| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. க³த்³து³லப³த்³த⁴ஸுத்தவண்ணனா
7. Gaddulabaddhasuttavaṇṇanā
99. ஸத்தமே யங் மஹாஸமுத்³தோ³தி யஸ்மிங் ஸமயே பஞ்சமே ஸூரியே உட்டி²தே மஹாஸமுத்³தோ³ உஸ்ஸுஸ்ஸதி. து³க்க²ஸ்ஸ அந்தகிரியந்தி சத்தாரி ஸச்சானி அப்படிவிஜ்ஜி²த்வா அவிஜ்ஜாய நிவுதானங்யேவ ஸதங் வட்டது³க்க²ஸ்ஸ அந்தகிரியங் பரிச்சே²த³ங் ந வதா³மி. ஸா க³த்³து³லப³த்³தோ⁴தி க³த்³து³லேன ப³த்³த⁴ஸுனகோ². கீ²லேதி பத²வியங் ஆகோடிதே மஹாகீ²லே. த²ம்பே⁴தி நிக²ணித்வா ட²பிதே த²ம்பே⁴. ஏவமேவ கோ²தி எத்த² ஸுனகோ² விய வட்டனிஸ்ஸிதோ பா³லோ, க³த்³து³லோ விய தி³ட்டி², த²ம்போ⁴ விய ஸக்காயோ, க³த்³து³லரஜ்ஜுயா த²ம்பே⁴ உபனிப³த்³த⁴ஸுனக²ஸ்ஸ த²ம்பா⁴னுபரிவத்தனங் விய தி³ட்டி²தண்ஹாய ஸக்காயே ப³த்³த⁴ஸ்ஸ புது²ஜ்ஜனஸ்ஸ ஸக்காயானுபரிவத்தனங் வேதி³தப்³ப³ங். ஸத்தமங்.
99. Sattame yaṃ mahāsamuddoti yasmiṃ samaye pañcame sūriye uṭṭhite mahāsamuddo ussussati. Dukkhassa antakiriyanti cattāri saccāni appaṭivijjhitvā avijjāya nivutānaṃyeva sataṃ vaṭṭadukkhassa antakiriyaṃ paricchedaṃ na vadāmi. Sā gaddulabaddhoti gaddulena baddhasunakho. Khīleti pathaviyaṃ ākoṭite mahākhīle. Thambheti nikhaṇitvā ṭhapite thambhe. Evameva khoti ettha sunakho viya vaṭṭanissito bālo, gaddulo viya diṭṭhi, thambho viya sakkāyo, gaddularajjuyā thambhe upanibaddhasunakhassa thambhānuparivattanaṃ viya diṭṭhitaṇhāya sakkāye baddhassa puthujjanassa sakkāyānuparivattanaṃ veditabbaṃ. Sattamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. க³த்³து³லப³த்³த⁴ஸுத்தங் • 7. Gaddulabaddhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. க³த்³து³லப³த்³த⁴ஸுத்தவண்ணனா • 7. Gaddulabaddhasuttavaṇṇanā
