| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
৭. গব্ভিনীৰগ্গো
7. Gabbhinīvaggo
২২৪. গব্ভিনিং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং । কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো গব্ভিনিং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
224. Gabbhiniṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ . Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo gabbhiniṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
পাযন্তিং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো পাযন্তিং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
Pāyantiṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo pāyantiṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
দ্ৰে ৰস্সানি ছসু ধম্মেসু অসিক্খিতসিক্খং সিক্খমানং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো দ্ৰে ৰস্সানি ছসু ধম্মেসু অসিক্খিতসিক্খং সিক্খমানং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
Dve vassāni chasu dhammesu asikkhitasikkhaṃ sikkhamānaṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo dve vassāni chasu dhammesu asikkhitasikkhaṃ sikkhamānaṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
দ্ৰে ৰস্সানি ছসু ধম্মেসু সিক্খিতসিক্খং সিক্খমানং সঙ্ঘেন অসম্মতং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো দ্ৰে ৰস্সানি ছসু ধম্মেসু সিক্খিতসিক্খং সিক্খমানং সঙ্ঘেন অসম্মতং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
Dve vassāni chasu dhammesu sikkhitasikkhaṃ sikkhamānaṃ saṅghena asammataṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo dve vassāni chasu dhammesu sikkhitasikkhaṃ sikkhamānaṃ saṅghena asammataṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ঊনদ্ৰাদসৰস্সং গিহিগতং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো ঊনদ্ৰাদসৰস্সং গিহিগতং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
Ūnadvādasavassaṃ gihigataṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo ūnadvādasavassaṃ gihigataṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
পরিপুণ্ণদ্ৰাদসৰস্সং গিহিগতং দ্ৰে ৰস্সানি ছসু ধম্মেসু অসিক্খিতসিক্খং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো পরিপুণ্ণদ্ৰাদসৰস্সং গিহিগতং দ্ৰে ৰস্সানি ছসু ধম্মেসু অসিক্খিতসিক্খং ৰুট্ঠাপেসুং , তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
Paripuṇṇadvādasavassaṃ gihigataṃ dve vassāni chasu dhammesu asikkhitasikkhaṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo paripuṇṇadvādasavassaṃ gihigataṃ dve vassāni chasu dhammesu asikkhitasikkhaṃ vuṭṭhāpesuṃ , tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
পরিপুণ্ণদ্ৰাদসৰস্সং গিহিগতং দ্ৰে ৰস্সানি ছসু ধম্মেসু সিক্খিতসিক্খং সঙ্ঘেন অসম্মতং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো পরিপুণ্ণদ্ৰাদসৰস্সং গিহিগতং দ্ৰে ৰস্সানি ছসু ধম্মেসু সিক্খিতসিক্খং সঙ্ঘেন অসম্মতং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
Paripuṇṇadvādasavassaṃ gihigataṃ dve vassāni chasu dhammesu sikkhitasikkhaṃ saṅghena asammataṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo paripuṇṇadvādasavassaṃ gihigataṃ dve vassāni chasu dhammesu sikkhitasikkhaṃ saṅghena asammataṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
সহজীৰিনিং ৰুট্ঠাপেত্ৰা দ্ৰে ৰস্সানি নেৰ অনুগ্গণ্হন্তিযা ন অনুগ্গণ্হাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী সহজীৰিনিং ৰুট্ঠাপেত্ৰা দ্ৰে ৰস্সানি নেৰ অনুগ্গহেসি ন অনুগ্গণ্হাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…।
Sahajīviniṃ vuṭṭhāpetvā dve vassāni neva anuggaṇhantiyā na anuggaṇhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī sahajīviniṃ vuṭṭhāpetvā dve vassāni neva anuggahesi na anuggaṇhāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
ৰুট্ঠাপিতং পৰত্তিনিং দ্ৰে ৰস্সানি নানুবন্ধন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো ৰুট্ঠাপিতং পৰত্তিনিং দ্ৰে ৰস্সানি নানুবন্ধিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপারাজিকে…পে॰…।
Vuṭṭhāpitaṃ pavattiniṃ dve vassāni nānubandhantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo vuṭṭhāpitaṃ pavattiniṃ dve vassāni nānubandhiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – paṭhamapārājike…pe….
সহজীৰিনিং ৰুট্ঠাপেত্ৰা নেৰ ৰূপকাসেন্তিযা ন ৰূপকাসাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী সহজীৰিনিং ৰুট্ঠাপেত্ৰা নেৰ ৰূপকাসেসি ন ৰূপকাসাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…।
Sahajīviniṃ vuṭṭhāpetvā neva vūpakāsentiyā na vūpakāsāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī sahajīviniṃ vuṭṭhāpetvā neva vūpakāsesi na vūpakāsāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
গব্ভিনিৰগ্গো সত্তমো।
Gabbhinivaggo sattamo.
