| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. г̇ад̣̇д̣̇улаб̣ад̣̇д̇хасуд̇д̇ам̣
7. Gaddulabaddhasuttaṃ
99. саавад̇т̇инид̣̇аанам̣. ‘‘анамад̇аг̇г̇ояам̣, бхигкавз, сам̣сааро. буб̣б̣аа годи на бан̃н̃ааяад̇и авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣. ход̇и со, бхигкавз, самаяо яам̣ махаасамуд̣̇д̣̇о уссуссад̇и висуссад̇и на бхавад̇и; на д̇взваахам̣, бхигкавз, авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣ д̣̇угкасса анд̇агирияам̣ вад̣̇аами. ход̇и со, бхигкавз, самаяо яам̣ синзру баб̣б̣ад̇арааж̇аа д̣аяхад̇и винассад̇и на бхавад̇и; на д̇взваахам̣, бхигкавз, авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣ д̣̇угкасса анд̇агирияам̣ вад̣̇аами. ход̇и со, бхигкавз, самаяо яам̣ махаабат̇авий д̣аяхад̇и винассад̇и на бхавад̇и; на д̇взваахам̣, бхигкавз, авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣ д̣̇угкасса анд̇агирияам̣ вад̣̇аами’’.
99. Sāvatthinidānaṃ. ‘‘Anamataggoyaṃ, bhikkhave, saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Hoti so, bhikkhave, samayo yaṃ mahāsamuddo ussussati visussati na bhavati; na tvevāhaṃ, bhikkhave, avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ dukkhassa antakiriyaṃ vadāmi. Hoti so, bhikkhave, samayo yaṃ sineru pabbatarājā ḍayhati vinassati na bhavati; na tvevāhaṃ, bhikkhave, avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ dukkhassa antakiriyaṃ vadāmi. Hoti so, bhikkhave, samayo yaṃ mahāpathavī ḍayhati vinassati na bhavati; na tvevāhaṃ, bhikkhave, avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ dukkhassa antakiriyaṃ vadāmi’’.
‘‘сзяяат̇ааби, бхигкавз, саа г̇ад̣̇д̣̇улаб̣ад̣̇д̇хо 1 д̣̇ал̣хз кийлз ваа т̇амбхз ваа убаниб̣ад̣̇д̇хо д̇амзва кийлам̣ ваа т̇амбхам̣ ваа анубарид̇хаавад̇и анубаривад̇д̇ад̇и; звамзва ко, бхигкавз, ассуд̇аваа бут̇уж̇ж̇ано арияаанам̣ ад̣̇ассаавий…бз… саббурисад̇хаммз авинийд̇о руубам̣ ад̇д̇ад̇о саманубассад̇и…бз… взд̣̇анам̣ ад̇д̇ад̇о саманубассад̇и… сан̃н̃ам̣ ад̇д̇ад̇о саманубассад̇и… сан̇каарз ад̇д̇ад̇о саманубассад̇и… вин̃н̃аан̣ам̣ ад̇д̇ад̇о саманубассад̇и, вин̃н̃аан̣аванд̇ам̣ ваа ад̇д̇аанам̣; ад̇д̇ани ваа вин̃н̃аан̣ам̣, вин̃н̃аан̣асмим̣ ваа ад̇д̇аанам̣. со руубан̃н̃зва анубарид̇хаавад̇и анубаривад̇д̇ад̇и, взд̣̇анан̃н̃зва…бз… сан̃н̃ан̃н̃зва… сан̇каарзязва… вин̃н̃аан̣ан̃н̃зва анубарид̇хаавад̇и анубаривад̇д̇ад̇и. со руубам̣ анубарид̇хаавам̣ анубаривад̇д̇ам̣, взд̣̇анам̣…бз… сан̃н̃ам̣… сан̇каарз… вин̃н̃аан̣ам̣ анубарид̇хаавам̣ анубаривад̇д̇ам̣, на баримужжад̇и руубамхаа, на баримужжад̇и взд̣̇анааяа, на баримужжад̇и сан̃н̃ааяа, на баримужжад̇и сан̇каарзхи, на баримужжад̇и вин̃н̃аан̣амхаа, на баримужжад̇и ж̇аад̇ияаа ж̇араамаран̣зна согзхи барид̣̇звзхи д̣̇угкзхи д̣̇оманассзхи убааяаасзхи. ‘на баримужжад̇и д̣̇угкасмаа’д̇и вад̣̇аами’’.
‘‘Seyyathāpi, bhikkhave, sā gaddulabaddho 2 daḷhe khīle vā thambhe vā upanibaddho tameva khīlaṃ vā thambhaṃ vā anuparidhāvati anuparivattati; evameva kho, bhikkhave, assutavā puthujjano ariyānaṃ adassāvī…pe… sappurisadhamme avinīto rūpaṃ attato samanupassati…pe… vedanaṃ attato samanupassati… saññaṃ attato samanupassati… saṅkhāre attato samanupassati… viññāṇaṃ attato samanupassati, viññāṇavantaṃ vā attānaṃ; attani vā viññāṇaṃ, viññāṇasmiṃ vā attānaṃ. So rūpaññeva anuparidhāvati anuparivattati, vedanaññeva…pe… saññaññeva… saṅkhāreyeva… viññāṇaññeva anuparidhāvati anuparivattati. So rūpaṃ anuparidhāvaṃ anuparivattaṃ, vedanaṃ…pe… saññaṃ… saṅkhāre… viññāṇaṃ anuparidhāvaṃ anuparivattaṃ, na parimuccati rūpamhā, na parimuccati vedanāya, na parimuccati saññāya, na parimuccati saṅkhārehi, na parimuccati viññāṇamhā, na parimuccati jātiyā jarāmaraṇena sokehi paridevehi dukkhehi domanassehi upāyāsehi. ‘Na parimuccati dukkhasmā’ti vadāmi’’.
‘‘суд̇аваа жа ко, бхигкавз, арияасааваго арияаанам̣ д̣̇ассаавий…бз… саббурисад̇хаммз сувинийд̇о, на руубам̣ ад̇д̇ад̇о саманубассад̇и…бз… на взд̣̇анам̣… на сан̃н̃ам̣… на сан̇каарз… на вин̃н̃аан̣ам̣ ад̇д̇ад̇о саманубассад̇и, на вин̃н̃аан̣аванд̇ам̣ ваа ад̇д̇аанам̣; на ад̇д̇ани ваа вин̃н̃аан̣ам̣, на вин̃н̃аан̣асмим̣ ваа ад̇д̇аанам̣. со руубам̣ наанубарид̇хаавад̇и наанубаривад̇д̇ад̇и, взд̣̇анам̣… сан̃н̃ам̣… сан̇каарз… вин̃н̃аан̣ам̣ наанубарид̇хаавад̇и наанубаривад̇д̇ад̇и. со руубам̣ ананубарид̇хаавам̣ ананубаривад̇д̇ам̣, взд̣̇анам̣… сан̃н̃ам̣… сан̇каарз… вин̃н̃аан̣ам̣ ананубарид̇хаавам̣ ананубаривад̇д̇ам̣; баримужжад̇и руубамхаа, баримужжад̇и взд̣̇анааяа, баримужжад̇и сан̃н̃ааяа, баримужжад̇и сан̇каарзхи, баримужжад̇и вин̃н̃аан̣амхаа, баримужжад̇и ж̇аад̇ияаа ж̇араамаран̣зна согзхи барид̣̇звзхи д̣̇угкзхи д̣̇оманассзхи убааяаасзхи. ‘баримужжад̇и д̣̇угкасмаа’д̇и вад̣̇аамий’’д̇и. сад̇д̇амам̣.
‘‘Sutavā ca kho, bhikkhave, ariyasāvako ariyānaṃ dassāvī…pe… sappurisadhamme suvinīto, na rūpaṃ attato samanupassati…pe… na vedanaṃ… na saññaṃ… na saṅkhāre… na viññāṇaṃ attato samanupassati, na viññāṇavantaṃ vā attānaṃ; na attani vā viññāṇaṃ, na viññāṇasmiṃ vā attānaṃ. So rūpaṃ nānuparidhāvati nānuparivattati, vedanaṃ… saññaṃ… saṅkhāre… viññāṇaṃ nānuparidhāvati nānuparivattati. So rūpaṃ ananuparidhāvaṃ ananuparivattaṃ, vedanaṃ… saññaṃ… saṅkhāre… viññāṇaṃ ananuparidhāvaṃ ananuparivattaṃ; parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi. ‘Parimuccati dukkhasmā’ti vadāmī’’ti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. г̇ад̣̇д̣̇улаб̣ад̣̇д̇хасуд̇д̇аван̣н̣анаа • 7. Gaddulabaddhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. г̇ад̣̇д̣̇улаб̣ад̣̇д̇хасуд̇д̇аван̣н̣анаа • 7. Gaddulabaddhasuttavaṇṇanā
