| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๗. คทฺทุลพทฺธสุตฺตวณฺณนา
7. Gaddulabaddhasuttavaṇṇanā
๙๙. สตฺตเม ยํ มหาสมุโทฺทติ ยสฺมิํ สมเย ปญฺจเม สูริเย อุฎฺฐิเต มหาสมุโทฺท อุสฺสุสฺสติฯ ทุกฺขสฺส อนฺตกิริยนฺติ จตฺตาริ สจฺจานิ อปฺปฎิวิชฺฌิตฺวา อวิชฺชาย นิวุตานํเยว สตํ วฎฺฎทุกฺขสฺส อนฺตกิริยํ ปริเจฺฉทํ น วทามิฯ สา คทฺทุลพโทฺธติ คทฺทุเลน พทฺธสุนโขฯ ขีเลติ ปถวิยํ อาโกฎิเต มหาขีเลฯ ถเมฺภติ นิขณิตฺวา ฐปิเต ถเมฺภฯ เอวเมว โขติ เอตฺถ สุนโข วิย วฎฺฎนิสฺสิโต พาโล, คทฺทุโล วิย ทิฎฺฐิ, ถโมฺภ วิย สกฺกาโย, คทฺทุลรชฺชุยา ถเมฺภ อุปนิพทฺธสุนขสฺส ถมฺภานุปริวตฺตนํ วิย ทิฎฺฐิตณฺหาย สกฺกาเย พทฺธสฺส ปุถุชฺชนสฺส สกฺกายานุปริวตฺตนํ เวทิตพฺพํฯ สตฺตมํฯ
99. Sattame yaṃ mahāsamuddoti yasmiṃ samaye pañcame sūriye uṭṭhite mahāsamuddo ussussati. Dukkhassa antakiriyanti cattāri saccāni appaṭivijjhitvā avijjāya nivutānaṃyeva sataṃ vaṭṭadukkhassa antakiriyaṃ paricchedaṃ na vadāmi. Sā gaddulabaddhoti gaddulena baddhasunakho. Khīleti pathaviyaṃ ākoṭite mahākhīle. Thambheti nikhaṇitvā ṭhapite thambhe. Evameva khoti ettha sunakho viya vaṭṭanissito bālo, gaddulo viya diṭṭhi, thambho viya sakkāyo, gaddularajjuyā thambhe upanibaddhasunakhassa thambhānuparivattanaṃ viya diṭṭhitaṇhāya sakkāye baddhassa puthujjanassa sakkāyānuparivattanaṃ veditabbaṃ. Sattamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. คทฺทุลพทฺธสุตฺตํ • 7. Gaddulabaddhasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗. คทฺทุลพทฺธสุตฺตวณฺณนา • 7. Gaddulabaddhasuttavaṇṇanā
