| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
७. गद्दुलबद्धसुत्तवण्णना
7. Gaddulabaddhasuttavaṇṇanā
९९. सत्तमे यं महासमुद्दोति यस्मिं समये पञ्चमे सूरिये उट्ठिते महासमुद्दो उस्सुस्सति। दुक्खस्स अन्तकिरियन्ति चत्तारि सच्चानि अप्पटिविज्झित्वा अविज्जाय निवुतानंयेव सतं वट्टदुक्खस्स अन्तकिरियं परिच्छेदं न वदामि। सा गद्दुलबद्धोति गद्दुलेन बद्धसुनखो। खीलेति पथवियं आकोटिते महाखीले। थम्भेति निखणित्वा ठपिते थम्भे। एवमेव खोति एत्थ सुनखो विय वट्टनिस्सितो बालो, गद्दुलो विय दिट्ठि, थम्भो विय सक्कायो, गद्दुलरज्जुया थम्भे उपनिबद्धसुनखस्स थम्भानुपरिवत्तनं विय दिट्ठितण्हाय सक्काये बद्धस्स पुथुज्जनस्स सक्कायानुपरिवत्तनं वेदितब्बं। सत्तमं।
99. Sattame yaṃ mahāsamuddoti yasmiṃ samaye pañcame sūriye uṭṭhite mahāsamuddo ussussati. Dukkhassa antakiriyanti cattāri saccāni appaṭivijjhitvā avijjāya nivutānaṃyeva sataṃ vaṭṭadukkhassa antakiriyaṃ paricchedaṃ na vadāmi. Sā gaddulabaddhoti gaddulena baddhasunakho. Khīleti pathaviyaṃ ākoṭite mahākhīle. Thambheti nikhaṇitvā ṭhapite thambhe. Evameva khoti ettha sunakho viya vaṭṭanissito bālo, gaddulo viya diṭṭhi, thambho viya sakkāyo, gaddularajjuyā thambhe upanibaddhasunakhassa thambhānuparivattanaṃ viya diṭṭhitaṇhāya sakkāye baddhassa puthujjanassa sakkāyānuparivattanaṃ veditabbaṃ. Sattamaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ७. गद्दुलबद्धसुत्तं • 7. Gaddulabaddhasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ७. गद्दुलबद्धसुत्तवण्णना • 7. Gaddulabaddhasuttavaṇṇanā
