| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৭. গদ্দুলবদ্ধসুত্তৰণ্ণনা
7. Gaddulabaddhasuttavaṇṇanā
৯৯. সত্তমে যং মহাসমুদ্দোতি যস্মিং সমযে পঞ্চমে সূরিযে উট্ঠিতে মহাসমুদ্দো উস্সুস্সতি। দুক্খস্স অন্তকিরিযন্তি চত্তারি সচ্চানি অপ্পটিৰিজ্ঝিত্ৰা অৰিজ্জায নিৰুতানংযেৰ সতং ৰট্টদুক্খস্স অন্তকিরিযং পরিচ্ছেদং ন ৰদামি। সা গদ্দুলবদ্ধোতি গদ্দুলেন বদ্ধসুনখো। খীলেতি পথৰিযং আকোটিতে মহাখীলে। থম্ভেতি নিখণিত্ৰা ঠপিতে থম্ভে। এৰমেৰ খোতি এত্থ সুনখো ৰিয ৰট্টনিস্সিতো বালো, গদ্দুলো ৰিয দিট্ঠি, থম্ভো ৰিয সক্কাযো, গদ্দুলরজ্জুযা থম্ভে উপনিবদ্ধসুনখস্স থম্ভানুপরিৰত্তনং ৰিয দিট্ঠিতণ্হায সক্কাযে বদ্ধস্স পুথুজ্জনস্স সক্কাযানুপরিৰত্তনং ৰেদিতব্বং। সত্তমং।
99. Sattame yaṃ mahāsamuddoti yasmiṃ samaye pañcame sūriye uṭṭhite mahāsamuddo ussussati. Dukkhassa antakiriyanti cattāri saccāni appaṭivijjhitvā avijjāya nivutānaṃyeva sataṃ vaṭṭadukkhassa antakiriyaṃ paricchedaṃ na vadāmi. Sā gaddulabaddhoti gaddulena baddhasunakho. Khīleti pathaviyaṃ ākoṭite mahākhīle. Thambheti nikhaṇitvā ṭhapite thambhe. Evameva khoti ettha sunakho viya vaṭṭanissito bālo, gaddulo viya diṭṭhi, thambho viya sakkāyo, gaddularajjuyā thambhe upanibaddhasunakhassa thambhānuparivattanaṃ viya diṭṭhitaṇhāya sakkāye baddhassa puthujjanassa sakkāyānuparivattanaṃ veditabbaṃ. Sattamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. গদ্দুলবদ্ধসুত্তং • 7. Gaddulabaddhasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭. গদ্দুলবদ্ধসুত্তৰণ্ণনা • 7. Gaddulabaddhasuttavaṇṇanā
