад̇т̇ам̣ вид̣̇ид̇ваад̇и ‘‘сагин̃жанасса аббадисан̇каабарибхог̇ахзд̇угаа аяам̣ д̣̇угкуббад̇д̇и, агин̃жанасса бана саб̣б̣асо аяам̣ над̇т̇ий’’д̇и зд̇амад̇т̇ам̣ саб̣б̣аагаарад̇о ж̇аанид̇ваа д̇ад̣̇ад̇т̇аббагаасанам̣ имам̣ уд̣̇аанам̣ уд̣̇аанзси.
Etamatthaṃ viditvāti ‘‘sakiñcanassa appaṭisaṅkhāparibhogahetukā ayaṃ dukkhuppatti, akiñcanassa pana sabbaso ayaṃ natthī’’ti etamatthaṃ sabbākārato jānitvā tadatthappakāsanaṃ imaṃ udānaṃ udānesi.
д̇ад̇т̇а сукино вад̇аад̇и сукино вад̇а саббурисаа. гз бана д̇зд̇и? яз агин̃жанаа, яз рааг̇аад̣̇игин̃жанасса бариг̇г̇ахагин̃жанасса жа абхаавзна агин̃жанаа, гзсам̣ банид̣̇ам̣ гин̃жанам̣ над̇т̇ийд̇и ааха – ‘‘взд̣̇аг̇уно хи ж̇анаа агин̃жанаа’’д̇и, яз арияамаг̇г̇ан̃аан̣асан̇каад̇ам̣ взд̣̇ам̣ г̇ад̇аа ад̇хиг̇ад̇аа, д̇зна ваа взд̣̇зна ниб̣б̣аанам̣ г̇ад̇аад̇и взд̣̇аг̇уно, д̇з арияаж̇анаа кийн̣аасавабуг̇г̇алаа анавасзсарааг̇аад̣̇игин̃жанаанам̣ аг̇г̇амаг̇г̇зна самужчиннад̇д̇аа агин̃жанаа наама. асад̇и хи рааг̇аад̣̇игин̃жанз гуд̇о бариг̇г̇ахагин̃жанасса самбхаво. звам̣ г̇аат̇ааяа буримабхааг̇зна араханд̇з басам̣сид̇ваа абарабхааг̇зна анд̇хабут̇уж̇ж̇анз г̇араханд̇о ‘‘сагин̃жанам̣ бассаа’’д̇иаад̣̇имааха. д̇ам̣ буримасуд̇д̇з вуд̇д̇ад̇т̇амзва. звам̣ имааяаби г̇аат̇ааяа ваддавиваддам̣ гат̇ид̇ам̣.
Tattha sukhino vatāti sukhino vata sappurisā. Ke pana teti? Ye akiñcanā, ye rāgādikiñcanassa pariggahakiñcanassa ca abhāvena akiñcanā, kesaṃ panidaṃ kiñcanaṃ natthīti āha – ‘‘vedaguno hi janā akiñcanā’’ti, ye ariyamaggañāṇasaṅkhātaṃ vedaṃ gatā adhigatā, tena vā vedena nibbānaṃ gatāti vedaguno, te ariyajanā khīṇāsavapuggalā anavasesarāgādikiñcanānaṃ aggamaggena samucchinnattā akiñcanā nāma. Asati hi rāgādikiñcane kuto pariggahakiñcanassa sambhavo. Evaṃ gāthāya purimabhāgena arahante pasaṃsitvā aparabhāgena andhaputhujjane garahanto ‘‘sakiñcanaṃ passā’’tiādimāha. Taṃ purimasutte vuttatthameva. Evaṃ imāyapi gāthāya vaṭṭavivaṭṭaṃ kathitaṃ.
чадтасуд̇д̇аван̣н̣анаа нидтид̇аа.
Chaṭṭhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 6. г̇аб̣бхинийсуд̇д̇ам̣ • 6. Gabbhinīsuttaṃ
