| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
7. ගබ්‌භිනීවග්‌ගො
7. Gabbhinīvaggo
224. ගබ්‌භිනිං වුට්‌ඨාපෙන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං . කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො ගබ්‌භිනිං වුට්‌ඨාපෙසුං, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං තීහි සමුට්‌ඨානෙහි සමුට්‌ඨාති…පෙ.….
224. Gabbhiniṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ . Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo gabbhiniṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
පායන්‌තිං වුට්‌ඨාපෙන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො පායන්‌තිං වුට්‌ඨාපෙසුං, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං තීහි සමුට්‌ඨානෙහි සමුට්‌ඨාති…පෙ.….
Pāyantiṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo pāyantiṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ද්‌වෙ වස්‌සානි ඡසු ධම්‌මෙසු අසික්‌ඛිතසික්‌ඛං සික්‌ඛමානං වුට්‌ඨාපෙන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො ද්‌වෙ වස්‌සානි ඡසු ධම්‌මෙසු අසික්‌ඛිතසික්‌ඛං සික්‌ඛමානං වුට්‌ඨාපෙසුං, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං තීහි සමුට්‌ඨානෙහි සමුට්‌ඨාති…පෙ.….
Dve vassāni chasu dhammesu asikkhitasikkhaṃ sikkhamānaṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo dve vassāni chasu dhammesu asikkhitasikkhaṃ sikkhamānaṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ද්‌වෙ වස්‌සානි ඡසු ධම්‌මෙසු සික්‌ඛිතසික්‌ඛං සික්‌ඛමානං සඞ්‌ඝෙන අසම්‌මතං වුට්‌ඨාපෙන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො ද්‌වෙ වස්‌සානි ඡසු ධම්‌මෙසු සික්‌ඛිතසික්‌ඛං සික්‌ඛමානං සඞ්‌ඝෙන අසම්‌මතං වුට්‌ඨාපෙසුං, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං තීහි සමුට්‌ඨානෙහි සමුට්‌ඨාති…පෙ.….
Dve vassāni chasu dhammesu sikkhitasikkhaṃ sikkhamānaṃ saṅghena asammataṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo dve vassāni chasu dhammesu sikkhitasikkhaṃ sikkhamānaṃ saṅghena asammataṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ඌනද්‌වාදසවස්‌සං ගිහිගතං වුට්‌ඨාපෙන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො ඌනද්‌වාදසවස්‌සං ගිහිගතං වුට්‌ඨාපෙසුං, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං තීහි සමුට්‌ඨානෙහි සමුට්‌ඨාති…පෙ.….
Ūnadvādasavassaṃ gihigataṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo ūnadvādasavassaṃ gihigataṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
පරිපුණ්‌ණද්‌වාදසවස්‌සං ගිහිගතං ද්‌වෙ වස්‌සානි ඡසු ධම්‌මෙසු අසික්‌ඛිතසික්‌ඛං වුට්‌ඨාපෙන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො පරිපුණ්‌ණද්‌වාදසවස්‌සං ගිහිගතං ද්‌වෙ වස්‌සානි ඡසු ධම්‌මෙසු අසික්‌ඛිතසික්‌ඛං වුට්‌ඨාපෙසුං , තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං තීහි සමුට්‌ඨානෙහි සමුට්‌ඨාති…පෙ.….
Paripuṇṇadvādasavassaṃ gihigataṃ dve vassāni chasu dhammesu asikkhitasikkhaṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo paripuṇṇadvādasavassaṃ gihigataṃ dve vassāni chasu dhammesu asikkhitasikkhaṃ vuṭṭhāpesuṃ , tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
පරිපුණ්‌ණද්‌වාදසවස්‌සං ගිහිගතං ද්‌වෙ වස්‌සානි ඡසු ධම්‌මෙසු සික්‌ඛිතසික්‌ඛං සඞ්‌ඝෙන අසම්‌මතං වුට්‌ඨාපෙන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො පරිපුණ්‌ණද්‌වාදසවස්‌සං ගිහිගතං ද්‌වෙ වස්‌සානි ඡසු ධම්‌මෙසු සික්‌ඛිතසික්‌ඛං සඞ්‌ඝෙන අසම්‌මතං වුට්‌ඨාපෙසුං, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං තීහි සමුට්‌ඨානෙහි සමුට්‌ඨාති…පෙ.….
Paripuṇṇadvādasavassaṃ gihigataṃ dve vassāni chasu dhammesu sikkhitasikkhaṃ saṅghena asammataṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo paripuṇṇadvādasavassaṃ gihigataṃ dve vassāni chasu dhammesu sikkhitasikkhaṃ saṅghena asammataṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
සහජීවිනිං වුට්‌ඨාපෙත්‌වා ද්‌වෙ වස්‌සානි නෙව අනුග්‌ගණ්‌හන්‌තියා න අනුග්‌ගණ්‌හාපෙන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? ථුල්‌ලනන්‌දං භික්‌ඛුනිං ආරබ්‌භ. කිස්‌මිං වත්‌ථුස්‌මින්‌ති? ථුල්‌ලනන්‌දා භික්‌ඛුනී සහජීවිනිං වුට්‌ඨාපෙත්‌වා ද්‌වෙ වස්‌සානි නෙව අනුග්‌ගහෙසි න අනුග්‌ගණ්‌හාපෙසි, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං එකෙන සමුට්‌ඨානෙන සමුට්‌ඨාති – ධුරනික්‌ඛෙපෙ…පෙ.….
Sahajīviniṃ vuṭṭhāpetvā dve vassāni neva anuggaṇhantiyā na anuggaṇhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī sahajīviniṃ vuṭṭhāpetvā dve vassāni neva anuggahesi na anuggaṇhāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
වුට්‌ඨාපිතං පවත්‌තිනිං ද්‌වෙ වස්‌සානි නානුබන්‌ධන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? සම්‌බහුලා භික්‌ඛුනියො ආරබ්‌භ. කිස්‌මිං වත්‌ථුස්‌මින්‌ති? සම්‌බහුලා භික්‌ඛුනියො වුට්‌ඨාපිතං පවත්‌තිනිං ද්‌වෙ වස්‌සානි නානුබන්‌ධිංසු, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං එකෙන සමුට්‌ඨානෙන සමුට්‌ඨාති – පඨමපාරාජිකෙ…පෙ.….
Vuṭṭhāpitaṃ pavattiniṃ dve vassāni nānubandhantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo vuṭṭhāpitaṃ pavattiniṃ dve vassāni nānubandhiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – paṭhamapārājike…pe….
සහජීවිනිං වුට්‌ඨාපෙත්‌වා නෙව වූපකාසෙන්‌තියා න වූපකාසාපෙන්‌තියා පාචිත්‌තියං කත්‌ථ පඤ්‌ඤත්‌තන්‌ති? සාවත්‌ථියං පඤ්‌ඤත්‌තං. කං ආරබ්‌භාති? ථුල්‌ලනන්‌දං භික්‌ඛුනිං ආරබ්‌භ. කිස්‌මිං වත්‌ථුස්‌මින්‌ති? ථුල්‌ලනන්‌දා භික්‌ඛුනී සහජීවිනිං වුට්‌ඨාපෙත්‌වා නෙව වූපකාසෙසි න වූපකාසාපෙසි, තස්‌මිං වත්‌ථුස්‌මිං. එකා පඤ්‌ඤත්‌ති. ඡන්‌නං ආපත්‌තිසමුට්‌ඨානානං එකෙන සමුට්‌ඨානෙන සමුට්‌ඨාති – ධුරනික්‌ඛෙපෙ…පෙ.….
Sahajīviniṃ vuṭṭhāpetvā neva vūpakāsentiyā na vūpakāsāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī sahajīviniṃ vuṭṭhāpetvā neva vūpakāsesi na vūpakāsāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
ගබ්‌භිනිවග්‌ගො සත්‌තමො.
Gabbhinivaggo sattamo.
